S491MW22083_0491rgyudAll versions of this work

sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa

Text

ff. 95b–101b · 13 folio sides

  1. 95b

    mi mnyam pa dang mnyam pa'i sngags/ sdug bsngal thams cad rab tu zhi bar byed pa'i sngags/ mi brdzun pas na bden pa shes par bya ste/ shes rab kyi pha rol tu phyin pa'i sngags/ smras pa tad+ya thA/ oM ga te ga te pA ra ga te/ pA ra saM ga te/ b+ho d+hi swA hA/ shA ri ri bu de lta bas na byang chub sems dpa' sems dpa' chen pos de ltar shes rab kyi pha rol tu phyin pa zab mo la bslab par bya'o// de nas bcom ldan 'das ting nge 'dzin de las bzhengs te/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin nas/ legs so/ legs so// rigs kyi bu de de bzhin no// rigs kyi bu de de bzhin te/ ji ltar khyod kyis bstan pa de bzhin du shes rab kyi pha rol tu phyin pa zab mo la spyad par bya ste/ de bzhin gshegs pa rnams kyang rjes su yi rang ngo / / bcom ldan 'das kyis de skad ces bka' stsal nas/ tshe dang ldan pa shA ri'i bu dang / byang chub sems dpa' spyan ras gzigs dbang phyug dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs po la mngon par bstod do// bcom ldan 'das ma shes rab kyi pha rol tu phyin pa'i snying po zhes bya ba'i mdo rdzogs so/ / / sangs rgyas 'khor dang bcas pa'i mtshan brgya rtsa brgyad pa gzungs

  2. 96a

    sngags dang bcas pa/ sangs rgyas bcom ldan 'das kyis ca brgya rdzu brgyad bu gzung sngags dang bcas pa/ thams cad mkhyen pa la phyag 'tshal lo// bcom ldan 'das snying rje'i cin ngan dri zhim pa'i khros chus blugs pa'i klu/ zhabs pad+ma ljang dadu lha ma yin gyi nor bu'i cod pan gyis gtugs pa/ rang byung sel mdzad tha ma 'jog rten la phan par mdzad pa/ ston pa de bzhin gshegs parngub pa nyes pa dang bral ba/ zhi ba'i bdag nyid can/ gzugs mdzes pa/ mtshan gsal ba'i gzibarjid can/ sku dpe byad kyis brgyan pa/ yon tan thams cad yang dag par rdzogs pa la phyag 'tshal lo/ / pad+ma rgyus bltar ral ba'ang de/ tshems dkar 'di snyoms la thags bzang bas rab tu rgyas shing sdang la nor bu de mang pa ltar 'od gsal zhing mdzes te/ spa ring gsal ba lani mthong me stong 'bar ba mang pa'i 'od snang pa'i kyil 'khor zil gyis gnon pa/ rtsub pa'i mchog stobs bzang nga ldan pa 'i phyag 'tshal lo// 'dud // oMdz+dza/ hrI hUM/ AhA/ d+hA/ shig/ ti shA tI/ sham shas sha R+sha pa ya/ tathA ga ta/ an+t+ra ga ta/ swa b+hA thA/ a b+hA ba/ sa sud tA sa/ sas mab la/ a bi ra la ba la/ a mai ta ba la/ a ti la/ tsits+tshats+tshi/ d+hI dz+nyA bI T+Teru/ Shi dzi/ b+ha ga 'aM/ b+han ta ka su ra ta zlog ma/ shA ta~M kar/ pra ba gi groSha na she ga sa/ de nas dpe byang mtshar gas la bas// man la ga thams cad rab brgya ni them rje

  3. 96b

    gsal ba'o/ / 'bar ba'i dkyil 'khor rgyan mnga' ba// grags shing dri ma rab spangs la// dri med skyon bral chos kyi blo// khyab bdag chen po stobs bcur ldan// rdul bral dpal dang ldan pa po/ / rin chen sa gzhi chen po la// pho zang rtse mo rdo rje rtse// rgyal ba'i sras rnams gnas gyur pa// nor bu du ma rab 'phro zhing // 'od zer dri med gsal bkod pa'i// rdo rje'i dkyil 'khor pho brang na/ / thub pa'i longs spyod sa gzhi la// seng ge'i khri chen yangs la bzhugs// nor bu'i dbyig gi sa gzhi dang // khri chen rab spa de nyid la// de bzhin gshegs pa dgyes chen gyi/ phun sum tshogs pa rgyan bkod lta// thub pa me zla nor bu'i 'od// nyi zer non pa'i 'od ldan pa// bde blag shin tu bkra shis tshul// 'od gsal skyil mo krung bcas nas// sku 'od 'bar ba'i dkyil 'khor can/ / 'od gsal rgyas pa thub dbang gis// dri med 'od zer bkye ba ni// mi g.yo rdo rje can zhes bya// dkyil 'khor chen por zhugs pa yi// rdo rje can dag rab 'dul ba gang yin de kun dag byas nas/ / dkyil 'khor dri med skor bar byed// ngan song ngam tshig dri ma kun// legs par shin tu dag byas so// srid gsum dkyil 'khor rgya che la// rnam pa du mar 'od gsal ba/ / 'gro dang mi 'gro ma lus pa// bkod nas bde chen rdo rje can// rdo rje ral gri thogs pa de// cod pan ma g.yos nang du zhugs// de nas 'jigs pa'i sgra skad kyis/

