'phags pa sgyu ma lta bu'i ting nge 'dzin ces bya ba theg pa chen po'i mdo
Aryamayopadmadhinanamahayanasutra
Text
ff. 1b–35a · 68 folio sides
- 1b
mde sde rgyu ba lta bu'i ting 'dzid sogs bzhugs so//
- 2a
ar+ya ma'o/ pa sa ma d+hi ra/ na ma ha yang
- 2b
sU t+ma/ bod skad du/ 'phags pa smras dri'i ting nge 'dzin ces bya ba theg pa chen po'i mad sangs rgyas dang byang chub sems dpa' thams
- 3a
cad la phyag 'phrul lo// 'di skad bdag gis thos po'i dus cig na/ bcom ldan 'das grong khyer ba ra na sen drang srong
- 3b
ltung ba ri dgas kyi nags na/ dgra bcom pa nyi khri'i dag slong gi dge 'dun chen po dang / byang chub sems dpa' khri nyis stong la 'di lta ste/ byang chub sems dpa' sems dang chen po seng ge'i seng ge dang / seng ge'i blo gros dang / legs
- 4a
par gnas pa'i blo gros dang / dpe' med blo gros dang / sa 'dzin dang / mes byin dang / chu lha dang / dkon mchog 'byung gnas dang / phug sras dang / bzang skyong dang / glog lha dang / rnam par snang byed dang / 'jam dpal
- 4b
gzhon nur gyur pa dang / ye shes 'byung gnas dang / brtson par mi gtong dang / mthong ba don yod dang / byang chub sems dpa' sems dang chen po byams pa la sogs pa khri nyis stong dang thabs gcig tu bzhug so// lho'i bu mtshams bzangs dang / legs par gnas pa'i blogs la sogs pa thams cad kyang theg pa chen po la yang dag par zhugs pa nye
- 5a
khri dang yang thabs cig go// de nas com ldan 'das 'khor brgya stong du mas yongs su bskor cing mdun gyi bltas te ches ston to// de nas byang chub sems dpa' sems dpa' chen po pad ma'i dpal gyi snying po bstan las langs te/ bla gos phrag pa gcig la gzar nas/ pus mo g.yas pa'i lhang sa la btsugs te/ bcom ldan 'das
- 5b
ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus na zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu bo// de skad ces gsol pa dang / bcom ldan 'das kyis byang chub sems dpa' sems dpa' chen po pad ma'i dpal gyi snying po la 'di skad ce bka' stsal to// pad ma'i dpal gyi snying po khyod la de bzhin gshegs pa la dris pa lung bstan
- 6a
pa'i phyir rtag tu skabs phyes/ pad ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dras pa de dang de'i lung bstan pas/ khyod kyis sems rangs par bya'o// de skad ces bka' stsal pa dang / bcom ldan 'das la byang chub sems dpa' sems dpa' chen po pad ma'i dpal gyis snying pos 'di skad ces gsol to// bcom ldan 'das ji ltar
- 6b
na byang chub sems dpa' sems dpa' chen po bla na med pa yang dag par rdzogs pa'i byang chub lngas phyir mi ldog pa dang mngon par shes pa lnga dang ldan pa dang / sgyum lta bu'i ting nge 'dzin kyang thob cing / ting nge 'dzin de thob ma thag tu ji ltar sems can rnams kyi dge ba'i rtsa ba yongs su rdzogs par 'tshang rgya bar 'gyur ba de ltar lus mngon par sprul nas/ sems can rnams kyi mos pa ji lta ba de bzhin du chos ston pa dang / ci nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lags/ de skad ces ga srom pa dang / bcom ldan 'das kyis byang chub sems dpa' sems dpa' chen po pad ma'i dpal gyi snying po la 'di skad ces bka' stsal to// pad ma'i dpal gyi snying po legs so legs so// pad ma'i
- 7a
bya/ dpal gyi snying po khyod ni 'di ltar sngon gyi rgyal ba la lhag par bya ba byas pa/ dge ba'i rtsa ba bsags pa/ sangs rgyas bye ba khrag khrig brgya stong mang po smin bkur byas pa ste/ khyed 'di ltar sems can thams cad la snying rtse ba dang / snying rje bar zhugs pA sA pad ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la don 'di dri bar sems pa legs so// pad ma'i dpal gyi snying po khyod de'i phyir legs par rab tu nyon la srid la zung shig dang / ngas khyod la bshad do// byang chub sem da 'asems dpa' chen po pad pa'i dpal gyi snying pos/ bcom ldan 'das legs sa rnam sam ldan no/ bcom ldan 'das kyi ska nan pa dang / bcom ldan 'das kyis 'di skad bka' stsal to// pad ma'i dpal gyi
- 7b
snying po chos gcig dang ldan na/ byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa dang / mngon par shes pa lnga dang ldan pa dang / sgyu ma lta bu'i ting nge 'dzin thob cing / ting nge 'dzin de thob ma thag tu ji lta ji ltar sems can rnams kyi dge ba'i rtsa ba yongs su rdzogs par 'gyur ba de ltar lus mngon par sprul nas/ sems can rnams kyi mos pa ji lta ba bzhin du chos ston pa dang / ci nas myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// chos gcig po gang zhe na/ pad ma'i dpal gyi snying po 'di la byang chub sems dpa' khams gsum thams cad la mi gnas pa yin te/ nang ngam phyi rol la gnas par mi byed do// / de gnas pa med pa las yang dag par mthong bar 'gyur ro// yang dag par mthong bas yang dag pa la sbyor bar 'gyur ro// yang dag pa la sbyor bas ci la yang blo thogs par mi 'gyur ro// de blo thogs pa med pas yang dag pa'i bya ba la spyod do// yang dag pa'i bya ba la spyod pa gang zhe na 'di lta ste/ chos thams cad ni rten cing 'brel par 'byung ba ste/ chos gang la yang zer zer tu gnas pa ma yin no// chos thams cad rkyen las byung bas ste/
- 8a
rkyen med par 'byung ba'i ni gang yang med do// chos gang rten cing 'brel par 'byung ba de ni ma skyes pa'o// de ltar chos thams cad ni yongs su brtags pa ni skye ba med pa ste/ chos thams cad ma skyes par rtogs par 'gyur ba de ni byang chub sems dpa'i lam la 'jug pa rtogs pa 'thob po// 'di ltar sems can la phan pa'i dngos po dang / snying rje'i sems kyi rjes su 'jug pa rab tu 'thob po// de ltar mos pas chos thams cad sgyu ma lta bu rab tu shes so// chos thams cad ni yongs su brtags pas sprul pa ste/ yongs su brtags pa de yang shin du stong pa'o// chos thams cad stong par rtogs pa des ni sgyu ma lta bu'i ting nge 'dzin thob ste/ ting nge 'dzin de thob ma thag tu ji lta ji ltar sems can rnams dge ba'i rtsa ba yongs su rdzogs par 'gyur ba de lta de ltar lus mngon par sprul nas/ sems can rnams kyi mos pa ji lta ba bzhin du chos ston pa dang / ci nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de skad ces bka' stsal nas/ bcom ldan 'das byang chub sems dpa' sems dpa' chen po pad ma'i dpal gyi snying pos 'di skad ces gsol to// bcom ldan 'das byang chub sems dpa' sems dpa' chen po sgyu ma lta bu'i ting nge 'dzin 'di thob pa gang la la dag 'khor 'dir
- 8b
'dus pa lta mchis mos/ bcom ldan 'das kyis bka' stsal pa/ pad ma'i dpal gyi snying po 'di nas bsam bzhin du go cha bags pa gang dag smra bas du ting nge 'dzin 'dzin 'di thob pa skyes bu dam pa drug bcu yod do// byang chub sems dpa' sems dpa' chen po byams pa dang / 'jam dpal gzhon nur gyur pa la sogs pa skyes bu dam pa drug bcu po dag sgyu ma lta bu'i ting nge 'dzin thob pa yin no// gsol pa/ bcom ldan 'das skyes bu dam pa 'di dag gis 'jig rten gyi khams 'di nyid tu sgyu ma lta bu'i ting nge 'dzin 'di thob pa lags sam/ 'on te 'jig rten gyi khams dag na yang / gang dag sgyu ma lta bu'i ting nge 'dzin 'di thob pa'i skyes bu dam pa dag kyang mchis/ bcom ldan 'das kyis bka' stsal pa/ pad ma'i dpal gyi snying po sangs rgyas kyi zhing 'di nas nub phyogs logs su sangs rgyas kyi zhing brgya stong 'das na 'jig rten gyi khams bde ba can zhes bya ba yod do// de na de bzhin gshegs pa dgra bcom pa yang dag pa'i sangs rgyas tshe dpag med ces bya bar ltar bzhugs te mtsho zhing bzhes la chos kyang ston to// sangs rgyas kyi zhing de na byang chub sems dpa' sems dpa' chen po spyan ras gzigs dbang phyug ces bya ba dang / byang chub sems dpa' sems dpa' chen po mthu chen thob ces bya ba gnyis ting nge 'dzin 'di thob pa yin te/ pad ma'i dpal gyi snying po skyes bu dam pa de gnyis las
- 9a
byang chub sems dpa' sems dpa' chen po gang gzhan dag nub bdun du 'dri ba'i yan nyan pa de dag smra bas bu'i ting nge 'dzin thob bo// de skad ces bka' stsal pa dang / bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to bcom ldan 'das sangs rgyas kyi zhing de na sgyu ma lta bu'i ting nge 'dzin thob pa'i byang chub sems dpa' sems dpa' chen po ni mang du mchis so// de ci'i srang du zhe na/ bcom ldan 'das ji ltar sangs rgyas kyi zhing der skyes pa'i byang chub sems dpa' sems dpa' chen po de dag bsgrim mi 'tshal bar skyes bu dam pa de gnyis chos 'dri ba'i lan nyan pa'i slad du'o// bcom ldan 'das kyis bka' stsal pa/ pad ma'i dpal gyi snying po ji ltar ba de de bzhin te/ de na byang chub sems dpa' sems dpa' chen po gang dag sgyu ma lta bu'i ting nge 'dzin la gnas pa dag ni tshad med grangs med do// de skad ces bka' stsal pa dang / bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ji lta bu'i sems kyi mtshan ma bstan pas/ skyes bu dam pa de gnyis 'jig rten gyi khams mi 'jed 'dir
- 9b
'chi bar 'gyur ba dang / bde ba can gyi 'jig rten gyi khams de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med de yang 'jig rten gyi khams 'di nas 'da' bar 'gyur ba de lta bu'i rdzu 'phrul mngon par 'du mdzad pa legs par mdzad du gsol/ de ci'i slad du zhe na/ bcom ldan 'das skyes bu dam pa de gnyis sangs rgyas kyi zhing 'dir mchis na byang chub sems dpa'i theg pa pa'i rigs kyi bu dang rigs kyi bu mo rnams dang / dge ba'i rtsa ba rnams su rdzogs par 'gyur/ skyes bu dam pa de gnyis chos 'dri ba'i lan thos pas/ sgyu ma lta bu'i ting nge 'dzin thob par 'gyur/ sangs rgyas kyi zhing 'di nas 'jig rten gyi khams bde ba can de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med de yang mthong ste/ mthong nas kyang rigs kyi bu dang / rigs kyi bu mo dag bla na med pa yang dag par rdzogs pa'i byang chub tu sems bskyed nas/ sangs rgyas kyi zhing der skye bar smon lam 'debs pa dang / der skyes ma thag tu bla na med pa yang dag par rdzogs pa'i byang chub las phyir mi ldog par 'gyur ba'i slad du'o// de nas bcom ldan 'das kyis byang chub sems dpa' sems dpa' chen po pad ma'i dpal gyi snying po gsol ba btab par mkhyen nas/ 'dzod spu nas 'di rab tu skyes te/ 'od des stong gsum gyi stong chen po'i 'jig rten
