rdo rje sems dpa' nam mkha'i mtha' dang mnyam pa'i rgyud chen po
Text
ff. 140b–209a · 136 folio sides
- 140b
che// dus gsum sangs rgyas thams cad kyi// sku gsung thugs kyi rdo rje can// khyod ni rgyal ba kun gyi rje// rang bzhin ma bcos thugs rje yis// bya bral rdzogs lung bshad du gsol// zhes gsungs pa dang / de nas dpal rdo rje sems dpa'i chos kyi dbyings las ye shes 'phrul pa rdo rje sems dpa' zhig phyung ste/ rdo rje rtse lnga pa'i dpa bskur te 'di skad ces gsungs so// dus gsum sangs rgyas thams cad kyi// gsang ba'i 'khor lo gter 'dzin cing // sku gsung thugs kyi gsang ba 'chang // khyod ni smra ba'i seng ge ste// btsal med 'dul ba'i gang zag la// lhun grub theg pa gsung du gsol// zhes gsol pa dang / de nas sems dpa' rdo rjes 'di skad ces gsung so// gsang sngags rdo rje nam mkha' che// tshig gi spyod yul ma yin te// brjod pas rtogs par mi 'gyur te// 'di zhes bgro bar rab tu dka'// 'on kyang dam bcas bkang ba dang // sangs rgyas thugs rje byin rlabs kyis// brda don sprad la rtogs bya'i phyir// tshig gi sgo nas spro bar bya// zhes gsungs so// de nas rdo rje sems dpa' shar phyogs kyi 'jig rten gyi khams mngon par dga' ba zhes bya ba na/ de bzhin gshegs pa mi bskyod pa zhes bya ba rang gi 'khor la btsal med sems nyid don rgya cher gsung
- 141a
ba la 'di skad ces zhus so// gzhi nyid rang byung rdo rje la// grol te 'khrul pa ji ltar 'byung // de bzhin gshegs pa mi bskyod pas 'di skad ces gsungs so// gzhi nyid rang byung ye shes la// ma skyes pas na 'jig pa med// 'du 'bral mkha' ltar dag pa yi// byang chub tshul 'di bstan pa'o// zhes gsungs so// de nas sems dpa' rdo rjes/ dpal dang ldan pa zhes bya ba lho phyogs kyi 'jig rten na/ de bzhin gshegs pa rin po che mngon par mtho ba la 'di skad ces gsol to// kun bzang rang byung mngon rdzogs kyis// dpag med bsam pa ji ltar bkang // zhes gsol pas/ de bzhin gshegs pa mngon par mtho bas 'di skad ces gsungs so// rang las shar ba'i don nyid las// ji ltar nyi zer nor bu ltar// ma bsags gdod nas lhun gyis rdzogs// 'gro 'ong med par kun khyab pas// byang chub tshul 'di bstan pa'o// zhes gsungs so// de nas yang sems dpa' rdo rje des/ nub phyogs kyi 'jig rten na/ pad+ma phung po zhes bya ba na/ sangs rgyas pad+ma chags pa med pa la 'di skad ces gsol to// rang byung dag pa'i snying po la// ma rig gzung 'dzin 'khor bar 'khrul// las dang bag chags gos mi gos// de bzhin gshegs pas 'di skad ces// rang byung ye shes ka dag pas//
- 141b
pad+ma la ni 'dam bzhin du// mtshams med lnga yi bag chags dag/ byang chub tshul 'di bstan par bya// zhes gsungs so// de nas sems dpa' rdo rjes/ byang phyogs thams cad grub pa zhes bya ba'i 'jig rten na/ de bzhin gshegs pa thams cad grub pa la 'di skad ces gsol to// gzhi nyid lhun grub 'phrin las la// phyi nang snang srid ji ltar mdzad// ces gsungs so// de bzhin gshegs pa des 'di skad ces gsungs so// btsal med lhun grub byin rlabs las// mdzad pa'i byin rlabs phyogs bcur brda la// phyogs mi mnga' yongs kyi gter// byang chub tshul 'di bstan par bya// zhes gsungs so// de nas sems dpa' rdo rjes/ de bzhin gshegs pa rnam par snang mdzad la 'di skad ces gsol te/ sems nyid rin chen 'phrul gyi sgo// rtogs par 'dod pas ji ltar blta// zhes gsol pas/ de bzhin gshegs pa rnam par snang mdzad kyis 'di skad ces gsungs so// 'phrul gyi skyes bu'i tshul bzhin du// gcig rtogs kun kyang de 'dra ba// ma bcos byang chub snying po la// phyogs su bltas pas mthong mi 'gyur// zhes gsungs so// de nas 'dod khams tha ma ru// ming gsum ldan pa'i skyes bu la// ltas gsum ldan phyir bskul ba'i mthus// thugs rje sems dpa'i byin rlabs kyis// 'od lnga ldan
- 142a
pas sku bstan te// chos kyi 'khor lo gdan stengs su// rin chen 'bar ba'i gsal bkab nas// rdo rje sems dpa' ma brjod gsungs// de nas skyes bu rgyal sras des// rig pa'i gdeng gis don rtogs nas// de tshe de yi dus nyid du// dus mtha'i skad cig nyid la ni// glong dgu bam po nyi khri nyid// skal ldan lha gnas grags par gyur// de nas thugs rje'i byin rlabs kyis// d+ha na ko sha'i gling gi phug/ lha mo sems dga' 'od zer can// sprul pa'i 'dab chags phra men 'dus// byin rlabs ye shes thugs mtshan las// ye mtshan sprul pa'i cha 'dzin cing // stong nyid btsal med sgrogs 'gyur nas// yang sbrul skal ldan sras bdun las// rgyal thabs spyi blugs dbang bskur nas// thogs med byang chub sems dang spyad// gsang ba'i 'khor lo rog pa'i gter// brda phrad tshogs med don po che// ma btsal rang dgar bzhag pos 'grub// dpog tu med pa'i rgyal ba yis// phun sum tshogs pa kun 'dus nas// bstan pa bsam las gsungs pa yang // grong dgu'i nang du ma 'dus med/ skal ldan thugs rje shes pa yis// dus gcig nyid la rtogs pa'i lus// rdo rje nam mkha' kyil po che// mtha' dbus sprod pa rnam par bcad// blon mi mi shes
- 142b
'khor lo can// bskur med rang gas la brjod dang bra la// dgongs pa nam mkha'i mtha' dang mnyam// mtshan ma'i spros pa gdod nas dag/ rig pa rang snang 'khor lo la// bsam brjod sprod pa'i thabs la mkhas// ma nyam nyid rig pa'i 'khor lo la// mtshan ma sgra yi sa gtan la phab// ye shes rang byung 'khor lo las// cho 'phrul thugs rje rang bzhin 'char// rdo rje sems dpa' de bzhin gshegs// rang byung gsang ba'i 'khor lo las// glong dgu'i bstan pa char bzhin 'byung // rang 'byung rang gsal gtan la 'bebs// rang la 'chad cing rang la ston// rang gis sdus nas rab tu bsdus// ma bcos thig le gcig tu gnas// rang gsal brjod 'das rig pa'i gsung // bya bral rdzogs pa'i rgyud du grags// zhes gsungs so// nam mkha'i mtha' dang mnyam pa'i rgyud chen po las/ gleng gzhi'i le'u ste dang po'o// // de nas sems dpa' rdo rje dam pa des// bcom ldan 'das rdo rje sems dpa' la 'di skad ces gsol ba btab bo// rgyal ba kun gyi gsang ba'i thugs// thugs kyi thugs te thugs kyi mchog/ rig pa'i bstan pa sgrogs pa'i bdag/ a ti gsum gyi ngo bo la// brda don sprad pa'i gtan tshigs kyis// bshad pa gsum la nges dgongs nas// gzhi lam 'bras bu gsungs du gsol// zhes zhus
- 143a
so// de nas de bzhin gshegs pa rdo rje sems dpas 'di skad ces gsungs so// kye rdo rje sems dpa' chen po legs par nyon cig/ nam mkha'i mtha' dang mnyam pa'i rgyud// rgyal ba kun gyis dgongs don 'di// dpag med rgyal ba bskrun pa nyid// stong nyid smra ba ma yin yang // tshig don 'phrad par rab tu gces// rang bzhin thabs dang 'bras bu nyid// rdzogs chen ma bcos dgongs pa la// mi 'gal brjod pa'i sgra yis mtshon// dngos pa'i don nyid gtan la phab// 'gyur med snying po btsal med lam// ma bsgrubs rang 'byung 'bras bu gsum// ma 'dres gcig tu nges par mnyam// ba shad tshul gsum du shes par bya// gzhi dang lam dang 'bras bu ni// ye shes rang gnas 'bras bu ni// sgrub pa po la bde gsal byed// rtog pa rab 'byams nyid du 'char// ngo bo rgyu rkyen nges pa des// mtshan nyid khyab tshang lung gi don// ye shes rang shar kun gsal de// ma bcos ma skyes ye nas byung // 'du 'bral med par rang la rdzogs// gsal la ma g.yo rang 'byung dbyings// snang la mi rtog mnyam pa'i ngang // rang gsal ma bsgribs rang rig dang // mkhyen pa'i ye shes nyid du 'char// rang gsal mi dmigs yul dang bral// rdzogs pa'i ye shes
- 143b
gsal ba'i ngang // tshig bral mnyam nyid don du rdzogs// rang la mi rtog gzhan mi rtog/ gnyis kar mi rtog mtha' dang bral// bskyed bya skyed byed rgyu med pas// ma skyes snying po byang chub la// skye 'gag med pas tha snyad bral// ye shes rdzogs par gsal ba'i dang // rgyu dang mi rgyu dbyings su gcig/ ma bskyed 'bras bur ya nas 'byung // rang byung 'khor lo yo nas gsal// rgyu nyid 'bras bu ra ye nas 'byung // thams cad ye shes snying por rdzogs// ma lus gcig ste tha dad med// ma bcos byang chub snying po la// ma btsal rang rig gsal bar rdzogs// sgron mes mun pa'i rdzas 'tsho la 'dra// brda don sprad pa'i 'phrul tshig gis// 'khor ba ye shes snying por 'char/ bskyed pa med par rgyu 'bras bral// rkyen nyid ma skyes byang chub ste// rdo rje snying por dus gcig rdzogs// bar mtshams sbyar na gcig tu gnas// gsal ba rang snang dkyis/ 'khor la// rkyen la ma rig gdod nas dag/ rgyu med ye shes mchog tu gsal// bdag med rang rig stong nyid lung // mtshungs med skad cig rgyun dang bral// yul med dmigs bral chos kyi dbyings// ma bcos rang byung rkyen dang bral// gnas dang 'byung sdud de phyir dang // kun dngos phyogs su ma lhung dang // shas dang sgrub dang /
- 144a
shes bya'i phyir// ming dang rtags dang mtshan dang bral// dngos nyid rtags pa'i mtha' bral la// nges dang ma nges tshul mi 'jug/ brtag med nges pa'i tshig dang bral// yi ge bdag bral nyid la ni// de ltar rtogs pa ma nor lam// dngos la nges dang ma nges lam// gcig pas tha dad mi gnas kyang // don gyi phyogs la gtsor gzung nas// de rtogs bya phyir nges par bshad// nges pa mi bslu sgra yi tshig/ rjes su 'gro la don byed nus// ye nas rig pa'i 'khor lor sbyor// rig pa gsung gi don la sbyor// rang rig rin chen phung po la// 'phrul tshig rig pa'i sgron ma yis// gter khyim phung po de mthong nas/ btsal ba med par 'bras bus gsal mtha' gsum gsal ba'i dpe nyid ni// zhen pa'i snang ba mi mthong bas// smag gi mun ru ma lta bur bshad// rol pa bar ma chag pa'i phyir// chu yi gnyer me lta bur bshad/ gsal snyoms ma 'dres btang snyoms bral// nyi ma shar ba lta bur bshad// sku gsum rol pa'i dpe nyid ni// 'dul khyab ngo bo 'dzin bral bas// chos sku nam mkha'i glong du bshad// rdzogs sku mdzes khyab kun gsal bas// nyi ma 'bum bdal lta bur bshad// 'byung 'jug mi mnga' kun gnas pas// sprul sku nyi mi'i zer ltar bshad//
- 144b
ye nas lhun grub snying po la// rnam rtog blo yis dpyad pas na// sprin dang khu rna lta bur bshad// kun kyang ye shes ro gcig pas// lan tshwa ldan pa'i rgya mtshor bshad// de ltar gnyis med rtogs bya'i phyir// rdzogs chen gzhung la des thob pas// thos pa zla ba lta bur bshad// don la spyod pa nges ma nges// spong len bsam pa skar ma ltar// nges par gsal snyoms 'du shes bral// bsgom pa nyi ma lta bur bshad// mtshan ma gang yang ma spangs pas// rang gsal ye shes snying por rdzogs/ gdod nas stong pa'i rang bzhin ni// 'du shes bral ba'i dbyings su rdzogs// ci yang yin no gang yang yin// ma bkag sems kyi khyad par la// bkag pa med de rang gsal dbyings// gcig kyang ma 'dres tha dad gsal// snang la zhen la rnam par bcad// dmigs kyang btsal ba'i yul dang bral// ye shes snying po nyi ma 'char// rin chen nor bu'i khang pa bzhin// ci yang gsal la ci yang min// phyogs su mi snang mnyam nyid las// gang ltar bltas pa de ltar snang // nam mkha'i mtha' dang mnyam sbyor bas// tshad dang zla dang dpe las 'das// nyi ma'i snying po 'bar pa bzhin// mtha' yi sgribs pa bral ba'i tshad// ye shes gas la la mi 'gags pas// phyogs kyi nges pa mi gnas pas//
- 145a
ci yang nges par 'char ba'i phyir// 'khrul gyi me long gsal ba'i tshad// sems nyid rin chen ka dag la// gzung 'dzin snang ba rtags kun bral bas// nyi ma 'bum gyi 'od zer bzhin// rang la byung ba'i tshor ba'i tshad// nam mkha'i mtha' dang mnyam sbyor bas// che chung tshad las 'das pa la// 'dzin pa nam mkha'i mtha' 'tshol 'dra// phra ba'i phra ba nyungs 'bru yis// 'bum gyis mi bskrun phra ba'i tshad// mkhyen ldan ye shes snying po yis// gang yang mi mkhyen rang gsal mkhyen// mtha' dang dbus su mi dmigs pas// nam mkha'i mtha' dang mnyam par mkhyen// ye shes rang shar rdzogs tshul la// mtha' yi sgrib pa rab bsal bas// rang 'byung nyi ma'i dkyil 'khor gsal// bya bral rdzogs pa'i lung du bshad// rang rig ye shes mkhyen ldan pas// gnyis med snying po rdzogs par rtogs// rang gsal ye shes rdzogs par ldan// rig pa dang snang nyams su shar// rang 'byung 'od kyi dkyi la 'khor la// 'phrul tshig rig pa'i brda sprad pas// skye med dbyings kyi brda don mjal// btsal med tshigs chung don chen po// rang byung ye shes rin chen gter// sgo mang 'jug thabs bsam mi khyab// rtogs na gcig tu gnas pa'i don// rtogs pa thabs chen rgyud pa'i lung // rang gsal
- 145b
nyi ma'i 'od ltar shar// mkha' khyab rig pa glong du son// rang 'byung rig pa rang gsal 'di// mkha' khyab byang chub sems kyi lung // rdo rje sems dpa'i thugs dkyil nas// rig pa'i khu byug dgu sgrogs pas// sems nyid rang gsal mthong bya'i phyir// glong dgu bam po nyi khrir gsal// de nyid dgu ldan sems kyi gzhi// rin chen phung po 'phrul gyi sgo// rin chen phung po gter khyim nas// nyi ma'i 'od ltar ye nas gnas// zhes gsungs so// nam mkha'i mtha' dang mnyam pa'i rgyud las/ ye shes rang 'char gyi le'u ste gnyis pa'o// // de nas sems dpa' rdo rje dam pa des/ rdo rje sems dpa' chen po la 'di skad ces gsol ba btab bo// rgyal ba'i rgyal ba kun gyis sems// gsang ba'i gsang ba byang chub sems// rin chen khang pa sgo mang dag/ rang gsal sgo nas rtogs bya'i phyir// bde chen btsal bral snying po la// bshad thabs bshad pa 'bras bu'i don// rang gsal rig pa rang la rdzogs// khyab bdal 'chang chen bshad du gsol// zhes zhus so// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po/ yi ge med pa'i mchog gi rgyud// brir med kha dog dbyibs dang bral// nam mkha'i mtha' dang mnyam pa'i rgyud// gsang ba kun tu gter 'di nyid//
- 146a
bshad pa nyer rdzogs chen po las// gzhi lam 'bras bu'i tshul du gnas// dgongs pa kun gyis zhe phug pas// dgongs pa glong bdal tshul du bshad// man ngag rtsa ba 'dir 'dus pas// man ngag zhal chems sprugs ltar bshad// glong dgu rtsa ba'i sems nyid glong // sems med rgya mtsho glong du bshad// kun bzang chos nyid stong gsal las// rang 'byung rol pa mi 'gag pas// mkha' la gza' skar bkram ltar bshad// mkha' khyab sems lung kun gyi mchog/ yin phyir spyi don lnga yis bshad// rgyud lung 'dus pa'i mchog yin pas// phun sum tshogs pa lnga yis bshad// tha ma shes bya'i ngo bo la// thun mong thun mong min pa ste// thun mong khyad par grags tshul nyid// grags/ pa gol zhing sgrib pa ste// lta spyod ting 'dzin dam tshig dang // bsgrub dang 'phrin las dbang mchog dang // dkyil 'khor sa lam 'bras bcug gi/ mi shes bdag 'dzin gzung 'dzin dang // yang dag bden pa rigs 'byed dang // bdag dang gnyis spyod gtsang sme dang // blang dor sgrib pas bcings pa kun// la gol la sgribs gol sgrib 'byung // ye nas rang btsal gsang rdzogs la// mthong dang ma mthong gnyis su phye// ye nas dmigs med rang gsal la// bdag dang gzhan du bzung bas bcings// ske 'jig bral ba'i rdo rje la//
- 146b
rgyu 'bras 'brel bas gzung bas nor// dngos po gnyis med rdzogs chen la// tha dad btags pas log pa'i lam// gnyis med rang rig gter 'di la// bden gnyis dbye bas gcig dang 'gal// rang gsal dmigs med stong nyid la// yang dag dmigs med grub pas 'gal// 'ching bral lta ba gza' gtad med// gza' gtad bral 'dzin yang rtse 'khrul// ma bcos ye shes rang gsal la// dbyings dang ye shes 'khrul pa'i chos// ye na sa rin chen dag pa la// dag pa gsum gyis rtsol byed nor// bskyed bral ye shes dkyil 'khor la// bskyed dang rim rtsol rnal 'byor che// btsal bas rang byung gter dang bral// ye shes rin chen phung po la// byin rlabs snang 'dod re dogs can// rang gsal 'khor lo don dang ldan// rin chen 'khor lo kun bzang 'di// 'gro drug rang gsal thugs la gnas// gsal rig 'dzin bral dbyings la don// thim 'gyur bsal nas mi mngon pa// rang gsal nyi ma'i byin rlabs na// btsal med 'od kyis phyogs bcur khyab// khyad par bcu bzhi bshad pa ste// chos rnams sems kyi ngo bo la// mtha' dang log ltas mi 'gyur bas// rdzogs chen ma lus thams cad kun// gsal brtan ri bo lta bur bshad// rtag chad mtshan ma cir snang yang // sems nyid yang dog chos med pas//
- 147a
nam mkha'i glong dang 'dra bar bshad// chos kun gsal snyoms btsal med 'char// rang gsal rig pa'i rtsa la rdzogs pas// mkha' la nyi shar 'dra bar bshad// sems can sangs rgyas la sogs pas// bde sdug ma 'dres rdzogs chen pos// gser gyi ngo bo lta bur bshad// rang gsal mtha' bral rgya mtsho la// rtsol bas mi 'bogs brtag dka' bas// zab pa mchog ting lta bur bshad// lhun grub rin chen phung po yis// btsal med byin rlabs rang 'char bas// nor bu rin chen lta bur bshad// nyi ma snang ba gcig pa'am// nyon mongs ye shes gsal rdzogs pas// dug nyid sman du gnas ltar bshad// rang rig thams cad gsal rdzogs pas/ lhun grub bde chen rol snang bas// rgya mtsho chen po'i rlabs ltar bshad// mtshan ma'i bye brag cir snang yang // mi 'gyur chos skur gnas slad med// kha dog nag po lta bur bshad// rang 'byung ma bsgrubs rang 'char la// cir snang rang las smin pa'i phyir// shing tog a mra lta bur bshad// rang 'byung theg pa'i rgyal po la// zil gnon ma bgrong kun son pas// mkha' la khyud 'phur lta bur bshad// mtha' bral rang 'byung rdzogs lung la// mtha' yi zhen pa zil gnan nas// seng ge'i sgra sgrogs ci ltar
- 147b
bshad// kun bzang 'khor le rol pa las// snang bkag yod med kun bral bas// kun bzang spong len med ltar bshad// chos kun rang rig sems nyid la// sem nyid gdod nas ka dag pas// rin chen gser gling lta bur ba shad// thun mong min pa rdzogs chen gsum// btsal med lam nyid spyi gzhung nyid// gab pa mngon byung man ngag go// lta ba rang gsal gza' gtad bral// mthong med rang gsal ye shes spyan// gsal la mkhyen sgrib mtha' dang bral// rang gsal rig pa dbyings su rdzogs// gcad bral kun bzang rol pa 'di// rig pa bkag med rang 'char rdzogs// ma bcos snying por spyod pas na// mtha' dbus med pa'i glong du rol// rgyal thabs spyi blugs dbang gi mchog ma bskur rang rdzogs kun la bsal// dus gcig ye shes rig pa 'char// dus chod bla mo'i ngag la gsal// thig le chen po'i dam tshig 'di// rin chen kun bzang sems la gnas// bsrung du med pa'i dam tshig la// mi bsrung phyogs dang bral bar gnas// ye nas lhun grub rang 'byung gis// phyogs ris med par bdal zin pas// 'phrin las bya byed mtha' bral la// byar med rdzogs pa'i ye shes gsol// tag sha ka yi nor bu 'am// 'jig rten 'od kyi rgyal po ltar// byin rlabs thugs rje rang shar la// brtson pas
- 148a
'grub cing btsal du med// ye shes rang shar ting 'dzin 'di// ma yengs rang gsal lhun grub la// btsal zhing yangs pa rnam par bcad// ye shes snying po rang gsal lung // mtha' dbus med pa'i dkyil 'khor la// sku gsum rang gsal bsam mi khyab// mtha' bral rang gi snying po ltar// thig le rang la rdzogs par gsal// rang 'byung rang shar rang la rdzogs// nyi ma'i 'od dang snying po ltar// 'khor ba ye shes rdzogs pa la// 'bras bu grangs med mkha' ltar smin// rang 'byung yo byad mchod pa yis// lhun grub rang gsal dbyings su thim// phyogs bral lhun grub mchod pa 'dis// kun mkhyen rang gsal nyid du mnyes// gab pa mngon phyung don 'di la// slob tshul rim pa ngos bzung nas// rgyal thabs spyi blugs dbang bskur bas// sems nyid rin chen rtogs bya'i phyir// de phyir lta bas thag bcad bshad// de nyid ma yengs goms bya'i phyir// brda don bral ba'i man ngag bshad// ci spyad stong 'gyur 'ching med pas// glang chen chur zhugs man ngag bshad// glong dgur 'dus pa'i tshig don spyi// rgyud kun gtan la dbab pa'i tshig/ 'dis ni bshad par bya ba yin// glong dgu lde mig phye ba yis// nyid la 'chad cing nyid kyis 'brel// btsal med theg chen
