D1139MW23703_1139bstod tshogsAll versions of this work

dkon mchog gsum la bkra shis kyi bstod pa

Triratnamaṅgalastotraṃ

Text

ff. 100b–101a · 2 folio sides

  1. 100b

    ཀྱི་སྒྲ་ཡིས་ནི། །གདུལ་བྱ་ཀུན་ལ་དགའ་མཛད་པ། །སྙན་པའི་གླུ་ཡི་སྒྲ་ཡིས་ནི། །རི་དགས་འགྲོ་བའང་སྡོད་དང་མཚུངས། །སྐྱབས་འདོད་གང་དག་སྐྱབས་འོས་པ། །ཁྱོད་ལ་སྐྱབས་སུ་མི་མཆི་སྟེ། །མུ་སྟེགས་ལ་ནི་སྐྱབས་འགྲོ་བ། །སྐྱབས་མེད་ཡུན་རིང་སྡུག་བསྔལ་འགྱུར། ། བརྒྱ་བྱིན་མིག་ནི་སྟོང་གིས་ཀྱང་། །དེ་ཉིད་མཐོང་བར་མ་གྱུར་གང་། །ཁྱོད་ཀྱིས་ཡེ་ཤེས་སྤྱན་གྱིས་དེ། །གཟིགས་ཤིང་གཞན་ལའང་སྟོན་པར་མཛད། །བསྟན་བཅོས་ངས་ཤེས་རློམ་པ་ཅན། །རྩོད་པ་སྨྲ་བ་མང་པོ་ནི། །ཁྱོད་ཀྱི་གཟིགས་པས་ཞུམ་གྱུར་ཅིང་། །བུང་བ་ལྟ་བུར་ རྣམ་པར་འཁོར། །ཁྱོད་ཀྱི་གསུང་ནི་གཅིག་ཙམ་གྱིས། །ཕ་རོལ་ཚར་གཅོད་མཛད་པ་ན། །གཞན་དག་མི་སྨྲའི་ཚུལ་གནས་པ། །དགུན་གྱི་ཁུ་བྱུག་ལྟ་བུ་ལགས། །ཁྱོད་ཀྱི་སློབ་མ་བཟང་པོའི་ཤིང་། །དགེ་བའི་མེ་ཏོག་ཆེས་རྒྱས་པ། །དཔྱིད་ཀའི་ཤིང་ནི་མེ་ཏོག་གིས། །བརྒྱན་ པ་ལྟ་བུར་མཛེས་པ་ལགས། །ཐུབ་པ་ཁྱོད་ཀྱི་བློ་གྲོས་མདས། །ཤེས་བྱའི་འབེན་ནི་ཕུག་གྱུར་ཏེ། །དགའ་བྱེད་གྲོང་ན་གཞུ་རྒྱལ་གྱིས། །སྔོན་ཆད་ཕུག་པར་མ་གྱུར་ཏོ། །མཁས་པར་རློམ་པའི་དྲེགས་པ་ཅན། །ཁྱོད་ཀྱི་ཐར་ལམ་མ་འཚལ་བས། །སྲིད་པའི་དགོན་པར་འཁྱམས་ གྱུར་པ། །འབྲོག་སྟོང་དམུས་ལོང་ཚོགས་དང་མཚུངས། །ལས་འབྲས་ཡོད་དམ་མེད་འགྱུར་ཞེས། །འཇིག་རྟེན་པ་ནི་ཐེ་ཚོམ་སྐྱེ། །དགེ་བའི་ལས་ཀྱི་དཔང་པོར་ནི། །གྱུར་པ་ཁྱོད་སྐུ་འདི་ལགས་སོ། །ཡོན་ཏན་རྒྱ་མཚོ་ཁྱོད་ཡོན་ཏན། །མཐར་ཐུག་བདག་གིས་མི་རྟོགས་ཏེ། ། ནམ་མཁའ་བཻ་ཌཱུརྱ་སྔོ་མདོག །བྱ་ཡིས་མཐའ་རྟོགས་མི་འགྱུར་མཚུངས། །སངས་རྒྱས་བཅོམ་ལྡན་འདས་ལ་བསྟོད་པ་བསྔགས་པར་འོས་པ་བསྔགས་པ་ལས་དཔེ་ལས་བསྟོད་པ་ཞེས་བྱ་བ་སྟེ་ལེའུ་བཅུ་གསུམ་པའོ།། །།སངས་རྒྱས་བཅོམ་ལྡན་འདས་ལ་བསྟོད་པ་ བསྔགས་པར་འོས་པ་བསྔགས་པ་ཞེས་བྱ་བ་སློབ་དཔོན་མ་ཏི་ཙི་ཏྲས་མཛད་པ་རྫོགས་སོ།། །།རྒྱ་གར་གྱི་མཁན་པོ་པདྨཱ་ཀ་ར་དང་། ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་བའོ།། ༄༅༅། །རྒྱ་གར་སྐད་དུ། ཏྲི་རཏྣ་མཾ་ག་ལ་སྟོ་ཏྲཾ། བོད་སྐད་དུ། དཀོན་

