'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs
Āryasarbbadurgatipariśodhaniuṣṇīṣabijayanāmadhāraṇi
Text
ff. 203b–210a · 14 folio sides
- 203b
sbrul shun pa brjes pa dang 'dra bar rang gi lus bor te/ bde ba can gyi 'jig rten gyi khams su skye bar 'gyur ro// dmyal ba'i sgran bug tu'ang thos par mi 'gyur na/ 'bras bu smin par lta'ang ga la 'gyur// glang dang gang du skyes pa de dang de ru skye ba dran par 'gyur ro// bcom ldan 'das kyis de skad ces bka' stsal pa dang / thams cad ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs so/ / // rgya gar skad du/ Ar+ya sar+b+ba durga ti pa ri sho d+ha ni uSh+NI ra bi dza ya nA ma d+hA ra Ni/ bod skad du/ 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// de nas lha'i bu shin tu brnyan ba zhes bya ba ni gsum cu rtsa gsum gyi lha rnams kyi nang chos bzang lha'i bdun san gnas te/ lha'i gzhal yas khang chen po na lha'i longs spyod chen po dang / lha'i bu mo'i tshogs chen pos bskor nas rtse dga' zhing dga' mgur spyod de/ de lha'i longs spyod myong ba las mtshan mo sgra zhig thos pa/ lha'i bu shin tu brtan bzhag bdun gyi nyin par 'chi ba'i dus byed de/ de 'chi ba'i dus
- 204a
byas nas kyang 'dzam bu'i gling du skyes te/ der yang 'gro ba bdun po myong bar 'gyur ro// 'gro ba bdun po myong nas sems can dmyal bar skye bar 'gyur ro// brgya la nam zhig mir skyes par gyur na'ang der dbul por 'gyur zhing dmus long du 'gyur ro zhes des thos so/ / de nas lha'i bu des sgra de thos nas 'jigs skrag sngangs te spu zing zhes byed par gyur nas/ de rings pa rings par lha'i dbang po brgya byin ga la ba der song ste phyin nas/ de nas lha'i dbang po brgya byin gyi rkang pa la phyag byas te/ brtabs par smra zhing de kyi hud kyi hud ces smre sngags 'don bzhin dulha'i dbang po brgya byin la 'di skad ces smras so/ / lha'i dbang po gsan du gsol/ lha'i dbang po bdag deng lha'i bu mo'i tshogs kyis bskor te/ lha'i longs spyod kyi dga' bas rtse zhing bde ba myong ba las sgra zhig thos pa/ lha'i bu shin tu brtan pa zhag bdun na 'chi ba'i dus byed par 'gyur te/ 'dzam bu'i gling du skye bar 'gyur ro// der yang de 'gro ba bdun myong nas sems can dmyal bar skye bar 'gyur ro/ / brgya la nam zhig mir skyes par gyur na'ang der de dbul por 'gyur zhing dmus long du'ang 'gyur ro zhes thos na// lha'i dbang po de la bdag gis ji ltar bsgrub par bgyi/ de nas lha'i dbang po brgya byin gyis lha'i bu shin tu brtan pa'i tshig de thos nas shin tu ngo mtshar du 'dzin par gyur te/ lha'i bu 'dis 'gro ba bdun po gang dag myong bar 'gyur snyam du sems shing skad cig cang mi smra bar 'dug
- 204b
pa dang / 'gro ba bdun ni phag gi skye gnas dang / khyi dang / tha dang / spre'u dang / sbrul gdug pa dang / bya rgod dang / bya ba ste/ 'gro ba bdun po de dag shin tu mi gtsang ba za ba myong bar 'gyur ba mthong ngo // de nas lha'i dbang po brgya byin gyis 'gro ba bdun po de dag mthong nas 'di snyam du/ e ma lha'i bu 'di sdug bsngal mi bzad pa chen po myong bar 'gyur na/ de bzhin gshegs pa dgra bcom pa yang dag par rdzogs pa'i sangs rgyas ma gtogs par de'i skyabs dang / rten dang / dpung gnyen du 'gyur ba su yod snyam du bsams so// de nas lha'i dbang po brgya byin nub mo de'i srod la spos dang / me tog dang / bdug