F552MW1KG13607_0552rgyudAll versions of this work

'phags pa de bzhin gshegs pa thams cad kyi snying po byin gyis brlabs kyi snying po gsang ba'i ring bsrel gyi za ma tog ces bya ba'i gzungs theg pa chen po'i mdo

Āryasarbatathāgataadhaṣṭhahridayaguhyadhatukarandhasudḍanāmadharanimahāyanasutra

Text

ff. 89a–97b · 18 folio sides

  1. 89a

    bcom ldan 'das kyis gsungs pa la mngon par bstod do// 'phags pa 'od zer dri ma rnam par dag pa'i 'od ces bya ba'i gzungs rdzogs so// / rgya gar gyi mkhan po bad+ya ka ra sing ha dang / zhu chen gyi lots+tsha ba ban d+he dpal gyi lhun po'i sdes bsgyur cing zhus te gtan la bab pa/ jo bo a ti sha dang / dag shes ston pas sngags rnam par dag par 'gyur ro// / rgya gar skad du/ ar+ya sarba ta thA ga ta a b+haThA hr-i da ya gu hra d+ha tu ka ran d+ha mud Da na ma d+ha ra ni ma hA ya na su tra// bod skad du/ 'phags pa de bzhin gshegs pa thams cad kyi snying po byin gyis brlabs kyi snying po// gsang ba'i ring bsrel gyi sa tog ces bya ba'i bzungs theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das yul ma ga ta na dri ma med pa'i kun dga' ra ba na/ rin po che snang ba'i rdzing na/ byang chub sems dpa'i dge 'dun chen po dang / nyan thos kyi dge 'dun chen po dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi ma yin pa mang po rnams dang / yul gyi mi 'bum phrag mang po rnams kyis yongs su bskor cing mdun du byas nas chos

  2. 89b

    bston to// de nas 'khor de'i nang du bram ze shing sa la chen po lta bu mkhas pa/ 'dzangs pa gsal ba/ yid gzhungs pa/ mthong na dga' ba/ dge ba bcu'i las kyi lam yongs su bzung ba/ dri med legs snang zhes bya'i ba zhig yod de// de yang cig tu dkon mchog gsum la dad cing gus pas phyag byas te/ dge ba'i bsam pa can/ zhib mo rtog pa/ sems can thams cad dang dge ba'i don la brtson pa nor che ba/ longs spyod che ba/ phyug pa rdzas mang ba/ yo byad phun sum chags pa yin no// de nas bram ze chen po dri med legs snang bcom ldan 'das ga la ba der song ste phyin nas bcom ldan 'das la lan gsum bskor ba byas nas/ bcom ldan 'das la me tog dang / gdug pas mngon par mchod do// na bza' rin po che 'bum ri ba yang gsol/ bcom ldan 'das la mu tig gi do zhal 'bul yang gsol nas/ zhabs gnyis la mgo bos phyag 'tshal nas/ bcom ldan 'das kyis spyan sngar 'dug ste/ 'di skad ces gsol to// bcom ldan 'das sang 'khor gyi tshogs dang bcas pa bdag gi ldum par gdugs/ chod la spyan 'dren na/ de'i slad du bcom ldan 'das kyis gnang bar mdzad pa cig nang / de nas ba ldan 'das kyis/ bram ze chen po dri med legs snang gi spyan 'dren par thugs su chud nas cang mi gsung bar gyur pas gnang ngo // de nas bram ze chen po dri med/

  3. 90a

    lags snang bcom ldan 'das kyis spyan sngar nas cang mi gsung bar gnang nas/ de ring bas rings par rang gi khyim du seng ste/ de nyid kyi mtshan mo 'das pa dang / zhal zas dang / yo byad dang / zhal zas ro brgya pa mang po bshams nas/ bkod pa chen pos bkra shis kyi gzhal med khang chen po dang / gzhal med khang sna tshogs dang / me tog dang / bdug pa khyer te/ 'khor mang po dang / sil snyan pheg thob pas bcom ldan 'das ga la ba der song ste phyin nas/ bcom ldan 'das la dus la babs par gsol to// de nas bcom ldan 'das la bram ze chen po dri med legs snang gi 'di skad ces gsol te// bcom ldan 'das 'di ni de bzhin gshegs pa'i dus lags te/ bcom ldan 'das de bzhin gshegs pa dus kyi tshod la bab na bdag la gnang ba mdzad par ci gnang / de nas bcom ldan 'das kyis bram ze chen po dri med legs snang dbugs phyung nas/ nyid kyi 'khor la gzigs te bka' stsal pa/ 'khor ji ltar lhags pa thams cad dang don chen po mdzad par 'gyur gyis tshur gshegs/ de nas bcom ldan 'das gdan de las bzhengs nas/ bzhed ma thag tu bcom ldan 'das kyi sku las 'od zer tha dad pa sna tshogs byung ste/ 'od zer gyi snang ba des phyogs bcu'i sangs rgyas kyi zhing thams cad snang bar byas te/ de bzhin gshegs pa thams cad