  4. 97a

    'gengs shing mig ni glog ltar 'gyu// rig sngags hUM zhes smog pa po// rdo rje 'jigs byed 'jigs byed pa// bzhin mdzes 'dzum gyis rnam par brgyan// sdig med mig rgod gyur cing / / stan las langs te phyag 'tshal nas// legs par mchod byas smras pa ni// kye ma skye ba'i phyogs 'joms shing // bskal pa du ma'i dri ma sel// rig sngags yon tan sgrub byed pa/ / thub mchog rnams kyis rab tu gsungs// de gzigs dge ba du ma brnyes// sangs rgyas blo gros rgyas par gyur// byang chub sems dpa' blo gros che// bskal pa gcig tu spyod pas kyang / / brgyud mar sangs rgyas kun 'byung zhing // spyod pa du ma 'byung ba yi// yon tan 'di yis spos ldan 'di// thob pas spro bar mi nus so// longs spyod rgya mtsho chen po can// byang chub/ sems mchog dkyil 'khor du// rgyal mchog rnams kyis dbang bskur ba'i// phyir mi ldog pa'i chos chen ldan/ 'di thos sangs rgyas spyod pa yis// sems can kun gyi sdig pa rnams// ma lus rab tu bsal nas ni/ / blo gros dri ma med par 'gyur// zhi zhing dag byed bkra shis la// rdul med rgyan te zhi bar byed// dge zhing mya ngan thams cad sel// sdug bsngal thams cad nges par 'joms// dpa byed gsang sngags dam pa ste/ / sa stengs sdig pa thams cad sel// ma smad 'bras bu nges par sbyin// bstan pa yin te sdang ba 'dul// nyes pa byas pa sel ba yi// gzungs 'di gang gis thos gyur

  5. 97b

    des/ sangs rgyas rnyed par dka' ba yang // ring por mi thogs thob par 'gyur// sgrib pa thams cad rab zhi zhing // khyab bdag nyon mongs kun sel ba// gang zhig nyon mongs zhi byed pa// gzungs 'di 'chang bar byed pa yis/ / kun tu bzang po nyid dang ni// lag na rdo rje nyid kyang 'thob// rig sngags 'chang gi bdag po yang // 'di thos pas ni thob par 'gyur// 'jig rten kun la lham me gar bcom ldan rnam par snang mdzad kyi/ / dkyil 'khor dam pa gting med pa// 'di ni ji srid ma gsan par// rab ni nyon mongs 'dul ba yi// rang byung go 'phang ma brnyes te// rnam par dag phyir gsan gyur nas/ / gsan ma thag tu rnam par dag/ de phyir phun sum tshogs pa dang // legs par 'dod pas brjod par bya// gzhan gyis mi thub gzungs gsan nas// thub pa kun// gyis gang brnyes pa// 'khor ba 'di ni nem du yang // bdud kyi las dang 'khrug med dang // mya ngan med cing 'thab med pa// gzungs la gnas pas 'thob par 'gyur// gnas kyi dam pa thos nas kyang / / thub pa dri ma med pa'i blo// gzigs pa bzang rnams gar gshegs pa'i// bzang 'gro der ni 'gro bar 'gyur// legs pa 'dod pa rnams kyis ni// tshig gi mdo 'di mnyan par gyis/ / nyon mongs zad par bya ba la// rgyal bas gsungs pa'i gzungs 'dis chog/ sdig pa byed cing dge la sdang // sdig pa'i rang bzhin rab 'jungs pa// gang gis thos nas des spong ba//

