N194MW22703_0194mdo sdeAll versions of this work

'phags pa seng ge'i sgra bsgrags pa zhes bya ba theg pa chen po'i mdo

Text

ff. 184a–190b · 14 folio sides

  1. 184a

    rgya gar skad du/Ar+ya sid+hanA di ka nA ma ma hA yA na sU tra/bod skad du/'phags pa seng ge'i sgra bsgrags pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo//'di skad mdag gis thos pa dus gcig ni/bcom ldan 'dres nyi zla'i gnas rnam par rgyal byed kyi khar bzang gri nang na dge slong gi dge 'dun chen po dang /dgra bcom pa bye ba khrag khrig brgya stong phrag dgu bcu rtsa dgu dang thabs cig tu bzhugs so//de'i tshe bcom ldan 'das kyis byang chub sems dpa' rnam par rgyal ba'i phung po la bka' stsalnga pa/rnam par rgyal ba'i phung po khyod sangs rgyas kyi zhing 'di nas byang phyogs logs na gang+gA'i klung drug cu'i bye ma snyed kyi sangs rgyas kyi zhing rdul phra rab snyed 'das pa na 'jig rten gyi khams mngon par dgra' ba zhes bya ba zhig yod de/de ni de bzhin gshegs pa dgra bcom pa yang dag par rdzogs pa'i sangs rgyas chos 'phags zhes bya ba de ltar bzhugs te/'tsho zhing gzhes la chos kyang ston te//de bzhin gshegs pa de la blta ba dang /phyag bya ba dang /bsnyen bkur bya ba dang /mchod pa bya ba'i phyir song zhig/de nas byang chub sems dpa' rnam par rgyal ba'i

  2. 184b

    phung po 'jig rten gyi khams der srong nas/bcom ldan 'das chos 'phags de'i zhabs la phyag btsal te lanA bdun bskor ba byas nas phyogs gcig tu 'dug go//byang chub sems dpa' rnam par rgyal ba'i phung po phyogs gcig tu 'dug pa dang /de nas bcom ldan 'das de bzhin gshegs pa chos 'phags des byang chub sems dpa' de la 'di skad ces bka' stsal to//rigs kyi bu khyod ga las 'dir 'ongs/de nas byang chub sems dpa' rnam par rgyal ba'i phung po bcom ldan 'das kyis bka' stsal ba de la cang mi smra bar kha rog 'dug go//de'i tshe dang 'khor 'dus pa gang lha dang /klu dang /gnod sbyin dang /lha ma yin dang /nam mkha' lding dang /mi 'am ci dang / lto 'phye chen po dang /mi dang /mi ma yin pa de dag 'di snyam du sems te/ci'i phyir byang chub sems dpa' rnam par rgyal ba'i phung po 'di 'jig rten gsum gyi bla mas bka' stsal pa la lan mi gsol bar kha rog 'dug zhig gu snyam mo//de nas bcom ldan 'das kyis der seng ge bsgyings pa lta bus phyogs bcur gzigs nas 'khor thams cad the tshom du byur pas thugs su chud nas 'dzum pa mdzad do//bcom ldan 'das de bzhin gshegs pa chos 'phags de 'dzum pa mdzad pa'i 'od kyi snang ba gser

  3. 185a

    gyi kha dog lta bu'i 'od zer brgya stong phrag du mas phyogs bcu snang bar mdzad do//de nas skad cig de nyid khrus chen po g.yos par gyur to//phyogs bcu nas kyang byang chub sems dpa' gzugs dang /kha dog dang /tshul du ma 'tshang ba dag bcom ldan 'das kyi cho 'phrul chen po de mthong nas 'jig rten gyi khams de thams cad 'dus te/bcom ldan 'das de'i zhabs la mgo bos phyag btsal nas rang rang gi dge bas bsgrubs pas 'dug ste/pus mo g.yas pa'i lhang sA la btsugs nas bcom ldan 'das ga la ba de logs su thal mo sbyar ba btud de/ngo mtshar du gyur pa dang /rmad du gyur pa la 'dzum dmyal nas bcom ldan 'das la 'di skad ces gsol to//bcom ldan 'das bdag cag gis 'od zer gyi cho 'phrul du ma dag mthong lags te/bcom ldan 'das bdag cag gis 'od zer gyi snang ba 'di lta bu dag sngon nam yang ma mthong legs so//bcom ldan 'das 'di'i don de ni legs pa lags te/grang bcom ldan 'das kyis 'dzum pa de lta bu mdzad pa'i don de bdag cag la thugs brtse bar dgongs te lung bstan du gsol/de nas byang chub sems dpa' 'od phreng gis bcom ldan 'das la tshigs su bcad de gsol pa/rnam 'dren

