dpal gyi sde'i rtogs pa brjod pa
Śesenaabadāna
Text
ff. 334b–363b · 59 folio sides
- 334b
dang / gtong pa chen po la zhugs nas/ tha na rang gi sha yang stong ste/ des ma byin pa dang yongs su ma btang ba ci yang med do// dge slong dag rgyal po dpal gyi sde rgyal po'i pho brang a ri shA'i shar phyogs kyi grong khyer gyi mthar sprin gtong gi gnas byas te/ spen pa ni gtong / bsod nams byed do// lho dang nub dang byang gi grong khyer gyi sgor sbyin pa ni gtong bsod nams ni byed do// gsum mdo'i dbus na yang spen pa ni gtong / bsod nams ni byed do// 'di lta ste/ zas 'dod pa rnams la ni zas/ skom 'dod pa rnams la ni skom bza' ba dang / bca' ba dang / mar me dang / 'phreng ba dang / dri dang / byug pa dang / gos dang / mal cha dang / stan dang / brgya rten dang / gnas gzugs rnams dang / shing rta dang / glang po dang / rgyan rnams dang / gser gyi desnod dngul gyi phye mas yongs su gang ba rnams dang / dngul gyi gasnod gser gyi phye mas yongs su gang ba rnams dang / ba glang gser gyi ram dang / ba dngul gyi rmig pa gtags pa/ khar bzhong snod dang / ras zur gyis bka' ba rnams dang / gzhon nu ma rnams kyang rgyan thams cad kyis brgyan nas/ sbyin pa ni gtong / bsod nams ni byed de/ dge slong ci tsam du rgyal po dpal gyi sdes ci tsam gyi 'dzam bu gling pa'i mi thams cad phyug pa dang / nor mang ba dang / longs spyod che bar gyur pa de tsam du sbyin pa rnams byin no// yang de'i tshe rgyal po'i
- 335a
pho brang a ri shwa'i grong khyer na/ bye ba phrag dgu bcu rtsa drug gi mi rnams gnas te/ rgyal po dpal gyi sde de dag thams cad kyi sdug pa dang li du 'ong bar gyur to// gzhan yang 'di skye ba dang / bud med rnams kyis mthong na/ ngoms par mi 'gyur ba'i dga' ba thob bo// dge slong dag rgyal po dpas kyi sde'i blon po stong phrag bcu gnyis yod do// blon po de rnams kyi mchog blo gros chen po zhes bya ba mkhas pa gsal ba blo gros dang / ldan pa thams cad la dbang byed pa rgyal po yong su skyong bar byed pa/ rgyal po dpal gyi sde'i snying du sdug pa dang / yid du 'ong ba dang / phangs par gyur pa zhig 'byung bar gyur to// des 'di'i gzugs dang / dog dang / rtags dang / byis pas mthong ba na ngoms pa med de/ ska cig kyang 'di dang mi 'bral lo// dge slong dag rgyal po dpal gyi sde'i 'dzam bu'i gling gi mi thams cad dge bcu'i las kyi lam la yang dag par sbyar te/ shes sngon dag/ 'dzam bu gling gi mi rnams dge ba bcu'i las kyi lam rnams la rten cing dge bcu'i las kyi lam 'di rnams yang dag par gzung shig ces dge ba bcu'i lam la yang dag par sbyor te/ dge slong dag rgyal po dpal gyi sde de lta bu'i gdam ngag rjes su bstan par gyur to// 'di lta ste/ 'khor los sgyur ba'i rgyal po de'i dus/ su gang 'dzam bu gling pa'i mi gang la la dus byas te lus zhig nas/ de lha'i
- 335b
ris drug tu skye bar gyur te/ gang phal cher ni sum bcu rtsa gsum gyi lha'i ris su skyes so// yang de'i tshe sum rtsa gsum gyi lha rnams kyi lha'i grong khyer ltan sdug ces bya ba lha'i tshogs kyis kun tu gang ngo // de nas der go skabs med par gyur pa dang / lta na sdug gi pha rol yongs 'du dang / shing rta sna chog dang / dga' ba'i tshal la sogs pa'i skyed mos tshal rnams su gyur to// de nas sngon skyes pa'i sum bcu rtsa gsum gyi lha'i tshogs kyis yang dag pa'i 'byor pa de mthong ste/ rab tu dga' nas lha'i dbang po rgya byin la 'di skad ces smras so// ko'u shi ka gang du ri'i rgyal po ri rab de nyid lha'i bu dag gis lha'i tshogs ni 'phel bar gyur/ lha yin gyi tshogs ni 'grib par gyur pa'i ngo mtshar 'di la gzigs/ de nas lha'i dbang po rgya byin gyis lha'i bu rnams thos nas ri'i rgyal po ri rab thams cad lta bar brtsam pa dang / ce tsam ni ri'i rgyal po ri rab lha'i tshogs rnams kyis kun nas gang ba mthong ngo // mthong nas kyis de 'di snyam du sems te/ rgyu gang dang rkyen gang gis sems can 'di snyed cig 'dir skyes par gyur snyam nas/ 'dzam bu'i gling thams cad la lta bar brtsams pa dang / ci tsam na rgyal po dpal gyi sde'i mthu yin par mthong ngo // / de nas lha'i dbang po brgya byin sems rab tu dga' bas sum bcu rtsa gsum gyi lha rnams la smras pa/ grogs po dag khyed rnams nyon cig/ 'dzam gling dbang phyug
- 336a
rgyal po yi/ dpal gyi sde zhes rnam grags pa// rtag tu chos la gzhol ba dang // rgyal po chen po chos la gnas// thog mar bar dang mthar dge zhing/ sems can kun la phan par dga' gtso bo mi rnam dge ba la// rtag tu yang dag spor byed de// rtag tu snying rje'i bdag nyid can// phyi rol dongs rab gtong zhing / de'i sha yang slong ba la// rjes su brtse ba nyid kyis ster// nang ngam yang na phyi rol la// de ni yongs su 'dzin med par// rjes brtse nyid kyis gtong byed cing // byang chub mthar 'byung ba la brtson// des ni rnam dag gser bzhin du// 'gro ba thams cad rab tu bsgrubs// rgyal po de'i mthu yis ni// thams cad mtho ris la gzhon 'gyur// rgyal po blo gros che de'i yi// mthu yis su yang dmyal ba dang // yi dgas dang ni dud 'gro yi// skye gnas rnams su skye mi 'gyur// de'i gzi brjid mthu yis ni// thams cad snang bar 'gro ba dang // sbyin dang tshul khrims dga' 'gyur bas// dga' ba'i tshal na dag par rtse// dpal gyi sde la rje la brten par/ gus dang ces par gyur pa 'di// lha'i 'jig rten nyams dga' bar// de yang dga' bar rnam pa snang // de nas sum bcu rtsa gsum gyi lha de dag gis tshig de thos pa dang / yid dga' ba dang // sems rangs pa dang ngang te// dga' ba'i sems su gyur cing 'di skad ces kyang smras so// gang rgyal po 'di yan lag dang nying lag dang sbyin par
- 336b
gtong / 'dod pas brtsol ba ni ngo mtshar che'o// 'on kyang 'di ltar yan lags dang nying lag ster ba 'di ni dga' ba ste/ bdag dang mnyam par 'angs pa gzhan med pas/ de ci ltar na bdag nyid chen po 'di rang gi lus kyi sdug bsngal ba la mi sems par yan lag dang nying lag sbyin par gtong bar 'gyur to// 'di ni rjes su dpag par nus pa ma yin no// brgya byin gyis smras pa/ grogs po dag khyed rnams de skad ma smra shig/ rgyal po 'di ni mthu che ba snying rje che bas/ tha na rang gi sha yang gtong ste/ 'di la yongs su ma gtang ba ci yang ba ci yang med do// ci tsam du na dus gzhan gyi tshe// btsun mo rgyal po'i 'od stan chen po nyal ba na/ tho rangs kyi dus su rmi lam bzhi rmis te/ dpal gyi stan las bdag nyid phab nas/ slar yang gter mthong ba dang / rang gi mig phyug nas slar yang skyes par mthong ba dang / bdag nyid kyi dpung pa g.yas pa 'di gcad de sa la lhung nas slar yang skyes par mthong ba dang / mi ma yin dngul gyi rdo bcag pa'i mdog 'dra ba zhig gis/ rgyal po dpal sde'i dpung pa g.yon pa song la phyung ste/ phrogs nas slar yang skye bar rmis so// gnyid sad pa dang 'jigs par 'gyur/ rengs par 'gyur/ spu zing zhes byed par 'gyur te/ pa ram lha la sdug bsngal 'da' zhig 'byung bar mi 'gyur grang zhes bsams nas/ des rgyal po dpal gyi sde la smras so// de rmi ltas la bya
- 337a
ba yin pas/ 'di snyam du sems te/ 'di rmi lam ji lta bu mthong ba las na/ ring po mi thogs par chung ma 'di slong ba 'byung bar 'gyur ro snyam nas smras pa/ ma 'jigs shig rgyu ma lta ba'i rmi lam la sems pas ci zhig bya/ dpal gyi stan la bdag nyid gnas par khyod kyis ma mthong ngam/ mge ma nyams par/ de bzhin du 'dug pa dang / bdag nyid kyi dpung pa g.yas pa de bzhin du yod pa dang / nga yi yang dpung pa g.yon pa gnas bzhin pa nyid zhes des dbugs phyung ba dang / cang mi smra bar 'dug go/ ci tsam na nub mo gnyis pa la/ blon po'i mchog blo gros chen po zhes bya ba'i rmi lam du rgyal po dpal gyi sde'i po che thams cad las byas pa'i khang bzang mod la zhig pa dang / rin po che de rnams sha za ba mthong na 'jigs su rung pa rnams kyi phan khyer ba dang / slar yang khang bzangs so sor sbar bar rmis so// sad pa dang 'jigs shig skrag pa dang / yi mug ste spu zing zhes byed pa dang / bsams pa sems can thams cad la mnyes shan pa lha dpal gyi sde'i skra lus slong ba 'ong bar mi 'gyur gang lha yang thams cad stsol ba thams cad yongs su btong ba/ chags pa med par btong ba ste/ 'di lta ste/ dman pa dang / long ba dang / bkren pa dang / sdug 'phongs rnams la 'di yongs su mi gtong ba ci yang med do// rgyal po dpal gyi sde la ni zhu ba mi bya ste/ shin tu spro ba skye ba mi 'grang / de
- 337b
nas des gsangs te/ mtshan mkhan pos nas dam bskos te smras pa/ shes ldan ngas 'di lta bu'i rmi lam rmis pa'i 'bras bu ji lta bur gyur pa khyod kyis lung ston cig/ mtshan mkhan gyis smras pa/ rmi lam ci 'dra ba 'di las ring po mi thogs par lta'i sku lus la slong ba 'ong bar 'gyur ro// rmi lam bstan pa de lta bu 'di thos pa dang / blon po'i mchog blo gros chen po sdug bsngal drag pos gdungs shing / mig mchi mas gang ba dang / lag pa 'gram pa la btad te sems khong du chung bas gnas/ rgyal po dpal gyi sde byams pa dang / snying rje'i bdag nyid can sems can thams cad la mnyes shin pa/ yon tan du ma dang ldan pa la mi rtags pa'i stobs nye bar gnas pa ni ha cang myur ches so// de nas nub gsum pa la blon po stong phrag bcu gnyis la rmi lam lnga rmis te/ khri yis rgyal po dpal sde'i gdug dang / cod pan phrogs te slar yang byin pa dang / skye bo thams cad kyi mgo gcad nas slar yang byung ba dang / 'dzam bu'i gling gi thams cad kyi mig phyung nas slar yang skyes pa dang / 'dzam bu gling gi thams cad kyi rkang pa dang lag pa rnams bcad nas slar yang skyes pa dang / rgyal po dpal gyi sde seng ge'i khri las babs slar yang 'dzeg par rtsom par rmis pa dang / 'jigs shing skrag la yi mug nas/ rgyal po dpal gyi sdes chen po skyong bar mdzad pa/ byams pa'i bdag nyid can snying rje che ba/ sems can thams
- 338a
