'phags pa tshangs pas byin gyis zhus pa zhes bya ba theg pa chen po'i mdo
Ār9yabramhadadtaparipridchānāmamahāyanasūtra
Text
ff. 22a–39a · 35 folio sides
- 22a
rgya gar skad du/ Ar+ya pra m+ba dad ta pa ri brid tsA nA ma ma hA ya na sU tra// / bod skad du// / 'phags pa tshangs pas byin gyis zhu pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das gnyen du yod pa na/ rgyal bu rgyal byed kyi tshal mgon med zas sbyin gyi kun dga' ra ba na dge slong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po thams cad kyang mngon par shes pa/ mngon par shes pa'i byang chub kyi sems dpa' mngon par shes pa thob pa/ gzungs thob pa ting nge 'dzin thob pa/ chags pa med pa'i gzungs thob pa/ sgo mtha' yas pa'i phyag brgya bsgrub pa'i gzungs la mkhas pa/ stong pa nyid la gnas pa/ mtshan med pa spyod pa/ ma rtogs pa'i smon lam can/ mi skye ba'i chos la bzod pa thob pa sha stag dang thabs gcig tu bzhugs te/ de nas byang chub sems dpa' mthong ba don yod/ byang chub sems dpa' lnga brgya tsam dang / ldan gcig tu bcom ldan 'das kyi zhabs la phyag 'tshal lo// bcom ldan 'das la bskor ba byas nas/ mthar gyis ljongs rgyu zhing seng ba las/ lnga 'dzin gyi ljongasu phyin te de nas rgyal po tshangs pas byin gyis byang chub sems dpa' mthong ba don yod bdag gis yul 'dir phyin to zhes snyam nas/ de tshim
- 22b
zhing mgul yid rangs te rab tu dga' zhing dga' ba dang / yid bde ba skyes nas skye bo'i tshogs mang pos yongs su skor cing / mdun du bdar nas byang chub sems dpa' mtho ba don yod der song ste phyin nas/ byang chub sems dpa' mthong ba don yod kyi rkang pa la mgo bos phyag 'tshal te/ phyogs gcig tu 'dug go/ skye bo phal po che de dag kyang byang chub sems dpa' mthong ba don yod kyi rkang pa la mgo bos phyag 'tshal nas phyogs gcig tu 'khod do// de nas byang chub sems dpa' sems dpa' chen po mthong ba don yod kyis rgyal po tshangs pas byin gyis g.yog 'khor dang bcas pa 'khod par rig nas/ rgyal po tshangs pas byin la 'di skad ces smraso// rgyal po chen po rgyal rigs spyi bo nas dbang skar ba'i rgyal po chos lnga dang ldan pa ni/ 'khor ba na 'khor ba'i tshe/ rtag tu khyad par du 'gro bar 'gyur la/ mi khom pa rnamasu yang skye bar mi 'gyur ro// de bzhin gshegs pa dang phrad cing mnyes par byed par 'gyur ro// sangs rgyas bcom ldan 'das rnams chos ston pa la yA ldem po dag la mkhas par 'gyur ro// dran pa mi chod pa dang ldan par 'gyur/ mdzes par 'gyur/ dbang po yang ma tshang bar mi 'gyur ba/ sangs rgyas bcom ldan 'das rnams kyi kyang / don dam pa dang ldan pa'i gtam 'di lta ste/ bden pa bzhi bstan pa dang / ldan pas bod par 'gyur te/ lnga gang zhe na/ rgyal po
- 23a
chen po 'di la rgyal rigs spyi bo nas dbang skur pa'i rgyal po ni dad pa can te/ dang ba'i shas che zhing zhe 'gras pa med pa'i yid// dang ldan no// de'i dad pa de yang nges pa dang / rtsa zug tu rten pa yin/ dad pa de yang rnam pa bcur blta bar bya ste/ bcu gang zhe na/ 'di lta ste/ g.yo ba med par sbyin pa dang / bdog pa thams cad yongs su gtong ba dang lhag pa'i nga rgyal med pa dang / dang ba'i shas che ba dang / 'phags pa'i bstan pa la skyon tu mi 'dzin pa dang / dge slong rab 'bring tha ma rnams la 'khrul pa mi tshol ba dang / stong pa nyid la mos pa dang / lus kyi las yongs su dag pa dang / ngag gi las yongs su dag pa dang / yid kyi las yongs su dag pa ste/ bcu po de dag yin no// rgyal po chen po chos dang po 'di dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni chos 'dod pa yin te/ rgyun mi 'chad par 'phags pa rnams mthong ba 'dod pa dang / thos pa tshol ba la chog mi shes so// de'i mang du thos pa de yang sems kyis shin tu rtogs pa dang / mthong bas shin tu rtogs pa yin no// rgyal po chen po yan lag bcu dang ldan na chos dang ldan pa'i rgyal por rig par bya ste/ bcu gang zhe na/ 'di lta ste/ chos 'dod pas
- 23b
lus la mi blta zhing / srog la mi lta ba dang / 'khor ba la skyo ba'i yid dang ldan pa dang / khyim na gnas pa la skyon med par sems pa dang / dngos po thams cad la mi lta ba'i yid dang ldan pa dang / sngon mngon par 'das byas pa'i las kyi nang na sdig pa'i las la smod cing / ma 'ongs pa mngon par 'du mi byed pa dang / sdug pa dang mi sdug pa rnams la nges par sems pa'i yid dang ldan pa dang / bsam pa thag pa nas sgrub pas byang chub sems dpa'i spyod pa rdzogs par byed de/ tshig ltar len par mi byed pa dang / ye shes yongs su tshol bas dam bcas partan pa dang / rang gi g.yog 'khor byang chub yang dag par 'dzin du 'jug cing / rgyun mi 'chad par de dag chos kyi sbyin pas yongs su smin par byed pa/ de dag gi zang zing yang bsdad par byed pa ste/ bcu po de dag yin no// rgyal po chen po chos gnyis po 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni/ chos zab mo'i bzod pa la mos shing / stong pa nyid kyi ting nge 'dzin sgrub pa zab pa yin no// de'i zab mo la mos pa mdo yang rnam pa bcur rig par bya ste/ bcu gang zhe na/ 'di lta ste/ ji skad smras pa de bzhin du byed pa dang / dge ba'i chos thams cad yongs su rdzogs par bya ba la shas cher gus pa drag po dang
- 24a
ldan zhing / yang ba'i las mngon par 'du byed pa yang yongs su spongs pa dang / mngon par 'du byed pa yid du 'ong bar 'du byed pa dang / skye bo dbang phyug dang ldan pa rnams la yang gzu lum su nan gyis gnan par mi byed pa dang / yid du 'ong ba'i sbyin pa yang gzhan dag thobs par byed de/ yid du mi 'ong ba yongs su spong ba dang / chos thams cad la stong ngo snyam du nges par 'byung bar byed pa dang / byed pa med pa'i lta bas yang dag pa'i mtha' la/ mtshan nyid gcig tu mos par yang mi byed la/ tha dad pa'i 'du shes can la yang ma yin pa dang rang gi yon tan gyis kyang / gzhan gyi yon tan khyad du bsod par mi byed pa dang / tshad nges par 'dzin par yang mi byed pa dang / gang zag sbyor ba med pa rnams la yang chos kyi dbyings bsam gyis mi khyab pa dang mthun par byed pa ste/ bcu po de dag yin no// rgyal po chen po chos gsum po 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni/ 'jig rten gnas pa'i gnod pa'i sbags pas spags par yang dag par mthong ba na/ bla na med par yang dag par rdzogs pa'i bya chub tu sgrub pa'i phyir/ bstan pa yongs su 'dzin pa la 'jug te/ pha rol tu phyin pa drug gi stobs pa la brtson zhing / sems can yongs su smin par bya ba la
