dpal dus kyi 'khor lo'i rab tu gnas pa'i cho ga zhes bya ba
Śrīkālacakrasupratiṣṭhapāyikabidhi
Text
ff. 30a–36b · 14 folio sides
- 30a
'ga' zhig gis ni ye shes lus nyid 'grub par byed/ ces so// snyan dngags tshig gi bkod pa med// mu stegs kyis bshad ma yin chad// kun mkhyen gsung gis bshad pas na// de phyir mkhas pas bzod par rigs// kha che'i paN+Di ta chen pos mdzad pa'o// rdzogs so// // paN+Di ta de nyid kyi drung du/ dmyal lo tsA bas bsgyur ba'o// // so sor sbyad pa'i mtshan ma'i dbye ba rnam pa bcu ste/ du ba dang / smig rgyu dang / mkha' gsal dang / mar me dang / 'bar ba dang / zla ba dang / nyi ma dang / sgra gcan dang / dus me dang / thig le mthong ba'i dbye bas ma btags pa'i ye shes kyi phung po'o// // rdo rje snying po'i 'grel pa nas/ rgyal bas ma lus rgyud kyi nges don ston gyi drang ba'i don ni ma yin no// rtogs phyir gal te 'grel pas drang don gsal byed nges don brdzun du gyur pa'o// yang / nad gzhan yin zhing sman 'di gzhan te nad ni rab tu 'joms pa'i phyir du 'gyur ram ci// thub pas don la sogs rton rnam bzhir yin gyi gsal byed la sogs rton pa min/ zhes so// me long dang ni pra ti se na dang 'dra dus gsum yang dag rig byed 'di// dngos dang dngos min rtog pa'i dra ba dang bral ye shes gang zhig gnyis med pa'o// zhes so// zhal dang phyag tu brtags pa'i sangs rgyas 'di rnams nges par sangs rgyas min// zhes so// @// / pa nas kyi gakho ma'i rab gnas kyi chog zhugs so// / rgya gar skad du/ shrI kA la tsakra su pra tiSh+Tha pA yi ka bi d+hi/ bod skad du/ dpal dus kyi 'khor lo'i rab tu gnas pa'i cho ga zhes bya ba/ dpal rdo rje sems dpa' la phyag 'tshal lo// de nas gsungs pa'i dkyil 'khor rim bris skul sogs
- 30b
pa'i dkyil 'khor la mchod pa la sogs pa sngon du song bas/ lugs ma la sogs pa rab tu gnas par bya ba ni/ stong pa'i rang las sa bon la sogs pa las yongs su rdzogs pa'am/ skad cig gis dam tshig sems dpa'i gzugs thugs kar sa bon dang bcas pa bsams la/ na bza' gsar pa dmar po la sogs pa skon pa dang / de nas yon bdag me tog dang bcas pa de nyid gzugs brnyan dang / me tog dang bcas par dmigs te/ yon bdag lugs ma la sogs pa dang bcas pas slob ma ji lta ba bzhin du rdul tshon gyi dkyil 'khor du 'jug pa ste/ slob dpon gyis kyang lugs ma la sogs pa'i lhag pa'i lha'i mtshan ma'am/ de'i rigs kyi mtshan ma la de'i me tog gi phreng ba dbul du bzhug go// yang na me tog dor ba spangs te lugs ma la sogs pa dkyil 'khor mthong ba tsam gyis 'jug par bya'o// de yang dkyil 'khor gyi khang pa'i phyi rol gyi shar phyogs sam byang shar mtshams su/ khrus kyi gdan gyi snam bu chu dang zheng du ji ltar mtsham par byas pa'am/ ji lta ba bzhin du sa gzhi la byug pa la sogs pa byas pa la bdud rtsi lnga dang bcas pa'i rnam lngas byugs te/ phyogs mtshams la bum pa brgyad bkod pa dang / me tog la sogs pa dang gdugs dang rgyal mtshan dang / ba dan dang / dril bu dang / gar dang glu dang sgra la sogs pa ji ltar nus pa yid du 'ong bar byas la/ dge ba'i tshes la sogs pa la slob dpon rgyan la sogs pa btab ste/ rdo rje sems dpa'i rig ma dang bcas pa'i nga rgyal gyis/ stegs bu de'i dbus su thugs kyi dkyil 'khor gyi ched kyi gru bzhi pa rta babs dang bral ba'i nub kyi sgo dang ldan pa sna tshogs pad+ma 'dab ma brgyad pa'o// phyogs dang mtshams rnams la don yod grub pa la sogs pa'i mtshan ma