cad la mnyes shin pa la mi rtag pa'i stobs nye bar gnas par mi 'gyur grang / bdag cag rnams lha dang lhan cig gnas pa las tha dad par gyur ba dang / so so ba dang bral ba dang / bye bar mi 'gyur grang / 'dzam bu gling pa'i skyabs dpung gnyen med par mi 'gyur grang / de rnams kyi mtshan mkhan rnams bos nas/ smras pa dang de rnams kyis ci tsam na thams cad 'di bzhin du 'gyur zhes lung bstan to// 'di lta bu'i rmi lam bstan thos pa dang / grong khyer a ri ShA na na gnas pa'i skye bo'i cho ga rnams nyams thag pa'i nga ros du bar brtsams so// thos pa gcig nas gcig du rgyud pas/ 'dzam bu'i gling ba'i mi thams cad mya ngan drag po'i sdug bsngal gyis bcom nas/ shin tu smre sngags 'don par gyur to// de ltar gyur pa de rgyal po dpal gyi sdes thos so// thos nas kyang yang bsams pa nga'i lus slong ba 'ong bar 'gyur ro// / snyam nas sems rab tu dga' ba dang mgu bar gyur to// shes ldan dag 'dzam bu gling gi mi khyed rnams bde ba dang phebs pas dge ba'i las la gzhol bar gyis shig/ khyed rnams sgyu ma lta bu'i rmi lam la sems pas ci zhig bya zhes 'dzam bu gling thams cad dril bsgrag so// de nas rgyal po dpal gyi sdes dril bsgrags pa de thos pa dang / 'dzam bu gling pa'i mi thams cad dbugs phyin par gyur te/ yang de'i tshe de'i dus na/ rgyal po'i pho brang a ri ShA'i byang phyogs na rgyang grags tsam gyis phyogs
- 338b
na ri bo zhig yod pa de na drang srong lnga brgya tsam gnas so// ci tsam dus gzhan zhig gi tshe/ de rnams kyi don du 'jug pa drang srong gcig don gyi bya ba 'ga' zhig gi phyir rgyal po'i pho brang a ri Sh+kar 'ongs so// yang dus de'i tshe rgyal po dpal gyi sde lha mo rgyal po'i 'od dang lhan cig tu shing rta cig gis nang du zhugs nas skyed mos tshal gyi san song ngo // drang srong des rgyal ba dang tshe ring ba'i brjod pa byas pa dang / drang srong des lha mo rgyal ba'i 'od rgyan thams cad kyis brgyan thams cad kyis brgyan pa mthong ste/ 'di ltar yang de'i skye ba mnga' ma'i chung mar gyur pa yin pas/ sngon gyi chags pa dang 'bral ba'i dbang gis tshul bzhin ma yin pa yid byed pa skyes par gyur te/ de yid la sems shing lam de nas song ste/ lam de nas 'das pa dang / ci tsam na drang srong de rgyal po'i pho brang grong khyer a ri Sh+Tar byas pa 'am/ byed pa de thams cad byas te yongs su rdzogs pa dang / 'asti gnas su song ngo // ci tsam na dus gzhan zhig gi tshe drang srong des bram ze'i khye'u gcig rig byed 'don pa yongs su rdzogs ba dang / de mkhan po'i rkang pa la btags mas smras pa/ mkhan po la nor ci lta bu dbul bar bgyi mkhan pos bka' stsol cig/ drang srong gis smras pa/ de bas na bu rgyal po dpal gyi sde'i btsun mo rgyal po'i 'od slongs la nga'i bsnyen bkur bya ba dang / mkhan po la mkhan po'i nor dang / bla ma la mchog pa'i phyir byin cig/
- 339a
de skad ces smras pa dang / bram ze'i khye'u de gnang du bsnun pa'i ri dgas bzhin du sdug bsngal drag pas gdungs te/ mchog tu yi mug pa dang / bsams pa gnas 'di ni 'byung bar dka' ba dang / rnyed par dka' na/ ci ltar yang bram ze nyon mongs pa bdag lta bus rgyal po'i 'od byin ces ji ltar smra bar nus/ 'di ltar sbar bar bya ba ma yin pa'i dngos 'di la kun tu sbyor ba gang yin pa des na/ mkhan po nges par bdag la dmod pa byed par 'dod pa yin no// de nas drang srong des de'i bzhin rnams par nang gi bsams pa rtogs nas smras pa/ bu ma 'jigs shig ji ltar sems 'di ltar khongs su chud/ rgyal po 'di ni bdag nyid che ba thams cad ster ba/ thams cad yongasu gtong zhing chags pa med par yongs su gtong bas tha na rang gi sha yang gtong ste/ 'di la yongs su ma gtang ba ci yang med do// bu des na rgyal po'i btsun mo'i mchog ster bar gyur gyis/ yi mug par ma byed cig/ de 'di snyam du sems te/ gal te ma song na ni gang dmod par byed pa'i gnas de yod pas 'gro ba snyam nas/ de dmod pas smras pa/ mkhan po de lta na mchi'i 'o zhes des de'i rkang pa btugs nas song ste/ rgyal po'i pho brang a ri Sh+kar phyin to// de bzhin du shun gyi gos gyon zhing dbyig pa dang / ril ba lag na thogs la/ sa rdul gyis lus la gos
- 339b
ba dang / rgyal po dpal gyi sdeg la ba der song ste phyin nas/ rgyal po dpal gyi sde la rgyal ba dang tshe 'phel ba byas nas bsams pa/ ci srang 'am 'on te mi srang / ster bar 'gyur ram/ mi ster bar 'gyur/ nga'i yid la byed pa 'bras bu dang bcas 'gyur snyam nas/ bdag nyid dmod bzhin du rgyal po'i mdun na dman pa'i bzhin gyis cang mi smra bar 'dug go// de nas rgyal po dpal gyi sdes bsams pa/ 'di ni nga la slong du 'ongs so snyam nas/ bram ze'i khye'u de la 'di skad ces smras so// bram ze'i khyed kyi dgos pa gang yin pa de smos/ de ring khyod kyi yid la byed pa'i re ba yongs su rdzogs par bya'o// de skad ces smras pa dang / bram ze'i khye'u de 'jigs pa skyes nas/ byang chub sems dpa' la smras pa/ de legs kyi sa la rig ge mo na bdag gi mkhan po drang srong 'don du 'jug pa 'khor lnga brgya dang gnas te/ de la bdag gis rigs byed 'don pa yongs su rdzogs pas rgyal po chen po thugs brtse bas btsun mo rgyal ba'i 'od bdag la stsol cig/ mkhan po la mkhan po'i nor dang / bla ma la mchog pa'i phyir ste/ bdag gis mkhan po la dbul bar bgyi'o// de skad ces smras pa dang / rgyal po dpal gyi sde brtse ba'i dbang gis yid mi dga' bar gyur te/ btsun mo rgyal ba'i 'od 'di dang bral ni ji ltar srog 'dzin par nus/ 'khor de dag thams cad dag thams cad
- 340a
kyang rgya mtsho zab mo'i sgra mi g.yo ba dang / gnad bsnun pa bzhin du sdug bsngal drag pos rtags bag tu 'di ci zhes skyobs rab tu gnaso// de nas byang chub sems dpa' ska cig cang mi smra bar gnas te bsams pa/ bu dang chung la sogs pa byin pas ni bla na med yang dag par rdzogs pa'i byang chub thob par mi 'gyur ro// de'i phyir bram ze 'di la dga' bas chung ma 'di sbyin par bya'o// snyam du bsams nas/ gnyen sdug pa dang bral bar zham pa'i sems yang dag par bsal/ 'phral du seng ge'i khri las babs nas byang chub tu smon pa'i sems kyis/ btsun mo rgyal ba'i 'od lha'i bu mo bzhin du rnam par mdzes pa/ khyo dang bral ba'i gdung bas shin tu dbugs ring po phyung ste/ mchi mas gang ba'i mi dang mun par g.yang sa chen po nas lhung ba bzhin du mchog tu sdug bsngal bas gdod phab pa/ lag pa g.yon pas bzung ste/ lag pa g.yas pas gser gyi bum pa thogs nas/ bram ze'i khye'u de la 'di skad ces smras so// bram ze chen po tshur shog tshur shog/ bram ze dam pa gzugs bzang ba/ sdug pa'i chung ma 'di long shig/ sbyin pa 'di yis myur du ni/ byang chub dam pa thob par shog/ ces smras nas/ byang chub sems dpa' bram ze de'i lag par chu'i rgyun blugs so// de nas yang dge slong dag rgyal po dpal gyi sde'i chu'i rgyun blugs pa'i rjes thogs nyid
- 340b
la de'i 'phrul dus sa rnam pa drug tu g.yos par gyur to// de nas bram ze'i khye'u des byang chub sems dpa'i shin tu gtong ba dang / gtong ba las kyang shin tu gtong ba/ shin tu dka' ba de mthong ba dang mchog tu ngo mtshar skyes so// nam mkha'i ngos na gnas pa'i lha brgyad stong rnams kyis kyang ca co'i sgra gton to// de ma thag tu yang skar mda' ltung ba dang / bar snang gi lha yang rnga rdung bar gyur to// de nas bram ze'i khye'u de rgyal po 'gyod par ma gyur grang snyam nas/ byang chub sems dpa' la mngon par stod de bde legs su gyur ces smras nas/ btsun mo rgyal ba'i 'od khyer te rings par rings par sti gnas su song ste/ mkhan po la byin pa dang / btsun mo rgyal ba'i 'od nya chu las bton pa shin bdug pa dang / bram pa'i sdug bsngal drag pos gdungs shing nyam thag pa dang / byang chub sems dpa' nyid la mngon par sems shing 'gro ba thams cad mun nag du gyur pa bzhin du shes shing / kyi hud rgyal po chen po kyi hud rgyal po chen po zhes mchog tu gdung ba'i sems dang zas bcad pa la zhugs so// sa g.yos pa des brgya byin gyi gnas g.yos par gyur to// chos nyid kyis lha rnams kyi shes pa 'og tu mthong po 'jug go// gong du ni ma yin no// de nas lha'i dbang po brgya byin gyis bsams pas shin tu drag por g.yos pa/ mtshan ma 'di ni su'i mthu yin/ gang gi mthu ni ci 'dra ba/ shin tu gsal/
- 341a
bar 'dir shes bya/ 'dzam bu'i thams cad la blta bar brtsams pa dang / ci tsam na byang chub sems dpa' 'di lta bu mchog tu dka' ba'i las byed pa mthong ngo // mthong nas kyang yang mchog tu ngo mtshar skyes te/ sum bcu rtsa gsum gyi lha rnams la smras pa/ grogs po dag khyed cag rnams rgyal po dpal gyi sde ngo mtshar dang / rmad du byung ba'i las la ltos gang zhig 'di ltar yid du 'ong ba dang 'di ltar phangs pa 'am chung ma la mi sems te/ rtsas bzhin yongs su gtong ngo // grogs po dag rnam grangs des kyang 'di ltar shes par bya ste/ bdag nyid chen po 'di rang gi yan lag dang nying lag rnams kyang phangs pa med par gtong ba yin no// lha rnams kyi smras pa/ ko'u shi ka bu mo ni de bas yongs su gtong bar byed kyi/ 'di lta ste/ yan lag dang nying lag ster dud par bya ba ma yin te/ shin tu bka'o// de skad ces smras pa dang / lha'i dbang po brgya byin gyis smras pa/ grogs po dag zhog shig/ spu'i rtse mo'i chu'i thigs pas rgya mtsho ma gzhal cig/ nam mkha' 'dom gyis ma gzhal cin/ nyi ma dang srin bu me khyer 'od ma snyom shig/ ri rgyal po ri rab dang yungs 'bru ma snyom shig/ gzhan yang ngas khyed cag rnams kyi mngon sum du bya yis/ de nas lha'i dbang po brgya byin de nyid kyi nam langs pa na/ sum bcu rtsa gsum gyi rnams la smras pa/ kye ma'o grogs po dag shes par gyis
- 341b
