lung bstan sbyor ba'i man ngag
Text
ff. 399a–403b · 10 folio sides
- 399a
gsung bsan myang ba'i man ga sa bdapa chen pa thabs mdzad pa zugs sa/ @#bcom ldan 'das rdo rje 'dzin pa la phyag 'tshal lo// lung bstan sbyor ba'i man ngag 'di// rgyud rnams kun las mi gsal ba'i// mkha' 'gro ma yi rgyas btabal// rnal 'byor blo dman don du ni// yang nas yang dragasol btab nas// yid ches zad pa bskyed pa'i phyir// man ngag rim pa bstan pa la// bla ma la ni mnyan par gyis// gsang sngags sgo ni dpag med nas// zabs kyi rim pa mang gsungs pa// sems can las ni sna tshogs pas// so so mos pa mi mthun phyir// dper na sman rnams nus pa yis// nad rnams so sor sel ba bzhin// man ngag thabs rnams so sos kyang // dug gi nad rnams 'joms par byed// dper na sman nus gcig gis kyang // phrad pa tsam gyis nad 'joms pa'o// yang na gnyis 'joms gsum 'joms dang // bzhi 'joms lnga 'joms la sogs dang // mang po 'dus nas 'joms pa dang // de dag kun gyis ma choms pa// sbyor ba gzhan log 'joms pa dang // gzhan pa kho nas 'joms pa dang // sman dang sbyor ba de dag kyang // mkhas pa yis ni 'joms par 'gyur// mi mkhas pas ni gnod par/ 'gyur// sman pa mkhas par gyur kyang ni// brtson 'grus nan tan ma byas na// nad rnams 'joms par mi 'gyur ro// de bzhin mthun pa'i dpe rnams kyang // mkha' 'gro ma yi lung bstan na// / zhib pas 'di rum phye'o// bsgoms pa'i stobs kyis nyon mongs 'joms// bsgoms pa las byung dngos grub kyis// mchog gis dngos grub thob par 'gyur ting 'dzin thob par ma
- 399b
gyur pas// tshogs 'khor tshogs mchod dngos grub bo// de ma byung na sbyin sregs gis// dngos grub bsgrub par gsungs pa yin// de ma byung gtor mas bya// de rnams kun la ma byung na// las ni phran tshegs gzhan yang bstan// yang na de dag thams cad kyang // gcig 'dus gnyis 'dus gsum 'dus dang // bzhi 'dus lnga 'dus la sogs pas// 'byung bar 'gyur ba gsungs pa yin// yang na mchog 'dod pa la ni// thams cad rdzogs par dgos par gsungs// thun mong dngos grub sgrub pa la// che chung gis ni rim pas gsungs// sbyor ba re res kyang ni 'grub// gsang sngags la la'i bzhed kyis ni// dper na sprul ni ga shu bur zhugs// rtsa bar 'gro dang tse tor 'gro// de bzhin rnal 'byor sngags pa yang // rig 'dzin sa dang rdo rje dmyal// lal dag gi gzhung gis ni// bar ma do nas 'gro ba'o// lal skye ba phyi ma la// la la dag gi bzhed kyis ni// gnyis dang gsum pa dag la'o// bzhi pa 'am lnga par 'dod pa'ang yod// la la skye ba bdun pa la// phyag rgya'i dngos grub thob par 'dod// de ltar gzung lugs mi 'dra ba// mang du gsungs pa de dag kyang // 'gal ba med de kun kyang bden// gsang sngags kyi ni gzhung gis kyang // skye ba bdun las mi dma' bas// skye ba bdun gyi tha ma la// ma bsgoms kyang ni sangs rgyas sa// zhes su rgyad las bstan pa yin// skye ba bdun zhes bya ba yang // sngags pa'i byang chub sems dpa' yin// sngags dang sman la sogs pa yin// stobs kyis lus sems las rung ba// sha dang thod pa la sogs pa// bsten cing
- 400a
zos pas dngos grub thob// de bas sngags mthu'i yon tan no// sa dang pha rol phyin pa la// skye ba bdun pa 'od srid kyang // de ltar 'ong ba shin tu dkon// skye ba bdun ba zhes bya'i gnas// phal cher dur khrod ched po yi// mkha' 'gro ma yi gnas su skye// rig 'dzin sa zhes bya ba yang // gcig ni de la'ang bya ba yin// rig 'dzin sa la'ang gsum yod// de// dur khrod rin chen sa dang ni// bar snang lha gnas la rten sa// mkha' spyod 'og min stug po'i sa// gnas ni de gsum yin par gsungs// skye ba bdun pa'i gang zag ni// yul dang gnas ni khyad par can// sngags spyod pa'i gnas dag tu// 'ga' tsam 'byung ba dag kyang yod// skye ba gcig sogs gzhan pa ni// de rnams gnas kyang de bzhin no// skye ba bdun