  4. 90b

    bskul te gzigs nas gshegs bar chad do// de nas bram ze chen po dri med legs snang gis mchod pa dang / bkur sti chen pos mchod cing / bcom ldan 'das kyis gshegs shul mdzes par cher byas so// 'khor mang po dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen blo dang / brgya byin dang / tshangs pa dang / 'jig rten skyong ba dang / dbang phyug chen po dang / sred med kyi bu dang / rgyal po chen po bzhis kya gshegs shul mdzes par byas so// de nas bcom ldan 'das dang ha cang yang mi ring ba'i lam gyi bar zhig na/ skye mos tshal bde byed ces bya ba zhig yod do// skyed mos tshal de'i nang na mchod rten snying pa chen po zhig yod de/ zhig pa tsher mas gang ba/ rtswa dang / shing dang / gyo mos kun tu gang ba/ phyag dar gyi phung po 'dra ba zhig yod do// de nas bcom ldan 'das de'i drung du gshegs pa dang / mchod rten rnying pa phyag dar gyi phung po lta bu de yang kun nas 'bar ba bzhin 'od zer 'bar ba/ kha dog sna tshogs pa dag byung ngo // phyag dar dang gyo mo'i phung po de dag las kyang legs so zhes bya ba'i sgra byung te/ de bzhin gshegs pa shAkya thub pa legs so legs so// 'di ni de bzhin gshegs pa'i ltas bzang pa'o// bram ze chen po de bzhin gshegs pa spyan drangs pa ni yang khyod legs so// deng khyod la don

  5. 91a

    chen po mdzad par 'gyur ro// de nas bcom ldan 'das de bzhin gshegs pa shAkya thub pas/ mchod rten rnying pa phyag dar gyi phung po de la yan lag lngas phyag mdzad nas/ lan gsum bskor ba mdzad de/ nyid kyi sku las nam bza' bsil nas/ mchod rten rnying pa phyag dar gyi phung po lta bu de la gsol te// bcom ldan 'das kyis mtsha ma dbyung ba chen po phyung nas bshums pa mdzad nas/ bcom ldan 'das kyis 'dzum pa bstan te/ 'dzum pa bstan pa des/ phyogs bcu'i de bzhin gshegs pa thams cad lag thil na bzhugs pa bzhin du mthong ngo // de bzhin gshegs pa de dag kyang spyan mchi mas gang bzhin du bzhugs so// de bzhin gshegs pa de dag thams cad kyis kyang 'od zer bkye ste/ mchod rten rnying pa phyag dar gyi phung po der bzhugs so// de nas 'khor mang po 'dus pa de dag ya mtshan che bar gyur cing yid chad de 'khor par gyur to// de nas gnod sbyin gyi sde dpon chen po lag na rdo rjes lus ni 'dar/ snying ni 'gul/ rdo rje gsor zhing rings par rings par bcom ldan 'das ga la ba der song ste phyin nas/ bcom ldan 'das kyis zhabs gnyis la mgo bos phyag 'tshal te/ bcom ldan 'das la 'di skad ces gsol to// bcom ldan 'das bshums pa'i snga ltas chen po gda' ba gdan bcom ldan 'das kyis spyan mchi mas gang

