rdzogs pa chen po ye shes gsang ba'i rgyud
Text
ff. 1b–19a · 36 folio sides
- 1b
rgyurgyurgyu du rgyu rgyu rmyi//
- 2a
gcig na/ 'og min gyi gnas chos nyid ma bcos pa'i dbyings/ kun tu ma bsgribs pa'i gnas chen po na/ bcom ldan 'das chos thams ca snying po/ ye shes gsang ba'i rgyal po sku mi bskyod pa'i ngo bor bzhugs te/ de'i tshe ste/ pa'i mdun na dpal rdo rje sems dpa' bzhugs so// gzhan yang 'khor 'dus pa
- 2b
mang po dang dbye ba mi mnga' bar thabs cig go/ de nas rdo rje sems dpa' stan las langs te/ 'khor 'dus pa thams cad la phan gdags pa dang / blo the tsom gsal ba'i don du 'di skad ces gsol to// kye gsang ba'i bdag po chos thams cad kyi ngo bor bzhugs pas/ 'khor 'das pa rnams la rdzogs pa chen po'i don man dag bzhi 'dus pa de bshad du gsil/ de skad ces gsal pa dang / bcom ldan 'das ye shes gsang ba'i rgyal po des/ chos kyi dbyings las bzhengs te
- 3a
@##'di skad ces bka' stsal to// kye sems dpa' chen po nyon cig/ e ma ho/ e ma ho/ e ma ho/ ngo mtshar rmad du byung ba'i lta ba chen po'i chos ye nas sangs rgyas pa'i don bstan gyis/ rdo rje sems dpa' nyon cig/ 'di lta ste/ 'khor dang mya ngan 'das pa'i chos// byang chub sems kyi ngo bo yin// byang chub sems su gsal ba yang // sems la skad cig gnyis med de// thams cad rang byung ye shes yin// ye shes sems kyi ngo bo las// gzhan du g.yo ba ci yang med// ma rig rtog tshogs ming med pas// de la dmigs shing btad du med// ye shes rang shar lta ba'i mchog/ dper na mkha' la nyi shar 'dra// don gyi chos nyid dag pa la// rtsol ba'i rang bzhin bral bas na// rang rig
- 3b
yul dang bral bas na// dmigs pa med pa gsal ba'i phyir// chos kyi dbyings las gzhan med do// de lta bu yi ye shes la// gol sa sgrib pa ye nas med// de yang ji ltar med ce na// ye shes sgron ma rang la shar ba la// ma rdeg mun pas bsgribs pa ye nas gsal// ye shes chen pos 'khor ba dbyings nas thon// rtogs pa'i lta bas ye nas thag chod pas// bdag 'dzin zhen chags gnas su dag par bcom// bde gshegs dgongs pa'i phug kyang de ru btib// mkha' glong bde ba'i gnas chen po// thams cad byang chub sems su gcig/ kun yin dpe ni nam mkha' 'dra// phyi nang snod bcud thams cad kun// byang chub sems kyis byas pa'i phyir// chos kyi dbyings su ye sangs rgyas// de la dgag cing bsgrub tu med// sems nyid cir yang snang ba la// cir yang dmigs su ya nas med// de lta bu yi ye shes la// thams cad gnyis med ye sangs rgyas// de yang ji ltar yin zhe na// theg pa mtho dman thams cad kun// kun 'byung ye shes shar ba la// bzang ngan che chung gnyis su med// rang byung ye shes chos nyid la// 'khor 'das gnyis su med par bstan// yul dang sems nyid gnyis su
- 4a
med/ thams cad ye nas sangs rgyas pas// bya btsal mtha' las de ltar rgyal// de ltar ye shes chen po la// kun 'byung ye shes nyid du dag/ lhun grub mu mtha' med pa'i mchog/ kun yin ci yang ma yin pa'o// de ni klong yangs bde ba'i mchog/ khams gsum thams cad dag pa'i dpal// sems kyi zhing khams 'jam klas pas// thig le nyag gcig lta ba'i mchog/ kun tu bzang po kun bzang bas// nam mkha'i rang bzhin dag pa'i klong // de las gzhan pa'i chos med do// zhes gsungs pas/ 'khor rnams skyugs dngangs te/ rdo rje sems dpa' nyid kyang brgyal bar gyur to// rdzogs pa chen po ye shes gsang ba'i rgyud las/ ye nas sangs rgyas par bstan pa'i le'u ste dang po'o// // rdo rje sems dpas/ ye shes gsang ba'i rgyal po la 'di skad ces gsal to// lta ba ye nas/ sangs rgyas pa'i don de thabs gang gis rtogs bya zhes gsol pa dang / ye shes gsang ba'i rgyal pos 'di skad ces bka' stsal to// kye sems dpa'i tshogs chen po nyon cig/ 'di lta ste/ che ba'i ye shes gsang ba 'di// shes rab thabs la brten pas grub// de yang ji ltar 'grub ce na// chos thams cad dang dang rang bzhin bdag
- 4b
nyid gsum du 'dus/ ma byung ma skyes chos nyid de// thams cad kun la khyab par gnas// kun la khyab kyang dngos po med// de ni ma skyes chos nyid dang // de ltar rtogs pa'i rigs mchog la// kun kyang ma skyes chos kyi dbyings// de la dang zhes bya bar bshad// sems nyid skye ba med pa las// ma btsal cho 'phrul cir yang 'char// snang ba gnyis kyi ngo bor shar// de yang ji ltar shar zhe na// ye shes rtogs pa'i khyad par las// sku dang ye shes ma btsal shar// ma rtogs 'khor ba'i gnas su shar// kun bzangs rol pa yin par zad// ma skyes ma 'gags gnyis med de// ma skyes pa nyid rol pa'i ngang // skye ba'i tshe 'phrul rang bzhin can// de gnyis dbyer med mnyam pa ltar// de yi ngang du thams cad 'dus// rang bzhin chos nyid gtan tshigs yin// 'di la gzhal bya gzhal byed med/ de ltar med rtogs gnas tshigs yin// ces gsungs so// rdzogs pa chen po ye shes gsang ba'i rgyud las/ ye shes gsang ba'i don gtan la phab pa'i le'u ste gnyis pa'o// / de nas rdo rje sems dpas gsol pa/ de ltar rtogs pa la yon tan ci mchis/ bstan du gsol/
