F336MW1KG13607_0336mdo sdeAll versions of this work

'phags pa phyogs bcu'i mun pa rnam par sel ba zhes bya ba theg pa chen po'i mdo

Āryadaśigaanadhākarabidhansananamamahāyanasutra

Text

ff. 131a–142a · 22 folio sides

  1. 131a

    'jig rten yi rang ste/ bcom ldan 'das kyis gsungs pa la mngon par bstod do// 'phags pa spyan ras gzigs shes bya ba theg pa chen po'i mdo rdzogs s+ho// / rgya gar gyi mkhan po 'dzi na mi tra dang / da na shi la dang / zhu chen gyi lo tsha ba ban d+he ye shes sdes sgyur cing zhus te/ skad bsar bcad kyis bcos nas gtan pa phab pa// rgya gar skad du/ ar+ya da shi ga an d+ha ka ra bI ng+ga na sa na na ma ma hA ya na su tra/ bod skad du/ 'phags pa phyogs bcu'i mun pa rnam par sel ba zhes bya ba theg pa chen po'i mdo// / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das shakya rnams kyi nang na// ser skya'i gnas shing n+ya gro de'i kun dag pa ra ba na/ dge slong nyis ngargya lnga bcu'i dge slong gi dge 'dun chen po dang / 'jam dpal la sogs pa'i byang chub sems dpa'i 'khor chen po dang thabs cig tu bzhugaso// de nas bcom ldan 'das snga dro'i dus kyi che/ sham thabs gsol lhung bzed dang chos gos bsnams nas/ dge slong gi dge 'dun gyi yongasu bskor cing / dge

  2. 131b

    mdund du spong gi dge 'dun gyi bdar nas// ser skye'i gnas grong khyer chen por bsod snyoms la gshegs so// de'i tshe na shAkya gzhon nu bzhin rab gsal zhes bya ba zhig bya ba 'ga' zhig gi phyir shing rta la zhon nas/ ser skye'i gnas kyi grong khyer chen po nas phyir byung ba dang / shAkya gzhon nu bzhin rang gsal gyis bcom ldan 'das thag ring po kho na nas gshegs pa mthong ngo // mthong nas kyang shing rta de las babs te/ bcom ldan 'das ga la ba der song ste phyin nas/ bcom ldan 'das ga la ba de logs su thal mo sbyar ba btud de// bcom ldan 'das kyi zhabs gnyis la mgo bos phyag 'tshal nas// bcom ldan 'das la lan gsum bskor ba byas te/ thal mo sbyar nas bcom ldan 'das kyi spyan sngar 'dug go// de nas bcom ldan 'das la shAkya gzhon nu bzhin rab gsal gyis 'di skad ces gsol to// bcom ldan 'das 'di na bdag cag gi ba ma gnyis gnyid log pa dang / ma log pa dag la mi ma lags pa dag rnam par 'che bar bgyid la/ bcom ldan 'das bdag kyang gang gi tshe/ ljongs kyi phyogs gzhan du mchi ba'i tshe/ bdag la yang chom rkun pa dag rnam par 'tshe zhing bgyid cing / gcan zan dag gis kyang rnam par 'che bar gyid lags so// de'i slad du/ bcom ldan 'das de bzhin gshegs pa dgra bcom

  3. 132a

    ba yang dag par rdzogs pa'i sangs rgyas kyis bdag la thug rtse ba'i slad du// ci nas kyang bdag la mi ma lags pa dang // drud 'gro'i skye gnas su gtogs pa 'ga' yang rnam par 'tshe bar mi bgyid pa de ltar bdag legs par bsrung bar mdzad du gsol// bsrung ba'i cho ga yang mdzad du gsol/ de skad ces gsol pa dang / bcom ldan 'das kyis shakya gzhon nu bzhin rab gsal la 'di skad ces bka' stsal to// gzhon nu de'i phyir legs par rab tu nyon la yid la zung shig dang / ngas khyod la bshad do// bcom ldan 'das de ltar 'tshal lo// zhes gsol nas/ shAkya gzhon nu bzhin rab gsal bcom ldan 'das la nyan pa dang // bcom ldan 'das kyis de la 'di skad ces bka' stsal to// gzhon nu shar phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na/ 'jig rten gyi khams nyon mongs pa thams cad bskyod zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rjes su skyong ba zhes bya ba da ltar bzhugs te 'tsho zhing bzhes so// gzhon na khyod gang gi tshe/ bya ba 'ba' zhig gi phyir shar phyogasu 'gro na/ de'i tshe khyod kyis de bzhin gshegs pa de la phyag 'tshal te/ dran par byas shing mdun