pa'i gang zag ni// dad dang snying rje la sogs ldan// pha rol phyin bcu'i chos la spyod// mthun 'jug spyod pa kun la mkhas// bzo dang rig pa gnas la mkhas// lta ba ma nor gdeng du gyur// spyod pa la dor thabs la mkhas// man ngag mthong ba tsam gyis ni// the tshom med par 'jug par byed// man ngag bsgoms ma thag tu ni// ting 'dzin skye 'gyur rang gi ni// khams dang dus/ kyi bye brag shes// rgyud lung mtshan gyi man ngag la// thos pa tsam gyis dbu zhabs kyi// mang ngag rnams ni khong du chud// bshad pa'i rgyud dang 'grel pa dang // mngon rtogs pa yi rim pa rnams// ma thos pa ru shes par 'gyung // dper na shing 'dzer sul btsam// chu dpung man ngag mdo mdo yi// mkhas pa la ni brten pas su// thams cad don rnams khong chud nas/
- 400b
skabs phyed spyi don shin tu rgyas// dka' 'grel mngon rtogs rim pa ni// rtsom nus don la shin tu mkhas// mig ni yun rings mi 'dzums shing // yid dam lha bsgoms dus su ni// skye ba bdun pa'i grib ma snang // skye ba gnyis sogs gzhan po la// grib mi'i rtags kyang de bzhin no// bsgoms pa'i stobs kyi khyad par gyis// zhag bdun zla gcig zla bdun du// mkha' 'gro mas ni lung ston zhing // chos bshad rtags rnams ston par mdzad// chos pa yi ni mdza spyod kyang // dngos su sprul nas ston pa dang // yang sprul sum sprul la sogs su// sprul nas ston dang yang na ni// su ni mi snang sgra yis su// nam mkha' las su spyon pa dang // yang na phyag mtshan la sogs la// sgra byung nas ni ston pa dang // yang na rmi lam mtshan mas su// dus bzhi dus gsum dus gcig tu// yang nas yang du ston pa'o// ma thos pa yi man ngag rnams// ston mor byed na skye bdun sogs// sngags kyi dngos grub thob pa yi// rnal 'byor rig 'dzin byang chub sems// yang ni dang po skyes nas ni// theg chen chos la mos nas yang // man ngag sgom la shin tu dga'// slob dpon la ni man ngag gi/ rna rgyud gcig tsam thos pas su// bsgoms pas dngos grub thob par 'gyur// de nas gong bzhin byung nas su// gzhan la yang ni ston par nus// yang na skye bdun gang zag ste// skyes ma thag tu yi dam lhas// rmi lam na ni chos bstan nas// man ngag de bsgoms dngos grub ni// phra mo dag ni thob nas kyang // gzhan la chos ni ston par nus// de nas rim gyis gzhan yang 'byung // yang na ste//
- 401a
bdun gang zag de// rkyen ni gnyis po 'dzom pa las// bsgom pa la ni dga' bar 'gyur// sngon gyi bsgoms pa'i stobs kyis ni// 'bad rtsol drag po ma byas par// thun gcig la ni sgom pa rnyed// de nas rims kyis bsgoms pas su// zhag bdun nas ni lung ston 'byung // de nas rim gsum gong ma bzhin// de nas mngon shes drug ldan nas// phyag rgya'i dngos grub thob par 'gyur// sngags pa'i dngos grub thams cad kun// skye ba 'di la phyag rgya thob// de ltar mgur rnal 'byor pa// gong ma bzhin du skye bdun du// len pa'i rtags ni gong bzhin 'byung // skye ba 'di thob tshul rnams kyang // theg chen snod du rung ba la// dbang bskur man ngag thob pa yis// dam tshigs mnyams bshagasal brtson// bskyed rims bstan par gyur pas ni// lus kyi rnam rtogs bzlogs nas kyang // rdo rje bzlas la brten nas kyang // ngag gi rnam rtog bzlog nas ni// sems dben pa la brtan par bya// sems kyi 'khrul rtog bzlog nas kyang // sgyu ma'i ting 'dzin la gnas nas// 'od gsal la ni 'jug par bya// de nas spros med man ngag la// lhun gyis 'grub 'gyur phyag rgya'i mchog yang na bskyed rim la brten nas// tshe la dbang ba'i rig 'dzin sgrub// tshol dbang sgrub rig 'dzin gyis// rdzogs pa'i man ngag bsgom par bya// des su phyag rgya'i dngos grub 'thob/ yang na bskyed rim brtan pa yis// rdzogs pa'i man ngag gang bsgoms kyang // zla ba drug gis phyag rgya 'thob// rdzogs rims bskyed pa la brten nas// de nas rdzogs pas rdzogs pa'i ni// /