- 5a
de nas ye shes gsang ba'i rgyal pos bka' stsal pa/ kye sems dpa' chen po nyon cig/ byang chub sems rtogs yon tan khyad par 'phags// rtogs pa rang la ma shar sngon rol du// sangs rgyas zhes bya ba'i ming ye nas med// de ni spyan mchog shes rab can// ma bcos chos nyid rtogs pa'i rnal 'byor pa// skye ba gzhan du mi len par// sangs rgyas rigs chen 'di yis 'dzin par 'gyur// snang srid rang byung ye shes de yis rtogs pa la// ye shes chen po de las 'char bar 'gyur// phyi nang chos kyi dbyings su rtogs pa la// thig le chen po de las 'byung bar 'gyur// che chung ye nas dbyer med dang rtogs pas// mnyam nyid chos sku de yis rtogs par byed// yang dog gnyis su med par rtogs pa la// kun tu bzang po'i klong na rang rig 'phyo// bzang ngan gnyis su med par rtogs pa la/ dgag bsgrub med pa'i bde chen ye shes 'grub// bya btsal mi dgos rang byung rang las byung // bde dang sdug bsngal gnyis su med rtogs pas// bde ba chen po'i longs spyod de las 'byung // byang chub sems rtogs bsod nams khri phrag yas// nam mkha'i dbyings su shong bar rab tu dka'/ zhes gsungs so//
- 5b
rdzogs pa chen po ye shes gsang ba'i rgyud las/ lta ba'i ngo bo dang rtogs pa'i yon tan bstan pa'i le'u ste gsum pa'o// // de nas rdo rje sems da pas ye shes gsang ba'i rgyal po la 'di skad ces gsol to// kye bcom ldan 'das ye shes gsang ba'i rgyal po/ don de phyi rabs pa dag gis nyams su blangs na ji ltar blang bar bgyi/ zhes gsol pa dang / bcom ldan 'das kyis 'di skad ces bka' stsal to// rdo rje sems dpa' nyon cig/ don man ngag tu bshad do// don ni nyams su blang 'dod pas// dben pa chen po'i se phyogs su// phyi nang 'brel thag bcad nas ni// rang lus bde ba'i ngo bo la// chos bu dan 'byung ba rwa bsnyams te// dang po sems nyid tha mal pa'i// shes pa tsam du gzhag par bya// ma bcos ma bsgyur chos nyid rnal ma la// dngos po mthong thos mi spangs de bzhin nyid du gzhag/ sems kyi rtog pa ma skyes tsam du gzung // dran pa'i thag pa dam pos btags la gzhag/ de la mi rtog ye zhes skye bar 'gyur// de yi sems ni spros gyur na/ 'phro ba de nyid la ni sems gtad de// drag tu brtson 'grus brtsam par bya'o// de yi sems ni mi 'phro na// de la ma yengs drag tu bsgom// tshad ni
- 6a
rang gi khams dang sbyar// spyir ni mi ring tsam du sgom// mi bde sems ni 'phros gyur na// yang na langs te bcag par bya// yang na nam mkha'i dbyings su 'phangs// yang na chos kyi dbyings su sba// de yi sems ni mi 'phron// dang po mi rtog ye shes bskyed// de yi dus na rtog pa med// mtshan mas zil gyis de ru mnan// de la ngo bo 'di ltar 'byung // sna tshogs snang la zhen pa med// ma bcos chos nyid g.yos pa med// phyi nang snod bcud chos kyi dbyings// dgrag sgrub med pa'i ye shes gsal// gsal tsam nyid na chos kyi sku// rnam rtog phra rags ci byung yang // de nyid rang byung nyid du lta// 'byung dang 'dus dang de bzhin nyid// nam mkha'i ngang du sprin+da sangs 'dra// rnam rtog mi bskyed ye shes brjod du med// de ltar rtogs pa'i rnal 'byor pas// phyi yi yul dang 'byung ba snyoms// nang du dbugs kyi 'gro 'ong bral// ma bcos rnal mo'i don la phebs// bde ba'i ye shes brjod par dka'// phyi nang zhen chags rab tu chung / dug snga bags kyis bcad pa dang // 'dod pa lnga dang mnyam pa nyid// ci la'ang chags pa med pas len// thams cad mnyam nyid chos kyi
- 6b
dbyings// bde sdug med pas shin tu bde// gzhan yang 'di lta bu ru 'byung // bco brgyad bdud kyi cho 'phrul dang // lung ston bkur sti byed pa dang // skor ba byed cing sngags pa brjod// rtog pa bzung ngan ci skyes kyang // rang bzhin nyid kyi rtags su bshad// ces gsungs so// rdzogs pa chen po ye shes gsang ba'i rgyud las las dang po la bstan pa'i le'u ste bzhi pa'o// // de nas bcom ldan 'das ye shes gsang ba'i rgyal po la/ rdo rje sems dpas 'di skad ces gsol to// ye shes chos skur bstan pa dang // 'gro drug g.yang sa bcad pa'i don bstan du gsol/ de skad gsol pa'i tshig gsan nas// ye shes rdzogs pas bka' stsal pa// nyon cig rdo rje sems dpa' gtso// chos kyi sku zhes bya ba ni// dge dang sdig pa'i bag chags dang // nyon mongs phyis 'byung shes pa dang // yul gyi rjes 'brangs shes pa rtog pa yis// chos sku smad pas 'khor ba yin// de dag gsum du ma gyur pa'i// rang gi ngo bo chos kyi sku// 'dzin pa'i rtog bral ye shes lnga// de rtogs rgyal ba kun dang mnyam// 'gro nyal 'dug 'dod chos kyi dbyings// de la gnas pas chos nyid rtogs// zhes gsungs so// 'gro drug g.yang sa gcad pa ni//