  4. 132b

    du byas te/ sems kyi rgyun gyis de mngon du byed cing song na khyod la 'jigs pa 'byung bar mi 'gyur ro// de'i tshe ma yeng bar yid la byas na khyod gang gi phyir 'gro ba'i bya ba de 'grub 'gyur ro// de nas bcom ldan kyis de'i tshe tshigs su bcad pa 'di bka' stsal to// / rdzogs pa'i sangs rgyas thung ba che// rje la rab tu phyag 'tshal te// rtag tu de ni mngon byed cing // 'gro na khyod la 'jigs mi 'byung / gzhon nu lhogs su sangs rgyas kyi zhing 'di nas sangs rgyas kyi zhing dgu khri 'das pa na/ 'jig rten gyi khams mun pa mun nag gi tshogs bcom pa zhes bya ba zhig yid de/ de na de bzhin gshegs pa dgra bcom ba yang dag par rdzogs pa'i sangs rgyas sems dang po skyed pa yid la mdzad pa rnam grangs snyengs pa dang bag tsha ba dang bral bas mngon par 'phags pa'i rgyal po zhes bya ba da lhar bzhugs te 'tsho zhing bzhes so// gzhon nu khyed gang gi tshe bya ba 'ga' zhig gi phyir lho phyogs su 'gro na/ de'i tshe khyod kyis de bzhin gshegs pa de la phyag 'tshal zhing dran par byas shing mdun du byas te/ sems kyis rgyun gyis de mngon du byed cing / khyim la sogs pa yid la byed pa dang bral ba zhig gig rnam par ma g.yengs pas yid la byed pa so song na/ khyod byang gang gi phyir 'gro ba'i bya ba de 'grub par 'gyur zhing / khyod la 'jig

  5. 133a

    ba gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// khyim gyi bsapa pa rnams dang / kun nas ldang ba kun bral zhing // lho phyogs su 'gro ba na/ khyed la 'jigs pa 'byung mi 'gyur/ gzhon nu nub phyogs logs su sangs rgyas kyi zhing 'di nas sangs rgyas kyi zhing gang ga'i klung gi bye ma snyed 'das pa na/ 'jig rten gyi khams yul phebs pa zhes bya ba cig yod de/ de na de bzhin gshegs pa dgra bcom pa yang dag pa'i sangs rgyas 'khon dang rgyags pa rnam par gnon pa zhes bya ba da ltar bzhugs te 'tsho zhing bzhes so// gzhon nu khyed gang gis che bya ba gang gi phyir nub phyogs su 'gro na/ de'i tshe khyod kyi de bzhin gshegs pa de la phyag 'tshal he dran par byas shing 'dun du byas nas sems kyi rgyun mngon du byed cing zag pa med pa rnam par ma g.yengs pa dang / dran pas song na khyod la 'jigs pa gang nas kyang mi 'byung bar 'gyur ro// de nas bcom ldan 'das kyis tshigs su bcad pa 'di bka' stsal to// chos 'ba' skye ba yod min/ 'ga' yang 'gag par mi 'gyur te// gang gi chos rnams de ltar shes// de la 'jigs pa ci yang med//