  4. 185b

    gang zas mchog ste thugs rje can//rgyu ma mchis par 'dzum pa mi mdzad na//bdag dang 'jig rten snang mdzad thugs rje can//'dzum mdzad rgyu dang mdzad rgyu nges par gsungs// de nas bcom ldan 'das de bzhin gshegs pa chos 'phags dzam+bu chu bo'i gser ltar snang zhing 'od zer bye ba khrag khrig brgya stong phrag du ma rab tu 'gyed pa/sku'i gzugs dang mdog gzi brjid kyis 'bar ba de la byang chub sems dpa' 'od phreng gis 'di skad ces gsol to//bcom ldan 'das bdag gis cho 'phrul mang po mthong legs te/ bdag gis sngon 'od zer gyi snang ba 'di lta bu nam yang ma mthong lags so//'od phreng phyogs 'dir de bzhin gshegs pa'i 'od zer gyi snang ba 'di lta bu chung ngu zhig mdzad de/ mtshan ma snang ba de dag ni rgyu med pa ma yin/byang rgyu med pa ma yin no//'od phreng khyod de'i phyir legs par rab tu nyon la yid la gzung zhig dang /ngas khyod la bshad drodo//don gang gi phyir ngas 'dzum pa mdzad pa thos nas kyang rigs kyi bu khyod kyis skrag par mi bya/dngang bar mi bya drangang bar 'gyur bar mi bya som nyir mi bya/the tshom du mi bya'o//de ci'i phyir zhe na/sangs rgyas bcom ldan 'das rnams kyi yul ni bsam gyis mi khyab bo//smon lam ni bsam gyis mi khyab bo//rnam par 'phrul pa ni bsam

  5. 186a

    gyis mi khyab bo//don de dag yang dag par mthong nas the tshom ma byed cig/'od phreng gang 'di ltar de bzhin gshegs pa shAkya thub pas nga'i drung du byang chub sems dpa' rnam par rgyal ba'i phung po btang ba 'di khyod kyis mthong ngam/gsol pa/bcom ldan 'das mthong lags so//bde bar gshegs pa mthong lpags so//rigs kyi bu byang chub sems dpa' rnam par rgyal ba'i phung po 'di la ngas khyod ga las 'ongs zhes de skad dri snga na/de cang mi smra bar kha rog 'dug ste/rigs kyi bu ngas don gyi dbang 'di mthong nas 'dir 'dzum pa mdzad do//de bzhin gshegs pas smras pa'i lan de ci'i phyir 'dis ma gsol snyam du 'khor 'di dag thams cad the tshom du gyur to//rigs kyi bu ngas smras pa'i lan skyes bu dam pa 'dis ci'i phyir ma gsol ce na/'ong ba dang 'gro ba med pa'i chos rnams la/bcom ldan 'das bdag la khyod ga las 'ongs zhes 'ong ba rmed par mdzad do snyam mo//chos thams cad brjod du ma mchis par yang glo bar chud na/bcom ldan 'das ga las 'ongs zhes byung ba'i gnas la bdag gis gsol pa spro ba ma mchis so snyam du sems te/rigs kyi bu mdor na rigs kyi bu 'dis chos thams cad bstan te/yang

  6. 186b

    dag pa'i chos ston pa yin no//rigs kyi bu byang chub sems dpa' rnam par rgyal ba'i phung pos yi ge med pa'i chos dang /tshig med pa dang /brjod du med pa dang / ge dang bral ba dang /mtshan ma med pa dang /mtshan ma dang bral ba dang /blang ba med pa dang /blang ba dang bral ba dang /'ong ba med pa dang /mthong ba med pa dang / gnas pa med pa dang /sems dang yid dang /rnam par shes pa dang bral ba dang /chu rkyen dang bral ba dang /tshig med pa dang /rnam par rig pa med pa dang / lta ba med pa dang /ther zug tu gnas pa med pa dang /tshig gis brjod du med pa dang /brda med pa dang /yi ge gcig la 'di lta ste/yang dag pa ma yin pa dang / bsags pa med pa'i gnas pa dang /yi ge med pa dang /gdul ba med pa rnams la su zhig ston snyam du shes nas rigs kyi bu bstan pa med pa 'dir bstan to//de nas bcom ldan 'das kyi mthus byang chub sems dpa' lus 'od gsal gyis bcom ldan 'das la 'di skad ces gsol to//bcom ldan 'das gal te chos thams cad bstan du ma mchis pa lags na chos de dag thams cad lhag pas bstan par 'gyur lags so//bcom ldan 'das kyis bka' stsal pa/rigs kyi bu ji skad smras pa de bzhin te/sdug pa

