sku gdung 'bar ba tsha tsha dang mchod rten gyi rgyud
Text
ff. 287a–313a · 53 folio sides
- 287a
blon po rdo rje gro long dang / lo tsa ba rdo rje nang drung gi 'gyur ro// rgya gar skad du/ kA ya sha rI ra dz+wa la tse ti ka ni ka tan+t+ra nA ma/ bod skad du/ sku gdung 'bar ba cha tsha dang mchod rten gyi rgyud ces bya ba/ bcom ldan 'das gsang ba'i bdag po la phyag 'tshal lo// 'di skad bdag gis thos pa'i dus gcig na// rim la ya gnam lcags yod pa'i rtse mo seng ge'i za 'gram lta bu'i gnas na/ bcom ldan 'das gsang ba'i bdag po rdo rje 'dzin chen po la lang ka'i bdag po blo gros thabs ldan dang / klu'i rgyal po gtsug na rin chen blo gros rgya mtsho dang / tshangs pa gtsug phud 'dzin blo gros mtha' yas dang / gnod sbyin skar mda' gdong blo gros dang sel dang / li tsa byi dri ma med par grags pas blo gros rabazhi dang / chos kyi rgyal po chen po'i pho brang na thams cad theg pa chen po'i/ don la thabs cig tu bzhugs so// de nas dge slong chen po li tsa byi dri ma med par grag pa rang gi gdan las bzhengs nas/ bcom ldan 'das gsang ba mchog gi bdag po rdo rje 'dzin chen po la 'di skad ces gsol ba 'debs so// sems can sangs rgyas lam 'dod na// dge ba'i las las khyed 'phags dang // bde
- 287b
gshegs zhabs rtog bya ba'i phyir// mchod rten bzhengs na ji ltar bya// rnyings nas sar par bzhengs na ci// bdag gis sprul pa'i ston pa la// thos bzhin khyed kyi khyad par du// gsang sngags lam gyi mchod rten gsungs// zhes zhus so// de nas 'dul dka' 'dul ba'i ded dpon chen po gsang ba'i bdag pos 'di skad ces gsungs so// theg pa thun mong mchod rten dang / khyad par rgyud lung man ngag lugs// thun mong byung tshul man ngag las// khyad par gsang ba'i lugs rnams ni// gzugs sku gnyis kyi man ngag rnams// khyed la bshad kyis rab tu nyon// zhes gsungs so// tsha tsha dang mchod rten gyi rgyud sku ga dung 'bar ba las// gleng gzhi dang gleng bslang ba'i le'u ste dang po'o// // de nas bcom ldan 'das gsang ba'i bdag pos theg pa thun mong gi mchod rten gyi byung tshul 'di dag gsungs so// mchod rten lo rgyus lnga yod de// de yang gang dang gang zhe na// mchod rten bla na med pa'i rgyu// yid kyi mchod rten zhes bya dang // rang bzhin gyis ni mchod rten dang // sprul par byung ba'i mchod rten dang // gzugs brnyan rtsigs pa'i mchod rten
- 288a
no// bla med mchod rten zhes bya ba// sangs rgyas rdo rje sems dpa' yi// sku gdung 'dzam gling phrag brgya las// gling bzhir chags pas mchod rten snang // shar du byams pa rtsegs pa la// lho phyogs snying rje rin chen rtsegs// nub tu dga' ba pad+ma rtsegs// byang du btang snyoms don yod grub// 'di dus shAkya thub pa ni// srid rtser byang sems bcu drug dang // dgra bcom bskor nas bzhugs pa'o// yid kyi mchod rten zhes bya ni// nam mkha'i dbyings dang rgya mtsho'i glings// mkhas pas mchod rten dkyil 'khor ni// byang chub sems kyi yid kyis bri// phyag gis rgyas gdab grangs bzung zhing // ngag gis sngags brjod byin gyis brlabs// yid kyis rin chen mchod rten bsam// snang zhing stong la stong zhing gsal// rang bzhin grub pa'i mchod rten ni// srid pas grub kyang sprul pas grub// srid pas grub pas ri rab nyid// de yang ji ltar grub ce na/ chos rnams stong pa'i rang bzhin las// ag sho b+h+ya yi byin rlabs dang // nam mkhas gsal ba'i go yang 'byed// dmyal ba'i 'jig rten gnas par chags// don yod grub pa'i
- 288b
byin rlabs las// de las rlung gi dkyil wa khor chags// rlung lha ba dan tshogs rnams nas// rin chen 'byung ldan byin rlabs las// de steng me yi dkyil 'khor chags// me lha'i tshogs rnams de na gnas// snang ba mtha' yas byin rlabs las// chu yi dkyil 'khor rgya mtshor gyur// klu yi gnas kyang de na yod// rnam par snang mdzad byin rlabs las// sa gzhi chen po chags pa la// gling bzhi ri rab grub pa ni// gling bzhi gling phran mi yi gnas// ri rab rgyal chen rigs bzhi sogs// gnod sbyin gza' skar lha chen gnas// rtse la 'thab bla la mun chad gnas// gzugs khams gnas rigs bcu bdun dang // gzugs med ming bzhi phung por gnas// nyan thos rnams kyang de na bzhugs// bkri ba'i don du mdzad pa'i gnas// sprul pas grub pa'i mchod rten ni// shAkya thub pa lhum zhugs dus// u dum 'bar ba sbu gur gyur// 'dzam gling sprul pa'i mchod rten cig/ shAka thub byang chub shing drung bltams// u dum 'bar ba kha yang 'bus// yid bzhin lhun grub mchod rten byung // shAkya thub pa rab byung mdzad// dbu dum 'bar ba 'dum bur gyur// nub tu dpe med pasam 'das byung //
- 289a
chu 'gram byang chub dka' thub mdzad// u du ma 'bar ba sdong por 'gril// nub tu rmad drug chos dbyings mdzad// rtswa mchog grong khyer gshegs pa'i tshe// sdong po las ni yal ga gyes// byang phyogs yon tan rin chen rtsegs// lang ka pu rir gshegs pa'i tshe// ya laM ga las ni lo mar gyur// khams gsum bde rgyas sgron ma byung // bdud btul tho rangs sangs rgyas dus// lo ma las ni me tog shar// shar du byams ldan bsod nams gter// mya ngan 'da' ba'i tshul bstan pa// mthar legs g.yung rung rdzogs pa shar// rang bzhin mchod rten ye shes sku// thugs rje'i byin rlabs rmang po che// mtshan ma'i sdug bsngal yongs gsal zhing // sems can kun la byams thugs ldan// sprul par 'byung ba'i mchod rten ni// byang phyogs rnam thos sras kyi spyan// g.yas mthong sreg la g.yon mthong 'jig/ mig mi bzang gis gar bltas par// mi nad phyugs nang mu ge 'bebs// rgyal pos bcom ldan 'das la zhus// bdag gis ma bsgrub gnod pa'i dmigs// ji ltar thabs kyis bsgyur du gsol// bcom
- 289b
ldan 'das kyis rnam thos bu'i// phyag tu ring baspel mchod rten byin// mig ngan smin mtshams sha ri ram pa// mchod 'bul byas pas shin tu dge sprul pa'i mchod rten ting 'dzin sku// byams shing snyoms pas kun gyi mgon// thugs rje chen pos bskyod du med// nub byang rgyal po'i mig nad sel// gzugs brnyan mchod rten rtsigs pa ni// rgyal po d+hA ra ma a sho kas// ri gsum rtse dang lung gsum mdo// ri lung mang po 'dus pa'i rgyun// pho brang btab pas snyun nad zin// rmi lam 'byung zhing mchod rten bzhengs// nad las thar te rgyal sbrid 'dzin// tha chungs sras drongs phung po bsregs// tsha tsha btab cing mchod rten bzhengs// dgra bcom 'bras bu thob par 'gyur// sras 'bring nad kyis zin de 'das// bdun tshigs bdun gyis rigs drug drangs// thal ba tsha tsha btab nas ni// bla na med pa'i byang chub thob// li tsa byid kyis mi shes sam// de nas li tsa byid dgyes nas// da ltar shar ba'i phyag rdor khyod// dus der bzhugs pa ngas ma mthong // bag chags sol la gsang bar shod// ces gsungs so// sku gdung 'bar ba mchod rten gyi rgyud las// mchod
- 290a
rten byung tshul lo rgyus kyi le'u ste gnyis pa'o// / de nas gsang ba'i bdag pos dam pa'i rigs chen rnam pa lnga la thun mong mchod rten gyi man ngaga' di dag gsungs so// mchod rten bya ba'i sa btsal ba// snum zhing 'bol la gnyen pa'i sar// yungs kar dag la sngags 'di yis// lan bdun brjod la mtshams bcad do// oM a mr-i ta ha na ha na hUM phaT/ seng lding lcags phur sor brgyad la// rdo rje phur bur bsam nas ni/ lan bdun sngags brjod dbus dang ni// grA bzhir btab la gzhag par bya// oM badz+ra kI li kI la ya sarba duSh+TA na hUM phaT/ de nas thig skud/ rin chen la// rdo rje'i skud par rab bsams nas// rgya khyon ci rAn thig gis bskor// sngags 'di lan gsum brjod pa yis// sa gzhi rin chen gyur par bsam// oM badz+ra sU tra hU~M phaT/ oM badz+ra kha na kha na hUM phaT/ des ni rdo rje bsam mo// lag chas sa ni brko ba'i sngags// tshar nas gnas gtsang phyin nas ni/ bdud rtsi 'khyil pa'i phyag rgya ni// rdo rje rtse gsum mnan nas ni// lan bdun sngags bzlas thobs brdung // oM badz+ra mud kar A ko Ta ya A ko Ta ya