  6. 133b

    gzhon nu byang phyogs logs su sangs rgyas kyi zhing 'di nas sangs rgyas kyi zhing bye ba phrag spong 'das pa na/ 'jig rten gyi khams spobs pa can zhes bya ba zhig yod de/ de na de bzhin gshegs pa dag bcom pa yang dag par rdzogs pa'i sangs rgyas rin chen gzugs bkod 'od snang zhes bya ba da ltar bzhugs te 'tsho zhi ba zhes so// gzhon nu khyod gang gi tshe bya ba 'ga' zhig gi phyir byang phyogs su 'gro na/ de'i tshe khyod kyis de bzhin gshegs ba de la phyag 'tshal te dran par byas te/ sems kyi rgyun gyis de mngon du byed cing rnam par ma g.yengs pa'i yid la byed pas song na/ khyod bya ba gang gi phyir 'gro ba'i bya ba de 'grub par 'gyur zhing / khyod la 'jigs pa gang nas kyang 'byung bar mi 'gyur ro// de nas bcom ldan 'das kyis tshigs su bcad pa 'di bka' stsal pa/ rtag tu sems can thams cad la/ mnyam pa nyid kyi sems su byos// sems can la ma bskas dang / khyod la 'jigs pa 'byung mi 'gyur/ gzhon nu byang shar gyi phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na/ 'jig rten gyi khams bdud kyi sde bcom pa zhes bya ba zhig yod de/ de na de bzhin gshegs pa dgra bcom pa yang

  7. 134a

    dag par rdzogs pa'i sangs rgyas bdud yid gnyis kun 'joms rnam par gnon zhes bya ba dang ltar bzhugs te/ 'a zhing bzhes so// de bzhin gshegs pa de byang chub kyi shing drung du bzhugs pa tsam gyis stong gsum kyi stong chen po'i 'jig rten gyi khams na/ bdud kyi lha ji snyed yod pa de dag thams cad bla na med pa yang dag par rdzogs pa'i byang chub las phyir mi ldog par mdzad de// gzhon nu de na de bzhin gshegs ba de byang chub kyi shing drung du bzhugs pa'i skye bu'i rtsa la de lta bu byung ba 'ga' zhig gi phyir byang shar gyi phyogs su 'gro na de'i tshe khyed kyis de bzhin gshegs pa de la phyag 'tshal te de dran par byas shing mdun du byas te/ sems kyi rgyun gyis de mngon du byed cing rnam par ma g.yengs pas song na/ khyod bya ba gang gi phyir 'gro ba'i bya ba de 'grub par 'gyur zhing khyod la 'jig pa gang nas kyang 'byung bar mi 'gyur ro// de nas bcom ldan 'das kyis tshigs su bcad pa 'di bka' stsal to// gang gi dang po'i thugs kyi ni// 'dud dang rnams pam mdzad sangs rgyas de/ dran bzhin du ni khyod song na/ khyod la 'jig pa 'byung mi 'gyur/ gzhan nu shar lho'i phyogs logs su sangs rgyas kyi zhing 'di

  8. 134b

    nas sangs rgyas kyi zhing gi khri 'das pa na/ 'jig rten gyi khams rtag tu snang ba zhes bya ba zhig yod do// de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pas phyir mi ldog pa'i 'khor lo 'byung ba'i dpal zhes bya ba da ltar bzhugs de 'tsho zhing ba zhes so// gzhon nu de bzhin gshegs pa des dang po thugs bskyed pa nas bzungs te// sangs rgyas pa nyid kyi bar du/ bar chad med par sbyin pa byin/ tshul khrims bsrung / bzod pa kun tu sten/ brtson 'grus brtsams/ bsam gtan skrangs/ shes rab sprad de/ ga zhon nu de ni de bzhin gshegs pa de'i skye bu'i rtsa la de lta bu byung yin no// gzhon nu khyod gang gi tshe bya ba 'ga' zhig gi phyir lho'i phyogs su 'gro na/ de'i tshe khyod kyis de bzhin gshegs pa de la yan lag lngas phyag 'tshal te/ phyi khyim nas song shig dang khyod la phyis 'gyod pa 'am 'jigs pa gang nas kyang 'byung bar mi 'gyur ro// rnam par ma g.yengs pas yid la byed na khyod bya ba gang gi phyir 'gro ba'i bya ba de 'grub par 'gyur ro// de nas bcom ldan 'das kyis tshigs su bcang ba 'di bka' stsal to// yan lag lngas ni phyag 'tshal te/ byis ni khyim nas song shig dang /

