chos chen po rmad du byung ba
Text
ff. 285a–311a · 53 folio sides
- 285a
chen po'i bstan pa 'byung // snod ldan rnams la bstan pa las// dad med kun gyi spyod yul min// kun kyang nges pa de ltar zhog/ lan// cig dus kyi ring sang na// gsang sngags rnal 'byor khas 'ches te// nges don nyams su len pa dkon// don med chos spyod mi dgos zer// bsod nam 'dod phyir chos 'chad 'byung // da yang 'dus pa'i snying po nyon// gang zhig rnal 'byor las can chos// gzhung 'di don las mi 'dab bar// dka' dgu sngos nas 'di tshol ba// de tshe don du rgyud 'di ni// sbas skyibs mi bya lhug par bstan// da yang rdo rje sems dpa' nyon// snod ldan ma phrad dus de na// chos skyong/ yod pa'i lha khang ngam// lha 'dra yod pa'i brag dkyil du// smon lam btab la sbas la gzhag/ rdzogs pa chen po rmad byung don gyi snying po rang byung bde ba'i 'khor/ lo'i rgyud las/ rgyud gtad pa'i le'u ste nyer bdun pa'o// // rdzogs pa chen po rmad byung don gyi snying po rang byung bde ba'i 'khor lo'i rgyud gser gyi 'khril shing can zhes bya ba rdzogs so// // rgya gar gyi mkhan po bi ma la mai tra dang / bod kyi lo tsa ba ga nyag dz+nyA na kum ras
- 285b
bsgyur cing zhus te ga tan la phab pa'o// myang ting 'dzin bzang po la ba shad// de sa gter du man ngag dang bcas pa bcug/ mgon po nag po rdo rje legs pa dang rdo rje rgyan gcig ma la gtad/ dbu ru gzong phug mo'i brag la sbas/ 'brom ye shes snying pos bton nas/ sras dbang phyag rgya mtsho la ba sha da/ des sras ye shes seng ge la ga tad/ des rdog ston 'od 'bar la gtad/ des rong pa snrubs chung pa dang / myang rin chen gtsug tai ra la ga tad pa'o// / bcom ldan 'das dpal gyi dpal dpal kun tu bzang po bde ba chen po la phyag 'tshal lo// bcom ldan 'das bog min gyi gnas snying po byang chub na bzhugs pa'i skus/ rdo rje sems dpa' la gzigs nas// byang chub sems rmad du byung ba zhes bya ba'i ting nge 'dzin la snyoms par zhugs te/ de'i tshe dus gsum gyi bde bar gshegs pa rnams dang stong gsum gyi stong chen po 'jig rten gyi khams mtha' yas mu med pa thams cad dang bde bar gshegs pa thams cad don gcig ste// bdag nyid kyi byang chub kyi sems rmad du byung ba'i dkyil 'khor yin par thugs su chud pa'i don rdo rje sems dpa'
- 286a
la rig par bya ba'i phyir/ rdo rje sems dpa' la gzigs te yid kyi dkyil 'khor sgo phye nas rang gi rig pa'i don gsal bar phyung ste// thams cad kyi don ji lta bu yin pa so so gsal bar byas nas/ rdo rje sems dpa' nyid dang / bde bar gshegs pa thams cad dang / stong gsum gyi stong chen po 'jig rten gyi khams mtha' yas mu med pa rnams dang / byang chub sems rmad du byung ba nyid yin pa dang / byang chub rmad du byung ba las dus gsum gyi sangs rgyas thams cad 'byung bas rmad du byung ba nyid yin pa dang / yang byang chub kyi sems rmad du byung ba las bskyed pa'i dkyil 'khor sku rmad du byung ba sku'i dkyil 'khor dang / gsung rmad du byung ba gsung gi dkyil 'khor dang / thugs rmad du byung ba thugs kyi dkyil 'khor dang / chos chen po rmad du byung ba nyid yin par snang bar byas nas/ de dag thams cad bcom ldan 'das nyid kyi sku dang / gsung dang / thugs su bsdus so// de nas rdo rje sems dpas 'di skad ces gsol lo// 'jig rten mkhas pa rdzogs sangs rgyas// sangs rgyas don du mdzad pa yi// thugs kyi sgron mas don bstan pa// gang blo the tshom za ba dang // gang yin 'gal bar yid
- 286b
sems pa// 'jigs pa thams cad de la'o// mgo ni tshal ba bdun du 'gas// rdo rje sems dpa' de la snang // sngags 'chang rnams kyis spangs par 'gyur// sngags rnams thams cad gsang ba yi// lta ba rmad du byung ba'i don// rdo rje sems dpa' bdag nyid kyis// sngon chad rtogs par ma gyur pa// thugs kyi sgron mas don bstan pa// gang la sangs rgyas gus mdzad pa// don de la yang phyag 'tshal lo// sangs rgyas kun la brtse dgongs nas// gang gi don du byas pa'i don// de dag bdag la grub gyur cig/ gzhal yang me bo da' bar ba ltar// don de bdag gis rig gyur nas// sangs rgyas kun dang skal mnyam ste// sangs rgyas kun pas rgyas gyur cig/ dus gsum rnal 'byor gang dag gis// skal ldan gang zhig 'byung ba yi// don du bdag gis bshad par 'tshal// rma da byung byang chub sems rtogs/ nas/ rdo rje sems dpa' bdag nyid kyang // rdo rje bdag la yang sangs rgyas// rmar byung byang chub sems ni/ kun gyi rig pa ma yin te// lha rnams kun gyis de ma rig/ byang chub sems dpa' rnams kyis kyang // 'di ni rig par dka' ba'o// bde gshegs rnams kyis sngon ma rig/ ces gsol to// de nas bcom ldan 'das kyis bka
- 287a
stsa la pa/ thams cad mkhyen pa'i ye shes ni sgom pa'i mchog yin no// sems dpa' chen po/ thams cad mkhyen pa'i bsgom pa'i mchog/ ngo bo nyid ni dmigs su med// nga yi lus su sbyor ba la// byang chub med cing sgom pa med// lus dang ngag sems mtshan nyid ni// ye shes lnga yi byang chub sems/ ta sems can kun gyi sems chen po// rang bzhin dag pa dri ma med// thams cad ma skyes zag pa med// byang chub med cing mngon rtogs med// khams/ kyang med cing 'byung ba'ang med// mtshan med mi 'gyur nam mkha' bzhin// gnyis med gnyis su med min zhes// byang chub sems 'di rgyas pa'i spyan// zhes bka' stsal to// kye sems dpa' chen po bde bar gshegs pa rnams kyi sku gsung thugs dang / stong gsum gyi stong chen po 'jig rten gyi khams mtha' yas mu med pa 'dra ste/ nga'i byang chub sems rmad du byung ba nyid yin no// rig pa rang las byung ba'i chos chen po rmad du byung ba yin no// rdzu 'phrul chen po rmad du byung ba nyid yin no// 'phrul chen po rmad du byung ba nyid yin no// nga'i rol ba rmad du byung ba yin no// ngas mdzad pa rmad du byung ba nyid yin no// nga'i rmad du byung ba'i dkyil
- 287b
'khor chen po nyid yin no// rang rig pa las byung ba'i cho 'phrul chen po rmad du byung ba nyid yin no// nga'i gsang ba rmad du byung ba nyid yin no// bde bar gshegs pa rnams dang / rdo rje sems dpa' nyid gsang ba dang / gsang ba chen po dang / gsang ba de kho na nyid dang / lta ba gsang ba rmad du byung ba nyid yin no// sku rmad du byung ba sku'i dkyil 'khor gsang ba rmad du byung ba nyid yin no// gsung rmad du byung ba gsung gi dkyil 'khor gsang ba nyid yin no// thugs rmad du byung ba thugs kyi dkyil 'khor gsang ba rmad du byung ba nyid yin no// chos chen po rmad du byung ba las/ byang chub sems rmad du byung ba bstan pa'i le'u ste dang po'o// // chos nyid bstan pa'i phyir sems dpa' chen po/ byang chub su 'dod de la byang chub med// sa dang rnam thar byang chub mchog la ring // sgyu 'dra'i chos nyid gang gis shes gyur pa/ de nyid byang chub sems bdag yin par nges// byang chub snying por bdag 'dus pas// thob pa med cing spang ba med// sangs rgyas rnams kyi byang chub mchog tha snyad yin te don du med// chos nyid mtshan nyid rnam par dag/ bdag med chos las kun tu 'byung // ma skyes pa'i chos rnams la// ngo bo med cing bsgom pa'ang
- 288a
me da/ nam mkha'i tshul du rang byung bas// dngos grub kun tu rab tu grags// chos rnams rang bzhin 'od gsal ba// gdod nas dag pa nam mkha' bzhin// byang chub med cing sems can med// bdag med pa'i chos las byung // sangs rgyas byang chub rdzogs byed pa// rnam par mi rtog dmigs su med/ chos chen po rmad du byung ba las/ spros pa med pa'i le'u ste gnyis pa'o// // che ba bstan pa'i phyir sems dpa' chen po/ thugs kyi dkyil 'khor rang byung la// ye shes rdzogs zhugs med long bzhin// nga ni dus gsum bzhugs pa yin// sangs rgyas rnams la ye shes te// byang chub sems kyi don rtogs pas// sangs rgyas kun gyi nyid sha can// nga ni sangs rgyas kun gyi dur// dur khrod chen po nga bdag yin// sems can chen po thams cad dang // sems can thams cad nga las byung // sems can du ra nyid nga yin no// skal ldan sems dpas rig par gyis// sangs rgyas thams cad nga yi zhing // sems can thams cad sku gsung gter// thams cad nga yi longs spyod rgyu// zhes gsungs pa'i tshig thos pa dang // sems dpa' skal ldan zhal mthong bas//
