F310MW1KG13607_0310mdo sdeAll versions of this work

'phags pa 'jig rten 'dzin gyis yongs su 'bris pa zhes bya ba'i mdo

Text

ff. 316a–421b · 212 folio sides

  1. 316a

    blo thos@#bgyid de/ bcom ldan 'das yongs su mya ngan las 'das nas/ phyi ma'i dus lnga brgya tha ma la chos kyi rnam grangs 'di byang chub sems dpa' gang gis rna bar grags par 'gyur ba dang / 'dzin pa dang / 'chang ba dang / klog pa dang / ston pa de ni byang chub sems dpa' byams pa'i byin gyis brlabs su rig par bya'o// de nas bcom ldan 'das kyis dam pa'i chos kun 'dzin pa'i byang chub sems dpa' de dag la bka' stsal pa/ leg so skyes bu dam pa dag ji ltar khyed da ltar nga'i 'dun du dam pa'i chos yongs su 'dzin pa de bzhin du khyed gang ga'i klung gi bye ma snyed kyi sangs rgyas bcom ldan 'das kyi spyan sngar dam pa'i chos yongs su 'dzin par langs pa legs so legs so// de nas bcom ldan 'das la byang chub sems dpa' sems dpa' chen po blo gros mi zad pas 'di skad ces gsol to// bcom ldan 'das gang gis chos kyi rnam grangs 'di la bdag gi blo dang mi ldan pas don dang yi ge ma rdzogs pa rnams bcom ldan 'das dang / mi zad pa'i chos dang ldan pa'i byang chub sems dpa' sems dpa' chen po 'di dag la bdag bzod par gsol to// bcom ldan 'das kyis bka' stsal pa/ blo gros mi zad pa so so yang dag par rig par thob pa'i byang chub sems dpa' rnams la don dang chos dang / nges pa'i tshig dang spobs pa rnams las 'khrul pa med do// 'gog pa yang 'khrul pa med do//

  2. 316b

    gang 'di lta bu'i chos rnams rtogs par khong du chud pa'i skyes bu dam pa de dag ni yang dag pa'i don rnam par gdon mi za ba pa thob pa yin no// blo gros mi zad pa khyod ni/ so so yang dag par rig pa bzhi'i dam pa'i mchog thob cing dbang rnyed pa chen po 'di la gzhan gyi dring mi 'jog cing rnam par gdon mi za bar dam pa'i mchog thob pa ste/ blo gros mi zad pa 'di thob pa'i byang chub sems dpa' rnams lus kyi 'khrul pa 'am/ ngag gi 'khrul pa 'am/ sems kyi 'khrul pa gang yang med do// de dag thams cad ni ye shes sngon du 'gro ba'i lus dang / ngag dang yid kyi sa dang ldan pa yin no// blo gros mi zad pa khyod ni sangs rgyas bye ba khrag khrig brgya stong mang pos chos ston pa'i rjes su dgongs so// blo gros mi zad pa nga lta bu lam gyis khyod 'dra ba'i skyes bu rnams la shin tu bzod do// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags ji ltar bzung bar bgyi/ bcom ldan 'das kyis bka' stsal pa/ de'i phyir/ dga' bo khyod kyi rnam grangs 'di blo gros mi zad par bstan pa dang / mi zad pa'i don dang / tshig dang yi ge mi zad par bstan pa dang / 'dus pa chen po'i le'u dang / blo gros mi zad pa'i le'u zhes kyang zung shig/ dga' bo khyod kyis 'dus pa chen po'i le'u chos kyi rnam grangs 'di gzung na/ chos la dran pa'i stobs kyis mthu bskyed

  3. 317a

    thos/ pa brgya phrag stong 'gyur du thob par gyur to// gzhan yang bstan na sems can thams cad la sangs rgyas kyi bya bas nye bar gnas par 'gyur// bcom ldan 'das dges shing de skad ces bka' stsal nas/ byang chub sems dpa'i tshogs de dag thams cad kyang / byang chub sems dpa' sems dpa' chen po blo gros mi zad pa dang / gnas brtan sha ra da ti'i bu dang / dge slong de dag dang / 'khor de dag thams cad dang / lha dang / mi dang / lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'dus pa chen po'i le'u 'bum pa las/ blo gros mi zad pas bstan pa zhes bya ba theg pa chen po'i mdo rdzogs s+ho// // 'phags pa 'jig rten 'dzin gyis yongs su 'bris pa zhes bya ba'i mdo/ bam po dang po// / 'di skad bdag gis thos dus cig na/ bcom ldan 'das rgyal po'i khab/ bya ka lan da ka'i gnas 'od ma'i tshal na/ dge slong gi dge 'dun chen po dang / thabs gcig tu bzhugs so// de'i tshe bcom ldan 'das 'khor mang po brgya phrag stong snyed kyis yongs su bskor ba la chos ston to// 'khor de'i nang na byang chub sems dpa' sems dpa' chen po 'jig rten 'dzin ces bya ba 'ang 'das par gyur te/ byang chub sems dpa' sems dpa'

  4. 317b

    chen po rnams cad med pa'i yon tan gyis yongs su brgyan par sems bskyed pa'i phyir/ chos thams cad kyi nges pa'i don mthar phyin pa thams cad shes par bya ba'i/ phyir/ tshad med pa'i smon pas tshad med pa'i rgyun yongs su rdzogs par 'gyur ba/ shin du shes par bya ba'i phyir/ tshad med pa'i chos rnams kyi nges pa'i mtshan nyid rtogs shing / chud par bya ba'i phyir/ smon lam tshad med pas/ lhag pa'i bsam pa shin du rnam par dag par bya ba'i phyir/ yongs su rdzogs par shes par bya ba'i phyir sbyin pa'i brgyan dang / nges par rnam par dag pa'i phyir/ tshul khrims kyi brgyan dang / bzod pa yongs su rdzogs pa'i phyir/ gnyen nges pa'i sems dang / rnam par dag par bya ba'i phyir/ brtson 'grus dang / yongs su dag pa shes par bya ba'i phyir/ brtson 'grus dang / shes rab kyi pha rol du phyin pa khong du chud cing rtogs par bya ba dang / de dag la sogs pa yon tan tshad med pa'i 'dug pa las langs nas/ bla gos phrag pa gcig tu byas te/ bcom ldan 'das gang na ba logs su thal mo sbyar nas/ bcom ldan 'das la 'di skad ces gsol to// bcom ldan 'das bdag skye bo mang po la phan pa dang / bde ba'i don gyi slad du/ byang chub sems dpa' sems dpa' chen po rnams sangs rgyas kyi gdung mi gcod par 'gyur ba dang / spyod lam kun du tshul khrims

  5. 318a

    zla rdzas#ma chags shing / tshul khrims rnam par dag pa dang ldan pa dang / chos chen po la nan tan byed cing / 'phags pa'i spyod yul tshad med/ pa 'dzin pa la shin tu mkhas pa'i byang chub sems dpa' rnams kyi slad de/ bdag zha ba zha'o// bcom ldan 'das ji ltar byang chub sems dpa' sems dpa' chen po dag/ chos rnams kyi yang dag pa'i mtshan nyid la shin du mkhas pa lags/ ji ltar ni chos rnams kyi mtshan nyid shin du rnam par 'byed pa la mkhas pa lags// ji ltar na dran pa'i mthu dang ldan pa lags/ ji ltar na chos thams cad kyi rnam grangs rnam par 'byed pa la mkhas pa'i shes rab lags/ ji ltar na lus 'dri bor nas/ nam bla na med pa yang dag par rdzogs pa'i byang chub kyi bar du rgyun mi 'chad pa dang ldan po lags/ de skad ces gsol pa dang / bcom ldan 'das kyis byang chub sems dpa' 'jig rten 'dzin la 'di skad ces bka' stsal to// legs so legs so// 'jig rten 'dzin de ltar khyod kyis/ byang chub sems dpa' sems dpa' chen po rnams kyi phyir/ de bzhin gshegs pa la don de dag dris pa ni legs so// khyod skye bo mang po la phan pa dang / bde ba'i phyir 'jig rten la snying rtse'i phyir lha dang bcas pa'i 'jig rten la phan pa dang / bde ba'i don gyi phyir/ gzhan yang da ltar gyi dus dang / ma 'ongs pa'i dus kyi byang chub sems

  6. 318b

    dpa' la sogs pa la 'od chen pos snang bar bya ba'i phyir/ dri ba dris pa'i bsod nams ni dpag tu med do// khyod kyis de bzhin gshegs pa la/ don 'di dag dris pa ni/ nges par sems can thams cad kyi the tshom yongs su spyad pa'i phyir/ sems can thams cad la 'od kyi snang bas bya ba dang / bsrung bar bya ba'i phyir sems can dag la phan pa'i don bstan pa'i phyir/ skye bo dag g.yang za ba'i lam las bsgral bar bya ba'i phyir/ skye bo mang po'i rten dang gnas dang / mgon las skyabs bya ba'i phyir/ ngan song gsum las gdon cing dbyung ba'i phyir/ sems can dag bla na med pa'i lam la 'dzud pa'i phyir/ skye bo mang po dag/ skye ba dang / dga' ba dang / na ba dang / 'chi ba dang / smos pa'i mya ngan dang / smre sngags 'don pa dang / sdug bsngal ba dang / 'khrug pa las rnam par grol ba'i phyir/ sems can la bla na med pa mya ngan las 'da' ba'i bde ba sbyin pa'i phyir/ phyi ma ma 'ongs pa'i dus na/ dam chos bsrung zhing skyab pa'i phyir/ phyi ma ma 'ongs pa 'jigs pa'i des ngan pa'i sems can dag bsgral ba'i phyir/ de bzhin gshegs pa la dri bar bsams pa legs so// de lta bas na 'jig rten 'dzin khyod/ legs par nyon la rab tu yid la zung shig dang / rnam par phye ste bshad par bya'o// bcom ldan 'das de ltar bgyi'o zhes gsol nas/ byang chub sems dpa' 'jig rten 'dzin/ bcom ldan

  7. 319a

    'das la phyir nyan to// bcom ldan 'das kyis de la 'di skad ces bka' stsal to// skyes bu dam pa de la 'di skad ces bya ste/ phan pa'i don bzhi mthong ba'i byang chub sems dpa' sems dpa' chen po rnams kyi/ chos rnams kyi yang dag pa'i mtshan nyid la brtson zhing / nan tan byed pa dang / chos rnams kyi mtshan nyid rnam par 'jed pa la/ shin tu mkhas par 'gyur ro// bzhi gang zhe na/ dran pa yongs su rdzogs pa thob par bya ba dang / dran pa'i rgyun mi 'chad par thob par bya ba dang / shin tu bya ba'i shes rab kyis gong nas gong du 'char ba dang / rtag tu dran pa'i sems dang ldan pa'o// 'jig rten 'dzin 'di dag ni/ don rnam pa bzhi mthong ba'i byang chub sems dpa' sems dpa' chen po rnams/ chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no// 'jig rten 'dzin gzhan yang don bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no// / bzhi gang zhe na/ ches rnams kyi nges pa'i don la shin tu shes par bya ba dang / chos rnams kyi don shin tu shes par bya ba dang / chos rnams kyi rgyu dang rkyen rnam

  8. 319b

    pa sna tshogs shin tu shes par bya ba dang / chos rnams yang dag pa'i sgor 'jug par bya ba dang bzhi'o// 'jig rten 'dzin gzhan yang don rnam pa bzhi mthong ba'i byang chub sems dpa' sems dpa' chen po rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro// bzhi gang zhe na/ tshad med pa'i chos kyi mtshan nyid shin tu shes par bya ba dang / tshad med pa'i nges pa'i chos bsgom pa la ni shin tu mkhas par bya ba dang / tshad med pa'i yon tan spyod pa 'phel zhing skye bar bya ba dang / chos rnams kyi skye ba dang / 'gag pa'i mtshan nyid shes pa dang / mthong bar bya ba dang bzhi'o// 'jig rten 'dzin gzhan yang don rnam pa bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro// bzhi gang zhe na/ bla na med pa yang dag par rdzogs pa'i byang chub la bstan par bya ba dang / byang chub kyi phyogs kyi chos rnams myur du yongs su rdzogs par bya ba dang / chos rnams kyi thabs la shin tu mkhas pas// gzhan gyi dring la mi 'jog par bya ba dang / ye shes dang shes rab thams cad la shin tu mkhas par bya ba dang / 'jig rten 'dzin 'di dag ni don rnam pa bzhi mthong ba'i byang

  9. 320a

    chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi/ mtshan nyid rnam par 'byed pa la shin tu mkhas pa yin no// 'jig rten 'dzin gzhan yang chos bzhi dang ldan pa'i byang chub sems dpa' chen po rnams/ chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro// bzhi gang zhe na/ sems can la phan pa dang bde ba'i phyir/ sems la ser sna'i dri ma med pa dang / rtag tu tshul khrims rnam par dag pa dang / brtson 'grus kyi pha rol tu phyin pa la bde bar gnas pas/ brtson 'grus spyod pa la bar chad med pa dang / yang dag par yid la byed pas shes rab kyi pha rol tu phyin pa la shin tu nan tan byed pa dang bzhi'o// / 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro// bzhi gang zhe na/ smon lam phun sum tshogs pa shin tu dag pa dang ldan pa dang / sbyong ba'i yon tan phun sum tshogs pa rnam par dag pa dang ldan pa dang / mi mnyam pa'i bzod pa'i yon tan la bde bar gnas pa dang / chos rnams kyi yang

  10. 320b

    dag pa mtshan nyid rnam par 'byed pa'i 'od zer thob pa dang bzhi'o// 'jig rten 'dzin gzhan chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro// bzhi gang zhe na/ mos pa chen pos thams cad mkhyen pa'i ye shes tshol ba dang / bsam gtan dang / rnam par grol ba dang / ting nge 'dzin rnam par 'byed pa la shin tu mkhas pas/ mos pa chen po bskyed pa dang / byams pa dang / snying rje dang / dga' ba dang / btang snyoms chen po'i sems thob par bya ba'i phyir/ rnam par dag pa'i spyad pa spyod pa la sbyor ba dang / nges pa'i don la shin tu legs par bsgom pa dang bzhi'o// 'jig rten 'dzin gzhan yang rnam pa bzhi dang ldan pa'i byang chub sems dpa' sems dpa' chen po rnams/ chos rnams kyi yang dag pa'i mtshan nyid la brtson zhing nan tan byed pa dang chos rnams kyi mtshan nyid rnam par 'byed pa la shin tu mkhas par 'gyuraro// bzhi gang zhe na/ shes rab kyi spyod yul phun sum tshogs pa dang / ye shes kyi spyod yul rnam par dag pa tshol ba dang / thogs pa med pa'i ye shes la mos pa dang / thams cad mkhyen pa'i ye shes kyi smon lam rtag tu mi spong ba'o// 'jig rten 'dzin chos rnam pa bzhi dang ldan pa'i byang chub sems dpa' sems dpa' chen po rnams

  11. 321a

    chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no// 'jig rten 'dzin gzhan yang don rnam pa bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro// bzhi gang zhe na/ dran pa'i dbang po yongs su rdzogs pa gom par bsgom par bya ba dang / shin tu bde ba'i shes rab spyod pa dang / dran pa rgyun mi 'chad pa dang ldan pa dang / dran pa nye bar gzhag pa bzhi rdzogs par bsgom pa dang bzhi'o// 'jig rten 'dzin gzhan yang don dam pa bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro// bzhi gang zhe na/ byang chub kyi phyogs kyi chos rdzogs par bya ba'i phyir rtag tu dran pa sems la 'jog pa dang / dran pa'i dbang po rno ba sngon gyi gnas na bsgom pa shes pas/ shes rab rnam par dag pa dang ldan pa dang / dran pa rgyun mi 'chad par myur du thob par bya ba dang / thams cad mkhyen pa'i ye shes kyi rgyu bskyed pa dang bzhi'o// 'jig rten 'dzin don bya bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro// bzhi gang zhe na/ bsam pa'i thabs yongs su rdzogs pa skam pa dang / yang dag pa'i ye shes pa'i shes rab sgom pa dang / sangs rgyas kyi chos thob par bya ba'i phyir shin tu

  12. 321b

    shin tu mkhas pa dang / chos thams cad kyi rgyur gyur pa dang / rnam par 'byed pa la shin tu mkhas pa dang / chos thams cad bde ba'i don la mkhas pa dang / chos thams cad kyi smra ba dang / tshig gi rnam grangs la mkhas pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing / shes rab la nan tan byed par 'gyur ro// bzhi gang zhe na chos rnams/ kyi ji lta ba'i go rim la mkhas pa dang / chos thams cad rten cing 'brel te 'byung ba'i thabs la mkhas pa dang / chos thams cad nan tan bya ba'i thabs dang ldan pa dang / nges pa'i don dang bkri ba'i don gyi mdo sde rnam par 'byed pa la shin tu mkhas pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro// bzhi gang zhe na/ lam dang lam ma yin pa'i shes pa shin tu slob pa la mkhas pa dang / chos thams cad kyi don la bshad pa'i dbang thob pa dang / myur du rnam par dag pa'i shes rab kyi spyod yul thob pa dang / ye shes kyi spyod pa dang / ye shes kyi pha rol tu phyin pa rdzogs par bsgom pa'o// 'jig rten 'dzin 'di dag ni chos rnam pa bzhi dang

  13. 322a

    'jig rten/ @#ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan/ tan byed pa yin no// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing / shes rab nan tan byed par 'gyur ro// bzhi gang zhe na/ kun 'byung gi mtshan nyid kyi chos thams cad bsgom pa la mkhas pa dang / chos thams cad kyi rgyu 'gog pa'i mtshan nyid la shin tu mkhas pa dang / chos thams cad kyi rkyen gyi mtshan nyid la shin tu mkhas pa dang / rgyu dang rkyen gyis thabs la 'jug pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams/ chos thams cad kyi rnam grangs rnam par 'byed pa la mkhas shing / shes rab la nan tan byed par 'gyur ro// bzhi gang zhe na/ sdug bsngal ba'i chos thams cad la shin tu mkhas pa dang / kun 'byung gi chos thams cad la shin tu mkhas pa dang / 'gog pa dang lam gyi chos thams cad la shin tu mkhas pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams/ chos thams cad kyi rnam grangs rnam par 'byed pa la mkhas shing shes rab la nan tan

  14. 322b

    brtson 'grus bskyed pa dang / dran pa'i stobs kyi rgyun mi 'chad pa thob par bya ba'i phyir dran pa mi brjed pa'o// 'jig rten 'dzin 'di dag ni don rnam pa bzhi mthong / ba'i byang chub sems dpa' sems dpa' chen po rnams dran pa'i mthu tshol ba yin no// 'jig rten 'dzin chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu tshol ba yin no// 'jig rten 'dzin chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro// bzhi gang zhe na/ shes rab shin tu byang ba dran pa'i phyir/ rtag tu mi 'chad pa'i brtson 'grus dang / chos rnams kyi yang dag pa'i mtshan nyid thob par bya ba'i phyir rtse gcig pa'i sems kyis rtag tu rgyun mi 'chad pa dang / chos thams cad yang dag par dran par bya ba'i phyir/ rtag tu le lo med pa dang / yang dag pa yid la bya ba'i phyir/ rtag tu dbang po rnams srung ba dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro// bzhi gang zhe na/ tshul khrims rnam par dag pa la gnas pa dang / spyod lam rnam par dag pa dang ldan pa dang / spyod pa'i gnas kun tu sems kyi sgrib pa lnga yongs su bsal te/ 'jig rten gyi chos la mi chags pa dang / las kyi sgrib pa dang / nyon mongs

  15. 323a

    pa'i sgrib pa yongs su spangs pa dang bzhi'o// 'jig rten 'dzin gzhan yang chos rnam pa bzhi dang ldan byang chub sems dpa' sems dpa' chen po rnams dran pa'i mthu thob par 'gyur ro// mi 'khrugs pa'i sems kyis dge ba'i chos tshol ba dang / sems kyi mtshan nyid gcig la goms par sgom pa dang / chos rnams kyi rnam grangs la yang dag par 'jug cing shin tu mkhas pa dang / 'du 'dzi la mi mos pas khyim na gnas pa dang / rab tu byung ba'i gang zag spong / ba dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro// bzhi gang zhe na/ dge ba'i bshes gnyen la sten pa dang / rtag tu chos zab mo la nan tan byed pa dang / rtag tu sangs rgyas dang byang chub sems dpa'i gan du 'gro ba la dga' ba/ gsol ba dang zhu ba la dga' zhing shes rab sgom pa la mos pa'o// 'di dag ni chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob pa yin no// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po chos thams cad rnam grangs rnam par 'byed pa la mkhas shing / shes rab la nan tan byed par 'gyur ro// bzhi gang zhe na/ chos thams cad kyi yang dag pa'i mtshan nyid la

  16. 323b

    byed par 'gyur ro// bzhi gang zhe na/ chos rnams 'du ba dang / 'jig pa'i sbyor ba la mkhas pa dang / sngon gyi rgyus mthu thob pa dang / chos thams cad kyi ji dang cis 'dul ba la shin tu mkhas pa dang yi ge dang 'bru dang tshig rnam par 'byed pa la shin tu mkhas pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams/ chos thams cad kyi rnam grangs rnam par 'byed pa la mkhas shing / shes rab la nan tan byed par 'gyuraro// bzhi gang zhe na/ bkri ba'i don gyi mdo sde la shin tu mkhas pa dang / nges pa'i don gyi mdo sde'i tshig gi rjes mi 'brang ba dang chos thams cad kyi mtshan nyid kyi rgyu la mkhas pa dang / chos thams cad kyi mtshan ma med pa'i ye shes la bde bar gnas pa ste/ 'jig rten 'dzin 'di dag ni chos rnam pa bzhi dang ldan pa'i byang chub sems dpa' sems dpa' chen po rnams/ chos thams cad kyi rnam grangs rnam par 'byed pa la mkhas shing / shes rab la nan tan byed pa yin no// 'jig rten 'dzin chos bzhi dang ldan pa'i byang chub sems dpa' sems dpa' chen po rnams/ lus 'di bor nas bla na med pa yang dag par rdzogs par byang chub kyi bar du rgyun mi 'chad pa'i dran pa dang ldan par 'gyur ro// bzhi gang zhe na/ dge ba dang mi dge ba'i chos la shin tu rtogs pa dang / dran pa dang shes rab phul du gyur pa dang /

  17. 324a

    na lan/ @#sems kyi sgrib pa lnga yongs su spangs pa dang / nam du yang bla na med pa yang dag par rdzogs pa'i byang chub kyi dran pa mi nyams pa bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi rgyun mi 'chad pa'i dran pa dang ldan par 'gyur ro// bzhi gang zhe na/ dran pa nye bar gzhag pa bzhi la shin tu nan tan byed pa dang / rnam par 'byed pa'i shes rab la shin tu nan tan byed pa dang / ting nge 'dzin rnams kyi thog mar shes rab gtong ba dang / nges pa'i shes rab khong du chud pa dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams/ lus 'di bor nas nam bla na med pa yang dag par rdzogs pa'i byang chub kyi bar du/ rgyun mi 'chad pa'i dran pa dang ldan par 'gyur ro// bzhi gang zhe na/ gzungs kyi sgo thob pa dang / ma skyes pa'i ye shes bsgom pa dang / zad pa'i ye shes la 'jug pa dang / 'gog pa'i ye shes rtogs par bya ba dang bzhi'o// 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas/ nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur/

  18. 324b

    bzhi gang zhe na/ byams sdang med par bya ba dang / 'dus byas kyi chos thams cad la mi chags pa dang / 'dus ma byas pa'i ye shes rtogs pa dang / de bzhin gshegs pa'i spyod yul du phyin par byed pa'o// 'jig rten 'dzin 'di dag ni chos rnam pa bzhi dang ldan pa'i byang chub sems dpa' sems dpa' chen po rnams/ lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan pa yin no// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams/ yon tan gong ma rnams rdzogs par 'gyur ro// bzhi gang zhe na/ shin tu lha'i bsam pa rnam par dag pa'i ye shes kyi stobs dang / smon lam rnam par dag pa'i ye shes kyi stobs dang / dge ba'i rtsa ba rnam par dag pa'i ye shes kyi stob dang / bsngo ba rnam par dag pa'i ye shes kyi stobs dang / las kyi sgrib pa rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams/ yon tan gong ma rnams rdzogs par 'gyur ro// lnga gang zhe na/ spyod lam gyi gnas rnam par dag pa'i ye shes kyi stobs dang / dran pa dang ldan pa rnam par dag pa'i ye shes kyi stobs dang / sbyor ba'i rnam par dag pa'i

  19. 325a

    dzinaye shes kyi stobs dang / sems can la dmigs pa rnam par dag pa'i ye shes kyi stobs dang / mtshan nyid la dmigs pa'i rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro// lnga gang zhe na/ gtong ba'i sems rnam par dag pa'i ye shes kyi stobs dang / sems can la phan pa dang / bde ba rnam par dag pa'i ye shes kyi stobs dang / dga' ba chen po dang btang snyoms chen po bskyed pa'i rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma'i rnams rdzogs par 'gyur ro// lnga gang zhe na/ tshul khrims bsrung ba'i rnam par dag pa ye shes kyi stobs dang / bzod pa rnam par dag pa'i ye shes kyi stobs dang / bzod pa la ma chags pa rnam par dag pa'i ye shes kyi stobs dang / mang du thos pa rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro// lnga gang zhe na lhag

  20. 325b

    pa'i brtson 'grus rnam par dag pa'i ye shes kyi stobs dang / brtson 'grus len pa rnam par dag pa'i ye shes kyi stobs dang bsam gtan rnam par dag pa'i ye shes kyi/ stobs dang / bsam gtan gyi thabs rnam par dag pa'i ye shes kyi stobs dang / zhi gnas dang lhag mthong gi thabs rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro// lnga gang zhe na/ shes rab rnam par dag pa'i ye shes kyi stobs dang / mang du thob pa'i nges par sbyor ba rnam par dag pa'i ye shes kyi stobs dang / 'jig rten dang 'jig rten las 'da' ba rnam par dag pa'i ye shes kyi stobs dang / shes rab dang thabs rnam par dag pa'i ye shes kyi stobs dang / 'das byas dang 'das ma byas pa rnam par dag pa'i ye shes kyi stobs dang lnga'o// 'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams/ yon tan gong ma rnams rdzogs par 'gyur ro// lnga gang zhe na/ thabs la rtog pa rnam par dag pa'i ye shes kyi stobs dang / rig pa dang rnam par grol ba rnam par dag pa'i ye shes kyi stobs dang / ma skyes pa'i mtshan nyid rnam par dag pa'i ye shes kyi stobs dang / mtshan

  21. 326a

    'jiganyid gcig pa dang / mtshan nyid med par rnam par dag pa'i ye shes kyi stobs dang / don dpa pa dang kun rdzob rnam par dag pa'i ye shes kyi stobs so// 'jig rten 'dzin de dag ni rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams myur du yon tan gong ma rnams rdzogs pa yin no// 'jig rten 'dzin de bas na byang chub sems dpa' sems dpa' chen po rnams/ rnam par dag pa'i ye shes kyi stobs de dag bsgom pa la shin tu brtson par bya'o// 'jig rten 'dzin chos rnam pa gsum dang ldan pa'i byang chub sems dpa' sems dpa' chen po rnams/ rnam par dag pa'i ye shes kyi stobs la brtson par bya'o// gsum gang zhe na/ mos pa dang / brtson 'grus dang bag byed pa'o// chos rnams pa 'di gsum dang ldan pa'i byang chub sems dpa' sems dpa' chen po rnams yon tan thams cad rdzogs pa'i rnam par dag pa'i ye shes kyi stobs la brtson pa yin no// de ci'i phyir zhe na/ 'jig rten 'dzin mos pa dang brtson 'grus dang bag byed pa ni chos thams cad kyi rtsa ba yin pas/ byang chub sems dpa' sems dpa' chen po rnams rnam par dag pa'i ye shes kyi stobs la nan tan du byed pa ni myur du thams cad mkhyen pa'i ye shes thob par 'gyur te/ brtson 'grus las phyir mi ldog pa zhes bya'o// chos las phyir mi ldog pa

  22. 326b

    zhes bya'o// yon tan de nyid myur du 'phel zhing skye ba 'am thob par 'gyur la/ chos thams cad la rnam par dag pa'i ye shes kyi stobs myur bar thob bo// 'jig rten 'dzin gang zag gang zhig de ltar chos thams cad la rnam par dag pa'i ye shes kyi stobs thob pa ni/ 'jig rten gyi bsod nams kyi zhing zhes bya'o// gang zag de ni nga'i 'og tu mchod pa'i rnyed pa zhu ba zhes bya'o// gang zag de ni de bzhin gshegs pa'i spyod yul gyi gnas su phyin pa zhes bya'o// gang zag de ni de bzhin gshegs pa'i chos rtogs par bya'o// gang zag des ring po mi thogs par de bzhin gshegs pa'i ye shes chud par 'gyur ro// 'jig rten 'dzin nga sngon bskal pa grangs med pa'i bar da/ byang chub sems dpa'i spyod pa spyad pa na/ sangs rgyas mar me mdzad kyis nga la khyod bskal pa grangs med pa 'das nas mngon par 'tshang rgya'o// zhes lung bstan te ngas de'i tshe nyid na rnam par dag pa'i ye shes kyi stobs de dag kun shes par gyur to// 'jig rten 'dzin gang zag zhig chos thams cad la de lta bu'i rnam par dag pa'i ye shes kyi stobs dang ldan par 'gyur ba ni/ gang zag des bla na med pa yang dag par rdzogs pa'i byang chub thob pa ni da ltar ngas ji ltar thob pa bzhin no// gang zag des chos kyi 'khor lo bskor bar 'gyur ba'ang ngas ji ltar bskor ba yin no// gang

  23. 327a

    zag des seng ge'i sgra sgrogs par 'gyur ba'ang / ngas ji ltar seng ge'i sgra bsgrags pa bzhin no// gang zag des rang bzhin gyi chos thams cad la/ dbang ba dang / stobs thob pa yang da ltar gyi nga ji lta ba bzhin no// 'jig rten 'dzin khyed kyis kyang rnam par dag pa'i ye shes kyi stobs 'di bsgom pa la brtson par byed na ni ring po mi thogs par ye shes dang / shes rab thams cad lhun gyis grub par 'gyur ro// 'jig rten 'dzin sngon bskal pa grangs med tshad med pa 'das pa de'i tshe de'i dus na bcom ldan 'das ye shes mthong ba'i rgyal po zhes bya ba/ de bzhin gshegs pa mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi'i ston pa/ sangs rgyas bcom ldan 'das 'jig rten du byung ngo // 'jig rten 'dzin bcom ldan 'das ye shes mthong ba'i rgyal po de la nyan thos kyi dge 'dun tshad med pa dang / byang chub sems dpa'i dge 'dun tshad med pa yod do// de yang bcom ldan 'das de'i sngon gyi/ rgyu dang rkyen gyi dbang gis so// bcom ldan 'das ye shes mthong ba'i rgyal po'i sangs rgyas kyi zhing na ngan song gsum gyi ming yang mi grag te/ sems can de dag kyang sdug bsngal yod par mi tshor zhing mthar bde ba dang / skyid pa phun sum tshogs pa dang ldan pas 'dod pa yongs su spangs pa mang ste/ sgrib pa lnga yang rab tu bcil ba sha stag go//

  24. 327b

    sems can de dag de ltar yongs su dag pa'i bde ba dang ldan pa ni/ bsam gtan bzhi pa'i bde ba thob pa bzhin no// bcom ldan 'das ye shes mthong ba'i rgyal po de'i// tshe'i tshad ni bskal pa khri phrag khrag khrig rnyed do// de'i tshe na 'jig rten de'i rgyal po yang de bzhin gshegs pa mdzad de/ de ma yin pa'i rgyal po gzhan med pas/ yul de'i sems can dag bcom ldan 'das la chos kyi rgyal po zhes brjod do// bcom ldan 'das ye shes mthong ba'i rgyal po de/ byang chub sems dpa' rnams la sems can thams cad kyi the tshom bcod cing / sems can thams cad kyi sems mgu' bar 'gyur ba zhes bya ba'i byang chub sems dpa'i sde snod kyi mdo ston to// de'i tshe na byang chub sems dpa' lnga brgyas/ byang chub sems dpa'i rnam par dag pa'i ye shes kyi stobs bshad pa thos nas/ 'di lta bu'i brtson 'grus kyi stobs bskyed par gyur to// 'di lta ste nam 'tsho'i bar du 'dug pa'i sems mi bskyed pa dang / nam 'tsho'i bar du gos su 'du shes pa mi skyed pa dang / nam 'tsho'i bar du bdag du 'du shes pa dang / sems can du 'du shes pa dang / skyes pa dang bu med du 'du shes pa mi skyed pa dang / nam 'tsho'i bar du zas mang du mi za zhing / 'di lta bu'i/ rnam par dag pa'i ye shes kyi stobs la nan tan byed do// brtson 'grus la rab tu 'bad pa'i byang chub sems dpa' lnga brgya po// de dag dge ba'i rtsa ba de nyid