  9. 135a

    chom kun rnams kyis khyod kun du// zil gyis mi non 'gro bar 'gyur/ gzhon nu lho nub kyi phyogs logs su sangs rgyas kyi zhing 'di nas sangs rgyas kyi zhing sum khri 'das pa na/ 'jig rten gyi khams gser gyi dra bas g.yogs pa zhes bya ba zhig yod de/ don de bzhin gshegs pa dgra bcom pa yang dag par rdzogs pa'i sangs rgyas rin chen gdugs 'phags snang zhes bya ba da ltar bzhugs te 'tsho zhing bzhes so// gzhon nu khyed gang gi tshe bya ba 'ga' zhig gi phyir lho nub kyi phyogs su 'gro na/ de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing rnam par ma g.yengs pas yid la byed pas song na/ khyod la 'jigs pa gang nas kyang 'byung bar mi 'gyur ro// khyod gang gi phyir 'gro ba'i bya ba 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// rdzogs sangs rgyas la phyag 'tshal nas/ me to ga sil ma gtor cig dang / khyod ni lho nub 'gro ba na// 'jigs pa 'byung bar mi 'gyur ro// gzhon nu byang legs su sangs

  10. 135b

    rgyas kyi zhing gang ga'i klung drug gi bye ma snyed 'das pa na/ 'jig rten gyi khams yongs dag rab gnas mngon par 'phags zhes bya ba zhig yod ded de na de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' 'dul ba zhes bya ba da ltar bzhugs he/ 'tsho zhing bzhes so// gzhon nu de bzhin gshegs pa de'i sangs rgyas kyi zhing ni mi gtsang ba med pa/ 'khrig pa med pa bud med med pa/ che ma med pa/ bseg ma dang / gyo mo med pa/ snyigs ma lnga med pa yin no// gzhon nu khyod gang gi tshe bya ba 'ga' zhig gi phyir nub byang gi phyogs su 'gro na/ tshangs par spyod pa yang dag par blangs nas phyis khyim nas rnam par ma g.yengs pa'i yid la byed pas song shig dang / gzhon nu khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro// de nas bcom ldan 'das kyis tshigs su bcad pa 'di bka' stsal to// tshangs spyod yang dag blangs byas te/ phyi nas khyim nas song shig dang / khyod ni gang dang gar 'gro yang / chom rkun rnams kyi zil mi non/ gzhon nu steng gi phyogs logs su/ sangs rgyas kyi zhing gA'i klung drug cil

  11. 136a

    bye ma snyed 'das pa na/ 'jig rten gyi khams dmigs pa yid la byed pa can zhes bya ba zhig yod de// de na de bzhin gshegs pa dgra bcom pa yang dag par rdzogs pa'i sad+yas skag med mun brel nying 'dzin mngon 'phags rgyal po zhes bya ba da lhar bzhug de/ 'tsho zhing bzhes so// gzhon nu khyod de bzhin gshegs pa de la phyag 'tshal zhing dran par byas nas mngon du byas te 'dug kyang rung / 'dreng yang rung / sems can thams cad byams pas khyad par byas shing gnas na khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// khyod kyis ma g.yengs yid byed kyis/ rtag tu rgyal ba de dran zhing / rtag tu byams pa'i sems byos dang / khyod la 'jig pa 'byung mi 'gyur// gzhon nu khyod 'og gi phyogs logs su sangs rgyas kyi zhing 'di nas sangs rgyas kyi zhing dgu khri nyis stong 'das pa na 'jig rten gyi khams yon tan thams cad kyis brgyan pa zhes bya ba zhig yod de// de na de bzhin gshegs pa dgra bcom pa yang dag par rdzogs pa'i sangs rgyas dang po sems bskyed the tsom bcod mdzad nyon mongs bskyod ces bya ba da ltar bzhugs/