- 148b
gang zag la// tshig bral rig pa'i 'khor lo bskor// zhes gsungs so// nam mkha'i mtha' dang mnyam pa'i rgyud chen po las// bshad pa'i lde mig gis klong dgu dbye ba'i le'u ste gsum pa'o// // de nas sems dpa' rdo rjes/ rdo rje sems dpa' chen po la 'di skad ces gsol to// dus gsum sangs rgyas thams cad kyi// sku gsung thugs kyi gter 'chang ba// ye shes mdzod ldan gnyis med rdzogs// rang grol thams cad gnyis med dang // mgon po khyod la gsol ba ni// ngo bo thabs kyi mtshan nyid de/ rnam grol rig pa'i gter khang dag/ mgon pos bdag la bshad du gsol// zhes gsol to// de nas de bzhin gshags pa rdo rje sems dpas bka' stsal to// kye sem dpa' chen po/ mkha' mnyam byang chub sems kyi lung // nam mkha'i mtha' dang mnyam pa'i rgyud// rin chen dbyig dang sprad pa'i thabs// ye shes gsang rdzogs chos dbyings nyid// ngo bo gcig la brtags pas gsum// dngos dang bsam pas phye ba'i tshul// ngo bo skyon thabs mtshon pa'i dpe// bcings grol tshul gyis phye ba yin// kun 'dus nam mkha'i mtha' ma nyam la// kun tu rang gsal dbyings la rdzogs// mi gnas mi bsam cir mi dgongs// spros bral rig pa'i 'khor lo ga ti ra// sangs rgyas ma
- 149a
yin sems can min// gnyis ka ma yin rang shar lung // sgro dang skur pa rnam par bcad// mtha' dbus bral ba'i snying po 'di// phyogs bral rig pa'i mnyam nyid gter// rin chen nor bu'i phung po bzhin// kun la phyogs ris med par gsal// nam mkha'i mtha' mnyam gter gyi dbyig/ dpag bsam 'khor lo rang 'char dag// kun snang gsal ba'i sgo mo la// gang bya rin chen dbyig dang 'phrad// kun gyi ngo bo ye shes lung // mtha' med dbus bral snying por gsal// gsal ba rang rig chos dbyings gsungs// ma gsungs rang 'byal rig pa'i sgra// bsam med rang 'byung rang gsal la// gsal la log rtog mdud pas bcings// de nyid dbyings su mi gsal na// bkrol yang thar par mi 'gyur ro// nam mkha' nyid la mi gnas ltar// rang shar mi rtogs la mi gnas// rang 'byung rang gsal dbyings su rdzogs// brjod med rig pa'i glong du bdal// ngo bo 'od zhes brtag dka' ba// bsam gyis mi khyab chos kyi dbyings// brda don spros dang bral ba dang // yang dag nges dang rgyal tsha brgyud// thugs rje rkyen ldan zab pa dang // khe dang thams byo pa 'ini dang // rgyal thabs kyi thugs dbang bathur dang / theg pa'i bye brag 'byed la 'artson// brjod mams chi gdan 'brel par ston// ba don ston pa'i slo pon na/
- 149b
mtshan ma mi bsam dbyings gnas par// dgongs pa glong ltar bdal ba dang // mtha' dbus bral ba'i don la mkhas// tshig min dgongs pa'i lung ldan la// phrad par yin par nges par gsungs// rang rig gsal bas rang la ston// rang gsal lung la rang gis mtshan// rang rig gzer chen rang la 'debs// slob du pon kun gyi mchog tu gsungs// nges pa'i seng ge'i rjes byung bas// rtsal med seng ge'i sgra sgrogs pa// dpal ldan kun mkhyen rnam grol thugs// 'jig rten gsal ba'i nyi ma bzhin// rang 'byung shes rab 'od po che// rang gsal rig pa rang la shar// thos bsam bsgom pa gsal byed lung // nges pa rtogs pa'i rkyen du bshad// rin chen 'phrul gyi khang pa dag/ kun gyi zad med gter 'chang ga/ theg sgo lde mig rim pa'i tshul// gang phye'ang na ma zhig thob par 'gyur// theg pa'i bye brag ci bstan pa// glong dgu'i don la nges par 'dus// nam mkha' ma nyam pa glong dgu'i rgyud// brtags na rin chen dbyig dang 'phrad// rnam ro la rig pa'i phung po la// btsal med lung gsum rig pa yis// rtog spyod 'jug pa'i yul med kyang // de nyid gsum gyis rdzogs sangs rgyas// rgyal thabs spyi blugs dbang thob nas// ye shes rang shar don dang sprad// shes pa rgyu ba bzhi cha'i dus// gsum/
- 150a
ni rnam par rtog pa ste// gcig ni ye shes gsang ba yin// dus tshod bla ma'i thugs la brtag/ rgyud pa thabs kyi me long gis// mngon du/ gas la ba'i ya shas la// gang wA ra 'tsham pa de dag yin// rmongs pa ba kri ba'i tha bas su bsta na// byas dang ma byas ga nyis med par// 'dzin bra la da bu ma 'i shes pa/ gnas// ye shes 'dzin pa'i man ngag ste// 'phrul gyi skyes bu'i blo dang mtshungs// gsal ba dang po ma skyes mtha'// skyes nas ma skyes don dang bral// mtha' dbus bral ba'i snying po ni// rdzogs pa thug phrad yin par gsungs// ci la snang ba'i dus de nas// ma btsal rig snang mi rtog lung // ma nyam brjod kun bral ye shes te/ bu mo dga' ba'i ro bzhin no// ye shes nyams rdzogs chag cig la// sku gsung thugs phrad man ngag gsal// kun kyang ye shes rang gsal te// dus tshod bla ma'i zhal las shes// thabs sbyor man ngag bcu gsum po// gang la 'dul ba'i thabs su bstan// so so rang rig nges bstan pa// mkhyen ldan bla ma'i zha la las shes// thabs kyi rim pa gang dang gang // ji ltar yin pa de ltar 'jug/ 'dod 'byung rin chen 'phrul gyi dbyig/ btsal med gnas pas thob par 'gyur// ngo bo gsal la dmigs
- 150b
med de// rang gsal chos dbyings brjod bral dang // yul med mtha' bral rang 'byung glong // gnyis med rig pa gcig la rdzogs// rig pa'i 'khor lo gsal ba'i gter// 'du shes bral bas dbyings la rdzogs// ting 'dzin yengs med gcig rdzogs la// gnyis dang gcig gi 'dzin mi 'jug/ ma btsos spros bral mnyam nyid la// phyogs ris 'dzin rtog gdod nas stong // mtha' bral rang gsal snying po la// skom dang mi sgom 'du shes bral// rang rig rang gsal rdzogs lung la// gnyis pa'i 'du shes rnam par bcad// brjod bral rang gsal rig gsungs la/ brjod dang mi brjod 'du shes spangs// phyogs med rang gsal ye shes la// 'du shes mi mnga' gcig gi gter// rang gsal 'bras rdzogs snying po la// dngos grub nyi ma'i 'od ltar shar// mkhyen bral gzigs med ye shes spyan// dgongs med snying po don la gzugs// ma 'dres mkhyen pa'i snying po las// 'dod dgu byin rlabs char du 'bebs// nam mkha'i glong yang ji bzhin du// brjod med glong la thams cad rdzogs// gsal ba nyi ma'i snying po ltar/ rang gsal byin rlabs dbyings su rdzogs// 'dod 'byung rin chen phung po ltar// phyogs ris mi mnga' yongs kyi gter// rtsal chen rdzogs pa'i seng ge ltar//
- 151a
rtsol bsgrub zil nan gcig tu rdzogs// 'phur skyes mkha' la 'gro ba ltar// bgrod med sa rnams cig car non// gza' bral rig pa dbyings su rdzogs// thams cad gsal snang rig par gnas// mkha' la gza' skar bkram pa ltar// ma 'dres rang gsal dbyings su rdzogs// rdo rje sems dpa' de bzhin gshegs/ ma bcos ji bzhin rig pa'i glong // shes par gyis 'dang dgar zhog/ spros med rgyu rkyen rten bral ba// mkha' la rang 'byung stobs po che// rang 'byung gzhan med rang gi dbyings/ gang ltar gzhag pa de ltar dbyings// rang gsal nyi ma kun la snyoms// mtha' bral nyi ma'i snying po ltar// gsal la brtags na dmigs dang bral// mi g.yo 'dzin bral mnyam nyid gter// rang 'byung bstan pa rang la 'char// rang gsal 'khor lo rang la bskor// rang gsal nyi ma kun gyi gter// kun la gnas pa rtogs bral dbyings// zhes gsungs so// nam mkha'i mtha' dang mnyam pa'i rgyud chen po las/ rin chen shes bya gter gyi le'u ste bzhi pa'o// // de nas sems dpa' rdo rjes rdo rje sems dpa' chen po la 'di skad ces gsol ba btab bo// rang gsal nyi ma 'od kyi mchog/ mdzod dgu rig pa'i gter dang ldan// lhun grub bya bral rdzogs lung la/
- 151b
mdzod dgus 'dod pa char pho ba la// nyon mongs ye shes gcig tu snang // gcig las dgur phye ba shad du gsol// de nas rdo rje sems dpa' chen pos 'di skad ces bka' stsal to// kye sems dpa' chen po/ thig le gcig las gnyis su phye// bden pa gcig la sgro skur byung // 'khor drug gcig las so sor bltas// 'dod dgu rig pa'i gter la smra ba// thig le yongs kyis zlum po la// 'khor dang mya ngan ye nas med// 'khor ba byang chub snying po la// sdug bsngal kun bzang rol par shar/ de nyid spros med thig ler gsal// gsal yang mi mngon dbyings su thim// chags sdang gti mug nga rgyal dang // gsang phyir phrag dog chen po ni// btsal med ye shes lngar gsal bas// ye shes nyi ltar kun la ga la// 'dod lnga yul lnga kun gyi gsos// rang 'byung thugs rje kun gyi gsoso// rang rig rol pa rang la snang // rang rig longs spyod rang la mdzad// ma rig 'thibs pa'i 'gro ba la// snang gsal sgron ma rang bzhin 'char// 'khor ba nyid ni ye sangs rgyas// sdukra bsgral longs spyod bde ba'i rgyan/ gdod nas ye shes rang gsal la// gnyis su brtags pas 'khrul pa'i lame// sku dang gsung thugs 'phrin las kun// rig pa gsal ba'i dbyings la gsal// mkha'
- 152a
la bya lam 'dra ba yis// nam mkha' dbyings thim gsal mi 'gyur// zhing khams dbang stobs rdzu 'phrul yang // ma nyam nyid rig pa'i gter la rdzogs// mdzad spyod dgongs pa mtha' yas kyang // rang gsal ye shes ngang la gnas// rang bzhin gnyis med mkha' ltar gad la// mdzad pa'i byin rlabs skar ltar bkram// thugs rje byin rlabs 'od ltar gdal// rang gsal ngang la 'du 'bral med// rig pa ye shes nya ga gcig la// byin rlabs yid bzhin nor bu ltar// 'gro drug rang snang 'khor tshogs la// 'bras bu nam mkha'i char bzhin 'bab// gnyis med gcig gi rang bzhin la// ji ltar brtag bsam 'byung bas na// rang gsal me long 'od po che// yul med gsal ba'i dbyings su rdzogs// ye nas byang chub snying po la// yin min gnyis las sgo skur byung // de dag mi gnas mtha' bral bas// dngos la de dag kun dang bral// dper na mkha' la khab lhung la// 'khrul pa'i ngo la snang ba las// rtog pa de dag gnyis ka med// sgro 'dogs glo bur 'dogs pa'i chos// skur 'debs stong gsal med ba'i mtha'// 'di kun klog pa'i grong khyer la// rdo la gser du zhen paltar// rang rang rtags snang bzhen pas// phyogs med rang snang bral 'dod pas/ 'ang shar 'bras
- 152b
bu rnyed re skan// de bas rang gsal 'bras bu la// rig pa med pa'i sems kyis 'jug/ sgro bral rig pa'i 'khor lo gsal// skur bral rig pa rang gsal lung // phyos bral ma nyam nyi rig pa'i gter// 'jug med paslad med ji bzhin gnas// mnyam nyid nam mkha'i mtha' mnyam rgyud// thig le gcig tu gnas pa la// ma rtogs dbang gis drug tu mthong // kun kyang thig le chos dbyings gsal// zhe sdang ma bcos dbyings gsal na// dmyal ba'i me lce 'od 'bar yang // sdug bsngal dngos la ma grub pas// ma bcos dbyings las gzhan ma yin// nga rgyal mngon mthong lhar gsal nas// longs spyod bde sdug so so yang // ma bcos dang la gnyis med pas// gnyis med ngang las lhun gyis rdzogs// 'dod chags zhe na 'jug brtag pa yis// gling bzhi mi yi longs spyod dang // bde sdug 'khor ba'i sdug bsngal yang // rang 'byung dang la gnyis med pas// rang gsal ye shes snying por rdzogs// gti mug 'thibs shing sgribs dbang gis// byol song gnas su lhung 'gyur yang // sdug bsngal dngos la mi gnas pas// de dag rig pa'i 'khor lor rdzogs// ser sna chags bcings 'bras bu yis// zas dang longs spyod 'phongs pa dang // 'dod pa yid du mi 'ong ba// dngos la de ltar gnas ma yin//
- 153a
phrag dog gdug rtsub dbang gis no// 'thab rtsod 'khrug pa'i sdug bsngal de// rang byung dngos la mi gnas pas// rang gsal rig pa'i 'khor lor rdzogs// kun gzhi ma skyes chos da byings la// rig pa rang gas la mdzod dgur 'bre la// rin che na glong dgu thugs la ga sa la// rang gra nas rdig pa gter la rdzogs// ma bcos spros bral chos kyi gte ra// kun 'byung rin chen phung po la// 'phel 'grib med pa nam mkha'i ngang // kun gzhi chos kyi mdzod du gsungs// 'byung lnga ngo bo ma skyes pa// de nyid rang las rang 'byung 'di// kun khyab kun spyod kun gnas pas// nam mkha' 'byung lnga skye 'gro mdzod// chos sku mkha' ltar dag pa las// byin rlabs sna tshogs rgyun mi 'chad// rang gsal ngang du kun 'dus pas// chos sku byin gyis brlabs kyis mdzod// ltar med rang/ gsal gza' ga ta da med// lta ba kun gzhi rtsa yin pas// ltar med kun bral nya ga gcig pu// lta ba glong yangs ma nyam pa'i mdzod// zin chags bral ba'i bdud rtsi la/ glang chen chur zhugs lta bu yi// bar chod re dog bral ba la// spong len bral ba sprod pa'i mdzod// bskur med rang thob dbang gi mchog/ lam dang sa la mi
- 153b
bgrod de// khyud phrug sgong skyes ji bzhin pa// rgyal thabs spyi blugs dbang gi mdzod// byar med gdod nas byas zin la// byar med rang gsal 'phrin las 'di// kun tu ma spangs rang gnas pas// 'phrin las lhun gyis grub pa'i mdzod// rang gsal ma bcos dkyil 'khor la// ma skyes gdod nas sku gsung thugs// rang gsal mi rtog ting 'dzin yang // skye med dkyil 'khor chen po mdzod// mkhyen pa'i ye shes rang 'char la// shes rab gsum gyi tshul gyis 'jug/ ye shes gsang ba'i gter 'dzin pas// mA bac+doM sa rang bsal ye shes mdzod// dgur snang gcig rdzogs khyad par che// rin chen phung po mnyam pa'i tshe gas// rin chen mdzod dgu kun bya bas// rin chen dbyig gi gter dang 'phrad// khyab gad la nam mkha'i byin rlabs las// nyi ma stong gi dkyil 'khor 'char// rig pa rang 'byung nyag gcig las/ 'dul dbang bsam pa'i khyad par gyis// me gcig skar khung du ba bzhin// gcig la dag pa'i tshul du snang // rig pa klong gi don la 'dus// dpe ni dus gsum sangs rgyas rnams// ma rtogs don la dgod pa 'di// rdzogs chen glags pam rab gzung ste// 'dul bya kun gyi mdun na gnas// ji ltar 'dod dang 'od can ltar/
- 154a
thugs rje nam mkha' mtha' ltar gad la// gnyis med ye shes gcig la rdzogs// re skong yid bzhin nor bu'i tshul// mdzod dgu rig pa'i gter chen la// rigs can dbang tho ba gang zag la// brda don dbye grol rim pa 'dis// dus gcig 'dod spyod dgyes par 'gyur// ji srid gang dang gang snang ba// de srid sems kyi rnam grangs 'di// gcig gis kun grol thob pa ni// 'phrul gyi skyes bu blo dang mtshungs// 'dod dgu rin chen phung po ltar// kun la phyogs ris med par gsal// rin chen khang pa sgo mang bzhin// don gcig 'jug sgo bsam mi khyab// ces gsungs so// nam mkha'i mtha' dang mnyam pa'i rgyud chen po las/ mdzod dgu rin chen gter gyi le'u ste lnga pa'o// de nas sems dpa' rdo rjes/ rdo rje sems dpa' chen po la 'di skad ces gsol to// dus gsum sangs rgyas thams cad kyis/ 'dod 'byung nam mkha'i mdzod kyi bdag/ sku gsung thugs kyi dbyings la rol// 'gyur med dang du rig pa bzhugs// mgon po khyod la gsol ba ni// rin chen dbyig dang 'phrad pa'i phyir// rin chen phung po rang shar don// gang gis gsal ba bshad du gsol// zhes gsol to// de nas rdo rje sems dpa' chen pos 'di
- 154b
skad ces gsungs so// kye sems dpa' chen po/ nam mkha'i mtha' dang mnyam sbyor ba'i// nam mkha' rgyas pa'i mtha' bzhin du// mtha' dbus med pa'i snying po la// ji ltar bsam pa de bzhin 'byung // gsang ba'i rgya mtsho rin chen dbyig/ thabs sbyor rang gsal bsam mi khyab// rang gsal 'od la rtag tu bzhugs// rin chen 'phra la gyi de byig la brtag/ rdo rje lung dang mi ldan par// rang gas la rig pa'i 'khor lo la// bskal par brtags kyang don mi rnyed// snyan brgyud thugs kyi rin chen la/ rig sbyor thugs kyi rnal 'byor pas// bla ma rdo rje srog tu 'dzin// yo byad snying pos ma nyes byas te// sgo gsum bran du khas blangs nas// rin chen da byig dang phrad byas nas// brda don grol ba'i rim pa yis// rgya la tha bas rig pa tshangs dbang gis// skad rtsig sangs rgyas sa dang sprad// bde ba phrag brgya'i don thob nas/ dus mtha' skad cig nyid la ni// phyogs bcu'i zhing khams khyab par gas la// rang gas la rig pa'i sgro skur bcad// 'du shes phral ba'i dbyings la rdzogs/ spos bral mtshan ma'i 'du shes spyad// rnam dag gsal ba'i ye shes la// mtha' yi mun pa ma bsal dag/ brda don phrad pas ma rtogs pa//
- 155a
mtshan ma sgra yi rjes mi 'jug/ rang gsal nyi ma'i snying po ltar// gsal yang 'du shes med par gnas// nam mkha' mi 'gyur rtag pa ltar// kun 'byung rtag chen 'gyur med klong // rdo rje sems dpa' lha bzhin du// bsgom dang bral ba'i dbyings su rdzogs// 'phrul dga' longs spyod tshul de bzhin/ rang gsal sprul cing 'dod dgur bsgyur// rgya mtsho'i gzings kyi bya rog ltar// bskor zhing rang gi dbyings la thug/ thub dbang nor bu de ci ltar// gang ltar bstan pa de ltar ro// spyi gtsug nor bu ji bzhin du// ma btsal rang gsal dbyings la gnas// bcud 'dzin rin chen gter bzhin du// spro bsdu g.yo med ji bzhin gsal// dbyings la gsal ba'i 'od bzhin du// ma 'dres rang gsal 'du shes bcad// rgyal ba'i spyi gtsug ji bzhin du// bltas pas thug med nam mkha'i dbyings// snang srid gsal ba'i me long ltar// tha dad gsal ba dbyings la rdzogs// ka la birga'i lam gnas bzhin// gang ltar bgrod kyang bsam bral dbyings// bu mo dga' ba'i ro bzhin du// khyad par gsal yang nyams myong med// rin chen gser gyi sa gzhi ltar// cir gsal cir g.yo rdzas bral dbyings// rgya mtsho 'du ba'i snying po ltar//
- 155b
sna tshogs sgo ni gcig tu ma nyam// nyi zla 'bar ba'i 'od bzhin du// phyogs ris med de rang gsal dang // nam mkha'i ngo bo ji bzhin du// brtag cing gzung ba'i mtha' dang bral// rang gsal spros pa rnam par bcad// dmigs bral kun snang rnam kun bcas// rgya mtsho 'phro 'du byin rlabs ltar// rang las byung zhing rang la 'dus// phyogs ris mi mnga' yongs kyi gter// gsal ba'i byin rlabs bsam mi khyab// mtha' gsum gsal bas dbyings la khyab// dper na rin chen ga ser gling ltar// kun tu snang yang gcig la rdzogs// rang shar rig pa cir mi dgongs// rin chen khang pa'i sgo mo la// kun nas kun tu mnyam sbyor bas// gang ltar phyin kyang rin chen gcig/ de yis dbyig de thob par 'gyur// rgyal sras nus pa'i skal ldan gyis// rang gsal kun gyi 'od la bzhugs// zhe sdang kun 'joms ting nge 'dzin// ga ti mug chen po de bzhin te// 'dod chags kun sbyor de bzhin nyid// nga rgyal gding gsum ldan pa dang // phrag dog mi chud don lnga yang // rang gsal 'od la 'dus te bzhug/ gcig gi don la lngar snang ba// dga' ba'i ro yis khyab dang 'dra// rtogs spyod bral ba'i chos dbyings la// 'od gsal rig pa'i gdeng gis gnas// bsam bral nam
- 156a
mkha'i stong pa la// rgyal bral mnyam pa'i yid kyis 'juH/ mthong med rig pa la la la gyur// yig med pa'i don du mthong / mtshan ma yi rjes 'brangs nas// spros bral rig pa'i don dang 'gal// ma btsal rang ra'abyung 'od gsal bas// mtha' dbus med pa'i dbyings la thim// gsang dang gsang chen rab gsang ba// rang gsang spros bcad gcig la 'dus// ye shes rang gsal rig pa'i 'od// phyogs ris mi mnga' yongs la snyoms// mnyam nyid rig pa'i ngo bo nyid// gang yang yin no rnam kun pas// rang rig 'pho 'gyur med pa la// ji ltar gsal yang 'di zhes med// kun gsal me long 'od po che// ye shes rdzogs pa'i ngo bo la// ya nas thig le chen po la// bdag gzhan ye shes dbyings su rdzogs// rgyal po kun gyi dbang po ltar// bla ma dam pa rdo rje ni// rdo rje sems dpa' mngon 'byung ba/ 'phrul tshig rig pa'i sgron ma yin// gter khyim dpal be'u sgo phye nas// skye ba med pa'i brda don sprad// bgrod pa med par sa la gzhag/ 'chi ba med pa'i chos skur ston// rtogs pa'i shes rab glo dkar du// rang gsal nyi mas khyab par gad la// rin chen par bu'i sgo phye nas// rdo rje sems dpa'i thugs bcud bgros// thabs sbyor
- 156b
