Maha'yoga - 'Jam dpal gshin rje'i gshed po'i rgyud skorAll versions of this work

gnub kyi man ngag drag po'i sngags rgod bstan bsrungs spu gri lta bu'i rgyud// padma dbang rgyal gyi bka'// dregs pa pho mo 'dus pa'i las kyi rgyud

Text

ff. 259a–264b · 12 folio sides

  1. 259a

    @#le'u ste brgyad pa'o// / de nas dpa' bo gar mkhan mchog dag/ gshin rje gshed po dam tshig lung du bstod pa'o// hUM na mkha' yangs pa'i dkyil 'khor nas// gshin rje dmar po ral pa can/ ru Ta myur du bsgral ba'i phyir/ sgrub pa'i gnas 'dir dam la shog/ zhes dam bsgrags te bstod do// de nas dpa' bo gar mkhan la 'khor sems dpa' sems dang ma la sogs pas// bstod pa gar dang bcas pa/ hUM sngon gyi rgyal bas lung phog wAr// tshe sreg bdag po ma ru tse// sgrol gi dbye bar dam bcas pas// dam rdzas bdud nyid 'di la kha raM kha hi// zhes gus pas mchod cing bstod do// de nas bcom ldan 'das kyis bshad pa// rnal 'byor can gyi rtog pa gzhom pa'i phyir/ ma ru tse'i gar mkhan cho ga nyid// gar mkhan cho ga nyid rgyal po rnam thos sras// rnam thos sras nyid kar ma he ru ka/ don la the tshom med na rigs lnga'i sangs rgyas grub// dpa' bo gar mkhan mchog gi rgyud las// gnod sbyin dmar po'i tan+t+ra// gso byed spu gri'i so// las kyi mchog/ man ngag gi nyid khu/ bdud gyi mda'/ las kyi gshin rje zhes bya'o// // gshin rje wa thod dmar po'i rgyud tsha rgod dmyal ba'i las rdzogs so// / rims pa sa ma brgyad thums/ @#// gnub kyi man ngag drag po'i sngags rgod bstan bsrungs spu gri lta bu'i rgyud// pad+ma dbang rgyal gyi bka'// dregs pa pho mo 'dus pa'i las kyi rgyud/ khro rgyal gshin rje gshed la phyag 'tshalo// 'di skad bdag gis thos pa'i dus gcig na// bcom ldan bde bar gshes pa thams cad kyi ngo bo// bde ba chen po'i ngang las sprul pa rnam pa gsum byung ba ni sku'i sprul pa 'jam dpal// thugs kyi sprul pa phyag na rdo rje/ gsung gi sprul pa spyan ras gzigs dbang phyug dang gsum mo// des rnam par gzigs nas

  2. 259b

    dus dang rnam pa thams cad du ri rab kyi byang phyogs lcags ris yongs su bskor ba'i nang nas// gnod sbyin stong phrag bdun gnas te// des sems can rnams kyi srog la ni 'tshe/ sha ni za khrag ni 'thung ba las/ sprul pa rnam pa de gsum gyis gdan tshogs kyi bka' gros chen po gcig mdzad nas/ gdon rigs dang bcas pa brtulo// khro bo'i sku bsgyur te/ gzengs ni bstod phyag bsdams nas dam la btag so// gnod sbyin gyis rgyal po'i khas blangs pa ni// sangs rgyas kyi bstan pa bsrungs pa dang / dkon mchog gsum gyi dbu 'phangs bstod pa dang / dge 'dun che ba bskyed par dam bcaso// gleng gzhi'i le'u ste dang po'o// // de nas khro bo'i rgyal po gshin rje gshed kyi thugs kyi sprul pa ni// bka' nyan gshin rje sku mdog dmar po khros ba shin tu yang khros pa/ ral pa kham nag gyen du 'khyil pa/ dur khrod kyi brgyan rnam pa sna tshogs pas brgyan pa/ me'i 'khor lo g.yas rlung gi pad+ma g.yon/ zhal gcig phyag dang zhabs gnyis dang ldan pa gcig tu byung ngo // des tad+ya tha hri da ya na hUM zhes brjod pas/ gnod sbyin gyi rgyal po de gam du nal gyis byung ngo // de nas oM shrI many+dzu ya ma ra dza ma ma e ka dzA ti nI dza dza ces brjod pas shin tu yang 'jigs pa'i nga ros khas blangs pa ni/ 'jigs byed khro rgyal sras dang bcas pa rnams kyi bka' bzhin bgyis pa dang / khro bo'i rgyal ba nyid kyis bka' stsal pa ring / sgrol byed chen po khyod kyi 'khor gyi mtshan nyid ston cig zhes pa dang / gnod sbyin gyi rgyal po nyid kyis/ 'khor yongs su bsdu bar mdzad pa ni/ bdud nag rang rtags shazhu can dang / r-i ste 'gong g.yag dang / ral pa skye bcings dang / bdud nag pa 'dzum med dang / nag pa skrag med dang / nag la