- 10a
bya bya/ kyi khams 'di gser gyi kha dog gi snang ba chen pos khyab par gyur to// stong gsum gyi stong chen po'i 'jig rten gyi khams 'di na ri'i tshegs dang / shing ljon pa dang / ri'i rgyal po ri rab dang / ri btang bzung dang / btang gzungs chen po dang / 'khor yug dang / 'khor yug chen po gang dag yod pa dang / gang dag 'jig rten gyi mun pa mun nag de dag thams cad kyang gyi kha dog gis snang ba des khyab par gyur to// nyi ma dang zla ba 'di ltar rdzu 'phrul che ba/ 'di ltar dbang che bar grags pa 'di dag kyang mig gi dbang po la snang bar ma gyur to// nub phyogs logs su sangs rgyas kyi zhing bye ba brgya stong las thal nas/ 'jig rten gyi khams bde ba can gyi kha dog gi snang ba chen pos khyab par gyur to// de nas 'od des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi zhabs la phyag 'tshal te/ lan gsum bskor ba byas nas bcom ldan 'das de'i spyan sngar mi snang bar gyur to/ de nas gang dag 'jig rten gyi khams bde ba can der skyes pa'i sems can rnams dang / byang chub sems dpa' rnams dang / nyan thos chen po de dag gis kyang 'jig rten gyi khams 'de ba can der skyes pa'i sems can rnams dang / rgan po mi 'jed 'di mthong zhing de bzhin gshegs pa dgra bcom pa yang dag par rdzogs
- 10b
pa'i sangs rgyas shAkya thub pa byang chub sems dpa'i tshogs kyis yongs su bskor cing / nyan thos kyi dge 'dun gyis ltas pa de yang mthong te/ dper na spu ru ra'i 'bras bu lag thil du bzhag pa ltar mthong nas/ de dag dga' ba dang / mchog tu dga' ba rgya chen skyes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes tshig de skad brjod do// 'jig rten gyi khams mi 'jed 'di de bzhin gshes pa dgra bcom pa yang dag par rdzogs pa'i sangs rgyas shakya thub pa 'khor gyi dkyil 'khor gang 'dus pa/ dge slong dang dge slong ma dang / dge bsnyen dang / dge snyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi 'am ci dang / lto 'phye chen po dang / mi dang mi ma yin pa dang / brgya byin dang / tshangs pa dang / 'jig rten skyong ba dang / byang chub sems dpa' 'dus pa de dag gis kyang 'jig rten gyi khams bde ba can de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med byang chub sems dpa'i tshogs kyis bskor cing / nyan thos kyi dge 'dun gyis mdun gyis bltas te/ ri'i rgyal po bzhin du 'bar ba de dang / thams cad dang ldan pa'i sangs rgyas
- 11a
/ kyi zhing de yang sa ler mthong ste/ 'di lta ste dper na/ skyes bu mig dang ldan pas mngom gang tsam gyi phyogs nas skyes bu gcig shos kyi bzhin gyi dkyil 'khor bsgrim mi dgos par mthong ba de bzhin du/ 'jig rten gyi khams 'di dang / sangs rgyas kyi zhing 'di nas de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa mthong ngo // 'jig rten gyi khams bde ba can yon tan bye ba khrag khrig stong du mas gang ba/ yon tan gyi bkod pa chen po de yang snang ngo // mthong nas kyang dga' ba dang / mchog tu dga' ba rgya chen po skyes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo zhes tshig de skad kyang brjod do// sangs rgyas kyi zhing yang dag par bstan par mdzad na/ sangs rgyas kyi zhing 'di na sngon sems ma skyed pa'i srog chags brgyad khri bzhi stong bla na med pa yang dag par rdzogs pa'i byang chub tu sems skyes so// 'jig rten gyi khams bde ba can du skye bar 'gyur ba dang / bla na med pa yang dag par rdzogs pa'i byang chub tu'ang dge ba'i rtsa ba yongs su bsngo'o// 'jig rten gyi khams bde ba can de na byang chub sems dpa' sems dpa' chen po dang / nyan thos chen po gang dag gis 'jig rten gyi khams mi 'jed 'di mthong nas/
- 11b
mtshar du gyur te thal mo sbyar nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes tshig 'di skad ces bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes kyang brjod/ byang chub sems dpa' sems dpa' chen po dang / nyan thos chen po de dag gis tshig de brjod ma thag tu de'i tshe/ thams cad dang ldan pa'i 'jig rten gyi khams de rnam pa drug tu 'gul/ rab tu 'gul/ kun tu rab tu 'gul/ g.yos rab tu g.yos/ kun tu rab tu g.yos/ ldeg rab tu ldeg/ kun du rab tu ldeg/ 'ur bur rab tu 'ur/ kun tu rab tu 'ur 'ur/ 'khrugs rab tu 'khrugs/ kun tu rab tu 'khrug/ chem chem rab tu chem chem/ kun tu rab tu chem chem mo// de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po thu chen thob dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med de ga la ba der dong ste phyir nas/ bcom ldan 'das kyi zhabs la mgo bos phyag 'tshal te zhes dang bcas bar phyogs cig tu 'khod do// skyes bu dam pa de gnyis phyogs cig tu 'khod nas/ bcom ldan 'das la 'di skad ces gsas to// bcom ldan 'das de bzhin gshegs
- 12a
pa dgra bcom pa yang dag par rdzogs pa'i sangs rgyas shAkya thub pa de mthu brten pa brnyes pa ni/ bcom ldan 'das ngo mtshar to// bde bar gshegs pa ngo mtshar to// de ci'i slad du zhe na/ bcom ldan 'das 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i mtshan brjod pa tsam gyis/ sems dpa' ma mchis pa'i dogs sa ma mchis pa 'di yang rnam pa drug tu g.yos pa'i slad du'o// de skad ces gsol pa dang / de bzhin gshegs pa 'od dpag med kyis skyes bu dam pa de gnyis la 'di skad ces bka' stsal to// rigs kyi bu dag sangs rgyas kyi zhing 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de mtshan brjod pa mtshan brjod pa zad kyi/ sangs rgyas kyi zhing gzhan du ma dag na yang bcom ldan 'das de'i mtshan yongs su brjod do// sangs rgyas kyi zhing de dag thams cad kyang 'od des reg pas rnam pa drug tu rab tu g.yos so// sangs rgyas kyi zhing de dag ni sems can tshad med grangs med pa dag de bzhin gshegs pa shAkya thub pa'i mtshan thos nas dge ba'i rtsa ba yongs su rdzogs par gyur na/ bla na med pa yang dag par rdzogs pa'i byang chub las phyir mi ldog par gyur to// de nas byang chub sems
- 12b
dpa'i 'khor de las byang chub sems dpa' bye ba phrag bzhi bcu bcom ldan 'das de bzhin gshegs pa shAkya thub pa'i mtshan thos so// thos nas kyang de dag thams cad 'dus nas mgrin cig tu dge ba'i rtsa ba rnams bla na med pa yang dag par rdzogs pa'i byang chub tu yongs su bsngo'o// de dag kyang bcom ldan 'das des bla na med pa yang dag par rdzogs pa'i byang chub las phyir mi ldog par lung bstan to// de nas de bzhin gshegs pa dgra bcom pa yang dag par rdzogs pa'i sangs rgyas 'od dpag med la/ byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po thu chen thob kyis 'di skad ces gsol to// bcom ldan 'das de bzhin gshegs pa shAkya thub pa des sngon mthong ma thos pa'i 'od btang ba'i rgyu ma mchis/ rkyen ma mchis par ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas 'di ltar yid du mchi ba dang / 'di ltar lta na sdug pa'i 'od mi gtong na/ gang gi slad tu bcom/ ldan 'das de bzhin gshegs pa shAkya thub pa des/ 'di ltar yid du mchi ba dang / 'di ltar blta na sdug pa'i 'od skye ba/ 'di ltar de'i rgyu ni gang lags/ rkyen ni gang lags/ de skad ces gsol ba dang / de bzhin gshegs pa 'od dpag med kyis skyes bu dam pa de gnyis la 'di skad ces bka' stsal to// rigs kyi bu dag ji skad smras pa de de
- 13a
bzhin te/ sgyu med rkyen med par bcom ldan 'das nges 'di ltar yid du 'ong ba/ 'di ltar blta na sdug pa'i 'od mi skye'o// de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de/ deng byang chub sems dpa' 'jug pa zhes bya ba'i ting nge 'dzin rin po che bsgrub pa'i chos kyi rnam grangs ston par 'gyur te/ de'i phyir bcom ldan 'das shAkya thub pa des chos bstan pa de'i mnga' ltas su 'di ltar yid du 'ong ba dang / 'di ltar blta na sdug pa'i 'od 'di kye'o// de nas de bzhin gshegs pa dgra bcom pa yang dag par rdzogs pa'i sangs rgyas 'od dpag med de la/ byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po thupA thob kyis 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de lta ba dang / phyag bgyi ba dang / mchod pa dang / bsnyen bkur bgyi ba dang / chos bstan pa de yang mnyan pa'i slad du/ bcom ldan 'das bdag cag 'jig rten gyi khams mi 'jed der mchi'o// bka' stsal pa/ rigs kyi bu dag bcom ldan 'das de bzhin gshegs pa shakya thub pa de khyed gnyis las brtsams te/ chos ston par 'gyur gyis/ de'i dus la ba' par shes nas khyed gnyis dang shig ces zhabs bye bas/ de nas byang
- 13b
chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis/ bcom ldan 'das de bzhin gshegs pa 'od dpag med de'i nye 'khor na 'khod pa'i byang chub sems dpa' bye ba phrag bzhi po rnams la smras pa/ rigs kyi bu dag tshur gshegs/ khyed kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bya ba dang / mchod pa bya ba dang bsnyen bkur bya ba dang / chos ston pa de yang mnyan pa'i phyir 'jig rten gyi khams mi 'jed der dong ngo // de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni/ sangs rgyas kyi zhing yongs su dag pa gzhan dang / gzhan dag na yod pa spangs nas smon lam dang thugs rje chen pos/ sangs rgyas kyi zhing mongs pa can der byung ste/ sems can dman pa la mos pa/ 'dod chags shas che ba/ zhes sdang gi shas che ba/ gti mug gi shas che ba rnams kyi nang du bla na med pa yang dag par rdzogs pa'i byang chub mngon par rdzogs par sangs rgyas pa ni dka' ba mdzad pa'i phyir/ skyes bu dam pa de gnyis kyi tshig 'di smras ma thag tu 'jig rten gyi khams bde ba can de'i byang chub sems dpa' sems dpa' chen po de dag thams cad lhan cig 'dus nas mgrin cig tu