- 24b
yongs su mi skye'o// de'i bstan pa yongs su 'dzin pa de yang rnam pa bcur rig par bya ste/ bcu gang zhe na/ 'di lta ste/ 'jig rten gyi chos brgyad kyis mi tshugs pa'i ting nge/ 'dzin sgrub pa la brtson pa dang / gzugs yongs su tshol ba la btson pa dang / dam pa'i chos yongs su gzung ba'i phyir rnam par nges pa la mkhas pa dang / gang zag gang dag mngon par de dag gi gos dang zas dang / mal cha dang / snyan pa dang / nad kyi gso sman dang / yo byad rnams stabs pas yongs su mi skyo ba dang / byang chub yang dag par 'dzin du 'jug pa la brtson pa dang / legs par bsam pa sems pa dang / legs par smras pas sla ba dang legs pa'i las byed pa dang / rab tu 'byung bar sems dpa' dang / rgyal po la dga' ba la skyon tu rtog pa dang / gzugs sdug cing gzugs bzangs pa thams cad la mi lta ba'i yid dang ldan pa dang / tha na rgyal po gcig pur sred pas sgrub pa la yang mi lta ba'i yid dang ldan pa ste/ bcu po de dag yin no// rgyal po chen po chos bzhi po 'di dag dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni gang zag gang dag bla na med pa yang dag par rdzogs pa'i byang chub bskal pa grangs med pa bye ba khrag khrig phrag 'bum gyis yang dag par bsgrubs pa 'di 'dzin pa dang / klog
- 25a
'di la spyod pa dang / ston pa de dag la chos bzhin du srung ba dang / skyob pa dang / sbed par byed pa la/ sems can gang dag gang zag de lta bu dag la gnod par byed pa'i rang bzhin can gyis gang zag de lta bu de dag la ni/ 'di ltar chos kyi longs spyod pa yongs su srung ba'i phyir/ chad pas gcod par byed do// de'i dam pa'i chos yongs su 'dzin pa de yang rnam pa bcur rig par bya ste/ bcu gang zhe na/ 'di lta ste/ yang dag pa'i sgrub pa'i dang / nges par 'phangs par byed pa dang / chos la mos pa dang / 'khrul pa med par kun tu spyod pa dang / ye shes 'dod cing yon tan gyi khyad par la yid ches pa dang / de bzhin gshegs pa'i pho nya dang / nye bar spyod pa dang / sangs rgyas kyi snod du rung ba dang / dkon mchog gsum gyi gdung sdud pa dang / dam pa'i chos 'bar bar byed pa dang / skye bo mang po yongasu smin par byed de/ bcu po de dag yin no// rgyal po chen po chos lnga pa 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan 'di dag thob par 'gyur ro// de nas byang chub sems dpa' mthong ba don yod kyis de'i tshe tshig su gcad pa 'di dag smras so// rgyal po sangs rgyas chos dang dge 'dun la// rtag tu lhag pa'i bsam pa g.yo med pas// dad pa dang ni dang ba mi phyed pa// de la yon tan 'di dag dkon pa med// bcos ma ma yin shes nas dang pa skyes//
- 25b
de la dngos po ci yod sri ba med// byin nas kyang na de la 'gyod pa med// 'dir ni yon tan de dag dad pa'i mtshan// de dag bsam pa brtag tu rnyog pa med// mi byed pa rab bzhin du skyod du med// bum pa gang ba legs gnas mi g.yo ltar// de dag dang ba shin du g.yo ba med// mthong ba la ma mthong thos la ma thos pas// gang dag ri 'o bzhi du g.yo ba med// de dag lta bu dad pa'i mtshan nyid do// gnas rnams kun tu nam kyang 'gyur ba med// zhi ba 'dod phyir chos 'dod gang yin pa// mkhas pa des ni chos don kun spangs shing // de spangs nas kyang de la sems dpa' med// de dag chos 'dod rnams kyi mtshan nyid do// skye bo'i bdag po gang zhig chos 'dod pa// gang tshe leg par gsungs pa mi nyan pa// sa bon rul pa zhing ngan btab pa ltar// 'dren pa'i bstan pa dag la ske mi 'gyur// thos kyang 'di la bdag ni mkhas snyam sems// chos rnams rang bzhin ci 'dra rtogs snyam te// lhag pa'i bsam pas spyod pa ma dag la// gnyis sems ldan la dag pa ga las 'ong // chos 'dod gang dag dran pa'i sgo dang ldan// gus byas g.yo med lug ltar lhag med pa// rgya mtsho chen po bzhin du 'bab pa med// de 'dra de dag byang chub mchog gi snod// chos 'dod pa ni nang dang pi/ ril gyi// dngos po kun la sdug 'dzin ci yang med// shes pa rnams la 'phangs shing byis pas smad// 'dis ni chos 'dod gang yin shes par bya// de'i phyir na rgyal
- 26a
po chos 'dod pa// 'di thos nas ni sgrub pa dag pa yis// smras pa tsam dang thos la gnas ma byed// bsam pa nyams pa la ni shes pa med// zab mo bzod la mos pa gang yin te// sdug dang mi sdug rnams la chags pa med// de dag rlung ltar chags pa med par yang // kaskal pa brgya 'grangs mtha' yas spyod par 'gyur// rgyal po gang te byang chub khyod 'dod na// lhag pa'i bsam pas yang dag bsam par bgyis// bdag dang bdag gi snyam pa'i nga rgyal gyis gnas 'dir phyin ci log tu gnas ma byed// khyod kyis nyes pa rtag tu gshegs par bgyis// khyod ni mthun pa'i sdoms la gnas par bgyis// dbang phyug dang ni gnyen la mi rtag soms// rten pa med pa 'di ni yang dag stong // stong pa'i chos rnams mang po ji srid smra// stong nyid bzhin de la gnas pa min// chos nyid la ni gang gis 'gal byas pa// de ni zab mo'i tshul la bzod pa min// de phyir stong pa de ni kun tu 'gul// stong pa nyid ji bzhin de ni gang gis shes// de ni dang pa'i rgyal bos spangs bzhin// khams las nges byung byang chub mchog la re// de bzhin gshegs la gus par byas nas kyang // rgyal po khyod kyis bstan pa rtag par gyis/ rgyal po lus ni rab tu 'jig pa'i phyir// byang chub theg pa la ni yi ma chad// ston pa'i stan chos spyod yul chos gshes// mkhas pa de dag la ni rtag tu srungs//