- 401b
phyag rgya'i dngos grub thob par gsungs// de ni slob dpon chen po'i gzhung // spyir na lta ba gdeng 'gyur gtso// lan cig ldog bya'i tshul du ni// byas nas the tshom mi skye zhing // ldog par mi 'gyur 'byung pos kyang // tshugs par mi 'gyur 'bras bu myur// de ltar ma gyur rnal 'byor pas// man ngag nyams su lon par bya// man ngag bsgoms pa'i stobs kyis ni// mkha' 'gro ma yis lung ston pas// lung ston pa'i dus su ni// lta ba man ngag zab mo ni// bstan pa bsgoms pas phyag rgya 'thob/ yang na rnal 'byor rim pas ni// blo yi rab 'bring khyad par ni// bag chags rkyen la sogs pa yis// rab 'bring dgu dang gsum dang ni// dbye bar bya ba'i don shes bya// rgyu rkyen 'dzom pa'i gang zag ni// skye ba 'di la lung ston pas// phyag rgya'i dngos grub thob par 'gyur// rkyen ni rab tu mang gyur pa'i// rab kyi 'bring sogs ldan pa can// bar mdo la lung ston no// rab kyi tha ma ldan pa ni// skye ba phyi ma lung ston no// 'bring gi gsum po'i rigs ldan yang // gnyis dang gsum dang bzhi ru sbyar// tha ma'i rigs ldan gsum po yang // lnga dang drug dang bdun du sbyar// yang na rkyen sogs ldan gyur kyang // rgyu la sogs pa'i nus pa rnams// dra gzhan gyi ni rim pa yis// rkyen gyi tshul bzhin sbyor shes bya'o// rgyu rkyen gnyi ga 'bring sogs kyi// rim pa dang ni ldan pa rnams// gong ma gnyis / dang mi mthun pas// gsum dang bdun du sbyar shes bya// gnyis kazhan par gyur pa na// gsang sngags snod du mi rung bas// dbang bskur mi bya 'jug pa tsam// dge ba'i sa bon /
- 402a
chung gyur kyang // smon lam btab pa'i dad ldan de// gsang sngags la ni mos gyur nas// yang nas yang du gsol 'debs la// phyi yis dbang bskur tsam byas la/ mi zab dbyibs kyi man ngag bstan// de las bstan pa'i gang zag la// lhag ma rnams ni rims kyi bstan// yang na rnal 'byor rim pa ni// yi dam lha tshogs so so ru// so so bag chags bzhag pa dang // mos pa la sogs rim pa yis// the tshom la sogs med mos kyang // dngos grub 'grub par ma gyur na// sgyu ma lta bu'i 'du shes kyi// tha mi dad par bsgoms nas kyang // man ngag yang yang spos kyang ni// 'gal ba med de dngos grub 'grub// de ltar byas kyang ma byung na// sgrib pa shin tu che gsungs pas// sbyin sregs 'khor tshogs bzlas brjod dang // gtor ma la sogs cho ga yis// bdun nas stong gi bar du ni// mkhas pas ci nus rgyud brtags la// tshogs sdigs pa sbyang ba gsungs// lus kun la ni gnod pa yi// tsher ma'i phung pos lam rnams 'gags// me yi sbyor ba mkhas pa yis// bsregs pas thams cad med par byed// de nas lam ni rnyed nas ni// gang du phyin par 'gro bar byed// de bzhin// sngags sogs mthun rnams kyis// sgrib pa la sogs bcom nas kyang // ting nge 'dzin gyi lam rnyed nas// dngos grub kyang ni thob par 'gyur// dngos grub khyad par ma thob kyang // pra mo la sogs thob par 'gyur// mtshan ma'i lung ston phra mo 'byung // gal te de ltar ma gyur par// tshe dbang ma thob rnal 'byor pas// sgrib pa rnams ni byang gyur nas// skye ba phyi ma la
- 402b
sogs su// dngos grub kyang ni thob par 'gyur// yang na sngags kyi mthu rnams kyis// sdig sgrib rtsad nas mchod kyang // che long rags pa mgo bcom nas// gzhan dag mi skye mgo gnon zhing // dam tshig ma nyams bshags la brtson// smon lam dge rtsa ba sngo legs pas// skye ba 'di rjes gzhan dag tu// dus dang gnas dang slob dpon dang // grogs dang phyag rgya man ngag sogs// skyes ma thag tu rnyed par 'gyur// de ru dam tshig ldan sogs pas// rims kyis skye bdun rgyud nas su// 'bad rtsol drag po ma byas par// sangs rgyas sa la 'gro bar gsungs// de sogs lung bstan sbyor ba rnams// mkha' 'gro ma'i lung ston du// rnal 'byor mkhas pas shes par bya// 'di ni blo dman don ched du// cung zad bsdus ste bstan pa