pa sna tshogs dang / gos dang / rgyan sna tshogs la sogs pa khyer nas/ bcom ldan 'das ga la ba der song ste phyin pa dang / bcom ldan 'das kyi zhabs la mgo bo phyag 'tshal te lan bdun bskor ba byas nas mchod pa chen po byas te/ bcom ldan 'das kyi spyan sngar 'dug nas lha'i bu shin tu brtan pa'i 'gro ba bdun po dgra bcom ldan 'das la zhib tu gsol to// lha'i dbang po brgya byin gyis 'gro ba bdun po de dag gsol ma thag tu/ de nas bcom ldan 'das kyi gtsug tor nas 'od zer sna tshogs byung ste/ des phyogs bcu'i 'jig rten gyi khams kyi gnas thams cad kun nas snang bar byas te slar log nas bcom ldan 'das kyi zhal gyi sgor zhugs so/ / de nas bcom ldan 'das kyis 'dzum pa mdzad nas/ lha'i dbang po brgya byin la 'di skad ces bka' stsal to// lha'i dbang po gtsug tor rnam par rgyal ba
- 205a
zhes bya ba'i gzungs de bzhin gshegs pas spyi bo nas dbang bskur ba/ ngan 'gro thams cad yongs su sbyong ba/ sgrib pa dang sdug bsngal bar skye ba thams cad 'jig par byed pa sems can dmyal ba dang / byol song gi skye gnas dang / gshin rje'i 'jig rten thams cad yongs su sbyong ba/ bde 'gro'i lam du 'jog pa yod de/ lha'i dbang po de lta bas na gtsug tor rnam par rgyal ba zhes bya ba'i gzungs ngan 'gro thams cad yongs su sbyong ba thos ma thag tu sgrib par 'gyur ba'i sdug bsngal gyi rang bzhin sna tshogs tshe brje ba shin tu mang po dag 'jig par byed do/ / skye ba yongs su dag pa'i rgyud thob par 'gyur ro// tsher rabs thams cad du'ang tsher bas dran par 'gyur ro// sangs rgyas kyi zhing nas sangs rgyas kyi zhing du 'gro bar 'gyur ro// lha'i 'jig rten nas lha'i 'jig rten du 'gro bar 'gyur te/ / lha'i gnas sum cu rtsa gsum gyi bar du 'gro bar 'gyur ro// lha'i dbang po de brjod ma thag tu tshe zad pa'i mi'ang tshe phyir nur bar 'gyur ba'i las thob par 'gyur ro/ / lus dang / ngag dang / yid kyi las yongs su dag pa// yongs su bsags pa bde bar reg pa la gnas pas gnas par 'gyur ro// de bzhin gshegs pa thams cad kyang de la gzigs so/ / de dag kyang de la rtag tu rgyun mi 'chad par bsrung ba dang / bskyab pa dang / sbab mdzad par 'gyur ro// byang chub sems dpa' thams cad kyang de la sems par
- 205b
'gyur/ brjod pa tsam gyis sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul thams cad skems par 'gyur/ rnam par 'jig par 'gyur/ rnam par 'thor bar 'gyur/ rnam par sel bar 'gyur/ stongs par 'gyur ro// de ltar de la sangs rgyas kyi zhing thams cad dang / lha'i gnas thams cad dang / byang chub sems dpa'i gnas thams cad kyi sgo rnams phye bar 'gyur ro/ / de gang 'dod pa der 'jug par 'gyur ro// de nas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das gzungs de bka' stsal du gsol/ sems can thams cad kyi srog la sman gdags par mdzad du gsol// de nas bcom ldan 'das kyis/ lha'i dbang po brgya byin gyis gsol ba ba ta ba pa mkhyen nas gzungs 'di dag bka' stsal to/ / oM na mo b+ha ga ba te sar+b+ba trai lo kya pra ti bi shiSh+Tha ya bud+d+hA ya te na maHtad+ya thA/ au b+hU b+h+yAMb+h+yAM/ sho d+ha ya shod+ha ya/ bi sho d+ha ya bi sho d+ha ya/ a sam sa man+ta a ba b+hA sa s+pha ra Na ga ti/ ga ga na swa b+hA ba bi shud+d+ha/ a b+hi shiny+tsan+tu maM/ sar+b+ba ta thA ga tAHsu ga ta ba ra ba tse na/ a mr-i ta a b+hi She kai ra/ mo hA mu dra/ man+t+ra ba daiHA ha ra A ha ra/ ma ma A yu/ san d+ha riNi/ sho d+ha ya sho d+ha ya/ bi sho d+ha ya bi sho d+ha ya/ ka ga nas b+hA ba bi shud+d+he uk+Sh+mI Sha bi dza ya pa ri shud+d+he/ sa ha swa rasmi sa tsa di te/ sar+b+ba ta thA ga ta ma ba lo ki ni/ Shan+na mi tA pa ri pU ra Ni/ sar+b+baH