  2. 101a

    མཆོག་གསུམ་ལ་བཀྲ་ཤིས་ཀྱི་བསྟོད་པ། དཀོན་མཆོག་གསུམ་ལ་ཕྱག་འཚལ་ལོ། །ཐུབ་པ་རབ་ཏུ་དག་པའི་གསེར་ཞུན་མདོག་འདྲ་འདོམ་གང་འོད་ཀྱི་དཀྱིལ་འཁོར་ཅན། །པདྨ་རྒྱས་འདྲའི་སྤྱན་མངའ་ཞལ་རས་ཟླ་འདྲ་དབུ་སྐྲ་བུང་བའི་མདོག་ལྟ་བུ། །ཚངས་པ་བརྒྱ་ བྱིན་ཀུ་བེ་ར་དང་བདུད་ཀྱི་ཅོད་པན་པདྨའི་ཞབས་གཏུགས་པ། །སངས་རྒྱས་ཉི་མ་ཤིན་ཏུ་དྲི་མེད་དམ་ཆོས་འོད་ཟེར་འབྱུང་ལ་ཕྱག་འཚལ་ལོ། །ཤིན་ཏུ་ཆེ་བའི་སངས་རྒྱས་ཉི་མ་རིགས་པའི་འོད་ཟེར་འཕྲོ་བ་དེ་ཉིད་ལས། །དམ་པའི་ཆོས་ཀྱི་འོད་ཟེར་གང་དག་རྣམ་པར་འཕྲོས་པས་ཕྱོགས་ ཀུན་གསལ་མཛད་ཅིང་། །གང་གིས་འཇིག་རྟེན་རྒྱུན་དུ་གཉིད་ཀྱིས་ལོག་པ་འདི་དག་ཡང་དག་སད་མཛད་པ། །གང་ཞིག་རྟོགས་པས་ཐུབ་རྣམས་ཞི་བར་གཤེགས་པའི་དམ་ཆོས་དེ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ཟེར་དེ་དག་ཉིད་ཀྱིས་རྒྱས་མཛད་གྲགས་པ་གང་། །ཐོས་ པའི་རྫིང་བུ་ཚུལ་ཁྲིམས་དྲི་ཞིམ་བྱང་ཆུབ་ཡན་ལག་རྣམས་ཀྱི་སྡོང་བུ་མཛེས། །བསམ་གཏན་གཟུགས་མེད་དག་གི་ཆུ་བསིལ་རྣམ་དག་མྱ་ངན་འདས་པའི་སྙིང་པོ་བཟང་། །ས་སྟེང་དགེ་འདུན་པདྨའི་ཚལ་རྒྱས་དག་ལ་གུས་པས་ལེགས་པར་མཆོད་ཕྱག་འཚལ། །དཀོན་མཆོག་གསུམ་ལ་ བཀྲ་ཤིས་ཀྱི་བསྟོད་པ་སློབ་དཔོན་མ་ཏྲི་ཙི་ཊས་མཛད་པ་རྫོགས་སོ།། །།རྒྱ་གར་གྱི་མཁན་པོ་བི་དྱཱ་ཀ་ར་སིཾ་ཧ་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པ།། ༄༅༅། །རྒྱ་གར་སྐད་དུ། སཾ་མྱག་ སཾ་བུདྡྷཱ་ལཀྵ་ཎ་སྟོ་ཏྲཾ། བོད་སྐད་དུ། ཡང་དག་པར་རྫོགས་པའི་སངས་རྒྱས་ཀྱི་མཚན་ལ་བསྟོད་པ། དཀོན་མཆོག་གསུམ་ལ་ཕྱག་འཚལ་ལོ། །ལྷ་དང་ལྷ་མིན་རྣམས་ཀྱིས་རྒྱ་ཆེར་མཆོད་གྱུར་ཅིང་། །བཅོམ་ལྡན་མཛེས་པ་ཡིད་འོང་མཐའ་ཡས་དང་ལྡན་པའི། །ཟས་གཙང་ རིགས་རྣམས་ཀྱི་ནི་རྒྱན་གྱི་མཆོག་གྱུར་པ། །གངས་རི་ལྟ་བུར་རྒྱ་ཆེར་མཛེས་ལ་ཕྱག་འཚལ་ལོ། །གང་ཞིག་ཁུ་བྱུག་བུང་བ་སྔོན་པོ་ལྟ་བུར་འཇམ་གནག་འཁྱིལ་ཅིང་མཛེས་པའི་དབུ། །གསེར་གྱི་རི་ངོས་ཙམ་པ་ཀ་དང་ལྡོང་རོས་ལྟ་བུར་དཔྲལ་བ་དྲི་མ་མེད། །གངས་དངུལ་ཀུ་མུ་ད་དང་

Colophon

dkon mchog gsum la bkra shis kyi bstod pa slob dpon ma tri tshi tas mdzad pa rdzogs so// //rgya gar gyi mkhan po bi dyA ka ra sim ha pra bha dang/ zhu chen gyi lo tshA ba bande dpal brtshegs rakshi tas bsgyur cing zhus te gtan la phab pa//