shig ces smras te/ nang par nyid langs nas lha'i bu bzhi dang thabs cig tu sum bcu rtsa gsum gyi gnas las babs te grong khyer a ri Sh+Ta dang ha cang yang mi ring ba'i/ nags kyi tshang tshing du zhugs nas/ bram ze rgang po'i cha byad du byas te/ rang gi lus kyi lte ba man chad sog les bcad pa lta bur ston cing kun nas khrag 'dzag pa'i khri las bskyod nas/ lha'i bu bzhi bram ze'i cha byad du 'dzin pas/ pha dang bral ba'i sdug bsngal gyis nyams thag pa ltar/ nyams thag pa'i nga rol tshe nges 'deb shing bdeg par mngon par sprul te/ nga'i lus 'di'i phyed stag gis bcad nas zos zhes 'di ltar bstan par bya'o// snyam nas yid la bsams nyi ma shar ba'i dus su nags kyi tshang ching de nas byung ste/ grong khyer du mngon par phyogs nas kun tu chas so// khrag gi dri de la yang ste nas khA da dang chu skyar dang bya rgod rnams rjes su 'breng ngo // 'og nas kyang khyi dang wa rnams rjes su 'breng bzhin rings pa'i rings par grong khyer sgor song ngo // de yang 'di ltar snying rje'i gnas su gyur pa skyes pa dang / bud med rnam kyis mthong nas/ snying rjes gdungs yid kyis gcig la cig smra ba grogs bram ze'i de'i rked pa chad nas 'di'i dbang po yang ma 'khrugs pa ji ltar 'tsho 'gyur/ gzhan zhig gis smras pa/ 'di mi ma yin gyi sha za mi'i cha byad kyis bdag cag bzang ba'i phyir 'dir 'ongs kyi/ mi rked pa chad pa ni 'tshe ba med do// de skad
- 342a
ces thos pa dang / skyes bu sngar ma ni 'jigs pas bros par brtsams so// skyes bu dpa' ba gzhan zhig 'di snyam du 'di ni sha za zhig ste na yang tshor bar nyen bzhin du 'di ltar dbang po rnams bde bar snan na de ci lta bu yin bdag gis 'di la mi ma yin nam sha zar gyur pa dri bar bya na/ 'dis tshig thon par dga' mod kyi/ gal te tshig thor na ni ngo mtshar du 'gyur ro// ci tsam na gzhan zhig lta mod skyes nas smras pa/ bram ze khyod ci ma yin nam/ 'on te sha za yin khyod kyi lus 'di rked par sum nas gnas skabs 'di ltar bur byas/ khyod ni ga las 'ongs/ de nas lha'i dbang po brgya byin gyis bdag nyid 'di ltar khri'i steng du 'dug cing sdug bsngal drag po'i tshor bas nyen pa bzhin du/ nye bar ston cing de'i tshe tshigs su p+pa 'di dag smras so// shi pi pa khyed ma 'jigs shig/ bram ze nga yin srin po min// sngon gyi la kyis nyes pa yis/ gnas skabs 'di 'dra thob par gyur/ 'di nyid du ni kun bshan na dus ni kun tu 'da' bar 'gyur/ 'chi bdag myur du 'ongs nas ni/ srog ni 'phrog par 'gyur du 'ong / chos kyi rgyal po'i spyan mngar ni/ 'di dag kun kyang bshad par bya/ sngon gyi lus kyi mtshan nyid ni/ de rung la 'bras bcas 'gyur/ yon tan kun gyis rnams mdzes la/ zla ba lta bur zhi ba dang / sprin dang tshul khrims la dga' ba'i/ gtso bo gang du 'thong bar 'gyur/ rgya mtsho bzhin zab gyur cig/ ri ra/
- 342b
lta bar mi g.yo ga/ 'jig rten gyi ni gtsor gyur pa// chos kyi rgyal po gang na bzhugs// 'jigs shing skrag pa rnams kyi skyabs// slong ba rnams kyi bgrod pa'i/ mchog/ snyan sgra sprin dang / tshul khrims ldan// bdag nyid che de gang na bzhugs// bdag mdun 'chi bdag nyer 'ong gis// shi bi pa rnams myur du smros/ thugs rje can de ma rtogs par nga la lus phyed su zhig ster// de ltar rgyal po'i lam nas snying rje ba dang / dman pa dang / zhum pa'i tshig smra zhing / rim gyi rgya po dpal gyi sde'i pho brang gi sgor song ba dang / srog chags brgya stong du ma rnams kyang ngo mtshar skyes nas rjes bzhin 'brangs so// yang bar skabs der lha dang klu dang gnod sbyin dang lha ma yin dang / nam mkha' lding dang / mi 'am ci dang / lto 'phye tshogs rnams kyis/ rgyal po dpal gyi bsde'i phyis 'byung ba'i rkang pa chen po de dang / lus kyi tshor ba drag po de shes nas// sdug bsngal drag pos gdungs te// tshe nges 'debs pa la zhugs so// kyi hud rgyal po dpal gyi sde// byams bdag nyid can snying rje dang ldan pa/ sems can thams cad la mnyen gshin pa la mi rtag pa nyid kyi stobs nye gnas pa ni sdug bsngal lo// de thos pa dang skye bo'i tshogs rnams shin tu smre sngags mngon par gyur to// yang de'i tshe 'dzam bu gling thams cad 'khrugs par gyur pa dang / du bas mun par gyur pa la skar mda' ltung ba dang / phyogs
- 343a
sreg pa dang / bar snang la lha rnams rnga rdung bar gyur to// yang de'i tshe ri la gnas pa'i drang srong des btsun mo rgyal ba'i 'od 'di ltar khyod dang bral ba'i gdung bas shin tu ring po 'byin cing zas mi bza' 'du med par mthong nas snying rjes sems 'dar nas bsams pa/ ma la ngas rgyal po dpal gyi sde la dbul bya'o snyam nas btsun mo rgyal ba'i 'od dbugs phyung ngo // 'dzam bu'i gling thams cad 'khrug shing kun tu 'khrus par yang mthong ngo / mthong nas kyang yang bram ze'i khye'u la smras pa/ bram ze'i bu 'di ltar 'dzam bu'i gling 'di phyogs 'di thams cad pas mun par gyur la/ 'khrugs shing kun tu 'khrugs par gyur pa dang / nyi ma dang zla ba gnyis kyang laM me ma yin/ lha ni ma yin pas nges par na 'dzam bu'i gling 'dir yun mi ring ba nyid du skyes bu chen po 'ga' zhig 'gag par 'gyur ro// de ring de nas de'i tshe drang srong tshigs su bcad te smras pa/ mi 'am ci'i cho gas dang nags kyi lha rnams du/ nam mkhar gnas pa'i lha rnams kyang ni rmad par byed/ zla ba 'od med nyi mas mun pa sel mi byed/ de ring rol ma brdungs na sgra mi grag par 'gyur/ shing tshogs me tog 'bras bur ldan pa 'di dag kyang / rlung / gis bskyod pa bzhin du sa la ltung 'gyur la/ ji ltar 'jigs shing rtsub pa'i sgra kun grags pas na/ grong khyer dag tu ba sdug bsngal mi zad byung bar gsal/ grong
- 343b
khyer a ri ShA na gnas dga' yi// skye bo 'di kun tu sdug bsngal zhing / phun tshun so sor mya ngan zug rngus nges bcom sgra rnams rab tu grol ba'i bzhin// zla ba lta bu'i bzhin ldan bud med 'di dag khang pa'i ngos smre sngags 'don// 'di na mi dag drag pos rab tu du// deng du de ni du khrod 'jigs bzhin no// nam mkha' gnas pa'i sprin 'di'ang chu med par ni sgra yang sgrags// sa la gnas pa'i chu rnams kyang ni skams par gyur// rma bya rnams ni nags med bzhin du sgra sgrogs te// mi rnams kyang ni 'khrugs bcas khyim du rnams par rgyu// chu la rlung gis bskyod pa gru bzhin sa rnams g.yos// phyag dar 'dres rlung ni mkha rab tu ldang // a ri ShA ni 'jigs bskyed mtshan ma mang bas ni// bram ze'i khye'u 'di las rjes 'thun yal du dang // bkra mi shis pa'i mtshan ma ni// nga lnga 'di na rnams mang te// de bas bdag cag shis pa yi// phyogs su 'gro ba shin tu rigs// bram ze'i rnam pa gzhan yang ji ltar shing 'di dag thams cad rgyal po'i pho brang a ri thA ga la ba der 'dud par gyur te/ de bas na kye ma zam ze'i khye'u rnams de ring nyid rgyal po'i pho brang a ri Sh+Tar nye bar 'tshe ba dang gnod pa'i 'jigs pa chen po 'byung bar 'gyur ro// de nas byang chub sems dpa' steng gi khang bzangs kyi gzhi la gnas par skye bo'i tshe de'i sgra thos pa dang / rings pa rings par rin po che la byas pa'i khang bzang las babs nas/ seng ge'i khri chen
- 344a
po las 'dug ste/ shin tu brtags bag tu shes ldan dag 'di ci yin 'di ci yin zhes dris so// bar skabs der lha'i dbang po brgya byin lha'i bu bzhi po de rnams kyi 'phral du rgyal po'i gam du khyer de mod la khri sa'i steng du bzhag pa dang khri la smyon pa lus kyi phyed bcad pa de las khrag kun nas 'dzag cing rab tu 'dzag pa dang / lag pa g.yas pa brkyang te snying rje rje skad byang chub sems dpa' la rgyal ba dang / tshe spel ba byas nas/ mchi mas khengs pa'i mig dang rang gi lus kyang phyed nye bar ston cing / byang chub sems dpa' la smras pa/ 'jig rten na khyod snying rje can// gzhan gyi sdug bsngal gyis sdug bsngal// nyid kyi sku yi phyed sprul bas// gtso bos bdag ni skyab du gsol/ de nas de skad ces thos pa dang / blon po'i chen po'i mchog/ blo gros chen po'i smras pa dang / lha'i mi ma lags kyi sha za 'am sha zas byin gyis brlabs par gyu pa zhig ste/ mi ni rked pa bcad pa 'tshe zhing sngon ji ltar ba bzhin du tshig tu smra ba ni mi srid do// de skad ces smra ba dang / lha'i dbang po brgya byin gyis smras pa/ shi ba'i khyed cag rnams ma 'jigs shig/ da ni sha za ma yin gyi gzhan du na nga ni bram ze yin mod kyi/ dbul bas bdag gi bu dang chung ma bzhag ste/ nor gyi bsams pas rgyal po dpal gyi sde'i thad du chas nas rim gyis song ba na/ rgyal po'i pho brang 'dir nyi ma nub pa na phyin pa dang grong khyer sgo rnams
- 344b
bcad par gyur to// de nas grong khyer dang ha cang mi ring ba na/ bsod nams khang yod par bdag nye bar song ste/ nub mo gnas lam gyis dub pas gnyid 'thug mos non pa dang / sngon gyi las nyes pas nub mo can zan stag 'ongs nas/ bdag gi lus kyi phyid sog le lta bu'i mche ba shin tu rnon po bcad nas khyer te song ngo // der bdag tshor ba drag pos kun tu bcos pas sad pa dang / ci tsam nas bdag gis lus kyi ro rmad phyed po stag gi zos sog les dras pa ltar bcad pas/ bdag tshor ba drag pos kun tu bcom yang sngon byas pa'i mi dge ba'i las rnams kyis kun tu bzung bas shi bar ma gyur gyi/ gcig tu sdug pa dang / gcig tu drag pa dang // gcig tu rtsub pa dang / gcig tu tsha ba dang / gcig tu yid du mi 'ong ba'i tshor ba rnams myong zhing nyan thag pa'i nga ros smra bar gyur te/ bdag de ltar nyams thag pa'i smre sngags thos pa dang / nam mkha'i dkyil 'khor na gnas pa'i lha gzhan zhig gis/ bdag dbugs 'byung ba'i phyir smras pa// ma 'jigs ma 'jigs bram ze mchog/ khyod kyi tshe ni ring bar mthong / grong khyer ri Sh+Ta myur song na// khyod ni legs pa dag pa dang tu 'gyur/ de nas kun ster rgyal por nidapal gyi zhes byams grags pa/ de'i lus kyi phyed bslangs na/ de ni nges par khyod la ster/ zhes smras nas/ lha mo de nyid du mi
- 345a