- 290b
hU phaT/ tsan dan gur kum dri chab chus// 'jim pa sgras byas lan bdun brjod// o a mr-i te hUM phaT/ a dka ra bdud rtsi chu ru dmigs// chu des gtor ma 'jim pa rdzi// sngags 'di lan bdun gtor bar bya// oM shud+d+he bi sho d+ha nA ya swA hA/ de nas 'jim pa rdzi ba'i dus// de nyid rdo rje rin chen bsam// oM bAbadz+ra pra mA ra ta na ye hUM phaT swA hA/ de nas 'jim pa'i gong bu la// sngags 'di gsum brjod byin rlabs pas// 'od lngas don mdzad 'phros 'dus nas// rin chen sne lngar gyur par bsam// o na ma sa man ta bud+d+hA nAn/ a pra ti ha ta shA sa nA nA na/ oM badz+ra A yu Sh+Te swA hA/ de nas 'jim pa byin rlabs pa/ sngags 'di nyi shu rtsa gcig bzlas// mchod rten gcig byas tsam gyis ni// bye ba byas par 'gyur ba'o// oM na mo b+ha ga bA te bai ro tsa na pra b+ha rA dzA ya/ a ra ha te swa myaka saM bud+d+ha ya/ oM sUk+Sh+me sa me sa ma ye/ sa ma te sa ma ro pe/ a na ba ra ne ta raM be ya sho// ma hA te dzo rA dza ku le ni rarbA ne/ sarba ta thA ga to hri da ya.a d+hiSh+ThAn a d+hiSh+NI te swA hA/ rigs lnga so so'i sngags gzhug gam// yi dam sngags sam gang byed sngags// bris te tsha tsha'i nang du gzhug/ gro ga
- 291a
gur kum dag gis bris// oM d+ha ra d+ha ra d+ha ya d+ha ra ya badz+ra d+h+rig/ oM shA shA ta pa re shwa shA to e h+ye ti 'dzin dzig/ oM badz+ra sUr+ya ta tra mo/ baM d+ha ma na ma sa ma ya traM a ha~M rad nA d+h+rig/ oM badz+ra d+harma sa ma ya hU lu hU lu a ro lig/ oM phu phu hi hi d+ha ra d+hA ra pradz+nyA d+h+ri ga/ yang na sngags thung 'di bris ti// tsha tsha chung / du'i nang du gzhug/ o tre yad d+hI kI nAn/ sarba ta thA ga ta na na/ tad ya thA/ o sUk+Sh+me sU k+ShAM/ shAn+te shAn+te/ dAn+te dAn+te/ ni ra ku la/ ya sho ya sho/ te dzo ba ti/ sarba bud+d+ha// a ti ti tre swA hA/ de rnams 'bi 'bi gzhug pa'i sngags// gsum brjod thabs shes rab 'brel ba'i// chos dbyings nyid du grub par bsam// de yi sngags ni 'di yin no// oM a mr-i tA yu she swA hA/ de nas 'bi 'bi bya ba'i sngags// ma zin bar du brjod par bya// au traM yad te sarba ta thA ga to hri da ya garbe dzA la/ d+harma d+hA tu gar+b+he sang ha ra na/ a yun sang sho d+ha ya pA paM/ sarba ta thA ga ta sa man+to ba mi la bi shud+d+he swA hA/ mar dang nyung rtsi 'bul ba'i sngags// nyon mongs rdul bral byang chub bsam// o a ra dze bi ra dze swA hA/ skor phor nang du gzhug pa'i sngags// thabs dang shes rab 'brel ba chos dbyings bzhugs//
- 291b
oM badz+ra d+hA tu gar+b+he swA hA/ skor phor sa la brdab pa'i sngags// mchod rten grub pas 'gro don ba sa ma// oM dar ma ra te badz+ra mu ka ra a ko ta ya hUM/ de nas mchod rten dbyung ba'i sngags// shel sgong dag pa lta bur bsam// oM badz+rad rod sra ba ya swA hA/ rgyu yi chos rnams rdzogs pa las// gzugs kyi sku ni rnam pa gnyis// 'bras bu'i chos rnams rdzogs pa las// chos kyi sku ru byin gyis brlabs// oM sarba ta thA gA ni ra ma kA ya sa ma ya stAM/ oM sarba ta thA ga ta sa ma b+ho ga kA ya sa ma stAM// oM sarba ta thA ga tA d+harma kA ya ma hA su kha badz+ra su ra ta sa ma ya staM/ de nas srog shing gzugs pa ni// mi nub brtan par gyur par bsam// oM badz+ra A yu she swA hA/ 'khor lo bcu gsum gzugs pa ni// sa ni bcu gsum gyur pa'o// oM pra mA d+ha na ye swA hA/ dar gyi cod pa na btags pa yis// thabs dang shes rab ldan par bya// o pa ta ka la ma ba swA hA/ ba dan sna tshogs 'phyar ba yis// sems can chos kyi snyan pa sgrog/ o pa ta ka swA hA/ chu srin rgyan mtshan btsugs pa yis// bdud bzhi las rgyal 'khor ba 'dzin// oM kum bi ra ra dza swA hA/ gdugs kyis sems can ma lus kun// bla na med pa'i skyabs dang ldan// oM pra
- 292a
ha ma ta na ya swA hA/ me tog 'phreng ba bcings pa yis// sems can mi brjed gzungs rnams 'dzin// oM rat+na mA le traM hU/ mtshan dang dpe byad rab ldan pas// bltas pas mi ngoms ldan pa'i sngags// nA ma tr-i yang te d+hA nu ga te/ pra ti ta shru pa ge ta be ta/ ta thA ga to ya/ ma ri ha hi/ saM myaka sa bud+hA ya/ tad ya thA puSh+Ti swA hA/ gdan rnams ma lus dbul ba'i sngags// rin chen nyi zla sems can pad// oM pu na d+ha ri dza ya swA hA/ gzhal yas khang du gshegs pa'i sngags// oM da ra da ra ku ta ka ra dza ye swA hA/ rin chen gzhal yas chos kyi pho brang du// nyi zla rin chen gdan la bzhugs su gsol// oM su pra tiSh+Tha badz+ra ya swA hA/ de la dbang rnams ma lus pa// rdzogs par bskur te ga nas par bya'o// oM badz+dza d+hA tu shwa ri a d+hi sh+tsi te a b+hi shiny+tsa maM/ sku dang gsung thugs yon ta ni las// 'phrin/ las rdo rje nyid gyur ba sam// oM sarba ta thA ga ta kA ya bAka tsit+ta ma hA sa ma ya s+t+waM// oM sarba ta thA ga ta gu Na karma ma hA sa ma ya stAM/ de nas mchod pa sna tshogs rnams// ma nyes par ma lus dbul bar bya// oM badz+ra a mr-i te ad+hi pra tits+tsha swAhA/ oM badz+ra d+hU be swAH/ oM badz+ra pus be swAhA/ oM badz+ra mA lo ke swAhA/ oM badz+ra ga r+the swA hA/
- 292b
oM ba ling ta te dzo ba ling ta swA hA/ zhes gsungs so// sku gdung 'bar ba mchod rten gyi rgyud las/ mchod rten gdab thabs man ngag gi le'u ste gsum pa'o// / / bcom ldan 'das gsang ba'i bdag pos thun mong gi mchod rten las kyi rim pa 'di dag gsungs so// chos dbyings mngon 'gyur ye shes sku brnyes shing // sku gsung thugs kyis 'gro ba'i don mdzad pa// thugs rje'i ci 'dul yid bzhin re skong ba'i// phyogs bcu'i sangs rgyas ma lus gshegs su gsol// nyon mongs dug sel yon tan 'byung ba'i gnas// gsung rab bcu gnyis 'phags lam rgyal ba'i bka'// bcom ldan shes rab pha rol phyin la sogs// rnam dag dbyings kyi dam chos gshegs su gsol// chos sku gzugs brnyan byang chub sems kyi ngang // gling bzhi 'dul mdzad mchod rten chen po brgyad// bsod nams zhing dang 'gro ba 'dren pa'i gtso// sku gdung ril bsrel ma lus gshegs su gsol// sa bcu rgyal sras che la mnga' brnyes shing // byams dang snying rjes brtson 'grus go bgos nas// shes rab thabs kyis 'gro ba'i don mdzad pa// byang chub sems dpa' ma lus gshegs su gsol// bden bzhi rtogs
- 293a
log lta ba'i skyon spangs shing // tshul khrims dri med dug lnga'i skyon bsal nas// 'phags la ma don brtson yon tan rgyan mnga' ba/ dgra bcom rang rgyal ma lus gshegs su gsol// byang chub sems ldan bde bar gshegs pa'i 'khor// khams gsum sa dgu gnas la mnga' mdzad pa// bcom ldan 'das kyi bstan pa bsrung mdzad pa// srid gsum bsrung ba'i tshogs gyur gshegs su gsol// zhes spyir spyan drang bar gsungs so// chos dbyings rnam dgra bzang mo'i dkyil 'khor 'dir// nyon mongs ma gos nam mkha'i rang bzhin la// rtog pa'i ting 'dzin chags pa'i skur bstan pa// chos sku zab mo'i mchod rten gshegs su gsol// byams pa chen po dpag tshad med pa'i chos// gdug pa'i tshogs rnams tha dad 'dul slad du// me long lta bu chos kyi don rtog nas// rdo rje rtsegs pa'i mchod rten gshegs su gsol// dga' rab don phyir 'khrul pa kun spangs shing // 'jigs med rin chen bang rim rtsegs pa la// sprul pa'i yon ten tshogs kyi 'phreng bas brgyan// rin chen rtsegs pa'i mchod rten gshegs su gsol// nyon mongs skyon bral pad+ma'i gdan stengs na// dga' ba rtsegs pa'i bang rim bdud bzhi
- 293b