rig pa'i sgo bkros te// ye shes gsang ba'i man ngag bstan// sgra tshig med pa'i rog pa yis// rang gsal nyi ma'i 'od la gzhug/ rtsol sgrub bral ba'i 'bras bu smad/ 'di ltar ston pa'i slob dpon ni// lus srog dbang po sha rus khrag/ bskal par btang yang mi 'phangs na// bu dang chung ma nor gyi dbyig/ bran pho bran mo smos te/ dgos/ dam pa rgyal bar mi 'dzin na// dpag med rgyud la mkhas gyur kyang // de nyid gshed 'gyur snying bral na// nges par rdo rje khab tu lhung // 'gyogs 'gro so mtshams 'da' ba 'dra// 'khor ba ga ting du lhung 'gyur nas// dam pa de la ma brten par// thar pa'i skabs ni mi srid do// rdzogs chen rna ba rgyud man ngag la// bla ma'i man ngag mi ldan par// log rtog shes par spyod pa ni// nges par ltung 'gyur the tsom med// rang bzhin ngan pa'i mi rnams la// thos chung sgra la goms med dang // theg pa dman pa'i skye bo dang // rdo rje slob dpon smod pa dang // rdo rje spun la 'khu ba dang // rang gsal don la skur pa dang // khe grag che ba'i rgyu ba slu ba dang // chos la dgag sgrub byed pa dang // don med sgra la gnyer ba dang // don med slob dpon dbang 'dod la// nam mkha'i mtha' dang mnyam pa'i rgyud// yang gsang thugs kyi man ngag 'di//
- 157a
sabya// bshad kyang nges par ba shad byas na// dam shod gling gi dur khrod du// Da ma ru la 'du ba ltar// mkha' 'gro rna nyan 'dus pa yin// 'chi pa'i dus med sngon rol du// sha khrag mngon du zos pa dang // mi bzad drag po sdug bsngal gyis// 'chi dang nges par srog bcad nas// rdo rje khab tu nges par 'gro// byang chub sems dang ma ldan na// thar par mi 'gyur skyabs dang bral// de phyir nges pa'i dbang thob pa'i// rgyal sras nges pa gcig la gtad// ces gsungs so// nam mkha'i mtha' dang mnyam pa'i rgyud chen po las/ rig pa gsal byed dpa'i le'u ste drug pa'o// // de nas sems dpa' rdo rje des/ rdo rje sems dpa' chen po la 'di skad ces gsol to// dus gsum sangs rgyas thams cad kyis// ye shes chen po rang shar bdag/ 'phrul tshig sgra yis mtshon pa'i phyir// brjod bral rig pa'i ngo bo la// sngon byas gdam ngag rim pa yis// gsal bar nges par gsung du gsol// zhes zhus so// de nas rdo rje sems dpa' chen pos 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// rdzogs chen thugs kyi glong gi bcud// dmigs dang thabs gsol gnang ba
- 157b
'di/ skyon yon rim pas brtag pa gces// nam mkha'i dbyings kyi gter 'chang zhing // rang rig gsal ba'i mi g.yo thugs// ma bcos 'od gsal 'od la bzhugs// mi gnas rtog bral rtsi'i mi dgongs// bsam bral spyod med don mnga' zhing // rig pa ma bcos dbyings la 'jug/ bsam med rig pa'i gdeng gis gnas// / bsam med spyad med sa la ba// dmigs med don la rtag tu bzhugs// rgyal thabs tshangs pa'i man ngag gis// 'khor ba ma bcos gnas su spar// gtad 'dzin bral ba'i blo yis ni// rnam rtog ye shes snying por mkhyen// sgrib pa gsal ba'i ye shes la// bcos med rig pa'i blo yis 'jug/ snying rje thabs mkhas spyod pa yis// ma lus ma bcos rig par gas la// gang dang gang gis thabs nyid kyis// bsam pa de de rims sbyar nas// mos 'jug tha dad dbang gis na// dus gcig 'gro ba byang chu pa las// spros bral rig pa'i dkyil 'khor la// bcos med rig pa'i sems kyi gnas// byar med lhun grub 'a phrin las la// bya ba tshul med par rang bzhin gnas// de bzhin nyid kyi dbyings nyid la// ma bgrod lam kun rdzogs par gas la// 'phrul tshig rig pa'i sgron ma yis// bsam pa'i
- 158a
b+he brag ji bzhin gsal// dbang dang byin rlabs thabs ldan zhing // rdo rje mchog gi rnal 'byor ro// yon tan bcud 'dzin rdo rjeg dam par gnas pa'i gang zag gis// g.yo sgyu ma dang sems bral zhing // 'bab chu dge slong tshul 'dzin pa// sgo gsum dran pa'i sgo nyid nas// lus dang ngag sems yo byad dang // zhing dang bran pho bran mo dang // chung ma ga ser dngul rin chen lnga// bu dang bu mo rkang 'gros 'bru// 'phangs med bsam pas gtang bar bya de nas spyod dang bsnun pa dang // ba yu lde dang nyams bskyed dang // yun rings dam pa mi gdags pas// grags pa gsol dang bsnyung bar bzhag/ gang nis de la dbo ba da / las len spyod par bawA pa dang // bkru dang phyug bag ma rlung 'bru dang // slos dab rgyad gsod man 'dor dang // thams cad bka' migacig pams// dam bco brgyad spyad byas nas// mgon porang gsal thums mang 'a zhing // rang gsal 'od la ma nyam drug nas// spos mang du yis gats+tshag tu// rdzogs chen rang rigags la 'dun/ khyod kyi ye shes snying po la// rang rig gis ni mtshon pa'i phyir// ma brjod rig pa'i gsung gis ni/ bdag la rig pa'i don gsam mdzod// rangs
- 158b
gsal nges rtogs pa'i// ma bcos rig pa'i bu khyod la// btsal med rig pa nges bstan gyis// blo yi ga ting du go bar byos// gal te dam tshig 'das pa la// gsang ba'i ye shes bshad dam brjod// rdzogs chen rna brgyud 'di bstan na// bul ba ri yi 'bru bzhin du// de ma thag tu brlag pa dang // mkha' 'gro dam can 'dus 'gyur nas// dur khrod 'bar ba'i ro gling du// gcan gzan 'dus nas btod bzhin 'gyur// rdo rje bla ma long ba nyid// nges par yang yin gnas su 'gro// de la brten cing lam ltos pa// smos ci dgos te rig dang bral// rig dang ldan des sngon 'gros sbyangs// yon tan kun tshang bu mchog la// dbang bskur byin rlabs nyams byin nas// nyi ma stong gi 'od ltar 'gyur// kun gyi dbang bskur gnas thob nas// ye shes rang gsal 'od la zhugs// bde ba phrag brgya'i ro myong nas// de nyid tsam gyis rdzogs sangs rgyas// btsal med gnas pa'i rnal 'byor la// lung du zhugs pa'i rig pa yis// bcos med 'od gsal nyid du shar// nam mkha'i mtha' dang ma nyam sbyor bas// yon tan grangs med snying por rdzogs// de ltar bla ma mnyes byas nas// rin chen dpal be'u'i sgo phye nas// gang ltar yin pa'i thabs yin gyis// rin tshon ngo sa bstan drod tshad
- 159a
bshad/ rgyud pa thabs kyi me long gis// mngon gsal rin chen 'bar ba la// mtshon cing rtag pa ma yin yang // 'dul dbang ngo la de ltar gsal/ thig le 'od gsal ting 'dzin gyis// tha dad mi gas la gcig la gnas// gnas med rang gsal ye shes pas// 'bab chu 'dra ba'i man ngag sbyong // mi gnas drag po'i glong nyid la// glang chen stod pa'i man ngag sbyin// 'dir yang mi gnas 'gro ba la// glang chen phyal pa sbyin par bya// 'dzin med ya la ba'i gang zag la// gzugs ldan rig pa'i man ngag sbyin// thabs dang shes rab rtag 'chang bas// kha sbyar ba ru'i man ngag sbyin// skal med dbang po dman pa la// shin tu gdams pa'i man ngag sbyin// phyi nang gsang ba'i gang zag la// bgrang dang gzung dang brtag pa dang // thung mong rlung gi man ngag sbyin// blo ldan rtogs pa'i gang zag la// 'phrul gyi me long man ngag sbyin// chags zhen 'dod pa'i rig can la// rin chen bde skyil man ngag sbyin// rtag 'dzin de nyid rig can la// ngo bo rtag pa'i man ngag sbyin// shes ldan dbang po dul ba la/ brda ldan rig pa'i man ngag sbyin// yul la zhen pa'i gang zag la// dbang po brtul ba'i thabs kyis bstan// tshig la dga' ba'i gang zag la// sgra la brtag
- 159b
pa'i man ngag sbyin// rgyun du ma nyam gzhog 'dri ba la// spyod lam rgyun gyi man ngag phog/ blo ldan skal ldan yang ra ba la// chu bsres lta bu'i man ngag sbyin// 'dzun rtsol bral ba'i rig pa la// 'jug med rig pa de ltar lta// 'od gsal ma bcos dang du gzhag/ rjes mi 'brang zhing yul mi 'tsho la// rang gsal skyon bral cis mi 'khrug/ rang la mi bsam dbyings mi 'tshol// 'dod shes kun bral gsal ba'i 'od// phyogs bral kun khyab dmigs su med// de dogs bsam spyad mtha' las grol// phyogs bral nyi 'od 'bar bltar// byin rlabs yongs su khyab par brda la// nor bu rin chen 'bar ba ltar// kun la de ltar nyid du ston// btsa la bral rig pa'i rang gsal la// 'byung 'jug 'dzin pa kun dang bral// zhes gsungs so// nam mkha'i mtha' dang mnyam pa'i rgyud chen po las/ don nyid la dbang ba'i le'u ste bdun pa'o// // de nas de bzhin gshegs pa rdo rje sems dpas 'di skad ces gsol to// dus gsum rgyal ba thams cad kyi// sku gsung thugs kyis khyab pa'i sku// rnam par rtog pa mi mnga' bar// mtshan ma ye shes nyid sbyangs nas// ngo bo rang gsal rig pa yis
- 160a
nyams rtags nus parnyas pa rnams// rang gsal nyid du dz+hak+Sha rgyu phyir// mgon pos bdakal brnyan du gas la// nas gas btAthA ga/ de nas de bzhin gshegs par byas pa'i rdo rje sems dpas 'di skad ces gsungs so// kyi sems dpa' chen po/ ji ster snang ba thams cad dun rang rig ye shes dkyil 'khor la// rnag pa'i tha skad kun dang bral// phyogs bral mnyam pa'i dkyil 'khor las// gang sbyar bsdus pa de ltar gas so// me kun+d+ha bral nyak+Sha gcig pu// ye shes gsang ba'i ngo bo la// brjod dang snang ba'i chos so cog/ rang gsal ye shes rdzogs pa'i dang // gnyis med gtsug gi rang bzhin la// mtshan ma'i tha snyad kun dang bral// rang gsal thabs kyi me long la// 'gag myed kun gyi gzugs brnyan 'char// de nyid ma bcod rang gsal zlum// sgro bral rig pa'i gdung la gnas// ma bcos rang gsal mkha' ltar dag/ mi gnas nam mkha' lta bu'i tshul// gdod nas dag pa'i chos kyi dbyings// rang rig rang gsal dbyings la zhugs// mtha' dang dbus bral gnyis med lam// ma chags dag pa rig pa'i gnas// 'od gsal kun gyi
- 160b
gzhal yas la// tshad dang dpags pa'i tshul las 'das// mi bsam mi spyad rang shar mchog/ rig pa mi 'gyur dag pa'i sku// brjod med rang gsal khyab bdal gsum// yon tan 'phrin las btsal du med// bya bral brjod med chos kyi dbyings// kun la gsal te 'du shes med// rig pa ma bcos 'dzin rtsol bral// ji ltar mnyam nyid rig pa'i glong // gsal ba rang rig dkyil 'khor la// 'jug med rig pa cig car gsal// gsal dang mi gsal 'dzin mi 'dzin// tha snyad bcad pa'i shes pa'o// rten dang bral ba'i rang bzhin gyis// cir yang gsal la dmigs su med// rang gsal rig pa'i bden pa ni// mtshan ma'i sgra yis mi mtshon te// nyams myong gsal ba bstan med lung // dga' ba'i ro dang mtshungs par gnas// rig pa'i gzhal yas rgya bral nas// mtshan med 'od gsal rtag tu bzhugs// ji bzhin lung la ji bzhin 'jug/ nyams pa med pa'i sems kyis gnas// gang du'ang mi gsal gcig tu gas la// gcig pu rang gsal ye shes dang // rig pa spyi blugs rang 'char pos// yul dang yul can tshul mi gnas// rang la mi gsal gzhan la gsal// gnyis ka ma
- 161a
yin mtha' bral lung // sgro skur ga nyis bral dag pa la// bslad med rang 'byung dang la 'jug/ rig pa rang gsal nyams ldan na// mtshan ma dag la dga' brod med// 'jig dang mi 'jig chos med do// ci la 'jug pa'i yid mi 'byung // gnyer med chu klung rang gsal la// g.yo med spyod lam rtag tu gnas// dmyal ba'i 'khor lo mi bzad pa// rang gsal ye shes dang du mkhyen// rig pa spros bral chos dbyings la// sdug bsngal drag po mi bzad dang // bde ba'i longs spyod ci byung ba// gnyer med chu klung rang gsal la// ye shes rol pa nyid yin pas// rang gas la gnyis med dang du gsal// rang 'byung ma skyes shes rab kyi// rig pa ra dpang rgyal po des// gnyen bsam med pas phul du byung // gzhan gyis shes rgyud grol bar nus// gnyis med ye shes chen po la// gnyis 'dzin rig pa rjes mi 'jug/ 'od gsal bde mchog ma yin pa// rnam rtog mtshan ma'i chos mi gnas// mya ngan 'das la mi phyogs shing // 'khor bar skye ba'i sems mi gnas// bar mtshams med pa'i ting nge 'dzin// 'dzin med blo yis gsal bar gnas// yangs med 'du 'bral mi gnas pas// bcos med snying por
- 161b
snyun gyis grub// nus pa'i bye brag mtha' yas te// rdo rje rin chen 'bar ba ltar// ma lus zi la gnon gcig pur ro// nyi ma'i snying po 'od bzhin du// 'khor ba ye shes rang gsal dang // gser rdzas kha dog dbyibs bzhin du// dge sdig las kyis bcos min no// 'dab chags nam mkhar gnas pa ltar// 'khor ba'i gcod rong lam du bde// sgyu ma'i rlo 'phral ji bzhin du// rang gis ngang las g.yos med gnas// 'gro kun 'dren pa'i mthu yas ni// ngan par ma ltung byin gyis rlobs// rang gsal nus mthu bsam mi khyab// ye shes rang gsal 'gro 'ong med// thugs rje rang gsal phyogs ris med// ting 'dzin rang gsal dmigs dang bral// rang gsug nyid la nyid mi 'jug/ 'ching grol med pa'i rang gsal la// rnam rtog spyod pa'i rlung mi gnas// gsal ba mar me'i tshul nyid la// 'du shes med pa'i sems mi 'jug/ ta tsir yang mi bsam cir mi dgongs// gang yang ma yin de ltar yino// mtha' bral nam mkha' rdo rje la// dmigs gtad 'jog pa nor ba'i lam// ye shes snying po nyi ma shar// rang snang rig pa gter la rdzogs// mtha' dang dbus dang phyogs bral ba// de dag mnyam pa'i sems mi 'jug/ 'jug tu med pa'i
- 162a
'od gsal la// gnyis med rig pa gcig gis 'jug/ ji ltar chu la chug zhag ltar// gnyis med gnas tshul de ltar gzhag/ 'khor ba ye/ shes snying por gsal// 'khor ba sel bya'i nyi ma la// mtha' yi mun pa gdod nas stong // ye shes gsal ba'i nyi ma ni// kun tu gad la la dmigs dang bral// ci yang ma yin thams cad yin// phyogs ris med pa'i thugs rje ni// nam mkha'i mtha' ltar kun tu brdal// ye shes rgya mtsho mu mtha' med// grol ba'i dkyil 'khor yongs rdzogs ldan// rang bzhin bcos med snying po'i sku// ma 'phros nyi ma'i dkyil 'khor ni// btsal med nam mkha'i ngang la gnas// ji bzhin nam mkha'i dkyil 'khor ni// bcos med rang bzhin dang la gsal// mngon par mtho ba'i spyi gtsug la// mtha' yi lta bas reg tu med// bcos dang ma bcos de nyid mtha'// dbus mtha' med pa'i de bzhin nyid// gang la'ang mi gnas dbyings na gnas// dbyings ni ma bcos zhi ba'i sa// gdod nas zhi ba'i rang bzhin la// stong dang mi stong 'du shes bral// ma bsam pa nyid bsam pa'i mtha'// mtha' dbus bral ba'i ye shes la// mtha' dbus yod med skad mi gdags// skyon med ye shes 'od po che//
- 162b
'khor ba rang gsal nyid du 'bar// kun 'byung nam mkha' lta bu'i ngang // snang srid ye shes gsaya ba'i gnas// gang dag ye shes spyir gsal nyid// ye shes gsal ba'i 'khor lo las// ma rig sgrib pa ye nas med// kun bzang rig pa'i 'khor lo ni// ci yang ma yin 'gags pa med// bsam dang bral ba'i chos nyid la/ bsam zhing spyad pas yul mi bskyod// rang bzhin lhug pa'i ting 'dzin la// sems kyi 'phro 'du las mi byed// rang grol glong la ye gnas pas// bcos med byang chub mchog gi ngang // gang ltar 'gyur pa'i rang bzhin ni// rdzas su med de de ltar snang // rang snang sems kyi dkyil 'khor la// thar pa'i dkyil 'khor 'bu mau phrag yas// ma pa grod ye shes da byings la gnas// mi bsgom rig pa gcig char 'jug/ rang sems gsal ba ma yin pas// ga nyis mad bral ba'i chos mi gnas// rol pa 'gag med cir yang 'byung // rig pa spros bral dbyings la 'dus// brjod pa sgra yi 'khor lo can// skra yis don nyid dbyings la 'bigs// kun 'dus sems kyi me long la// 'dzin bral rig pa cir mi dgongs// rang gsang thabs kyis mchod pa la// ye shes gsal ba'i don mi snang // zhes gsungs so// nam mkha'i mtha' dang
- 163a
mnyam pa'i rgyud chen po las/ rig pa rang gsal gyi le'u ste brgyad pa'o// // de nas sems dpa' rdo rje dam pa des/ de bzhin gshegs pa rdo rje sems dpa' la 'di skad ces gsol to// kye ma'o sangs rgyas thams cad kyi// rig pa'i ye shes gsal ba la// gnyis med dag pa'i don mi snang // gang phyir sgrib pa bshad du gsol// zhes gsol pa las/ de bzhin gshegs pa rdo rje sems dpas 'di skad ces gsungs so// ye shes gsang ba'i rang bzhin la// rnam rtog dra bas so sor bcings// de nyid rang shar ma rtogs pas// log pa'i grong khyer nyid du lhung // zhes gsungs so// kye sems dpa' chen po/ sangs rgyas kun gyi ngo bo nyid// gnyis med ye shes gsang ba'i don// nam mkha'i mtha' dang mnyam sbyor ba// ye shes kun snang me long ni// 'khor min mya ngan 'das pa min// ye shes 'od gsal rig pa'i mkha'// sangs rgyas sems can thams cad la// rang gsal rig pa'i ye shes ni// kun la khyad par ye nas byung // gang yang ma yin de bzhin nyid// chos nyid kun bral 'gyur dang bral// rtog bral ye shes snying por gsal// dper na chu ru gcig pa la// rkyen dang 'phrad dang ma 'phrad kyi// nus pa so sor snang ba ltar// rgyal ba'i ye shes rang gsal la// rtog da ma rtogs khyad
- 163b
par de// dngos la de dag mi dmigs kyang // bsam pas 'dul ba'i ngo bo grags// rang gsal rig pa'i mthu med pas// 'jig rten 'das dang 'jig rten pa'i// lta ba'i khyad par bsam mi khyab// dngos la 'od gsal rig par 'dus// ji bzhin rig pa'i mthu med pas// bdag dang byed pa'i dbang phyug dang // rang bzhin dus dang glo bur tshur// yod med rtog ba log pa'i chos// de la de dag kun dang bral// dge dang mi dge rnam phye nas// blang dor byas pas mthon por 'thoms// gong 'og tshul gyi rim pa can// thob 'dod byas pa nga la ba'i rgyu// bden bzhi bcu drug lam brten nas// nyon mongs rnam par spangs byas te// rgyun zhugs la sogs rim thob pa// byis pa ngal ba don med yin// rten 'brel dgag pa'i rgyur byas nas// srid pa'i 'khor lo dgag ces pa// dgag bsgrub med pa'i don dang 'gal// gnyis med don la sogs bzung nas// bskal pa grangs med gsum nyid du// sa bcu lam lnga pha rol phyin// sbyong zhing gnyis rtog spong len can// rang sa thob kyang mthar ma phyin// gnyis med rang gsal don las nyams// chos dbyings ye nas gcig pa la// dag pa nyid dang ma dag pa// spong len ye shes gzung 'dzin gyis// rdo rje 'dzin thob 'bras mthar phyin// 'od gsal kun mkhyen don ma rig/ ye shes
- 164a
gsang ba'i don ma rtogs// rgyal thabs rig pa'i dbang ma thob// gnyis med rang gsal nyag gcig la// nges med gnyis kyi cha 'dzin gyis// 'dod la nges pa'i 'bras bu gcig/ 'dod pa 'khrul pa rig can de// gnyis kyi gnyis med ji ltar nyid// 'ching bus gser bu ma mi gcig dang // nges pa med pas khe bor 'dra// ye shes gsal ba'i don la sgrib/ khyin rlabs snang ba cho ga dbus// dkyil 'khor bskyed dang bzlas pa dang // ting 'dzin gsal ba'i rim pa yis// stug po bkod pa'i sa 'dod pa// rang gsal don la rtog pas sgribs// rang 'byung nyid la rgyu yis bskyed// ye shes skye 'gag tshul du brtags// ye shes rang snang don dang 'gal// skyed pa rnal 'byor chen po yis// bskyed rdzogs bzhi yis mnyam sbyar nas// rig pa 'dzin pa'i lam la gnas// dbang sgyur ye shes dkyil 'khor gsal// sku gsung thugs dang gzhal yas khang // spyan drangs bzlas bstod mchod pa yis// rim pas rnam rtog kun sbyangs nas// 'bras bu 'dod pas don mi rnyed// rig pa'i ye shes gcig po la ting 'dzin gsum gyi mdud pas bcings// mtshan med rang gsal dkyil 'khor la/ zhi dang khro bor su yis phye/ ye shes kun bdag brdal ba la/ byon dang
- 164b
ma byon 'khrul pa'i chos// khams gsum ye shes rang gsal la// 'phro 'dus sgrib pa sbyang mi dgos// ma skyes byang chub snying po la// skye ba bzhi pa'i lhar skye 'khrul// dus gcig ye shes rang gsal la// rim skyed bde bas mtshon du med// rlung bzung dgag dang bgrang ba dang // thun mong nyid kyi sems sbyangs nas// rdzogs pa'i sems lA ma nyam sbyor bas// ye shes rang gas la don mi rnyed// ye shes 'dus pa'i rtsa ba gsum// me long bzhi brtsegs 'brel pa las// 'byed 'dzums drag tu bskul ba yis// nam mkha'i dkyil 'khor 'ben la phog/ ye shes 'bar ba'i 'od nyid kyi// mthar thug med pa kun bkug nas// ye shes thig le gcig tu 'dus// rin chen 'phrul gyi lu gu rgyud// shel ltar dag pa'i thig le can// khams gsum 'od kyi khyab bdal nas// slar yang ye shes snying por thim/ bdud rtsi nam mkha'i khams bkang nas/ bde ba phrag brgya'i ro myong nas// nam mkha' bdud rtsi 'byongs pa yis// stong chen 'od gsal nyid brda la yang // 'di yang bcos ma log pa'i lam// g.yo med dbang dbyings dkyil 'khor te// gru gsum e yi dbyibs ldan gnas// de steng rin chen 'khor lo ni// me long brtsegs pa'i tshul du gnas// sum cu gnyis
- 165a