- 14a
smras pa/ bcom ldan 'das sems can gang dag gis bcom ldan 'das de bzhin gshegs pa shAkya thub pa de'i mtshan thos pa de dag kyang rnyed pa legs par rnyed pa lags na/ gang dag gi sha'i mig gis de mngon sum du mthong la/ mthong nas kyang dad pa rnyed pa dag lta smos kyang ci 'tshal/ bcom ldan 'das bdag cag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / chos ston pa de yang mnyan pa'i slad du 'jig rten gyi khams mi mjed der mchi'o// bcom ldan 'das kyis bka' stsal pa/ rigs kyi bu dag khyed de'i dus la blar shes nas deng shig/ de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po thu chen thob byang chub sems dpa' bye ba phrag brgya bcu rtsa bzhis yongs su bskor te/ mdun du bdar nas 'jig rten gyi khams bde ba can de nas dong ngo // de nas de'i tshe ji lta bu'i rdzu 'phrul mngon par 'du bya ba mngon par byas pas/ byang chub sems dpa' bye ba phrag brgyad bcu rtsa bzhi po de dag re re la yang khang pa brtsem pa bye ba phrag brgyad bcu rtsa bzhi sprul pa/ de lta bu'i rdzu 'phrul mngon par 'du bya ba mngon par byas so// khang pa brtsegs pa de dag kyang gru bzhi pa ltas pa/ ka
- 14b
bzhi zug pa/ cha mnyam par legs par phye ba/ legs par zin pa sha stag go// khang pa brtsegs pa re re yang phang du ni dpag tshad brgyad do// khang pa brtsegs pa dag gser las byas pa dag kyang yod/ dngul las byas pa dag kyang yod/ bai DUr+ya las byas pa dag kyang yod/ shel las byas pa dag kyang yod/ mu tig dmar po dang / rdo'i snying po dang / sdug las byas pa dag kyang yod/ rin po che gser dang dngul dang bai DUr+ya dang sna gsum pa dag kyang yod/ rin po che gser dang dngul dang bai DUr+ya dang shel dang sna bzhi las byas pa dag kyang yod/ rin po che gser dang dngul dang bai DUr+ya dang shel dang sna bzhi las byas pa dag kyang yod/ rin po che gser dang dngul dang bai DUr+ya dang shel dang / mu tig dmar po dang / sna lnga'i khang pa brtsegs pa dag kyang yod/ rin po che gser dang / dngul dang bai DUr+ya dang / shel dang / mu tig dmar po dang / spu ga dang / sna dang drug pa'i khang pa brtsegs pa dag kyang yod/ rin po che gser dang dngul dang baiDU dang / shel dang mu tig dmar po dang / spug dang rdo'i snying po dang sna bdun pa'i khang pa brtsegs pa dag kyang yod/ tsan dan dmar po las byas pa'i khang pa brtsegs pa dag kyang yod/ tsan dan sbrul gyi snying po dag kyang yod/ a ga ru nag po dang / tsan dan las byas pa dag kyang yod/ tsan dan thams cad las byas pa'i khang pa brtsegs pa dag kyang yod/ me tog ud pa la dang / pad ma dang / ku mud dang / pad ma dkar po
- 15a
las byas pa'i khang pa brtsegs pa dag kyang yod/ sna ma'i me tog dang / pa sha ka dang / tsam pa ka dang / skya nar dang / a ti mug ta ka dang / ta ra ni dang / ko ta ra ni las byas pa'i khang pa brtsegs pa dag kyang / me tog da nu ska ri las byas pa'i khang pa brtsegs pa dag kyang yod/ me tog man da ra dang / man da ra chen po las byas pa'i khang pa brtsegs pa dag kyang yod/ me tog pa ru sha ka dang / pa ru sha ka chen po pa/ man dzu sha ka dang / man dzu sha ka chen po dang / mdog mdzes dang / mdog mdzes chen po dang / me tog 'khor lo dang / 'khor lo chen po dang / kun du 'khor lo dang / shin du mdzes pa'i 'khor lo dang / me tog zla ba dang / shin du mdzes pa'i zla ba dang / zla ba mchog dang / sgra la dang / sgra la chen po dang / shin du mdzes pa'i sgra la las byas pa'i khang pa brtsegs pa dag kyang yod/ me tog thams cad las byas pa'i khang pa brtsegs pa dag kyang yod/ kha dog du ma/ kha dog sna tshogs pa/ kha dog brgya stong du ma pa/ bkra ba lha na sdug pa/ yongs su dag pa/ 'od gsal ba dag kyang yang yod do// khang pa brtsegs pa re re la yang lha'i bu mo brgyad khri bzhi stong mngon par sprul te/ lha'i bu mo kha cig gi lag na dung dang rnga bo che dang / dza rnga dang / khar dza dang / pi bang rgyud gcig pa dang / glu dbyangs smra dran pa dang / gleng bu dang / rlung can po bang dang /
- 15b
bi bang rgyud gsum pa rnams thogs te/ sil snyan dang / glu dbyangs dang / rol mo'i sgra skad rnam pa mang po de lta bu len cing 'khod do// lha'i bu mo kha cig ni a ga ru dang / tsan dan dmar po'i phye ma'i phur ma thogs shing 'khod do// lha'i bu mo kha cig ni tsan dan thams cad kyi phye ma'i phur ma thog shing 'khong ngo // lha'i bu mo kha cig ni ud pa la dang / pad ma dang / pad ma dkar po'i me tog gi phye ma'i pur ma thogs shing 'khod do// lha'i bu mo kha cig ni me tog man da ra ba dang / man da ra ba chen po dang / pa ru sha ka dang / pa ru sha ka chen po dang / man dzu sha ka dang / man dzu sha ka chen po dang / me tog mdog mdzes dang / me tog mdog mdzes chen po dang / me tog 'khor lo dang / 'khor lo chen po dang / kun du 'khor lo dang / shin du mdzes pa'i 'khor dang / me tog zla ba dang / zla ba chen po dang / shin du mdzes pa'i zla ba dang / zla mchog dang / sba la dang / sba la chen po dang / shin du mdzes pa'i sgra la'i me tog gi pur ma thogs shing 'khod do// lha'i bu mo kha gcig ni me tog thams cad dang / bdag pa dang / spos dang / me tog phreng ba dang / byug pa dang / bye ma'i phur ma thogs shing 'khod do/ khang pa brtsegs pa re re yang bkod pa chen po seng ge'i khri la skyes bu chen po'i mtshan sum bcu rtsa gnyis sku legs par brgyad pa'i de bzhin gshegs pa'i sku mngon par sprul to// khang pa brtsegs pa re re
- 16a
yang pu tig dkar po dang / mu tig thon ka'i mu tig gi phreng ba brgyad khri bzhi stong mngon par sprul to// khang pa brtsegs pa re re yang lha'i ras bcos bu'i rgyal mtshan gser gyi dril bu g.yer kha'i dra bas g.yogs pa brgyad khri bzhi stong mngon par sprul to// khang pa brtsegs pa re re yang spos kyi phung ma brgyad khri ba ni stong mngon par sprul to// khang pa brtsegs pa re re yang gdugs kha dog du ma/ kha dog sna tshogs pa/ kha dog brgya stong du ma pa/ bkra ba blta na sdug pa/ legs par las su byas pa/ dbyibs shin du legs pa/ brgyad khri bzhi stong mngon par sprul to// khang pa brtsegs pa re rer yang shing ta'i phreng ba brgyad khri bzhi stong mngon par sprul/ to/ khang pa brtsegs pa re rer yang rin po che'i shing ljon pa brgyad khri bzhi stong mngon par sprul to/ khang pa brtsegs pa re rer yang dril bu g.yer ka'i dra ba gang dag rlung gis skyod na 'di lta bu'i sgra dag 'byung ba 'di lta ste dper na/ lha'i sil snyan yan lag bye ba brgya stong dang ldan pa mkhas pa dag gis legs par blangs nas/ sgra 'byung ba de bzhin du dril bu g.yer ka'i dra ba de dag kyang rlung gi skyod na/ sgra snyan pa yid du 'ong ba dag 'byung ba brgyad khri bzhis stong mngon par sprul to// khang pa brtsegs pa re rer yang rdzing bu bzhi gser gyi phye ma brdal ba bai DUr+ya dang / shel gyis spras pa/ rin po che'i sna bdun gyi kha khyer gyis bskor ba/ me tog ud pa la dang / pad ma dang / ku mu da dang / pad ma
- 16b
dkar pos gang ba/ dur pa sgra 'byin pa/ yan lag brgyad dang ldan pa'i chus gang ba/ bya rog gis btung du rung bar mu dang kha da chad tu gang ba dag sprul to/ khang pa brtsegs ba re rer yang rin po che'i shing ljon pa'i phreng ba rim pa bdun gyis bskor to// rin po che'i skud pa brgyad khri bzhis stong gis kun nas bkris so// rin po che'i khang pa brtsegs pa re re'i 'od kyis kyang dpag tshad brgyad khri bzhis stong du snang bar gyur to// de bzhin du khang pa brtsegs pa thams cad kyi bkod pa dag so sor byas so// de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis byang chub sems dpa' sems dpa' chen po de dag gis khang pa brtsegs pa bkod pa ji snyed yod pa khang pa brtsegs pa de dag thams cad kyi nang na bkod pa chen po gang dag yod pa de dag thams cad khang pa brtsegs pa re rer mngon par sprul to// snga ma bzhin du sbyar te/ khang pa brtsegs pa re re yang de ltar bkod pa rnams mngon par sprul nas/ bkod pa de lta bu des byang chub sems dpa' bye ba phrag brgya khri bzhi stong dang lhan cig tu 'di lta ste dper na/ skyes bu stobs dang ldan pa'i lag pa bskum pa las brkyang ba 'am/ brkyang ba las skum pa tsam gyis de dag skad cig thang cig yud tsam gyis 'jig rten gyi khams bde ba can de nas mi snang bar gyur te/ 'jig rten gyi khams mi 'jed 'dir phyin to// de nas byang chub
- 17a
sems dpa' de gnyis kyis de'i tshe/ ji lta bu'i rdzu 'phrul mngon par 'du bya ba mngon par byas pas/ 'jig rten gyi khams mi 'jed 'di lag zil du mnyam par gyur pa de lta bu'i rdzu 'phrul mngon par 'du byas so// byang chub sems dpa' de dag kyang khang pa brtsegs pa bye ba phrag brgya bcu rtsa bzhis yongs su bskor te// mdun du bdar nas yon tan gyi bkod pa chen po dang ldan pas/ shin du lhag ge'o// khang pa brtsegs pa de dag gi 'od kyis kyang stong gsum gyi stong chen po'i 'jig rten gyi khams 'di snang bas khyab par gyur to// de nas byang chub sems dpa' de gnyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i zhabs la mgo bos phyag 'tshal nas lan gsum skor ba byas te 'khod do// phyogs cig tu khod nas/ skyes bu dam pa de gnyis tshig 'thun par sgra dbyangs gcig tu bcom ldan 'das la tshigs su bcad pa 'di dag gis mngon par bstod do// gzi brjid tshungs med yon tan phung po gcig la phyag 'tshal lo// drang srong chen po kun mkhyen yon tan kun gyi pha rol gshegs// thams cad zil non srid pa gsum gyi chags pa'i lam las 'das/ shAkya khyu mchog dri bral zla ba'i zhal la phyag 'tshal lo//
