ye shes mar me'i rgyud
Text
ff. 390b–398a · 16 folio sides
- 390b
pa tshig gsum pa/ sangs rgyas lag phrad du gtad pa rdzogs so// // sngags kyi srungasems bka'i byar gyi sa la srungs shig/ nag mo khros ma ma hA kA la/ rdo rje legs pa/ mkha' 'gro sde bzhi la gtang ngo // srungs shig/ dam med lag tu sho ra ra re/ thub par srub shig/ las 'phro can la byin cig gter srungs shin tu gnyan no// gter rgyas btab bo// kha tha ma/ rgya rgya rgya rgya rgya rgya rgya kha tha/ gu h+ya/ IM/ lce btsun seng ge dbang phyug gis ma chad pa stag can du sbas/ lce sgom nag pos thon pa'o// / rgya gar skang du/ dz+nyA na ka lA ta na tra nA ma/ bod skad du/ ye shes mar me'i rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad bdag gis bsten pa'i dus gcig na/ ma bres pa'i dkyil 'khor rang bzhin gyis 'od gsal ba na/ srog med pa'i sku/ sangs rgyas 'od mi 'gyur pa chen po/ longs spyod rdzogs pa'i sku dang / chos kyi skra zang thal chen po'i dgongs pa la bzhugs so// 'di skad padag gis thos pa'i dus gcig na/ rnam dag stug po bkod pa'o zhing khams/ 'phags pa nam mkha' mdzod ces bya ba shin
- 391a
tu kyi phung ba/ mtshan rdzogs rdo rje 'chang gi 'khor gyis bskor nas/ ye shes kyi dkyil 'khor 'od gsal ba la bzhugs so// de'i tshe gsang ba'i bdag pos 'di skad ces zhus so// kye bcom ldan 'das yang dag par rdzogs pa'i sangs rgyas bya ba ji tsam cig la zer ba yin// zhes zhus so// de nas bcom ldan 'das kyis bka' stsal pa/ kye gsang ba'i bdag po khyed nyan cig/ rang gi snying gi dkyil nA yang dog par rdzogs pa'i sangs rgyas rig pa ma 'gags pa chos kyi sku lhu na grub ye shes kyi kha mig can du bzhugs so// shes rab la gsal ba longs spyod rdzogs pa'i sku/ shes rab kyi kha mig can du bzhugs so// gdul bya la snang ba thugs rje 'byung ba sprul pa'i sku/ 'od kyi kha mig can du bzhugs so// yang sprul zer gyi kha mig can du bzhugs so// de'i tshe gsang ba'i bdag pos 'di skad ces zhus so// kye bcom ldan 'das/ rang gi snying gi dkyil na chos kyi sku lhun grub ye shes kyi kha mig can du ji ltar bzhugs/ zhes zhus so// de nas bcom ldan 'das kyis bka' stsal pa gsang ba'i bdag po/ rang gi snying gid kyi lam chos su mtshan mar ma grub pas stong par bzhugs so// rig pa ma 'gags pas gsal bar bzhugs so// sgrib pa med pas
- 391b
zang thal du bzhugs so// lhun gyis grub pas 'char gzhi ma 'gags par bzhugs so// zhes bka' stsal to// de nas yang gsang ba'i bdag pos 'di skad ces zhus so// kye bcom ldan 'das/ rang gi snying gi dkyil na chos sku mtshan mar ma grub pa stong par ji ltar bzhugs/ zhes zhus so// bcom ldan 'das kyis bka' stsal pa gsang ba'i bdag po/ chos su mtshan mar ma grub pas stong par bzhugs pa ni/ rang gi shes rig gi ngo bo sang nge ba 'di dngos po dang kha dog gar yang ma grub pas/ stong sang de 'dug pa 'di yin no// kye gsang ba'i bdag po/ gdos bcas sha khrag gi lus kyis stong ngo // 'gyu byed yid kyi lus kyis stong ngo // dmigs pa rnam par dag pa'i ting nge 'dzin gyi lus kyis stong ngo // mtshan ma 'od kyi lus kyis stong / gcod byed shes rab kyi lus kyis stong pas/ mtshan mar ma grub pas stong ngo // kye gsang ba'i bdag po/ gdos bcas sha khrag gi lus dang gcig/ 'gyu byed yid kyi lus dang gnyis/ dmigs pa rnam par dag pa ting nge 'dzin gyi lus dang gsum/ mtshan ma 'od kyi lus dang bzhi po de med pas stong par song / gcod byed shes rab kyi lus med pas stong par song ngo // zhes bka' stsal to// de nas yang gsang ba'i bdag pos 'di