- 7a
gnyis su med dang rgyu 'thun dang // gnyen po stobs kyis bcad pa'o// yi dag sa bkres skom sdug bsngal yang // rdo rje sems dpa'i ngo bo nyid// sems kyi sprul pa shar ba la// bkres dang skom pas ci zhig gdung // dmyal ba'i tsha grang sdug bsngal yang // ye shes gsang ba'i rgyal po nyid// de la dmyal ba'i sdug bsngal med// des na dmyal ba chos kyi sku// byol song blun rmongs gnas pa yang // rang rig ye shes sgron ma che// de la sgrib pa mi mnga' yang // ma rig pa nyid ye shes gsal// ma bde ba dang sdug pa sbal ba// ba de dang sdug bsngal rgyu 'thun pas// ye shes gsang ba nga yis bshad// lha min 'thab rtso sdug bsngal yang // rang byung ye shes chos kyi ska// zhi ba chen po ye shes la// phrag dog sdug bsngal ngang gis stong // lha yi ltung ba'i sdug bsngal yang // ltung sa chos sku kun bzang gnas// kun bzang dang la ltung sa medo// spyir bstan nyon mongs lnga nyid kyang // ye shes rol par yang dag shar// de la nyon mongs sdug bsngal med// nyon mongs lnga nyid byang chub mchog/ sdug bsngal ba de chen longs spyod yin// 'gro ba rigs drug ye sangs rgyas// zhes gsungs so// rdzogs pa chen po ye shes gsang ba'i rgyud las/ chos sku bstan pa dang / 'gro drug
- 7b
g.yang sa bcad pa bstan pa'i le'u ste lnga pa'o// // de nas ye shes gsang ba'i rgyal pos 'di skad ces gsungs so// nyon cig sems dpa' rdo rje che/ rtogs pa'i rlung chen bstan pa ni// rnam rtog mtshan ma thams cad kun// ye shes chen po rab gsal ba'i// rdzogs pa chen po'i rnal 'byor pas// thams cad byang chub sems su gsal// de las gzhan du g.ye ba med// rnam rtog mtshan ma ci byung yang // rtog pa rang gi mtshan nyid ni// rang byung ye shes yang dag shar// rnam rtog ye shes dngos yin par// ye shes gsang ba'i rgyal pos bshad// de ltar rtogs pa'i rnal 'byor pas// dngos po sna tshogs chos kyi sku// sbyang dgag sgrub tu de la med// me la shing bsnan dpe bzhin du// rtogs pa sna tshogs ye shes gsal// mtshan ma rang grol chos kyi sku// yul gyi mtshan ma thams cad kun/ rang byung ye shes rang snang ba// rang gi mtshan nyid ye shes yin// de ltar rtogs pa'i dbang phyug de// mtshan mar snang yang ye shes sku// rang rig cir yang gsal ba las// gzhan du mi 'gyur ye shes dang // des na mtshan ma gnas su dag/ de la mtshan ma spang du med// nam mkha'i ngang du sprin 'dus 'dra//
- 8a
rang byung ye shes rtog pa'i rlung // de la 'byung 'jug ngang gis med// 'khor dang mya ngan 'das pa'i chos// rang byung ye shes ngo bo yin// thams cad rang byung ye shes gsal// de las gzhan du mi g.yo bas// thams cad ye shes sku ru snang // de ltar rtogs pa'i rang dbang can// 'byung dang 'jug pa de la med// 'di ltar rnam pa thams cad du// chos nyid ngang la gnas pa la// dang por blta ba de la med// btsal ba'i bsam pas chos kyi dbyings mi bskyod// ye shes klong du shar ba'i ting 'dzin la// rtsol ba med par yang dag bshad// dper na gser gling phyin pa ltar// chos rnams sems su gsal ba la// klong na mi 'dug gang yang med// dngos por snang ba thams cad kun// byang chub sems su rab gsal na// dran pa med par ye shes gsal// byed spyod med par ye/ shes pas// ye nas rdzogs pas chogs kyi lung // dngos po'i chos rnams ma lus kun// byang chub sems kyi ngang na gnas// de las ye shes gnyis su med// de yi dbyings la thams cad gnas// yul du sgom pa ci yang med// dngos po rang gi sems snang bas// snang ba'i yul na dran pa med// rnam rtog ma
- 8b
spangs chos kyi sku// rtogs pa'i ye shes rang snang bas// de la yul zhe na gnyis med pa'o// 'du shes skyes pas ye shes dang // yul med sems kyi klong na 'phyo/ de ltar ma rtogs 'di la sgrib// ces gsungs so// rdzogs pa chen po ye shes gsang ba'i rgyud las/ ting 'dzin gyi rlung chen po rang la shar bar bstan pa'i le'u ste drug pa'o// // de nas ye shes gsang ba'i rgyal pos byang chub sems sgom pa'i yon tan 'di dag bka' stsal to// kye sems dpa' chen po nyon cig/ byang chub sems 'di sgom pa'i yon tan ni// sku gsum ba tsal ba med par rang las 'byung // rnam dag byang chub sems kyi ngang tshul sgom pa'i yon tan na// blo ldan byang chub sems 'di mngon du gyur pas na// sku gsum mchog tu gyur pas chos kyi sku zhes de la bya// shes byed dam pa shes rab spyan gyi mchog dang ldan// rdo rje rtse mo mo rtog ye shes de yis thob// phyi nang dkyil 'khor kun tu de bzhin thob// dam tshig ma lus de yis srung bar 'gyur// tshul khrims sdom pa mi rtog ngang du bsrungs// 'jig rten gsum gyi sbyin gnas dam pa de la bsngags// bdud kyi sde rnams de la zil gyis gnon// dam tshig de phyir byang chub sems kyi