- 26b
smra ba tsam gyis dbang du ma 'gro shig/ nad pa rgyan rings por ni gyur ta re// gang gis snyan pa 'di na legs brtags pa// de'i don du srung ba'i rgyun la bsgrims// las dang nyon mongs sna tshogs spangs nas de// khyad par du ni byang chub mchog tu 'gyur// pha rol phyin drag 'di la legs par slobs// de la bslabs na byang chub thob par 'gyur// ji snyed bstan pa 'di ni bsgrub par bgyis// kun mkhyen chos rnams ring por mi thogs 'thob// me tog khu bar bung ba ma chags dang // nam mkha' la ni bya rjes med pa ltar// yul rnams la ni gang sems de 'dra ba// de 'dri yi ni rgyal po sangs rgyas 'gyur// zab mo bzod dang spobs pa thob nas 'dir// sangs rgyas rnams kyis mdzod 'dzin gang yin pa// de dag khyod kyis chos bzhin bsrung bar bgyis// mkhas pa de 'dra srog phyir mang btang shing // mkhas pa de dag la ni gnod byed min// chos dang mi ldan brtson pa mang po rnams// de dag rtag tu khyod kyis chad pas chos// chos kyi tshul 'od myur du nyams sa re// gang phyir 'jig rten mgon po mi 'byung na// mkhas pa de dag 'jig rten ston par 'gyur// srog chags phan phyir chos sgron 'bar bar byed// de phyir de dag don tu rtag tu sgribs// byang chub sems dpa' mang po bye ba stong // snying nas sems can don ni spyod mi byed// de dag lha sems med cing tshul khrims med// de dag lung stan rgyal bas gsung
- 27a
mi 'gyur// ji skad smras pa ji bzhin byed pa rnams// de ltar de dag skye med spyod yul can// rgyal khyod yang dag spyod pa 'di thos kyis// ji skad bstan pa'i bstan der gnas par gyis// de nas rgyal po tshangs pas byin gyis byang chub sems dpa' sems dpa' chen po mthong ba don yod la 'di skad ces smras so// mthong ba don yod skyon 'di dag thams cad ni// bdag la mchis par gda' la// yon tan rnams ni mi gda'o// mthong ba don yod bdag ni gnod pa'i sbags pas spags pa'o// mthong ba don yod bdag ni gzu lums kyi las lhags par zhen pa'i shas che ba dang / nor yongs su tshol ba dang / 'khor ba yong su bsdu bas kun nas gnar sems kyis sems skyes pas gsal bar rngo mi thog go/ gzhan yang bdag ni gzhan dag la/ dbyug pas bsnun pa dang mtshon gyis bsnun pas bsnun par bgyid de/ mthong ba don yod des na/ bdag gis byang chub tu sems ma bskyed do// bdag ni tha na rmi lam du yang gzhan dag la kun nas gnar sems bskyed par bgyid do// mthong ba don yod de ni bdag gis lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o// mthong ba don yod bdag gis ji ltar bcas pa'i byang chub sems dpa'i bslab pa dag la ma bslabs na bdag gis phyogs bcu'i 'jig rten gyi khams
- 27b
dag na bzhugs pa'i sangs rgyas bcom ldan 'das rnams bslus par gyur cig/ bdag bla na med pa yang dag par rdzogs pa'i byang chub yongs su sgrub pa'i slad du/ ji skad smras pa de da bzhin bgyid par 'gyur bar bgyi'o// de nas rgyal po tshangs pas byin gyis rjes su bslabs pa'i srog chags brgyad khris sngon ma skyed par bla na med pa yang dag par rdzogs pa'i byang chub tu sems bskyed de dag gis kyang ji skad bstan pa'i byang chub sems dpa'i spyod pa dag la smon lam gtab po// srog chags nyis khri ni chos rnams la chos kyi mig rdul med cing dri ma dang bral ba rnam par dag go// de nas rgyal po tshangs pas byin gyis byang chub sems dpa' sems dpa' chen po mthong ba don yod la 'di skad ces gsol to// mthong ba don yod bdag la thugs brtse ba dang / skye bo phal po 'di dag la phan bdags pa'i slad du bdag gis 'di nyid du dbyar gnas par gnang bar mdzod cig/ mthong ba don yod 'di ltar snod kyi rkyen du mi 'bab cing / spyod yul gyi rkyen du mi 'bab la/ skye bo dang skal ba mnyam pa ma lags shing / de bzhin gshegs pa yang mi mthong la/ chos kyang rgyun ni mi thos te/ dge ba'i brtsa ba'i tshogs kyang mi mnga' la/ sems can yongs su smin par bgyid pa yang ma mchis mod kyi/ 'on kyang bdag cag la phan btugs par 'gyur ro// de nas byang chub sems dpa' sems dpa' chen po
- 28a
mthong ba don yod/ byang chub sems dpa' lnga brgya tsam dang lhan cig tu/ rgyal po tshangs pas byin la snying rtse ba'i phyir khas blangs so// de'i rgyal po tshangs pas byin gyis byang chub sems dpa' mthong ba don yod dang / 'khor lnga brgya'i cha dang / stan dang gding ba dang / bgo ba dang bza' ba thams cad kyi yo lang bshams so// byang chub sems dpa' sems dpa' chen po mthong ba don yod la yang chos kyi mchod pa ci rigs pa byas so// de'i tshe gnas de na dge slong drag bcu gnas par gyur te/ de dag mi brtson pa dang / thos pa nyung ba dang / kun nas gnar sems mang ba dang / gzhan mchod pa dag la sems sdug bsngal ba dang // byang chub sems dpa' khas che ba dang / byang chub sems dpa' dmu rgod pa dang / cang shes ma yin pa dang / dbang po kha ru chung ba dang / rgod pa dang / khengs pa dang rgod pa can dang / mu cor smra ba dang / khab ltar smra ba dang / 'jig rten pha rol la mi lta ba dang / las kyis mi 'jigs pa dang / bre mo gtam la dga' ba dang / gnyid che ba/ dang / chos la ma yin par 'dod pa dang / lus dang / ngag dang / yid kyi las kyis mtha' ma bsdams pa dang / rtsod pa mang ba dang / tshul khrims dang / ldan pa la sdang/ ba dang / gzhan gyis shes pa la shas ches ma mos pa dang tha na ston pa lta bar yang mngon par mi dga' ba na/ tshangs pa mtshungs par spyod pa gzhan dag lta smos kyang ci/
- 28b