gnyis ldan pa yis// dbus su bsil ba'i sa bon can// zhi ba'i 'khor lo rnam par bskor// gnyis pa 'dab brgyad dang sa mar bstan// chos dbyings ye shes rang rgyud de// yon tan gsum gsum re re'o// 'od zer zlu ma dang pu tri au// za 'og gur phub tshul du'o// mthing ka shal gong brgyus tshul la// sbru la mig lta bu a pri hUM// dmar nag zla kham ga zhu yi dbyibs// bri du oM du shes par bya// ma rtogs 'gro drug sems can la// rtogs pas sku gsung thugs nyid du// gnyis med bsres pas ye shes yin// rnam bzhi shes pa brgyad kyi rten// sgyu ma'i tshul gyis shes par bya// snying po sa bon 'od 'bar nas// mi shig thig la snying por gnas// dbugs sogs rang bral gyur pa'i sa// ye shes gdal khyab sa la gnas// bcu gsum gnyis kyi dkyil 'khor nas// ye shes gsal ba'i dkyil 'khor spros// bcu drug 'khor lo mtshon sbyar nas// thur du phro zhing gyen du 'khyil// bcu dang gnyis bzhi chos kun ni// lngar gsal ye shes ro nyid do// gzungs ldan chos kun phyag rgya la// byin rlabs dbang bskur cha rdzogs la// khyud sbyor rig pa'i bde ba'i ro// 'byung dang 'jug pa gnyis kyi cha// brgyad gnyis bzhi gnyis bcu drug gnyis// rang gsal lhan
- 165b
cig skyes pa de// 'dod chags bde ba'i ting 'dzin bde// ye shes rang gsal rkyen bral lung // rgyu rkyen bral ba'i don mi rnyed// rgyan dang cha yi tshul bzhin 'phags// rjes su rnal 'byor tshul gyis ni// dbyings dang ye shes rang bzhin gyis// rgyu 'bras dag pa'i tshul du blta// 'od kyi ting 'dzin stobs kyis ni// rdo rje sems dpa'i sa la 'gro rang sa 'bras bu mngon thob kyang // mthar thug 'bras bu de la med// 'di kun 'jig rten lam yin de// rtsol bas rang gsal don mi rnyed// gnyis med dang la gnyis bar zung // rang gsal dang las mdun par 'khyams// rgyu rkyen bral las rgyu 'bras ltas// ma bcos dang las 'dzin pas bcos// bgrod med dang las lam gyis bgrod// gcig la bdag gzhan gnyis kyis gzung // 'di kun ye shes don la sgrib// khams gsum 'khor bar de yis ltung // kun 'dus rang gsal nyag gcig las// cir ltas rang gsal dbyings la thug/ gza' gta 'dzin bral chos kyi dbyings// rang la mi rtog de mi rtog/ 'jug med rig pa cig car skyes// kun gsal mtshan ma rig pa rdzogs// gang du mi gnas kun la son// zhen pa ma bcos dbyings gsal bas// 'khor ba ye sangs rgyas par mkhyen// snying rje 'du shes yul med la// gdung med rang bzhin
- 166a
khyab par gsal// yul dang shes pa 'gyur 'jug med// rang gsal ya shas me long la// dmigs 'dzin bral ba'i ye shes kyis// dus gcig thug phrad nyid du 'jug/ gang la mi gnas rang la gnas// rang yang dmigs yul rnam bcad nas// rig pa sgra la rten mi 'cha'// dbang po yul gyi rjes mi 'brang 'di ltar gsal bar ma rtogs na// gang ltar brtags pa de ltar min// zhes gsungs so// nam mkha'i mtha' dang mi nyam pa'i rgyud chen po las/ gang gis gang la sgrib pa'i le'u ste dgu pa'o// / de nas yang sems dpa' rdo rje dam pa des 'di skad ces gsol to// btsa lo bla la ye shes snying po la// phun sum tshigs par gsal ba de// khyad par ma 'dres gsal ba ru// mgon pos bdag la bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ chos nyid rang 'byung byang chub sems// rang 'byung rang rig dkyil 'khor la// gnyis med ye shes chen po la// rnam dbye bsdu ba mi gnas na// rig par don la 'jug pa'i phyir// dngos dang bsam pa phye ba yis// gang ltar 'tshams pa de ltar bstan// ngo bo mthong tshul gnyis kyis so//
- 166b
rang rig ye shes ma yin pa// rnal 'byor bcad pa'i chos mi gnas// sku gsum rig pa'i glong du rdzogs// gnas ni spros bral rig pa ste/ bstan pa rang gsal me long yin/ 'khor ni rig pa'i cho 'phrul te// bstan pa rang gsal me long yin// dus ni bsam gyis mi khyab pa/ sdud pa kun 'dus rig pa'i gter// rang gsal rang las ma yin pa// phun sum tshogs pa mi gnas te// rig pa 'pho 'gyur med pa'i gter// bsam gyis mi khyab dus na shes// kye sems dpa' chen po/ ston pa chos sku'i zhing khams ni// nam mkhas gar khyab chos kyi gter// chos nyid sems nyid dbyer med pa// chos sku'i zhing khams nyid du bshad// gnas ni rig pa'i 'og min te// spros bral 'bar ba'i gzhal yas khang // mtha' dang dbus med ye shes khang // sems can sangs rgyas kun gyis gnas// ston pa rang 'byung 'od gsal bas// rdo rje sems dpa' chos kyi rje// brjod med rig pa'i ngo bo yis// 'gro 'ong med pa'i chos kyang ston// spros med byin rlabs phyogs bcur brda la// rig pa rang gsal ngo bo ni// ma gsungs byin gyis pa rla bas kyis pa shad// rang gsal chen po'i ya shes su// rang gis rig pa shags kyis go/ 'khor ni sangs rgyas nyid
- 167a
yin pas// gzhan rnams gnyis pa'i chos mi gnas// 'od gsal rig pa'i gdeng gis 'khor// bkod pa med pas 'dus te gnas// thams cad ye shes snying po las// nyid la 'chad cing nyid kyis 'grel// ye shes snying por kun 'dus pas// de nyid byang chub sems kyi 'khor// sdud pa rang gsal gnyis med glong // kun kyang rig pa'i 'od la 'dus// gnyis med gsal ba'i rang bzhin la// ma 'dus pa yi chos mi gnas// dus ni thams cad mnyam pa'i dus// rang gsal ngo bo thog mtha' med// rang 'byung byang chub sems nyid la// dus gsum khyad par gcig tu 'dus// bstan pa chos kun rang gsal lo// ma bcos ma bslad 'gyur med glong // gnyis med rig pa'i ye sheso nyid// rang snang tshul gyis gtan la 'bebs// ma bcos rang bzhin gzhag pas go// nang ba gnyis gsum bstan pa sgrogs// cig car 'jug pa'i tshul gyis rtogs// gang yang mi mkhyen gsal mkhyen pas// ye shes rang snang gsal bar mkhyen// ston pa rdzogs longs spyod pa dang // longs spyod nam mkha'i mtha' ma nyam ste// sku gsung thugs kyang mu mtha' med// zhing khams de ltar khyab pa'o// gnas ni 'og min chen po
- 167b
ste// spros bral rig pa'i byin rlabs las// ye shes rgyun gyi gzhal yas khang // phyi dang nang med ye shes gsal// ston pa rdzogs longs spyod pa yis// rang 'byung mtshan dpe rang la chags// bde ba kun la mnga' mdzad cing // ye shes dmigs pa'i ngang tshul can// 'khor ni rang rig nyid 'jog pas// sa bcu dbang phyug 'khor nyid la// kun kyang mtshan ma mnyam pa'i tshul// rang gsal don la 'jog pa'o// sdud pa gsang bdag rdo rje 'chang // rgyal ba kun gyis dbang bskur ba// rig pa'i yeng shes dkyil 'khor du// sgra bral bstan pa rgya mtsho sdud// dus ni mnyam gzhag rig pa'i dus// rang gsal dang las ma g.yos par// mnyam nyid rang grol rig pa'i dus// 'di zhes nges par bstan du med// bstan pa phyi ba'i gsang sngags gsum// dgongs par byin rlabs brgyud pas bshad// ting 'dzin gsal bas nyan cing go// rang gis ngo bos bstan par bshad// longs spyod rdzogs pa'i bstan par bshad// thugs rje'i rang bzhin sprul par bshad// zhing khams sprul pa'i nam mkha'i khams// yang na stong gsum 'jig rten te// 'dul ba'i ngo la de ltar grags// gnas ni nges med mtha' yas te// rigs drug rang 'thad de nyid la// rdo rje gdan sogs mtha' yas
- 168a
par// grangs med par gnas de nyid do// thub pa'i dbang po grangs las 'das// mdor bsdus snang ba ye shes drug/ 'dul dbang longs spyod spangs tshul gyis// 'gro ba 'dren mdzad sgron ma'o// 'khor ni lam nyes thob pa dang // 'gro drug sems can de dag dang // dge slong la sogs sna tshogs gzugs// sna tshogs 'dus pa'i 'khor tshogs so// sde snod gsum gyi tshul bzung nas// mos pa tha dad dbang gis na// theg pa chung ngu rim pa yis// gang ltar 'tshams pa de ltar bstan// kun kyang byang chub sems la nyan// bcos med rang byung 'od la 'dus// ye shes gsang ba'i ngo bo la// ji ltar snang ba de ltar yin// gsang ba'i// me long gsal ba'i mdzod// nyi ma'i snying po'i 'od bzhin du// gsal lo yul dang rnam par bral// thams cad dang las gzhan ma yin// rang nyid bsam brjod yul las 'das// ma rtogs thugs rje mkha' ltar brda la// nam mkha' 'dzin pa'i 'du shes med// ston pa nga la bstan pa nga // nyan pa'i tshogs pa sdud pa nga // rang gsal nyid la rang nyid gnas// gang yang ma yin 'od gsal yin// ces gsungs so// nam mkha'i mtha' dang mnyam pa'i rgyud chen po las/
- 168b
phun sum tshogs pa'i le'u ste bcu pa'o// // de nas sems dpa' rdo rje dam pa des 'di skad ces gsol to// bdag cag 'dus pa'i rig pa'i tshogs// ye shes gsal ba ji ltar brtag/ rang 'byung rig pa'i 'khor lo las// rmad byung rol pa ji ltar 'char// ye shes nyi ma bcom ldan 'das// rang 'byung don la bshad du gsol// zhes zhus so// de nas bcom ldan 'das rdo rje sems dpa' de bzhin gshegs pas 'di skad ces gsungs te/ kye sems dpa' chen po rang 'byung ye shes rgyu rkyen bral// gdod nas rang snang 'od kyi mchog/ gang yang ma yin kun la gsal// phyogs med thugs rje kun 'jug la// phyogs 'dzin mi mnga' rtog mi mnga'// mkha' gsal nyi zla'i dkyil 'khor bzhin// tha dad bsam pas 'dul thabs kun// rang 'byung rig pa sems la bzhugs// chos dbyings bya bral rdzogs pa'i lung // gsang mdzod rig pa thugs kyi gter// sku gsung thugs kyi bde ba'i mchog/ kun brda la rig pa'i glong du son// lha med ye shes rang gsal ni// yul med spros bral ji bzhin nyid// rang snang rig pa'i 'khor lo la// yul med rang shar rig pas mthong // bsam bral rig pa cir mi dgongs// gza'
- 169a
bral dbu ma'i lam po che// ji ltar ma yin de bzhin nyid// de ltar rig pa nyid kyis gsal// cis kyang ma bcos de bzhin nyid// rags 'dzin pa'i rnam rtog la// mtshan ma rnam grangs ci skyes kyang // de nyid 'od gsal dag pa'i mkha'// gnyis med rang gas la gcig la son// mthong ba'i skabs na don mi mthong // mi mthong ba yis don mthong ste// gnyis ka ma bcos rang rig la// mthong dang mi mthong rjes mi spyod// thams cad byang chub sems nyid la// log rtog rtsol ba chos mi gnas// rang 'byung mtshan mar mi 'jug pas// gang ltar gsal dang dmigs dang bral// 'byung 'jug med pa rnal 'byor gyis// ji bzhin nyid kyis don la rtog/ lta bral gzigs med ye shes spyan// chos rnams byang chub sems su gsal// byang chub sems nyid 'od gsal bas// mtha' dbus med pas gcig tu gnas// 'dod lnga yul lnga chags sdong lnga// cir snang sems las gzhan med pas// de nyid ma yin gzhan ma yin// 'khor ba ye shes 'od du 'bar// rang gsal 'jug med rig pa yis// mthong 'jug med pa'i ngo bor brtags// phyogs med gsal ba'i ye shes kyis// phyogs su
- 169b
blta ba zil gyis mnan// dang po sems la rgyu ba med// tha mar skye 'jig mtha' las 'das// rang 'byung rdo rje skye 'gag med// dus gcig rdzogs par rim skye med// skad cig med de rgyun dang bral// rig pa rang gsal mngon sum la// rjes dpag rim pa rdzun gyis bslus// de kho na nyid rang gsal lung // rgyu rkyen byang chub sems nyid las// ye shes 'khyil ba'i 'khor lo can// cir yang 'phrul lo thams cad gsal// nam mkha' rang gsal dbyings la gnas// snang srid bde sdug 'khrul 'khor la// rig pa ye shes 'khor lo zhugs// rang 'byung dang la gzhan pa ma ni// 'du 'bral med pa rang la thug/ khyab brda la rig pa kun tu bzang // gang ltar gsal ba de ltar yin// slong yang chu bo 'du 'phro zhing // ma 'dres yongs rdzogs gcig tu gsal// nam mkha' gsal ba'i gzhal yas su// rig pa mchog gi 'od brdal nas// rig pa rang gsal mchog tu brtags// brda don phrad nas gsal bar shes// mchog tu gsang ba'i chos 'di ni// snang med rig pa mchog gi dang // rtog cing spyod pa'i yul las 'das// spros bral mtshan ma cir mi rtog/ snang dang srid pa'i chos kun ni// dang por skye med rang nyid la// bar du rtog cing spyad las 'das// tha ma rang gi mtshan
- 170a
ma med// gsum ka ma skyes chos sku'i ngang // yul dang dbang po spyod pa dang // myong tshor so sor ma 'dres gsal// rang 'byung rang la cir yang 'byung // longs spyod rdzogs sku'i rang bzhin gsal// kun la khyab cing don byed nus// dpag med sna tshogs rig par 'char// rang la sprul cing rang la mdzad// rang 'byung rig pa sprul pa'i sku// skye 'gro phyi nang ma lus pa'i// gzugs ni phra rags gang yang rung // rmad 'byung sku yi rol par shar// ye shes 'od gsal mchog gi sku// sgra skad rab 'bring ma lus pa// gsal stong rig pa nyid kyi gsung // gang brjod tshig 'das gang dang bra la// brjod bral mi g.yo brjod pa nyid// dmigs bral mtshan ma'i rtog mi 'jug/ chos sku snying po mchog gis gsung // brda ma jal nyams myong gsal rig cing // nges skyes the tsom rnam par bcad// brda yis don go gnyis med pa// rdzogs longs spyod pa'i gsung du gsal// tha snyad ma 'dres don byed nus// don dang 'brel cing khyab par gsal// kun dang mthun par rang brda phrad// sprul pa'i gsung du rang bzhin brdal// brjod bral tshig gi rang bzhin gyis// rang 'byung kun la khyab par gas la// rmad 'byung rang
- 170b
gas la go ba'i sgra// ye shes rol pa'i gsung du shar// dran rtog rig pa cir mi lta// rnam grol rang gsal cir mi dgongs// mtshan ma rnam par rtog dang bral// gnyis med rig pa mchog gi thugs// sna tshogs rang gsal pad 'gyur zhing // ci yang ma yin gang yang gsal// 'od gsal bde ba'i lam la zhugs// bde chen thugs te khyab par brda la// sna tshogs 'brel pa gang yang min// gcig tu ma ge nas khyab par gsal// kun dang mthun pa'i dgongs pa can// rang la rang byung sprul pa'i thugs// mi g.yo mi gnas rang du min// rdo rje sems dpa' nam mkha' che// rmad 'byung rang gsal thugs kyi mchog/ rmad 'byung thugs kyi rol par 'char// nyi ma'i 'od zer 'bar ba ltar// btsal bral rang 'byung rig pa la// rtsol med thugs rjes khyab par gsal// kun la gnas de dmigs dang bral// dpal ldan nam mkha' khyab pa'i 'od// 'gro ba kun la rang bzhin shar// 'od gsal nam mkha' rgyas pa'i mtha'// 'jig rten gsal bar dus gcig shar// 'khor pa rang rig rang gsal yang // ye shes rig par mi gsal bas// ye shes nyi ma'i 'od kyang nub// rang gsal rig pa'i don dang bral// rang 'byung sgra yis rjes
- 171a
'brangs nas// de yi ngo bor ma gyur na// gsal ba'i ye shes nyid dang bral// bcings pa'i mdud pa lcags dang 'dra// rang la rang gis gzer chen 'debs// mi rtog gastsal pa'i gdeng du 'gyur// lung zhugs rang gsal mchog gi gter// rnam rtog mtshan ma gcig pu med// 'gyur med rdo rje lung du son// brjod bral sems kyi dkyil 'khor la// spra khrid don gyis ma mtshon na// rig pa rang gsal don mi mthong // gter khyim gsal dang gsal byed ltar/ nges pa bskyed na tshig mi dgongs// rang 'byung gsal ba'i 'khor lo la// ye shes rig pa mnyam sbyar nas// rin chen 'bar ba'i gling bzhin du// ya shas dkyil 'khor nyid du 'bar// thams cad ya shes dkyil 'khor gsal// ma sgribs rang bzhin sgron ma la// rtsal bral rig pa'i thabs kyis 'jug/ mthong med mi dmigs dkyil 'khor la// yangs pa med pa'i sems kyis gnas// cir snang rig pa rang gsal la// sgrib pa'i mun pa rnam par bcad// ya sangs rgyas pa'i thabs chen la// rgyu rkyen rtsol pas ci zhig bya// ye shes snying po'i mtshan nyid ni// khyab par gsal la rang bzhin med// snang srid gsal ba'i me long la// gsal yang rig pa'i mtshan
- 171b
ma med/ mi 'jug mi lta cir mi rtsol// shes nas mi bcos rang gar gnas// bsam bral dmigs pa'i byung tshor med// ces gsungs so// nam mkha'i mtha' dang mnyam pa'i rgyud chen po las/ ye shes rang gsal mthong ba'i le'u ste bcu gcig pa'o// // de nas sems dpa' rdo rje de nyid kyis 'di skad ces gsol to// dus gsum sangs rgyas thams cad kyi// sku gsung thugs kyi gsang ba 'chang // spros bral ma nyam nyid rig pa'i gter// gnyis med rang gsal bcom ldan 'das// mgon po khyod la gsol ba ni// rnal 'byor bya bral rdzogs lung la// gnyis pa'i 'du shes med mod kyang // spyod pa'i khyad par gsung du gsol// zhes gsol to// de nas de bzhin gshegs pa rdo rje sems de pas 'di skad ces gsungs so// kye sems dpa' chen po/ gnyis med rang 'byung ye shes la// gnyis kyi 'du shes mi 'jug kyang // 'jug pa thabs kyi sgo mtshon phyir// spyod pa rnam par bshad par bya// nam mkha'i dbyings kyi rjes 'gro zhing // thabs ldan mi 'gag de bzhin nyid// thugs rje mdzad pa'i byin rlabs brdal// yon tan nam mkha'i mtha' dang mnyam// thams cad rang gsal
- 172a
ma bcos pa// rnam rtog 'dzin pa'i dri ma med// mi 'byung mi 'jug yul dang bral// gsang ba 'dzin rtog 'dzin pa med// nam mkha' rdo rje spyod pa la// rnam rtog mi gnas cir mi dgongs// ma btsal rang gzhag dgongs pa la// 'dzin pa'i dri ma gdod nas dben// rnam dag gsal ba'i ye shes la// gang du'ang ma yin khyab par gsal// rang bzhin 'od gsal bde ba'i dbyings// 'dzin pa mi 'jug dbyings mi 'tshol// rang shar rig pa rang la 'das// mi 'gul mi rtog cir mi gnas// ma bkag thabs kyi me long la// phyogs ris med pas phyogs bltas gsal// nam mkha' mi bzung bsam dang bral// dmigs med gtad med yod mi 'jug/ yul la mi gnas shes pa min// gnyis ka ma yin spros dang bral// 'dzin pa mi 'jug gnyis med de// ye shes gsang ba'i me long la// mtshan ma med do rang gsal dbyings// snang ba ye shes rang shar la// dgrag bsgrub med par rang gi dbyings// rang gsal 'od la mi gnas na// mtshan ma'i spyod pa ci spyod kyang // rang sa ltos pa'i 'bras bu las// btsal bral rang gsal bde chen la// bcings med yongs rdzogs rig pa'i lam// bgrod du med par ya sangs rgyas// phyogs ris med pa'i ya
- 172b
shes la// gnyis med gcig gi mtha' dang bral// zung 'jug 'od gsal bde chen la// gnyis dang gcig pa'i 'dzin pa med// mtha' bral nam mkha'i rdo rje la// 'gyur med ya shes rang bzhin gsal// ji bzhin rig pa'i rnal 'byor la// rtsol dang bcos mad rnal 'byor med// rig pa klung zhugs bcos med pa// cir gas la mi rtsol rig pa'i mchog/ 'byung 'jug med de dbyings la gsal// rgyud pa thabs kyi me long gis// rang gsal don la mchod byas nas// gnyis med ye shes zhes brjod pas// rang gsol ma yin gzhan gsal min// mngon sum rang shar ya shes la// gnyan mi rtogs la rten 'dod pa// glang po btang nas rjes 'tshol 'dra// gnyis med dang las gnyis su 'dod// rang gsal dang la gzhan gyis bslad// rang rig ye shes mtshan bral la// zhen pa de nyid ma rtogs pas// khams gsum rgyud drug gnas su 'khor// mngon sum rig pa nyams myong ba// lung dang rig pa rjes dpag gis// mi rtog rang shar don la sgrib// 'di yis de la rtog pa'i rgyun// ye shes gsal ba'i ngang nyid las// thugs rdza nam mkha'i mtha' ltar brda la// thugs rje chen po nyi 'od ltar// 'gro 'ong med par rang bzhin 'char// ji
- 173a
ltar gang 'dul de dag la// ston pa sku yi dkyil 'khor ni// nam mkha' bzhin du khyab par gnas// 'od gsal rig pa'i bde ba la// tha snyad rig pa mi gnas na// chos tshul mthong rtog khyad par gyis// dkyil 'khor gsum gyi rang bzhin gsal// dbyings nyid gcig gi rang bzhin las// rang bzhin ting 'dzin gzugs can te/ byang chub sems su mngon par gsal// spros bral mnyam nyid rig pa'i ga ta ra// ya nas byang chub snying po la// ci ltas rang grol bcos pa med// sku yi sku ste sku la rol// rang gsal rig pa mchog gi sku// nam mkha' khyab pa'i sku mnga' zhing // btsal med nyi ma'i 'od la zhugs// kun la khyab po gsung dang bral// gzhi rtse med pa'i sems kyi lung // kun gsal rang la bAsam du med// rmad 'byung rol pa'i sku ru shar// rang shar skra bra la rig pa'i gsung // brjod med rig pa'i 'khor lor sgrogs// gnyis med 'od gsal gcig tu go/ bsam brjod med pa'i ngang du gnas// thos med rig pa'i ngo bo la// thos kyang rang gsal mchog gi dang // 'di kun rang rig ye shes te// brjod med rig pa'i bsam gtan pas// rmad 'byung rig pa'i gsung du shar// rig pa mi gnas cir mi dmigs//
- 173b