  25. 328a

    @#/ kyi rgyu dang rkyen gyis tshe 'phos nas/ thams cad shar phyogs su sangs rgyas kyi zhing 'di nas khri phrag bcu 'das pa'i pha rol gyi sangs rgyas kyi zhing du skyes so// der skyes nas chos de la nan tan byas pas/ ring po ma thogs par sngon gyi gnas dran te/ dbang po rnon por gyur to// sangs rgyas kyi zhing de na tshad med pa'i me tog brtsegs pa'i rgyal po zhes bya ba'i de bzhin gshegs pa da ltar bzhugs te tshe skyong zhing chos kyang ston to// byang chub sems dpa' de dag lo bcu drug lon nas/ bcom ldan 'das tshad med pa'i me tog brtsegs pa'i rgyal po'i bstan pa la rab tu byung ste/ lo khri phrag drug bcu'i bar du gzhon nur tshangs par spyad pa spyod cing de lta bu'i brtson 'grus dang nan tan byed do// 'jig rten 'dzin byang chub sems dpa' lnga brgya po de dag da ltar de bzhin gshegs pa khri phrag nyi shu dang phrad de/ bcom ldan 'das de dag gi spyan ngar brtson 'grus shin tu brtsams pas/ dran pa dang bde ba dang / shes rab phul du gyur pa dang ldan par gyur to// tha ma bcom ldan 'das tshad med pa/ stobs mtho ba'i rgyal po zhes bya ba dang phrad nas/ bcom ldan 'das des lung bstan pa khyed bskal pa khri 'das nas/ bla na med pa yang dag par rdzogs pa'i byang chub tu mngon par 'tshang rgya'o zhes lung bstan to// byang chub sems dpa' lnga brgya po de dag kyang bskal pa khri'i bar du/ sangs rgyas stong phrag gnyis dang

  26. 328b

    phrad nas/ sangs rgyas kyi byang chub yongs su rdzogs te/ bskal pa gcig la bla na med pa yang dag par rdzogs pa'i byang chub tu mngon par sangs rgyas so// 'jig rten/ 'dzin de bas na byang chub sems dpa' sems dpa' chen po rnams/ myur du bla na med pa yang dag par rdzogs pa'i byang chub thob par 'dod pa dag rnam par dag pa'i ye shes kyi stobs la de ltar mos pa dang brtson 'grus dang / bag byed pa bskyed par rig par bya'o// de ci'i phyir zhe na/ 'jig rten 'dzin sangs rgyas rnams kyi bla na med pa yang dag par rdzogs pa'i byang chub thob pa'i rtsa ba ni/ mos pa dang brtson 'grus dang / bag byed pa dang / gzhan yang byang chub kyi tshogs su gyur pa'i chos gang sangs rgyas kyi chos phun sum tshogs par byed pa rnams so// 'jig rten 'dzin ngas de lta bu'i brtson 'grus kyis/ sangs rgyas khri phrag nyi shu dang phrad de/ sangs rgyas de dag gi chos kyang skyed pa'i gnas thams cad du dran pa dang ldan par 'gyur/ skye ba'i gnas thams cad sngon gyi gnas dran pas chos 'di bsgom pa la bar chad med de/ ngas mos pa dang brtson 'grus dang / bag byas pa'i las ma nyams pas rtag tu mos pa dang / brtson 'grus dang / bag byed pa dang ldan par gyur to// de'i tshe bcom ldan 'das thugs rje dang / byams pa chen po'i thugs kyis phyogs bzhir gzigs nas/ mngon par shes pa'i rdzu 'phrul gyi mthu bstan te/ stong gsum gyi stong chen po'i 'jig rten gyi

  27. 329a

    / khams kyi 'dzam bu'i gling kun tu sprul pa'i sangs rgyas dag bzhugs shing / sems can rnams la/ sems can thams cad the tsom gcod cing / sems can thams cad sems kyi sems mgu' bar byed pa/ byang chub sems dpa'i sde snod ces bya ba'i mdo ston par gyur to// gzhan yang rdzu 'phrul gyi mthus 'od ma'i tshal gyi 'khor gyi dkyil 'khor kun kyang / sprul pa'i sangs rgyas kyis 'dzam bu'i gling gang du bzhags shing so sor nas dam pa'i chos ston pa mthong nas/ 'khor gyi dkyil 'khor rnams rab tu dga' bar gyur ste/ 'dug pa las langs nas sangs rgyas la phyag 'tshal te/ 'di skad du ngo mtshar che'o// bcom ldan 'das sangs rgyas bcom ldan 'das kyi rdzu 'phrul gyi mthu bsam gyis mi khyab po// tshad med pa bsam gyis mi khyab pa'i chos lhun gyis grub po zhes smras so// de'i tshe bcom ldan 'das kyis 'khor mang po rnams la bka' stsal pa/ rigs kyi bu dag de bzhin gshegs pas bstan pa'i dngos po 'di dag ngo mtshar che ba ma yin no// de ci lta zhe na/ de bzhin gshegs pa chos nyid thugs su chud pas/ ba spu'i khung bu gcig nas kyang / mngon par shes pa'i rdzu 'phrul gyi mthus 'od zer ba skye nas phyog bcu'i 'jig rten gyi khams gang ga'i klung gi bye ma snyed snang bar mdzad cing / chos kyi gsung sgrogs kyang ba spu'i khung bu gcig nas bstan brgya stong gi cha gcig tsam yang rdzogs

  28. 329b

    ba ma yin te/ de bzhin gshegs pa ni de ltar bsam gyis mi khyab pa'i yon tan lhun gyis grub pa'o// rigs kyi bu dag de bzhin gshegs pa ni sems can dag gi bsam pa thugs su chud pas de la chos ston to// rigs kyi bu rnams da ltar gyi dus kyi sems can dag ni/ chos 'di spyod pa la mos pa nyung ngo // rigs kyi bu dag da ltar gyi dus kyi sems can dag ni/ chos 'di spyod pa la brtson 'grus rtsom pa nyung ngo // rigs kyi bu dag da ltar gyi dus kyi sems can dag ni/ chos 'di la bag byed bar spyod pa'ang nyung ngo // de ci'i phyir zhe na/ dus ngan pa'i sems can dag ni chos 'di la spyod pa'ang rab tu nyung ngo // de bzhin gshegs pa ni rnyog pa lnga'i 'jig rten ngan par byung ngo // 'di lta ste sems can gyi rnyog pa dang // lta ba'i rnyog pa dang / che'i rnyog pa dang / nyon mongs pa'i rnyog pa dang / bskal pa'i rnyog pa'o// rigs kyi bu dag chung ngu na sems can 'ga' zhig shin tu zab mo'i rnam par dag pa'i chos 'di la yid ches te/ sangs rgyas kyi shes rab la sbyin par byed na/ de ni shin tu ngo mtshar che ba yin na/ de bzhin gshegs pa'i spyod yul la mos pa lta ci smos/ rigs kyi bu dag nga rtag tu yun ring po nas de lta bu'i smon lam gyis brgyan cing / de lta bu'i brtson 'grus dang / bzod pa byas pa yang sdug bsngal gyis gzir ba'i sems can mgon med pa dang / skyabs med pa dang / ngan song du ltung ba dag

  29. 330a

    #gi phyir ro// nga de'i tshe na mngon par sangs rgyas nas/ skye bo grangs med/ tshad med pa dag la phan pa dang bde ba'i don byas so// rigs kyi bu dag de bas na de bzhin gshegs pa'i sngon gyi rnam par dag pa'i smon lam dang / brtson 'grus kyi byin gyis brlabs kyis sems can grangs med/ tshad med pa rnams/ 'di lta bu'i shin tu zab mo'i chos la dad cing yis ches pa dang / gzungs su 'dzin par gyur to// rigs kyi bu dag ngas sngon btul ba'i sems can dag nga'i chos 'di la yid ches par gyur to// rigs kyi bu dag ngas bcom ldan 'das kyi stobs bcu dang / mi 'jigs pa bzhis sems can dag 'di lta bu'i shin tu zab mo'i chos la yid ches par gyur to// sems can gang chos 'di la gnas pa ni kun kyang de bzhin gshegs pa'i dgongs pa'i mthu dang / thabs kyi dbang gis so// nga ni yun ring po nas de lta bu'i chos zab mo dang ma bral bas/ yun ring po nas byams pa chen po dang / snying rje chen po dang / dga' ba chen po dang / btang snyoms chen pos sems can dag rjes su bzung ste ma btang ngo // de bzhin gshegs pa ni rnyog po lnga'i 'jig rten ngan par sems can la phan pa'i don mdzad pa nyung ngo // de ci'i phyir zhe na/ rigs kyi bu dag sngon brtson 'grus chen po'i shugs dang / thabs mkhas pa chen po'i mthus sems can gyi don byas nas/ bla na med pa yang dag par rdzogs pa'i byang chub kyi

  30. 330b

    tshogs bsags so// rigs kyi bu dag ngas sngon 'das pa'i dus na sems can la phan pa dang / bde ba'i phyir nyi ma gcig la yang lus stong yongs su btang ste/ sbyin pa byas so// rigs kyi bu dag ngas sngon skyes bu bstong gi bar du sems can bkres skom pa dag mthong nas/ bdag gi lus kyi sha bcad de/ bcos nas/ nga de'i tshe na 'khrug pa 'am 'gyod pa'i sems ma skyes te/ sems can dag la khyab par snying rje chen po kun la skyes so// rigs kyi bu dag de ltar ngas brtson 'grus chen po dang / thabs mkhas pa chen po'i stobs kyis sems can gyi don byas nas/ bla na med pa yang dag par rdzogs pa'i byang chub kyi tshogs bsags par rigs par bya'o// de bas na rigs kyi bu dag de ltar mos pa dang brtson 'grus dang / bag byed pa la nan tan byas te/ bla na med pa yang dag par rdzogs pa'i byang chub kyi tshogs bsags par bya'o// ngas ji ltar byang chub sems dpa'i spyad pa spyod pa ltar khyed kyis kyang / de ltar nga dang 'dra bar sems can la phan pa dang bde ba'i don gyis shig/ rigs kyi bu dag bskal pa bzang po'i sangs rgyas bcom ldan 'das mngon par gshegs pa de dag thams cad 'di skad mi bstod pas gang yang med/ 'di lta ste/ 'di ltar bcom ldan 'das shag kya thub pa shin tu brtson 'grus brtsams so// 'di ltar bcom ldan 'das shag kya thub pa/ brtson

  31. 331a

    / 'grus phun sum tshogs so// 'di ltar bcom ldan 'das shag kya thub pa brtson 'grus kyi pha rol tu phyin pa dang ldan no// 'di ltar 'tsham ldan 'das shag kya thub pa/ byang chub sems dpa'i spyod pa spyad pa/ sems can gyi don byas te/ 'di ltar rnyog pa lnga'i 'jig rten ngan par byung nas/ sems can tshad med grangs med pa la/ phan pa dang bde ba'i don byas te zhes gsung ngo // rigs kyi bu dag gang de ltar byang chub kyi spyad pa spyod par 'dod pa dag mos pa dang / brtson 'grus dang bag byed pa la brtson par bya'o// rigs kyi bu dag ngas bla na med pa yang dag par rdzogs pa'i byang chub tu mngon par sangs rgyas kyang brtson 'grus rtsom pa las ma nyams te/ yongs su mya ngan las 'das pa'i bar tu yang brtson 'grus bskyed nas/ sku gdung yungs dkar gyi 'bras bu tsam du phra mor bsres te/ sku'i yan lag kyang rnam par bsres so// de ci'i phyir zhe na/ de yang phyi ma ma 'ongs pa'i sems can rnams la byams shing brtse ba'i phyir ro// nga sngon byang chub sem dpa'i spyad pa spyod pa'i tshe/ sems can btul ba dag spyod pa 'khrul cing nor par gyur nas/ 'gegs kyi gnas su ltung ba rnams 'don pa'i phyir/ thugs rje chen po bskyed nas sku gdung bsres te/ phra mo yungs kar gyi 'bru tsam yang rdzu 'phrul gyi mthu ston to// nga yongs su mya ngan las 'das nas/ sems can gang sku gdung gis

  32. 331b

    'dul bar 'gyur/ bdag sems rnam par dag par 'gyur ro// sems rnam par dag pas gnas thams cad du smon pa bzhin 'grub po// rigs kyi bu dag nga sngon byang / chub sems dpa'i spyad pa spyod pa'i tshe/ sems can dag la de lta bu'i thugs rje'i thugs lhun gyis grub pas/ sku gdung phra mor bsres te/ kun tu khyab par byas pa yang nga'i sngon gyi smon lam gyi dbang gis so// de ltar tshad med pa'i yon tan dang bsod nams kyi rgyu dang rkyen dang / thugs rje chen po'i shugs kyis/ phyi ma ma 'ongs pa'i dus ngan par skye'o mang po la skyob par gyur to// rigs kyi bu dag byang chub sems dpa' gang chos 'di la mos pa dang / brtson 'grus dang / bag med pa bskyed pa dag nges par phyi ma ma 'ongs pa'i dus na mdo sde 'di la sogs pa klog pa dang / 'don pa dang / 'dzin pa dang / gzhan la rgyas par ston par gyur cig ces smon par 'gyur te/ nga yang rdzu 'phrul gyi mthus byang chub sems dpa' de dag klog pa dang 'don pa dang / 'dzin pa dang / gzhan la yang rgyas par ston par byin gyis rlob po// ngas kyang mdo sde 'di dag klog pa dang / 'don pa dang / 'dzin pa dang / gzhan la rgyas par ston par 'gyur ba'i phyir/ byang chub sems dpa' de dag la yongs su gtams so// de ci lta zhe na/ rigs kyi bu dag mdo sde 'di gang na yod pa'i gnas de na sang+yas bzhugs par lta ste/ mya ngan las ma 'das par

  33. 332a

    rig par bya'o// de bas na de bzhin gshegs pas mdo sde 'di dag byang chub sems dpa' rnams la gtams so// rigs kyi bu de bas na ngas 'das pa'i dus na yang de lta ba'i rgyu dang rkyen gyis sems can rnams bsdus te/ ma btang bar rig par bya'o// da ltar gyi dus su yang sems can rnams bsdus te ma btang ngo // ma 'ongs pa'i dus na yang sems can yongs su sdud de mi gtong bar rig par bya'o// 'di lta ste/ mdo sde 'di lta bu dag dgongs shing bskyabs nas/ phyi ma ma 'ongs pa'i dus lnga rgya'i tha ma la yongs su rgyas par 'gyur ro// rigs kyi bu dag gal te/ da ltar gyi dus sam/ nga yongs su mya ngan las 'das pa'i 'og tu grong khyer ram/ grong rdal lam/ ri 'am/ nags tshal lam/ 'brog dag na mdo sde 'di dag yod de/ gang zhig 'chang ngam/ 'dzin tam/ klog gam/ 'don tam/ gzhan la ston cing 'chang na/ gnas de na sangs rgyas bzhugs par rig par bya'o// de ci'i phyir zhe na/ de'i rgyu de'i rkyen gyi ngas sangs rgyas rnams la chos kyi sku zhes brjod do// chos mthong bas na sangs rgyas mthong ba zhes brjod do// sangs rgyas la gzugs kyi skur mi blta'o// gang zag gang zhig chos 'di la dad dam/ chos 'di nyan na gang zag de ni sangs rgyas la dad pa dang / sangs rgyas kyi gsung rab nyan pa zhes bya'o// gang zag gang zhig bshad pa bzhin nan tan du'ang byed na gang zag

  34. 332b

    de ni sangs rgyas mthong ba zhes bya'o// gang zag de ni yang dag par smra ba/ chos su smra ba chos kyi rjes su spyod pa zhes bya'o// rigs kyi bu dag nga'i sku ni chos ma yin/ chos ma yin pa 'ang ma yin te/ chos kyi rjes su 'gro ba zhes bya'o// chos kyi sbyin pa byin pa'i mchog dam pa zhes bya ste/ chos la mi gnas chos ma yin pa la mi gnas pa'o// de yang ci lta zhe na/ gal te chos la gnas na sangs rgyas mthong ba zhes mi bya'o// rigs kyi bu dag chos thams cad la mi gnas pa ni// sangs rgyas mthong ba zhes bya'o// gang chos thams cad la mthong ba med pa ni/ sangs rgyas mthong ba zhes bya'o// de ci'i phyir zhe na/ de bzhin gshegs pa ni chos shes brjod par yang mi rung / chos ma yin zhes brjod par yang mi rung / chos su blta ba yin no// de ci lta zhe na/ rigs kyi bu dag mdo sde las kyang / dge slong gang nga'i chos shes par 'dod pa ni/ gzings dang 'dra bar chos kyang 'dor na/ chos ma yin pa lta ci mos te/ gang zhig chos dang chos ma yin pa la btang snyoms su gyur pa ni/ sangs rgyas mthong ba zhes bya'o// de ci'i phyir zhe na/ de bzhin gshegs pa ni chos thams cad la btang snyoms pa zhes bya'o// chos kyi ming la mi chags pa mi 'dzin pa ste/ chos kyi ming du yang mi lhung na/ chos ma yin pa'i ming du yang mi ltung ba lta ci smos/ rigs kyi bu dang chos thams cad kyi

  35. 333a

    @#ming la mi chags pa mi 'dzin pa ste/ chos kyi ming du yang mi lhung na/ chos ma yin pa'i ming du yang mi ltung ba lta ci smos/ rigs kyi bu dag chos thams cad kyi ming dang bral ba ni/ de bzhin gshegs pa zhes bya ste/ gang gis de ltar mthong ba ni/ de bzhin gshegs pa mthong ba zhes bya'o// de ci'i phyir zhe na/ chos thams cad mthong ba dang bral ba'i phyir/ de bzhin gshegs pa mthong ba zhes bya'o// chos thams cad dmigs su med pa'i phyir/ yang dag pa ji lta ba bzhin du chos thams cad shes shing mthong bas/ de bzhin gshegs pa mthong ba zhes bya'o// rigs kyi bu dag gal te chos thams cad dmigs su med cing / chos thams cad dang / bral ba de la chos dang chos ma yin pa'i ming du spros pa med cing / rtsod pa med de/ bya ba med pa/ bstan du med pa de ni de bzhin gshegs pa mthong ba zhes bya'o// gang zag gang zhig de lta chos mthong ba de de bzhin gshegs pa mthong ba zhes bya'o// gang gis de ltar de bzhin gshegs pa mthong ba de ni yang / dag pa mthong ba'o// gang de lta ma yin par mthong ba zhes bya'o// gang log par mthong ba ni yang dag par mthong ba ma yin pa ste/ gang zag de ni yang dag pa nyid mthong ba ma yin pa zhes bya'o// rigs kyi bu dag yang dag pa nyid mthong ba ni tshig dang / smra ba'i lam thams cad pa ste/ yang dag pa ma yin/ yang dag pa ma yin pa ma

  36. 333b

    yin/ yod pa yang ma yin med pa'ang ma yin te/ chos thams cad dang bral ba 'ang chos thams cad mi len pa/ chos thams cad la mi dmigs pa ste/ de ltar mthong ba de ni de bzhin gshegs pa mthong ba'o// de ci'i phyir zhe na/ rigs kyi bu dag de bzhin gshegs pa chos lta ba mi skyed do// chos thams cad kyi mtshan nyid dang bral bar mthong ba ni/ de bzhin gshegs pa mthong ba zhes bya ste/ gang de ltar mthong ba de ni yang dag par mthong ba'o// rigs kyi bu khyed kyis kyang de ltar de bzhin gshegs pa la blta'o// khyed kyis ngas bshad pa bzhin du de bzhin gshegs pa la brtag par bya'o// gang de ltar lta bas ni chos thams cad de bzhin gshegs pa yin par rig par bya'o// chos thams cad kyi de bzhin nyid thob pa dang / chos thams cad kyi yang dag pa nyid thob pa dang / chos thams cad yang dag pa ma yin pa'i mtshan nyid thob pa dang / chos thams cad de bzhin gshegs pa'i chos su shes pa dang / chos thams cad de bzhin gshegs pa'i spyod yul du 'ang shes pa dang / chos thams cad bsam gyis mi khyab pa'i spyod yul du shes par rig par bya'o// rigs kyi bu dag de bas na ngas chos thams cad de bzhin gshegs pa'i spyod yul yin par gsungs so// de bzhin gshegs pa'i spyod yul ni spyod yul med pa'o// de ci'i phyir zhe na/ chos thams cad kyi spyod yul

  37. 334a

    ma/ zhes bya ba de la chos gang yang spyod du med do// de bas na gang spyod yul med pa la de bzhin gshegs pa'i spyod yul zhes bshad do// chos thams cad kyi spyod yul ni spyod yul med pa ste/ spyod yul med pa de bzhin gshegs pa'i spyod yul zhes bya'o// de ci'i phyir zhe na/ chos thams cad kyi spyod yul ni ci yang med pa ste/ spyod yul med pa ni de bzhin gshegs pa'i spyod yul zhes bya'o// spyod yul thams cad ni de bzhin gshegs pa'i spyod yul du 'jug ste/ spyod yul ma yin pa'o// de bzhin gshegs pas chos de dag thugs su chud pa nas/ spyod yul med pa ni de bzhin gshegs pa'i spyod yul zhes bya'o// rigs kyi bu dag gang gis chos thams cad spyod yul med par shes na/ gang zag de ni de bzhin gshegs pa'i spyod yul la 'jug pa zhes bya'o// gang zag de ni de bzhin gshegs pa'i spyod yul rtogs pa zhes bya'o// gang zag de ni de bzhin gshegs pa'i spyod yul tshol ba zhes bya'o// gang zag de ni de bzhin gshegs pa'i spyod yul la ma chags pa zhes bya'o// de ci'i phyir zhe na/ gang zag de ni spyod yul med pa de la de bzhin gshegs pa'i spyod yul du shes/ spyod yul dang bral ba la de bzhin gshegs pa'i spyod yul du shes so// 'di lta ste/ chos thams cad ni dmigs su med pa brtag du med pa mi gnas pa'i phyir de bas no//

  38. 334b

    spyod yul ma yin pa ni de bzhin gshegs pa'i spyod yul lo// ye shes la zhugs pa'i spyod yul te/ chos thams cad la mi 'jug pa'i phyir ro// de ci lta zhe na// chos thams cad la sgo med pa'i phyir sgo des 'jug go// rigs kyi bu dag chos thams cad la ni 'jug pa yang med/ 'byung ba yang med/ gzugs kyang med do// de ci lta zhe na/ de bzhin gshegs pas chos thams cad la gang yang dmigs pa med na ci las byung / ji la 'jug ji zhig bstan/ ji zhig ston par 'gyur/ rigs kyi bu dag de ni chos thams cad kyi sgor zhags pa ste/ 'jug pa med pa'i mtshan nyid kyi phyir ro// chos thams cad ni 'dra ba yang med/ 'bral ba yang med/ bcings pa yang med grol ba yang med do// de ltar chos thams cad sgor ni sgo med pa'i phyir sgo de ni 'byung ba'i sgo ma yin/ 'jug pa'i sgo ma yin/ song ba'i sgo ma yin/ brjod pa'i sgo ma yin te/ mthar mi skyed pa'i sgo zhes bya'o// chos kyi sgo des na chos thams cad la shes pa med/ mthong ba med/ chos kyi sgo de ni chos la rigs par yang med/ 'jug pa yang med do// de ci'i phyir zhe na/ rigs kyi bu dag chos thams cad la sgo med de sgor dmigs su med pa'i phyir ro// na mkha' ni chos thams cad kyi sgo ste/ thog ma nas rang bzhin gyis rnam par dag pa'i phyir ro// chad pa med pa ni chos thams cad kyi sgo ste/ chad pa dmigs su med pa'i phyir ro// mtha' med pa ni

  39. 335a

    'jigachos thams cad kyi sgo ste/ mthar dmigs su med pa'i phyir ro// chad pa med pa ni chos thams cad kyi sgo ste/ mthar kyi dmigs su med/ pa'i phyir ro// tshad med pa ni chos thams cad kyi sgo ste/ tshad dmigs su med pa'i phyir ro// mu med pa ni chos thams cad kyi sgo ste/ mu dmigs su med pa'i phyir ro// rigs kyi bu gang rigs kyi bu 'am rigs kyi bu mo dag gang zhig/ chos kyi sgo 'dir zhugs na chos thams cad sgor zhugs pa dang / chos thams cad kyi sgor shes pa dang / chos thams cad kyi sgo ston pa zhes bya'o// gleng gzhi'i le'u ste gcig go// de nas bcom ldan 'das kyi byang chub sems dpa' 'jig rten 'dzin la 'di skad ces bka' stsal to// 'jig rten 'dzin byang chub sems dpa' sems dpa' chen po gang zhig chos thams cad kyi yang dag pa'i mtshan nyid thob par 'dod pa dang / chos rnam par 'byed pa'i mtshan nyid la mkhas par 'dod pa dang / gang dran pa'i stobs thob par 'dod pa dang / chos thams cad rnam par 'byed pa'i shes rab thob par 'dod pa dang / gang 'di lus bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag chos kyi sgo 'di la myur du 'jug par bya'o// chos kyi sgo 'dis shes rab kyi snang ba thob par 'gyur ro// de ci'i phyir zhe na/ chos kyi sgo 'dis

  40. 335b

    na myur du phun sum tshogs pa thob pa'i phyir ro// gzhan yang 'jig rten 'dzin byang chub sems dpa' sems dpa' chen po rnams chos kyi sgo 'di la nan tan du brtson par bya'o// gang chos la sbyor ba'i sgo 'di la zhugs pa ni/ phung po la sbyor ba dang / khams la sbyor ba dang / skye mched la sbyor ba dang / rten cing 'brel te 'byung ba'i chos/ la sbyor ba dang / dran pa nye bar gzhag pa bzhi la sbyor ba dang / dbang po lnga la sbyor ba dang / 'phags pa'i lam yan lag brgyad pa la sbyor ba dang / 'jig rten dang 'jig rten las 'das pa'i chos la sbyor ba rnam par 'byed pa la shin tu mkhas shing / gzhan yang 'das byas dang / 'das ma byas pa'i chos la sbyor ba dang / rnam par 'byed pa la shin tu mkhas par 'gyur ro// 'jig rten 'dzin de la ji ltar na byang chub sems dpa' phung po lnga la sbyor ba rnam par 'brel pa la mkhas pa gang zhe na/ byang chub sems dpa' sems dpa' chen po rnams nye bar len pa'i phung po lnga la yang dag par rtog pa ni 'di lta ste/ ma rig pa'i phung po ni nye bar len pa'i phung po'o// sdug bsngal gyi phung po ni nye bar len pa'i phung po'o// gti mug gi phung po ni nye bar len pa'i phung po'o// nad kyi phung po dang / shu ba'i phung po dang / zug rngu'i phung po ni nye bar len pa'i phung po lnga'o// byang chub sems dpa' rnams gzugs nye bar len pa'i phung po rnam par 'byed pa la brtag par bya'o// de la gzugs

  41. 336a

    ma chenanye bar len pa'i phung po rnam par 'byed pa la ji ltar brtag ce na/ gzugs nye bar len pa'i phung po de ni/ chen po bzhi las skyes pa ste/ gzugs nye bar len pa'i phung po zhes btag pa tsam du zad do// gzugs kyi phung po la rang bzhin med de/ chen po bzhi 'dus par zad do// gzugs kyi phung po zhes btags pa tsam mo// gzugs kyi phung po ni byas pa med pa/ byed pa med par bya ba med pa/ 'byung ba med pa'o// gzugs kyi phung po zhes bya ba ni sngon gyi las kyi rgyu dang rkyen dang / chen po bzhi 'dus pa las gzugs kyi phung po zhes btags pa tsam du zad kyi phung po ma yin pa de gzugs kyi phung po yin no// dper na na mkha'i phung po dang 'dra ste/ yang dag pa'i skye ba'i mtshan nyid med do// gang na mkha'i phung po zhes brjod pa de la chos gang yang ma skyes te/ ming tsam yod pa'i phyir/ nam mkha'i phung po zhes bya'o// byis pa so so'i skye bos phung po dang / phung po'i mtshan nyid med pa 'di la phyin ci log gi sems kyis/ yang dag pa ma yin par yang dag par 'dzin te/ bdag phung po lnga'o// bdag gi phung po lnga'o// bdag gzugs kyi phung po'o// bdag gi gzugs kyi phung po zhes de ltar zhen to// de ltar byis pa so so'i skye bo dag gzugs la zhen nas/ gzugs la bdag dang bdag gi pa dang / gzugs yod pa dang / gzugs su 'dzin pa dang / gzugs su len pa dang / gzugs la zhen/

  42. 336b

    pa dag gzugs la gnas shing rten/ sdig pa mi dge ba'i las rnam pa sna tshogs spyod cing myong bar byed do// bdag cag gis ni byis pa so so'i skye bo'i rjes su bslab pa'i ma rigs kyi/ bdag cag gis brtson 'grus bskyed de/ byang chub kyi chos kyi chos bsgom pa la nan tan bya'o// gzugs kyi phung po la yang dag pa ji lta ba bzhin brtag par bya ba'i rigs so// byang chub sems dpa' rnams gzugs kyi phung po la yang dag par ji lta ba bzhin du rtogs pa'i tshe/ chu'i dbu ba dang 'dra bar shes so// de lha ji ltar na chu'i dbu ba dang 'dra bar shes pa zhe na/ dbu ba med pa ni chu'i dbu ba ste/ de yang rkyen mang po las skyes su zad kyi gzung zhing bcing du mi bzod/ sra ba 'am/ snying po med pas/ chu'i dbu ba de la chu'i mtshan nyid med de/ gang dbu ba med pa la chu'i dbu ba zhes bya ba bzhin du gzugs kyi phung po yang de dang 'dra ste/ gzugs kyi phung po la phung po'i mtshan nyid med do// byang chub sems dpa' rnams de ltar rtog pa'i tshe/ 'di snyam du'ang byis pa so so'i skye bo ni yang dag pa ma yin pa'i gzugs la yang dag pa ji lta ba bzhin mi rtogs/ yang dag pa ji lta ba bzhin du gzugs mi rtag par mi shes/ yang dag pa ji lta ba bzhin du gzugs kyi mtshan nyid mi shes so snyam nas/ bdag cag yang dag pa'i lam la zhags pas/ yang dag pa ma yin pa dang / gzugs la zhen par mi bya'o// de ci'i phyir zhe na/ gzugs zhen par bya ba'i mtshan nyid

  43. 337a

    'jig rten/ ma yin te/ ming tsam du zad kyi nges pa'i mtshan nyid med do// de ltar gzugs ni nges pa'i mtshan nyid med cing / ming dang yang bral ba'i phyir/ gzugs shes bya'o// yang gzhan du na gzugs ni 'jig pa'i mtshan nyid yin te/ mkhas pa dag gis ni khong du chud pas mtshan ma med par shes so// bdag cag gis gzugs mtshan ma med pa'i sbyor ba bsgom pa la mkhas par bya ba'i/ gzugs kyi mtshan ma la zhen par mi bya'o// gang zag gang zhig gzugs kyi mtshan ma la zhen na/ gzugs la zhen na gzugs la zhen pa zhes bya'o// bdag cag gis gzugs kyi mtshan mar 'jug pa la shin tu mkhas par bya'o// byang chub sems dpa' de ltar yang dag pa ji lta ba bzhin rtog pa'i tshe/ yang dag pa ji lta ba bzhin gzugs la rnam par 'byed pa rtogs nas/ gzugs kyi phung po de yang / byis pa so so'i skye bo dag gis rnam par brtags pa'i 'du shes las byung bar shes so// de ltar chos rnams rnam par brtags pa'i 'du shes las byung bas/ de ni ma skyes pa ste rnam par brtags pa'i 'du shes thams cad ni yang dag pa ma yin pas/ byis pa so so'i skye bo phyin ci log la brten cing gnas nas/ gzugs shes bskyed de/ gzugs kyi rnam par bcings so// gzugs kyis brtses pas sdug bsngal gyis gdungs pas de 'khor bar gyur to// ma rig pa dang gti mug gis mdongs pas/ gzugs su zhen to mi gtong nas/

  44. 337b

    gzugs la rtag pa dang / sra ba dang / snying po yod par lta bas/ de ltar byis pa so so'i skye bo gzugs kyi bcing bas bcings te/ sems can dmyal ba dang / byol song dang / yi dgas dang / lha dang mi rgyun tu 'khor ro// gzugs kyi ro la shin tu chags te/ gzugs de la nyes pa'i skyon mang po yod par mi lta'o// bdag cag gis byis pa so so'i skye bo'i rjes su bslab par mi bya'o// gzugs kyi sbyor ba rnam par 'byed pa bsgom pa la brtag par bya'o// gzugs rnam par 'byed pa bsgom pa la brtag par bya'o// gzugs rnam par 'byed pa la rtog pa'i tshe/ gzugs kyi rang bzhin rmi lam dang 'dra bar mthong ngo // 'di lta ste rmi lam gyi nang na gzugs mthong ba de ni rnam par brtags pa'i 'ang shes tshor ba dang / rtog pa las skyes te mthong ba dang / thos pa dang / tshor ba dang / 'du shes dang / brten cing 'brel par 'byung ba yang bskyed de/ bdag dang gzhan du yang shes so// sa dang chu dang / me dang / rlung du yang mthong ngo // ri dang chu dang / nags tshal la sogs pa mthong ste/ de ltar rmi lam gyi gzugs kyi mtshan ma de la nges par chad pa med de/ rnam par rtags pa'i 'du shes las gzugs kyi phung po'i mtshan mar bskyed pa yang de bzhin te/ sngon gyi las kyi rgyu dang rkyen las skyes te/ nges pa'i rang bzhin can ma yin no// byang chub sems dpa' rnams de ltar yid la byed pa na/ gzugs la bdag gam/ bdag gi bar mi len no// yang dag pa ci lta ba bzhin du gzugs