yin// mkha' 'gro ma yi lung ston kyang // 'jig rten 'das dang 'jig rten pa// 'jig rten 'das la gnyis yod de// sa nas rigs 'dzin mkha' 'gro dang // bde gshegs byin rlabs mkha' 'gro'o// mkha' 'gro de dag gnyi ga yang // mdzes pa'i gzugs dang mi mdzes pa'i// gzugs ni sna tshogs sprul nas ston// de la 'jig dang mi 'jigs dang // re dang dogs pa'i sems spangs te// phyag rgya brda la sogs pa yi// ston pa'i dus su las rnams ni// ston par shes par ma gyur na// dngos grub med de nyams par 'gyur// de bas nan tan cher skyed la// man ngag zos pa che ba gces// thos pa che bar ma gyur yang // gang sgrub rgyud skor la sogs la// slob dpon la ni yang nas yang // the tshom
- 403a
tshed par mnyan par bya// rgud rnams thos par mi nus pas// sgrub pa'i cha rkyen bcu bdun po// shes rab de ni ma byas na// dngos grub 'grub par mi 'gyur ro// / slob dpon la ni brten pa yis// mtshang yang ni 'grub par gsungs// 'jig rten pa la gnyis yod do// rgyal bas bka' la btags pa yis// sangs rgyas bstan pa bsrung ba dang // bdun ni nag po la sogs pa// dam la ma thogs par chod mkhan// de ltar gnyis sum shes na// dngos grub thob kyang slar la 'chor// de gnyis gzugs dang rtags sogs pa// gong ma bzhin du ston pas na// de yi rim pa gong bzhin bya// de dag brtag pa'i cho ga yang // zhag gsum zhag bdun rtsa gcig tu// de dogs la sogs thams cad kun// spangs nas rnal 'byor ting 'dzin la// nan tan du ni brtson 'grus bya// tshogs 'khor la sogs yang dang yang // byed pa'i dus su rdo rje glu// len cing phyag rgya sogs bstan pas// ting 'dzin phyag rgya gsal ba dang // mtshan ma la sogs gsal 'bar zhing // gzugs dang sgra dang dril sogs// thams cad brtan zhing mi 'gyur na// lha yi mtshan mar shes par bya// de las bzlog pa thams cad kun// bdud kyi rtags su shes par bya// de la sogs pa mtha' yas mchog/ mkha' 'gro'i lung du bstan pas na// 'dir ni sgrub po'i don du bsdus// sgrub pa'i cha rkyen man ngag rnams// sgrub po nyams su len pa la// bstan zhing srel na bsod nams 'phel// nyams su mi len ser sna can// rdzas dang lus srog la sogs pa// bla ma la ni 'bul mi nus// /
- 403b
del man ngag bstan mi bya// de la man ngag bstan pa na// dngos grub nyams te sdig pa 'phel// dam tshig nyams nas mkha' 'gros gsod// cha rkyen la sogs bcu bdun po// ston/ pa phyag na rdo rje yis// sems dpa' phyag na rdo rje la// rna ba brgyud pa'i gdams ngag de// rdo rje mkha' 'gro ma la bstan// des ni ro langs mal bstan// gnod sbyin phyag na rdo dang // slob dpon phyag na rdo rje yis// brgyad pa'i gdams ngag rim pa rnams// nan tan gyis ni brtsal bar bya// de la brtsal ba ma shes na// dper na yid bzhin nor bu ni// klu rgyal gtsug nas rnyed nas ni// 'dam rdzab nang du stor ba bzhin// de bzhin man ngag rin chen 'di// lus ngag yid gsum dka' ba yi// sgo nas slob dpon la btsal nas// dam mod rmongs pa'i lag shor ni// dngos grub mi thob nyams par 'gyur// de bas nan tan bskyed de btsal// lung bstan pa'i rim pa'i sbyor ka'o// slob dpon chen po b+ha bas mdzad pa rdzogs so// / lo tsA ba tshul khrims gzhon nus bsgyur zhing gtan la phab pa'o// / @/ rdordulas kyi chags rim par bye ba'i tshig grob dpon thabs mdzad pa bzhugs so/ rgya gar skad du/ badz+ra su tra tsakra karma bi d+hi/ bod skad du/ rdo rje las kyi tshogs rim par bye ba'i cho ga/ bcom ldan 'das rdo rje bsnams pa la dad cing gus pas phyag 'tshal lo// sems can la ni phan pa'i phyir// las kyi tshogs ni bdud rtsi mtshungs// rgyud rnams kun las btus nas ni// bdag gis sgrub po'i don du bshad// las rnams tham
Colophon
lung bstan pa'i rim pa'i sbyor ba/_slob dpon chen po b+ha bas mdzad pa rdzogs so/_/lo tsA ba tshul khrims gzhon nus bsgyur zhing gtan la phab pa'o