  6. 91b

    bar bstan pa'i snga ltas gda' ba bcom ldan 'das ci lags/ de'i slad du bcom ldan 'das kyis 'khor 'di'i nang du zhu ba 'di skabs phye bar cig nang / de nas bcom ldan 'das kyis gnod sbyin gyi sde dpon chen po lag na rdo rje la 'di skad ces bka' stsal to// lag na rdo rje ring bsrel gyi phung po de bzhin gshegs pa'i mchod rten de bzhi/ gshegs pa bye ba til gyis gang bu snyed thams cad kyi snying po'i gzugs kyi phyag rgya'i mchod rten gyi chos kyi rnam grangs yod de/ lag na rdo rje chos kyi rnam grangs 'di gang na gnas pa der / de bzhin gshegs pa 'bum phrag bye ba til gyi gang bu snyed kyi sku gdung dang ring bsrel gnas shing / de bzhin gshegs pa khar yas bye ba snyed kyi sku gdung ring bsrel rnams gnas so// chos kyi phung po brgya khri bzhi stong yang gnas so// de bzhin gshegs pa 'bum phrag bye ba til gyi gang du snyed dgu bcu rtsa dgu'i gtsug tor dang / spyi bo yang de bzhin du gnas so// lag na rdo rje gang na chos kyi rnam grangs 'di gnas pa de ni/ de bzhin gshegs pa mchod rten du lung stan to// lag na rdo rje chos kyi rnam grangs 'di ni de ltar mthu che ba yin no// lag na rdo rje chos kyi rnam grangs 'di ni phan yon che ba yin no// lag na rdo rje chos kyi rnam grangs 'di ni/ bkra shes pa thams cad rdzogs par byed pa yin no// de nas bcom ldan 'das kyis 'khor mang po 'dus pa de dag gi

  7. 92a

    chos kyi rnam grangs 'di thos nas/ chos la rnams la chos kyi mig rdul med cing dri ma dang bral ba nye ba'i nyon mongs pa dang bral ba'o// kha cig gis ni rgyun du zhugs pa'i 'bras bu thob po/ kha cig gis ni dgra bcom pa nyid do// kha cig gis ni rang byang chub kyi 'bras bu'o// kha cig gis ni lan cig phyir 'ong ba'i 'bras bu'o// kha cig ni phyir mi 'ong ba'i 'bras bu'o// kha cig gis ni byang chub sems dpa'i gnas so// kha cig gis ni byang chub kyi lung bstan pa thob po// kha cig ni sa dang po'o// kha cig gis ni sa gnyis pa'o// kha cig gis ni sa gsum pa'o// kha cig gis ni sa bzhi pa'o// kha cig gis ni sa lnga pa'o// kha cig gis ni sa drug pa'o// kha cig gis ni sa bdun pa'o// kha cig gis ni sa brgyad pa'o// kha cig gis ni sa dgu pa'o// kha cig gis ni sa bcu pa la gnas par gyur to// kha cig gis ni pha rol tu phyin pa drug yongs su rdzogs par gyur to// bram ze chen po de yang sngon par shes pa lnga thob cing dri ma dang bral ba dang / ser sna dang / phra dog dang bral bar gyur to// de nas gnod sbyin gyi sde dpon chen po lag na rdo rjes/ cho 'phrul chen po 'di lta bu mthong nas ngo mtshar dang rmad du byung ba chen por 'gyur nas/ bcom ldan 'das la 'di skad ces gsol to// bcom ldan 'das chos kyi rnam grangs kyi mtshan thos pas kyang //

  8. 92b

    phan yon gyi yon tan gyi rgyan pa 'di lta bu thob na/ gang gi slad du phud du dang bkur sti shin tu mang po bgyed par 'gyur ba lta ci smos te/ bcom ldan 'das de'i bsod nams kyi phung po ji lta bu dang ldan par 'gyur/ bcom ldan 'das kyis bka' stsal ba/ lag na rdo rje nyon cig/ rigs kyi bu 'am/ rigs kyi bu mo 'am/ dge slong ba dang / dge slong ma dang / dge bsnyen nam/ dge bsnyen ma gang la las/ chos kyi rnam grangs 'di 'bri bar byed na/ lag na rdo rje des de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu'i bsod nams kyi phung po dang mnyam pa'i dge ba'i rtsa ba bskyed pa dang ldan par 'gyur zhing / de bzhin gshegs pa de rnams kyi rjes su gzung bar 'gyur ro// gang zhig klog par byed pa de dag kyang / de bzhin gshegs pas gsungs pa'i mdo sde rnams klags par 'gyur ro// gang zhig gi rnam grangs 'di lta bu 'dzin pa de dag phyogs bcu'i de bzhin gshegs pa 'bum phrag bye ba khrag khrig til gyi gang bu snyed dgu bcu dgu dang / phyogs re re'i de bzhin gshegs pa dgra bcom pa yang dag par rdzogs pa'i sangs rgyas rnams kyis yongs su bzung bar 'gyur zhing / nyin gcig bzhin gzigs par 'gyur ro// gang dag chos kyi rnam grangs 'di la mchod par byed pa dang / khong du chud par byed pa dang / me tog dang / bdug pa dang / dri dang /

