F463MW1KG13607_0463rgyudAll versions of this work

dpal ye shes snying po zhes bya ba rnal 'byor ma chen mo'i rgyud kyi rgyal po

Śrījñanagarbhanāmayoginimahātantrarāja

Text

ff. 42b–50b · 17 folio sides

  1. 42b

    rgya gar skad du/ shri dz+nyA na gar+b+ha na ma yo gi ni ma hA tan+t+ra ra dza/ bod skad du/ dpal ye shes snying po zhes bya ba rnal 'byor ma chen mo'i rgyud kyi rgyal po// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das rib kyi rtse mor bye ba phrag bdun bcu rtsa gnyis kyi grangs kyi mkha' 'gro dang mkha' 'gro mas yongs su bskor nas b+ha gu la chen po'i mtshal na bzhug so// der bcom ldan 'das kyis lha mo legs dges dbang mo dang lhan gcig tu rol pa mdzad pa'i chos rje btsun ma yum lang so// de'i dus su bcom ldan 'das ma legs bgyes kyi sbyor ba las langs te/ lan gsum du bskor ba byas nas zhabs la mgo bos phyag 'tshal te/ 'di skad ces gsol to// kye bcom ldan 'das ci'i phyir nyid kyi sku la spu langs lags// bcom ldan 'das kyis bka' stsal pa// kye bcom ldan 'das ma de la dgos pa ci zhig yod/ gang gis don gyi phyir nga'i sku la bas spu langs pa de ni gsang ba chen po'o// bcom ldan 'das mas gsol pa// gsang ba chen po lags mod kyang // mchog gis dbang phyug bka' stsol cig/ bcom ldan 'das kyis bka' stsal pa/ nga'i las dgyes kyi bde ba nyam su myong zhing // steng dang 'og na gnas pa'i dga' ba bskyed byed ma rnams la 'das pa las// kha spu yangs//

  2. 43a

    dpam sa#bcom ldan 'das mas gsol pa// steng dang 'og na gnas pa'i dga' ba bskyed pa'i ma rnams la lus pa ji ltar lags// bcom ldan 'das kyis bka' stsal pa// steng dang 'og na gnas pa'i dga' ba bskyed byed ma// rnams la ci'i phyir 'dus pa mi shes// bcom ldan 'das mas gsol pa// bcom ldan 'das de skad du de ltar ni lags mod kyis// 'on kyang mi shes pa'i phyir bcom ldan 'das kyi drung du bdag gis ni zhus so// bcom ldan 'das kyis bka' stsal pa// 'di ni so so rang gis nyam su 'ong ba yin mod kyang // 'on kyang khyod kyi ngor ngas bshad par bya ste/ dga' bral gyi dga' ba 'byung ba'i stong phrag bdun bcu rtsa gnyis kyi rtsa'i dra ba 'dar zhing g.yos pa tsam gyis tshul shar ro// tshul shar bas thig le'i rgyal po zhe'o// thig le'i rgyal po zhu ba las steng dang 'og na gnas pa'i// dga' ba bskyed byed ma rnams la 'dus pa'o// de skad ces thos nas bcom ldan 'das kyi zhabs la mgo bos phyag 'tshal te/ dam du mkhyud pa byas nas ma mchu'i bdud rtsi btung bas dgyes par byas te// phyi nas yang zhu ba mdzad do// kye bcom ldan 'das dga' bral gyi dga' ba'i dus su 'dus pa lags na// de la sbyor ba med pa gang gi dus lags// bcom ldan 'das kyis bka' stsal pa// dris pa yang dag dgyes pa mchog/ sangs rgyas rnams kyi rnyed dka' ba// dga' bral