- 9a
bsod nams dpag par rab tu dka'// rtog pa'i rlung du srid pa mi zhes bya ba sangs rgyas yin// rdo rje sems dpa' gud na med// sems las ma yengs sgoms pa'i rlung // de ltar rtogs pa'i rnal 'byor pas// sangs rgyas nyid du rang gnas pa'o// lus 'di gang zag mir snang yang // dgongs pa gsang ba nga dang mnyam/ lha klu gnod sbyin srin po yang // bden pa'i bka' la yongs mi 'da'// de yis mi 'dul gang yang med// de lta bu yi rnal 'byor pas// 'khor ba'i rtsa ba de yis bcad/ phyin chad 'khor bar de mi ldog/ de dbang chen po de la rdzogs// zhes gsungs so// rdzogs pa chen po ye shes gsang ba'i rgyud las/ sgom pa'i yon tan bstan pa'i le'u ste bdun pa'o// // de nas rdo rje sems dpa' yis// ye shes gsang ba'i rgyal po la// spyod pa blang dor med par bstan du gsol/ ces gsol pa dang / 'di skad du bka' stsal to// sems dpa' rdo rje snying po khyod nyon cig/ spyod pa blang dor med par ngas bshad do// chos nyid byang chub sems kyi rang bzhin 'di// chags dang ma chags bde dang sdug bsngal kun// gcig ste de la phyogs rigs med par spyod// de bzhin gang spyod bde ba chen po'i ngang //
- 9b
brtags shing mtshan mar spyod pa thams cad kun// spyod pa'i dus na bdag gzhan med par spyod// de lta bu yi spyod pa la// nyes par spyod kyang dpal du che// dge dang mi dge la sogs kun// mtshogs gnyis med thabs kyis spyod// da ltar spyad kyang yon tan snang // 'dod spyod yon tan lnga po dang // shes rab thabs la sogs pa kun te/ spyad kyang skyon med rtogs pa gsal// skyon dang yon tan brtogs pa kun// 'ching grol yon tan zhen chags med par spyod// dge ba'i chos dang mi dge bocu// dge ba lhag par rten du med// mi dge ba la spang du med// mnyam pa nyid kyi don rtogs na// thams cad kun la thob pa med par spyod// sman gyi rgyal po ma ti kas// gang la reg pa sman du 'gyur// rdzogs pa chen po'i don bstan na// nyon mongs lnga dang mtshams med lnga// srog gcod ma byin len pa dang // mi tshangs spyod dang thams cad kun// ci la spyod kyang nyes med rdzogs// kun la blang dor med par spyod// rang dbang klong du gyur par spyod// / gong gi don de ma rtogs par// don med sgra phyir 'brings na ni// nyon mongs lnga sogs spyod pa kun// spyan dngos dmyal ba'i gnas su ltung // des na nyams dang sbyor
- 10a
la spyad// ces gsungs so// rdzogs pa chen po ye shes gsang ba'i rgyud las// spyod bzang dor med par bstan pa'i le'u ste brgyad pa'o// / de nas rdo rje sems dpa' yis// ye shes gsang ba'i rgyal po la// blang dor med pa'i 'bras bu bstan du gsol// ye shes gsang bas bka' stsal pa// nyon cig dpal ldan rdo rje sems// blung dor med pa'i 'bras bu ni// ngo bo thob tshul mdzad spyod do// ngo bo rang byung chos kyi sku// rang bzhin spros dang bral ba la// g.yos pa med pa'i ye shes shar// gnyis su med pa'i thabs chen po// kun dang thun mong ma yin pa'i// chos sku 'dzin pa med pa nga yis bshad// bya btsal med par lhun gyis grub// rgyud nyid ma btsal 'bras bur gnas// thams cad dbyer med gdod nas dag/ sgrub pa med par 'bras bur shar// rgyu dang rkyen las mi ltos par// dus gsum 'dus ma byas pa'i ngang // mtha' dbus phyogs rigs kun bral ba'i// chos nyid ma skyes klong shar bdal/ de bzhin nyid kyis gar khyab par// rang rig ye shes chen por rol// dngos med spros bral byang chub sems// chos nyid ma bcos de bzhin nyid//
- 10b
rig pa de bzhin nyid du son// dbyer med gnyis su med pa ni// chos kyi sku yi sangs rgyas so// de la dus gsum 'pho 'gyur med// skye shi med pa'i g.yung drung skur// ye nas tshes skur gnas pa la// sangs rgyas gzhan nas ba tsal du med// phyogs bcu'i 'jig rten khams rnams kuno// byang chub sems nyid rtogs pa la// 'bras bu gzhan las ma tshol cig/ ces gsungs so// rdzogs pa chen po ye shes gsang ba'i rgyud las// 'bras bu chos skur bstan pa'i le'u ste dgu pa'o// // de nas ye shes gsang ba'i rgyal pos thob tshul 'di skad gsungs so// nyon cig rdo rje sems dpa' che// bag chags ngan pa'i ro bsad nas// grong khyer ngan pa dgag pa dang // nyid gsum gcig tu rtogs pa yis// 'khor ba'i gnas nas ma btsal thar// dge dang sdig pa'i bag chags dang // nyon mongs sdig pa'i bag chags dang // gti mug mun pa 'thibs po yis// rnal 'byor chen po thabs mkhas pas// rtogs pa gsum las grol ba yis// thig le chos nyid rtogs pa yin// bag chags ngan pa'i ro yang bsad// des kyang cis te 'khor bar 'gyur// snang ba'i
- 11a