snang bar gyur to// de nas bdag gis lha mo'i tshig zos dang / 'tsho ba'i re ba kun tu skyes te/ tshor ba yang chung bar gyur to// de nas bdag gi lus kyi phyed ro rmad pas langs kyang ma nus na 'gro ba lta ga la nus snyam nas yang yi mu de gyur ba dang / stes dbang gis nyi ma shar ba'i tshe gnyen 'di bzhi 'ongs gyur to// 'di dag gis kyang bdag nyam nga bar zhugs mthong ba dang / 'di 'chi ba nyid do snyam nas du bar gyur to// de nas ngag gis de rnams la dbugs 'byung ba'i phyir lha mo'i tshig rgyas par smras so// de nas bdag 'di rnams kyis khri la skyon te 'dir khyer 'ongs so// de skad ces smras nas/ lha'i dbang po brgya byin gdong mchi ma'i rlabs kyis gang ba lta bur bdag nyid nye bar ston cing / byang chub sems dpa' la smras pa/ rgyal po chen po// bdag ni dbul zhing ngan pa dang / rgan pa dang na bram ze nyid/ rang gi sku phyed stsal ba yis/ rnyed dka'i srog ni snal da gsol/ bdag gi srog ni bsgrub byed pa'i/ sbyin pa thug rjes stsal du gsol/ don gyi mchog phyir sbyin pa ni/ sku phyed sbyin pas stsal du gsol// nyid kyi sku yi phyed stsal bas/ bsod nams rgya mtsho ltar rgya che/ bzhin mkha' ltar mtha' med pa'i/ bsod nams khyod kyis thob pa'i 'gyur/ bdag gi tshor ba drag po dang / bkres skom mi bzad la gzigs nas// mchog
- 345b
tu thugs rjes mdzad nas ni/ sku yi phyed ni bdag la stsal// byang chub sems dpa' dge khyod chos la gnas// thams cad mkhyen nyid mnyam pa med zhe na// bdag la sku phyed 'di skul de ring ni// shin tu brnyed dka' srog ni thob par mdzod// rgyal po chen po'i sku yi phyed// shin tu gtang rka'i bdag gsol la// chos dang de bzhin grags pa yis// 'gro ba kun la khyab par mdzod// de nas tshig 'di thos pa dang // byang chub sems dpa' sngon goms pa'i dge ba'i bag chags blo la bsgoms pas snying rjes sems 'dar zhing slong ba dbugs 'byung phyir smras pa/ bram ze chen po ma 'jigs shig/ nga ring po mi thogs par lus 'di rdzogs par 'gyur ba dang / yid la re ba yongs su rdzogs par 'gyur gyis// g.yo med pa'i sems kyis khyod la lus kyi phyed sbyin par bya'o zhes smras nas/ byang chub sems dpa' rab tu dga' ba dang // tshigs su bcad de smras pa// kye ma rang gi lus slong ba// yun mi ring bar blta bar bya// nga'i yan lags btang ba te// dga' bar 'gyur ba ma yin no// ji ltar yab kyi bu cig nga yin yang // de ltar na yang yi lus 'di khyer// lus ni byin pas byang chub rnyed gyur cing // 'gro 'di shin tu sdug bsngal las grol shog/ de nas byang chub sems dpa' brgya byin bram ze'i cha byang 'dzin pa las rnam pa 'di lta bu'i tshig smra ba thos pa dang / yid rab tu
- 346a
mgu zhing dga' bas mig gdangs bzhin du/ bram ze de la smras pa/ bram ze lus 'di'i phyed legs par byin gyis bar chad med bar legs par long shig ces smras nas// 'khor de dag thams cad la ltas te// skyes bu gzhan zhig la smras pa// skyes bu khyod rings par song la// sog le shin tu rno ba khyer la shog cig/ de nas skyes bu de brgya byin gyis kun tu rmongs par byas nas/ shin tu rings pa ring par sog le nye bar khyer te 'ongs nas/ smras pa/ lhas sog le 'tshal te mchis so// de nas byang chub sems dpas rangs par blon po la smras pa/ khyed cag rnams kyi ji srid du bram ze 'di 'di mchi bdag gis 'jig rten pha rol tu ma khyer ba de srid du nga'i lus kyi ro rmad sog les myur du mchod cig dang ngas bram ze 'di las sbyin par bya'o// de nas byang chub sems dpa sa mchog tu mi bzang ba'i tshigs pa thos pa dang / rdo rje lhung bas kun tu skrag pa bzhin du grong khyer na gnas pa'i skye bo'i tshogs thams cad mchog tu yi mug par gyur te/ sdug bsngal lo zhes gsang mthon pos du bar 'gyur to// de nas blon po chen po blo gros chen po de zug rngus gnang du bsnun pa bzhin du sdug bsngal/ drag po nyam thag pa ste/ byang chub sems dpa' nyid kyi sku la chags par yongasu gtong ngo // snyam du bsams nas gdong la mchi ma char ltar babs pa dang / rkang pa
- 346b
gnyis la gtud de byang chub sems dpa' bzlog pa'i phyir smras pa lha 'di mi srid de/ 'di lta ste lus sog les bcad pa'i lus ni nges par gyur te/ 'chi na lus mi rung ba'i ror 'gyur la/ lus su mi rung bas ni bram ze la yang byas pa don ma mchis par 'gyur ro// gang gzhan gyi yan lag bcad pa gzhan gyi yan lag 'byor par 'gyur ba 'di yang ma mchis so de ltar na/ lha'i ngal ba lang don ma mchis par 'gyur ro// lha de bas na bzod pa mdzod la// bdag nyid ma mchis par gsod par mi mdzad cing / nyid kyi srog yongs su mi gtang bar gsol/ de nas byang chub sems dpa' blon po chen po blo gros chen po dbugs 'byung pa'i phyir smras pa/ blo gros chen po thong thong ngas nam zhig bla na med pa yang dag par rdzogs pa'i byang chub thob nas 'khor bar rgyu ba'i sems can bsgral bar bya'o// zhes yid la re ba 'di la nga'i byang chub kyi bar chad ma byed cig pu gzhan yang shin tu yun ring por sdug pa dang / yang dag par 'dus par gyur pa yang dnges par bya ba'i mtha' can du 'gyur ba/ 'di ni 'jig rten gyi rang bzhin yin no zhes smras nas/ byang chub sems dpas sog le la bltas te sog le 'di nga'i bla na med pa yang dag par rdzogs pa'i byang chub kyi tshogs kyi phyogs gcig tu 'gyur ro// zhes rjes su sems shing yang blo na po smras pa/ ci'i srid du bram ze 'di srog dang bral bar ma
- 347a
gyur kyi bar du khyed kyis nga'i lus kyi phyed rol slad chod cig/ bram ze shi na nga'i bsam pa 'bras bu med par 'gyuraro// de ltar blon po blo gros chen pos byang chub sems dpa' de lta bu'i rang gi lus yongs su gtong ba'i bsam pa shes nas/ de mchi ma char bzhin du bab pa'i gdong dang / byang chub sems dpa'i rkang pa nas bzung ste/ gdong gi mchus 'o byas nas snying rje rje skad du smre sngags 'don par gyur to// kyi hud ji ltar na 'dzam bu'i gling yongasu skyong bar mdzad pa/ snying rje chen po yon tan du ma dang ldan pa/ sems can thams cad la mnyes bzhin pa'i lha la de ring nyid du mi rtag pa nyid kyi stobs nye bar gnas par 'gyur// / kye ma mi rtag pa nyid kyi stobs dang ldan pa'o// gang 'jig rten du lha 'di mthong ba'i skyes bu de ba rnams ni skal pa can yin no// zhes byang chub sems dpa' lus gton pa la shin tu yun ring du mig mi 'dzums par bltas nas/ lha'i mi rtag pa nyid la lta mi nus so zhes bsams nas skad cig de nyid la mig btsum nas sa'i steng du 'gyel bar gyur to// de nas byang chub sems pas du shing mkhan gzhan gnyis shig la smras pa/ bzhin bzang dag 'dir nga'i sbyin pa'i pha rol tu phyin pa yod su rdzogs pa'i grogs bya ba'i khyed cag gnyis sog le thogs te de'i lus kyi phyed ro smad myur du chod cig/ bram ze'i yid la re ba yongs su rdzogs par bya'o// /
- 347b
nga'i byang chub rnyed pa'i yid la re ba yongs su rdzogs par 'gyur ro// de nas shing mkhan de gnyis yul rmus pa lta'i mchi ma'i gdong can gyis byang chub sems dpa'i rkang pa la gtugs te smras pa/ lha 'di skad gsung ba ni rags pa ma lags te/ de ci'i phyir zhe na/ gal te gzhan dga' zhig lha'i thugasu mi byon pa bgyid ni de la yang bdag cig gis bgyid pa lags na lha nyid kyi sku la mtshon gyis 'debs par ji ltar rngo thog/ lha gzhan yang lag te bdag cig gnyis kyis thugs rje che ba pa'i bdag nyid can sems can la gnyis bzhin pa/ 'dzam bu'i gling yongs su sbyang bar mdzad pa/ khyod kyi sku la sog les gcod par mdzad na/ rapar 'bral du rang gi las kyis dmyal bar ltung bar 'gyur ro// byang chub sems dpas smras pa/ bu dag nga'i byang chub sems dpa' bzod pa'i bdud rtsi tha ma'i bar chad khyed cag ma byed cig/ de bas na tshur shog ji srid bram ze 'di bson pa de srid du nga'i byang chub la grogs bya ba'i phyir myur du nga'i lus kyi phyed ro smad chod cig/ de nas lha'i dbang po brgya byin gyis skyes bu shing mkhan de gnyis ji ltar de la kun tu 'jigs par 'gyur ba de ltar byin gyis rlabs so// yang bar skabs der srog chags brgya stong du ma 'dus pa rnams dang / nam mkha'i ngos na lha brgya stong du ma rnams byang chub sems dpa' de'i shin tu dka' ba dang ba sku ldang ba'i la
- 348a
de lta bar 'dod nas 'dus par gyur ro// de nas byang chub sems dpa' mchog tu dka' ba'i lus yongs su blang bar 'dod pas spong ba de las byas pas khyab par byas te/ 'phral du seng ge'i khri las babs so// dge slong dag byang chub sems dpa' dpal gyi sde seng ge'i khri las babs rjes thogs nyid la/ 'dzum bu'i gling thams cad kyi gdugs dang / rgyal mtshan dang / ba dan de dag thams cad rgyal po'i pho brang a ri Sh+TA ga la ba der 'dud par gyur to// rgyal po'i pho brang grong khyer a ri ShA'i phyogs bzhir skar mda' ltung ba dang grong khyer na gnas pa'i skye bo'i tshogs kyis byang chub sems dpa' dang bral ba'i nyam thag pas sgra sgrags pa/ bram ze sdig pa can 'dis rgyal po dpal gyi sde gsod par gyur gyis/ myur du grong khyer 'di nas phyir phyung shig/ de nas lha'i dbang po brgya byin ji ltar sgra sus kyang ma thos pa de ltar byin gyis brlabs shing / skye bo'i tshogs de rmongs par byas so// bar snang dang sa la rgyu ba'i gnod sbyin rnams byang chub sems dpa' rang gi lus la ltos par shes nas sdug bsngal drag po rnams kyis gdungs nyams thags pa'i cho nges 'debs par brtsams te/ kyi hu nga rgyal po dpal gyi sdes 'dzam bu'i gling yongs su skyong bar byed pa yongs su brtse bar thams cad du lu gtong bar gyur to// de nas yang po brang gi nang na gnas pa'i lha zhig
- 348b
byang chub sems dpa' de lta bu rang gi lus yongs su gto bar shes nas cho nges 'debs par rtsom zhing 'di skad ces smras so// de ji ltar 'di bu'i slong mo ma 'ongs nas/ rgyal po dpal gyi sde yon tan du ma dang ldan pa thams cad nas thams cad du mi 'tsho bar gyur/ de byang chub sems dpas phyogs bzhir bltas te/ yang dag par smon lam 'debs pa la zhugs pa/ grong khyer na gas pa'i lha dang klu dang / gnod sprin dang mi 'am ci rnams bdag la gson cig/ bdag 'dir btong ba byed do// gtong ba shin tu shin pa rang gi lus yongs su gtong ba byed kyis/ bdag gis lus yongs su gtong bar byed pa yang / rgyal po'i phyir ma yin/ mtho ris kyis phyir ma yini/ brgya byin gyi phyir ma yin/ tshangs pa'i phyi ma 'khor los sgyur ba'i rgyal po'i bya ma yin gyi/ gzhan du na bdag gis ci nas bla na med pa yang dag par rdzogs sangs rgyas nas/ sems can ma sbal ba rnams sbal bar bya ba dang / ma grol ba rnams grol bar bya ba dang / dbugs ma phyin pa rnams dbugs 'byung bar bya ba dang / yongs su mya ngan las ma 'das pa rnams yongs su mya ngan las bzla ba'i bden pa dang / bden pa'i tshig 'dis ngal ba 'bras bu dang bcas par gyur cig bdag mngon par byang chub nas kyang mtshan ma chung zad cig byung bar gyur cig ces skyes te/ de la bram zes smras te/ de la bram