  3. 43b

    dus su sbyor ba med// de ni dga' bral dga' ba min// bcom ldan 'das mas gsol pa// kye bcom 'das dga' bral gyi dga' ba druga' bral la khyad par ci lags// bcom ldan 'das kyis bka' stsal pa/ dga' mo khyod ci'i phyir de skad ces smra// dga' bral gyi dga' ba dang / dga' bral gnyis la khyar par cher yod pa de brjod par bya'o// // gang zhig dga' bral gyi dga' ba de zhu ba gnas pa 'pho ba ste la sogs pa dang bral ba'o// gang zhig dga' bral de ni/ dga' ba dang bral ba zha ba 'pho zhing 'jig pa'o// dga' bral gyi dga' ba ni zha ba gnas pa ste/ 'pho ba la sogs pa dang bral ba'i phyir rang gi nyam su myong ba'i ngo bo'o// bcom ldan 'das mas gsol pa/ rang gi nyam su myong ba'i mtshan nyid dga' bral gyi dga' ba dang // lhan cig skyes pa'i dga' ba'i khyad par ci lags// bcom ldan 'das kyis bka' stsal pa// lhan cig skyes pa'i dga' ba ni dngos po yang ma yin// dngos po ma yin pa yang ma yin// gsad pa yang ma yin// ye shes kyang ma yin// ye shes las byung ba yang ma yin// srid pa yang ma yin/ mya ngan las 'das pa yang ma yin/ char yang ma yin/ thig le yang ma yin// tshul yang ma yin/ tshul tsam yang ma yin/ mchog kyang ma yin/ shar ba yang ma yin/ nub pa yang ma yin/ gzugs kyang ma yin/ sgra yang ma yin/ dri yang ma yin/ ro yang

  4. 44a

    ##/ ma yin/ reg bya yang ma yin/ yi ge yang ma yin/ rten pa yang ma yin/ rten yang ma yin/ khams kyang ma yin/ shes rab kyang ma yin/ thabs kyang ma yin/ thims pa yang ma yin/ longs spyod kyang ma yin/ dbang kyang ma yin/ sprul pa yang ma yin/ chos kyang ma yin/ longs spyod kyang mi yin/ lus kyang ma yin/ ngag kyang ma yin// yid kyang ma yin/ rnam pa thams cad dang rnam par bral ba// mi zad pa/ dri ma med pa/ skye ba med pa/ 'gags pa med pa/ rtag tu shar ba'o// bcom ldan 'das mas gsol pa/ de lta bu'i lhan cig skyes pa'i dga' ba gang las rnyed/ bcom ldan 'das kyis bka' stsal pa/ dga' bral gyi dga' ba nyam su myong ba las rnyed de/ de bzhin du bsam gtan la sogs pas ma yin no// bcom ldan 'das mas gsol pa/ lhan cig skyes pa'i dga' ba de/ dga' bral gyi dga' ba nyam su myong ba'i rgyu lags sa 'bras bu lags/ bcom ldan 'das kyis bka stsal pa/ lhan cig skyes pa dga' ba'i rgyu yin te/ 'bras bu ni ma yin no// bcom ldan 'das mas gsol pa/ lhun gyis grub pa'i lhan cig skyes pa'i dga' ba byung ba la rgyu'i dngos po dgos pa ci mchis/ rang bzhin med pa'i phyir ro// ji ltar sred pa la dud pa bzhin no// bcom ldan 'das kyis bka' stsal pa/ de skad du smra ba ni tshad ma yin to// dang po sreg pa

