F135MW1KG13607_0135mdo sdeAll versions of this work

'phags pa skyes bu dam pa'i mdo

Āryasaṅpuruśasutram

Text

ff. 327b–329a · 4 folio sides

  1. 327b

    pha rol 'chi// da dung bdag gi dogs pa 'di/ khyod kyi gsal bar mdzad pa'i rigs// bcom ldan 'das kyis bka' stsal pa// gang gis longs spyod yod bzhin du/ bsod nams bsags pa ma byas pa// de ni shin du bslus gyur nas/ 'jig rten 'di nas pha rol song // lhas gsol pa/ 'jigs pa kun las 'das gyur cing // rgal ba 'jig rten mthu ldan pa'i// bram ze mya ngan yongs 'das par// kye ma bdag gis rings nas mthong // bcom ldan 'das kyis de skad ces bka' stsal nas/ lha de yid rangs te/ bcom ldan 'das kyi zhabs la mgo bos phyag 'tshal nas rjes yid rangs ste/ de nyid du mi snang bar gyur to// // lha'i mdo// // rdzogs so// sarba mang+ga lam// rgya gar skad du/ Ar+ya sang pu ru sha su tram/ bod skad du/ 'phags pa skyes bu dam pa'i mdo// 'phags pa 'jam dpal gzhon nur gyur pa la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag lnga po 'di dag ni skyes bu dam pa'i sbyin pa yin/ lnga gang zhe na/ dge slong dag skyes bu dam pa ni dad pas sbyin pa byin par byed pa yin/ gus par byas te rang gi lag pa nas/ dus su

  2. 328a

    gzhan dag la mi gnod par sbyin pa sbyin par byed pa yin no// dge slong dag dad pas sbyin pa sbyin pa'i 'bras bu'i rnam par smin pa 'dod bas bya ba gang zhe na/ dad pas sbyin pa byin pas phyug por 'gyur ba yin/ nor mang ba dang / longs spyod che ba yin/ nor gyi yo byad meng ba yin/ bdag dbang ba'i longs spyod che ba yin/ nor dang / 'bru dang / dbyig dang / gser dang / mdzod dang / bang ba'i tshogs mang ba yin/ bran po dang / bran mo dang / las byed pa dang / zho shas 'tshe ba mang ba yin/ mdza' bo dang / blon po dang / nye du dang / snag gi gnyen 'tshams mang ba yin te/ dge slong dag dad pas sbyin pa byin pa'i 'bras bu rnam par smin pa de lta bur 'dod pa bya'o// dge slong dag gus par byas te sbyin pa byin pa'i 'bras bu rnam par smin pa 'dod par bya ba gang zhe na/ gus par byas te sbyin pa byin pas/ phyug por 'gyur ba yin/ 'dza' bo dang / blon po dang / snag gi gnyen mtshams mang ba yin/ ba'i bar snga ma bzhin no// bu dang chung ma dag dang / bran dang bran mo dang / las byed pa dang / zho shas 'tsho ba dang / 'ja' bo dang / blon po dang / nye dang / snag gi gnyen 'tshams dag gis kyang gus par byas par 'gyur ba yin te/ dge slong dag gus par byas te/ sbyin pa byin pa'i 'bras bu rnam par smin pa de lta bu 'dod par bya'o// dge slong dag rang gi lag pa nas sbyin pa byin pa'i 'bras

  3. 328b

    bu rnam par smin pa 'dod pas bya ba gang zhe na/ rang gi lag pa nas sbyin pa byin pas/ phyug por 'gyur ba nas/ 'ja' bo dang / blon po dang / nye du dang / snag gi gnyen mtshams mang ba yin pa'i bar snga ma bzhin no// de khyim gyi longs spyod rgya chen po dag la yang sems 'jug pa yin/ zas kyi longs spyod rgya chen po dag dang / theg pa'i longs spyod rgya chen po dag dang / gos kyi longs spyod rgya chen po dag dang / mal cha'i longs spyod rgya chen po dag dang / gzugs dang / sgra dang / dri dang / ro dang / reg bya rgya chen po dag la yang sems 'jug pa yin te/ dge slong dag rang gi lag pa na/ sbyin pa byin pa'i 'bras bu rnam par smin pa de lta bu 'dod par bya'o// dge slong dag dus su sbyin pa byin pa'i 'bras bu rnam par smin pa 'dod par bya ba gang zhe na/ dus sbyin pa byin pas phyug por 'gyur ba yin pa nas/ 'ja' bo dang / blon po dang / nye dro dang / snag gi gnyen mtshams mang ba yin pa'i bar snga ma bzhin no// de'i nor dag kyang dus su thob pa dang / mang zhing mthun pa mngon du 'byung ba yin te/ dge slong dag dus su sbyin pa byin pa'i 'bras bu rnam par smin pa de lta bu 'dod par bya'o// dge slong dag gzhan la mi gnod par sbyin pa byin pa'i 'bras bu rnam par smin pa 'dod par bya ba gang zhe na/ gzhan la mi gnod par sbyin par byin pas/ phyug por 'gyur ba yin pa nas/ mdza' bo dang / blon po dang / nye du dang / snag gi

  4. 329a

    gnyen 'tshams mang ba'i bar snga ma bzhin no// de'i longs spyod gang dag brtson 'grus brtsams pas thob pa lag mthus bsgrubs pa/ rdul cing dri ma chags chagasu bsgrubs pa/ chos dang ldan pa/ chos kyis thob pa de dag la yang rgyal po 'am/ rkun po 'am/ me 'am chu 'am/ mi 'dza' ba bgo skal la spyod pa 'am/ gang las kyang bar chad mi 'byung ba yin te/ gzhan la mi gnod par sbyin pa byin pa'i 'bras bu rnam par smin pa de lta bu 'dod par bya'o// bcom ldan 'das kyis de skad ces bka' stsal te/ bde bar gshegs pas de skad gsungs nas/ 'di ltar spen pas gzhan yang 'di skad ces bka' stsal to// dad cigs par byas te rang gi lag pa nas/ dus su gnod pa med par mkhas pas sbyin pa byed/ sbyin pa rgya che ba dang chen po 'dir byin nas/ kun bgod byed pa de ni/ bzang 'gror 'gro ba yin/ bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// 'phags pa skyes bu dam pa'i mdo rdzogs so// / rgya gar gyi mkhan po dar ma ka ra dang / lo tsA ba ban de bzang skyong gis bsgyur cing ban de dpal brtsegs kyis zhu chen bgyis// @rgya gar skad du/ shI la san yuk+Shan ma sU tra/ bod skad du/ tshul khrims yang dag par ldan pa zhes bya ba'i mdo/ thams cad mkhyen pa la phyag 'tshal lo// 'di skad bdag gis thos

Colophon

'phags pa skyes bu dam pa'i mdo rdzogs so// rgya gar gyi mkhan po dar ma ka ra dang/ lo ts+tsha ba ban de bzang skyong gis bsgyur cing ban de dpal brtsges kyis zhu chen bgyis/