F127MW1KG13607_0127mdo sdeAll versions of this work

'phags pa de bzhin gshegs pa'i gzugs brnyan bzhag pa'i phan yon yang dag par brjod pa zhes bya ba'i chos kyi rnam grangs

Āryatathāgata pratibimaba pratiṣṭhayanuśaṅsa samabarnananamādharmabargyaya

Text

ff. 231b–234a · 6 folio sides

  1. 231b

    rten dpog mi nus/ bcom ldan 'das dges shing de skad ces bka' stsal to// yul mnyam dka'i rgyal po mkhas ldan gzugs can snying po dang / dge slong de dag dang / byang chub sems dpa' de dag dang / lha dang mi dang lha ma yin dang / dri zar bcas pa'i 'jig rten yid rang te/ bcom ldan 'das kyis gsungs pa la bangon par bstod do// 'phags pa srid pa 'gro ba zhes bya ba theg pa chen po'i mdo// rdzogs so// bkra shis shog rgya gar skad du/ Ar+ya ta thA ga ta/ pra ti bi ma ba/ pra tiSh+Tha a nu shangs/ sam parnan na mA d+harma brgya ya/ bod skad du/ 'phags pa/ de bzhin gshegs pa'i gzugs brnyan gzhag pa'i phan yon yang dag par brjod pa zhes bya ba'i chos kyi rnam grangs/ thams cad mkhyen pa la phyag 'tshalo// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sprin gyi kun dga'o ba na bzhugaso// de'i tshe dge slong rab tu mang po dag cig rim 'gro'i gnas su lhags te/ 'dus nas bar skabs der gtam 'di lta bu zhig glengs so// khyed cag la bram ze'am/ khyim bdag dad pa can thos pa 'dzin pa zos pa bsags pa/ dge ba ji ltar bya zhes tshol/ de bzhin gshegs pa'i gzugs brtan bya bar spro ba skyed/

  2. 232a

    pa dag snang la/ de dag gal te bdag cag gi drung du lhags nas/ btsun pa bdag de bzhin gshegs pa'i gzugs brnyan bgyid pa'i gang zag sbyin pa po la/ phan yon ji tsam zhig mchis par rig par bgyi zhes rmed na/ de bzhin gshegs pa'i gzugs brnyan bgyid pa la phan yon ji tsam zhig yod pa bdag cag gis ma shes te/ de'i tshe de dag la bdag cag gis ji ltar chos dang mthun par lan gtab par bya/ gang don 'di dag nyid ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tshom thams cad gcod par mdzad pa/ ston pa de dag la bdag cag gis zhu'o// 'on tam bcom ldan 'das de bdag cag lung ston par mdzad de/ bdag cag gis de bzhin gzung nas/ bram ze dang / khyim bdag dad pa can rnams la/ rgya cher byed ste lan gdab par bya'o zhes bgros so// de nas dge slong rab tu mang po dag/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ dge slong rab tu mang po dag gis/ bcom ldan 'das la 'di skad ces gsol to// btsun pa bdag cag dge slong rab tu mang po dag/ rim 'gro'i gnas der lhags te 'dus

  3. 232b

    pa dang / bar der bka' mchid de lta bu zhig glengs te/ khyed cag la bram ze'am/ khyim bdag dad pa can thos pa 'dzin pa/ thos pa bsags pa/ dge ba ji ltar bgyi/ zhes tshol ba/ de bzhin gshegs pa'i gzugs brnyan bgyi bar spros par bskyed pa dag gda' la/ de dag gal te bdag gi drung du mchis nas/ btsun pa dag de bzhin gshegs pa'i gzugs brnyan bgyid pa'i gang zag sbyin pa po la phan yon ji tsam zhig mchis par rig par bgyi zhes rmed nas/ de bzhin gshegs pa'i gzugs brnyan bgyid pa la/ phan yon ci tsam zhig mchis pa bdag cag gis ma 'tshal na/ de'i tshe de dag la/ bdag cag gis ji ltar chos dang mthun par lan gdab bar bgyi/ gang don de dag nyid ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tsom thams cad gcod par mdzad pa ston pa de la bdag gis zhu bar bgyi'o// 'on tam bcom ldan 'das de bdag cag la lung ston par mdzad de/ bdag cag gis de bzhin bzung nas/ bram ze dang / khyim bdag dad pa can rnams la/ rgya cher phyes ste lan gdab par bgyi'o// snyam bgyid de/ btsun pa bcom ldan 'das don de dag nyid/ bdag cag zhu zhing mchis nas/ btsun pa de bzhin gshegs pa/ gzugs brnyan bgyid pa'i gang zag sbyin pa po la phan yon ji tsam

