Q2032MW1KG13126_2032bstod tshogsAll versions of this work

gcig las 'phros pa'i bstod pa

Ekottarikastotraṃ

Text

ff. 119b–120a · 2 folio sides

  1. 119b

    gcig 'bros bstod shes bya ba/ rgya gar skad du/ e kot+ta ri kasto traM/ bod skad du/ gcig las 'phros pa'i bstod pa// 'jam dpal gzhon nur gyur pa la phyag 'tshal lo// chos gcig la ni mngon dgyes shing // rtag tu gcig tu bzhugs pa dang // 'jig rten rnams kyi mig gcig 'gyur// 'jig rten gnyen gcig phyag 'tshal lo// rkang gnyis rnams kyi mchog gyur cing // bden pa gnyis ni rnam par bsgom// grogs gnyis pa ni mi mnga' ba// gnyis med gsung la phyag 'tshal lo// ting 'dzin gsum dang ldan pa dang // dkon mchog gsum dang cha mnyam pa// sdug bsngal gsum gyi chu las rgal// 'jig rten gsum sogs phyag 'tshal lo// bstan pa rnam pa bzhi po dang // bsam gtan bzhi po'i rnam pa can// sbyor ba pa dang rnam bral ba// bden bzhi mkhyen la phyag 'tshal lo// phung po lnga yi chags bral zhing // dbang po lnga ni rnam sgom la// yan lag lnga dang rnam bral ba// 'gro lnga gcod la phyag 'tshal lo// dbang drug chu bo las brgal cing // rgyun drug las ni rnam par gnas// pha rol phyin drug yongs su rdzogs// mngon shes drug la phyag 'tshal lo// byang chub yan lag rin chen bdun// 'phags pa'i nor bdun gsol ba po// yan lag bdun dang rnam bral ba// srid bdun gcod la phyag 'tshal lo// yan lag brgyad lam las byung ba'i// gang zag brgyad ni ston mdzad cing // 'jig rten chos brgyad spangs pa'o// mi khom brgyad 'joms phyag 'tshal lo// gnas dgu'i chags las rnam grol zhing // khong khro dgra ni rnam spangs la// shin tu sbyangs pa dgu brnyes pa// sa dgra mabyon la phyag 'tshal lo// 'phags pa'i

  2. 120a

    dge 'dun bcu chos can// sgrib pa bcu ni gcod par mdzad// 'phags pa'i gnas bcu la dgyes pa// stobs bcu ldan la phyag 'tshal lo// de ltar 'phags pa stobs bcu ldan la tshig gis mchod pa'i phyir// bstod pas bdag gis deng ni dge ba gang thob pa// des 'dir dmyal dang yi dwags dud 'gro'i sdug bsngal gyis khyab pa'i// 'gro ba srid pa rgya mtsho rnams las rgal ba'i don gyur cig/ gcig las 'phros pa'i bstod pa slob dpon ma ti tsi tras mdzad pa rdzogs so// // rgyu gar gyi mkhan po d+harma shrI bad+d+ha dang / lo ts+tsha ba dge sbyong rin chen bzang pos bsgyur cing zhus pa// @#// / shegs paca cub mdang / rgya gar skad du// su ga ta pany+tsa d+hi rad+ha nA ma ma la sto traM/ bid skad du/ bde bar gshegs pa sum nu so lnga'i bstod pa/ mtshan rin po chos spras pa/ dkon mchog gsum la phyag 'tshal lo// sangs rgyas gtso la phyag 'tshal lo// skyob pa'i chos la phyag 'tshal lo// dge 'dun che la phyag 'tshal lo// gsum la rtag tu skyabs su mchi// sangs rgyas kun gyis gdul dka' ba// snyigs ma lnga yi rtsod dus 'dir// brtson 'grus brtan pos sangs rgyas pa// shAkya thub la phyag 'tshal lo// rdo rje lta bu'i ting 'dzin gyis// snying po byang chub mchog bsres pa// bdud dpung rdo rje snying po yis// rab tu 'joms la phyag 'tshal lo// rin chen sku las 'od 'phros pas// ngan song sdug bsngal zhi mdzad cing // bdud rnams rnam par skrag mdzad pa// rin chen 'od 'gro phyag 'tshal lo// ji ltar klu chen dpa' bo yis// gling rnams char gyis tshim byed ltar// stong gsum chos kyi char 'bebs pa// klu dbang rgyal la

Colophon

gcig las 'phros pa'i bstod pa//slob dpon ma ti tsi tras mdzad pa rdzogs so//rgya gar gyi mkhan po d+harma shrI bad+d+ra dang /_lo tsA ba dge slong rin chen bzang pos bsgyur cing zhus pa/