'phags pa sangs rgyas kyi snying po zhes bya ba'i gzungs kyi chos kyi rnam grangs

Text

ff. 142a–144b · 6 folio sides

  1. 142a

    zhes bya ba'i gzungs rdzog s+ho// // @#// rgya gar skad du/ ar+ya b+hud d+ha hri da ya/ na ma d+ha ra ni rma pa ra ya/ bod skad du/ 'phags pa sangs rgyas kyi snying po zhes bya ba'i gzung kyi chos kyi rnam grangs// sangs rgyas dang byang chub sems dpa' thams cad la phyag 'tshalo/ 'di skad bdag gis thos pa'i dus gcig na/ bcom ldan 'das de bzhin gshegs pa yul chos kyi dbye gnas dgon pa/ rin po che bkod pa'i 'khor gyi khyams ye shes kyis rnam par dpyad pa/ sngon gyi sangs rgyas kyi byin gyis brlabs pa/ seMs can thas cad kyis mngon par bstod pa/ byang chub seMs// dpa' ses dpa' chen po gnas pa rnam pa thas cad kyi mchog dang ldan pa// chos thas cad mnyam pa nyid kyi rjesu spyod pa/ kun nu 'od kyi khang bzangs kyi dbus na/ byang chub sems dpa' bye ba khrag khrig 'bum phrag du ma thas cad kyang 'jig rten gyi khams tha dad pa nas lung bstan pa thams cad kyang 'jig rten gyi khams tha dad pa nas 'dus pa tha~Md kyang de bzhin gshegs pa'i chos kyi rgyal po'i sras thas cad kyang gzungs dang ti nge 'dzin sna tshogs thob po/ sha stag gis yongasu skor nying mdus kyis bstan nas/ thabs gcig tu bzhugs te chos ston no// de nas bcom ldan 'das kyis byang chub ses dpa'i 'khor rgya chen po la bka' stsal pa/ rigs kyi bu dag skye bo la phan pa dang / skye bo mang po la bde ba dang 'jig rten la thugs rtse ba dang / lha dang mi'i skye bo phal po che'i don dang / phan pa dang bde ba'i phyir de bzhin gshegs pa dgra bcom pa yang

  2. 142b

    dag par rdzogs pa'i sangs rgyas gang ga'i klung gi bye ma snyed kyis gsungs pa sangs rgyas kyi snying po zhes bya ba'i gzungs kyi chos kyi rnam grangs yod do// rigs kyi bu 'am rigs kyi bu mo gang la la sangs rgyas kyi snying po'i gzungs kyi chos kyi rnam grangs 'di 'chang dam/ 'dzin tam klog gam/ kun chub par byed dam/ gzhan dag la yang rgya cher yang dag par ston tam/ lhag pa'i bsam pas mos par byed na/ de bla na med pa yang dag par rdzogs pa'i byang chub las phyir mi ldog par 'gyur/ chos thams cad 'dzin pa dang mi 'bral bar 'gyur/ sangs rgyas bco ldan 'das rnas dang mi 'bral bar 'gyur// de bzhin gshegs pa la lta ba dang / bsnyen bkur byed pa dang mi 'bral bar/ 'gyur/ chos nyan pa dang mi 'bral bar 'gyur/ dge 'dun la rim 'gro byed pa dang mi 'bral ba 'gyurabaskal pa stong du 'khor ba'i srid pa'i rgya mtsho phyir bsnyil bar 'gyur/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du tshe rabs dran par 'gyur/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de la 'byung po'i tshogs thaMd bsrung bar 'gyur/ lha dang klu dang gnod sbyin dang dri za dang / lha ma yin dang na mkha' lding dang mi 'am ci dang lto 'phye chen po dang mi dang mi ma yin pa thas cad dga' bar 'gyur/ de'i lus la nad kyis mi tshugs par 'gyur/ pha rol gyi gnod pas mchi ba'i dus byed par mi 'gyur/ chad pa spong ba dang / mtshon cha spang ba dang / dug bcil nas mchi ba'i dus byed