'joms// bum pa chos dbyings spros pa med pa'i dbyings// pad+ma rtsegs pa'i mchod rten gshegs su gsol// nyon mongs 'khor lo'i sdug bsngal las kyis sbyangs// rnam par rtog pa'i mtshan ma kun bcom nas// bsod nams dge tshul bsags pa'i mchod rten rtsegs// byang chub rdzogs pa'i mchod rten gshegs su gsol// shAkya thub pa'i sprul pa'i sangs rgyas kyis// sku yi 'od zer sprul pas sgrib pa sbyong // yon tan tshogs kyi cha las skur bstan pa// 'od byung sprul pa'i mchod rten gshegs su gsol// byang chub tshogs kyis rab tu brgyan pa'i sku// 'dzam gling kun nas bsod nams sprin tshogs 'dus// bkra shis dge ba bsod nams tshogs bsags shing // mi mthun sgrib pa'i bag chags bsal ba'i phyir// bkra shis rtsegs pa'i mchod rten gshegs su gsol// dge tshul bsod nams mchod rten gshegs su gsol// yon tan tshogs kyi mchod rten gshegs su gsol// nyon mongs mun sel mar me gshegs su gsol// zhes so sor spyan drang bar gsungs so// de nas bzhugs su gsol ba gsungs// 'ja' tshon spe la legs bkod 'dra ba'i// rdo rje rin chen gcal du bkram// dge bcu dag pa'i pad+ma'i gdan stengs su// rim bzhin
- 294a
'tshams par bzhugs su gsol// chos dbyings pho brang rin chen gzhal yas 'dir// 'ja' tshon dpe 'dra'i gdan mchog bting lags kyis// bla med yid dang rang bzhin mchod rten dang / sprul pa'i gzugs can ma lus mchod rten kun// dog cing mtsher ba mi mnga' bar// sku gsung rdo rje lta bur byin brlabs nas// 'gro ba sems can rnams la sman slad du// brtan par bzhugs nas thugs rjes dgongs su gsol// de nas phyag 'tshal rim par gsungs// chos sku mkha' la ye shes skar bkram zhing // thugs rje'i 'phrin las gzugs sku'i char 'bebs pa// 'khor ba'i mun sel bdud bzhi 'joms mdzad pa// dus gsum bde gshegs rnams la phyag 'tshal lo// dmigs med chags bral bdud rtsi 'dus ma byas// rgyu 'bras bstan dang lam dang gnyen pos chos// sdug bsngal zad mdzad srid pa'i mun sel ba// dam chos bdud rtsi rnams la phyag 'tshal lo// bcom ldan shAkya seng ge'i byin rlabs las// srid rtse rin chen sna lnga'i gzhal yas na// rigs bzhi'i phyag rgya mchod rten bzhir snang ba// 'gro don rdzogs par mdzad la phyag 'tshal lo// ji ltar u dum 'bar ba'i me tog ltar// bde
- 294b
gshegs mdzad pa mthar phyin grub pa'i rtags// 'khor ba zad mdzad thar lam 'dren pa'i gtso// bla med mchod rten brgyad la phyag 'tshal lo// rnam dag dbyings kyi byin rlabs rgyal ba'i gdung // ma reg mun sel nges par legs pa'i gzhi// sprul pa'i mchod rten srid pas bkur ba'i gnas// ring bsrel 'jig rten rgyan la phyag 'tshal lo// thabs mkhas thugs rjes 'gro ba'i don mdzad cing // bden gnyis don rtogs sa bcu mchog brnyes shing // gzhan don rnam par grol ba'i sku mnga' ba/ byang chub sems dpa' rnams la phyag 'tshal lo// nyon mongs dug spangs tshul khrims rgyan mnga' zhing // slob dang mi slob 'phags la ma don bsgoms te/ rigs pa gsum gyi mtshan mas dgra bcom pa// nyan thos rang rgyal rnams la phyag 'tshal lo// srid pa gsum gyi bdag po'i gzugs 'dzin cing // lha klu gnod sbyin bdag por zhal ches pa'i// rnam bzhi 'khor du gtogs la phyag 'tshal lo// shar phyogs mngon dga'i sangs rgyas zhing khams na// rdo rje ri bo lhun po'i mchod rten bzhugs// 'od zer 'bar ba nyi ma stong gi gzi// sangs rgyas rdo rje'i 'khor la phyag 'tshal lo// lho phyogs dpal ldan yid bzhin zhing khams na// rin chen ri bo
- 295a
lhun po'i mchod rten bzhugs// 'od zer 'bar ba nyi ma stong gi gzi// sangs rgyas rin chen 'khor la phyag 'tshal lo// nub phyogs bde ldan dga' ba'i zhing khams na// pad+ma ri bo lhun po'i mchod rten bzhugs// 'od zer 'bar ba nyi ma stong gi gzi// sangs rgyas pad+ma'i 'khor la phyag 'tshal lo// byang phyogs rnam par dag pa'i zhing khams na// las kyi ri bo lhun po'i mchod rten bzhugs// 'od zer 'bar ba nyi ma stong gi gzi// sangs rgyas don grub 'khor la phyag 'tshal lo// sngar sangs rgyal ba'i ring bsrel yum gyi dbyings// 'gro don lhun grub bsod nams dbyings kyi gtso// mtshan ma med las mtshan ma'i skur yang gsal// sangs rgyas rab bdun da ltar bstan pa'i sku// 'khor lo bdun te phyag rgya'i mtshan mar gsal// log par dad sel gser thub 'khor ba 'jig/ thams cud skyobs dang 'od srungs mar me mdzad// shAkya thub pa la sogs sangs rgyas sku// 'gro don lhun grub mdzad la phyag 'tshal lo// rtsing po'i blo yis mchod rten 'dzin pa yang // nges par mkhyen pa'i khyad par ka Ni ka/ 'jig rten ye shes mun sel zla ltar gsal// 'di lta'i rmad mchog dam pa chos kyi dbyings// de phyir bla na med pa'i mchod rten la//
- 295b
lus rab btud de srid zhus bdag phyag 'tshal// dang ba'i yid kyis dmigs te mchod pa 'bul// 'di dag thugs rjes dgongs te bzhes su gsol// 'gro don yon bdag sems can ma lus rnams// mtho ris bgrod nas sangs rgyas grub par shog/ de nas mchod pa 'bul ba gsungs// de shes tshogs rdzogs sku gsum lhun gyis grub// bzhi bcom drug ldan mi gnas mya ngan 'das// thugs rje sprul pas 'khor ba'i 'dam skems pa'i// phyogs bcu'i sangs rgyas rnams la mchod pa dbul/ ye shes nyi mas ma rig mun sel ba'i// dri med bdud rtsi 'khor ba'i nad rnams 'joms// don dam dmigs med bde bar gshegs pa'i ga nas// 'phags// pa'i lam gyur chos la mchod pa 'bul// byams dang snying rje dga' dang btang snyoms tshul// bde gshegs rdor rin pad+mo las kyi rtags// rin chen bzhi las mngon du gyur pa'i sku// rigs bzhi mchod rten rnams la mchod pa 'bul// lho phyogs 'dzam gling rin chen dkyil 'khor 'dir// ye shes dpag yangs thugs rjes 'brel ba'i sku/ rang byung sprul pa'i mchod rten chen po dang // yid bzhin lhun gyis grub la mchod pa 'bul// nub phyogs bde ldan pad+ma'i dkyil 'khor na// thabs kyis bye
- 296a
brag ring bsrel skur bstan pa// dpe rnams bsam las 'das pa'i mchod rten dang // rmad grags chos kyi dbyings la mchod pa 'bul// byang phyogs dpag dbyangs yid bzhin dkyil 'khor na// thams cad dga' byed dpal zhing chos kyi gdung // yon tan rin chen rtsegs pa'i mchod rten dang // khams gsum bde rgyas sgron la mchod pa 'bul// shar gyi lus 'phags ye shes dkyil 'khor na// byams pas 'khor ba 'dren mdzad ring bsrel sku// byams dang bsod nams gter gyi mchod rten dang // mthar legs g.yung drung rdzogs la mchod pa 'bul// khri 'phang dang po dran pa nyer gzhag bzhi// lus dran sems dran chos dran rjes su dran// spyi dang rang gi mtshan nyid mngon rtogs pa'i// rig pa shes rab mkhyen la mchod pa 'bul// bang rim gnyis pa yang dag spong ba bzhi// sdig rnams mi skyed mi dge'i chos spong zhing // dge ba'i chos skyed chos don rdzogs mdzad pa// rtogs pa'i bag chags bral la mchod pa 'bul// bang rim gsum pa rdzu 'phrul rkang pa bzhi// 'dun dang sems dang spyod dang brtson 'grus rnams// spong ba'i 'du byed ldan pa'i
- 296b
rdzu 'phrul gyis// thog med 'gro don mdzad la mchod pa 'bul// bang rim pa zhi bar snang ba dbang po lnga// dang brtson dran dang ting 'dzin dbang po dang // shes rab dbang pos chos la dbang sgyur nas// 'dod dgu dge rtswa spyod la mchod pa 'bul// 'gyur med bum rten 'degs pa'i stobs lnga ste// dad dang brtson 'grus dran dang ting 'dzin stobs// shes rab stobs kyis nyon mongs zil gyis gnon// mthu dbang mngon du gyur la mchod pa 'bul// bum pa mngon 'phags byang chub yan lag bdun// dran dang tshor byed brtson 'grus dga' ba dang // shin tu sbyangs dang ting 'dzin btang snyoms kyis// 'grub 'gyur/ thog pa med la mchod pa 'bul// kha khyer 'phags pa'i lam gyi yan lag brgyad// lta dang rtogs dang ngag dang las kyi mtha'// 'tsho dang rtsol dang dran dang ting 'dzin gyis// 'phags lam gnas rab 'jug la mchod pa 'bul// srog shing mkhyen pa bcu yi bdag nyid de// thabs dang shes rab rig pa'i rtsal mchog gis/ dam chos bdud rtsi 'dzin pa'i srog tu gyur// shes rab don kun rigs la mchod pa 'bul// 'khor lo bcu gsum stobs bcu nyer gzhag gsal//
