rang bzhin lnga ma
Pañcasvabhāba
Text
ff. 147a–149b · 6 folio sides
- 147a
yang nyams par 'gyur// lhan cig skyes dga' mchog 'di ni// bla ma'i zhal la gsal bar dris// de nyid gsungs pa/ gang zhig nyams pa'i dus su shar bas 'dud// yul dang dbang po// mnyam par nub 'gyur ba// gang yang mngon dga' rgyal bas mdzes pa gcig pa'i lus// snying la myur du 'char ba mi ldog mkhas pa yin// rnam par rtog pa mtha' dag spangs pa'i blo// gang de bde ba dam pa'i stobs su 'gyur// de yang bya ba byas pa'i mkhas pa'o// gang gzhan phyugs ni rkang gnyis pa zhes pa'o// de'i phyir yang dag pa'i bla ma'i bsnyen bkur slob ma dam pas bya'o// sku gsum rjes su 'jug pa'i bde ba chen po'i ngo bo rang gis rig par bya'o// dbang bskur ba thob pa'i bya ba byas pas 'di skad brjod par bya ste// de ring bdag skyes 'bras bur bcas// bdag gi rtsol ba 'bras bur bcas// de ring sangs rgyas rigs su skyes// sangs rgyas sras su gyur to// de nas bla ma dam pa dag la dbul// de bzhin gshegs pas gsung mtshan nyid// sna tshogs rgyan ni gos la sogs// rang gi lus ni khyad par 'phags// zhes so// de'i rjes su sbyin sreg byas te/ gtor ma byin la skye bo 'dul ba dang bcas pa'i dge 'dun la chos ston de nas bya'o// sdug bsngal mgon med pa rnams tshim par bya'o// dbang cho ga mdor bsdus byas pa las// gang yang bsod/ nams las byung de yi gzhal med pas// de yis gnyis med bsam mi khyab pa yis// bde ba chen po'i bdag nyid thob par shog/ skye bo rdo rje 'dzin par gang gyur cig/ dbang gi cho ga mdor bsdus pa rdzogs so// / dpal gnyis med rdo rjes mdzad pa'o// // @#// dpa' gnyis pa do mang da pa'i rang bzhin lnga pa zhes pa'o// rgya gar skad du/ pany+tsa swa b+hA ba/ bod skad du/ rang bzhin lnga pa/ dpal rdo rje sems dpa' la phyag 'tshal lo// spros
- 147b
pa med cing bla na med// rdo rje sems dpa' la phyag 'tshal// mdor bsdus slob mas rtogs pa'i phyir// rnam pa lnga ni bdag gis bshad// oM AHhUM zhes pa 'dis bdag dang gnas dang rnal 'byor bsrung bar byas la/ zi zhim po la sogs pa'i byugs pa'i sa'i cha gru bzhi pa la sogs pa'i dkyil 'khor gyi dbus su// de bzhin gshegs pa lnga dang / rnal 'byor ma lnga rnams mchod de/ de la dbus su kha dog sna tshogs pa'i paM yongs su gyur pa las sna tshigs pad+ma 'dab ma brgyad pa kha bye ba'i lte ba'i steng du raM dmar po yongs su gyur pa las nyi ma'i dkyil 'khor la gnas pa'i hUM sngon po lngas mi bskyod pa zhal gcig phyag gnyis pas mnon gyi phyag rgya 'dzin pa/ rdo rje skyil krung bcas pa/ mtshan sum cu rtsa gnyis dang dpe byad bzang po brgyad cus brgyan pa'i sku stobs bcu dang mi 'jigs pa la sogs pa'i yon tan gyi tshogs kyi gnas bu ga dang sha dang rus pa spangs pa/ rab tu snang ba tsam ste me long gzugs brnyan dang mtshungs pa/ bden pa ma yin brdzun pa ma yin pa// byams pa chen