sems dang mun pa'o sems// gcig tu gyur par mkhas pas brtag/ de gnyis gcig tu gyur pas na// 'di dang phyi ma de yi tshul// rang dbang sgyur ba'i rnal 'byor pas// grong khyer ngan par de mi 'gro// dus bzhi mnyam pa nyid du brtag/ rang rig gsal ba'i byang chub sems// yul med gsal bas mar me 'dra// mi g.yo mi 'gyur chos kyi dbyings// mtha' dbus med pas nam mkha' 'dra// gsal la mi g.yo nam mkha' gnyis med pas// gnyis su med pa'i nam mkha' mtha' las 'das// chos kyi chos nyid dag tu gsungs// rang byung gsal ba chos kyi sku// de yang ji ltar thob ce na// rtogs pa'i dus nyid 'bras bu thob// rgyu 'bras 'phel 'grib med mod kyang // 'di dang bar ma lan grangs gzhan// thob kyi skal bar yongs mi 'gyur// 'di la thob pa chos kyi sku// bar ma thob pa chos kyi sku// de yang ji ltar thob ce na// rnal 'byor chen po'i dbang phyug de// rtog pa'i dra ba lus grol ba// 'byung lnga dang po rgyus bskyed nas// mas yar rim pas 'gags na ni// rang byung gsal ba'i chos sku de// bar ma do ni mngon du 'byung // lnga pa rtogs goms mthu yod pas// skad cig ma lus 'gag pa med// /
- 11b
rig pa'i ye shes dbang sgyur bas// lam lnga rnam pas spang du med// sa bcu rim pas bgrod pa med// de nyid rdzogs pas spor tshobs pas// thob par ye shes gsang bas gsungs// de la rgyu nyid 'bras bu la// phyi nang thob pa de la med// de ltar rtogs pa'i rnal 'byor pa// 'di sgor zhugs pa mthar ma phyin// mngon du 'bras bu mi snang yang // phyi mar lha gnas gsum du bskyed// yang na 'khor los sgyur ba'i tshul// ngan pa'i lus su yongs mi skye// chos nyid gzungs kyi 'brel pa yis// gnyen bshes dam pa dag dang 'phrod// de yis lung bstan rang sems rtogs// skye ba de las mi 'gyang bar// rdo rje sems dpa' nyid du 'gyur// zhes gsungs so// ye shes gsang ba'i rgyud las/ 'bras bu thob tshul bstan pa'i le'u ste bcu pa'o// / de nas ye shes gsang ba'i rgyal po des/ rdo rje sems dpa' la mdzad pa dam pa 'di bka' stsal to// chos kyi sku yi byan brlabs las// sku gsum khyad par cir snang yang // byang chub sems las gzhan ma yin// gnyis su med pa'i chos nyid longs spyod cing // 'dod spyod gang yang ma spangs ye shes longs spyod rgyan//
- 12a
thams cad che ba'i rol pa rang la shar// longs spyod rdzogs pa'i sku zhes de la bya// sa bcu'i byang chub sems dpa' rnams la snang // de yang de yi ye shes rol pa yin// thugs rje chen po'i sprul pas kun tu khyab// sems can rnams la bstan pa'i char pa 'bebs// chos kyi bdud rtsis 'gro ba bde la bkod// gnyis med byang chub sems kyi sprul pa yis// 'jig rten yongs la ma khyab gcig kyang med// thugs rje sprul pas gdul bya kun bdul yang // sgyu ma'i bro ldan rlom sems ci yang med// de yang nga yi sprul par bshad pa yin// don dam thugs kyi sprul pa rang la shar// thugs rje thugs kyi sprul pa'i sku zhes gsang bas bshad// skye 'gro phyi ning gzugs rnams thams cad kun// ye shes gsang ba'i sku mchog nyid du rdzogs// sgra skad rab 'bring tha ma thams cad kun// ye shes gsang ba nga yi gsung du bshad / sems rtogs phra rags ma lus ji snyed pa// ye shes gsang ba nga yi thugs su de las med// sku gsung thugs kyi 'khor lo rgyun du bskor// gsang ba'i mdzad spyod de las med// cir snang ye shes gsang ba la// gzhan nas thob pa ci yang med// ces gsungs so// ye shes gsang ba'i rgyud las/ mthar phyin pa
- 12b
mdzad pa bstan pa'i le'u ste bcu gcig pa'o// // de nas yang dpal rdo rje sems dpas/ ye shes gsang ba'i rgyal po la 'di skad ces gsol to/ kye ye shes gsang ba'i rgyal po/ don de'i the tsom gyi gegs gsal ba'i thabs bstan du gsol/ ye shes gsang ba'i rgyal pos bka' stsal pa/ sems dpa' chen po khyod nyon cig/ don de nges par ngas bshad do// 'khor ba'i chos dang 'das pa'i chos// ye nas gnyis su med ces gsungs pas// rdo rje sems dpas gsol pa/ 'khor 'das gnyis su ma mchis na// gnyis su byung ba don dang gol// yang na 'khor ba 'das par 'gyur// yang na 'das pa 'khor bar 'gyur// de yi skyon ni gang gis gsal// ye shes gsang bas bka' stsal pa// dngos po gnyis su bstan pa ni// stobs dang ma 'dres khyad par las// snang ba gnyis su bstan pa las// yang dag don la gnyis su med// gnyis med ye shes cir snang yang // rang byung ye shes de las gzhan pa'i chos med do// rdo rje sems dpas yang gsol pa/ sangs rgyas thugs dang sems can sems// gcig gam tha dad ji ltar lags// gcig na skyon gsum 'byung bar 'gyur// mi gcig na ni skyon gsum 'byung //
- 13a