  45. 338a

    'jigal rtog ste/ yang dag pa ji lta ba bzhin du mi rtogs pa'i mtshan nyid dang / yang dag pa ma yin pa phyin ci log tu rtog go// sems can dag ni phyin ci log gis bslad pas/ gzugs la bdag gzugs/ bdag gis gzugs gzhan/ gzugs gzhan gyi gzugs su zhen cing 'dzin to// de ltar gzugs rnam par 'byed pa la rtog pa'i tshe/ gzugs mi dmigs/ gzugs kyi rang bzhin mi mthong / gzugs mi rtag pa la yang mi chags so// byang chub sems dpas de'i tshe/ gzugs la chags pa dang / 'dzin pa thams cad bsal te/ med par gyur na/ gzugs kyi yang dag pa'i mtshan nyid la shin tu mkhas pa yin/ gzugs mnyam pa'i mtshan nyid shes pa yin/ gzugs 'gog pa'i mtshan nyid shes pa yin/ gzugs 'gog pa'i lam gyi mtshan nyid la mkhas pa yin/ gzugs kyi phung po gang nas kyang ma 'ongs la gang du yang mi 'gro bar rab tu rtogs so// de ltar rtog pa'i tshe na lus dang gzugs kyi phung po de las kyi 'bras bu rnam par smin pa dang / rnam par brtags pa las skyes ste/ chen po bzhir 'dus pa las byung bar shes so// lus kyi gzugs kyi phung po ni bdag ma yin/ gzhan ma yin/ bdag po med de/ gang las kyang ma 'ongs/ gzugs kyi phung po la de ltar rtogs pas/ nang gzugs la mi chags/ mi len/ phyi'i gzugs la mi chags mi len/ 'das pa'i gzugs

  46. 338b

    la mi chags mi len/ ma 'ongs pa'i gzugs la mi chags mi len/ da lta'i gzugs la yang mi chags mi len te/ gzugs kyi phung po thams cad la ma skyes pa'i mtshan nyid du shes so// da ltar byang chub sems dpa' de'i tshe/ gzugs mi 'gag/ gzugs 'gag pa'i chos tshol mo// 'jig rten 'dzin de ltar na byang chub sems dpa' sems dpa' chen po rnams gzugs rnam par 'byed pa la rtog pa zhes bya'o// 'jig rten 'dzin de la ji ltar na byang chub sems dpa' sems dpa' chen po rnams/ tshor ba nye bar len pa'i phung po rnam par 'byed pa la rtog pa'i tshe na/ byang chub sems dpa' 'di snyam du sems te/ bde bar tshor ba dang / sdug bsngal du tshor ba dang / bde ba yang ma yin/ sdug bsngal ba yang ma yin par tshor ba 'di ni/ rten cing 'brel bar 'byung ba las byung ste/ rgyu dang rkyen la rag las pa tshor ba'i mtshan nyid la zhags na/ de la tshor bar byed pa med de/ zhen pa tsam du zad do// zhen pa de na yang dag pa ma yin te/ yang dag pa ma yin pa'i kun tu brtags pa las skyes pa'o// / de ltar byang chub sems dpa' des 'di snyam du sems dpa' na yang 'di snyam du/ byis pa so so'i skye bo ni dag pa ma yin pa'i kun tu rtog pa'i tshor bas bcings nas/ tshor ba rnam pa gsum gyis rnam par gtses so// 'di lta ste/ bde ba dang / sdug bsngal dang / bde ba yang ma yin/ sdug bsngal yang ma yin pa'i tshor ba rnams so// byis

  47. 339a

    pa so so'i skye bo dag gal te/ bde bar 'tshor ba na 'dod pa'i nyon mongs pas bkol te/ 'dod pa'i nyon mongs pas/ nyon mongs pa'i phyir mi dge ba'i las rnam pa sna tshogs bskyed do// gal te sdug bsngal du tshor ba na/ zhe sdang gi nyon mongs pas bkol te/ zhe sdang gi nye ba'i nyon mongs pas/ nyon mongs ba'i phyir/ mi dge ba'i las rnam pa sna tshogs bskyed do// gal te bde ba yang ma yin/ sdug bsngal yang ma yin pa'i tshor ba ni/ ma rig pa'i nyon mongs pas bkol/ te/ ma rig pa'i nye ba'i nyon mongs pa'i phyir zlos pa'i mya ngan dang / smre sngags 'don pa dang / sdug bsngal gyis gdungs pa las rnam par grol bar gyur to// bdag gis byis pa so so'i skye bo'i rjes su bslab par mi bya'o// chos rnams kyi yang dag pa nyid la brtag par bya'o// bdag cag gis yang dag pa ji lta ba bzhin tshor ba la rtag par bya'o// byang chub sems dpa' rnams yang dag pa ji lta ba bzhin tshor ba'i phung po brtags nas/ yang dag pa ji snyam du phung po ma yin pa ni tshor ba'i phung po ste/ rnam par brtags pa las skyes pa/ phyin ci log dang ldan pas tshor ba byed pa med de/ sngon gyi las kyi rgyu las skyes so// de ltar gyi rkyen tshor ba rnams myong ste/ rang bzhin gyis stong pas tshor ba la tshor ba'i mtshan ma med do// byang chub sems dpa' rnams tshor ba'i phung po la tog pa na/ chu la chu bur lta bu skyes nas 'gags te/ nges par

  48. 339b

    chad pa med par chud pa bzhin/ tshor ba'i phung po yang de dang 'dra ste/ rgyu dang rkyen 'brel pa las skyes te/ rgyu dang rkyen la rag las pas skad cig kyang mi gnas te/ yang / dag pa ma yin pas rnam par brtags pa'i phyir phyin ci log las skyes so// byang chub sems dpa' dag de'i tshe na yang 'di snyam du byis pa so so'i skye bo dag ni snying rtse ba'i gnas yin no// tshor ba'i phung po la yang dag pa ji lta ba bzhin mi rtog pas/ tshor ba rnams kyis nyon mongs par gyur to// bde ba'i tshor ba la'ang chags/ sdug bsngal gyi tshor ba la yang chags/ bde ba yang ma yin no// sdug bsngal yang ma yin pa'i tshor ba yang chags pa bskyed do// tshor ba rnams kyis bcings pas/ 'khor ba na 'khor zhing lus gcig nas lus gcig tu rgyun mi chad de/ tshor ba'i nyon mongs pas ni tshor ba'i phung po'i mtshan nyid yang dag pa ji lta ba mi shes pa'i phyir ro// bdag cag gis byis so so'i skye bo'i rjes su bslab par mi bya'o// yang dag pa ji lta ba bzhin/ tshor ba'i phung po rnam par 'byed pa la brtag par bya'o// de'i tshe yang dag pa ji lta ba bzhin tshor ba'i phung po la rtog pa ni/ phung po med pa'i tshor ba'i phung po yin pa dang / yang dag pa ma yin pa'i phung po de tshor ba'i phung po yin pa dang / byin ci log gi phung po de tshor ba'i phung po yin pa dang / mi gnas pa'i phung po de tshor ba'i phung po yin par rtogs te/ de'i tshe na yang dag pa ji lta ba bzhin du tshor ba'i phung po'i ma

  49. 340a

    'jiganyid mthong ste/ byas pa med byed pa med de/ tshor ba'i phung po la tshor ba'i phung po'i mtshan nyid kyang mi mthong ngo // de ltar tshor ba'i phung po po la rtog pa na/ tshor ba'i phung po la nang na gnas par mi mthong / tshor ba'i phung po la phyi rol na gnas par mi mthong ste/ tshor ba bdag ces pa la mi chags/ tsher ba bdag gi zhes pa la mi chags pas/ tshor ba'i phung po la gang nas kyang ma 'ongs la bdag po med te/ chos gang gis ma bskyed par shes so// tshor ba de ni phyin ci log dang ldan pa dang / sngon gyi las kyi 'bras bu rnam par smin pa las tshor ba'i phung po zhes rnam grangs su brtags par shes so// tshor ba'i phung po la yang dag par ma yin pa'i rgyu dang rkyen rgyun mi 'chad par spod par mthong ste/ de'i dus na 'das pa'i tshor ba'i phung po la mi len mi chags/ mi zhe na/ ma 'ongs pa'i tshor ba'i phung po la yang mi len mi chags mi zhen na da ltar gyi tshor ba'i phung po la yang mi len mi chags mi zhen te/ gang zag des bde ba'i tshor ba las/ 'dod pa'i kun nas nyon mongs pa sel to// sdug bsngal gyi tshor ba las zhe sdang gi kun nas nyon mongs pa sel to// bde ba yang ma yin sdug bsngal yang ma yin pa'i tshor ba las/ ma rig pa'i kun nas nyon mongs pa shes pas/ brtson 'grus rab tu rtsom mo// byang chub sems dpas de'i tshe/ gal te bde ba'i tshor ba myong ba na 'dod/

  50. 340b

    pa'i sems mi skye/ sdug bsngal gyi tshor ba myong ba na zhe sdang gi sems mi skye/ bde ba yang ma yin sdug bsngal yang ma yin pa'i tshor ba myong ba na/ gti mug gi sems mi skye bo// 'jig rten 'dzin gyis byis pa so so'i skye bo dag ni phal cher bde ba'i tshor ba myong ba ni 'dod pa skye'o// sdug bsngal gyi tshor ba myong bas na zhe sdang skye'o// bde ba yang ma yin/ sdug bsngal yang ma yin pa'i tshor ba myong ba na gti mug skyes te/ de ltar byis pa so so'i skye bo dag ni 'dod chags dang / zhe sdang dang / gti mug gi dbang gis mdongs par gyur pas/ tshor ba'i phung po yang dag pa ji lta ba bzhin mi shes 'dod chags dang / zhe sdang dang / gti mug gi mtshan nyid mi shes pas/ 'dod chags dang / zhe sdang dang / gti mug la bdag dang / bdag gi ba dang / 'di dang gzhan du chags shing 'dzin no// 'jig rten 'dzin byang chub sems dpa' sems dpa' chen po rnams tshor ba'i phung po 'di la yang dag pa ji lta ba bzhin du rtogs pa ni/ 'dod chags dang / zhe sdang dang / gti mug gi dbang du mi 'gyur ro// gal te 'dod chags dang / zhe sdang dang / gti mug skyes na yang de ma thag tu yongs su sel cing yang dag pa'i lam la nan tan byed par 'gyur ro// bde ba'i tshor ba las ni 'dod chags kyi kun nas nyon mongs pa bsal ba'i phyir brtson 'grus rtsom mo// sdug bsngal gyi tshor ba las ni zhe sdang gi kun nas nyon mongs

  51. 341a

    #pa bsal ba'i phyir brtson 'grus brtsom mo// bde ba yang ma yin sdug bsngal yang ma yin pa'i tshor ba myong ba las ni/ gti mug gi kun nas nyon mongs pa bsal ba'i phyir/ brtson 'grus brtsom te/ yang dag pa ji lta ba bzhin du tshor ba rnam pa gsum shes par byed do// de'i tshe na ji tsam du tshor bar 'gyur ba gal te/ bde bar tshor ba dang / sdug bsngal bar tshor ba dang / bde ba yang ma yin/ sdug bsngal ba yang ma yin pa'i tshor ba kun la'ang ma chags ste/ ring du gyur na'ang 'dod chags kyi kun nas/ nyon mongs pa dang bral bar gyur/ gti mug gi kun nas nyon mongs pa dang bral bar gyur te/ tshor ba 'byung ba'i des na tshor ba'i phung po la yang dag pa ji lta ba bzhin du mi rtag pa dang / yang dag pa ji lta ba bzhin du mthong zhing shes par 'gyur ro// gal te de ltar shes nas tsher ba'i phung po la/ 'dod pa'i chags pa yongs su gcod par 'gyur te/ yongs su gcod pa'i tshor ba la zhugs pas/ 'dod cing chags pa'i lam dag du tshor ba rnams kyis nyon mongs par mi 'gyur ro// de ltar byang chub sems dpa' rnams kyis gal te/ de ltar yang dag pa ji lta ba bzhin/ tshor ba'i phung po rtogs shing yang dag pa ji lta ba bzhin/ tshor ba'i phung po shes nas/ tshor ba'i phung po'i kun 'byung dang / tshor ba'i phung po 'gog pa dang / tshor ba'i phung po'i 'gog pa'i lam yongs

  52. 341b

    su shes par 'gyur ro// de nas tshor ba'i phung po la ma skyes pa'i mtshan nyid du 'du shes/ ma skyes pa'i mtshan nyid kyis tshor ba'i phung po la mtshan ma med par khong / du chud cing rtogs par 'gyur ro// 'jig rten 'dzin 'di dag ni byang chub sems dpa' sems dpa' chen po rnams tshor ba'i phung po rnam par 'byed pa la rtog pa zhes bya'o// 'jig rten 'dzin de la ji ltar byang chub sems dpa' sems dpa' chen po rnams 'du shes kyi phung po rnam par 'byed pa la rtog pa zhe na/ byang chub sems dpa sems dpa' chen po rnams/ yang dag pa ji lta ba bzhin 'du shes kyi phung po la rtog pa'i tshe/ 'du shes kyi phung po de phyin ci log las skyes te/ de yang dag pa ma yin pa/ snying po med pa/ mi brtan pa/ thog ma nas ma skyes pa'i mtshan nyid chad pas rgyu dang rkyen 'das pa/ sngon gyi las kyi mthu las 'byung ba mthong ngo // yang 'di snyam daphung po ma yin pa ni 'du shes kyi phung po ste yang dag pa ma yin pa'i phung po ni 'du shes kyi phung po'o// phyin ci log gi phung po ni 'du shes kyi phung po'o// 'du shes kyi phung po la 'du shes kyi phung po'i mtshan ma med pa ni/ dper na dbyar gyi smig rgyu ba lta bu'i ming tsan ste/ smig rgyu'i phung po dang / 'dra bar 'du shes kyi phung po 'di yang de dang 'dra ste/ rnam par shes pa'i 'du shes kyis/ 'du shes zhes brtags so// byis pa so so'i skye bo ni yang dag pa ma yin pa 'du shes

  53. 342a

    'jiga'adis bcings te/ bde ba rnam par shes/ sdug bsngal du rnam par shes/ bde ba yang ma yin/ sdug bsngal yang ma yin par rnam par shes/ grang ba dang / tsha bar rnam par shes/ skyes pa dang bud med du rnam par shes/ lam dang rgyud lngar 'khor bar rnam par shes/ 'das par rnam par shes// 'gyes par rnam par shes/ 'das par rnam par shes/ ma 'ongs par rnam par shes/ da ltar gyi rnam par shes/ bzang por rnam par shes/ ngan par rnam par shes/ yod par rnam par shes/ med par rnam par shes so// byis pa so so'i skye bo 'di shes ni phyin ci log yang dag pa ma yin pa'i dbang du gyur pas/ rgyu dang rkyen la rag lus te/ 'du shes kyi phung po zhes btags pa tsam du zad do// de la ni nang ngam phyi rol na 'du shes bya ba med de/ byis pa so so'i skye bo dag ni yang dag pa ma yin pa'i 'dra shes kyis bcings pas 'dod chags su rnam par shes/ zhe sdang du rnam par shes/ gti mug tu rnam par shes/ bu dang chung mar rnam par shes// byis pa so so'i skye bo dag ni 'du shes kyi phung po la gnas te/ yang dag pa ma yin pa la tshogs pas 'du shes kyi phung pos 'khor bar gyur te/ yang dag pa ji lta ba bzhin du/ 'du shes kyi phung po yang dag pa ma yin/ bar ma'i rtogs so// byis pa so so'i skye bo dag ni bdag tu 'du shes pha rol por 'du shes so// skyes pa

  54. 342b

    dang bud med du 'du shes ste/ 'du shes kyi phung pos bcings pas rnam par ma grol te/ bdag 'du shes kyi phung po yin pa dang / bdag gi ba 'du shes kyi phung po yin par chags shing 'dzin to// bdag cag ni byis pa so so'i skye bo'i rjes su bslab par mi bya'o// byang chub sems dpa' sems dpa' chen po rnam de ltar yang dag pa ji lta ba bzhin du/ 'du shes kyi phung po la rtog na/ 'du shes kyi phung po de la 'du shes kyi phung por mi dmigs pa ni smig rgyu ba'i phung po la/ smig rgyu phung por mi dmigs pa bzhin no// byang chub sems dpa'i 'du shes kyi phung po la smig rgyu ba nyid du mthong bas/ 'das pa'i 'du shes kyi phung po la mi chags mi len mi zhe na/ ma 'ongs pa'i 'du shes kyi phung po la mi chags mi len mi zhe na/ da ltar gyi 'du shes kyi phung po la mi gnas bdag dang gzhan du rnam par mi rtog ste/ 'du shes kyi phung po 'gog pa la nan tan byed cing / 'du shes kyi phung po la lam ma skyes par khong du chud do// 'du shes kyi phung po la ma 'ongs pa'i gnas dang / song ba'i gnas yod par mi mthong ste/ phyin ci log dang ldan pa dang / sngon gyi las kyi rgyu las skyes te/ da ltar gyi rkyen gyis rnam par bcings so// phung po med pa ni 'du shes kyi phung po'o// 'du shes kyi phung po la ma 'ongs pa'i gnas kyang med/ song ba'i gnas kyang med par 'byed cing rtog na/ 'du shes kyi bud

  55. 343a

    po ma skyes par khong du chud do// 'du shes kyi phung po dgag par rnam par mi rtog pa ni 'du shes kyi tshor ba thams cad dgag pa'i phyir/ yang dag pa ji lta ba bzhin shes shing mthong ba la gnas pa'i phyir ro// byang chub sems dpa' yang dag pa ji lta ba bzhin du 'du shes kyi phung po la rtog pa'i tshe/ 'du shes kyi bung po dang bral te/ 'du shes kyi lam la mi gnas pa/ 'du shes kyi phung po yang dag pa ji lta ba bzhin du shes shing mthong ba la gnas pa dang / 'du shes kyi phung po la mi chags par yang dag pa ji lta ba bzhin du 'du shes kyi phung po thams cad rnam par 'byed cing rtog pa dang / yang dag pa ji lta ba bzhin du 'du shes kyi phung po'i kun 'byung dang / 'gog pa dang / zad pa shes so// 'jig rten 'dzin de ltar na byang chub sems dpa' sems dpa' chen po rnams/ 'du shes kyi phung po rnam par 'byed pa rtog pa zhes bya ste/ 'du shes kyi phung po la chags pa dang bral bas/ 'du shes kyi phung po la chags pa gcad pa'i lam la nan tan byed par 'gyur ro// 'du shes kyi phung po la chags pa dang bral bas/ 'du shes kyi phung po chags pa gcad pa'i lam la/ nan tan byed par 'gyur ro// 'jig rten 'dzin chen po zhes bya ba'i mdo/ bam po gnyis pa/ 'jig rten 'dzin de la ji ltar na/ byang chub sems dpa' sems dpa' chen po 'du byed kyi phung po rnam par 'byed pa la rtog pa zhe na/ 'jig rten 'dzin byang chub

  56. 343b

    sems dpa' sems dpa' chen po 'du byed kyi phung po 'di ni phyin ci log las skyes te/ yang dag pa ma yin pa'i kun tu brtags pa tsam du yod pa rtogs so// byang chub sems dpa' de'i tshe/ lus kyis 'du byed pa dang / ngag gis 'du byed pa dang / yid kyis 'du byed pa dang / kun la mi gtsang ba dang / mi rtag pa dang / sdug bsngal ba dang / stong pa nyid dang / bdag med par rtog go// de ltar rtog pa'i tshe/ 'di snyam du phung po ma yin pa ni 'du byed kyi phung po'o// sdug bsngal gyi phung po ni 'ang byed gyi phung po'o// rten cing 'brel te 'byung ba'i phung po ni 'du byed kyi phung po'o// gzugs brnyan gyi phung po ni 'du byed kyi phung po'o// 'du byed kyi phung po ni mi 'brel ba mi 'brib ma bsdus pa'o// lus kyis 'du byed pa dang / ngag gis 'du byed pa dang / yid kyis 'du byed pa byas pa mi med de/ mkhas po dag ni 'di byed kyi phung po de la mi chags mi len te// de ci'i phyir zhe na/ lus kyis 'du byed pa rnams/ lus kyi nang na mi gnas/ lus kyi phyi rol na mi gnas so// gnyi ga'i bar na mi gnas so// / ngag gis 'du byed pa dang / yid kyis 'du byed pa yang de bzhin du nang na mi gnas/ phyi rol na mi gnas/ gnyi ga'i bar na mi gnas te/ 'du byed kyi phung po la/ 'du byed kyi phung po'i mtshan ma med do// de ci'i phyir zhe na/ 'du byed kyi phung po de ni rgyu dang rkyen mang po dang / phyin ci log dang / yang dag pa ma yin pa dang / sngon gyi las kyi

  57. 344a

    #'bras bu rnam par smin pa las skye te/ rgyu dang rkyen gyis bzung bas naH/ 'du byed rnams byas par gyur to// lus kyis 'du byed pa dang / ngag gis/ 'du byed pa dang / yid kyis 'du byed pa kun kyang yang dag par 'du byed pa ma yin/ ji'ang 'du byed pa med/ yang dag pa ma yin pa las 'du byed pa/ phyin ci log tu 'du byed pa ste/ de byas na 'du byed ma yin pa la 'du byed kyi phung po zhes btags so// de ci'i phyir zhe na/ mkhas pa de dag gis ni/ 'du byed kyi mtshan nyid la nges pas lus kyis 'du byed pa dang / ngag gis 'du byed pa dang / yid kyis 'du byed pa dang / gnas 'din 'am/ gnas gzhan na 'am/ nang ngam phyi rol na gnas par ma nges pa'i phyir ro// lus dang ngag dang yid kyis 'du byed pa yang / 'du byed kyi mtshan nyid du nges pa med/ dmigs su med brjod du med na/ 'du byed kyi phung po dmigs su yod pa 'am/ brjod du med pa lta ci smos te/ de bas na phung po med pa ni 'du byed kyi phung po zhes bya'o// byis pa so so'i skye bo dag ni phyin ci log tu 'du shes bskyed nas/ lus dang ngag dang yid kyi 'du byed pa la chags te/ 'du byed kyi phung po la rnam par rtog pas/ 'du byed kyi phung pos bcings te/ 'khor ba na 'khor bar gyur to// byis pa so so'i skye bo dag phyin ci log gi dbang du gyur pas/ lus dang ngag dang / yid kyi 'du byed skyed de/ de la 'dzin cing chags pas/ chos ma yin pa la

  58. 344b

    chos su 'du shes/ phung po med pa la phung por 'du shes so// phyin ci log gi 'du byed la chags pas/ des rnam par bcings ste/ lam rgyud lngar 'khor cing rtag tu/ lus dang / ngag dang yid kyi 'du byed kyi rjes su spyod de/ yang dag pa ji lta ba bzhin du mi rtogs/ yang dag pa ji lta ba bzhin du 'du byed kyi phung po ma rtogs pas/ lus dang ngag dang yid kyi sgo nas 'du byed rnams bskyed par gyur to// byis pa so so'i skye bo dag phyin ci log la chags pa'i phyir/ de kho na nyid ma yin pa'i chos la chags pa'i phyir/ yang dag pa ma yin pa la chags pa'i phyir/ 'du byed kyi phung po zhes bya'o// 'jig rten 'dzin byang chub sems dpa' rnams 'di la de ltar yang dag pa ji lta ba bzhin du brtags na/ 'du byed rnams kyi dngos po med de/ rab tu mthu chung ba/ rgyu dang rkyen mang po 'dus pa las 'du byed kyi phung po zhes brjod cing btags te/ de la yang dag par 'du byed kyi phung po med par rtogs so// phung po med pa ni 'du byed kyi phung po'o// thog ma nas ma skyes pa ni 'du byed kyi phung po'o// rang bzhin med pa ni 'du byed kyi phung po'o// 'du byed rnams kyi lA ma'i mtha' 'ang dmigs su med/ phyi ma'i mtha' 'ang dmigs su med/ bar gi mtha' 'ang dmigs su med/ mi gnas pas 'du byed rnams ni skad cig gis skye zhing 'gog pa'i chos can no// 'jig rten 'dzin byang chub sems dpa' rnams de ltar yang dag pa ji lta/

  59. 345a

    #bzhin du 'du byed kyi phung po la stong pa nyid dang / dmigs su med pa dang / sra ba'i rang bzhin med pa dang / spu'i zhag ma tsam yang dmigs su/ med par rtogs so// de ltar bsam nas byis pa so so'i skye bo dag snying po med pa'i chos kyis rnam par bcings pa dang / 'du byed kyi phung pos rnam par bcings pa dang / chags pas bcings te/ lus dang / ngag dang / yid kyi sgo nas 'du byed bskyed do// bdag du 'du byed pa dang / bdag gi bar 'du byed bskyed de/ de lta bu'i las bskyed pas 'du byed kyi phung pos rnam par bcings nas/ 'du byed kyi phung po nyid ma rig pa gti mug yin par mi shes te/ 'du byed kyi phung po la yang dag pa nyid du rtog go// de ltar phyin ci log gi dbang du gyur par/ de la chags shing 'dzin te// gang zag des de ltar 'du byed kyi phung po la chags shing 'dzin pas/ bar bar ni sdug bsngal bar 'du byed/ bar bar ni bde ba 'ang ma yin sdug bsngal ba yang ma yin par 'du byed do// gang zag des bde ba la 'du byed pas/ bde ba'i lus thob po// sdug bsngal la 'du byed pas/ sdug bsngal gyi lus thob po// bde ba 'ang ma yin sdug bsngal ba yang ma yin pa la/ 'du byed pas/ bde ba 'ang ma yin/ sdug bsngal ba'ang ma yin pa'i lus thob po// gang zag des bde ba'i lus thob pas/ de la 'dod pa bskyed do// sdug bsngal gyi lus

  60. 345b

    thob pas/ zhe sdang bskyed do// bde ba yang ma yin/ sdug bsngal ba'ang ma yin pa'i lus thob pas/ gti mug bskyed do// gang zag des de ltar 'dod chags/ dang / zhe sdang dang / gti mug gi dbang du gyur pas 'du byed kyi nyes pa'i skyon ma mthong nas/ lus dang ngag dang yid kyi 'du byed rnam par ma dag go// gang zag de de lta bur lus dang ngag dang yid kyi 'du byed rnam par dag pas/ rnam par ma dag pa'i lam du ltung bar 'gyur ba ni/ 'di lta ste/ sems can dmyal ba dang / byol song dang yi dgas so// ji ste skad cig tsam de las thor te/ lha dang mir skyes nas/ yang lus dang ngag dang yid kyi 'du byed la shin tu chags te/ 'du byed kyi phung po la rab tu chags so// byang chub sems dpa' sems dpa' chen po rnams ni da ltar yang dag pa ji lta ba bzhin du rtogs so// bdag cag kyang byis pa so so'i skye bo'i rjes su bslab par mi bya'i/ bdag cag gis lus dang ngag dang yid kyi 'du byed rnam par dag par sbyangs te/ 'du byed kyi phung po la chags par mi bya/ 'du byed kyi phung po'i nyes pa'i skyon shin tu brtogs te/ 'du byed kyi phung po las 'byung ba'i lan btsal bar bya'o// gang de ltar rtog/ pa ni yang dag pa ji lta ba bzhin du 'du byed kyi phung po la rtog pa zhes bya ste/ de ni yang dag par 'du byed kyi phung po'i mi rtag pa la rtog pa zhes bya'o// de'i tshe na yang

  61. 346a

    dag pa ji lta ba bzhin du 'du byed rnams dang / 'du byed kyi kun 'byung dang / 'du byed 'gog pa dang / 'du byed kyi 'gog pa'i lam la/ mi 'dzin ma chags mi zhen to// 'du byed rnams la yang mi chags mi zhen to// 'du byed kyi phung po la yang mi chags so// de ltar rtog pa'i tshe/ 'du byed kyi rta mtshan ma dang bral te/ 'du byed kyang 'du byed kyi phung po'i lam med par rtogs te/ 'du byed thams cad la stong pa nyid du rtogs pas/ 'du byed thams cad la skye zhing skrag pa dang / 'byung ba'i sems skye'o// rnam par dag pa'i lus dang / ngag dang / yid kyi 'du byed 'ba' zhig la mngon par 'du byed do// 'du byed kyi mtshan ma rnam par bshig pa dang / 'du byed kyi phung po'i mtshan ma las ring du gyur pas/ gang zag des ci tsam du lus thob par gyur pa de yongs su dag par 'gyur ro// de ci'i phyir zhe na/ gang zag de ni lus kyi las rnam par dag/ ngag gi las rnam par dag/ yid kyi las rnam par dag pa'o// lus kyi 'du byed rnam par dag/ ngag gi 'du byed rnam par dag/ yid kyi 'du byed rnam par dag pa'o// gang zag de ni 'du byed kyi phung po bral ba/ 'du byed kyi phung po'i mtshan ma dang bral ba/ chos rnams kyi dngos po'i mtshan pa rnam par 'jig pa'o// de ltar yang dag pa ji bzhin du rtog pa'i tshe/ 'du byed kyi phung po rnams gang nas kyang ma 'ongs/ gang du

  62. 346b

    'ang mi 'gro bar rtogs te/ 'du byed rnams nges par skye ba'i mtshan ma 'am/ nges par 'gog pa'i mtshan mar mi dmigs so// des 'du byed rnams la skye ba dang 'gog pa'i mtshan ma med par rtogs te/ 'du byed thams cad skye ba dang / 'gog pa'i mtshan ma ma yin no// gang zag de 'du byed thams cad la skye ba dang / 'gog pa'i mtshan ma med par rtogs nas/ skye zhing spong ba'i sems skyes te/ yang dag pa ji lta ba bzhin du 'du byed rnams kyi kun 'byung dang / 'gog pa'i mtshan nyid mi rtog shing chud par 'gyur ro// 'du byed rnams ma skyes pa'i mtshan nyid du rig kyang 'du byed kyi mtshan nyid shin tu mi rtogs so// de ci'i phyir zhe na/ 'jig rten 'dzin 'du byed kyi phung po la nges pa'i mtshan nyid med pa'i phyir ro// 'di lta ste/ chu shing la sra ba'i mtshan nyid kyang mi rnyed/ mi sra ba'i mtshan nyid kyang mi rnyed do// / 'jig rten 'dzin de ltar na byang chub sems dpa' sems dpa' chen po rnams 'du byed kyi phung po la 'jug pa yid la byed pa'i rnam par rtog pa la rtog zhes bya'o// 'jig rten 'dzin de la ji ltar na byang chub sems dpa' sems dpa' chen po rnams yang dag pa ji lta ba bzhin du/ rnam par shes pa'i phung po rnam par 'byed pa la rtog pa zhe na/ byang chub sems dpa' sems dpa' chen po rnams/ phung po ma yin pa la rnam par shes pa'i phung por rtog/ phyin ci log gi phung po rnam par shes pa'i phung

  63. 347a

    cad#por rtogs/ yang dag pa ma yin pa'i phung po la rnam par shes pa'i phung por rtog go// de ci'i phyir zhe na/ 'jig rten 'dzin rnam par shes pa'i/ phung po de ni phyin ci log las skyes ste/ yang dag pa ma yin pa'i rkyen gyis bcings pas sngon gyi las kyis yod par gyur te/ da ltar gyi rkyen la yang rag lus pas// rgyu dang rkyen mang po la rag lus pa'i phyir/ yang dag pa ma yin pa ji yang med pa'i rnam par brtags pa las/ rnam par shes pa las skyes so// rnam par shes pa'i phyir rnam par shes pa zhes bya ste/ rnam par rtog pa'i blo 'khrul pa las bla thabs su yod par gyur te/ shes pa yod pas rnam par shes pa zhes bya'o// dngos po rnam pa sna tshogs su shes pa'i phyir/ sems kyi las bskyed pa'i phyir/ bsam pa sems pa'i phyir rkyen mang po las mtshan ma skye ba'i phyir/ rnam pa sna tshogs su sem bskyed pa'i phyir na/ rnam par shes pa'i phung po zhes bya'o// shes las rnam par shes pa'i gzugs byung ste/ sems kyi las ston pa'i phyir/ bsam pa sdud pa'i phyir/ rnam par shes pa'i phung po zhes bya'o// de la sems dang yid rnam par shes pa zhes kyang bya ste/ thams cad kyang yid kyi las kyis rnam par rtog pas/ rnam par shes pas bsdus te/ mtshan nyid du rnam par shes/ 'du byed du rnam par shes/ rang bzhin du rnam par shes pas/ rnam par shes pa'i phung po zhes bya'o// de ltar phung po ma