- 31a
rnams rdul tshon gyis bya'o// de'i steng du snam bral pad+ma 'dab ma brgyad pa bris pa// lugs mal sogs pa bskyod par nus pa rnams shar du phyogs pas bzhugs su gsol lo// lha khang dang mchod rten dang dri'i gtsang khang dang / lugs ma chen po rnams snga ma ltar dam tshig pa bskyed la/ dkyil 'khor du gzhug par bsams te/ de rnams la khrus kyi snam bu dgos pa med pas na de ltar bye brag gnyis so// de yang nub mo'i dus su lugs mal sogs pa sngon du bzhugs pa dang / de la bdag nyid mngon par phyogs te/ zhabs bsil la sogs pa sngon du song pas/ nir man chen bya ba ni/ oM AHhUM ho haMk+ShaHzhes pa'i sngags kyis grub pa'i yungs kar chang ba g.yas g.yon du bzung la so sor lan gnyis su g.yon du bskor cing / oM sarba pA pa da ha na badz+rA ya badz+ra satwa s+ya sarba pA paM da ha swA hA/ zhes pa bzlas te yungs kar me la brdeg par bya'o// de ltar g.yas su bskor zhing g.yon pas kyang ngo ro// de ltar chus gang ba'i kham phor dang dUng ba dang bcas pa'i ba lang gi lci ba chang bar bcangs pa dang / chang zan dang bsil yab ras rnams te/ 'on kyang kham phor la sogs pa me ru bsgyur bar mi bya'o// de nas lugs ma la sogs pa la lag pas reg la/ gtso bo'i sngags dang bcas pa'i lugs ma la sogs pa la ji ltar rigs pa ltar dngos su'am me long gzugs brnyan la dri ni thug si kar byug go/ me tog ni dbu la'o// yon chab mdun du'o// mar me bskor bzhin pas so// mar dang spos dkar yi ge drug pa lan bdun bdun bzlas te bdug par bya'o// 'dir ni nir man che na'i cho ga'i rim pa'o// de nas yi ge drug pa bzlas shing drar ba'i bar
- 31b
gyis zangs kyi snod du gnas pa'i zho dang 'o ma dang mar dang sbrang rtsi dang ka ra rnams te bdud rtsi lnga'i bdag nyid dang / gzhan yang zho dang 'o ma dang mar dang / ba lang gi lci ba dang chu rnams kyis lugs ma la sogs pa sku khrus gsol du btub pa rnams la/ oM hUM trAM hrI A/ zhes pas sngags kyis byug par bya'o// bri sa sku dang po ti la sogs pa rnams me long gi gzugs brnyan la'o// de nas yi ge drug pa bzlas shir chu gtsang ma dang dri zhim pos khrus bya'o// de nas kher ba'i snod du 'dag chal blugs pas dag par bya ba ni// oM sarba ta thA ga ta kA ya bi sho d+ha ni swA hA/ zhes pas so// me dang nyi mas smin pa'i dri'i mar gyis byugs la 'dag chal gyis so// skyur pos byugs la de ltar khrus byas te/ khar ba'i snod kyi yung bas byugs nas yang khrus bya'o// de nas can dan dang gur kum dang / ga pur dang gla rtsi la sogs pas mnyam par byugs te/ snying gi'i 'od zer gyis spyan drangs pa'i bum pas khrus byed par bsam zhing bkra shis kyi glu dang bcas pas bum pa rnams kyi chus khrus bya ba ni sngon gyi brjod pa'i tshigs su bcas pas so// de nyid la chags pa'i chu ras 'jam pos dbyi bar byas pa dang / de la ji ltar nus pa'i na bza' dbul bar bya'o// de nas sa bon gyi 'od zer gyis ye shes sems dpa' dang sangs rgyas dang byang chub sems dpa' dang lha rnams mdun du spyan drangs la zhabs bsil dang yon chab rnams sngon du song bas pus mo g.yas pa sa la bzhag ste/ lag pa g.yon par dril bu dkrol zhing / g.yas pas spos snod kyis bdug cing / hUM las byung ba'i rdo rje lce dang ldan pas bcom ldan 'das dus kyi 'khor lo nyid ces pas/ bdag ni rdo rje che ge mo nyid ces par bsgyur bas bstod de/