ye shes gsang bas bka' stsal pa// sangs rgyas thugs dang sems can sems// ngo bo chos kyi sku ru gcig/ gcig las las dang thugs rje 'brel// de la skyon gnyis ye nas dag/ snang tshul tha dad cir snang yang // de ltar snang bas skyon gsum dag/ yin snang sems kyi khyad par las// rtogs pa rnams la ye shes ska// ma rtogs pa la 'khor ba'i gnas// snang ba gnyis su yang dag bshad// rdo rje sems dpas yang gsol pa// ngo bo chos skar gcig bzhin du// sems can mi rtogs ci las 'byung // rgyu rkyen dag pas byung lags sam// ye shes gsang bas bka' stsal pa// 'khor ba'i rgyu ni ma rig po// rkyen ni las dang nyon mongs lnga// 'bras bu bcu gcig dag tu snang // rgyu rkyen dag las 'khor ba snang // des ni mi rigs skyon dang bral// rdo rje sems dpas yang gsol pa/ ta 'khor ba'i rgyu ni mi rigs pa// ma rig rgyu ni gang las byung // de yi gtan tshigs ji ltar lags// ye shes gsang bas bka' stsal pa// 'khor ba'i// rgyu ni ma rig pa// ma rig rgyu ni byang chub sems// ye shes gsang ba nga yis bshad// rdo rje sems dpas yang gsol pa// byang chub sems shes bya ba ni//
- 13b
dus gsum rgyal ba'i dgongs pa yin// de yis ma rig bskyed lags na// thams cad mkhyen pa'i sangs rgyas kyang // ma rig mun pa'i nang na gnas// thams cad mkhyen pa ci ste 'gyur// ye shes gsang bas bka' stsal pa// nga yi chos nyid byang chub sems// thams cad kun gyi bdag nyid yin// ma skyes pa nyid cir yang snang // ma rtogs pa la mun pa'i dbyings// rtogs pa rnams la thams cad mkhyen// gnyis su chos nyid rigs pas 'grub// rdo rje sems dpas yang gsol pa// chos nyid byang chub sems 'di la// nges dang ma nges ji ltar lags// nges na skyon gcig ma nges gnyis// de yi gtan tshigs bstan du gsol// ye shes gsang bas bka' stsal pa// nga yi rang byung ye shes la// mi gnas pa ni ci yang med// ngo bo rang byung ye shes su// de yi ngang du thams cad 'dus// des na skyon gnyis ngo/ bos dag/ ma rig ye shes cho 'phrul ni// ci yang med las cir yang snang // des na rtag par gang la 'gyur// rim par skye ba ye shes yin// de la skyon gyis gos pa med// rdo rje sems dpas yang gsol pa// kun mkhyen lta ba'i ngo bo khyod// lhun grub lags sam dag pa lags// lhun grub lags na skyon gcig 'byung // dag pa lags
- 14a
na mtha' ru 'gyur// de yi gtan tshigs ji ltar lags// ye shes gsang bas bka' stsas pa// blta ba'i ngo bo snyun grub byang chub sems// rtog pa thams cad byang chub sems// de la 'khrul rtog dang gis ma grub pas// rgyal ba'i byang chub dgongs pa de la 'khrul rtog med// thugs kyi cho 'phrul thams cad ye nas med// dag pa'i phyogs gcig ma yin cing yang snang // cir snang ye shes gsang ba'i rol pa la// thams cad lhan grub ye shes la// dag pa'i mtha' ru ltung ba de la med// ces gsungs pas// rdo rje sems dpa' la sogs pa'i 'khor rnams thams cad yi rang nas mngon par dga' bo// ye shes gsang ba'i rgyud las// lta ba'i the tsom bsal ba'i le'u ste bcu gnyis pa'o// // de nas rdo rje sems dpas gsol pa/ rdzogs pa chen po ye shes gsang ba la// sgom par gsung ba mi 'gal lam/ sgom du med par gsung ba'ang mi 'gal lam// de yi gtan tshigs ji ltar lags// ye shes gsang bas bka' stsal pa// nyon cig rdo rje sems dpa' che// nga yis byas pa'i chos nyid de// sgom du yod med mtha' las 'das// ci yang mi sgom ci yang med// sgom du yod med sgro skur gnas su ltung // chos nyid gtan la
- 14b
phebs dus su// bsgoms kyang skyon med cir yang snang // rtog pa'i klong du gyur pas na// de la sgom du ci yang med// sgom du med pa'i chos rnams la// tha snyad sgra 'das klong na 'phyo// rtogs pa'i klong chen rang shar te// ye rlung mnyam pa'i dgongs pas 'grub// sgom pa'i gnas med dag tu rab rtogs na// bsgoms kyang snyen yon dbyings nyid nam mkha' 'dra// ched du bsgoms pas gzhan nas thob pa med// de ltar rtogs pa'i ngang la gnas gyun kyang // ske po lta bu'i phal pa nam yang med/ des ni sgom du med pas snron las grol// ces gsungs pa'o// ye shes gsang ba'i rgyud las/ sgom pa'i skyon bsal po'i le'u ste bcu gsum pa'o// / / de nas rdo rje sems dpas yang gsol pa/ spyod pa blang dor med pa'i gags bsal ba 'di gsungs so// kye ye shes gsang ba'i rgyal po lags// chags sdang bde sdug gcig bstan pa// chags pa 'khor ba'i rtsa ba dang // bde ba thar pa'i rtsa ba gnyis// gcig tu bstan pa mi 'gal lam// gal te gcig na skyon gnyis 'byung // ye shes gsang bas bka' stsal pa// nyon cig rdo rje sems dpa'i gtso// chags pa bde ba'i chos gnyis po// byang chub sems
- 15a
su gcig rtogs na// ji ltar spyad kyang ye shes yin// de la rgyu 'bras gnyis su med// rdo rje sems dpas yang gsol pa// 'dod yon lnga po thams cad dang // shes rab thabs la sogs spyad pas// 'og ma'i spyod par mi 'gyur ram// ye shes gsang bas bka' stsal pa// 'og gi spyod pa de dag kun// byang chub sems su rab rtogs na// gang la'ang blang der med pas na// 'og ma'i spyod par de mi ltung // rdo rje sems dpas yang gsol pa// mtshams med lnga yis spyod pa yis// sems can dmyal bar skyes lags na// de dag spyod pa mi 'gal lam// ye shes gsang bas bka' stsal pa// gong gi skye// pa de dag kun// mtshams med lnga nyid byang chub sems// byang chub sems la ltung sa med// ta la'i rtsa ba bcad pa 'dra// rnam smin mi sogs tshogs chen rdzogs// des ni kun la spyad par bya// lha khang mchod rten bzlas brjod dge ba rnams// rtogs pa'i klong du mnyam snyoms gzhag par bya// rdo rje sems dpas yang gsol pa// de ltung sa med par bstan na// ltung ba gsungs pa mi 'gal lam// ye shes gsang bas bka' stsal pa// rang rig rtogs pa'i skal ba dang ldan rnams la// ngan