- 288b
rmad byung gsang ba'i dkyil 'khor 'dir// byang chub sems yin bdag nyid rig/ thal mo sbyar nas 'di skad gsol// dus gsum sangs rgyas thams cad kyi// thugs kyi thugs te thugs la rol// dus gsum sangs rgyas thams cad kyi// sku yi sku ste sku la rol// dus gsum sangs rgyas thams cad kyi// gsung gi gsung ste gsung la rol// zhes gsol pa dang / sems dpa' chen po/ bskal pa 'bum phrag 'bum sngon du// nga nyid gcig pu sngon du byung // 'byung ba bas ni nga sngar byung // sangs rgyas kun gyi sku gsung thugs// nga las byung ba de yi phyir// sems dpa' chen po thugs nyid ni// nga yi byin rlabs chen po bas// dus gsum sangs rgyas thams cad dang // rnal 'byor chen po kun 'dus nas// 'od zer mngon sum nyi bzhin shar// sems dpa' chen po bskal bzang yin// rnal 'byor gang zhig 'di 'chad pa// sems dpa' nyid kyi sku gsung thugs// de nyid yin par shes par gyis// don 'di rig pa'i rnal 'byor pa// sangs rgyas sa la mi gnas te/ ta thams cad sa nyid nga yang thugs// sems can sangs rgyas nga las skyes zhes gsungs so// chos chen po rmad du byung ba las// che ba bstan pa'i le'u sta
- 289a
gsum pa'o// // gsol bzhal gyis pa zhes pa/ sems dpa' chen po/ dbyed pa po nga nyid/ nga rang bzhin gyis rnam par dag nas sangs rgyas pas/ 'dus byas kyi chos ye na sa med do// de'i phyir chos thams cad rnam par dag pa nyid yin no// nga nyid chos kyi sku'i rnal 'byor yin pas// nga'i chos thams cad rnam par mi rtog pa'o// sangs rgyas kun pas sngar sangs rgyas pa'o// nam mkha' med pa'i sngon rol na// nam mkha'i mtshan nyid ye nas med// gang la chags med sngon rol na// chags pa'i 'dod chags yongs gi med// srid pa med pa'i sngon rol na// srid pa'i chos nyid ye nas med// 'byung ba med pa'i sngon rol na// chen po lnga nyid ye nas med// sangs rgyas med pa'i sngon rol na// sems can ming nyid ye nas med// sngon du 'khor ba'i chos yod/ medad ta/ mya ngan 'das med sngon rol na// 'khor ba'i chos ni ye nas med// de phyir 'byung bas da sngar byung // thams cad nga yis byas pa yin// thams cad nga las skyes pa yin// thams cad nga las byung ba yin// zhes bka' stsal to// chos chen po rmad du byung ba las/ zhal gyis bzhes pa gsang ba'i le'u ste bzhi pa'o// /
- 289b
gzhi rtsa med pa'i sems nyid ni// bkrus pas mi 'dag nam mkha' bzhin// skye dang bral ba'i byang chub la// byang chub rgyu 'bras yongs gi med/ rmad byung byang chub sems 'di ni// rang gi rig pa chen pos mkhyen nas// rol pa'i thabs chen rang la rdzogs par sangs rgyas so// 'dod chags zhe sdang gti mug nga rgyal phrag dog ye nas yod cing mthar gnas pas ye nas dag ste// 'dod chags nyid nga'o// zhe sdang ra'o// gti mug nga'o// nga rgyal nga'o// phrag dog nga'o// de'i dus su sngon byung ba dang da ltar gnyis dbyer med par gnas pa'i phyir/ lhan cig 'byung ba'i chos 'dod chags rang bzhin gyis rnam par dag pas zhe sdang la sogs pa rnam par dag go/ 'dod chags spros pa med pas zhe sdang la sogs pa'i ming med do// sems nyid las byung ba'i chos so// rang bzhin gyis rnam par dag pas so sor dbyer med pa// brtan pa/ 'khrigs pa/ ma sgrags pa/ mi chod pa// rdo rje por sbyor ba// gnyis su med pa/ so so ma yin pa'i chos mnyam pa nyid las chos kyi dkyil 'khor bsam gyis mi khyab par rang gi sems nyid las byung zhing / rigs dang rigs lngar gyur pa'i sangs rgyas yang yum sras dang bcas pa 'khor phun sum
- 290a
tshogs pa las byung zhing spyod pa'o// rgyu rkyen rten 'brel gyi nus mthu nyid/ snang mdzad kyi byang chub sems nyid/ lus dang / ngag dang / sems dbyer med par mnyam pa nyid du gyur pa/ ngo bor bsam pa dang bral ba'i mthus/ sku gsung thugs kyi dkyil 'khor thams cad rdzogs par rang las byung zhing 'byung ba dang // 'od dang / mngon par shes pa dang / brag dang / chu dang / nam mkha' la thogs pa med par 'gro ba dang / sprul pa sna tshogs ci yang snang ba dang / sgra skad sna tshogs 'byung ba dang / stong gsum gyi stong chen po 'jig rten gyi khams mtha' yas mu med pa na srid pa'i chos dang / mi srid pa'i chos thams cad nga'i lus ngag yid gsum gyi mthu las gyur pa yin no// / de'i phyir so so kun tu rtogs pa'i ye shes kyis/ sems can ji srid 'khor ba'i chos thams cad dang / mngon par rdzogs par sangs rgyas pa dang / 'das pa dang ma 'ongs pa dang / da ltar bzhugs pa dang / srid pa gsum dang / khams gsum dang / mchog gsum dang / yum gyi lhums na bzhugs pa dang // 'byung ba dang skyes pa dang / bud med dang / ma ning dang / byol song dang / yi dgas dang / dmyal ba dang / lha dang / mi dang / rgan pa dang / gzhon pa la sogs pa thams
- 290b
cad de nyid yin pas/ nga nyid kyi thugs las sbyar bar yin no// yid rang bzhin gyi nor bu rin po che dang / dpag bsam gyi shing / lha'i longs spyod thams cad dang rgya mtsho dang / ri rab dang / gling la sogs pa'idi nga'i byang chub sems yin no// nga gang na 'dug pa nyid yongs su rdzogs pa'i sangs rgyas yin no// nga ci yang 'gyur du btub pa'i dus ngan na yang sangs rgyas so// nga skye ba nyid gang du skyes par gyur pa na mngon par rdzogs par sangs rgyas pa yin no// nga rol pa byang chub sems bde ba chen po nyid yin no// sems can thams cad dang / stong gsum gyi stong chen po 'jig rten gyi khams thams cad ye nas sangs rgyas pa yin pa ni nga'i byang chub kyi sems so/ ma byung ma gyur pa gcig kyang med do// byang chub kyi sems las gyur pa'i mthus sangs rgyas so// byang chub kyi sems ni ye nas sangs rgyas so// nga byang chub sems ni cir yang snang / cir yang 'gyur du btub pa yin no// cho 'phrul chen po cir yang ston par mdzad pa yin no// bcud kyi 'jig rten rnam par snang mdzad las byung ba 'di ni/ 'byung ba sangs rgyas dang sems can mang po 'byung bar 'gyur ba nyid/ nga'i sku gsung thugs las byung ba'i mthu dang rdzu 'phrul lo// gsang
- 291a
ba chen po byang chub kyi sems yi ge rmad du byung ba'o// 'jig rten dang 'jig rten las 'das pa'i chos thams cad ni sangs rgyas las byung bas gsang ba'i man ngag de kho na nyid do// byang chub kyi sems 'phrul chen po bstan pa'i don ni rnam lnga ste// byang chub kyi sems 'phrul chen po rmad du byung ba dang // byang chub kyi sems rdzu 'phrul chen po rmad du byung ba dang / byang chub kyi sems rol pa chen po che 'phrul chen po yongs su bstan pa'i cho 'phrul chen po rmad du byung ba dang / byang chub sems gsang ba rmad du byung ba'i chos rjes su bstan pa'i 'phrul chen po rmad du byung ba dang / byang chub kyi sems gsang ba chen po'i rgyud gsang ba'i 'phrul chen po mngon par bstan pa'i rmad du byung ba'o// chos chen po rmad du byung ba las/ 'phrul chen po'i le'u ste lnga pa'o// / / byang chub kyi sems gsang ba rmad du byung ba'i 'phrul chen 'di ni sku gsung thugs nyid du gyur pa yin te/ sngon gyi sangs rgyas rnams kyis bshad pa yin no// kye sems dpa' chen po smang la mi gnas pa rnams ni thugs gsang ba chen po rma da du byung ba'o// 'di yang dag sang se rgyas kyi lam nas nam mkha' chags pa med par
- 291b
kun tu khyab cing rang la 'dus pa ni byang chub kyi sems rmad du byung ba'o// kye sems dpa' chen po bkod pa med par mngon par snang ba ni sku rmad du byung ba'i dkyil 'khor yin no// rang rig pa las byung ba'i chos rnams la gang du yang bsam du med de/ med pa nyid kyi don du gyur nas gnas pa ni byang chub sems rmad du byung ba'o// kye sems dpa' chen po ma skyes ma spros par sgra skad sna tshogs so sor rang rang las byung ba ni gsung rmad du byung ba'i dkyil 'khor yin no// sgra skad las 'das pa'i ting 'dzin gyi sku gsung thugs nyid du gyur pa ni byang chub sems rmad du byung ba nyid yin no// kye sems dpa' chen po rang rig pa'i sems las byung ba'i chos sku mi mnga' bar kun la khyab par gnas pa ni nam mkha' ste/ byang chub sems rmad du byung ba nyid do// kye sems dpa' chen po sku dang / gsung dang / dpe byad las 'ad sa sgra lnga lhun gyis rdzogs par gsal bar rang byung ba las ni byang chub sems rmad du byung ba'o// kye sems dpa' chen po lnga nyid sku lnga lhun gyis rdzogs pa'i dkyil 'khor nyid do// chen po lnga yi dngas ma ni/ byang chub kyi sems dri ma med pa rmad du byung ba nyid do// dngas ma de gsal ba'i snying po shin tu brtag dka' ba'i ye shes te thugs nyid du gyur pa'o// kye sems dpa' chen po 'byung ba chen po so sor ma