- 17b
nyi ma dri med lta bu'i sku dang ldan pa rnam par mdzes/ mtshan mchog sum bcu rtsa gnyis dag gis go cha bsnams gyur cing // dpe byed bzang po rnams kyis spras pa 'jig rten kun du gsol// mi mchog khyod mtshungs 'jig rten gsum na gang yang yod ma mchis/ bde bar gshegs pa'i sku'i 'od kyis gang tshe reg gyur pa// de tshe 'jig rten nyi ma zla ba nor bu zhugs rnams dang / brgya byin tshangs pa lha dang de bzhin mi ci rnams kyi 'od// snag tsha'i phung po bzhin du mogo mog mi snang gsal ma mchis/ rgyal ba zhing cig na ni yang dag bzhugs par brda bzhin du// 'gro ba'i don du ska gcig gcig gis mtha' yas zhing du gshegs/ ston pa'i bzhud dang byon pa 'tshal ba su yang yong ma mchis// mdzad pa dag dang 'dul ba sna tshogs dag gis sems can 'dul// spu'i khung bu gcig nang mtha' yas zhing rnams ston mdzad kyang / 'phel ba dang ni bri bar 'gyur ba gang yang yod ma mchis// 'di ni ji bzhin las dang bye ba rgyu dang 'bras bu gda'/ sems can rnams la gnod pa ma mchis 'dres par gyur ma mchis// gang na sems can dmyal bdud 'gro yi dgas ma mchis shing / rgyal ba'i sras po grags pa chen po dag gis yongs gang la// mi khom brgyad po dag dang bral de mchog tu nyams dga' ba'i/ yongs dag zhing de dag kyang mi mchog la lar ston par mdzad lha mi gang dag mi 'jigs bag ma mchis pa skad skad du/
- 18a
sems can dmyal ba yang 'gro ba shin du mi zad pa'i/ kun nas nyon mongs zhing rnams la la dag kyang bstan mdzad nas/ de dag thams cad bde bar gshegs la skyabs su nye bar mchi/ zhing gzhan la la dag kyang nam mkha' lta bur ston par mdzad// de bzhin gzhan yang zhugs kyis bltam zhing me lce 'khrugs pa dang / zhing gzhan dag kyang chab kyis yongs su bltam par ston pa mdzad// rnam 'phrul 'di ni thams cad mkhyen pa'i ye shes yu lags so// 'dul ba'i don du gzug kyis rnam pa mtha' yas ston mdzad pa/ la lar 'dod pa'i dbang phyug 'od chags gzugs dang ldan par gyur/ tshangs pa'i bdag po mchog tu zhi bzhi ting 'dzin rnyed pa dang / sum bcu rtsa gsum dbang phyug mi stong rdo rje 'bar ba dang / srog chags brgya phrag mang po rab tu dga' bas mchod bgyid cing / dge bcu pa dag gis sems can mtha' yas 'dul bgyid pa// blon po tshong dpon gang dang bka' la gtogs pa'i gtsor gyur cing // shin du 'jigs med sgra tshogs pham nas chad pa mi gcod la/ bsdu ba'i dngos po bzhi pos sems can rnams ni bsdud bgyid cing / dge ba bcu byang chub lam la sems can rab tu 'jog bgyid pa/ bsod nams las kyis rin chen sna bdun ldan gyur pa'i/ gling bzhi dag gis dbang phyug 'khor los sgyur ba dag tu gyur/ 'jig rten 'di na la sar bltam pa lta bur ston mdzad de// dogs la ni
- 18b
gom pa bdun dag bor zhing gshegs nas kyang / nga ni skyes nas skye dang 'chi ba'i mtha' bar 'byung ngo zhes/ yid 'ong yan lag brgyad dang ldan pa'i gsung mchog brjod pa mdzad/ mar me mdzad pa tshan chad dri ma thams cad spangs lags kyang / 'gro rnams sangs rgyas ye shes mchog la yongs smin mdzad skad du// la lar sems can dag pa btsun mo'i 'khor na bzhugs par gda'/ mi'i btsun mo dag dang sras kyang ston par mdzad/ yab yum dag dang gnyen gyi rtsa lag sdud pa'i 'khor rnams dang / yul 'khor 'byor dang rin chen gter mdzod mang po btang mdzad nas brgya byin tshangs pa dag dang lha min rnams kyis phyag bgyis shing / drang srong chen po mngon par byung ste nags na bzhugs par gda'/ 'gro la sman slad dgung lo drug tu dka' ba spyad nas ni/ bsam gtan mkha' khyab rin chen mchog la bsam gtan mdzad par gda'/ mu stegs can gyi tshogs rnams thams cad tshar bcad mdzad slad tu/ sems can dag pa byang chub shing drung du yang gshegs par gda'/ 'gro rnams sangs rgyas ye shes mchog tu yongs smin mdzad slad tu/ mi dbang sgyu ma lta bu'i ting 'dzin mchog la bzhugs mdzad nas/ sku'i tshul ni gang gis 'jig rten rnam par 'dal 'gyur ba/ rgyal ba de 'dra nyid kyi sku'i cha lugs 'dzin par mdzad// ji ltar sgyu ma mtshan gyis 'gro ba rmongs par bgyi slang du//
- 19a
sgyu ma mang po'i rnam par 'phrul pa rab tu ston bgyid pa/ de bzhin 'gro ba sgron mas sems can 'dul mar mdzad slad du// sangs rgyas// nyid kyi rnam par 'phrul pa mang po rnams kyang ston/ thub pa dpa'o la lar dpung dang bcas pa'i bdud 'dul ston/ gang la pha rol mu stegs tshogs kyis 'gro ba ma mchis shing / rdul bral mya ngan ma mchis thams cad mkhyen pa nyid thob pa/ bla na med pa yang dag 'gyur ba ma mchis 'khor lo rab tu bskor/ khyod kyis bskal pa bye ba khrag khrig mang nas byang chub brnyes/ phyogs kyi lam rnams thams cad tu yang 'khor lo bskor bar mdzad// mi'i dbang po kun nas zhal ldan chu zla bzhin du bzhugs/ bde gshegs rang byung mtha' yas yul la bdag phyag 'tshal/ la la dag la sangs rgyas chos kyi sku ni ston mdzad pa// rtag pa brtan pa ther zug 'gyur ba ma mchis gyur pa dang / ma bgyis ma skyes dri ma mchis 'gos pa ma mchis chos// mig yor 'dra bas phyogs bcu dag ni shin du rgyas par 'gengs/ ring por mi thogs par ni sdug pa dag dang 'bral 'gyur gyis/ 'dus 'di la yid la khyed cag yid brten bya ba mi rigs shes/ 'gro ba thams cad rmi lam sgyu ma smig sgyu 'dra ba dang / mi rtag mi rtan skad cig par yang la lar dag la ston/ bde gshegs sku'i 'phrin las mtha' dang pha rol yod ma mchis/ gsung thugs kyi 'jug pa'i spyod yul dag kyang dpag mi lang / nam mkha' lta bur rgya che tshad ma mchis/
- 19b
bston mdzad de/ rgyal ba'i spyod yul sems can rnams kyis 'tshal bar nus ma lags// phyogs bcu dag na mchis pa'i sems can ma lus ji snyed pa/ de dag sha ri'i bu dang 'dra bar shes rab ldan gyur kyang // rgyal po chen po chos kyi rgyal po'i yul tshad ma mchis pa/ rgyal ba'i spyod yul thams cad de dag rnams kyis rig mi nus/ rdzogs pa'i sangs rgyas ye shes mkha' 'dra ba rol mtha' ma mchis// de ltar rgyal ba'i yul ni bsam gyis mi khyab ma lus pa/ 'di na rgyal ba'i sras rnams kun dang nyan thos rnams dang ni rkyen gyi rgyal ba 'dus pa rnams kyis 'tshal rab nus ma lags// 'di ltar de dag la sogs mtha' yas thabs dang ldan pa yi/ 'dul ba'i don du sku'i mdzad pa mtha' yas ston par mdzad// nam mkha'i khams dang mtshungs par mtha' yas sku dang ldan gyur pa/ mgon po rtog dang rnam par rtog dang bral la phyag 'tshal lo// sdug bsngal rgya mtsho rgya chen pha rol dag tu rgyal gyur pa/ nyon mongs thul ba rgyal ba'i 'gro ba'i gtso la bstod pa yis/ bsod nams ci mchis des ni 'di na 'gro ba ma lus pa/ byang chub rin chen rab mchog zhi zhing bde la reg par shog/ de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis tshul dang 'thun pa'i tshigs su bcad pa dag gis/ bcom ldan 'das la mngon par bstod stod nas/ bcom ldan 'das la 'di skad ces
- 20a
gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med bcom ldan 'das la gnod pa chung ngam zhes snyun gsol lo// nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes kyang snyun gsol lo// de skad ces bcom ldan 'das kyi nyan thos dag 'jig rten gyi khams nyams dga' ba la ltar stsol cig ces gsung ngo // de nas 'jig rten gyi khams mi 'jed 'di'i byang chub sems dpa' dang / nyan thos chen po de dag gis 'jig rten gyi khams 'di khang pa brtsegs pa'i bkod pa chen po des yongs su khyab pa dang / rin po che sna tshogs dag kyang mthong nas ngo mtshar du 'dzin cing de dag 'di snyam du sems te/ gang dag 'jig rten gyi khams bde ba can nas 'dir lhags pa/ 'di dag ci de bzhin gshegs pa'i mthu 'am/ 'on te byang chub sems dpa' sems dpa' chen po 'di dag gi mthu yin snyam mo// de nas de'i tshe sangs rgyas kyi mthus byang chub sems dpa' sems dpa' chen po pad ma'i dpal gyi snying pos// bcom ldan 'das la 'di skad ces gsol to// 'di ltar 'jig rten gyi khams mi 'jed 'di khang pa brtsegs pa sna tshogs du mas brgyan cing yongs su khyab par bda' ba ni bcom ldan 'das ngo mtshar to// bde bar gshegs pa mchog tu ngo mtshar to// gang dag 'jig rten gyi khams bde ba can nas/ 'jig rten gyi khams mi 'jed 'dir lhags pa
- 20b
dag ci de bzhin gshegs pa'i mthu lags sam/ 'on te byang chub sems dpa' 'di dag gi mthu lags sam/ de skad ces gsol pa dang / bcom ldan 'das kyis byang chub sems dpa' sems dpa' chen po pad ma'i dpal gyi snying po la 'di skad ces bka' stsal to// pad ma'i dpal gyi snying po 'jig rten gyi kham+b+has mi 'dod 'di rin po/ sna tshogs kyi khang pa brtsegs pa du mas brgyan cing yongs su khyab par snang ba 'di ni de bzhin gshegs pa'i mthu ma yin gyi/ 'di ni byang chub sems dpa' sems dpa' chen za spyan ras gzigs dbang phyug dang / byang chub sems dpa' sems dpa' chen po mthu chen thob kyi mthu yin no// gsol pa/ 'di ltar 'di dag gi mthus 'jig rten gyi khams mi 'jed 'di rin po che sna tshogs kyi khang pa brtsegs pa du mas brgyan cing yongs su khyab pa bda' ba ni skyes bu dam pa de gnyis kyi smon lam dag dang / dge ba'i rtsa ba dag yongs su sbyangs pa bsam gyis mi khyab ste/ bcom ldan 'das ngo mtshar to// bde bar gshegs pa ngo mtshar to// bcom ldan 'das kyis bka' stsal pa/ pad ma'i dpal gyi snying po ji skad smras de de bzhin te/ skyes bu dam pa de gnyis ni bskal pa bye ba khrag khrig brgya stong grangs med pa nas dge ba'i rtsa ba dag yongs su sbyangs pa yin no// pad ma'i dpal gyi snying po skyes bu dam pa de gnyis ni sgyu ma lta bu'i ting nge 'dzin thob pa yin te/ de gnyis sgyu ma lta bu'i ting nge 'dzin la gnas nas/ rdzu 'phrul gyi rnam par
- 21a