  12. 136b

    he 'tsho zhing bzhes so// gzhon nu khyod de bzhin gshegs pa de la bya ba rtsom pa thams cad dang / 'greng yang rung / 'dug kyang rung 'chag kyang / rung ste/ spyod lam thams cad du phyag 'tshal zhing yid la byas shig/ sems can thams cad la byams pa'i sems dang / phan pa'i sems bsgrubs shig dang / gzhon nu khyod la 'jigs pa 'jigs pa 'byung bar mi 'gyur zhing dgos pa thams cad kyang 'dad mi dgos par 'grub bar 'gyuraro// de nas bcom ldan 'das kyis de'i tshe tshig su bcad pa 'di dag bka' stsal to// bya ba kun la nyin mtshan du/ sangs rgyas de ni dran bya zhing / byang chub sems kyang ma btang dang / khyod la 'jigs pa 'byung mi 'gyur/ gzhon nu khyod kyis de bzhin gshegs pa dgra bcom pa yang / dag par rdzogs pa'i sangs rgyas de dag gi mtshan legs par bzung bar gyis shig/ legs par bcang bar gyis shig/ legs par kun chub bar gyis shig/ 'jig pa dang bag tsha ba 'am/ spu zing zhes byed pa gang ci yang rung ba de dag thams cad khyod la 'byung bar mi 'gyur ro// de skad ces bka' stsal ba dang / bcom ldan 'das la shAkya gzhon nu bzhin rab gsal gyis 'di skad ces gsol to// bcom ldan 'das bdag

  13. 137a

    gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan rnams bzung lags te/ bcom ldan 'das bdag la 'jig rten gyi khams de dag mu ma mchis shing / bcom ldan 'das bdag cag gi 'jig rten gyi khams de dag dang / de bzhin gsheg pa dgra bcom pa yang dag par rdzogs pa'i sangs rgyas de dag kyang dper na/ de bzhin gshegs pa de ltar 'khor rnams la chos ston bzhin du mthong ngo // de nas 'khor de las shAkya gzhon nu bzhin rab gsal la sogs pa skye bo phal po che'i tshogs bcom ldan 'das la lta ba dang / phyag 'tshal ba dang / mchod pa dang / rim gro bye ba dang / chos kyi rnams grangs 'di mnyan pa'i phyir/ 'khor der 'dus par gyur pa'i srog chags stong tshar bar de dag thams cad bstan las langs te/ bla gos phrag pa cig tu gzar nas pus mo g.yas pa'i lha nga sa la btsugs te/ bcom ldan 'das ga la de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag gi don gyi slad du/ de bzhin gshegs pas chos kyi rnam grangs 'di bshad pas/ bcom

  14. 137b

    ldan 'das bdag cag la phyogs de dag dang / 'jig rten gyi khams de dag kyang mun pa ma mchis par gda' lags/ bcom ldan 'das 'jig rten gyi khams de dag kyang dper na/ da ltar de bzhin gshegs pa chos ston pa 'di bzhin du gda'o// de nas sangs rgyas kyi mthus/ tshe dang ldan pa sha ri'i bu stan las langs te/ bla gos phrag pa cig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo ga gang dag chos kyi rnam grangs 'di bshad pa na/ sangs rgyas bcom ldan 'das de dag gi mtshan rnams thos nas mig rnam par dag cing phyogs bcu dag na 'jig rten gyi khams gang dag mchis pa de dag dang / sangs rgyas bcom ldan 'das de dag mthong ba de dag gi mig rnam par dag pa'i bsod nams de dag/ bcom ldan 'das ci lags/ tshe rabs gzhan du che rabs 'phos pa na yang 'bral bar 'gyur ro// 'on te mi 'gyur/ bcom ldan 'das kyis bka' stsal ba/ sha ri'i bu byang chub sems dpa'i theg pa la yang dag zhugs pa'i rigs kyi bu'am rigs kyi bu mo gang dag 'di skar mig