  9. 93a

    me tog gi 'phreng ba rgyas dang / byug pa dang / na bza' dang / rgyan gyi mchod pa byed pa'i rigs kyi bu 'am/ rigs kyi bu mo 'am/ dge bsnyen nam/ dge bsnyen ma des/ phyogs dang / phyogs re re'i de bzhin gshegs pa 'bum bye ba khrag khrig til gyi gang bu snyed dgu la lha rdzas gyis me tog dang / bdug pa dang / dri dang / byug pa dang / me tog gi 'phreng brgyad dang / na bza' dang / lhab lhub dang / rgyan gyi mchod par 'gyur ro// phyogs re re'i de bzhin gshegs pa la/ de bzhin gshegs pa'i mchod pa'i sprin rin po che sna bdun las byas pa/ ri rab chen po tsam gyis phung po dag 'byung bar 'gyur ro// de nas lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / me dang mi ma yin de rnams dang / sems can gyi tshogs chen po de rnams kyang ya mtshan du gyur nas/ gcig la gcig 'di skad du mchod rten rnyed pa phyag dar dang gyo ma phung po de bzhin gshegs pas byin gyis brlabs pa 'di ni/ rdzu 'phrul gyi cho ga 'phrul chen po ston pas mthu che ba yin na zhes zer ro// de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to// bcom ldan 'das 'di sus phyag dar gyi phung bar gyur pa las/ rin po che'i mchod rten du/

  10. 93b

    dga' bar bgyis/ bcom ldan 'das kyis bka' stsal pa/ lag na rdo rje 'di ni phyag dar gyi phung po ma yin gyi/ 'di ni rin po che sna bdun lis byas pa'i rin po che'i mchod rten chen po yin no// lag na rdo rje 'on kyang / sems can rnams kyi las kyi 'bras bu rnam par smin pas ston pa nub par gyur gyi/ sangs rgyas rnams kyi ring bsrel de bzhin gshegs pa'i snying po mchod rten rnams ni 'jig pa 'am 'gyes par mi 'gyur te/ de bzhin gshegs pa'i rdo rje'i snying po'i sku ji ltar 'gyes par 'gyur/ 'on kyang sems can rnams kyi las kyi 'bras bu rnam par smin pa snang ba las nub par 'gyur ro// lag na rdo rje gzhan yang phyi ma'i dus phyi ma'i tshe/ sdig pa can dang / dmyal ba la gzhol ba shin tu tsha bas cher 'byung bar 'gyur/ sangs rgyas ma yin/ chos ma yin/ dge 'dun tshal ba ma yin zhing / dge ba'i rtsa ba dag kyang bskyed par mi byed de/ rgyu de dang / rkyen des dam pa'i chos nub po// lag na rdo rje de'i phyir nga'i mig gnyis mchi mas gang la/ de bzhin gshegs pa thams cad kyis kyang byin gyis brlob par 'gyur ro// dam pa'i chos kyi rnam grangs 'di lta bu ni nub par 'gyur gyis/ de bzhin gshegs pa'i snying po'i mchod rten ni ma gtogs te// de la de bzhin gshegs pa thams cad kyis byin gyis brlob par 'gyur ro// de nas bcom ldan 'das la gnod sbyin gyi sde

