srog gi 'khor lo'i rgyud pa
Text
ff. 380b–381b · 3 folio sides
- 380b
bsgom bsgrub mi byed pa// da ni rdzogs chen 'chal ba yin// ye shes gnad du mi 'dzin par// sems 'dzin phra mo rtsom pa ni// de ni sgrin po'i yid smon yin// sems 'dzin gcig la stegs 'cha' ba// de ni long ba'i lam sna yin// gdam ngag phyogs med ma rtogs par// rgan mo mdzub tshugs bsgom pa ni// dam par zhen pa'i gol sa yin// zhe 'dod gcig la stegs 'cha' ba// rgang po 'khar thogs bsgom pa ni// de ni long ba'i lam rgyus yin// bde ba'i nyams myong la brten nas// gzhon pa bde ba bsgoms pa ni// de ni gzhon pa'i rmi la ma yin// zhes gsungs so// kun tu bzang po'i srog gi thigs pa/ 'bras bu ye grol chen po'i rgyud rdzogs so// / dpal kun bzang sku la phyag btsal nas// rdzogs chen sgoms pa'i rgyud zhus pa// kun tu bzang pos bka' stsal pa// nyon cig rdo rje sems dpa' che// chos nyid lhun grub pho brang du// rig pa 'gag med 'khor rnams la// sangs rgyas sems can dbyer med 'dus// rang shar chen po'i bstan pa la// dgoms pa srog gi sprul pa'i rgyud// zhal nas rang byung chen por 'thon// bsgoms pa'i srog la rnam bzhi ste// sems phyogs yongs grags sgoms pa'i srog/ rdzogs pa chen po bsgoms pa'i srog/ sti chen po
- 381a
sgoms pa'i srog/ yang ti 'bru gcig bsgom pa'i srog/ ces gsungs so// sems phyogs yongs grags bsgoms pa ni// bsgom yod sgoms med gnyis su 'dod// yod par 'dod pa rtag pa'i mtha'// med par 'dod pa chad pa'i mtha'// mtha' gnyis mu stegs rtag chad du// gol phyir yang ta nag po bstan/ rdzogs pa chen po'i sgom pa ni// thams cad rang la rdzogs par 'dod// sgom bya skyon la bsgom med sbyin// gnyis su med par 'dug pa ni// de la ye shes ma shar bas// so so skye bo'i khyu ru grol// a ti chen po'i sgom pa ni// rig pa rang snang rang gsal la// snang ba rang snang gnyis su med// de yi don la gang rtog pa// ma hA a nu sems tsam du// gol ba yin par ba shad pa'o// yang ti nag po'i sgom pa ni// shan dbyer la zlar 'dod pa ste// shan du 'di rnams bskur bar bya// rig pa gsal ba'i nyams kyi pha rgyud du// bde ba'i nyams ni ma rgyud du// stong pa'i nyams ni dbu ma ru// 'od gsal nyams kyi longs sku ru// gol ba yin phyir yang ti bstan// da ni la zla ba stan pa ni// yul dang yul can du mi sgom// bsgom pa par la mi sgom rang shar shes// bde ba mi 'dod yi bder shes// rig
- 381b
pa'i sku la phyi nang med// mkha' khyab yul la snang ba med// ye shes lus la phyin nga med// sprul ba'i sku la sku gsum med// phyi ru snang ba longs skur sgoms// nang nas shar ba sbrul skur sgoms// thig le nyag gcig chos sku la// longs sku'i skems pa rdzogs pa'o// phyi ru sgoms pas longs skur gol// nang du sgoms pas sprul skur gol// gnyis med skems pas dbu mar gol// chos kyi ske mo brgyad khri bzhi stong yang // dang po thig le'i ngang las 'byung // bar du thig le'i ngang la gnas// tha mar thig le'i ngang du rdzogs// bsgoms nyams ji snyed byung ba yang // dang po bka'i rgyud las byung // nga ni nyams la mi rten te// yang ti nag po'i sgom pa'o// bsgom pa srog gi sprul pa'i 'o// srog gi 'khor/ lo'i rgyud pa rdzogs so// rgya gar skad du/ sa ma ya sa sa kra dz+nyA tsa tur dzA rat+na d+ha tan+t+ra nA ma/ bod skad du/ dam tshig bkod pa sa gzhi'i rgyud rin po che spungs pa'i rgyan ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang pos/ 'og min gyi gnas mchog chen po na bzhugs pa'i tshe/ dpal rdo rje sems dpa' yang ti'i chos zhus pas/ kun tu bzang pos bka' stsal pa/ snyan rgyud kyi gdam