- 349a
zes smras pa/ nges pa khyod kyi rtog pa kun 'byor par gyur cig/ khyod kyi yid la re ba yongs su rdzogs par gyur cig/ nga'i bla na med gi byang chub yongasu rdzogs par gyur pa dang / de nas byang chub sems dpa' nye du'i skye ba rnams dang / grong khyer ba'i skye bo rnams la bzod byas pa dang / mkhan po dang nad pa rnams dbugs phyung nas skyes bu shing mkhan de gnyis la smras pa/ bzhin bzangs dag tshur shog/ ji srid du bram ze 'di tshe'i dus ma byas kyi bar du sog len/ zung la nga'i sa lus lte ba man chod cig/ 'gro ba sdug bsngal zas zin pa 'di dag thams cad kyang ngas yongasu bskyab par bya ba dang / khyab pas na/ skyes bu gcig gis rgyab nas brten te/ 'phral du sa la rkang pa gnyis brgyang nas gan rgyal du phab pa dang / dge slong dag khri las byang chub sems dpa' phab ma thag tu yang sa chen po drug tu g.yos par gyur pa dang / de nas btsun mo'i 'khor las bud med rnams kyis de lta bu'i gtam thos nas mya ngan drag pos gdungs pa dang / kyi hud 'di la sdug bsngal ba'i rkang pa la gdugs nas snying rje rje skad du sme'o zhes gdong las mchi ma char bzhin du phab dang / sgra rnams 'grol ba dang tabs bag tu byang chub sems ga la ba der song te deng lha mo lta bu sdug bsngal nas rdabs bag tu byang chub sems dpa' rkang pa la gdugs nas snying rje skad du smre bsngag 'don par brtsom
- 349b
pa dang / kyi hud 'dzam bu'i gling yongs su skyong bar mdzad pa dang / sems can thams cad la bshis pa dang / snying rje ba dang / yon tan du ma dang ldan pa'i lha la deng nyid du mi snang rtags nyid kyi stobs nye bar gnas pa ni sdug bsngal ba dang / 'dir bdag cag lha dang lhan cig pa las tha dad par gyur pa dang / so so ba dang bral bar gyur pa dang / 'di skad ces kyang smras pa dang / lha bzod par mdzod cig/ nyid kyi srog med par mdzad pas/ 'dzam bu gling na gnas pa'i skye bo'i cho ga thams cad mgon med par mi mdzad du gsol/ lha btsun mo'i 'khor rnams dang / bang mdzod dang dbang ba rin po che sna tshogs kyis rgyas shing gang ba la gzigs su gsol ba dang / 'dzam bu gling gi skyes bu'i tshogs tshogs rtag tu rab tu dga' ba rnam pa sna tshogs pa la yang gzigs su gsol ba dang / lha rnams kyis dga' ba'i tshal gyi bskyed mos tshal lta bu'i grong khyer a ri Sh+Ta bza' mang po phun sum tshogs par skye bo'i rab tu dga' ba rnams rten pa la yang gzigasu gsol// / mgon pos las rnams ku tu yang / sras ltar yongs su bslab pa rnams khyod bral mes yis des gdungs nas/ lus can ji ltar gnas par 'gyur// khyod dang khral na bral na bdag cag kun// shin tu 'chi bdag dbang 'gro ba// mgon po khyod dang rnam bral na// bdag 'tsho bar ni mi nus so// btsun mo mya ngan gyis gdungs
- 350a
dang sems can cig sdug bsngal na/ thugs rjer brtse bas thugs rje yis/ mi dbang gzigs su gsol ba dang / sems can rnams/ las mgo ba dang / bza' dang srog bza' bar ni 'tshal/ mgon po dpa' bo khyod 'dra gshegs pa dang / su zhig 'jig rten skyong bar 'gyur/ de nas byang chub sems dpa' de kyi snying rje rje skad du/ smre sngags 'don pa dang thos pa dang / snying rjes gdungs pa'i yid kyis de rnams dbugs 'byung bar 'gyur ba'i phyir smras pa/ khyed cag rnams kyis mya ngan gyis// shin tu yun ring por sdug bsngal ba dang phrad par 'gyur yang / nges par tha mar 'bral ba'i mnya' nyid du 'gyur ba 'dis 'jig rten rang bzhin yin te/ khyed cag rnams kyis rtag tu dge ba'i chos rnams la bag yod par gyis shig ces smras nas/ shing mkhan de gnyis la 'di skad ces smras so// bzhin bzangs dag rings par shog la lus yun ring po mi thogs par chod cig ces smras pa tsam gyis de gnyis kyang brgya byin gyis kun tu rmongs par byas nas/ byang chub sems dpa'i lus lte ba man chad 'phral du sog le btab ste/ da ni ring mi thogs par chod par 'gyur ro// de nas blon po chen po blo gros chen pos byang chub sems dpa'i shin tu dga' zhing bzod par dka' ba'i sdug bsngal mi bzad pa mya ngan drag pos kun tu bsgrag pa'i yid
- 350b
kyis/ rtags bag tu shing mkhan gnyis bzlog cing 'di skad ces smras so// kyi hud kyi hud khyed gnyis kyi rtsal ba 'di ci zhig 'di ci zhig/ 'di ltar khyed cag gnyis/ gyis byams pa'i bdag nyid can/ sems can thams cad la mnyes gshin pa/ yon tan du ma dang ldan pa/ 'dzam bu'i gling yongs su skyob pa/ skyon med pa/ gnod pa mi byed pa 'di ni ci ltar bsod/ mi gti mug can khyed cag 'di lta bu'i chos kyi rgyal po ci ltar gsod par spro/ khyed cag gnyis chen po'i lha mo 'di ji ltar 'dzin pa khyed cag gnyis lha dang klu dang / gnod sbyin dang / lha ma yin dang / dri za dang / nam mkha' lding dang / mi 'am ci dang / lto 'phye chen rnams kyis rdo rje rtse gcig pa dang / 'khor lo dang mnga' bo che dang / mtshon rtse gcig pa la sogs pa'i mtshon rnams kyis ji ltar ma bsnun/ khyed cag gnyis 'di lta bu'i 'phags pa ma yin pa'i las byed na/ lus rnams pa stong du ji ltar ma lhags/ khyed cag gnyis rang gi lus kyi 'phral du dmyal bar ji ltar ma ltung ba/ mi gti mug can khyed gnyis bdag nyid chen po 'dis bu bzhin du ma sbyangs sam/ zhes 'di dang gzhan yang rnam pa mang por smras nas/ kyi hud lha zhes blon po chen po blo gros chen po rings par bstan las langs te/ lags pa gnyis kyis sog le bzung nas/ byang chub sems dpa'i lus la mchi mdzag pas brlan par byas te zlog par byed do// de nas byang
- 351a
sh+tsa s+ya/ chub sems pas zhum pa'i sras de la dbugs dbyung ba'i phyir smras pa/ bu zhog zhog mya ngan ma byed cig/ sdug pa dang phangs pa dang / yid du 'ong ba dang mngon par dga' thams cad nges par tha dad par gyur to// so so ba dang bye ba dang 'gyur ro// gzhan yang bu bsags pa kun gyi mtha' mdzad cing // spang ba'i mtha' ni 'brel bar 'gyur/ 'phrad pa'i mtha' ni 'bral ba ste/ gson pa'i mtha' ni 'chi ba yin// de'i phyir khyod lus slong ba la bar chad ma byed cig/ de ci'i phyir zhe na/ blo gros chen po sngo byung ba na/ nga'i lus slong ba la lha mo rnams kyi bar chad byas te/ de rnams kyis de'i bar chad byas pas nga'i bla na med ba'i byang chub kyi bar chad byas la bdag nyid kyang bsod nams ma yin pa mang po skyes so// gal te nga'i lus slong ba lha rnams kyi bar chad ma byas par gyur na ni/ yun ring po mi thogs pa yang dag par rdzogs pa'i byang chub 'thob par 'gyur ro// bu gzhan yang ngas phyogs 'di nyid du rtag mo zhig bkres pa'i sdug bsngal gyi tshor ba mang pos gdungs pas bu za bar mthong ba/ mchog tu snying rje'i dbang du song ba'i yid kyis yongs su bskyab pa'i phyir de ma thags tu bdag nyid yongasu btang / bas/ byang chub sems dpa' byams paskal pa bzhi bcu zhags pa phyir lus par bya'o// gzhan yang blo gros chen po nga shi bi ba'i rgyal por gyur pa na yang bram ze
- 351b
rgang pa zhig slong ba mthong ste/ snying rjes bskyod pa'i yid kyis slong ba yid la re ba yongs su rdzogs par bya ba'i phyir/ rang nyid kyi phyir pA ung pa la sngon po'i lom lta bu dri ma med pa shin tu mdzes pa sems can skye bo'i mig dang yid 'phrogs pa'i mnyams pa'i mig gnyis 'phral du khrag dang bcas par byang nas byin no// gzhan yang blo gros chen po nga rgyal po zla 'od du gyur pa na yang / bram ze drag po ma mgo slong ba la mchog tu snying rjes bsgos pa'i yid kyis lha dang klu dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / grub po dang rigs pa 'dzin pa'i tshogs rnams dang / lha brgyad stong du ma rnams bkag kyang ngas 'gro ba 'di dag mgon med par mthong nas/ bla na med pa yang dag par rdzogs pa'i byang chub tu mngon par rdzogs par byang chub ste/ sems can rnams 'khor ba'i 'brog dgon pa las thar par bya snyam nas/ byams pas khyab par byas te/ ral gyi nor bu dang / gser da dul dang / bai DUr+ya dang / rdo rje dang / in dra ni la dang / mar gad kyis kun tu brgyan pa dang / ud pa la sngon po lta bu'i ral gris rang gi mgo btsab bzhin du bcad cing byin no// gzhan yang blo gros chen po yang nga shi ba'i rgyal por gyur pa na/ phug ron skyabs med pa zhig khras 'jigs shing skrag par sdug bsngal zhing
- 352a
bzhin rmongs pa bskyabs su 'ongs pa mthong ste/ mchog tu snying rjes 'dar ba'i yid kyis bya phug ron khra las yongs su bsrung zhing bru ba'i phyir/ rang gi sha bcad cing bcad cing byin na/ gzhan yang bla na med pa yang dag par rdzogs pa'i byang chub mngon par 'dod par bya ba'i phyir sa'i phyogs 'di nyid du rkang pa dang lag pa dang / bu dang / chung ma stong phrag yongs su btang ba byas na yang sus kyang bar chad ma byas so// de'i phyir 'di ltar rig par bya ste/ nga'i lus slong ba la khyod par chad ma byed cig/ de nas blon po chen po blo gros chen pos byang chub sems dpa'i rdzu 'phrul chen po shes nas/ byang chub sems dpa' la dad pa chen po skyes te cang mi smra bar gyur cing / 'chi ma'i dpa' rlabs kyis yang dang yang du gdong khebs bzhin du bsams pa/ kyi hud 'jig rten pa 'di dag ni skal ba ngan pa ste/ myur ba nyid du chos kyi rgyal po 'dis bor bar 'gyur ro// kyi hud chos kyi rgyal mtshan 'gyel bar 'gyur ro// chos kyi sgron me shi bar 'gyur ro// chos kyi sgron me mi snang bar 'gyur ro// chos kyi rnga chags par 'gyur ro// chos kyi mtsho skams par 'gyur ro// chos kyi ri bo nyel bar 'gyur ro// chos kyi grong khyer choms par 'gyur ro// chos kyi gru zhig par 'gyur ro// chos kyi shring phyung ba ni kyi