  11. 94a

    dpon chen po lag na rdo rjes 'di skad ces gsol to// gang zhig chos kyi rnam grangs 'di bris te/ mchod rten gyi nang du rdzogs na/ dge ba'i rtsa ba ci zhig skye bar 'gyur/ bcom ldan 'das kyis bka' stsal pa/ lag na rdo rje gang zhig gi chos kyi rnam grangs 'di bris te/ mchod / gyi nang du bzhag pa/ de bzhin gshegs pa thams cad kyi snying po ring bsrel gyi mchod rten du 'gyur ro// de bzhin gshegs pa thams cad kyi gzungs kyi snying po gsang bas byin gyis brlabs pa'i mchod rten du 'gyur ro// de bzhin gshegs pa til gyi gang bu snyed dgu bcu rtsa dgu'i mchod rten du 'gyur ro// de bzhin du de bzhin gshegs pa thams cad kyi gtor dang byin gyis mchod rten du byin gyis brlabs par 'gyur ro// gang zhig sangs rgyas kyis gzugs brnyan nam/ mchod te/ thams cad kyi nang du 'jog par byed na/ de bzhin gshegs pa'i mchod rten rin po che sna bdun du byin gyis brlabs par 'gyur ro// 'khor lo'i 'phreng ba dang / dril bu ga yer ka'i dra bar 'brel ba dang / bcas pa dang / bkra shis dang / char kheb kyi gzugs dang / dril bu dang bcas pa'i rin po che sna bdun gyis rang bzhin du byin gyis brlabs par 'gyur ro// de bzhin gshegs pa thams cad dang / chos kyi rnam grangs 'di'i mthu dang / byin gyi brlab dang / bden pa dang /

  12. 94b

    dam tshig gis byang chub kyi snying po la thug gi bar du byin gyis brlabs par 'gyur ro// sems can gang dag mchod rten de la phung du byed pa dang / bsti stang byed pa de dag nges par phyir mi ldog par 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// phyag 'tshal ba gcig dang / bskor ba byed pa gcig gis mnar med pa la thug pa la sogs pa rnams las yongs su thar bar 'gyur zhing / bla na med pa yang dag par rdzogs pa'i byang chub las phyir mi ldog par 'gyur ro// gnas gang na mchod rten nam/ gzugs brnyan 'di lta bu gnas pa'i sa phyogs de yang de bzhin gshegs pa thams cad kyis byin gyis brlabs par 'gyur ro// phyogs der klu mi bsrun pas mi tshugs par 'gyur ro// sad dang ser bas kyang mi tshugs par 'gyur ro// gnas der srog chags mi bsrun pa 'am/ sbrul gdug pas kyang mi tshugs par 'gyur/ gcan zan gyi kyang mi tshugs par 'gyur/ bya mi bsrun pa dang / ne tso dang / ri skyeg dang / byi ba dang / sre mong dang / sbrang bu dang / sha sbrang dang / phye ba dang / sdig sbrul dang / sbrang bu mchu gsum pa dang / mchu rings dang / rta bla'i 'jig pa 'byung bar mi 'gyur/ sbrul gdug pas kyang mi tshugs par 'gyur/ phyogs dor yams kyi nad dang / gnod pa dang / nad 'go ba dang / 'khrug pa

  13. 95a

    yang mi 'byung bar 'gyur/ gnod sbyin dang / srin po dang / 'byung po dang / yi dgas dang / 'dre dang / brjed byed dang / 'jigs pa yang mi 'byung bar 'gyur/ gdon thams cad kyis kyang mi tshugs par 'gyur/ rims thams cad kyis kyang ma yin/ nad thams cad dang / 'bras dang phel mig dang / lhog pa dang / mtshan mar brdol ba dang / rkang sha dang / g.yan pa dang / mdzes kyang mi tshugs par 'gyur zhing / mchod/ rten de mthong ba tsam gyis thams cad byang bar 'gyur ro// phyogs der ba lang gi nad dang / phyugs nad dang / dud 'gro'i skye gnas rnam pa mang po dag gi nad dang / skyes pa dang / bud med dang / khye'u dang / bu me'i nad kyis kyang nam yang chugs par mi 'gyur/ dus ma yin par 'chi bar mi 'gyur/ dug gis ma yin/ mtshon gyi ma yin/ me dang chus kyang nam yang tshugs par mi 'gyur/ pha rel gyi dmag tshogs kyis 'jigs pas ma yin/ lo nyes kyi 'jigs pas nam dra/ yang mi tshugs par 'gyur/ byang sdems kyi 'jigs pa yang mi 'byung bar 'gyur ro// rgyal po chen po bzhi yang rtag par rgyun mi chad par phyogs de bsrung bar byed/ yongs su skyob par byed do// gnod sbyin gyi sde dpon chen po nyi shu rtsa brgyad po dag kyang rtag par rgyun mi chad par bsrung ba dang / skyob pa dang /

