rdzogs pa chen po nges don 'dus pa'i yang snying / kun tu bzang po /ye shes klong gi rgyud/ rin po che gser gyi yang zhun zhes bya ba
Siṅnhamahataddyadarthagarbhi samantabhajñanagrahatantraradnasubarn.anama
Text
ff. 2b–23b · 41 folio sides
- 2b
rig chos kyi rje la ni// rig pa'i yid kyis 'di skad gsol// nges don gnas lugs snying po'i don// rig 'dzin sprul pas bskul ba yi// sangs rgyas bka' rnams bgros pa'i mdo// ma rig mun pa gsal ba'i phyir// sku gsum chos rnams ji ltar gsungs// snod kyi rim pa gang la bstan// de skad ces ni gsung ma thag/ khab len la ni lcags 'du bzhin// byin rlabs dbang med dad pa yis// 'dus pa rnams bzhi 'dud cing bskor// nyid la mi gzhan sangs rgyas dang // rdo rje 'chang gi rig 'dzin dang // rgyal sras sprul pa'i mgon po dang // dam can mkha'agro
- 3a
@##/ sde lnga dang // ngang ldan lha mi las can kun// las dang thugs rje 'joms nas 'khor// de skad zhus pa'i don gsan nas// kun rig chos kyi rgyal po des// mnyam pa'i don la rab zhugs nas// 'dus pa'i don la bka' stsal pa// nges don gnas lugs snying po 'dris// 'khor 'das 'byung bas ma rig phyir// mdzad dang bcos cing rgyas ma bskyed// rang byung gzhi'i yin// de yang 'dus pa'i snying po nyon// rig 'dzin sprul pas bskul ba ni// sems dag lha dang rig 'dzin des// rmi lom rnam gsum brdar shes nas// mngon dga'i tshig
- 3b
nas tshig bskul// sangs rgyas bka' rnams bgos pa'i mdo// gzhi shes nges don chos drug/ sangs rgyas kun tu bzang po 'byung // nga yis nga nyid 'gro ba las// sangs rgyas gzhan gyis 'gro mi nus// kun bzang nga yi sgron ma yis// thog ma'i byung tshul sus shes pa// ma rig mun pa rtsad nas sel// chos rnams kun gyi sgron ma'i mchog sku gsum chos rnams gsungs pa ni// kun bzang nga yi byin rlabs kyis// sku gsung thugs kyi yon tan las// sprul pa rnam gsum byung nas ni// nges don ldem dgongs dring don bshad// de yang rdo sems dpa' nyon// chos sgo ngas don gsungs pa ni// rang byung ngo bo nyid kyi sku// tshig de nga yi ges brjod las 'das// nges don ye shes thugs la gsal// drang srong mngon shes dpe bzhin du// dus gsum sangs rgyas 'khor bcas la// mnyam par bzhag pas yid kyi go/ nges don rtog phyir ye sangs rgyas//
- 4a
@##/ de nas ston pa kun bzangs kyis// rgyud bdag rdo rje sems dpa' la// don gyi rang byung gnas ched du// tshig tu ma bstan yid kyis go/ byin gyis rlabs kyis bshad shes bya// de yang rdo rje sems dpa' nyon// longs sku rdo rje sems dpa' yis// gtsang rigs lha'i gnas chen du// rigs 'dzin 'khor la rtse dgongs te// rigs 'dzin kun dga' lha dbang la// dbang bskur bka' rtag rgyud byin byas// ldem dgongs nges don ngo bos bshad// de yang rdo rje sems dpa' nyon// de tshe rigs 'dzin sems dag des// mos gus dad pa rtse gcig gyis// phyogs bcu 'dus pa'i sangs rgyas la// zhu ba zhu zhing the tshom bcad// de yi nges pa'i 'bras bu ni// chos sku rig pa'i don mthong phyir// rtog pa mngon gyur sangs rgyas phyir// da lta nyid du thams cad mkhyen//
- 4b
yang na rigs 'dzin sems dag des// sngon gyi sngon dga'i phug tu phyin// nang du mnyam bzhag 'bral med zhugs// don du lha'i dbang po bskul// de len bdag gis 'gro bka' ste// lha dbang bka' nyan drin che bas// nges don rig pa'i gdam ngag gis// 'dzam gling mun gsal byin gyis rlobs// de tshe lha dbang thugs dgyes ste// khyod kyis dad ldan 'khor rnams la// ma bcos ma nor 'chang nus na// bde gshegs rnams kyis byin gyis rlobs// de dag zhal ba zhes ngo mtshar nas// sems dag gser ldan sku sprul ste// dus tshod zer la mngon byung nas// byang chub mo'i khyum zhugs ste// gsum lon bkara' rtag dang bcas te// zur gyis skyes te nges don sgrog/ mi rnams kyis mthong yo mtshan can// mngon shes drug ldan ya mtshan can// lha mi kun gyis bskur bar mthong // de nas spyan drangs gnas bzhugs nas// nang du 'dral med dgongs pa la/
- 5a
@##/ gnod sbyin bdud kyis bris sdig pas// bar du mchod zil gyis non// breng myos gdung ston skyabs su zhus// dam btags rang srog / rnas byu ma masasmrab pa'o// de ldan pa/ shes sa pa / yongs // sprul pa dang ldan pa// sdeb sbyor legs pas tshig tu gsungs// de yang 'dus pa'i snying po nyon// sku gsum chos rnams gang gsungs kyang // gdul ba'i 'khor la tha dad kyang / shes rab blo'i khyad par las// don la dbyer med ngo bo gcig/ rdzogs pa chen po nges don thams cad 'dus pa'i yang snying kun tu bzang po ye shes klong gi rgyud rin po che gser gyi yang zhun las// nges don 'byung ba'i rgyud gleng bzhi bstan pa'i le'u ste dang po'o// // de nas 'dus pa'i 'khor rnams
- 5b
la/ kun rigs sems kyi rgyal po yis// snod bcud rim pa ngas bstan gyis// 'dus pa'i 'khor rnams yid kyis bzung // de bstan de 'joms shin tu dka'// de phyir nges lung bcud lan ni// u dum wa ra'i me tog bzhin// 'jig rten 'di na shin tu dkon// de yang rdo rje sems dpa' nyon// dbang gnyis rim par rdzogs pa yi dam pa'i chos kun ma 'dres pa// kun mkhyen srid pa zad med pa// lung tan man ngag gang du ldan// snod rtog phyir na nor 'dod kyang // sangs rgyas dgongs pa'i gdengs ldan la tshul chos med par snying rje che// 'jam zhing dul la nges don zhu// snod ldan dad pa brtson 'grus kyis// smin par byed pa'i dbang nos kyang // dam tshig dad pas chos 'dod phyir// gsang thub spro ring gtong phod can// gzhan la mi spel phyi thag ring // spro ba byas kyang ngan rnams theg/ 'khon du mi 'dzin gzhung rnams 'dzin// gdam
- 6a
ngag bstan pa'i snod du gsungs// gsang sngags don zab nges pa'i don// rta dang glang po rin chen bdun// kha gser kha g.yu brer chen sogs ser sna med par dbus nus na// tshegs med do ni go bstan par bya// de dag mi ldan kha bsag can// slob dpon mched kyis spyod rtsing la// ya mtshan che nas tshwar ka stong thabs kyis spyod pa sna chags byed// bka' kun byas nas kun la spel// nga las lhag pa gzhan na med// bka' kun bcos shod zas nor spel// de ni dmyal ba chen po ltung / 'di la ngo tsha khrel rnams shor// rang gau rang slas snod ngan la// nam yang bstan par mi bya'o// kun tu bzang po ye shes klong gi rgyud las/ snod bcud bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la/ nges pa'i don dgongs 'di dag gsol// chos kun 'byung ba'i gzhi gsum gyis// 'khor ba'i gzhi ni gang gis bgyi// de ltar 'gro drug ji ltar 'khrul// don
- 6b