- 15b
song rnam gnyis bde ba chen po'i dbyings// de ltar rtogs pas spyad kyang ltung mi 'gyur// rang rig ye shes rtogs pa ma shanan// rgyal ba'i zhing yang ngan song gnas su snang // des ni kun la khyab par yong ma gsung // mnyam nyid chos kyi sku ni ma rtogs pas// des ni kun la mi spyad sdig 'dzem bsod nams khri phrag yas/ zhes gsungs so// ye shes gsang ba'i rgyud las/ spyod pa'i gegs bsal ba'i le'u ste bcu bzhi pa'o// // rdo rje sems dpas 'bras bu'i dogs pa bsal ba 'di zhus so// kyi ye shes gsang ba'i rgyal po// thun mong ma yin ches sku de// spros dang bral bar gsungs pa de// thun mong dag dang ci mi 'dra// de yi gtan tshigs ji ltar lags// ye shes gsang bas bka' stsal pa// nga yi ngo bo chos sku de// spros pa'i mtha' rnams dang bral te// spros pa'i mtha' dang yang dag ldan// gzugs bral chos kyi sku de la// gzugs rnams thams cad yongs su rdzogs// thun mong spros dang bral ba de nyid ni/ spros pa'i mtha' ru ci ste 'gro// med la gnas pa'i rang bzhin can// ye shes sgyu ma yang dga' chad// smon lam mthu stobs gdul bya'i las// sku
- 16a
gnyis byung ba'i don gnyis rdzogs// byin brlabs yon tan ngo bas 'phags// 'dir ni sku gsum gcig gi drang // de gnyis khyad par cir mi 'dod// rdo rje sems dpas yang gsol pa// 'gro ba sems can thams cad la// chos nyid khyab pas bdal ba'i sku// de nyid rtogs la 'bras bu ni// 'bras bu thob tshul gsum gsungs pa// 'di yi gzhung dang mi 'gal lam// de yi gtan tshigs ji ltar lags// ye shes gsang bas bka' stsal pa// kun khyab chos kyi ngo bo nyid// rtogs pa'i dus nyid rang la shar// de nyid chos sku chen po bas// phyi nas thob pa de la med// rgyu dang 'bras bu de la med// rgyu 'bras ro gcig kun gyi rje// bar ma de yi sangs rgyas kyang // de nyid yin to khyad par med// yang dag rdzogs pa'i sangs rgyas kyi tsha ba'i yon tan stobs ldan rnams// rnam rtog 'byung ba'i lus grol nas// de nas ma btsal 'byung bar nges// rdo rje sems dpas yang gsol ba/ chos sku khyad par med pa la// che ba'i yon tan thams cad kun// da ltar mi 'byung skyon ci lags// de yi gtan tshigs bstan du gsol// ye shes gas
- 16b
bas bka' stsal pa// nga yi chos nyid 'bras bu la// rang bzhin chos sku gcig yin kyang // rgyu rkyen ngan pa'i rang lus des// sgribs nas yon tan ston mi nus// bum pa'i nang gi mar me 'dra// dgongs pa gsang ba nga dang mnyam// rdo rje sems dpas yang gsol pa// bar ma do yi sangs rgyas la// yon tan 'byung bar 'dod pa de/ 'og ma'i lugs su mi 'gyur ram// de yi gtan tshogs ji ltar lags// ye shes gsang bas bka' stsal pa// nga yi chos nyid 'bras bu la// 'di dang bar ma do gnyis kyi// khyad par dbye ba de la med// 'di dang phyi ma gnyis kyi ru// thob pa chos kyi sku nyid yin// 'og ma rgyu 'bras 'dod pa dang // bar ma thob pa'ang rigs 'dzin sa// des kyang rim par bkod nas kyang // tha ma 'khor lo sa la bsgyur// de nyid khyad par cir mi 'dod// rdo rje sems dpas yang gsol pa// chos kyi sku yi byin brlabs la// sku gsum 'byung bar 'dod pa de// 'di yi gzhung dang mi 'gal lam// de yi gtan tshigs ji ltar lags// ye shes gsang // bas bka' stsal pa// nga yi chos sku chen po de// rol pa'i khyad par cir snang yang // gdul bya rnams la sku gsum tshul// ma btsal chos nyid shar ba la//
- 17a
zhen pa 'dod pa de la med// 'khor ba'i gnas su'ang de ltar shar// phyogs med pa yi ye shes yin// de las ma grub ci yang med// snang ba nga yi sku ru shar// grags pa nga yi gsung du shar// dran rtog nga yi thugs su shar// nga yi sku gsung thugs nyid du// sangs ma rgyas pa gcig kyang med// ces gsungs pas/ rdo rje sems dpa' la sogs pa'i 'khor thams cad mngon par dga' 'o// ye shes gsang ba'i rgyud las/ 'bras bu the tshom bsal ba'i le'u ste bco lnga pa'o// de nas rdo rje sems dpa' la sogs pa'i 'khor 'dus pa thams cad kyis/ bcom ldan 'das ye shes gsang ba'i mdun du bltas te/ 'di skad ces bstod do// ye shes gsang ba'i sku ni ri bo brtsegs pa 'dra// thams cad zil gnon yon tan rgyas pa'i sku// thub pa khyu mchog 'jig rten sgron me mdzad/ 'jig rten sgron me de la phyag 'tshal 'dud// 'jig rten sgra sgrogs ston pa'i gsung 'byin pa// ston pa smra ba'i seng ge ye shes sku// sgra mchog yang dag don rnams ston mdzad pa'i// yang dag don ston de la phyag 'tshal 'dud// zhi dang ma ni thams cad kun tu yang dag gsal// dmigs med don dam rgya mtsho 'dra ba'i thugs//