dgos pa sha stag ste/ de dag byang chub sems dpa' mthong ba don yod la chos bzhin ma yin par skur ba 'debaso// de yang dad pa chung ngu'i bram ze dang / khyim bdag rnams kyi khyim du song nas sgrogs par byed de/ de thos nas bskal pa bye ba phrag brgyad bcur sems can dmyal ba chen por skye ba yongasu 'dzin par 'gyur to// de nas byang chub sems dpa' mthong ba don yod kyis/ sems can de dag nyid la snying rtse ba'i phyir/ rgyal po tshangs pas byin la ma smad do// de'i tshe rgyal po tshangs byin gyi mdun na 'di/ ba/ bram ze rab tu rmugs byed ces bya ba zhig byung ste/ des de na gnas pa'i dge slong rnams byang chub sems dpa' mthong ba don yod dang bye bar byas te chos ma yin pas kyang bskar ba btab po// rgyal po tshangs pas byin yang mi mngon pa'i thabs kyis byang chub sems dpa' mthong ba don yod dang bye bar byas so// chos kyi mchog tu dga' ba 'byung ngo cog kyang dga' bar byed do// ci nas byang chub sems dpa' mthong ba don yod la sems mi dga' ba 'gyur bar byed do// chos kyi btam la bzhugs na yang / de las phyir bzlog pa'i btam byed do// ci nas kyang byang chub sems dpa' rgod rnams kyis bya ba byed do// de la chos bzhi dang ldan na/ byang chub sems dpa' dmu rgod yin te/ bzhi gang zhe na/ khra ltar bsku ba dang / mu cor smra ba dang / gzhan gyi yid dang mi sbyor ba yin/ bdag la bstod pa yin/
- 29a
gzhan la smod pa yin/ tshe 'di ched cher 'dzin pa dang / sdig pa'i bsam pa can yin/ mthun pa 'byed pa'i shas che ba yin te/ chos bzhi po de dag dang / byang chub sems dpa' dmu rgod yin no// byang chub sems dpa' mthong ba don yod kyis/ bde ba dang / sdug bsngal ba dang / bde ba dang / yid mi bde ba dang / dbyar gnas pa de 'das par byas so// de ci'i phyir zhe na/ 'di ltar mi brtson pa dang / lhan cig gnas pa ni sdug bsngal ba'i phyir ro// de nas byang chub sems dpa' sems dpa' chen po mthong ba don yod kyis dpar gnas par byas so// dbyar zla ba gsum 'das nas/ chos gos byas zhing chos gos grub ste/ lhung gzed dang chose gos zin nas/ mthar gyis yul rgyu zhing gnyan du yod pa'i rgyal bu rgyal byed kyi tshal/ mgon med zas sbyin pa'i kun dga' ra ba ga la ba dang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ de nas rgyal po tshangs pas byin gyis/ byang chub sems dpa' mthong ba don yod/ dge slong gnas pa rnams kyis gnod pa byas pas/ bcom ldan 'das kyi thad du song ngo zhes thos so// de nas rgyal po tshangs pas byin srog chags khri dang lhan cig du/ lnga 'dzin gyi ldongs nas/ ko sa la'i ljongs ga la ba dang /
- 29b
bcom ldan 'das ga la ba der song ste/ phyin nas bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ bcom ldan 'das la rgyal po tshangs pa byin gyis 'di skad ces gsol to// bcom ldan 'das byang chub sems dpa' mthong ba don yod ni/ bdag gi yul nas ha cang sngar mchis lags so// bcom ldan 'das kyis bka' stsal pa/ rgyal po chen po gang zag phrag dog can dang / mngon par mi btson pa dang / smra ba la dga' ba dang / bra me'i gtam byed pa dga' ba dang / tshul bzhin las thag ring ba dang / sbyor ba dang bral ba rnams gang na gnas pa der/ de bzhin gshegs pa dang / de bzhin gshegs pa'i nyan thos mi gnas so// rgyal po chen po rgya bcus na gang zag mngon par mi brtson pa yin par bya ste/ bcu gang zhe na/ gnyid che ba dang / mkhaso snyam du mngon pa'i nga rgyal byed pa dang / bdag la stong pa dang / gzhan la smod pa dang / bre mo'i gta la dga' ba dang / smra ba la dga' ba dang / tshogs la dga' ba dang / rnyed pa ched cher 'dzin pa dang / bkur sti ched cher 'dzin pa dang / tshul 'chos pa ste/ rgyal po chen po rgyu bcu po 'di dag dang ldan na/ gang zag mngon par mi rtson pa yin par rig par bya'o// de nas bcom ldan 'das kyis de'i tshe tshigasu bcad pa 'di dag bka' stsal to// mi rigs ldan pa rtag tu mi mthun te// ji ltar rgya mtsho chen por mi ro bzhin// ji ltar skye bo bya dang phrad pa
- 30a
bzhin// de ni mkhas pa rnams dang shin tu ring // dad med de ni 'phrul pa tshol bar byed// bre mo'i gtam sgra spyod yul tshogs la dga' rgyal ba rnams kyi bstan la mgus pa// 'di nas shis 'phos myur du ngan 'gro 'gro/ mi ldan pa la dran med shes rab med// mya ngan mi 'da' mi 'gro tshul khrims med/ de ni dmus long lam dang ji bzhin du// 'phags pa'i lam dang shin tu ring bas ring // gang zag mi ldan de ni smra ba med// dgod pa dga' zhing rtag tu dbang po g.yongs// de ni / bstan la chu re'i chu bos min// de ni grong zas lcags kyi thu lum za// sbyin pa po yis dad pas byin pa ni// ldan dang grol la nga yis gnang ba yin// mi ldan pas ni kham cig zos na yang // ngo len ri rab tsam yang bya ba yin// bstan la yul 'khor zas ni sbyang bar dka'// ldan pa gang yin rnams kyang de la mdzes// mi ldan de yis dgod ni zos na ni// glang chen te dang ba lang bung bur skye// de dag de zos bsdus pa'i gzugasu 'gyur// de dag rid cing nyams chung smad par 'gyur// zas blangs zos pas mi btsang dri ngar 'gyur// de dag dbyug pa bsnun pas sbyong bar 'gyur// sems kyang g.yengs shing dran pa rnam par nyams// slong mo byed cing smon pa dag du 'gyur// bstin ba bsod nams stegs 'di thob na yang // bag med gyur yang ngan 'gror ltung bar 'gyur// lo ni bye ba khrag khrig mtha' yas par// ngan song sdug bsngal mang po des
- 30b
myos nas// mi'i 'jig rten khom pa thob par 'gyur// sdig byas phyir yang ngan 'gror ltung bar 'gyur// lcags kyi thu lum rgya mtsho chen po yis// nang du ltung bar gyur na/ gnas med de// lo ni bye ba phrag stong snyed du yang // rgya mtsho chen las slar ni 'byung mi nus// de bzhin byis pa ngan 'gror ltung ba yang // bskal pa bye ba khrag khrag brgya snyed du// de dag mir skye ba yang the tshom bcas// de dag mthong ris byang chub ga la thob// bsam pa dag cing rtag tu brtson pa dang // legs par bsdams shing g.yo rgyu med pa dang // mnyam pa'i sems kyi byang chub thob 'gyur te// de la thams cad mkhyen nyid bka' ba med// rgyal po chen po bcu drug 'di dag 'di bdag ni// gang zag phra dog can gyi mtshan ma yin par rig par bya ste// bcu drug gang zhe na/ khwa lhur bsku ba dang / mu cor smra ba dang / legs par ma bsdams pa dang / gzhan gyi bsngags pa ma yin pas bde bar 'dzin pa dang / gzhan gyi yon tan dag la yid mi ches pa dang / bsam pa mang ba dang / mya ngan mang ba dang / yid mi bde ba mang ba dang / mig ser ba dang / kha dog dang / dbyibs nyams pa dang / nga rgyal gyis non pa dang / dge slong la mi dga' ba dang / glo bur du 'ongs pa la sdig pa'i ngang tshul can dang / brjod du rung ba'i 'khrul pa tshol ba dang / gnas la ser sna byed pa dang / chos nyan du mi 'gro ba la rna blags te mi nyan/ sems rnams par g.yengs shing //