- 292a
bcos ma byas bsam pa med pa las sgra skad sna tshogs 'byung ba ni nga nyid yin no// kye sems dpa' chen po 'di dag ni bdag nyid las byung bas gang gis ngo bor yang ma grub pa ni chos kyi sku ste byang chub sems rmad du byung ba'o// 'byung ba chen po bzhi ni skye ba byung ba dang skye ba rnams kyi rgyud nyid du gyur pas byang chub sems rmad du byung ba nyid do// 'byung ba chen po bzhi las byung zhing skyes pa dang // skye ba rnam bzhi'i sems can rnams bdag nyid du gyur pas sangs rgyas pa med pa'i sangs rgyas pa yin/ pas byang chub sems rmad du byung ba nyid do// kye sems dpa' chen po de la byang ba ni bdag nyid las byang ba'i chos thams cad la nyon mongs pa'i dri ma ye nas med pa'o// chub ces bya ba ni 'das pa dang / ma byung ba dang / da ltar bzhugs pa dang / stong gsum gyi stong chen po 'jig rten gyi khams mtha' yas mu med pa thams cad don gcig ste tasku gsung thugs las ma gtogs pa'i chos rdul tsam yang med la/ chos thams cad kyi don dbyer med par thugs su chud pa ni kun tu chud pa'o// sems ni chos thams cad sku gsung thugs su dbyer med pa'i don las g.yo ba med par gsal ba'i ting nge 'dzin to// chos chen po rmad du byung ba las// byang chub sems nyid
- 292b
bstan pa'i le'u ste drug pa'o// // sems dpa' chen pos zhus pa/ bcom ldan pa da sa rigs lnga'i sangs rgyas la rnam par thar pa'i lam du mnga' zhes gsol pa dang / bcom ldan 'das kyis/ sems dpa' chen po nyon cig ces bka' stsal pa/ sems dpa' chen po de bzhin gshegs pa thams cad la rnam par thar pa'i lam ma nor ba'i chos nyid rnam par dag pa lnga yod de/ 'dod chags zhe sdang gti mug nga rgyal phrag dog lnga'o// de la 'dod pa ni bdag nyid las byung ba'i chos la bdag nyid dus dang rnam pa med par longs spyod par 'dod do// chags pa ni 'dod pa'i dbang du gyur pa'o// de la bdag nyid la byung ba'i chos ni gzugs dang / sgra dang / dri dang / ro dang / reg bya'o// de dag ji ltar 'dod ce na/ thams cad bdag nyid du gyur par 'dod cing 'dod pa de la chags pa'o// zhe sdang ni bdag nyid la ye nas gnas pa'i chos thams cad 'byung ba'i ngo bo nyid du gyur pa/ spangs kyang mi spong bkrus kyang mi 'dag/ chos kyi chos nyid du gyur pa!'dod chags spong ba la zhe sdang ba/ zhe sdang spong ba la zhe sdang ba/ gti mug spong ba la zhe sdang ba/ nga rgyal spong ba la zhe sdang ba/ phrag dog spong ba la zhe sdang ba
- 293a
gti mug ni bdag nyid las byung ba'i chos can la/ lta bas so sor dbyer med par thugs su chud de/ so sor dbye ba mi mnga' bas gti mug dngas pa dang / chos thams cad bde bar gshegs pa'i thugs nyid du gyur pas gsang ba mchog gi dges pa na thams cad gcig tu gcig pas/ sa dang sa'i rim par byed pa'i dgongs pa mi mnga' bas gti mug dang / sku gsung thugs kyi ngo bo nyid gcig ste/ dbyer med par thugs su chud de mnyam pa nyid kyi skur bzhugs shing mnyam pa'i don la dgongs pas gti mug pa dang / de bzhin gshegs pa thams cad dang / chos thams cad bdag nyid las byung zhing / gzhan las ma byung ma skyes pa'i don thugs su chud pas bdag nyid kyi sku las ma gtogs par gzhan du gyur pa dang / gzhan du skye ba dang / gzhan du 'byung ba dang / gzhan du 'gog pa dang / gzhan las skyes pa dang / gzhan las byung ba dang / gzhan du gyur par ston pa mi mnga' bas gti mug pa dang / bdag nyid las byung ba'i sprul pa'i sku rnam pa sna tshogs las rol pa cir yang mdzad cing / sku gcig tu ston pa mi mnga' bas gti mug pa'o// nga rgyal ni bdag nyid las byung ba'i chos thams cad dang / skye ba thams cad lang dang
- 293b
bdag med par thugs su chud de mkhyen pas de'i chos thams cad nga dang bdag med par ston par mdzad pa'i nga rgyal dang / bdag nyid las byung ba'i chos bla na med pa'i tshe ba thugs su chud de dus gsum du bdag nyid ston pa mdzad cing bdag nyid kyi che ba ston par mdzad pa'i nga rgyal dang / bdag nyid las byung ba'i chos rnams la bdag nyid dus thams cad du longs spod mdzad pa'i dbang gis rol pa'i skad ci yang ston pas nga rgyal ba dang / chos thams cad dang / srid pa gsum dang / chen po lnga la sogs pa dang skye 'gro thams cad ma lus pa thugs su chud de/ de dag thams cad bdag nyid du bsdus shing bdag nyid du gyur par ston par mdzad pa'i che ba'i nga rgyal lo// phrag dog ni chos thams cad ngo bo nyid gcig pa las tha dad par rtog pa las phrag dog pa dang / 'dod chags zhe sdang gti mug rnams ye nas byang chub kyi sku gsung thugs dbyer med pa las mtshan nyid so sor 'dzin pa la phrag dog pa dang / yang dag pa'i don ma nor ba gtan la phab pa la phyin ci log tu rtogs pa de la phrag dog pa dang // chos thams cad bde bar gshegs pa yin pa las de ltar ma rtogs pa phrag dog pa dang / che ba'i lam yin pa la rnam par thar pa ma mthong ba la phrag dog pa'o// chos
- 294a
chen po rmad du byung ba las/ byang chub sems thar pa'i lam bstan pa'i leru ste bdun pa'o// / rdo rje sems dpa' chen po/ khyod/ nya yang dag sangs rgyas lam rig pa// nam mkha' lta bur skye ba med// rnam dag phung po lnga bde ba// sna tshogs nges par khyod las byung // khyod las ma byung gcig kyang med// sna tshogs 'byung ba kun gyi rgyu// sangs rgyas kun gyi sprul pa'i sku// sangs rgyas byang chub bla na med// rnam par dag pa bdag med chos// yang dag ye shes thams cad lam// skye med chos te sna tshogs don// 'byung ba rnam par khyod sngar byung // don gcig gnyis med chos kyi don// dam pa'i don te 'jigs pa med// khyod las byung ba yi ge med// gsang sngags don du bskyed rnams la// rnam pa kun ldan rnam pa med// yan lag med pa'i rtsis las 'das// sangs rgyas kun gyis rtogs bya ba/ rta thams cad sangs rgyas nyid kyis mdzad// sangs rgyas byang chub bla na med// rang rig longs spyod rang las sprul// rang las sprul pa'i sku rnams la// rang gi longs spyod ci yang mdzad// sprul pa sna tshogs cir yang ston// khyod las cho 'phrul sna tshogs 'byung // rol pa'i skur ni cir yang rol// sangs rgyas rol pa khyod las/
- 294b
byung sems dpa' chen po thams cad khyod nyid las byung ba'o// sems dpa' chen po 'di ni sangs rgyas thams cad kyi gsang ba rmad du byung ba'o// sems dpa' chen po nyon cig/ thams cad mkhyen pa'i ye shes kyis thams cad mdzad do// chags pa dang bral ba'i lus las 'das pa ni khyod do// nga'i byang chub sems phra zhing zag pa med/ pa ta sa bon dang bral ba/ rdul med pa/ rdul dang bral ba/ dri ma med pa ni bde bar gshegs pa rnams dang / sems can thams cad la gnas pa yin no// 'di ni sangs rgyas thams cad kyi gsang ba'i byang chub sems gsang ba dam pa'o// sems dpa' chen po de bzhin gshegs pa ni 'di ltar rig par bya'o// ye shes lus can de bzhin gshegs pa de ni sku'i 'od la bzhugs shing / gsung gi zer la rol te/ de'i phyir rnam par dag pa nam mkha' dang 'dra ba'i sku'o// de yang yangs pa dang / kun la khyab par gnas pa dang / 'gog pa med par snyoms par gyur pa ni nam mkha' 'o// gsal zhing snang ba thams cad ni sku'i 'od yin zhing / nam mkha'i rang bzhin pa yin no// chen po lnga la so sor gsal ba dang snang ba chen po yod pa ni/ chen po lnga nyid rigs lnga'i skur gyur pa'i bod yin gyis/ nam mkha'i khams kun la khyab pa'i 'od dam
- 295a