  64. 347b

    yin pa ni rnam par shes pa'i phung po ste/ ma skyes ma byung ba/ ma byas pa'o// phyin ci log dang ldan pa'i rkyen gyis yang dag pa ma yin par shes pa'i phyir/ rnam par shes pa'i phung po zhes bya'o// de ci'i phyir zhe na/ rnam par shes pa'i phung po de ni rgyu dang / rkyen mang po las skyes te/ rang bzhin dang go rims dang / rgyun las skyes pa med de/ skad cig skad cig gis skye zhing 'gog ste/ rnam par shes pas phung po'i mtshan nyid bskyed ma yin no// de ci'i phyir zhe na/ rnam par shes pa skyes pa'i nges pa dmigs su med la/ skye ba'i mtshan nyid kyang dmigs su med pa'i phyir ro// nges pa dang mtshan nyid dmigs su med pa'i phyir/ ngo bo nyid kyis rang bzhin med pa'i phyir/ rang gi mtshan nyid med pa'i phyir/ sra ba'i rang bzhin mi rnyed pa'i phyir na/ mkhas pa dag ni yang dag pa ji lta ba bzhin du rtogs te/ phung po ma yin pa la rnam bar shes pa'i phung por khong du chud do// byis pa so so'i skye bo dag rnam par shes pa'i phung po ma yin pa la/ rnam par shes pa'i phung po 'du shes te/ log par rnam par rtog pa dang / phyin ci log dang ldan pa'i yang dag pa ma yin par rtog pa'i blos rnam par bcings pas/ rnam par shes pa'i phung por nan gyis brtags nas/ rnam par shes pa'i phung por chags/ rnam par shes pa'i bya ba la gnas/ rnam par shes pa'i rnam pa la rten ste/ bsam pa'i sems pa bstan pa'i phyir/ rnam par/

  65. 348a

    shes pa'i phung po bskyed do// gang zag de rnam pa sna tshogs su rnam par rtogs pas/ nang gi rnam par shes pa la chags/ phyi'i rnam par shes pa la chags/ phyi nang gi rnam par shes pa la chags/ ring ba'i rnam par shes pa la chags/ nye ba'i rnam par shes pa la chags ste/ rnam par shes pas mtshan mar rnam par brtags pas/ rnam par shes pa'i phung po bskyed do// gang zag de rnam par rtog pa'i 'du shes kyis sems dang / yid dang rnam par shes pa zhes bla dgas su te/ 'di ni sems so// 'di ni yid do// 'di ni rnam par shes pa'o// zhes nan tan gyis btags te/ de ltar sems kyi mtshan nyid rnam pa sna tshogs byung bar shes so// byis pa so so'i skye bo dag rnam par shes pa'i phung po la chags te/ rnam par shes pa'i phung pos rnam par bcings so// sems dang yid dang rnam par shes pa 'dus pa las rnam pa sna tshogs su rnam par shes pa'i phung po skyes so// rnam par rtog bI/ yang dag pa ma yin pa'i dngos po'i phyir/ mtshan nyid gcig pa'i phyir/ nges pa'i mtshan nyid gcig pa'i phyir/ sems dang / yid de dang / rnam par shes pa de thob cing chags pa rnam par 'byed pa la mkhas pa thob par 'gyur ro// gang gang de rnam par shes pa'i phung po la bsten cing gnas te/ rnam par shes pa la chags pas/

  66. 348b

    'das pa'i rnam par shes pa'i phung po la yod par chags shing 'dzin to// ma 'ongs pa'i rnam par shes pa'i phung po la yang yod par 'dzin cing chags so// da ltar gyi rnam par shes pa'i phung po la yang yod par 'dzin cing chags so// byis pa so so'i skye bo dag mthong ba dang / thos pa dang tshor ba dang / shes pa'i chos la rnam par shes pa'i phung por chags te/ yod par 'dzin to// gang zag de mthong ba dang / thos pa dang / tshor ba dang / shes pa'i chos la chags shing 'dzin te/ rnam par shes pa'i phung pos rnam par bcings pas/ shes pa la gtso bor 'dzin te/ sems dang yid dang / rnam par shes pa 'das pa'i dbang du gyur pas/ 'khor bar 'khor ba ni 'di lta ste/ 'jig rten 'di nas/ 'jig rten pha rol tu/ 'jig rten pha rol nas 'di dag du'o// de dag kyang rnam par shes pa'i phung pos/ rnam par bcings pas yang dag pa ji lta ba bzhin de/ rnam par shes pa'i phung por mi shes so// rnam par shes pa'i phung po ni yang dag pa ma yin pa/ phyin ci log dang ldan pa'i rgyu las thos pa las/ mthong ba dang / tshor ba dang / shes pa'i chos rnams byung ste/ de la yang dag pa'i rnam par shes pa med do// de ltar yang dag pa ji lta ba bzhin du mi rtogs pas na/ bar bar ni dge ba'i rnam par shes pa 'byung / bar bar ni mi dge ba'i rnam par shes pa 'byung / bar bar

  67. 349a

    ni dge ba dang mi dge ba'i rnam par shes pa 'byung ste/ gang zag de rtag tu rnam par shes pa'i rjes su spyod kyang / rnam par shes pa skye ba'i gnas/ mi shes par shes pa'i yang dag pa ji lta ba'i mtshan nyid mi shes so// 'jig rten 'dzin byang chub sems dpa' sems dpa' chen po rnams de la yang dag pa ji lta/ ba bzhin du rtogs pas/ rnam par shes pa'i phung po ni yang dag pa ma yin pa'i rnam par shes pa las byung bar rtogs so// 'di lta ste/ mthong ba dang / thos pa dang tshor ba dang / shes pa'i chos rnams rgyu dang rkyen mang po las byung bar shes so// chos med pa la chos su 'du shes pas/ rnam par shes pa'i phung por chags par gyur te// bdag cag gis byis pa so so'i skye bo'i rjes su bslab par mi bya'o// bdag cag gis rnam par shes pa yang dag pa ji lta ba bzhin du 'byed pa la brtags pa dang / yang dag pa ji lta ba bzhin du rnam par shes pa'i phung po 'byed pa la brtags par bya'o// byang chub sems dpa' rnams yang dag pa ji lta ba bzhin du rtog pa'i tshe/ rnam par shes pa'i phung po de yang dag pa ma yin pa'i phyin ci log par shes te/ thog ma nas ma skyes pa'i mtshan nyid du shes so// phung po ma yin pa ni rnam par shes pa'i phung po'o// gzugs brnyan gyi phung po ni rnam par shes pa'i phung po'o// sgyu ma'i phung po ni rnam par shes pa'i

  68. 349b

    phung po ste dper na/ sgyu ma mkhan gyis sgyu ma'i ming byas na/ mi de'i rnam par shes pa ni nang na'ang mi gnas/ phyi rol na'ang mi gnas/ gnyis ga'i bar na'ang mi gnas pa ltar rnam par shes pa'i rang bzhin yang de dang 'dra ste/ yang dag pa ma yin pa'i rkyen mang po dang / rnam par rtog pa las skyes te/ yang dag pa'i dngos po med do// 'khrul 'khor gyi mi ltar rnam par shes pa'ang de 'dra ste/ phyin ci log dang yang dag pa ma yin pa'i rgyu rkyen mang po 'das pa las yod par gyur to// de ltar rtog pa'i tshe/ rnam par shes pa mi rtag pa dang / sdug bsngal ba dang / mi gtsang ba dang bdag med par shes so// rnam par shes pa'i mtshan nyid la sgyu ma lta bur shes pa dang / rnam par shes pa'i rang bzhin la sgyu ma lta bur rtogs so// byang chub sems dpa' de'i tshe/ 'di snyam du 'jig rten 'di dag ni shin tu rmongs shing gti mug gis mdongs so// 'di lta ste/ rnam par brtags pa'i rnam par shes pa las 'jig rten byung ste/ sems dang yid dang rnam par shes pa 'dus pas na/ khams gsum 'di ni rnam par shes pa tsam mo// de ltar sems dang yid kyi rnam par shes pa ni gzugs med phyogs med/ chos kyi nang na mi gnas/ chos kyi phyi rol na mi gnas so// byis pa so so'i skye bo dag ni yang dag pa ma yin pa dang ldan pas rnam par bcings pa'i phyir/ rnam par shes pa'i phung po la bdag dang bdag gis par

  69. 350a

    'dzin cing chags so// gang zag de ni rnam par shes pa'i phung po nang na gnas par 'dzin/ rnam par shes pa'i phung po phyi rol na gnas par 'dzin/ rnam par shes pa'i phung po phyi nang gnyi ga na gnas par 'dzin/ rnam par shes pa'i phung po de bdag dang bzhan la gnas par 'dzin to// gang zag de rnam par shes pa'i phung po la gtso bor 'dzin to// rnam par shes pas rnam par bcings pas/ rnam par shes pa'i phung po'i ro la chags nas/ rnam par shes pa'i phung po'i mtshan nyid kyang brjod do// 'di lta ste/ sems dang yid kyang rnam par shes pa'i rjes su ro la chags pas/ rnam par shes pa'i phung po la chags shes 'dzin to// gang zag de rnam par shes pas rnam par bcings te/ rnam par shes pa'i phung po de dang 'brel pas/ sems dang yid kyang rnam par shes pa'i dbang du gyur te/ sems dang yid kyang rnam par shes pa'i rgyu dang rkyen gyi mthus byis pa so so'i skye bor skye ste/ gal te bsam pa tha ma bskyed na lus tha ma thob par 'gyur/ bsam pa mchog bskyed na lus mchog thob bo// bsam pa 'bring ba bskrad na/ lus 'bring por thob par 'gyur te/ gang zag de sems dang yid dang rnam par shes pa de'i rjes su spyod pa'i mthus/ skye mched rnams la rten cing gnas pa skyes par gyur to// rnam par shes pa'i phung po la chags pas skye ba dang rga ba dang

  70. 350b

    na pa dang 'chi ba dang / yi slong ba dang / zlos pa'i mya ngan dang / sdug bsngal las rnam par ma grol to// byang chub sems dpa' de la de ltar yang dag pa ji lta ba bzhin/ da rnam par shes pa'i phung po rtogs te/ yang dag pa ji lta ba bzhin du/ rnam par shes pa'i phung po'i mi rtag pa'i mtshan nyid rtogs pas/ 'das pa'i rnam par shes pa'i phung po la yang mi chags mi 'dzin to// phung po ma yin pa ni rnam par shes pa'i phung por shes so// ma 'ongs pa'i rnam par shes pa'i phung po la yang mi chags mi 'dzin to// phung po ma yin pa la rnam par shes pa'i phung por shes so// da ltar gyi rnam par shes pa yang mi gnas so// yang dag pa ji lta ba bzhin du rnam par shes pa'i phung po'i mi rtag pa'i mtshan nyid shes so// yang dag pa ji lta ba bzhin du rnam par shes pa'i phung po'i skye ba dang 'gog pa'i mtshan nyid shes so// gang de ltar yid la byed cing yang dag pa'i ji lta ba bzhin du'ang rnam par shes pa'i phung po de la rtog pa ni yang dag pa ji lta ba bzhin pa'i lam la 'jug pa zhes bya'o// 'di lta ste yang dag pa ji lta ba bzhin du rnam par shes pa shes so// yang dag pa ji lta ba bzhin du rnam par shes pa kun 'byung ba shes so// yang dag pa ji lta ba bzhin du rnam par shes pa'i 'gog pa shes so// yang dag pa ji lta ba bzhin du rnam par shes pa'i 'gog pa'i lam shes so// gang zag de yang dag pa ji lta ba bzhin du rnam par

  71. 351a

    shes pa'i phung po'i kun 'byung ba dang / 'gog pa'i mtshan nyid rtogs nas/ rnam par shes pa'i phung po 'jig pa la mkhas pa dang / mtshan ma thams cad yongs su gcod pa la mkhas par gyur to// rnam par shes pa'i phung po'i kun 'byung ba dang / 'gog pa'i mtshan nyid shes pa dang / rnam par shes ba'i phung po'i kun 'byung dang / 'gog pa'i mtshan nyid rtogs so// byang chub sems dpa' de'i tshe/ rnam par shes pa'i phung po mi skyed/ rnam par shes pa'i bung po mi 'gog ste/ rnam par shes pa'i phung po de thog ma nas ma skyes par rtogs so// de ltar rtogs pa'i tshe/ rnam par shes pa la 'gog pa'i mtshan nyid du rnam par mi rtog te/ rnam par shes pa'i phung po ma skyes pa'i mtshan nyid du khong du chud do// de ci'i phyir zhe na/ 'jig rten 'dzin rnam par shes pa'i phung po ni skye ba med/ mtshan ma med/ grub pa med/ rnam par shes pa'i blo skye ba'i mtshan nyid ni/ yang dag pa ma yin pas/ ma skyes pa'i mtshan nyid du 'dus so// 'jig rten 'dzin rnam par shes pa'i phung po la ni skye ba dang / grub pa'i mtshan nyid med de/ rnam par shes pa'i mtshan nyid ni rgyu dang rkyen mang po las skyes so// 'jig rten 'dzin byang chub sems dpa' sems dpa' chen po de la rten cing 'brel te 'byung ba'i chos la/ de ltar rtog pa na phung po ma yin pa ni/ rnam par shes pa'i phung por rtogs so// mos pas rjes su rnam

  72. 351b

    par 'brel cing brtags nas/ ji tsam du rnam par shes par brtags pa thams cad yang dag pa ji lta ba bzhin du khong du chud cing rtogs so// byang chub sems dpas rnam par shes pa'i phung po'i dben pa shes nas/ dmigs pa thams cad shes par bya ba'i thams cad yongs su bcom mo// 'jig rten 'dzin byang chub sems dpa' sems dpa' chen pos de ltar rnam par shes pa'i phung po rtogs te/ rnam par shes pa'i phung po la skye ba med pa dang / ma byas pa dang ma byung ba dang / mi gzung ba dang / mi 'dzin par shes na de dag kyang rkyen mang po las skyes te/ rkyen mang po 'das pa las yod par gyur to// mthong ba dang thos pa dang tshor ba dang / rnam par shes pa'i chos kyi rkyen gyis yod par gyur te/ thog ma'i mtha' nas stong ngo // de ltar rnam par shes pa'i phung po la rtog pa'i tshe/ rnam par shes pa'i phung po la ma byas pa dang / ma byung bar shes te/ gtso bor mi 'dzin mi chags so// 'jig rten 'dzin byang chub sems dpa' sems dpa' chen po rnams de ltar yang dag pa ji lta ba bzhin du rnam par shes pa'i phung po rnam par 'byed pa dang / 'jug pa la rtog go// byang chub sems dpa' gang de ltar thabs mkhas pas phung po lnga la 'jug pa dang / de ltar thabs mkhas pas yang dag pa ji lta ba bzhin du nye bar len pa'i phung po lnga'i kun 'byung dang / 'gog pa dang / lam la 'jug pa la shin tu mkhas pa zhes bya'o// phung por mtshan mar

  73. 352a

    'dzin pa yongs su bcang bas yang dag pa ji lta ba bzhin du phung po lnga'i thabs shes so// thabs des na nye bar len pa'i phung po lnga la mi chags mi 'dzin mi zhen 'ching bar mi 'gyur ro// yang dag pa ji lta ba bzhin du gzugs shes/ yang dag pa ji lta ba bzhin du gzugs kyi mi rtag pa'i mtshan nyid shes so// de ltar byang chub sems dpa' gzugs la chags pa 'byung na/ de ma thag tu sel cing gcod do// de bzhin du yang dag pa ji lta ba bzhin du tshor ba dang / 'du shes dang / 'du byed dang / rnam par shes pa zhes te/ yang dag pa ji lta ba bzhin du tshor ba dang / 'du shes dang / 'du byed dang / rnam par shes pa mi rtag pa'i mtshan nyid kyang shes so// gal te tshor ba dang 'du shes dang / 'du byed dang / rnam par shes pa la chags pa 'byung na/ de ma thag tu sel cing gcod par 'gyur ro// byang chub sems dpa' nye bar len pa'i phung po lnga la 'dod cing chags pa yongs su bcad pas nges pa'i phung po lnga'i thabs khong du chud pa'i rjes su 'jug go// de ltar rtog pa'i che/ nye ba len pa'i phung po lnga skye zhing 'gog pa'i mtshan ma phra mo la yang mkhas par 'gyur ro// 'jig rten 'dzin de ltar na byang chub sems dpa' sems dpa' chen po rnams nye bar len pa'i phung po lnga skye zhing 'gog pa'i mtshan ma shin tu phra ba rnam par 'byed pa la rtag pa zhes pa zhe na byang chub sems dpa' sems dpa' chen po rnams/

  74. 352b

    sems can thog ma mngal du zhags nas nur nur por gyur pa na/ lnga phung lnga ma 'gags nas phung po lnga gzhan zhig skyes te/ de nas phung po lnga'i skye zhing 'gog pa'i ma nyid rtogs te/ rnam par shes pa lnga ma 'gags mod kyi phung po lnga chad pa 'am/ 'gag pa'i mtshan nyid ma yin par shes so// rnam par shes pa nar nur po la rten cing gnas mod kyi/ phung po lnga la mi gnas pa dang / mi rtag pa nyid du shes so// de ltar thog ma mngal du zhugs pa'i skad cig ma'i nye bar len pa'i phung po lnga skye zhing 'gog pa dang / nur nur po nas mngon par 'byung ba'i bar dang / skyes nas 'chi ba'i bar du nye bar len pa'i phung po lnga 'di skad cig cing skye zhing 'gog pa'i mtshan nyid du shes so// nye bar len pa'i phung po lnga ni skad cig gis skye zhing 'gog pa yin te/ de ltar na nye bar len pa'i phung po lnga skye zhing 'gog pa'i mtshan nyid shin tu phra ba dang / rnam par 'byed pa rtog pa zhes bya'o// 'jig rten 'dzin nye bar len pa'i phung po lnga'i skye zhing 'gog pa'i mtshan nyid shin tu phra ba ni 'di lta ste/ nye bar len pa'i phung po lnga snga ma 'gags nas/ dngos po ci yang med par mngal du 'gro ste/ thog ma rnam par shes pa dang / 'byor pa'i tshe na/ phung po lnga la skye zhing 'gog pa yod do// nur nar po la bstan nas nye bar len pa'i phung po lnga la bla dgas su mi bya zhes brtags par gyur to// de ci'i phyir zhe na/ 'jig rten 'dzin rnam par shes pa'i rten med

  75. 353a

    @#na gnas par mi 'gyur te/ nye bar len pa'i phung po lnga ni rnam par shes pa la rten ces bya'o// 'jig rten 'dzin gzugs med pa'i khams kyi lha'i nye bar len pa'i phung po skye zhing 'gog pa'i mtshan nyid shin tu phra ba yang gzhung de bzhin shes par bya'o// 'jig rten 'dzin nye bar len pa'i phung po skye zhing 'grog pa'i mtshan nyid shin tu phra mo// rang sangs rgyas kyi shes rab kyis kyang shes par mi nus na/ nyan thos kyi shes rab kyis shes par lta ci smos te/ sangs rgyas bcom ldan 'das nyag cig gis ni nye bar len pa'i phung po lnga/ thog ma mngal du 'jug pa'i bar gyi skye zhing 'gog pa'i mtshan nyid shin tu phra mo dang / gzugs med pa'i lha'i phung po'i skad cig thang cig skye zhing 'gog pa'i legs par mkhyen no// 'di lta ste mkhyen pa'i shes rab thams cad kyi shes rab las 'das pa'i phyir ro// byang chub sems dpa' sems dpa' chen po ma skyes pa'i chos kyi bzod pa thob cing sangs rgyas kyi ye shes kyi spyod yul la zhags pa des kyang nye bar len pa'i phung po lnga shin tu phra ba'i mtshan nyid thog ma mngal du 'jug pa dang / gzugs med pa'i lha dag gi las sangs rgyas kyis mkhyen pa dang / 'dra bar rdzogs par mi shes so// 'jig rten 'dzin sangs rgyas bcom ldan 'das la gzhan gyi rjes su ltos pa'i shes rab mi mnga' ste/ rang bzhin gyis ye shes dang / shes rab dang / thabs mkhas pa brnyed pas//

  76. 353b

    bla na med pa yang dag par rdzogs pa'i byang chub tu mngon par rdzogs par sangs rgyas so// sangs rgyas bcom ldan 'das kyi ye shes kyis ni mi chud pa med de/ ba/ ldan 'das kyis thogs pa med pa'i ye shes kyis/ chos thams cad la nges pa'i shes rab brnyes te/ chos thams cad dbang du gyur pa'i mthu yang brnyes so// de ci'i phyir zhe na/ bskal pa tshad med dpag tu med/ grang med pa brgya stong rnyed kyi bar du shin tu zab mo'i chos mdzad pa'i phyir ro// 'jig rten 'dzin byis pa so so'i skye bo dag ni nye bar len pa'i phung po lnga la rtog pa'i thabs kyang med na/ nye bar len pa'i phung po lnga'i skye zhing 'gog pa'i mtshan nyid shin tu phra mo la rtog nas pa ci mos/ de ci'i phyir zhe na/ byis pa so so'i skye bo dag ni nye bar len pa'i phung po lnga yang mi shes nye bar len pa'i phung po lnga'i bden pa 'ang mi shes pa'i phyir ro// byis pa so so'i skye bo dag ni nye bar len pa'ang mi shes/ nye bar len pa'i phung po yang mi shes so// 'jig rten 'dzin 'di ji ltar na nye bar len pa'ang zhes bya zhe na/ nye bar len pa ni bdag du nye bar len/ sems can du nye bar len/ lta bar nye bar len/ tshul khrims nye bar len/ phung po lnga nye ba len/ khams bcwo brgyad nye bar len/ rgyu rkyen bcu gnyis nye bar len pas na/ nye bar len pa zhes bya'o// ci tsam du chos su bdags pa'i phyi 'ang

  77. 354a

    'jiganang gi 'dod pa nye bar len pa dang / srid pa nye bar len pa dang / mthong ba dang / zos pa dang / tshor ba dang / shes pa nye bar len/ bdag dang bdag gi nye bar len te// 'jig rten 'dzin byis pa so so'i skye bo dag yang dag pa ma yin pa'i nye bar len pa 'di la mi shes mthong ste/ phyin ci log gi rgyu dang rkyen gyis chos su nye bar len to// gang zag de nye bar len pas rnam par bcings pas/ ma rig pa'i rkyen gyis 'du byed nye bar len/ 'du byed kyi rkyen gyis rnam par shes pa nye bar len/ rnam par shes pa'i rkyen gyis ming dang / gzugs nye bar len/ ming dang gzugs kyi mtshan ma sbom po la sems can rnams chags shing zhen te/ len to// 'di lta ste/ gzugs len/ gzugs dang 'byor/ gzugs kyi bcings so// gzhan yang gzugs med pa'i phung po bzhi nye bar len te/ tshor ba dang / 'du shes dang / 'du byed dang / rnam par shes pa rnam par rtog cing ming du btags so// 'jig rten 'dzin gal te sangs rgyas med na/ sems can rnams shes pa med/ mthong ba med pas nye bar len pa'i phung po lnga la/ yang dag pa ji lta ba bzhin du rtog mi nus so// sangs rgyas bcom ldan 'das 'jig rten du gshegs nas/ sems can gzugs la rten cing gnas pa/ gzhig pa dang / tshor ba dang / 'du shes dang / 'du byed dang / rnam par shes pa la rten cing gnas pa/

  78. 354b

    gzhig pa dang / bsdu ba'i mtshan nyid gcig gzhig pa'i phyir/ sangs rgyas bcom ldan 'das de ltar rnam par phye ste bstan to// khyed rnams kyi rten cing gnas pa ni gzugs yin no// gzugs de ni chen po bzhi 'dus pa ste/ tshor ba dang 'du shes dang / 'du byed dang rnam par shes pa ni ming tsam ste/ ming dang gzugs kyi mtshan ma bsgrub pa'i phyir/ nye bar len pa'i phung po lnga bshad do// khyed so so'i skye bo rnams kyis mi bstan pa'i snying po med pa'i nye bar len pa'i phung po lnga/ 'di la ni gnas mi chags par bya'o// 'jig rten 'dzin de bzhin gshegs pas/ ci'i phyir nye bar len pa'i phung po lnga bshad na/ 'jig rten 'dzi byis pa so so'i skye bo dag phyin ci log las skyes te/ ma rig pa'i dra bas glags pas 'khor ba na 'khor bar gyur to// cis 'khor zhe na nye bar len pa'i phung po lnga'i mtshan ma la chags shing 'dzin pas so// 'di snyam du bdag 'di la gnas pas bde bar gyur to// snyam sems te/ gang zag de bde ba'i mtshan mar bzung bas/ nye bar len pa'i phung po lnga la chags shing gnas so// sdug bsngal gyi mtshan ma dang / sdug bsngal yang ma yin/ bde ba'ang ma yin pa'i mtshan mar bzung zhing chags pas/ nye bar len pa'i phung po lnga la gnas shes chags so// byis pa so so'i skye bo dag rten pa'i gnas ni nye bar len pa'i phung po

  79. 355a

    lnga yin no// 'jig rten 'dzin byis pa so so'i skye bo dag ni skyes nas mdongs te/ phung po lnga ci yin pa mi shes/ phung po lnga gang nas 'ongs pa'ang mi shes so// phung po lnga'i yang dag pa ji lta ba mi shes pas/ phung po lnga la chags shing 'dzin te/ de bas na nye bar len pa'i phung po zhes bya'o// de la len pa'ang med la/ len par bya ba yang dmigs su med de/ phyin ci log la chags shing yang dag pa ma yin par kun tu rtog pas bcings te/ ma rig pa dang / gti mug gis rmongs pas/ bdag len/ bdag gi bar len/ bdag dang gzhan gyi bar len te/ de bas na nye bar len pa'i phung po zhes bya'o// phung po lnga la ni len pa 'ang med/ nges pa'i mtshan nyid kyang med do// de bas na mkhas pa dag ni phung po ma yin pa ni nye bar len pa'i phung po lngar shes so// phyin ci log gi phung po la nye bar len ba'i phung po lngar shes so// ma rig pa'i phung po la nye bar len pa'i po lngar shes so// byis pa so so'i skye bo dag ni 'dis rnam par bcings pas na/ nye bar len pa'i phung po lnga la chags shing gnas so// chags shing gnas pas na nye bar len pa ni gang / nye bar len pa'i phung po ni gang yin pa mi shes te/ phung po lnga la chags shi gnas pas/ skye shing 'khor bar gyur to// phung po lnga la chags shing gnas pas rgyud kun tu 'khor bar gyur to// ci la gnas shing chags zhe na/ mthong ba la gnas

  80. 355b

    shing chags/ zos pa la gnas shing chags/ tshor ba la gnas shing chags/ rnam par shes pa la gnas shing chags/ sred pa la gnas shing chags/ ma rig pa la gnas shing chag so// byis pa so so'i skye bo ni sred pa'i bcings pas/ nye bar len pa'i phung po lnga la mngon par chags te/ sgrib pas yongs su bsgribs pas ma rig pas rmongs te mi shes mi tshor ro// bdag cag gis chags pa'i gnas ni gang yin/ ces bcings pa mi shes pa'i phyir/ sems can dmyal ba dang / byol song dang / yi dgas dang / lha dang mir yang dang yang du skye zhing 'khor te/ 'khor bas rnam par bcings pas 'khor ba la gnas shing chags te/ mi gtong mi spong mi gcod do// phung po lnga'i yang dag pa ji lta ba 'ang mi shes so// yang dag pa ji lta ba'i mtshan nyid mi shes pa'i phyir/ sdug bsngal rnam pa sna tshogs kyis yongs su gtses te/ yang dag pa ma yin pa'i dong du lhung nas/ 'byung ba'i lam mi shes so// gang zag des da ltar 'byung ba'i la mo mi shes pas/ thog ma med pa'i dus nas/ 'khor ba'i rgyud du 'khor ba len to// de bas na skye ba dang / rga ba dang / na ba dang / shi ba dang / smre sngags 'don pa dang / zlos pa'i mya ngan dang / sdug bsngal las rnam par ma grol ba dang / tshad med pa'i 'khor ba'i g.yang sa las rnam par ma grol/ sdug bsngal chen po'i phung po las rnam par ma grol te/ phyir yang sdug bsngal la gnas

  81. 356a

    shing chags/ sdug bsngal la mngon par chags te/ sdug bsngal la gyis bkol bar gyur to// sdug bsngal gang zhe na/ nye ba len pa'i phung po lnga yin te/ skye ba'i tshe na/ sdug bsngal skye la 'gog pa'i tshe na yang / sdug bsngal 'gog go// 'jig rten 'dzin ngas de'i rgyu de'i rkyen gyis slob ma rnams la 'di skad du chos bstan to// dge slong dag yang dag pa ji lta ba bzhin du gzugs kyi phung po la brtag go// yang dag pa ji lta ba bzhin du gzugs mi rtag pa'i mtshan nyid shes par bya'o// khyed ci ste gzugs la chags par gyur na de ma thag tu bsal zhing gcad par bya'o// khyed la sogs pas yang dag pa ji lta ba bzhin du tshor ba dang / 'du shes dang / 'du byed dang / rnam par shes pa la brtag par bya'o// yang dag pa ji lta ba bzhin du tshor ba dang / 'du shes dang / 'du byed dang / rnam par shes pa'i mi rtag pa'i mtshan nyid shes par bya'o// ci ste tshor ba dang / 'du shes dang / 'du byed dang / rnam par shes pa la chags khur gyur na/ de ma thag tu bsal zhing gcad pa bya'o// chags pa bsal zhing gcad pas sems yang dag par rnam par grol bar 'gyur ro// 'jig rten 'dzin gang zag su zhig nges gsungs pa'i chos kyi don shes shing ji ltar gsungs pa bzhin du nan tan byed na/ skye ba dang / rga ba dang / na ba dang / 'chi ba dang /

  82. 356b

    smre sngags 'don pa dang / yid spong ba dang / sdug bsngal las rnam par grol bar 'gyur ro// gang gzugs su zhig gsungs pa bzhin du mi spyod mi sgom na/ gzugs kyi 'ching bas rnam par bcings/ sred pa'i 'ching bas rnam par bcings te/ ma rig pas mdongs pas/ nye bar len pa'i phung po lnga la chags so// / gang zag de nye bar len pa'i phung po lnga la chags pas/ 'khor ba'i g.yangs las rnam par ma grol to// 'jig rten 'dzin de lta bas na 'jig rten pa dag ni nga dang rjortsod kyir ni 'jig rten pa dag dang mi rtsod do// zhes gsungs so// 'jig rten zhes bya ba gang zhe na/ 'di lta ste/ nye bar len pa'i phung po lnga la chags pa ni 'dzi/ rten zhes bya'o// gang zag de phung po lnga la chags ste/ phung po lngas rnam par bcings pas/ phung po lnga'i rang bzhin mi shes/ phung po lnga'i mtshan nyid stong pa nyid du mi shes ste/ nga dang brtsod do// gang zag de sangs rgyas kyis gsungs pa dang / 'gal bar byed de/ sangs rgyas dang rtsod pas shin tu nyam nga ba chen por ltung ngo // gang zag su zhig de bzhin gshegs pas 'jig rten na bzhags kyang rung / yongs su mya ngan las 'das kyang rung / de ltar phung po lnga la yang dag par ma yin pa dang / stong pa ci'ang med pa phyin ci log dang / ma rig pa dang / yang dag pa ma yin pa'i kun tu brtags pa las bskyed te/ byis pa so so'i skye

  83. 357a

    @#bo dag bslas pa yin par rtogs na/ phung po lnga ma yin pa la phung po lnga dang 'dra bar shes so// gang zag de ni sangs rgyas dang yang mi rtsod pa/ ste/ sangs rgyas kyis gsungs pa dang / 'gal bar mi byed pas/ sems can dmyal ba dang / byol song dang / yi dgas kyi sdug bsngal las rnam par grol bar/ 'gyur ro// 'jig rten 'dzin sangs rgyas bcom ldan 'das ni gang zag dang mi rtsod do// rtsod pa thams cad yongs su bcad pas/ sangs rgyas shes bya ste/ sems can thams cad la yang dag pa'i chos ston to// 'di lta ste/ khyed kyis sngon blangs pas/ thams cad kyang phyin ci log yin te/ sems can thams cad phyin ci log gi dbang gis phung po la chags shing gnas nas 'jig rten du yang dang yang 'khor bar gyur to// de ltar gang zag dag phung po lnga la chags shing gnas pas/ ngan par lta ba rnam pa sna tshogs la zhen cing bskyed do// ming dang tshig rnam pa sna tshogs la chags shing gnas/ zlos pa'i mya ngan dang / smre sngags 'don pa dang / sdug bsngal thams cad la chags zhing gnas so// de ltar gang zag dag ngan par lta ba rnam pa sna tshogs kyis nyon mongs/ sdug bsngal rnam pa sna tshogs kyis yongs su gtses kyang / de'i mgon byed pa 'am/ skyabs byed pa 'am gnas dang rten du 'gyur ba med de/ sangs rgyas bcom