  3. 260a

    @#/ rgyas la sogs pa bdud ris mang po dang / gnod sbyin be con nag po dang / lcags mchu sngon po dang / sha ka la nag po dang / lcags tho nag po la sogs pa gnod sbyin rigs mang po dang / pra ma ra dza dang / shel ging dkar po dang / zangs shu can dang / bse khra ba can dang / gser gyi rlog pa can la sogs pa ging gi tshogs mang po dang / ya ma ra dza dang las kyi gshin rje dang / phyogs skyong gi gshin rje la sogs pa/ gshin rje'i rigs mang po dang / e ka dza ti dang / nag mo ral pa can g.yog dang bcas pa dang / dmar mo bse khrab can bzhi g.yogs dang bcas pa dang / smug nag 'bum gyi gtso mo dang / nag mo khrag 'dzag ma la sogs te/ ma mo'i rigs mang pos bskor te gan so// 'khor yongs su bsdu ba'i le'u ste gnyis pa'o// // de nas sgrol ging ma ru tse/ khro bo'i rgyal po nyid la zhus/ sgrub pa'i gnas dag gang du bya// sa bzhi bzung na ji ltar bzung // bsnyen pa'i dus su ji ltar bya// las la bzung na ji ltar bya// gnod sbyin ma mo gang rnaMm dang // 'thun pa'i dam rdzas ji ltar bsog/ las kyi mtha' sdud ji ltar bya// ces smra so// dam tshig gi mdo bsdud kyi le'u ste gsum pa'o// // sgrol byed nyid kyis zhus pa'i mdo// dpa' bo chen pos bka' stsal po// de bzhin gshe gis gsol ba ni// gnod sbyin grub pa'i gnas dag ni// ri rab shin tu zab pa la// brag phug stong pa rang khu yod/ yang na rgya mtsho chen po'i 'gram// brag dmar seng ge mchod pa 'dra// gnod sbyin sgrub pa'i gnas su shis// dur khrod rab tu 'jigs pa dang // nag 'dob sa phug stong pa ru// ma mo bsgrub pa'i gnasu shis// lha khang kun dga' ra ba dang / mchod rten gtsug lag khang dag tu/ ging gi gnas dag yin par bshad// rkang gcig shing dang bzhi mdo dang // rgya mtsho'i 'gram