nam mkha'i rang bzhin las byung ba ni ma yin te/ sku mdog ji lta ba bzhin nam mkha'i mdog kyang de bzhin gyur pa yin no// bar snang la snang ba ston pa nyi zla dang skar ma la sogs pa rang gi snang ba'i 'od 'byung ba dang / bar snang snang bar ston pa yang / sku rin po che'i 'od dang / gsung gi 'od zer spros pa'i zer nyid yin no// chen po bzhi las byung ba'i kha do ga rnams dang / rnam pa sgra tshogs su spros pa dang ba ra snang la sprin gyi kha dog so sor snang ba 'ja' tshon gyi kha dog 'byang ba yang rigs so so'i ska dang 'od las byung ba yin gyis/ nam mkha' dang kha dog kyang chen po bzhi las byung ba ni ma yin no// sku mdog dkar na nam mkha' yang dkar/ sku mdog ji lta ba bzhin du nam mkha'i mdog kyang de dang 'dra ba dang / chen po bzhi las byung ba'i skye ba rnams kyi kha dog kyang de dang 'dra'o// de bzhin gshegs pa'i sku ni chen po lnga las bstan zhing / 'byung ba chen po bzhi'i rgyud las skyes pa ma yin no// 'byung ba bzhi dang // 'byung ba las gyur pa thams cad dang / skye ba bzhi las skyes pa'i sems can thams cad dang / stong gsum gyi stong chen po 'jig rten gyi khams ma lus lus pa med pa rnams ni/ de bzhin gshegs pa'i sku gsung thugs nyid las byung zhing / sku gsung thugs kyi rol pa/
- 295b
chen po rnam pa cir yang rol cing chos thams cad la mnga' mdzad pa dang / chos thams cad la rol pa rtag tu mdzad pa'i don du de bzhin gshegs pas mdzad do// chen po lnga med pa'i sngon rol na/ de bzhin gshegs pa'i sku ni de bzhin du rang byung ba ste/ sku'i 'od la bzhugs shing gsung gi zer la rol lo// chos chen po rmad du byung ba las byang chub sems ye nas mi mnyam pa dang mnyam pa'i le'u ste brgyad pa'o// / sems dpa' chen po byang chub kyi gsang ba rmad du byung ba 'di ni stong gsum gyi stong chen po 'jig rten gyi kham sa das mu med pa rnams sangs rgyas nyid kyis mdzad pas gsang ba rmad du byung ba'o// sangs rgyas nyid las gsang ba rmad du byung ba'o// sangs rgyas nyid ye shes las skyes pas gsang ba rmad du byung ba'o// bdag nyid kyis rig pa'i ye shes las ma skyes pa dang / ma byung ba dang / rang rig pa'i ye shes kyis ma khyab pa'i chos gang yang med pas gsang ba rmad du byung ba'i chos chen po ste/ sems dpa' chen po nyid dang / byang chub sems dpa' rnams kyis rtogs par dka' ba'i phyir gsang ba mchog gi dam pa'o// chos chen po rmad du byung ba las/ gsang ba dam pa bstan pa'i le'u ste dgu pa'o//
- 296a
sems dpa' chen po rdo rje sems dpa'i thugs gsang ba'i rgyud ni/ sku gsung thugs su ma 'dus pa gcig kyang med do// bde bar gshegs pa'i sku gsung thugs nyid du gyur pas gsang ba'o// de bzhin gshegs pa nyid la rnam par dag pa'i phung po lnga yod de/ gzugs rnam par dag pa thams cad nyid du gyur pa'i phung po dang rnam par grol ba'i tshor ba 'gags pa med pa'i phung po dang / skye ba med pa'i 'du shes chos nyid du gyur pa'i phung po dang / len pa med pa'i 'du byed rnam pa thams cad tha dad pa'i sgo'i phung po dang / rnam par dag pa nam mkha' dang 'dra ba ye shes su byung ba'i phung po lnga kun gyi bdag nyid du yod pa dang / kun gyi bdag nyid du gyur pas sku'o// sku rnam par snang mdzad ces gsungs pa ni sku lnga lhun gyis rdzogs pas longs spyod rdzogs pa'i sku ste/ rnam par snang mdzad do// de la rnam par snang mdzad ces gsung pa ni// kun gzhi rnam par shes pa ni sku lnga nyid du gyur pa yin te/ de nyid la sku rnam pa sna tshogs ci yang snang bas snang mdzad do// de'i phyir sems dpa' chen po ji skad gsungs she na/ 'das pa dang / ma 'ongs pa dang / da ltar byung ba rnams dang / dus dang / dus kyi so sor gyur pa dang / dus gsum gyi bde bar gshegs pa thams cad dang /
- 296b
skye ba thams cad dang / skye bo dang / skye 'gro rnams dang / chen po lnga dang / 'byung ba bzhi las byung ba'i chos thams cad dang / sku la rnam par dag pa las ma byung ba gcig kyang med de1de dag thams cad sku lnga las byung bas thams cad nas thams cad du sku lnga nyid du ma gyur pa gcig kyang med do// de'i phyir sangs rgyas su ma gyur pa gcig kyang med do// de bzhin gshegs pa'i sku ni phyi dang / nang dang / lus ngag tu yang snang la/ kun tu yang khyab par snang bas kun la yang snang ngo // kun tu snang bar mdzad do// yang ji skad gsungs she na/ nga yi sku rnam par dag pa ni cir yang sprul cing yang 'gyur zhing kun 'gyur ba nyid yin te/ sku lnga las 'gyur ba'i chos nyid la/ nga rol pa chen po rdo rje rnam par rol pa mdzadartag pa ra bzhugs shing rtag par rnam pa cir yang rol lo// rdo rje rnam par rol pa chen po cir yang mdzad do// chos nyid las mnga' mdzad pa'i rol pa chen pos sku'i cho 'phrul cir yang snang zhing cir yang ston/ cho 'phrul chen po cir yang mdzad do// sku ci re yang rol pa'i cho 'phrul gyis rtag par longs spyod mdzad pas so// de'i phyir sems dpa' chen po phyi'i spyod yul thams cad 'di ltar yin no// stong gsum gyi stong chen po 'jig rten gyi khams 'di dag thams cad ni/ de bzhin gshegs pa'i
- 297a
gzigs mo'o// yul lo// nga nyid las byung ba'i chos nyid do// ye nas ma byung ba 'byung bar byed pa'i yul lo// ma byung ba 'byung bar byed pa'i dam tshig gi yul lo// sku gsung thugs mngon par bstan pa nyid do// sku gsung thugs mthar mi zad pa'i mdzad do// ston pa mthar mi zad pa'i don nyid do// sku gsung thugs rol pa'i cho 'phrul chen po rol pa nyid do// rdzu 'phrul chen po nyid kyi rang bzhin ni nga'i mthu las byung ba nyid do// nga'i stobs las byung ba'i chos so// sku gsung thugs mi zad pa'i rgyan gyi 'khor lo nyid do// stong gsum gyi stong chen po 'jig rten gyi khams 'di dag thams cad ni nga nyid kyi yul lo// bzhugs gnas so// gzhal yas khang ngo // 'di dag thams cad ni nga'i sku'o// nga'i gsung ngo // nga'i thugs so// stong gsum gyi stong chen po 'jig rten gyi khams 'di dag thams cad ni/ sangs rgyas kyis rdzogs pa chen po nyid do// sangs rgyas nyid do// byang chub chen por rdzogs pa nyid do// sangs rgyas kyi zhing bde ba chen po nyid do// byang chub kyi sa nyid do// byang chub sems rmad du byung ba thams cad kyi ngo bo nyid yin no// sku rmad du byung ba nyid yin no// gsung rmad du byung ba nyid yin no// thugs rmad du byung ba nyid yin no// chos rmad du byung ba nyid yin no// gsang
- 297b
ba rmad du byung ba nyid yin no// rol pa rmad du byung ba nyid do// mdzad pa rmad du byung ba nyid yin no// rdzu 'phrul rmad du byung ba nyid yin no// byang chub sems rmad du byung ba yang / 'di nyid yin no// sangs rgyas kyi sa chen po rmad du byung ba yang 'di nyid yin no// sangs rgyas rnams kyi lta ba rmad du byung ba yang 'di nyid yin no// sangs rgyas rnams kyi spyod pa mthar phyin pa yang 'di nyid yin no// ston pa phun sum tshogs pas bstan pa phun sum tshogs par bstan pa yang 'di nyid yin no// nyan pa phun sum tshogs pas nyan pa yang 'di/ nyid do// sangs rgyas rnams kyi bde ba chen po yang 'di nyid do// sangs rgyas rnams kyi 'dod pa'i yon tan lnga yang 'di nyid yin no// 'dod yon lnga'i mtshan nyid kyang rmad du byung pa 'di nyid yin no// sangs rgyas rnams kyi thugs mthar thug pa yang 'di nyid yin no// sku'i sprul pa'i chos nyid la rol pa'i cho 'phrul gyis chos nyid kyi 'khor lo bskor ba'i chos nyid kyi 'khor lo yang rmad du byung ba 'di nyid yin no// 'khor ba yang chos nyid ma rig pas 'khor zhing / chos nyid la chos nyid gnas pa yang rmad du byung ba 'di nyid yin no// sku gsung thugs las ma gtogs pa stong gsum gyi stong chen po 'jig rten gyi khams na 'khor ba dang nyon mongs pa'i ming yang med do// sangs rgyas 'byung ba las ma gtogs pa
- 298a