  84. 357b

    ldan 'das nyag cig ni mgon dang skyabs su 'gyur ro// byis pa so so'i skye bo dag ni sems chung / shes pa chung bas 'dod pa lnga la chags nyes pa'i skyen mang po'i phung po lnga la chags so// byis pa so so'i skye bo dag ni mgon du 'gyur ba dang / skyabs su 'gyur ba dang / gnas dang / rten du 'gyur ba dang / sdug bsngal thams cad las rnam par grol bar byed pa dang / rtsod par byed do// 'jig rten 'dzin nges phyag bdeg pa yin no// gang zhig phung po lngar lta/ ba dang / phung po lnga la mtshan mar lta ba dang / phung po lnga la chags par byed na/ nga yang de'i ston pa ma yin la/ de yang nga'i slob ma ma yin te/ nga'i rjes su rab tu byung ba ma yin/ nga'i rjes su spyod pa ma yin/ nga la skyabs su song ba ma yin gyi/ gang zag de ni ngan par 'gro ba'i lam du song ba yang dag pa ma yin pa'i lam la zhugs pa'o// yang dag pa len pa ma yin te/ phyin ci log pa'o// sangs rgyas kyis dgongs te gsungs pa mi shes/ sangs rgyas kyis phung po lnga la dgongs te gsungs pa mi shes/ sangs rgyas kyis don dam pa gsungs pa mi shes so// gang zag de ltar sangs rgyas bstan pa'i rjes su mi 'jug pas/ mchod pa dang brnyed pa blang bar mi bya'o// gang zag de ni rab tu 'byung bar yang ngas ma gnang na/ gzhan gyi mchod pa dang rnyed

  85. 358a

    pa'i bkur sti len pa lta ci smos/ de ci'i phyir zhe na/ gang zag de ni mu stegs can gyi sder gtogs pa yin no// 'di lta ste/ gang phung po la mtshan ma bskyed pa ni phung po la chags shing 'dzin pa zhes bya'o// 'jig rten 'dzin ma 'ongs pa'i dus lnga brgya'i tha ma la/ dam pa'i chos rnam par 'jig pa'i tshe/ nga'i chos la rab tu byung ba rnams/ mang du phung po lnga'i mtshan ma la nges par bcad pa dang / phung po lnga la rab tu chags te/ yang dag pa ma yin pa'i lam ngan par zhugs pas/ nga'i chos la rab tu byung nas/ chos gos gnya' ba la bkal te/ rtag tu khyim pa'i khyim du 'gro ba la dga' bar byed do// gang zag de ni mu stegs can dang tha mi dad kyang / de'i chos kyi byin gyis de la mchod pa dang / sbyin pa mang bar rig par bya'o// 'jig rten 'dzin gang phung po lngar lta ba dang / phung po la nges pa'i 'chad pa dang / phung po lnga la chags par byed pa de ni/ gzhan dag gi chu bor gang tsam yang len du mi dbang bar ngas bshad do// de ci lta zhe na/ gang zag des nga'i chos la mthun pa'i chos la bzod pa tsam yang med pas/ gang zag de ni nga'i chos dang 'gal bar byed pa 'phags pa'i chos yongs su spong ba'o// 'jig rten 'dzin de bas na/ byang chub sems dpa' sems dpa' chen po rnams/ ma 'ongs pa'i dus ngan par de lta bu'i dam bcas/

  86. 358b

    smon lam chen po btab ste/ nga'i shin tu zab mo'i mdo sde dag gzung zhing bsrung ba dang / sems can dag phung po lngar lta ba bcad pa'i phyir chos bstan par bya'o// 'jig rten 'dzin de bas ngas mdo sde kun las phung po'i mtshan ma thams cad ga zhig pa dang / phung po la chags pas spang ba bshad de/ de'i tshe na khyim na gnas pa dang / rab tu byung ba dag mang du mdo sde 'di la rtsod pa 'byung ste/ yang dag pa nyid du 'du shes mi bskyed do// byang chub sems dpa' sems dpa' chen po rnams 'di ltar yi dam dang / smon lam chen po gdab par bya'o// bdag cag gis ma 'ongs pa'i dus ngan pa'i sems can phung po la chags shing ngan par lta ba la phan pa dang / bde ba'i don gyi phyir/ phung po lnga la chags pa bsal ba'i phyir/ ji lta ji lta bur 'dal ba de lta bu'i chos kyis phan pa dang / bde ba'i don byed do// de bas na 'jig rten 'dzin byang chub sems dpa' sems dpa' chen po gang zhig chos rnams kyi yang dag pa ji lta ba shes par 'dod pa dang / chos rnams kyi mtshan nyid rnam par 'byed pa la mkhas pas 'dod pa dang / dran pa'i mthu thob par 'dod pa dang / chos thams cad kyi rnam grangs rnam par 'byed pa la mkhas pa'i shes rab 'dod pa dang / lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i/ dran pa thob

  87. 359a

    par 'dod pa dag nye bar len pa'i phung po lnga la mi rtag pa'i mtshan nyid dang / sdug bsngal ba'i mtshan nyid dang / bdag med pa'i mtshan nyid dang / yang dag pa ma yin pa'i snying po med pa'i mtshan nyid dang / mthar stong pa nyid kyi mtshan nyid dang / thog ma med pa'i des nas ma skyes pa'i mtshan du brtag par bya'o// rtag tu yang dag pa ji lta ba bzhin du rtog pa na nye bar len pa'i phung po lnga la chags shing zhen pa yongs su sel bar 'gyur ro// gzhan yang de lta bu'i shin tu zab mo'i chos la sbyor ba yang thob par 'gyur ro// 'jig rten 'dzin sngon bskal pa tshad med grangs med pa 'das pa/ de'i tshe de'i dus na// blo gros chen po ri'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba/ lha dang mi'i ston pa/ sangs rgyas bcom ldan 'das 'jig rten du byung ngo // 'jig rten 'dzin bcom ldan 'das blo gros chen po ri'i rgyal po de la nyan thos kyi dge 'dun khrag khrig phrag brgyad bcu yod do// thams cad kyang dgra bcom pa zag pa zad pa sha stag go// gzhan yang slob pa'i sa la gnas pa/ phyir mi ldog pa yang khrag khrig phrag brgyad bcu yod do// byang chub sems dpa' sems dpa' chen po'i

  88. 359b

    'khor ni khrag khrig brgya stong yod do// bcom ldan 'das blo gros chen po'i ri'i rgyal po de'i tshe'i tshad ni lo brgya khri rnyed do// 'jig rten 'dzin de'i tshe na/ rgyal po phan par 'gyur ba zhes bya ba yod de/ rgyal po phan par 'gyur ba zhes bya ba de la grong khyer chen po nyi khri snyed de/ rab tu bde skyid pa dang / ldan pa'i 'gro bas yongs su gang ngo // grong khyer de dag kyang ra ba rim pa bdun bdun gyis bskor te/ chu zheng gab par dpag tshad bcu gnyis yod de/ de dag kyang rin po che sna bzhi las byas ste/ 'ongs kyang rim pa bdun dang / bad kyang rim pa 'dun te/ rin po che sna tshogs kyi dra bas/ steng phyogs yongs su bkab po// grong khyer dang / 'obs dang / shing dang / ra ba dang / steng gi dra ba rnams kyang gser dang / bai DUr+ya dang shel dang / mu sa la gar ba ste/ rin po che bzhi la byas pa'o// grong khyer chen po de re re la bskyed mos tshal lnga brgya rnyed yod de/ de'i nang gi shing yang rin po che sna bdun gyi shing yongs su gang ngo // shing de dag kyang rin po che'i gos kyi shing sha stag go// skyed mos tshal de dag re re na yang rin po che'i rdzing / lnga brgya lnga brgya yod de/ yon tan brgyad kyi chus yongs su gang ngo // 'jig rten 'dzin rgyal po phan par 'gyur ba de la btsun mo dang pho brang gi blas brgyad khri rnyed yod de/ de'i tshe na btsun mo chen mo de la ni sras gnyis yod de/ gcig ni tshad med blo

  89. 360a

    gagros zhes bya/ gcig ni tshad med stobs zhes bya/ 'jig rten 'dzin rgyal bu de gnyis lo bcu drug lon pa dang / rmi lam du de bzhin gshegs pa mthong ste/ shin tu mdzes la dpe zla med pa na 'dzam bu chu klung gi gser gyi rgyal mtshan lta bur mthong nas/ rab tu dga' ste sad pa dang / so so nas tshigs su bcad pa 'di dag smras so// phu bos smras pa/ bdag gis rkang gnyis mchog ni mthong ba rmis/ gser mdog bsod nams brgya'i mtshan gyis brgyan/ tshad med pa'i yon tan yongs rdzogs pa'i/ mchod pas sems ni rab tu dga' bar gyur/ nu bos smras pa/ bdag gis sangs rgyas gnyi ltar ldan pa rmis/ shin tu bzang zhing mdzes pa phul gyi mchog/ ri'i rgyal po ri rab ji bzhin tu/ lha nger gsal bar mthong bas shin tu dga'/ 'jig rten 'dzin de'i tshe na rgyal bu chad med blo gros dang / tshad med stobs gnyis pa ma gang na bar song nas/ 'di skad du bdag gis 'di lta bu dag rmi lam du mthong ngo // zhes rmi lam gyi gtam pha ma la zlas so// bdag cag gis sangs rgyas mthong ba rmis cig/ bdag cag gnyis bcom ldan 'das gang na bar mchi bar gsol/ de bzhin gshegs pa 'jig rten du 'byung ba dang shin tu dka' ste/ bdag cag bag med pas mtsher ma 'tshal nas/ 'dod pa lnga'i 'dam du lhung ste/

  90. 360b

    gzugs kyi 'ching bas rnam par bcings so// tshor ba dang / 'du shes dang / 'du byed dang / rnam par shes pa bcings pas/ rnam par bcings so// bdag cag khyim na gnas pas bag med pa'i phyir/ sangs rgyas ma mthong zhes gsol to// 'jig rten 'dzin rgyal bu de gnyis kyis pha ma la de skad ces spras nas/ bcom ldan 'das blo gros chen po ri'i rgyal po gang na bar song ngo // bcom ldan 'das kyi spyan sngar phyin nas/ zhabs la spyi bos phyag 'tshal te/ sangs rgyas dang dge slong gi dge 'dun rnams la zla ba gsum gyi bar du mchod pa rnam bzhi dbul bar spyan drangs so// na bza' dang / bsod snyoms dang / gzims cha dang / snyan gyi rkyen sman dag gi mchod pa phul te/ grong khyer chen po'i mtha' rgyal po phan par 'gyur ba'i bskyed mos tshal gcig tu/ ba dan sbyangs/ gdugs bris/ rin po che'i pad mo bkod te sangs rgyas dang / dge slong gi dge 'dun la phul nas/ bzhugs su gsol to// rgyal bu de gnyis kyis zla ba gsum gyi bar du mchod pa'i yo byad thams cad kyi sangs rgyas dang / dge slong gi dge 'dun la mchod nas/ bcom ldan 'das de'i bstan pa la khyim nas khyim ma yin par rab tu byung ngo // 'jig rten 'dzin bcom ldan 'das blo gros chen po ri'i rgyal po des rgyal bu de gnyis kyang lhag pa'i bsam pa dang / smon pa mkhyen nas phung po lnga dang /

  91. 361a

    'dzinaskye mched bcu gnyis dang / khams bcwo brgyad pa'i byang chub sems dpa'i thabs bshad bya ba'i mdo rgyas par bshad do// lo bzhi khri bar du gnyid kyang ma log zas kyang chog par ma zos/ snyes te 'phres kyang ma myong bar gal te 'dag gam/ 'chag cing song yang ma myong ngo // de nas yang lo bzhi khri'i bar du gzhan ci 'ang mi sems te/ nye bar len pa'i phung po lnga yang dag pa yin pa dang / stong pa nyid kyi mtshan nyid du sems so// de ltar phung po lnga phyin ci log las byung bar shes nas/ nye bar len pa'i phung po lnga'i mtshan nyid khong du chud cing rtogs par bya ba la bsnams bzhin du/ tshe la thug gi bar du tshangs par spyad pa spyod do// de nas tshe 'phos nas dga' ldan gnam du skyes so// bcom ldan 'das de mya ngan las 'das pa'i 'og tu phyir yang 'jam bu'i gling 'dir khyim bdag chen po zhig gi khyim du skyes nas/ lo bcu drug lon pa dang / yang rmi lam na de bzhin gshegs pa mthong ste/ phung po lnga dang / khams bco brgyad bshad pa byang chub sems dpe'i thabs kyi mdo bstan par rmis so// rmi lam na chos 'di thos nas sad pa dang / sngags skrag ste/ bcom ldan 'das de'i bstan pa la lo khri tshang bar/ tshangs par sprad pa spyod cing / phung po lnga dang / skye mched bcu gnyis dang / khams bcwo brgyad bshad la/

  92. 361b

    byang chub sems dpa'i spyod pa thams cad mdo sde zhib tu brtags nas/ de nas tshe 'phos te/ sum bcu rtsa gsum gnam du skyes so// lha'i tshe zad nas phyir yang 'dzam bu'i gling de rigs mtho zhing che ba'i bram ze'i khyim du skyes so// bcom ldan 'das blo gros chen po ri'i rgyal po'i chos rnam par zhig nas lo stong lon te/ rgyal bu de gnyis sngon gyi rgyu dang rkyen gyis der yang rab tu byung nas/ shes rab rgya mtsho dang 'dra bar shes pa shin tu rgya che bar gyur te/ phung po'i mtshan nyid rnam par 'byed cing / shin tu rtog pa la mkhas pa dang / yang dag pa ji lta ba bzhin mngon sum du rtogs par gyur to// 'jig rten de na mi nyi khri snyed dang lha khri phrag nyi shu snyed bla na med pa yang dag par rdzogs pa'i byang chub la bkod do// 'jig rten 'dzin byang chub sems dpa' de gnyis kyis de nas/ gang nas gang du skye ba'i gnas thams cad du sems 'thun par gyur na/ sangs rgyas khrag khrig phrag bcu dang phrad de/ bsnyen bskur byas par gyur to// de nas gdod mi skye ba'i chos kyi bzod pa thob par gyur to// mi skye ba'i chos kyi bzod pa thob nas/ gzhan yang sangs rgyas khrag khrig phrag gcig dang phrad de/ de nas gdod bla na med pa yang dag par rdzogs pa'i byang chub thob par

  93. 362a

    gyur to// de gnyis kyang bskal pa gcig tu rim gyis 'tshang rgya ste/ gcig ni tshad med sbyangs shes bya/ gcig ni tshad med 'od ces bya'o// 'jig rten 'dzin de bas na byang chub sems dpa' sems dpa' chen po rnams gang myur du bla na med pa yang dag par rdzogs pa'i byang chub thob par 'dod pa dang / rnam par dag cing shin tu byang ba'i chos bsgom pa la shin tu brtson par bya'o// gzhan yang phung po'i mtshan nyid la 'jug pa dang / 'dus byas kyi chos kyi yang dag pa'i mtshan nyid la mkhas par bya'o// phung po lnga la brtag pa'i le'u ste gnyis pa'o// // 'jig rten 'dzin de la ji ltar na byang chub sems dpa' sems dpa' chen po rnams khams bcwo brgyad la mkhas pa zhe na/ byang chub sems dpa' sems dpa' chen po rnams khams bcwo brgyad la yang dag par rtog par dpyod par sbyor ba na/ 'di snyam du mig gi khams shes bya ba mig gi khams su dmig su med/ mig gi khams la bdag dang bdag gi ba med de/ mi rtag pa snying po med par rang bzhin gyis stong pa'i phyir/ mig gi khams la mig gi mtshan nyid du brtags pa mi dmigs/ mig gi khams ni yang dag pa ma yin pa ji yang med pa ste/ rnam par rtog pa las skyes so// mig gi khams la nges pa'i mtshan nyid med de/ na mkha'i khams ni mig gi khams mig gi khams ni/

  94. 362b

    na mkha'i so// dper na/ nam mkha' nges pa'i mtshan nyid med de/ dngos po med pa bzhin mig gi khams la nges pa'i mtshan nyid med pa dang / rang dngos po med pa yang de dang 'dra'o// de ci'i phyir zhe na/ mig gi khams la yang dag pa'i dngos po mi rnyed pa'i phyir/ mig gi khams yul na yang mi gnas/ phyogs na yang mi gnas/ nang na mi gnas/ phyi rol na mi gnas/ gnyi ga'i bar na mi gnas pa'i phyir ro/ mig gi khams la nges pa'i mtshan nyid med pa/ dngos po med pas mig gi khams kyi dngos po dmigs su med de/ rgyu dang rkyen mang po las skyes so// mig gi khams 'das pa ma yin/ ma 'ongs pa ma yin/ da ltar gyi ma yin te/ mig gi khams la mig gi rang bzhin dmigs su med do// mig gi khams ni sngon gyi las kyi 'bras bu rnam par smin pa dang / da ltar gyi rkyen la rag lus te/ mig gi khams shes btags so// mig gi khams shes bya ba ni/ khams med pa'o// mig gi khams la mig gi khams dmigs su med do// rnam par shes pa'i spyod yul la mig gi khams shes bya'o// mig gi dbang po'ang rnam par dag la/ gzugs kyang snang ba'i gnas na yod cing yid kyi dbang por ldan te/ rnam pa gsum 'dus pa na/ mig gi khams shes mig gi khams la nges pa'i mig gi khams shes bya ba med de/ mkhas pa dag ni mig gi khams med pa la mig gi khams su rtogs so// 'jig rten

  95. 363a

    'dzin byang chub sems dpa' sems dpa' chen po rnams/ gal te de ltar mig gi khams rnam par 'byed pa rtogs nas/ khams med pa la gzugs kyi khams su khong du chud par 'gyur ro// de ci'i phyir zhe na/ gzugs kyi khams su dmigs su med de/ gzugs kyi khams ni 'dus ma byas pa'o// gzugs la nges pa'i mtshan nyid med pa'i phyir/ gzugs kyi khams shes bya'o// gzugs la dngos po med de/ rnam par rtog pa'ang med na/ gzugs kyi khams shes bya ba lta ci smos te/ gzugs kyi khams zhes bya ba ni dngos po med pas/ gzugs kyi mtshan nyid ni gzugs kyi nang na'ang mi gnas gzugs kyi phyi rol na'ang mi gnas/ gnyi ga'i bar na yang mi gnas te/ rnam par brtags pa dang / gzugs mngon du snang ba'i gnas na yod la/ mig gi dbang po yang rnam par dag cing yid kyi rnam par shes pa dang ldan pa las/ gzugs mngon par snang ste/ gzugs kyi mtshan nyid shes bya'o// dper na/ me long gi nang gi gzugs brnyan dang 'dra ste/ me longs yongs su dag na gzugs kyi mtshan nyid mngon par snang bar 'gyur ro// gzugs la nges pa'i mtshan nyid med de/ me long gi nang na mi med pa bzhin du/ gzugs kyi gzugs brnyan snang ngo // de yang phyi rol na me long yod na/ nang nas gzugs kyi mtshan nyid 'byung ngo // de bzhin du mig gi dbang po rnam par dag par dag na/

  96. 363b

    gzugs snang ba'i gnas na 'dug pa la dmigs nas/ me long gi gzugs brnyan dang 'dra ba la/ gzugs kyis mtshan nyid ces btags so// gzugs/ la khams med/ dbyibs kyi mtshan ma med/ nges pa'i mtshan nyid med pas/ gzugs kyi mtshan nyid ces bya'o// gzugs kyi mtshan nyid la bdag med pa'i phyir/ gzugs kyi mtshan nyid ces bya'o// sems can gyi rjes su ji lta ba de ltar de bzhin du shes pa'i phyir/ gzugs kyi mtshan nyid ces bya'o// gang zag su zhig gzugs kyi mtshan nyid shes na/ gzugs med pa'i mtshan nyid kyang shes so// gzugs kyi mtshan nyid la ma skyes pa'i khams su shes// / gzugs kyi mtshan nyid la ma byas pa'i khams su shes so// de ci'i phyir zhe na/ gzugs kyi mtshan nyid de 'das pa ma yin/ ma 'ongs pa ma yin/ da ltar gyi ma yin/ mtshan nyid ci'ang med pa/ bstan pa yang dag pa ma yin pa'i mtshan nyid bstan pa bla dgas su btags pa'i mtshan nyid bstan ste/ de dag ni gzugs kyi khams shes bya'o// de ltar na byang chub sems dpa' gzugs kyi khams rnam par 'byed pa la rtog pa ste/ byang chub sems dpas de nas mig gi rnam par shes pa'i mtshan nyid rnam par 'byed pa la rtog go/ 'di lta ste/ mig gi rnam par shes pa la mig gi rnam par shes pa med/ mig gi rnam par shes

  97. 364a

    tshig ra/ #pa'i khams med/ rtag pa'i mtshan nyid med do// mig gi rnam par shes pa'i khams la dngos po med/ nges pa'i chos med do// mig gi rnam pa/ shes pa'i khams ni bstan du med pa'o// mig gi rnam par shes pa'i khams ni 'das pa ma yin/ gyes pa ma yin te/ dngos po'i rtsa ba med do// de'ang sngon gyi las kyi rgyu dang rkyen dang / da ltar gyi rkyen dang gzugs la rag lus pa'i phyir 'dir rnam par shes pa'i khams zhes bya'o// byis pa so so'i skye bo'i phyin ci log gi sems kyi rjes su song bas mig gi rnam par shes pa'i khams zhes bya'o// de la 'phags pa rnams kyis ni khams med par khong du chud cing rtogs so// de ci'i phyir zhe na/ mig gi rnam par shes pa'i khams la nges pa med pa'i phyir ro// de ni rkyen rnams las skyes te/ rkyen la rag lus pa'i phyir/ mig gi rnam par shes pa'i khams shes bya'o// rnam par shes pa'i spyod yul la gnas na mig gi rnam par shes pa'i khams zhes bya'o// da ltar nges pa med pa'i phyir na/ nges pa'i mtshan nyid ces bshad do// ma skyes pa'i phyir yang dag pa ma yin pa bstan pa'i phyir/ gzugs kyi mtshan mar rnam par rtog pa'i phyir// rkyen rnam par bstan pa'i phyir/ mig gi rnam par shes pa'i khams zhes bshad do// sems can dag ji ltar shes pa'i rjes su de bzhin gshegs

  98. 364b

    pas thabs kyis rnam par phye ste/ cig pa dang tha dad pa'i mtshan nyid gzhom pa'i phyir/ de lta bu'i mtshan nyid bshad do// rnam par shes pa la nges pa'i mtshan nyid med do// mig gi dbang por dag pas/ gzugs kyi mtshan nyid shes te/ chos gnyis su 'dus pa'i phyir/ mig gi rnam par shes pa'i khams zhes bshad do// mig gi rnam par shes pa'i yang dag pa'i mtshan nyid bstan pa'i phyir/ mig gi rnam par shes pa'i khams zhes bshad do// mig gi rnam par shes pa'i khams ni mig gi spyod yul gi gnas te/ gzugs su rnam par shes pa ni mig gi rnam par shes pa'i khams de'ang khams med par bshad/ pa'o// de ci'i phyir zhe na/ khams pa dag gis mig gi rnam par shes pa'i khams la/ mig gi rnam par shes pa'i khams su dmigs su med de/ mig gi rnam par shes pa'i khams la/ mig gi rnam par shes pa'i khams su dmigs su med pas/ dngos por mi rnyed do// de ci'i phyir zhe na/ nges pa'i mtshan nyid med pa ni mig gi rnam par shes pa'i khams so// mig gi rnam par shes pa'i khams ni btags pa tsam du zad do// khams shes bshad pa de yang mi len pa'i don bshad par zad do// mthong bar bya ba'i gnas yod pas/ mig gi rnam par shes pa dang yid kyi las mig gi rnam par shes pa'i mtshan nyid skyes pas mig

  99. 365a

    gi rnam par shes pa zhes bya'o// mig gi khams dang / gzugs kyi khams dang / mig gi rnam par shes pa'i khams dang / dngos po gsum 'dus pa las rkyen rnams mtshan nyid shes te/ de nas khams kyi don las dben pa'o// 'di lta ste/ mig gi khams dang / gzugs kyi khams dang / mig gi rnam par shes pa'i khams rnam grangs de snyed kyis na/ sems can rnams yang dag pa'i lam la 'jug par 'gyur te/ 'di la yang dag par na mig gi khams med/ gzugs kyi khams med/ mig gi rnam par shes pa'i khams med de/ de bzhin gshegs pa thams cad kyis mtshan nyid rnams shes pa dang / mthong ba dang / rnam par 'byed pa'i thabs su gsungs te/ mtshan nyid gsungs pa 'di la gang zag su zhig chud cing rtogs na/ khams gsum po la khams med par shes so// de ci'i phyir zhe na/ khams rnams la khams kyi mtshan nyid med pa'i phyir/ khams rnams la mtshan nyid du mi dmigs pa'i phyir ro// rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams kyang

  100. 365b

    gzhung 'dis shes par bya'o// 'jig rten 'dzin de la ji ltar na byang chub sems dpa' sems dpa' chen po rnams/ yid kyi khams rnam par 'byed pa la rtog pa zhe na/ byang chub sems dpa' 'di snyam du yid kyi khams la dngos po ji yang med pa'i phyir deng ba'i mtshan nyid med do// yid kyi khams la yid kyi khams zhes bya ba med do// nges pa'i khams med do// yid kyi khams zhes bya ba ni/ dper na sa bon sa chen po la rmos nas gsher gyis brlan te/ nyi mas dros par byas shing rlung gis bskyod na/ myu gu bags kyis 'byung ste/ myu gu yang sa bon las ma skyes la/ sa bon yang myu gu dang gcig pa ma yin te/ myu gu skyes nas sa bon yang 'jig ste/ sa bon yang myu gu las gzhan ma yin la/ myu gu yang sa bon las gzhan ma yin te/ myu gu'i nang na sa bon med pa bzhin/ yid kyi khams kyang de dang 'dra ste/ yid kyi las bskyed pa'i phyir/ yid rnam par shes pas mtshon pas ni bon gyis myu gu mtshon pa bzhin te/ yid kyi khams zhes btags so// yid kyi khams las gud na yid dang / yid kyi khams zhes bya ba med/ yid du mi shes kyang bla dgas su yid kyi khams zhes btags so// yid kyi khams zhes khya ba de yid kyi nang na mi gnas/ yid kyi phyi rol na yang mi gnas/ gnyis ka'i bar na mi gnas te/ sngon gyi las kyi rgyu dang rkyen gyi phyir/ rnam par shes pas/

  101. 366a

    bskyed pa'i yid kyi phyir dmigs par bya ba shes pa'i phyir mtshan nyid du btags pa 'dus pa'i phyir/ da ltar gyi dmigs pa bskyed pa'i phyir yid kyi khams zhes bya'o// de ni ma nges pa'i yid kyis las kyi mtshan nyid dang / rgyu dang / rkyen mang po 'dus pa'i mtshan nyid do// yid kyi khams ni mang po 'dus pa las skyes pas sems can ji ltar shes pa'i rjes su 'jug go/ don dam pa la ni yid kyi khams shes bya ba med do// de ci'i phyir zhe na/ dngos po med pa'i phyir ro// mi skye ba ni yid kyi khams te skye ba med pa'i phyir ro// yid kyi khams zhes bya ba ni kun rdzob du btags pa'i tshig yin te/ don dam par na nges par yid kyi khams med do// 'das pa dang / ma 'ongs pa dang / da ltar gyi dmigs su med do// khams dag ni khams med pa la yid kyi khams su rtogs so// / byang chub sems dpa' rnams chos kyi khams la 'byed cing rtog pa ni khams su rtogs te/ chos kyi khams la rang bzhin med pas/ rang bzhin nyid dmigs su med de/ nges pa med pa'i khams ni chos kyi khams so// chos kyi khams ni dngos por dmigs su med pa'i phyir/ nges pa'i dngos por dmigs su med de/ skye bo phyin ci log tu lta zhing yang dag pa ma yin pas rnam par bcings pa dag shes par bya ba'i phyir/ chos kyi khams zhes brjod pa bshad pa yang so so'i skye bo dag

  102. 366b

    khams med pa la dgod pa'i phyir chos kyi khams bshad do// de ci'i phyir zhe na/ chos kyi khams la chos kyi khams med de/ chos kyi khams zhes bya ba ni rkyen mang po 'dus pa las skyes so// rkyen 'das pa las skyes pa'i chos ni rang bzhin med de/ rkyen la rang bzhin med pa'i phyir/ rgyu dang rkyen ni mang po 'das pa'i phyin ci log gi rgyu las skyes so// de bzhin gshegs pas sems can yongs su smin par bya ba'i phyir/ kun rdzob kyi tshig tu brjod pas/ khams med pa'i chos bstan pa'i phyir/ chos kyi khams gsungs so// chos kyi khams ni nang na mi gnas/ phyi rol na mi gnas/ gnyi ga'i bar na mi gnas kyang so so'i skye bo dag dge ba dang / mi dge ba'i chos shes shing mthong ngo // chos kyi khams kyis chos thams cad kyi sems shes pa dang mthong ba med par bshad pa ni/ mthar stong pa nyid kyi mtshan nyid kyi phyir/ mthar stong pa nyid du bshad pa ni chos kyi khams yin no// de ci'i phyir zhe na/ ci'ang med pa ni chos kyi khams ste/ chos kyi khams la yod ces bya ba'i mtshan ma nges pa med pa'i phyir ro// 'di lta ste/ na mkha' la nges pa'i mtshan nyid med de/ na mkha' zhes bya ba bzhin chos kyi khams kyang de dang 'dra ste/ nges pa'i mtshan nyid med do// chos kyi mtshan ma gzhom pa'i phyir/ chos kyi khams zhes bshad de/ khams med pa ni chos kyi khams so// de ci'i phyir zhe na/ chos kyi khams

  103. 367a

    @ni 'das pa la mi gnas/ ma 'ongs pa la mi gnas/ da ltar la mi gnas te/ rkyen mang po la rag lus pas/ rkyen dang brang ba'i phyir chos kyi khams zhes rnam grangs su btags so// sems can gyis ji ltar gyi khams shes btags so// mkhas pa dag khams med pa la chos kyi khams su shes te/ chos kyi khams ni gcig pa ma yin/ tha dad pa ma yin no// chos kyi khams la chos kyi khams kyi mtshan nyid mang po yang med// cung zad kyang med de/ khams bstan pa'i thabs kyis chos kyi khams la khams zhes bshad do// gang rnal 'byor pa dag chos kyi khams rtog shing chud pa ni khams med par shes shing mthong ngo // khams gsum gyi chos kyi khams kyi rnam par rtog pa'i mtshan ma med de/ rgyu dang rkyen mang po 'das pa las chos su rnam par rtog pas/ chos kyi khams zhes bshad de/ chos su rnam par phye ste/ mtshan nyid nges par med pa ston pa'i phyir/ chos kyi khams zhes bshad do// mkhas pa dag ni chos kyi khams la mtshan par lta ba'i phyir/ chos skyes par mthong ba ma yin te/ gang skyes pa'i chos de nyid ma skyes pa'o// de ci'i phyir zhe na/ chos kyi khams la mtshan ma med pa'i phyir ro// mkhas pa dag ni chos kyi mtshan nyid la mtshan ma med par rtogs shing chud pas/ chos kyi khams la

  104. 367b

    rnam par rtog pa'i mtshan pa med pa ni/ mtshan ma med pa rnam par rtog pa med pa'i phyir/ chos kyi khams zhes gsungs so// chos kyi khams la gnas pa'i gnas med gnas pa med/ 'byung ba'i gnas med/ rten pa'i gnas med do// chos kyi khams ni thog ma nas ma skyes pa'i phyir/ chos kyi khams la skye ba med do// de ci'i phyi/ zhe na/ chos kyi khams la khams med pa'i phyir ro// gzhan yang chos kyi khams ni 'dus pa'i phyir yod pa ma yin te/ ma 'das ma gyes pa/ mngon par 'das ma byas pa/ nges pa med pas chos kyi khams zhes gsungs so// byang chub sems dpa' sems dpa' chen po rnams de ltar khams med pa la chos kyi khams su rnam par 'byed cing rtogs so// 'jig rten 'dzin de ltar na byang chub sems dpa' sems dpa' chen po dag yid kyi rnam par shes pa'i khams la rnam par 'byed cing rtog pa zhe na/ byang chub sems dpa' sems dpa' chen po rnams 'di snyam da ma skyes pa'i khams ni yid kyi rnam par shes pa'i khams/ ma nges pa'i khams ni/ yid kyi rnam par shes pa'i khams so// yid kyi rnam par shes pa'i khams la dngos po med nges pa'i chos med de/ yid kyi rnam par shes pa'i khams kyis chos med pa'i mtshan nyid bstan to// de ci'i phyir zhe na/ yid kyi rnam par shes pa'i khams la yid kyi rnam par shes pa'i khams su dmigs su med de/ yid kyi rnam par