gyi dbye ba bshad du gsol// de skad zhus pa'i don gsan nas// kun rig ston pas bka' stsal pa// nges don dbye ba ngas bshad kyis// dad ldan 'khor rnams da nyon cig/ 'khor ba'i gzhi shes lung ma bstan// rang bzhin lus kyi rtsal snang la// gang la mi rtog don ma zin// shes par rang snang ti ma bcol// ma rig rgyu yis nges med phyir// shes bzhin lung ma bstan zhes bya// de yang 'dus pa'i snying po nyon// rang bzhin ngo bo lus dang ni// shes gzhi lung ma bstan pa gnyis// gnas skabs 'brel yod mthar thug med// yengs dang ma yengs cha med pa'i// had de/ bun ne tsam du gnas// rang byung rnam shes rkyen dbang 'gyur// de phyir lung ma bstan zhes bya// gzhi ni dran dang ma dran gyi// blo mi 'jug cing don mi shes// ma rig gzhi ni lung ma bstan// de phyir 'khor ba'i gzhi shes bya// yud tsam rim 'grib log pa'i rgyus// gya gyu tsam du dran yod kyang // don du ma shes de kho na// ma rig sgo yi gzhi byed phyir// dang po 'khor ba de las byung // kun tu bzang po ye shes klong gi rgyud las/ 'khor ba'i ga zhi shes lung ma bstan pa'i le'u ste gsum pa'o// // de nas 'dus pa'i tshogs rnams la// kun rig chos kyi rgyal po yis// 'gro drug 'khrul tshul bka' stsal pa// dang po 'khor 'das par do la// shes bzhin lung ma bstan pa la// ma rig lhan cig rnam gsum gyis// rgyu dang de
- 7a
ma thag 'joms nas// sems kyi kun gzhir smin pa 'byung // de las kun rtag rnam gsum gyis// dmigs pa bdag po'i rkyen gnyis kyis// bag chags lus kyis kun byung // gnyis sdom chags sdang lnga ru smin// de yang 'dus pa'i snying po nyon// 'khrul gzhi la sogs rnam dgu yis// de 'khrul ma ldog nyes pa ni// g.yeng ba'i las spyad 'chi dus 'byung / de tshe 'byung ba rim thim nas// dbugs thum byed cing gnad gcod de// zhen pa'i dbang gis kha chems 'bor// 'khor ba'i sdug bsngal bsam mi khyab// kun tu bzang po ye shes klong gi rgyud las 'chi ltas bstan pa'i le'u ste bzhi pa'o// // de yang rdo rje sems dpa' nyon// de tshe 'chi ba'i dus byung tshe// 'di nub phyir ma mun ltar 'byung // snang ba skye dang mchod pa yis// ma bcos don de yod gyur kyang // ma rig bsgribs pas ltung ba'i phyir// gson gshin sa mtshams de la bya// de yang srid pa bar do la// gzhi gnas 'phral byung bag chags kyis// ras dkar la ni snun zhes ltar// gzhi gnas ma rig bag chags gos// mi rig rkyen slang dga' bred dang // rtsom pa rjes 'jug nyon mongs pa// sta phyi'i gol sa yin pa'i phyir// dang po shan ma phyed pas gal// de yang 'dus pa'i snying po nyon// srid pa dag gis bar ngo la// zhag gsum lon nas bag chags lus// sngon gyi dran pa sna tshogs byung // kun rdzob rgyu 'bras mi slu zhes// yang
- 7b
na yid lus snang ba 'gyur// kun tshangs thogs med sna tshogs sems// rang gi shes pa sa yin// de phyir yid ni lung ma bstan// yang 'gyur gnas ngan lus len phyir// khyim sogs gang rung mgal du 'jug/ rjes dran yon tan med pa'i phyir// chags sdang skyes nas 'khor bar 'khyams// kun tu bzang po ye shes klong gi rgyud las// ma rtog pa 'khor bar 'khyam par bstan pa'i le'u ste lnga pa'o// // de nas rdo rje sems dpa' yis// 'dus pa'i 'khor gyi don chen du// kun rig ston pa chos rje la nges pa'i don dgongs 'di skad gsol// 'khor 'das gzhi ni gang la bgyi// de la mu stegs ji ltar 'khrul// theg dgu'i gzhi 'khrul ji ltar 'khrul// mnyam pa'i rgyal pos bshad du gsol// de skad zhus pas don gsan nas// 'dus pa'i 'khor gyi dad nyan la// zhus pa'i lan de bka' stsal pa// legs par nyon la yid la bzung // 'khor 'das gnyis kyi gzhir gyur pa// gang yang med pa'i sngon rol tu// sangs rgyas med pa'i lung bstan med// theg dgu mya ngan 'das pa rig/ ma rig med phyir sems can med// sgrib bcos bag chags skyon ma gos// dug lnga bskyed pa'i gzhi med phyir// 'khor ba'i skyon gyis mtha' ma reg/ zhen pa'i bag tshogs med pa'i phyir// phra rabs bskyed pa'i yul ma grub// 'byung ba lnga la rag ma
- 8a
lus// gnyen pos ma tshugs rang bzhin lus// de yang rdo rje sems dpa' nyon// de gsum med pa'i shes pa de// nam langs nyi ma shar bzhin// ye nas gnas phyir kun gyi gni// rang bzhin ngori lus zhes bya// 'khor 'das kyi bar do la// skye ba ma bslang dus na yang // rgyu rkyen ma bskyed yang dag yod// sgro skur bral dang ma bral gyis// rtog dang 'khrul pa gnyis ma mthong // rig dang ma rig shin ma byed// yengs dang ma yengs ngos ma zin// ji cig ltar la yongs tshul gyis// rang nyid had de tsam yod kyang // gang gis 'du shes ma zhugs pas// bya ba btang ba'i mi dang 'dra// de yang 'dus pa'i snying po nyon// de phyir 'khor 'das gnyis kyi gzhi// rang bzhin ngo bo'i lus dang ni// rtogs pa'i ngo bo nyid sku gnyis// gnas skabs 'bral med mthar thug yod// de phyir lhun grub sangs rgyas yin// kun tu bzang po ye shes klong gi rgyud las/ 'khor 'das gnyis kyi rang bzhin gyi lung bstan pa'i le'u ste drug pa'o// // de yang rdo rje sems dpa' nyon// mu stegs rtag pa'i 'khrul dpe ni// khrus sman chen po de dang 'dra ste/ gzhi dang 'khrul pa'i nyes pa de// sun 'don la zla drangs bstan pa// 'khrul gzhi med pa'i 'khrul pa de// ri bong rwa bzhin yod mi srid// 'khrul gzhi la ni 'khrul pa 'byung // de phyir dbye/
- 8b
ba shin tu bcas// de phyir 'dus pa'i snying po nyan// ngo bo mi 'gyur gzhi byas nas// kha dog dbyibs can bdag tu 'khrul// log pa'i dka' thub dmyal bar ltung // rig pas brtags na bdag ma grub// de nyid don shes la zla'o// de yang 'khor gyi snying po nyon// mu stegs chad pa'i dbye ba ni// kha dag dbyibs med chad bzhi byas// snga phyir rgyu 'bras med par 'khrul// bskur btab dmyal chen por ltung // chad du mi gter rig pa yod// de phyir gzhi la gol med paso// rang byung ye shes klong na gnas// kun tu bzang po ye shes klong gi rgyud las mu stegs pa'i 'khrul tshul bstan pa'i le'u ste bdun pa'o// // kun rig ston pas yang gsungs pa/ gzhi ni me long lta bu la// gzugs can theg pa rim dgu byung // phyogs tsam 'khrul tshul ngas bshad nyon// mtshan nyid theg pa rnam gsum la// nyan thos rang rgyal mdo sde pa'i// dbye ba'i rnam grangs mdor bstan pa// snang ba phra rab yul gyi gzhi// gang zag bdag med chos bdag med// zhi ba phyogs gcig thar mi thob// lhag mthong med phyir skye bo rang // don rtog yul 'di chos kyi dbyings// de yang rdo rje sems dpa' nyon// sems tsam kun gzhi rtog pa yi// gong 'og shes dag skad cig 'dod// rig pa rang kyang grangs can gol/
- 9a
rtag dang khyad med sgro mdog nor// chos sku rigs pa 'gyur ba med// de yang 'dus pa'i snying po nyon// dbu ma pa'i 'dod gzhung de// ngo bo dngos med gzhi byas te// yul sems bzhigs pas stong par 'khrul// ci yang med pa'i skye mched ltung // chad dang khyad med stong par grol// stong pa rang 'byung chos ku yin// de yang 'dus pa'i snying po nyon// de dag mtshan nyid theg pa gsum// phyogs tsam rtog pas gzhi ma shes// de phyir nges don ma mthong bas// tshig tu bden de don la gol// kun tu bzang po ye shes klong gi rgyud las/ rgyu mtshan nyid kyi 'khrul tshul bstan pa'i le'u ste brgyad pa'o// // kun rig ston pas yang gsungs pa// phyi ba kri yog rnam gsum gyis// dbye ba'i rnam grangs ngas bshad kyis// dad ldan 'khor rnams legs par nyon// nam mkha' smig rgyu dpe bzhin du// dag pa chos nyid kri ya'i bzhi/ bzang ngan btsang sme dngos grub re// grub pa mi thob byol song rgyu gtsang smras mi rtog pa nyid 'dod// spyod pa ma yin yang dag sku// de yang rdo rje sems dpa' nyon// yo ga rnal 'byor sems dpa' yi// dbyer med chos dbyings bzhi byas te/ byang chub rnam lnga nye bar 'dod// bsgom kyang mi grol 'dod khams lha// sems tsam pa dang khyad med gol// la zla rig pa chos bskur shes// de yang 'dus po'i snying po nyin// de dag