sems can du skye ba'i ming yang med do// sku snang ba las ma gtogs pa sems can gyi rang bzhin dang chen po lnga ye nas med do// sangs rgyas kyi bde ba chen po las ma gtogs par sems can dang sdug bsngal ming med do// sangs rgyas kyi nges pa'i sa chen po rdzogs pa gcig pu las ma gtogs par stong gsum gyi stong chen po 'jig rten gyi khams na sems can gyi yul dang gnas nyid las med pas/ nga las byung ba'i chos las sems can gyi yul dang gnas med do// sku rmad du byung ba dang / byang chub kyi sems rmad du med pa'i rang bzhin bstan pas nges pa'i gsang ba'i man ngag bstan pa'o// sems dpa' chen po rgyal ba rnams kyi sku// sna tshogs cir yang snang ba ni// kun tu rin chen lta bu ste// zhes gsungs pa yin no// sku'i kha dog ji ltar snang zhing sna tshogs cir yang rol pa ni rin po che dang 'dra ste/ rin po che ni dkar po yang rin po che'o// dmar po dang ser po dang / sngon po dang / ljang khu la sogs pas ni kha dog ci 'dra yang rin po che nyid do// 'di ni rin po che yin la/ 'di ni rin po che min pa ni yin no// de bzhin du rgyal ba'i rgyal ba rnams kyi sku yang kha dog thams cad du snang ba dang / dbyibs thams cad ji lta bur 'dug pa dang / dri ci mnam pa dang / ro ji ltar bro ba dang / gzugs ji
- 298b
ltar snang ba dang / sgra ji ltar thos pa dang / reg bya ji ltar tshor ba thams cad nyid kyi sku yin te/ rgyal ba'i rgyal ba rnams kyi sku yin gyis/ kha dog dang dbyibs ni rgyal ba'i sku yin 'di ni ma yin pa lta bu ni ma yin no// de'i phyir/ sangs rgyas rnams kyi ye shes sku// sna tshogs gzugs can yid las skyes// zhes gsung so// de bzhin gshegs/ pa rnams kyi thugs ni ye shes brgyad so sor dbyer med pa gang gis mi chod pa'i don rig pa'i ye shes kyi sku dang gnyis su med par shar ba ni thugs so// sems dpa' chen po stong gsum gyi stong chen po 'jig rten khams 'di dag thams cad de bzhin gshegs pa rnams kyi thugs las byung zhing thugs nyid las ma gyur pa med do// de bzhin gshegs pa rnams zad pa'i mtha' med pas stong gsum gyi stong chen po 'jig rten gyi khams mtha' yas mu med pa yang zad cing med pa'i dus med do// stong gsum gyi stong chen po 'jig rten gyi khams mtha' yas mu med pa zad cing stongs pa'i dus med pa ni bde bar gshegs pa rnams kyi sku dang / gsung dang / thugs nyid yin te/ sku gsung thugs zad cing stongs pa'i dus med pa nyid rmad du byung ba yin no// de bzhin gshegs pa rnams kyi sku dang / gsung dang / thugs las ma gtogs par stong gsum gzhan na med
- 299a
do de bzhin gshegs pa rnams kyi gsung ni sku gsung thugs so sor dbyer med pa'i don dang / rang bzhin kun la snang bar byed cing so so'i don go ba nyid du ston pa ni de bzhin gshegs pa rnams kyi gsung ngo // gsung las gyur pa rnams ni sgra skad sna tshogs cir yang 'byung ba dang / ming dang / tshig mang po rnams la sogs pa dang / sgra skad mang po 'byung ba rnams la gsung du ma gyur pa rnam pa gcig kyang med de/ sku dang thugs nyid gsung ngo // gsung thugs nyid sku yin te/ gsung sprul pa'i sku/ thugs snying po byang chub mchog gi sku/ sku longs spod rdzogs pa'i sku/ sems dpa' chen po de bzhin gshogs pa rnams kyi rang bzhin ni/ sku rmad du byung ba 'di nyid yin par rig par bya'o// ye nas yod cing rtag par bzhugs// rang byung che ba'i bdag nyid sku// bdag nyid ye nas dag pa chos kyi sku// bdag nyid sku gsum lhun gyis grub// 'gyur ba med pas bsod nams sku// ye nas rdzogs pas sprul pa'i sku// lhun gyi rdzogs pas longs spyod rdzogs pa'i sku// bya btsal med pa'i snying po byang chub sku// chos chen po rmad du byung ba las// sku gsung thugs bstan pa'i le'u ste bcu pa'o// // sems dpa' chen po
- 299b
'dod chags dang ni zhe sdang dang // gti mug nga rgyal phrag dog ni// rdo rje theg pa chen po nyid// snying rje med par gsod pa dang // 'jigs pa med par sbyor ba dang // gtsang sme med par za ba dang // rang gi khu bas rang mchod pa// rdo rje theg pa'i chos nyid yin// sems can brtse ba med pa dang // ma byin len dang mi tshangs spyod// gzhan la spong bar mi byed pa// rdo rje theg pa'i dam tshig ste// ji snyed rang byung byang chub sems// bde ba gsal ba'i dkyil 'khor la// rgyal ba bdag nyid rtag par bzhugs// rdo rje theg pa gsang ba rmad du byung ba'o// gang zhig byang chub mchog 'dod pa// rtag tu bdag nyid mchod par bya// mchod pa kun gyis rtag tu mchod// yid bzhin rin chen la sogs rnams// sangs rgyas 'dod na bdag nyid mchod// sangs rgyas zhing khams thams cad du// bdag cag kun gyi lha yin pas// kun gyi mchod pas bdag la mchod// sems can thams cad bsad nas ni// rgyal ba mnyes te sras su skye// 'dod chags 'dod pas rtag tu sbyin// 'di ni gsang ba'i byang chub sems/ sangs rgyas nyid du chud mi ga// de ni sangs rgyas dngas grub yin// dngos grub padag la med pa'i phyir// yid du thong ba'i bdag nyid pasgom// mkhas pas mchod pa
- 300a
las byung // bdag las byung ba'i mchod pa rnams// bdag nyid bdag la mchod par bya// mkhas pas bdag gi khu ba dag/ sbyor ba'i don gyis rtag tu dbyung // 'di ni sangs rgyas bdag nyid yin// spyod pa mkha' dang mtshungs pa'o// 'di ni rdo rje theg pa'i spyod pa rmad du byung ba'o// chos chen po rmad du byung ba las rmad du byung ba bstan pa'i le'u ste bcu gcig pa'o// // bdag las byung ba'i khu ba yis// bdag gi lus la rab brgyan nas// sangs rgyas mthong bas yid du 'ong // 'jig rten khams rnams dbang gyur pa// nga yi lus nyid sngags kyi lha// rtag par mchod na sangs rgyas 'grub// gang gis mchod pas dngos grub thob// ngag dang yid kyang phyag rgya yis// spyod pa ci yang sprul pa'i sku// dngos grub mchog rnams bdag las byung // byang chub myur du thob pa yin// lus dang ngag dang gsang ba'i sngags// nam mkha' bzhin du mnyam par gnas// sems la dmigs pa bdag med pa// lus dang ngag dang gsang ba'i sngags// nam mkha' bzhin du mnyam pas gnas// sems la dmigs pa bdag med pa// lha yi ting 'dzin gsang ba'i sngags// ngo bo nyid kyi dmigs su med// kye sems dpa' chen po nga
- 300b
byang chub kyi snying po na bzhugs pa'i stong pa'i chos la stong pa'i chos med de mi gnas so// byang chub sems la byang chub tu bsgrub pa'i sems med de mi gnas so// srid pa'i chos thams cad la srid pa med de mi gnas so// chos la sems med pas rnam par dag pa la gnyis med do// sems can thams cad mngon par rdzogs par sangs rgyas pa'i phyir yid la byed pa mngon par sangs rgyas so// sems can gsang ba mchog gi dkyil 'khor gyi ye shes kyi lha nyid yin pas/ sangs rgyas kun gyi gsang bar mdzad pa'o// nga las byung ba'i chos chen po lnga nyid ye shes gsang ba'i dkyil 'khor gyi lha nyid yin pas dngos grub gzhan nas ba slang du med pas// dus gsum gyi bde bar gshegs pa gsang ba chen po nyid do// sems dpa' chen po/ sangs rgyas kun gyi byang chub sems 'di ni sangs rgyas nyid kyi thugs las byung ba nyid yin no// de'i phyir sangs rgyas kyi byang chub sems sangs rgyas kyi thugs la gnas/ sems dpa' de bzhin rig par gyis// de nas rdo rje sems dpa' mtshan chen po'i ting 'dzin la zhugs nas 'di skad ces gsol to// sangs rgyas kun gyi byang chub sems// sangs rgyas kun gyi thugs la gnas// rdo rje sems pa'i shes rab kyis// ye shes pha rol phyin
- 301a
pa'i gnas// dus gsum gcig ste rtag par bzhugs// zhes gsol to// sems dpa' chen po de bzhin te/ rnam par snang mdzad ye shes ni/ bde bar gshegs pa'i thugs la gnas// yi ge kun la mi snang yang // sems la gsal bar mngon par snang // skal ldan rnams kyi rang rig pa// don chen yi ge dam pa ste// khong nas 'byung ba skye ba med// sems dpa' chen po stong gsum gyi stong chen po 'jig rten gyi khams 'di dag thams cad ni/ sangs rgyas kun gyi sku dri ma med pa nyid yin no// de phyir 'di skad bka' stsal to// ye shes 'ba' zhig las byung ba// sangs rgyas kun gyi sems// sangs rgyas nyid kyis rnyed pa yin// bde bar gshegs pa kun gyi gsang // chos chen po rmad du byung ba las/ gsang ba rmad du byung ba'i le'u ste bcu gnyis pa'o// sems dpa' chen pa nyon cig/ bde bar gshegs pa rnams kyi rgyud gsang ba'i don rnam pa gsum ste/ don dang / lus dang / nges pa'i gsang ba dang gsum mo// don ni bkri ba'i don ma yin gyis/ nges pa'i don gtan la phab pa'o// de la bde bar gshegs pa rnams dang / snod bcud nam mkhas bsdus pa'i chos stong gsum gyi steng chen po 'jig
