N62MW22703_0062dkon brtsegsAll versions of this work

'phags pa gang 'ga'i mchog gis zhus pa zhes

Text

ff. 377b–382b · 11 folio sides

  1. 377b

    'phags pa dkon mchog brtsegs pa chen po'i chos kyi rnam grangs stong phrag brgya pa las 'phags pa bu mo blo gros bzang mos zhus pa'i le'u zhes bya ste/'dus pa sum cu pa rdzogs so// rgya gar gyi mkhan po 'dzin mi tra dang /su ran dra bo d+hi dang /zhu chen gyi lo ts+tsha ba ban de ye shes sdes bsgyur cing zhus te gtan la phab pa//rgya gar skad du/Ar+ya gang grod ta ra prits+tsha ma hA yA na nA ma sU tra/bod skad du 'phags pa gang+gA'i mchog ces bya ba'i mdo/sangs rgyas dang byang chub sems dpa' thams cad la phyag 'tshal lo//'di skad bdag gis thos pa'i dus gcig ni/bcom ldan 'das mnyan yod na/rgyal bu rgyal byed kyi tshal mgon med zas sbyin gyi kun dga' ra ba na bzhugs te/de'i tshe grong khyer chen po mnyan yod na// dge bsnyen ma gang+gA'i mchog ces bya ba zhig gnas so//de nas dge bsnyen ma gang+gA'i mchog mnyan yod nas byung nas/rgyal bu rgyal byed kyi tshal mgon med zas sbyin gyi kun dga' ra ba ga la ba der song ste phyin nas/bcom ldan 'das kyi zhabs la mgo bos phyag 'tshal te/phyogs gcig tu 'dug blo//phyogs gcig tu 'dug pa dang /bcomo ldan 'das kyis mkhyen bzhin du dge bsnyen ma gang+gA'i mchog la/gang+gA'i mchog khyod da gzod gang nas 'ongs shes smras so//gang+gA'i mchog gis gsol ba//bcom ldan 'das gang zhig gis sprul

  2. 378a

    pa la smras te khyod da gzod gang nas 'ongs shes de skad bgyis na/ji skad lan 'debs par 'gyur lags/bcom ldan 'das kyis bka' stsal pa/gang+gA'i mchog sprul pa la ni 'greng ba med/'dug pa med/nyal ba med/'ong ba med/'gro ba med/'chi 'pho med/skye ba med na/'di nas 'ongs so zhes de ci zhig ston par 'gyur/gang+gA'i mchog gis gsol ba/bcom ldan 'das ci chos thams cad sprul pa lta bu legs sam/bka' stsal pA/gang+gA'i mchog de bzhin no//gsol pa/bcom ldan 'das gal te chos thams cad sprul pa lta bu lags na/gAng+gi ma chog khyod da gzod gang nas longs shes ci'i slad du smras/bcom ldan 'das kyis bka' stsal pa/gang+gA mchog sprul pa ni ngan song du mi 'gro/mtho ris su mi 'gro/yongs su mya ngan las 'das par mi 'gro na/ci gang+gA'i mchog kyang ngan song du mi 'gro/mtho ris su mi 'gro yongs su mya ngan las 'das par mi 'gro 'am/gang+gA'i mchog gis gsol pa/bcom ldan 'das gal te bdag gis dge bsnyen ma gang+gA'i mchog sprul pa'i rang bzhin las gzhan lags par mthong na ni/dge bsnyen ma gang+gA'i mchog/ngan song du 'gro ba 'am/mtho ris su mchi ba 'am/yongs su mya ngan las 'das par mchi ba ma lagaso

  3. 378b

    zhes bdag sprul pa dang /bstan du'ang mi rung lags na/bcom ldan 'das bdag gis ni dge bsnyen ma gang+gA'i mchog sprul pa'i rang bzhin nas gzhan lags par ma mthong ste/bcom ldan 'das de ltar bdag gis ma mthong na/dge bsnyen ma gang+gA'i mchog ngan song du mchi ba 'am/mtho ris su mchi ba 'am/yongs su mya ngan las 'das par 'chi ba zhes ji skad bsten par bgyi/bcom ldan 'das de lta lags kyis kyang /g.yo ba dang /rlom sems dang /bskyed pa dang /spros pa ma mchis no/'di snyam du bdag ngan song du 'gro ba 'am mtho ris su 'gro ba 'am/yongs su mya ngan las 'das par 'gro ba'o snyam du sems lags te/bcom ldan 'das mya ngan las 'das pa'i dbyings ni/rnams kyang ngan song du mche ba pho risna ma chib 'am/yongasu mya ngan las 'odas par marmi ba ma lags te/bcom ldan 'das dge bsnyen me gang+gA'i mchog kyang de lta bu'i dbyings can lags so//bcom ldan 'das kyis bka' stsal pa/gang+gA'i mchog khyod ci yongs su mya ngan las 'das pa la yang dag par ma zhugs sam/gsol pa/bcom ldan 'das su zhig gis mi skye ba lce smras te/khyod yongs su mya ngan las 'das pa la ma zhugs sam zhes de skad bgyis na/ji skad lan 'debs par 'gyur lags/bcom ldan 'das kyis bka' stsal pa/gang+gA'i