- 392a
skad ces zhus so// kye bcom ldan 'das/ rang gi snying gi dkyi lan sangs rgyas rig pa ma 'gags par gsal ba ji ltar lags/ zhes zhus so// bcom ldan 'das kyis bka' stsal pa/ gsang ba'i bdag po rang gi snying gi dkyil na/ chos sku rig pa ma 'gags par gsal bar bzhugs pa ni/ rig pa rang gi ngo bo wa la le gsal ba 'di yin no// kye gsang ba'i bdag po/ rang gi rig pa skye shi med pa sa/ dus gsum mnyam pa nyid du gsal lo// sangs rgyas kyi sku la mdun rgyab med pas/ ye shes zang thal du gsal lo// ye shes kyi rang gdangs la phyi nang med pas/ yul dang yul can gnyis med du gsal lo// mkhyen pa la phyogs ris med pas/ ye shes kyi spyan la chos thams cad kyi dgongs pa nyag gcig tu gsal lo/ zhes bka' stsal to// de nas yang gsang ba'i bdag pos 'di skad ces zhus so// kye bcom ldan 'das rang gi snying gi dkyil na sangs rgyas kyi sgrib pa med par ji ltar bzhugs/ zang thal du ji ltar bzhugs zhes zhus so// bcom ldan 'das kyis bka' stsal pa/ gsang ba'i bdag po/ sangs rgyas chos kyi sku rton pa rang gi lus la brtan nas yod do// bzhugs pa rang gi/
- 392b
snying gi dkyilan bzhugs so// gsal ba rang gi mig na phar gsal lo// sangs rgyas rang gi snying gi nang na bzhugs pas/ sha khrag gi lus kyis gtums kyang ma 'thums par/ rang gi mig na phar mthong ba ma 'gags par gsal ba'o// zang thal la gsal ba 'di ka sangs rgyas ye shes kyi sku zang thal yin no// kye gsang ba'i bdag po// dus snga phyis ma ba sgribs pas dus gsum du zang tha la du bzhugs so// rang gi r-ig pa skye ba chi med pa'i don yin no// mtshan ma 'i lus lngas ma bsgribs pas zang thal du bzhugs so// sangs rgyas kyi sku la mdun rgyab med pa'i yon tan yin no// las dge sdig gi bag chags kyis ma bsgribs pas zang thal du bzhugs so// ye shes kyi gdangs la phyi nang med pas yul dang shes pa gnyis su med pa'i yon tan no// mun snang ga rkyen gyis ma bsgribs pas zang thal du bzhugs/ ye shes kyi spyan la gsal 'gri ba med pa'i yon tan yin no// zhes bka' stsal to// kye bcom ldan 'das lhun gyis grub pas/ thams cad du 'char gzhi ji ltar ma 'gags zhes zhus so// de nas bcom ldan 'das kyis bka' stsal pa/ kye gsang ba'i bdag po/ lhun gyis grub pa ni rang gi snying gi dkyilan rang gi rig pa 'od kyi phung por
- 393a
