kun bzang srog gi thig pa 'bras bu ye grol chen po'i rgyud
Text
ff. 120b–121a · 2 folio sides
- 120b
spyod pa yin// zhes gsungs so// yang ti nag po'i spyod pa ni// shes rab chen por 'dod pa ste// snang ba mi 'gegs thug grang khyer// 'ad gsal 'khor lo rgyas 'debs spyod// 'don pa rig pa dang grol bas// yid kyi 'dzin pa'i rgyas 'debs spyod// yul dang yul can gnyis med pas// dbyer med chos su'i rgyas 'debs spyod// de ni yang ti phyir spyad do// yang ti nang spong bstan pa ni// rang lus 'byung ba'i yid phung la// dbyer med chos sgra'i rgyas 'desas spo/ 'od gsal 'khor lo bskor ba yis// chos sku shes rab dang du 'char// gzung 'don rig pa'i slad du dag/ de ni nang gi spyon pa'o// yang ti gsang spyod bstan pa ni// rig pa bkag pas me legs te// rang shen dgag bsrub med par byeng // rig pa gcer bur spur gyis phyungs// sdang ba bsgom pa spun por shod// mig le'i ngang du lhangs kyis zhog/ 'od gsal chen por lhangs kyis gyungs// de la spyad pa'i yul med pa// ye bzhengs chen po zhes kyang bya// gzhi bzhas chen po zhes kyang bya// ye grol chen po zhes kyang bya// yang nyi nag po zhes kyang bya// gser gyi 'bru gcig zhes kyang bya// thig le'i ngang du shar ba yi// thabs dang shes rab kyi rgyud// srog gi glegs pa/ bdud rtse'i byam pa/ sngang byed spa gri'i rgyung rdzogs so// / bcom ldan kun tu bzang po yis// 'khor gyi rdo rje sems dpa' la// phyi nang med pa'i chos dbyings su// 'bras bu thob pa med pa'i dus/ thams cad ye grol bstan pa la// yang ti nag po 'bru gcig shar// gre rlabs kyis byung ba yi// 'bras bu ye grol chen po 'argyud las// ngang la shugs kyis shar ba'o// 'bras bu la yang rnam bzhi ste// phye yi 'bras bu bstan pa dang // nang gi 'bras bu bstan pa dang // gsang ba'i 'bras bu bstan pa'o// rtse yi nga
- 121a
bu bstan pa ni// gyi yi 'byung balnga po ye shes lnga// nang gi 'bras bu bstan pa ni// rtags kyi ye shes tshon gang la// yang gsang 'bras bu gnyis yinan// ngo bo rang bzhin thugs rnga dang // rig pa'i ye shes kun la/ re re la yang bzhi bzhis bskor// mtshan nyid 'dzin pa dbus gnas te// thams cad ye shes chen por shar// thams cad mkhyen pa'i ye shes las// thams cad 'byung yang dang byung la// thams cad 'gags kyang rang 'gags la// thams cad grol yang rang grol las// 'bras bu thob pa'i sa med de// dper na rgya mtsho'i nya mo bzhin// gar byin rgya mtsho'i nang du gnas// lhun gyis grub pas thob pa med// pad ma nor bu rin po che// thams cad gcig las rang byung bas// de ni lhan grub chos sku'o// dbang po rab kyi chos yin te// 'bring dang tha ma 'khyams par mchi'o// rdzogs chen gnad du ma phebs par// chos spyod gang dgar btang ba ni// de ni rdzogs chen rgyun chad yin// rdzogs chen rtag cing ma chad par// dge sdig 'tshal bar spyod pa ni// de ni rdzogs chen drang thad yin// rdzogs chen rgyud la ma thebs par// thos bsam bsgom sgrub mi byed pa// de ni rdzogs chen rgyal pa yin// ye shes gnad du mi 'dzin par// sems 'dzin phra mo brtsam pa ni// de ni sgron ma'i yid smon yin// sems 'dzin gcig la yang 'cha' ba// de ni long ba'i lam sna yin// gdams ngag phyogs re ma rdzogs par// rgan mo mdzub tshugs bsgom pa ni// dam par zhen pa'i bsgom pa yin// zhe 'dod gcig la rten 'cha' bas// rgang po mkhar thogs bsgom pa ni// ni long ba'i lam rgyas yin// bde ba'i nyams myong la brten nas// gzhon pa bde ba bsgom pa ni// de ni gzhon pa'i rmi lam yin// zhes gsungs so// kun tu bzang po srog gi thigs pa/ 'bras bu ye grol chen po'i rgyud rdzogs so//