rang la mi rtog gzhan mi rtog/ gsal ba mi mngon da byings su smra// ma khyen rdig yang shes dus gtsug 'char// bsam gtan rang 'byung rang gsal bdag/ ya nas rang gsal gcig la 'tshogs// 'dzin med nam mkha'i 'od ltar brda la// rmad 'byung rol pa'i thugs su shar// bcos med rang gsal dkyil 'khor gsum// ma bcos yan gzhag bde ba'i ngang // rig pa'i lus du gzugs dang bral// gsol ba mi g.yo 'byung 'jug med// btang snyoms gang du mi gnas te// nam mkha' khyab par mi rtogs gsal// 'dzin pa med pa'i ye shes ni// phyogs med khyab par rang bzhin gsal// mi g.yo ting 'dzin mchog gi sku// rang rig byang chub lung thob pas// 'byung 'jug med par klungs su zhugs// gsal ba nyi ma'i snying po ltar// brjod med don gyi snying po babs// rang gis mtshon pas rang gis go brjod bral rig pa dong tshe sgra// rna bas mi thos sems kyis thos// chu la chu ltar rig pa'i don// ma btsal ma nyam gzhag nyid kyis go/ rnam rtog mi bsam yul las 'das// rgyu ru sbas pa'i don de nyid// rang 'byung rang gas la thabs nyid kyis// yul med ye shes nyid kyis gas la// rang gzhag rig pa'i don la dgongs// /
- 174a
snang ba mi rtog snying por gsal// dran rig med pa'i tshul gyis ni// 'jug med rig pa'i tshul gyis gsal// rang gsal thabs kyi me long la/ tamatshan ma'i rnam grangs gang byung ba// ya shes gsal ba'i ngang du blta// gsal pa yangs med dgongs par gtugs// ma bcos sems kyi khyad par las// ji ltar bltas pas de ltar gsal// snang ba mtha' dag ma lus pa// de dag cir snang rang grol las// rang rig gnyis med bde ba'i sku// sku mchog 'od 'bar mdzes pa'i ngang // sku mchog 'od gsal lhun grub la// btsal ba yid bzhin nor bu ltar// kun la mthun par mi snang yang // skyob pa'i thugs rje yal lam ci// gang phyir de ltar mi 'byung yang // rnam pa kun mkhyen med pa dang // phan 'dogs nus pa med pa dang // thugs rje mdzad pa rgyun chad dang / zhi ba phyogs thim skyon du 'gyur// 'gag med thugs rje'i mdzad pa la// 'byung dang mi 'byung gang rtogs pa// rin chen 'bar ba'i 'od kyang nub// 'khor ba'i lkugs las thar pa med// rnam rtog 'khor ba'i 'dam du zin// rdo rje'i khab nas thar pa med// gnyis med ya shes gsal ba la// mtshan ma'i 'dzin pa mi gnas/
- 174b
na// gzhi dang kun brtags gnyis 'dod pa// log pa'i lam pa 'khor bar lhung // dngos la gnyis pa mi gnas kyang // bsam pa'i 'du shes ci la 'jug/ de dag mtha' la rtsod pa yin// dngos la rtsod pa kun dang bral// rjes 'jug rig po'i rnal 'byor gyis// rang gsal rig pa'i don la zhugs// thugs rje'i mdzad pa kun la gang la// 'di don rin chen lta bur 'byin// mdzad pa'i byin rlabs bsam mi khyab// mkhyen pa'i ye shes nyid du 'char// 'gro la phan 'dogs kun la snyoms// kun kyang 'od gsal bde bar gzugs// g.yo med rig pa'i byin rlabs ni// 'byung 'jug med par yongs la gsal// rgya mtsho'i rkyen gyis bskul ba ltar// kun tusnang zhing nyid du 'dus// shes rig kun ldan mkhyen pa'i dang // rmugs rje'i ngang lo mi 'da' bas// ji ltar mtshon pa ltar brtan// me dang tsha bo ji bzhin no// thugs rje med pa'i rgyal ba dang // gsal rig med pa'i ye shes ni// bem po don med 'bras bu bas// rnyed kyang ngal ba don med yin// thams cad rang gsal ye shes la// gnyis gnyis 'du shes mi mnga' yang // byin rlabs nyi ma'i 'od bzhin du// 'gro 'ong med par khyab par gad la// de nyid thugs rje ma yin pas// chos ni
- 175a
gnas pa mi srid do// nam mkha' sa rlu me dang rlung // 'dod lnga sde dang 'dod yon kun// thugs rje'i byin rlabs bsam mi khyab// gang zhig phan 'dogs don byed nus// kun kyang thugs rje chen po yin// dmyal ba'i sdug bsngal 'bar ba yang // rgyal ba'i mdzad pa'i thugs rje yis// gzhan dag bde sdug btang snyoms kun// smos ci dgos te de nyid yin// 'od gsal rig pa'i thabs ldan no// rang shar med pa'i chos mi gnas// gang ltar spyod pa de dag kun// thabs chen 'od gsal spyod pa yin// thabs ldan rig pa'i skyes bu yis// dug chen sman du mdzad pa ltar// 'od gsal rig pa'i rnal 'byor gyis// 'khor ba ye shes snying por gsal/ ma bcos thabs kyi rnal 'byor pas// gang ltar bcos pa de ltar bde// thabs ldan rig pa 'phrul gyi sgo// kun 'byung rin chen phung po can// rang gsal rig pa'i lde mig gis// rmad 'byung rig pa'i sgo phya la// rin chen gser gyi sa gzhi la// rin chen rig pa'i bcud kyi sgo// 'gyur med rang gsal phur bus gdab// gsal byed rin chen 'bar bar bstan// phyir mi 'byung bar nan chags bya// tshig don phrad pa'i brda don phrad// ye shes gsal bas phyogs bcur brda la// 'byung
- 175b
ba'i dus su brda sprad pa// 'jug pa'i dus su bral bar bya// dngos med rig pa'i khyad par la// phrad dang bral bar mi gnas kyang // zhen pas dngos po mthong bya'i phyir/ brda don gnyis kyi man ngag bstan// tshig gi lam dang don gyi lam// don nyid rang gsal 'od nyid gnas// 'jug pa'i tshig gi khyad par gyis// gnyis med don gcig bstan par zad// rang snang rig pa 'phrul gyis mig/ 'phrad pa med pa rang bzhin 'char// bcos med de ltar rang gzhag nas// rtog pa rang shar nyid du 'char// rang rig ye shes thabs med pas// zhen pa'i chags sdang kun spyad pas// rdo rje khab tu lhung gyur nas// byang chub sems kyi rig dang bra la// dngos po kun bra la ye shes la// phyogs dang rigs su mi gnas te// chags sdang bral ba'ang mi spyod na// chags sdang spyod pa smos ci dgos// nges par ltung bar gyur nas ni// theg chen rigs dang bral nas ni// thar pa'i rigs su 'gyur mi srid// ye shes gsal ba'i spyod pa yis// ci spyad byang chub sems su gsal// 'od gsal chos sku rig pa'i ngang // / btsal med de dag thob par 'gyur// ye shes rang gsal don dang 'phrad// 'khor ba sangs rgyas lam du mkhyen// rang 'byung ye shes 'od du 'bar// btsal
- 176a
med byin rlabs ngang gis 'char// nam mkha'i dbyings kyi gter 'dzin cing // rang gsal yi 'od la bzhugs// phyogs med rig pa'i thugs rje yis// mkha' ltar brda la cing kun la 'char// bcos med rang gzhag don thob nas// ye shes bla ma'i sa man nA te// che ba'i ye shes kun rdzogs pas// ma bgrod sa rnams dus gcig non// rnal 'byor rig pa'i khyad par la// sa dang lam zhes brjod pa las// dngos po ye shes rang snang la// sa dang lam la bgrod pa med// bsam pa'i khyad par ci 'tshams par// de dag de yi tshul bzung nas// 'gro ba 'dren pa'i thabs bstan te// dngos la 'od gsal rig pa'i mkha'// rang rig 'dren pa mchog gi sku// kun 'dus gsang ba dbyings kyi yum// ma gsal bcos med snying po la// gdod nas dag pa rnyed pa med// ces gsungs so// nam mkha'i mtha' dang ma nyam pa'i rgyud chen po las spyod pa khyad par bstan pa'i le'u ste bcu gnyis pa'o// / de nas sems dpa' rdo rje des 'di skad ces gsol to// dus gsum sangs rgyas thams cad kyi// rang gsal ye shes me long khyod// gdod nas byang chub snying
- 176b
por bzhugs// bcos med rig pa'i ngang la gnas// mgon po khyod la gsol ba ni// spros med rig pa'i rang bzhin la// dkyil dang 'khor du dbyer med kyang // de yi tshul 'di bshad du gsol// zhes zhu'o// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha' mtha' dang mnyam pa'i rgyud// kun 'dus rig pa sems kyi lung // bcos med rig pa'i sems kyi gter// 'pho 'gyur med pa dbyings nyid dang // rig pa mchog gi dkyil 'khor la// bskyed pa med pa'i rang bzhin gsal// gsal ba 'od 'bar rig pa'i rgyal po 'di// skye 'gro phyi nang kun la khyab// thams cad nam mkha'i ngang gnas bzhin// rgyal thabs rang 'byung mchog gi dbang // rang gnas rig pa gter la rdzogs// ye shes gsal ba kun dbang sgyur// phyogs med ye shes rtsa bral gter// til 'bru bzhin du khyab par bzhugs// rgyal thabs rig pa mi ldan na// rtsol bas khyab par gang gang gis// ji ltar de ltar gang bskur yang // 'khor ba'i lcags las thar pa med// dad dang dam tshig ldan pa dang // 'di rnams ldan pa'i slob ma yin// stong gsum na yang 'byung ba med// chags med dang thung dad pa med// thos med rang che dam
- 177a
tshig bral// ser sna snying rje med dang yod// man ngag 'phel zhing bslu ba la// rgyal thabs spyi blugs dbang bskur na// snying rje tho ba ldan khengs semA bral// lus dang srog la mi lta zhing // 'jig rten grags pa rnams spangs nas// snying po byang chub mchog la brtson// mang yang gnyis las ma bstan te// the tsom bcad la nges brtag pas// mi nub legs par bzung ba'i phyir// rgyal tsha ba nges pa gcig la gtad// mthong ba'i chos la sdug bsngal zhing // dus med par ni tshe zad nas// bdag gzhan gnyis ka'i rgyud brlag nas// rdo rje khab tu nges par lhung // nges pa'i rgyal thabs gsang ba la// byang chub sems kyi dbang bskur nas// btsal med 'bras bur rang gsal nas// de ma thag tu rig pa 'char// rdo rje rgyud la mkhas pa dang // rgyal thabs dbang gi rig pa 'char// rang gsal rig pa'i don la goms// thabs mkhas snying rjer ldan pa yis// snod ldan rang gsal rig pa la// skye med rig pa'i don bstan nas// rgyal thabs spyi blugs dbang bskur la// nges par gsang ba'i nan tan bya// 'jig rten grags pa gtsor gzhag la// lung dang man ngag mi ldan par// nga rgyal chags pa'i bla ma ni// rdo rje 'bar ba'i khab tu ltung // rna brgyud man ngag mi ldan par//
- 177b
gsang ba'i man ngag log bstan pas// myur du tshe yi dus byas nas// rdo rje dmyal bar smos ci dgos// legs par brtag pa'i bu nyid kyis// gsol btab ma nyes byas btags pa la// gnang sbyin nges dmigs bstan byas la// ye shes gsal ba'i don la 'jug/ sems nyid rin chen gnyis med la// bskur ba'i cha gnyis mi rtogs/ kyang / rgyal tha bas spyi blugs dbang bskur nas// rig pa rang shar don dang 'phrad// gsal byed rin chen 'bar bar bas+thAn// sgra yi mi mdzad bshad pa yis// ye shes nges 'dzin man ngag sbyin// rang gsal rig pa'i me long la// yengs pa med pa'i man ngag sbyin// ma lus 'gag med des bstan nas// rig pa khru chas gdam ngag sbyin// yul sems rang gsol don gzhag nas// mi 'bral gzungs kyi gdam ngag sbyin// rang 'byung rig pa g.yo med pas// lteng chu lta bu'i man ngag sbyin// ci spyad gang yin don rtog la// 'dam skyes lta bu'i man ngag sbyin// rang gsal rig pa'i ye shes la// mtshan ma'i rtog pas mi 'gyur na// btsal med ye shes 'khor lo mdzes// mi g.yo rig pa mchog gi gter// smon du med de rang la rdzogs// kun bzang rig pa mchog gi sku// nyi ma bye ba'i 'od dang mtshungs// spros pa med cing bsdu ba med/ byang
- 178a
chub snying por de ma thag/ rig pa spros bral nyid kyi gter// cho 'phrul rig pa'i 'khor dang ldan// grags pa sgra yi rnam pa kun// ye shes rang bzhin gsang ba'i sgra// rang gsal rig pa'i sgra la 'dus// 'od dang 'od can ji bzhin no// brjod bral rang bzhin gsal ba las// 'od gsal sgra yi rang bzhin bral// skye 'gro kun gyi rang bzhin ni// ma skrag gsung du rnam par gas la// brjod bral rig pa'i dkyil 'khor ni// rig pa'i dkyil 'khor rgyan du che// rang 'byung rig gsal mchog gi gsung // brjod med rang 'byung byin rlabs kyis// gsung gi rang bzhin phyogs bcur brda la// rig pa gsung gi gzugs can yin// dran rtog mi g.yo mchog gi thugs// rang 'byung rig pa mchog tu gsal// spros med nyi ma'i 'od brdal bas// ye shes snang bas phyogs bcur gsal// cir yang 'dzin pa mi mnga' bas// mtha' yi spros pa rnam par bcad// rnam rtog phra ragra gang skyes pa// ma skyes sems kyi khyad par las// ji ltar gsal yang ngos bzung med// de ltar rang snang 'di kho na'o// 'du shes mi 'jug yul mi 'tsho la// gang ltar gnas pa de ltar bde// rten mi bcang zhing ro mi myong // 'od gsal bde ba'i ro la bzhugs// nam mkha' bdud rtsi
- 178b
mchog gi ro// gsang bar gnas pa'i 'od kyi mthus// gtad 'dzin bral ba'i sems kyis 'jug/ ye shes rlung gi don la rtog/ ces gsungs so// nam mkha' mtha' dang mnyam pa'i rgyud chen po las/ rang gsal dgod pa dang bral ba'i le'u ste bcu gsum pa'o// // de nas sems dpa' rdo rje snying po des 'di skad ces gsol to// kye ma dus gsum rgyal ba yis// rig pa 'gyur med sems kyi gter// rang 'byung rig pa'i rtsa la rdzogs pas// ma bskur rang gsal dbang la zhugs/ mgon po khyod la gsol ba ni// nam mkha'i ro yi chu 'thung zhing // rgyal thabs spyi blugs tshangs pa'i dbang // bdag cag rnams la bshad du gsol// zhes zhus so// de nas de bzhin gshegs pa rdo rje sems dpa' chen pos dbang gi rgyal po spyi blugs tshangs pa'i dbang 'di gsungs so// kye sems dpa' chen po/ nam mkha' mtha' dang mnyam pa'i rgyud// rang gsal rig pa mchog gi rgyan// ye shes gsang ba mchog gi lung // rna brgyud thugs kyi me long gis// dbang mchog thob med ngo sprod thabs/ bskur thob med par rdzogs par gsol// rang shar ye shes sgron ma 'di// rgyal thabs spyi blugs rdzogs pa'i dbang // rang gsal rig pa rdzogs lung 'di//
- 179a
rang bzhin khu chas snod dus dang // skyon yon rang gsal rig pa rdzogs// rang 'byung gnas skabs chu ltar gnas pa sbyin// dran rtogs rjes 'breng rig pa la// yul shes bral ba'i man ngag sbyin// 'gro don lhun grub rtsa la rdzogs la// brda don sprad pa sbyin par bya// btsal med rig par gnas pa la// brda don phral ba'i don la sbyar// rang 'byung sku gsum lhun grub pas// thugs phrad bla ma'i zhal las brtag/ bskur thob med par rang shar lung // ma 'phros chu la chu gzhag ltar// rdo rje bla ma dgongs pa'i lung // brjod med rnal du gzhag pas go/ bum par bum pa'i bcud bstim bzhin// dgongs don slob ma'i blo la gzhag/ dam med slob ma mi rten cing // gsang bar nyes dmigs bstan par bya// snod med gsang ba'i dam sri la// nyes dmigs med pa'i bla ma yis// rgyal thabs spyi blugs dbang bskur zhing // byang chub sems kyi don bstan na// snod ngan rtswa la 'chang zho blugs nas// gnyis ka ma rungs byed pa ltar// de ma thag tu 'jig pa ltar// 'jig rten bcas ka chen por 'gyur// de phyir snod ngan slob ma ni// rmi lam du yang mi bsam na// man ngag 'dzin pa'i bla me yis// dam par rten pa smos ci dgos//
- 179b
dus gsum sangs rgyas thams cad dang // rdo rje sems dpa' chen po yis// ma brjod dgongs pa'i go ba'i lung // rgyal thabs spyi blugs rig pa'i dbang // rtsol med byang chub sems kyis bskur// dus mtha'i cha la mngon par gshegs// lung ldan rdo rje bla ma yis// snod ldan gus pa'i slob ma la// rgyal thabs spyi blugs dbang bskur nas// dus mtha'i shes pa skad cig la// rang gsal chos sku rang gnas bstan// 'bab chu gnas pa'i rang bzhin gyis// btsal med 'od gsal bde ba che// rang gzhag gnas par 'grub par 'gyur// de ltar dbang thob gang zag ni// rtsal ba'i chu las rab tu thar// rang gsal rig pa'i 'od du 'bar// rig pa rang dbang rgyal po thob// rdo rje sems dang skal ba ma nyam// las dang las kyi bag chags kyis// gos par mi 'gyur pad+ma ltar// nam mkha' dag pa'i klong bzhin du// 'dzin med ye shes chen por nges// rang gsal rig pa'i glong zhugs nas// 'od zer nyi bzhin bdag la 'char// zhes gsungs so// nam mkha'i mtha' dang mnyam pa'i rgyud chen po las/ rgyal thabs spyi blugs ye shes ngos bstan pa'i le'u ste bcu bzhi pa'o// // de nas sems dpa' rdo rje dam pa des 'di
- 180a
skad ces gsol to// dus gsum rgyal ba'i sku gsung thugs// ye nas rang gsal 'das med la// bsrung med ye shes rig pa yis// mnyam du 'jog cing ye shes gsal// mgon po khyod la gsol ba ni// bsrung du med pa'i dam tshig ni// gang ltar bsrungs kyang mi 'gal don// mgon pos bdag la bshad du gsol// zhes gsol to// de nas bcom ldan 'das de bzhin gshegs pa rdo rje sems dpa' chen po des 'di skad ces gsungs so// kye sems dpa' chen po/ bsrung bral rig pa'i dam tshig la// bsrungs shing bsal bas log pa'i lam// bsrung med rtogs pa'i dam tshig gzhi// ye shes gsal bas mchog la rdzogs// gnyis med rig pa'i rtsol bral lung // bcos med rig pa mchog gi mkha'// 'du 'bral med pa rig pa'i gter// rang gsal 'od la 'da' ba med/ gcig ste 'od gsal khyab pa che// yongs la brdal bas phyogs ris med// gang yang ma yin khyab pa'i dbyings// ye shes rig pa mchog la sbyor// gnyis bral rig pa'i dam tshig la// 'dod pa'i bsam pa bsrung du med// phyogs bral ma nyam pa'i dam tshig la// phyogs kyi bsam pa cir mi 'jug/ bsam/
- 180b
bral gnyis med rig pa la// bsam zhing spyod pa'i yul mi gnas// rang dag lhun rdzogs dam tshig la// btsal cing bsgrub pa'i ming mi gnas// ci yang ma yin 'od ma yin// rang gsal rdo rje thabs kyi lung // brjod bral rig pa'i ngo bor 'dzin// rig pa rang gsal ye shes la// bsrung dang mi bsrung phyogs ris med// mnyam nyid rig pa'i gter la rdzogs// bcos med rig pa'i dbyings la rdzogs// phyogs bral ma nyam pa'i sems kyis 'jug/ ye shes gsang ba'i dam tshig ni/ mi skyod rdo rje nam mkha' lung // brjod bral sgra yi dam tshig la// ma yengs rig pa mchog gis go// yi ge med par gsal ba'i rgyud// nyan bsam med par rang rig gsal// dgongs pa ma bcos rnal du phebs// ji bzhin rig pa bsam bral lung // gsang ba rkyen bral ci re mi gsal// rang gsal rig pa mchog la gnas// nam mkha' rang 'byung khyab pa'i ngang // mtshan mar ma yin mtshan ma med// rdo rje gsang ba'i thabs lung ni// gnyis med rang shar mnyam rdzogs so// ma bcos gsal ba'i dam tshig la// bcos pa mkha' la bdud dran tshul// gnyis med rig pa mchog nyid la// yul dang yul can bsrung ba log/ grangs 'das tshad med rang gas la la// grangs tshad nam mkha'
- 181a
mtha' 'tsho la 'dra// bsrung med ye nas thub zin pa// da sdod bsrung bas thug pa med// bsrung dang mi bsrung tshig gi mtha'// ye shes rig pa tshig mtha' bra la// phyogs bral 'od gsal dam tshig la// phyogs kyi log pa bsrung ba'i lam// btsal bral lhun rdzogs dam tshig la// btsal bas mi rnyed don la med// bya bral rdzogs lung dam pa la// 'jug lha'i tshig gis gang rtsol ba// mtshan mi'i rtog pa'i rgyun gyis khrid// mtshan ma rtsol ba log pa'i chos// ye shes rang shar nyi ma la/ ta mtha' yi zhen pa mun pas sgribs// mi rtag mun pa'i 'thibs kyis 'gag/ snang gsal rig pa'i 'od dang bral// rang gsal ye shes me long la// rang 'byung rig pa'i rtsal 'gag nas// ci yang mi mthong chad lnga la// mnar med rdo rje khab tu ltung // rtog bral gnyis med ye shes la// phyogs ris med par kun gsal bas// ci yang yin no gang yang rung / kun brtags yod med mtha' dang bral// yod dang med pa kun brtags te// mtha' bral ye shes nyid du brtags// rang gsal lung la kun gnas pas// kun brtags ye shes gnyis kar gsal// phyogs med rig pa ci yang min// phyogs 'dzin log pa'i grong khyer la// mtha'
- 181b
bral mnyam pa nyid la gnas// med pa bya ba gcig pu dang // lhun rdzogs rang rig chen po la// ngo bo ma bcos chos gcig la// bsam pa'i 'du shes tshul gnas bya// phyogs med ris med 'od gsal mkha'// rtog med rang gsal yi sangs rgyas// ci yang med pas cir yang gsal// rig pa rang gsal dbyings la bzhugs// ye shes rig pa mchog gi sku// ni yang med do khyab par brda la// rkyen bral mi gsal cir mi dgongs// gnyis med bde chen phyogs lhung brda la// rtogs med rang gsal bde ba'i lung // bde med rig pa'i chos nyid las// 'di zhes rig pa'i sems mi 'jug/ gnyen po med pas 'jig dang bral// rig pa 'od gsal mchog/ la bzhugs// rang las gzhan pa'i chos med pas// med pa'i dam tshig 'da' ba med// phyogs bral rig pa'i ye shes la// 'di dang 'di zhes bsrung du med// phyogs bral chen po'i skyes bu des// phyogs gcig bral bas phyogs kun bral// rang rig nam mkha'i mtha' ltar gsal// phyogs bra la yeng shes chen po'i klungs// rang rig 'od gsal nam mkha' che// phyogs su ltas pas de mi mthong // chos nyid phyogs med rang gsal la// phyogs med rig pa'i ye shes 'jug/ mtha' bral