- 301b
rten gyi khams ma lus lus pa med pa thams cad don gcig ste/ sku gsung thugs su 'dus so// sku gsung thugs kyi don ni dbyer med de/ gang gis mi shigs/ gang gis mi tshad/ gang gis mi byed rdo rje'o// sku gsung thugs su ma gyur pa'i dngos pa'am ma lus pa'i chos gcig kyang med pas/ sku gsung thugs lhun gyis rdzogs par gtan la phab pa'o// de'i phyir rdo rje chos so// rdo rje theg pa'o// lung 'di bsgom pa la shes par bya'o// bsgom pa ni lha dang bdag tu don gcig pas gnyis su med pa la bya'o// shes par bya ba ni chos thams cad kyi don ma nor bar shes pa dang / bdag nyid kyi rang bzhin shes par bya ba dang / lta ba ma nor ba shes par bya ba dang / rdo rje sems dpa'i thugs gsang ba'i rgyud la ma nor ba shes par bya ba dang / rdo rje sems dpa'i rang bzhin shes par bya ba dang / rdo rje sems dpa'i yon tan dang / rdo rje sems dpa'i rnam par rol pa chen po ma no ra ba shes pa dang / rdo rje sems dpa'i spyod pa dang / chos nyid la longs spyod chen pos mnga' mdzad pa'i don ma nor bar shes par bya'o// nges pa'i gsang ba'i man ngag ni rmad du byung ba'i don no// rmad du byung ba gsang ba ni thams cad bdag nyid las byung zhing bdag nyid kyis mdzad/ bdag nyid las spros shing bdag nyid de la rol lo// bdag
- 302a
las sprul zhing bdag nyid yongs su sdud/ bdag nyid las byung ba'i chos la bdag nyid longs spyod mdzad/ bdag nyid kyi yon tan las bdag nyid che ba ston/ bdag nyid las byung ba'i chos rnams la bdag nyid ston par byed/ slar yang bdag nyid kyi dbyings su 'dus te/ bdag nyid las ma byung ba 'am/ bdag nyid du ma gyur pa gcig kyang med do// chos chen po rmad du byung ba las/ gsang ba rmad du byung ba'i le'u ste bcu gsum pa'o// // sangs rgyas kun gyi thugs ni gang bde gshegs thams cad 'byung gnas so// sems can gyi rnam par shes pa brgyad po ni/ gsang ba 'dus pa'i dkyil 'khor ye shes rang las byung ba ye shes kyi lha nyid do// rnam par shes pa'i yul brgyad ni/ mchod pa'i lha mo brgyad dang / dngos grub kyi rdzas brgyad do// sems dpa' chen po sgo lnga ste/ shes rab zab mo'i sgo dang gsang rgyud mthar mi 'gog pa'i sgo dang / chos kyi 'khor lo mthar bskor ba'i sgo dang / sku gsung thugs nyid du gyur pa'i sgo dang / 'bras bu yod pa'i sgo'o// sems dpa' chen po sgo lnga'i rnam par shes pa la/ yid kyi dkyil 'khor gsal bar gyur pa ni yi ge 'khor lo gsal ba'i dkyil 'khor gsang ba nyid de/ rnam par shes pa dang / yul
- 302b
dang dbang po rnams ni rnam par shes pa'i tshogs te/ mtshan dang dpe byad kun 'das te yid kyi lha'o// de'i phyir ngag ni 'das pa'i sku/ lus ni da ltar byung ba'i sku/ sems ni ma byung ba'i sku/ ngag ni 'das pa'i lam/ lus ni da ltar bzhugs pa'i lam/ sems ni phyis 'byung ba'i lam nyid do// ngag ni 'das pa'i yul/ lus ni da ltar bzhugs pa'i yul/ sems ni phyis 'byung ba'i yul lo// sems dpa' chen po de'i phyir/ sangs rgyas kyi mkhyen pa'i yul/ sangs rgyas nyid kyi gsang ba'i gnas so// chos chen po rmad du byung ba las// gsang ba rmad du byung ba'i spyod yul bstan pa'i le'u ste bcu bzhi pa'o// // sems ni ji bzhin mnyam pa yi// sangs rgyas rnams kyi rnal 'byor ro// yang dag bdag med de bzhin nyid// yang dag lam ste yi ge med// 'gro ba med pas lam yang med// kun spyod yon tan rnam lnga ni/ ye shes rol pa'i rgyan nyid yin// 'dod chags zhe sdang gti mug rnams// sangs rgyas 'byung ba'i ye shes lam// sku gsung thugs kyi byang chub sems// byang chub sems ni thar pa'i lam// chos nyid 'khor ba rgya mtsho mtha' rings la// nyon mongs sems can gnas pa rnams// byang chub sems ni thabs chen gyis//
- 303a
bsad pa 'ba' zhig las su rung // mchod pa chen po bde ba che// 'dod chags chen po dga' ba'i mchog/ mchod pa chen po zhe sdang che// na sdang chen po rdzogs sangs rgyas// mchod pa chen po gti mug che// gti mug blo ste gti mug sal// phrag dog chen po mchod pa che// phrag dog chen po dga' bas dgag mchod pa chen po nga rgyal che// nga rgyal chen po rgyal bas rgyal// kye sems dpa' chen po de bzhin gshegs pa rnams kyi thugs ni thugs rje rol pa mdzad pa'i don du byang chub sems rol pa yul las ma gtogs pa/ dmyal ba'i gnas ni ye nas med/ dmyal ba'i rgyu med/ de'i dngos kyang med/ sems dpa' chen po ma skyes pa'i chos rnams la nam yang skye bar mi 'gyur ro// sangs rgyas dang sems can ni gnyis su med de/ gcig tu gyur pa'o// stong gsum gyi stong chen po 'jig rten gyi khams mtha' yas mu med pa ni// sangs rgyas kyi zhing khams yongs su dag pa nyid do// stong gsum gyi stong chen po 'jig rten gyi khams 'di na 'khor ba yang med/ mya ngan las 'das pa yang med/ bde ba chen po chos nyid 'byung ba'i dkyil 'khor nyid do// de'i phyir/ byang chub sems kyi ye shes ni// sangs rgyas thugs la gsal bas gsang // rnam shes dmigs pa'i yul
- 303b
las 'das// gsang ba mchog gi bde ba yis// sangs rgyas kun gyi thugs la gnas// 'di ni gsang ba'i byang chub sems// zhes gsungs so// sems dpa' chen po/ yang dag sangs rgyas rnam rig pa// rtag pa sangs rgyus nyid la gnas// nam mkha' lta bur chags pa med// phung po lnga don de nyid shes// mi 'pho ba yi don/ yang rig/ mi 'pho ba yi lam la gnas// rang bzhin med pa'i don shes shing // rang bzhin med pa'i lam la gnas// ma skyes pa yi sems nyid la// sems can skye ba'i rgyu mi gnas// ma rig med pas 'khor ba med// mya ngan mi 'da' rtag par bzhugs// mya ngan 'das pa'i lam yang med// srid pa'i chos la rang bzhin med// lus dang ngag yid dag pa la// chos rnams rang bzhin gnas par zad// sems can med pas sangs rgyas med// sangs rgyas lam la mi gnas te// 'khor ba skyon/ gyis yong mi gos// rnam par thar pa'i sgo nas 'das// de nas bcom ldan 'das rnam par snang mdzad chen po snying po byang chub na bzhugs pa'i sku las// sangs rgyas thams cad 'dus nas tshig mthun par 'di skad ces gsol to// 'jig rten mkhas pa rdzogs sangs rgyas// gang zhig thog mar byang chub sems// bla
- 304a
med dkyil 'khor sgom pa rnams// snying po byang chub bzhugs pas gsungs// 'dzam bu gling du gsungs pa yi// da ltar bzhugs dang 'das pa dang // ma 'ongs sangs rgyas mdzad rnams la// thams cad don du bshad par gsol// de nas skyob pa'i sangs rgyas rnams// gsungs pa 'di ni yang dag bshad// byang chub sems ni ma yin pa// khams gsum gnas pa'i sems can la// phan pa'i sman ni gzhan med do// byang chub sems kyi don rig pa// 'khor ba'i chos ni rgyu// med de// myur du byang chub kun gyis thob// mi skye mi 'jig bde la gnas// sku gsung thugs kyi gsang ba las// yang dag snying po byung ba ni// de ni byang chub sems shes bya// de las byung ba'i rig pa ni// rmad du byung ba'i byang chub sems// gsang ba mchog gi rin po che// sangs rgyas rnams kyi dkyil 'khor yin// sangs rgyas rnams kyi gsang ba yi// khams gsum bla na med pa'i lam// sa rnams mnyam pas dbyer med de// sa rnams mnyam pa nyid kyis// rnal 'byor rang rig chen po yis// gsang ba'i don rnams gcig bsgom pas// ye shes rang byung byang chub sems// sangs rgyas thams cad bdag gis byas// ye shes lha rnams
- 304b
rang las byung // 'di ni rmad du byung ba'i sku// gsang ba'i dkyil 'khor dam pa yin// 'dzab dang bsnyen pa 'bul mi dgos// byang chub sems kyang bskyed du med// lha yang gzhan nas bod mi dgos// mchod pa gzhan du mi mchod de// dngos grub gzhan las mi blang ngo // sangs rgyas kun gyi byang chub sems// bla na med pa'i rtogs 'gyur ba// rgyal bas gsus pa ye shes gang // de ni dkyil ba khor snying por gsung // sems dpa' chen po gsang ba mchog gi dkyil 'khor 'di ni sangs rgyas nyid kyis mkhyen pa yin no// sems can mang pos byas pa ni// gsang ba mchog gi don nyid de// sangs rgyas nyid kyi mdzad pa yin// chos chen po rmad du byung ba las/ rmad du byung ba'i dkyil 'khor bstan pa'i le'u ste bco lnga pa'o// // khams gsum rin chen rnyed pa'i mi// ji ltar 'dod pa bzhin du 'grub// rab du dgos par mdzad nas ni// khams 'di yid bzhin nyid du 'gyur// stong gsum gyi stong chen po 'jig rten gyi khams 'di ni yid bzhin gyi nor bu rin po che nyid yin no// de skad gsungs pa'i chos thos nas// rdo rje sems dpa' dpa' bo yang // 'jigs shing spangs nas gdan las langs// dga' ba'i tshig gis bdi skad gsol// mchod pa sna tshogs