  4. 260b

    / dang ri rtse dang // yang na rang nyid gang dga' ba'i// yid dang 'thun pa'i gnas dag tu// dregs pa pho mo bsgrub pa'i// gnas kyi mtshan nyid bstan pa'i le'u ste bzhi pa'o// // 'jam dbyangs zhi ba'i ting 'dzin gyis// rigs drug sems can thams cad dang // sa gzhi de la gnas pa kun// sa bdag lha klu gang yin dang // lha srin sde brgyad thams cad la// sbyin gtong rgyas par btang ba dang // gser skyems btang la sa rin bcal// slang zhes bya ba'i tshig kyang brjod// lha mo spun la dbang du gzugs// dkon mchog mchod la mkhyen pa gsol// de nas 'jigs byed gshin rje yi// ti nge 'dzin du zhugs byas la// mnga' gsol phur pas gdab par bya// gzhan du mi 'gro der 'dug bzung // sa gzhi yongs su bzung ba'i le'u ste lnga pa'o// // rtsa ba'i bsnyen pa dag dang ni// bdag cag rnams kyi srog snying dag/ mtshan ma ma thob bar du ni// g.yeng ba'i med pa'i sems kyis bzlas// bye ba sa ya nyi khri dang // bdun 'bum bdag tu bzlas pa bsgrub// rgya gar ngan sngags bzlos pa dang / dge slong dam chos bshad pa dang // slob dpon dbang nod byed pa dang / klang la nyi ma shar ba dang // mgo mtshon rdor ba'i mi dag dang // sems can gsad pa dag mthong na// g.yeng ba med pa'i sems kyis bzlas// kha la thor ba byung ba dang // snying la sha khrag 'dod pa dang / mi dga' phya sangs khyer ba dang / sngags rnams grub pa'i rtags yin pas// bskang bso bya zhing ting 'dzin slar// so so'i mtshan nyid shes par bya// bsgrub pa'i mtshan ma bstan pa'i le'u ste drug pa'o// / bsnyen pa'i dus su bya ba ni// khro bo chen po nyid kyis gsungs// ces pas sprul pa'i khro bo de nyid mi snang bar byas nas/ skad cig ma de nyid la shin

  5. 261a

    @#/ tu 'jigs par byung ba'i ye shes khro ba byung nas/ shin tu 'jigs pa'i rgyan dang ldan/ bdug pa'i mtshon cha dpal dang bcas// bcu bdun yi ge sngags kyi tshig/ drug tu bzlog shigagani byin ldan// 'khor rnams rab tu 'jigs shing skrag/ khro bo chen po gzi byin gyi// 'khor rnams rab tu skrag nas ni/ breng sha 'thon nas rab tu smras// dpa' bo chen po skyabasu mchi// 'jigs byed chen po skyabasu mchi// khro bo chen pos bka' stsol cig/ bdag cag rnams ni bka' bzhin bgyid// ye shes lha ni ji ltar sgrub// bsnyen pa'i grangs ni ji ltar dbul// ces gsol bas// khro bo'i rgyal pos bka' stsal pa// nyon cig sgrol ging rgyal po khyod// 'khor na gnas pa'i dregs pa can// dkon mchog gsum la skyabs su gsol/ dkon mchog gsum gyi bka' 'di bsrung // 'gal byed cham la dbab pa'i phyir// khyed rang rang gi srog snying smros// ting 'dzin rnam gsum rims bzhin bsgoms// hUM las ye shes khro bo bskyed// bzlas pa'i yi ge bcu bdun po// g.yeng ba med pa'i sems kyis bzlas// byang chub sems la nan tan bskyed// shes rab chen pos mdun du bsgom// khra bo'i rgyal po spyan drangs la// tshogs dang mchod pa bzang du bsham// sha khrag dmar gyi gtor ma dbul// ging bdud ma mo khyod rnams kyang // thun gtor dam rdzas gtor ma sbyin/ khyed rnams srog snying nga la slang // ces bka' stsal to// de nas 'khor rnams kyis bag bzhi sa la bsdabs nas/ a la la ho// dpa' bo chen po ngo mtsharo// bka' bzhin bgyid do// zhes khas blangaso// de nas dang sa la gshin rje gshed kyis snying nas drangs pa'i sngags 'di gsungaso// dza hUM baMHho// e ma ha sa na ka na ta ka ra se na dza hUM baMHho// sa ma ya/ na mo rat+na tra yA ya/ na mo bai sha ra ma na ye hUM/ ta ku ta ku pa ra ma ra nI dza/

