'phags pa rten cing 'brel ba'i snying po'i cho ga'i gzungs

Text

ff. 211b–214a · 6 folio sides

  1. 211b

    rgya gar skad du/ ar+ya pra tid t+ya sa mun ta/ pa ri hri da ya/ bod skad du/ 'phags pa rten cing 'brel ba'i snying po'i cho ga'i gzungs/ sangs rgyas dang byang chub sems dpa' thams cad la phyag 'tshal lo// chos gang rgyus byung de dag ni// rgyu la 'gog pa gang yin pa// de bzhin gshegs pas bka' bstsal te/ de skad gsungs pa dge sbyong chen po// tshig 'di sgrub pa'i cho ga ni// sems can rnams la phan byed pa// las kun grub par byed pa'i phyir/ de bzhin gshegs pas rab tu gsungs// rigs kyi bu dag gang gis ni dang por bcom ldan sangs rgyas la// gus shing dang ba'i sems bskyed nas/ bcom ldan 'das kyis bka' stsal pa rten 'brel zab mo'i cho ga bshad// thams cad las dang 'thun par gsungs dang po 'jug pa'i tshig gsungs pa tu 'di ltar las dang nyon mongs yod gyur na/ sems can rnams ni khro 'gyur la// las dang nyon mongs med na 'khor ba las kyang ldog/ bden pa 'di yis bdag gi bsam pa grub gyur cig/ sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// yang dag par rdzogs pa'i sangs rgyas gang ga'i klung gi bye ma snyed bzhugs pa la phyag 'tshal lo// rang sangs rgyas la phyag 'tshal/

  2. 212a

    dgra bcom pa rnams la phyag 'tshalo// rgyun du bzhugs pa rnams la phyag 'tshalo// 'phags pa byams pa la sogs pa byang chub sems dpa' rnams la phyag 'tsha'o// brtul bshugs grub pa rnams la phyag 'tsha lo// sems can gyi sman rnams la phyag 'tshal lo// nor bu grub pa rnams la phyag 'tshalo// 'di lta ste/ na mo rad na tra ya yAM/ oM ye d+harmA he du pra b+ha wa/ he han te Shon/ ta thA ga to t+ya wa dang te Shany+tsa yo ni ro d+ha/ e baM b+ha ti ma hA shra maM Na ye swA hA// l-is rnams kun gyi cho ga la tshig su bcad pa 'di dag brjod// bas ma rgyud rang gi lag mthil la/ sangs rgyas bcom ldan 'das kyi sku// skyes bu chen po'i mtshan gyis brgyan/ dpe byad bzang po brgyad bcus spras/ me yi khams par sgom/ de ni lha dag rje su dran// da ni sbyor ba'i las bshad de/ rim pa bzhin du so sor bstan/ rims kyis btab ste na ba dang / klad pa na ba dang / mig na de dang / khong na la sogs pa nad rnams la/ tshig su bcad 'di dang snying po 'di// mang por bzlas shing langs nas ni/ lag pa g.yas pa'i khu tshur gyis/ dbyung ba'i thab su sbyar bar bya'o// nad rnams thams cad sos par 'gyur/ nyin gcig nyin gnyis nyin gsum dang / nyin bzhi rtag pa'i rims rnams las/ bu mo gzhon nus bkal ba yau// skud pa dkar po sum sgril la// bzlas brjod nyi shu brgyad bzlas nas// mgul tu btags na bde bar mtsho// nad la phan pa'i sman rnams la// gzungs sngags

