Q986MW1PD96684_0986mdo sna tshogsAll versions of this work

'phags pa de bzhin gshegs pa'i gzugs brnyan bzhag pa'i phan yon yang dag par brjod pa zhes bya ba'i chos kyi rnam grangs

Text

ff. 206a–208a · 5 folio sides

  1. 206a

    bas ches bsod nams che'o zhes nga smra'o/ / de ci'i phyir zhe na/ kun dga' bo de bzhin gshegs pa ni ye shes kyis dpag tu med pa/ tshul khrims kyis dpag tu med pa/ bzod pas dpag tu med pa/ brtson 'grus kyi dpag tu med pa/ bsam gtan gyis dpag tu med pa/ shes rab kyis dpag tu med pa byams pas dpag tu med pa/ snying rjes dpag tu med pa/ dga' bas dpag tu med pa/ btang snyoms kyis dpag tu med pa/ sangs rgyas kyi chos ma 'dres pa bcwa brgyad dang / stobs bcu dang mi 'jigs pa bzhi dang sangs rgyas kyi chos dran pa nye bar gzhag pa ma 'dres pa gsum dang snying rje chen pos dpag tu med pa ste/ kun dga' bo de bzhin gshegs pa dgra bcom pa yang dag par rdzogs pa'i sangs rgyas pa'i sangs rgyas ni yon tan dpag tu med pa dang ldan pa'i phyir ro/ / de skad ces bka' stsal pa dang / tshe dang ldan pa kun dga' bos// bcom ldan 'das la 'di skad ces gsol to// bcom ldan 'das 'di lta ste/ chos kyi rnam grangs 'di ni ngo mtshar legs so// bde bar gshegs pa ngo mtshar legs so// chos kyi rnam grangs 'di'i ming ci lags/ 'di ji ltar gzung bar bgyi/ bka' stsal pa/ kun dga' bo de'i phyir chos kyi rnam grangs 'di rmad du byung ba'i chos kyi rnam grangs shes bya bar zung shig/ de bas na chos kyi rnam grangs 'di ni rmad du byung ba'i chos kyi rnam grangs shes bya ba'i tshig bla dgas so// bcom ldan 'das kyis de skad ces bka' stsal nas tshe dang ldan pa kun dga' bo yid rangs te/ bcom ldan 'das kyis gsungs pa la mngon par bstod do// 'phags pa rmad du byung ba'i chos kyi rnam grangs/ rdzogs s+ho// rgya gar gyi mkhan po 'dzin mi tra dang / su re na dra bo d+hi ding / zhu chen tsi lo tsA ba ban d+he ye shes sdes nus te gtan la phab pa/ / / rgya gar skad du/ Ar+ya ta thA ga ta prad ti bi mi ba pra ti shwA a nu shang sA sam pa dan tin+da ma d+harma ba rA ya/ bod skad du/ 'phags pa de bzhin gshegs pa'i gzugs

  2. 206b

    'arnyan bzhag pa'i phan yon yang dag par brjod pa zhes bya ba'i chos kyi rnam grangs/ thams cad mkhyen pa la phyag 'tshal lo// 'di skad bdag gis thos pa dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe dge slong rab tu mang po dag cig rim gro'i gnas su lhags te 'dug nas bar skabs der gtam 'di lta bu zhig glengs so// khyed cag la bram ze 'am/ khyim bdag dang pa can thos pa 'dzin pa/ thos pa bsags pa/ dge ba ji ltar bya zhes tshol ba de bzhin gshegs pa'i gzugs brnyan bgyid par spro ba bskyed pa dag snang la de dag gal te bdag cag gi drung du lhags nas btsun pa dag de bzhin gshegs/ pa'i gzugs brnyan bgyid pa'i gang zag sbyin pa po la phan yon ji tsam zhig mchis par rig par bgyi zhes rmed na/ de bzhin gshegs pa'i gzugs brnyan bgyid pa la phan yon ji tsam zhig yod bdag cag gis mi shes te/ de'i tshe de dag la bdag cag gis ji ltar chos dang 'thun par lan gdab par bya/ gang don 'di dag nyid ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa// thams cad gzigs pa/ the tshom thams cad gcod par mdzad pa/ ston pa de la bdag cag gis zhu'o// 'on tang bcom ldan 'das de bdag cag la lung ston par mdzad de/ bdag cag gis de bzhin bzung nas bram ze dang / khyim bdag dad pa can nas sa la rgya cher phye ste lan gdab par bya'o zhes bgros so/ / de nas dge slong rab tu mang po dag bcom ldan 'das ga la ba der dong ste phyin nas bcom ldan 'das kyi zhabs la mgo bos phyag 'tshal te phyogs gcig tu 'khod do/ / phyogs gcig tu 'khor nas dge slong rab tu mang po dag gis bcom ldan 'das la 'di skad ces gsol to// btsun pa bdag cag dge slong rab tu mang po dag rim gro'i gnas der lhags te 'dus par gyur par der bka'

