Q2406MW1KG13126_2406rgyud 'grelAll versions of this work

spyan dbye ba'i cho ga

Pratistibidhi

Text

ff. 533a–534a · 3 folio sides

  1. 533a

    de ltar bdag la 'di ni rim par 'byung // rjes su 'brangs pas 'di bzhin bsgrub par bya// dge ba gang thob des ni thams cad kyang // 'phral la yid ches mngon du byed gyur cig/ dpa' bo gcig pa dpal he ru ka phyag bcu drug pa'i bsgrub pa'i thabs rdzogs so// 5/ na gyi tsha sra/ @#// rgya gar skad du/ pra ti sti bi d+hi/ bod skad du/ spyan dbye ba'i cho ga/ rnal 'byor ma rnams la phyag 'tshal lo// rdo rje slob dpon gyi rab tu gnas pa'i las bya ba'i phyir/ cho ga gang gis gang la rab tu gnas pa de'i mtshan nyid bshad par bya'o// de yang thams cad la 'thad cing dgos pa ma yin te/ skye ba med pa la gang zhig rab tu gnas par bya// kun rdzob gtso bor spyod pas kyang // de nyid byin rlabs yin shes na// rab gnas cho ga mi 'thad do// sems can dang po'i las can gyis// rgyud rnams yang dag smin phyir byas// de yang slob dpon mthu thob pa dang // 'thob pa'i bye brag gis cho ga bsdus pa dang / rgyas pa'i bye brag gis ci rigs par bla ma'i man ngag la brten pa rnams kyis shes par bya'o// de la cho ga rgyas pa na dang po bsnyen pa gtso bo'i 'bum 'am/ 'khor gyi khrir/ de ltar grangs sam/ mtshan ma'i bsnyen pa byas la/ dkyil 'khor bri ba'i cho ga dag tshul bzhin du byas la/ khrus sa'i stegs bu brtsigs la/ bum pa rnams bkod la/ bzlas brjod kyi cho ga ni rang gi yi dam gyi lha'i sbyor bas mtshan nyid ldan pa'i bum pa las/ thams cad chu las 'am phor du/ cung zad thugs te rnam rgyal gyi// bum pa pa las skyes pa yi// rin po che'i steng du bzhag der ni dkyil 'khor bskyed bya ste// dam tshig bdag nyid rdzogs pa dang // ye shes dkyil 'khor spyan drangs te// zhal bsil la sogs rim par dbul// dam tshig lhan cig bcug byas te// mchod pa rnams kyis

  2. 533b

    tshim byas la// me tog spos sogs rol mo yis// 'bad pa yis kyang mchod par bya// dril bu dag ni dkrol ba dang // bstod pa gshegs kun khrus gsol ba// lha yi chu ni dag pa yis// de bzhin bdag gis bkru bya'o// oM sarba ta thA ga ta kA ya a b+hi she ka sa ma ya shrI hUM/ 'di ni khrus sngags so// ras sogs rang rang gsang sngags kyis// mnyam par bzhag pas dbul bar bya// yang na rang gi sngags kyis dbul// bzlas te/ phyag 'tshal gtso bo la// oM badz+ra bA sa se swA hA/ me tog la sogs pa'i sngags su yang 'gyur ro// gser la sogs pas snod byas te// sbrang rtsi mang sar byugs pa yi// gser gyi thur ma yis ni mig/ dbye ba'am yang na bsam gtan gyis// oM tsak+Shu sa man+ta tsak+Shu bi sho d+ha ni swA hA/ ji ltar rdzogs pa'i sangs rgyas kun// dga' ldan yang dag rab bzhugs nas// ji ltar lha mo sgyu 'phrul lhums// de bzhin 'dir gnas bzhugs byas la// 'dir ni rgyun tu zhugs gyur nas// mgon po me tog la sogs 'di// byang chub sems kyis bsdus pa'i phyir// che ge mo yi don du bzhes// lha rnams brten par 'dod pa yis// mgo bo snying ga lkog gnas su// rdo rje yis ni bskor byas nas// lan gsum bskor te rab gnas bya// chad pa'am ni lhag pas kyang // bdag gis brjod nas gang bgyid pa// gang phyir lus can skyabs mdzad pa// mgon po khyod kyis bzod par mdzod// ma rnyed pa dang ma shes pa// ma lus par yang bzod par mdzod// nyungs pa'am gzhan du bgyis pa gang // de dag bzod par mdzad par rigs// zhes pas bzod par gsol la smon lam gdab po// mchod rten glegs bam la sogs la// kye yi rdo rje 'khor bcas pas// rab tu gnas pa bya ba ste// rnam pa dag ni ci rigs par// de nas slob ma rtsa ba'i dkyil 'khor du bcug la// ci bde bar ni mchod par gyis zhes bgro'o//

  3. 534a

    de nas gtor ma dang sbyin sreg gi las byas te/ de rnams kyi cho ga ni gzhan du shes par bya'o// mchod pa dang bstod pa sngon du 'gro bas/ ye shes kyi lha gshegs su gsol ba la sogs pa bya'o// de ni gargyas pa'o// rdo rje slob dpon nus dang ldan pas ni nyid gcig gis rab tu gnas pa'i cho ga rdzogs par bya ste/ rang gi lha bskyed pa'i rim pa byas la/ rang gi lha'i sngags brgya 'am/ stong du bzlas brjod byas te/ rab tu gnas pa'i rten snang ba dang / brten pa'i ye shes sems dpa' gzhug pa byas la/ yid kyi mchod pas mchod la bzlas brjod ci rigs pa bya'o// rdzogs so// / swa tsha bya ba'i rim pa yang // sa la 'jim pa byas nas ni// rang gi lha yi rnal 'byor gyis// 'jim pa rin chen sna lngar bsam// de nas sems can thams cad la// byams dang snying rje bskyed bya ste// rigs gsum lha yang dran par bya// chos su'i gzugs brnyan bzhengs pa dang // de yang sems can don du'o// de nas 'jim pa dag la ni// sngags ni nyi shu rtsa gcig gdab// oM na mo b+ha ga ba te/ bai ro tsa na/ ta thA ga ta ya/ a ra ha te/ sa myaka saM bud+d+hA ya/ tad+ya thA/ oM suk+She me suk+Sh+ma sa ma sa ma ye/ shAn+te dan+te/ a sa ma ro be a na lam+be/ ta be ya sho ba ti ma hA te dza nir ku le ni rba Na/ sarba ta thA ga ta/ a d+hiSh+ThA na a d+hiSh+Thi te/ swA hA/ rten 'brel dag gi sngags dag gis// rab tu gnas par bya ba yin/ rdzogs so// @#/ rgya gar skad du/ bi la~M bi d+hi/ bod skad du/ gtor ma'i cho ga/ dpal rdo rje mkha' 'gro la phyag 'tshal lo// dpal ldan rdo rje mkha' 'gro la// btud de dang bas phyag 'tshal nas// sems can thams ca 'gru / ga / [ऽ] / nga nga pa mams pa dang rdzu dzug sa dang

Colophon

yid kyis mchod pas mchod la bzlas brjod ci rigs pa bya'o/_rdzogs so/