- 182a
ye shes mnyam pa la// btsal med de bzhin nyid kyi gnas// nam mkha'i mtha' bzhin kun khyab kyang // rig pa rang gsal gcig gi ngang // bsam bral ye shes nyid la rdzogs// phyal pa chen po bla med pa'o// cir snad cir srid ma lus kyang // ye shes rig pa gcig la gsal// gcig pu rtog spyod yul las 'das// gcig dang du ma yongs kyis med// rig pa ye shes nya ga gcig las// mtha' dbus med pa'i chos su gsal// ye shes gcig gi don la bzhugs// ye shes rgya mtsho mu mtha' med// bdag las gzhan gsal thams cad gsal// kun gas rig pa'i 'khor mtha' med// kun bzung mchog gi 'khor la la// gtsug dang gnyis la babyung du med// ye gnas rig pa ji bzhin gnas// rtsig chom bstan pa rgya mtsho'i klungs// gang wAr phye yang gcig las med// thig le gcig las dam tshig bral// de ltar nyid du so sor grags// 'dul ba'i thabs ldan rang rig lung // rig pa mchog gi 'khor lo bskor// rang grol brjod bral don la nyan// yengs pa med pa'i don gyis go// de nyid dgu ldan sems
- 182b
nyid gzhi// rin chen 'bar ba'i 'od kyi lung // btsal med bde ba sa nyams su blang // rang gsal gcig pu'i dam tshig thob// rang 'byung lhun grub dam tshig la// bsam yas 'bras bu gter rdzogs pa// btsal med lhun grub ye sangs rgyas// rin chen 'bar ba'i sa gzhi ltar// 'khor ba yi sheso snying por gas la// brgya byin spyi gtsug nor bu ltar// bsags med gdod nas lhun gyis rdzogs// nyi ma'i snying po'i 'od bzhin du// rim pa med par dus gcig gsal// lha ni rdzogs bstan pa'i me long la// mtshan ma rig pa ci ra mo snang // phyogs ris med pa'i ye shes kyis// lhun grub rang gsal ye shes nyid/ cir snang/ ye shes lhun grub la// spang bar bya ba gA la yod// lhun grub rang gsal ye shes la// kun mkhyen rig pa mi 'char na// sems can sangs rgyas khyad par ci// khyad med thos bsam rtogs ci phan// gang yang mi mthong gang zer ba// ye shes ma yin ma shes min// ye shes mun pa'i khams kyis sgribs// sangs rgyas sems can khams su ltung // ye shes gsal ba'i snang ba la// glo bur mun pas sgribs pa ni// sangs rgyas 'khor bar ltung 'gyur nas//
- 183a
grol ba med pa'i skyon du 'gyur// ye shes gsal ba'i snang ba la// ye nAs mun par ldan gyur na// rtag dang sangs par mi 'gyur dang // rtog med mun pa'i khams su 'gyur// de phyir phyogs kyi shes pa mthong // phyogs bral don la mi rtogs te// mkhas pa'i don ldan ma yin na// rin chen ga te ra dang 'phrad mi 'gyur// zhes gsungs so// nam mkha'i mtha' dang mnyam pa'i rgyud chen po las/ bsrung med rig pa bder bzhag gi le'u sta bco lnga pa'o// / / de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// btsal med 'od 'byung 'phrul gyi dbyig/ rang gsal me long 'od po che// rdo rje gsang ba thugs kyi mdzod// mgon po khyod la gsol ba ni// nam mkha' mtha' mnyam rin chen dbyig/ rtsol bsgrub med pa'i thabs chen pos// gang ltar bsgrub pa bshad du gsol// zhes gsol to// de nas rdo rje sems dpa' chen pos 'di skad ces gsungs so// kye sems dpa' chen po/ ye shes snying po bsgrub pa'i gzhi// de rtogs byed pa'i lam dang ni// sngon byas 'bras bu khyad par gyis// bsgrub pa'i rim pa gsal bar
- 183b
shes// bsgrub med rtsol bral chos kyi gzhi// ye shes gsal ba thob med lung // sems can sangs rgyas gnyis su med// ye shes snying po nyi ma la// bsgrub/ med rtsol med 'od 'bar ba// kun bral ye shes snying por gsal// rig pa'i ye shes 'od du 'bar// rang gas la 'dod 'byung phung po ni// 'dod pas rang / 'byung byin rlabs na// 'gro 'od med par phyogs bcur brdal// rig pa'i snying po kun la snyoms// nam mkha' rgyas pa'i mtha' bzhin du// khyab par gsal la dngos por med// kun bral mtho' spangs ye shes la// gang yin rtog pa yul las 'das// mtshan ma med pa'i mtshan nyid ni// ye shes nam mkha'/ lta bur brdal// rtog 'jug dmigs bral nam mkha'i 'od// 'byung 'jug mtha' yi spros pa bcad// mkhyen ldan gsal bas rang gas la lung // cis kyang mtshon byed tshad ma med// e ma'o gsal ba'i me long nyid// e ma'o tshig gi tha snyad bral// btsal med nyi ma'i 'od ltar gsal// ma bcos mi gnas rten dang bral// btsal med nyi ma'i 'od ltar gsal// bsgrub med lam la gang gnas pa// thams cad mkhyen pa'i lam la mkhas// 'khor lo rang gsal rig pa la/
- 184a
'dod 'jug bral bas rig pa 'jug/ gsal ba ma bcos gnyis med pas// rtogs ldan gnyis med tshul gyis bsgrub// gang yang mi byed cir mi bsam// mtha' la mi 'dzin dbus dang bral// rig pa mtha' bral dkyil 'khor la// 'dzin med blo yi 'khor lo yis// mtshan 'dzin rtog pa rnam par bcad// gnyis med rig pa'i kha lo sgyur// yi ge med pa'i rgyud pa lta// rang gsal rig pa'i sgra la nyan// rang gsal kun la ji bzhin gnas// brjod med rig pa'i don yin yang // mtshon pa sgra yi 'khor lo yis// ye shes mnyam pa'i don la sbyor// ba tsa la bral ba sgru pa med byang chub sems// byams mgon nyi ma'i 'od bzhin gnas// rig pa 'og min chos kyi gzhi// rang 'byung rig pa thabs kyi gsal// yi gsal rdzogs pa'i 'khor lo la// 'byung 'jug smad pa'i sems kyis med// rig pa rang gsal chos kyi dbyings// yang dog med pa kun gyi gnas// btsal med gnas pa'i rnal 'byor pas// yengs med lhug par gzhag pas thub// ji bzhin gsal ba'i rnal 'byor pas// chos kyi mtho ba'i gzhal yas su// rig pa 'phrul gyi
- 184b
sgo bya nas// 'od gsal mchog gi dkyil 'khor na// rin chen phung po bla med bzhugs// de ltar thabs kyi rim pa ni// gang dang gang gi rim pa yis// de nyid sgo la gang 'jug pas// sgrub byed don la rdzogs par gsal// dper na brgya byin dbang po yi// gtsug na rin chen phung po yod// yon tan cha de thob par 'gyur// de nyid rang la dbang thob pas// ji ltar 'dod pa ji bzhin du// rtsol slu ba med pa'i yon tan ni// ji ltar rig pa de ltar thob// thabs kyi rim pa gang dag gis// dngos po rang shar mtshon byas nas// phyogs ris ldan pa'i shes pa yis// yon tan cha re de bzhin thob// btsal med de bzhin bzhugs pa yis// rig pa rang dbang thob pa'i phyir// ma btsal nyi ma'i 'od zer ltar// bde mchog rig pa'i mchog la bzhugs// phyogs med rig pa rang 'byung la// 'jug pa'i mtshon nyid ma nya mo sbyor bas// nam mkha'i mtha' mnyam 'bras bu nyid// rig pa rang gsal nyid kyis thob// phyogs med rig pas khyab brdal yang // ye shes gsal byed rgyu med na// bskal pa grangs med bgrod gsal yang // rin chen gsang ba'i 'od mi mthong // gter khyim phung
- 185a
bo gsal byed ltar// rang gsal rig pa nang nas 'char// stobs chen nor bu bsal byed ltar// rang gi de nyid mthong bar zad// rgya mtsho'i rlabs su snang tshul du// rang gisal 'bras bu nyid du 'char// phyogs ris med pa'i thugs rje ni// mtha' drug med pa'i 'gro ba la// gdung med nyi ma'i 'od bzhin du// 'gro ba kun gyi dpal du shar// 'gro don med pa'i rgyal po ni// ma byung 'byung bar mi srid do// rgyad ldan ye shes skye 'gag can// 'di la rang gsal 'bras bu min// rangs thob kyang mthar ma phyin// rgyal thabs mthar phyin dbang med par// ting 'dzin rdzas kyi dbang bskur te// sangs rgyas sa la mngon gzhag kyang // rdo las gser du bsgyur dang mtshungs// rgyal thabs rika pa'i dbang thob nas// rin chen 'bar ba gsal byas ltar// rig pa rang gsal dbang thob na// brda don phrad nas nga t+yal bral// mkhyen pa'i ye shes gcig tu 'khyil// rol pa'i phyag rgya ma 'dres gsal// btsal med rig pa'i khyad par las// dngos grub rin chen 'od ltar 'byung // zhes gsungs so// nam mkha'i mtha' dang mnyam pa'i rgyud chen po las/ btsal med bsgrubs pa'i le'u ste bcu drug pa'o// /
- 185b
/ de nas sems dpa' rdo rje dam pa des/ de bzhin gshegs pa rdo rje sems dpa' la 'di skad ces gsol to// dus gsum sangs rgyas thams cad kyi/ sku gsung thugs kyi rol pa shar// btsal bral lhun grub 'phrin las dag/ tshegs med rang gsal kun gyi dngos// mgon po khyod la gsol ba ni// btsal bral rig pa'i 'phrin las la// 'jug pa'i 'phrin las ma nyam sbyor bas// de bzhin nyid du mdzad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po btsal bral rig pa lha na gru ba dag/ phyogs me dag ngabyung ga nyis mad la// gnyis kyi 'du shes 'byung 'jug med// lhun gyis grub pa'i 'phrin las so// rig pa'i byin rlabs mtha' ltar bad la// med pa'i bye brag bsam mi khyab// gsal ba'i me long yid kyis 'jug/ bya bral lhun rdzogs 'phrin las ni// bde ba'i thig le ye shes 'od// ji ltar gsal ba de ltar yin// gang rung rig pa gcig la rdzogs// rin chen phung po 'od zer dag/ gnyis su 'khyil zhing slar yang 'phro// gang yang mi mdzad thams cad kun// kun mdzad rig pa'i 'phrin las can// btsal bral ye shes
- 186a
gsal ba ni/ kun la snyoms shing yongs la brda la// bya bral rig pa'i 'phrin las ni// mdzad pa phyogs med 'od ltar bdal// ye nas byas zin byar med las// rdo rje nam mkha' mchog gi las// rig pa bde ba'i lam la phog/ ye shes me long thabs kyi sgo// rang snang rig pa'i tshul gyis phye// gnyis med rang gsal gcig gi ro// nyams myong ye shes mtha' dbus med// brjod bral rig pa'i me long ste// ji ltar ba ltas pas de ltar gas la// gang zhig rig pa'i dong tshe sgo// 'phrul gyi lde mig nyid kyis phye// rin chen phung po 'bar ba bstan// nam mkha' mdzod kyi gter la spyod// theg sgo thabs kyi 'phrin las ni// gang 'dod thag pa so so'i sgo// mos pa'i tshul tshad bsam mi khyab// thabs kyi 'phrin las gang bstan kyang // rang byung rig pa sgo na gsal// bya ba byas pa'i rjes 'jug ltar// gang zhugs rang gsal rig pa la// 'phrin las ma lus dus gcig rdzogs// rang grol rig pa'i don la bzhugs// btsal ba'i rig pa gang sgo nas// dang de yi rjes zhugs pas// rtog pa lam gyi rjes su zhugs// mtshan ma chags las dbang gi khrid// rnam rtog mtshan ma'i rjes 'brangs nas// rig pa rang gsal don
- 186b
dang bral// brda yi tshig sgra'i tshul nas zhugs// 'khor ba'i gnas rab dgu ru brgyud// gang dang gang gi rjes 'jug la// 'khor ba'i mtshan ma'i lam du zhugs// chags pa g.yas g.yon kun gyi khrid// bde chen don la phyin ci log/ ye shes gsal ba'i 'od dang bral// gang 'thibs log pas shin tu sgribs// long bas long ba'i lam mtshon ltar// bde ba bor nas sdug bsngal rnyed// rang gsal ye shes don bor nas// ye shes btsal bas grub par 'dod// gnyis med don la gnyis kyis chags// dmigs med don la dmigs pa gzung // phyogs med rig pa'i ye shes la// rang 'dod lta ba phyin ci log// btsal bral rig pa'i 'phrin las la// btsal bas ma bsgrubs don dang 'gal// 'jug bral ma nyam nyid 'od gsal la// rjes 'jug rtog pa phyin ci log/ thog med gsal ba'i mar me la/ bag chags sgribs pas gsal mi 'gyur// grangs med bsam yas 'phrin las la// grangs dang 'du shes log pa'i las// ci yang yid la ma byas pas// yid la byed pa'i 'du shes 'khru la// kun spyod rig pa'i 'phrin las la// cha mnyam ye nas rig pa las// gsal byed 'od kyis ma mtshan par// rang gsal 'phrin las don ma rtog/ rang
- 187a
gsal 'od la kun gnas pas// de nyid ma yengs rang gsal lung // de ltar de ni de nyid gnas// bya ba med par lhun gyis grub/ ma byas ma btsal rang gzhag lung // dmigs pa yul gyi rjes mi 'jug/ rang gsal mnyam pa'i thabs kyis lta// rdo rje rang gsal thabs kyi lung // byas pa med par dus gcig/ rdzogs// rang gsal rig pa phyogs med la// chu ltar bzhag pa'i man ngag gis// sbas pa'i thugs kyi glong dkyil nas// brda don phrad pa'i man ngag sbyin// bum chu lta bu'i man ngag gis// mi g.yo rnal 'byor mchog gi lung // slad med rol pa rang bzhin gnas// 'dzin bral rang gzhag dmigs su med// rang gsal/ rin chen phung po de// dgu ru ma sbas pa'i don yin yang // gsal byed sgron ma de yis mthong // cog gzhag rig pa ra dwa gsal la// bcos med bag yangs blo yis 'jug/ 'byung 'jug med pa'i sems nyid kyis// rig pa'i pho brang chos kyi dbyings// sbas pa'i thugs kyi nges bstan nas// rdo rje bla ma'i dgongs lung bstan// 'dod pa sbyor ba'i 'jug tshul ni// bla ma'i zhal las shes par bya// rdo rje bla ma mnyes byas la// rig pa khu chas thabs chen bstan// spyod lam
- 187b
ma bcos man ngag ni// man ngag zhal du lta zhes bya// 'dod pa'i dngos po gang sgo nas// rig skyes man ngag rab 'char ba// rdo rje slob dpon zhal du ltos// rig pa rang 'char man ngag ni// 'du 'dzin mtshan ma'i nang du skye// nges par dus tshod gang yin pa// rdo rje bla ma'i lung las shes// ga ta da bral rig pa'i phyogs gcig la// nam mkha' sgom pa'i rnal 'byor de// nges par sgom lung tshul bstan pa// slob dpon 'phrul tshig brda la las shes// klang chen skyod thabs rig pa'i gter// de yi spyod lam bslab pa des// ji bzhin rig pa nyams su myong // nges tshad bla ma'i zhal las shes// brjod ldan rdo rje bla ma yis// rgyal thab dbang bskur brjod med por// rgyal thabs blo la g.yo med lung // byin rlabs rig pa'i man ngag yin// 'di ni rang gsal 'khor lo la// 'jug pa thabs kyi 'phrin las te// rna ba rgyud man ngag mi ldan na// rang rtag blo yis ci brtag kyang // lung 'di rtogs par mi 'gyur ro// nges lung gdams ngag med pa yis// rna ba rgyu// med pa'i slob dpon gyis// rang la nges pa'i don med pas// gzhan bsgral gnyis ka ltung ba'i rgyu// rdo rje bla ma mi 'gyur zhing // man ngag gus pas mi len no//
- 188a
gsang bdag rdo rje 'ang brlag 'gyur na// dam med slob ma smos ci dgos// zhes gsungs so// nam mkha'i mtha' dang ma nyam pa'i rgyud chen po las/ bya bral 'phrin las bstan pa'i le'u ste bcu bdun pa'o// // de nas sems dpa' rdo rje dam pa des 'di skad ces gsol pa btang/ bo// dus gsum rgyal pa blams cad kyi// bgrod bral lam gyi rang bzhin la// bgrod pas phyin par ga la 'gyur// ye nas rig pa mchog gis// mgon po khyod la gsol ba ni// 'jug dang bgrod pa yul bral ba'i// sa dang lam gyi rang bzhin dag/ bdag la nges par bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// bgrod bral lam gyi rang bzhin la/ bgrod pas phyin par mi 'gyur te// rang shar rdeg pa dngos 'char bas// phyin pa med par dus gcig gnas// phyin pa lam gyis yul bral la// bgrod pas phyin pa lam mtha' ring // rang 'byung rig pa gcig la son// rang gsal 'od la 'phro zhing 'du// rang 'byung rig pas rang sangs rgyas// 'khor ba lam gyi rgyud dang bral//
- 188b
mya ngan mi 'da' 'khor ba'i rgyun// gnyis ka rang gsal 'od la thim// dbyer med rig pa mchog gi sku// bgrod med rig pa rang gsal lung // bgrod cing phyin pa rang la thug/ rang gsal ma yin chos med pas// ye shes 'od gas la dbus mtha' med// 'dzin pa kun bral tur mi dmigs// 'dod 'byung bde chen khyab gas la lung // gnyis med mtha' bral chos kyi dbyings// mya ngan 'das min 'khor ba min// phyogs bcu mtha' yas kun bgrod pas// rig pa rang gsal dmigs las med// de nyid nyams myong kun dang bral// 'od gsal ye shes bde ba'i glong // rdo rje sems dpa'i dgyes chen po// yengs med mtshan ma'i rgyu dang bral// 'di ni rang 'byung rmad grags lung // 'od gsal rig pa'i brda mjal nas// shIn len+d+ra dang mtshungs pa yis// lkugs pas dga' ba'i ro myong yang // tshig tu mtshon pa'i thabs dang bral// bde chen ro yis khyab pa kun// 'di snyam tshad 'di mtha' dang bral// phyin med lam la bgrod du med// sa bcu lam lnga rnam rtog yin// mtha' yas chos dbyings rang gsal la// gang ltar phyin pa de nyid dang // rang shar nam mkha'i gzhal yas la// phyin pas zad pa ga la yod// rang gsal 'od la rtag tu gnas// de
- 189a
bzhin nyid de rig par gsal// gang ltar snang ba de bzhin nyid// ji ltar bltas pas chos kyi dbyings// de bzhin rang gsal ngang la phyin// bgrod du med pa'i sangs rgyas sa// btsal med rang gsal lam gyi thugs// ye shes rig pa'i 'khor lo can// rang la 'khor zhing nyid du 'dus// sgra bral brjod pa'i yu ba can// de kho na nyid sems kyi lung // khyab brda la rig pa phyogs ris med// mngon du mi snang khyab par gdal// gsal ba ya shes snying po can// rig pa rang gsal dbyings la rdzogs// rang gzhag ye shes dbyings nyid la// gsal bar rig pas gsor zhing 'bigs// rig pa rang gsal ye shes nyid// med na/ mi 'byung de phyir lam// rang byung rig pa'i 'khor tshogs la// sgra bral rig pa'i bstan pa sgrogs// rig pa nam mkha' rgyas pa'i mtha'// spro bsdu med pa'i dbyings la thug/ rang 'byung rig pa'i yu ba la// gnyis med rig pa mchog gi 'dzin// rang gsal mtha' bral rgyas gtab nas// 'da' ba med po'i tshul gyis gnas// zhen pa'i rnam rtog khri phrag kyang // 'od gsal dbyings la spros zhing 'du// rnam rtog ye shes dbyings kyi lung // gcig tu gsal la cir yang 'byung //
- 189b
'di nyid rang shar cir mi lha// rang la rang lha cir mi mthong // rdzas kyis khyab par ci bgrod kyang // gser la gnyis par ya nas med// sa dang lam la rtsi bgrod kyang // rang gsal rig pa bgrod pa dang bral// rig pa 'og min chos kyi dbyings// rig pa rang gsal 'bar ba'i gnas// rgyal ba kun gyi gsang ba'i gnas// gzhan med ya na sa rang gsal lung // 'khor ba rmad 'byung ya sangs rgyas// sgo nga'i khyung phrag nyid dang mtshungs// rgya mtsho chu yi tshul bzhin du// spro zhing bsdus pas rang la thug/ snying po rang shar ye shes la// mtha' yi sgrib pa kun dang bral// rang gsal rig pa'i dkyil 'khor ni// gdod nas nyi ma'i snying po 'dra// de ltar ma rtogs 'gro ba la// 'khrul gzhi ye shes snying pos byas// de nyid rang gsal thabs ldan pas// de nyid shes pas sangs tshul la/ glo bur tsam du rgyas pas gsungs// gzhi ldan glo bur gnyis ka yang // 'khrul pa'i lam yin log pa'i chos// 'khrul dang log pa'i tha snyad kyang // dngos dbang sems la mi gnas te// ma bcos byang chub snying po la// de dag kun gyi tha snyad bcad// mtha' med dbus la mtha' mi gnas// dbus med mtha'
- 190a
yang de bzhin te// de dag ga la'ang mi gnas pas// rang gsal rig pa nyid kyis mkhyen// dge dang sdig pa'i tshul phye nas// gcig la gnyis kyi spong len pa// 'dod khams gong 'og gnas skyes pas// thar pa ma tho ba 'ching ba'i rgyu// spong zhing dang blang spyad pa yis// gzhi thob rim par bgrod pa des// 'gro don med pa'i gzhir gnas te// shi dang mtshungs pa'i 'bras bu yin// rtag med phyed dang gnyis rtags te// rten 'brel 'byung zlog tshul sgoms pas// gzhan/ don 'ga' tsam spyod mod kyang // byis pa'i 'bras bu med dang 'dra// bden gnyis sgyu ma'i tshul bzung nas// bskal pa grangs med gsum gyi chas// lam wA sa bcu mthar phyin pa// srid pa'i log pa'i spong lam can// gcig la mtho dman tshul bzung nas// dag pa gnyis gsum tshul bzung nas// bcu gcig rtogs pas rdo rje 'dzin// 'dod pa smig rgyu skrag dang 'dra// gnyis zhugs nges med tshul bzung nas// rig gzhi ro 'phral sgo nas ni// rdo rje 'chang 'dod phra man gyis// nges pa'i 'bras bu ci ste thob// ting 'dzin rig pa'i tshul bzung nas// cho ga'i yan lag sngar bzhin bskos// stug po bkod pa'i sa bgrod pa// rang rtog zhen pas
- 190b
rtag tu sgribs// snang stong thabs dang shes rab kyis// ting 'dzin gsum gyi dkyil 'khor sgyur// bskyed rdzogs bzhi yi lam sbyangs te// bcu gnyis bcu bzhi bcu drug gis// mthong ba zad med nyid la sbyor// de nas brgya phrag bcu drug gis// yi ge 'khor lo tshogs chen sa// rang 'dod yod kyang 'od gsal med// dbyings dang ye shes rgyu 'bras kyi// ye shes dag pa'i tshul bltas nas// 'od kyi ting 'dzin rig pa'i mthus// grangs med lha yi 'od du gsal// de nyid gnyis med rig pa yis// rdo rje sems dpa' mchog gis// rang sa thob kyang mthar thug bral// rkyen bral rig pa'i don dang 'gal// 'di kun zhen pa/ rtags dang bcings// rang 'byung 'od gsal dbyings dang bral// rang gsal ye shes nyi ma nub// rang gsal ye shes 'od gsal ba// 'jug pa'i thabs kyi mngon sbyar nas// thos bsam bsgom pas rab sbyar nas// rang gsal ye shes 'od du 'bar// rig pa rang gsal dbyings la thim// 'od 'bar thig le gcig tu gnas// gang la chags dang thugs 'thad dang // rang la gang gces phun sum tshogs// ser sna spangs pa'i dad pa yis// rdo rje rgyal po