  15. 138a

    rnam par dag pa de dag ni sgrub pa med pa'i tshul gyis shin tu rnam par dag pa nyid du 'gyur ro// sha ri'i bu khyod kyis srog chags stong tshang ba 'di mthong ngam/ sha ri'i bu 'di dag thams cad ni sangs rgyas rnams kyis mtshan bzung ba'i dge ba'i 'dis re res kyang 'khor los bsgyur ba'i rgyal srid gang ga'i klung gi bye ma snyed dag byed du bcug na srid pa tha ma dang / lus tha ma la byang chub kyi tshogs thams cad rdzogs par byas te/ bskal pa cig la de bzhin gshegs pa dgra bcom pa yang dag par rdzogs pa'i sangs rgyas spyan dag pas brgyan pa zhes bya bar mtshan 'thun par sha sbags bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// bcom ldan 'das kyis rigs kyi bu de rnams lung bstan pa bshad pa 'di bka' stsal ma thag tu sgong gsum gyi stong chen po'i 'jig rten gyi khams 'di rnam pa drug tu g.yos par 'gyur to// 'gul rab tu 'gul te/ g.yos rab tu g.yos/ kun tu rab tu g.yos/ 'ur 'ur rab tu 'ur 'ur/ kun tu rab tu 'ur 'ur/ ldeg rab tu ldeg/ kun tu rab tu ldeg chem che ma rab tu chem chem/ kun tu rab tu chem chem/ 'khrug rab tu 'khrugs/ kun tu rab tu 'khrugs so// sa bla'i lha rnams kyis

  16. 138b

    kyang skye ma grogs po dag 'di ltar rigs kyi bu 'di rnams kyis de bzhin gshegs pa'i mtshan bzung ba tsam bla na med pa yang dag par rdzogs pa'i byang chub yongs su bzung zhing / chos thams cad ji lta ba bzhin du mkhyen pas don thams cad thugs su chud pa'i de bzhin gshegs par 'gyur ba ni ngo mtshar che ste/ su zhig sangs rgyas la dad par mi 'gyur zhes sgra sgrags so// rgyal chen bzhi ris kyi lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi ris rnams dang / tshangs pa 'dun 'don rnams dang / tshangs pa chen po rnams nas/ 'ag min gyi lha rnams kyi bar gyis sa bla'i lha rnams kyi sgra de thos nas yid rangs shing rab tu dga' la/ dga' ba dang yid bde ba skyes nas tshig 'di skad ces kye ma grogs po dag 'di ltar rigs kyi bu 'di rnams kyis/ de bzhin gshegs ba'i mtshan bzung ba tsam gyis bla na med pa yang dag par rdzogs pa'i byang chub yongasu bzung zhing chos thams cad ji lta ba bzhin du mkhyen pas don thams cang thugs su rung ba'i de bzhin gshegs par 'gyur ba ni ngo mtshar che ste/ su zhig sangs rgyas la dad par mi 'gyur zhes smras/ de nas bcom

  17. 139a

    ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa'i theg pa la yang dag par zhugs pa'i rigs kyi bu 'am rigs kyi bu mo gang la la zhig chos kyi rnam grangs 'di thos nas 'dzin par byed/ 'chang bar byed// klog par byed/ gzhan dag la rgya chen yang dag par ston par byed pa dang / tha ra glegs bam la bris te 'chang bar byed na/ rigs kyi bu 'am/ rigs kyi bu mo de dag sangs rgyas kyi byin gyis brlabs pa dang / sngon gyi rgyal ba la lhag par bya ba dang yin par rigs par bya'o// de dag la 'chi ba'i 'jigs pa mi 'byung bar rig par bya'o// de dag shis ngan du 'chi bar mi 'gyur ro// de dag pha rol gyi gnod pas 'chi bar mi 'gyur ro// de dag la chu dang chom rkun dang / dug dang / mtshon gyi 'jig pa mi 'byung bar yid ches par bya'o// de nas lha'i dbang po brgya byin gyis byang chub sems dpa' sems dpa' chen po rnams kyi bsrung ba lung bstan pa 'di lta bu 'di shes nas/ chos kyi rnam grangs 'di bzung ba'i phyir lha'i bu spong chang bas yongs su bskor cing mdun du 'dar nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/