  7. 187a

    'ba' zhig gis ma yin gyi/sems can thams cad kyang mi shes bzhin du chos ston par byed do//gsol pa/bcom ldan 'das ji ltar sems can thams cad ma 'tshal bzhin du chos ston pa de bshad du gsol/bde bar gshegs pas bshad du gsol/de skad ces gsol pa dang /bcom ldan 'das kyis byang chub sems dpa' lus 'od gsal la 'di skad ces bka' stsal to//rigs kyi bu 'di lta ste/dper na dmus long dag nyi ma shar kyang gzugs mthong bar mi 'gyur zhing nyi ma'i 'od ci 'dra ba'ang mi shes te/ji ltar gzhan dag gis nyi ma'i mtshan nyid 'di lta bu zhig yin no zhes bstan pa dang /de ltar gzhan gyi sgra las nyi ma yin par mngon par zhen to//rigs kyi bu de bzhin du chos thams cad nang du 'dus shing dbyings kyi nang du 'dus te/dbyings med cing yi ge med pa/yi ge drang bral ba/chos thams cad brjod du med pa yin na rkyen gyi dbang gris sgra 'byung bar 'gyur ro//rigs kyi bu 'di sta ste/dper na ri brag dang sgra la brten nas brag ca'i sgra 'byung yang rigs kyi bu ri brag gi sgra ni stong pa yin no//rigs kyi bu de bzhin du rkyen la brten nas yi ge'i sgra 'byung bar 'gyur te/yi ge'i sgra ni stong pa yin no//rigs kyi

  8. 187b

    bu sems can gang drug brjod pa de thams cad so so yang dag par rig pa'i nang du 'dus par blta ste/tshig gis brjod pa gang yin pa de ni chos so sor yang dag par rig pa yin/ par blta ba dang /tshig gis brjod pa gang yin pa de ni don so so yang dag par rig pa yin par blta bar bya'o//de lta bas na rigs kyi bu khyod kyis sems can gyi gang cung zad g.yo ba de thams cad chos kyi sdom bzhir 'dus par blta bar bya ste/'byung po dag mi shes pas gnas mi g.yo'o//de ltar mi dmus ldong de ji ltar shes pa de bzhin / du chos de nyid la mngon par zhen to//rigs kyi bu don yongs su 'tshal bar 'dod pas rang gi rgyud las yongs su btsal bar bya'o//rigs kyi bu byang chub yongs su 'tshol bar 'dod pas rang gi nye bar len pa'i phung po lnga las btsal bar bya'o//chos kyi rnam grangs 'dir don ji lta ba bzhin bshad pa ni stong gsum gyi stong chen po'i 'jig rten gyi khams thams cad rnam pa drug tu g.yos so//snang ba chen pos 'jig rten khyab par shin tu snang bar gyur to//bcom ldan 'das de bzhin gshegs pa chos 'phags kyi ljags kyi dbang po phyung nas stong gsum gyi stong chen po'i 'jig rten gyi khams thams cad ljags kyi dbang pos yang dag par bkab par gyur to//ljags kyi dbang po de