- 352b
hud sdug bsngal lo// 'di ni 'jig rten kun gyi pha// sems can kun la phan byed pa// dus kyi 'khor los bcoms nas ni// rgyal po chen po med par/ 'gyur// gang phyir mi zad dus 'dir ni// rnam pa stong du ma gas pa// snying kha bdag nyid chen po ni// rdo rje chen po bzhin gyur tam// shis pa'i dus ni shin tu 'das// mi zad dus ni nye bar gnas// shes rab lan mi mang po dang // 'jig rten dag kyang brlag par 'gyur// ji ltar ji ltar mthong 'gyur ba'i// sa'i mtshan ma yis nges par yun ni mi ring bar// rgyal po des ge med par 'gyur// dri med mi'i nyi ma 'di// shin tu rnyed dga' deng nub 'gyur// yun mi ring bar 'jig rten 'di/ mi snang ba ni 'byung bar 'gyur// sems can kun la phan pa yi// rgyal po chen po 'di med de/ phyin nas 'jig rten mi snang na// su zhig 'jig rten skyong bar 'gyur// de nas lha'i dbang po brgya byin gyis ni ji lta na ji ltar rmongs par byas pa de lta de ltar mya ngan chung bar gyur nas sog les btab par gyur to// de nas byang chub sems dpas shing mkhan de gnyis la bzhin bzangs dag khyed cag gnyis kyis sog les myur du drongs la/ nga'i lus kyi byed ro rmad chod cig/ bram ze 'di shi bar gyur na nga'i ngal ba 'bras bu med par mi 'gyur grang / de
- 353a
nas shing mkhan de gnyis brgya byin gyi mthus kun tu rmongs pas nyam thag pa'i nga ros chongs 'debs shing skye bo'i tshogs chen pos bka' bzhin byang chub sems dpa' rang gi lus la sog les 'dra bar brtsams so// de nas byang chub sems dpa' byang chub yid la smon cing dga' ba'i yid kyis slo ba'i yid la re ba yongs su rdzogs par bya'o// zhes bsams nas cang mi smra bar gnas so// de nas byang chub sems dpa'i lus kyi lte bar sog les bcad pa las khrag gi tshogs chen po 'bab par gyur to// de nas blon po blo gros chen po 'di ltar sog los bcad pas tshor ba drag pos nyen ba'i khrag 'bab par mthong ba dang / lha bgrongs pa ni sdug bsngal lo zhes bsams nas re thag chad par gyur te/ 'bral du rgyal nas sa'i steng du 'brel bar gyur to// nam mkha'i dkyil na 'dug pa'i lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phyed chen po tshogs rnams kyang mya ngan drag pos gdungs te ngu bar brtsams te/ don rnams kyis du mchi ma brtsams so// de nas skye bo'i tshogs chen pos 'di ci zhig yin snyam nas/ steng du lta bar brtsams pa dang / ci tsam na lha rgya stong du ma rnams du ba mthong ngo // de nas skye bo'i
- 353b
/ tshogs chen po shas cher mya ngan drag pos gdungs te/ byang chub sems dpa' gnas skabs 'di lta bur shin tu sdug bsngal bar mthong bar mthong nas/ kyi hung lha drongs pa ni sdug bsngal lo// zhes bsams nas kun tu rmongs par gyur to// de nas lha'i dbang po brgya byin de srog chags brgya stong du ma 'di rnams byang chub sems dpa'i mya ngan gyis gdungs pas shin tu snying rje zhing zhum pa dang / myur bar snying rje'i yid bsams pa/ bdag nyid che ba sems can thams cad la gnyis gshin pa snying rje can thams cad ster ba/ 'di'i lus la 'di ltar tshor ba drag pos las kun tu sbyor ba ni bzang po ma yin no// gzhan du nad ni srog mi 'jig par 'gyur ba de ltar bya'o// de nas byang chub sems dpa' shing mkhan de gnyis kyis se les drung cing / sog la rnon pos lus bcad pa'i tshor ba drag pos gdungs pa dang / brtan pa'i stobs dang ldan pas slong ba byams pa'i sems bskyed nas bsams pa/ ngas 'khor ba'i skyon gyis rang bzhin shes nas brtson 'grus drang zhing brtan pa dang pas lus kyi phyogs cig bcad pa 'di lta bu'i sdug bsngal skye na/ sems can sngar ma rnams phal cher dmyal bar skyes nas shin tu sdug bsngal ba'i tshor ba rnams kyis gdungs pa lta smos kyang ci dgos// de nas byang chub sems dpa'
- 354a
sems can thams cad la rjes su 'gro bas byams pa'i sems nye bar bzhag ste/ bla na med pa yang dag par rdzogs pa'i byang chub mngon par rdzogs par sangs rgyas nas sems can rnams 'di lta bu'i sdug bsngal las thar bya'o zhes seng ges sgra bsgrags te sdug bsngal drag pos gdung ba'i rang gi sems spro bar bya ba'i phyir smras pa/ 'jig rten sdug bsngal ltos la yid khyod skyo ba spongs/ shin tu brtan pa rgya che nyid du bskyed par gyis// 'gro ba skye rgan 'chi sdug bsngal gyis gdungs pa'i 'di ni skyabs gyur yin gyis bzod nyid brtan par gyis/ gzhan yang kye sems gang phyir 'gro ba kun 'khor ba'i// rgya mtsho las rgyal rgya yin gyis// de bas de ni gnod pa rnams// mi bzod pa ni rigs ma yin// de ltar rang gi sems yang dag par gzhag nas// sems can thams cad rjes su 'gro bas snying rjes nye bar bzhag te bsams pa/ kye mo'i 'khor ba na gnas pa'i sems can gyi sdug bsngal ni/ kye ma mi bzad pa yid la 'khor ba'i sems can de rnams kyi don du 'khor ba'i sdug bsngal thams cad banags par spro bar byas kyis/ sems can 'ga' yang sdug bsngal ba'i skal ba can du ma gyur cig/ dge slong dag sems skyes ma thag byang chub sems dpa' tshor ba 'phral du rgyun chad gyur to//
- 354b
/ de nas byang chub sems dpas bsams pa/ ci'i phyir nga'i lus bcad pa'i tsher rab 'gags par gyur/ sog le 'ga' zhig gis gton par ma gyur grang snyam nas/ sog le de la bltas so// bltas nas kyang mchog tu yid mi bde bar gyur to// de nas lha'i dbang po brgya byin gyis bsam pa shes nas smras pa/ nyam chung nad pa bzhin du rgyal po ci'i phyir 'dar bar byed// bdag gi lus phyed bcad na yang // sems ni mi 'dar ba la ltos/ khyed ni thams cad ster ba zhes// sa stengs kun tu grangs pa la// 'gyod par byed pa ma rigs te/ khyod tshig brdzun du ma gyur tam/ de nas byang chub sems dpas smras pa// bram ze don de'i phyir lus 'dar ba ma yin la/ 'gyod par 'gyur ba 'ga' yang yod pa ma yin no// 'on kyang sog le 'dis nga'i lus kyi ro rmad tshabs cher zhugs kyang mchod pa dang / de la nga 'di snyam du sems te/ nga'i sbyin pa ma rdzogs par mi 'grang / nga la slong ba'i yid la re ba yang yongs su rdzog par mi 'gyur grang zhes/ don rjes su sems shing lus kyang 'dar te sog las drag tu gcod par 'dod pa yin no// de skad ces smras pa dang / lha'i dbang po brgya byin mchog tu ngo mtshar skyes nas cang mi smra bar gnas so// bar skabs der mi gnyis brgya
- 355a
byin gyis kun tu rmongs par byas pas de gnyis kyis sog les rnon pos byang chub sems dpa'i lus kyis byed ro spang bcag/ ma thag tu sa'i steng du bcag pa dang 'gul bar gyur to// de nas byang chub sems dpa' rang gi lus bcad pa'i sdug bsngal mi sems par rings bag nyid du skyes bu de gnyis la 'di skad ces smras so// bzhini bzangs dag khyed cag gnyis kyis myur tu nga'i lus 'di rings pa rings par bram ze'i lus la sprer cig/ de gnyis kyis kyang de bzhin du byas so// sbyar ba ba tsam gyis lha'i dbang po brgya byin gyis ji ltar skad cig ma de nyid la rma kun tu 'byor cing mnyam pa gnas pa dang / mdog 'dra bar gnas pa de ltar byin gyis brlabs te skad cig ma de la ston cing yang byang chub sems dpa' dga' bar bya/ ba'i phyir lha'i dbang po brgya byin khri las langs te/ 'chag pa dang langs pa dang / 'dug par gyur to// de nas byang chub sems dpa' de ltar slong ba po'i lus yongs su rdzogs shing yid la re ba yongs su rdzogs par mthong ba dang / mchog tu dga' bas kun tu rgyas pa'i yid kyis ngal ba 'bras bu bcas par gyur cing / yid la re ba yongs su rdzogs par gyur to snyam nas rab tu dga' ba'i yid kyis bsams pa/ ci ltar ngas bram ze 'di
- 355b
la rang gi lus byin te sdug srog gis skyabs shing 'chi ba'i dge ba'i rtsa ba 'dis/ 'di ltar nga bla na med pa yang dag par rdzogs pa'i byang chub tu mngon par rdzogs par sangs rgyas nas/ bram ze 'di 'khor ba'i sdu gasngal las bslangs te/ shin tu mthar thug pa'i bde ba mya ngan las 'das pa lA tu 'jog par gyur cig ces smras nas/ byang chub sems dpa' tshor ba drag pos gdungs pa dang / yid kyis byang chub tu smin pa byas nas mig btsums te/ rgyal bas gnas par gyur to// de nas lha'i dbang po brgya byin gyis de ma thag tu rings par rings par byang chub sems dpa'i lus 'phral du stobs pa skyed pa dang / 'tsho ba'i sman gyis yang dag par gsos so// dge slong dag de nas rgyal po dpal gyi sde'i lus kyi byed bcad pa'i rjes thogs nyid la yang de'i tshe stong gsum gyi stong chen po'i 'jig rten gyi khams 'di lan rnam pa gsum du g.yos te/ g.yos rab tu g.yos kun tu rab tu g.yos 'bul rab tu 'gul/ kun tu rab tu 'gul to// byang chub sems dpa' shin tu yongs su gtong ba nyid dang / slad du byung ba'i yongs su gtong ba nyid sa chen po 'dis ma theg pas sgra shin tu sgrogs te/ 'di ltar mkhar ba'i snod chen po gdungs na sgra 'byin pa bzhin du/ de'i tshe de'i dus
- 356a
nas chen po 'di nyid shin tu sgra sgrogs par gyur to// ri dang ri sul dang chubo dang / rgya mtsho'i tshogs rnams las kyang 'jig ba'i sgra chen po byung bar gyur to// phyogs bzhi nas kyang 'jigs su'i rung du ba'i sprin chen po byung bar gyur to// kun nas skar mda' ltung ba dang phyogs bsreg pa dang / bar snang la lha'i bu rnams rnga brdung bar gyur to// stong gsum gyi stong chen po'i 'jig rten gyi khams 'di thams cad mun pa dang mun nag tu gyur to// nam mkha'i dkyil na 'gro ba'i lha rnams kyis kyang byang chub sems dpa' mya ngan gyis gdungs pa'i ca co'i sgra gton to// bar snang las kyang lha rnams byang chub sems dpa'i steng nas lha'i ud pa la rnams mthong zhing / pad+ma dang / bun da ri ga dang / a ga ru'i phye ma dang / ta ga ru'i phye ma dang ta ma la'i lo ma'i 'phreng ba dang / tsan dan gyi phye ma dang / lha rnams kyi me tog man dar ba rnams kyang mthor bar byed do// lha'i rol mo yang rab tu rdung ngo // 'dzam bu'i gling gi mi thams cad der yun tsam zhig mchog tu rmongs par gyur te/ grong khyer na gnas pa'i srog chags brgya stong du ma rnams kyis byang chub sems dpa'/ lus kyi phyed bcad pa mthong ba dang / sdug bsngal drag pos gdungs te/ kyi hud lha gsad pa ni sdug bsngal lo// zhes sgra gcig tu bsgrags so//