  3. 143a

    par mi 'gyur/ de la bdud sdig can gyis klags rnyed par mi 'gyur/ bdud kyi ris kyi lha rnams kyis klags rnyed par mi 'gyur te/ gang du yid la byas pa der bdud kyi ris kyi lha de dag thams cad skrag cing dngang la dngang bar 'gyur/ zhing phyogs bcur 'bros par 'gyur ro/ de la 'di dag ni sangs rgyas kyi tshig go/ sangs rgyas kyi tshig chen po'o// sangs rgyas kyi tshig gnang ba'i tshig chen po'o/ sangs rgyas thams cad kyi tshig go/ de bzhin gshegs pa thas cad kyi tshig yin no// // tad thA/ b+hu d+he su b+hu d+he mahA bu d+he/ ma hA bu d+he/ i ha b+hu d+he/ tadat+ta bu d+he/ b+hud d+he b+hud d+he/ b+hu d+he b+hu d+ha ma ti/ ma hA b+hu d+he ma ti b+hu d+he/ maHb+hu d+he ma ti b+hud+h+we/ sarba bud d+ha/ a nu ma te saH bud d+ha/ a nu ma ti sarbe/ b+hud d+hA/ a nu gnya'i te/ b+hud d+ha b+hu da d+ha/ b+hud d+ha b+hud d+ha/ dud d+hA budaM d+haM/ bud d+hA/ bud d+ha/ bud d+ha bud d+ha swA hA// / sangs rgyas kyi yul mtha' yas te chos bstan pa yang mtha' yas mod kyi/ gcig tu yid la bye ba ni/ mdor ni chos sgom pa'o// gzungs 'di ni sems can rnams la thugs rtse ba'i phyir/ sangs rgyas thos cad kyis gsungs te chos thams cad kyi phyag rgya yin no// tad ya thA/ shud d+he su shud+d+he su shu/ sho d+ha ni sang sho d+ha ni ni rma li ma la a bA ga te gti sa ma ti tan te ka me sa me/ sa re sa ra sa ra ba ti a sho ge bi na go/ sho ka sha ma ni shan te/ u ba shan te pra shan te/ a ba b+ha se/ sarba pu n+ya ba ri man ti ti/ saH

  4. 143b

    d+hurma pra ti man ti te/ ha ra ha ra ma lang ha ra/ tsa ra tsa ra/ san tsa ra/ tsa la tsa la/ san tsa la/ ta la ta la ma ta la/ sa ma ta la/ ri ne ri ne su ni re sa ma ni ri na ma ti/ wo ka da lo ka da ra ni/ d+ha ra d+ha ra/ Ta ra TA ra/ ro d+ha ro d+ha/ ma hA bai dza ya// b+ha hi ni/ ha naM ha na/ sarba bud+d+he hi pra Sha ta si/ sarba da nya ba the/ sarba da nya la ba ra mi ti ma hA pri ta bA na/ sa ma phan ne/ sa man ta/ a lo ke b+hu d+ha/ b+ha Sha yeHb+hu d+ha/ pra ti mna? tri te b+ha ga ti/ su ru su ru/ pra sa ra pra sa ra/ bi sa ra bi sa ra/ pra sa ra sarba do sha a be ga te swA hA// bcom ldan 'das kyi snying po gzungs kyi chos kyi rnam grangs 'di bshad ma thag tu r-i dang na gsu bcas pa dang / tshal rnam pa drug tu g.yos/ stong gsum gyi stong chen po'i 'jig rten gyi khams kyi sa yang g.yos/ rab tu g.yos/ kun tu rab tu g.yos so// rgya mtsho/ chen po yang 'khrus rab tu 'khrugs/ kun du rab tu 'khrugaso/ ri'i rgyal po rI rab kyang rab tu 'gul to// bdud kyi gnas thas cad kyang skrag nas/ bdud kyi ris kyi lto rnams dang / bdud sdig to can rnaMs shin du sdug bsngal shen du sdug bsngal shing / yid mi bde bar gyur nas/ nyams thag go/ sems can gang dag sa chen po g.yos par mthong ba de dag gis de bzhin gshegs pa dgra bcom pa yang dag par rdzogs pa'i sangs rgyas la phyag 'tshalo/ de bzhin gshegs pa yang dag par rdzogs pa'i sangs rgyas la phyag 'tshalo/ zhes ched du brjod pa