  18. 139b

    bcom ldan 'das la len gsum bskor ba byas nas/ bcom ldan 'das dang srog chags stong tshar ba gang / bcom ldan 'das ma 'ongs pa'i dus na/ bla na med pa yang dag par rdzogs pa'i byang chubu lung bstan pa de dag la lha'i tsan dan gyi phye ma dang / lha'i me tog man da ra ba dang / man da ra ba chen po rnams kyis mngon par gtor nas thal mo sbyar te phyogs cig tu 'dug nas/ 'di skad ces gsol to// bcom ldan 'das bdag gis rigs kyi bu 'am rigs kyi bu mo gang chos kyi rnam grangs 'di 'di 'dzin par bgyid pa dang / 'chang bar bgyid pa dang / klog par bgyid pa dang / kun chub par bgyid pa de dag bsung bar bgyi'o// bcom ldan 'das rigs kyi bu'am rigs kyi bu mo de dag khyim na mchis sam/ dgon pa ma mchis sam/ shing drang na mchis sam/ khong stong pa na mchis sam/ 'brog dgon pa na mchis sam/ lam dang lam gol ba na mchis sam/ gnyid log gam/ gnyid ma log pa dag na yang de dag la bol gyi gnod pas mgum par 'gyur bar bdag gis bar bgyi'o// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo daltar de bzhin gshegs pa dgra bcom pa yang dag par

  19. 140a

    rdzogs pa'i sangs rgyas bzhugs te 'tsho zhing bzhes pa la rigs kyi bu'am rigs kyi bu mo gang zhig gis ni// ji srid mtsho'i bar du chos gos dang / bsod snyoms dang / gnas mal dang / snyun gyi rkyen dang / sman gyi yo byad rnams kyis bsnyen bkur byed na/ kun dga' bo de tsam gyis ni/ de bzhin gshegs pa la bkur sti byas par mi 'gyur/ bla mar byas par mi 'gyur/ ri mor byas par mi 'gyur/ mchod pa byas par mi 'gyur/ byang chub sems dpa'i theg pa la yang dag par zhugs pa'i rigs kyi bu'am rigs kyi bu mo gang zhig chos kyi rnam grangs 'di thos nas 'dzin par byed dam/ 'chang bar byed dam/ klog par byed dam/ kun chub par byed dam/ gzhan dag la yang rgya cher yang dag par rab tu ston tam/ tha na glegs bam la bris te 'chang na/ kun dga' bo de tsam gyis ni de bzhin gshegs pa la bkur sti dam pa dang / bla mar bya ba dam pa dang / ri mo dam pa dang / mchod pa dam pas bkur sti byas pa yin/ bla mar byas pa yin/ ri mor byas pa yin/ mchod pa byas pa yin no// de nas tshe dang ldan pa kun dga' bo bstan las langs te/ bla gos zag pa cig tu gzar nas/ pus me g.yas pa'i

  20. 140b

    lha nga sa la gcugs te/ bcom ldan 'das ga la ba der logasu thal mo sbyar ba btud nas/ bcom ldan 'das la 'di skad ces gsol to// bcom ldan// 'das chos kyi rnams grangs 'di mi ci lags/ ji ltar bzungs par bgyi/ de skad ces gsol ba dang / bcom ldan 'das kyis che dang ldan pa kun dga' bo la de skad ces bka' stsal to// kun dga' bo de'i phyir khyod kyis chos kyi rnam grangs 'di phyogs bcu'i mun pa rnam par sel ba zhes bya bar zung shig de bzhin gshegs pa'i mtshan yang dag par brjod pa zhes bya ba dang / dngos po med par rtogs pa zhes bya ba dang / mtshan nyid med par rtogs pa zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / tshe dang ldan pa sha ra'i bu dang / sha kya gzhon nu rabrA gas la dang / srog cha gas sdong tshang ba de dag dang / lba'i dbang po brgya byin dang / dge slong de dag dang / byang chub sems dpa' de dag dang / lha dang mi dang / lha ma yin dang / dri zar bcas pa'i 'jig rten yid rang ste/ bcom ldan 'das kyis gsungs ba la mngon par bstod do// 'phags pa phyogs bcu'i mun pa rnam par sel ba zhes bya ba theg pa chen po'i mdo rdzogs s+ho//