- 297a
shes rab spyan ldan thams cad mngon gzigs pa'i// shes bya'i bag chags sbyong la thogs pa med// ye shes phun sum tshogs la mchod pa 'bul// char kheb skyabs chen thugs rje'i bdag nyid de// 'dul ba'i dus dang sems can rgyud mkhyen rnams// 'jig rten rnams la phan 'dogs rab brtson pa'i// phyi mthar yun rings bzhugs la mchod pa 'bul// dad brtson shugs kyis lus ngag sems btud de// brtson 'grus drag pos rin chen sna lnga dang // 'byung ba lnga las grub pa'i mchod rten sogs// sku gdung ring bsrel rnams la mchod pa 'bul// sku gsung thugs las sprul pa'i rgyal ba'i sras// thugs rje'i shugs kyis phyi mthar gzhan don mdzad// skye 'gag med pa'i don gyi blo sbyangs pa// byang chub sems dpa' rnams le mchod pa 'bul// rnam grol mthar lam mchog tu rab brtson pa// zung bzhi ya brgyad rig pa'i skyes bu'i tshogs// rten cing 'brel ba rig pa'i sangs rgyas pas// 'phags pa'i dge 'dun rnams la mchod pa 'bul// dge ba bcu bskyed skal ldan sangs rgyas zhing // tshangs pa'i skad kyis ngan song mthar spangs te// rdzu 'phrul shugs kyis 'gro ba'i
- 297b
don mdzad pa// 'jig rten srungs ma'i tshogs la mchod pa 'bul// rdo ring them sgras chu sbyin rgyal mtshan dang // gdugs dang ba dan dar gyi cod pan dang // pad+ma nyi zla sil snyan lha yi rdzas// tshangs pa'i dbyangs ldan dmigs pa dag pas mchod// ting 'dzin sngags dang phyag rgya'i mthu 'gyur ba'i// yon chub bdug spos me tog mar me dang // bshos gsang dri chab la sogs sbyar ba dag/ mchod yon rnam lnga'i tshogs kyi mchod pa 'bul// dngos su 'byor dang yid kyis sprul pa yi// 'jig rten 'das dang 'jig rten grub pa'i rdzas// kun bzang rnam dag mchod pa'i sprin dpung gis// nam mkha' gang bar dmigs te mchod pa'i bu la// 'jig rten 'khor ba'i gnas nas drangs pa dang // 'gro don mdzad pa'i thugs dam bskang slad du// ye shes nyi mas mtshan ma'i skyon sbyangs nas// byams pa'i thugs rjes mchod pa bzhes su gsol// rgyal ba 'khor bcas ring bsrel mchod 'os rnams// spyan drangs phyag 'tshal mchod cing bskur ba rnams// sngon bsags las kyi sgrib pa kun sbyangs nas// 'gro drug tshogs rnams mngon par sangs rgyas shog/ de nas argas gsol mchod bshad//
- 298a
mchod rten sku yi cha lugs ni// 'og gi rmang bting ye shes bzhi// gyen du khri 'phangs rnam thar gsum// chags med pad+ma'i gdun stengs na/ bum pa bzang po chos kyi rje// gser gyi bre phul 'od zer 'phro// srog shing drang srong bla na med// 'khor lo bzhi dang ye shes brgyad// 'bar ba me dpung rdo rje'i bskor// bkra shis dpal tshogs gzhal yas 'dir// bla med mchod pa'i gdan bshams shing // chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// mchod rten gsung gi cha lugs ni// man ngag tshig gi snying po brjod// bzlas brjod gsung rab bcu gnyis brjod// don dam sgra skad kun la mkhas// rgyal ba rgya mtsho 'khor dang bcas// gsung gi mchod rten thams cad la// bkra shis dpal tshogs gzhal yas 'dir// bla med mchod pa'i rgyun bshams nas// chu bo gang+gA'i rgyun bzhin du// Ar+g+ha'i rgyun yang mi 'chad de// bkra shis mchod pa 'di phul na// thugs rjes dgongs nas bzhes su gsol// mchod rten thugs kyi cha lugs ni// dpe med
- 298b
bsam 'das nam mkha' che// ting 'dzin nyid lngas cir yang gsal// ye shes nyid yin cir yang rtogs// shes rab nyid pas mkhyen rab gsal// thams cad mkhyen pas lhun gyis grub// don dam sems rtogs yid las 'das// bkra shis dpal tshogs gzhal yas 'dir// bla med mchod pa'i rgyun bshams nas/ chu bo gad+mo'i rgyun bzhin du// an+ta'i rgyun yang mi 'chad de// bkra shis mchod pa 'di 'bul na// thugs rjes dgongs la bzhes su gsol// bla med mchod rten cha lugs ni// rin chen 'bar ba'i srid tshe na// tshin d+hu ma ni ye shes bzhi// bkra shis dpal tshogs gzhal yas 'dir// bla med mchod pa'i rgyan bshams shing // chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs te ba zhes su gsol// yid kyi mchod rten cha lugs ni// nam mkha'i dbyings dang rgya mtsho'i 'dzings// byang chub sems kyi mchod rten bris// snang zhing stong la stong zhing gsal// yid kyi mchod rten thams cad la// bkra shis dpal tshogs gzhal yas na// bla med mchod pa'i rgyan bshams shing //
- 299a
chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol/ rang bzhin mchod rten cha lugs ni// thugs rje'i byin rlabs rmad po che// mtshan ma'i sdug bsngal rab bsal nas// sems can kun la byams thugs ldan// bkra shis dpal tshogs gzhal yas 'dir// bla med mchod pa'i rgyan bshams nas// chu bo gang+gA'i rgyun bzhin du// ar+g+ha'i rgyun yang mi 'chad de/ bkra shis mchod pa 'di 'bul na// thugs rjes dgongs nas bzhes su gsol// sprul pa'i mchod rten ting 'dzin sku// byams shing snyoms pas kun gyi mgron// thugs rje chen pos skyo dub med// nub byang rgyal po'i mig nad sel// sprul pa'i mchod rten thams cad la// bkra shis dpal tshogs gzhal yas 'dir/ bla med mchod pa'i rgyan bshams shing // chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// gzugs 'dzin mchod rten shes rab sku// bdud kyi 'khor dang gshin rje'i 'khor// srin po'i
- 299b
tshogs dang lha ma yin// gnod sbyin ma lus thams cad kyi// gzi byin mthu stobs 'phrog mdzad pa'i// gnod sbyin srin po'i rgyu srang gcod// gzugs brnyan mchod rten thams cad la// bkra shis dpal tshogs gzhal yas 'di// bla med mchod pa'i rgyan bshams shing // chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// de nis mchod rten bstod pa gsung// bla med mchod rten bstod pa ni// tshogs chen rdzogs pa chos kyi sku// bla med byang chub thugs rje'i gnas// khams gsum 'gro rnams don gyi phyir// ye shes gzugs spul mchod rten 'di// gzhi rmang dge bcu pad+ma dag pa'i 'jams// dran pa nyer gzhag rmang gi khri 'phang brtan// sdig pa spangs pa'i bang rim gnyis pa las// rdzu 'phrul rkang pa bang rim gsum pa dge/ rnam grol dbang po bang rim bzhi pa bzang // thugs rje'i tshad med chos kyi char kheb lding // bden bzhi'i bstan pa 'jig rten skyong bzhi btsugs// stobs lnga'i bum pa'i dbyings sdug kun tu zlum// byang chub yan lag pad+ma shin tu mdzes// ting
- 300a
'dzin brlabs pas gang tshe blo legs pa// 'phags lam bre legs gru bzhi rim pas sdug/ shes bcu srog shing gzhung tshugs legs par drangs// stobs bcu'i 'phang log shibs pas sgrib baspangs// bla med mnyes pa'i gdugs mchog mkha' las 'phags// yang dag rdzogs pa'i byang chub cod pan ldems// ma 'dres nyer gzhag gdugs kyis rnam par mtho// dbyangs rab yan lag gsung snyan dril bu khrol// chos 'khor bskor ba'i gser bye'u ba dan 'phur// mi 'jigs bag skyong rdo ring seng ge brjid// thabs ldan sprul pas skye bo 'dul bar mdzad// rdzogs pa chen po'i tshul du lham me ba// byang chub snying po'i rten la phyag 'tshal bstod// yid kyi mchod rten bstod pa ni// 'khor ldog med pa'i gnas dang spyod yul na// nam mkha'i sa gzhi las ni gzhi blangs te// ye shes bzhi yi khri 'phang bzhi ni rtsigs// mtshan med bum rten las ni gzhi blangs te// chos dbyings mkha' las 'phags pa'i bum pa bgyis// dpag tu med pa'i srog shing legs btsugs nas// pha rol phyin bcu'i 'khor lo legs btags nas// mtha' gnyis bum pa'i gdugs ni yas 'bu ba la// mnyam
- 300b