- 32a
phyag byas nas oM badz+ra pun rA gA ma na yA muHzhes pas gshegs su gsol lo// khrus byas pa'i lugs mal sogs pa rnams kyi gnas lnga rnams la dris byugs la mchod de yi ge drug dang bcas pa'i g.yas kyi rdo rje lan gsum du reg nas/ de dang de'i sngags bzlas te/ de nas phyogs skyong rnams la gtor ma dbul lo// zhes so// gang zhig sems brtan na lhag par gnas pa med kyang rab tu gnas par bya ba ni gsungs par gyur pa'i cho ga rnams kyis nyi ma gcig la bya'o// yon bdag la 'byor pa yod na/ bsod nams kyi tshogs kyi don du lhag par gnas par byas so// / 'di ni lhag par gnas pa'i cho ga'i rim pa'o// de nas dkyil 'khor gyi shar phyogs kyi sa gzhi la sgo bzhi pa re khA lnga dang bcas pa byas la/ dbus su par 'dab ma brgyad pa'o// phyogs dang mtshams su rim pa ji lta ba bzhin du mtshan ma rnams dgod do// de nas lugs ma nas la sogs pa dkyil 'khor la sngon du phyogs pas de ru bzhugs pa dang / rgyu dang sgrub thabs la sogs par lha bskyed pa'i bye brag slob dpon gyis go bar byas pa ste/ mchod rten la sogs stong pa'i ngang las rim pas sam/ skad cig gis dam tshig sems pa'i gzugs bsgom mo// bo ti rnams ni stong pa las AHde las 'od dpag tu med pa rig ma dang bcas pa pad+ma dang nyi ma'i steng du'o// de dag yongs su gyur pa las yi ge'i tshogs gzugs brnyan gyis bdag nyid 'od dpag med kyi gzugs kyi dam tshig sems dpa' ru bsgom mo// lha khang dang mchod rten dang dri'i gtsang khang la sogs pa rnams pad+ma dang zla ba la gnas pa oM las byung ba'i rnam par snang mdzad spyan ma la 'khyud pa yongs su gyur pa las/ lha khang la
- 32b
sogs pa'i gzugs brnyan gyi bdag nyid du rnam par snang mdzad kyi gzugs kyi dam tshig sems dpa' ru bsgom mo// gzhan yang stong pa'i rang bzhin du ni byas nas rgyal ba mchog dang bcas pa'i sku gsung thugs kyi rdo rje rnams shes pas sgrub thabs su gsungs pa'i cho gas bdag nyid dus kyi 'khor lo bsgoms la/ zla ba dkar po la sogs pa nas rnams shes dkyil 'khor ljang gu'i bar dpral ba la sogs pa 'khor lo gsang ba'i bar du bkod la/ oM nas k+Sha'i bar bsgom par bya'o// lha rnams kyang 'dir rang gi sa bon gyi 'od zer gyis ye shes kyi 'khor lo spyan drangs te/ zhabs bsil la sogs pas mchod la/ dza hUM baM hoHzhes pa brjod de lcags kyu'i phyag rgya la sogs pas/ khro bo bzhis dgug pa dang / gzhug pa dang / bcing ba dang / dbang du bya ba rnams rim pa bzhin du bya'o// de nas lugs ma la sogs pa rnams snying ga'i pad+ma dang nyi ma dang zla ba kha bsgyur gyi nang du sa bon gyi yi ge dgod par bya'o// de nas chu la sogs pa'i dbang rnams sngon du gsungs pa'i slob ma la dbang bskur ba ji lta ba bzhin no// yang na bsgom pa yis thams cad yongs su rdzogs par bya'o// gzhan yang dbang bskur ba spangs la thugs kar sa bon bkod pa dang / lha'i gzugs brnyan gyi gzugs su nges par bstan la rang rang gi sngags sam sngags 'dis/ oM AHbadz+ra wA sa se hUM swA hA/ zhes pa dang / de ltar oM AHbadz+ra dang bor brjod cing hUM swA hA/ tha mar byas pa'i sngags rnams kyis/ me tog dang bdug spos dang mar me dang dri dang lha bshos dang rgyan la sogs pa dbul lo/ oM AHsarba sho d+ha ni hUM phaT zhes pas ni 'bras bu la sogs pa dag par byas pa'i sngags so// oM dzi swA hA/ zhes