'phrul pa 'di lta bu dag ston to// pad ma'i dpal gyi snying po khyod shar phyogs cha logs su don ci snang ltos shig/ de nas byang chub sems/ dpa' sems dpa' chen po pad ma'i dpal gyi snying pos byang chub sems dpa'i lha'i mig sgrib pa med pas bltas pas/ shar phyogs su sangs rgyas kyi zhing gang ga'i klung gi bye ma snyed na/ sangs rgyas bcom ldan 'das gang ga'i klung gi bye snyed mthong ngo // sangs rgyas bcom ldan 'das de dag thams cad kyi zhabs la byang chub sems dpa' sems dpa' chen po spyan ras gzigs dbang phyug dang / byang chub sems dpa' mthu chen thob gnyis phyag 'tshal nas/ tshig 'di skad ces bcom ldan 'dra de bzhin gshegs pa dgra bcom pa yang dag par rdzogs pa'i sangs rgyas 'od dpag med/ bcom ldan 'das la gnod pa chung ngam zhes spun gsol lo// nyams nga ba chung ngam/ skyod pa yang ngam/ stobs dang bde bar rig pa la gnas sam zhes spyan gsol lo zhes smra'o// de bzhin du lho'i phyogs cha dang / de bzhin du nub dang / de bzhin du byang dang / de bzhin du 'og dang / de bzhin du steng dang / de bzhin du phyogs bcu kun du sangs rgyas kyi zhing gang ga'i klung gi bye ma snyed na/ rin po che sna tshogs kyi khang pa brtsegs pa'i bkod pa chen po du mas brgyan cing yongs su khyab par mthong ngo // sangs rgyas kyi zhing de dag thams cad na sangs rgyas bcom ldan 'das dag
- 21b
mthong ngo // sangs rgyas bcom ldan 'das de dag thams cad kyi spyan sngar skyes bu dam pa de gnyi sna zhabs phyag 'tshal bar mthong ngo // mthong nas kyang de bzhin du ngo mtshar cher 'dzin gyur to// de nas byang chub sems dpa' sems dpa' chen po pad ma'i dpal gyi snying po ngo mtshar du gyur nas/ bcom ldan 'das la 'di skad ces gsol to// 'di ltar skyes bu dam pa 'di gnyis kyis sgyu ma lta bu'i ting nge 'dzin mngon par bsgrubs pa ni bsam gyis mi khyab ste/ bcom ldan 'das ngo mtshar to// bde bar gshes pa mchog tu ngo mtshar to// de ci'i slad du zhe na/ 'di ltar skyes bu dam pa 'di gnyis ting nge 'dzin la gnas te/ sangs rgyas kyi zhing thams cad na gda'i slad du'o// de nas bcom ldan 'das kyi ji lta bu'i rdzu 'phrul mngon par 'du mdzad pa mngon par 'du mdzad pas/ byang chub sems dpa' pad ma'i dpal gyis snying pos phyogs bcu kun gyi sangs rgyas kyi zhing dag mthong ba dang / sangs rgyas kyi zhing de dag na sangs rgyas bcom ldan 'das dag dang / skyes bu dam pa de gnyis sangs rgyas bcom ldan 'das kyi zhabs la phyag 'tshal ba mthong ba dang / de bzhin du thams cad dang ldan pa'i 'khor des kyang phyogs bcu kun gyi sangs rgyas kyi zhing dag mthong ba dang / sangs rgyas kyi zhing de dag na sangs rgyas bcom ldan 'das dag dang / skyes bu dam pa de gnyis sangs rgyas bcom ldan 'das dag gis zhabs la phyag 'tshal ba mthong ba dang /
- 22a
mthong nas kyang bcom ldan 'das kyi 'khor srog chags sum khri nyis stong bla na med pa yang dag par rdzogs pa'i byang chub tu sems skyed pa de lta bu'i rdzu 'phrul mngon par 'du mdzad pa mngon par 'du mdzad do// de nas bcom ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das skyes bu dam pa 'di gnyis de bzhin gshegs pa gang las bla na med pa yang dag par rdzogs pa'i byang chub tu sems skyed nas ji srid cig lags/ de'i mtshan ni ci zhes bgyi/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis legs par bstan du gsol// / bcom ldan 'das kyis bka' stsal pa/ 'di ltar byang chub sems dpa' gzhan dag kyang de'i bya ba dang / de'i spyod pa dang / de'i smon lam bzhin yongs su rdzogs par byed par 'gyur te/ de lta bas na pad ma'i dpal gyi snying po khyod shin du legs par nyon la yid la zung shig dang bshad do// byang chub sems dpa' pad ma'i dpal gyi snying pos bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// pad ma'i dpal gyi snying ba sngon 'byung ba 'das pa'i dus na/ bskal pa grangs med pa'i yang ches grangs med pa yangs pa tshad med pa bsam gyis mi khyab pa 'jig rten gyi
- 22b
khams brgya stong gi rdul phra rab ji snyed yod pa de snyed tu tshad med pa/ de snyed tu bsam gyi mi khyab pa/ rdul phra rab kyi rdul ji tsam yod pa de bas ches mang ba'i bskal pa byung ba de'i tshe de'i dus na/ 'jig rten gyi khams yon tan rin chen brtsegs pa dpag tu med pa/ bde ba kun du ston pa zhes bya ba na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bde gshegs pa 'jig rten mkhyen pa skyes bus 'dul ba'i kha lo sgyur ba/ bla na med pa// lha dang mi rnams kyi ston pa sangs rgyas bcom ldan 'das gser 'od ser ge'i rnam par rol pa'i rgyal po zhes bya ba byung ste/ pad ma'i dpal gyi snying po bcom ldan 'das de bzhin gsheg pa dgra bcom pa yang dag par rdzogs pa'i sangs rgyas gser 'od seng ge'i rnam par rol pa'i rgyal po zhes bya ba de'i sangs rgyas kyi zhing ni yon tan bkod pa gang dag yod pa de dag dpe cung zad cig brjod par bya ba nyon cig/ pad ma'i dpal gyi snying po 'di ji snyam du sems/ 'jig rten gyi khams bde ba can na de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi sangs rgyas kyi zhing gi yon tan bkod pa mang ngam/ gsol pa/ bcom ldan 'das mang lags so// bsam gyis mi khyab pa/ tshad ma mchis pa/ ngag gi las kyis lan gdab pa sla ba ma lags so// bcom ldan 'das kyis bka' stsal pa/ pad ma'i dpal gyi snying po 'di lta ste dper na/
- 23a
mi la la zhig gis skra'i rtse mo brgyar gshegs pa'i rtse mos rgya mtsho chen po las chu'i thigs pa cig blangs na/ pad ma'i dpal gyi sring 'di ji snyam du sems/ chu blangs pa dang / lhag ma lus pa de dag gang mang / gsol pa/ bcom ldan 'das blangs pa ni cung / lhag ma lus pa ni tshad ma mchis so// bka' stsal pa/ pad ma'i dpal gyi snying po khyod mos par bya'o// khyod kyi khong du chud par bya'o// mi des skra'i rtse mo brgyar gshegs pa'i rtse mos rgya mtsho chen po nas chu blangs pa ches nyung gi/ rgya mtsho chen po na chu lhag ma lus pa ni tshad ma mchis so// chu'i thigs pa gcig blangs pa ji snyed pa de tsam du/ de bzhin gshegs pa dgra bcom pa yang dag par rdzogs pa'i sangs rgyas 'dadi dpag med kyis sangs rgyas kyi zhing gi yon tan bkod par blta'o// rgya mtsho chen po'i chu'i phung po ji snyed pa de tsam du bco ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa de'i sangs rgyas kyi zhing yon tan rin chen brtsegs pa dpag tu med pa bde ba kun du ston pa'i 'jig rten gyi khams kyi yon tan bkod par blta'o// de'i nyan thos kyi dge 'dun yang dpag tu med de/ ji ltar da ltar na de bzhin gshegs pa 'od dpag med kyi nyan thos kyi dge 'dun dpag tu med do zhes bya ba na/ de las brgya stong du bsgres pa bas kyang bcom ldan 'das
- 23b
de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i nyan thos kyi dge 'dun ches mang ngo // de bzhin du byang chub sems dpa'i dge 'dun kyang de snyed do// bcom ldan 'das de bzhin gshegs pa de ni theg pa chen po kho na las brtsams te chos ston to// pad ma'i dpal gyi snying po ngas bskal pa gang ga'i klung gi bye ma snyed du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i sangs rgyas kyi zhing gi yon tan bkod pa dang / nyan thos kyi yon tan bkod pa dang / bde ba'i rgyu las brtsams te chos bstan par 'dod kyang nga'i spobs pa yang zad par mi 'gyur/ sangs rgyas kyi zhing gi yon tan bkod pa de'i mthar phyin par yang mi 'gyur ro// pad ma'i dpal gyi snying po de'i tshe de'i dus na/ bcom ldan 'das de bzhin gshes pa gser 'od seng ge rnam par rol pa'i rgyal po de'i gsung rab la 'jig rten gyi khams stong gi dbang phyug chos dang ldan pa chos kyi rgyal po dpal gzi brjid ces bya ba'i rgyal po zhig byung ste/ pad ma'i dpal gyi snying po rgyal po dpal gyi gzi brjid de la bu bye ba phrag brgya yod de/ rgyal bu gzhon nu de dag thams cad kyang skyes bu chen po'i mtshan nyi shu rtsa brgyad dang ldan par gyur to// de dag thams cad bla na med pa yang dag par rdzogs pa'i byang chub la yang dag par zhugs par 'gyur to// pad ma'i dpal gyi snying po rgyal po dpal gyi
- 24a
gzi brjid kyi yongs su longs spyod pa'i khyed mos 'tshal ni bdun khri drug stong yod do// rgyal bu re re la yang longs spyod kyi skyed mos 'tshal khri khri yod do// de nas bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to// bcom ldan 'das sangs rgyas kyi zhing de na bud med mchis sam/ bcom ldan 'das kyis bka' stsal pa/ pad ma'i dpal gyi snying po de ni med do// sangs rgyas kyi zhing de ni bud med kyi ming yang med do// rgyal bu gzhon nu de dag thams cad kyang tshangs par spyod pa las gyur pa rdzas te byung ba sha stag go/ sems can de dag thams cad kyang bsam gtan gyi dga' ba dang // chos kyi dga' ba'i zas can yin te/ sangs rgyas kyi zhing de na kha zas rags pa med do// pad ma'i dpal gyi snying po rgyal po dpal gyi gzi brjid de ni las gzhan med de// bu de rnams dang lhan cig bcom ldan 'das de la lo bye ba stong phrag brgya khri bzhis stong gi bar du bsnyen bkur byas so// bcom ldan 'das de bzhin gshegs pa des de'i lhag pa'i bsam pa mkhyen nas/ tshad med pa'i phyag rgya zhes bya ba'i chos kyi tshul la mkhas pa yang dag par rab tu ston to// pad ma'i dpal gyi snying po tshad med pa'i phyag rgya zhes bya ba de gang tshul la mkhas pa gang zhe na/ pad ma'i dpal gyi snying po 'di la byang chub sems dpa' sems dpa' chen pos spyod pa tshad med pa dag den du gnyer bar mi byed pa de gang yang med do// rtul ba tshad med pa gang dag brtsams par mi byab
- 24b