- 17b
thams cad mnyam pa'i thugs la phyag 'tshal 'dud// yon tan thams cad ma 'dres yongs su rdzogs// gti mug mun pa sel ba sgron ma'i mchog/ bka' babang rmad du byung ba kun gyi mdzod// ston pa ye shes can la phyag 'tshal bstod// zhi ba'i gsung sgrogs seng ge lta bu'i gsung // pha rol mu stegs thams cad 'joms mdzad cing // ye shes mtshon gyis srid pa'i btson ra 'joms// 'gro ba'i sdug bsngal sel mdzad de la phyag 'tshal bstod// de'i tshe 'khor 'dus pa thams cad ye shes gsang ba'i sku la thim par gyur to// ye shes gsang ba'i rgyud chen po lus/ 'khor thams cad mngon par dga' nas bstod pa'i le'u ste bcu drug pa'o// / / de nas bcom ldan 'das ye shes gsang ba'i rgyal pos/ kun dang thun mong ma yin pa'i ye shes gsang ba'i rgyud chen po 'di mi nub cing dar bar bya ba'i phyir/ bstan pa gtad pa 'di gsungs so// nga yis gsungs pa'i rgyud rgyal 'di// chos rnams kun gyi me long yin// bstan pa thams cad 'di las byung // dus gsum bde gshegs rnams kyi shul// go 'phang gcod pa'i lam chen yin// ma rig sel ba'i lam chen yin// rgyud kyi//
- 18a
rgyal po lung gi bla// man ngag nges pa'i rtsa ba yin// rgyud kyi rgyal po gsang ba 'di// rdo rje sems dpa' khyod la gtad// sems dpa' rdo rje khyod kyis kyang // ston pa smra ba'i seng ge gyis// 'dus pa'i 'khor du lung ston cig/ 'dus pa'i 'khor tshogs rnams kyis kyang // zhe sdang can dang log sred can// theg pa dman pa dag la ni// kha mkhas gzhog ngoms ser snas bcings// nyon mongs rgyud la rten byed dang // bla ma dag la ma gus dang // dpon pas mkhas par smra ba dang / kha gsag bka' rkun dam nyams dang // mkhas la smod cing rang che 'byin// de la gsang ba'i rgyud rgyal 'di// nam yang bstan par ma gsungs so// gal te gsang ba 'di bstan na// dus gsum rgyal ba'i thugs dkrugs te// ye shes gsang ba'i zhabs nas drangs// 'phags pa thams cad thugs khros te// de yi lus sems sgrol bar nges// mkha' 'gro ches skyong bsrungs ma'i tshegs// de yi lus la za tshogs bkram// tshe yi dus byed byas nas ni// de ma thag tu skad cig la// rdorje dmyal ba'i bstan pa byed// de yi sdig pa char mi phod// de bas snod dang ldan pa yi// dpon la gus dang dad pa che// brtson 'grus drag dang shes rab rno//
- 18b
theg pa che la mos pa dang // rdo rje mched la gdung sems che// snying rje chen po'i rlan dang ldan// ci yang ma chags dga' ba yis// bla ma sgo gsum mnyes byed pa'i/ las dang skal bar ldan pa yis// rnal 'byor chen po khyod la gtod// gsang ba'i rgyud rgyal chen po 'di// gcig dang gnyis las ma gtogs pa// gsum la spel na dmyal bar lhung // gdeng ldan 'ga' yi gter du bcang // snang dgu rnams kyi spyod yul min// ces gsungs so// kun tu bzang po dgongs pa'i phugs yang dag pa'i don man ngag tu gsungs pa/ rdzogs pa chen po ye shes gsang ba'i rgyud kyi rgyal po las/ sdud pa bram ze la man ngag khong thon du bstan pa le'u ste bcu bdun pa'o// // rgya gar dga' rab rdo rjes bram ze ba de mchog la/ bde ldan gyi yang thog tu rin po che gser gyi glegs bam la bai DUR+Ya zhun mas bris pa'i bla dpe gnang ste/ gdung rabs lngar bla dpe las mi bzhugs so// rdzogs pa chen po ye shes gsang ba'i rgyud rdzogs so// bu la gtad do pa yi btsas// snod med rnams la shor ra re// rdzogs pa chen po'i klong dgu bam po 'bum sde las 'di las zab pa mi bzhugs so//
- 19a
rdo rje mkha' 'gros srungs shig/ sa ma ya/ rgya gar gyi mkhan po sha ri sing ha pra ba ta dang / bod kyi lo tsa ba A tsar+ya bai ro tsa nas bsgyur cing gtan la phab pa'o// rgya gar skad du/ bo d+hi tsi d+ha ma hA san d+hi dz+nyA na gu h+ya shI ta na tra pra ka sa ko d+hi sa ma d+ha nA ma/ bod skad du/ byang chub kyi sems rdzogs pa chen po ye shes gsang ba bshad pa'i rgyud gsal ba mtha' dang mnyam pa zhes bya ba/ dpal rdo rje sems dpa' la phyag 'tshal lo/ 'di skad bshad pa'i dus na/ ston pa bstan pa gnas 'khor dus// ngo mtshar chen po a la la// ston pa kun rig rgyal po yis// 'og min rig pa'i gzhal yas su// bstan pa a ti yo ga 'di// gnas lugs stong pa kun 'byung 'khor// 'dzin pa sdug bsngal 'khor ba'i 'khor// ye shes rnam dag grol ba'i 'khor// gnas lugs 'khor lugs grol lugs gsum// dus gsum rtogs pa'i dus gcig na// yid dang chos ni kun tu bzang // 'byung ba lnga ni lha mor shar// phung po lnga ni rdzogs sangs rgyas// rnam shes tshogs brgyad sems dpar grol// yul brgyad sems mar rtogs pas su// kun rdzob ye shes sgyu ma la//