sdom pa bshad pa
Saṃbarabyagkhyā
Text
ff. 7a–13a · 13 folio sides
- 7a
mkha' sbyor bde ba'i pho brang du// dbang gi rgyal pos gar byas pas// dpa' bo rnal 'byor ma kun dgyes// dpa' bo mkha' 'gro dgyes pa'i glu/ aM dang haM gis sgra brjod pas// tshangs pa'i ri bo rtse nas nyil// rgya mtsho'i lbu ba bltams pa dang // gnas pa bzhi yi rim pa yis// rdo rje sems dpa' rang nyid 'gyur// dbang phyug dam pa'i gsang gtam 'dis// nam mkha' rdo rje grong du 'jug/ bde chen dag pa'i zhing khams mthong // thams cad lhan cig skyes pa'i sku// shes rab rdo rje rnal 'byor ma// gnyis med bde pa'i rnam pa can// ma ning zhes byar brjod pa ste// kha cig zung 'jug ces byar brjod// sgrib pa dang bral chos sku 'dir// rak+Sha la sogs byeng sems rnams// rten dang brten pa'i mtshan nyid kyi// dkyil 'khor thams cad 'di nyid do// dpal lhan cig skyes pa'i sbubs thabs bdag byin gyis brlab pa zhes bya ba// rgyal po in+d+ra bo d+hi 'bring pos mdzad pa/ rje mi nyag chen pos bsgyur ba rdzogs so// 5/ chol la #/ @#// rgya gar skad du saM bar b+ha ga khA/ bod skad duM/ sdom pa bshad pa/ dpal rdo rje sems dpa' la phyag 'tshal lo// dpa' bo rnal 'byor ma 'brel las// bde mchog bshad pa 'byung ba ste// in+d+ra bo d+hi'i gzhung zhing dang // kun spyod dA ri ka gzhung gis// dpa' bo dang ni rnal 'byor ma// zhal gcig phyag gnyis pa ru gsungs// dpal ldan 'bar ba 'dzin zhags sam// katsata yi gzhung rnams kyis// dpal bo dang ninal 'byor ma// zhal gcig phyag gnyis par grags// mkha' 'gro ma sogs dpa' 'dir dpyad par 'a bor bcas// sgo skyong ma dang yang dag ldan// khro bo'i gzugs ni hA dang bcas// zhal
- 7b
gcig pa la phyag bzhi pa// lha mo rab tu gtum sogs bzhin// sku mdog sna tshogs khyad par ro// brtul bzhugs zhal snga nas kyis gzhung // phyag gnyis dang ni zhal gcig pa// sgeg sogs ro ni thams cad kyis// de rnams 'gying bas rol par 'gyur// yang na sems ni rnam dag pa// sku mdog sngon po rnam pa'i dbyibs// dpa' bo lha mor yang dag ldan// kha cig gi/ ni gzhung du brjod// sku gsung thugs kyi dbye ba yis// kha dog gsum du yang dag gnas// gang phyir 'khor lo gsum gsungs pa// de phyir kha dog gsum du 'gyur// 'di rnams nang nas gang 'dod pa// de kun rnal 'byor pas gus bya// phyag gnyis la sogs brtsams nas ni// ji srid phyag ni 'bum de bzhin// phyag dang zhal ni grub phyir min// bsam yas sbyor bas bsam par bya// de ltar blo bzang shes nas ni// gnyis med ye shes bsgom par bya// dad pa tsam gyis 'jug bya ba// dpyad pa nyid du sbyar mi bya// mchog tu dga' bas 'di dag kun// gang bsgoms 'bras bu mchog phan te// lhan cig skyes par thim pa yis// he ru ka nyid rnam par bsgom// bla ma'i bka' lung blangs nas ni// dang por gus pa'i sems kyis su// brtan pa'i sems kyis bsgom byed na// dam pa'i phun tshogs thob par 'gyur// 'bar ba'i phyag rgyar sdom par min// slob dpon kha cig smra bar byed// he ru ka 'byung rgyud gsungs yin// bde mchog nyid du ma yin pas// de phyir bdag gis ma bris te// dpal ldan rdo rjes bzod pa mdzod// man ngag gis ni phag mo yis// rgyud du nges par rab tu grags// 'bar ba yi ni phyag rgya yis// dkyil 'khor dgus