- 31a
gzhan dang gzhan du gtam rlung skur bar byed cing chos kyi gtam la dga' ba dang / 'di skad du 'di ci zer ba ngas mi shes so// 'di ni blun po yin te/ 'di rten gyi tha snyad kyis chos ston to zhes zer te/ gang 'phags pa rnams kyis thugasu chud pa'i/ chos 'dul ba la ma gus pa 'di nyid mi blun po de dag mi shes pa yin no// bdag gis ni byang chub thob nas 'dod byang chub kyi shing drang du chos la gus par gnas par bya'o zhes zer zhing / dge slong rnams la chos ston pa na yang / phyi sgo na 'greng zhing 'dug la chos nyan par byed de/ stan la 'dag par mi 'dod na yang dge slong dag la 'tshal bar byed de/ brgyad sde'i byang chub kyi yan lag gi gtam ston pa na yang bdag gis gnyan par bya'o// de thos na bdag gis nad de byang bar 'gyur snyam mo// de bas na mi blun po de dag chos ma yin par 'dod pas byang chub yongs su btsal bar sems pa de dag ni dper na/ mi'i mig gnyis byung nas lta bar 'dod pa'am/ nor thams cad med par byas nas/ 'dren pa mang po dang mi mthun par 'dod pa'am/ rkang pa bcad nas lam du 'gro bar 'dod pa dang 'dra ste/ rgyal po chen po de ltar 'dod pa'i mi blun po de dag ni 'dra ba sum byed do// rgyal po chen po chos nyi shu rtsa lnga dang ldan na/ gang zag byang chub las nyams par rig par bya ste nyi shu rtsa lnga gang zhes na/ gnas la ser sna byed pa dang / khyim lnga sna byed pa dang / bsngags
- 31b
la ser sna byed pa dang / phrag dog can dang / ma dad pa dang / ngo tsha ba mi shes pa dang / khrel med pa dang / sdig pa'i bsam pa can dang / g.yo'i bsam pa can dang / gzhan la gnod pa dang ldan pa dang / spyod lam kho ru chung ba dang / tshul chos pa dang / kho na dam du 'dzin pa dang / stsogs 'jog gi shas che ba dang / de bzhin gshegs pa gsungs pa la skrag nas log par brda sprod cing sgro 'dogs te/ chos spongs par byed pa dang / lhag pa'i nga rgyal can yin te/ mi 'dra ba'i ngang tshul can dang / chos la sla ba byas kyang 'gyod pa med pa dang / snying mi 'bebs shing dgra zla mang ba dang / 'khor gyi nang na mthong ma thag tu gzhan gyi mos pa bzlog pa'i phyir gzhan dag gi 'tshang 'dru ba dang / gsang ba'i gnas la yid brtan pa las 'khu ba dang / mngon mthong yang rung ma mthong yang rung ba'i dge slong dag la 'di rnams la su yang dag par mi 'gyur bar bya'o snyam ste// gnod par bya ba'i phyir bsngag pa ma yin pa brjod pa dang / gzhan gyi bsngags pa ma yin pa la brjod par bya ba'i phyir gzhan smod pa dang / rnyed pa'i bsam pas bdag gi/ bsnyen pa rdzogs par de nyams par gyur pa na mi rung ngo snyam ste/ so sor brtags nas tshul khrims srung ba'o// rgyal po chen po gang zag de dag ni bstan pa las tshabs cher nyams par 'gyur ba 'am/ khyim gyi gnas su 'gro bar 'gyur ro// de nas de'i tshe bcom ldan 'das kyis tshig su bcad pa 'di dag bka' stsal to// khwa ltar
- 32a
bsku zhing ma bsdams mu cor smra// 'jig rten mkhyen rnams bstan la gus pa med// khengs dang khrel med rtag tu mi mthun pa// phra dog zil non rtags ni 'di rnams yin// gzhan dag gi ni bsngags pa ma yin la// mi dgar mi byed dbul pos gter brnyed bzhin// snying por 'dzin cing thams cad rnam par spangs// gnod sems can la byang chub ga la yod// snga ma de yis kun nas gnar sems brtas// de'i rnam smin gyi ni ngan 'gror myong // 'dir ni mi lus thob na mig kyang ser// de'i mdog kyang gsal zhing mdzes mi 'gyur// de ni su lang btsam pa yod med de// kun tu de'i zhe ni 'gras par 'gyur// la la'i shes pa'i khyad par mthong na yang // phra dog bskyed nas chos ni spongs par byed// dgod cing snying la thogs pa med pa yis// gzhan dang lhan cig sdig pa mang po smra// gal te gzhan gyi gtam ngan ma smras kyang // 'khrug pa'i sems kyis mtshan mo 'da' bar byed// de ni grong du spyod lam gzhan du sbyar// gtsug lag khang dmu dgod rta bzhi byed// gzhan gyi skyon 'dzin bdag gi 'dzin mi byed// pra dog can rnams chos ni de'i 'dra'o// 'di ni ci nas phyogs 'dir mi gnas par// 'di'i khyim du 'di dang 'di ska bya// sang ni bdag gis ngan du brjod snyam te// de ni sngangs pa'i yid kyis mang du sems// de ni mya ngan mang zhing yid mi bde// gzhan gyi mi shes phyir bkur ba
- 32b
rnams mthong na// de ni las kyi rnam smin yid mi ches// nyes pas non nas bsngags pa ma yin sgra// mkhas pa de dag smad rnams khong du chud// de'i phyir de'i snyen bkur 'phel 'gyur na// de ni sprin mchog bla med sbyin byed dang // chos mchog 'dzin pa yin par yod mi shes// dge slong bya ba bdag la nges pa yis// blo bur de dag 'ong ba mthong na gnod// shin tu sdug bsngal gnas 'drir ci 'dod cis// gus pa med par ma dad chos rnams smra// gtsug lag khang 'di rtag tu las mang la// rnyed pa'ang med de spyod yul rnams mi zad// gal te des bskul de ni mi 'gro na// legs par ma bsdams 'thab mo byed par 'gyur// 'di 'dra dag gi gnas 'dir gang yang med// yul zhig du ni ces byas dran par gyis// gnas pa'i dge slong dag gis khyod bskrad na// yul 'di sun dbyung phyir ni 'ongs sam khyod// dge bsnyen blun po rnams ni 'di mi shes// 'di dag khrims tshul tshul khrims ldan mi shes// dge slong dag dang mi dga' myur du song // mi sdug pa dang drag pos song nga re// sangs rgyas la ni slob pa'i chos smra ba// nges shing dam brtan dag gis mthong na ni// blan dang mi 'thun 'gyur ni mi rung zhes// de dag ga las 'ongs par phyin kyang 'gro/ kye ma bdag gi 'dren pa bstan pa'o// rgyal ba dag gi chos 'di 'gag par 'gyur// dge slong sdig can 'di dag rab tu 'phel// chos sgra gang yin rnams ni nyung bar 'gyur// gang tshe mang du bris