  5. 44b

    med par der dud pa 'byung ba gang las 'ong / de lta bu'i rigs la lhan cig skyes pa'o// bcom ldan 'das mas gsol pa/ de ltar lags na lhan cig skyes pa'i las dga' bral gyi dga' ba ni rgyu yang yin la/ 'bras bu yang yin na/ 'on kyang 'dir rgyu ni gnyis dbye ba dang / 'bras bu yang yid gnyis su dbye ste/ gsal ba'i rgyu dang / 'byung ba'i rgyu'o// 'bras bu yang de bzhin no// bcom ldan 'das mas gsol pa/ kye bcom ldan 'das gsal ba'i rgyu ci 'dra ba dang / 'byung ba'i rgyu ci 'dra ba bstan du gsol/ bcom ldan 'das kyi bka' stsal/ pa/ gsal ba'i rgyu ni dga' bral gyi dga' ba de/ ji ltar mar me bzhin no// 'byung ba'i rgyu ni dga' ba las mchog gi dga' ba ste/ ji ltar sa bon myu gu bzhin no// dga' bral gyis dga' ba ni/ gzhan rnams dang mi 'dra ba'i phyir 'byung ba'i rgyu ma yin te/ dga' ba dang gzhan mi 'dra ba las 'byung ba yin no// dpal ye shes snying po thig le'i rgyud kyi rgyal po las/ dga' ba'i don bstan pa zhes bya ba'i le'u ste dang po'o// // bcom ldan 'das mas gsol pa/ gang zhig phyag rgya chen rtsig le'i rgyud kyi rgyal po las phyag rgya chen po don bstan pa de thob par bya ba'i phyir da de'i thabs bcom ldan 'das kyis bdag la bka' stsal du gsol/ bcom ldan 'das kyis bka' stsal pa/ khyod kyi bdag la gang zhus pa/ nyon cig

  6. 45a

    dab la shes@#lha mo rab tu bshad/ phyag rgya chen po ni 'dir bzhir dbye ba ste/ las kyi phyag rgya dang / dam tshig gi phyag rgya dang / ye shes kyis phyag rgya dang / chos kyi phyag rgya'o// gA zhig las kyi phyag rgya ni snang ba'i rang bzhin dga' ba'i lo dang ldan pa'o// gang zhig dbang tshig gi phyag rgya de ni/ snang ba ched pa'i rang bzhin gyi skye mched kyi lo// dang ldan pa'o// gang zhig ye shes kyi phyag rgya de ni snang ba thob pa'i rang bzhin khams kyi lo dang ldan pa'o// gang zhig chos kyi phyag rgya de ni 'od gsal bzhin no// phyag rgya chen po de yang 'od gsal ba'i rang bzhin no// phyag rgya chen po de yang 'od gsal ma yin pa gzhan las mi rnyed do// bcom ldan 'das mas gsol pa/ bcom ldan 'das 'od gsal zhes bgyi ba ji ltar lags// gang du yang gnas pa yin/ bka' stsal pa/ 'od gsal ni nam mkha'i dbus su gnas pa'i thig le'i ngo bo ste/ de ni phyag rgya chen po rnyed par 'gyur ro// bcom ldan 'das mas gsol pa/ re zhig 'od gsal ni ji ltar rnyed pa lags/ bcom ldan 'das kyi bka' stsal pa/ las dang dam tshig ye shes dang chos kyi phyag rgyas so// bcom ldan 'das mas gsol pa/ phyag rgya rnams nyid ni gang las brnyed par 'gyur ba lags/ bcom ldan 'das kyis bka' stsal pa/ dbang bskur ba phyi'i phyag rgya la brten nang gi phyag rgya rnams rnyed do// bcom ldan 'das