  5. 144a

    lan gsum du brjod do// lha gang dag sangs rgyas la phyag 'tshalo// de mngon par dad pa de dag gis ni lha'i me tog man da ra ba na/ man da ra ba chen pos bcom ldan 'das la gtor/ mngon par gtor nas/ gang dag sangs rgyas la skyabasu dong ba de dag thams cad rab tu dga' ba skyeso/ de la 'di skad ces bya ste/ shAkya seng ge yang dag rdzogs pa yi// sangs rgyas skyob pas skad cig yud gang la/ sangs rgyas thas cad kyi ni snying po yi/ gzungs 'di dag ni rab tu bshad pa yis// skad cig yud der sa yang rnam drug g.yos/ rgya mtsho 'khrug shing bdud kyi gnas kun kyang / rab tu g.yos nas kyang bdud kyi ri rnams ni/ lha dag rab tu sdang zhing 'khrugs par 'gyur/ bdud yid mi bde sdug bsngal mya ngan non// de tshe lha nas ngo mtshar rab thob nas/ 'jig rten mgon la mchod pa bya ba'i phyir/ na mkha'i gnas nas me tog man da ra ba mthor/ gang dag sangs rgyas mngon dang gzhan rnams kyi// se mo dang do shal spos rnams dang / phye ma dag dang byug pa gos rnas dang / rgyan dang dpung brgyan dag kyang rab tu 'bul/ brgyad po 'di dag ni de'i yon tan gyi brgyan du 'gyur/ brgyad gang zhe na 'di lta ste/ byang chub kyi sems mi brjed pa'i brgyan dang / thos pa thams cad yongasu mi tshol bas mi nges pa'i brgyan dang / chos zab mo rnam par nges par rten cing 'brel par 'byung ba'i rgyan dang / ses can thas cad kyi dbang po mchog dang mchog ma yin pa zhes bya ba'i brgyan dang / ji ltar khong du chud pa'i chos rnams la tshul bzhin so sor rtog cing spyod pa'i brgyan dang / ses can yosu

  6. 144b

    smin par bya ba'i phyir/ chos thams cad mi dmigs pa'i brgyan dang brgyan de yang sangs rgyas kyis byin gyis brlabs kyis thabs la mkhas pa'i brgyan dang / gzungs thob pa'i rgyan te brgyad po de dag ni de'i yon tan gyi brgyan du 'gyur/ gzungs 'di rtag par yid la bya'o// sangs rgyas rjesu dran pa bsgom par bya'o// gzungs kyi bzhi 'di rnaMs yid la byas na las kyi sgrib pa thams cad byang bar 'gyur/ pad ma rnam par bkod pa zhes bya ba'i ti nge 'dzin kyang thob po/ nad thas cad dang / na ba thas cad la lag pas khyab par bya'o bzlas brjod kyang dpag tu med par bya'o// bcom ldan 'das kyis de skad ces bka' bstsal nas/ byang chub sesaM dpa' ses dpa' chen po de dag dang nyan thos chen po de dag dang lho dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa sangs rgyas kyi snying po zhes bya ba'i gzungs rdzog s+ho// / dkon mchog gsum la phyag 'tshalo// byang chub seMs dpa' ses dpa' chen po 'phags pa spyan ras gzigs dbang phyug la phyag 'tshal// tad ya tha/ skr-i ti ma ti ma thi/ te tsa byi rlo tu ru mi ha ra hu ru ma kriSh+ma/ ha ru me swA hA/ shu dag nag po la sngags 'dis lan brgya rtsa brgyad bzlas brjod byas te zos na/ gdon mi za bar thos pa 'dzin par 'gyu ro rdzog spyo// dkon mchog gsum la phyag 'tsham/ gnod sbyin chen po lag na rdo rje la phyag 'tshalo/ tad ya thA/ mu tsi ni swAhA/ mu kha se swA hA/ mo ha ni swA hA/ da ma ti ri swA hA/ cho ga ni chu khyor gang /