- 33a
pa ni 'bras bu 'dren pa'i sngags so// de nas dam tshig gi rdzas byin la/ oM badz+ra a zhes pa'i sngags kyis me long bstan to// de nas sbyin sreg gis mnyes par bya ba ni/ yon bdag gi 'byor pa'i bye brag gis lugs ma la sogs pa'i gzugs kyi bye brag la ste/ zhi ba la sogs pa sangs rgyas kyi bar 'dod pa'i don ni dgos pa'o// gser gyi thur mas dngul la sogs pa'i snod/ du sbrang rtsi bzhag pa las blangs te/ oM tsak+Shu sa man+ta tsak+Shu bi sho d+ha ni swA hA/ zhes brjod cing lugs ma'i spyan la byug cing dbye bar bya'o// bo ti la sogs pa rnams pa ni me long gi gzugs brnyan la ste de ltar bya'o// de nas thab khung gi me'am me gzhan la 'o ma dang / 'bras mnyams dang mar dang / sprang dang ka ra rnams hom gzar ram pi pi ling gi lo mas sgyed bu'i steng gi snod du blug go/ gtso bo'i sngags brjod cing tshos par btso bar bya'o// thub pa de nyid o di b+ha nAM sa ma d+hi d+h+ya na pri Na ni swA hA/ zhes brjod cing lugs ma la sogs pa lha'i gzugs brnyan du bsams la drang bar bya'o// zhal ba sil dri zhim po'i sbrang rtsi dang bcas pa dbul lo// de nas oM hUM tI d+hI a zhes pas dam tshig nyan du gzhug go/ po ti rnams la 'od dpag med shes rab bcas pa bstim pas byang chub sems dpa' rnams mtshan sum cu gnyis dang / dpe byad brgyad cu'i rang bzhin dbyangs dang byed du bsgom mo// lha khang la sogs pa rnams la rnam par snang mdzad shes rab dang bcas pa thim pas rang bzhin yang dag par rdzogs pa'i sangs rgyas thams cad dang de'i chos dang byang chub sems dpa' dang nyan thos la sogs pa'i rten ting nge 'dzin sna tshogs kyi zang khang du bsam par bya'o// mchod rten la de ltar
- 33b
rnam par snang mdzad shes rab dang bcas pa thim pas/ de'i dbus su pad+ma'i lte ba'i steng du zla ba la 'khor lo rtsibs brgyad pa dkar po// shar la sogs pa'i 'dab ma rnams la ral dri dang rdo rje dang rin po che dang pad+ma rnams bsam par bya'o// de nas me tog la sogs pa rnams kyis mchod nas thal mo sbyar te/ ji ltar sangs rgyas thams cad kyis/ dga' ldan gnas su nges bzhugs nas/ sgyu ma lha mdzes lhums bltams ltar/ de ltar gzugs brnyan 'di nyid la// mgon po rtag par rtag bzhugs nas// byang chub sems ni 'phel don du// mchod pa la sogs 'di dag rnams// / che ge'i don du bzhes par mdzod// ces pas 'di ji srid par bzhugs par gsol ba gdab pa'i don du'o// yi ge drug pa zlos shing lugs ma la sogs pa'i stod dang dbus dang smad kyi cha rnams la lag pa g.yas pa'i rdo rje yis lan gsum du bskor bas bstan par bya ste/ mchog sbyin rdo rje mchog khyod 'dud// ces pa la sogs pas bstod la lhag pa dang chad pa'i skyon spang pa'i don du yi ge brgya pa gdon no// de nas med dang mi shes ma gus pas// gang zhig chad dang lhag par byas// de rnams ma lus thugs rje can// khyed la bdag ni bzod par gsol// zhes pas bzod par gsol la// sangs rgyas rnams dang lha mor bcas// de sras tshangs pa klu la sogs// ma lus cho ga chad la sogs// de rnam bzod par gsol bar rigs// me dang sa dang chu dang rlung / rnams las lugs ma la sogs skyobs// yon gyi bdag la zhi ba dang // rgyas dang bkra shis rgyun du mdzod// de yi bu sogs slob ma dang // bdag kyang de mtshungs mnyes mdzod/