- 8a
pa'i dor dang ni// bde mchog gtor ma'i las rnams kyang // he ru ka ni 'byung chud du// he ru ka phyag la gnas pa// he ru ka'i rgyud du gsungs// na bza' dag gi khyad par ni// stag gi pags pa bsnams pa te// bdag gis tha mas gsungs pa yang // lhan cig skyes pas smad dkris na// rdo rje mkha' 'gro yi ni gzugs// rtag tu ngu ba mchog gi mchog/ dkar ba dang ni khrag gi mdog/ khams drug gis ni bsdus pa yis// kha dog la sogs mtshungs pa'i gzugs// dang po nyi ma lta bu'i zhal// lha mo sgra ni grol ba nyid// gzhung ni 'di gnyis bgros nas ni// snying ga rA ni bsgom bya zhing // ji ltar 'dod pa'i de nyid bya// gzhan yang khrag gi rtsa rgyud du// shin tu dmar bar 'bab pa yang // bud med me tog g.yas nas so// g.yon du khu ba 'bab pa ni// chu yi rgya mtsho lta bu ste// de ni dpa' bo'i rang bzhin no// rkang dang rus partsa rgyud rlung // lnga pa khu ba dang ldan pa// pa las gyur pa 'di rnams yin// ma yi sha lpags khrag dang ni// chu dang ma dang bcas pa nyid// de nyid kyis ni gang grub pa// 'di ni mgon po he ru ka/ bskyod dang skyed par byed pa po// pha ma gnyis ni dbyer med pas// dpal ldan bde mchog bshad pa 'di// yon tan kun gyis gter gyur pa// dngos po kun gyi rang bzhin no// de ltar shes nas de yis gzugs// srid gsum bde ba ster ba ni// de nyid rnal 'byor pa yis bsgoms// sgra yi tshul la nges 'byung ba// zhes bya ba la sogs gang 'dod de// de don bdag gis bshad par bya// 'jug pa yi yang mtshan nyid ni// rab tu 'jug pa'i dkyil 'khor sogs// phyi rol rnams cig mtshan nyid do// sangs rgyas
- 8b
kun gyis rang bzhin te// sangs rgyas kun gyis rab tu gsungs// ldog pa bdag gis brjod par bya// 'khor lo sdom par yang dag gnas// lhan cig skyes pa rnams kyi gzugs/ de ni snying gar rtag tu gnas// phyi rol nang du mnyam pa nid// dkyil 'khor gyi yang sems kyis ni// rnam par dgod pa bshad nas so// de ni lus gnas bshad par bya// he ru ka ye rol par brjod// rnam dag dang ni he ru ka/ yan lag dag dang nying lag dang // lhan cig skyes pas mnyam gzhag pas// phyis ni rnal 'byor pa yi bsgom// go rim bzhin du lus skyes ni// rdo rje phur bu lhan cig skyes// bcings pa thig sang rab tu ldan// shin tu mtshams med bstan par bcings// gur ni rus pa'i phreng ba nyid// mchod pa'i cho ga khyad par bzung // yan lag phyag rgyas brgyan pa dang // go cha mtshams med bcings pa ni// de ni go cha chen por ldan// gang zhig mi dmigs pa yi rtsa// sems can kun la phan mdzad ma// lha dang lha min rnams la/ 'di dag thams cad de yis khyab// rkang pa'i mthil du rtsom pa'i rlung // yang dag gnas shing lter son par// me yi dkyil 'khor gzi brjid 'bar// lto bar ches ni dka' ba yis// mu ni mdzes pa nyid kyi gzugs// thang du yang ni dbang chen ni// kha dog ser pos rnam par spras// mgrin pa'i steng du brtan pa yi// rtse brgyad ldan pa'i ri rab bo// bdun ldan nyi ma A li thA// nang du 'gro dang 'ong ba dang // chu skyes 'dab ma sum cu drug/ ldan par rdo rje'i dbus son par// A li kA li las byung grub// mdzes pa'i spyi bor hUM byas te// der gnas gser gyi gnas su ni// sna tshogs dbus