  6. 261b

    na mo rat+na tra yA ya/ na mo bai sha ra ma ni s+ye ta// na mo ta na ku re s+ye hA/ gu he ka te pa ti pan ta ku ba ra/ a nu ru pa su ra pa na ta/ ku ba ra na/ tsan+d+ra kha na tsa khaM he mo ha sa ka nan tA ku pa ra na/ he ma kan ku ha ka/ tsa la tsa la/ pa tsa pa tsa/ bu lu pu lu swA hA// oM a kro ta ka ya mAn+ta ka dza la dza la ka ya hUM phaT/ oM a kro te ka ya man+ta ka bag+ga ya hUM/ ha na ha na hUM phaT/ oM a kro te ka/ ya man+ta ka tsit+ta pa na tsin+d+ra tsin+d+ra hUM phaT/ oM shrI many+dzu ya ma ra dza/ ma ma e ke dza ti nri dza dza/ gtum po yaM yaM marba/ tse las la yaM yaM/ du ya rbe te sa ma b+h+yo/ oM rnal ma rnal te gsod la rngam gshol la mer// dbris la chu thu bis thu/ lcags kyi skra dgra bo'i srog rtsa ma ra ya/ bdud pra ma ya/ bdud mA ra ya/ snying mgo tshad/ du ru du ru/ ha ra ti ha ra ti// dgra bo'i snying la ya/ nag po ti pa tsa ba'i/ dgra bo'i snying la srog pa tsa baM ri la rbad/ nag po he ra haM baM ril rbad/ hu ya hu ya dgra bo'i snying la// du ra du ra glo rtsa baM ril rbad/ yang na smyo zhing 'bog tu chug/ yang na rtsa la bdun rgyud chod/ drag po'i sngags rgod lung dang ldan par shes bya// tri ling shang ka ru tri za yag+na rbad su/ phye ma kha 'dar/ ru ru pra pra du duM shig shig/ drag po'i srog tsa ma ra ya tro ta na kro ta ni/ pa tra pa tA/ ga shu la ga shu la/ mda' sha khri ba mda' sha khri pa/ ging kha rag lang b+h+yo/ tra ga raH kha mun+ta ma ru lu ru lu b+h+yo/ raka mo ti kam dza dza b+h+yo/ ru lu ru lu ma hi b+h+yo/ ru ru ro ru tri tsa ba la nag mo dun b+h+yo/ pu tri pa ya ba ra tsit+ta/ ya gi sha ra ya/ ya ma tsit+ta hUM phaT/ trag rak+ka rbad phaT/ nyi khri bdun 'bum grangs tshang ma/ de ma thag tu gsod par byed// bye ba sa ya grangs tshang na/ smos ci dgos te de nyid yin// bsnyen pa sngags kyi le'u ste bdun pa'o// // de nas 'jam dpal khro ba yis// las la bzung ba'i thabs 'di gsungs/

  7. 262a

    / drag po sngags kyi sgrub nas ni// myur du gsang ba'i las bya'o// srog rtsa bsdams shing snying rtsa gnon// de la mkhas pas nan tan bskyed// drag po sngags kyis gsad pa na// oM hr-i tri byi ki ta mon ta dgra bo ma ra du/ hri ti byi kri ta mon dgra bo ma ra na na/ hri ti byi kri ta mon ta dgra bo ma ra na na/ oM hrI ti byi tri ta mon ta dgra bo mA ra ya/ oM dzo ta ba tri ta sod sod/ dgra bo ni sod song / ma ran bo bo ya ya/ oM ru ta ru tI mA ra ya ma ra du/ dgra bo ni mA ra ya phaT/ gshin rje las la bzung ba'i le'u ste brgyad pa'o// / oM khyi khyid ra bring ro la khrag 'thung // kaM kaM ko ko kaM y+Ya/ tsin da ma rol khrag 'thung / kaM kaM ko kaM ya/ snying za ba'i tsit+ta mA la sha ro la khrag 'thung / kaM kaM kaM kl-i ya/ tang ba ra la ro sha la gyi kyi sti hUM phaT/ shag shag rgyob rgyob ya ya rbad/ trag rak+Sha kha mun tra e ka dzi ti snying kha ra ga ma b+h+yo// tra ga rak+Sha sa ma swa ya/ dgra bo'i snying ling drung / ma ma snying kha rag snying rag/ ma rak+Sha rAg mo snying kha kha rag/ rag mo dun dun/ ra trag shA ma mA snying te ke ma ma mA ru khu ru lu b+h+yo// ma ma ni snying tsit+ta dza dza thu na run/ snying khrag mthun/ sha ti ta rbang/ sha ti ta rbang/ ma snying la ya ma b+h+yo/ ma ma sha sha ma me hring hIng / ma ma sa ma ya/ dgra bo'i ni mA ra ya song so pa tsid+d+hi dz+wa la raM snying tsit+tA la~M ril rdum ril b+h+yo/ ma mo las la bzung ba'i le'u ste dgu pa'o// rdzasu byas na rlom pa gnyis// rten po'i rdzas dang sgrub pa'i rdzas// brten par bya'i rdzas dag ni// khyi phag dmar khri'i sha dang khrag/ tsat+ta dung dkar dag dang bcas// a mr-i ta rang rak+ta dang // sha chen yod pa'i gtor ma dang // sha khrag sna tshogs ba ling dang // shing rtog sna tshog