  21. 141a

    rgya gar gyi mkhan po bi shu d+ha sing ha dang / lots+tsha ba ban de cang de da ra dra rak+Shi tas sbyar/ zhu chen gyi lo rtsub ban dwe klu'i rgyal mtshan gyis skad gsar gcad kyis bcos te gtan la bab pa// 141'a1(mdo sde): dam pa'i chos kyi rgyal po zhes bya ba theg pa chen po'i mdo bzhugs so// 141'b1(mdo sde): / rgya gar skad du/ sa da d+harmar dza ma hA ya na su tra// dod ska du/ dam pa'i chos kyi rgyal po theg pa 141'b2(mdo sde): chen pa chen po'i mdo// de'i tshen sangs rgyas shing sa la gnyis kyi bar na bzhugs te/ mya ngan las 'das par gshegs kar/ sems can 141'b3(mdo sde): thams cad brgyad stong khri 'bum pha la mang po kun shing gi drung na/ sangs rgyas 'khor bar bskor te/ 'khor nas mig ni yang bcom ldan 'das 141'b4(mdo sde): kyi zhal du blta ste/ cung zad kyang mi bzhengs/ de nas yang dag par gshegs pas/ 'phrul gyi slob kyis 'od chen po btang nas/ nam 141'b5(mdo sde): mkha'i khams thams cad khyad par snang ste/ 'od de'i nang nas chom kun mngon par bstan nas// de'i tshe mang po'i nang na byang chub sems 141'b6(mdo sde): dpa'i ming nam mkha' mdzod ces bya ba zhig yod pa/ stan las langs te/ sangs rgyas la lan gsum bskor nas/ slar ngos cig 141'b7(mdo sde): tu 'dug ste/ lu sa smad lnga sa la btugs dus te mchis ma blags nas/ sangs rgyas la gsol ba/ lha'i btsun pa yang dag par 141'b8(mdo sde): gshegs pas/ mya ngan las 'das par gshegs pa'i dus kyang nye/ gshegs su nye/ gshegs kyi slad na/ rnyog pa rnam pa lnga'i sems

  22. 142a

    can las ngan pa mang po'i bgyid cing / ngan pa bcu dag spyod pa 'di lta bu'i sems can legs pa'i dpal gyi stobs snang ba la sangs rgyas kyi chos shin tu zab cing / dam pa'i chos kyi yi ge sde bcu gnyis bshad pa/ yi ge'i 'bru ni mang / gzhung ni rgya chengs/ khong du chud cing 'tshal bar bgyi ba'ang dka'/ chos 'di kun blta zhing rjes kyang mi chod na/ sangs rgyas kyi byams shing thugs rjes gzigs te/ theg pa chen po'i chos yang dag pa'i bden pa/ bye brag phye bar bshad de/ sems can rnams yang dag pa'i bzang po thob par bgyis te/ nad gdug go cog sos par bgyid smon to// sangs rgyas kyis byang chub sems dpa' na mkha' mdzod la bka' stsal pa/ shin tu dge'o// rigs kyi bu khyod kyis sems can gyi phyir/ 'di lta bu'i don chen po 'dri nus pa/ bsod nams chen po thob ste/ bsam gyis mi khyad bo// ngas khyod la yang dag pa'i bden pa/ theg pa chen po'i chos bye brag phyed pa/ mi 'gyur ba'i bzhungs rdzogs par bshad do// ci'i phyir zhes byas na/ sems can rgya cher thar par bya ba'i phyir ro// sems can rnams mya ngan dang bral bar bya ba'i phyir ro// sems can dmyal/

Colophon

'phags pa phyogs bcu'i mun pa rnam par sel ba zhes bya ba theg pa chen po'i mdo rdzogs s+ho// //rgya gar gyi mkhan po bi sha d+ha sin ha dang/ lots+tsha ba ban de tsing de bar dra rak+Shi tas sgyur/ /zhu chen gyi lo ts+tsha ba ban d+he klu'i rgyal mtshan gyis skad gsar gcad gyis bcos te gtan la phab pa/