  3. 207a

    mchid 'di lta bu zhig glengs te/ khyed cag la bram ze 'am/ khyim bdag dad pa can thos pa 'dzin pa/ thos pa bsags pa/ dge ba ji ltar bgyi zhes tshol ba de bzhin gshegs pa'i gzugs brnyan bgyi bar spro ba skyes pa dag gangs la/ de dag gal te bdag cag gi drung du mchis nas/ btsun pa dag de bzhin gshegs pa'i gzugs brnyan bgyid pa'i gang zag sbyin pa po la phan yon ji tsam zhig mchis par rig par bgyi zhes rmed na/ de bzhin gshegs pa'i gzug brnyan bgyid pa la phan yon ji tsam zhig mchis pa bdag cag gis ma 'tshal na/ de'i tshe de dag la bdag cag gis ji ltar chos dang 'thun par lan gdab par bgyi/ gang don de dag nyid ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tshom thams cad gcod par mdzad pa/ ston pa de la bdag cag gis zhu bar bgyi'o// 'on tang bcom ldan 'das de bdag cag la lung ston par mdzad de/ bdag cag gis de bzhin bzung nas bram ze dang / khyim bdag dad pa can rnams la rgya cher phye ste lan gdab par bgyi'o snyam bgyid do// btsun pa bcom ldan 'das don de dag nyid bdag cag zhu zhing mchis na/ btsun pa bcom ldan 'das de bzhin gshegs pa'i gzugs brnyan bgyid pa'i gang zag sbyin pa po la phan yon ji tsam zhig mchis par rig par bgyi/ bka' stsal pa/ dge slong dag skye bo mang po la phan pa dang / skye bo mang po la bde ba dang snying brtse ba dang lha dang mi rnams la phan pa dang bde ba'i phyir zhus te/ khyed gang de bzhin gshegs pa dgra bcom pa yang dag par rdzogs pa'i sangs rgyas la don de nyid zhu bar sems pa logs so legs so// dge slong dag de'i phyir legs par rab tu nyon la zung shig dang bstan par bya'o/ / dge slong dag de bzhin gshegs pa'i gzugs brnyan byed pa'i gang zag sbyin pa po la phan yon 'di lnga yod de/ lnga gang zhe na/ gzhal med khang chen por gnas pa dang / bong stang