nyid dar sbyangs kyis ni rab brgyan de// mtha' dang dbus med mi dmigs mi rtog pa// ma bcos lhun grub gnas pas chos kyi sku// skyon bral yang dag nyid la phyag 'tshal bstod// rang bzhin mchod rten la bstod pa ni/ yid bzhin lhun grub bkra shis gzhal yas khang // chags med ya nas dag par chos kyi dbyings// srid gsum mi 'khor mchod rten ka ni ka/ gzhi yi rmang gting ya mtshan rdo rje brag/ gyen du khri 'phangs khyad par dkon mchog gsum// hA 'dab/ dmar smug 'khyil cing ldem pa la// shel gyi bum pa dri med rnam par dag/ gser gyi bre phul yangs pas chos kyi dbyings// srog shing ma skyes sems kyi ngo bo nyid// ma 'khor ma byung chos kyi dbyings dang 'dra// rma bya chen mo yid 'ongs gzungs sgra sgrog/ stong zhing gsal ba'i me long 'od po che// sku gsung dbyer med byams snyoms kun gyi mgon// mi g.yo mnyam nyid chos mchog dpe las 'phags// sku gsung thugs kyi chos tshul rab kyi dbyings// rin chen sangs rgyas sku mchog mngon bstan nas// thugs rje sprul pas 'od zer spyi gtsug rdzogs// las dang nyon mongs sdug bsngal zhi mdzad pa// khams gsum mi ldog g.yung drung byang chub mkhar// dgra bcom pa gam
- 301a
bzhi po spyi rdzogs yangs// ye shes blo skar thabs kyi mda' 'phangs pas// 'chi bdag gshin rje ma rig sems can gcod// bsam gtan stsogs sgo yangs pas sring pa'i 'khor rnams 'joms// lcog dmar dpe med srid gsum rtse las yang dag 'phags// mda' yab rtag par rdo rje me ltar 'bar// dbyar zhing sa rlan drod gsher zil mi 'go/ dgun zhing sprin phung rlung 'tshub rdul mi 'go/ mnyan te klu rgyal chen po sbrul mi 'khri// bzor te ha lu ma 'da' spre'u mi 'dzeg/ ye shes mchod rten chos dbyings rnam dag sku// de bzhin nyid kyi sku la phyag 'tshal bstod// sprul pa'i mchod rten la bstod pa// bla med ye shes gdugs gcig srid gsum mun sel ba// kun la sgrib pa mi mnga' thugs rje dpal ldan pa// skye dgu rnams la sman slad rgyal ba'i ring bsrel snod// chos skur byin gyis brlabs nas mchod rten tshul bstan pa// rnam par grol ba'i rigs ldan sa gzhi lta bu la// byang chub sems mchog rdo rje gdan sgrubs te// chos la dran pa nyer gzhag pang rim dang po ni// sdug bsngal tshogs la yid byung lam gyi thog mar bshad// bang rim gnyis pa nyon mongs yang dag spong ba bzhi// mi dge chos rnams rab sdoms rnal 'byor stan yang byed//
- 301b
bang rim gsum pa ting 'dzin rdzu 'phrul rkang pa ste// sems kyi tha ba 'dul zhing bzod pa'i mchog tu gyur// bang rim bzhi pa bsam gtan dbang po lnga rnams ni// mthong ba'i lam gyi gnas yin de nyid stobs thob pa// bum rten khyad par tshul grub 'jig rten chos mchog ste// thar pa'i rgyu mtshan dam pa de las lhag pa med// bum pa byang chub yan lag dbyibs sdug snying po'i don// shin tu spros pa med phyir kun nas zlum por gnas// de la rten pa'i 'phags pa'i yan lag lam rnams ni// bre legs zur phyin lta bur yon tan rdzogs par snang // srog shing dpag bsam ye shes smon lam chen po yin// shin tu brtan par gnas pa rmad 'byung chos kyi sku// 'khor lo rim par rtsegs legs shes bcu'i rim gsum ste// ma 'dres bco brgyad chos kyang de 'dra'i tshul du snang // rnam thar brgyad kyi zur babs rin chen mgur chu bzangs// phan 'dogs skyon ma mchis pas nyon mongs med pa'i tshul// rnam grol shes rab 'od ldan gzugs kun zil gnon pa// bla med yon tan rgyanacig chos sku bzang la 'os// steng gi rin chen mdzes rnams kun mkhyen pa yi mchog/ bsnyel ba med pa'i rgyus bzung thugs rje khyad par byung // de phyir yang dag rim bzhin dam chos sgra sgrogs pa//
- 302a
mi shes gnyid las sad mdzad yan lag bcu gnyis ldan// nor bu'i 'phreng ba spel legs pha rol phyin bcu ste// 'jig rten 'das pa'i dpal dang bkra shis kun mnga' zhing // sa stengs gdugs kyis skyabs ltar tshad med bzhis khyab pa// rgyal ba mi rnams la yang dgongs pa mnyam par 'gyur// yid bzhin nor bu'i 'od 'bar mngon par mkhyen pa drag/ 'khor ba'i mkha' la rtag gsal kun tu snang mdzad pa// mi 'gyur kha lo sgyur mchog tshogs chen yongs rdzogs phyir// dam chos rgyal por mnga' gsol gser gyi cod pan 'phur// byang chub sems kyi zla tshes dkar po'i chos rgyu dang // ye shes chen po'i me long dus gsum sgrib med dag/ rgyu 'bras bzang por 'brel pas bstan pa yongs kyi dbus gnas pa// 'gro ba'i skyon rnams sel la phyag 'tshal bstod// rgyal chen phyogs bzhir bkod pa bsnyen pa mi mnga'i tshul// bsrung med stobs bcu'i rtsa la yangs brjid pa seng ge ste// rgyal bas bdud kyi tshogs btul mkhyen ldan pa'i// ye shes lhun gyis grub la phyag 'tshal bstod// theg gsum thar pa'i skas btsugs rnam thar sgo ldan pa// so so'i dbang po rims bzhin sprul nas kyang // byang chub chen po'i gdung rgyud 'phel mdzad pa/
- 302b
spyan mnga' rnam par sbyang la phyag 'tshal bstod// rang bzhin bzod mthar rnam dag de bzhin nyid// spros pa'i dri mas ma gos dkar ba'i tshul gcig kyang // rin chen rnam par spras pa'i mtshan mchog rdzogs pa'i sku// 'gre don lhag par mdzad la phyag 'tshal bstod// bde gshegs sku gdung dbyibs bcas chos sku rnam par dag/ gang gis mthong thos dran gus mchod cing reg pas kyang // mtho ris nges pa'i dpal dang thar mchog bde thob pas// yon tan rmad 'byung tshogs mnga' khyod la phyag 'tshal bstod// bsam gyis mi khyab gnas te brjod par mi nus bzhin// dad pas 'ol phyi cha shas gus par bstod pa la// don med skra rmongs 'phang rmad nongs par gyur to 'tshal// bde gshegs mngon sum spyan la mnod skur shin tu bshags// yon tan rgya mtsho mnga' las gal te thig tsam zhig/ don dang tshig gi sgo nas tshul 'dra brjod ce na// dges pa bzang po de ni bdag gi gter chen de// skye dgu 'gron dang gnyen phyir byang chub mchog tu bsngo// zhes ni phyi rabs 'byung rnams lung bstan no// de 'dra'i tshul du shes kyis gus par bstod// gzugs brnyan mchod rten la bstod pa/ bcom ldan 'das shAkya seng ge'i ring bsrel snod// srid gsum mchod nas bla med
- 303a
yul gyi rgyan bzhugs pa// 'od bzang 'tsher rabs shel gyi dkar po bzhin du dpa'// gzi chen lham me lhan ne lhag ge phyogs bcu gar yang gsal// bkra shis byin chags rgyang rings dbus mtho yang // sdig sbyangs dpal bskyed yid spro kun gyis bde ba thob// mthu chen gnyen pos yul ljongs stong khams byin chags shing // lha mi 'jig rten gsum gyi mgon skyabs rten gyi mchog/ ye shes tshogs chen rgyas pas bde gshegs chos kyi sku// rnam rtog mtha' dang bral bas yon tan kun gyi gzhi// dran pa nyer gzhag rmang gi khri 'phang brtan// brtson 'grus yang dag spong ba'i khri 'phang gnyis pa legs// ting 'dzin rdzu 'phrul rkang pa'i khri 'phang gsum pa dge/ rnam grol dbang po lnga yi khri 'phang bzhi pa brjid// bum rten stobs lnga bum pa byang chub yan lag bdun// bre legs gru bzhi 'phags pa'i lam gyi yan lag brgyad// srog shing stobs bcu gdugs kyi 'phreng ba bcu// gdung 'phreng gsum po ma 'dres dran pa nye bar gzhag pa la// snying rje chen pos 'phags pa'i chos kyi char kheb lding // bla med go 'phangs bsnyems pa'i gdugs kyis gnas 'phang mtho// 'jig rten mun sel dag pa'i ye shes zla ba gsal// dbyangs snyan tshangs pa'i
- 303b
gsung gis dril bu sgra snyan 'khrol// yang dag rdzogs pa'i byang chub dar gyi cod pan 'phur// bden bzhi bshad pa'i 'jig rten skyong zhing btsun// rnam dag tshul khrim phung po me tog 'phreng ba bzang // skyon bral bsrung ba med bzhi ngos bzhi chos kyi them skas mdzes// chos kyi 'khor lor bskor ba'i ba dan dkar po spa// bdud bzhi rgyal mtshan snyol ba'i rtags su chu srin rgyal mtshan grags// mi 'jigs bzhi yi rdo ring seng ges brjid// 'di 'dra'i dam chos ngo mtshar rmad du byung // thabs mkhas thugs rje'i dbang gis mchod rten tshul du spru la// nam mkha'i dbyings nas 'ja' tshon gsal ba ji bzhin du// yon tan blo yi khyad par kha dog dbyibs su bsgyur// dpal ldan rin chen 'byung gnas ya mtshan chen po la// dus gsum rgyal ba rnams kyi mchod rten skur byung tshul// dpal byung ka ni ka dang ting 'dzin tshul gcig pa'i// bsod nams gzi brjid chen pos yul khams byin brlabs shing // sangs rgyas sprul pa chen po'i mchod rten rnams// 'phrin las rdzogs par mdzad la phyag 'tshal bstod// de nas sku khrus gsol ba ni/ rnam dag skyon bral byang chub sems kyi dbyings// rnam dag skyon bral yon tan tshogs kyi gter// bkra