  7. 45b

    mas gsol pa/ phyi dang nang gi phyag rgya de gnas gang du gnas par 'gyur ba lags/ mtshan ni ji lta bu/ rang gi ngo bo ji lta bu/ der dbang ni ji lta bu/ bcom ldan 'das/ kyi bka' stsal pa/ 'dir dbang ni bzhi ste/ slob dpon dang / gsang ba dang / shes rab ye shes dang / de ltar de bzhin bzhi pa'o// slob dpon gi dbang ni// / dga' ba'i lo dang / ldan pa gzhon nu ma la rdo rje dang gril bu mnyam par ldan pa yis nu ma dang dz+nyA gu ni reg par byas so// gsang ba'i dbang ni skye mched kyi lo dang ldan pa'i gzhon nu ma la nang gi rkan yongasu 'jib pa las so// shes rab ye shes ni/ khams kyi lo dang ldan pa'i gzhon nu ma la lhan cig srub dang srub pa'i thabs chen po las zhu ba 'pho ba'i dus su ye shes nyams su myong bas so// de ltar de bzhin bzhi pa ni she rab ye shes de nyid brtan par byed pa ste/ de'i phyir de ltar de bzhin zhes bstan pa yin no// brtan par byas pa tsam gyi drug bcu rtsa bzhi'i 'dab ma'i nang du phyag rgya bzhi mnyam par sbyor bar 'gyur ba yin no// de yang 'jug pa dang / gnas pa dang / 'gro ba dang / brten pa'i ngo bos so// 'jug pa ni gtum mo'o// gnas pa ni rang bzhin gyis rtog pa med pa'o// 'gro ba ni bya gtong ma'i rtsa'o// rten pa'i ngo bo sgrog ma'i rtsa'o// don dam par phyag rgya chen po gcig pu ste/ 'on kyang las kyi bzhin gyi bzhir bya'o// bcom ldan 'das mas gsol pa/ bcom ldan 'das de rnams la las kyi rang bzhin gyi bye brag ji ltar lags/

  8. 46a

    @bcom ldan 'das kyis bka' stsal pa// zhi ba dang rgyas pa dang dbang dang drag po ste/ las kyi bye brag gi phyag rgya chen pos thob pa'o// bcom ldan 'das mas gsol pa// bcom ldan 'das zhi ba dang / rgyas pa dang / dbang dang / drag po rnams kyi ming dang spyod pa ji ltar lags/ bcom ldan 'das kyis bka' stsal pa/ zhi ba ni dgod pa'o// rgyas pa ni lta ba'o// dbang ni lag pas mkhyung ba'o// drag po ni gnyis kyi gnyis snyoms par 'jug pa'o// de rnams la spyod pa'i chungs pa'i gnas spyod pa dang / brtul zhugs chen po'i spyod pa dang / gos bral gyis brtul zhugs kyi spyod pa dang / rang dbang gi spyod pas so// dpal ye shes snying po las phyag rgya chen po dang / dbang bskur ba'i don zhes bya ba'i le'u ste/ gnyis pa'o// / bcom ldan 'das mas gsol pa/ dbang bskur ba'i dus su dkyil 'khor rnams ji lta bu/ slong dpon ni ji lta bus bya/ bcom ldan 'das kyi bka' stsal pa// slob dpon gyi dbang bskur ba'i dus su// rdul tshon la sogs pa dkyil 'khor ro// gsang ba'i dbang bla ma la dbul ba'i dkyil 'khor ni// rang 'byung gis me tog dang ldan pa'i me tog gis so// shes rab ye shes kyi dbang gi dus su byang chub kyi sems dang / ldan pa'i bzhi mnyam bgyis so// bzhi pa'i dus su gzhan ma yin pa'i byang chub kyi sems/ 'ba' zhig dkyil 'khor bgyis so// de la slob dpon ni mtshan thams cad kyis brgyan pa dang // rgyud thams cad mkhyen pa dang / dbang bskur ba la mkha

