rdo rje sems dpa' nam mkha' che gsang ba'i snying po rnal ma don gyi rgyud
Text
ff. 209a–210a · 3 folio sides
- 209a
'khor nyid du 'bar// klog dang bri dang 'dzin pa dang // kun kyang bu bzhin skyong bar byed// de phyir bstan pa'i yang snying 'di// rigs nges rgyal tsha ba gcig la gtad// brag dang chu gting sbra byas nas// srog dang bral ba'i kha bzhin bsdam// zhes gsungs so// nam mkha' mtha' dang mnyam pa'i rgyud chen po las/ rgyud bzung ba'i le'u ste nyer bdun pa'o// // rgyud kyi rgyal po chen po rdo rje sems dpa' nam mkha' mtha' dang mnyam par sbyor ba zhes bya ba// byang chub kyi semasardzogs pa chen po'i rgyud rdzogs so// kha sa mAn+ta chen po rdzogs so// // rgya gor gyi mkhan po shrI si d+ha dang / bod kyi dge slong bai ro tsa na sa d+ha he na'i 'du khang du bsgyur ro// / rgya gar skad du/ badz+ra gu phya gar+b+ha sa twa ma hA kha b+h+yer+b+bi tan+t+ra/ bod skad du/ rdo rje sems dpa' nam mkha' che gsang ba'i snying po rnal ma don gyi rgyud/ dpal rdo rje sems dpa' la phyag 'tshal lo// 'di skad bdag gis bshad pa'i dus gcig na/ bcom ldan 'das rang bzhin rdzogs pa chen po/ ye shes lhun gyis
- 209b
grub pa rang byung rig pa'i rgyal po/ 'od gsal thig le bde ba chen po de/ rig pa 'pho 'gyur med pa'i gzhal yas khang na/ dus gsum gyi sangs rgyas dang / khams gsum gyi sems can dang / lam la rjes su lta ba rnams 'byed pa mi mnga' bar thabs cig tu bzhugs so// de nas de bzhin gshegs pa rig pa'i rgyal po la rig pa'i rdo rjes 'di skad ces zhus so// e ma'o dgongs pa rnams kyi gsang // sto ba nyid zhi ba thugs rje'i ngang // snying po'i snying po don gyi mchog/ rdzogs chen don 'di legs par gsungs// zhes gsol to// de nas de bzhin gshegs pa rig pa'i rgyal po des/ btsal du med pa thig le chen po'i don 'di gsungs pa/ rang byung gsang ba thig le'i ngang // chos kun 'dus pa lus pa med// bgrod med btsal bral lhun gyis grub// sbyangs thob ma yin rdzogs pa'i klong // rig pa'i rgyal po kun gsal ba// 'dod pa'i don kun rdzogs pa'i bdag/ ye shes rgya mtsho rnam grol lam// theg pa kun rdzogs mkha' ltar yangs// rang rig legs/ pa'i snying po nyid// kun gyi rang bzhin chos kyi dbyings// sgro 'dogs skur 'debs kun gyis stong // gcig ste rnam pa yongs kyis med// theg pa gcig la
- 210a
kun tshogs pas// ye shes dri med rnam par dag/ rang byung thig la nyi ma shar// khyab pa chen po chos kyi sku// stong pa chen po rig pa'i rgyu// ye nus dag pas 'da' ba med// ye shes gsang ba byang chub sems// nam mkha' chen po gcig pu nyid// thig le chen po ye bstan pas// spro bsdu med pa'i/ dbyings la gnas// sgro skur dmigs pa'i yul med pas// rang rig gsal ba dbus mtha' med// kun gyi rang bzhin gsang ba'i phyir// rtog dpyid 'dzin pa'i yul gyis stongs// ma yengs rig pa mnyam gnas pa// ting 'dzin 'khor lo bstan mi dgongs// rang byung dgongs par kun rdzogs pas// ma btsal lhun grub rang las 'byung // phyag rgya chen po bdag gnas phyir// ma bsgom 'da' ba med pa'i ngang // dngos bral rig pa'i phyag rgya 'di// ye shes snying po 'od 'bar ba// kun gyi snying por bdag gnas pa// 'di nyid rang bzhin gting dpag dka'// theg gcig snying po rdzogs pa la// chos kun rdzogs te ngo bor gnas// don kun yongs rdzogs thig le la// rang bzhin gnas pas rim pa med// snying po rig pa don gyi rgyud// de rgyud theg pa'i yang snying 'di// ye shes phyag rgya rdzogs pa'i mchog