de gang yang med do// de ci'i phyir zhe na/ byang chub sems dpa' rnams kyi sbyin pa ni tshad med/ tshul khrims ni tshad med/ bzod pa ni tshad med/ brtson 'grus ni tshad med/ bsam gtan ni tshad med/ shes rab ni tshad med/ 'khor ba yongs su 'dzin pa ni tshad med/ sems can dag la byams pa ni tshad med/ zhing gi bkod pa dag ni tshad med/ nyan thos dag ni tshad med/ gzugs yongs su grub pa dag ni tshad med/ dbyangs ni tshad med pa'i phyir ro// pad ma'i dpal gyi snying po byang chub sems dpa' ni tha na sems bskyed pa cig gis dge ba'i rtsa ba gang ci mngon par 'du byed pa de dag thams cad tshad med pa'i phyir ro// pad ma'i dpal gyi snying po byang chub sems dpa' ni tha na sems bskyed pa cig gis dge ba'i rtsa/ ba gang ci mngon par 'du byed pa de dag thams cad tshad med pa nyid yongs su bsngo'o// ji ltar yongs su bsngos pas tshad med par 'gyur zhe na/ gang gi tshe sems can thams cad la yongs su bsngo ba tshad med pa de'i tshe/ sems can 'di dag thams cad skye ba med par mngon sum du byed/ sangs rgyas kyi yongs su mya ngan las 'da' bar gyur pa/ 'di rigs kyi bu yongs su bsngo ba zhes tshad med do// stong pa nyid tshad med pa'o// mtshan ma med pa tshad med pa'o// smon pa med pa tshad med pa'o// mngon par 'du bya ba med pa tshad med pa'o// de ltar na 'dod chags dang bral ba yang dag pa'i mtha'/ chos kyi dbyings rnam par grol ba/ ma skyes pa/ dben pa/ bral ba/ mya ngan las
- 25a
'das pa tshad med pa ste/ rigs kyi bu mdor na chos thams cad ni tshad med pa'o// de'i phyir chos thams cad ni ma skyes pa/ ma 'gags pa zhes bya'o// gang mi skye mi 'gag pa de ni tshad med pa'o// pad ma'i dpal gyi snying po de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal pos de ltar rgyal po dpal gyi gzi brjid de la tshad med pa'i phyag rgya zhes bya ba'i chos kyi tshul la mkhas pa 'di yang dag par rab tu ston to// des kyang chos tshad med pa dag la nges par sems dpar byas par gyur to// de nas rgyal po dpal gyi gzi brjid kyis bcom ldan 'das de las chos dpag tu med pa bstan ba 'di thos nas/ tshim zhing mgu ste yi rangs nas rab tu dga' ste dga' ba dang / yid bde ba skyes nas bu de dag dang lhan cig tu bcom ldan 'das de la tshigs su bcad pa dag gis mngon par sdod pa/ 'dren pa chos rnams kun la dbang sbyar pa// smra ba'i cho gas kun yang dag rab tu 'joms// bdud kyi brtsod dang nyon mongs kun sel ba// mtshungs med ye shes mtsho la phyag 'tshal lo// nyi zla dag dang me'i 'od rnams dang / brgya byin tshangs pa nor bu klog 'od rnams/ bde gshegs gzi brjid kyis ni mog mgo gyur// mi mchog 'od mdzad pa la phyag 'tshal lo// thub pa bskal pa rgya mtshor 'das pa yang // bka' ba rnam pa du ma spyod pa mdzad/ 'phrin las de'i 'bras bu yid
- 25b
tu 'ong ba ste/ des na 'gro bas bltas na ngoms mi 'gyur/ skye dang rga dang na dang 'chi ga ces shing / sems can sdug bsngal mang pos gzir gzigs nas/ de dag rnams la thub chen thugs rje ste/ rtag tu mi 'pho zhi ba'i chos kyang ston// srid gsum srog chags kun gyi sman pa 'dra// 'dod chags zhe sdang mun pa thams cad sbyong // thugs rje brkyad pa mdzad nas chos kyi sman/ zhi ba bla na med pa rab tu ston/ sems can kun gyi spyod pa rab tu mkhyen/ rab 'byams zhing rnams kun na srog chags kyi/ mkhyen nas gang gis mya ngan 'das mchog la/ reg par 'gyur ba de 'dra'i chos kyang ston/ mi mchog khyod kyi thugs rje ci 'dra ba/ ji snyed rab 'byam zhing gi nyan thos dang / rkyen 'byung thub pa ma lus de dag la/ de 'dra ba yi snying rje yongs ma mchis// bsod nams phung po mtshan mchog rnams dang ldan/ rgyal ba'i sku ni gser gyi ri bo 'dra// bye ba gnyis las lhag pa'i gzi brjid mnga'// mi mchig mtshungs ma mchis la phyag 'tshal lo// chos sprin rgyas las chos char 'bebs pa na/ gang dag rgya chen mos pa spyod yul ba// sngon gyi sangs rgyas spyod la 'jigs ma mchis/ de dag rtag tu bde gshegs mdun na mchis// bskal pa bye ba khrag khrig bsam yas su// mi mchog mthong ba brnyed par shin du dka'/ bsod nams las kyis bsam pa yongs sbyangs pa/ de dag tshig las rnam par 'dren rnams gda'// rgyal ba'i spun chos dbyings rgyas par 'gengs// zhing rnams rab
- 26a
'byams thams cad na yang gda'// gzhung dang byon par mngon par yong ma mchis// 'on kyang 'jig rten dag na snod bzhin gda'// bden pas gzigs shing don dam ston pa po// chos kyi sbyin bdag zhi ba'i thugs ldan pa/ rgal nas srog chags bcings gyur gzhan sgrol ba/ bde bar gshegs pa khyod la phyag 'tshal lo// khyod kyis skye bo'i shing ljon rtsa nas ston// nga rgyal ri bo srab rdul du blag/ rgod pa mi mnga' g.yo dang sgyu dang bral// rab zhi thugs dang ldan la phyag 'tshal lo// mi mchog chags pa thams cad yong mi mnga'/ dgongs pa sa dang chu dang me dang 'dra// rgyal ba sems can kun la snyoms thugs ldan/ rlung dang nam mkha' 'dra la phyag 'tshal lo// thub pa chen po yon tan 'di 'dra'i gter// bsod nams rgya mtsho las byung sku dang ldan// bskal pa khrag khrig dag tu de brjod kyang / yon tan rgya mtsho zad par nus ma lags/ yon tan rgya mtsho lha mi mchod pa la// bdag ni bu dang bcas te mchod par bgyid// rgyal ba'i mchod pa'i bsod nams ci mchis pa/ des na thub pa chen po khyod 'drar shog/ pad ma'i dpal gyi snying po de nas rgyal po dpal gyi gzi brjid de dus gzhan zhig na/ skyed mo 'tshal na bsam gtan gyi gnas pas gnas shing 'dug pa'i blo g.yas g.yon nas/ tsan dan sbrul gyi snying po pad ma bkra ba blta na sdug pa gnyis byung ngo // pad ma de gnyis las khye'u ming
- 26b
rin chen sems dang / rin chen mchog ces bya ba gnyis rdzus te byung nas/ dkyil mo dkrung bcas nas 'dug go/ pad ma'i dpal gyi snying po de ltar rgyal po dpal gyi gzi brjid de ting nge 'dzin las langs nas/ khye'u gnyis dkyil mo dkrung bcas nas 'dug pa mthong ngo // mthong nas tshigs su bcad pa 'di smras so// khyed gnyis lha 'am klu yin nam// gnod sbyin dri za mi 'am ci/ mi 'am mi ma yin nam ci/ dris pa smros shig grogs po dag/ pad ma'i dpal gyi snying po de ltar rgyal po dpal gyi gzi brjid kyis g.yas phyogs su byung ba'i khye'u gang yin pa des rgyal po dpal gyi gzi brjid de la tshigs su bcad de smras pa/ grogs po chos kun stong pa yi// ming ni 'dri bar byed dam ci// chos rnams thams cad ming med na/ gang gi ming ni 'dri bar byed// stong pa nyid la'ang lha med cing / klu med srin po yod ma yin/ mi 'am mi ma yin yang rung / thams cad de na yong med do// pad ma'i dpal gyi snying po de nas khye'u gcig shos des/ rgyal po dpal gyi gzi brjid la tshigs su bcang de smras pa/ ming ni ming gis stong pa ste/ ming la ming ni yod ma yin/ chos rnams thams cad ming med de/ 'on kyang ming gis yongs su brjod// ming gi rang bzhin gang yin pa/ de ni mthong ngo // las kyi 'gags pa ma yin na// 'di na gang gi ming zhig 'di/ tha snyad tu ni ming byas nas/ ming btags byas te bstan pa ni/ kho bo'i ming ni rin chen sems// gcig
- 27a
shos rin chen mchog ces bya/ pad ma'i dpal gyi snying po de ltar khye'u gnyis kyis tshigs su bcad pa 'di dag smras te/ mngon par shes pa lnga bsgrubs nas/ rgyal po dpal gyi gzi brjid de dang lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po ga la ba der dong ste phyin nas/ bcom ldan 'das kyi zhabs la mgo bas phyag 'tshal te/ bcom ldan 'das la lan gsum bskor ba byas nas/ thal mo sbyar nas phyogs gcig tu 'khod do// pad ma'i dpal gyi snying po de ltar/ khye'u de gnyis kyis dbyangs cig tu bcom ldan 'das la tshigs su bcad de gsol pa// pad ma'i dpal gyi snying po me tog dang phreng ba dang na bza' dang / 'on te zas dang skem gyis sam/ rgyal ba ji ltar mchod par bgyi/ rdzogs pa'i sangs rgyas rkang gnyis gtso// ji ltar mchod par 'gyur ba lags// don 'di legs par bstan du gsol// 'dren pas thos nas 'tshal bar bgyi/ pad ma'i dpal gyi snying po de nas de bzhin gshegs pa dgra bcom pa yang dag par rdzogs pa'i sangs rgyas des khye'u de gnyis la bka' stsal pa/ lus can kun la phan pa'i phyir/ byang chub tu ni sems bskyed ni/ mtshan mchog sum bcu gnyis mnga' ba'i/ sangs rgyas dag la mchod par
- 27b
'gyur// mi gang zhig gis sangs rgyas zhing // gang ga'i klung gi bye ma'i grangs sbed pa// me tog rnams kyis bkang blo// 'jig rten mgon la phul ba bas/ gang gis 'dir ni thal sbyar nas// byang chub tu ni sems btud nas/ de ni bsod nams ches mang ste/ de la mtshad ni yod ma yin/ byang chub sems ni ci 'dra ba// de 'dra'i mchod pa gang na med/ de 'dra ba'i dpe' yang med// pad ma'i dpal gyi snying po de ltar khye'u de gnyis kyis slar bcom ldan 'das la tshigs su bcad de gsol pa/ 'jig rten mgon po'i spyan sngar ni// bdag cag yi dam yang dag 'chas/ bla na med pa seng ge'i sgra/ lha dang mi dag gsan mdzod cig/ ji srid du ni 'khor ba yi// sngon gyi mtha' ni mi dmigs pa/ de srid bskal pa du mar yang / sems can phyir ni spyad par bgyi/ ji tsam sngon gyi mtha' dran pa/ rnam grangs 'di'i tshul dag gis// sems can kun la la phan pa'i phyir/ de srid bskal par spyad par bgyi// gal te di ring slan chad du// 'dod chags kyi ni sems byung ba/ phyogs bcu dag na bzhugs pa'i// sangs rgyas rnams ni bslus par gyur/ de ltar zhe sdang gti mug dang / phra dog ser sna yang de bzhin no// rtag tu bden pa'i tshig smra bzhin/ rdzun gyi tshig ni spang bar bgyi/ gal tod ring man cad du// rdul meng byang chub ma thob par// bdag cagazhan thos sems gyur pa/ des ni rdzun du smra bar 'grur
- 28a