- 9a
su dang po'i ming // zhes bya lhan cig skyes pa yang // dri med zla ba'i gzi brjid nyid// yan lag kun gyi mtshams su ni// rim gyi 'gro bar byed pad+ma// sna rtse dbus kyi gnas su yang // rim pas skyes par byed pa ni// sum cu rtsa drug ror ldan pa'i// shin tu mdzes pa'i rtsa rnams kyis// spyi skyes thog ma med pa yi// sangs rgyas nyid ni bskur bar bya// mkha' 'gro bya bzhin rnam dag khams// mkha' 'gro ma yis dra ba zhes// 'di yi don ni yang dag grags// rgya mtsho shin tu sna tshogs pa'i// 'gram dang ri yi dbang por ldan// zab mo sna tshogs snying po yang // gdod nas grub pa'i dur khrod nyid// rgyal mtshan ba dan sna tshogs dang // dril bu do shal shin tu mdzes// gsum gyi bskyed pa'i dkyil 'khor ni// de yi dbus su dkyil 'khor nyid// srad bu mchog gis shin tu spras// rnga yab kyis ni g.yob pa dang // so phag rnam par dag pa yi// rdul mtshon dri ma med pa dang // bum pa la sogs gzhag pa dang // de byung ldan par gang bas ni// lhan cig skyes gnas bris par bya// thal ba ro bsregs las byung ba// pad gnas khro ba med pa yis// sbyor ba'i ye shes shin tu mdzes// phag mo gnyis su med pa'i gzugs// he ru ka de sems su brjod// rgyu lnga zhes bya'i rig/ pa ni// rdo rje zhes ni mngon par brjod// der gnas sa bon rdzogs pa ni// de ne he rA ka dpal brjod// gnyis med don gyis shI yi sgra// he ni rgyu ni rnams spangs pa// ru yi gzugs ni 'jigs pa'i don// ka ni gang du'ang mi gnas pa'o// A li kA li mnyam sbyor bas// dkar zhing dmar ba'i rang bzhin can// shI ni yang dag bshad pa ni// thams cad bskyed par byed pa'i rgyu// shI ni mtsho'i
- 9b
skad kyis ni// b+ha ga'i don du mngon par brjod// sems ni he ru ka nyid de// dpal he ru kar rab tu bsgrags// b+ha ga'i sgra ni ngag lam 'das// rA ni dri ma rnam par spangs// hI ni rgyu ni rnam 'jig pa/ phag mo'i sgrar ni rab tu grags// skyed par byed pa'i rgyu yi phyir// ral pa'i rtsa ba zhes byar bshad// sna tshogs sems can don byed phyir// sna tshogs rdo rjer rnam par gnas// byang chub sems ni zla bar gsungs// dpal ldan bde chen 'khor lor gnas// der gnas rtag tu 'dzag pa ni// rdo rje pad+mar yang dag gnas// cha kun du ni yongs gang bas// rgya mtsho yi ni lam rnams su// 'dzag pa yi ni lam pa ste// lte ba'i 'gram gnas bdud rtsi ni// sngar gsungs rgyal ba'i tshogs rnams skyes// stong pa'i rnam par sbyor ba las// lha dang lha min mi rnams ni// rang bzhin gcig pas dag pa ni// / shin tu dag pas sdig par byed// byang chub sems byung thal ba yis// yan lag kun la