- 9b
kri log rnam gsum kyang // gzhi nyid ma shes blos sgyur phyir// nam mkha' dgu la 'dzin pa 'dra// don la 'khrul pa the tshom med// kun tu bzang po ye shes klong gi rgyud las/ phyi'i 'khrul pa bstan pa'i le'u ste dgu pa'o// // kun rig rgyal pos yang gsungs pa// snang ba bskyed rdzogs rnam gsum gyi// don gyi dbye ba bstan pa'i lung // nam mkha' sprin dang khu blangs bzhin// rnal 'byor ma hA yo ga yi// bden pa dbyer med 'dod pa'i gzhi// rtog tshogs lha bskur sgom pas 'khrul// de phyir bgrogs dang ru trar ltung // dbu ma dang 'dra 'bras bur gol// lam la mi brten rtog pas mchog/ de yang 'dus pa'i snying po nyon// a nu yo gA'i dbye ba ni// kun gzhi mkha' klong bzhi byas te// snang ba kur bzang rol par 'a khrul// yod min med min skye mched ltung // mkha' klong dbu ma chung dang 'dra// la zla chos kyi dbyings nyid yin// de yang 'dus pa'i snying po nyon// de dag rgyud lung rnam gnyis kyang // rang bzhin lus bzhin 'khrul pa'i phyir// nyi ma sbyin gyis sgrib pa 'dra// snang ba lhar sgom chos sku sgribs// kun tu bzang po ye shes klong gi rgyud las// rgyud lung gi 'khrul pa bstan pa'i le'u ste bcu pa'o// // de nas rdo rje sems dpa' yis// kun rig ston pa'i chos rje la// bden
- 10a
@#pa'i don dgongs 'di skad gsungs// rdzogs chen spyi dang kha 'jam dang // kun brtags lha dang tshig zin gyi// 'khrul pa'i dbye ba'i rim pa ni// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rdzogs chen spyi'i 'khrul tshul ni// rin chen gser sbrul mthong stangs gzhan// spyi dang kha 'byams kun brtags kyi// lung tshig tsam la ngas 'cha' ba// de dag gol bar ngas bshad nyon// ming ni tshig tsam shes pa'i gzhi// mkhas su re nas tha snyad 'dogs// don med nam mkha'i mtha' tshol 'dra// tshig tu shes pas don mi rtogs// tshig nyid don yin zer bas 'khrul// de yang rdo rje sems dpa' nyon// mkha' 'jam pa'i 'khrul pa de// snang ba sems bsdus gzhi ru byed// 'khrul pa'i dbye ba lhun grub bcu// 'bras bu mi 'byung log par gol// gzhi dang mi mthun lung rig 'gal// gzhi nyid ma shes skye bo dang // de yang 'dus po'i snying po nyon// kun brtags lhur ni lo khrul pa yi// phyi nang gsang sngags snang ba'i gnyis// bskyed dang rdzogs 'dod rim pas 'khrul// don ma zin pas 'bras bu med// gzhi ma lha med bskyed mi dgos// ma skyes chos sku ye nas yin// de yang 'dus pa'i snying po
- 10b
nyon/ tshig zin lung gris 'khrul tshul de// tshig tsam lung las khung byed bzhis// dgongs pa rnam gsum ma shes 'a khrul// tshig tsam lung gi don ma rtogs// don med tshig gis dgos pa med// lung med don go yi sangs rgyas// de yang rdo rje sems dpa' nyon// de dag 'khrul tshul rnam bzhi yang // spyi yi mtshan nyid yin pa'i phyir// gzhi dang 'gal phyir don las gol// de phyir lung ldan gdams ngag dgos// kun tu bzang po ye shes klong gi rgyud las// rdzogs chen spyi'i 'khrul tshul bstan pa'i le'u ste bcu gcig pa'o// // de nas rdo rje sems dpa' yis// 'khor gyi dang ldan don du yang // kun rig ston pa chos rje la// bden pa'i dgongs don 'di skad gsol// 'khor rnams 'khrul pa ldog pa'i thabs// tshad med ldog thabs bshad du gsol// de skad zhus pas don gsan nas// 'dus pa'i 'khor la bka' stsal pa// 'og ma'i 'khrul pa ldog thabs dang // yang tI'i ngos don ldog pa gnyis// nga yis bsten gyis legs par nyon// 'og ma'i chos kyi 'khrul ldog thabs// gnyen po dang ni ye shes kyis// kun rdzob nyon mongs sgrib sbyangs te// don dam shes bya'i sgrib sbyangs la// tshogs gnyis rdzogs pa'i sangs rgyas ni// lam lnga sa bcu rim bgrod de// pha rol phyin bcu mthar phyin nas// sgrib dag 'khrul pa ldog pa'i dus// drang don yin phyir sangs rgyas yin// de phyir nges don bka' 'di
- 11a
@dgos// de yang rdo rje sems dpa' 'on// mtshan nyid rnam gsum chos kyi ni// 'khrul pa ma zlog re dog mtha'// rnam rtog rgyar chung 'khor bar la byams// de phyir spu bring chos 'dis phung // kun tu bzang po ye shes klong gi rgyud las// theg pa 'og ma pa'i 'khrul pa mi zlog par bstan pa'i le'u ste bcu gnyis pa'o// // kun rig ston pas yang gsungs pa// yang gcig rdzogs chen nges don gyis// 'khrul pa ldog pa'i thabs chen ni// lung bstan gdam ngag ldan pa yi// bla ma rdo rje slob dpon de// gdam dag mkhas la thugs rje che// dam tshig ldan pa'i slob dpon la slob mas yon ni ma phul bar// da lta gdam ngag zhu mi bya// de yang rdo rje sems dpa' nyon// smin par byed pa'i dbang chen ni// thun mong ma yin khyad 'phags pa'i// ngo bo dbye ba dpe dang gnas// rdzas dang nges tshig las dang bskal// rtag dang mthar thug kun rdzogs pa'i// rig pa'i thugs kyi dbang phyug ni// rim gyis ma yin cig char du// dad ldan gyis ni mnos gyur na// skye ba 'di yis sangs rgyas 'grub// de'i dam tshig mdor bsdu na// rtog thabs dam tshig rnam lnga yang // rtsa ba rang sems 'di nyid las// gzhan na yod pa ma yin te// rang gi rtog na dam tshig mchog/ de yang 'dus pa'i snying po nyon// ched du bya ba'i dam tshig drug/ rtsa ba sku gsung thugs su 'dus// de phyir rtsa gdung dam tshig te// chos rnams kun gyi rtsa ba yin// bsrung ba'i dam tshig
- 11b
rnam lnga yang / rtsa ba 'dod chung gdeng zin nyid// de b+hir bsrung bya'i dam tshig ste// bar chad mi 'byung dngos grub thob// spangs par bya ba'i dam tshig bzhi/ 'khor bskyed pa'i rten bzhi ste// de ma spangs par grol mi srid// de phyir ma rtog rnam kyi yang // snang bar byed pa'i dam tshig lnga// lta ba gdeng ldan rnams kyis bya// mal kun gyi byar mi rung // de phyir rtog ldan blo yis sbyad // de yang rdo rje sems dpa' nyon// g.yo sgyu med pa'i bskal ldan gyis/ rtse 'jo le lo rnams spangs le/ 'khor mkhas slob gus dang ldan la/ snod ldan yin phyir 'khrul be ldog/ de yang 'dus pa'i snying po 'on// snod ldan las dang bskal par 'jom// nges don rgyud chen bstan pa'i snod// phyi mar mi sdong dus 'di ru// man ngag snying bstan par gsungs// kun tu bzang ye shes klong gi rgyud las// yang te rdzogs chen gyi 'khru ba ldog pa'i thabs bstan ba'i le'u ste bcu gsum pa'o// / de nas rdo rje
- 12a