- 191a
mnyes par byas// rangags la rig pa'i byin rlabs dang // dad dang dag pa'i nus pa yis// mkha' dang rlu dang zla ba ni// dag dang dag pa'i tshul gyis snang // gang gcig med pa'i tshul gyis ni// gsal ba'i stobs de mi snang ngo // rang gas la rig pa'i gdeng ldan kyang // ma rabs byis pa dkri ba'i phyir// lhag pa'i byin rlabs chen pa'o// rang grol rig pa'i sdeng gis bya// mkhas shing rig pa'i rjes su 'byung // rgyal ba'i dgongs pa lung dang ldan// rna brgyud zhal gyi chu yas brlan// rig pa gsang ba'i ga te rare sgo phye// dbang tho ba brnga don sprod la mkhas// phral ba'i don la'ang de bzhin no// bcos pa ma yin rang gzhag blo// thugs rje 'khor ba dag par ston// 'jig rten grags pa rnams spangs nas// brtan dang ldan la brtson 'grus dang // mgo lus longs spyod mi 'chang ba// ye shes gsang ba'i gter sgo dbye// de nas tsat+ta'i sgo phye nas// dbang po'i bye brag tha dad pa// 'phral chog sgra yi tshul nas brtag/ thabs sbyor bcos ma'i thabs goms nas// rang gsal rig pa'i don la gzhag/ mos dang thos pa chung po dang / rang gsal rtog pa'i mthu med pas//
- 191b
de nas goms pa'i mthu rnyed nas// rang gas la legs pa'i don la gzhag/ sems kyi dkyil 'khor legs brtags pa// mkha' 'gro dpang btsug nan tan bya// gal te skyon ldan slo ba ma la// gsang ba'i nyes dmigs ma shes pas// rna brgyud man ngag bshad byas na// sdug bsngal drag pos srog gcad de// mgyogs 'gro de yau myur ba ltar// bar chad med pa'i tshul gyis na// rdo rje gnas su lhung 'gyur nas// byang chub sems kyi rigs dang bral// goms blos rig pa cir mi 'jug/ drin rtog blo yi rjes mi 'brang // ji bzhin rang gsal me long la// bcos med rig pa'i tshul gyis lha// snang tsam nyid na ngo bos stong // stong tsam nyid na 'od du gsal// yangs med 'dzin bral chos dbyings la// gnyis med thug phrad tshul gyis gsal// mar me mun pa'i tshul bzhin du// gnyis su med pa'i tshul du gcig/ 'du shes gang du'ang mi 'jug pa'o// drod tshad gang yang ma 'phrod pa'o// dran med gang gzhag rang gsal ba'o// bcos med rang bzhin gyi nang gnas// drag dal chu bo lta bu'i dpe// nges par rang gsal nyams blangs pas// ji bzhin rig pa'i glong du 'jug/ rgyal tsha ba nges pa'i slob ma la// lung
- 192a
bstan bla mngon bstan na// 'khor ba byang chub lam du gsol// gcod rod ye shes gnas su spor// bgrod med bla ma'i sa la 'jug/ sa gcig mnan pas sa kun mnan// rdo rje sems dpa' mchog gis// thams cad mkhyen pa'i ye shes kyis// ma 'dres yongs su rdzogs par gsal// zhes bsu so// nam mkha mtha' dang mnyam pa'i rgyud chen po las/ bzod cing spyang du med pa'i le'u skye bco brgyad pa'o// / de nas sem dpa' rdo rje dam pas 'di skad ces gsol to// rang gsal rig pa mchog gi dang // thams cad ye shes chen por mkhyen// dus gsum chos rnams thams cad kun// dus mtha' gcig la gsal bar rtogs// mgon po khyod kyi ye shes ni// bdag la gsal bar bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// ye shes ngo bo rnam grangs ni// mtshan nyid snang tshul rim pa ni// ye shes gsal ba'i sgo 'byed pa'o// rang snang grangs med ye shes ni// sems dang chos dbyings nam mkha'i mtha'// phyogs ris bgrang bar mi nus pas//
- 192b
rnam grangs de yi tshul sbyar nas// ji ltar 'tshams pa'i tshul du snang // rang shar ye shes dbus mtha' med// stong nyid rig pa cir mi gzigs// 'od gsal rig pa thams cad mkhyen// dus gcig kun mkhyen rig pa'i tshul// sgribs dang sgo skur rnam par bcad// thams cad mkhyen pa'i ye shes yin// ma bcos rig pa'i ma long la// thams cad rang gsal gzugs brnyan 'char// ci yang 'gag med rnam mi rtog/ gnyis med rig pa gcig la rdzogs// phyogs ris mi mnga' 'od gsal lo// 'du shes med de gcig la 'dus// rdo rje nam mkha' 'od gsal ba// thams cad ma rtogs gsal bar mkhyen// rang rig ye shes mnyam pa'i tshul// che chung mtha' dbus med pa la// rang gsal snyoms pas nyi ma'i 'od// thams cad rang gsal 'od du 'bar// nam mkha' mtha' dang ma nyam sbyor bas// dbye ba sring yang dag mi mnga' yang // ma nyam nyid rig pa'i ngang du gsal// ma bcos ngang la gnyis med kyang // shes rab 'od gsal chen po yi// mkha' la gza' skar bkram pa yang // me tog mdzes pa'i phung po ltar// so sor gsal la gcig tu 'dus// ma 'dres yongs rdzogs gsal ba ni// phyogs ni rang gsal ye shes su//
- 193a
dus mtha'i tshad la gsal bar mkhyen// rang gsal rig pa gnyis med la// thams cad ma lus yongs rdzogs pas// ye shes rgya mtsho mu mtha' med// ye nas grub par bya btsal bral// ma bsgribs gsal ba'i rig pa la// thams cad ma lus rdzogs par ldan// ma bcos rang byung gsal bar ni// rnam dag dbyings kyi dkyil 'khor la// gsal ba'i 'od kyis mngon par mthong // byas pa med par don grub pa'o// thams cad 'byung ba'i dkyil 'khor ni// nam mkha' kun 'byung rig pa'i sgo// 'byung 'jug rig pa'i thig le can// bskyed pa'i dkyil 'khor yongs kyi sgo// kun 'byung rig pa 'khor lo'i rgyu// rnam par dag pa lta bu'i ngang // rang gsal rig pa'i dkyil 'khor de// ma bsgribs gsal ba'i ye shes so// rang gsal sgribs med rig pa'i nyams// 'dzin med rig pa'i blo yis brda la// gsal yang dmigs bral kun dang bral// cir yang mi dmigs cir ma bslad// rdo rje nam mkha' khyab pa'i 'od// btsal bral rig pa ye shes gsal/ ma bskyed ye nas gdod nas byung // rang las byung bas gzhan byung min// lhun gyis grub pas phyogs ris med// rang gsal rig pa'i ye shes la//
- 193b
gzhan gyi rig pa gdod nas stong // lhun grub nyid la phyogs med pas// gsal dang mi gsal phyogs dang bral// rang byung nyid la rgyu med pas// bskyed bya skyed byed gdod nas med// btsal bral ye shes chen po la// rtsol ba'i chu bo kun las 'das// bdag gzhan ma gsal nam mkha'i ngang // yul dang yul can dmigs yul bral// gang yang ma yin gdod nas stong // sgrib pa med pa'i ngo bo ni// bltas pa med par kun la gsal// nyams myong bde ba'i 'du shes spangs// 'du shes med pa'i 'du shes can// 'byung 'jug spangs pa'i thabs kyis shes// kun la gsal ba'i ngo bo yang // 'di zhes tshig tu bstan pa med// ston pa rdo rje sems dpa' yang // rig pa'i 'og min chen po ru// rig pa'i ye shes 'khor tshogs la// ye shes ngo bo bstan pa yang // rang shar rig pa'i ngo bo de// ma bcos rig pa'i glong zhugs nas// dgongs pas gtan la phab pa las// tshig dang yi ge bstan pa med// de phyir ye shes chen po ni// khyad par gsal la dngos po med// ye shes rig pa'i pho brang du// rang snang rig pa'i 'od brdal bas// ji ltar bltas pa de ltar gsal// mtha' bral ye shes rdo rjer rig/ ma bcos ye nas rang gsal grung
- 194a
ye nas shes pas ye shes yin// ye nas shes rig chen po bas// rig pa ye shes chen po yin// ma bcos ji bzhin rig pa'i don// gtan la phebs pas ye shes yin// dgongs lung rang gas la rig pa la// ga nyis nas ye nas rig pa'i phyir// ye shes rig pa chen po yin// dgongs pa rig pas ma nyam du shes// ma bltas gsal ba'i ye shes yin// rang byung ye shes nyid yin pas// btsal ba'i bsam pa gdod nas dag/ yin ni ci yang ma yin la// gsal ni kun la 'thun par gsal// 'byung 'jug med pa'i rig pa'i mtha'// mtshan nyid nges par bzung dka' bas// gang yang ma yin phyogs bral/ yin/ byams mgon phyogs ris med pa'i gter// rang gsal rig pa'i mtshan nyid can// mtshan bzhi rtag pa'i yul las 'das// rang bzhin rtog pa mchog gi sku// spros bral brjod med rig pa'i gsung // mtshan nyid dran rtog med pa'i thugs// 'phel 'grib med pa'i yon tan thugs// bya btsal bral ba'i las chen yin// kun la khyab cing rang la brda la// dmigs su med cing bstan du med// rang gsal me long 'od po che// ma bcos rig pa'i khyad par las// ji
- 194b
ltar bltas pa de ltar snang // thams cad rig pa rang gsal yang // 'khrul pa'i shes pa cir mi 'dod// spros bral rig pa'i 'khor lo las// mtho dman snang tshul cir mi brtags// thag pa'i rang bzhin sgra la min yang // 'khrul bas sbrul gyi ngo bor snang // dngos la sgra la du mi gnas kyang // 'khral pa'i ngo la snang gzhi yod// rang gas la ma bcos ji bzhin lo// rtog dang mi rtog mi gnas kyang // 'khrul bas gnyis su rtog pas gzung // dngos la de ltar mi gnas kyang // rang rang zhen pa'i dbang gis na// de ltar snang ba 'khrul gzhir gnas// dag pa'i zhing khams gzhal yas khang // mtshan dang dpe byad 'od 'bar ba// ye shes gsal ba'i ngo bor snang // dngos la de ltar gnas pa med// ces gsungs so// nam mkha'i mtha' dang ma nyam pa'i rgyud chen po las/ ye shes bstan pa'i le'u ste bcu dgu pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// sku gsum rol pa rmad 'byung ba// rang gsal ye shes snyoms pa'i mgon// 'gro drug ye shes gsal bar rtogs// mgon po khyod la gsol ba ni// gsang ba rmad 'byung theg pa
- 195a
'di// ma 'ongs dus na ji ltar 'gyur// mgon pos bdag la bshad du gsol// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam sbyor ba'i// rdzogs chen byang chub sems kyi rgyud// nga yi dgongs pa gsang ba'i don// yang gsang thugs kyi rna ba rgyud 'di// dgongs pa rnams kyi nges brgyud nas// lha gnas gsum du grags par 'gyur// de nas thugs rje'i sprul pa yis// u rgyan gling gi dur khrod du// yang gsang phug tu gnas bcas nas// ya mtshan sprul pa'i cha 'dzin pas// yang spu la thugs kyi sras bdun la// rig pa'i dkyil 'khor sgo phye nas// rgyal thabs spyi blugs dbang bskur nas// gsang ba'i lung ni bstan par 'gyur// de nas yang sprul skal ldan gyis// 'dzam gling dbus su rgyas par 'gyur// nor bu rin chen ltar grags pas// kun gyi 'dod pa skong zin nas// skal ldan rigs ldan rtogs pa kun// sangs rgyas sa la gnas par 'gyur// gang gi rang 'dod rtogs pa dang // mtshan ma sgra la zhugs pa dang // skal ba med pa mi nas ni// ngan 'gro 'khyams pa nyid
- 195b
'gyur nas// skal ldan sprul pa'i sras 'dus nas// mi mngon dbyings su sbed par 'gyur// de nas thugs rje'i byin rlabs dang // dad pa'i las 'phro ldan pa yis// gnyis su med par mthun pa yis// mtha' 'khob yul du snang 'gyur nas// skal ldan rigs brgyud 'dzin pa rnams// rang shar rig pa'i don go nas// sangs rgyas sa la 'gro bar 'gyur// 'di rnams skal ldan rgyal sras te// rigs su nges pa nyid du 'gyur// rang gsal rig pa'i glegs pa ma 'di// skal ldan rin par brgyad byas nas// gsang ba rig pa'i rgyas btab nas// 'phel dang nub par mi 'gyur ro// de nas gsang ba'i 'chal ba yis// skal bar ldan dang mi ldan pa'i/ 'dus pa'i tshogs la bshad pa yis// mtha' 'kho ba yul du gang bar 'gyur// de tshe rigs can dam pa'i sras// rgyal ba'i sa la gnas par 'gyur// skal med rlung bzhin spyod pa dag/ ngan 'gro log pa'i gnas su 'gyur// rang gi rnam rtog mi mthun pas// rang gisal gnyis med ye shes las// yin dang ma yin cha 'dzin cing // rtsod pa 'phel ba nyid du 'gyur// de tshe dam pa'i rigs can yang // the tsom za bas mi 'grub cing // kun la khyab par bsgrags pa'i mthus//
- 196a
thun mong theg pa skur ba dang // chos la byin rlabs chung ba dang // de tshe dur rkun sems 'dzin pas// dmigs pa rtse gcig med pa yis// grub mtha'i rang bskur ba dang // kun gyis skur ba'i gnas su 'gyur// bdag bstod gzhan sma da byas pa dang // nyon mongs rtsod pas 'phe la 'gyur nas// phyogs ris zhen pa'i nus mthu yis// rang gsal 'od kyang gsal mi 'gyur// de nas thugs rje skal med pas// gsang ba'i lung 'di nub par 'gyur// gzhan gyis thub par mi 'gyur te// seng ge khog par rang 'jig ltar// nga yi sras su khas blangs pas// gsang ba'i lung 'di nub par byed// de yang ji ltar 'gyur zhe na// chos la phyogs ris gzung ba yis// rtsod pa'i las su 'gyur ba dang // rang gsal nyams dang mi ldan par// rnam par dkar ba'i las bor nas// nyon mongs zhen pa'i las byed dang // rna brgyad gdams ngag mi ldan par// rang rtags zhen pas 'chad pa dang // lhag pa'i che ba 'don pa dang // khe dang grags pa gtsor gzhag nas// nges dang ma nges kun bsdus nas// 'dus pa'i tshogs la 'chad pa dang // lta ba yas babs btsan thabs dang // glang po ngag dang spyad
- 196b
pa dang // rnam par dkar ba'i las bor nas// spangs pa'i las dag spyad pa yis// 'jig rten bcas kar sgrog pa dang // skye bo kun gyis smad pa dang // thun mong theg pa spangs pa'i mthus// gsang ba dam pa nub 'gyur nas// theg chen byang chub sems dang bral// de bas dgongs lung dam pa de// gang zag ngan pas/ sgrub par 'gyur// de nas gsang chen theg pa de// 'dzam gling dbus su rgyas 'gyur nas// skal ldan rtsa la med theg pa yis// sangs rgyas sa la 'gro bar 'gyur// de nas lho phyogs rgyud du ni// gsang ba dam pa rgyas 'gyur nas// gang zag dam pa kun gyis ni// btsal med 'bras bu thob par 'gyur// de nas gsang ba 'phel ba'i mthus// rnal 'byor rtsod pa'i gzhir gyur nas// the tsom mi mthun gzhung mangs pas// skal ldan bral ba'ang 'byung bar 'gyur// de yi dus na gang zag ni// rgyud nges 'tsho ba mkhas pa dang // rang gsal don la bsgom pa dang // nges pa'i gzhung lugs 'dzin pa dang // rna brgyud gzhung lugs 'dzin pa dang // gsang ba mi 'phel sdom pa dang // dgon par gnas shing mkhas pa dang // mi smra sems la gzugs su 'dzin// bdud kyi bstan
- 197a
pa 'phel bar 'gyur// de nas lnga brgya'i tha ma la// nyon mongs rang kar zhen pa dang // don la zhen pa'i mthu med cing // snod ldan gang zag med pa dang // ma nor nges pa'i bla ma rnams// gdung brgyud chad par 'gyur ba'i mthus// rna brgyud thugs kyi bcud bral nas// las dang skal bar mi ldan pas// gang zag mang du 'dus pa'i mthus// las dang thugs rje skal med pas// yang gsang rmad 'byung theg pa 'di// 'dzam gling dbus su nub par 'gyur// sprul pa'i bstan pa tha ma'i tshe// ma 'ongs dus na 'dzin pa 'dir// 'di ltar nges par 'byung bar 'gyur// zhes gsungs so// nam mkha'i mtha' dang mnyam pa'i rgyud chen po las/ lung bstan pa'i le'u ste nyi shu pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyis// yang gsang rmad 'byung rol pa'i mchog/ lung bstan skal ba'i gang zag la// glong dgu'i bstan pa ji ltar 'char// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ de bzhin gshegs pa
- 197b
kun gyi gsang // sems can sangs rgyas gnyis su med// bcos med rnal 'byor rig pa'i thugs// bya btsal kun bral ye sangs rgyas// de nyid dgu ldan sems kyi gzhi// rin chen lam gyis goms par snang // rang 'byung rig pa'i ye shes ni// btsal med rang shar thob par 'gyur// rig pa mchog gi dkyil 'khor nas// ye shes rig pa 'od kyis brda la// brjod med rig pa'i bstan pa la// ye shes gsal ba'i gsung mchog gis// ma brjod rig pa gtan la pha ba// 'od gsal rdig pa'i ya shes la// glong da gu'i bstan pa dus gcig 'char// drin chen 'od gas/ la br-i ga la ni// gas la pa'i bstun pas mthong/ bya'i phyir// glong dgu'i bam po nyis khri nyid// rin chen gsal bya'i tshad du gsungs// rin chen 'od 'bar sems kyi mtha'// theg pa'i rtsa ba spyir bstan pa// rdzogs chen byang chub theg pa ste// glong dgur ma 'dus bstan pa med// cir snang cir ltas cir mi dmigs// yul dang bral ba bsam yul 'das// lta ba gza' bral sems kyi glong // 'od gsal ye shes spyod pa la// nam mkha' mtshan 'dzin mi gnas bzhin// spyod pa bag yang sa bde ba'i glong //
- 198a
skyed bral rig pa'i dkyil 'khor la// mtha' yi zhen pa chos bral zhing // byang chub sems su rang gsal bas// skyed pa rang grol dkyil 'khor glong // khams gsum rin chen 'od gsal te// gnyis med rtogs pas dbang sgyur zhing // rig pa kun khyab brdal ba ni// rgyal thabs spyi blugs dbang gi glong // bsrung med sems kyi rang bzhin ni// lhag pa'i dam tshig gzhi la gnas// thig le nyid las mi 'da' bas// bsrung bar dam tshig 'da' med glong // bya bral 'od gsal chos dbyings la// 'phrin las btsal med lhun grub pas// 'od gsal ye shes phyogs ris med// btsal med ye shes mchog gi glong // bsam med dmigs bral chos kyi dbyings// yengs med rang gsal rig pa'i klong // yengs med rang gsal rig pas gzhag/ bcos med dgongs pa nyid kyi glong // 'khor ba ye nas sangs rgyas la// gzhan du bgrod pa'i yul bral nas// lam dang sa la bgrod med de// sems nyid mthar phyin lam gyi klong // rin chen phung po gsal byed ltar// rig pa rang gsal lhan grub la// rgyu dang rkyen las ma skyed pas// rang 'byung 'bras bu ye shes klong // klong dku rin chen 'khor lo ni// rang shar rig pa'i 'od las
- 198b
'char// 'khor ba ma bcos 'od gsal la// gdod nas nyes pa dri ma med// spros bral ye shes gsal ba la// gnyis med rig pa'i stobs kyis 'jug/ man ngag/ gsang ba'i 'khor lo ni// kun la bskor zhing dbyings la 'dus// brjod bral chos kyi rang bzhin no// brjod bral chos kyi snying por gsal// sgra bral rig pa'i bstan pa ni// ji ltar 'dod pa bzhin du gsal// klong dgu bstan la kun gyis spyi// rang gsal me long rdzogs pa'i lung // thams cad ye shes rang grol ba// sgrib pa'i chos dag ye nas dag/ spros bral nam mkha'i rang bzhin la// dran dang rtog pa gang yang med// ma bcos chos nyid 'od gsal la// bcos ma'i spyod pa phyin ci log/ rin chen gling gi don rtogs nas// thams cad gsang ba'i lam du gsal// ya nas phyag rgya'i las mi byed// btsal bral rig pa'i gsung go bas// bzlas dang 'phro 'du'i las mi byed// rang gsal rig pa'i klung zhugs pas// rdo rje bcos bral 'od gsal sems// don gcig de nyid gzhi dgu las// ma bcos rig pa'i thabs dgu yis// ji ltar 'dod pa'i don la sbyar/ rang gsal rig pa'i don dang 'phrad// gdod nas zhi ba'i rang bzhin la// mtshan ma'i sgo skur chos mi 'jug/ sangs rgyas sems can ma lus la// rkyen brang
- 199a
rang gsal sgrib med gcig/ dmigs bral rig pa'i tshul gyis ni// ye nas khyab cing brdal bar gnas// ye nas ma btsal sangs rgyas la/ bsgrub dang mi bsgrub chos mi gnas// rin chen 'od 'bar gsel ba la// gol dang sgrib pa'i chos mi gnas// phyogs med rang gsal ye shes la// phyogs mtshams ko zung 'dzin yo nas dben// btsal med rin chen phung po la// ma rdzogs pa yi chos mi gnas// mtha' dbus med pa'i gnas yas la// tshad dang dmig pa ga la yod// rdo rje sems dpa' gsang ba'i lung // klong dgu bstan pa kun gyi bcud// rig pa rang gsal me long ni// thams cad kun la de bzhin gnas// zhes gsungs so// nam mkha'i mtha' dang mnyam pa'i sbyor ba'i rgyud chen po las/ klong dgu phye ba'i le'u ste nyer gcig pa'o// // de nas sems dpa' rdo rje dam pa des 'di skad ces gsol to// rgyal ba kun gyi dgongs pa'i thugs// klong dgu rin chen gsal byed lung // bsdus pas nges pa ji ltar gsal// bcom ldan snying pos bshad du gsol// zhes gsol to// de nas de bzhin gshegs pa rdo rje sems dpas 'di skad ces bka' stsal to// kye sems
- 199b