- 33a
du thos pa slob dpon gang // rad kye shing ltar chos gos nas ni// bde ba'i don du rnyed pa 'tshol bar byed// deng 'dir mdo sde de la mi mkhas te// de'i shes pa bdag cag shes so snyam// de dag blun zhing brtan pa sun 'byin pa// ting 'dzin ma thob byis pa'i bsam pa'i sems// rgyal po nges ni 'das pa'i dus dran pa// sangs rgyas ye shes 'od ces bya ba byung // lo ni brgyad khri tham pa'i bar dag du// chos rnams bstan nas rgyal ba mya ngan 'das// rgyal ba de ni 'das pa'i dus kyi 'og/ dam pa'i chos ni nyams shing thug pa na// dge slong dran pa'i blo can zhes bya byung // gzungs thob ma yin spobs pa thob par gyur// mdzes shing des la bka' blo bde ba dang // rtag tu ngan don tsam gyis chog shes pa// skye dgu sprin gyi chus ni tshim byed ltar// lhar bcas 'gro ba chos kyis tshim par byed// de'i dus kyi tshe nas// steng du// bkod pa'i rgyal po zhes bya grong khyer byung // kho ra khor yug dpag tshad brgyad du gyur// mi rnams de dag blon ldan lo legs bde// chos sgra dran pa'i sgra can de 'ongs nas// srog chags rnams la phan phyir chos kyang bstan// srog chags bye ba phrag ni nyi shu gsum// bla med byang chub la ni bkod par 'gyur/ me tog rnams dang spos dang gos rnams dang // bca' ba thub pa dang ni 'thab 'tsham pa yid// glu dbyangs rol mo'i sgra rnams rab mchog gis// de dag de la sangs
- 33b
bzhin du mchod// dge slong lnga brgya shin tu mi mthun gyur// grong khyer du ni de yis bsngags min sgrogs// tshul khrims ldan rnams nyes pa des zhes// re re nas ni khyim pa'i mdun du brjod// zla ba nya ba'i gso sbyong bab pa na// gal te do nub myur du ma song na// gnad rnams btub cing srog kyang bcod do zhes// smra ba'i dge slong sdig can langs par gyur// dge slong de dag nyid la snying rje nas// sems can dag pa de ni ma zhum song // sangs rgyas sras la ci phyir rwas byed ces// lha rnams ste dag mi dga' dra bar byed// de ni dge slong lnga brgya de dag kyang // dgod cing mgu bas mtshan mo 'das par byed// kye ma bdag cag de las legs par thar// khrur lci bor ba snyam du nyams la sems// dge slong lnga brgya dus las 'das gyur nas// bskal pa brgyad bcur dmyal bar gnas par gyur// bskal pa bye stong bdun bcu rtsa drug du// yid dgas 'jig rten der ni dge slong gnas// sems can de dag tshe rabs rtag tu mdongs// de dag sbrul gdug skyes te sa rdul za// byis pa rnams kyis mthong nas bong bas brgya ba// skyabs kyang med cing dpung gnyen med par 'gyur// tshe rabs bye ba stong phrag bcwa brgyad do// mi'i nang du skyes nas dbul bar 'gyur// skye nang mdongs la rtag tu lus kyang rul// mdog ngar smad par gyur tem tha yang rung // de ltar byed pa'i rgyal sel gyis non// bdag nyid cag kyi
- 34a
mi sdug mang po byed// gzhan gyi sbyin pa la ni skyon yang 'dogs// g.yangs chen por bdag nyid 'dor bar byed// ma 'ongs dus na bskal pa drug bcu ba// grags chen zhes bya bskal pa 'byung bar 'gyur// der ni skyob pa 'jig rten don mdzad pa// bde bshegs stong phrag bcu dag 'byung bar 'gyur// de dag nang nas sangs rgyas tha ma'i tshe// der ni de dag mi lus thob gyur to// sangs rgyas de mthong nas ni bzod pa 'thob// sangs rgyas gang ga'i bye snyed mthong bar 'gyur// sngon ni lhan cig de dag thams cad kyis// thams cad mkhyen pa'i sems su smon lam btab// der ni de dag byang chub sems dang ma nyams// bsams pa'i bye brag gis ni ngan 'gror ltung // nga ni de tshe chos smra rgyal bu'i bu// dran pa'i blo can zhes bya der yang gyur// sun 'byin de ni ston la sun 'byin 'gyur// de srid nga rgyal spangs shing bor nas ni// tshul min spangs te ye shes sbyor bar gyis// gang zhig bdag nyid brlag par mi 'dod pa// des ni mi shes tshig rnams spangs nas kyang // mi'i phung po bzhin du phra dog spongs// mthong dang ma mthong thos dang ma thos dang // bden dang mi bden pas ni gzhan mi gleng // byang chub mchog tu 'tshang rgya 'dod pa'i// dge slong des ni bdag gis nyes pa gsal// nges pa rnams ni nang dang phyi rol gyi// dngos po de dag thams cad btong bar byed// gang zhig nga'i byang chub mchog la 'dun// de dag ci'i phyir gzhan la khro
- 34b
ba skye// phyi ma'i dus na nga'i bstan pa la// dmu rgod mang po byang chub sun yang 'byin// de dag gcod rong ga yang sa chen por 'gro/ bsam pa nyams pas byang chub ci byar yod// nga'i byang chub mchog 'dod gang yin pas// rigs ngan bu 'dra nga rgyal spangs byas la// sems can kun la byams pa'i sems bskyed nas// thob dang ma thob mi dga' yongs mi bya// rgyal po chen po gzhan yang // gang na gus pa med pa dang / ma dad pa dang / gzhan dag la dang ba dang / glags lta ba dag yod pa der ni// de bzhin gshegs pa rnams dang / de bzhin gshegs pa'i nyan thos rnams yun ring du mngon par dga' bar mi 'gyur te/ myur ba kho nar 'dod par 'gyur ro// ma dad pa dang / rgyal po chen po chos bcu drug po de dag ni ma dad pa'i gang zag stong pa ste// bcu drug po gang zhe na/ mi 'thun par 'dzin du 'jug pa dang / sdig pa'i bstan pa la 'dod par lta ba dang / chos kyi gtam la ma'i 'dod par blta ba dang / sdig pa'i bsam pa can dang / sems khengs pa dang glags lta ba dang / khong g.yo can dang / 'tsho ba yongs su ma dag pa dang / bkur stir 'dod pa dang / sems kyi rgyud mi bdage ba dang / sbyor med pa dang / gzhan la bskur ba 'debs pa dang / gcig tu nges par skyon 'dzin pa dang / bstan pa la ma nges pa dang / log par lta ba dang / las kyi rnam par smin pa la the rtsom za ba ste/ rgyal po chen po chos cu drug po de dag ni ma dad pa'i gang zag bstan
- 35a