- 206a
thA ga ta mA te da sha b+hU mi pra tiSh+Thi te/ sar+b+ba ta thA ga tA hr-i da ya a d+hiShA na a d+hiSh+Thi te/ murbe mu dre/ ma hA mud+de/ badz+ra kA ya saM ha ta nA/ pa ri shud+d+he/ sar+b+ba karma A ba ra Na bi shud+d+heH pra ti ni brta ya/ ma ma A yur bi shud+d+he/ sar+b+ba ta thA ga tA sa ma ya a d+hiSh+Ta Na a d+hiSh+Thi te/ oM mu ni mu ne/ ma phA mu ni/ bi mu ni bi mu ni/ ma hA bi mu ni/ ma ti ma ti/ ma hA ma ti/ ma ma tisu ma ti/ ta thA tA/ b+hU ta ko Ti/ pa ri shud+d+he/ bi s+phu Ta/ bud+d+he shud+d+he/ he he/ dza ya dza ya/ bi dza ya bi dza ya/ sma ra smar/ s+pha rasma ra/ s+phu ra s+phA ra ya/ sar+b+ba bud+d+ha a d+hiSh+ThA na a d+hiSh+Thi te/ shud+d+he shud+d+he / bud+d+he bud+d+he/ badz+re badz+re/ ma hA badz+ri/ su bidz+ri/ badz+ra gar+b+he/ dza ya gar+b+he/ bi dza ya gan+d+he/ badz+ra dz+wa lA gan+d+he/ badz+ra mud b+ha be/ badz+ra sa b+ha bo/ bidz+re badz+rI ni/ badz+ram+b+ha ba tu/ ma ma shi ri raM sarba satwa nAH kA ya pa ri shud+d+hi ra b+ha ba tu/ sa dA me sar+b+ba ga ti pa ri shud d+hish+tsa/ sar+b+ba ta thA ga tAsh+tsa maM sa ma sA sa yan+ta/ bu d+h+ya bu d+h+yaHsi d+h+ya si d+h+yaH/ bo d+ha ya bo d+ha ya/ bi bo d+ha ya bi bi d+ha ya/ mo tsa ya mo tsa ya/ bi ma tsa ya bi mo tsa ya/ sho d+ha ya sho d+ha ya/ bi sho d+ha ya bi sho d+ha ya/ sa man tIn/ mo tsa ya mo tsa ya/ sa man+ta rasmi pa r-i shud+d+he/ sar+b+ba ta thA ba tA hr-id ya ma d+hiSh+ThA na ma d+hiSh+Thi te/ mu dre ru dre/ ma hA mu dredri ma hA mu drA man+t+ra pa taiHswA hA/ lha'i dbang po gtsug tor rnam par rgyal ba zhes bya ba'i gzungs ngan 'gro thams cad yongs su sbyong ba/ sdig pa dang / lis dang / sgrib pa thams cad rnam par
- 206b
sbyong ba/ / bde 'gro'i lam thams cad du 'gro ba dang / ngan 'gro thams cad rnam par 'jig par byed pa 'di ni/ sangs rgyas bcom ldan 'das gang+gA'i klung 'bum phrag bye ba phrag brgyad cu rtsa brgyad kyi bye ma snyed dag gis gsungs pa/ byin gyis brlabs pa/ rjes su yi rang bar mdzad pa/ de bzhin gshegs pa thams cad kyi ye shes kyi phyag rgyas btab pa ste/ sems can thams cad bde 'gror 'gro bar bya ba dang / ngan 'gror lhung ba rnams bzlog pa dang / sems can dmyal ba dang / dud 'gro'i skye gnas dang / gshin rje'i 'jig rten la sogs pa sdug bsngal gyi gnas thams cad du sdug bsngal zhing nyam nga bar gyur pa rnams dang / sdug bsngal gyi rgya mtshor lhung ba'i sems can rnams rnam par grol bar bya ba'i phyir gsungs pa'o// de bzhin du sems can tshe thung zhing skal ba chung ba smad pa dang / rnam pa sna tshogs kyi skye bar ltung ba rnams dang / bsam pa nyams pa dang / sems can lam las nyams pa rnams kyi don du gzungs 'di 'dzam bu'i gling du bzhag go// lha'i dbang po khyod kyis gzungs 'di zung la lha'i bu shin tu brtan pa la sgrogs shig/ bsgrags nas kyang gdon pa dang / kha ton du bya ba dang / bsam pa dang / bsgom pa dang / dran par bya ba dang / mchod pa dang / gzung ba dang / kun chub par bya ba la de sbyor bar gyis shig dang / de ltar lha'i gnas thams cad na 'khod pa'i lha'i bu rnams dang / 'dzam du gling ba'i sems
