tshogs kyi 'khor lo'i cho ga
Gaṇacakrabidhi
Text
ff. 258b–259b · 3 folio sides
- 258b
po la sogs 'di na gnas/ /rten dang brten pa'i mtshan nyid 'di/ /thams cad dkyil 'khor nyid yin no// //dpal bde mchog phyag gnyis pa'i lhan cig skyes pa'i? sgrub thabs/ dngos grub brnyes pa'i paN+Di ta chen po dpal rdo rje dril bu pa'i zhal snga nas mdzad pa rdzogs so// //rgya gar gyi mkhan po lnga rig paN chen grub pa brnyes pa rje btsun ratna rak+Shi ta li zhal snga nas dang/ chag lo tsa ba shAkya'i dge slong chos rje dpal gyis bsgyur cing zhus te gtan la phab pa'o// // kun gyis sangs rgyas myur thob shog/ //*/ /rgya gar skad du/ ga Na tsa kra bi d+hi/ bod skad du/ tshogs kyi 'khor lo'i cho ga/ dpal rdo rje mkha' 'gro la phyag 'tshal lo/ /nam mkha' i mdog can dri med rnal 'byor ma la rol/ /khyung rnams sprul pa bkye nas bdud bzhi zil gyis gnon mdzad de la phyag 'tshal lo/ /bsod nams ye shes tshogs yin te/ /tshogs la dngos grub mchog thob 'gyur/ /de phyir de yi cho ga ni/ /brgyad dang bcu bzhi bco lnga dang/ /tshes bcu la ni de rab mchod// dur khrod dam ni shing gcig mchog /skyed mos tshal dang kun dga' dang/ /de bzhin rang gi khyim dang ni/ /gzhan yang dben pa'i khyim du bya/ /dang po tshogs kyi yo byad bsags te/ de nas bdud rtsis chos 'byung bris la/ de'i steng du bdud rtsi lnga dang thod par sbyar ba bzhag /de nas yon bdag gis phyag byas/ me tog tshogs kyi slob dpon dang/ /rnal 'byor yo la phul nas gsol ba gdab/ /de nas tshogs kyi slob dpon gyis/ /oM mahA ra shud+d+ha sarba d+harmA hA ra shud+d+honyrahaM/ zhes pa'i sngags mang bar bzlas/ de'i rjes la slob dpon gyis rdo rje dang dril bu 'dzin pas yum la 'khyud par snyoms par zhugs par bsam/ de nas bdud rtsi spyad bar byas/ ye shes bdud rtsi phab la/ oM a mri ta hUM ci nus bzlas/ rtsa ba'i sngags bzlas/ de
- 259a
nas phyogs bcur sdigs mdzub kyis gdor bas byang sems dpal gyi bgegs bskrad/ bsrung ba'i 'khor lo bya/ de nas oM A:hUM gis rdzas skyon med par bde bar brlab/ de nas bskyed rims bsgom ste/ bdun rnam dag gi skabs su mchod pa lnga dang bdud rtsi lngas mchod/ ye shes 'khor lo la/ gcig de nas dbang bskur yan chad rdzogs pa'i rjes la/ rnal 'byor pa lnga'i 'khor lo 'dzin pa gcig mchod/ bdud rtsi dang zhal bsil gyi rjes la dbul/ de nas lha bsdus la tshogs pas sbyang bar byas/ rnal 'byor pa rnams la me tog gi phreng ba dang/ dri bzang po dbul/ de nas nam mkha' khengs pa'i lha mo yis kyang/ bkra shis brjod par bsam/ bkra shis brjod par bya/ de nas skyes pa'i dum bu gcig pa'i thod pa chad gis bkang la tshig 'di brjod la drang bar bya/ ltos shig dam pa'i chos bya ba/ /'di la rnam rtog yin ma yin/ /bram ze khyi dang gdol pa gsum/ /rang bzhin gcig pas lhan cig bza' / /bde gshegs chos ni sdig med cing/ /gzung dang 'dzin pa rnam par spangs/ /'dod chags la sogs skyon dang bral/ /de bzhin nyid la bdag phyag 'tshal/ /der ni bza' rnams gsol byas te/ /lhag ma snod du bzhag par bya/ /zhes 'byung bas/ chogs rol nas gcig gis mas yar lhag ma dang/ de ci'i me tog bsdus la gtor mar bsam de'i rim pa ni 'di yin te/ khru gang ba yi tshad du ni/ /dri ni bzang pos byug par bya/ /de phyir dkar po gru gsum yin/ /nya dang sha sogs gtor mar bzhag /me tog la sogs gtor mar bzhag /de mi dmigs par byas la/ mos pas chos 'byung gru gsum bsams la/ rtse mo thur na mo las oM las rnam snang/ g.yon pa A:las snang ba mdza' yas/ g.yas pa hUM las
- 259b
mi bskyod pa/ /nang du paM ljang gu las sna tshogs pad+ma/ de'i steng du sems can rnams yab yum dang/ khro bo dang khyud du bsams la gtor ma btang/ dza:hUM baM ho:sa mgron rang rgyud pa spyan drangs la bstim/ kA ya bAk gis bstab/ bstod nas bkra shis bya/ de nas yang dag par mchod pa'i cho ga ma tshang ba dang lhag pa rnams/ rdzogs par bya ba'i phyir yi ge brgya pa gdon/ mchog dang thun mong gi dngos grub la 'dod pa'i gsol ba gdab/ de nas thal mo sbyar la smon lam gdab/ sems can thams cad sdig med cing/ /sems can thams cad bde gyur cig /sangs rgyas nyid dang phrad gyur pa'i/ /lam de nyid du zhugs nas kyang/ /ma bsgral ba rnams bsgral ba dang/ /ma grol ba rnams grol bar shog /rnal 'byor gtsug la dam tshig la/ /da lta nyid du gnas par shog /se gol lan gsum brdab byas la/ /phyi rol lha rnams gshegs su gsol/ /bdag gis tshogs 'khor 'di byas pas/ /dge ba dri med gang thob des/ /tshogs gnyis tshogs ni bsags nas kyang/ /'gro kun rdo rje 'dzin rgyal shog/ //tshogs kyi 'khor lo'i cho ga slob dpon rdo rje dril bu pas mdzad pa rdzogs so// //*/ /rgya gar skad du/ sh+rI tsakra saM pa ra sto tra/ bod skad du/ dpal 'khor lo sdom pa'i bstod pa/ dpal bde mchog 'khor lo la phyag 'tshal lo/ /zhe sdang tshul gyis zhe sdang 'joms mdzad cing/ /chos dbyings rnam dag ye shes ngo bo nyid/ /rdo rje mkha' 'gro ma dang mnyam par sbyar/ /zhe sdang rdo rje khyod la phyag 'tshal lo/ /hUM gi rdo rje las byung char sprin mdog /dga' ba rnam dag drag po'i zhal bzhir snang/ /gar gyi nyams dgus gdul dka' 'dul mdzad pa/ /hUM mdzad rdo rje khyod la phyag 'tshal lo/ /rten 'brel bcu gnyis dag pas sa rnams rdzogs/ /bcu gnyis phyag gis phyag
Colophon
tshogs kyi 'khor lo'i cho ga slob dpon rdo rje dril bu pas mdzad pa rdzogs so/