'phags pa dkyil 'khor brgyad pa zhes bya ba'i theg pa chen po'i mdo
Āryaaṣṭamaṇḍakakannamamahāyanasūtra
Text
ff. 17b–19a · 4 folio sides
- 17b
tshugs par mi 'gyur/ me dang srog chags mi bsrun pa rnams kyis tshugs par mi 'gyur ro// de ci'i phyir zhe na/ 'di lta ste rigs kyi bu gzungs 'di ni 'das pa'i sangs rgyas bcom ldan 'das rnams kyi yum mo// ma 'ongs pa dang / da ltar byung ba'i sangs rgyas rnams kyi yum mo// shA ri'i bu rigs kyi bu 'am/ rigs kyi bu me/ gang la las/ stong gsum gyi stong chen po grangs med pa bcu mthar chags su gang ba'i sangs rgyas rnams la na bza' dang / zhal zas bzang pos bskal pa grangs med par bzung bar bya bas rigs kyi bu 'am rigs kyi bu mo gzhan gang gis gzung 'di las tha na tshig gam cig tsam bzung ba/ de bas ches bsod nams mang du bskyed// de ci'i phyir zhe na/ sha ri'i bu dbang bskur ba'i gzungs 'di ni/ sangs rgyas thams cad kyi yum yin pa'i phyir ro// bcom ldan 'das kyi de skad ces bka' stsal nas// dge slong deg dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa dbang bskur ba zhes bya ba'i gzungs rdzogs so// / rgya gar skad du/ Ar+ya aSh+Ta maN+Da la kan na ma ma hA ya na sU tra/ bod skad du/ 'phags pa dkyil 'khor brgyad pa zhes bya ba'i theg pa chen po'i mdo// sangs rgyas dang byang chub sems dpa' thams cad la phyag
- 18a
'tshal lo// 'di skad bdag gis thos pa'i dus gcig na/ bcom ldan 'das ri gru 'dzin na 'phags pa spyan ras gzigs dbang phyug gis gnas na byang chub sems dpa' 'bum phrag du ma dang thabs gcig tu bzhugs te/ de nas byang chub sems dpa' sems dpa' chen po rin po chen snying po zla ba snang ba zhes bya ba/ byang chub sems dpa'i 'khor de nyid du 'dus par gyur te 'dug pa stan las langs nas/ chos gos phrag pa gcig tu bzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal zhus na zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom ba yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis byang chub sems dpa' sems dpa' chen po rin chen snying po bzla ba la 'ding skad ces bka' stsal to// rin chen sring po zla ba snang ba khyod/ ci dang ci 'dod pa dris shig dang / ngas dris pa de dang de lung bstan pas/ khyod kyi sems rengs par bya'o// de skad ces bka' stsal ba dang / byang chub sems dpa' sems dpa' chen po rin chen snying po zla ba snang bas/
- 18b
bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo gang la la/ dkyil 'khor brgyad bgyid par 'tshal na des ji ltar bgyi/ bcom ldan 'das kyis bka' stsal pa/ rigs kyi bu khyod skye bo mang po la shin du phan pa dang / skye bo mang po la bde ba dang / dus gsum du skye ba'i sems can rnams kyi mtshungs ba med pa'i ye shes bsgrub pa'i phyir/ rigs kyi bu khyod kyi spobs pa ni bzang te/ legs so legs so// rigs kyi bu de'i phyir snying po gang brjod pa tsam gyis/ mtshams med pa lnga byang zhing / dngos grub thams cad kyang thobs par gyur pa/ byang chub sems dpa' brgyad kyi snying po nyon cig/ oM hu 'um ma hA bi re swA hA/ snying po 'dis ni dbus kyi bcom ldan 'das mchod do// oM hriH/ hu 'um pad ma pri yA ya swA hA/ 'phags pa spyan ras gzigs dbang phyug gi snying po'o// oM swa hA ra na swA hA/ byams pa'i snying po'o// oM A kha garbe swA hA/ na mkha'i snying po'i snying po'o// oM sA hri rdzi ya swA hA/ kun tu bzang po'i snying po'o// oM ku ru rba na hA ra swA hA/ lag na rdo rje snying po'o// oM shrI AM raM ga swA hA/ 'jam dpal gzhon nur gyur pa'i snying po'o// oM ni sI raM ba swA hA/ sgrib pa thams cad rnam par sel ba'i snying po'o// oM k+Shi ti hA rA dze swA hA/ sa'i snying po'i snying po'o// byang chub sems dpa' brgyad kyi snying po de bzhin gshegs pa dang ldan pa 'di/ rigs kyi bu 'am/ rigs kyi bu mo gang
- 19a
la la zhig gis/ dkyil 'khor gyi mdun du lan gcig brjod na/ de'i don thams cad 'grub par 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po de dag yid rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba'i gzungs rdzogs so// / rgya gar skad du/ Ar+ya ASh+Ta maN+Da d+harma bar+ya na ma ma hA ya na sU tra/ bod skad du/ 'phags pa dkyil 'khor brgyad pa zhes bya ba'i chos kyi rnam grangs theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na rgyal po brgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang / byang chub sems dpa'i dge 'dun chen po dang thabs gcig tu bzhugs te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa du mas yongs su bskor te/ 'dun gyis ltas pa dang / chos ston to// de nas de'i tshe byang chub sems dpa' seng ge'i rgyal po bkod
Colophon
'phags pa dkyil 'khor brgyad pa zhes bya ba'i gzungs so/