  4. 207b

    bzang por grags pa dang / spro ba mang ba dang tshe ring ba dang grags pa dang ldan pa dang / bde ba mang ba ste/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po phan yon dang po yin no// gzhan yang phyug pa dang nor/ mang ba dang long spyod che ba dang / nor rdzas dang / yo byad mang ba dang bdag dbang ba bdag gir bya ba mang ba dang / nor dang 'bru dang dbyig dang gser dang mdzod dang bang ba'i tshogs mang ba dang rta dang glang po che dang ba lang dang lug dang bran dang bran mo dang las byed pa dang / zhogs 'tsho ba mang ba dang blon po dang mdza' bshes dang gnyen dang snag gi gnyen mtshams mang por 'gyur te/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gnyis pa yin no/ / dge slong dag gzhan yang gzugs bzang po dang / lta na sdug pa dang / mdzes pa dang mdog gser ltar bzang ba dang / mgo gdugs ltar zlum pa dang lag pa ring ba dang dpral ba dbyes che ba dang / smin mtshams par ma tshang ba dang yan// lag dang nying lag thams cad dang ldan pa dang rgyan thams cad kyis brgyan par 'gyur te/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gsum pa yin no// dge slong dag gzhan yang 'khor los sgyur ba'i rgyal po 'khor bzang po rin po che sna bdun dang ldan pa dang / bu stong gis bskor bar 'gyur te/ de'i bu 'am chung ma 'am/ bran nam nye bar 'tsho ba gang yan pa de dag thams cad de la gus par nyan pa dang / bka' nyan pa byed de/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon bzhi pa yin no// dge slong dag gzhan yang de lus dang bral nas bde 'gro mtho ris kyi 'jig rten gyi lha rnams kyi nang du skye ba zung te/ der skyes nas lha'i rgyal po khyad par can lha dang / lha'i bu dang lha'i bu mo rnams kyi rten du 'gyur la/ gnas bcu po lha'i tshe dang lha'i mdog dang lha'i stobs dang lha'i bde ba dang / lha'i dbang phyug la dbang byed pa dang / lha'i gzugs

  5. 208a

    dang sgra dang dri dang ro dang reg bya rnams kyis dga' bar byed de/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon lnga pa yin no// bcom ldan 'das kyis de skad ces bka' stsal pa/ dang / dge slong de dag bcom ldan 'das kyis gsungs pa la yid rangs te mngon par bstod do// 'phags pa de bzhin gshegs pa'i gzugs brnyan bzhag pa'i phan yon yang dag par bstan pa zhes bya ba'i chos kyi rnam grangs rdzogs s+ho/ rgya gar gyi mkhan po d+ha mA ka ra dang / lo ts+tsha ba ban de ye shes snying pos sgyur/ ban de dpal brtsegs kyis zhu chen bgyis te gtan la phab pa// rgya gar skad du/ tse t+ya pra bak+Shi Na gA thA/ bod skad du/ mchod rten bskor ba'i tshigs su bcad pa/ dkon mchog gsum la phyag 'tshal lo/ / shes rab blo ldan 'jig rten na// chos kyi 'khor lo rjes bskor ba// shes rab chen po shA ri'i bus// ston pa la ni zhu ba zhus/ mchod rten bskor ba bgyis pa yis// rnam par smin pa cir 'gyur ba/ skal pa chen po'i 'jig rten mchog/ rnam par 'dren pas bdag la gsungs// rdzogs pa'i sangs rgyas rkang gnyis mchog/ ston pas de la bka' stsal pa// mchod rten bskor ba byas pa yi// yon tan gang yin phyogs tsam bstan// mchod rten skor ba byas pa yis/ / lha klu gnod sbyin dri za dang / lha min mkha' lding mi 'am ci// lto 'phye che rnams mchod byed 'gyur// dal ba rnyed dka' thob gyur nas// skad cig gcig tsam bar du yang // mchod rten bskor ba byas pas ni// mi khom brgyad rnam spong bar 'gyur/ / mchod rten bskor ba byas pas ni// dran dang ldan zhing blo gros ldan// kha dog ldan zhing 'dzangs pa dang // thams cad du ni mchod par 'gyur// mchod rten bskor ba byas pas ni// lha dang de bzhin mi rnams kyis// tshe ring ba yang de yis/ 'thog grags pa chen po'ang 'thob par 'gyur// mchod rten bskor ba byas pas ni// 'dzam bu'i gling du rus kyi mchog/ tshe rigs yongs su dag par yang // blo ldan de ni skye bar 'gyur// mchod rten bskor ba byas pas ni// kha bzhin dag kyang bzang

Colophon

'phags pa de bzhin gshegs pa'i gzugs brnyan bzhag pa'i phan yon yang dag par bstan pa zhes bya ba'i chos kyi rnam grangs rdzogs s.ho[||]rgya gar gyi mkhan po d+harmA ka ra dang| lo ts+tsha ba ban de ye shes snying pos sgyur| ban de dpal brtsegs kyis zhu chen bgyis te gtan la phab pa||