  4. 379a

    mchog mi skye ba zhes bya ba ni mya ngan las 'das pa'i tshig bla dwags yin na/de ni ci zhig lan 'debs par 'gyur/gang+gA'i mchog gis gsol pa/bcom ldan 'das ci chos thams cad mya ngan las 'das pa dang /mtshungs pa lags sam/bka' stsal pa/gang+gA'i mchog de de bzhin te/chos thams cad ni mya ngan las 'das pa dang mtshungs so//gsol pa/bcom ldan 'das gal te chos thams cad mya ngan las 'das pa dang /mtshungs pa lags na/gang+gA'i mchog khyod yongs su mya ngan las 'das pa la yang dag par ma zhugs sam zhes de ci zhig smra ste/bcom ldan 'das su zhig gis sprul pa la smras te/khyod yongs su mya ngan las 'das pa la yang dag par ma zhugs sam shes/// de skad ces bgyis na/ji skad lan 'debs par 'gyur lags/bcom ldan 'das kyis bka' stsal pa/gang+gA'i mchog dri ba 'di ni dmigs pa med pa'o//gsol pa/ci bcom ldan 'das kyis dmigs pa dang bcas pa'i smra bas smras lugs sam/bka' stsal pa/gang+gA'i mcho ga dri ba 'di ni dmigs pa med mod kyi/'on kyang 'khor 'di na rigs kyi bu 'am rigs kyi bu mo 'dul ba dag yod de/de dag gis don chen por 'gyur bas dris so//de ci'i phyir zhe na/gang+gA'i mchog de bzhin gshegs pas ni chos nyid ces

  5. 379b

    bya ba yang mngon par rdzogs par sangs ma rgyas na/gang de las byung ba'i chos yongs su mya ngan las 'das pa la gnas pa lta ga la zhig yod/gsol pa/gal te bcom ldan 'das kyis chos nyid ces bgyi ba yang mngon par rdzogs par sangs ma rgyas te/de las byung ba'i chos lta ga la zhig mchis par gyur na/bcom ldan 'das kyis byang chub kyi slad du ji ltar dge ba'i rtsa ba yang dag par bsgrubs lags//bcom ldan 'das kyis bka' stsal pa/gang+gA'i mchog gang dmigs pa de ni dge ba'i rtsa ba ma yin te/byang chub sems dpa' dge ba'i rtsa pa de ni gang gi tshe/yang dag par sgrub pa de'i tshe yang bsam gyis mi khyab pa nyid mi 'dor ro//gang gi tshwa srung dag par mu sgrub pa de'i tshe yang bsam gyis mi khyab pa nyid mi 'dor ro// gsol pa/bcom ldan 'das bsam gyis mi khyab pa la/bsam gyis mi khyab pa zhes bgyi ba/ci'i slad du bsam gyi sa mi khyab pa la bas mA gyis mi khyab pa zhes bgyi/bcom/ ldan 'das kyis bka' stsal pa/gang+gA'i mchog chos 'di ni sems pas thob par bya ba ma yin te/sems pas thob par bya bar mi nus so//de ci'i phyir zhe na/'di ltar 'di na sems nyid kyang mi dmigs na/gang sems las rab tu byung ba'i chos lta ga la yod//gang+gA'i mchog sems mi dmigs pa ni bsam gyis mi khyab pa'i rgyud ces bya'o//bsam