  105. 368a

    shes pa'i khams ni yang dag pa ma yin ci'ang med pa byin ci log dang ldan pa/ yid thog ma 'gro ba las chos su rnam par shes pas/ yid kyi rnam par shes pa zhes gsungs so// byis pa so so'i skye bo'i rjes su bsnyag pa'i phyir/ yid kyi rnam par shes pa'i khams zhes gsungs so// 'phags pa rnams kyis ni khams ma yin pa la yid kyi rnam par shes pa'i khams su shes shing rtogs/ yang dag pa ma yin pa ci yang med pa la yid kyi rnam par shes pa'i kham su rtogs shing shes so// de'ang rgyu dang rkyen gyi chos bstan pa'i phyir yid thog mar 'gro bas shes nas/ rkyen mang po 'das pas yid kyi rnam par shes pa'i khams zhes bshad do// de yang sems can ji ltar shes pa'i rjes su brnyag pa'i phyir de skad ces gsungs so// mkhas pa dag ni khams ma yin pa la/ yid kyi rnam par shes pa'i khams su shes so// de yang rgyu dang rkyen mang po 'das pa dang / rnam par brtags pa las byung ste/ gang khams la mtshan ma med pa ni don dam pa ste/ don dam pa la khams kyi mtshan nyid med do// kun rdzob kyi chos su sems cad smin par bya ba'i phyir/ yid kyi rnam par shes pa'i khams shes gsungs te/ de yang sems can khams med pa ni/ yid kyi rnam par shes pa'i khams su shes par bya ba'i phyir ro// de yang chos cung zad tsam gyis kyang khams gzhom zhing de las dben par bya/

  106. 368b

    ba'i phyir/ yid kyi rnam par shes pa'i khams zhes gsungs so// de ci'i phyir zhe na/ 'phags pa rnams yid kyi rnam par shes pa'i khams la yid kyi rnam par shes pa'i khams kyi nang na gnas par ram/ yid kyi rnam par shes pa'i khams kyi phyi rol na gnas par ram/ gnyi ga'i bar na gnas par mi dmigs so// mkhas pa dag ni 'du ba med pa'i khams la yid kyi rnam par shes pa'i khams su gtogs so// yid kyi rnam par shes pa'i khams kyis khams ni mi shes/ yid kyi khams la yid kyi rnam par shes pa'i khams mi shes so// de yang rgyu dang rkyen mang po 'dus pa dang / phyin ci log las skye zhing 'byung ste/ yid thog mar 'gro bas rgyu dang rkyen/ gnyis 'das pa las 'byung bar shes so// yang dag pa ma yin pa la chags pa dang / kun brtags pa las skyes te/ sems can la rnam par shes pa'i mtshan ma bstan pa'i phyir/ yid kyi rnam par shes pa'i khams zhes brjod do// yid kyi rnam par shes pa ni 'das pa la mi gnas/ ma 'ongs pa la mi gnas/ da ltar la mi/ gnas so// yid kyi rnam par shes pa ni gang nas kyang ma 'ongs la gang du'ang ma song / gnas pa'i gnas med de/ thog ma nas ma skyes pa'i mtshan nyid do// yid kyi rnam par shes pa la thog ma'i dngos por nges pa'i chos med do// de ci'i phyir zhe na/ yid kyi rnam par shes pa'i khams ni mtshan ma gnyis su med de/ mtshan ma me

  107. 369a

    rna / @#pa'o// mtshan ma de ni mtshan ma gnyis su med pa'i phyir yod pa ma yin te/ bstan du med pa nyid ni yid kyi rnam par rnam par shes pa'i khams so// mkhas pa dag ni de ltar yid kyi rnam par shes pa'i khams rtogs shing khong du chud pas yid kyi rnam par shes pa'i khams de chos thams cad mi gnas yul la mi gnas// phyogs na mi gnas ste/ chos thams cad cig pa 'am/ tha dad pa ma yin par rtogs so// 'phags pa rnams kyis ma skyes pa nyid la/ yid kyi rnam par shes pa khams/ su rtogs so// yid kyi rnam par shes pa'i khams ni 'ongs pa med/ song ba yang med/ dmigs pa'ang med do// de ci'i phyir zhe na/ don dam pa la yid kyi rnam par shes pa'i khams su mi dmigs/ dmigs su med/ bstan du med pa'i phyir ro// mkhas pa dag ni yid kyi rnam par shes pa'i khams la byed pa mi dmigs su med pa'i phyir/ ma byas pa ni yid kyi rnam par shes pa'i khams su rtogs/ yid kyi rnam par shes pa'i khams la skye ba'i mtshan ma med pa'i phyir/ ma skyes par chud cing rtogs so// 'jig rten 'dzin/ byang chub sems dpa' sems dpa' chen po rnams/ yid kyi rnam par shes pa'i khams la de ltar rnam par 'byed cing rtog go/ byang chub sems dpa' rnams de ltar rtog pa'i tshe// 'dod pa'i khams dang / gzugs kyi khams dang / gzugs med pa'i khams la ma skyes nyid dang / ji yang /

  108. 369b

    med pa nyid du rnam par 'byed cing rtog go// ji ltar rtog ce na 'di lta ste/ 'dod pa'i khams la 'dod pa'i khams med/ gzugs kyi khams la gzugs kyi khams med/ gzugs med pa'i khams la gzugs med pa'i khams med de/ khams kyis khams med pa'i chos ston pas/ 'dod pa'i khams la 'jug par dga' ba la ni gzugs kyi khams ston to// gzugs med pa'i khams la 'jug par dga' ba la ni/ gzugs med pa'i khams ston to// khams kyis khams med pa mtshon cing brjod do// mkhas pa dag ni ci yang med pa'i khams ni 'dod pa'i khams dang / gzugs kyi khams dang / gzugs med pa'i khams su shes// / mkhas pa dag ni 'dod pa'i khams dang / gzugs kyi khams dang / gzugs med pa'i khams su mi dmigs/ khams gsum yang dngos po med pa nges pa'i chos med de/ rgyu dang rkyen mang po las skyes par shes pas de bas na/ mkhas pa dag ni khams med pa la khams gsum du shes so// de la khams med de/ khams gsum char yang dag pa ma yin pa phyin ci log gis 'gro'o// de ci'i phyir zhe na/ mkhas pa dag ni khams gsum du mi dmigs pas/ khams gsum la 'das pa dang / ma 'ongs pa dang / da ltar gyir mi dmigs mi brjod do// 'phags pa rnams kyis ni khams gsum pa yang dag pa ma yin pa dang / ci'ang med pa rang bzhin/

  109. 370a

    @#med pa/ chos rnams dang bral ba/ phyin ci log las byung bar rtogs so// skye bo mang po'i phyin ci log yongs su gcad par bya ba'i phyir/ khams gsum shes shing / mthong bar bya ba'i phyir/ de bzhin gshegs pas rnam par phye ste gsungs so// khams gsum gyi dngos po bstan pa yang / sems can dag khams med pa'i don shes par bya ba'i phyir/ khams gsum gsungs te/ khams kyi dngos por ni ma yin no// mkhas pa dag ni khams gsum ni khams med par shes shing rtogs so// 'jig rten 'dzin byang chub sems dpa' sems dpa' chen po rnams de ltar rtogs pa'i tshe/ sems can gyi khams dang / bdag gi khams ni nam mkha'i khams te/ chos kyi khams med pa dang / ci yang med pa'i khams dang / ma skyes pa'i khams su rtogs so// de ci'i phyir zhe na// sems can gyi khams dang / bdag gi khams dang / nam mkha'i khams bye brag med de tha mi dad do// khams mtshan nyid de dag kyang yang dag pa ma yin pa las byung ste/ rkyen mang po las skyes pas khams shes byas te/ de la nges pa'i khams med do// de ci'i phyir zhe na/ na mkha' la gcig tu nges pa'i khams med do// / mtshan nyid de dag kyang na mkha'i khams su rtogs pas khams med pa'i don 'di lta ste/ na mkha' la khams med pa bzhin du chos kyang mthar mtshan ma dang bral te med

  110. 370b

    pa'i mtshan nyid do// khams thams cad kyang khams dang bral ba'o// khams la khams med de/ khams shes bya ba nang na mi gnas/ phyi rol na mi gnas/ gnyi ga'i bar na mi gnas te/ khams kyi nang na khams med do// med pa ni mtshan nyid du ma bsdus pa/ khams la mi gnas pa'o// khams thams cad la gnas med/ khams thams cad ni ma skyes pa'o// mkhas pa dag ni khams rnams la khams skye ba mi dmigs/ khams la 'gog pa mi dmigs/ khams la/ gnas par mi dmigs so// khams thams cad ni ma skyes pa/ ma byung ba/ mi gnas pa/ thog ma nas dmigs su med pa'o// mkhas pa dag ni ming tsam du brtags pa'i khams la mi chags/ chags par mi byed/ mi 'dzin mi rtog go/ de bas na mkhas pa dag ni khams thams cad la khams ma skyes par shes shing mthong ste/ ma skyes pas na 'gog pa med de/ don dam pa la khams thams cad dmigs su med do// kun rdzob du na chos kyi khams rnams rnam par phye ste brjod do// don dam par na khams su brjod pa yang med do// mkhas pa dag ni khams thams cad don dam pa'i don du shes shing rtogs so// 'jig rten 'dzin byang chub sems dpa' sems dpa' chen po rnams de ltar khams bcwo brgyad dang / khams gsum dang / sems can gyi khams dang / bdag gi khams dang / na mkha'i khams

  111. 371a

    rtogs shing / rnam par phye ba khong du chud do// byang chub sems dpa' rnams de ltar kham du chud cing rtogs pa'i tshe/ khams gsum/ mi dmigs/ khams su mi mthong / thams cad kyi ming yang rtogs shing / khams thams cad khams med pa la 'jug par yid ches so// khams su rnam par phye ba yang shes shing kun rdzob du khams thams cad rnam par phye nas/ khams thams cad don dam par zhugs par yang shes/ khams med pa'i sbyor ba yang shes shing / sems can rnams la khams kyi rnam par ston te/ sems can rnams khams kyi sbyor ba la shin tu gnas par yang byed do// kun rdzob tu tshig dang smra bas/ sems can rnams la khams med pa'i chos ston kyang / mtshan ma gnyis su khams mi ston to// khams thams cad gnyis su med kyang thabs kyis khams rnams rten cing 'brel te byung bar ston to// kun rdzob tu tshig dang smra bas/ sems can smin par byed kyang / sems can gyi khams la don dam pa ston to// khams kyi khyad par gyi rnam pa la mkhas kyang khams thams cad med par yid ches shing rtogs so// de ci'i phyir zhe na/ 'jig rten 'dzin de bzhin gshegs pa don dam pas khams su mi dmigs/ khams kyi chos su mi dmigs so// 'jig rten 'dzin ngas ni khams thams cad

  112. 371b

    'gags pa yang med/ bcad pa'ang med par bla na med pa yang dag par rdzogs pa'i byang chub tu mngon par sangs rgyas so// de ci'i phyir zhe na/ don dang pa la khams rnams med do// khams thams cad la khams gang yang med do// nges pa med do// khams thams cad nam mkha' dang mnyam ste/ khams thams cad nam mkhar 'jug pas/ khams thams cad ma skyes pa'i mtshan nyid do// de bzhin gshegs pas khams thams cad la de lta bu'i tshul gyis thugs su chud do// de bzhin gshegs pas khams su ma gsungs/ chos rnams kyi stobs kyang ma gsungs so// de ci'i phyir zhe na/ chos thams cad ci'ang med pas/ ci 'ang med pa'i khams mi gsungs ngo // 'jig rten 'dzin de bzhin gshegs pas ci'ang med pa'i khams gsungs mod kyi de la yang dag par/ na khams gsungs pa med do// 'jig rten 'dzin de ltar na khams rnams kyi rnam par 'byed pa la mkhas pa zhes bya'o// byang chub sems dpa' sems dpa' chen po rnams khams rnam par 'byed pa la shin tu mkhas pa dang / khams thams cad btags pa tsam du shes pa dang / kun rdzob kyi khams tsam du shes pa dang / don dam pa'i khams shes pa dang / khams kyi nges pa shes pa dang / kun rdzob kyi bden pa shes pa dang / khams rnam par 'byed pa la mkhas

  113. 372a

    pa dang / ci dang ci lta bu dang ldan pa shes pa dang / khams kyi 'das pa shes pa dang / khams kyi 'jug pa shes pa dang / bden pa'i khams kyi 'jug pa shes pa dang / khams kyi khyad par la mkhas pa dang / khams thams cad khams med par shes pa dang / khams thams cad na mkha'i khams dang 'thun par shes te/ khams rnams la bye brag du mi 'byed pa dang / khams rnams la bye brag du mi dmigs/ bye brag tu mi brjod do// sems can rnams la khams 'jig pa ston pa la mkhas par 'gyur ro// 'jig rten 'dzin 'di lta ste/ sgyu ma mkhan mkhas pa zhig/ sems can sgyu ma rnam pa sna tshog bstan te/ sgyu ma'i dngos po rnam pa sna tshogs shes par byed do// de la 'dza' zhing bshes pa dag gis 'di skad du 'di ni sgyu ma'o// sgyu mar byas pa'i dngos bo ste/ sgyu ma de la yang dag pa med de// phyin ci log tu sems can la ston to zhes smras na/ mkhas pa dag ni sgyu mar shes par 'gyur ro// 'jig rten 'dzin 'jig rten gyi rang bzhin ni sgyu ma lta bu ste/ byang chub sems dpa' sems dpa' chen po rnams sgyu ma lta bu'i chos la zhugs pa na/ 'jig rten sgyu ma'i rang bzhin du shes so// 'jig rten spyod pa ni sgyu ma lta bu ste/ sbyor ba'i stobs kyis sems can dag la/ 'jig rten sgyu ma lta bur ston to// gang

  114. 372b

    zhig 'jig rten la yang dag pa'i bden par 'dzin na/ 'jig rten yang dag pa ma yin pa sgyu mar ston to// de la mkhas pa blo zab mo dbang po rno ba dag ni zur tsam bstan pas chos thams cad stong pa nyid dang / sgyu ma lta bu dang / mi bden pa dngos po med par shes te/ chos thams cad kyis byis pa so so'i skye bo dag bslus pa dang / chos thams cad yang dag pa ma yin pa'i rkyen la rag lus par shes so// 'jig rten 'dzin de bas na byang chub sems dpa' sems dpa' chen po rnams khams kyi sbyor ba la 'jug par 'dod pa dag shin tu zab mo'i mdo sde brjod du med/ dmigs su med pa/ khams thams cad shes shing mthong bar byed pa ston pa/ khams thams cad yi ge med pa/ 'dus pa med pa brjod pa/ khams thams cad kyi thabs dang shes rab ston pa/ rten cing 'brel te byung ba la 'jug par byed pa/ ston pa gzhan yang chos thams cad kyi yang dag pa nyid brjod pa 'di lta ste/ 'jig rten dang 'jig rten las 'das pa dang / 'das byas dang / 'dus ma byas dang / dbang dang / dbang ma yin pa dang / sbyor ba la 'jug pa dang / don dam pa dang / kun rdzob kyi don dang / nges pa'i don gyi mdo sde dang / bkri ba'i don gyi mdo sde dang / rten cing 'brel te 'byung ba'i rnam par grol ba'i mdo sde zab mo 'di las 'dod pa thams cad las brtson

  115. 373a

    par bya'o// khams bcwo brgyad ces bya ba'i le'u ste gsum pa'o// / 'jig rten 'dzin ces bya ba'i mdo/ bam po gsum pa/ bcom ldan 'das kyis 'jig rten 'dzin la 'di skad ces bka' stsal to// 'di la ji ltar na/ byang chub sems dpa' sems dpa' chen po skye mched bcu gnyis la mkhas pa zhe na/ byang chub sems dpa' sems dpa' chen po rnams skye mched bcu gnyis rnam par 'byed cing yang dag par rtog pa na 'di snyam du mig la mig gi skye mched dmigs su med/ mig la mig gi skye mched du nges pa med/ mig gi skye mched kyang dngos por dmigs su med do// de ci'i phyir zhe na/ mig gi skye mched ni rkyen mang po las skyes pa phyin ci log las byung ba'o// gzugs la dmigs pa'i phyir/ gzugs la rag lus pa ste/ gnyis phrad pa las gzugs kyi rkyen gyis mig gi skye mched kyi rkyen yod par 'gyur te/ gzugs dang mig gi skye mched gnyis gcig la brdos pa'i phyir mig gi gzugs shes bshad do// 'di lta ste/ mig dang gzugs dang shes bya ba gzugs ni mig gi skye mched 'byung bar byed pa'i sgo yin la/ mig kyang gzugs kyi skye mched 'byung zhing snang bar byed pas/ de bas na skye mched kyang gzugs kyi rkyen gyis skye mched kyi sgo zhes btags pas mig gi skye mched

  116. 373b

    ces bya ste/ mig gi mthong ba'i phyir gzugs kyi skye mched ces bya'o// kun rdzob du yod par gsungs kyi mig kyang gzugs la mi gnas/ gzugs kyang mig la mi gnas/ mig mig la mi gnas/ gzugs gzugs la mi gnas te/ rkyen mang po las gzugs su dmigs pa byung bas mig gi skye mched ces brtags so// gzhan yang rten cing 'brel ba las mig gi shes pa dang / mthong ba'i mtshan nyid skye bas gzugs kyi skye mched ces btags so// ji ltar na kun rdzob du phyin ci log tu bshad pa'i zlas don dam par mig gi skye mched dmigs su med cing gzugs kyi skye mched dmigs su med pa bstan pa zhe na/ mkhas pa dag ni skye mched rnams btsal na yang dag par yod par mi mthong ste/ byis pa so so'i skye bo blo phyin ci log tu gyur pa dag ni mig gi skye mched dang / gzugs kyi skye mched mtshan ma gnyis su mdzad do// mig gi skye mched gzugs kyi skye mched de nyid yang dag pa ma yin pa'i skye mched bstan pa'o// yang dag pa ji lta ba bzhin du chos rnams kyi de kho na'i mtshan nyid shes par bya ba'i phyir skye mched rnams ni rten cing 'brel te byung ba phyin ci log tu mngon par 'byed pa dang ldan pa las 'byung ste/ skye mched kyi mtshan nyid yang dag par dmigs su med do// de ci'i phyir zhe na/ mig gi skye mched dang / gzugs kyi skye mched nang na mi gnas/

  117. 374a

    phyi rol na mi gnas/ gnyi ga'i bar na mi gnas so// mig gi skye mched dang / gzugs kyi skye mched 'das pa ma yin// ma 'ongs pa ma yin/ da ltar kyi ma yin te 'on kyang da ltar gyi rgyu dang rkyen 'dus pa las/ gzugs su shes pas mig gi skye mched du brjod de/ byis pa so so skye bo dag spyod pa bzhin no// mkhas pa dag ni skye mched rnams yang dag pa ma yin pa ci'ang med pa rnam par brtags pa'i phyin ci log las byung ba khong du chud pas/ skye mched ma yin pa ni/ skye mched du mthong zhing shes so// skye mched kyi mtshan nyid mi brjod cing skye mched la mtshan nyid nges pa med de/ rten cing 'brel te byung bar de bzhin gshegs pas gsungs so// de dag ni skye mched du mthong ba dang / shes pa zhes bya'o// 'di lta ste/ skye mched rnams ni yang dag pa ma yin pa ci 'ang med de/ rgyu dang rkyen la rag lus pa phyin ci log dang ldan pa'i 'du byed las byung ba'o// skye mched ni byas pa med/ byed pa med de/ mig gi skye mched gzugs kyi skye mched du mi shes rnam par mi rtog/ gzugs kyi skye mched du mi shes rnam par mi rtog ste/ gnyi ga'i mtshan ma dang bral ba'o// chos nyid kyis bral ba'i mtshan nyid bas na/ de la rnam par brtag cing brjod de med do// skye mched kyi mtshan nyid ni rten cing 'brel te byung bas byis pas phyin ci log tu shes pa dang /

  118. 374b

    'phags pas khong du chud cing rtogs par ji bzhin te/ mig gi skye mched dang gzugs kyi skye mched ni ma skyes pa/ mi 'gag pa/ ma 'ongs pa/ mi 'gro ba'i mtshan nyid yin pas mig gis mig mi shes/ mig gis mig du rnam par mi rtog/ gzugs kyis gzugs mi shes/ gzugs kyis gzugs su rnam par mi rtog go// de ci'i phyir zhe na/ gnyi ga stong pa'i phyir ro// gnyi ga bral ba'i phyir mig gis mig gi mtshan nyid mi shes/ gzugs kyang gzugs kyi mtshan nyid mi shes/ mig dang gzugs gnyi ga la mtshan nyid med de/ de la nges pa'i mtshan nyid med pas/ mig gis mig ma byas/ mig gis mig du mi shes so// gzugs kyis gzugs ma byas// gzugs kyis gzugs mi shes so// gnyi ga med pa'i phyir mig kyang bdag gi mig go/ snyam du mi sems/ gzugs kyang bdag ni gzugs so snyam du mi sems/ mig dang gzugs kyi bdag nyid ni sgyu ma'i ngo bo nyid de yang dag pa ma yin pa'i bla dgas su mig dang gzugs shes brjod do// byang chub sems dpa' rnams ni mig gi skye mched dang / gzugs kyi skye mched la ji ltar rnam par 'byed cing rtog pa bzhin du rna ba dang sgra dang / sna dang dri dang / lce dang ro dang / lus dang reg bya yang de bzhin no// 'jig rten 'dzin de la ji ltar na byang chub sems dpa' sems dpa' chen po yid kyi skye mched

  119. 375a

    la rnam par 'byed cing rtog pa zhe na/ byang chub sems dpa' sems dpa' chen po rnams yid kyi skye mched la rnam par 'byed cing rtog pa'i/ tshe/ de 'di snyam du yid kyi skye mched la yid kyi skye mched dmigs su med/ yid kyi skye mched du nges pa'i mtshan nyid med de/ yid kyi skye mched la dngos po med par sems so// de ci'i phyir zhe na/ yid kyi skye mched ni rten cing 'brel te/ byung bas phyin ci log las skyes te/ chos kyi skye mched las rag lus pas gnyis phrad pa las bya ba byed par 'gyur ro// yid kyi skye mched kyang chos kyi skye mched kyi rkyen gyis 'byung la/ chos kyi skye mched kyi rkyen gyis rnam par 'byed par 'gyur te/ mtshan nyid gnyis su phye'o// yid la brten nas chos kyi skye mched kyi gnas yod par gyur te/ yid ni chos skye zhing mched par byed pa'i sgo yin la/ chos kyi skye mched kyang yid kyi sgo yin no// de bas na chos kyi skye mched ces gdags so// chos kyi skye mched kyi sgo'i rkyen gyis yid kyi skye mched du brjod de/ yid kyi mtshan nyid kyi sgo bstan cing shes par bya ba'i phyir chos kyi skye mched ces brjod par gyur to// kun rdzob kyi bden pa yang dag par bshad kyi yid kyang chos la mi rten te/ chos kya yid la mi rten te/ rten cing 'brel te 'byung bar chos rnams rkyen du gyur te/ yid kyi skye mched ces bshad do// rten cing 'brel te byung ba dang / mtshan nyid bstan

  120. 375b

    pa'i phyir ro// chos kyi skye mched brjod de/ kun rdzob tu phyin ci log bshad pa'i zlas don dam par yid kyi skye mched dmigs su med/ chos kyi skye mched dmigs/ su med par gsungs so// mkhas pa dag ni skye mched la rnam par brtags na/ yang dag par yod par mi mthong ngo // byis pa so so'i skye bo blo phyin ci log tu gyur ba dag ni yid kyi skye mched dang / chos kyi skye mched ces mtshan rnam pa gnyis su brjod do// yid kyi skye mched dang chos kyi skye mched ni yang dag pa ma yin pa 'ang med pa de kho na nyid ji bzhin du/ de bzhin gshegs pas thugs su chud pas skye mched ces gsungs so// skye mched rnams ni rten cing 'brel te byang ba phyin ci log dang ldan 'du byed las byung bas de la ni yid kyi skye mched dam/ chos kyi skye mched du yang dag par dmigs su med do// yid kyi skye mched dang chos kyi skye mched ni nang na mi gnas/ phyi rol na mi gnas/ gnyis ga'i bar na mi gnas so// gzhan yang yid kyi skye mched ni 'das pa yang ma yin/ ma 'ongs pa yang ma yin// da ltar gyi yang ma yin te/ da ltar gyi 'phral gyi rkyen shes pa byis pa so so'i skye bos bsam pa'i rjes su yid kyi skye mched dang / chos kyi skye mched ces brjod do// mkhas pa dag ni yid kyi skye mched dang / chos kyi skye mched la yang dag pa ma yin pa ci'ang med pa ni log tu rnam par rtog pa las byung ba/ skye mched ma yin pa

  121. 376a

    la skye mched du khong du chud par rtogs so// de ci'i phyir zhe na/ skye mched rnams la nges par skye mched kyi mtshan nyid med pa'i phyir ro// mkhas pa dag ni de lta skye mched la yang dag pa ma yin pa ci'ang med par rtogs te/ yid kyi skye mched dang chos kyi skye mched rang bzhin dmigs su med yid kyi skye mched dang chos kyi skye mched las byung ba de kho na'i mtshan nyid du yang mi dmigs so// de ltar yid kyi skye mched dang / chos kyi skye mched ni rten cing 'brel te byung bas de bzhin gshegs pas kyang / skye mched rnams kyi shes pa dang mthong ba'i mtshan nyid gsungs pa ni 'di lta ste/ skye mched rnams yang yang dag pa ma yin pa ci yang med pa/ phyin ci log dang ldan pa'i 'du byed las byung / rgyu dang rkyen la rag lus pa yid kyi skye mched dang / chos kyi skye mched byas pa med pa byed pa med pa/ yid kyi skye mched kyis chos kyi skye mched du rnam par mi rtog/ chos kyi skye mched kyang yid kyi skye mched rnam par mi rtog par shes so// de ci'i phyir zhe na/ gnyi ga dang bral ba'i phyir ro// de ltar mtshan nyid gnyis dang bral bas de la rnam par dbyer med do// skye mched de dag ni cing 'brel te byung ba yin yang / byis pa so so'i skye bo dag phyin ci log tu sems pa'i rjes su brjod pa yin no// 'phags pa rnams kyis chud cing rtogs pa ltar na/ yid kyi skye mched

  122. 376b

    dang / mi skye ba ma skyes pa/ mi 'gog pa/ mi 'ong ba/ ma song ba ste/ yid kyis yid mi shes/ yid du rnam par mi rtog/ chos kyis chos su mi shes/ chos/ su rnam par mi rtog ste/ gnyi ga stong pa'i phyir ro// gnyi ga dang bral ba'i phyir/ yid kyis yid kyi mtshan nyid mi shes/ chos kyis chos kyi mtshan nyid mi shes te/ mtshan nyid de gnyis ci'ang med pas de la ni nges pa'i chos gcig kyang med do// yid kyis yid mi 'grub la yid 'jig par yid mi nus/ chos kyis kyang chos mi 'grub la chos 'jig par mi nus so// gnyi ga med pas yid kyi skye mched ni bdag yid kyi skye mched do// snyam du mi sems so// chos kyi skye mched kyang ba dag ni chos kyi skye mched do snyam du mi sems so// de gnyis ga stong pas sgyu ma lta bu ste/ ming dang tshig du rnam par phye nas btags so// byang chub sems dpa' sems dpa' chen po rnams yid kyi skye mched dang chos kyi skye mched/ de lta bu rnam par 'byed cing rtog go// 'jig rten 'dzin de la ji ltar na byang chub sems dpa' sems dpa' chen po rnams nang gi skye mched drug dang / phyi'i skye mched drug la rnam par 'byed cing rtog pa zhe na/ 'di lta ste skye mched bcu gnyis ni thams cad kyang yang dag pa ma yin rkyen mang po dang phyin ci log tu ldan pa las skyes te/ mtshan ma gnyis su gyur pa'i phyir/ phyi nang gnyis so//

  123. 377a

    'dzagabyis pa so so'i skye bo dag yang dag pa'i chos ma thos pa skye mched bcu gnyis kyi yang dag pa nyid mi shes pa'i phyir/ mig gi skye mched la chags nas/ bdag mig gi skye mched bdag gi mig gi skye mched ces chags/ gzugs kyi skye mched la chags nas/ bdag gzugs kyi skye mched/ bdag gzugs kyi skye mched ces chags pa nas/ rna ba dang / sgra dang / dri dang / lce dang / ro dang / lus dang / reg bya dang / yid dang / chos kyi bar tu bdag yid bdag gi yid ces bdag chos bdag gi chos zhes chags so// de ltar chags pas na skye mched bcu gnyis kyis kun nas blags shing bcings te/ lam rgyud lngar yang / dang yang 'khor bar gyur nas gyur nas 'byung ba'i lam mi shes so// byang chub sems dpa' sems dpa' chen po rnams de ltar skye mched bcu gnyis la yang dag par brtags na/ skye mched bcu gnyis rnams yang dag pa ma yin pa sgyu ma snying po med pa gsog bso ba lta bu stong pa/ sgyu ma lta bur mthong mig gi skye mched la bdag gam bdag gi bar mi chags pas na/ chos kyi skye mched kyi bar du bdag gam bdag gi bar mi chags so// de ltar mig chags pas na rnam par mi rtog go/ byang chub sems dpa' rnams de ltar skye mched bcu gnyis la shin tu mkhas so// 'jig rten 'dzin byang chub sems dpa' sems dpa' chen po rnams

  124. 377b

    de ltar skye mched rnams kyi thabs la mkhas pas/ skye mched bcu gnyis thams cad la mi chags mi thogs skye mched rnams shes par bya ba dang mthong bar bya ba yang rtogs la/ skye mched rnams rnam par 'byed pa la yang mkhas pas rkyen mang po las skyes pa'i chos kyis skye mched bcu gnyis khong du chud cing rtogs pa dang / mtshan ma med pas skye mched bcu gnyis kyis mtshan ma 'jig pa dang / skye mched rnams rten pa'i lam gyi rjes su mi gnas pa dang / skye mched rnams kyi mtshan nyid med par shes pa dang / mtshan nyid rnams kyi sbyor ba'i thabs kyi mtha' dag kyang shes shing rtogs so// 'jig rten 'dzin 'di lta ste/ sgyu ma mkhan gyis ma byas pa'i 'khrul 'khor las phyogs bzhi nas chu 'bab pa ltar skye mched ban gnyis kyang de bzhin du phyi nang gi rten cing 'brel pa las bya ba kun byed par 'gyur te/ de la ni yang dag par dngos por dmigs su med do// skye mched bcu gnyis po 'di sngon gyi las kyi 'khrul 'khor gyis rnam par bcings pas/ bya ba kun byas par gyur to// 'jig rten 'dzin 'di lta ste/ skye mched ces bya ba ni byis pa so so'i skye bo shes pa'i blo med pa dag gi nyon mongs pa skye zhing mched par byed pa'i sgo'i mig gi gzugs kyi sgo ste/ byams pa dang sdang bar skye ba'i phyir ro/ gzugs kyang mig gi sgo ste/ byams pa dang sdang ba skyed pa'i phyir ro//

  125. 378a

    @de bzhin du rna ba dang / snga dang lce dang lus dang yid kyi bar du ste/ yid chos kyi sgor gyur pas byams sdang skyed do// chos kyang yid kyi sgo/ bas byams sdang skye'o// de ltar skye mched bcu gnyis ni byams sdang dang 'tshogs shing 'dus pa ste/ yang dag pa'i mtshan nyid mi shes so// 'jig rten 'dzin byang chub sems dpa' sems dpa' chen po rnams kyi rang bzhin gyi ngo bo dang / skye mched kyi mtshan nyid la shin tu legs par rtogs pas byams pa dang sdang bas rnam par 'ching bar mi 'gyur te/ 'jig rten 'dzin byang chub sems dpa' sems dpa' chen pos skye mched rnams shin tu rtogs so// skye mched bcu gnyis shes bya ba'i le'u ste bzhi pa'o// // 'jig rten 'dzin de la ji ltar na byang chub sems dpa' sems dpa' chen po rnams rten cing 'brel te 'byung ba bcu gnyis rnam par 'byed cing rtogs pa la mkhas pa zhe na/ byang chub sems dpa' sems dpa' chen po rnams rten cing 'brel te 'byung ba bcu gnyis la rnam par 'byed cing rtog pa ni 'di lta ste/ ci'ang med pa'i phyir ma rig pa zhes btags te/ ma rig pa la chos med pa'i phyir ma rig pa zhes brtags/ ma rig pas rig pa mi shes pa'i phyir ma rig pa zhes brjod do// ji ltar rig pa mi shes pas ma rig pa zhe na/ ma rig pa la nges pa'i chos su dmigs su med