@yA sems dpa' yis// snod ldan dam bcas don chen du// kun rig thams cad mkhyen pa la// nges don gdams ngag 'di skad zhus// rigs 'dzin grub thob bka' rtag gang // rig pa byin gyis ji ltar rlabs// de don nyams su ji ltar myong // la zlo'i spyod pa ji ltar spyod // nges don rgyud kyi bka' rtag gang // kun mkhyen ston pas bshad du gsol// de skad zhus pas don gsan nas// 'bral med chos la rab bzhengs te// ye shes rig pa'i klong brtol nas// snod ldan 'khor la bka' stsal pa// rig 'dzin grub thob bka' rtags ni// don gyi rgyu dang byin gyis brlab// brda' yis bstan dang tshig gis mtshon// bsgyur rgyal sras la stong pa 'dra// de yang rdo rje sems dpa' nyon// don gyis khyab dang rtog pa yi// dbye ba rnam pa gnyis bstan pa// til la mar gyis khyab pa bzhin// sangs rgyas sems can ma lus pa// rang bzhin ngo bo lus kyis khyab// de phyir don gyis khyad par gsungs// de don rtog pas rgyud pa ni// sngon gyi sangs rgyas kun bzang des// 'khrul ma myong la rtog ma myong // gzhi dang ye shes dus mnyam shar// de phyir kun tu bzang zhes bya// de yang rdo rje sems dpa' nyon// sangs rgyas mya ngan 'das pa'i gzhi// rang byung ngo bo nyid sku de// ma mdzad ma bcos rgyus ma bskyed// nam mkha'i mthong su nyi shar 'dra// gdod nas ma rig skyon ma gos// lung la ma bstan rig cing rtog/ sangs rgyas pa'i rig pa des// rang byung ye shes de la bya// de yang 'dus pa'i snying po nyon// gang la yidang med yang dag yod// sgo skur med pa'i rig pa la// dus gsum cig pa'i chos sku la// rang byung ngo bo chos skur shes// nga lta rig pa 'di yin te// dus rnams kun tu 'brel pa med// sgro skur med pa'i rig pa gsal//
- 12b
ngo bo nyid kyi sku zhes bya// kun bzang rtog pa'i nges pa'i don// ming dang dpe don nyams kyi grangs// zung gsum chos sku cig tu rdzogs// de yang 'dus pa'i snying po nyon// de tshe 'khor 'das par ngo la// rgyu dang 'bras bu lung mA bstan// sems la ma byung sa nges rgyas ni// rang byung kun tu bzang po bya// kun tu bzang po ye shes klong gi rgyud las// rtog pas rgyud pa bstan pa'i le'u ste bcu bzhi pa'o// / kun rig ston pas yang gsungs pa// nges don byin rlabs rgyud pa'i don// gang phyir byin rlabs dpe dang ni// sprul pa'i dgongs pa brda yis ni// tshig rgyud yon tan bshad kyis nyon// sems ngag rig 'dzin bskul ba'i phyir// sangs rgyas bka' gros nges pa'i don// ye shes rig pa rangadwa gnas phyir// byin rlabs sangs rgyas kun la shar// de'i mtshan dpe bstan pa ni// nam mkhar gza' skar shar tsam na// rgya mtsho'i nang du gzugs brnyan 'byung // de tsam nyid na tha dad med// de bzhin kun bzang byin rlabs kyis// sku gsungs thugs kyi yon tan las// sprul pa rnams gsum shugs las byung // de nyid chos sku nyid kyi rtsal// de don dgongs pa rnam gsum du// ston pa'i 'khor ni rnam gsum la// drang don ldem dgongs nges pa'i chos// 'dus ba'i 'khor la ci rigs bshad// de yang 'dus pa'i snying po nyon// dang po chos sku rtsa ba'i gzhi// rang byung ngo bo nyid sku de// sa bcu'i 'khor la dgongs pas bshad// tshad myed nges don rig pas go// de don nges par byed pa ni// lnga bcu bdun gyis brda' bstan phyir// tshig tu ma brjod don la rtog/ rig 'dzin sprul pa'i spyod yul yin// de yang 'dres pa'i snying po nyon// dgongs dang rig pa rnabs rgyud// tshig gi sgron mas don go phyir// phyi rab dang ldan rnams
- 13a
kyi go/ de phyir sangs rgyas da lta nyid// de yang 'dus pa'i snying po nyon// skye shi gnyis kyi bar ngo la// kun tu bzang po'i chos drug gis// dpe don rig pa nyams ldan pas// ma rig drug bcom bden pa mthong // rtog bzhi la sogs bcu gcig gis// 'khrul gzhi la sogs brgyad po yang // brlag cing stong ste 'khor ba med// de phyir gol sgrib ming med do// de yang 'khor gyi snying po nyon// lung bstan gdams ngag mngon bstan pas// de ma thag tu chos sru shar// rnam smin lus dang ma bral kyang // sangs rgyas pa la nges par 'gro// kun tu bzang po ye shes klong gi rgyud las// rig 'dzin dngos grub thob pa'i bka' rtag bstan pa'i le'u ste bcwo lnga pa'o// / kun rig ston pas yang gsungs pa// nges don rig pa'i byin rlabs kyis// nges don gdams ngag bstan pa dang // mi rtog tsam du byin rlabs dang // thabs kyi bde ba byin rlabs dang // nyams kyi bdud kyi byin rlabs phyir// nyams kyi bdud kyi byin rlabs phyir/ de don dbye ba shin tu bcas// de yang 'dus pa'i snying po nyon// nges don gdam ngag rnam bzhi yis// dang po gzhi nyid nges pa yis// chos sku 'gyur med lta ba dang // snang ba ma bcos chos nyid dbyings// gol sa spong bdud zhen pa de// spong ba drug dang mtshan ma 'dra// rang la byung ba'i dug lnga la// phyi ru blo yis spong byed pa// gnyen po mi rtag bdag med du// phyed du sdug bsngal spangs par 'dod // nyon mongs ris su spong byed pa// rang la nyon mongs gang che ba// kha bka' gnyen pos spong bar byed// gnyen la nyi ring byed pa 'dra// nyon mongs rgyu 'a bras spong byed pa// dge brang sdig spong 'bras bu tshal// brang ngor ngog tshol byed pa// 'jig rten so nam byed pa 'ang// de yang 'dus pa'i snying po nyom/ sdung
- 13b
bas/ gol grib skyon gyis mi gos phyir// sems las ma byung chos skur gsungs// de yi mtshan nyid nges pa nges// gang yang dran med yengs pa med// yin pa nga lnga'i shes pa la// de yi don la gnas pa'i don// de phyir thag ba med pa'i mchog/ la zlo spangs blang med shes pas// skyon yon thams cad med par dag/ de phyir dus 'dir 'bras bu bsgrub// phyi mar sangs rgyas smos ci dgos// de yang 'dus pa'i snying po nyon// chos dbyings chos sku gcig gi ngang // rang byung rig pa'i ye shes de// nyi zla ba zas zin dpe bzhin du// nges don cig dang yon tan rdzogs// kun tu bzang po ye shes klong gi rgyud las// rig pa ma bslang chos skur bstan pa'i le'u ste bco brgyad pa'o// // kun rig ston pas yang gsungs pa// ma bsgoms 'bral med bstan pa'i don// dang po kun gzhi shan phye la// bar du chos sku ngos bzung ba// tha ma la zla bden pa mthong // de yang 'dus pa'i snying po nyon// dang po rang gi kun gzhi yi// snga phyi rtog dang chos sku ru// lung bstan bla mas shan phye la// tha mal rten bcas ma bsgrib pa'i// mtshan nyid bzhi ldan chos sku shes// gol ba chos pas gdeng dang ldan// de phyir lhag mthong nges pa brnyed// ye nas gnas pa'i rang byung ngo // ngo shes don dang 'bral med phyir// rgyun tu gnas pas sangs rgyas la// de yang 'dus pa'i snying po nyon// de dag bsgom pa'i dbye ba ni// gsal la mi rtog mi g.yo ba// dbye ba rnam pa dgu dgus ni// rgyun tu 'bral med gtan bas// de dag rtsa ba mang bsdus ma/ rdo lnga gas la bas mar me 'dra// rig pa mo ga ma mtshag ti phra// mi rtog bya ba btang ba 'dra// de gsum chos nyid cig la rdzogs// gang ma mang gang 'drim 'khrul pa/ cho
- 15a