  14. 95b

    sbed par byed par 'gyur ro// rgyu kar nyi shu rtsa brgyad dang / zla ba dang / nyi ma dang / 'jug rings chen po yang nyin mtshan du mthun par byed par 'gyur ro// klu'i rgyal po thams cad kyang rtag tu rgyun mi chad par sa'i mdangs mi 'phrog cing / legs pa kho nar char gyi rgyun 'bebs par 'gyur ro// lha thams cad kyang mchod rten de la phyag 'tshal ba dang / bkur sti byed pa dang / mchod pa bya ba'i phyir lha'i gnas sum cu rtsa gsum nas 'di dus gsum du 'ong ngo // yul na gnas pa thams cad kyang mchod rten dang gzugs brnyan de'i drung du dus gsum du 'ong ngo // bstod par byed/ bskor bar byed par 'gyur ro// lha rnams kyi dbang po brgya byin yang lha'i bu mo dang / lha'i tshogs rnams dang lhan cig tu rgyun mi chad par mchod rten nam gzugs bstan de'i drung du nyin mtshan dus gsum du 'ong zhing phyag 'tshal ba dang / mchod pa la 'ong ngo // de bzhin gshegs pa thams cad kyang rtag par dgongs pa dang / byin gyis rlobs shing bzhugs so// mchod rten dang gzugs bsnyen ji lta ji lta bu las byed pa'i sa dang / rdo'i 'am/ shing gi 'am/ dngul gyi 'am/ gser gyi 'am/ zangs las byas pa yang rung ste/ chos kyi rnam grangs 'di yi ger bris te de'i nang du bzhag na bzhag ma thag tsam gyi rin po che sna bdun gyi rang bzhin du byin gyis brlabs par 'gyu ro// 'phang dang

  15. 96a

    thams skas dang / kha ran dang / 'khor lo'i 'phreng ba dang / bkra shis dang / gdugs dang dril bu 'phyang ba dang / ba dan dang dril bu ga yed ka dra ba thams cad kyang rin po che sna bdun gyi rang bzhin du 'gyur ro// phyogs bzhi kun na yang de bzhin gshegs par gzugs gnas par 'gyur ro// de bzhin gshegs pa thams cad kyi byin gyis brlabs pa'i mchod rten rin po che dang / sku gdung gi snying po'i mchod rten dang mchod gnas su 'gyur ro// sku gzugs dang mchod rten de 'og min gyi lhas kyang srung ba dang / yongs su sbyang ba dang / mchod pas yongs su mchod par 'gyur ro// de nas bcom ldan 'das gsangs pa'i bdag po lag na rdo rjes 'di skad ces gsol to// bcom ldan 'das ci'i slad du chos kyi rnam grangs 'di yon tan gyi khyad par 'di lta bur 'gyur/ bcom ldan 'das kyis bka' stsal pa/ de bzhin gshegs pa thams cad kyis byin gyis brlab kyis snying po gsang ba'i ring bsrel gyi za ma tog gi phyag rgya'i gzungs yin te/ lag na rdo rje des na mthu 'di ni yon tan gyi khyad par 'di lta bus byin gyis brlabs kyis brlabs pa yin no// rdo rje 'dzin gyis gsol pa/ bcom ldan 'das ring bsrel gyi za ma tog gi rgyu'i gzungs kyi chos kyi rnam