po'i bdag nyid yin pa'i phyir kha dog nag po/ rdo rje nag po'i phyag mtshan can chos kyi dbying rnam par dag pa phung po lnga'i rang bzhin te/ skra dang kha spu bregs pa tshes gos gyon pa'i sku spyi bor rdo rje sems dpas mtshan pa/ rdo rje sems dpa'i rang bzhin stong pa nyid dang / snying rje dbyer med pa'o// de nyid rgyu dang 'bras bu'i bdag nyid rnam pa thams cad mchog dang ldan pa'i stong pa nyid kyi mtshan nyid 'dus ma byas shing / de bzhin nyid kyi bdag nyid yin pa'i phyir chos kyi sku'o// rab tu snang ba tsam yin pa'i phyir longs spyod rdzogs pa'i sku'o// / brtags pa'i rnam par shes pa'i ngo bo yin pa'i phyir sprul pa'i sku'o// de skad du gsungs pa/ 'dus ma byas sems chos kyi sku// brtags pa longs spyod rdzogs mtshan nyid// sna tshogs de nyid sprul pa'o// gnyug ma
- 148a
kun gyi rang bzhin no zhes pa'o// rnam par rtog pa la sogs pas mi reg pa'i phyir rdo rje rigs can dang / rdo rje'i rigs de 'jig rten pa rnams kyis mi reg pa'i phyir ro// zhe sdang dang / rdo rje chu dang / drang ba dang / ni// ma phyed dang / ro tsha ba dang / thos pa dang / nam mkha' dang / sgra dang tsa'i sde tshan te/ 'di dag ni mi skyod pa'i rnam par dag pa/ phyi rol dang nang gi bdag nyid kyi rnam par gzhag pa'o// 'dir yang sku bzhi'i rnam par bzhag pa ni snga ma bzhin no// oM AHbadz+ra d+h+r-i ka hUM/ 'di ni bzlas pa'i sngags so// rdo rje sems dpa' yang hU~M las skyes pa/ dkar po zhal gcig phyag gnyis pa rdo rje dril bu 'dzin pa/ yid kyi rang bzhin ro ska ba'i lus stong pa'i rgyus btab pa'i yid kyi rang bzhin ros pa'i lus/ ston ka'i dus kyi rnam par dag pa/ yar la thal sogs pa'i bdag nyid nas byed nas nas langs pa'i bar te/ chos kyi dbyings shes bya ba ming gzhan no// shar gyi 'dab ma la zla ba'i dkyil 'khor gyi steng du/ oM las skyes pa'i rnam par snang mdzad mdog dkar po 'khor lo dkar po'i phyag mtshan dang byang chub mchog gi phyag rgya can/ gzugs kyi phung po rang bzhin dang / gti mug gi rang bzhin dang / bshang ba'i rnam par dag pa dang / de bzhin gshegs pa'i rigs can dang // me long lta bu'i ye shes rab tu gnas pa dang / rgun gyi dus rnam par dag pa dang / ro mngar ba'i lus dang / ka'i bde/ tshan dang / snga dro'i thun gyi bdag nyid dang / lus kyi rang bzhin no// oM AHdzi na dzi ka hU~M zhes bya ba 'di ni sngags so// lho'i 'dab ma'i nyi ma'i dkyil 'khor gyi steng du traM las skyes pa'i rin chen 'byung ldan kha dog ser por ni/ po che'i phyag mtshan dang / mchog sbyin gyi phyag rgya 'dzin pa/ tshor ba'i phung po'i rang bzhin/ phra ma'i rang bzhin khrag gi bdag nyid rin po che'i rigs mnyam pa nyid kyi rang bzhin dang ldan pa/ dpyid kyi dus kyi rang bzhin
- 148b