  6. 380a

    gyis mi khyab pa'i rgyud gang yin pa de ni thob pa ma yin/mngon par rtog pa ma yin/shes pa ma yin/mngon sum du byas pa ma yin te/de ni thob par bya ba ma yin/kun nas nyon mongs pa ma yin//rnam par byang ba ma yin no//de ci'i phyir zhe na/gang+gA'i mchog 'di ltar de bzhin gshegs pas ni chos thams cad na mkha' ltar nges par thugs su chud de/gaN+DI mchog chos thams cad namakha' dang mtshungs pa gnyen po med pa'o//gsol pa/bcom ldan 'das gal te chos thams cad na mkha' dang mtshungs pa gnyen po ma mchis pa lags na/bcom ldan 'das kyis gzugs shes gtags pa dang /tshor ba dang /'du shes dang /'du byed rnams dang //rnam par shes pa zhes btags pa dang /phung po rnams dang /khams rnams dang /skye mtshad rnams dang /rten cing 'brel par 'byung ba dang /zag pa dang bcas pa dang /zag pa ma mchis pa dang /kun nas nyon mongs pa dang /rnam par byang ba dang /'khor ba dang /mya ngan lus 'das pa zhes btags pa ji lta bu lags//bcom ldan 'das kyis bka' stsal pa/gang+gA'i mchog 'di lta ste/dper na/bdug bdag tsas 'dogs kyang bdag gang yang mi dmigs pa de bzhin du gang+gA'i mchog ngas/gzugs shes gtags te/gzugs gang yang mi dmigs so//de bzhin du ngas tshor ba

  7. 380b

    dang /'du shes dang /'du byed rnam par shes pa zhes btags te/rnam par shes pa zhes btags te/rnam par shes pa gang yang mi dmigs so/phung po rnams dang / khams rnams dang /skyed ched rnams dang /rten cing 'brel par 'byung ba dang /zag mA dang bcas pa dang /zag pa med pa dang /kun nas nyon mongs pa dang /rnam par byubyang ba dang /'khor ba dong mya ngan las 'das pa zhes bya bar yang ngas btogs te/mya ngan las 'das pa gang yang mi dmigs so//gang+gA'i mchog 'di lta ste dper na smig rgyu rnams la ni chu yang med de mi dmigs so//gang+gA'i mchog de bzhin du ngas gzugs shes bya bar btags kyang /gzugs gang yang mi dmigs so//nges tshor ba dang 'du shes dang /'du byed rnams dang /rnam par shes pa zhes bya bar btegs kyang /rnam par shes pa gang yang mi dmigs so//phung po rnams dang /khams rnams dang /skye mched rnams dang /rten cing 'brel par 'byung ba dang /zag pa dang bcas pa dang /zag pa med pa dang /kun nas nyon mongs pa dang /rnam par byang ba dang // 'khor bo dang /mya ngan las 'das pa zhes bya bar ngas btags kyang /don dam par na de dag thams cad med cing mi dmigs so//gang+gA'i mchog gang chos la mchog tu

  8. 381a

    'dzin pa myong par tshas par spyad pa spyod pa d+ma lta buni lags par gsungs pa'i chos 'dul ba la tshangs par spyod pa la gnas pa yin no//gang+gA'i mchog mngon pa'i nga rgyal can gnas la dmigs nas/rdzus pa spyod pa spyod par de dag gi changs par spyod pa de ni yongs sum dag pa'o zhes ngas smras so//gang dag tshangs par spyod pa yongs sum dag pa de dag ni zab mo rgyud chad pa'i chos 'dri lta bu'i de thos nas/bsngangs skrag par 'gyur te/de dag skye ba dang /rga ba dang /na ba dang /'chi ba dang /myang ngan dang smre sngags 'don pa dang /sdug bsngal ba dang /yid mi bde ba dang /'khrug pa rnams las yongs su mi 'grol te/de dag ni sdug bsngal gyi bskal pa can du 'gyur zhes nga smra'o//gang+gA'i mchog da lta re ram/nga 'das pa'i phyin yang rung ste/gang dag zab mo rgyud chad pa 'di lta bu'i chos ston pa de dag le mi gti mug pa dag gsod pa'i 'du shes bskyed par 'gyur te/de ltar mi gti mug pa de dag log par zin pas/bsad pa'i blo sdang bskyed nas/ngan sdong du 'gro bar 'gyur ro//gung+ge mchog gis gsol bde bcom ldan 'das rgyud chad pa rgyud chad bzhis bgyi de'o//ci'i slad du na rgyud chad pa zhes bgyi/bcom ldan 'das kyis bka' stsal pa/gang+gA'i mchog chos 'di ni rgyud