  3. 212b

    'di dag bzlas shing btang // snying nad rtsi ba logs na ba dang / khong ba'i nad rnams ci yod la// chu la bsngags shing mang bzlas nas// blud na phan zhing bde bar 'gyur// nad la phan pa'i sman rnams la// bzlas shing btang na 'tsho bar 'gyur// g.yan pa dang ni/ 'brum bu dang / phol mig dang ni rma rad la/ grog tshangs la snying po 'di// mang du bzlas te btab na 'tsho// gzha' 'brum gzhad nad za khu dang / pho mtshan skrang zhing na ba la// skyer pa'i khan da'i ri lu 'am/ byang chub sems dpa'i ri lu la/ nyi shu bzlas shing dkrugs na phan// nad kyi rnam pa gang na yang / nad tshabs che chung tshod stabs nas/ tshig su bcad pa'i bzlas brjod la/ mang nyung nad dang sbyar nas kyang / lus la byab cing bzlas na phan/ 'khru bag nad kyis btab pa la/ sman nam ri lu kha zas la/ bdun nam nyi shu bzlas nas kyang / khong du btang na phan por 'gyur/ de yi bzlas brjod snga ma ste/ 'di dag rab tu bzlas par bya// // na mo rad na tra ya yA/ au ye d+harmA hi du pra b+ha we he dun te Shan ta thA ga to/ h+ya wa dad te Shany+tsa yo ni ro d+ha/ e baM b+ha ti ma hA shrA ma Na ye swA hA/ de dag bzlas na nad rnaMs mtsho// de nas yang ni bka' bstsal pa// nas dang br-i dang sman ma dang / 'bras dang sran chung mon sran dang / shing thog dgun 'brum a ru ra de dag kun la za ba yi/ srin bu sbur du phye ma le ba/ bye'u byi ba ni tso dang / lo thog za yi kha mchid na/ zhing gi khyon dang sbyar nas kyang / bye mas dang thal ma la/ bzlas brjod brgya ni rtsi brgyad bzlas/ zhing dang shing /

  4. 213a

    thog gtor bas la/ de dag kun kyang kha 'ching 'gyur/ ha bcang char pa ches pa na/ bcom ldan 'das la phul ba yi// me tog sman ma re re la// bzlas brjod nyi shu rtsa gcig bya/ gtsang zhing bde ba'i gnas dag tu/ dkyil 'khor chen po'i dbus dag tu// bum pa gang ba'i steng dag tu// kham phor gtsang ma'i nang du yang // me tog gtsang ma bzlas pa de/ bsregs na char pa 'chad par 'gyur/ ser ba drag po 'ong ba na/ se nya pri ka lcug ma la/ bzlas brjod brgyan rtsa brgyad bzlas/ ser ba gang nas 'ong ngos su// klad pa la bskor zhing byabs na 'chad// yang na thal chen yungs dkar la// bzlas brjod brgya ni rtsa brgyad/ bya// thum po byas te lcug ma la btags te btsugs na/ ser ba 'chad/ 'byung po sha za yid btags dang / brjed byed gdon gyis zin pa la/ dkyil 'khor 'dom gang grub bzhi la// bum pa gtsang ma lnga bzhag ste/ gu gul dud pas bdug nas kyang // yungs dkar ga bur tsan dan dang / bla rtsi la sogs sman sbyar te/ bzlas brjod brgya ni rtsa brgyad bzlas// gos dang zas ni dkar por sbyar/ dkyil 'khor de yi nang du zhugs/ bum pa'i chu yis bkru bar bya/ sangs rgyas sku bsil byas pa'i chus/ bkru zhing blud na rab tu phan/ nad dang gnod pa kun las thar/ 'byung po rjed byed sha za yis/ glags kyang rnyed par mi 'gyuraro// khyis pa gau don gyis zin pa la/ g+hi l+r-ing la ni sngags bzlas nas/ snying po stobs mtshan 'di bris gdags// / oM badz+ra kau d+ha ma ha ba la/ ha na da ha/ pa tsa bidi d+hA na sa ya/ dza ti