  16. 96b

    grangs bshad par ci gnang / bcom ldan 'das kyis bka' stsal pa/ lag na rdo rje nyon cig/ de bzhin gshegs pa 'das pa dang / ma byon pa dang / da ltar byung ba dang / gang dag yongs su mya ngan las 'das pa'i sangs rgyas bcom ldan 'das thams cad kyi de bzhin gshegs pa'i sku ni gsum dag ste/ chos kyi sku dang / longs spyod rdzogs pa'i sku dang / de bzhin du sprul pa'i sku ste/ dus gsum pa thams cad kyi ring bsrel gyi za ma tog gi phyag rgya dang gzungs kyi cho ga'i rnam grangs yin no// na ma traM ya d+hi ka naM/ sarba ta thA ga ta nan/ oM b+hu wi b+ha wa na wa re ba ra tsa te/ tsu lu tsu lu/ d+ha ra d+ha ra/ sarba ta thA ga ta d+ha d+hu d+ha re/ pad+ma ma b+ha ba ti/ dza ya bA re a tsa le sma ra/ ta thA ga ta d+harma tsakra pra wa ta na badz+re/ bo d+he man+ta a laM kar/ a li kri te/ sarba bA pa bi ga ti/ hra ru hu ru/ sarba sho ka bai ka te/ sarba ta thA ga ta hr-i da ya badz+ra ni/ se b+ha wa saM b+ha wa/ ta thA ga te gu h+ya d+ha Ni mu tre/ bud+d+he su brad+d+ha/ sarba ta thA ga ta a d+hiSh+Thi te/ d+ha drug rbe swAhA/ sa ma ya a tiSh+Thi te swA hA/ sarba ta thA ga ta hr-id ya d+ha ta mu dre swAhA/ su pra teSh+Thata tu swe/ tathA ka ta/ a tiSh+Tha te/ hu ru hu ru/ hAM hUM sA hA/ oM sarba ta thA ga taiSh+TI Sha d+ha tu mu tra ne mu tra ni/ sarba ta thA ta na/ sarba du bi b+ha Shi ta a d+hiSh+Ti ti hUM hUM swA hA//

  17. 97a

    bcom ldan 'das kyi rang bsrel gyi za sa tog gi gzungs 'di bshad ma thag tu/ phyogs bcu'i 'jig rten gyi khams phyogs re re kun nas/ de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu gshegs nas bcom ldan 'das shakya thub pa sems can thams cad kyi don du/ 'dzam bu gleng du chos kyi rna grangs 'di lta bu'i chos kyi gter bzhag pa dang / ring bsrel gyi snying po'i mchod rten byin gyis brlabs pa legs so// legs so zhes bya ba byin no// 'di ni de bzhin gshegs pa thams cad kyi dam tshig dang byin gyis brlabs pa yin no/ gang na ring bsrel gyi phyag rgya'i gzungs kyi tshig 'di ston par byed dam/ mchod rten gyi nang du 'jog gam/ gzugs bsnyan gyi nang du 'jog par byed pa der/ de bzhin gshegs pa rnams kyang cig tu rtag tu rgyun mi chad par rjes su 'brang bzhin rjes su 'jug par 'gyur ro// thams cad du de bzhin gshegs pa'i byin gyis brlab kyis byin gyis brlabs par 'gyur ro// de nas gzungs bshad pa dang / ji tsam na mchod rten rnying pa phyag dar gyi phung po de lta bu de rin po che sna bdun gyi rang bzhin gyi mchod rten du mngon par 'phags shing / 'phang dang / legs par rnam par 'phyes pa dang / 'khor lo'i 'phreng ba dang / bkra shis dang

  18. 97b

    bcas par gyur to// bcom ldan 'das kyis de skad ces bka' stsal pa dang / byang chub sems dpa' lag na rdo rje dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po de dag dang / lha dang mir bcas pa'i 'jig rten yi rangs te mngon par bstod do// / 'phags pa de bzhin gshegs pa thams cad kyi snying po gsang ba ring bsrel gyi za ma tog ces bya ba'i gzungs theg pa chen po'i mdo/ rdzogs so// / rgya gar gyi mkhan po su ren tra bo d+hi dang / zhu chen gyi ldo ts+tsha ba ban d+he ye shes sdes bsgyur cing legs par byas pa'o// / rgya gar skad du/ Ar+ya a gra pra ti pa d+ha ra ni bid+ya rang nyi/ bod skad du/ 'phags pa rigs sngags kyi rgyal mo sgrol/ ma mchog gi gzungs sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig ni/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyis kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / lha dang klu dang mi 'bum phrag du ma dang / thabs gcig cig tu bzhugs te/ yongs su bskor cing mdun du bltas nas chos ston to// sangs rgyas

Colophon

'phags pa de bzhin gshegs pa thams cad kyi snying po gsang ba'i ring bsrel gyi za ma tog ces bya ba'i gzungs theg pa chen po'i mdo// rdzogs so// //rgya gar gyi mkhan po su ren dra bo d+he dang/ zhu chen gyi lots+tsha ba ban d+he ye shes sdes bsgyur cing legs par byas pa'o