  9. 188a

    las 'od zer bye ba khrug khrig stong phrag du ma byung ste/'od zer de dag gis sems can dmyal ba chen po la sosmras pa nas srid pa'i rtse mo'i bar gyi 'jig rten/ gyi khams thams cad snang bar byas so//de nas bcom ldan 'das kyi ljags kyi dbang po de nyid slar bsdus nas 'khor gyi dkyil 'khor thams cad la bka' stsal pa/ grogs po dag lce 'dri lta bu yod pa ni brdzun mi zer te/grogs po dag ngas gtam cung zad ji lta ba bzhin bshad pa de ltar brtag pa dang /de ltar drad pa dang / yid ches par gyis shig/de nas snga bcu la gnas pa dang /lha dang klu dang /gnod sbyin dang /lha ma yin dang /nam mkha' lding dang /mi 'am ci dang /lto 'phye chen po la sogs pa dang /mi dang mi ma yin pa'i 'khor thams cad stan las langs te thol mo sbyar nas tshig mthun par 'di skad ces gsol to//bcom ldan 'das yang dag pa'i don bstan pa bshad du gsol/bde bar gshegs pas bshad du gsol/sangs rgyas kyi mthus som nyi mi bgyi zhing the tshom mi bgyi'o//de nas bcom ldan 'das kyis thams cad dang ldan pa'i 'khor la lan gnyis lan gsum du gzigs nas 'di skad ces bka' stsal to//rigs kyi bu dag skye bo mang po la

  10. 188b

    phan pa dang /skye bo mang po la bde ba'i phyir seng ge'i sgras bshad par bya'o//rigs kyi bu gang 'jig rten gyi khyams mi mjed na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba de ltar bzhugs te/'tsho zhing gzhes la chos kyang ston to//rigs kyi bu de ni de bzhin gshegs pa chos 'phags de nyid yin te/'jig rten gyi khams mi mjed der sgrub pa rnam pa sna tshogs kyis sems can rnams la chos ston pa mdzad do//de nas thams cad dang ldan pa'i 'khor ngo mtshar du gyur cing rlung du gyur pa de dag gis bcom ldan 'das la legs so zhes bya ba gsol te/bcom ldan 'das de ltar sems can thams cad la sreng ge'i sgra bsgrags pa legs legs so//legs lags so//bcom ldan 'das ji ltar 'khor 'dir seng ge'i sgra bsgrags pa'i bcom ldan 'das kyis seng ge'i sgra 'di thos par 'gyur zhing thos nas kyang yid ches par 'gyur ba'i sems can gang legs pa de dag kyang /bcom ldan 'dres dge ba'i rtsa ba ngan ngon dang ldan pa ma lags na gang 'dzin pa dang /'chang ba dang /klog pa dang /gzhan dag la'ang rgya cher yang dag par rab tu ston pa dang /mdo sde 'di la me tog dang /bdug spos dang /phreng ba dang /byug pa dang //

  11. 189a

    phye ma dang /na bza' dang /gdugs dang /rgyal mtshan dang /ba dan dag gis mchod pa bgyid pa lta smos kyang ci 'tshal te/seng ge'i sgra bsgrags/ pa'i mdo sde 'dri sems can gang gi rna bar thos par 'gyur ba de ni bcom ldan 'das sangs rgyas thams cad kyis byin gyis brlabs pa lags so//de nas bcom ldan 'das kyis byang chub sems dpa' dri dag la legs so zhes bya ba gnang ste/rigs kyi bu ji skad smras pa de bzhin to/legs so legs so//glang de bzhin gshegs pa'i yang dag pa'i seng ge'i sgra 'di thos nas rab tu dad pa'i sems kyis legs so zhes bya ba 'ga' zhig rjes su 'bul na'ang rigs kyi bu 'am/rigs kyi bu mo de dge ba'i rtsa ba ngan ngon dang ldan pa ma yin te/de dag ngas yongs su bzung ba yin no//byang chub sems dpa' sems dpa' chen po byams pas kyang 'gron du gnyer bar byed do// de dag gis nga yi byang chub phrag pa la khyer ba yin no//gang snyigs ma lnga dag la bab pa'i tshe mdo sde 'di la mos pa'i sems can de dag ni ngas yongs su smin par byas pa yin te/tshe rabs gzhan du'ang mi pham pas yongs su 'dzin par 'gyur ro//de'i skye ba'i rgya mtsho bskams pa yin no//bdud 'pham par byas pa yin no//