  9. 46b

    pa dang / thugs rje dang ldan pa dang / rgya che ba la mos pa dang / sngags logs pa dang / rab tu sbyor ba mkhas pa dang / dngos grub thob pa'i slob dpon la sogs pas dbang bskur ba dang / dngos grub thob pa'i bla mas bka' gnang ba thob pa dang / yang na rang nyid dngos grub thob pa de ni dkyil 'khor dang / dbang bskur ba'i rim pa dang / bsgrub thabs la sogs pa bya'o// de bzhin tog pa la sogs pa'i ni ma yin no// bcom ldan 'das mas gsol pa/ kye bcom ldan 'das slob dpon gyi dbang bskur ba'i/ dkyil 'khor mtshan ma ji ltar lag// / 'khor gyi ni tshad ji tsam// gtso bo bdag po yang ni gang // ngo bo gang gis bslob ma bzung // mchod pa rnams ni ji ltar lags// bla ma'i yon ni ji ltar lags// bcom ldan 'das kyis bka' stsal pa/ khyod kyis bdag la gang zhus pa/ nyon cig lha mo bdag gis bshad/ mtshan ma'i slob mas mos pas so// yang na ji ltar dkyil 'khor gyis/ slob dpon yid dang 'thad pa'o// de bzhin 'the bo'i sor gsum lhag pa'i khru phyed dang de'i dkyil 'khor bya'o// de ni re shig mtshan ma'i dkyil 'khor yin te/ de yang rnal 'byor ma'i rgyud kyi go rims kyi bya'o// de yang yan lag thams cad 'tshang ba'o// de'i dbus su ma'i dkyil 'khor bri'o// de'i steng du sna tshogs rdo rje ste/ sna tshogs rdo rje lte ba'i nang du/ hUM gi rnam pa/ phyi rol du sna tshogs pad ma 'dab ma brgyad dang ldan pa/ rdo rje'i phreng bas rnam par brgyan par bya'o// de la shar gyi 'dab ma la 'khor lo mdog dkar po dang / lhor rin po che mdog

  10. 47a

    @ser po dang / nub tu pad ma mdog dmar po dang / byang du ral gri mdog ljang khu dang / me'i mtshams/ rin po che'i shing dang / chu'i 'tsham su ye 'dra dang / rlung gis phyogs su rgyal mtshan dang / dbang ldan gyi 'tshams su kal pa'o// shar gyi sgor rdo rje lcags kyu dang / lhor rdo rje zhags pa dang / nab tu rdo rje lcags sgrogs dang / byang du rje rje gril bu'o// 'tshams rnams su me tog gi phyan 'phyang dang / bdug spos kyi reng bu dang / mar me dang / dri yi dung chos so// de'i phyi rol du rdo rje 'phreng ba'o// sna tshogs rdo rje lte ba'i nang du/ hUM gi rnam pa yongasu gyur pa las rdo rje 'dzin pa chen po zhal gsum pa spun gsum pa/ phyag bzhi pa/ rgyal po'i bzhags thabs kyis gnas pa/ rang 'od kyis rigs mas mkhyad pa nam mkha' sngon po'i mdog can brgyan thams cad kyi brgyan pa/ brgyad gnyis kyi lo dang ldan pa/ nyi ma bye ba'i 'od dang ldan pa/ ral pa'i dbu rgyan gyis brgyan pa/ rdo rje dang dril bu dang / brde chung dang / ka pa la dang / kha TaM khA 'dzin pa'i bdag po'o// mtshan ma'i skabs su dbus su rdo rje dang / rdo rje'i dril bu byas so// de nas slob ma sta gon byas la/ sman sna tshogs kyis khrus byas pa/ rnam par snang mdzad kyi ngo bos slob ma bzung bar bgyi'o// las kyi slob dpon ni stan chos thams cad la mkhas pa/ ser sna med pa/ mtshan ma bcung zad thob pa'o// der mchod pa rnams shin tu mkhas pa/ chags pa la sogs pa dang bral ba/ mtshan ma rnyed pa/ dbang gsum thob pa'o// ba dpon la dbang bskur ba'i dus su 'am/ rgyud thos

