rdzogs pa chen po kun tu bzang po ye shes gsal bar ston pa'i rgyud phyi ma
Text
ff. 282a–283b · 4 folio sides
- 282a
bdag 'dra sangs rgyas ye shes kyi// gu ru shrI sid+ha la// dad pas mnyes byas rgyud 'di gnang // su la'ang ma byin gter du sbas// lan cig rtags tsam+ba 'dzin dus su// mthar la'i yur du skyes pa yi// skal ldan pami sprul pa cig/ ngong ldan dam tshig ldan pa yi// 'gro ba 'dul ba'i rang bzhin can// de dang rgyud 'di phrad par shog/ de nas gang zag skal ba can// 'ga' dang phrad nas grol bar shog// rgya gar skad du// san+ni ma hA dz+nyA na b+ha dra sa man+ta/ dz+nyA na pra b+ha di sha ut+ta tan+t+ra nA ma/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma zhes bya ba/ bcom ldan 'das dpal kun tu bzang po rdo rje 'chang gi sangs rgyas chen po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang gi sangs rgyas kun tu bzang po nyid/ chos kyi dbyings kyi pho brang na/ rdo rje 'dzin pa la sogs pa rigs lnga'i sangs rgyas rnams dang thabs cig tu/ stong gsal chen po'i ting nge 'dzin du bzhugs so// de nas rdo rje 'dzin pas gsol ba// kye kye bcom ldan 'das bde mchog kun tu bzang po// nyid kyi stong gsal bshad du gsol/
- 282b
de skad gsol pa gsan nas kyang // kun tu bzang pos bka' stsal pa// stong gas la rig pa bshad kyis nyon// de yang gzhi lam 'bras bu'i tshul// gcig las snang tshul tha dad shar// so sor kha kar 'dod pa min// gzhi nyid rtogs pa stong gsal te// de nyid lhan skyes ma rig pas// kun tu btags te 'khrul par snang // de nas stong gsal ngo yis bzung // zhes gsungs so// kun tu bzang po ye shes gsal bar ston pa'i rgyud phyi ma las gzhi bstan la dbab pa'i le'u ste dang po'o// / de nas gzhan yang bka' stsal pa// lam ni rnam pa gnyis yin te// thun mong spyi ru bstan pa dang // khyad par lam du bkri ba'o// de la spyi ru bstan pa ni// lta ba dbyer med rang grol yin// sgom pa 'dzin med rang gsal te// spyod par byung lkug pa'o// de ltar rtogs pa'i rnal 'byor pa// nyams dang rtags ni sna tshogs sna gal te nyams la mngon zhen cing // lung ldan don nyid mi ldan na// bdud kyi spyod yul bco brgyad snang // nyams la rtogs pa'i gdeng ldan na// rang byung ye shes nyid kyi grogs// khyad par lam du bkri ba ni// rang bzhin gnos pa'i bar do la// dA phrug ma dang phrad pa bzhin// thig le stong gsal ngo yis sprad//
- 283a
ting nge 'dzin gyi bar do la// sgeg mo me long lta ba ltar// rtogs pa'i don la gnas par bya// rmi lam dag gi bar do la// bag chags nying 'tshams sbyar ba ni// chu bo'i gzhung ltar shes par bya// skye shi dag gi bar dol// ye shes ngo yis bzung ba ni// rkong chad sa yi wa 'jug bzhin// lus dang sems gnyis btsun byos la// ra ba ni chos sku dag la 'pho// 'bring ni gzugs skra dag la 'pho// tha ma zhing khams dag la 'pho// de nas ye shes rgyun nyid de// srid pa dag gi bar do ru// mun par mar me bteg pa lAr// thams cad gsal bas mngon shes 'char// yar 'gro mar 'gro tha ma gsum// rig pa nyid las log pa med// ces gsungs so// lam gtan la phab pa'i le'u ste gnyis pa'o// // de nas gzhan yang bka' stsal pa// 'bras bu'i rim pa 'di ltar 'byung // 'bras bu sangs rgyas nyid yin te// rig pa 'di nyid sku dang ni// ye shes dag tu snang ba ste// de yang rig pa sems nyid 'di// bde ba chen por nar son pa// ma rtogs rig pa 'di nyid rang // sdug bsngal dag tu shar ba yin// gzhan nas thob pa'i gnas med do// zhes gsungs so// 'bras bu gtan la dbab pa'i le'u ste gsum
- 283b
pa'o// ta de nas dpal kun tu bzang po rdo rje 'chang la 'khor rnams kyis bstod pa ni/ kye kye bcom ldan rdo rje 'chang // stong gsal dang las chos nyid ston// sku dang yeng shes bdag nyid can// bde chen kun bzang nyid la bstod// ces bstod nas/ 'khor thams cad kyang rdo rje 'chang gi ngang du sangs rgyas par gyur to// de nas dpal kun tu bzang pos bka' stsal pa/ rgyud 'di ston pa rdo rje 'chang // 'di thob sangs rgyas thams cad kyis// thugs kyi dngos grub chen po yin// de phyir rgyud 'di gzung bar bya// zhes gsungs so// rgyud gzung zhing gtad pa'i le'u ste bzhi pa'o// // dus gsum gyi sangs rgyas thams cad kyi bka' bgros pa'i rgyud/ kun tu bzang po ye shes gsal bar ston pa'i rgyud phyi ma zhes bya ba rdzogs so// / bcom ldan kun tu bzang po yis// lhun grub sku la phyag 'tshal nas// thig le mthong brtol rgyud gsungs pa// ston pa kun tu bzang po yis// gnas ni thig le mkha' khyab tu// 'khor ni rang byung ye shes la// dus ni thams cad rang byung dus// bstan ni gnyis med thig le'o// zhes