bzhugs pa yin no// thams cad du 'char gzhi ma 'gags pa ni/ rang gi rig pa mig na phar song bas/ gzugs mthong ba ma 'gags par shar ro// rang gi mig gi mthong ba ma 'gags gsal ba de ka chos kyi sku'i ye shes yin no// rna bar sgra thos mkhan gyi rig pa de yang chos kyi sku'i ye shes yin no// lces ro myong ba'i mkhan po de yang rang gi chos kyi sku'i ye shes yin no// rang gi rig pa snun par song bas dri ma 'gags par myong ngo // dri tshor mkhan gyi rig pa de rang chos kyi sku yin no// rang gi rig pa mar la song bas pho mo'i dbang po sprad pas bde ba ma 'gags par shar ro// bde ba myong mkhan gyi rig pa de sangs rgyas chos kyi sku yin no// de ngo shes par gyis shig/ ces bka' stsal to// de nas yang gsang ba'i bdag pos 'di skad ces zhus so// kye bcom ldan 'das shes rab la gsal ba longs spyod rdzogs pa'i sku/ shes rab kyi kha mig can gsung du gsol/ zhes zhus so// de nas bcom ldan 'das kyis bkakha stsal pa/ gsang ba'i bdag poshes rab kyi skur gsal ba longs spyod rdzogs pa'i sku/ ngo bo chos nyid stong pa nyid ye shes kyi skur gsal bas/ sku dang ye shes rgyun ma chad do// kye rdo rje
- 393b
'dzin pa/ shes rab kyi sku la mtshan ma'i gzugs med pas// sku dang ye shes tha dad du 'dzin pa'i rtog pa las grol te/ ngo bo nyid chos kyi skur gsal// shes rab rang gsal gyi sku la yul snang gzhan med pas/ rgyu rkyen gyis bskyed pa'i shes rab med de/ rang byung gi ye shes su gsal/ ye shes kyi rlung lnga shes rab kyi ltar byung bas/ shes rab kyi sku'i zer gdangs sku dang ye shes su shor bas/ shes rab kyi sku de sku lnga'i bdag po gsal lo/ zhes bka' stsal to// de nas yang gsang ba'i bdag pos 'di skad ces zhus so// kye bcom ldan 'das gdul bya la snang ba thugs rje sprul pa'i sku 'od kyi kha mig can gsung du gsol/ zhes zhus so// de nas yang bcom ldan 'das kyis bka' stsal pa// kye gsang ba'i bdag po/ de'i yon tan rnam par snang mdzad du smin no// rang gi rig pa'i ngo bo stong par 'dug pa 'di chos kyi dbyings kyi ye shes yin no// de'i gdang sa 'od mthing khar shar ro// rang gi rig pa ma 'gags par gsal ba 'di me long lta bu'i ye shes yin no// de'i gdangs 'od dkar por shar ro// de ngo shes pas sangs rgyas rdo rje sems dpa'i skur sangs rgya'o// rang gi rig pa gsal stong dbyer med 'di mnyam pa
- 394a
nyid kyi ye shes yin no// de'i gdang sa 'od ser por shar ro// de ngo shes pas rin chen 'byung ldan du sangs rgya'o// rang gi rig pa de shes rab kyi rtsa la ma 'gags pa'i ngos nas/ so sor rtog pa'i ye shes yin no// de'i ga dang sa 'od dmar por shar ro// de ngo shes pas snang ba mtha' yas su sangs rgya'o// rang gi rig pa 'di thogs ma med pa'i ngos nas bya ba grub pa'i ye shes yin no// de'i gdangs 'od ljang khur shar ro// de ngo shes pas don yod grub par sangs rgya'o// kye rdo rje 'dzin pa khyod nyon cig/ ye shes lnga po 'di ga zhi gnas pa'i ye shes zhes bya'o// 'od lnga ni mtshan nyid 'dzin pa'i 'od ces bya'o// sku lnga ni sprul pa'i sku 'od kyi kha mig can yin no// zhes bka' stsal to// de nas yang gsang ba'i bdag pos 'di skad ces zhus so// kye bcom ldan 'das sprul pa'i sku 'od kyi kha mig can de ltar lags na/ yang sprul zer gyi kha mig can gsung du gsol/ zhes zhus so// de nas bcom ldan 'das kyis ba ka' stsal pa/ gsang ba'i bdag po/ longs sku ya ba yum sbyor bar mdzad pa'i zhal gyi bar nas/ yab kyi 'od zer dkar la 'tsher ba/ yum gyi 'od