dpa' chen po/ klong dgu'i rtsa ba gcig la 'dus// dpe ni gser dang mtshungs pa la// don ni rtsa ba byang chub sems// rtogs tshul gnyis med ye shes te// snying po byang chub sems kyi lung // sems nyid bcos med rang grol la// gnyis bral rig pa cir mi 'jug/ mtha' dang dbus bral 'od gsal ba// gnyis kyi 'du shes smos ci dgos// bde sdug 'gro 'od mtha' yas kyang // rang gsal gnyis med rang rig go/ bdag med gzhan bral chos kyi dbyings// skyon bral rig pa cir mi dgongs// mtha' dbus bral ba'i de bzhin nyid// rdo rje nam mkha' mchog gi lung // bsam pa ma yin mi bsam yin// 'du shes bral ba'i dbyings la rdzogs// rang gsal rig pa gnyis med la// gnyis kyi 'du shes gang stsol pa// khams gsum 'khor ba'i khams su lhung // rdo rje gsang ba'i lung dang bral// gsang ba'i rig pa yid kyi lung // mkhyen pa'i ye shes gcig yin pas// du mar snang ba'i cha mi 'gag// gnyis med rig pa gcig la 'dus/ gnyis med dang la gnyis mi bsam// nam mkha' bsam med brjod du med/ blo dang rang gsal phrad pa ni// gcig las mi g.yo mnyam du gnas//
- 200a
rtsa ba mi 'byed rtsol dang bral// ye shes 'byung 'jug yongs kyi med// gsal ba rig pa'i 'og min la// gnyis med rig pas mnyam par sbyor// rig pa'i 'khor lo kun gyi gter// ye shes rgya mtsho mu mtha' med// ma bcos rig pa thabs kyi sgo// 'gro ba'i dkyil 'khor rgya dang bral// ye shes rdzogs pa mchog la gnas// 'di ni bsam brjod kun dang bral// rdo rje sems dpa' des lung gis// man ngag lung gis gtan la phab// nges pa'i shes pa ma skyes par// rtog spyod bsam pas gang sbyangs kyang // nges pa'i man ngag thugs kyi lung // nges par gtan la phebs pa med// ye shes gsal ba'i ngo bo la// ye nas rig pa mchog tu gsal// sangs rgyas kun gyi dgongs pa'i lung // ye shes 'od gsal mchog gi lung // sangs rgyas kun kya 'di la gnas// sgrib bral phyogs med ci yang gsal// chos kun gsal ba sems kyi lung // 'di ni rang 'byung lha yi lha// kun 'dus me long thabs chen po// snying pos mdo nyid yin par bshad// theg pa kun gyi rtsa ba ni// rdzogs chen gdal ba nyid yin pas// de nyid klong dgur 'dus pa yang // rtsa ba byang chub sems su 'dus// kun gyi rtsa ba
- 200b
sems 'di ni// rang gsal nges pa gcig gi ngang // 'di med rgyal ba 'ong mi srid// theg pa'ang 'byung ba mi srid do// chos kun rab gsal 'dir 'dus la// su zhig man ngag nges pa yis// don 'di gtan la phabs pa yis// chos kun gtan la phebs pa yin// sangs rgyas kun gyi rna ba ni// rdo rje sems dpa' nyid yin no// sa dang lam gyi rtsa ba ni// 'od gsal rig pa mchog gis// don 'di rtogs pas bgrod mi dgos// sa 'di sbyang na sbyang mi dgos// sangs rgyas kun dang de yi sras// kun kyang rtsa ba byang chub sems/ bcos med rig pa'i don rtogs nas// rang gsal ye shes 'od la bzhugs// 'gro lnga 'dod lnga rigs drug dang // nyon mongs lnga por snang ba yang // rtsa ba rang gsal byang chub sems// rig pa rang shar don la gnas// mi g.yo mi rtog cir mi dgongs// 'jig rten 'od kyi rgyal po ltar// kun gsal snying po gcig tu 'dus// 'od gsal bde ba rnam rtog lung // gsal dang mi gsal chos mi gnas// tha snyad bral ba'i rig par gsal// rin chen 'bar ba'i gser gling ltar// de las gzhan pa'i chos med la// ming dang dbyings la che chung dang // las dang brtag pa tha dad de// ngo bo gcig la gnas pa med// gser la gsar du mthong
- 201a
pa bzhin// rang gsal rig pa de ltar lta// rang shar don la gnyis pa med// gser gyi rang bzhin mi 'gyur ltar// rang gsal rkyen gyis 'gyur ba med// rang la mi bsam gsal ba ltar// mi 'dzin rang gsal bsam bral lung // gdod nas ma bcos dag pa ltar// 'od gsal rang bzhin ya nas dag/ cir yang 'gyur zhing snang ba ltar// 'od gsal rig pa'i dkyil 'khor la// dbang po mos pa'i khyad par gyis// ji ltar snang ba de ltar snang // cir yang ma yin snying po ni// rang 'byung rig pa'i 'khor lo can// sgro skur the tsom rnam par gcod// rig pa ye shes rkyen dang bral// rang la rang gis gsal bar sems// kun gyis dgongs pa'i don rnams kun// rtsu ba byang chub sems la 'dus// zhes gsungs so// nam mkha'i mtha' dang mnyam pa'i rgyud chen po las// klong dgu'i rtsa ba gcig tu 'dus par bstan pa'i le'u ste nyer gnyis pa'o// // de nas sems dpa' rdo rje dam pas 'di skad ces gsol to// dus gsum sangs rgyas thams cad kyi// nam mkha' mtha' dang mnyam pa'i rgyud// rdo rje snying po bla na med// ma nor nges par gtan la pha ba// rang bzhin dgongs pa
- 201b
chos sku yang // ma nor gtan la bab pa'o// rang bzhin phyi nang chos kyi dbyings// rnam dag 'od gsal dkyil 'khor la// ma bcos rang shar dgongs pa ru// rang gi ngang gis gtan la pha ba// bya bral rdzogs lung bstan pa ni// gnyis med ye shes rdo rje'i lung // rang gsal rig pa'i snying po ni// rang gis rang la gtan la phab// chos dbyings rig pa'i 'og min de// rig pa mchog gi gzhal yas su// ston pa rdo rje sems dpa' yis// rang gsal rig pa'i 'khor rnams la// rdo rje 'od gsal bde ba'i lung // snying po rang shar bcud kyi don// sgra tshig bral ba'i dgongs pa yis// ma nor nges par gtan la phab// chos nyid rdo rje mchog gi sgra// ma brjod rang gsal rig pas thos// brjod bral gsang ba'i nges don 'di// brjod pas gtan la phebs mi 'gyur// nyi ma'i rang gsal ji bzhin du// rang la de bzhin nyid du ston// chos nyid rdo rje 'jig mtha' med// ma bcos gdod nas dag phyir ro// snying po dgongs pa kun 'dus pas// rang gsal nyid du gtan la phab// ma bcos dgongs pa chos sku ni// rdo rje nam mkha'i spyod yul la// ma yangs rkyen bral snying po yis// gser la gser bzhin gtan la
- 203a
phab// cir yang mi dgongs de bzhin nyid// gsal la dmigs bral de kho na// chu la chu ltar de bzhin nyid// rig pa rang gsal mchog tu gnas// rna brgyud rig pa'i spu khrid kyis// rang gsal rig shes gtan la 'bre bas// brjod med don pa de nyid kyis// lung dang man ngag mtshon pa'i sgos// ye shes gsang ba gtan la phab// ma nor nges pa'i dgongs par gtugs// ji bzhin rig pa'i dkyil 'khor la// de bzhin gsal ba'i blo yis 'jug/ 'od gsa' nyams kyi snying po ni// bde la mi rtog gsal ba'i lam// phyogs bral lta ba gza' gtad med// 'dzin bral ting 'dzin cir mi dgongs// bsam dang bral lo 'du shes spangs// gcig tu gnas kyang khyab par gsal// rnam par mi rtog sa le ba// sa la bar yang bsam du med// bdag gzhan mtshan mar mi gzung zhing // rnam rtog bral ba'i dbyings la rdzogs// ma bgrod sa la dus gcig gnas// nyi ma'i snying po bzhin du gnas// ma btsal ma bsgrubs de bzhin nyid// rang sems rgyun bral rig pa'i mchog/ dus mtha' shes rab gcig cha la// chos kun gsal bar rtogs pa'o// snying rje nyi ma'i 'od zer ltar// 'gro ba kun la
- 203b
snyoms pa'i bdag/ nam mkha'i mtha' la longs spyod pa// thams cad mkhyen pa'i ye shes mtsho// gsang ba'i rgya mtsho mchog gi gter// dman pa'i spyod yul ma yin pa'o// ye shes rgya mtsho'i blo mnga' zhing // rtogs 'joms ye shes rdo rje'i dbyings// rgyu 'bras rang grol snying po'i mchog/ shes rab mchog gi spyod yul gyis// ye shes rdzogs pa'i sgo phye nas// dus gcig ye shes 'od du 'bar// kun mkhyen ye shes snying po la// lta ba'i sgrib pa rnam bsal zhing // 'od 'bar thig la mchog gi rgyan// gdul bya'i bsam pa ji bzhin du// thugs rje chen po'i byin rlabs kyis// thabs kyis spyod pa bsam mi khyab/ dus gcig nyid du gsal bar 'char// bya bral rdzogs pa'i lung nyid dang // rang grol rig pa mchog gis// rna brgyud sems kyi man ngag gis// ma nor nges par gtan la phab// rang gsal lung du gtan la phab// nges pa med pa'i theg pa bdun// 'gro ba drang ba'i ched du gsungs// de yis bsam pa 'dren pa'i phyir// drang ba'i lung zhes bshad pa yin// bsam dang mos pa'i khyad par gyis// theg pa'i khyad par de ltar bstan// 'gro ba 'dul rwar ma gtogs pa// nges por
- 204a
dgongs pa gcig las med// rang gsal sems la mi gnas na// gcod dang rtsom pa'i khyad par gyis// rang bzhin don la cir btsal yang // ye shes mchog gi don dang 'gal// nges pa'i shes pa ma skyes na// dran dang rtogs pa cir bsgoms kyang // gang bsgoms de nyid rtogs gyur pas// ma bsgoms pas kyang 'grub mi 'gyur// 'di kun long ba'i spyod yul te// 'jig rten log pa'i shes pa yis// 'od gsal rig pa nyid bsgoms kyang // grub par mi 'gyur tshe chad 'gyur// rgyal ba'i dgongs pa ji bzhin po// de nyid ma bcos chos nyid don// nges par rnal du gang ston pa// nges pa'i don du gsungs pa yin// sangs rgyas rnams la bcos med de// gang gi bcos ma drang ba'i lung // bcos med ye shes snying po ni// nges pa mchog gi lung du 'dod// gang gi rtsol ba'i chos rnams ni// 'gro ba'i spyod pa drang ba'i lung / btsal med nges par spyod pa ni// rgyal ba'i dgongs pa nges lung pas// ji bzhin ma bcos dgongs pa'i tshig/ ces pas nges pa zhes su bshad// ces gsungs so// nam mkha'i mtha' dang mnyam pa'i rgyud chen po las/ chos thams cad rdo rje snying po
- 204b
mchog tu gtan la dbab pa'i le'u ste nyer gsum pa'o// // de nas yang sems dpa' rdo rje dam pa des 'di skad ces gsol to// dus gsum sangs rgyas kun gyi thugs// gsang ba yang gsang rmad du 'byung // nam mkha' mtha' dang mnyam sbyor ba'i// mtshan gyi rnam grangs bshad du gsol// zhes gsol to// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po/ sangs rgyas kun dang mnyam sbyor ba'i/ gsang ba'i yang gsang byang chub sems// ji bzhin rig pa mchog gi gter// ma bcos byang chub sems kyi lung // spros bral rig pa mchog gi gsung // skye dang 'gag med ye shes klong // spros med byin rlabs phyogs bcur brdal// rang grol chos nyid dag pa'i mkha'// gnyis med klong du ye sangs rgyas/ chos sku ye shes 'od dpag med// thig le 'od 'bar rig pa'i klong // bstan pa'i rtsa ba sems nyid dang // bstan pa'i yang rtse don gyi mchog/ nam mkha' mtha' dang mnyam pa'i rgyud// gsang ba kun 'dus rig pa'i gter// yi ge med pa mchog gi lung // kun bzang rig pa mchog gi rgyud// khu byug glong dgu
- 205a
bstan pa'i mchog/ ye shes gsang rdzogs mnyam pa'i gter// theg pa'i rnam grangs ji snyed pa// rdzogs chen theg pa 'dir 'dus la// rtsa ba byang chub sems yin pas// chos kun rtsa ba zhes su brjod// zil gnon lhag par 'phags pa dang // 'dir 'dus kun gyis rtogs yin pas// ma bcos byang chub sems nyid ni// bstan pa'i yang rtse yin par bshad// 'das dang ma byon dus gsum gyi// rgyal ba'i dkyil 'khor ma lus la// dgongs pa rang gsal 'di yin pas// don gyi mchog ces yin par bshad// 'di la mtha' dang dbus med par// sgro skur brjod gsal las 'das pas// bsam gyis// mi khyab pa yi phyir// nam mkha' mtha' dang mnyam pa'i rgyud// chos kun byang chub sems yin pas// sangs rgyas sems can kun gyi gsang // rig pa sems nyid kun 'dus phyir// gsang ba'i kun 'dus rig pa'i gter// 'di la tshig dang yi ge dang // brda dang mtshan ma thams cad kyis/ rang gsal mtshon du med pa'i rgyud// yi ge med pa'i rgyud ces bya// thams cad ye shes chos dbyings la// che chung bzang ngan blang dor gang // ye na sa gnyis med
- 205b
gcig pas na// kun bzang rig pa mchog gi rgyud// chos kun rtsa ba klong dgur 'dus// klong dgu rtsa ba sems su gcig/ 'byung dang rtogs par dka' ba'i phyir// khu byug kun bzang klong dgu'i rgyud// ye nas ye shes rang gsal yang // rnam rtog phra rags bsam yas pas// sgrib pas gsal bar ma mthong bso// ye shes gsal ba mchog gi rgyud// phyi nang sangs rgyas sems can dang // bdag gzhan bde sdug zad par ni// ye shes rang gsal la rdzogs pas// ye shes rdzogs pas rgyud ces bya// dus gsum rgyal ba'i dgongs pa ni// rdo rje snying por 'od gsal te// ma nor gtan la phab pas ni// rdo rje snying po gsang ba'i rgyud// 'di ni gsang ba rab gsong ba// 'di ni gsang ba rmad 'byung ba// don dang 'brel ba'i mtshan du bshad// ces gsungs so// nam mkha'i mtha' dang mnyam pa'i rgyud chen po las/ mtshan gyi rnam grangs bstan pa'i le'u ste nyer bzhi pa'o// // de nas sems dpa' rdo rjes 'di skad ces gsol to// ye shes rang gsal ngo bo la// gnyis pa'i chos dang rnam bral yang // rtogs dang ma rtogs khyad par gyis// 'jug tshul rim pa bshad du gsol//
- 206a
zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ rang snang ye shes gsal ba la// rnam rtog sgrib pa'i chos mi gnas// gdod nas dag pa'i ye shes ni// nam mkha' gsal ba'i 'od dang mtshungs// 'dod pa kun 'byung rin po che// chags med pad+ma lta bu'i ngang // rang 'byung rang gsal rang la rdzogs// rdo rje sems dpa' gsang ba'i mchog/ kun bzang chags pa chen po'i mchog/ zab mo brtag dka' rgya che nyid// dmigs bral mkha' mnyam rgyas pa'i mchog/ 'od gsal bde mchog rang shar lung // 'di ni nam mkha' mtha' mnyam lung // rang grol rig pa mngon rtogs pas// bcos bral rig pa gsal ba'i ngang // chos sku 'od 'bar dus gcig gsal// bde mchog ro la dus gcig bzhugs// 'od gsal rig pa'i gdeng ldan na// rang gsal ma yin chos mi gnas// rang 'byung 'od la rtag tu 'bar// ye shes 'bar ba mchog gi gnas// dus gcig rim pa ma gsal na// rim skyes shes pa nor ba'i lam// gsal ba mi mngon chos dbyings ni// thams cad kun la khyab par gnas// rtogs
- 206b
pa ma bcos bla ma yis// 'khor ba nyid ni ye sangs rgyas// ma bcos sa la dus gcig phyin// 'od gsal lung la rtag bzhugs kyang // 'gro ba'i don la phyogs ris med// khams gsum 'khor ba btson ra yang // rig pa rang gsal chen por lhur// dug lnga brtsegs pa'i ri bo yang // rang gsal ye shes lnga ru 'bar// thams cad ye shes gsal ba la// gnyis pa'i rtogs pa gdod nas stong // gang gi 'od gsal chen po la// rig pa'i sems dang ma ldan na// btsal ba'i rnam grangs ci spyad kyang // byas na 'ching ba chen por 'gyur// dam tshig mi bsrung tha mal sems// 'jig rten grags pa gtsor gzhag nas// rang 'byung rig pa'i sems dang bral// mun 'gyur bden pa'i don las nyams// ji ltar btsal ba de nyid 'khral// gang ltar bltas pa de nyid nor// lba log spyod cing mu stegs pa// shi nas dmyal ba chen por 'gro// thar pa'i skabs dang bral nas kyang // theg chen gsang ba'i rigs dang bral// yang dag gsang ba'i don rtogs na// ci spyad ye shes 'od du 'bar// thams cad gsang ba'i me long bas// ye shes rang gsal 'od du 'bar// zhes gsungs so// nam mkha'i mtha' dang mnyam pa'i rgyud chen po/
- 207a
las gdams ngag phog pa'i le'u ste nyer lnga pa'o// // de nas yang sems dpa' rdo rje dam pas 'di skad ces gsol to// sangs rgyas kun gyi gsang ba'i gter// dus gsum rgyal ba'i dgongs pa'i lung // gang zag dam pa gang ltar brtag/ mgon po chen pos bshad du gsol// zhes gsol lo// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ rdo rje theg pa bshad dam ma nyan// skyon dang yon tan rim pa ni// rdo rje bla ma gdam ngag can// rig pa gsang ba mdzod 'dzin cing // rang gsal lung gi don la goms// shes rig ye shes nyid du gsal// rna brgyud man ngag ldan pa la// rig pa mdzod kyi nyams dang ldan// ye shes 'khor lo bskor zhing 'bebs// rgyal thabs dbang thob man ngag ldan// spyod pa ma bcos klongs su zhugs// thugs rjes 'gro ba'i don la brtson// chos la phyogs ris mi mnga' zhing // gsang ba'i man ngag 'tsho mkhas te// theg pa bye brag ma rmongs te// lhag pa'i che ba rtogs par ldan// tshig gcig don kun rtogs pa'i blo// shes rab chen po 'od gsal bas// bag chags phung po sreg
- 207b
byed pa'o// rdo rje bla ma yin par rtag/ dregs dang snying rje chung ba dang // rna brgyud man ngag mi ldan cing // thos chung khe grags bcud 'jug cing // dbang lung man ngag mi ldan na// 'phongs pas 'phongs par gyur nas ni// man ngag dam pas 'phongs par 'gyur// dad pas lus srog mi lta zhing // rdo rje bla ma gus pas 'khur// man ngag gsang ba gzhung ldan nas// gsang ba spel bar mi byed cing // rang gsal rig pa'i don la dga'// bskal bar mi 'gyur yul la sems// snying rje dam tshig ldan pa dang // brtson 'grus shes rab ldan pa yiso// rgyal tsha ba nges pa gcig la ga tad// bla ma gzhung ldan mkhas pa yis// snod ldan rgyal sras de dag la/ rang shar ye shes don bshad na// skad cig nyid la rdzogs sangs rgyas// dad med chags pa che ba dang // ser sna rang che log lta zhing // 'jig rten grags pa gnyer ba dang // dad med brtson 'grus chung ba dang // ye nas blo 'phangs dma' ba dang // 'jig rten bya ba bsgyur sgrub dang // theg pa dman pa zhugs pa dang // chos la phyogs ris ngoms skyon dang // rdo rje bla ma bslu ba dang // nges pa'i don la skur 'debs pa// 'di la gsang ba'i sgo phye nas// nor bu rin chen gang stod pa/
- 208a
rdo rje dmyal bar skye bar nges// gal te thar zhing sems skyes na// nges gsang don dang 'phrad mi 'gyur// rdo rje bla ma smod pa ni// dus gsum sangs rgyas smad pa'i mthus// gdung brgyud tshun chad brlag 'gyur nas// rdo rje 'bar ba'i nang du skye// gal te dam par 'jug 'dod na// skyabs kyi dam pa rnyed mi 'gyur// gang gi gsang ba'i gsung mchog la// gang gis spang zhing skur btab pas// rgyal ba'i gsung mchog spangs pa yis// thar pa'i sems dang gtan du bral// zhes gsungs so// nam mkha' mtha' dang mnyam pa'i rgyud chen po las// gang zag pa rtag pa'i le'u ste nyer drag pa'o// / / de nas sems dpa' rdo rje dam pas/ bcom ldan 'das la 'di skad ces gsol to// dus gsum rgyal ba'i sku gsung thugs// gsang mdzod thugs kyi me long 'di// bstan dang bshad dang klog pa yis// yon tan rgya cher bshad du gsol// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ dus gsum rgyal ba'i gter gyi dbyig/ nam mkha' mtha' dang mnyam pa'i rgyud// gsang ba'i yang snying bstan
- 208b
ba'i bcud// sangs rgyas kun gyi dgongs pa'i lung // nges pa gcig tu bstan pa'i rgyud// sku gsum nam mkha' mtha' mnyam pa// spros bral bstan pa cir mi dgongs// theg pa'i yang rtse kun gyi 'grel// lung gsum man ngag kun gyi bcud// rin chen phung po zad mi shes// zag med ye shes bde chen klong // rtag pa ye shes 'khor lo can// rab tu gsang ba rtogs dka' zhing // dman pa'i spyod yul ma yin pa// rang shar rang gi ye shes mdzod// rang 'byung rig pa'i 'od la bzhugs// bde chen khyab pa'i ngo bo ni// nam mkha' 'dzin pa'i sems dang bral// 'di la mos pa'i gang zag ni// sangs rgyas sa la skal ba mnyam// rdo rje sems dpa' bcom ldan 'das// rang gsal khyab pa'i 'od mnga' zhing // rig pa gsal ba'i dbyings la gnas// rig pa ye shes gsal bar snang // 'gro drug ye shes snying por gsal// dngos po thams cad gsal bar rtogs// bstan pa'i snying po gang 'chang ba// rgyal ba'i sku gsung thugs 'chang ba// de bzhin / ma nor rig pas 'dzin// ye shes nyi ma'i 'od ltar snyoms// thugs rje 'gro ba'i dpal du shar// bdud dang bgegs kyis mi tshugs shing // rig pa dkyil
- 209a
'khor nyid du 'bar// klog dang bri dang 'dzin pa dang // kun kyang bu bzhin skyong bar byed// de phyir bstan pa'i yang snying 'di// rigs nges rgyal tsha ba gcig la gtad// brag dang chu gting sbra byas nas// srog dang bral ba'i kha bzhin bsdam// zhes gsungs so// nam mkha' mtha' dang mnyam pa'i rgyud chen po las/ rgyud bzung ba'i le'u ste nyer bdun pa'o// // rgyud kyi rgyal po chen po rdo rje sems dpa' nam mkha' mtha' dang mnyam par sbyor ba zhes bya ba// byang chub kyi semasardzogs pa chen po'i rgyud rdzogs so// kha sa mAn+ta chen po rdzogs so// // rgya gor gyi mkhan po shrI si d+ha dang / bod kyi dge slong bai ro tsa na sa d+ha he na'i 'du khang du bsgyur ro// / rgya gar skad du/ badz+ra gu phya gar+b+ha sa twa ma hA kha b+h+yer+b+bi tan+t+ra/ bod skad du/ rdo rje sems dpa' nam mkha' che gsang ba'i snying po rnal ma don gyi rgyud/ dpal rdo rje sems dpa' la phyag 'tshal lo// 'di skad bdag gis bshad pa'i dus gcig na/ bcom ldan 'das rang bzhin rdzogs pa chen po/ ye shes lhun gyis