  11. 47b

    pa'i dus su shin tu bces pa'i chung ma dang bu mo dang / gzhan yang gser dang / mu tig dang / nor bu dang / glang po che dang / rta dang / zhing dang / bran dang / bran mo dang / na bza' du ma la sogs pa ci tsam nas pa dbul bar bya// nor la sogs pa yod nas gang zhig mi dbul na// de ni bskal pa stong gi bar du dmyal bar 'gyur ro// longs spyod med par gyur pas rang rang gis lus po dbul bar bya ste bran du bya'o// des ni tshe 'di nyid la sangs rgyas nyid dam/ yang na rdo rje 'dzin pa nyid thob par 'gyur ro// lha mos gsol pa/ bcom ldan 'das sbyin pa la sogs tsam gyi sangs rgyas sam/ rdo rje 'dzin par 'gyur ram ci/ bcom ldan 'das kyis bka' stsal pa/ lha mo sbyin pa la sogs pa tsam gyis sangs rgyas sam/ rdo rje 'dzin par mi 'gyur te/ 'on kyang bla ma mchod pas bsod nams kyi tshogs skye'o// bsod nams chen po'i tshogs bsags pa las sdig pa'i phung po zad de/ bla ma'i mchog sangs rgyas thams cad kyis rang bzhin lha'i sku yang dag dang phrad pa thob po// phrad pa'i yang dag pa'i man ngag pa'i man ngag gnang bar 'gyur ro// man ngag thob pa las btson 'grus chen po/ thob pa dang ldan pa yin na/ des tshe 'di nyid la sangs rgyas sam rdo rje 'dzin pa thob par 'gyur ro// // dpal ye shes snying po las dbang bskur ba dang dkyil 'khor gyi don zhes bya ba'i le'u ste/ gsum pa'o// / bcom ldan 'das mas gsol ba/ khyod kyis dkyil la'o/

  12. 48a

    @ji ltar lags// mnga' bdag chen po bka' stsol cig/ bcom ldan 'das bka' stsal pa// bdag gis dkyil 'khor dgye ba ni// nyon cig lha mo rab tu bshad// gru bzhi pa la sgo bzhi pa// rta babs bzhi ni rnam par brgyan// dra ba dra phyed 'phyan 'phyang dang // 'dod yon rin chen la sogs brgyan// de yis dbus su gzhan min bdag/ zhal bzangs khyod dang lhan cig go/ phyag bzhi pa la zhal bzhi pa// spyan gsum ud dpal sngon po'i mdog/ phyag rgya drug dang ldan pa dang / sna tshogs rus pa'i brgyan dang ldan// zhi ba chen po'i rang bzhin can// sna tshogs pad ma'i steng du ni// 'jigs byed dus mtshan zhabs kyi mnan// rgyal po'i bzhugs thabs kyi ni bzhugs// rdo rje dril bu rnge chung dang // ka pa la dang kha Ta bsnams// zhal gzhan ser dang dmar dang ldang // lha mo khyod kyang bdag gi mdog/ zhal gsum pa la spyan gsum pa// phyag gnyis gr-i khug pad snod 'dzin// sna tshogs rgyan gyi brgyan pa'o// bcom ldan 'das mas gsol pa// 'di yi dkyil 'khor 'khor lo la// bcom ldan 'das kyis bka' stsal pa// gang zhig khyod kyi bdag la zhus// nyon cig lha mo bdag gi bshad// dkyil 'khor phyogs bzhir dpa' chen po// shes rab yan lag mas 'khyud cing // 'tshams su rdo rje ma mo bzhi// sgor ni khros pa'i lha mo bzhi'o// bcom ldan 'das mas gsol pa// de rnams la skyed pa'i cho ga ni gang mdog dang phyag rgya dang bzhags thabs la sogs ji ltar lags/ bcom ldan 'das kyis bkra