- 207a
can rnams kyi don dang / phan pa dang / bde ba'i phyir gzungs kyi phyag rgya dang gsang sngags 'di dag khyod la gtad do// de'i phyir lha'i dbang po khyod kyis gzung bar bya'o// lha'i dbang po gzungs 'di thos ma thag tu bskal pa brgya stong du bsags pa'i las kyi sgrib pa yongs su byang bar 'gyur ro// skye bar skye ba rnam pa sna tshogs sems can dmyal ba dang / dud 'gro'i skye gnas dang gshin rje'i 'jig rten dang / yi dgas kyi yul dang / lha ma yin gyi ris dang / 'di lta ste/ gnod sbyin dang / srin po dang / 'byung po dang / sha za dang / srul po dang / lus srul po dang / brjed byed dang / khyi dang / rus sbal dang / sbrul dang / gcan gzan khro bo dang / bya dang / sbrang bu dang / sbrang ma dang / sdig sbrul dang / grog sbur la sogs pa'i srog chags kyi rigs su phyis mi skye bar shes par bya'o/ / gzhan du na de bzhin gshegs pa dang phrad pa dang / byang chub sems dpa'i rigs su skye ba ni ma gtogs so// de rigs chen po 'di lta ste/ bram ze'i rigs shing sA la chen po lta bu'am// rgyal rigs shing sAl chen po lta bu'am/ khyim bdag gi rigs shing sA la chen po lta bu 'am/ tshong dpon gyi rigs shing sA lu chun po lta bur skye'o zhes nga smra'o/ / lha'i dbang po de ltar na gzungs 'di'i mthus byang chub kyi snying po la mthar thug gi bar du skye ba yongs su dag pa chen po 'thob ste/ lha'i dbang po gzungs 'di ni de ltar mthu
- 207b
che ste/ lha'i dbang po gzungs 'di ni de ltar mthu che ba/ phan yon che ba/ mthu stobs che ba/ dge zhing shes pa yin te/ lha'i dbang po sems can rnams kyi don gyi phyir gtsug tor rnam par rgyal pab zhes bya ba'i gzungs ngan 'gro thams cad yongs su sbyong ba 'di bzhag go/ / 'di lta ste/ dper na nor bu rin po che nyi ma'i snying po shin tu dri ma med pa nam mkha' ltar yongs su dag pa 'od gsal ba ni 'od zer gyi snang bas 'bar zhing 'dug go/ / lha'i dbang po de bzhin du sems can de'ang gos pa med par shes par bya'o// 'di lta ste/ dper na 'dzam bu'i chu bo'i gser ni shin tu dri ma med pa/ shin tu yongs su dag pa/ shin tu nye ba/ shin tu bsnyen pa/ shin tu sdug pa'o// lha'i dbang po de bzhin du sems can de'ang shin tu yongs su dag par rig par bya ste/ tshe rabs gzhan du'ang de bzhin du skye bar 'gyur ro/ / lha'i dbang po gang na gzungs 'di rab tu ston pa dang / bye brag tu na yi ger 'drir 'jug pa dang / 'dzin pa dang / klog pa dang / 'don pa dang / kha ton du byed pa dang / mchod pa dang / kun chub par byed pa dang / nyan pa dang / 'dzin par 'gyur ba der 'gro ba thams cad yongs su dag par 'gyur/ sems can dmyal ba thams cad rgyun chad par 'gyur ro// lha'i dbang po gzungs 'di yi ger bris te rgyal mtshan gyi rtse mor gzhag par bya/ ri mthon po 'am/ khang pa mthon po'am/ mchod rten gyi srog shing gi steng du gzhag par bya'o// lha'i dbang po dge slong ngam/ dge slong
- 208a