rnam par gnas// thal ba'i dag par rtag tu brjod// phyi rol nang du yongs dag gnas// yan lag bcu gnyis las byung phyir// phyag ni bcu gnyis rnams dang ldan// zhal bzhi yang dag gsungs pa ni// rnam thar bzhi ni dag pa'o// lha mo gzugs can mkha' 'gro ma// dum skyes ma dang lA ma nyid// grub pa'i rnal 'byor ma rnam bzhi// rgyu dang mi rgyu skyong bar mdzad// gnyis med rnam pa'i rnal 'byor gyis// gang tshe dbang sogs 'thung ba ni// de tshe bza' ba zhes byar brjod// phyag rnams nyid kyi mtshan nyid do// ce gsum sku gsum dag pa'i phyir// glang po gti mug rnam par 'jig/ lus ngag yid gsum dang byung ba'i// skyon ni dgra stas gcod par byed// gri gug rnon pos sems can don// brtson 'grus
- 10a
yang dag ldan phyir 'phyar// rtag tu dga' ba'i rang bzhin gyis// sgra ni cang ter brtag par bya// ye shes lnga yi rang bzhin pas// rdo rje stong pa'i sems bsregs pa// byang chub sems kyi rang bzhin gyi// kha T+wAM ga ni yan lag gnas// thod 'gro skyong bzod pa'i sku// des na de ni thod par brjod// snying rje ro yis gang ba ni// 'thungs pa he ru ka nyid rgyal// zhags pas skyon ni rnam par bcings// lus can mi lus gzhan yang 'gyur// mgo bo tshangs pa'i rang bzhin nyid// dril bu shes rab rang bzhin byer// yig 'bru lnga bcu'i mgo bo rnams// rang bzhin gyis ni rnam par// / mdzes// mgul gyi nor bu phreng ba'i rgyan// grub pa'i gnas ni kun gyi bdag/ mche ba bzhi dang rab ldan pas// bdud bzhi rnam par dral bar mdzad// tshems phreng rtag tu gnyis med pa// me stag tshegs dang yang dag ldan// pha rol phyin drug rnam dag pa// phyag rgya drug gis legs par brgyan// nam mkha'i gos kyi rang bzhin gyis// stag gi lpags pa cha med par// kun gyi 'gro ba thams cad ni// stong pa'i sbyor bas g.yas brkyang ba// he ru ka'i khyad par las// des na g.yas brkyang ba zhes bshad// g.yon pa'i yan lag bskum pa zhes// tshig tu brjod pas g.yas brkyang ba// mtshan nyid yang dag thob pa yin// dpal ldan he ru ka 'byung ba// 'khor lo tshogs ni kun tu'o// slob dpon gzhan gyi lugs dag gis// g.yas pa'i zhabs ni bskum par 'dod// blo bzang kha cig gar yang byed// gnyis ka 'dod pa ma yin te// g.yon na g.yon pa skye bos mdzes// don mchog thams cad sbyin par nus// g.yon gyis rtag tu rnal 'byor
- 10b
pa'i// gnod pa kun las 'jigs rgyal byed// gang phyir sdom pa gtso bor yis// nges par thams cad g.yon las 'byung // de phyir tshogs nus pa kun// las ni g.yon pas rtag tu bya// sems dang sems min 'gog pa'i lam// mtsho skyes su ni bus gang mtsho// rdo rje mthar ni rnam 'byung ba'i// ro mnyam rtse gcig de yin te// phag mo sbyor mchog skyes 'dzin rig/ gang phyir gcu bor gnas pa ni// lha mo mchog gnas sdom pa ste// de byir g.yon pa'i cho gas brgyan// nyi zla rnam dag srid las skyes// rang bzhin gyis ni ro mnyam de// pad+ma mchog gi gnas su ltung // ri ste sa rang byung yang dag ldan// De ni mkha' 'gro ma zhes bya// sangs rgyas khams