  13. 48b

    stsal pa/ khyod dang bdag rol pa mdzad cing // bsrub pa dang bsrub pa'i thabs chen po mdzad cing // sbyor ba'i dga' ba'i stegs las dpa'o chen po tshangs pa zhes bya ba phyag bzhi pa/ zhal gsum pa/ spyan gsum pa/ gser gyi mdog nyi ma'i dkyil 'khor gyi steng du rgyal po'i steng du rgyal po'i bzhugs thabs gnas pa/ ral pa'i cod pan gyis brgyan pa/ shes rab ma'i yan lag gi 'khyud pa/ phyag rgya lnga 'dzin pa/ rgyan sna tshogs kyi brgyan pa'o// rdo rje dang dril bu dang / rde'u chung dang ka pa la dang / kha TaM snams pa/ shar gyis 'dab ma ro// yang bsrub pa dang bsrung ba'i thabs kyi mchog gi dga' ba'i rtags las dpa'o chen po khyab 'jug ces bya ba ma ra ka ta'i mdog lhag ma ni tshangs pa bzhin du byang du'o// yang bsrub pa dang bsrub pa'i thabs kyi dga' bral gyis dga' ba'i rtags las dpa' bo chen po drag po zhes bya ba mdog nag po khyab 'jug bzhin du'o// yang bsrub pa dang bsrub pa'i thabs kyi lhan cig skyes pa dga' ba'i stegs las dpa' bo dbang phyug ces bye ba mdog dkar po bzhin lho phyogs su'o// pad ma'i steng du dri zhim po dang ldan pa'i chus gang ba'i bum pa'i steng du bdud rtsi lngas bkang ba'i ka pa la bzhi'o// yang bsrub pa dang bsrub pa'i thabs kyis ro brgyad la me'i 'tshams dpa' mo chen mo mdog dkar mo'o// chu'i 'tshams su gzhan gyi mi thub ma bai DUr+ya'i mdog go// rlung gi 'tshams su dus mtshan ma namakha'i sngon po'i mdog go// dbang ldan gyi 'tshams su 'goT ri mdog ser ba'o// thams cad kyang /

  14. 49a

    ye shes cishin tu lang 'tsho la bab pa// zhal gcig pa/ spyan gsum pa/ phyag bzhi pa/ nyi ma'i dkyil 'khor gyis steng du rgyal/ po'i bzhugs thabs kyi bzhugs pa/ phyag rgya lnga 'dzin pa/ phyogs kyi gos can/ gri khug dang / ka pa la dang / kha TaM ka dang / rde chung bsnams pa'o// shar phyogs kyi sgor rdo rje gtum mo ni nag mo chen mo'i mdog go/ byang sgor rdo rje 'jigs byed mo ser mo'i mdog go// nub sgor rdo rje sgra ma dmar mo chen mo'i mdog go// lho sgor tsar tsika/ ljang khu'i mdog go/ phyag bzhi zhal gcig pa/ spyan gsum pa/ g.yon rkyang pa/ nam bza' spangs pa/ rim pa bzhin du/ nam mkha' lding dang / seng ge dang / stag dang / ma he'i steng na gnas pa'o// phyag rgya lngas brgyan pa/ mgo bo chen po'i 'phyan po 'phyang ba 'dzin pa/ 'jig byed chen po che ba gtsigs pa/ ljags 'dril ba/ dbus skyes 'bar ba/ sgra chen po'i sgra sgrogs pa/ ral gri dang / rtse gsum pa dang / ka pa la dang / kha TaM ka bsnams pa/ rang 'od kyi thabs dang 'khyud pa'o// bcom ldan 'das mas gsol pa/ bcom ldan 'das dpa' bo chen po rnams la shes rab ma'i yan lan ji ltar lags/ bcom ldan 'das kyis bka' stsal pa/ dpa'o chen po rnams la shes rab ma'i rang rang gis mdog dang mtshungs pa ste/ 'on kyang khyod bzhin du zhal gcig pa'o// de lta'i dkyil 'khor rgyal po ni/ rnal 'byor rgyud du snyed par dka'/ bgyes pa thams cad 'grub