- 305a
byas nas ni// snang mdzad rdo rje rgyal spyan la// dga' ba'i bsam pas bstod byed pa// sangs rgyas kun pas sngar sangs rgyas// mi shes drim yongs nas med// dpal gyi rnam rgyal de bzhin nyid// longs spyod dbang phyug dpal dang mnyam// rdo rje nyi ma gzi brjid dang // mdog sdug shin tu 'bar ba yi/ bzhad cing rma da du mdzad pa yis// dga' mgu rangs pa rnams su 'gyur// pad+ma bzhad pas chos kun gyis// rtogs mdzad sangs rgyas thams cad kyang // byang chub sems 'dis mnyes gyur nas// skad cig nyid la don rtogs te// snying po byang chub nyid du 'gyur// rdo rje'i gdan la yang sangs rgyas// las 'di rdzogs pa'i byang chub sems// tshe 'di nyid la bde ba dang // phyi ma 'byung bar bde ba dang // sangs rgyas rnams kyis bde ba dang // sangs rgyas nyid kyang rdzogs gyur de// sangs rgyas nyid dang skal ba mnyam// zhes gsol to// de nas ston pa bla na med// rab tu dgyes pa mdzad nas 'dzum// de nas thugs gsang ba'i sgron mas 'di gsungs so// rmad byung byang chub sems sgoms pa// 'gro ba myur du byang chub ste// ma skyes byang chub rmad byung la// nyon mongs las kyis gos mi 'gyur// byang chub sems 'di
- 305b
byang chub nyid// tshogs rnams ma bsags cig car rdzogs// rang gi snying por rang byas na// bsam na lhun gyis grub pa'i sku// sangs rgyas mi sgom bdag nyid bsgom/ snying po mi brjod bdag nyid brjod// sangs rgyas ma mthong chos nyid mthong // bdag nyid ma mthong sku gsum mthong // 'khor ba ma mthong bde ba nyid// rang gi lhar ni rang bsgom nabasod nams rdo rje cig car rdzogs// rang gi snying po rang sngags kyis// bsgrub pa'i snying por chu da mi za// phyag rgya mi bskyod yan lag bskyed// sangs rgyas mi gshegs bdag nyid gshegs// sangs rgyas mi mchod padag nyid mchod// ston pa ma mthong bdag nyid mthong // sangs rgyas ma mthong slob dpon mthong // gzugs nyid ma mthong chos sku mthong // dpe byad mi lta rang gzugs lta// yang dag ye shes rang rig nas// myur du bla med sbyor ba yi// thams cad 'byung ba'i sbyor ba yin// nya bdag gi lhar ni bdag gi bya// 'di ni sangs rgyas kun gyi dpal// sangs rgyas rnams kyi ye shes te// shes rab ma lus phun sum tshogs// 'di badra'i dkyil 'khor bla na med// sangs rgyas de bzhin gshegs pas gsungs// theg pa gsum gyi nges 'byung la// theg pa gcig gi 'bras bur gnas// chos chen po
- 306a
rmad du byung ba las/ byang chub sems rmad du byung ba'i le'u ste bcu drug pa'o// / sems dpa' chen po/ sman mchog nad med bde 'tsho ba// dug gsum sman mchog byang chub sems// 'jig rten sman rnams 'di yin no// byang chub sems kyis byas pa rnams// dge tshul dpag bsam ljon shing bzhin// rtag tu byang chub bde ba'i sa// byang chub mchog gi snying por 'gyur// sems dpa' chen po phung po lnga ni rigs lnga rdzogs par lhun gyis grub pa'i gsang ba'i dkyil 'khor yin no// sems dpa' chen po gzugs kyi mtshan nyid mang po sna tshogs par 'byung ba rnams ni de bzhin gshegs pa'i rigs kyi lha mo dang / sems dpa' dang / sems ma la sogs pa de bzhin gshegs pa'i rigs lhun gyis gnas pa ste/ de'i don ni 'dus pa dang / tshogs pa dang / yongs su rdzogs pa dang / mtshan nyid so sor snang ba'o// de la tshogs shing 'dus pa ni dkyil la// mtshan nyid so sor snang ba ni 'khor te/ 'di ni de bzhin gshegs pa'i rigs rnam par snang mdzad du mngon par rdzogs pa'i dkyil 'khor chen po ste/ khams gsum las rnam par rgyal ba'i dkyil 'khor ro// sku ni snying po byang chub na bzhugs pa rang byung ye shes kyi sku'o//
- 306b
byang chub sems ni chos nyid byang chub sems so// phyag rgya ni byang chub kyi phyag rgya'o// zhal ni phyogs bzhir gzigs te// de ni rnam par snang mdzad kun tu zhal zhes gsungs pa'i rgyud las bshad pa yin no// sa ni ye shes bla ma'i sa nyid do// sems dpa' chen po gzugs kyi phung po las tshor ba sna tshogs 'byung ba ni tshor ba'i phung po / rin po che'i rigs lhun gyis rdzogs pa'i lha dang / lha mo dang / sems dpa' dang / sems ma la sogs pa rin po che'i rigs lhun gyis rdzogs te/ de la gcig tu 'dus te dbyer med pa ni dkyil 'khor mang po tshogs pa ni 'khor te/ tshor ba'i phung po mngon par rdzogs par sangs rgyas pa rin chen 'byung ldan zhes bya ba'i dkyis 'khor chen po ste/ dbang chen rol pa'i dkyil 'khor nyid do// byang chub kyi sems ni thugs rin po che'o// phyag rgya ni dbang sbyin pa'i phyag rgya'o// sku ni rin chen 'byung ldan gyi sku'o// sa ni yi ge 'khor lo'i sa'o// sems dpa' chen po tshor ba'i phung po las 'du shes sna tshogs 'byung ba nyid ni pad+ma'i rigs te/ 'du shes mang por sna tshogs pa 'byung ba nyid ni pad+ma'i rigs lhun gyis rdzogs pa ste/ pad+ma'i rigs kyi lha dang / lha mo dang / sems dpa' dang / sems ma la sogs pa rdzogs pas chos kyi dkyil 'khor chen po rang byung
- 307a
nyid yin te/ sku'i 'khor lo bskor ba'i dkyil 'khor nyid do// thugs rje 'byung ba zhes kyang gsungs so// sku ni bsod nams kyi sku/ byang chub kyi sems ni ye shes kun tu spros pa'o// sa ni rdo rje 'dzin gyi sa'o// phyag rgya ni chos kyi phyag rgya'o// sems dpa' chen po 'du shes kyi phung po las 'du byed kyi phung po sna tshogs 'byung ba ni las kyi rigs te/ 'du byed mang por 'byung ba nyid las kyi rigs kyi lha dang / lha mo dang / sems dpa' dang / sems ma la sogs pa las kyi rigs lhun gyis rdzogs te/ bdag nyid las byung ba mngon par rdzogs par sangs rgyas te/ 'gro ba 'dul ba'i dkyil 'khor nyid do// byang chub sems na rdo rje'o// rgyu ni longs spyod rdzogs pa'i sku'o// phyag rgya ni las kyi phyag rgya'o// sa ni kun tu bzang po mchog nyid kyi sa'o// sems dpa' chen po 'du byed kyi phung po las 'byed pa'i rnam par shes pa mang po sna tshogs par 'byung ba nyid do// rnam par shes pa'i phung po ste/ rnam par shes pa mang po nyid rdo rje rigs kyi lha dang / lha mo dang / sems dpa' dang / sems ma la sogs pa rdo rje rigs lhan gyis rdzogs te/ sngon du mngon par rdzogs par sangs rgyas par 'byung ba'i dkyil 'khor yin te/ thams cad kyi
- 307b
dbyings rnam par dag pa rdzogs pa chen po'i dkyil 'khor nyid do// byang chub sems ni spros pa med pa'o// sku ni rdo rje snying po'i sku'o// phyag rgya ni dam tshig gsang ba'i phyag rgyag/ sa ni bya ba med pa'o// sems dpa' chen po de bzhin gshegs pa'i dkyil 'khor gyi nang na 'di ni gsang ba chen po gsang ba mchog yin no// phung po lnga la rigs mang po dang lha dang / lha mo mang po dang / kha dog mang po dang / ye shes dang / dkyil 'khor mang po tshogs shing 'dus pas tshogs kyi dkyil 'khor nyid do// gsang ba thams cad 'dir 'dus pas gsang ba 'dus pa'i dkyil 'khor nyid do// khams gsum bla na med pa gsang ba mchog gi dkyil 'khor rmad du byung ba bstan pa ste/ dkyil 'khor lnga po 'di dag ni rim gyis bkod pa ma yin te/ lha'i ting nge 'dzin gang bsgom pa'i sku las sku lnga lhun gyis rdzogs par rang bzhin gyis gnas pa dang / dkyil 'khor gcig la dkyil 'khor lnga char rdzogs par rang byung ste/ bkod cing bskyed mi dgos so// byang chub sems kyang chos nyid byang chub kyi sems ma bskyed pa las byang chub kyi sems rang byung bas rang byung mchog gi dkyil 'khor ro// phyag rgya yang rang bzhin gyis gsal bar 'byung bas rang byung mchog gi phyag rgya'o// de bzhin
- 308a