- 356b
de nas la la ni sa la 'gre ldog go/ la la ni dpung pa brkyang nas tshe nges 'debs so// la la ni 'chi ma'i brlabs kyi skad 'dzer bas tshigs 'don mi nus te/ skad chen dang brang rdung ngo // la la ni mi rtag pa nyi kyi stobs dang ldan no zhes sems sdug bsngal dang bcas shing yid mi bde ba dang ldan pas cang mi smra bar 'dug go// de nas lha'i dbang po nga brgya byin byang chub sems dpa' bla na med pa yang dag par rdzogs pa'i byang chub las ri rab ltar shin tu mi g.yo bar shes shing / byang chub sems dpa' rmad du byung ba yongs su gtong la/ de yang ba spu ldang ba ni shin tu dka' zhing phul du byung ba mthong ba dang / ngo mtshar gyis mig gdangs te lha'i de bzhin dang lhan cig tu bram ze'i cha byad mi snang bar byas nas rang gi gzugs kyis gnas te/ byang chub sems dpa' la smras pa/ rgyal po chen po bdag ni lha'i dbang po rgya byin lags kyi bram ze ma lags so// rgyal po chen po le gso legs so// kye ma'o khyod kyi brtson 'grus/ kye ma'o ma bcos par brtan pa/ kye ma'o rang gi lus la chags pa med par yongs su gtong ba/ kye ma'o sems can rnams la snying rtse ba/ kye ma'o/ spen pa la dga' ba legs so legs so// rgyal po chen po khyod da ltar gang du sdug bsngal drag pos// bcom yang snying rjes rang gi lus sbyin pa la
- 357a
sems mi ldog pa ni legs so// rgyal po chen po khyod la dri yis/ khyod shin tu dka' ba'i brtson pa 'dis ci zhig don du gnyer byang chub sems dpas smras pa/ ko'u shi ka nga yis lus smin pa 'dis bla na med pa yang dag par rdzogs pa'i byang chub mngon par rdzogs par sangs rgyas te/ sems can rnams 'khor ba las bsgral bar bya'o// brgya byin gyis smras pa/ rgyal po chen khyod rang gi lus yongs su zad pa 'am/ gtong ba 'am yongs su gtang bas khyod kyis sems rnam pa gzhan du 'gyur ba 'am/ 'gyod par ma gyur grang / byang chub sems dpas smras pa/ ko'u shi ka nga la ni 'gyod pa med do// brgya byin gyis smras pa/ ji ltar shes par bya/ byang chub sems dpas smras pa/ ko'u shi ka de'i phyir nga'i lus kyi phyed bcad pa 'di gnas ji lta bu bzhin du shog shig/ de nas lha'i dbang po brgya byin gyis byang chub sems dpa'i lus phyed bcad de/ gnas ji lta ba bzhin du bzhog go// de nas byang chub sems dpa' sems can thams cad la rjes su 'gro ba'i byams pa'i sems nye bar bzhag na nas bden pa gsol bar byed cing / de'i tshe tshigs su bcad de smras pa// ji ltar byang chub 'dod gyur nas// snying ches lus ni btang ba la// ser sna med cing zhum med de// 'gyod pa'i sems kyang med gyur na// bden
- 357b
tshigs 'di dang legs byas pas// brgya byin de dang ni nga'i lus// 'di ni sngon gyi ji bzhin du// dbang po ma lus rdzogs gyur cig/ dge slong dag tshigs su bcad pa de smras pa'i rjes thogs nyid la/ byang chub sems dpa'i lus 'phral du sngon gyi ji lta ba bzhin du gyur to// nam mkha'i dkyil na gnas pa'i lha dang klu dang / gnod sbyin dang / nam mkha' dang mi 'am ci dang / lto 'phye chen po rnams kyis ngo mtshar de mthong ba dang ngo mtshar gyi mig gdangs te ca co dang ga zha'i sgra sgrogs so// skye bo'i tshogs 'di dag thams cad kyis kyang ngo mtshar dang rmad du byung ba// lha dang mi rnams yid sdud par byed pa'i cho 'phrul dang / byang chub sems dpa'i lus yongs su rdzogs su rdzogs pa mthong ba dang / srog stong pa las slar rnyed pa bzhin du mchog tu ngo mtshar skyes so// 'di skad ces kyang smras te/ kye ma khyod ni slar mtsho ba'i/ ngo mtshar dag ni lta bar bgyi/ sa dang nags su bcas pa'i 'jig rten 'di ni bskal par ldan/ de nas lha'i dbang po brgya byin gyis byang chub sems dpa'i lus sngon gyi bzhin du gyur par mthong ba dang / ngo mtshar gyis gdangs pa'i mag dang / spro ba bskyod pa'i phyir smras pa/ rgyal po chen po khyod kyi blo shin tu nges pa dang / khyod kyi smon lam mi 'gyur ba dang / khyod kyis sems can la snying rje chen pos rjes su zhugs
- 358a
pa ni legs so legs so gang khyod ni yid kun tu skrag par byed pa rnams la mi 'jigs pas khyod kyi 'bad pa'i 'di nyid yun ring pe mi thogs par bla na med pa yang dge bar rdzogs pa'i byang chub mngon par rdzogs par 'tshang rgya bar 'gyur ro// lha'i dbang brgya byin gyis de'i tshe tshigs su bcad de smras pa// kye ma khyod ni brtson par drag/ brtan pa nyid kyang bla na med// kye ma'o sems can snying rtse ba// kye ma'o byang chub la yid brtan// kye ma'o/ yi 'jig rten 'di mgon po khyod kyis skyong 'gyur te// sdug bsngal chen po drag 'jigs las// yang dag mya ngan 'da' bar mdzad/ de skad ces smras/ nas lha'i dbang po brgya byin mchi mtshar bzhin du 'bab cing skad 'dzer bzhin du byang chub sems dpa' la bzod pa gsol ba brtsams te/ rgyal po chen po gang bdag gis nyamasad pa'i bsam pas tshor ba drag po la kun tu sbyor ba bzod par mdzod cig/ gzhan yang gang gi tshe khyod kyis bla na med pa yang dag par rdzogs ba'i byang chub mngon par rdzogs par sangs rgyas pa de'i tshe na/ yang bdag la dgongs shig/ byang chub sems dpas smras pa/ ko'u shi ka bzod kyis de bzhin du bya ste/ ngas kyang dran par bya'o// bar skabs der byang chub sems dpa'i mthus de ma thag tu nam mkha' las lha'i rin po che'i char rnam pa sna tshogs pa yid du 'ong ba
- 358b
/ 'dzam bu gling thams cad rab tu 'bab par gyur cing / 'dzam bu'i gling thams cad du brgyan rnam pa sna tshogs kyis kun tu gang gyur pa dang / lha'i snang bas kyang gsal bar gyur to// de nas ri la gnas pa'i drang srong de ngo mtshar 'di lta bu rmad du byung ba mthong ba dang / ngo mtshar gyis bsdus pa'i yid kyis bsams pa/ sngon ma byung ba'i ngo mtshar byung ba 'di ci zhig yin/ 'di lta bu'i lhathu su'i yin mo// de nas drang srong de la bsti gnas na gnas pa lha gzhan gyis gtam 'di rgyas par smras so// de nas drang srong byang chub sems dpa'i shin tu dga' zhing ba spu ldang ba'i las thos nas/ yang dag par dga' ba baspu ldang zhing sems can chen po dkur bar 'os so zhes bsam nas/ 'khor lnga brgya dang btsun mo rgyal ba'i 'od khrid de rangs par byang chub sems dpa'i tha dad du phyin nas/ rgyal ba dang / tshe spel ba byas te/ brgya byin dang lhan cig smras pa/ lha'i bu mo sdug pa 'di rnams la/ mgon po khyod kyis sbyang ba dang / dge ma 'di dang dgos par mdzod/ khyim thab ma'i po btsun mo sdug/ 'di ni khyod la dbul lags kyis/ khyod ni slar yang slong ba la/ nam du yang ni ma stsal cig/ de nas byang chub sems dpas drang srong de dang / lha rnams kyi dbang po brgya byin la gsol ba btab pa dang / snying rjes ci yang mi smra bar khas blangs so// de
- 359a
nas lha'i dbang po brgya byin gyis/ lha'i bu las sna tshogs pa la smras pa/ las sna tshogs pa nga'i seng ge'i khri myur du shoms shig/ nga nyid kyis rgyal po dpal gyi sde dbang bskur bar bya'o// ko'u shi ka legs kyis de ltar bgyi'o// lha'i bu las sna tshogs pas/ lha'i dbang dbang po brgya byin las mnyan nas kye lag pa gnyis kyis bzung nas/ ska cig ma de nyid la rin po che sna tshogs kyis nye bar mdzes pa/ kun nas mu tig dang / mu tig gi tshogs kyi do shal dpyangs pa'i lha'i seng ge'i khri mngon par sprul to// de nas lha'i dbang po brgya byin gyis rang nyid kyi lag pa gnyis kyis bzung nas/ lha'i seng ge'i khri las gzhag ste/ lha brgya stong du ma rnams dang lhan cig tu lha'i rol mo rnams dang lhan cig tu lha'i rol mo rnams kun tu rdung bzhin du bsnyen dkur chen po byas nas/ rgyal po dbang skur bas dbang skur ro// bar bskabs der byang chub sems dpa' mthus sa rnam drug tu g.yas pa dang / lha rnams dga' ba dang mgu ba yang rnam pa sna tshogs pa'i me tog gi char yang bab ste 'dzam bu gling thams cad du me tog dang rin po che'i char pus mo nub pa tsam gyis g.yogs par gyur to// lha dang mi rnams kyis 'byor pa bsam gyis mi khyab par gyur pa de rnams mthong bang / ngo mtshar du gyur cing slad du gyur skyes te/ ched du brjod
- 359b
pa ched du brjod cing e ma'o rgyal po dpal gyi sde'i bsod nams kyi stobs/ e ma'o ngo mtshar che'o// de nas lha'i dbang po brgya byin lha rgya stong du ma dang thabs/ cig tu byang chub sems dpa'i yang dag par dga' bar byas nas rang gi gnas su song ngo // ri la gnas pa'i drang srong de yang 'khor lnga brgya dang / byang chub sems dpa' la mngon par stong de gnas nyid du song ngo // de nas byang chub sems dpa'i skye bo'i tshogs chen pos mngon par btud cing yun ring du chos kyi rgyal po byed par gyur to// 'dzam bu'i gling gi dman dang / long ba dang / bkren pa dang / sdug pa 'phongs pa thams cad nor gyis tshim par byas nas/ dge bcu'i lam la rab tu bzhag ste/ 'dod pa na spod pa'i lha drug kun gang ba byas nas/ dus gzhan zhig tshe srog chags brgya stong du ma rnams lhan cig tu byas te/ dga' ldan gyis lha'i rigs su skyes so// bcom ldan 'das kyis bka' stsal pa// dge slong dag de'i tshe de'i dus na/ rgyal po dpal gyi sde zhes bya ba de bzhan zhig yin snyam du the tshom 'am yid gnyis su gyur na/ khyed kyis de ltar mi lta'o// gzhan du na nga nyid de'i tshe de'i dus na/ rgyal po dpal gyi sde zhes bya bar gyur to// de'i tshe rang gi lus yongs su gtong ngo / dge slong dag de'i tshe de'i dus na/ rgyal po dpal gyi sde'i btsun po rgyal ba'i 'od du gyur/
- 360a