- 304a
shis bstod cing phyag 'tshal mchod pa'i gnas// bdud bzhi dpung rnams rab tu tshar gcod phyir// chos dbyings dag pa'i sku la sku khrus gsol// nyon mongs 'khrul pa'i rtog pa dag gyur cig/ ji ltar me long ngos la gzugs brnyan snang 'gyur yang // chos kyi sku la rdul tsam g.yos pa med// rin chen sna lngas bsgrubs pa'i mchod rten dang // sa 'am chu'am 'on te bar snang la// sems can don du rin chen skur bstan pa// mchod pa dmigs par bcas te sku khrus gsol// khams gsum gnas pa'i bag chags dag gyur cig/ dang rmang gzhi btsugs rnam dag u ma 'jams// dran pa nyer gzhag rmang gi khri 'phang mtho/ theg pa rnams kyi bang rim brtsegs pa la// chos dbyings spros med bum pa zlum po ste// smon lam chen po'i ting 'dzin srog shing btsugs// dge ba'i longs spyod nam mkha' gdugs kyis bskangs// byang chub sems dpa' zla tshes rnam par dag/ mdo sde bcu gnyis 'khor lo'i 'phreng bas brgyan// snang dbyings chos kyi sku la sku khrus gsol// shar phyogs byams pa'i 'khor la sku khrus gsol// zhe sdang gdug pa'i skyon rnams kun bsal nas// rtag tu byams pa'i ting 'dzin thob par shog
- 304b
lho phyogs rin chen chos sku brtsegs pa la// nga rgyal gdug pa'i tshogs kun bsal ba'i phyir// byang chub mchog gi chu bos sku khrus gsol// khams gsum 'khor ba'i nga rgyal skyon bral nas// rtag tu 'dod pa'i yon tan tshogs dang ldan gyur shog/ nub phyogs rnam dag pad+ma byang chub chos kyi dbyings// 'dod chags skyon bral pad+ma'i khri brtsegs na// khams gsum gnas pa'i bag chags byang bar bya// chos kyi sku la ye shes sku khras gsol// sems can rnams kyi 'dod chags byang gyur cig/ byang phyogs rnam dag las kyi zhing khams nas// 'dod chags sred spangs yon tan rdzogs par ston// rin chen in+d+ra lta bu'i mchod rten la// las kyi sgrib pa sbyang phyir sku khrus gsol// sems can rnams kyi 'dod pa grub gyur cig/ de nas mchod rten dbang bskur ba// rtogs pa'i ye shes dbang mchog gis// dbang mchog dram pa bskur ba ni// srog shing tshugs pa shes pa bcu yi dbang // 'khor lo pha rol phyin pa bcu yi dbang // char kheb thugs rje chen po'i dbang // gdugs ni mtha' gnyis skyobs pa'i dbang // rgyal mtshan bdud bzhi las rgyal dbang // ba dan khams gsum ma chags dbang // me tog 'phreng ba tshul khrims dag pa'i dbang // cod pan khams gsum dbang du sdud
- 305a
pa'i dbang // rin chen sna brgyad rgyu la byas pa'i dbang // sems can ma lus re 'dod skong ba'i dbang // sku mdog mu tig dkar po dri med ltar// gdung mchog shar ri ram gyi dbang bskur ro// gzugs su snang ba rnam par snang mdzad sogs// phyag rgya chen po'i tshogs kyi dbang bskur ro// ye shes lnga yi 'od zer 'phro// ye shes lnga yi dbang bskur ro// thams cad du yang skye ba med// chos nyid kun bzang dbang bskur ro// zhes gsungs so// sku gdung 'bar ba mchod rten gyi rgyud las/ thun mong las kyi rim pa bstan pa'i le'u ste bzhi pa'o// // de nas bcom ldan 'das gsang ba'i bdag pos khyad par du gdab pa 'di gsungs so// lha nyid bsgom dang rgyu byin rlabs// gdab cing rab gnas bya ba'o// de nas bdag nyid byin rlabs pa// bdag nyid pha ma lta bu'i sems// khams gsum gnas pa'i sems can rnams// bu yi 'du shes nyer gzhag nas// bsod nams tshogs dang ye shes tshogs// tshogs chen gzung la lam sbyang phyir// dngos rnams rang bzhin mi rtogs pas// bdag kyang stong pa nyid du gnas// de las bdag nyid las kyi lha// rigs lnga zhi khro gang mos su// bskyed la thugs kar ye shes sems// dbang bskur sku
- 305b
gsung thugs byin rlabs// spyan drangs gzhug cing brtan par bya// de ni bdag nyid bsgom par gsungs// oM aHhU swA hA/ de ltar gsal ba'i rnal 'byor pas/ 'byung lnga'i rgyu rnams byin gyis brlabs// phyag rgya khong stong rab sbyar nas// a yis 'byung ba rnam pa lnga// stong nyid ngang las cir yang snang // ye shes sgyu ma gang 'dod 'gyur// nam mkha' dag la 'debs 'dod na// phyag rgya thal mo khong stong sbyar// gang zhig sa la 'debs pa na// phyag rgya spyan gyi 'dul byed bya// chu la 'debs na mA ma ki'i// rdo rje bsdams nas mthe'u chung sgreng // me la 'debs par 'dod pa na// phyag rgya thal mo khong stong las// sor mo me dpung tshul du bya// rlung la 'debs par 'dod pa na// phyag rgya thal mo g.yab par bya// 'byung lnga byin gyis brlabs pa'i sngags// yum chen rnam pa lnga yi sngags// oM bA ri dza badz+ra swA hA/ dbyangs phyug mas nam mkha' byin gyis brlabs pa'o// oM badz+ra d+hA ri dza a ta ka ra swA hA/ sangs rgyas spyan gyis sa byin gyis brlabs pa'o// oM rma ri ni badz+ra d+hA ra swA hA/ mA ma ki saM chu byin gyis brlab pa'o// oM badz+ra ag ni ya gar sha swA hA/ gos dkar mos me byin gyis brlabs pa'o// oM badz+ra ag ni li a no la pra tsa la mo hU li t+yad dar swA hA/ dam tshig
- 306a
sgrol mas rlung byin gyis brlabs par bya ba'i sngags so// 'byung ba rnam pa lnga po yang // ye shes rdo rje'i rang bzhin las// cir yang snang du rung bar brlabs// bdag nyid lha yi thugs ka nas// ra yaM kha gi yi ge las// skor phor sbyang nas gzhal yas khang // nyi zla ga dan dang bcas pa ra bas ma// gdab lugs rnam pa lngar shes te// yi dam 'phrin las rten 'brel dang // lha rnams bsgrub cing tsho 'das sbyang // spyir na 'byung ba rnam lnga la// g.yon pas 'phreng ba'i grangs bzung zhing // g.yas pas skor phor btab pa yis// gzhal yas lha dang bcas pa bsgom// hUM badz+ra d+h+ri ga mud du shwa ri/ oM dzi na dzig/ lam rde shU ra te/ swa rad+h+wa d+h+rig la mo ha ra ti/ AM a ro lig pya gar ti/ ha pradz+nyA d+h+r-ig/ ta ma badz+ra ra ti/ nam mkha' mi skyod yab yum nyid// sa ni rnam par snang mdzad la// chu ni rin 'byung yab dang yum// me ni snang ba mtha' yas te// rlung ni don grub yab yum la// 'byung lnga rigs lngar sangs rgyas pa'o// gang zhig 'phrin las bsgrub 'dod na// zhi ba rnam par snang mdzad la// rgyas pa rin chen 'byung ldan de// dbang la snang ba mtha' yas la// drag po don yod grub pa'o// yang na bde gshegs he ru ka/ rin chen khrag 'thung pad+ma
- 306b
las// gti mug can ni zhi ba la// nga rgyal chen la rgyas pa de// 'dod chags dbang du 'dus pa dang // phrag dog zhe sdang drag por snang // chu rlung rgyu bzhi pa la// sa rlung/ rgyu dus rgyas pa grub// ma yi rlung gis dbang du gyur// rlung gi sa rlung la drag por snang // srog 'dzin las rnams kun la bsngags// oM shan+tiM ku ru swA hA/ oM puSh+Ti ku ru swA hA/ oM pa shang ku ru swA hA/ oM ma ra na phaT/ 'od dkar bkug nas gdug pa zhi// ser pos tshe dang bsod nams 'phel// dmar pos 'gro ba bzang mo dbang // nag pos dgra bgegs gsod par byed// ye shes lha rnams bsgrub pa na// snying po bris la tsha tshar gzhug/ bskyed bstim mchod bstod bzlas pa bya// mchog gi dngos grub ster bar 'gyur// 'jig rten lha rnams bsgrub 'dod na// gang bsgrub srog sngags tsha tshar gzhug/ bskyed la spyan drangs mchod pa 'bul// lha de nges par 'grub par 'gyur// thun mong dngos grub ster ba dang // srog ser gtad sogs 'grub pa'o// ser ba gcad dam ngag mnan nam// phaT kyi rbod gtong bzlog pa sogs// las rnams ma lus 'grub pa yin// thams cad kun gyi gzhir 'gyur ro// gang zhig tshe las 'das pa la// rus pa gos sam dri ma la// gur kum la
- 307a