  126. 378b

    pas ma rig pa zhes bya'o// ci'i phyir ma rig pa'i rkyen gyis 'du byed rnams zhe na/ chos thams cad ni ci yang bde pa ste/ byis pa so so'i skye bo dag rnam par 'du byed pas na ma rig pa'i rkyen gyis 'du byed ces bya'o// 'du byed las rnam par shes pa skye bas na 'du byed kyi rkyen gyis rnam par shes pa'o// ming dang gzugs ni mtshan nyid gnyis te/ de bas rnam par shes pa'i rkyen gyis ming dang gzugs so// ming dang gzugs las drug gi skye mched skyes pas de bas na ming dang gzugs kyi rkyen gyis drug gi skye mched do// drug gi skye mched las reg pa skye bas de bas na skye mched drug gi rkyen gyis reg pa'o// reg pa las tshor ba skye bas de'i phyir reg pa'i rkyen gyis tshor ba'o// tshor ba la srid pa skye ste/ de bas na tshor ba'i rkyen gyis srid pa'o// srid pa las len pa skye ste/ de bas na srid pa'i rkyen gyis len pa'o// len pa las srid pa 'byung ste/ de bas na len pa'i rkyen gyis srid pa'o// srid pa las skye ba byung bas/ de bas na srid pa'i rkyen gyis skye ba'o// skye ba las rga ba dang / shi ba dang / zlos pa'i mya ngan dang / smre sngags 'don pa dang / sdug bsngal ba 'ba' zhig gi phung por gyur pas/ de bas na skye ba'i rkyen gyis rga ba dang / shi ba dang / yid blong ba dang / smre sngags 'don pa dang / sdug bsngal ba'i phung po zhes brjod do//

  127. 379a

    'am de ltar sdug bsngal gyi phung po chen po 'ba' zhig tu gyur to// de la kun 'dus pa ni phrin rnyog tu gyur to// de la kun 'dus pa ni byin ci log tu gyur nas rig pa 'gal bar byed cing ma rig pa'i phung por brtsegs nas sred pa'i phyi ma'i 'dod pa bskyed de/ dga' ba dang / chags pa la gnas thams cad du skye ba ni tshor ba sred pa'i phung po'o// 'jig rten 'dzin 'jig rten 'di dag rten cing 'brel te 'byung ba bcu gnyis kyis rnam par bcings te/ ma rig pas mdongs nas ma rig pa'i mun pas g.yang sar 'thom zhing ma rig pa thog mar 'gro bas rten cing 'brel te/ 'byung ba bcu gnyis rdzogs par bskyed do// byang chub sems dpa' rnams de ltar ma rig pa'i yang dag pa'i mtshan nyid la shin tu brtags na ma rig pa nyid stong pa nyid pas thog ma'i mtha' dmigs su med par shes so// de ci'i phyir zhe na/ ma rig pa med pa'i thog ma'i mtha' zhes bya ba med pas/ mkhas pa dag gis mtha' dang pos thog ma'i mthar rtogs te/ thog ma'i mthar rnam par mi 'byed do// rnam par rtogs pa yongs su bcad pas ma rig pa la mi chags so// chos thams cad ci'ang med pas chos ni ji ltar bshad ba ltar ma yin te/ chos thams cad ci'ang med ces brjod na yang de nyid ma rig pa shes shing mthong ba'i/ gang chos thams cad chud cing rtogs na de de nyid

  128. 379b

    rig pa ste/ de nyid las rig pa gzhan zhes bya ba med kyi/ gang rig pa shes shing mthong ba nyid rig pa zhes bya'o// de la ji ltar na ma rig pa shes shing mthong ba zhe na/ 'di lta ste/ chos thams cad ci yang med pa chos thams cad ci'ang dmigs su med/ chos thams cad yang dag pa ma yin pa/ phyin ci log pa chos thams cad ci ltar bshad pa ltar ma yin par rig pa na/ ma rig pa shes shing mthong ste/ rig pa shes shing mthong ba ni rig pa zhes bya'o// de ci'i phyir zhe na/ rig pa dmigs su med pa'i phyir ro// ma rig pa'i rkyen gyis 'du byed ces bya ba yang chos thams cad ci yang med pa byis pa so so'i skye bo dag ma rig pa'i mun par 'thom pas/ phyin ci log tu 'du byed kyi las rnams byed de/ 'du byed kyi las de ni gzugs med/ gnas med pas ma rig pas kyang 'dra byed kyi las skyed mi nus la byas pa'i chos med pas ma rig pa'i rkyen gyis 'du byed ces brjod do// 'du byed kyi las ni 'dus pa ma 'ong ba'i gnas song ba'i gnas kyang med la/ 'du byed kyi gnas 'das pa ma yin/ ma 'ongs pa ma yin/ da ltar gyi ma yin pas ma rig pa yang ma rig pas stong / 'du byed kyi las kyang 'du byed kyi las kyis stong ste// 'du byed kyis las la gnas med kyang / ma rig pa la rten nas 'du byed kyi las byung ste/ 'du byed kyi las kyang

  129. 380a

    'jigam rig pa la mi gnas/ ma rig pa yang 'du byed kyi las la mi gnas te/ ma rig pa yang ma rig pa mi shes/ 'du byed kyi las kyang 'ang byed kyi las mi shes te/ de ltar ma rig pa dang 'du byed la ni phyin ci log gi dbang gis ma rig pa la skyes kyis kyang de la ni ma rig pa dmigs su med// ma rigs pa'i rang bzhin dmig su med/ 'du byed kyi las dmigs su med/ 'du byed kyi rang bzhin dmigs su med kyi/ mun pa thibs po las mun pa zhes brtag te/ ma rig pa'i mun pa'i thibs po las ni 'du byed kyi las shes rnam par rtog ste/ ci'ang med pa'i chos las bya ba byas pas rig pa dang / 'du byed kyis las ni ci yang med pa'o// 'du byed kyi rkyen gyis rnam par shes pa zhes bya ba ni rnam par shes pa 'du byed kyi las la mi gnas la/ 'du byed kyi las dang yang ma bral te/ rnam par shes pa skyes kyang 'du byed kyi las kyis rnam par shes pa bskyed pa ni ma yin no// de ci'i phyir zhe na/ 'du byed kyi las kyang 'du byed kyi las su mi shes la/ 'du byed kyi las la bltos pa'ang ma yin te/ skye bo blo phyin ci log tu gyur pa dag 'du byed kyi las rnam par shes pa bskyed mod kyi rnam par shes pa de ni 'ang byed kyi nang na mi gnas/ 'du byed kyi las kyi phyi rol na mi gnas/ gnyi ga'i bar na mi gnas/ rnam par shes pa skye ba 'ang med mod

  130. 380b

    kyi/ 'du byed kyi las rgyun gcig gis bsabs te/ ma chad pa las rnam par shes pa skyes te/ mkhas pa dag ni rnam par shes pa'i mtshan nyid btsal na dmigs su med/ rnam par shes pa skyes par mi dmigs pa rnam par shes pas rnam par shes par mi shes/ rnam par shes pas rnam par shes par mi mthong rnam par shes pas rnam par shes pa la mi gnas so// rnam par shes pa'i rkyen gyis ming dang gzugs zhes bya ba ni ming dang gzugs rnam par shes pa la mi gnas/ rnam par shes pa'i pha rol na ming dang gzugs mi skye ste/ ming dang gzugs de ni rnam par shes pa las ma 'ongs pa'i rnam par shes pas dmigs pas byis pa so so'i skye bo'i mdongs pa dag ming dang gzugs su chags te/ rnam par shes pas ming dang gzugs bskyed pa ni ma yin no// mkhas pa dag ni de la brtag na ming dang gzugs su mi dmigs mi mthong ste/ ming zhes bya ba'i gzugs med phyogs med de log par rnam par rtog pa las skyes so// gzugs kyi mtshan nyid rnam par shes pa'i rkyen gyis yod ces bya ba rnam par shes pa nyid dmigs su med pa yin na/ rnam par shes pa'i rkyen gyis gzugs skye ba lta ci smos te/ gzugs shes par brtags pa'i gnas med do// ming dang gzugs kyi rkyen gyis drug gi skye mched bya ba ni drug gi skye mched kyi bached kyi rkyen gyis gzugs skye/

  131. 381a

    zhes bya bar mi rung ste/ ming ni lus la gnas pas dbugs phyi nang du rgyu bas lus dang / sems las byung ba'i chos rnams rtas par byed de/ skye mched drug ni rgyu ba lta bu med pa las rnam par rtogs pas byung ste/ phyin ci log tu bya ba yod do// drug gi skye mched kyis reg bya zhes bya ba ni reg bya de gzugs la bsten te yod pa ma yin na/ reg bya ni gzugs la reg bya med do// de ci'i phyir zhe na/ gzugs ni shes pa med pa'i rang bzhin can te/ rdo dang shing dang tha mi dad kyang skye mched dag las byung ba'i phyir reg bya zhes rnam par phye ste btags so// de ci'i phyir zhes na/ skye mched drug nyid yang dag pa ma yin pa ci yang med na/ reg bya lta ci smos te reg bya ni stong pa ci yang med pa ste/ rnam par rtog pa'i phyin ci log las skyes te/ reg bya ni yul na mi gnas/ phyogs na mi gnas so// reg bya nyid stong pa ste/ reg bya'i mtshan nyid med pas/ reg byas skye mched drug mi shes/ skye mched drug kyang reg byas mi shes so// reg bya'i rkyen gyis tshor ba zhes bya ba ni tshor ba de reg bya'i nang na mi gnas/ reg bya'i phyi rol na mi gnas so// gnyis ga'i bar na mi gnas reg bya de gud nas tshor ba la ltos ste/ 'ongs pa ma yin gyi/ reg bya la tshor ba skyes so// reg bya nyid kyang yang dag pa ma yin te med na tshor ba lta ci smos te/ tshor ba la nges pa'i mtshan

  132. 381b

    nyid med/ tshor ba ni med pa las phyin ci log tu rtog pa skye ste/ byin ci log tu bya ba yod do// tshor ba'i rkyen gyis sred pa zhes bya ba na/ tshor ba de gud na sred pa ltos te 'ongs pa ma yin/ tshor ba nyid sred pa dang lhan cig pa ma yin/ tshor bas yang sred pa mi shes la/ sred pa la rnam par mi rtog/ sred pa la yang tshor ba mi shes la/ tshor ba la rnam par mi rtog/ sred pa yang tshor ba yang lhan cig ma yin te/ sred pa sred pa la mi gnas la/ sred pa las gud na yang tshor ba yod paM ma yin no// tshor ba nyid la tshor ba'i mtshan nyid med na/ tshor ba'i rkyen gyis sred pa zhes bya ba lta ci smos te/ tshor ba tshor ba'i nang na mi gnas/ tshor ba'i phyi rol na mi gnas/ gnyi ga'i bar na mi gnas/ sred pa nyid kyang sred pa'i nang na mi gnas/ sred pa'i phyi rol na mi gnas/ gnyi ga'i bar na mi gnas te/ sred pa'i nang na sred pa'i mtshan nyid dmigs su med de/ sred pa de ni yang dag pa ma yin pa phyin ci log dang ldan pa'i rnam par rtog pa las sred pa zhes btags kyi/ sred pa ni 'das pa ma yin ma 'ongs pa dang / da ltar ma yin no// sred pa de ni bcings pa las sred pa skyes pa ma yin/ bcings pa ma yin pa las kyang ma yin te/ rgyu dang rkyen gcig gis gcig bsags pa'i rgyun ma chad pa las tshor ba'i rkyen gyis sred pa zhes btags so// mkhas pa dag ni sred

  133. 382a

    @#pa'i yul na mi gnas phyogs na mi gnas/ stong pa gsob gsog lta bu snying po med pa yang dag pa ma yin pa ci yang med par shes so// sred pa'i rkyen gyis len pa zhes bya ba ni sred pa gud na len pa las bltos te 'ongs pa ma yin/ sred pa dang len pa lhan cig pa ma yin te/ sred pa las len pa ma/ bskyed kyang sred pa yod pas rgyu dang rkyen lhan cig pa'i phyir rjes su len pa zhes bya bar btags so// len pa dang sred pa lhan cig pa ma yin te/ sred pa las gzhan pa'ang ma yin no// srid pa yang len pa dang lhan cig pa ma yin te/ len pa las tha mi dad pas/ sred pa'i nang na mi gnas/ sred pa'i phyi rol na mi gnas/ gnyi ga'i bar na mi gnas te/ sred pa nyid kyang dmigs su med na/ sred pa'i rkyen gyis len pa zhes bya ba lta ci smos te/ len pa'i nges pa'i mtshan nyid dmig su med de/ mkhas pa dag ni len pa de yang dag pa ma yin pa ci'ang med par rtogs te/ len pa'i nang na len pa'i mtshan nyid med pas len pa ni 'das pa dang / na 'ongs pa dang da ltar gyi ma yin te/ len pa ni len pa'i nang na mi gnas/ len pa'i phyi rol na mi gnas/ gnyi ga'i bar na mi gnas te/ phyin ci log las byung ba rgyu dang rkyen las skyes pa'o// rkyen mang po 'dus pa las len pa zhes bya ste/ chos gang yang lhan cig pa 'am so so ba med do// len pa'i ngo bo nyid med de/

  134. 382b

    nges pa'i chos med kyang / byis pa so so'i skye bo dag ni yang dag pa ma yin pa'i len pa la tshor bar byed do// 'du byed thams cad yang dag par ma yin pas 'jig rten pa dag ni len pas rnam par bcings so// mkhas pa dag ni len pa la yang dag pa ma yin pa stong pa snying po med pa dngos po med pa/ nges pa'i chos cung zad tsam yang dmigs su med par rtog so// len pa'i rkyen gyis srid pa zhes bya ba ni len pa yang srid pa la bltos te/ 'ongs pa ma yin la len pas srid pas bskyed nus pa'i phyir len pa'i rkyen gyis srid pa zhes bya ba ma yin gyi/ srid pa de ni len pa'i nang na mi gnas/ len pa'i phyi rol na yang mi gnas/ gnyi ga'i bar na mi gnas te/ srid pa de ni len pa la mi gnas/ len pa la yang srid pa dang lhan cig pa 'am/ so so ma yin mod kyi rkyen mang po 'das pa las na len pa'i rkyen gyis srid pa zhes brjod kyi/ len pas srid pa bskyed mi nus la len pas srid pa las rnam par mi 'byed do// len pa nyid yang dag par ma yin ci'ang med pa yin na/ len pa'i rkyen gyis srid pa zhes bya ba lta ci smos te srid pa bltos pa med do// srid pa nyid srid pa zhes dmigs su med de/ srid pa nyid kyang srid pa'i nang na mi gnas/ phyi rol na mi gnas te/ gnyi ga'i bar na mi gnas pas srid pa de ni 'das pa ma yin/ ma 'ongs/

  135. 383a

    pa dang da ltar ma yin no// mkhas pa dag srid pa dag ni yang dag pa ma yin pa phyin ci log dang ldan pa lhan cig pa 'am/ so so ma yin pas srid pa ni shes pa med pa'i rang bzhin can rnam par ma 'byed/ srid pa de ni yul na mi gnas phyogs na mi gnas so// srid pa de ni snga ma'i mtha' med/ phyi ma'i mtha' med/ da ltar gyi mtha' med do// srid pa de ni yod pa ma yin/ med pa ma yin pas rten cing 'brel te 'byung ba bcu gnyis kyi nang de srid pa'o zhes khong du chud cing / rtogs so// mkhas pa blo can dag srid pa stong pa nyid snying po med pa bsob gsog lta bur yongs su rtog so// srid pa'i rkyen gyis skye ba zhes bya ba ni srid pa de skye ba la ltos nas 'ongs pa ma yin pas skye ba de/ srid pa dang lhan cig pa yang ma yin/ so so ba yang ma yin la skye ba de ni srid pa'i nang na mi gnas/ srid pa'i phyi rol na mi gnas gnyi ga'i bar na mi gnas te/ srid pas skye ba ma bskyed la srid pa las gud nas skye bar 'gyur ba ma yin gyi/ rten cing 'brel te 'byung ba bcu gnyis gcig gis gcig bsags pa'i rgyun ma chad pa la srid pa'i rkyen gyis skye ba zhes pa brjod do// srid pa dang skye ba gcig gis cig rkyen byas pa'ang ma yin/ rkyen ma byas pa yang ma yin te/ srid pa nyid kyang dmigs su med/ srid pa'i rkyen gyis skye ba skyes pa lta ci smos te/ mkhas pa

  136. 383b

    dag ni skye ba de srid pa la mi gnas la/ skye ba la skye ba'i mtshan nyid med/ skye ba la rang bzhin med skye ba la ngo bo nyid pas nges par dmigs su rung ba'i chos gcig tsam yang med par rtogs so// mkhas pa dag gis de ltar skye ba la rang bzhin med pa ci'ang med de/ rten cing 'brel te byung ba bcu gnyis gcig gis gcig/ gcig bsags pa'i rgyun tsam zhig bstan pa'i phyir srid pa'i rkyen gyis skye ba zhes brjod par yongs su rtog so// skye ba lhan cig pa 'am so so'i chos med de skye ba de srid pa'i nang na mi gnas/ srid pa'i phyi rol na mi gnas gnyi ga'i bar na mi gnas so// skye ba de 'das pa ma yin/ ma 'ongs pa ma yin/ da ltar ma yin/ skye ba de snga ma'i mtha' dang / phyi ma'i mtha' dang / bar gyi mtha' dmigs su med do// skye ba de dngos por dmigs su med do// skye ba dngos por dmigs su med pas/ mkhas pa dag rgyu dang rkyen mang po 'dus pa dang / phyin ci log dang ldan pa'i yang dag pa ma yin pa ci'ang med pa sgyu ma lta bu las skyes par yongs su rtogs so// skye ba'i rkyen gyis rga shi dang / zos pa'i mya ngan dang / smre sngags 'don pa dang / sdug bsngal ba zhes bya ba ni skye ba dang / rga shi dang / zlos pa'i mya ngan dang / smre sngags 'don pa dang / sdug bsngal ba bltos ste/ 'ongs pa me yin gyi/ skye bas kyang rga shi dang / zlos pa'i mya ngan dang / smre sngags

  137. 384a

    'a'adon pa dang / sdug bsngal ba bskyed mi nus so// na shi dang / zlos pa'i mya ngan dang / smre sngags 'don pa dang / sdug bsngal ba skye ba'i nang na mi gnas/ skye ba'i phyi rol na mi gnas/ gnyis ga'i bar na mi gnas so// rga shi dang / zlos pa'i mya ngan dang / smre sngags 'don pa dang / sdug bsngal ba skye ba la mi gnas te/ skye ba'i phyir rga shi dang zlos pa'i mya ngan dang / smre sngags 'don pa dang / sdug bsngal ba brjod pa yang rgyu dang rkyen mang po las skye ba'i chos bstan pa'i phyir ro// skye ba nyid rga shi dang / zlos pa'i mya ngan dang / smre sngags 'don pa dang / sdug bsngal ba dang / lhan cig pa yang ma yin/ so so ba yang ma yin no// skye ba la skye ba nyid kyang dmigs su med na/ skye ba'i rkyen gyis rga shi dang / zlos pa'i mya ngan dang / smre sngags 'don pa dang / sdug bsngal lta ci smos/ rga shi dang / sdug bsngal nyid la rga shi dang sdug bsngal dmigs su med do// de ci'i phyir zhe na/ rga shi dang sdug bsngal nyid rga shi dang sdug bsngal gyi nang na mi gnas/ phyi rol na mi gnas/ gnyi ga'i bar na mi gnas so// rga shi dang sdug bsngal 'das pa ma yin/ ma 'ongs pa ma yin da ltar gyi ma yin no// rga shi dang sdug bsngal nyid rga shi dang sdug bsngal dang lhan cig pa yin so so ba ma yin te/ phyin ci log dang ldan pa rgyu dang rkyen mang po 'dus pa/

  138. 384b

    rten cing 'brel te byung ba bcu gnyis tshogs pa las skye ba'i rkyen gyi rga shi dang / sdug bsngal ba zhes brjod do// rga shi dang sdug bsngal la gnas med/ sdug bsngal la nges pa'i mtshan nyid dmigs su med do// rga shi dang sdug bsngal 'das pa'i mtha' dang / ma 'ongs pa'i mtha' dang / da ltar gyi mtha' dmig su med do// mkhas pa dag ni rga shi dang sdug bsngal la yang dag pa ma yin pa ci'ang med pa phyin ci log dang ldan pa ngo bo nyid med pa/ ma byas pa/ ma byung ba/ ma skyes par yongs su rtogs so// de ltar rten cing 'brel te byung ba bcu gnyis kyi chos la rtogs pa'i tshe/ rten cing 'brel te byung ba'i chos la 'das pa 'am/ ma 'ongs ba dang 'am/ da ltar mi mthong ngo // rten cing 'brel te byung ba bcu gnyis kyi chos kyi mtshan nyid mi mthong ste/ rten cing 'brel te byung ba la rkyen med/ ma skyes pa dang mtshan ma med pa dang / mngon par 'du byas pa med pa dang / ma byung ba dang ma byas pa'i dngos po med pa dang / thog ma nas chos thams cad ci'ang med par shes shing rtogs so// de ltar rten cing 'brel te 'byung ba bcu gnyis khong du chud cing rtogs pas rten cing 'brel te byung ba bcu gnyis la byas pa 'am byed pa yod par mi mthong ngo // gal te chos rnams rgyu las byung ba rgyu med pa'i phyir chos de yang med do/ byang chub sems dpa' ma rig pa'i don gyi

  139. 385a

    rjes sa zhugs pas chos thams cad da gas su med par rgyags pa// desar rnams pa de la zhugasan rkyen med pabad na cing zel/ byung ba bcu gnyis yin te de la sgri ba med do// byang chub sems dpas rten cing 'brel te 'byung ba bcu gnyis yang dag pa la yin pa las skye bar rtogs so// ma rig ba'i don gyi rjes su brten cing 'brel te byung ba bcu gnyis rtogs pas chos shes bya ba med na/ chos su gdags pa yang med de/ de bas na ma rig pa'i don gyi rjes su brten cing 'brel te byung ba bcu gnyis khong du chud cing rtogs so// ma rig pa ni ma skyes ma byas pa ma byung ba/ ngo bo nyid med pa/ nges pa'i chos med pa rgyu med pa ci'ang med pa ste/ byang chub sems dpa' de'i tshe rig pa dang / ma rig pa gnyis su rnam par mi 'byed de/ ma rig pa'i yang dag pa'i mtshan nyid de ma rig pa nyid do// ma rig pa'i rgyu las chos thams cad ci yang med pa dang / chos thams cad la rkyen med pa dang rnam par rtog pa med do// de bas na rig pa'i don gyi rjes su rten cing 'brel te byung ba bcu gnyis rtogs so// 'jig rten 'dzin byang chub sems dpa' sems dpa' chen po rnams rten cing 'brel te byung ba bcu gnyis kyi thabs dang shes rab ces bya'o// byang chub sems dpa' gang de ltar rten cing 'brel te byung ba bcu gnyis lhan cig pa dang / so so ba rtog na ni/ byang chub sems

  140. 385b

    dpa' mi skye ba'i shes rab legs par thob pa zhes bya'o// de ci'i phyir zhe na/ skye ba dang 'gog par rtogs na rten cing 'brel te byung ba bcu gnyis la mkhas pa ma/ yin gyi/ gang rkyen mang pos las 'du bya ba dang / bral bar shes pa de ni mi skye ba'i shes rab thob pa zhes bya'o// gang mi skye ba'i shes rab thob pa de ni rten cing 'brel te byung ba bcu gnyis rtogs pa zhes bya'o// de bas na byang chub sems dpa' sems dpa' chen po rnams mi skye ba shes rab rtogs pa 'am/ rig par/ 'dod na de ltar rten cing 'brel te 'byung ba bcu gnyis kyi shes rab la nan tan du bya'o// des na rten cing 'brel te byung ba bcu gnyis kyi mi skye ba'i mtshan nyid rtogs shing rig par 'gyur ro// 'jig rten 'dzin byang chub sems dpa' sems dpa' chen po gang mi skye ba nyid rten cing 'brel te byung ba bcu gnyis su shes na rten cing 'brel te byung ba bcu gnyis la sbyor ba yang thob par 'gyur ro// de ltar mi skye ba'i mtshan nyid du khams gsum shes shing mthong ba des ni myur du mi skye ba'i chos kyi bzod pa thob par 'gyur te/ byang chub sems dpa' da ltar gyi bzhugs pa'i sangs rgyas 'di nyid las nyid du bla na med pa yang dag pa rdzogs pa'i byang chub tu lung bstan pa thob pa dang / byang chub sems dpa' de ring por me thog par lung ston pa dang mthar gyis lung ston par yang 'gyur ro//

  141. 386a

    'jig@#'jig rten 'dzin de ltar shin tu dge ba de lung bstan pa thob pas/ rab tu bde ba'i sems su 'gyur te/ chos thams cad gtad cing 'jug pa'i sbyor ba las shes rab kyi pha rol tu phyin pa thob par 'gyur ro// de ltar des rten cing 'brel te 'byung ba bcu gnyis skyes pa nyid du rtogs pas da ltar bzhags pa'i sangs rgyas rnams la bsnyen bkur byed par 'gyur ro// gang zag de bdud ma rungs pa rnams kyis spa mi 'gong bar 'gyur/ des skye shir 'khor ba'i rgyud las rgal te skam sar phyin par 'gyur/ des ma rig pa'i 'dab rdzab las thar bar 'gyur/ des rab tu bde ba'i gnas su phyin par 'gyur ro// 'jig rten 'dzin gang zhig da ltar bzhags kyang rung / mya ngan las 'das kyang rung ste/ rten cing 'brel te 'byung ba bcu gnyis kyi sbyor ba la gal te nyan nam/ dad dam/ klog gam/ 'don tam/ rnal 'byor du byed na des ni ring po mi thogs par ma skyes pa'i chos kyi bzod pa thob par ngas lung ston to// des ring po mi thogs par da ltar bzhugs pa'i de bzhin gshegs pa rnams kyi bla na med pa yang dag par rdzogs pa'i byang chub tu lung ston par 'gyur bar ngas kyang lung bstan to// rten cing 'brel te 'byung ba bcu gnyis shes bya ba'i le'u ste lnga pa'o// // 'jig rten 'dzin de la ji ltar na byang chub sems dpa' sems dpa' chen po

  142. 386b

    rnams dran pa nye bar bzhag pa rnams la mkhas pa zhe na/ byang chub sems dpa' sems dpa' chen po rnams dran pa nye bar bzhag pa bzhi la rnam par 'byed cing rtog go// bzhi gang zhe na/ lus la lus kyi rjes su rtog pa dang / tshor ba la tshor ba'i rjes su rtog pa dang / sems la sems kyi rjes su rtog pa dang / chos la chos kyi rjes su rtog pa'o// de la ji ltar na lus la lus kyi rjes su rtog pa dang / tshor ba dang / sems dang chos kyi bar du rjes su rtog pa zhe na/ 'jig rten 'dzin byang chub sems dpa' sems dpa' chen po rnams lus la rnal 'byor du spyod cing lus kyi rjes su rtog pa na yang dag pa ji lta ba bzhin du lus kyi mtshan nyid la rtog go// 'di lta ste/ lus 'di ni mi rtag pa/ sdug bsngal ba nad lta bu shu ba lta bu sdug bsngal gyis gzir ba nyams pa 'pho ba 'jig pa'i mtshan nyid do// lus 'di ni shin tu mi gtsang ba ste/ mi gtsang ba tshogs kyis yongs su gang ba/ bu go dgu nas mi gtsang ba rtag tu 'dzag pa'o// lus 'di ni shin tu man pa ste/ ngan skyugs kyi rgyal ba 'gro shes pa dang 'dra'o// de ltar yang dag pa ji lta ba bzhin du lus 'di la brtags na/ lus 'di la spu nyag ma tsam gyi gtsang ba 'am yid du 'ong ba mi snyed do// lus 'di ni rus pa dang / rgyas pa dang lpags pa dang / shas yongs su dkris shing glags nas/ sngon gyi

  143. 387a

    'jig rten @#las kyi rgyu dang rkyen dang 'bras bu rnam par smin pa las byung ste/ kun 'byung dang len pas yongs su bcings par shes so// de la/ kun 'byung ni gang len pa ni gang zhe na/ sngon gyi rgyu dang rkyen las lus 'byung bas na len pa zhes btags so// da ltar gyi tshe 'di la lus bkrus nas kha zas dang / gos dang / khri stan dang / sman gyi gsos pa ni kun 'byung zhes bya ste/ de ltar da ltar gyi rgyu dang rkyen gyi kun 'byung zhes bya ba sngon gyi 'bras bu rnam par smin pa'i mthus rab tu bcing nas bya ba kun byed pa ni len pa zhes bya'o// yang lus 'di ni chen po bzhi las byas te/ nges par yang dag pa'i mtshan nyid med de/ gzugs kyi phung por gtogs pa rnams la lus shes btags so// ci'i phyir lus shes bya zhe na/ bya ba byed pa'i phyir lus shes bya'o// rten pa'i gnas la zhen cing chags pa'i phyir lus shes bya'o// yid kyi rjes su kun byed pa'i phyir lus shes bya'o// rnam par rtog pa las byung ba'i phyir lus shes bya'o/ sgyu ma 'das pa las byas pa'i phyir lus shes bya'o// las dang 'das pa'i phyir lus shes bya'o// lus 'di ni ring po mi thigs par mthar 'gyur zhing 'pho s+t+wa~M/ mi rtag pa nges pa med par mtshan nyid do// lus 'di na lus kyi nang na mi gnas/ lus kyi phyi ri min me gnas/ de gnyi ga'i bar na mi gnas pa// lus

  144. 387b

    'di ni lus su mi shes pa/ lus su mi mthong ngo // / lus 'di ni byed pa med/ g.yo ba med/ smod cing re ba med/ sems med de/ rdo dang shing dang tha mi dang / do// lus 'di la lus kyi mtshan nyid du nges pa med de/ de ltar yang dag par lus la rnam par 'byed cing brtags na byas pa med/ byed pa med/ lus 'di la snga ma'i mtha' med/ phyi ma'i mtha' med/ bar gyi mtha' med do// lus 'di la rtag pa/ brtan pa sra ba'i mtshan nyid gcig kyang med/ ji ltar chu'i dbu ba bzung shing bcad du mi 'dod pa bzhin no// lus 'di ni srin bu brgyad khri gnas pa'i khyim mo// lus 'di ni nad rnam pa sna tshogs kyis rnam par 'tshe ba'o// sdug bsngal rnam pa gsum gyi phyir lus 'di sdug bsngal ba ste/ mgon med pas na 'du byed kyi sdug bsngal dang / 'gyur ba'i sdug bsngal dang / sdug bsngal ba'i yang sdug bsngal bas/ rnam par 'tshe bas na sdug bsngal thams cad kyis sdug bsngal ba mang po'i snod do// de ltar yang dag pa ji lta ba bzhin du lus la lus kyi rjes su rtogs na/ yang 'di snyam du lus 'di ni bdag ma yin gzhan ma yin/ dbang med pa 'dir rang nyams byar med pa byas pa'o snyam du sems so// lus 'di ni dngos po med pa nges pa'i chos su dmigs su med pa'o// lus 'di ni rang bzhin gyis stong pa ste/ nges pa'i mtshan nyid med pa'o// lus 'di ni yang dag pa ma yin pas byung bas 'khrul

  145. 388a

    'khor las byas pa lta bu ste/ sngon gyi las kyi rgyu dang rkyen las byung bas na/ lus 'di ni bdag dang gzhan gyi zhes 'du shes bskyed pa'i ma rigs te/ bdag cag kyang lus dang srog la mi blta'o// snyam du sems so// byang chub sems dpas de ltar yang dag pa ji lta ba bzhin du yongs su rtogs pa'i tshe/ lus 'di dang / lhan cig pa 'am/ so so bar mi dmigs te gzhan nas 'ongs pa'am gud na 'gro ba'i gnas yod par 'am/ rten pa'i gnas yod par mi lta'o/ lus 'di las 'das pa la/ ma 'ongs pa 'am/ da ltar gnas par rnam par mi rtogs pas/ lus dang srog la mi gnas/ lus la bdag gam/ bdag gi bar mi chags te/ lus 'dzin pa yong/ su spong ngo // byang chub sems dpas des de ltar lus 'di la stong pa nyid dang bdag med pa bdag gi pa med par yongs su rtogs ste/ lus 'di la bdag dang bdag gi bar dmigs su med pas na/ lus kyi mtshan nyid du mi dmigs so// byang chub sems dpa' des de ltar lus kyi mtshan nyid du mi dmigs pas na/ lus su 'jug pa la re ba med de/ lus bskyed pa 'am 'byung ba'i lam med do// de la 'jug pa gang zhe na/ lus 'di la byas pa med/ byung ba med pa'o// lus 'di ni ma byas pa/ ma byung ba'i mtshan nyid pas na rgyu dang rkyen mang po las skyes so// rgyu dang rkyen 'das pa las lus su gyur te/ rgyu dang rkyen yang dag pa ma yin pa mi yang med