  4. 233a

    zhig mchis par rig par bgyi/ bcom ldan 'das kyis bka' stsal pa/ dge slong dag khyed skye bo mang po la phan pa dang / skye bo mang po la bde ba dang / snying brtse ba dang / lha dang mi rnams la phan pa dang / bde ba'i phyir zhugs te/ khyed gang de bzhin gshegs pa dgra bcom pa yang dag par rdzogs pa'i sangs rgyas la/ don 'di dag nyid zhu bar sems dpa' legs so// legs so// dge slong dag de'i phyir legs par rab tu nyon la/ yid la zung shig dang / bstan par bya'o// dge slong de bzhin gshegs pa'i gzugs brnyan byed pa'i gang zag sbyin pa po la/ phan yon 'di lnga yod de/ lnga gang zhe na/ gzhal med khang chen por gnas pa dang bong steng bzang por grags pa dang / spro ba mang ba dang / tshe ring ba dang / grags pa dang ldan pa dang / bde ba mang ba de/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i// phan yon dang po yin no// gzhan yang phyug pa dang / nor mang ba dang // longs spyod che ba dang / nor rdzas dang / yo byad mang ba dang / bdag dbang ba/ bdag gir bya ba mang ba dang / nor dang / 'bru dang / dbyig dang / gser dang / mdzod dang / bang ba'i tshogs mang ba dang / rta dang glang po che dang / ba lang dang lug dang / bran dang bran mo dang / las byed pa dang / zho shas 'tshe ba dang / blon po dang /

  5. 233b

    mdza' bshes dang / gnyen dang / smag gi gnyen mtshams mang por 'gyur ro// dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gnyis pa yin no// dge slong dag gzhan yang gzugs bzang ba dang / lta na sdug pa dang / mdzes pa dang / mdog gser lhar bzang ba dang / mgo/ gdugs ltar zlum pa dang / lag pa ring ba dang / 'bral bI dbyes che ba dang / smin mtshams par ma mchad pa dang / yan lag dang nyin lag thams cad dang ldan pa dang / rgyan thams cad kyis brgyan par gyur te/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gsum pa yin no// dge slong dag gzhan yang 'khor lo sgyur ba'i rgyal po 'khor bzang po che rin po che sna bdun dang ldan pa dang / bu stong gis bskor bar 'gyur te/ de'i bu 'am/ chung ma 'am/ bran nam nye bar 'tsho ba gang yin pa de dag thams cad de la gus par nyan pa dang / bka' nyan par byed de/ dge slong dag 'di ni/ de bzhin gshegs pa'i gzugs brnyan byed pa'i gang zag/ sbyin pa po'i phan yon bzhi pa yin no// dge slong dag gzhan yang de lus dang bral na/ bde 'gro mtho ris kyi 'jig rten lha rnams kyi nang du skye bar 'gyur te/ der skyes nas/ lha'i rgyal po khyad par can lha dang / lha'i bu dang /

  6. 234a

    lha'i bu mo rnams kyi rten du 'gyur la/ gnas bcu po lnga'i tshe dang / lha'i mdog dang / lha'i stobs dang / lha'i bde ba dang / lha'i dbang phyug la/ dbang byed pa dang / lha'i gzugs dang / sgra dang / dri dang / ro dang / reg bya rnams kyis dga' bar byed de/ dge slong dag 'di de bzhin gshegs pa'i gzugs brnyan byed pa'i gang zag sbyin pa po'i phan yon lnga pa yin no// bcom ldan 'das kyis de skad ces bka' stsal ba dang / dge slong de dag bcom ldan 'das kyis gsungs pa la yid rangs te/ mngon par bstod do// 'phags pa de bzhin gshegs pa'i gzugs brnyan byed pa'i phan yon yang dag par brjod pa zhes bya ba'i chos kyi rnam grangs rdzogs so// / sarba mang+ga laM// dge'o// @rgya gar skad du/ Ar+ya sang ga Ta su tra d+harma par+ya yA/ bod skad du/ 'phags pa zung gi mdo'i chos kyi rnam grangs sangs rgyas dang / byang chub sems dpa' thams cad la phyag 'tshalo// 'di skad bdag gis thos pa dus cig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po/ dge slong sum khri nyis stong la/ 'di lta ste/ tshe dang ldan pa kun shes ko'u 'di n+ya ya dang //

Colophon

'phags pa de bzhin gshegs pa'i gzugs brnyan bzhag pa'i phan yon yang dag par brjod pa zhes bya ba'i chos kyi rnam grangs rdzogs so/