- 394b
zer dmar la gdangs pa 'phros nas/ las dag pa'i gang zag 'phro 'du byed pa'i dus su/ yab kyi mig la thim nas sgal tshigs kyi rta brgyud nas/ rdo rje'i khong seng gi lam du byon nas/ pad+ma'i rdzing bur byon pas/ ya ba yum gyi bde bas ngag gi smra ba rgyun chad do// yid kyi rtog pa rgyun chad do// de ni sangs rgyas kyi bde ba de ltar zhugs pa yin no// yum gyi za ma tog gi 'og/ pad+ma'i rdzing bu zla dgu ngo bcu bzhugs nas/ sems can gyi don mdzad pa de ni/ yang sprul zer gyi kha mig can yin no/ zhes bka' stsal to// ye shes mar me'i rgyud las/ sangs rgyas sku bzhi bstan pa'i le'u ste dang po'o// // de nas yang gsang ba'i bdag pos 'di skad ces zhus so// kye bcom ldan 'das yang dag par rdzogs pa'i sangs rgyas de da ltar rang gi lus la ji ltar bzhugs/ zhes zhus so// de nas bcom ldan 'das kyis bka' stsal pa/ kye gsang ba'i bdag po khyod nyon cig/ sangs rgyas chos kyi sku rang gi snying gi dkyil na bzhugs so// ye shes zang thal gyi sku rang gi mig gi dkyil na bzhugs so// sangs rgyas khro bo'i sku rang gi klad pa'i nang na bzhugs so// rang gi lus 'di la sangs rgyas kyi grong khyer nyi khri chig stong yod do// grong khyer de dag
- 395a
thams cad na sangs rgyas kyi skus khengs nas yod do// kye rdo rje 'dzin pa khyod kon cig/ rang gi spyi bo bde ba chen po'i rtsa'i dkyikha na/ rang byung gi dbang po brgya byin sku mdog dkar por bzhugs so// rang gi lhag pa'i rtsa ba men gyi rA ru lta bu'i nang na/ rang byung gi thag bzangs ras sku mdog ljang khur bzhugs so// rang gi snying nang na/ rang byung gi sangs rgyas shAkya thub pa sku mdog ser por bzhugs so// rang gi rgyab kyi srog pa rtsa dmar po'i nang na// rang byung gi gshin rje chos kyi rgyal po sku mdog dmar por bzhugs so// rang gi lte ba sprul pa'i 'khor lo'i rtsa'i nang na// rang byung gi kha' bar ma sku mdog smug por bzhugs so// rang gi rkang pa'i mthil gyi rtsa'i nang na/ rang byung gi a ba glang mgo can sku mdog nag por ba zhugs so// gsang ba'i bdag po rang gi skye bo'i gtsug nas rkang pa'i mthil yan chad sangs rgyas kyi grong khyer du shes par gyis shig/ ces bka' stsal to// ye shes mar me'i rgyud las/ rang gi lus la sangs rgyas bzhugs tshul bstan pa'i le'u ste gnyis pa'o// // de nas yang gsang ba'i bdag pos 'di skad ces zhus so// kye bcom
- 395b
ldan 'das/ sangs rgyas dgongs pa dngo shes na sangs ji ltar rgya zhes zhus so// de nas bcom ldan 'das kyis bka' stsal pa// kye rdo rje 'dzin pa khyod kon cig/ sangs rgyas kyi dgongs pa de ngo shes nas/ gcig 'gags pas ldog tshul bzhi'i sgo nas sangs rgya'o// gcig skyes pas chos tshul lnga'i sgo nas sangs rgya'o// gcig gnas pas chos kyi snying po lnga'i sgo nas sangs rgya'o// zhi ba mya ngan las 'da' 'o// zhes bka' stsal to// de nas yang gsang ba'i bdag po rdo rje 'dzin pas 'di skad ces zhus so// kye bcom ldan 'das sangs rgyas thugs rje can/ sangs rgyas kyi dgongs pa ngo shes pa de/ gcig 'gags pas ldog tshul bzhi'i sgo nas sangs ji ltar rgyu/ zhes zhus so// de nas bcom ldan 'das kyis 'di skad ces bka' stsal to// kye rdo rje 'dzin pa gsang ba'i bdag po khyod nyon cig/ sangs rgyas kyi sku ngo shes pa ni/ gcig 'gags pas ma dag pa 'khrul pa'i snang ba 'di sangs rgyas kyi zhing khams rnam par dag par ldog pa yin no// 'khor ba'i grong khyer 'di ye shes kyi gzhal med khang du ldog pa yin no// yid rtog pa can 'di ye shes rtog med du ldog pa yin no// sha khrag gi lus gangos pa can 'di 'od kyi lus