pa'o// de nas bcom ldan 'das kyis de'i tshe tshig su bcad pa 'di dag bka' stsal to// rjes su bstan la mthun par mi 'dzin pa// khron pa rnying pa bzhin du yongs su spang // thar dang mi mthun rgyu bzhin 'gro ba dang // sdang sems mu stegs can dang khyad par med// las kyi rnam par smin la yid mi ches// yid mi ches pas gzhan la 'dems mi byed// bdag nyid ri rab zom ltar mthong 'dzin te// nga rgyal myos pa de ni de bzhin byed// legs par gsungs pa'i chos ni ston pa ni// sdig pa'i spyod yul can de mi 'thad 'dzin// dad med chos la som nyi bsnyed nas ni// bskal pa bye ba mang por smon par 'gyur// ma dad pa'i bsam pas sdig can 'gyur// blo sdang gang gi yid kyang srung mi byed// snying po can kun rnam par spangs nas ni// dad pa med pas snyigs ma 'dzin par byed// 'gying bar byed cing rtag tu khengs pa ste/ ma dad de ni gzhan la 'dud mi byed// she nas rigs dmar skye ba 'dzin par 'gyur// dbul por 'gyur zhing gzhan la 'khu bar byed// gang zag ma dang bdag nyid glang mi byed// klan ka 'chol zhing gzhan gyi nyes pa 'dzin// de ni khyim pa ma yin dge slong min// rnam par ma dag rang bzhin khong g.yo can// su'i bstan pa la yang 'jug mi byed// gzhan gyi yid rten na yang 'khu bar byed// bskal par gsos kyang 'dza' bor yong mi 'gyur// de dag 'tshe ba rnams kyang dag pa med// ma dad rab tu
- 35b
'byung ba'i dge slong rnams// de dag thar pa'i chos mang spangs pas na// ring por mi thogs ngan 'gror ltung bar 'gyur// dad pa med pa bsnyen bkur 'dod pa'i phyir// mi bden chos rnams gzhan la dgo bar byed// g.yo byed rang bzhin rnam par spang byed cing // de ni g.yo med rang bzhin rnam par sbed byed cing // de ni gzhogs slong kha gsas byed pa yin// de'i sems rgyud rtag tu g.yem yang spyod// gzhan dag gtam brjod pa ni thos na yang // gtam 'di bdag gi phyir ni gtam byed snyam// dad pa med pa khu 'phrig za bar 'gyur// de ni gzhan gyi gtam dag brjod byas nas// bdag nyid ma dag de bzhin gzhan yang mthong // ma dad pa ni ri dgas skrag pa bzhin// su la'ang mi 'bebs yid kyang ston mi byed// sbyor ba nyams shing gzhan yid mi srung ba// tshogs kyi nang du yid kyang zhum par 'gyur// lag pas tsham ngan byed cing 'thab par byed// 'ong ba dag la tshar yang gcod byed cing // gzhung med par ni 'dzugs shing gleng byed// phra ma'i rang bzhin sdig pa mang po can// 'thun dang bral la 'thab cing sdang ba rnams// ma dang rang bzhin mtshan mo 'di dag yin// de dag dang med rab tu byung nas ni// 'dren pa'i bstan pa de dag su yang 'byin// 'thun pa gang gis dge 'dun mdzes 'gyur te// de dag chos min tshig gis 'gal bar byed// rgyal ba rnams kyi bstan la de ma nges// mu stegs can ltar som nyid the tsom bcas/
- 36a
des ni chos la glags gtod 'gal byas nas// dad med de ni chos kyang spong bar byed// de'i log par lta ba ma spangs te// phyi rol du stegs can gyis nang du smod// des ni bstan pa 'di la gting mi tshugs// chos gos 'chang ba tsam gyis dge slong brjod// bdag med rdo rje shin tu bsgoms ba des// 'jigs tshogs lta ba 'di dag bral ba yin// dge slong de ni bstan 'dir ye shes la// spyod yul rlung ltar 'dus byas chags pa med// dad pa med pa las la yid mi ches// sdig pa'i sems kyi dbang du song nas ni// de ni ji ltar gzhan la brtses pa yin// ring por mi thogs ngan song gnas par 'gyur// rgya mtsho che la ji ltar chu gnas bzhin// bstan pa 'di la dad pa gzhi yin te// gang zag gang zhig bstan lam dad de// nga'i ma yin nga yang de'i ma yin// bgrod pa phun sum tshogs gzhi dad pa yin// bdud rtsi 'thob pa'i lam dang snang ba yin// ji ltar 'dzam bu gling pa'i rgyal po bzhin// 'di ni yon tan kun gyis thog mar 'gro// rgyal po chen po khyod kyi gtsug lag khang gi dge slong de dag ni// yon tan de lta bu de dag dang ldan pas na// de'i phyir der byang chub sems dpa' mthong ba don yod kyis// so sor btags nas mi 'dug par myur bar kho nar song ngo // rgyal po chen po dge slong drug bcu po de dag thaMd ni// de nas
- 36b
shi 'phos nas bskal pa gsum gyis bar du ngan song rnams su 'khor bar 'khor nas// tshe rabs brgyad khri'i bar du rigs ngan du skye bar 'gyur te// dman pa/ dang / gzhan gyi zas kyis 'tsho ba dang / 'jig rten gyis smad par 'gyur ba dang / lus rid pa dang / mdog ngan pa dang / chung bar grags pa dang / byed ngan pa dang / tshe rabs thams cad du shas ches nad rgyun rings dang / khams ma snyoms te 'khrugs pa dang / nyam thag pa'i skad kyis tshong nge 'don pa dang / gaushis ngan du 'chi bar 'gyur ro// de nas tshe rabs kyi tha ma las shi 'phos nas/ 'jig rten gyi khams bde ba can du skye bar 'gyur ro// lo brgyad khri'i bar da de dag gis/ de bzhin gshegs pa tshe dpag med chos ston pa thos la shes par ni mi 'gyur ro// de bzhin gshegs pa de'i 'od mthong la// de bzhin gshegs pas de ni mi mthong ngo // de dag gi lus la 'od kyis phog par yang mi 'gyur ro// de dag gis gtan du rnam par dag par bya ba'i phyir// nyin lan gsum mtshan lnga gsum du// byang chub sems dpa' 'dus pa'i yan lag lngas gtugs te// nyes pa bshags nas gdod de'i 'og tu las de rnam par dag par 'gyur ro// de nas de bzhin gshegs pa yang mthong // chos kyang shes par 'gyur la// byang chub tu lung snyan pa yang thob par 'gyur ro// de nas bcom ldan 'das la rgyal po tshangs pas byin gyis 'di
- 37a