  9. 381b

    bcud pa'am/b+h+yoba'am/rnam par gzhig pa ma yinate/de phyir rgyung chad pa zhes b+haste/'di ni yang dag pa'i mtha' rnas bya/blasam gyis mi khyab pa'i rgyud zlos bya'o// de nas bcom ldan 'das kyis 'dzum pa mdzad do//de nas bcom ldan 'das kyi zhal gyi sgo nas/'od zer kha dog sna tshogs kha dog du ma 'di lta ste/sngon po dang /ser po dang /dmar po dang /dkar po dang /btsod ka dang /shelA dang /dngul gyi kha dog lta bu dag byung nas/de dag gis 'jig rten gyi khams mtha' yas mu med pa dag snang bar byas te/'od kyis khyab par byas nas/tshangs pa'i 'jig rten gyi bar du mngon par byung ste/slararu log nas bcom ldan 'das kyi zhal gyi sgor nub bo/de nas tshe dang ldan pa kun dga' bos bla gos grag pa gcig tu bzar te/pus mo glayas pa'i lha ngas la gtsugs nas/bcom ldan 'das ga le ba de logs su thal mo sbyar ba btud te/bcom ldan 'das la 'di skad ces gsol to//bcom ldan 'das de bzhin gshegs pa rnams ni rlo ma mchis par 'dzum par mi mdzad na/'dzum par mdzad pa'i rgyu gang legs/rkyen gang legs/bcom ldan 'das kyis bka' stsal pa/kun dga' bo ngas mngon par shes te/sa phyogs 'di nyid du de bzhin gshegs pa stong gis/gang+gA'i mchog ces bya ba kho na'i dge bsnyen ma sha stag la

  10. 382a

    brtsams te/chos kyi rnam grangs 'dir shad do//dge bsnyen ma de dag thams cad ni rab tu byung nas/phung po lhag ma med pa'i mya ngan las 'dras pa'i dbyings/ su yongs su mya ngan las 'das so//de nas bcom ldan 'das la tshe dang ldan pa kun dga' bos 'di skad ces gsol to//bcom ldan 'das chos kyi rnamo grangs 'di'i ming ci lags// 'di ji ltar bzung bar bgyi/bcom ldan 'das kyis bka' stsal pa/kun dga' bo chos kyi rnam grangs 'di'i ming ni dri ma med pa zhes bya ste/'di ni dri ma med pa zhes bya bar zung shig/chos kyi rnam grangs 'di bstan pa na/dge slong bdun brgya dang /dge slong ma bzhi brgya len pa med par zag pa rnams las sems rnam par grol lo//de nas 'dod pa na spyod pa dang /gdugs na spyod pa'i lha'i bu rnams kyis lha'i me tog rnams dang /tsan dan gyi phye ma rnams padron par sprul te/bcom ldan 'das la gtor nas tshig 'di skad ces/// 'od ltar grong khyer mnyan yod na/dge bsnyen ma 'di lta bu gnas la/de nge bzhin gshegs pa dang lhan cig smra yang /de'i lus ngal bar yang mi 'gyur ba dang /ji ltar yang gang+gA'i mchog 'di sngon gyi rgyal ba la lhag par bya ba byas shing /dge ba'i rtsa ba bskyed pa dang /yun ring po nas dge ba spyad pa dang /yun ring po nas tshangs par spyad pa dang /sangs

  11. 382b

    rgyas mang po la bstan bkur byas pa 'di ni ngo mtshar ta zhes smras so//bcom ldan 'das kyis bka' stsal pa/lha'i bu dag dede bzhin te/'di ni sngon gyi rgyal ba la lhag par bya bar byas pa dge ba'i rtsa ba bskyed pa/yun ring po tshangs par spyad pa la gnas pa'o//bcom ldan 'das kyis de skad ces bka' stsal nas/dge bsnyen ma gang+gA'i mchog dang /lha dang mi dang / lha ma yin dang /dri zar bcas pa'i 'jig rten yi rangs te/bcom ldan 'das kyis gsungs pa la mngon par bstod do////'phags pa dkon mchog brtsegs pa chen po'i chos kyi rnam grangs stong phrag brgya pa las/'phags pa gaN+DIr mchog gis zhus pa'i le'u zhes bya ba ste 'dus pa sum cu rtsa gcig pa rdzogs so////rgya gar gyi mkhan po dzi na mi tra dang /de na shI la dang /zhu chen gyi lo tsA ba/banang ye shes sngas pa sbyar cing zhus te/skad gsar chad kyis kyang bcos nas gratan la phab pa/shwa lo ka brgya dang bcu'o///rgya gaMr skad du/Ar+yA a sho ka dad ta bya ka ra Na nA me ma hA yaM na sU tra/bod skad du/'phags pa mya ngan med kyis byin pa lung bstan pa zhes bya ba theg pa chen po'i mdo//bam po gcig go//sangs rgyas dang byang chub sems dpa' thams cad la phyag 'tshal lo//'di skad bdag gis thos pa'i dus gcig na

Colophon

'phags pa dkon mchog brtsegs pa chen po'i chos kyi rnam grangs stong phrag brgya pa las/ 'phags pa gang+ga'i mchog gis zhus pa'i le'u zhes bya ste/ 'dus pa sum cu rtsa gcig pa rdzogs so/ /rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa/ shwa lo ka brgya dang bcu'o