nam yang rang sangs rgyas su ni// bdag cag dga' bar mi bgyid de/ sems can rnams la snying rje zhing / bskal pa bye bar spyad par bgyi/ ji ltar 'dren pa khyod kyi zhing // grub pa rnam pa 'di dag las// gzhan du yon tan bye ba snyed// phun sum tshogs pa'i zhing du bgyi/ de na nyan thos gang yang med// rang rgyal 'dren pa gang yang med/ de tshe bye ba tshad med pa yi// byang chub sems dpa' 'ba' zhig gnas/ bde ba 'di dang ldan pa yi// skye bo dri ma med par 'gyur// sangs rgyas mdzod ni rab bzung bas/ sangs rgyas chos rnams tshar byin to// gal te 'di dag gzhan min par/ de bzhin du ni 'gyur des na/ rgya mtshor bcas dang rir bcas pa'i/ sa 'di thams cad g.yos par shog/ tshig 'di smras pa'i mdo la ni/ sa yang rab tu g.yos par 'gyur// sil snyan dag ni ma bkrol bar/ de na thams cad sgra yang 'byin/ stong phrag bye ba'i lha rnams kyis/ me tog char dang phye ma'i char// spos kyi char ni yid 'ong dang / na bza' bye ba rab tu phab/ pad ma'i dpal gyi snying po de'i dus na/ rgyal po dpal gyi gzi brjid ces bya bar gyur pa de bzhin zhig yin snyam du dogs sam/ yid gnyis za na de ltar mi blta'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas 'od dpag med de'i tshe de'i dus na/ rgyal po dpal gyi gzi brjid ces bya bar gyur
- 28b
to// pad ma'i dpal gyi snying po de'i tshe de'i dus na/ khye'u rin chen sems dang / rin chen mchog ces bya ba de gnyis gzhan zhig yin pa snyam du 'dzin na de de ltar mi blta'o// de ci'i phyir zhe na/ byang chub sems dpa' sems dpa' chen po spyan ras gzigs dbang phyug 'di ni khye'u rin chen mchog ces bya bar gyur to// byang chub sems dpa' mthu chen thob 'di ni khye'u rin chen sems zhes bya bar gyur to// rigs kyi bu 'di gnyis bla na med pa yang dag par rdzogs pa'i byang chub tu dang po sems bskyed pa ni de yin/ no// de skad ces bka' stsal pa dang / bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to// bcom ldan 'das skyes bu dam pa de gnyis ji tsam du zab mo la mos par gyur pa dang / gang gi ming yang ma dmigs pa de srid du/ 'di gnyis byang chub tu sems bskyed par ma gyur par ngo mtshar to// bcom ldan 'das skyes bu dam pa de gnyis kyis de bzhin gshegs pa de'i pha rol na sangs rgyas ji snyed cig la rim 'gror bgyis par 'gyur/ bka' stsal pa/ rigs kyi bu gang ga'i klung gi bye ma snyed bgrang bas mtha' rtogs par nus kyi/ skyes bu dam pa de gnyis kyis de bzhin gshegs pa de'i pha rol na sangs rgyas dag la bsnyen bkur byas pa'i sangs rgyas bcom ldan 'das de dag ni de lta ma yin te// de srid du 'di gnyis kyis byang chub tu sems bskyed do// skyes bu de
- 29a
pa 'di gnyis bsam gyi mi khyab pa'i go cha bgos shing yon tan dpag tu med pa dang ldan te/ 'di gnyis kyi yon tan gyi mtha' rtogs par mi nus so// de nas bcom ldan 'das la byang chub sems dpa' pad ma'i dpal gyi snying pos 'di skad ces gsol to// 'jig rten gyi khams yon tan rin chen brtsegs pa dpag tu med pa bde ba kun du ston pa zhes bya ba de dang / bcom ldan 'das de bzhin gshegs pa gser 'od seng ge rnam par rol pa'i rgyal po zhes bya ba gang lags pa de ni 'di nas phyogs gang logs na mchis/ bcom ldan 'das kyis bka' stsal pa/ rigs kyi bu nub phyogs na ste// 'jig rten gyi khams bde ba can de nyid de'i tshe de'i dus na 'jig rten gyi khams yon tan rin chen brtsegs pa dpag tu med pa bde ba kun du ston pa zhes bya bar gyur to// 'di skad ces bka' stsal pa dang / bcom ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ skye bo mang po la sman pa dang / 'jig rten la thugs brtse dang / lha dang mi rnams kyi don dang sman pa dang / bde bar bgyi ba'i srad du skyes bu dam pa de gnyis kyi sangs rgyas kyi ning gi yon tan bkod pa ci 'dra bar gyur pa dang / nyan thas phun sum tshogs pa ci 'dra ba dang / tshe ji tsam pa dang /
- 29b
longs spyod 'dra ba dang / 'od ci 'dra ba dang / skyes bu dam pa de gnyis bla na med pa yang dag par rdzogs pa'i byang chub mngon par rdzogs par sangs rgyas nas mtshan nang ji skad bgyi ba de dag legs par bstan du gsol// de ci'i slad du zhe na/ 'di ltar de bzhin gshegs pa skyes bu dam pa 'di gnyis kyi smon lam chen po bshad pa mthong nas/ byang chub sems dpa' gzhan dag kyang smon lam chen po yongs su rdzogs par 'gyur ba'i slad du'o// de skad ces gsol pa dang / bcom ldan 'das kyis byang chub sems dpa' pad ma'i dpal gyi snying po la 'di skad ces bka' stsal to// pad ma'i dpal gyi snying po de'i phyir legs par rab tu nyon la yid la zung shig dang bshad do// byang chub sems dpa' pad ma'i dpal gyi snying pos bcom ldan 'das la legs so zhes gsol to// bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rigs bu de bzhin gshegs pa 'od dpag med kyi tshe'i tshad ni dpag tu med de/ de'i mtha' ni bskal pa bye ba khrag khrig brgya stong gi bar du bshad kyang rtogs par bla ba ma yin no// rigs kyi bu dag de bzhin gshegs pa 'od dpag med kyi tshe'i tshad dpag tu med du med tu zin kyang / 'dus byas thams cad mi rtag pa/ ther zug ma yin pa sun du gnas pa yin pa ste/ rigs kyi bu ma 'ongs pa'i dus na 'das pa de'i tshe de'i dus na/ bcom
- 30a
ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med de yongs su mya ngan las 'das par 'gyur ro// de yongs su mya ngan las 'das nas bskal pa bye ba khrag khrig brgya stong phrag brgyad bcu rtsa bzhi'i bar du de'i dam pa'i chos gnas te// ji ltar bzhugs pa de bzhin du yongs su mya ngan las 'das nas kyang sems can rnams kyi dge ba'i rtsa ba yongs su 'grub ste// lhag chad med par 'gyur ro// gzhan du na sems can rnams de bzhin gshegs pa mthong ba med par zad do// byang chub sems dpa' de dag kyang sangs rgyas rjes su dran pa'i ting nge 'dzin 'thob par 'gyur/ de dag rtag tu rgyun mi chad par sangs rgyas mthong ba dang mi 'bral bar 'gyur ro// rigs kyi bu de bzhin gshegs pa 'od dpag med yongs su mya ngan las 'das nas/ rin chen sna bdun gyi pad ma dag dang shing ljon pa dag gis de bzhin gshegs pa 'od dpag med de ji ltar chos ston pa de bzhin du pad ma dag dang / shing ljon pa de dag las chos kyi sgo brgya phrag du ma 'byung bar 'gyur ro// rigs kyi bu de bzhin gshegs pa 'od dpag med yongs su mya ngan las 'das nas/ dam pa'i chos nub ma thag pa'i mtshan mo skya rangs 'char ba'i dus kyi tshe/ byang chub sems dpa' sems dpa' chen po spyan ras gzigs dbang phyug rin po che du ma bkod pa'i byang chub kyi shing drung na 'dug nas bla na med pa yang dag par rdzog
- 30b
pa'i byang chub tu mngon par rdzogs par 'tshang rgya'o// de mngon par rdzogs par sangs rgyas nas/ 'od zer kun nas 'phags pa'i dpal brtsegs rgyal po zhes bya bar 'gyur ro// de bzhin gshegs pa 'od zer kun nas 'phags pa'i dpal brtsegs rgyal po de'i sangs rgyas kyi zhing gi yon tan gyi bkod par gyur pa gang yin pa de dag ni de bzhin gshegs pas bskal pa gang ga'i klung gi bye ma snyed tu bstan kyang mtha' rtogs par mi nus so// sangs rgyas kyi zhing de'i bde ba'i rgyu dang / yon tan gyi rgyu ni de snyed tu 'gyur mod kyi/ 'on kyang rigs kyi bu dpe' tsam du cung zad cig bshad par bya'o// bcom ldan 'das de bzhin gshegs pa gser 'od seng ge rnam par rol pa'i rgyal po de'i sangs rgyas kyi zhing na yon tan bkod pa gang dag yod pa yon tan bkod pa lnga ma dag ni yon tan bkod pa 'di dag gi brgya'i char yang mi mchog/ stong gi cha dang / grangs dang / dpe dang / sgyur yang mi bzod do// sangs rgyas kyi zhing de na nyan thos dang / rang sangs rgyas rnams kyi ming yang med par 'gyur te/ sangs rgyas kyi zhing de na byang chub sems dpa' 'ba' zhig gis gang bar 'gyur ro// rigs kyi bu da ltar bcom ldan 'das 'od dpag med kyi nyan thos dang / rang sangs rgyas dang / byang chub sems dpa' de dag thams cad bsdus kyang bcom ldan 'das de bzhin gshegs pa 'ad bar kun nas dpal 'bregs rgyal po de'i byang chub sems dpa'i dge 'dun gyi brgya'i char yang mi mchog ge/ steng gi che dang /
- 31a
brgya stong gi cha dang / grangs dang / dpe' dang / rgyur yang mi bzod do// de'i tshe'i tshad ni bskal pa bye ba khrag khrig brgya stong phrag dgu bcu rtsa gnyis su gyur ro// de'i dam pa'i chos ni bskal pa bye ba drug bcu rtsa gsum du gnas par 'gyur ro// de skad ces bka' stsal ba dang / bcom ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das de'i 'jig rten gyi khams de'i ming yang bde ba can zhes byagyi bar 'gyur ram/ bcom ldan 'das kyis bka' stsal pa/ rigs kyi bu de ni ma yin te/ 'jig rten gyi khams de ni rin chen kun nas bsags pa zhes bya bar 'gyur ro// rigs kyi bu de bzhin gshegs pa 'od zer kun nas 'phags pa'i dpal brtsegs rgyal po de'i tshe ji srid gnas pa nas bzung ste/ yongs su mya ngan las 'das pa de srid tu byang chub sems dpa' mthu chen thob mchod pa byed par 'gyur ro// yongs su mya ngan las 'das nas de'i dam pa'i chos 'dzin par 'gyur te/ dam pa'i chos yun ring por gnas par bya ba'i phyir spro bar 'gyur ro// phyi ma'i dus su der dam pa'i chos nub nas sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba
- 31b
kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das yon tan shin du rten pa nor bu brtsegs pa'i rgyal po zhes bya ba 'jig rten du 'byung bar 'gyuraro// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa dpal rtsegs rgyal po de'i byang chub sems dpa' phun sum tshogs pa dang / snang ba phun sum tshogs pa ci 'dra ba de ltar bcom ldan 'das de bzhin gshegs pa yon tan shin du rten pa nor bu brtsegs pa'i rgyal po de yang de dang 'dra bar 'gyur te// lhag chad med cing shin du lhag pa med par 'gyur ro// tshe'i yun yang dam pa'i chos gnas pa de srid tu 'gyur ro// rigs kyi bu dang rigs kyi bu mo gang la la dag bcom ldan 'das de bzhin gshegs pa 'od zer kun nas 'phags pa'i dpal brtsegs rgyal po dang / bcom ldan 'das de bzhin gshegs pa yon tan shin du rtanas pa nor bu brtsegs pa de'i mtshan thos pa de dag thams cad bla na med pa yang dag par rdzogs pa'i byang chub las phyir mi ldog par 'gyur ro// pad ma'i dpal gyi snying po bud med gang la la/ bcom ldan 'das de bzhin gshegs pa gser 'od seng ge rnam par rol pa'i rgyal po yongs su mya ngan las 'das pa de dang / ma 'ongs pa de gnyis kyi mtshan thos nas/ de bud med kyi rang bzhin las 'gyur ro// bskal pa bye ba phrag bzhi bcur 'khor ba brnyil bar 'gyur ro// bla na med pa yang dag par rdzogs pa'i byang