  5. 213b

    sum pa gas yang sum sa ma mangs pa nga rgya la lam b+ho d+ha ra tsu ru sh+ma/ kro ta hu 'um phaT swA hA// / gtsang sbra byas te mgul bar btags/ dud pas gdugs na mche bar 'gyur/ de la the tsom mi za'o// byis pa gdon dang nad las thar/ bud med bu ni thogs gyur na/ chu la bzlas brjod lnga bdun byas/ blud na legs par btsas par 'gyuraro// bud med sham bu med la// sangs rgyas sku bsil byas pa'i chu// de la bzlas brjod nyi shu byas/ khrus byas lus ni gtsang ma la/ chu de blud na bu tsha 'phan/ rigs rgyud dag ni 'phel bar 'gyur/ lam du zhugs te 'gro ba na/ skud pa dang ni gos kyi grwa ra/ bzlas brjod bdun bzlas 'dud pa bdun// 'dud/ cing bzlas te song ba na/ bde bar 'gro zhing don yang 'grub/ dgra dang nyes gzhom med par 'gyur/ yid ni gzhungs par 'dod pa na/ shu dag mtshon gang tsam dag la/ bzlas brjod sum brgya tsam bzlas la/ mar srang sum brgya drug bcu la/ bzlas brjod byas te sres nas kyang bum pa gcig tu blugs la dkrug/ nyi ma re re lo gcig du/ shu dag gi ni dum re dang / mar srang dag ni re re la/ bzlas brjod re re byas shing bza'/ des ni yid gzhungs glo ldan 'gyur/ de bzhin pa ni ser skya yi/ mar dang 'o ma dag la yang / bzlas brjod brgya ni rtsa brgyad du/ bzlas te 'o thugs dkrug cing za/ yid bzhugs dam pa'i mchog tu 'gyur/ mi dang 'grog shing mdza' 'dod na/ gang dag yid dang 'thad pa la/ me tog dang ni rtse shing la/ 'bras bu 'am ni 'jim bag dag/ lag pa g.yas pa'i tshangs par bcug/ de la bzlas brjod

  6. 214a

    rtsa gcig btab/ gang gi lag tu phyin pa na// de dag rtag tu mdza' bar 'gyur// rta la sogs pa'i phyogs rnams kun// 'cha ba'i nye bar gnas pa na// chu dang yungs dkar bcas pa la/ bzlas brjod brgya na rtsa brgyad byas// de la gtor nA sos par 'gyur// yang na yungs dkar brgyad brgya la// bzlas pa'i thum po mgul du gtags// de ni nad med bde bar 'gyur// mi rnams 'chi bas 'jigs gyur na// yungs dkar la ni bzlas brjod bya// thum po byas te sgo la gdags// bzlas brjod brgya stong 'bum yang bzlas// mi yi nad dang phyugs nad kun// ming yang med cing bde bar 'gyur// de dag kun gyi bzlas brjod ni// 'di dag kun du rgya cher gsungs// / na mo rad na tra ya yA/ oM ye d+har+m+ma he du pra b+ha lA/ he dun te ShAn ta thA ga to/ h+ya wa dad te/ ShAny+tsa yo ni ro d+hi/ oM baM b+ha ti ma hA shrA mA na ye sa/ rtag tu bzlas brjod byas pa nu// bsgom pa yongasu rdzogs par 'gyur/ glanod pa cis kyang tshugs mi 'gyur// dmi ches yongasu bzung bar 'gyur// tshigasu bcad pa 'di dag ni// mthu dang rdzu 'phrul bsam mi khyab// cho ga 'di dag thams cad ni// gang la dad pas yid ches na// 'grub par the tsom med par 'gyur// bzlas brjod 'bum ni byas gyur na// dgos pa thams cad 'grub par 'gyur// 'phags pa rten cing 'brel par 'byung ba'i snying po'i cho ga'i gzungs rdzogs s+ho// // rgya gar skad du/ Ar+ya badz+ra tshing+ka ka pradz+nyA pa ra mi ta/ na ma ma hA ya na su tra/ bod skad du/ 'phags pa shes rab kyi