  6. 98a

    nga yis mngon sum 'byor par 'gyur// sdig pa gzhan yang mi bya zhing // snga ma rnams kyang bshags par bya// gzungs mchog gi ni mthu stobs kyis// sdig pa thams cad 'byang bar 'gyur/ / tshe rabs gzhan ni stong dag dang // tshe rabs bye ba phrag brgyar yang // sdig pa ming dge gang byas pa// ngag 'gyur 'di la the tsom med// yar gyi ngo yi tshes brgyad dang / / de bzhin chos ni bco lnga la// bsnyen gnas legs par lhur blangs te// cho ga bzhin du sangs rgyas mchod// de nas rmongs pa med par yang // nyon mongs dgra ni rab 'joms shing / shin tu thub dka' dpe med pa// nyes pa zlog pa'i gzungs brjod na// thub pa'i zhal gyi zla ba'i 'od// 'bas nges par mthong bar 'gyur// de nas tshogs rnams rdzogs pa yang // rgyal ba'i sras po nyid du 'gyur/ / 'od dpag med la mnga' ba yi// yon tan mtha' yas rab brgyan pa// bskal pa bye ba stong du yang // mtha' mi rtogs pa thob par 'gyur// de nas rdo rje 'chang gi tshig/ dkyil 'khor dag na gnas rnams kyis// thos nas rgyan rnams sna tshogs pa// bcom ldan 'das la 'bul bar byed// rdo rje ril ba la sogs pa// lha bdag gsal ba thams cad dang / ri bo ta sa ri rab la// gnas pa'i rig sngags 'chang rnams dang // de bzhin dkyil 'khor chen po na// 'khod pa'i rig sngags 'chang rnams dang // ma la ya yi ri bol// gnas shing rgyan

  7. 98b

    'bar thogs rnams dang / / khyab 'jug lha chen la sogs pa// lha yi bdag po rnams dang ni// lag na rdo rje la sogs pa// byang chub sems dpa' stobs chen rnams// nor bu'i dpung rgyan/ rnarma dang // rgyan rnams rab tu g.yo ba'i lus// rab tu bskyed de langs nas ni// sdig bral mnga' dag rgyal ba la// phyag 'tshal thal mo sbyar byas nas// kun gyis yi dbang phyug go// thub mchog dam pa de la ni/ / mtshan brgya rtsa brgyad dag gis bstod// mnyam nyid chos de de bzhin nyid// shin tu rtogs pa lham me ga/ dul ba bstan pa dri ma sel// dri ma med pa sgron bral ba// thub pa sangs rgyas shin tu zhi// 'jig rten mgon po skye dgu'i bdag/ de bzhin gshegs pa nyon mongs thul// de bzhin rgyal ba rdul bsal ba// ston pa ston mdzad brtan pa ste// sdig pa med pa rdul dang bral// 'jig rten mgon po snang mdzad pa// dag pa zhi ba zas gtsang sras// nyon mongs rab bcom phan 'dogs pa// ston pa po de dri ma sel// spyod tshul dri med tshul bzang ba/ / zab pa rnam par gnon pa brtan// btsan po thugs brtse rnam par rgyal// mgon po de bzhin mgon mdzad pa// zhi ba'i bdag nyid zhe sdang bral// bcings pa las grol nges par grol/ / 'jig rten kun mchog 'khra ba'i sa// bdag gir mi 'dzin dri ma med// nyon mongs sel ba dpal dang ldan// dpal mdzad de bzhin phan mdzad pa// mas

  8. 99a

    pa med pa dpe med pa/ / khyab bdag nyon mongs las rnams spong // khengs pa med pa dman pa med// mnyam pa de bzhin mi mnyam mnyam// snang ba mnyes pa snang byed med/ / 'jig rten snang mdzad sdig med pa// sgrib pa thams cad spangs pa ste// 'jig rten kun la phan par brtson// dpa' bo zhi bzhi mdzad pa// nyon mongs dgra rnams zad par mdzad/ / mnga' bdag thabs mkhyen thabs che ba// sems can kun gyi 'khras lags// don yod rnyed dka' blo dang ldan// rdo rje dkyil 'khor thub par dka'// skyobs pa 'jigs sel tshangs pa ste/ / de bzhin sangs rgyas chos 'dzin pa// dpa' bo chen po 'jigs pa med// gzugs bzang mtshan rnams gsal ba ste// sum cu rtsa gnyis mtshan mnga' ba// chos kyi long spyod rgya mtsho lags/ / dpe byad bzang po bkod pa'i sa// spras pa'i bdag nyid ya mtshan ston// dka' ba med pa'i ston pa po// de bzhin nges pa bde sbyin pa// mthu chen yangs pa rgya che ba// bdud bzhi'i stobs rnams sel mdzad pa/ / brtson chen spro ba che ba ste// dgyes pa chen po stobs po che// mthu brnyes bstan pa chen po ste// gnas ldan dbang gis ngar ba lags// gsal ba gsung ldan dpe med pa/ / dge ba stong pa nyid kyis rgyal// rab tu zhi ba mun pa med// blo gros chen po chos 'dzin te// phun sum tshogs ldan sa chen brnyes// 'dod pa rnams ni 'dul mdzad pa// dpal