  8. 262b

    de bzhin no// mar khu khrag dang 'o ma sbrang // khase zhal can gyi zla gam dang // zhal dang chas pa'i bshos ngag dang // spyan gzigs gser skyems gtsang ma dang // 'bru sna tshogs pa'i gtor ma bsham// sgrub pa'i rdzas ngag bstan ba ma// khru gang ba'i lcags phur dang // gnam lcags shin tu sbyang pa las// sor brgyad pa dag angag par bya// tsa ra dkar po gnya' nag dang // ra thod ling ga bdug pa sbrul// 'jigs byed thod pa nag po dang // gnod sbyin ral sbyar nag po dag/ dug dang nyung kar hau na ba dang // pho rog 'gro ba'i gung ru dang // gu gul nag po dbye ba'i rdzas// lcags kyi spyil por dmigs pa bcal/ sgrub pa'i rdzas bstan pa'i le'u ste bcu pa'o// / de nas sgrol byed dmar pos 'khor gyis bsang ba'i las bstan pa// oM bab tra tra bye shaM ru be a ba ta lo ke/ yan ma sho hri ti snying kha la rog+na gA du nA ga dun a ga ga ne rbo de/ tri kha ra la ma ru dang rbad/ hUM thu ru lu ma he b+h+yo// oM hri rak+Sha mu thum+ba tral tral dun dun yaM yaM/ oM shel gyi ru gnyan dkar po thum ril rbang / oM ling ga ra lang rak+Sha bai ril rbad/ ma ti ma ga ti rbad/ oM snying kha la rak+Sha ga dun ga du na a ke ne rbad/ tro khar la ma ru tra dral drol snying dral// srog srog snying srog/ thig thig la rbA / gu to shi na ling / ra ti shi na ling // khu to shi na ling la ti shi na ling / snying to shi na ling sho te shi na ling h+ya te ha ra hu la b+h+yo su dkar po dgra bo la b+h+yo b+h+yo// thim ha ba ha ra ti ma ha ba hag ging ka ra ging ka ra/ shu la/ shu la pra tra pra tra/ ni tra ta ni ni tra ni ya man+ta ka ya man+ta kad sha khri ba da sha khri ga ha ha ru lu ru lu ha ha ru lu/ skaR+Ya rak+Sha skarma rak+Sha/ yak+Sha yak+Sha/ tsat+ta ya bai ra tsat+ta dza ya bi dza la/ 'khor rnams kyis gsang ba'i le'u ste bcu gcig pa'o//