- 396a
su ldog pa yin no// zhes gsungs so// de nas yang gsang ba'i bdag pos 'di skad ces zhus so// kye bcom ldan 'das 'khrul pa'i snang pa 'di dag pa'i snang bar ji ltar ldog/ ces zhus so// de nas bcom ldan 'das kyis bka' stsal pa/ kye gsang ba'i bdag po 'khrul snang 'gags pas snang ba thams cad dag snang du 'char ro// dag pa'i snang ba shar ba de rang gi rig pa las byung / rang gi rig pa'i ngang du zhi/ nam mkha' dang sprin lta bur sangs rgyurgya'o// zhes bka' stsal to// de nas yang gsang ba'i bdag pos 'di skad ces zhus so// kye bcom ldan 'das 'khor ba'i grong khyer sangs rgyas kyi gzhal yas khang du ji ltar ldog/ ces zhus so// de nas bcom ldan 'das kyis 'di skad ces bka' stsal to// kye gsang ba'i bdag po 'khor ba 'di rang gi rig pa rang las shar rang gi rig pa'i ngang du grol/ nyi ma dang zer lta bur sangs rgyu ba yin no// de nas yang gsang ba'i bdag pos 'di skad ces zhus so// kye bcom ldan 'das yid rtog pa dang bcas pa 'di ye shes rtog med du ji ltar ldog/ ces zhus so// de nAs bcom ldan 'das kyis 'di skad ces bka' stsal to//
- 396b
gsang ba'i bdag po rnam par rtog pa thams cad rang gi rig pa rang la snang // rang gi rig pa rang la ldog/ rgya mtsho dang chu bran lta bur sangs rgya ba yin no/ zhes gsung so// de nas yang gsang ba'i bdag pos 'di skad ces zhus so// kye bcom ldan kha das rang ngo rang gis shes pas sha khrag gi lus 'od kyi lus su ji ltar ldog ji ltar grol zhes zhus so// de nas bcom ldan 'das kyis 'di skad ces bka' stsal to// gsang ba'i bdag po 'od lnga rang la gsal/ rang 'od kyi ngang du 'jug man shel dang snang ba lta bur sangs rgya ba yin no// zhes gsungs so// de nas yang gsang ba'i bdag pos 'di skad ces zhus so// kye bcom ldan 'das gcig shes pas chos tshul lnga'i sgo nas sangs ji ltar rgyu/ zhes zhus so// de nas bcom ldan 'das kyis bka' stsal pa/ kye rdo rje 'dzin pa chen po gcig shes pas chos tshul lnga'i sgo nas sangs rgya'o// rigs kyi bu 'di lta ste/ sku las 'das pa ye shes kyi sku ru sangs rgya'o// yid las 'das pa shes rab kyi sku ru sangs rgya'o// chos las 'das pa sangs rgyas kyi sku ru sangs rgya'o// 'byung ba las 'das pa rang gdangs kyi sku ru sangs rgya'o// tshig las 'das pa rang snang gi mU ru sangs rgya'o// zhes bka'
- 397a