sogs chus bkrus nas// mchod rten nang na yi dam lha// mdun na sgrib pa sbyong ba gnas// o da ha da ha sarba na ra ka ga ti he tu hU phaT/ oM ba tsa pa tsa sarba pre ta ga ti he tU hUM phaT/ oM ma tha ma tha sarba tir yag ga ti he tu hUM phaT/ de nas sku gdung byin rlabs pa// me long ngos la tsan dan gyis// sngags ni tshar yang bdun bris la// ra re la ni brgya rtsa brgyad// bzlas nas bum pa'i nang du brug/ de bzhin bum pa khengs pa'i chu// dkar rtsi sbyar nas mchod rten byug/ yang na 'dag pa'i ga se ba tu btang // ye d+harmA he tu pra b+hA bA he tun teSh+Than ta thA ga to h+ya ba data te/ ShAny+tsA yo ni ro d+ha e ba ma wa dI ma hA shra ma Na/ rgyu 'bras chos rnams rdzogs pa ru// sngags 'dis byin gyis brlabs par bya// oM badz+ra ku sha mr-i ti ud pa ta sa ma myag a rid ti/ i tra pa ya la bo d+hi ang ga ra t+ya ar+ya ba ti u rnam ga pa ri su ra rna ru phyi ti ku ru swA ha/ 'bras bu chos rnams rdzogs bya'i phyir// mnyam pa'i phyag rgyas 'od 'phros las// chos rnams rdzogs par byin gyis brlabs// sku dang ye shes nyid du gas la// / oM badz+ra dz+nyA na pany+tsa kA ya/ g+hu ya gar ba ma tra shu tri ni/ ku ru dz+nyA na sarba bag/ a mo ka ya swA hA/ zhes gsungs so// sku gdung 'bar ba mchod rten gyi rgyud las
- 307b
gsang ba chen po las kyi rim pa sna tshogs pa grub par bstan pa ste le'u ste lnga pa'o// // de nas bcom ldan 'das dpal gsang ba'i bdag po chen pos lus kyi mchod rten 'di gsungs so// he ru ka yi gnas bcu nas// gdug pa thabs kyis 'dul ba'i phyir// dur khrod chen po'i gnas brgyad du// rang 'byung mchod rten chen po ni// shar phyogs rgya gar yul na ni// ma ga ta yi ljongs dag na// dur khrod chen po bsil ba'i tshal// lum pa'i tshal du sku bltams nas// ba su kI dang sgrogs pa dang // shir sha'i shing dang lha dbang dang // yid bzhin lhun grub bde byed bstan// dus gsum sangs rgyas rabs bdun byung // mkhas shing snying stob che ba'i gnas// gtum drag in+d+ra bo d+hi'i gnas// 'byung po rag sha sang mgo bzhugs// shar lho mtshams ni bal po'i yul// ta na ya mkha byang kri// lhun grub dur khrod byin za dang // shing bu ka ran tsit+ta 'bims pa dang // mchod rten kha sho bya khri kha// ston pa dka' thub mdzad pa de// bal che rjen le 'beb yod// de na zan gyi longs spyod che// bkra shis mchod rten hu lu ka/ 'byung po gu gu ta nag gnas// lho phyogs sing nga'i yul dag na// dur khrod chen po'i
- 308a
sku la rdzogs// tsu ta'i shing nu gshin rje dang // keng rus can de sin du'i mtsho// ston pa rab tu byung ba'i gnas// mthong thos rdzu 'phrul mang po ldan// pad+ma drag po g.yo ba dang // mchod rten ri bo ta la nyid// 'byung po ser skya ral pa can// lho nub mtshams kyi tho dkar yul// dur khrod chen po gsang chen na// rigs ldan dang ni gtum pa dang // shing ni ral tra srin po dang // ston pas bdud rnams btul ba'i gnas// mthu dbang rab tu che ba'i yul// phyag na rdo rje'i dbang bskur zhing // rgyal po ku ku ra tsa'i gnas// mun pa drag po drag gyad kyi yul// mchod rten mgo mangs bsod nams gter// 'byung po nag po dbang ldan bzhugs// nub kyi phyogs na za hor yul// dur khrod khu byug glong dgun// shing bu kang kol klu dbang gnas// kar ko ta dang g.yo bstan dang // rgya mtsho rga gling can dag na// rgyal po tshangs pa byin gyis dbang // rdo rje 'bar ba mya ngan 'das// mchod rten bde byed gzhon nu bzhugs// rin chen sna brgyad yod pa'i gnas// 'byung po rdo rje sna yon yod// nub byang mtshams na kha che'i yul// dur khrod chen po he chen rol// klu bdag dung skyong sprin dbang phyug/ par ka pa ra ti nags tshal na//
- 308b
ston pa khab tu gzhes pa'i gnas// rgyal po ma skyes dgra yi yul// 'dod pa'i yon tan phun sum tshogs// ki li ki li sgra yang sgrogs// mchod rten thar legs chen / po yin// 'byung chen gcer bu ral pa can// byang gi phyogs na u rgyan yul// dur khrod pad+ma brtsegs pa na// a shad shing la gnod sbyin dang // 'jog po dang ni tshor sgrogs dang // ston pas chos kyi 'khor lo bskor// u rgyan thor lcogs can gyi yul// bying chu'i rgya mtsho chen po na// u rgyan rgyal po u pa ra// tshang tshing na ni chos kyi gter// gzi yi mchod rten chos 'khor can// 'byung po tsan dbus na yod// byang shar mtshams na li yi yul// dur khrod 'jig rten mngon rdzogs na// dbang ldan pad+ma chen po dang // mi bzad drag po gang ba dang // mchod rten 'ge'u te sha na zhes bya// ston pas cho 'phrul bstan pa'i gnas// chu 'byin me 'bar 'phrul sna mang // mi rje btsan pa'i rgyal khams yin// de ltar dur khrod chen po brgyad// mchod rten chen po brgyad pazhugs pa// sangs rgyas sku yi rten yin te// rigs lnga'i sangs rgyas sku gdung dang // sprul pa sku yi sku gdung dang // nyan thos rang rgyas byang chub sems// mya ngan 'das pa'i sku gdung snod// mchod rten bum par gnas pa
- 309a
yin/ sku gdung rnams kyi rgyu bshad na// de'i rgyu'i snying po byang chub sems// rkyen ni sngags dang phyag rgya dang // ting 'dzin zab mos 'grub pa de// mdor na bskyed dang rdzogs par snang // stong nyid rab tu 'byongs las 'byung // 'bras bu rgyu dang 'bral ba ni// byang chub sems rtogs ring bsrel byung gzugs sku 'byongs na yi dam sku// ye shes rtogs na 'ja' tshon 'od// bla ma mnyes na yi ge'i 'bru// mkha' 'gro 'dus na sgra yang sgrog/ sku rnams 'byongs na sku gdung nyid// gsung rnams 'thabs na yi ge sngags// thugs nyid 'byongs las ring bsrel shar// mtshan rtags mthar phyin tshegs rdzogs na// dung gi gzugs su snang ba yin// mdo bzlas dag la 'thebs pa ni// me tog gzugs kyang 'byung ba yin// mdor na dge ba'i las brtson na// dge rtags ci yang snang ba yin// sku gsum 'grub pa'i rgyu yin pas// ma 'ongs chos la bsgom bsgrub rnams// brtson par byas nas 'bad pas 'grub// rang lus mchod rten chen por shar// lto ba rmang gzhi lags papal// yan lag bzhi po bang rim nyid// mgo ni bum par gnas pa yin// phung po lnga dang 'byung ba lnga// dbang po rnam shes mchod rten lha// lus kyi tshul du sangs rgyas
- 309b
pa'o// rdzogs pa a nu yog yin// srog shing gsum gyi mchod rten la// me rlung gnyis kyi rmang gzhi gting // 'khor lo bzhi yi bang rim la// dbu yi gtsug tor bum par shwar// khams kyi bdud rtsi lha yi sku// dri chen rnam snang byang chub sems// mi bskyod sha chen rin chen 'byung // pad+ma rak+ta snang mtha' yas// dri chu las de 'byung bzhi yum// sngags kyi yi ge ngag tu gnas// 'od kyis 'gro ba'i sgrib pa sbyong // snying po rlung ni thugs su gnas// 'gro ba ma lus gnas 'dir gnas/ 'gro ba ma lus 'dir 'dus so// oM AHhUM/ 'jug dang ldang dang gnas pa yis// sku gsum mi zad rgyan 'khor 'grub// oM aHhUM swA hA/ lnga yi bdag nyid bcu ming can// 'di ni rnam shes gzhol ba'i lha// rigs lnga 'khor bcas sangs rgyas pa'o// o nri su tri pri du/ 'dod pa'i khams na gnas pa rnams// yi ga drug gi sa rab tu sbyongs// oM/ gzugs khams bsam gtan gnas pa kun// sngags kyi mchod rten nyid du nges// gzugs med a ru sangs rgyas pa// khams gsum ye nas mchod rten skyongs// zhes gsungs so// sku gdung 'bar ba mchod rten gyi rgyud las/ rang lus mchod rten du bstan pa ste le'u drug pa'o//
- 310a