- 34a
la// sangs rgyas yul du gshegs nas kyang // slar yang 'dir ni 'byor par mdzod// ces pa lan gsum brjod de// phyogs skyong dang 'byung po la gtor ma sbyin no// yon gyi bdag pos kyang lugs mal sogs pa la bskor ba dang mchod pa dang phyag rnams byas la/ slob dpon la yon phul te yang dag par mnyes par bya'o zhes so// 'od dpag med kyi 'khor du po ti rnams so// rnam par snang mdzad du lha khang la sogs pa'o// rdo rje sems dpa' gtso bor byas par skra'am gzugs brnyan du ma shes pa rnams so// gal te lugs ma 'am gzugs brnyan de dang de'i rigs su shes na rigs kyi bdag po de dang de'i dkyil 'khor du'o// gang dag tu yang gzugs brnyan rab tu gnas pa ni// rgyud nyid gang du bzhugs pa ltar// de nyid kyi ni dkyil 'khor bya// 'on te slob dpon rang nyid kyi// lha yis bdag nyid gyur pa ltar// de'i dge ba shes par bya// zhes pa de'i phyir dang rgyud du gsungs pa'i ltas kyang tshig gi bla na med pa 'di'i dgongs pas rab tu gnas par rig go zhes bya'o// tshegs chung pa'i rab tu gnas pa ni/ lugs ma la sogs pa stong pa'i ngang las skad cig gis de nyid kyi sa bon las rdzogs pa'i dam tshig sems dpa' la/ rang gi snying ga'i sa bon gyi 'od zer gyis ye shes sems dpa' gzhug par bya'o// rang gi sa bon gyi 'od zer gyis spyan drangs pa'i de bzhin gshegs pa la sogs pa dang rang nyid kyis kyang bum pa'i chus dbang bskur la/ yang dag par mchod nas de nyid kyi sngags brgya rtsa brgyad bzlas par bya'o// 'di ni lugs ma la sogs pa rab tu gnas pa'i cho ga ga'i rim pa'o// bsrung ba'i 'khor lo'i rab tu gnas pa ni/ rdo rje
- 34b
'dzin pa'i nga rgyal dang ldan pa'i slob dpon gyis/ bsrung ba gang dang gang gi dam tshig sems dpa' la de dang de mthun pa'i ye shes sems dpa'i cho ga ji lta ba bzhin gzhug cing bsgom par bya ba ni de ltar bsgrub bya'i bye brag gis de dang de la ste/ de yang bsrung 'khor gyi gtso bo'i sngags dang / sgrub pa po'i ming la gzhug par bsgom pa dang / bsrung 'khor tshangs pa'i brag 'am kha nas zhugs te/ la me las lha mo'i pad+mar babs pa la/ snying ga'i sa bon gyi 'od zer gyis de bzhin gshegs pa de ltar zhugs nas dbang bskur ba dang / yang bdag nyid kyi bum pa'i chus so// de nas bsrung ba'i gtso bo'i snying po sngags brgya rtsa brgyad pa bzlas so// de nas rdo rje 'dzin pa'i nga rgyal dang ldan pa'i slob dpon gyis lag pa g.yas pa'i mthil du skad cig gis rdo rje rtse lnga pa bsgoms la de ru a yi ka las nyi ma a yig gis byin gyis brlabs pa'o// g.yon pa skad cig gi pad+ma'i 'dab rtswa'i rnam pa la a yig las zla ba a yig gis byin gyis brlabs pa'o// de dag gi dbus su bzhag pa'i phreng ba'i dbus kyi skud pa rdo rje sems dpa'i rang bzhin no// phyogs dang mtshams kyi skud pa rnams pad+ma'i phyag gi dang / byams pa dang nam mkha' mdzod dang / kun tu bzang po dang / b+hag na rdod+ha dang / 'jam dpal dang / sgrib pa thams cad rnam par sel ba dang / sa'i snying po rnams kyi bdag nyid do// nog po rnam par snang mdzad la sogs pa'i rang bzhin no// mdo 'dzin zlo bas la sogs pa'i chos kyi rang bzhin du sa cig gis rnam par bsam mo// snying ga'i sa bon gyi 'od zer gyis spyan drangs pa'i rdo rje sems dpa' la sogs pa rnams ji lta ba bzhin du bzhug