  9. 99b

    mdzad dpal mnga' dpal dang ldan/ / dpal gyi longs spyod shin tu rgyus// bcom ldan legs bgo bgo bar mdzad// gsung ldan bkra shis rgyal ba'i gnas// mnyam nyid mnyam pa nyid mkhyen pa/ mnyam pa nyid kyi mtshan dpag med// rab tu dgyes la longs spyod gsal// gzhi bcas sel ba mnyam pa lags// blo dag blo ldan dri ma spangs// gnas chen brten pa ldan pa ste// rgyal ba longs spyod dri ma med// thub pa thugs rje'i rgyan mnga' ba// bskal pa bzang po 'jigs pa'i skyabs// de bzhin 'jigs med nyon mongs sel// dri med skyon bral longs spyod can// sna tshogs 'od ljon dkyil 'khor mdzes// sku bzang dge ba rig pa'i mchog/ thugs rje'i 'od ldan 'ong bzang ba// mi gnas longs spyod dam pa lags// chos kyi rgyu ste yon tan gnas// rje 'os mchog gnas longs spyod che// nam mkha'i mtshan te rnam dag blo// rin chen gzugs 'dra bkra shis pa// khyu mchog che spyan brdzi ma// rgyal ba skyon bsal shes rab can// shes rab thabs dang ldan pa ste/ / 'jig rten mi dge kun las 'das// dag par longs spyod brtan pa dang // sa dang stobs dang ye shes bzod// pha rol phyin pa kun la mnga'// ting 'dzin mnyam par longs spyod pa// rnam par bgol mngon sum pa// stong pas sangs rgyas kun dang mnyam// chos chen bde bar 'char ba lags// thams cad mkhyen

  10. 100a

    pa yul las 'das/ / spyod yul sgrib pa mi mnga' ba// byang chub sems dpa'i dbang po rgyal// dam pa'i don de tshul che ba// shes bya'i yul rnams mtha' dag la/ sgrib pa med par 'char ba brnyes// rin chen mthun par skyes pa ste// de bzhin gshegs pa'i dge ba'i gnas// khyad par brnyes pa mnyam nyid brnyes// mi mnyam sangs rgyas kun dang mnyam// don chen shin tu mthar phyin pa// nyon mongs bral ba thub par dka'// dge sbyong sdig pa sbyong mdzad pa// gnod pa med par bde bar 'byin// blo rgya che ba thams cad mkhyen// thos pa'i mtshon cha ma lus gas na/ / dkon pa bde bar 'thob 'gyur ba// mnyam pa khyad par yul dang ldan// 'jig rten thams cad dar mdzad mgon// zhi gnas mtshon cha thub par dka'// bsam gyis mi khyab bsam yas yul/ / dpe med pa ste dper bya ba// 'od bzang rab dgyes dpal dang ldan// legs gsung blo yi stobs kyis 'byung // mkhas pa zhal bzang bde sbyin pa// rab dgyes 'das pa'i spyod yul can/ / gsung ba chen po ye shes che// gnas chen bkra shis chen po ste// mchod par gyur pa yul las 'das// bya ba'i mtshan nyid med pa po// sangs rgyas yul du skyes pa ste/ / shes bya'i spyod yul rgya che ba// kun mkhyen longs spyod 'bras bu can// 'jig rten dbang 'das spyod yul ba// kun mkhyen yul gyi snang ba ste// thabs mkhas phun sum tshogs