lan tshwa'i lus kyi rang bzhin Ta'i sde tshan gyis khyab pa/ thun chod gsum pa'i bdag nyid do// 'di'i sngags ni oM AHrat+na d+h+r-i ka hUM zhes pa'o// de'i nub kyi 'dab ma la nyi ma'i dkyil 'khor gyi steng du/ hrIHdmar po las yang/ dag par byung ba'i 'od dpag med kha dog dmar po pad+ma'i phyag mtshan dang ting nge 'dzin gyi phyag rgya 'dzin pa/ 'du shes kyi phung po'i rang bzhin dang / 'dod chags kyi lus dang / khu ba'i bdag nyid dang / pad+ma'i rigs can dang / so sor rtogs pa'i ye shes kyi mtshan nyid dang / so sa ga'i dus kyi rang bzhin dang / ro sbyar ba'i lus/ ta'i rtse chen gyi bdag cid do// nub pa 'phrin dang pa'o// 'di'i bzlas pa'i sngags ni/ oM A/ a ro lag hUM zhes pa'o// de'i byang gi 'dab ma la nyi ma'i dkyil 'khor gyi steng du khaM ljang gu las skyes pa'i don yod grub pa ljang gu sha'i rang bzhin ral gri'i phyag mtshan dang / mi 'jigs pa'i phyag rgya 'dzin pa/ 'du byed kyi phung po'i bdag nyid dang // las kyi rigs dang / phrag dog gi rang bzhin bya ba nan tan gyi ye shes dang / char gyi dus kyi rang bzhin/ ro kha ba'i rang bzhin/ pa'i sde tshan gyi rnam par dag pa dang / nam phyed kyi dus bzhin no// 'di'i bzlas pa'i sngags ni/ oM A pradz+nyA d+h+r-ika hUM zhes pa'o// de dag ni rdo rje'i skyil krung can/ zhal gcig phyag gnyis pa gtsug tor can skra dang kha spu bregs pa/ chos gos gyon pa mtshan sum cu rtsa gnyis dang dpe byad brgyad cus brgyan pa/ stobs bcu dang mi 'jigs pa la sogs pa'i yon tan gyi gzhir gyur pa bu ga dang / sha dang rus pa spangs pa me long gi gzugs brnyan lta bu ste/ bden pa dang brdzun pa la sogs pa'i mtha' dag dang bral ba dri ma med pa rab tu snang ba tsam ste longs spyod rdzogs pa'i sku'o// sku gsum ro gcig pa ngo bo nyid kyi sku'o// 'dus byas pa'i de bzhin nyid kyi bdag nyid chos kyi sku'o// brtags pa'i rnam par shes pa'i sku tha mi dad pa'o// gzugs dang tshor ba dang 'du/
- 149a
shes dang / 'du byed kyi phung po'i bdag nyid rnam par snang mdzad dang rin chen 'byung ldan dang 'od dpag med dang don yod grub rnam par shes pa tsam du rtogs par bya ba'i phyir mi bskyod pas rgyas btab pa/ yin te/ mi bskyod pas dbul brgyan pa'o// rnam par shes pa'i rang bzhin med pa stong pa dang snying rje'i bdag nyid du rtogs par bya ba'i phyir mi bskyod pa la yang rdo rje sems dpa'i rgyas btab pa yin te/ de dag gis r+b+ba// dang 'bras bu'i bdag nyid srid pa dang mya ngan las 'das pa ro gcig pa tsam du 'gro ba 'di dag rtogs par 'gyur ro// de ltar yang / stong nyid snying rje dbyer med pa// gang la sems ni rnam bsgoms pa// de ni sangs rgyas dang ni chos// dge 'dun du yang bstan pa'o// bu ram mngar zhing me tsha ba// ji bzhin pa yi rang bzhin te// chos rnams thams cad stong pa nyid// de bzhin rang bzhin 'dod pa yin// de ltar yang / srid pa dag/ ni yongs shes na// mya ngan zhes de la brjod// me'i mtshams kyi 'dab ma la zla ba'i dkyil 'khor