- 35a
par bya'o// oM pa de pa de mahA dz+nyA nAM sarba bud+d+ha ma haM b+ha wed hUM hUM hUM hoHhoHhoHA khaM swA hA/ zhes pa'i sngags kyis byin gyis brlabs te bum pa'i chus dbang bskur la mchod do// tshegs chung bar bya ba ni phreng ba'i skud pa rdo rje sems dpa' dang ro gcig par bsams la/ de nyid yongs su gyur pa las phreng ba'i rnam par bsam par bya'o// dbang bskur la gsung rdo rje'i snying bo brgya rtsa brgyad bzlas so// yang na de nyid steng pa'i rang las rdo rje 'dzin pa'i nga rgyal byas pa'i snying ga'i sa bon gyis yi ge hUM rnams spyan drangs la mdo 'dzin dang rdog po gzhan rnams la mtshan dang dpe byad kyi bdag nyid gzhug go/ de ltar dril bu la a la sogs pa'i dbyangs yig sum cu rtsa gnyis so// rdo rje la ka la sogs pa'i gsal byed brgyad cu yis so// mchod phyir thogs dang tshangs skud kyi'o// 'di srur 'khor la sogs pa rab tu gnas pa'i cho ga'i rim pa'o// yon bdag nus pa dang ldan pa'i don du rnam par snang mdzad kyis gtso byas pa'i dkyil 'khor/ rdzing bu'i 'gram du bzhengs la 'khor lo'i gtso bo'i rnal 'byor dang ldan pas/ rdzing pu'i phyogs dang mtshams su gtor ma btang ba dang // chu stong pa'i ngang la sa b+h+rUM las byung ba'i 'khor lo b+h+rUM dang bcas pa las rnam par snang mdzad spyan ma dang bcas pa'o// de las rdo rje chu bdag dkar po mi'i gdong pa can/ gdengs ka bdun dang ldan pa phyag g.yon pa na sprul gyi zhags pa dang bcas pas yum la 'khyud de// rol pas gnas pa// g.yas kyis u pa la sngon po bsnams pa/ lte ba man chad sprul gyi rnam pa'i dam tshig sems dpa'i rnam par bsgoms la bdag nyid kyi snying ga'i sa bon las 'od zer spros te rnam par snang mang
- 35b
spyan drangs nas zhabs bsil la sogs pa sngon du song bas/ oM sa ma yas+t+waM zhes brjod pas gzhug par bya'o// dbang bskur te me tog la sogs bas mchod nas/ de nyid yongs su gyur ba las gzugs brnyan dang bcas pa'am/ ye shes kyi bdud rtsi'i rang bzhin dri zhim pa ro dang ldan pa yang ba dang bgrang ba 'jam pa mgrin pa dang gsus pa la nad mi byed pa'i yan lag brgyad dang ldan pa'i chus 'og gi bar du ste/ klu brgyad dang ldan pa phyogs bzhi ru rlabs kyis 'gro ba de nyid kyis shar la sogs pa'i phyogs rnams la dga' bo dang / pad+ma dang 'jog po dang chub bdag rnams so// mtshams su dung skyong dang karko Ta dang rigs ldan dang pad+ma chen po rnams rim pa bzhin// gser dang ra gan dang zangs dang dngul dang zha nye dang 'khar ba dang lcags dang gsha' tshe rnams las byas pa sgom pa ste/ skad cig gis dam tshig sems dpa'i gzugs su bsams la/ snying ga'i sa bon gyi 'od zer gyis spyan drangs la ye shes pa bstim la tha mi dad par gnas par bya'o// de'i dbus su mchod sdong de'i dpangs kyi nyis 'gyur dang ldan pa'i gzugs so// de'i dbus su chu bdag go/ de la sbrang rtsi chu dang bcas pa dang bdud rtsi lnga blag par bya'o// me tog la sogs pas de nyid yang dag par mchod nas sbyin sreg bya'o// de'i 'gram du ba lang gi bci bas byugs la grang ba'i dris maN+Dal byas la/ rang gi snying ga'i sa bon gyi 'od zer gyis spyan drangs la maN+Dal gyi pad+ma'i lte ba la rdo rje chu ba dag go/ shar la sogs pa'i phyogs dang mtshams rnams su dga' bo la sogs pa'o// phyi rol gyi phyogs thams cad du klu rnams rnam par bsam par bya'o// oM AHbadz+ra ba ru NA ya hUM swA hA/ oM AHa