  11. 100b

    ldan pa/ / rdzu 'phrul rol pa'i thabs dang ldan// chos kyi gar thabs ston pa po// rab ston yon tan bsgyur mdzad pa// spyod pa ma lus 'dud par mdzad// yongs su rdzogs pa rnam par dag sangs rgyas spyod yul rnam sangs rgyas/ / bgegs med ma legs byed pa btsem// bdud kyi dregs pa sel bar mdzad// g.yul ngor rnam par rgyal ba brnyes// dpa' bo chen po thub med stobs// theg pa chen po'i shing rta bcibs// blo chen brgal bar dka' ba yi// nyon mongs rgya mtsho'i pha rol gshegs// theg pa chen po'i tshul la gnas// theg pa mchog la longs spyod pa// nyan thos 'das pa'i spyod yul can/ / rang rgyal las kyang 'das pa ste// sangs rgyas pa yi 'bras bu gnas// gong nas gong du khyad par mkhyen// khyod ni nam mkha'i gnas na bzhugs// bde 'byungs dang zhing rnams kyi/ / mtsho chen dag la longs par spyod// sangs rgyas dbang po rgyas pa la// mtshan brgya rtsa brgyad kyis bstod nas// de la lha tshogs tshogs rnams kyis// phyag byas mgo smad phyogs gcig 'khod/ / de nas dkyil 'khor chen po na// gnas pa ma lus chem mer 'khod// thod du rdo rje'i thod 'ching zhing // langs nas cod pan rab tu g.yos// dkyil 'khor mthon po thams cad du/ / skang ber chen por yongs bkang nas// nor bu'i rgyan ni rnam g.yo zhing // ha ha drag po'i sgra grogs ste// kye ma sangs rgyas yon tan che// bskal pa grangs

  12. 101a

    med gsum bsags pa/ / byang chub sems sogs mchog rnams kyis// mtshan brgya rtsa brgyad legs par brjod// kye ma rnyed dang bde 'byung ba// mtshan brgya rtsa brgyad thos nas kyang / / gang zhig klog cing rgyal la bstod// 'bras bu chen po 'grub par 'gyur// mtshan brgya rtsa brgyad sngags bcas pa// bcom ldan 'das drung brjod na ni// sgrib dang kun nas nyon mongs dang / / sdig pa thams cad dag pa 'thob// mtshan brgya rtsa brgyad mchog bton na// sgrib pa kun las nges grol zhing // nyon mongs mtha' dag rnam par spongs// shes rab che ba nyid du 'gyur// de ni longs spyod chen po dang // bde ba las kyang nyams mi 'gyur// de ni tshe rabs thams cad du// blo ldan tshe rabs dran par 'gyur// de nas rdo rje thod 'ching ba/ / yon tan mtha' yas sras de la// bcom ldan bdud las rgyal ba yis// mngon sum gzigs nas bka' stsal pa// rgyal ba'i sa 'di zhi ba ste// nga rgyal la sogs nyon mongs 'joms/ / 'jig rten bde ba kun las 'das// de bzhin gshegs bde mngon du phyogs// gzhan gyis mi tshugs gzungs dang ni// mtshan brgya rtsa brgyad nyan byed pa// de dag rnam dag bdag nyid de/ / sems can kun la bde 'dod pa// lan cig thos pa tsam gyis kyang // de dgas chen 'bras bur 'gyur// ring por mi thogs dga' 'gyur na// 'chang sogs lta la ci zhig smos//

  13. 101b

    de phyir rtag tu rab bsgrims la// gtan du bde ba 'dod pa yis// yon tan rgya mtsho ldan pa'i gzungs// mnyan par bya zhing bcang bar bya// gang zhig nang par langs nas brjod// bdag nyid kyis kyang bton na ni/ / de yi don kun 'grub 'gyur la// gnod pa dang yang phrad mi 'gyur// 'di ni yon tan kun gyi snod// dge ba phun sum tshogs sbyin pa// kun mkhyen 'bras bu bla med mchog bde 'byung thob par byed pa yin/ / 'bras bu 'byor pa ci yang rung // thob par mi 'gyur dogs pa med// kun mkhyen go 'phang thob gyur nas// dpe med gnas su 'gro bar 'gyur// 'di ni dge zhing 'bras bur ldan/ / sangs rgyas sa yi 'bras bu sbyin// yid du 'ong zhing yon tan ldan// snying rje dri ma med sbyin pa// 'di ni mnyam pa nyid kyi mdo// 'jig rten kun gnas dga' ba ste// 'jig rten kun gyi bde 'byung ba// 'di dang 'dra ba gang yang med// ston pa sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa rdzogs so// de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo// tad+ya thA/ oM mu ni mu ni ma hA mu ni ye swA hA/ lan cig bzlas brjod byas na bskal pa bye ba brgya phrag brgyad khri'i bar du sdig pa byas pa gang yin pa de dag thams cad 'byang bar 'gyur ro/ / 'phags pa shAkya thub pa'i snying po'i gzungs rdzogs so//

Colophon

ston pa sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa rdzogs so/