ma 'am/ / dge bsnyen nam/ dge bsnyen ma 'am/ de las gzhan pa'i rigs kyi bu'am/ rigs kyi bu mo gang gis rgyal mtshan gyi rtse mor banag par mthong ngam/ de dang nye bar gnas par gyur na/ tha na de'i grib mas phog gam/ de'i rdul rlung gis btab pas phog na'ang lha'i dbang po sems can de la sdig pa thams cad dang ngan 'gror 'gro ba'i 'jigs pa thams cad mi 'byung ngo // sems can dmyal ba dang / dud 'gro'i skye gnas dang / gshin rje'i 'jig rten dang / yi dgas dang / lha ma yin gyi ris thams cad du mi skye bar 'gyur ro// lha'i dbang po sems can de ni de bzhin gsheg pa thams cad kyis lung bstan cing / bla na med pa yang dag par rdzogs pa'i byang chub las phyir mi ldog par rig par bya'o// lha'i dbang po mchod pa dang rim gro byed cing me tog dang / bdug pa dang / spos dang / me tog 'phreng ba dang / byug pa dang / gdugs dang / rgyal mtshan dang / ba dan dang / rgyan rnams kyis kyang brgyan par byed pa dang / lam gyi bzhi mdor mchod rten byas te gzungs 'di bzhag pa la thal mo sbyor ba'am/ phyag 'tshal ba 'am/ skor ba byed pa lta ci smos te/ lha'i dbang po sems can de ni sems can chen po yin par rig par bya'o// de bzhin gshegs pa'i sras su rig par bya'o/ / chos kyi gnas su rig par bya'o// de bzhin gshegs pa'i mchod rten du rig par bya'o// de nas chos kyi rgyal po gshin rje nub mo de'i nam langs nas/ bcom ldan
- 208b
'das ga la ba der song ste/ bcom ldan 'das la lha'i me tog dang / gos dang / rgyan la sogs pas mchod pa dang bsti stang byas nas/ des bcom ldan 'das la lan bdun bskor ba byas nas/ bcom ldan 'das kyi zhabs la gtugs nas 'di skad ces gsol to// bcom ldan 'das gzungs 'di ni mthu che zhing phan yon che ba lags te/ bcom ldan 'das bdag kyang rtag tu rgyun mi 'chad par sems can de'i slad bzhin du 'brang zhing kun tu bsrung ba dang / yongs su bskyab pa'i slad du gnas par bgyi'o// sems can dmyal ba thams cad las de bzlog par bgyi'o// bcom ldan 'das bdag ni byas pa gzo bar bgyid cing / byas pa mi gzo bar mi bgyid do// de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to/ / bcom ldan 'das gzungs 'di'i cho ga zhib mo dang / bgyi ba'i cho ga'i tshul rgyas par bshad du gsol/ de nas bcom ldan 'das kyis// rgyal po chen po bzhi po dag la 'di skad ces bka' stsal to/ / nyon cig dang gzungs 'di'i bya ba'i cho ga'i tshul bshad par bya'o// sems can tshe thung ba'i don gyi phyir rigs kyi bu'am/ rigs kyi bu mos tshes bco lnga'i zla ba nya ba la khrus byas te/ lan stong rtsa brgyad bzlas brjod byas na/ des sems can tshe zad pa de'i tshe phyir nur nas nad thams cad dang bral bar 'gyur ro// sgrib pa thams cad rnam par dag pa thob par 'gyur ro// sems can
- 209a
dmyal ba la sogs pa ngan 'gro thams cad las yongs su thar par 'gyur ro/ / tha na dud 'gro'i skye gnas su song ba'i srog chags bya'i rna lam du'ang gzungs 'di'i sgra bsgrags par bya ste/ des na de'i ngan 'gro'i tha ma yin par rig par bya'o// gang zhig nad chen pos btab ste sman pa thams cad bye brag phye ba de yang de ltar na de las yongs su thar par 'gyur ro// de'i ngan 'gror skye ba thams cad kyang rgyun chad par 'gyur ro/ / shi 'phos nas kyang 'jig rten gyi khams bde ba can du skye bar 'gyur ro// de nyid de'i mngal gyi gnas tha ma yin par rig par bya'o// de gang dang gang du skye ba de dang der pad+ma'i snying po kho na las rdzus te skye bar 'gyur ro/ / tshe rabs thams cad du'ang tshe rabs dran par 'gyur ro// sems can sdig pa byed pa gang dag shi ba'i dus byas pa de dag gi don du bzung 'di yungs kar dag la lan nyi shu rtsa gcig yongs su brjod de/ de dag gi rus gong rnams kyi steng du