pa gang yin pa don grags 'dzin pa 'di nyid yin te/ de'i tshe de'i dus na bcan po rgyal ba'i 'od ces bya bar gyur to// da slong dag blon po'i blo gros chen por gyur pa gang yin pa de ni dge slong sha ri'i bu 'di nyid yin te/ de'i tshe de'i dus na blon gros chen por gyur to// dge slong dag lha'i dbang po brgya byin du gyur pa gang yin pa de'i rgyal po gzugs can snying po 'di nyid yin te/ de'i tshe de'i dus na lha'i dbang po brgya byin du gyur to// yang dge slong dag sum bcu rtsa gsum gyi lha gang yin pa de rnams te/ rgyal po gzugs can snying po dang lhan cig tu bden pa mthong ba'i lha brgya bcu po 'di nyid yin no// dge slong dag grong khyer gyi skye bo'i tshogs gang yin pa de ni/ rgyal po gzugs can snying po gang dag dang thabs cig tu nga'i thad du 'ongs pa'i ma ga ta'i bram ze dang / khyim bdag 'di nyid yin no/ dge slong dag ri la gnas pa'i drang srong du gyur pa gang yin pa de ni/ dge slong me'u dgal gyi bu chen po 'di nyid yin te/ de'i tshe de'i dus na drang srong du gyur to// gang gi nga'i drung du btsun mo rgyal ba'i 'od slong ba'i 'di spang ba'i drang slong bram ze'i khye'u gang yin pa de ni/ shA kya'i bu mo sa 'tsho ma 'di nyid te/ de'i tshe de'i dus na bram ze'i khye'u gyur to// dge slong dag shing mkhan gnyis por gyur pa gang yin pa de ni/ lha sbyin
- 360b
dang ko ga li 'di dag nyid yin te/ de'i tshe de'i dus na shing mkhan gnyis su gyur to// smon lam de'i dbang gis 'dir de bzhin gshegs pa'i cho 'phrul rnam pa 'di lta 'byung bar gyur to// dge slong dag de'i phyir 'di ltar slab par byas te/ gang sbyin pa rnams gtang ba dang / bsod nams dag bya'o/ zhes de ltar bslab par bya'o// bcom ldan 'das kyis de skad ces dka' stsal nas/ dge slong de dag yid rangs te/ bcom ldan 'das kyis gsung pa la mngon par stod to// rgyal po dpal gyi sde'i rtogs pa brjod pa// rdzogs s+ho// // rgya gar gyi mkhan po rnga rma shi ba tra dang / zhu chen gyi lo tsha ba dge slong shes rab legs pas sbyar cing / sgra sbyar gyi lo tsa ba chen po dge slong rin chen bzang pos bcos te gtan la phab pa/ rgya gar skad du/ tsan dra pra b+ha a da na ma/ bod skad du/ zla 'od kyi rtogs pa brjod pa/ sangs rgyas dang byang chub sems dpa' thams la phyag 'tshal lo// sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ gang gi tshe tshe dang ldan pa dge slong sha ri bu dang / me'u 'gal gyi bu gnyis phung po'i lhag ma med pa'i mya ngan las 'das pa de'i tshe dge slong rnams the tshom thams
- 361a
cad bcod par mdzad pa'i sangs rgyas bcom ldan 'das la zhus pa/ btsun pa gang dge slong gang sha ri'i bu dang / me'u 'gal gyi bu gnyis gtso bo de mya ngan las 'das pa 'di ma bzod nas sangs rgyas la sogs dge slong gi dge 'dun bzhugs pa'i thog mar yog mar yongs su mya ngan las 'das pa ni ngo mtshar che'o// bcom ldan 'das kyis bka' stsal pa/ dge slong sha ri'i bu dang / me'u 'gal gyi bu gnyis 'dod chags dang bral ba/ zhe sdang dang bral ba/ gti mug dang bral ba skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las rnam par grol ba na/ gtso bo mya ngan las 'das pa ma bzod nas sangs rgyas la sogs pa dge 'dun bzhugs pa'i thog mar yongs su mya ngan las 'das pa ni ngo mtshar che'o// bcom ldan 'das kyis dka' stsal pa/ dge slong dag dge slong sha ri'i bu dang / me'u 'gal gyi bu gnyis 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par grol ba na/ gtso bo mya ngan las 'das pa ni ma bzod nas/ sangs
- 361b
rgyas las dge slong gi dge 'dun bzhugs pa'i thog mar mya ngan las 'das pa ngo mtshar ci zhig che gang 'das pa'i dus/ dge slong sha ri'i bu dang / me'u 'gal gi bu 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / sme sngags 'don pa dang / sdug bsngal ba dang / yid mi bde ba dang / 'khrug pa dang / bcas pa na yang nga la cag tu sems mngon par dad pa dang bas gtso bo shi bar ma bzod nas/ dus byas te 'dod pa'i khams thams cad las yang dag par 'das pas tshangs pa'i 'jig rten du skyes par de nyon cig/ dge slong dag sngon byung ba 'das pa'i dus na/ byang phyogs na rgyal po'i pho brang rdo bzangs zhes bya ba/ 'byor pa rgyas pa/ bde ba/ lo legs pa/ mi dang skye bo'i tshogs mang pos gang ba/ chur dpag tshad bcu gnyis/ kun nas ba gru bzhi par gyu te/ shin tu rnam par 'byes pa/ rta babs dang / skar khung dang / skar khung dra ba can 'thon po dang rab tu ldan pa dang / tshong zong dang rin po che sna tshogs kyis kun tu gang ba/ rgyal po dang / blon po dang / khyim bdag dang / tshangs dpon dang / yul 'khor gyi mi rnams kyis yongs su gang ba/ mi rnams bzhud lags la gnas pa pi wang dang / gling bu dang / rnga dang / sgra bzangs dang / rnga
- 362a
bo che dang / rdza rnga dang / rnga rings dang / dung gi rnams kyi sgra nges par sgrogs pa'o// dge slong dag rgyal po'i pho brang de na ta ka ru'i dri dang / a ka ru'i dri dang / can dan gyi dri dang / phye ma'i dri dang / gur gum gyi dri dang / me rtog gi dri zhim pa rnams te/ dus thams cad du 'di lta bu'i dri sna tshogs pa/ rlung gis bskyod na/ lam dang / srang bar dang / bzhi mdo dang / sum mdo rnams su ldang zhing rgyu ba dang glang po dang / rta dang / dpung bu chung gi tshogs dang / yang dag par ldan pa dang / gzhon pa dang / theg pa dang / srang dang / lam po che nye bar mdzes par byas pa dang / gdugs dang rgyal mtshan dang / ba dan bsgreng ba dang / rta babs dang / skar khung dang / skar kung dra ba can dang / ldan pa dang / zla ba phyed pa dang / rtags pas lha'i gnas bzhin du nye bar mdzes par 'gyur ba dang / klu'i dbang po dang / ri'i rgyal po las 'thon pa'i mtsho dang / rdzing bu dang / lteng ka dang / chu mig dang / 'bab chus nye bar mdzes pa dang / ldan pa dang / ud pa la dang / pad+ma dang / ku mu ta dang / pun dA ri kas kun tu khyabs pa/ ldan pa dang / nags tshal gyi phyogs na ka la bing ka dang / ne tse dang / sha ri ka dang / khu byug dang / rma bya dang / shang shang de'u sgra sgrogs par 'gyur ba dang / shing sna tshogs
- 362b
kyis nye bar mdzes pas dga' bar byas pa dang / bskyed mos tshal nyams dga' ba mdun na yod de/ dge slong dag rdo bzangs de ltar shin tu nyams dga' bar/ gyur te/ dge slong dag rgyal po'i pho brang rdo bzangs de na rgyal po zla 'od ces bya ba/ gzugs bzang ba/ blta na sdug pa/ mdzes pa/ skye ba dran pa/ lha'i mig dang ldan pa/ gling cig pa'i 'khor los sgyur ba/ chos dang ldan pa/ chos kyi rgyal po 'dzam bu'i gling du rgyal srid kyi dbang phyug la dbang byed par 'gyur to// dge slong dag rgyal po zla 'od rang la 'od yod pas 'gro na yang mun pa med par gyur te/ nor bu rin po che'i 'od dam/ mar me'i 'od dam/ sgron ma mdun du me khyer gyi/ dge slong dag gzhan du na/ rgyal po zla 'od rang nyid kyi lus la 'byung bar gyur te/ dper na zla ba'i dkyil 'khor las 'od ba bzhin du/ 'di'i lus la 'od byung ste/ rgyu 'dis na rgyal po bzla 'od ces ming du gyur to// yang de'i tshe de'i dus na/ 'dzam bu'i gling 'dir rgyal ba'i pho brang ba rdo bzangs la sogs pa grong khyer drug khri brgyad stong byung bar gyur te/ 'byor pa/ rgyas pa/ bde ba lo legs pa skye bo mang po dang mi mang pos gang bar gyur to// dge slong dag gzhan yang rgyal po zla 'od kyis 'dzam bu'i gling gi mi rnams la dpya ba dang / sho gam dang / gru btsas/
- 363a
med de zhing gi 'byor pa dang ldan pa/ skye bo rnams zhi ba/ khyim bya'i sgra dang ldan pa/ grong khyer dang / grong rdal gyi skye bo'i tshogs dang / rgyal rigs dang ldan par gyur to/ dge slong dag yang de'i dus na 'dzam bu'i gi mi rnams kyi tshe'i tshad lo bzhi khri bzhi stong par gyur to// dge slong dag rgyal po zla 'od ni byang chub sems dpa' gyur te/ thams cad ster ba/ thams cad yongs su gtong ba ste/ des rgyal po'i pho brang rdo bzangs nas byung ste/ grong khyer gyi shar phyogs su gdugs dang / rgyal mtshan dang / ba dan sgreng ste gser gyi rnga bo che yang brdungs nas/ sbun pa ni gtong / bsod nams ni byed de/ de bzhin du grong khyer gyi lho dang / nub dang byang du'ang sbyin pa ni gtong / bsod nams ni byed do// sum mde'i dbus su'ang sbyin pa ni tong bsod nams ni byed de/ 'di lta ste zas 'dod pa rnams la zaso// skom 'dod pa rnams la ni skom/ bza' ba dang bca' ba dang / phreng ba dang / mar me dang / dri dang / byug pa dang / mal dang stan dang / rgyab rten dang / skye bo rnams kyi gnas dang / shing rta dang / spud pa dang / rgyan dang / gser snod dngul gyi phye mas yongs su bkang ba rnams dang / dngul gyi snod gser gyi bye mas yongs su bkang ba
- 363b
rnams dang / gser gyi rwa btags pa'i ba lang rnams dang / mkhar ba'i bzhon snod rnams dang / gzhon nu ma rgyan thams cad kyis brgyan par byas pa rnams dang sbyin pa gtong / bsod nams ni byed do// gos kha dog sna tshogs pa yul sna tshogs pa las byung ba/ rnam pa sna tshogs pa la 'di lta ste/ dor la dang / rgya dar dang / rin po che'i gos dang / dgul smrig pan dang / bag le ba dang / la ba dang / ri bo che dang / gser dang / gos gser byi rgyan can dang / ka shi ka dar dang / gso bar la sogs pa rnams kyang sbyin par gtong / bsod nams ni byed do// dge slong dag rgyal po zla 'od kyis sbyin pa ji snyed 'dzam bu gling pa'i mi thams cad phyug pa dang / nor che ba dang / longs spyod che bar gyur pa de skyed rab tu gtong ngo // dge slong dag rgyal po zla 'od kyis gang glang po dang / rta dang / shing rta dang / gdugs la sogs po sbron pa snyed 'dzam bu gling 'di ni mi gcig kyang rkang pas 'gro ba med pa de snyed rab gtong ste/ 'dzam bu'i gling pa'i mi thams cad kyang glang po'i rgyab dang / rta bzhi dang ldan pa'i shing rta steng nas gser dang / dngul gyi gdugs 'dzin pa dang ldan pa dang / bskyed mos tshal dang / yul 'khor nas yul 'khor dang / grong khyer nas grong khyer du
Colophon
rgyal po dpal gyi sde'i rtogs pa brjod pa// rdzogs s+ho// //rgya gar gyi mkhan po rdarma shri ba tra dang/ zhu chen gyi lo tsha ba dge slong shes rab legs pas sgyur cing/ sgra sgyur gyi lo tsa ba chen po dge slong rin chen bzang pos bcos te gtan pa phab pa/