du sku dang / ye shes dang / rigs dang / phyag mtshan dang / kha dog thams cad gcig la kun rdzogs par 'byung zhing rang bzhin gyis gnas so// gsang ba rmad du byung ba las khams gsum bla na med pa'i sangs rgyas gsang ba'i sa gong na med par rdzogs pa'i sa ste/ stong gsum gyi stong chen po 'jig rten gyi khams bsam gyis mi khyab mtha' klas mu med pa'i sems can re re la/ dkyil 'khor lnga lngar rang bzhin gyis yod pa dang / snod kyi 'jig rten chen po lnga gcig gi mtshan nyid la yang dkyil 'khor lnga rdzogs par bzhugs pas/ de'i phyir gsang ba rmad du byung ba nyid do// byang chub sems rmad du byung ba nyid do// dkyil 'khor rmad du byung ba nyid do// lta ba rmad du/ byung ba nyid do// chos chen po rmad du byung ba nyid do// sangs rgyas rmad du byung ba nyid do// rol pa rmad du byung ba nyid do// mkhyen pa rmad du byung ba nyid do// ye shes rmad du byung ba nyid do// cho 'phrul chen po dang / rdzu 'phrul chen po dang / 'phrul chen po rmad du byung ba nyid do// mdzad pa rmad du byung ba nyid do// sku gsung thugs rmad du byung ba nyid do// dus gsum rmad du byung ba nyid do// srid pa gsum rmad du byung ba nyid do// chos chen po rmad du byung ba las/ khams gsum bla na med pa gsang ba
- 308b
mchog gi dkyil 'khor rmad du byung ba bstan pa'i le'u ste bcu bdun pa'o// // sems dpa' chen po de bas na// sangs rgyas sangs rgyas ma yin pa'i// sems can sems kyi rgyu ni gang // byang chub sems ni ma yin pa'i// chos dang chos nyid dngos ni gang // dkyil 'khor mang po gsungs pa nyid// rdzogs pa'i dkyil 'khor ba dag las 'dus// dkyil 'khor dkyil 'khor zhes bya ba// ye shes rdo rje'i thugs la gnas// rdo rje ye shes mchog nyid ni// bdag nyid sbyor ba bstan pa'o// thams cad rang byung dkyil 'khor ro// dkyil 'khor sngar ma 'dus pa'i chos ni sangs rgyas nyid la mi mnga' 'o// kye sems dpa' chen po skye ba'i sems can thams cad kyang dbyings gsum rnam par dag pa'i skye ba med pa'i sangs rgyas byang chub sems kyi ngo bo 'di// sangs rgyas gsang ba nyid las gsungs// gang phyir sangs rgyas nyid kyis gsungs// byang chub sems ni pu gri so// til mar ngar btags ral gri bzhin// byang chub sems 'di yongs kyi lam// skyon gyis ma gos pad+ma bzhin// bskal bar 'bar ba'i me bzhin du// sdug bsngal bde ba ci spyod kyang // rnal 'byor bla med sangs rgyas grub// sangs rgyas chos dang dge 'dun dang //
- 309a
bla na med pa thams cad kyang // nga yi byang chub sems la gnas// mtshan dang dpe byad kun las 'das// yid bzhin nor bu rin chen ltar// ma ba sam lhun gyis grub pa'i sku// khams gsum 'di na gcig pu gnas// gcig pu ra rab tu che ba'i sa// gsang ba mchog gi dgyes pa na// thams cad bdag nyid gcig tu bzhugs// khams gsum med par gnas med par// sems dang chos nyid gcig tu 'dus// chos chen po rmad du byung ba las/ gsang ba mchog gi brdas bstan pa'i le'u ste bco brgyad pa'o// // kye grogs po dag/ byang chub sems ni mngon sangs rgyas// 'di don de ltar gang rig pa// rnal 'byor rtag tu bde la gnas// dmyal ba'i gnas nyid bla med lam// dmyal ba'i sa na de ltar spyod// gnod sbyin srin po gshin rje'i tshogs// sangs rgyas yin par kun gyis mthong // dngos la dmyal ba'i rgyu mi gnas// dmyal ba'i rgyu med kun gyis rigs// dmyal ba'i me lce 'a phreng ba rnams// byang chub sems yin gnod pa 'jil// de phyir sangs rgyas 'ba' zhig rnal 'byor med// de la lam med 'gro ba med// sangs rgyas med de rgyu yang med// byang chub med de ming yang med// byang chub nyid kyis yang
- 309b
med/ sems can med de srog kyang med// nyon mongs med de 'khor ba'ang med// bde ba med de 'bras bu'ang med// re ba med de dogs pa'ang med// gnas pa med cing yul yang med// theg pa med cing 'jug pa med// smon pa med cing bsgrub pa med// spangs pa med cing len pa med// sems kyi gnas kyi yul med pas/ sgom du med pa'i byang chub sems// chos chen po rmad du byung ba las/ gsang ba rmad du byung ba'i le'u ste bcu dgu pa'o// / de nas sems dpa' chen pos gsol pa/ bcom ldan 'das sngon chad ma mthong ma rig pa'o// bcom ldan 'das bdag dang bde bar gshegs pa thams cad kyis sngon ma mthong ma rig pa ngo mtshar che ba'i gsang ba chen po'i chos// de bzhin gshegs pa'i theg pa gang dang yang mi mthun pa/ gsang sngags kyi theg pa gang dang yang mi mnyam pa/ gsang ba gang dang ma 'dres pa/ theg pa gang dang yang thun mong min pa'i chos byang chub kyi sems min par/ chos chos dang chos nyid min pa/ sangs rgyas med par sems can ming med pas rol pa'i rags pa las ma gtogs par sdug bsngal gyi ming med pa sku gsung thugs nyid du 'khor ba'i chos kyi 'khor lo bskon
- 310a
zhing bskor ba ma yin par 'khor ba'i chos ye nas med pa dang / byang chub sems kyi sa la sbyor ba ma gtogs par dmyal ba ming yang med pa dang thams cad mkhyen pa las ma gtogs par ma rig pa ming yang med pa'i chos don ma nor bar thugs su chud pa/ thugs byang chub kyi sems rin po che sgron ma'i gsang ba// gsang ba rmad du byung ba'i man ngag rdzogs par du sa gsum gyi bde bar gshegs pa thams cad dang / bdag gi don du byang chub kyi sems rma da du byung ba'i don/ 'di lta bu rdzogs par gsungs pa de rgyu gang gis mkhyen par 'gyur/ de skad ces gsol ba dang // bcom ldan 'das kun rig rnam par snang mdzad kyis bka' stsal pa/ sems dngu'achen po nyon cig/ sangs rgyas bcom ldan 'das ni tshad med pa'i yon tan gyis bsod nams kyi tshogs dpag tu med pa rnams yang dag pas bsags pa sa mkhyen to// yang dag par rdzogs pa'i sangs rgyas ni tshad med par yang dag pa'i thabs rdzogs pas thugs su chud cing mkhyen no// tshad med pa'i yon tan gyi byung khu ngas su gyur pas thugs su chud cing mkhyen no// yang dag par rdzogs pa'i sangs rgyas ni tshad med pa yang dag pa'i thabs rdzogs pas thugs
- 310b
su rlu da de ma khyen to// mi ma nyam pa dang mnyam pa'i ya shes dang ldan pas thugs su chud de ma khyen no// sa nga sa rgyas bcom ldan 'das ni snod ji lta ba bzhin mi mnyam pa dang mnyam pa'i smon lam gyi stobs dang ldan pas thugs su chud de mkhyen to// sangs rgyas bcom ldan 'das ni shes rab tshad med pa bsags pa thugs su chud de mkhyen no// sangs rgyas bcom ldan 'das ni spyod pa tshad med pa'o// sangs rgyas bcom ldan 'das ni skye ba tshad med pa rnams kyi snod du gyur par mdzad do// sangs rgyas bcom ldan 'das ni snod ji lta ba bzhin don de lta bur mdzad pa dang / snod ji bzhin du sems can gyi don mdzad do// ji ltar gdul ba bzhin sems can gyi don mdzad pa dang mos pa bzhin du sems can gyi don mdzad/ thugs su chud de mkhyen cing snod dang sbyar zhing gsungs pa yin no// sems dpa' chen po gsung rdo rje smra ba nyid do// sbyor ba ni lus ngag yid gsum so so ma yin tha mi dad pa gnyis su med par rig par byed pa ni sbyor ba'o// sgrol ba ni lus dang / ngag dang / sems dbyer med pa rdo rje nyid gang na mi gnas pa dang / chos thams cad gang na'ang ma gnas pa dang / chos thams cad gong na'ang mi gnas pa nyid sgrol ba'o// chos chen po rmad du byung ba nyid gsang
- 311a
brgyud du byung ba'i gsang ba chen po gsang ba 'bum sde las/ rdo rje sems dpa' rig pa bstan pa gsang ba thams cad kyi gsang ba mchog rmad du byung ba'i man ngag/ chos chen po rmad du byung ba las byang chub sems rmad du byung ba'i le'u ste nyi shu pa'o// // rdzogs so// / rgya gar skad du/ san+ti ma hA a ti yo ga bud+d+ha sar+b+ba da yA taH/ dz+nyA na d+har+m+ma kar+ya tha b+hin+da wa ka gu ya tsit+ta sa ma ti/ a mu ka tsakra mi ti bud+hi tan+t+ra nA ma/ bod skad du/ rdzogs pa chen po shin tu rnal 'byor sangs rgyas thams cad 'byung ba'i rgyud/ ye shes chos kyi sku/ don 'dus rig pa'i gsung / gsang ba thugs kyi ting 'dzin rang 'byung bde ba'i 'khor lo// mthar phyin 'bras bu'i rgyud ces bya ba/ bcom ldan padas rang 'byung rig pa'i rgyal po dpal kun tu bzang po la phyag 'tshal lo// 'di skad gsungs pa'i dus gcig na// ngo bo nyid rtogs kun bzang ste// bde gshegs 'og min gnas mchog na// rigs lnga la sogs 'khor rnams dang / kha bral med dgongs pa la bzhugs so// de tshe sems ni dag ched du// ye shes lha yi rmi lam gsum// de yi brda yis don bkrol nas// lha dbang gis ni don bkrol na// dus