byang chub kyi sems man ngag khyung chen lding ba'i rgyud
Text
ff. 10a–11b · 4 folio sides
- 10a
dag nyid du snang ba mchog gi don// 'di 'chang klog dang kha ton sems dpa' yis// skal ldan nyag gcig rnal 'byor de la bstan// de bzhin rjes mthun ma rabs tha ma la// 'di la gang mos sems can la sogs pa// yang dag pa shes gnyen kun la 'phags// a ti don 'di thugs kyi dkyil du thim/ a ho sa ma ya so phag shi thabs// zhes gsungs so// thigs pa nyi shu rtsa gnyis pa'o// // bde bar gshegs pa'i thugs mngon du ston pa'o// nges pa'i thig le/ rgya rgya rgya// // bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yis// rig pa thabs kyi brgyud pa 'di/ da lta ba khyung chen lding ba'i rgyud// 'khor rnams kun la bstan pa ni// khyung chen ga shog drug rdzogs nas snang srid mkha' la lding // phyogs bcus phyogs gang la'ang nyam nga med// snang srid khyung chen ga shog rdzogs mkha' la bde// gshog drug lus la rdzogs pas ltung ba'i nyam nga med// de bzhin man ngag slong
- 10b
po byang chub sems// thams cad rdzogs pas thig le chen po'i ngang // 'di la gcig med thig le chen po'i ngang // 'di la gcig med du ma med pa'i don// snying po nyid du gyur pas de bzhin nyid du bde// 'di la sangs rgyas sems can gnyis pa gdod nas med// lta ba gshog rdzogs mkha' la lding zhes pa'o// byang chub sems kyi man ngag khyung che na lding ba'i rgyud// rdo rje tshig gi yang dag don bstan pa// khyung chen gshog rdzogs mkha' lding gang la nyam pa med/ rdzogs pa'i rdzogs pa byang chub snying po nyid// thams cad rang bzhin nyid de gang la nyam nga med// ma bcos thig le gcig pas snang srid ya sangs rgyas/ don gyi khyung chen chos kyi dbyings na lding // thig le dang ste gang la nyam nga med// snang srid phyi nang rang bzhin kun sangs rgyas// gdod nas mA bcos snying po de bzhin nyid// gdags pa'i tha snyad kun la gang yang spangs pa med// 'di zhes bstan pa'i don med ston pa cang mi gsung // lta ba khyung chen lding ste/ gang la nyam nga med// lta bas bltar med yid la 'di bzhag med// sgom du cang med gzung 'dzin yul mi gnas// ma bcos de bzhin nyid nas man ngag
- 11a
don gyi klong // gang la ngang gis gnas par rig pa rang la gsal ba'i zer// man ngag khyung chen lding ste gang la nyam nga med// snying po mchog tu gyur pa'i byang chub sems nyid ni// gdod nas rnam dag gang ltar 'char mi mdzad// mi spong mi len bkag dang ma bkag med// mnyam pa chen po mdzad spyod rnam par dag/ spyod pa khyung cha na lding ste gang la nyam nga med// gzhi rtsa thig le gcig pas gsal ba'i tha snyad med// dam tshig khyung chen lding ste// gang la nyam nga med// ma btsal lhun grub rang bzhin yaM sangs rgyas// rang byung ye shes thig le nyag gcig ma// gzhan nas btsal du med de ye nas snying po byang chu ba sems// thams cad 'di nyid 'di las gzhan min pas// 'phrin las khyud chen lding ste gang la nyam nga med// mi g.yo ma yengs gang la sems pa med/ mi 'dzin mi rtog de bzhin nyid du gsal// rig pa rgyun chags gsal ba ngang gi gzer// gang du mi 'gyur de bzhin nyid du gnas// sgom pa khyung chen lding ste gang la nyam nga med// chos rnams ngo bo snying po byang chub sems// gting dpag gcad dka' nam mkha' rgya mtsho'i klong // yon tan kun 'byung yid bzhin
- 11b
nor bu'i tshul// snying po gcig ste chu zla'i nyi zer 'dra// kun kyang yongs brdal thugs rje chen po'i ngang // thugs rje khyung chen lding ste gang la nyam nga med// snying po mchog tu gyur pa'i byang chub sems nyid ni// rgyu la rag ma lus pas rkyen gyis 'jig mtha' med// kun gyi rgyu nyid 'bras bu'i mchog gyur pas// tshogs gnyis ma bsags rang bzhin lhun gyis rdzogs// rgyu 'bras khyung che na lding ste gang la nyam nga med// nges pa'i khyung dgu ldings pas snang srid ye sangs rgyas// 'khor ba rtsa ba bcad kyang mya ngan 'das pa med// sa lam sgo phugs med par khyab gdal thig le'i dang // 'di zhes bstan du med pas yang dag rgyud kyi mchog/ khyud chen lding ba man ngag don gyi rgyud// nges pa'i don ston kun grol thugs kyi gter// bag chags sgrib sel rnam dag chu bo'i rgyun// nyon mongs bdud 'dul bdud rtsi chen po'i bcud// rgyud dang ston par bcas la bstod phyag 'tshal// gang la sems gnyis med cing chags pa kun bral 'di// yang dag thugs kyi sras mchog khyod la gtad// nges par 'di bzung thugs la thugs kyis chongs// zhes bamed// byang rgya tsha man ngag khyung chen lding ba'i rgyud/ sams so phag shi thams/ rdzogs so//