gtor na de dag sems can dmyal ba 'am/ dud 'gro'i skye gnas sam/ gshin rje'i 'jig rten nam/ yi dgas sam/ de las gzhan pa ngan 'gro rnams su skyes par gyur kyang rung ste/ de dag gzungs 'di'i mthus ngan 'gro de dag las thar par 'gyur ro// de dag las thar nas kyang lhar skye bar 'gyur ro/ su zhig 'di nyin gcig bzhin du lan nyi shu rtsa re re yongs su brjod pa de 'jig rten mang po'i mchod pa'i 'os su 'gyur ro// tshe ring bar 'gyur ro// bde ba myong bar 'gyur ro// rtag tu spro ba dang ldan
- 209b
pa dang / mya ngan las 'das pa chen po thob par 'gyur ro// shi 'phos nas kyang 'jig rten gyi khams bde ba can du skye bar 'gyur ro// de nas kyang sangs rgyas kyi zhing tha dad pa sna tshogs su 'gro bar 'gyur ro/ der yang de bzhin gshegs pa thams cad dang phrad par 'gyur/ de bzhin gshegs pa thams cad kyis kyang dbugs 'byin par 'gyur/ de bzhin gshegs pa thams cad kyis lung ston par 'gyur ro/ / sangs rgyas kyi zhi 'thams cad du'ang 'jig rten la snang bar byed par 'gyur ro// lha'i dbang po thabs 'dis ni 'gro ba thams cad kyang sems can dmyal ba la sogs pa'i 'gro ba thams cad las yongs su thar par 'gyur ro/ / de dag gi ngan 'gro thams cad kyang yongs su dag cing tshe ring bar yang 'gyur ro// lha'i dbang po song la lha'i bu shin tu brtan pa la gzungs 'di rjes su ston la sgrogs shig/ lha'i dbang po des na zhag bdun na lnga'i bu shin tu brtan pa'i 'gro ba thams cad yongs su dag cing tshe'ang ring bar 'gyur ro// stobs che bar 'gyur ro// de nas lha'i dbang po brgya byin gyis de bzhin gshegs pa las rjes su bstan pa 'di blangs te/ de'i gnas su phyin nas lha'i bu shin tu brtan pa la gzungs 'di byin no// de nas lha'i bu des nyi ma bdun pa'i bar du nyin drug mtshan drug tu gzungs 'di la brtson par byas pa na de'i bsam pa thams cad phun sum tshogs pa 'di lta ste/ ngar 'gro las ni yongs su thar/ bde 'gro'o lam la yang dag gnas
- 210a
tsha ri bar yang gyur nas/ a la la sangs rgyas/ a la la chos/ a la la gzungs 'di lta bu 'jig rten du gyung ste/ des bdag 'jigs pa chen po las yongs su thar par gyur to zhes ched du brjod pa ched du brjod do/ / 'phags pa ngan 'gro thams cad yongs su skyong ba gtsug tor rnam par rgyal ba zhes bya ba'i gzungs rdzogs so// / rgya gar gyi ma 'tsham dzi na mi tra dang / su ren+d+ra bo d+hi dang / zhu chen gyi lo tsa ba'an ng+ge ye shes sdes bsgyur cing zhus te gtan la phab pa// rgya gar skad du/ sarba ta tha ga ta muSh+NI bi dza ya na ma d+hA ra Ni kAl+le hi ta/ bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa'i thams cad la phyag 'tshal lo/ / 'di skad bdag gis thos pa dus gcig na/ bcom ldan 'das tshe dpag tu med pa de bzhin gshegs pa dgra bcom pa yang dag par rdzogs pa'i sangs rgyas bde ba can gyi chos yang dag par sdud pa'i phug khang bzang mchog na nye bar bzhugs so/ / byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ rigs kyi bu sdug bsngal ba nad kyis gzir ba tshe thung ba yod de/ de rnams kyi phyir 'khor gyi dkyil 'khor la nye bar gzigs te/ kun tu gzigs pa'i dpal gyi mtshan de bzhin gshegs pa thams cad kyi
Colophon
'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs rdzogs so/ /rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban d+he ye shes sdes bsgyur cing zhus te gtan la phab pa/