skad ces gsol to// bcom ldan 'das dge slong de dag bskul bar bgyi'o// dge slong sdig can de lta bu dag chabs 'og thams cad du grags par ma gyur cig/ mthong ba lta smos kyang ci 'tshal/ de nas rgyal po tshangs pas byin gyis zho shas 'tsho dag btang ste/ dge slong de dag bskul du bcug nas/ chabs 'og thams cad du de dag mi 'dug par byas so// bcom ldan 'das 'di ni de dag gi tshe/ 'di'i rnam par smin pa lags so// de dag ni tshe phyi ma la yang bdag nyid brtags pa lag so// de skad ces gsol ba dang / bcom ldan 'das kyis rgyal po tshangs pas byin la 'di skad ces bka' stsal te/ rgyal po chen po bzhi po 'di dag ni snyan pa 'di la rab tu byung ba'i g.yang sa yin te/ bzhi gang zhe na/ sangs rgyas la ma gus pa dang / dam pa'i chos spong ba dang / chos smra ba la sdang ba dang / mngon par brtson pa med par dad pas byin pa len pa ste/ rgyal po chen po bzhi po de dag ni bstan pa 'di la rab tu byung ba'i g.yang sa yin no// de nas bcom ldan 'das kyis de'i tshe tshigasu bcad pa 'di dag bka' stsal to// sangs rgyas som nyi za ba ga yangs sa'i mchog/ 'jig rten kun gyis skyabs byed mi nus te// blo chung de ni bstan las nyams gyur pas// mgon med de ni ngan 'gror 'gro bar 'gyur// des ni chos kyang spangs nas ngan
- 37b
song 'gro b.lo ni stong las mi nyung bar du yang // dmus long dbang po dman zhing sems kyang nyams// sdug bsngal chen po 'di ni g.yangs sa gnyis// sangs rgyas chos 'dzin mi 'jigs gang yin pa// thams cad mkhyen pa'i ye shes skong byed pa// de dag skar 'debs g.yang sa chen po gsum// bskal ba bye ba mang po mong bar 'gyur// de ni dad pas byin pa mi rigs spyod// de ni g.yangs sa tshon po bzhi pa yin// de ni 'jigs rten sus kyang bskyab mi nus// sdig pa'i las can ngan song kun tu rgyug/ bsam pa dag pa 'phags pa'i dag pa yin// byang chub g.yo med de ni sems kyi bzhi// smras pa tsam gyis byang chub mi thob kyis// sems kyang dag par bya zhes bde gshegs gsungs// bcom ldan 'das kyi chos kyi rnam grangs 'di bshad na// srog chags lnga stong gis sngon ma bskyed pa las// bla na med pa yang dag par rdzogs pa'i byang chub tu sems bskyed de// mi skye ba'i chos rnams la bzod pa thob par gyur to// rgyal po tshangs pas byin yang bla na med pa yang dag par rdzogs pa'i byang chub las phyir mi ldog par gyur to// srog chags 'bum ni chos rnams la chos kyi mig rdul med cing dri ma dang bral ba rnam par dag go/ lha dung phyur gyis ni sngon ma skyed pa las byang chub tu sems bskyed do// de nas bcom ldan 'das kyis de'i tshe 'dzum pa mdzad do// 'di ni
- 38a
sangs rgyas bcom ldan 'das rnams kyi chos nyid de// ga tshe 'dzum pa mdzad pa de'i mod la// bcom ldan 'das kyis zhal gyi sgo nas 'od zer kha dog du ma// kha dog sna tshogs pa 'di lta ste sngon po dang ser po dang / dmar po dang / dkar po dang / btsod ka dang / shel gyi kha dog dang / dngul gyi kha dog lta bu dag byung ste// de dag gis 'jig rten gyi khams mtha' yas mu med pa snang bas khyab par byas nas steng du yang tshangs pa'i 'jig rten gyi bar du song ste/ nyi ma dang zla ba rnams kyi gzi brjid kyang med par byas nas phyir log ste bcom ldan 'das la lan gsum bskor ba byas nas/ bcom ldan 'das kyis spyi bo'i gtsug tu mi snang bar gyur to// de nas byang chub sems dpa' mthong ba don yod kyis// bcom ldan 'das ga la ba der log su thal mo sbyar ba gtud te/ bcom ldan 'das la 'di skad ces gsol to// bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ mthong ba don yod/ rgyal po tshangs pas byin 'di ni bskal pa sum bcu'i bar du log par ltung ba mi 'gyur te/ lha dang mi'i phun sum tshogs pa myong nas/ sangs rgyas dung phyur phrag brgyad gnyis par byed par 'gyur ro// thams cad du yang 'khor los sgyur ba'i rgyal por 'gyur te/ gling bzhi yongs su btang nas sangs rgyas bcom
- 38b
ldan 'das de dag thams cad la zhe 'grangs pa med pa'i// sems kyis dgod pa bsnyon bskur byed par 'gyur ro// de de'i 'og tu bde ba can gyi bkod pa dang 'dra ba'i sangs/ kyi zhing du/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa dpag tu med pa'i rgyal po zhes bya bar 'gyur ro// de nas rgyal po tshangs pas byin tshim zhing mgul yid rangs te rab tu dga' zhing / dga' ba dang yid bde ba skyes te/ byang chub sems dpa' mthong ba don yod kyi rkang pa la yan lag lngas gtugs nas/ bcom ldan 'das mthong ba don yod la gang gi phyir bdag gi slad du/ dge slong gi dge 'dun de dag dang lhan cig 'o rgyal cing bzhugs par gyur pa/ bdag gi lhag pa'i bsam pas bzod par gsol lo// zhes byas so// byang chub sems dpa' mthong ba don yod kyis rgyal po tshangs pas byin la snying brtse ba'i phyir bzod par byaso// bcom ldan 'das kyis de skad ces bka' stsal nas/ rgyal po tshangs pas byin dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa tshangs pas byin gyis zhus pa zhes bya ba theg pa chen po'i mdo// rdzog so// rgya gar gyi mkhan po su ren dra bo de dang / brang dzA bar ma dang / zhu chen gyi lo ts+tsha ba
- 39a
ban de ye shes sde la stsogs pas bsgyur cing zhus te gtan la phab pa/ shA lo ka sum brgya mchis// rgya gar skad du/ Ar+ya d+har ma ne tri nA ma ma hA ya na sU tra/ bod skad du/ 'phags pa chos kyi tshul zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal na/ smyug ma las byas pa'i 'khor gyi khyams na bzhugs te/ de'i tshe smyug ma las byas pa'i 'khor gyi khyams su 'dus shing / 'khod pa'i byang chub sems dpa' rab tu mang po dag 'di snyam du sems te/ bdag cag gis ji ltar gnas par bya/ ji ltar bsgrubs par bya/ ji ltar rnal 'byor du bya/ ji ltar sems can rnams yongasu smin par bya snyam pa dang / de nas bcom ldan 'das kyis byang chub sems dpa' rab tu mang po de dag gis bsam pa mkhyen nas/ smyug ma las byas byas pa'i 'khor gyi khyams ga la ba der gshegs te/ byon nas gang na bting ba la bzhugs so// bzhugs nas bcom ldan 'das kyis byang chub sems dpa' rab tu mang po de dag la 'di skad ces bka' stsal to// rigs kyi bu dag legs so// leg so// khyod kyis rtogs pa ni bzang ngo // yid kyi 'dri ba ni mdzeso//
Colophon
'phags pa tshangs pas byin gyis zhus pa zhes bya ba theg pa chen po'i mdo// rdzogso// rgya gar gyi mkhan po su ren dra bo de dang/ prad dz+nyA bar ma dang/ zhu chen gyi lots+tsha ba ban de ye shes sde lastsogs pas bsygur cing zhus te gtan la phab pa// sh+wa lo ka sum brgya mchis/