- 32a
chub las phyir mi ldog par 'gyur ro// sangs rgyas mthong ba dang / chos nyan pa dang / dge 'dun la bsnyen bkur byed pa dang mi 'bral bar 'gyur// tshe rjes nas kyang rab tu byung ba thob par 'gyur/ tshe rabs dran pa dang / spobs pa thogs pa med par 'gyur/ gzungs kyang thob par 'gyur ro// de nas 'khor de'i nang nas lha dang mi dang / skye dgu'i srog chags bye ba phrag dgu bcu rtsa drug gis mgrin cig tu smras pa/ gang dag ma byon pa de dag dang / gang dag da ltar bzhugs pa mtsho zhing bzhes pa de dang / phyogs bcu gang dag na yongs su mya ngan las 'das pa'i de bzhin gshegs pa de dag la phyag 'tshal lo// de dag gi mtshan gang lags pa de dag la yang rjes su yi rang ngo // tshig de skad ces kyang smras te// bcom ldan 'das bdag cag lhan cig tshegs pa thams cad bla na med pa yang dag par rdzogs pa'i sangs rgyas su sems bskyed par bgyi'o zhes smras so// de dag kyang bcom ldan 'das kyis bla na med pa yang dag par rdzogs pa'i byang chub tu lung bstan to// srog chags khrag khrig brgya stong phrag brgyad bcu rtsa bzhi ni chos rnams la chos kyi mig rdul med cing dri ma dang bral ba rnam par dag go// dge slong bdun stong ni len pa med par zag pa rnams las sems rnam par grol lo// de nas de'i tshe byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po
- 32b
thu chen thob kyis ji lta bu'i rdzu 'phrul mngon par 'du bya ba mngon par byas pas/ thams cad dang ldan pa'i 'khor gyis phyogs bcu na bcom ldan 'das dpag tu med pa/ grangs med pa dag gis bla na med pa yang dag par rdzogs pa'i byang chub tu lung ston pa mthong ba de lta bu'i rdzu 'phrul mngon par 'du bya ba mngon par 'du byas na/ mthong nas kyang tshig 'di skad ces 'dzer to// bcom ldan 'das ji tsam du byang chub sems dpa' sems dpa' chen po 'di gnyis sangs rgyas bcom ldan 'das dag gis legs par yongs su gzung ba lags te/ 'di ltar skyes bu dam pa 'di gnyis sangs rgyas bcom ldan 'das ji snyed cig gi lung ston pa ni ngo mtshar to// de nas bcom ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das rigs kyi bu 'am rigs kyi bu mo gang de bzhin gshegs pas gsungs pa'i mdo sde zab mo 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de'i bsod nams ji snyed cig 'phel bar 'gyur/ bcom ldan 'das kyis bka' stsal pa/ rigs kyi bu khyod kyis de bzhin gshegs pa la yongs su dris pa'i gtam 'di ci zhig bya/ de tso'i phyir zhe na/ rigs kyi bu sems can dben pa la mos pa de dag de bzhin gshegs pas gsungs pa la ying mi ches par gyur pa'i phyir te/ de ltar 'di
- 33a
dag kun ring por gnod pa dang / phan pa med pa dang / bde ba med pa dang / log par ltung bar 'gyur ro// gsol pa/ bcom ldan 'das 'khor 'di na rigs kyi bu dang / rigs kyi bu me gang dag rgya chen po la mos pa dang / mos pa mang ba dag kyang mchis slang ma'i skye bo rnams la yang snang bar bgyis par 'gyur na/ de bzhin gshegs pas skye bo mang po la sman pa dang / skye bo mang po la bde ba'i slad du bshad par gsol/ bcom ldan 'das kyis bka' stsal pa/ pad ma'i dpal gyi snying po de'i phyir legs par rab tu nyon la yid la zung shig dang bshad do// pad ma'i dpal gyi snying pos bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rigs kyi bu gang la la stobs dang ldan pa/ mthu dang ldan pa/ bsod nam kyi phung po chen po dang ldan pa zhig byung ste/ ji tsam sems can khams su gdags pas btags pa'i sems can gyi khams de bzhin gshegs pas ches mang bar gsungs kyi sa'i khams ni de lta ma yin te/ sems can de de dag thams cad bskal pa bye ba mtha' yas mu med par mgo bo 'am/ phrag pa 'am/ lag pa na thogs te/ sring 'tshe'i bar du de dag la gos dang zas dag sbyin te/ bde ba'i yo byad thams cad kyi rim gror byed/ bla mar byed/ pad ma'i dpal gyi snying po mi de dag gzhi de las
- 33b
bsod nams kyi phung po mang du phel lam/ gsol pa/ sems can gcig la yang se gol gtogs pa tsam zhig byams pa'i sems kyis khyab par bgyis na/ de tsam gyi kyang bsod nams mang du bskyed na/ bskal pa bye bya mtha' yas mu ma mchis par sems can thams cad bzung ste/ bde ba'i yo byad thams cad kyis rim gror bgyis pa lta smos kyang ci 'tshal/ bka' stsal pa/ pad ma'i dpal gyi snying po khyod mos par bya'o// khyod kyis khong du chud par bya'o// gang de bzhin gshegs pas gsungs pa'i mdo sde 'di lta bu 'di byang chub sems dpa' la gnas te/ len pa dang / 'dzin pa dang / klog pa dang / kun chub par byed pa dang / gzhan dag la rgya cher yang dag par rab tu ston pa'i rigs kyi bu 'am rigs kyi bu mo dad pa zhugs pa mos pa mang ba dag bzhi de las bsod nams kyi phung po ches mang du bskyed do// de nas btso ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das de bzhin gshegs pa'i mdo sde 'di lta bu 'di de bzhin gshegs pas yongs su mya ngan las 'das kyang / bdag gis blang bar bgyi/ bzung bar bgyi/ bcang bar bgyi/ klag par bgyi/ kun chub par bgyi/ gzhan dag la rgya cher yang dag par rab tu bstan par bgyi'o// de nas byang chub sems dpa' pad ma'i dpal gyi snying pos tshig 'di skad ces smras pa dang / byang chub sems
- 34a
dpa' bye ba phrag dgu bcu rtsa drug gis dbyangs gcig tu tshig 'di skad ces smras so// bcom ldan 'das bdag gis kyang mdo sde 'di lta bu blang bar bgyi/ gzung bar bgyi/ bcang bar bgyi/ klag par bgyi/ gzhan dag la rgya cher yang dag par rab tu ston par bgyi'o// de nas bcom ldan 'das kyis byang chub sems dpa' pad ma'i dpal gyi snying po la 'di skad ces bka' stsal to// pad ma'i dpal gyi snying po chos kyi rnam grangs 'di bud med kyis thos ma thag tu bud med kyi dngos po las 'gyur te/ rgyu gnyis ma gtogs pa ni 'di lta ste// phra dog dang / ser sna'o// de nas lha'i dbang po brgya byin dang / mi 'jed kyi bdag po tshangs pa dang / rgyal po chen po bzhi dang / lha'i bu brgya stong du ma dag gis lha'i me tog man da ra ba dag bcom ldan 'das dang byang chub sems dpa' sems dpa' chen po de dag la mngon par gtor to// lha'i sil snyan bye ba khrag khrig bsil nas tshig 'di skad ces 'dzer to// chos kyi rnam grangs 'di gang dag gi rna lam du grags pa dag legs par ston nas 'dzin pa dang / gzhan dag la yang rgya cher yang dag par rab tu ston pa'i sems can 'di dag gis ni rnyed pa legs par rnyed pa legs so// bcom ldan 'das kyis bka' stsal pa/ rigs kyi bu dag ji skad smras pa de de bzhin te/ chos kyi rnam grangs 'di gang dag gi rna lam du 'dug pa dang / gang dag thos nas mos par 'gyur ba'i sems can de dag ni sangs rgyas khri
- 34b
la dge ba'i rtsa ba bskyed par 'gyur/ de nas sring mo rdul dang bral ba 'khor der 'dus par 'gyur te/ 'dug pa de stan las nas lhag pa'i bsam pas tshig 'di skad ces bcom ldan 'dres bdag gis kyang lhag pa'i bsam pas phra dog dang / ser sna spangs te/ bla na med pa yang dag par rdzogs pa'i byang chub tu sems bskyed par bgyid par bgyi'o// bcom ldan 'das de bzhin gshegs pa ni gsung pa lags/ bcom ldan 'das gal te bdag sangs rgyas su 'gyur zhing bud med gzhin dag gis chos kyi rnam grangs 'di thos nas thos pa'i mod la bud med kyi dngos po las 'gyur ba lha na/ skyes pa'i dbang po// bco ldan 'das de'i slad tu/ phung po 'di nyid la bud med kyi dbang po mi gda' bar 'gyur te/ skyes pa'i dbang po byung bar gyur cig ces smras so// de nas sring mo de nyid tu bud med kyi dbang po mi snang bar gyur te/ skyes pa'i dbang po byung bar gyur te/ de nas bcom ldan 'das kyis bla na med pa yang dag par rdzogs pa'i byang chub las phyir mi ldog cing / de bzhin gshegs pa dgra bcom pa yang dag par rdzogs pa'i sangs rgyas nyon mongs pa thams cad ga pa zhes lung bstan to// bcom ldan 'das kyis de skad ces bka' stsal nas/ byang chub sems dpa' pad ma'i dpal gyi snying po dang / dge slong de dag dang / byang chub sems dpa' mang ba de dang / lha dang / mi dang / lha ma yin dang / dri bar bcas pa'i 'jig rten yi rangs te/ bcom ldan 'das
- 35a
kyis gsungs pa la mngon par bstod do// // 'phags pa sgyu ma lta bu'i ting nge 'dzin ces bya ba theg pa chen po'i mdo rdzogs s+ho// rgya gar gyi mkhan po su len 'dra bo dang / zhu chen gyi lo tsA ba ban d+he ye shes sdes sgyur cing zhus te gtan la phab pa'o// / bya bya/ rgya gar skad du/ ar+ya pra b+hA pa ri prid tshwa na ma ma hA ya na sU tra/ bod skad du/ 'phags pa tshangs pas zhus pa theg pa chen po'i mdo// / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das grong khyer yangs pa can na/ tshal chen po na khang pa brtsegs pa'i gnas na/ dge slong khri nyis stong gi dge slong gi dge 'dun chen po dang / byang chub sems dpa' sems dpa' chen po rab tu mang po dag dang thabs gcig tu bzhugs to// de nas bcom ldan 'das mi zhal tsam gyi gung thun la/ dkyil mo krung bcas nas dran pa mngon du bzhag ste/ rtog pa dang bcas pa/ spyod pa dang bcas pa/ ting nge 'dzin las skyes pa'i dga' ba dang / bde ba can bsam gtan dang po la snyoms par zhugs so// bcom ldan 'das de las bzhengs nas/ rtog pa med pa/ spyod pa med pa dang / ting nge 'dzin las skyes pa'i dga' ba dang / bde ba can bsam gtan gnyis pa la sgoms par zhugs so//
Colophon
'phags pa sgyu ma lta bu'i ting nge 'dzin ces bya ba theg pa chen po'i mdo rdzogs s+ho// rgya gar gyi mkhan po su len dra bo dang/ zhu chen gyi lots+tsha ba ban d+he ye shes sdes sgyur cing zhus te gtan la phab pa'o