Untitled work
Text
ff. 150a–150b · 2 folio sides
- 150a
des na 'grel pa lnga pa 'dis// dus gsum bzhugs pa'i sangs rgyas kyi// gsung gi tshig tu ngas smras pa// 'dus pa'i 'khor tshogs khyed rnams kyis// kun bzang rdo rje nga yi lung byang chub sems kyi rang bzhi ni// rtogs phyir 'grel pa lnga po 'di// nga yis khyed la bstan pa yin// ces yongasu rdzogs pa'i mdo dang don gyi 'grel pa lnga pa'o rdzogs s+ho// / de nas sem dpa' chen po des/ byang chub sems kyi bstan pa gtad ba 'di gsungaso// kye 'das pa'i tshogs chen 'di zungs shig/ byang chub sems kyi mdo bcu 'di/ snang srid stong bcung tha~Mng dang / 'khor 'das sangs rgyas sems can dang // sten 'khor kun bzang byang chub dang // bstan pa sems med rdzogs chen la// ye nas gnyis med gcig pa'i phyir// gcig le gnyisu bgrang du med// bgrang du med pa'i bden tshig dgu gcig don spros pa med pa 'dis// nga yis khyed la bstan pa yang // slong 'gegs sbyang zhing bgrod pa dang // gzung 'dzin blang ngor bya ba dang // lta spyod rtsol sgrub byar ming // lam dang gnyen pos bcos med pard byang sems kun bzang rang bzhin du// nga yis bstan pa'i don 'di ni// byang chub sems kyi lung chen yin// rgyud dang mdo sde spyi 'grel yin// man ngag kun gyi rtsa ba yin// gsung rab kun gyi snying po yin bstan pa kun gyi yang rtse yin// theg pa kun gyi nying gu yin// ma rig pa yi mun sel yin// rtog pa dra ba 'di yis sel// nyon mongs 'phreng thag 'di yis chod// ye shes chen po snang ba 'dis// lhag
- 150b
ma med pa'i rdzogs chen te// snang srid snod bcud thams cad dang // sangs rgyas sems can thams cad dang // bstan pa'i theg pa thams cad kun/ sems nyid ma rdzogs chen 'di la 'dus// 'di la gnas shing 'di dag ston// de ni kun bzang nga yin te// sangs rgyas kun gyi ston pa yin/ 'dus kun gyi tshogs la 'di gta // // ces bstan pa yongs kyi gtang ba'i le'u'o// byang chub sems kyi mdo// theg pa kun gyi spyi'i 'grel pa 'bum sde bzhugs pa las// byang chub sems kyi mdo 'grel chen po bcu rdzogs s+ho// / la zlob gas ba'i 'khor lo 'phrul/ la zlob gsang ba'i 'khor lo zhes bya ba'i rgyud// de nas sems dpa' chen po la// byang chub kyi sems kun byed rgyal pos// chos thams cad la nges pa dang // dmigs pa med par dgongs nas/ la zlog gsang ba'i 'khor lo 'di gsungaso// de yang ji ltar gsungs pa yin zhe na/ ston pa dang ni bstan pa 'khor dus gnas/ rang byung chos kyi dbyingasu la zlas pas// rang byung ngo bo mngon du phyung ba la// phun sum tshogs pa rnam pa lnga po yang // rang la rdzogs shing rang la tshang bar ston// rang la dmigasu med pa dbyingasu la zla yin// ston pa'i ston pa kun byed rgyal po lags// rnam lnga rang la ji ltar tshang bar ston// rang la dmigasu med pas la zla ci yi phyir// zhes zhu sod/ kye sems dpa' chen po dgongs shig/ mig gi dbang po ston pa'i ngo bor byung // lce yoM dbang po bstan pa'i ngo bor byung // rna ba'i dbang po 'khor gyi ngo bor byung // sna yi dbang po dus kyi ngo bor byung