@sku ngos zin don ldan pas// de phyir theg le nyag gcig la// ma lus pa ni cig kyang med// kun tu bzang po ye shes klong gi rgyud las// rgyun tu 'bral med kyi bsgom pas ngos bzung ba bstan pa'i le'u ste bcu dgu pa'o// / kun rig ston pas yang gsungs pa// rgyun tu 'bral med rig sbyong ni// dus ni bzhi gsum gsung ba yang // spyi'i mtshan nyid yin pa'i phyir// tshig tu bden de don las gol// de yang rdo rje sems dpa' nyon// ye shes rang shar gdams ngag ni// yul ni ma yin dran pas te// ma 'khrul rig pa chos skur shes// de phyir gdams ngog dus 'dir rtogs// mngon gyur sangs rgyas nga lta nyid// de yang 'dus ba'i snying po nyon// dang por rig sbyong dbye ba'i don// rgyu dang gol sa gdams ngag dang // nyams dang la zla 'bras bu ste// re re la ni drug drug du// phye la bstan gyis yid la nyon// bde ba ye shes rnam gsum gyis// nang gi bde ba rkyen thub grangs// lha med zhi gnas 'gog pa la// bdag med mi g.yo rnam gsum la// rang yan lhag mthong mi brjod bzung // mtha' bral shes gsal gdeng gis zin// bdag nyid la med par shes dang // de nyid bde gsal ye shes sku// 'du 'dzi longs spyong bde ba ni// yo byad rnam gsum ldan pa ste// 'dod lnga la rang rgyud zhe na// gang mthong ma 'khrul don shes pa// gang yang myong ba rig par shes// bdag gzhan gzhi las ma grub pas// bde ba longs spyod chos nyid brgyan// kho mo bo ba'i grangs bstan pa// 'gro ba babang po yid tshang ba// thabs dang rang rgyad chags spyong gol// snga phyi ma song don zin pa'i// de tshe bde ba'i mthar
- 15b
ma lhung / kho mo bzhi la grub pa med// lus bde longs spyod rig pa'i sku// de yang 'dus pa'i snying po nyon// de dag bde ba rnam gsum yang // zhen pade don zin dngos spyod kyang // gnas skabs 'brel yong mthar thug med// de phyi gang zin gyis sbyong // kun tu bzang po ye shes klong gi rgyud las// bde ba ye shes su rkyen thub par bstan pa'i le'u ste nyi shu pa'o// / kun rig ston pas yang gsungs pa// sdug bsngal sna tshogs 'byung ba gsum de la phyi lus sdug bsngal grangs// nang ni bzhi brgya rtsa bzhi la// ye 'brog khang pa rnam gsum yin// gang na lcug mthong don gyis zin// de tshe mtha' bral chos skur shes// lus dang na tshe gzhi la med// sdug bsngal de nyid chos skur shar// sems kyi sdug bsngal gang gsungs pa// chags sdang rnam gnyis yin pa'i phyir// gol sa skyon bzhi dam par zhen// mi bzhig mi bsam dran pas zin// de tsam nyid na gzhi la med// de tshe sdug bsngal 'khrul bar shes// phyi yi sdug bsngal rnam bzhi ni// ma rig rkyen bzhis bskyed pa bzhin// nyon mongs bag chags bsags pas gol// snga phyi med shes gdams ngag gis// mtshan nyid gzhi ldan nyams su myong // gzhi la snga phyi don la med// de phyir 'bras bu chos kyi sku// de yang 'dus pa'i snying po nyon// sdug bsngal nyid kyang bde ba'i klong // don la ye shes 'du 'bral med// da lta'i rig pa 'di nyid yin// de phyir sdug bsngal bde ba'i ngang // kun tu bzang po ye shes klong gi rgyud las// sdug bsngal 'i byed chos skur rkyen thub par bstan pa'i le'u ste nyer gcig pa'o// / de yang rdo rje sems dpa' nyon// btang snyoms rang nyid rkyen thub grangs// le lo snyom
- 16a
las lung ma bstan// btang snyoms shes pa ma rig sgribs// shan dbye ngos zin yid ches pas// rang rig 'bral med nyams dang ldan// ma rig med cing btang snyoms med// lhag mthong 'bras bu 'den pa mthong // de yang rdo rje sems dpa' nyon// gnyis ni chos sku klong thims kyi// bag nyal bzhi nas ma rig pas// rmi lam rnam gsum yul la zhen// log ka sang dus shes pa na// de tsam nyid na nyams myong gsal// don la rmi lam 'gyur med rtog/ 'bras bu mi rtog chos skur shar// kun tu bzang po ye shes klong gi rgyud las// btang snyoms gnyid klong thim pa'i le'u ste tre gnyis pa'o// / kun rig ston pas yang gsung ba// gti mug rang grol bstan pa'i grangs// ma rig shes gzhi lung ma bstan// gang yang mi shes gti mug sems// lung bstan sgron ma'i don bstan pas// rang rig chos sku yid la gsal// gzhi dang phrad pas mug ba brlag/ 'bras bu mtshan nyid thams cad mkhyen// de yang rdo rje sems dpa' nyon// zhe sdang rang grol grangs bstan pa// yul ngan kha dog smra ba la// zhe sdang sems 'khrug bzod pa nyams// mi bsam yul gyi rje ci bcang // de dus rtag chad mtha' bral nyams// bdag gzhan gzhi la grub pa med// 'bras bu rang rig sprul pa shar// nga rgyal rengs byed grangs bstan pa// gzhan dag brdegs bsang smra ba las// nga bden rmongs pa ched du byed// gang yang bden med don dran pas// de nyid rig par shes pa'i nyams// tshig gi tshe chung gzhi la meng // don ldan nga rgyal chos skur shes// de yang 'dus pa'i snying po nyon// phra dog rang grol rgyu bstan pa// gzhan gyi phun sum chog/
- 16b
bas gso rgyu gzhan la thabs kyi gnod // bdag gzhan med zhes chos kyi sku// phra dog rang rig chos skur myong // de tsam nyid na bdag gzhan med// gso sgyu 'bral bas longs spyod brgyan// de yang 'dus pa'i sgying po nyon// dngos po ma la khrul gnas lugs la// tshor bas bde sdug cing byung yang // de dus chos skur nyams su myong // de tshe yul dang 'bral med shes// de phyir rkyen thub sgom mi dgos// kun tu bzang po ye shes klong gi brgyud las 'jug lnga rang grol du rkyen thub par bstan pa'i le'u ste tre gsum pa'o// / kun rig ston pas yang gsungs pa// srid pa bar ngo rnam lnga la// ma rig 'khrul pa'i bar ngo dang // kun rtag dge ba'i bar do dang / gnas 'gyur lha'i bar do dang // rnam shes rlung zhon par ngo dang // mngon gyur ye shes par ngo lnga// de yang 'dus pa'i snying po nyon// ma rig 'khrul pa'i bar ngo ni// rgyu ni ma rig rnam gsum la// rkyen ni chags sdang gnyis kyi gol// gol sa bar ngo lus gsum la// sdug bsngal sna tshogs nyams su myong // skye rgas sdug bsngal zad dus med// de las thar cing ldog 'dod pas// kun brtags dge rtsa 'di bsngos pas// / dge bcu sbyin sogs dad pas spyad// phyi mar 'bras bu 'dod pa'i blos// rgyu mthun 'bras bu mthu ltas pas// lha dang mi'i go 'phang tsam// smon lam dbang gis mthu btsan kyang // dge ba'i stegs zang 'khor bar la byams// de yang 'dus po'i snying po nyon// gnas 'gyur lha'i bar ngo la// rtogs dang lhar gsal dus mnyam na// su gsum gcig la gcig tshang nas// 'bras bu sangs rgyas de ngus nyi ba/
- 17a
ma rtogs lhar sgrom ru trar skyes// de yang 'dus pa'i snying po nyon// rnam shes rlung zhon par do ni// phyi nang rlung gi sde bsgoms pas// phag mo la sogs 'pho ba kun// 'od gsal ye shes skur 'dong bas// thabs lam yin phyir nges don med// de yang 'dus pa'i snying po nyon// mngon gyur ye shes par ngo la// rgyun lung bstan gdams ngag gis// phyin rab rjes dran rnam drug gis// ma rigs sa le rig pa rgyas// thams cad mkhyen pa'i 'bras bu ldan// 'gro don gzugs sku shugs la 'char// btsal ba med par don rnams 'grub// kun tu bzang po ye shes klong gi rgyud las// srid pa bar ma mdol skye ba phyis mi len par rkyen thub par bstan pa'i le'u ste nyer bzhi pa'o// // da yang rdo rje sems dpa' nyon// de ltar ma rtog byin rlabs la// dbu ma man chad lha sgom te// 'khor 'das chos kun sems su bsdud// rig pa rtag chad mtha' bsal te// mi dmigs tsam la sgom pa'i thabs// bying rgod gnyis kyi skyon bsal la// lteng de mer re rang bsal ba// yang nas yang du sgom par byed// mthun 'jug thab kyis spyod pa yang // 'og ma'i chos dang sgro bstan phyir// dge sdig shan thang phyed pas bshad// de tshe don gyis zin par bya// lta sgom spyod pa 'jom pa'i tshe// thabs lam tshogs gnyis bsags nas ni// sgrib gnyis sbyangs nas sangs rgyas 'dod// de las gzhan pa'i chos med zer// ri dwags smig rgyu snyegs pa 'dra// de yang 'dus pa'i snying po nyon// thabs kyi rims pa byin rlabs pa// sman dang /