stsal to// de nas yang bcom ldan 'das kyis 'di skad ces bka' stsal pa/ gsang ba'i bdag po gcig skyes pa ni yul ye shes su skye ba yin no// chos tshul lnga ni chos kyi sku'i gnas lugs lnga ru shes pa yin no// sangs rgyab ni snang ba thams cad rang gi rig pa la thim/ rig pa ka dag gi sa la rangs zin nas mi 'gyur pa yin no// zhes gsungs so// de nas yang gsang ba'i bdag pos 'di skad ces zhus so// kye sangs rgyas thugs rje can/ sku las 'das pa'i ye shes su ji ltar rgya/ zhes zhus so// de nas bcom ldan 'das kyis kha di skad ces bka' stsal to// kye gsang ba'i bdag po/ sku las 'das pa'i ye shes ni gzugs sku las 'das nas chos rku stong pa/ stong pa ye shes kyi snying po can 'od lnga'i phung por bzhugs pa yin no// yid las 'das pa'i shes rab ni/ yid rtog bcas las grol cing 'das nas/ shes rab rtog med kyi sku ru bzhugs pa yin no// chos las 'das pa'i sangs rgyas ni/ 'bad rtsol dang bral te rang gi rig pas rang 'ong ngo shes nas sangs rgya ba yin no// 'byung ba las 'das pa'i rang gdangs ni// 'byung ba lnga mdud pa las grol nas/ rang gi rig pa'i rang gdangs 'od kyi phung po chen po dang 'du 'a bral med
- 397b
par bzhugs pa yin no// tshig las 'das pa'i rang snang ni/ lus ngag yid gsum sku gsung thugs su mthar phyin nas/ gzung 'dzin dang bral ba'i rig pa rang gsal rtog pa med par gnas pa yin no// zhes bka' stsal to// de nas yang gsang ba'i bdag pos 'di skad ces gsol to// kye sangs rgyas thugs rje can/ gcig gnas pas snying po lnga'i sgo nas sangs rgyu zhi ba mya ngan las ji ltar 'da'/ zhes gsol to// de nas bcom ldan 'das kyis 'di skad ces bka' stsal to// kye gsang ba'i bdag po rdo rje 'dzin pa chen po/ gcig gnas pa ni sha khrag gi lus 'od kyi lus su gnas pa yin no// snying po lnga ni/ sangs rgyas chos kyi sku stong pa rig pa'i snying po can du gnas so// rig pa shes rab kyi snying po can du gnas so// shes rab thugs rje'i snying po can du gnas so// thugs rje ye shes kyi snying po can du gnas so// ye shes 'od kyi lus can du gnas so// 'od mtha' med pa'i yul can du gnas so// dengo shes pas chog go// don de la ni sgom du med do/ zhes rgyal ba rdo rje sems dpas gsungs so// ye shes mar me'i rgyud las/ grol tshul bstan pa'i le'u ste gsum pa'o// blon ma rnam par bkod pa'i rgyud ces
- 398a
bya ba sangs rgyas rdo rje sems dpa'i zhal nas gsungs pa rdzogs so// // sngags kyi srungs mas bka'i byar gyis la srungs shig/ rgya rgyu rgyu/ rgyu rgya rgya/ rgya rgyu rgyu// / rgya gar skad du/ u pa tsit+ta dza ya sa ma ti tan+t+ra nA ma/ bod skad du/ man ngag slong gi dgongs pa rgyal ba'i bka' zhes bya ba'i rgyud/ sangs rgyas 'od mi 'gyur ba la phyag 'tshal lo// 'di skad bdag gis bston pa'i dus gcig na/ rgyal ba 'od kyi phung po chen po/ ye shes kyi gzhal med khang na/ rigs lnga'i sangs rgyas dang / thugs kyi dkyil 'khor 'od gsal ba'i dgongs pa la bzhugs so// 'di skad bdag gis thos pa'i dus gcig na/ rgyal ba rdo rje sems dpa' longs spyod rdzogs pa'i sku'i zhing khams na/ thugs rje rang gi dkyil 'khor sku dang ye shes 'du 'bral med pa'i dgongs pa la bzhugs so// de'i tshe gsang ba'i bdag pos 'di skad ces zhus so// kye bcom ldan 'das sku dang ye shes 'du 'bral med pa'i dgongs pa gsung du gsol/ zhes zhus so// bcom ldan 'das kyis bka' stsal pa/ kye gsang ba'i bdag po khyod ma yangs par nyon cig/ ngas sku