  9. 263a

    de nas 'jam dbyangs khro bo yi// dkyil 'khor bri ba'i thabs bstan pa/ dkyil 'khor gru gsum zla gam dmar// 'khor lo rtsibs bzhi mu khyud bcas// sgo dang sgo ni ri mo'o// shar du rdzas me long mi// lho ru ma tang hom dang rdzas// nub tu khro rgyal bdun dang bcas// byang du dbye ba dug sgrol bcas// dug dang yungs kar thal chen dang // lcags phye rdo phye rdza su bcas// he zhal bdud kyi sgrub pa yin// ma ra zhal gyi dkyil 'khor la// tha ma gnan pa'i thabs sa bcas// yang la bya ba gdon mi za// rnal ma bdud kyi sgrub par shis// 'bru ba khung nag po'i dkyil 'khor bcas/ tri ling lha srin sde brgyad yin// 'khor lo dmag dpon zhal du bcas// dug sgrub ging gi yin par bshad// 'brub khung / dbang gi zla gam bzhi// phur phun dmar po se khrab can// gru gsum zla gam dmar po dang // gru bzhi sgo ru chas pa ni// e ka dza ti hr-ing gi las// 'khor lo rtsibs bzhi gshed po bzhi// ri rab rgya mtsho'i 'og tu gnan// dkyil 'khor bcas pa'i le'u ste bcu gnyis pa'o// // de nas 'jam dbyangs khro bo yis// mtshan ni yang dag bshad pa'o// gdod nas ma skyes rnam dag sems kyi dbyings// snying rje chen pos yongs la khyab mdzad cing // hUM nga gnyis rjesu dran pas khro bo'i rgyud// dbang chen brtsigs pa'i gzhi ste gzhal yas khang // de nas 'jigs byed khro ba'i mtshan nyid ni// mthing nag char sbyin nag po'i mdog 'dra ba// rnam mthar gsum ldan dbu ni rnam par 'jigs// ye shes drug ni phyag na bsnams pa ni// rgyud drug sgrol ba'i phyag mtshan rab tu 'jigs// dregs byed tshar gcod gdug pa 'dul ba'i phyir// dur khrod 'bar ba'i chas kyis rab tu brgyan// me ri spug nag 'bar ba'i dpal du bcas// g.yon ma khro ma khro gnyer gnas pa// khro gnyer 'jigs pa'i kha yang gdangs/

  10. 263b

    gyen du skra rjes gsus mo tsha// tri shul rtse gsum thod pa khyer// gtum mo dug hrul gos gyon ma// lus la me'i lce'i 'phreng bas brgyan// g.yas na khro mo gnas pa ni// smug nag lan bu gyen du brdzes// rin chen sna lnga'i dbu brgyan can spu gri'i mtshon thogs gsod la dga'// lcang lo dmar bkang snying du bcas// g.yas nas bskyed pa khro bo'i gzugs// dmar po gcer bu ral par 'khyil// sum cu rtsa gsum dbang du bsdud// gsal byed g.yas la gsod byed g.yon// sgrol byud dmar po'i cha lugs ni// dmar po kham bsgra yas brdzes/ ral gri g.yas la sdig 'dzub g.yom// khrag dang zhag gi mtsho ru la bye lnga// mi shar+Na sha thang dmar brdal// de ltar yan lag rdzogs byar bskyed// sgrom khog lte ba'i le'u ste bcu gsum pa'o// // de nas 'jam dbyangs khro bo yis// dam tshig 'di ni rab tu gsungs// dkon mchog mchod cing slob dpon bkur// byang chub sems ni gtang mi bya// 'di ni kun bzang spyod pa dag/ rab tu gnas par bya ba yin/ kha nas gsang sngags rgyal po bzlas// chos spyod dgye ba rgyun mi bcad// brtul zhugs sdom pa dang du blangs// khyad par bcas pa'i dam tshig ni// kha pa tshig pa'i gam mi 'gro// yugs sa mo da kha mi 'dre/ chal gyi phogs pa'i khrus mi bya// ba dmar glad dmar sha mi za// bdamar 'o ma mi btu // 'di yin gzhan la smra mi bya// ces gsungs pas/ 'khor rnams rab tu dga' nas// yid rab tu dang bar gyur to// sa ma ya dam tshig gis le'u ste bcu bzhi pa'o// de nas yang sgrol byed dmar pos zhus pa/ myur du gas na ji ltar gsad// drag bsngags la ji ltar 'jug/ ces smras pa/ khro bo'i rgyal pos bka' stsal pa/ nga yis byin gyis