- 17b
yig 'bru dbang gi dus// rtsa dang thig le bde sgoms pas// shes pa 'gyur nas bde la zhen// de phyir mi grol shin tu 'ching // mi rtog thabs kyi bde 'dod gol// kun tu bzang po ye shes klong gi rgyud las// 'og ma'i bsgoms pa gol bar bstan pa'i le'u ste the lnga pa'o// // kun rig ston pas yang gsung ba// lta bzhi gnas zhen pa la// bdud byung bar chad zhen las byung // zil gnon gdom ngag ngas bshad nyon// rnal 'byor lha med nyams zhen pas// bdud kyi cho 'phrul mngon shes 'byung // de tshe lta sgom spyod nyams bdud// bar du chong nas 'khor bar la byam// de bzlog don du gdam ngag gis// bcwo brgyad yon tan chen po ni// zil gnon rtogs dang 'bras bu yis// don ldan nges pa'i sangs rgyas 'byung // de yang 'dus pa'i snying po nyon// lta ba'i bdud ni rnam bzhi'o// snang ba 'od dang grags pa dgra/ 'jigs pa/ gzugs dang slu ba brdzun// re re la yang drug drug tu// rgyu dang zhugs pa nye dmigs dang // zil non rtag dang 'bras bur gsungs// snang ba 'od kyi bdud byung na// lha med mun pas 'od byung nas// dge sdig mthong bas snying rje zhugs// 'gro don bya mno ting 'dzin btang // dngos med lhag mthong mi g.yo dran// gzhi la med pas 'ja' tshon 'dra// dmyal ba'i gnas kyang sangs rgyas zhing // de yang 'dus pa'i snying po nyon// grag pa dgra'i bdud byung na// mkha' la sgra dang chos ston 'byung // dga' bas ngoms shing 'dzin btang // gdengs bral rngu zhing bdud dbang po// bka' gol chos brgyad 'khor bar ltung // lta ba'i gdengs zin sgra dang bral// sgra brnyan
- 18a
/ chags med rjes mi 'thad // cher ltar gsung gi lha dror por byede// 'jigs pa gzugs kyi 'dung byung sa// rmi lam dngas su 'jigs pa'i gzugs// mi dag 'don thal mo mchog byed// sem ngan tshe thung yi chang ltung // snang gzugs gzhi la med par shes// snying po med zhes nyams ming // de nyid thub drug sbrul skur mthong // de yang 'dus pa'i snying po nyon// slu brdzun gyi bdud byung na// dus gsum nyes legs ston pa 'byung // bden dang mi bden tha ma brdzun// mngon shes sdug pas zhe sdang skye// tshig las 'das phyir brdzun ma grub// rmi lam shin tu la khrul par shes// don rtog ci smras rgyal ba'i bka'// kum tu bzang po ye shes klong gi rgyud las// lta ba'i bdud zil gyis gnon pa'i rtag dang 'bras bu bstan pa'i le'u ste rje drug pa'o// // kun rig ston pas yang gsung ba// sgom pa'i bdud ni rnam bzhi yis// khying ba bsal ba'i bdud bstan pa// don med nan tan 'bras nas bsgom// myos pa'i dbang gis bsal ba byed// gnyen pos bsal bas don dang bral// gnyis gsum bsres pas gti mug brlag/ chos nyid klong dra/ gnyis thim zhes// sangs rgyas ye shes klong du bying // rmugs pa bde ba'i bdud byung na// lung bstan chos su ngos ma zin// shes pa mun pa lhag mthong med// sgom pa byas kyang gti mug 'phel// rang rig dran bas ye shes gsal// lta bas zin phyir bde bar shar// 'bras bu ye shes 'gyur med klong // de yang 'dus pa'i snying po nyon// rgong pa me rtog bdud byung na// gangam ngag med par mdun sar ngagal// don la ma/
- 18b
gnas mi chos byes// spong bdud zhen pa sna tshogs byed// snga phyi rig pas don zin pa// kha mo nyi shar bzhin du spong // gdeng zin chos dbyings gnas kyi mchog/ 'phro ba mi g.yo 'dung byung na// don la goms par ma byas pas/ rig tshor dran pa phra mo rgyu// don med rkun bu yang yang ldang // mi brjed dran pa'i gzugs kyis zin// rnam rtog rang bzhin rig par gsal// thams cad chos sku 'bras bu mchog/ kun tu bzang po ye shes klong gi rgyud las/ sgom pa'i bdud zil gyis gnon pa'i rtag dang 'bras bu bstan pa'i le'u ste nye bdun pa'o// / de nas 'dus pa'i tshogs rnams la// kun rig ston pas bka' stsal pa/ bya ba 'du 'dzi longs spyod bdud// nyams dga' zhen pa gnas kyi bdud// slab pa'i yon tan g.yeng ba'i bdud// 'khor ngan sems dkrugs bdud dang ni// de dag spyod pa'i bdud bzhir gsungs// de yang 'dus pa'i snying po nyon// 'du 'dzi longs spyod bdud dbye na// / man ngag med par tshul chos byed// mi rnams smon 'dod sems 'dzin pas// don spor bdag 'dzin phra dog ltung // de dag dgrar shes zhen pa chung // bu bzhin chags med don gyis zin// longs spyod rang grol bar/ rtog/ de yang 'dus pa'i snying po nyon// zhan chags gnas 'dud dbye ba ni// thos chung khas tshe nyams dga' rtsig/ bkra shis 'dre med lha yod zer// 'dre bstan mthu yod gzhan la sdig/ gnas la ma chags nges med/ shes/ bdag gnas bzhi la med par rtogs// gang na 'dug pa 'og min gnas// de yang rdo rje sems dpa' nyon// yon tan dbye ba'i bdud dbye ba// rig pa lnga ldan bkur sti zhe na/ don por gzhan don rang rgyud gol/
- 19a
@zhen log dran zin zil gyis mnan// bdud med ye shes bskul mar shes// g.yeng bas bdag gzhan chos skur 'gyur// de yang 'dus pa'i snying po nyon// 'khor ngan sems 'khrug dbye ba ni// lha dman 'khor la gdung grags pas// 'gran sems mchog shes med par 'dod// deng log sgro skur zhe sdang bskyed// gdung ba bskyud la 'brel pa gcad// bdud nyid chos skur shes pa las// spangs zhing bor du rdul tsam med/ kun tu bzang po ye shes klong gi rgyud las// sbyod ba'i bdud zil gyis mnon pa'i rtags dang 'bras bu bstan pa'i le'u ste rje brgyad pa'o// // de yang rdo rje sems dpa' nyon// nyams kyi bdud drug don bstan pa// mkha' 'gro lung ston bdud byung tshe// khyod ni ma bdug phan gdags zer// 'dod pa snying zhugs zhen pa tshol// mi 'grub bka' ba sna tshogs byed// zhen pa nyid na 'dod pa stongs// lung ston slu ba'i bdud du shes// gzhi la med zhes re dog med// de yang 'dus pa'i snying po nyon// nyams myong zhen pa'i bdud byung tshe// mi rtog zhen pa'i bde ba 'byung // 'phel 'grib yod pas ma nges pa// ngos ma zin pas lung ma bstan// lhag mthong dran pas gdeng dang ldan// don la 'gyur med nam mkha' bzhin// dam par lta med sgrib gnyis dag/ zhe 'dod tshul chos bdud byung tshe// gdam ngag med par bsgom tshul ston// dad can glen pa thabs kyis sla// chags chung tshul chos 'byed pa ni// gzhi nyid ma bcos dran pa gces// zhe 'dod med na tshul chos bral// 'dod med gdeng ldan 'bras bu'i mchog/ de yang rdo rje sems dpa' nyon// sgom chags bde ba'i bdud
- 19b