de nas bcom ldan 'das kyis man ngag rdzogs pa'i mchod rten 'di gsungs so// kun gzhi rnam shes mchod rten la// nyon mongs yid kyi bang rim bcas// yid kyi rnam shes bum pa la// sgo lnga'i rnam shes 'khor lor gsal// kun gzhi rnam dag chos kyi sku// rang 'byung ye shes rdzogs pa'i yid// nyon mongs rnam lnga ye shes 'khor// sgo lngar snang ba rol par shar// 'khor ba nyid ni mya ngan 'das/ snang srid gzhi bzhengs chos kyi sku// byas pa med par ngang gis grol// rang 'byung ye shes mchod rten du// 'khor 'das ma lus rdzogs par gnas// mu byas lhun gyis grub pa'o// sku gdung 'bar ba mchod rten gyi rgyud las/ man ngag rdzogs pa'i mchod rten gyi le'u ste bdun pa'o// / de nas gsang ba'i bdag po la/ dge slong la tsaM byi dri ma med par grags pas zhus pa/ bcom ldan 'das ma 'ongs pa'i sems can skal ba dman pa rnams kyi don du/ mchod rten gyi smon lam rgya chen po yon gyi bdag po rnams kyis go bar gsung du gsol/ zhes zhus so// de nas bcom ldan 'das kyis rtsod dus kyis blo dman pa rnams kyis go bar bya ba 'di gsungs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par
- 310b
snang mdzad dang / bcom ldan 'das mi 'khrugs pa dang / bcom ldan 'das rin chen 'byung ldan dang / bcom ldan 'das snang ba mtha' yas dang // bcom ldan 'das don yod grub pa dang / bcom ldan 'das shAkya thub pa la sogs te/ ston pa chos kyi rgyal po chen po sku gsum dang ye shes bzhi mnga' ba// stobs dang ma 'dres par rgyun pa thams cad la/ ming 'di zhes bgyi ba lus dang ngag yid dang bas gus par phyag 'tshal lo// dam po'i chos gsung rab mdo sde bcu gnyis dang / sde snod gsum gyis bsdus pa/ rgyu dang 'bras bur bcas pa thams cad la gus par phyag 'tshal lo// byang chub sems dpa'i dge 'dun 'phags pa byams pa dang / 'jam dpal dang // spyan ras gzigs kyi dbang phyug dang / phyag na rdo rje dang / sa'i snying po dang / nam mkha'i snying po dang / sgrib pa rnam par sel ba dang / kun tu bzang po la sogs te/ so bcu rim par bzhugs pa thams cad la phyag 'tshal lo// 'phags pa nyan thos kyi dge 'dun/ 'phags pa shA ri'i bu dang / 'phags pa mo'u 'gal gyi bu dang / 'phags pa rab 'byor dang / 'od srungs la sogs te/ skyes bu zung bzhi dang / gang zag ya brgyad kyis bsdus pa thams cad la gus par phyag 'tshal lo// mchod
- 311a
rten dang / sku gdung dang // ring bsrel la sogs pa// de bzhin gshegs pa mya ngan las 'das pa'i slad na// sems can rnams kyis bsod nams thob par bgyi ba'i slad du// thugs rje chen pos khyab par byin gyis brlabs te bzhugs pa thams cad la yang gus par phyag 'tshal lo// dpal tshangs pa dang / brgya byin dang // rgyal po chen po bzhi dang / phyogs skyong ba bcu la sogs pa la yang gus par phyag 'tshal lo// dam pa'i chos srung zhing lha dang mi'i srid pa sbyor ba'i bsrungs ma dam tshig can thams cad la gus par phyag 'tshal lo// 'phags pa thams cad ming 'di zhes bgyi ba la dgongs su gsol// mchod rten ni de bzhin gshegs pa thams cad kyi sku'i gzugs brnyan rgyu dang 'bras bur bstan te/ rgyu'i chos bang rim dang po dran pa nye bar gzhag pa bzhi dang / bang rim gnyis pa yang dag pa spong ba bzhi dang / bang rim gsum pa rdzu 'phrul gyi rkang pa bzhi dang // bang rim bzhi pa dbang po lnga dang // bum rten gyis stobs lnga dang // bum pa byang chub kyi yan lag bdun dang / kha khyer gyis 'phags pa'i lam yan lag brgyad dang / 'bras bu'i chos 'khor lo bcu gsum gyis// de bzhin gshegs pa'i stobs bcu ma 'dres pa'i dran pa
- 311b
nye bar gzhag pa bzhi dang / char kheb kyis thugs rje bstan pa dang / srog shing gis shes pa bcu bstan pa de/ de bzhin gshegs pa chos kyi sku'i gzugs brnyan de lta bu bgyi ba'i rgyu ni/ da ltar gyis dang 'jim pa 'di dag gser dang / dngul dang / shel la sogs pa// rin po che sna tshogs su dmigs te/ de dag las grub pa'i/ mchod rten 'phang du dpag tshad tsam la/ rgyar dpag tshad phyed tsam gyi nang nas/ sku'i gzugs brnyan tsha tsha btab pa rnams// dpal rnam par snang mdzad la sogs pa/ sangs rgyas dang byang chub sems dpa' sha stag bzhugs pa'i zhal nas/ gsang sngags dang / rig sngags dang / gzungs sngags kyi 'od zer byung ste/ sems can rnams kyi sgrib pa skyong zhing don mdzad pa de lta bus/ phyogs bcu'i 'jig rten gyi khams lag mthil ltar mnyam pa thams cad du gang bar mos shing de bzhin du gyur cig/ de ltar bzhugs pa'i 'phags pa thams cad ming 'di zhes bgyi ba dang bdag cag la sogs pas/ lus rdul snyed du gyur pa'i lus dang / ngag dang / yid rab tu dang bas gus par phyag 'tshal lo// dpal kun tu bzang po mchod pa'i sprin phung rgyas pa thams cad kyis mchod do// sku dang / gsung dang / thugs dang / 'phrin las kyi yon tan/
- 312a
khyad par can mnga' ba rnams la sems dang bas dmigs te chags pa med pa'i dbyangs snyan pas bstod do// 'phags pa thams cad ming 'di zhes bgyi ba dang / bdag cag la sogs pa la dgongs su gsol/ ming 'di zhes bgyi ba dang bdag cag la sogs pas/ chos kyi sku dang gzugs kyi sku mthong zhing thob par bgyi ba la sdig pa mi dge ba'i chos ci mchis so 'tshal mthol zhing bshags so// 'phags pa rnams kyi sku de dag mnyes pa dang / sku de dag thob par 'gyur ba'i so so skye bo yan chad kyi dge ba'i rtsa ba thams cad la rjes su yi rang ngo // thugs rje'i dbang gis sprul pa'i sku 'byung ba thams cad la chos kyi 'khor lo bskor bar gsol lo// gang gis chos kyi 'khor lor bskor nas sems can gyi don mdzad nas/ 'dul ba'i ched du thabs kyis mya ngan las 'das par ston par bzhed pa de dag thams cad mya ngan las mi 'da' bar gsol ba btab bo// ji ltar 'phags pa rnams kyis sems can gyi don du byang chub tu thugs bskyed cing // dge ba'i rtsa ba bla na med par bsngos pa de ltar/ ming 'di zhes bgyi ba dang bdag cag la sogs pas kyang byang chub tu sems bskyed cing // dge ba'i rtsa ba bla na med par bsngo'o// sku gdung 'bar ba mchod rten gyi rgyud las/ smon lam dge
- 312b
bsngos te le'u ste brgyad pa'o// // de nas gsang ba'i bdag pos rnying pa spo ba 'di gsungs so// sku gdung rnying pa spo ba ni// sbyor ba dngos gzhi'i rjes yin no// de la sbyor ba'i bsam pa ni// bsgres shing gnas ngan 'o rgyal bas// de bsten gzhan ma sdig sogs pas// mos pas bzang por bzhengs par bya// dngos gzhi 'di ltar bya ba ste// rnying pa gshegs la gsar pa bzhengs// gshegs pa'i cho ga rab gnas gso// mchod cing mnga' gso la gshegs pa zhu// sdig sgrib nyams bshags gshegs su gsol// rten 'brel snying pos 'jig par bya// sa rdo brkor yin ma ya ra bar// bzhengs pa'i gnas su ma lus bskyal// de nas sar pa bzhengs pa ni// dus rings ma lon sngar tshad lhag/ sdig bsogs spangs te dge la gnas// bzhengs nas rab gnas ldan par bya// rjes la bkur sti phu dud bsogs// mchod rten mchod pa rgyas par bya'o// zhes gsungs pas// dman pa'i lus kyis sems dpa' rnams// gsang ba'i bdag po la bstod pa// kye gsang ba'i bdag po khyod// bla med rang bzhin yid gzugs sprul// sngags dang mchod rten kun tshang ba'i// mchod rten 'bar ba'i rgyud gsungs pa// mtha' yas//
- 313a
sems can tshogs rnams rdzogs// sangs rgyas nyid du 'dis 'gyur ro// zhes bstod do// de nas ston pas gsung pa/ dam pa'i rigs can dra ma rnams// sku gdung 'bar ba'i rgyud 'di yis// blo dman rnams kyis go bya'i phyir// khyed la man ngag nyid du gtad// ces gsungs pa la rjes su yi rang ngo // sku gdung 'bar ba'i rgyud las// rten spo ba dang rjes su yi rangs pa'i te le'u dgu pa'o// // sku gdung 'bar ba mchod rten gyi rgyud rdzogs so// // / rgya gar skad du/ bi ma la uSh+NISha/ su pa ra b+hi b+hi sha ka ra ma si te tan tA/ bod skad du/ gtsug tor dri ma med pa sku gzugs mngon par bstan pa'i rgyud/ bcom ldan 'das dpal rnam par snang mdzad chen po la phyag 'tshal lo// 'di skad bdag gis thos pa'i dus gcig na// de bzhin gshegs pa mi dmigs pa las 'das pa// yon tan mngon par bstan pa/ sku'i rang bzhin du ma 'gags / par gsal ba ste/ bcom ldan 'das shAkya thub pa zhes bya ba la sogs pa gcig dang bsam yas pa bgrang ba'o// gzhan yang bcom ldan 'das 'khor lo o