- 36a
nan+ta ya hUM swA hA/ zhes pas de ltar rang gi ming dang ldan pa'i sngags rnams kyis me tog dkar pos rnam par mchod la klu'i phyag rgya dang ldan pas/ oM a nan+ta bA su ki tak+Sha ka karko Ta ka pad+mA/ ma hA pad+me shang+ka pa la ku li ka/ pha la de wa ti ma hA de ba ti so ma shi khi maN+Da shi khi daN+Da d+ha ra ma hA dan+na d+ha ra/ a palpa la hu lun+ta nan+do pa nan+da/ sa ga ra ma hA swa ga rA ta ba ta ma hA ta ba ta shaM kan ti ma hA kan+ti rat+na kan+ti sU rU pa/ ma hA sU rU pa/ b+ha d+hA hI ka ma ho da ra si li/ ma hA si li/ oM b+hak+Sha b+hak+Sha gan+d+he gan+d+haM/ ma hA nA ga/ a d+hi pa ti sarba b+hUr+thA wa phruM phuHswA hA/ zhes pa'i sngags kyi sa 'o ma'i gtor ma sbyin no// de nas ji srid du bzhugs pa'i don du yi ge brgya pa bzlas nas byin gyis brlabs pa'i gtor ma phyogs brgyad du btang zhing de'i phyi la tu ya dang // gzhan ma mnyes par bya ba ste/ 'di ni rdzi bu dang zhus gnas dang / na pa rnams rab tu gnas pa'i cho ka'o// de nas ljon shing dang skyed mas tshal la sogs pal rab tu gnas pa ni/ phyogs rnams su gtor ma byin la rnam par snang mdzad kyi bdag nyid kyis slob dpon gyis shing rnams kyi gtso bo stong pa'i ngang las rnam par snang mdzad du bsams te/ de la ye shes sems dpa' yon chab la sogs pa snun du song bas gzhug par b+hAH/ bum pa'i rgyas dbang bskur ba dang / de nyid yongs su gyur pa las ljon shing ngo // de'i dus su ljon shing gzhan yang de ltar lhag par mos par bya'o// ldan shing gi gtso bo de nyid la gnas pa'i rnal yang me tog la sogs pas mchod gzhan gyi bya ba byed cing ji srid du bzhugs par gsol ba gad bcing phyogs rnams su gto
- 36b
byubyung ba 'di ni skye mas can la sags pa rab tu gnas pa'i chog rim pa'o// dpal dusaHna 'jugs tha rab tu gnas pa/ grob dpo dus 'khyu zhabs kyis mdzad pU d+haH/ ya / sa / / smra/ dus sngags gyi tshogazhes byab/ dpa di rje sems pa' la sdug 'a tshal so// de ya gas k+She ma na/ ris sram nu so rlon ga dpa'i ba dang dpa' ma 'dab phyug rnams kyi dgas kyi ra ba R+than+te/ ya gas pan+de/ dbus su bu yang da ga 'i spyan pa/ shes rab sa rnyan ste/ thob dpon pa pa dbang mo'i bags pa rjo / sas phyogs su pa'i rnags skye / sa bya dang / gas / dang/ rdzogs nga/ ga nas na nga shA ga/ da / khongs su namasas/ rdzub dang gas kyi dang ma das sa kru pags pa rnams pa nga bgar dang / sa rjod pa dang / rdo gyi byed pa dang / thod pa byed parnams s+ho// ma rnams la radang ri dgas dang bang bu dang pag pa'i dpags pa'i san nams ma thag pa dang mang tshang ma dang gsang bgar ma dang phreng ba ma rnams sa// de nas gsum pa gsung gi 'a ma gnas la
Colophon
dpal dus kyi 'khor lo'i lugs kyi rab tu gnas pa/_slob dpon dus kyi 'khor zhabs kyis mdzad pa rdzogs so/_paN+Di ta wA gI shwa ra dang chos rab kyis bsgyur ro/