  12. 189b

    nyon mongs pa rnams bstsal ba yin no//chos kyi rnga shin tu brdungs pa yin no//skyid pa gsum rnam par bzlog pa yin no//phyir rgol ba rnams las nges par rgyal ba yin no//nyon mongs pa'i tshogs bcom pa yin no//rigs kyi bu 'am/rigs kyi bu mo grang la la zhig gis stong gsum gyi stong chen po'i 'jig rten gyi khams grangs med pa brag bcu'i rdul phra rab kyi rdul snyed kyi bskal par de bzhin gshegs pa thams cad la bde ba'i yo byad thams cad kyis bsnyen bkur byed kyang /de bzhin gshegs pa'i sngon gyi rnam par 'phrul pa 'dra thos nas dad par mi byed na de nyes lnga che ba yin no//de bzhin gshegs pa'i bkas rigs kyi bu de de bzhini gshegs pa la rim gror bya bas rim gror byed pa dang /rigs kyi bu 'am rigs kyi bu mo gang gzhan zhig gis de bzhin gshegs pas yang dag par bstan pa 'di thos nas dad cing sems rab tu dad pas legs so/ zhes bya ba 'bul na/gang de bzhin gshegs pa la mchod cing bsnyen bkur byas pa de bas 'di bsod nams ches lhag par brgya phrag stong sogs par 'gyur ro//de lta bas ni rigs kyi bu gang dag la skyabs su song ba de dag gis mdo sde 'di bri bar bya bcang bar bya'o//de nas byang chub sems dpa' rnam par rgyal ba'i phung po dang /'od phreng

  13. 190a

    dang /glog gi 'od dang /spyan rnam par dag pa dang /byams pa dang /mi 'jigs mdzad dang /spyan ras gzigs dbang phyug dang /mthu chen thob dang /'jam dpal dang /spobs pa dpo' bo dang /sgrib pa thams cad rnam par sel ba dang /spyan ras gzigs dang /kun tu bzang po dang /de dag la sogs pa byang chub sems dpa' bye ba khrag khrig brgya stong phrag brgyad cu rtsa bzhis bcom ldan 'das la 'di skad ces gsol to//bcom ldan 'das slad ma'i dus slad ma'i tshe snyigs ma lnga la bab pa na bdag cag gis mdo sde 'di rgyas par bgyi'o//bcom ldan 'das gang mdo sde 'di la mos pa'i sems can de ni yongs su mya ngan las 'das par rig par bgyi'o//bcom ldan 'das sems can dge ba'i rtsa ba ma bskyed pa rnams kyi rna bar mdo sde 'di thos par mi 'gyur te/gang dag rgya cher 'jug pa de dag gi yon tan gyi mtha' ni bskal pa bye ba khrag khrig brgya phrag stong du rtogs par dka' lags so//de nas bcom ldan 'das kyis byang chub sems dpa' de dag la legs so zhes bya ba gnang ste/rigs kyi bu dag legs so legs so//de ltar khyed rnams kyis de bzhin gshegs pa'i bstan pa la gdos pa 'dzin pa lta bur gyis shig/

  14. 190b

    bcom ldan 'das kyis de skad ces bka' stsal nas/byang chub sems dpa' rnam par rgyal ba'i phung po dang /thams cad dang ldan pa'i 'khor lha dang /mi dang /lha ma yin dang /dri zar bcas pa'i 'jig rten de dge bcom ldan 'das kyis gsungs pa la yi rangs te mngon par bstod do//'phags pa seng ge'i sgra bsgrags pa zhes bya ba theg pa chen po'i mdo rdzogs so////rgya gar gyi mkhan po bdi byAka ra sid+d+ha dang /lo tsA ba ban+de s+pha rje ye shes snying pos bsgyur nas gtan la phab pa/ rgya gar skad du/Ar+ya shA li sam+b+ha ba nA mA ma hA yA naM sU tra/bodra skad du/'phags pa sA lu'i ljang ba zhes bya ba theg pa chen po'i mdo//sangs rgyas dang byang chub sems dpa' thams cad la phyag 'tshal lo//'di skad bdag gis thos pa'i dus gcig na/bcom ldan 'das rgyal po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang /byang chub sems dpa' sems dpa' chen po rab tu mang po dang thabs cig tu bzhugs te/de'i tshe na tshe drang ldan pa shA ri'i bu byang chub sems dpa' sems dpa' chen po byams pa'i bgrod par bya ba'i sa phyogs ga la ba der song ste phyin nas phan tshun yang dag par dga' bar bya ba'i gtam

Colophon

'phags pa seng ge'i sgra bsgrags pa zhes bya ba theg pa chen po'i mdo rdzogs so/ /rgya gar gyi mkhan po bid d+yA ka ra sing+ha dang / lo tsA ba ban+de sba rje ye shes snying pos bsgyur nas gtan la phab pa/