su rab tu brtags// nam mkha' kun turgyu grub pas// mkha' 'gro ma zhes bya bar brjod// de la skyes pa gzugs ji bzhin// gzugs can ma zhes mngon par brjod// gzugs las rim pas skyes pa nyid// mtshon par yang ni dum skyes ma// gang yang mdzes pas yongs gang ba// skyes popa bud med las byung ba// mtshan ma kun gyi yongs su rdzogs// des na lA mar rab tu grags// nga rgyal la sogs kun bral ba// des na bla re ru ni grags// pad+ma chos kyi dbyings yin te// de ni sangs rgyas kun gyis gnas// 'dod chags skyon dang bral ba ni// bzhi pa'i gnas skabs dang ldan pas// rnam pa kun gyi mchog ldan pa// de ni dpa' bo zhes byar brjod// de nas thams cad yang dag thob// stong pa nyid rje'i bdag nyid can// lhan cig skyes dga'i ngo bo gang // de ni dpa' mo'i dbang phyug yin// 'di ni dga' ba'i brjod med pa// 'khor lo sdom pa sde mtshan mtha'
- 11a
rtag tu kha ni 'og gis ni// yan lag kun gyi yid 'phrog 'dzag/ 'dod chags la sogs rtsa dang mtshungs// ye shes srin bus zos pa ni// mi rtog pa yi rang bzhin gyis// kun rdzob tu ni de myong ngo // nam mkha' pad+ma'i mkha' dbus su// mkha' spyod du ni bgo bar 'dod// der gnas shin tu rnam spros pa// mkha' spyod 'khor los yang dag bshad// sa zhes bya ba rab tu gnas// lte ba'i pad+mar skye dang 'chi// der gnas shin tu legs par bya// sa spyod 'khor lor yang dag bshad// sa 'og zhes ni gang gsungs pa// pad+mar byang chub sems lhung ba// dri med yid kyi pha rol tu// sa yi 'og tu gnas pa'i sems// chos dang longs spyod sprul pa yis// he ru ka yi rnam par gnas// A li kA li mnyam ldan pa// lhan cig myos pa'i dga' bas mdzes// A dpe gzhan na a bya 'dug brtago/ khya sprul pa'i 'khor lor ni// pad+ma'i nang du dag gnas// lhan cig skyes pa'i rol pa ste// 'jig rten gsum gyis rgyas par brjod// oM hri hri kham pad+ma phyogs phyogs 'dab ma la// laM maM baM ti mtshams cha la// dbus su he ru ka sa bon// lte ba mchog tu pad rang gnas// chos kyi lte ba pad chen por// stong pa'i rdo rje 'chang ba gnas// der gnas rtag tu mdzag pa ste// 'dod pa'i don kun grub par byed// de ster longs spyod 'khor lo la// oM gyi yi ges mtshan pa yis// kha ni rtag tu gyen du blta// a i lhan cig u e ni// rnal 'byor ma mchog dpa' bor ldan// de steng mgrin pa'i gnas su ni// de ru mkha' 'gro ma gnas pa// der ni rtag tu gnas pa yi// mchog/
- 11b
tu dga' ba nyid du 'dod// bde ba chen po'i 'khor lor hUM// zla ba'i 'od zer ltar 'dzag 'dod// der ni 'gro dang 'ong bar ni// mig gis kyang ni mthong mi 'gyur// myur ba steng du rnam par bshad// / drangs pa ngos su rnam par gnas// 'ching ba dbus su yang dag gnas// dal brtag tu rab tu grags// rgyu mthun dang ni rnam smin dang // skyes bu de bzhin mtshan nyid med// 'dir ni 'bras bu rnam pa bzhi// dga' ba rnams su rab tu grags// chung ngu 'bring dang chen po dang // chen po las kyang chen po ste// sems kyi dbye ba rnam pa bzhi// mi la sogs pa rnam par 