  11. 264a

    brlabs pa 'di// sngags 'dis khyed la dbang bskur gyis// myur du rgyug la las gyis shig/ oM sgrol ging shaM shaM tsed tseng / sha sha/ ging ka ra ma ni/ kring kring ya ya/ shog shog du du/ mthung mthung khyer khyer/ ging tsa ra mi ni d+hu b+h+yo/ trag rak+Sha tsit+ta long // dbugs long myogs a lo sha kha thun zad// kha lasak+Sha/ snying tig ta rbad/ che ge mo zhig ma ra ya rbad/ ging rak+Sha ma ra ya gtum po rgyu ga ya/ shag ram sku dril/ shag raM rgyug bring / kha long kha yag/ sha trag tu long ya/ rag mo rag mo// thor thor bshog/ ning la ting ting khrag 'dzag ma b+h+yo// trag rAk+ka nag mo dun b+h+yo/ dun ting ma las la dun b+h+yo// che ge mo la gser ya/ gsang ba drag sngags kyi le'u ste bco lnga pa'o// // de nas 'jam dbyangs khro bo yis// 'di skad ces bka' stsal to// nyon cig sgrol ging dkar po khyod// gzhan gyi rigs sngags bzlog 'dod na// sngags pa lha dang bcas pa bri// rab tu dbye ba'i tshig dag bya// khru gang pa'i mchod rten rtsig/ mchod pa'i las rnams bsham nas ni// b+han+d+ha'i gzer zhal lcags kyi bzar// 'jam dpal nag po'i rab gnas bya// che ga nang du rtsal nas ni// mchod pa bstan cing bskor bar bya// phyogs rlung langs na thun dag phang // rab gnas bzang po'i 'og tu mnan// des ni rigs sngags gdon mi za// gnyen dang mthun gyis bzlog pa bya// gzhan gyis rigs sngags bcang ba'i le'u ste bcu drug pa'o// // de nas yang las kyi mtha' bsdud 'di gsung so// gang la byu ba gnas pa'i sa// mchod rten lha bang dur khrod dang / chu srin kha dang sbrul gyi lce// gong gsum zam sngur rgya gram la// be tsan dang ma mo klu dang bdud/ lha srin sde brgyad gnas yin te// ya ma ra dza'i zhal du ba tsang // nag po gshin rje'i 'og

  12. 264b

    tu gzir// don yod grub pa'i pho brang gdab// zhugs par bkug la rgya yis gang ba/ de ltar byas na gdon mi za// las kyi mtha' bsdud kyi le'u ste bcu bdun pa'o// // dregs pa'i pho mo'i las rgyud rdzogs s+ho// // dregs pa pho mo 'dus pa'i rgyud rdo rje gtor gzhang rtsal la gtad ba// / na ba na chu thugs@#// rgya gar skad du/ ya ma kriSh+Na gu h+ya shar ta kha thun nam tan tra/ bod skad du/ gshin rje nag po gsang ba de kho na nyid kyi rgyud kha thun zhes bya ba/ bcom ldan 'das 'jam dpal gshed po yab yum la phyag 'tshal lo// 'di skad bshad pa'i dus cig na/ bcom ldan 'das 'jam dpal ya mAn tA ka nyid chos sku'i dang las gzugs sku zhal gsum phyag drug par bzhengs te/ 'phrin las rnam bzhi lhun gyis grub pa'i gzhal yas khang phyi nang yongs su gsal ba'i pho brang ye shes las grub pa'i 'og min gyis gnas na/ yum pe ta li dang gnyisu med par bzhug so// de'i dus de'i tshe na 'dus pa'i 'khor yang ye shes dang las las grub pa dang thabs gcig pa las/ dregs pa chen po'i ting 'dzin la snyoms par bzhug so// de'i ngang las bcom ldan 'das kyi sku gsung thugs las rdo rje'i tshigs 'di gsung so// kye ma ho// 'khor 'das thams cad 'khor lo'i ngang // 'khor lo thams cad 'jam dpal don// de nyid rig pa byang chub sems// bde ba chen por sangs rgyas so// e ma ho// zhes bka' stsal to// 'jam dpal kha thun/ kyi rgyang gleng bzhi'i le'u ste dang po'o// / de nas bcom ldan 'das 'jam dpal chen po des/ srid pa'i gdug pa 'dzul ba zhes bya ba'i ting 'dzin la snyoms par zhug so// de'i dus de'i tshen gsod byad ya mar dza zhes