byung tshe// 'dod chags dbang la byang chub re// rang gi zhen pas 'dod chags bsregs// don du ma shes byang mi chub// rang rig don ldan dbang gi dgos// 'dod chags rkyen thub chos skur shes// khogs med ye shes sangs rgyas yin// de yang 'dus pa'i snying po nyon// yon tan phra dog zhe sdang byed// de la la 'debs rmongs pa ni// mkhas la skur 'debs dmyal bar ltung // gzhi rtog don skur dang bral ba// zhe sdang rang grol chos nyid rtag/ de nyid dus na bdud med shes// nga rgyal sgro 'dogs bdud byung tshe// gang zag slong phyir chos la slong// ches chung byed cing bka' kun byed// bsod nams mi 'phel dmyal bar ltung // man ngag gsang thub zil gyis mnon// yid ches rang reg don gyis zin// da lta nyid du bden pa mthong // de yang 'dus pa'i snying po nyon// de dag bdud kyi dbye ba yang // lha med rnams la 'byung ba las// lung bstan kun gyi yon tan de// sangs rgyas chos ni bco brgyad yin// kun tu bzang po ye shes klong gi rgyud las// nyams kyi bdud kyi rtag dang 'bras bu bstan pa'i le'u ste tre dgu pa'o// // rdo rje sems dpas yang zhus pa// kun rig ston pas bdag la gson// rnal 'byor nyams su myong ba'i bka'// don dang mthun par bshad du gsol// de skad zhus pa'i don gsan nas// 'dus pa'i 'khor la bka' stsal pa// nyams myong rig pa rnam bzhi ste// snang ba chos dbyings nyams myong dang // rang rgyang zil gnon nyams myong dang // nges lung spyod pa'i nyams myong dang // lta ba gdeng zhin nyams myong dang // de yang rdo rje sems dpa' nyon// snang ba chos dbyings nyams myong ni khya
- 20a
ba btang ba'i mi 'dra ste// mthong snang gzugs sgra la sogs pa// gang mthong ci 'dra cir snang yang // brtag sbyang ma byas kyi na tsam// yul ni bun ne long de tsam// spong sdug zhen par ma song na// chos dbyings gdeng ldan nyams kyi mchog/ de yang 'dus pa'i snying po nyon// rang rgyud nyon mongs zil non nyams// sgom thabs skyon dang btsos pa'i thabs// thun tshad nyams dang rnam lnga ste// sgom thabs lta ba'i rgyud la sgom/ skyon ni bying dang rgod pa ste// bcos thabs rab 'bring tha ma'o// thun mtshams khams kyi tshod dang sbyar// de don nges par la zla ba// gser 'gyur rtsi yis thebs pa bzhini// rtog dang ma rtogs thams cad du/ rang sems lta ba chos nyid gsal// rang rgyud zil gyis mnon pa'i rtag/ de yang 'dus pa'i snying po nyon// de don mthar thug rim pa'i don// gos kyi 'jam rtsub sna tshogs dang // zas kyi ro mchog gang myong ba// gang phrad dran pa/ chos bskur shes// de tsam nyid na ye shes gsal// yul nyid ma yin gang dran pa// chos bskur shes pas yul dang bral// de tsam yul dang rig pa gnyis// gnas skabs mthar thug 'brel pa med// de yang 'dus pa'i snying po nyon// rtog pa mngon 'gyur deng gi nyams// g.yo dang gom pas bstan pa ni// cig cer rims kyis 'byung ba ni// shes pa blo'i khyad par las// lus ngag yid kyi nyams rtags kun// rnal 'byor pa la ngas bar 'byung // de nyid rnal 'byor nyams kyi gdeng // kun tu bzang po ye shes klong gi rgyud las// rnal 'byor nyams su myong ba'i bka' rtags bstan pa'i le'u ste sum cu pa'o// / de nas 'dus pa'i 'khor
- 20b
rnams la// kun rig ston pas yang gsung ba// la zla spyod pa'i bka' rtags ni// 'khor la bshad kyi yid kyis nyon// khon nyid dang sgro 'dogs gcod // rtog pa 'jom dang ye shes spyong// gdeng lhun rig pa sbyang ba/ de yang 'dzus pa'i snying po nyon// lus kyi de kho na sbyong ba// rgyal po gang nas zin pa bzhin// lus dag chos sku rgyan du gnas// de phyir mi 'phrul gzugs dang ldan// ngag gi spyong pa chen po ni// dper na drug pa brtul zhugs bzhin// nges pa'i don dang skyon bral bas// ngag tu ma brjod chos skur gsal// sems kyi de kha na spyod pa// nags kyi ri dwags bag phebs bzhin// shes rab rnam gsum thag chod pas// lhag mthong rig ba'i gdeng gis zin// chos kyi de kho na spyod pa// don gnyer gsang ni thub pa bzhin// gdeng ldan nyams kyis gsang thub pas// nges don mchog gi dngos grub thob// kun tu bzang po ye shes klong gi rgyud las// de kho na nyid la dmigs pa'i spyod pa bstan pa'i le'u ste so gcig pa'o// // de yang 'dus pa'i snying po nyon// phyi'i sgro 'dogs gcod pa ni/ dred mo rjes thag chos pa bzhin// yul dang 'brel med chos skur shes/ snang yang mi gnod phan mi nu// snang gi sgro 'dogs chod pa bzhin// mi shi slar la mi zlog phyir// lhag mthong nges pa'i gdong gis zin// rang gi bden mthong phyir mi ldog/ gnyis ka'i sgro 'dogs chos spyod pa// gnyis sang 'jigs dang bral ba bzhin// ma rig sangs phyir yul dang bral// de phyir yid ches gdeng gis zin// lung gi sgo 'dogs chos skyong ba// nor ster slar le rnyed pa bzhin// dring don mdo rgyang sun ston nas/
- 21a
nges don rnyed pas chos skur rtogs// rdzogs pa chen po ye shes klong gi rgyud las// sgro 'dogs chod pa'i le'u ste so gnyis pa'o// / rdo rje sems dpas yang zhus pa// zas nor dgra gnyen rtog pa 'joms// ye shes spyod pa bshad du gsol// kun rig ston pas thugs gzigs te// 'dus pa'i 'khor la bka' stsal pa// zas kyi rtog 'jom pa yi phyir// khyi phag bzhin du gtsang rme med// don zin rtog pa dang gis bcom// yon tan drug ldan spyod pa'i mchog/ gos kyi rtog pa gzhom pa'i phyir// smyon pa bzhin du ngan chu gon// gnyen po yon tan lnga ldan phyir// chags med ro snyoms mchog tu ldan// gnyen gyi rtog pa 'jom pa'i phyir// ngo tsha med par chags pa spyod// gnyen la sdang ba byas gyur kyang // 'khor ngan 'dud 'joms dge ba 'phel// dgra'i rtog pa 'jom pa'i phyir// gri bo gshed la 'khor ba bzhin// chags snga gnyis ni gzhi la med// dgra nyid chos skur shes pas mchog/ de yang 'dus pa'i snying po nyon// de dag spyod pa gang spyod pa// rig spyod rgyun tu bya ba ni// bram ze dam tshig 'gal ba'i phyir// lung bstan kun gyis byar mi rung // kun tu bzang po ye shes klong gi rgyud las// rtog pa 'joms pa'i spyod pa bstan pa'i le'u ste so gsum pa'o// // kun tu bzang pos yang gsungs pa// gzhi shes blo dngos cig pa dang // brtul zhugs mchog dang bdag med pa'i ye shes rang shar ngas bshad kyiso// 'dus pa'i 'khor rnams yid kyis nyon// lung bstan gdams ngag
- 21b