'khrul// lus la sprul pa'i 'khor lo ni// nges par lte ba las skyes te// de ni sna tshogs skad cig bshad// chos kyi rang bzhin skye ba ni// rtag tu sdug bsngal zhi ba'o// rnam par smin nyid snying ga las// rtag pa ru ni skyong bar byed// longs spyod ces ni bya ba la// du ma rnams kyi cha shes bya// de ni rnam nyed rang bzhin no// spyi bor shes dang shes bya gnas// yid la rnam par spangs pa ste// de ni mtshan nyid bral rang bzhin// lhan cig skyes sogs dga' ba bzhi// lhan cig skad cig dag las skyes// 'khor lor gtso bor skad cig ni// gzhan yang dga' ba'i mtshan nyid ni// phreng ba tsan dan bud med sogs// gang tshe mthong bas bde 'dzin pa// de tshe dga' bar yang dag bshad// sems can kun la yang dag gnas// rdo rje pad+mar mnyam sbyor bas// ji ltar sems ni rnam par gnas// de yi sems gang mtshon pa ni// de tshe mchog tu dga' bar brjod// sbyor ba las ni dga' bral sems// bde ba'i mthar ni yang dag nas// de ni dga' bral zhes byar gsungs// skye dang 'jig pa rab tu grags//
- 12a
dga' dang mchog tu dga' ba dang // dga' bral dang ni rnam gsum mo// lhan cig skyes pa rang bzhin 'di// brtan g.yo kun sogs rang bzhin te// lhan cig skyes pas thams cad gang // bsam yas su ni rgyal bas gsungs// gang phyir brjod med kun 'gro ba// ye shes he ru ka ru brjod// shes rab gzhan gyi gnas su brjod// gang gi gnas 'di thabs gnyis de// 'di dag gnyis su med pas ni// sbyor ba'i gnas su gnas pa yin// de las byung ba de nyid gnas// de dang bral bar gang gnas pa// lhan cig skyes zhes yang dag brjod// ngag gi lam 'das spyod/ yul nyid// bdag gi de nyid rtag sngags dang // dkyil 'khor de nyid yang dag ldan// chos dang longs spyod sprul pa 'di// 'di yi sku la rnam par gnas// dmigs pa las ni sangs rgyas yin// dmigs pa med pa rdo rje 'dzin// gnas gnyis dag tu ma brten par// shes rab gnyis med nye bar gsungs// gnas bcu la sogs dag ni// pha rol tu phyin mchog bcu po de// nyi shu rtsa bzhir phye ba yis// thams cad lus la rnam par gnas// 'di rnams rim pa ji lta bar// spyi bo spyi btsug la sogs dang // ji srid pus mo gnyis dag tu// 'di rnams kyi ni gnas dag tu// dpa' bo la sogs blta bar bya// bskyed pa dang ni gnas pa dang // rab tu thim pa zhes bya ba// bu li ra ni bdag po ste// 'bar ba 'dzin par longs spyod gnas// ur+yan du ni thim par gsungs// gnas sogs zhing dang dur khrod du// yan lag kun la thim par 'gyur// sdom pa zhes bya'i mtshan nyid do// sprul pa yis ni gang du skyes// longs spyod rdzogs pa'i rgyu yi gnas// chos kyi sku yi rang bzhin gyis// /
- 12b