  15. 49b

    byed cing / sdig pa thams cad 'jig par mdzad/ bcom ldan 'das mas gsol pa/ bcom ldan khyod dang bdag bskyed pa'i// sa bon gang la snying po ci// nye ba'i snying po ji lta/ bu// 'khor gyis sngags ni ji ltar legs// bcom ldan 'das kyis bka' stsal pa// khyod kyi bdag la gang zhig zhus// nyon cig lha mo bdag gis bshad// sa bon ya ti'i bdun pa ni// dbyangs yig lnga pa dang ldan pa// lha mo chen mo thig le ldan// khyod kyis sa bon rab mchog go/ ye te'i sa bon rgyud pa ni// dbyangs yig drug pa dang ldan pa// dbu ni thig le yis ni brgyan// bdag gis sa bon rab mchog go/ de ni sa bon gnyis ga rab// thams cad dbangs su byed pa ni// lus can kun gyis snying la bzhug/ skye ba dang ni bdud byed do// drug pa brgyad pa bzhi pa dang // bcu gnyis pa dang bcu dang nyi// dang po oM dang hUM phaT mthar// bdag gi snying po rab tu mchog/ nyi shu pa dang bcu gnyis mkha'// dang po dang ni bcu drag nyi// dang po tshangs pa hUM phaT mthar// khyod kyi snying po dges pa mchog/ dang por oM dang hUM phaT mthar// dbus su ming dang spel ba ni// tshogs kun gyi ni sngags yin te// mchod pa'i dus su mchod par bya// oM sarba mA ra be mar d+ha na ma hA b+hi rA dza hUM hUM phaT phaT// skal ldan mo de khyod kyi ni// nye ba'i snying po drag po che// oM haM ha tsa ke le ke le/ sarba pros pra b+ha dza ka hU~M hU~M phaT phaT/ pad ma'i zhal de bdag gi ni// 'od chen nye ba'i snying po'o// bcom ldan 'das mas gsol pa// sngags 'di la nus pa'i/

  16. 50a

    snying / @mthu ci tsam zhig mchis lags// bcom ldan 'das kyis bka' stsal pa// grub pa tsam gyi khams gsum thams cad dbang du byed par 'gyur ro// rnal 'byor khro bo'i lta bar 'bum phrag gcig bzlas pa byed na// lha ma yin gyi dbang po lta bu la 'bum phrag gcig gis bsod par byed do// zhi ba'i tshul gyis bzlas pa byas na// grangs med nad dang / nyon mongs pa dang / dbul por dang / mdze dang / phol mig 'jig par byed do// phra mo'i grub pa brgyad ska cig gis byed do// gzhan las du ma rjes su 'brang bar byed do// bcom ldan 'das kyi de skad ces bka' stsal nas// bcom ldan 'das ma legs dgyes dbang mo stan las langs nas/ mgo bos phyag 'tshan ste/ 'khor thams cad dang lhan cig tu lan gsum du bskor ba byas nas rang rang gi rdzu 'phrul gyi mchod pa byas te/ bcom ldan 'das mchog gi dbang phyug legs so legs so// zhes brjod nas yang gnyis med pa'i sbyor bas zhugs so// de'i dusu na mkha' la me tog rnam pa sna tshogs pa'i char dang / rin po che sna tshogs kyi char chen po bcom ldan 'das kyi char chen po bcom ldan 'das kyi zhabs kyi drung du babs par gyur to// de nas bcom ldan 'das me tog dang / rin po che de dag gi thog tu bcibs te/ 'khor dang bcas pa mi snang bar gyur to// dpal ye shes snying po gsang ba'i dkyil 'khor 'byung ba'i don zhes bya ba'i le'u ste/ bzhi pa'o// // dpal ye shes snying po zhes bya ba/ rnal 'byor ma'i rgyud kyi rgyal po/

  17. 50b

    rdzogs s+ho// rgya gar gyi mkhan po dpal shes rab gsang ba'i zhal mnga' nas bsgyur ba'o// dpal phyag rgya chen po thig le rnal 'byor ma'i rgyud kyi rgyal po'i phyi ma'i phyi ma'o// ba kra shis//

Colophon

dpal ye shes snying po zhes bya ba/ rnal 'byor ma'i rgyud kyi rgyal po// rdzogs s+ho// //rgya gar gyi mkhan po dpal shes rab gsang ba'i zhal mnga' nas bsgyur ba'o// dpal phyag rgya chen po thig le rnal 'byor ma'i rgyud kyi rgyal po'i phyi ma'i phyi ma'o