gzhi shes pas// ngo bo nyid la blo gnas pas// gang yang chos skur rang gsal bas// 'dus ma byas pa'i namakha' 'dra// blo dngos cig par shes pa yis// gang mthong nyid na 'khrul med phyir// snang stong gang dran chos skur cig/ smig rgyun mkha' shes pa 'dra// brtul zhugs mchog gi mchod pa ni// mtshoms med lnga dang mi dge bcu// chags sdang lnga la longs spyod pas// lta bas rtog pa'i grogasu 'gyur// lung rig mi 'gal rgyud gnas kyang // 'bol zhing zhi ba'i 'jam 'dod pa// nges pa'i gdam drag ma go na// mkhas kyang rmongs pa snying re rje// de yang 'dus pa'i snying po nyon// bgegs med ye shes rang shar la// rang gi rnam rtog spyod pa'i phyir// bgegs ni mtha' la zad med pas// dngos su med phyir 'khrul pa'i blo// mu stegs pa la 'dra yod phyir// 'dre 'dzin skye bo ma rig pa// mo dang brdzun gyis glen pa slu// dam pa rnams kyis 'dri sun 'don// yul dang gol sa chod gyur na// 'dre med rig pa chos skur shes// gzhi la lha 'dre med rtog pas// phan gnod bya ba'i ming yang med// de yang 'dus pa'i snying po nyon// de dag ye shes rang sar yang la kun brtags zad na 'dre rnams stong // 'dre ni yid 'khrul yin pa'i phyir// ri bong rA la yod rtog 'dra// kun tu bzang po ye shes klong gi rgyud las// ye shes rang shar gyi spyod pa bstan pa'i le'u ste so bzhi pa'o// / de nas 'jus pa'i 'khor rnams la// kun rig ston pas yang gsungs pa// dam tshig ltung med ngas bshad nyon// rtog thabs lnga yi dam nyams ni// rang sems mi rtag khra
- 22a
mi ldan// 'khor bar 'khyams kyang 'jig pa med// dper na shing rta'i 'phang lo 'dra// ched du ma byas drug nyams na// byas pa thams cad mi 'grub cing // 'dir sdug phyi ma dmyal bar ltung // rgyal po chab bsal mi ngan 'dra// srung ba'i dam tshig lnga nyams na// ma rungs las rnams sbyang ba'i phyir// ma rig mun pa ma bsal bas// rang gi mig ni rang don 'dra// spangs pa'i dam tshig bzhi nyams nA/ 'og ma'i sems skyed sdom zhig pas// kha na ma tho rnam gsum 'byung // brtson rar chung ba'i mi dang 'dra// de yang 'dus pa'i snying po nyon// de dag nyes dmigs dbye ba ni// ltung ba'i sgo dgur ltung nges kyis// de yis sdug bsngal smos thag tshong // las kyi tshe tshang bshang mi lang // kun tu bzang po ye shes klong gi rgyud las// ma rtogs pa'i dam tshig nyams pa'i ltung ba'i sgo bstan pa'i le'u ste so lnga pa'o// // de nas kun rigs ston pa yis// 'dus pa'i 'khor la yang gsungs pa// mthar thug 'bras bu ye shes sogs// 'dus pa'i 'khor gyi don rnams la// mngon 'gyur sangs rgyas bka' stsal pa// lus med ye shes sme/ lnga yis// sngar ma mthong ba'i zhing khams gsum// ye shes mig gis dus gcig mthong // 'char nub med pa'i nyi zla 'char// zos pa med pa'i ro mchog myong // ma bsam pa yi dran pa la// mi brjed pa yi bzung // dang ldan// bsgrub pa med pa'i 'bras bu 'byung // rkyen dbang mi 'gyur yul cig snyed// sangs rgyas kun dang dgongs pa gcig/ brtsal med 'gro don da lta byed// de yang 'dus pa'i snying po nyon// rnam smin lus
- 22b
med ye shes sku// rig pa gsal ba kha mig can// sngar ma mthong ba'i chos dbyings gsum// zhing khams sangs rgyas ye shes kyong // chos sku rig pa 'char nub med// rang sems rtog pa'i chos skur shar// ting 'dzin zas ni nyamasu myong // ro mchog gang myong chos skur shes// de la sgom sgrub bya mi dgos// 'khor 'das gnyisu ma bsam pa'i// lhag mthong dran pa'i ye shes la// mi rjed zungs ldan rig pa'i sku// gang dran rig pa kun la khyab// dus gsum skye 'gag med pa yi// 'bras bu bar do ye shes ldan// ma rig bag chags shes pa'i phyir// rkyen bzhi bskyed pa'i dbang mi 'gyur// byang chub sa la nges par gnas// / lhun grub mngon gyur dus der grub// sangs rgyas kun dang mnyam pa'i phyir// dgongs pa kun tu bzang dang mnyam// de yang 'dus pa'i snying po nyon// chos sku gzugs rnyan gzugs sku 'byung // bza' skar gzugs brnyan me long bzhin// mu rtsal lhun gyis chos skur khyab// de nyid 'gro don da lta byas// ye shes lus la rig pa'i thugs// ye shes rang shar don rtog pas// rang byung chos sku kha mig can// ye shes sgo lnga gsal bar 'dus// theg gzhan sangs rgyas 'dod pa de// blos byas rnam gsum nges don med // de phyir yang stengs rgyas kyi// 'bras bu bar ngor sangs rgyas sku// kun tu bzang po ye shes klong gi rgyud las// nges don gyi sangs rgyas pa'i le'u ste so drug pa'o// // de nas ston pa kun bzad kyis// 'dus pa'i 'khor la don bstan pa// nges don 'dus pa'i yang snying 'di//
- 23a
sangs rgyas kun gyi gsang ba'i chos// rig 'dzin rnams kyis thugs la sbas// chos skyong kun gyis gter ltar bsrungs// mkha' 'gro rnams kyis mig ltar mtsho// de phyir rgyud 'di shin tu gnyen de don man ngag nges don 'di// log sreng zhan chags ma nges la// nam yang bstan par ma gsung so// de yang rdo rje sems dpa' nyon// yang dag nges don khyad par can// 'bras bu mngon 'byung nges pa 'di // snod ngan rnams la ma gsang na// tshe thung nang mang sdug bsngal 'byung // phyi mar thar med dmyal bar ltung // de phyir ston pa'i snod nganA ni// bla ma mi labur nga rgyal can// tshul chos byed cing slob dpon slong // mnyes ba med par dam chos 'dod// bka' kun byas nis yod tshul byed// don mgo bar skur pa 'deb sa// dpe kun byas pas bkra mi shis// 'gren sems byas na mched dang 'bral// gnas lugs ma shes snying re rje/ nga rang mkhas shes bla ma smod// sngon du yod pa kha tshabs tsho// gzhan la rnyed zer thebs kyis tshol// phyi nas 'bul zhes slob dpon slu// chos rje bya zhes thabs kyis slu// g.yo rgyu thabs kyis chos 'tshal ba// nam yang bstan par mi bya'o// de yang 'dus pa'i snying po nyon// gal te the tshom chos bshad na// phyi nang chos skyong kun khros nas// me nyes kha ga yog sna tshogs dang // nyes pa med kyang mi rnams sdang // ser sna yis ni ci bsags kyang // rdzas rnams thams cad med pa'o// rang nyid skyo 'bog lkug par 'gro/ 'dre rnams kun gyis bza' bar mthong // rgyal 'gong chags nas gnas mi rnyed// phyi ma
- 23b
dmyal ba chen por ltung // de phyir shin tu gsang bar bya// de tshe nges don yang snying 'di// gu lang gser bzhin mi nus tsam// snron ldan 'ga' la bstan pa las// snang dgu kun gyi spyod yul min// 'khor rnams nges ba de ltar zhog/ kun tu bzang po ye shes klong gi rgyud las// 'khor rnams la rgyud gtad pa'i le'u ste so bdun pa'o// / rdzogs pa chen po ye shes klong gi rgyud zhes bya ba// des don 'dus pa'i yang snying zhes kyang bya// rin po che gser gyi yang zhun zhes kyang bya// thugs kyi nying khu zhes kyang bya// rin po che gser gyi 'dril shing can zhes kyang bya ba 'di rdzogs so// / rgya gar gyi mkhan po bi mA la mi tras// bod du bsnams nas byon te// myang ting nge 'dzin la bstan pa'o// des dbu ru bzod phug mo'i brag la sbas nas// 'brom ye shes bla ma'i snying pos gton nas/ myang dbang phyug rgya mtsho la bshad// des myang shes rab mchog la bshad// des shangs pa lce chung pa la bshad do// @#/ kun tu bzang po ye shes gsal bar ston pa'i rgyud bzhugs// rgya gar skad du/ sin+d+hu ma hA sa man+ta b+ha dra/ dz+nyA na ye tan+t+ra nA mkhod skad du/ rdzogs pa chen po kun tu bzang po ye shes gsal bar ston pa'i rgyud ces bya ba// bcom ldan 'das kun tu bzang po mnyam pa chos sku la phyag 'tshalo// 'di skad bdag gis thos pa'i dus cig na/ bcom ldan 'das dpal kun tu bzang po gsang ba mchog gi bdag pa// dus gsum ma lus lus pa med pa'i ngo bo// sku gsum gyi rang bzhin/ ye shes lnga'i bdag nyid can// rol pa'i