thim par gyur par the tshom med// de ltar skra yi cha rnams kyis// dbang dang longs spyod dag dang thim// ji ltar gnas su de bzhin du// dga' ba rtag tu skye bar 'gyur// skye ba dang ni gnas pa/ dang // rim pa yis ni rab thim 'gyur// rdo rje mkha' 'gro ma bskul bas// gnas kyi sgo nas dbye bar bya// dpal ldan 'bar 'dzin bu gar ni// de yi skad cig bdo 'byung bas// bde bas thig le bye 'gyur zhing // thig le brtan dang g.yo ba'i bdag/ de ni phag po de sangs m+b+has// dpa' bo gnyis med ldan pa yin// phung sogs sangs rgyas de rnams dang // khams kyi'ang 'brung khungs rnam par brjod// bud med skyes pa gnyis su brtags// lhan cig skyes pa rnam pa gnyis// thams cad yul du brjod pa ni// nam mkhar thim pas bdud rtsir 'gyur// de la gang dag spyod pa ni// thabs nad mkha' la spyod par 'gyur// mkha' 'gro kun gyi dra ba yis// bde bdag gi snying po'o// 'dir ni phreng med sngags bzlas med// lhan cig skyes pas thams cad gnas// de phyir rnam rtog med pa yis// 'bad pas gus pa bskyed par bya// 'jigs dang ngo tsha rtag tu spangs// rnal 'byor rol pas gnas par bya// 'di ldan bzlas brjod sbyin sreg dang // chos sbyin bsam gtan dkyil 'khor sogs// bum pa rdul tshon thig cho ga/ lus la lhan cig skyes grub pas// bsrub dang bsrub pa'i sbyor ba las// ye shes me ni shan tu 'bar// las kyi rlung gis bskul nas ni// lte ba'i pad+mar rnam par gnas// du ba thul ba 'bar ba dang // lhan cig skyes pa'i rang bzhin gsal// ye shes 'khor lor son pa yi// sangs rgyas rnams ni bsregs nas ni//
- 13a
longs spyod rdzogs pa'i 'khor lor bzhugs// thabs la mchod pa byas nas ni// mdzod spur yid ni zhugs gyur pas// ur+yan zhes ni bya ba yi// gnad kyi sgo nas 'thon nas kyang // dzA lan d+ha rar rab tu zhugs// bde gshegs thams cad bsregs na san// lha mo yid kyi shugs ldan ni// dmigs kyis mthong bar mi 'gyur ro// sangs rgyas thams cad bskul nas ni// bdud rtsi phung por byas nas kyang // 'o ma'i rgyun ltar 'dzag par 'gyur// gser gyi sgor ni zhugs par 'gyur// longs spyod 'khor lor gnas nas kyang // so yi bu kar 'dzag par 'gyur// chan brgyad mo lta bu ni// sems kyi ngo bor ngal ba so nas// rgyun mi 'chad par bsregs nas kyang // rgyal ba rnams ni mnyes par byed// yang dag las ni rab tu 'byung // lte ba'i pad+mar yang dag gnas// kun nas yang ni 'gro ba dang // de bzhin du na rgyun 'o nyid// mkha' 'gro rtsa ni kun spyod ni// bde chen 'khor lor bshad pa'o// // sdom pa bshad pa zhes bya ba/ slob dpon chen po brtu la zhugs kyi spyod pa la zhugs pa nag pos mdzad pa rdzogs so// dza go ta lar 'od sngon chos 'byung gis bsgyur ba'o// 5 sa la so// // rgya gar skad du/ sap+ta a k+Sha ra sA d+ha naM/ bod skad du/ yi ge bdun pa'i sgrub thabs// dpal rdo rje mkha' 'gro la phyag 'tshal lo// byis pa bud med phal char ni// rgyas par gzung dkar 'gyur bas na// mdor bsdus pa'i yang mdor bsdus nas// yi ge bdun pa bsdu bar bya// mchod sogs stong nyid byang chub kyi// sngags kyi mthar thug 'og tu ni// brtser ldan lus kyi dbus son pa'i// rdo rje mkha' 'gro rab bsgrub bya// yaM raM baM laM byung ba bzhi'i//
Colophon
sdom pa bshad pa zhes bya ba/_slob dpon chen po brtul zhugs kyi spyod pa la zhugs pa nag pos mdzad pa rdzogs so/_/rdza go ta lar 'or ston chos 'byung gi bsgyur ba'o