gyi steng du laM dkar po las skyes pa'i spyan ma kha dog dkar mo// mig gi mtshan ma can sa'i khams kyi rang bzhin de bzhin gshegs pa'i rigs las byung ba/ gti mug dga' ma'o// 'di'i sa bon dang sngags ni oM AHlaM hUM swA hA zhes pa'o// bden bral du zla ba'i dkyil 'khor gyi steng du lam nag po'i sa bon las yang dag par byung/ ba/ sA ma kI kha dog mo rdo rje nag mo'i mtshan ma can chu'i khams kyi rang bzhin rdo rje'i rigs zhe sdang dga' ma'o// 'di'i sa bon dang sngags ni oM AHmaM hUM swA hA zhes bya'o// rlung gi phyogs su zla ba'i dkyil 'khor gyi steng du paM gyi sa bon las yang dag par byung ba/ gos dkar mo zhes bya ba'i ming can kha dog dmar po pad+ma'i mtshan ma can me'i khams kyi rang bzhin pad+ma'i rigs 'dod chags dga' ma'o// 'di'i sa bon dang sngags ni oM AHpaM
- 149b
hUM swA hA zhes pa'o// dbang ldan gyi phyogs su zla ba'i dkyil 'khor gyi steng du sngo bsangs traM yongs su gyur pa las sgrol ma kha dog sngo bsangs ut+pa la sngon po'i mtshan ma can/ rlung gi khams kyi rang bzhin las kyi rigs phrag dog dga' ma'o// de'i sa bon dang sngags ni oM AHtraM hUM swA hA zhes pa'o// de la lha mo bzhi ni lo bcu drug lon pa thun mong ma yin par mdzes pa/ gzugs dang lang tsho dang ldan pa ji ltar mdzes par yang dag par gnas/ pa'o// sku bzhi'i bdag nyid sngon bzhin yid du 'ong ba rgyal ba'i yon tan thams cad kyi rang bzhin du gyur pa/ de bzhin gshegs pa lnga'i rang bzhin can de dag gis dbus su A li'i rang bzhin rdo rje sems dpa'i gzugs 'di ni rdo rje dbyings dang po nas grub pa'o// gzhung 'di byas pa'i dge ba rtogs phyir 'bad pa cung zad mdor bsdus slob mas rtogs bya'i phyir/ cho ga 'dir ni bsdus pas sems can rnams la phan pa yun ring du rgyal ba kun gyi lung dang rigs par ldan pa'i phyir/ ma lus dge ba 'di ni bdag gi thob pas 'gro ba rnams ni rgyal gyur cig/ 'di ni rdo rje sems dpa'i rang bzhin lnga pa/ dpal gnyis med rdo rjes mdzad pa rdzogs so// a mr-i de bas zhus te gsol ba btab nas brtsams// // rgya gar skad du/ pradz+nyo pA ya be ya pany+tsa/ bod skad du/ thabs dang shes rab rtse ba lnga pa/ dpal rdo rje sems dpa' la phyag 'tshal lo// rab tu snang ba'i mchog rtse ba// rten cing 'brel par 'byung ba tsam/ gal te med gyur 'ching 'gyur nyid// stong nyid yod pa'i 'dod tsam ma// stong nyid shin tu mchog rtse ba'i// gang gis lus ni dpe med pa// gal te brgya la tha dad gyur// rtse ba'i gtso bo tha da 'gyur// de phyir dogs pa khyo shugs gnyis// bla ma dam pa'i spyan sngar gnas// gnyug ma'i rtse ba de dang de'i// lhan cig skyes pa'i brtse bar mdzod// e ma'o bla ma dam pa mkhas// ngo mtshar 'di 'dra'i thabs mkhas// /
Colophon
'di ni rdo rje sems dpa'i rang bzhin lnga pa/_dpal gnyis med rdo rjes mdzad pa rdzogs so/_/a mr-i de bas zhus te gsol ba btab nas brtsams/