Q2183MW1KG13126_2183rgyud 'grelAll versions of this work

dpal 'khor lo sdom pa'i phyi rol gyi mchod pa'i cho ga

Śrīcakrasaṃbarapūjameghamañjari

Text

ff. 56b–57b · 3 folio sides

  1. 56b

    dus su/ rnal 'byor rnams ni rnal 'byor pa'o// 'chi ba zhes bya rnams rtog ste/ zhes pa ni 'jig rten pa'i rnam par rtog pa'o// mkha' spyod gnas su zhes pa ni 'od gsal ba'i go 'phang du'o// 'di skad brjod pa yin te 'chi ba'i dus nad dpal he ru ka dang / phag mo la sogs pa rdo rje rnal 'byor ma rnams kyis sna tshogs pa'i spos dang me tog dang / rgyal mtshan dang / ba dan la sogs pa lag na thogs pas khrod gsal ba'i go 'phang du 'jug par byed do zhes bya ba'i don to// dpal mngon par rtogs pa'i dka' 'grel/ grub thob chen po la ba'i na bza' can gyi rjes su 'brangs nas slob dpon chen po pradz+nyA rak+Shi tas mdzad pa rdzogs so// rgya gar gyi mkhan po dpal su ma ti k+Shi rti dang/ lo tsa ba dge slong blo ldan shes rab kyis bskur ba'o// 5// dpa'a' ba sa rnam pa'i kyiram kyi mchod pa'i tshig bzugs / rgya gar skad du/ shI tsakra saM ba ra pU dza me g+ha man+dA ri/ bod skad du/ dpal 'khor lo sdom pa'i phyi rol gyi mchod pa'i cho ga/ dpal rdo rje sems dpa' la phyag 'tshal lo// bla ma dam pa'i zhabs pad la// btud de man ngag ji lta bar// bdag gis bde mchog rgyud rten nas// phyi mchod cho ga gsal por bsdu// 'dir rnal 'byor pa dpal 'khor lo bde mchog gi dkyil 'khor la mchod par 'dod pas nang bar snga bar langs pa'am/ skabs ji lta ba yang rung ste bde mchog gi rnal 'byor dang ldan pa kho na'i sngags pas sa phyogs gtsang mar lag pa gzhag la oM sum+b+ha ni sum+b+ha zhes bya ba brjod de bdud rtsi ril bu dri zhim po la sogs pa'am rdzas gang yang rung ba ba lang gi lci ba'i ril bus dkyil 'khor gru bzhi pa byugs nas de'i dbus su lag pa gzhag ste bu dza la sogs pa'i yi ge nyi shu rtsa bzhi gnas dang nye ba'i

  2. 57a

    gnas la sogs pa sa bcu'i rang bzhin rnams de dang de'i sar lhag par mos pa sngon du 'gro bas brjod par bya'o// de nas dkyil 'khor de nyid du yud tsam gyis 'byung ba bzhi la gnas pa'i ri rab kyi steng gi sna tshogs pad+ma zla ba la rang gi snying gnas byung ba'i hUM de nyid gzhag nas sa bon de'i 'od zer rnams kyis ye shes kyi dkyil 'khor spyan drangs la yi ge hUM de la bcug ste de yongs su gyur pa las bcom ldan 'das 'khor dang bcas pa rnam pa thams cad yongs su rdzogs par blta bar bya'o// de nas snying ga'i sa bon las byung ba'i pi wang ma la sogs pa'i lha mo rnams kyis yang dag par mchod cing de las byung ba'i rin po che sna bdun yang phul te cho ga ji lta ba bzhin sbyangs pa'i lag pa g.yon pas dkyil 'khor gyi dbus su yi ge gsum gyi me tog dgod do// de nas de nyid du bcom ldan 'das dang bcom ldan 'das ma'i snying po rnams kyis so// de nas mkha' 'gro ma la sogs pa nas gshin rje'i 'joms ma'i mthar thug pa rnams la rang rang gi sngags kyi phyogs rnams su g.yon skor tshams su g.yas skor gyis gnas ji lta ba bzhin du me tog dgod do// de nas lag pa la bkod pa'i lha rnams la de dang de'i gnas su oM ha zhes bya ba la sogs pa de dang de'i sngags rnams kyis mchod par bya'o// de nas lag pa g.yon pa na gnas pa'i me tog de rkang pa brgyad pa'i sngags brjod pa sngon du 'gro bas dkyil 'khor du dor te mgo bor thal mo sbyar ba sngon du 'gro bas lha'i dkyil 'khor de bdag nyid la gzhug par bya'o// de nas snying po nas brtsams te rkang pa brgyad pa'i mthar thug pa'i sngags kyi bstod pa sngon du 'gro ba can ji ltar bstan pa'i bstod pa rnams kyis yang dag par bstod nas nus pa ji lta bar sdig pa

  3. 57b

    bshags pa la sogs pa dang bsam gtan dang sngags bzlas pa dang smon lam gdab pa la sogs pa byas te yi ge brgya pa bton nas oM yo ga shud+d+haHsar+b+ba d+ham+b+ha yo ga shud+d+ho&haM zhes bya ba'i sngags dang bcas pas badz+ra muHzhes bya bas gshegs su gsol te 'khor lo de bdag nyid la gzhug par bya'o// de nas dkyil 'khor gyi ri mo bri bar bya'o// phyi rol mchod tshul legs par bsdus// bdag gis bsod nams gang bsags pa// des ni 'gro ba ma lus kun// sangs rgyas mchod pa'i rjes gzhol shog/ dpal 'khor lo sdom pa'i phyi rol mchod pa'i cho ga dpal prA dz+nyA rak+Shi tas mdzad pa rdzogs so// dpal su ma kIN+Di dang sgru basbyar gyi lo tsa bablo ldan shes rab kyis bsgyur ba'o// 5// dpa ma ma chogs sa/ #6// rgya gar skad du/ shrI tsakra sa~M ba ra ba laM mainy+dza ra~M/ bod skad du/ dpal 'khor lo sdom pa'i gtor me'i tshig/ dngos kun gcig tu sdom pa yi// dpa' bo sdom pa la btud de// gtor ma'i de nyid mdor bsdus nas// man ngag ji bzhin bri bar bya// dang por slob dpon rnal 'byor chen pos gnas pa las langs te/ dpal 'khor lo sdom pa'i rnal 'byor dang ldan pa'i sngags pas bza' ba la sogs pa mdun du byas nas sbyang bar bya'o// de la mdun du yi ge yaM las rlung gi dkyil 'khor de'i steng du yi ge raM las me'i dkyil 'khor/ de'i steng du yi ge gsum las skyes pa'i mgo bo gsum gyis byas pa'i sgyed po'i steng du yi ge a dgar po las skyes pa'i pad+ma nang dmar ba phyi dkar po/ de'i steng du zan la sogs pa la oM traM aM khaM hUM/ lAM mAM pAM tAM pAM gyi yi ge las bskyed cing des byin gyis brlabs pa'i bdud rtsi lnga dang / sgro nam lnga'i rang bzhin du bskyed la/ sa bon gyi yi ge la sogs pa rlung gis

Colophon

dpal 'khor lo sdom pa'i phyi rol mchod pa'i cho ga dpal pradz+nyA rak+Shi tas mdzad pa rdzogs so/_/dpal su ma kIrti dang sgra bsgyur gyi lo tsA ba blo ldan shes rab kyis bsgyur ba'o