  146. 388b

    pa'i phyin ci log dang ldan pa/ stong pa nyid snying po med pa ste/ rgyu dang rkyen de las lus 'di skyes par gyur to// rgyu dang rkyen nyid skye ba med pa/ mtshan ma med pas na de ltar lus la rtog pa'i tshe lus ma skyes pa'i mtshan nyid la 'jug par 'gyur ro// de la zhags na lus la mtshan nyid med par rtog go/ yang dag pa ji lta ba bzhin du lus la mtshan nyid med par rtogs pas na/ lus 'di la mtshan ma med par shes so mtshan par dmigs su med pas na skye ba med par shes so// lus 'di ni 'das pa'i mtshan ma 'am/ ma 'ongs pa'i mtshan ma 'am/ da ltar gyi mtshan mar dmigs su med do// de ci'i phyir zhe na/ lus 'di la ngo bo nyid de nges pa'i chos su dmigs su med de/ lus 'di ni bdag dang gzhan du dmigs su med pa'i phyir de ltar yongs su rtog pa na lus 'di gang nas kyang ma 'ongs la/ gang du'ang mi 'gro bar shes te/ lus 'di ma skyes pa dang mi 'gag pa'i lam la 'jug par 'gyur ro// 'jig rten 'dzin byang chub sems dpa' sems dpa' chen po rnams de ltar lus la lus kyi rjes su 'jug pa/ lus la lus kyi rjes su 'jug pa'i yang dag pa mtshan nyid la rtog pa na/ lus su zhen cing chags pa yongs su sel cing chod par 'gyur te/ dran pa yang dag pa ji bzhin du lus la de ma thag tu gnas par 'gyur ro// de dag ni lus la lus kyi rjes su rtog pa la rnal 'byor pa zhes bya'o// 'jig rten 'dzin de la

  147. 389a

    ba ltar na byang chub sems dpa' sems dpa' chen po tshor ba la tshor ba'i rjes su rtog pa la/ rnal 'byor pa zhe na/ byang chub sems dpa' chen po sdug bsngal gyi tshor ba dang / bde ba'i tshor ba dang / sdug bsngal ba yang ma yin/ bde ba yang ma yin pa'i tshor ba ste/ tshor ba gsum po la rtog pa na// gang nas kyang ma 'ongs la/ gang du yang mi 'gro bar rtogs te/ yang dag pa ma yin pa'i rkyen dang sngon gyi las kyi 'bras bu rnam par smin pa dang / phyin ci log dang ldan pas gzugs byas par shes so// tshor ba la yang dag pa ma yin pa'i log par rnam par rtog pa las byung bar shes so// byang chub sems dpa' de ltar tshor ba rnams la rtog pa na/ 'das pa'i dus tshor ba la mi dmigs ma 'ongs pa'i tshor ba la mi dmigs/ da ltar gyi tshor ba la mi dmigs so// byang chub sems dpas 'das pa'i tshor ba rnams la stong pa nyid dang / bdag med pa bdag gis pa med pa/ mi rtag pa mi bstan pa/ snying po med pa/ mi 'gyur ba'i mtshan med par blta'o// 'das pa'i tshor ba la yang stong pa'i mtshan nyid dang / zhi ba'i mtshan nyid dang / mtshan ma med pa'i mtshan nyid du rtogs so// ma 'ongs pa'i tshor ba rnams la yang stong pa nyid dang / bdag med pa bdag gi ba med pa mi rtag pa ma bstan pa/ snying po med pa/ mi 'gyur ba med par blta'o// ma 'ongs pa'i

  148. 389b

    tshor ba rnams la yang stong pa'i mtshan nyid dang / zhi ba'i mtshan nyid dang / mtshan ma med pa'i mtshan nyid rtog go// byang chub sems dpa' de ltar rtog pa nas 'di snyam du tshor ba ni nges pa'i mtshan nyid med pa/ dngos po med pa/ gcig tu nges pa'i chos med de/ mi 'dra ba las yang dang yang skye zhing 'gog go// snyam du sems so// / tshor ba la gnas pa'i dus med do snyam du sems pa'i tshe/ byang chub sems dpa' 'ang 'di snyam du tshor ba ni byas pa med byed pa med do// byis pa so so'i skye bo dag phyin ci log dang ldan pa'i sems las tshor ba rnam pa gsum skyed de/ de yang sngon gyi las kyi rgyu dang da ltar gyi rkyen 'das pa las tshor ba yod par gyur to// tshor ba ni kun kyang stong pa mi bstan pa snying po med pa yang dag pa ma yin pa'i chos nyid de khang pa stong pa dang mtshungaso// de ltar yongs su rtog pa'i tshe tshor ba mang po'i rgyu las sems gcig tu gnas te/ byang chub sems dpa' de'i tshe tshor ba rnams la 'das nas 'gag pa'i mtshan nyid chud cing rtogs te/ tshor ba rnams la 'dus pa ma yin/ so so ba yang ma yin par ltalo/ gzhan yang tshor ba'i nang na tshor ba ni mi mthong ste/ 'di snyam du tshor ba rnams stong pa nyid do snyam du sems so// rang bzhin stong pas tshor ba rnams ma skyes pa'i mtshan nyid du rtog so// tshor ba rnams ma skyes pa mi 'gog pas grub pa'i mtshan nyid med par rtogs so// de ltar tshor ba rnams

  149. 390a

    yid la byed pa na chags pa med do// yang dag pa ji lta ba bzhin du tshor ba rnams kyi mtshan nyid shes shing mthong ngo // tshor ba rnams dang bral te/ tshor ba rnams la mi gnas pa/ tshor ba rnams sems btang snyoms par 'gyur te/ des na btang snyoms kyi ting nge 'dzin yang thob par 'gyur ro// 'jig rten 'dzin de ltar byang chub sems dpa' sems dpa' chen po rnams tshor ba la tshor ba'i rjes su rtog pa gang la rnal 'byor pa zhes bya'o// 'jig rten 'dzin de la ji ltar na byang chub sems dpa' sems dpa' chen po sems la sems kyi rjes su rtog pa la rnal 'byor pa zhe na byang chub sems dpa' sems dpa' chen po sems la skye ba dang 'gog pa dang / gnas pa dang 'pho ba'i mtshan nyid du yongs su rtog go/ de ltar na yongs su rtog pa na/ 'di snyam de sems 'di ni gang yang ma 'ongs la gang du yang mi 'gro ste/ rnam par shes pa dang rkyen las skyes pas dngos po med de nges pa'i chos su dmigs su med do snyam du sems so// sems 'di ni 'ongs pa yang med/ song ba yang med/ gnas pa 'am 'pho ba dmigs su med do// sems 'di ni 'das pa yang ma yin/ ma 'ongs pa dang da ltar gyi ma yin te/ sems 'di ni rnam par shes pa dang / rkyen dang rnam par rtog pa las skyes so// sems ni nang na mi gnas/ phyi rol na mi gnas/ gnyi ga'i bar na mi gnas te/ sems 'di

  150. 390b

    ni skye zhing 'byung ba'i mtshan ma gcig tsam med pa'o// sems 'di ngo bo nyid med pa'i nges pa med pa/ bskyed pa med pa/ skyes pa med pa ste/ les sna tshogs 'byung ba'i phyir sems shes bya'o// rnam par shes pa'i rkyen sna tshogs las sems shes bya'o// skad cig skad cig gis skye zhing 'gog pa gcig gis bsags pa rgyun mi chad pas sems shes bya ste/ 'di ni so so'i skye bo dag sems kyis dmigs pa'i mtshan nyid khong du chud cing rtogs par bya ba'i phyir ro// sems la sems kyi mtshan nyid med de/ sems 'di ni thog ma nas ma skyes pa/ ma byung ba ngo bo nyid kyis rnam par dag pa ste/ glo bur gyi nyon mongs pas kun nas nyon mongs pa rnam par rtog kyang / sems kyis sems mi shes/ sems kyis sems mi mthong ngo // de ci'i phyir zhe na/ sems 'di ni stong pa nyid de/ stong pa nyid pas na ngo bo nyid med pa'o// sems 'di ni nges pa'i chos can ma yin nges pa'i chos su dmigs su med pa'i phyir ro// sems 'di ni gcig dang tha dad pa'i chos med pa'i phyir ro// sems 'di ni snga ma'i mtha' yang dmigs su med la phyi ma'i mtha' yang dmigs su med do// bar gyi mtha' yang dmigs su med do// sems 'di ni gzugs med de/ mthong bar mi nus pas sems nyid kyis sems mi mthong la/ rang bzhin mi shes te/ byis pa so so'i skye bo phyin ci log dang ldan pa dag yang dag pa ma yin pa'i

  151. 391a

    rkyen dang / rnam par shes pas dmigs pas phyir 'byung ngo // sems 'di ni stong pa nyid de bdag med pa bdag med pa bdag gi ba med pa/ mi rtag pa mi bstan pa/ snying po med pa/ mi 'gyur ba'i chos can ma yin pa'o// de ltar sems shing yid la byed pa na/ sems kyi dran pa nye bar gzhag pa thob ste/ gang zag de'i tshe na sems sam sems ma yin par rnam par mi rtog ste/ sems la ma skyes pa'i mtshan nyid du legs par shes pas/ sems ma skyes pa nyid de'ang rtogs so// de ci'i phyir zhe na/ sems la nges pa'i rang bzhin med de/ nges pa'i mtshan nyid med pa'i phyir ro// mkhas pa dag ni de sems la ma skyes pa'i mtshan nyid med par chud cing rtogs so// de'i tshe yang dag pa ji lta ba bzhin du sems kyi 'das pa dang 'gog pa'i mtshan nyid rtogs te/ de ltar rtogs pa ni sems la kun 'byung ngam 'gog pa'i mtshan nyid mi rnyed do// sems la 'gog pa 'am mi 'gog par mi rtogs pas/ sems kyi de bzhin nyid rnam par dag pa'i mtshan nyid rnam par 'gyur ro// byang chub sems dpa' rnams de ltar sems rnam par dag pas na/ glo bur gyi nyon mongs pos nyon mongs par mi 'gyur ro// de ci'i phyir zhe na/ byang chub sems dpa' rnams bdag gi sems rnam par dag pa nyid du shes shing mthong bas/ sems can dag gi sems kyang rnam par dag par shes te/ 'di

  152. 391b

    snyam du sems so// sems dri ma yod pas na sems rnam par dag pas na sems can yang rnam par dag pa'o snyam du sems shing yid la byed pa na/ sems la dri ma'i mtshan nyid dam/ sems la rnam par dag pa'i mtshan nyid du mi dmigs te/ sems nyid rtag tu rnam par dag pa'i mtshan nyid du shes so// 'jig rten 'dzin byang chub sems dpa' sems dpa' chen po rnams tshes la chos kyi rjes su rtog pa la rnal 'byor pa zhe na/ byang chub sems dpa' rnams chos thams cad la nang ngam/ phyi rol lam gnyi ga'i bar na yod par mi rtog go// gzhan yang chos la 'das pa 'am/ da ltar gyi mi dmigs te/ chos thams cad rkyen yang po las skyes te/ phyin ci log las byung ba'i nges pa'i mtshan nyid med pa'o// de ltar chos thams cad gang zag dbang ngo zhes bya ba dang / chos kyi ngo bo nyid ces bya ba ni chos thams cad la chos shes bya ba med de/ chos rnams kyi nang na mi gnas/ chos rnams kyi phyi rol na mi gnas/ gnyi ga'i bar na mi gnas so// chos ni ches dang lhan cig pa 'ang ma yin/ so so ba yang ba yin te/ chos thams cad ni dngos po med pa'i mtshan nyid med pa'o/ chos thams cad ni yod pa ma yin/ pas na/ g.yo ba med/ byas pa med de/ chos thams cad ni na mkha' lta bu ste ci yang med pa'o// chos thams cad ni slu ba'i chos can sgyu ma lta bu sgyu ma'i

  153. 392a

    mtshan nyid dmigs su med pa'i phyir ro// chos thams cad rnam par dag pa ste/ cis kyang ma gos pa'i phyir ro// chos thams cad ni len pa'i mtshan nyid de len pa med pa'i phyir ro// chos thams cad rmi lam lta bu ste/ rmi lam nyid med pa'i phyir ro// chos thams cad ni gzugs med pa ste/ gzugs ci'ang med pa'i phyir ro/ chos thams cad gzugs rnyan lta bu ste/ gzugs rnyan nyid med pa'i phyir ro// chos thams cad ni ming med mtshan ma med de/ ming dang mtshan ma med pa'i phyir ro// chos thams cad ni brag tsha lta bu ste/ yang dag pa ma yin pa las byung bas ci yang med pa'i phyir ro// chos thams cad ni ngo bo nyid med pa ste/ rang bzhin dmigs su med pa'i phyir ro// chos thams cad ni smig rgyu lta bu ste/ ci yang med shes pa'i phyir ro// byang chub sems dpa' de ltar chos thams cad la yongs su rtog na/ chos thams cad la mtshan nyid gcig pa 'am/ mtshan nyid tha dad par mi mthong ngo // chos dang chos lhan cig pa 'am/ so so bar mi mthong / chos la chos gnas par yang mi mthong ngo // de ltar rtog na chos thams cad gzhan nas 'ongs par mi mthong ngo // chos thams cad la gnas pa'i gnas yod par yang mi mthong ngo // de ci'i phyir zhe na/ chos thams cad la gnas med rten med byung ba med de/ chos thams

  154. 392b

    cad gnas med pa ni/ rten pa'i gnas med pa'i phyir ro// dmigs pa'i gnas med pa'i phyir ro// 'jig rten 'dzin chos thams cad la bye brag med pa ni// chos thams cad bye brag tu dbye ba'i mtshan ma med de/ rkyen mang po las skyes pas phyin ci log tu bya ba yod kyang / chos thams cad ni yul na mi gnas phyogs na mi gnas so// mkhas pa dag ni chos thams cad la mtshan nyid gcig pa yang ma yang ma yin/ mtshan nyid gnyis su yod pa'ang ma yin/ tha dad pa'i mtshan nyid da yang ma yin par dmigs so// de ci'i phyir zhe na/ 'jig rten 'dzin chos thams cad ni ma skyes pa/ ma byas pa/ ma byung ba/ byas pa med pa ste/ chos thams cad ni rang bzhin dang bral ba ngo bo nyid med pa ste/ rang bzhin las 'das pa'i phyir ro// chos thams cad gnas med pa ni phyin pa'i gnas med pa'i phyir ro// de ltar chos thams cad la shin tu rtog pa na chos thams cad la bdag med/ gang zag med par legs par chud cing rtogs so// chos thams cad rang bzhin gyis stong pa nyid du rtogs so// chos thams cad stong pa nyid du rtogs pas na/ chos thams cad mtshan ma med par rtogs so// mtshan ma med par lta bas chos thams cad la smon pa mi 'byung ste/ de'i tshe chos thams cad ma skyes pa nyid du rtogs so// 'di snyam du sems te 'di la yang dag par chos gang

  155. 393a

    yang skye ba 'am 'gog pa med par sems so// de ltar rtog pa'i tshe/ sems rtse gcig tu gnas pas na/ de'i nyid kyi na chos thams cad ma skyes pa nyid du khong du chud cing chos thams cad kyi kun 'byung dang / 'gog pa zad pa yang mthong zhing shes so// chos thams cad mtshan ma dang bral rang bzhin dang bral bar yang rtogs so// de ci'i phyir zhe na/ 'jig rten 'dzin chos thams cad la nges pa'i mtshan nyid med pas na/ chos thams cad mtshan ma med cing mtshan ma dang bral bar khong du chud do// 'jig rten 'dzin de ltar na byang chub sems dpa' sems dpa' chen po rnams chos la chos kyi rjes rtog pa la rnal 'byor pa zhes bya'o/ de ltar rtogs pa ni chos la dmigs pa med/ len pa med de/ chos la bskyed par mi byed/ gnas par mi byed/ 'gog par mi byed par nan tan byed do// des chos thams cad kyi mi 'gog pa zad pa'i mtshan nyid dang / rab tu zhi ba'i mtshan nyid kyang mthong ngo // 'jig rten 'dzin de dag ni byang chub sems dpa' sems dpa' chen po rnams dran pa nye bar bzhag pa bzhi la shin tu rtogs pa zhes bya'o// ci'i phyir dran pa nye bar gzhag pa zhes bya zhe na/ dran pa nye bar gzhag pa zhes bya ba ni/ chos thams cad gzhag pa'i gnas med/ 'byung ba med/ gnas med/ gnas pa'i gnas med par de ltar 'jug na chos thams cad la dran pa mi nyam

  156. 393b

    te/ dran pa nye bar gzhag pa zhes bya'o// gzhan yang dran pa nye bar gzhag pa ni chos thams cad mi gnas pa dang / ma skyes pa dang / mi len par yang dag pa ji lta ba bzhin du/ shes shing mthong ba'i don ni dran pa nye bar gzhag pa zhes bya'o// dran pa nye bar gzhag pa zhes bya ba'i le'u ste drug pa'o// / 'jig rten 'dzin de la ji ltar na byang chub sems dpa' sems dpa' chen po rnams dbang po rnams la mkhas zhe na/ byang chub sems dpa' sems dpa' chen po rnams 'jig rten las 'das pa'i dbang po lnga la yang dag par rtog go/ lnga gang zhe na 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// byang chub sems dpa' rnams dbang po lnga la rnal 'byor du spyod pa na chos tham cad rten cing 'brel te 'byung ba las skyes shing / phyin ci log las byung ba dang / yang dag pa ma yin pa'i rkyen las 'das pas me mgal bskor ba lta bu 'am/ rmi lam gyi rang bzhin lta bur yid ches so// chos thams cad rtag pa dang / sdug bsngal ba dang / mi gtsang ba dang / bdag med pa dang / zug rngu lta bu dang / shu ba lta bu ste/ snying po med pa dang / mi bstan pa 'gyur zhing 'jig pa'i mtshan nyid du yid ches so// gzhan yang chos thams cad yang dag pa ma yin pas

  157. 394a

    ci yang med pa ste/ kha tshur stong pa 'am/ kha dog sdug gu sna tshogs kyis byis pa chung ngu brid pa lta bur rnam par brtags pa las byung ba/ ltos pa las yod pa tsam du zad pas dngos por nges pa'i chos su gtsam yang yang med par yid ches so// gzhan yang chos thams cad ni 'das pa ma yin/ ma 'ongs pa yin/ da ltar gyi ma yin par yid ches so// chos thams cad gang nas yang ma 'ongs la/ gar yang mi 'gro bar yid ches so// chos thams cad stong pa nyid mtshan ma med pa/ mngon par 'das ma byas par yid ches so// chos thams cad ma skyes pa dang / mngon par 'dus ma byas pa dang / ma byung ba dang / mtshan ma med pa mtshan ma dang bral bar yang yid ches so// tshul khrims rnam par dag pa dang / ting nge 'dzin yongs su dag pa dang / shes rab rnam par dag pa paM dang / rnam par grol ba'i ye shes ston pa rnam par dag pa la yid ches so// byang chub sems dpas de ltar dad pa'i dbang po lhun gyis grub nas phyir mi ldog bar gyur te/ dad pas thog mar 'gro'o// de bas na tshul khrims la bde bar gnas pas/ dad pa mi nyams mi ldog ste/ phyir mi ldog pa'i chos lhun gyi grub pas mi g.yo ba'i dad pa la gnas ste/ las kyi 'bras bu rnam par smin pa'i rjes su dad pa yongs su smin par byed cing ngan par lta ba thams cad yongs su smin par

  158. 394b

    byed cing / dran par lta ba thams cad yongs su gcod do// chos mi spong zhing ston pa sangs rgyas bcom ldan 'das las gzhan yang mi tshol te/ rtag tu chos thams cad kyi yang dag pa'i rjes su 'jug go// dge 'dun gyi spyod pa'i yang dag pa'i lam la 'jug go// tshul khrims rnam par dag pa las gnas shing bzod pa lhun gyis grub pas de ltar mi g.yo mi 'gyur ba'i dad pa dang / khyad par du 'gyur bas dad pa'i dbang po dang ldan pa zhes bya'o// 'jig rten 'dzin de la ji ltar na byang chub sems dpa' sems dpa' chen po rnams/ brtson 'grus kyi dbang po la yang dag par rtog pa dang / brtson 'grus kyi dbang po lhun gyis grub pa dang / brtson 'grus kyi dbang po la shin tu mkhas pa zhe na/ byang chub sems dpa' sems dpa' chen po rnams brtson 'grus spyod pa ni mi gtong // rgyun mi chad par sgrib pa lnga bsal ba'i phyir brtson 'grus spyod do// 'di ltar zab mo'i chos nyan pa'i phyir brtson 'grus spyod do// byang chub sems dpa' rnams chos tshol ba la rgyun mi chad pas/ brtson 'grus las phyir mi ldog go// sgrib pa'i chos yongs su gcod pa'i phyir/ brtson 'grus rtsom pa la zhum pa med do// gzhan yang sdig pa mi dge ba'i chos rnam pa sna tshogs dang / 'jig pa'i chos yongasu spang ba'i phyir brtson 'grus spyod do//

  159. 395a

    gzhan yang dge ba'i chos rnam pa sna tshogs spel zhing bskyed pa'i phyir brtson 'grus spyod do// de ltar byang chub sems dpa' gdon mi za bar brtson 'grus la mi chags te/ gzhan yang dag pa'i brtson 'grus la 'jug go/ de ltar phyir mi ldog pa'i brtson 'grus ldan gyis grub pas gang zag de yang dag pa'i sbyor bas chos thams cad khong du chud cing rtogs nas brtson 'grus rab tu spyod do// brtson 'grus rab tu spyod do// brtson 'grus shin tu brtsams pas gzhan gyi dring la mi 'jog ste/ brtson 'grus brtsams pa las shes rab kyi snang ba thob cing phyir mi ldog pa'i mtshan nyid lhun gyis grub po// de ltar brtson 'grus las phyir mi ldog pa dang / brtson 'grus khyad par can du gyur pas/ brtson 'grus kyi dbang po dang ldan pa zhes bya'o// 'jig rten 'dzin de la ji ltar na byang chub sems dpa' sems dpa' chen po rnas dran pa'i dbang po thob cing dran pa'i dbang po la shin tu rnal 'byor can du gyur pa zhe na/ byang chub sems dpa' sems dpa' chen po rnams dran pa rtse gcig du sdud cing sbyin pa byin la/ 'jam pa dang tshangs par spyod pa dang ldan par mthar phyin par rnam par dag pa'i tshul khrims kyi phung po bsrung ba dang / ting nge 'dzin gyi phung po dang / rnam par grol ba'i phung po dang / rnam par grol ba'i ye shes ston pa'i phung po shin tu bsrung ngo // rtag tu lus dang ngag dang / yid kyi las la sems shing dran pa

  160. 395b

    byed/ rtag tu mthar phyin pa'i dngos po la sems shing dran par byed/ chos thams cad skye ba dang / 'gog pa dang / gnas pa dang / 'pho ba'i mtshan nyid kyi thabs la sems shing dran par byed/ sdug bsngal ba dang kun 'byung ba dang / 'gog pa dang // lam gyi bden pa mthong ba dang / shes par bya ba la sems shing dran par byed/ dbang po rnams dang stobs dang byang chub kyi phyogs dang / lam dang ting nge 'dzin dang / rnam par grol ba dang / snyems par 'jug pa'i sbyor ba la sems shing dran par byed/ chos thams cad mi skye ba dang / mi 'gag pa dang / mngon par 'das ma byas pa dang / ma byung ba dang brjod du med pa'i mtshan nyid du sems shing dran par byed/ rtag tu ma skyes pa'i shes rab thob par bya ba la sems shing dran par byed/ bzod pa'i ye shes dang spong ba'i ye shes dang / 'gog pa'i ye shes phun sum tshogs par 'dod pa la sems shing dran bar byed/ sangs rgyas kyi chos thams cad phun sum tshogs par 'dod pa la dran par byed/ nyan thos dang / rang sangs rgyas kyi chos kyis sems la glags mi rnyed par sems shing dran par byed/ rtag tu thogs pa med pa'i ye shes dran par bya ba la sems shing dran par byed de/ yang dag par sems pa na lus kyi chos de dag rig pas dran pa de las mi ldog mi nyams so// de ltar rtog pa las gzhan gyi dring mi 'jog na/ gang zag des de lta bu'i snying po yod pa'i dran pa khyad par

  161. 396a

    'a#can du gyur pas/ dran pa'i dbang po dang ldan pa zhes bya'o// 'jig rten 'dzin de la ji ltar na byang chub sems dpa' sems dpa' chen po rnams ting nge 'dzin gyi dbang po thob cing ting nge 'dzin gyi sbyor ba thob pa zhe na/ byang chub sems dpa' sems dpa' chen po rnams 'phags pa'i sa la gnas pa na/ rtag tu ting nge 'dzin spyod kyang ting nge 'dzin la mi gnas/ ting nge 'dzin la mi chags ste/ ting nge 'dzin gyi mtshan nyid la shin tu 'jug pa dang / ting nge 'dzin gyi sbyor ba la shin tu thob pa dang / ting nge 'dzin shin tu bskyed pa dang / mi dmigs pa'i ting nge 'dzin spyod pas ting nge 'dzin thams cad kyi sgo la shin da mkhas pa dang / ting nge 'dzin du 'jug pa la mkhas pa dang / ting nge 'dzin gnas pa la mkhas pa dang / ting nge 'dzin las ldang ba la mkhas pa dang / ting nge 'dzin la mi rten pa dang dmigs pa'i mtshan nyid la shin du mkhas pa dang / de bzhin nyid kyi mtshan nyid dmigs pa la yang mkhas pa'o// ting nge 'dzin thams cad kyi ro la mkhas te/ ting nge 'dzin la dbang du gyur pas gzhan gyi dring la mi 'jog cing / ting nge 'dzin gyi dbang du mi 'gyur te/ ting nge 'dzin las dbang dang / mthu yang thob po// ting nge 'dzin las dka' ba cung zad kyang med par 'dod pa bzhin du gang zag des de ltar ting nge 'dzin la khyad par can du gyur pas na/ ting nge 'dzin gyi

  162. 396b

    dbang po thob pa dang / ting nge 'dzin gyi dbang po sbyor ba thob pa zhes bya ba'o// 'jig rten 'dzin de la ji ltar na byang chub sems dpa' sems dpa' chen po rnams shes rab kyi dbang po dang ldan pa dang / shes rab kyi dbang po sbyor ba thob pa zhe na/ byang chub sems dpa' sems dpa' chen po rnams shes rab kyi dbang po khong du chud cing rtog pa ni 'di lta ste/ yang dag pa ji lta ba bzhin du ldog bsngal rnams 'gag par 'gyur ro// gang zag des de ltar shes rab kyi gnas dang / shes rab kyi las khong du chud cing rtogs pas/ rtog las dben te togs pa btang snyoms su gyur pas/ mya ngan las 'das pa la rjes su gzhol ba'i shes rab yongs rdzogs par 'gyur ro// shes rab kyi dbang po lhun gyis grub pas khams gsum 'di dag ni kun gcig tu 'bar bar shes so// khams gsum 'di dag ni thams cad kyang sdug bsngal ba ste/ shes rab de lta bus na khams gsum nas mi gnas so// gang zag des de ltar khams gsum 'di dag thams cad kyang stong pa nyid de/ mtshan ma med pa/ smon pa med pa/ ma skyes pa/ mngon par 'dus ma byas pa/ ma byung ba/ 'dus byas kyi chos kyi lam la 'das pa/ sangs rgyas kyi chos phun sum tshogs par rtogs pa mgo'i thod las me 'bar ba bzhin du brtson 'grus shin tu rtsom mo// byang chub sems dpa' de'i shes rab ni gzhig nus pa

  163. 397a

    med de/ shes rab de lta bu khong du chud pas khams gsum las shin tu 'das te/ khams kyi dngos po la mi gnas so// 'dus byas kyi chos thams cad yongs su bcad de/ rnam par chags pa dang bcing ba'i chos la mi gnas so// 'dod pa rnam pa lnga sems kyis skye zhing / gzugs yod pa dang gzugs med pa'i khams la mi gnas pas/ shes rab khyad par can dang ldan zhing rgya mtsho chen po ltar yon tan tshad med pa dang ldan no// shes rab des na chos thos cad kyi sbyor ba la thogs pa med par 'gyur ro// gang zag des de ltar shes rab kyi khams gsum khong du chud cing rtogs pas khams gsum la sems mi chags te/ shes rab khyad par can du gyur pas/ shes rab kyi dbang po dang / shes rab kyi sbyor ba thob pa zhes bya'o// 'jig rten 'dzin ci'i phyir dbang po zhes bya zhe na/ mchog tu gyur pa'i phyir dbang po zhes bya/ mi g.yo ba'i phyir dbang po zhes bya/ mi shig pa'i phyir dbang po zhes bya/ phyir mi zlogs pa'i phyir dbang po zhes bya/ gzhan gyi dring la mi 'jog pa'i phyir dbang po zhes bya/ phyir mi ldog pa'i phyir dbang po zhes bya/ mi 'phrogs pa'i phyir dbang po zhes bya/ yang dag pa'i chos la gzhol ba'i phyir dbang po zhes bya/ mi chags pa'i phyir dbang po zhes bya/ ma bral ba'i phyir dbang po zhes bya/ gzhan yang 'jig rten 'dzin byang chub sems dpa' sems

  164. 397b

    dpa' chen po rnams sems can rnams kyi dbang po la shin tu mkhas pas/ dbang po rnams kyi khyad par slob pa la yang mkhas par byed do// byang chub sems dpas 'dod chags dang ldan pa'i sems kyi dbang po rnams kyang shes/ sems can 'dod chags dang / bral ba'i dbang po yang shes/ sems can zhe sdang dag ldan pa'i dbang po yang shes/ sems can zhe sdang dang bral ba'i dbang po yang shes/ sems can gti mug dang ldan pa'i dbang po yang shes/ sems can gti mug dang bral ba'i dbang bo yang shes/ sems can ngan song du lhung bar 'gyur ba'i dbang yang shes/ sems can lhar skye ba dang mir skye ba'i dbang po yang shes/ sems can nges pa'i sems can gyi dbang po yang shes/ sems can dbang po rab dang / sems can gyi dbang po 'bring dang / sems can gyi dbang po tha ma yang shes/ sems can gyi dbang po nyams ba dang / sems can gyi dbang po ma nyams pa yang shes sems can brtson pa dang / mi brtson pa'i dbang po yang shes/ sems can thabs la mkhas pa dang / thabs la mi mkhas pa yang shes/ sems can kha na ma tho ba dang / bcas pa dang / kha na ma tho ba med pa dang / dri ma dang bcas pa dang / dri ma med pa dang / zhe sdang dang bcas pa dang / zhe sdang med pa dang / rjes su gzhol ba dang / rjes su mi gzhol ba dang / thogs pa dang bcas pa dang / thogs pa med pa'i dbang po yang shes/ sems can

  165. 398a

    nagyi 'dod pa'i khams kyi 'du byed dang gzugs yod pa'i khams dang / gzugs med pa'i khams kyi 'du byed kyi dbang po yang shes/ sems can gyi dge ba'i rtsa ba sdug pa dang / dge ba'i rtsa ba srab pa dang / nges pa dang ma nges pa dang / log par nges pa'i dbang po yang shes/ sems can ser sna dang bcas pa dang / ser sna med pa dang / rgod pa dang mi rgod pa dang / bslus pa'i chos can dang / mi bsla ba'i chos can dang / 'phyar ba dang mi 'phyar ba dang / khro zhing mi bzod pa dang / nges shing bzod pa dang / shin tu ser sna dang bcas pa dang / sbyin pa dang ldan pa'i dbang po yang shes/ sems can gyi dad pa'i dbang po dang / ma dad pa'i dbang po dang / sti stang dang / bcas pa dang / sti stang med pa dang / tshul khrims rnam par dag pa dang bzod pa dang ldan pa dang / le lo dang bcas pa dang / brtson 'grus dang ldan pa dang / sems g.yeng ba dang sems ting nge 'dzin la mnyam par 'jog par dang / 'tshal pa'i shes rab dang ldan pa dang / glen pa dang / glen pa med pa dang / nga rgyal dang bcas pa dang / nga rgyal med pa dang / yang dag pa'i lam spyod pa dang / lam ngan pa spyod pa dang dran pa nyams pa dang / dran pa dang ldan pa dang / blo dang ldan pa dang / dbang po 'khrugs pa dang / dbang po sdud pa dang / dbang po nyams pa dang / dbang po ma dag pa dang / dbang po dag pa dang / theg pa chung ngu'i

  166. 398b

    dbang po dang / rang sangs rgyas kyi dbang po dang / byang chub sems dpa'i dbang po dang / bla na med pa'i byang chub kyi dbang po yang shes so// byang chub sems dpa' des de ltar dbang po'i khyad par dang / sbyor ba las shin du 'das pas/ sems can de dag gi dbang po'i khyad par rnam par 'byed pa la mkhas pa zhes bya'o// shes rab kyis gzhan gyi dring la mi 'jog pa'i phyir/ dbang po'i sbyor ba thob pa zhes bya'o// gzhan gyis mi 'phrogs pa zhes bya'o// mi shigs pa zhes bya/ phyir mi ldog pa zhes bya/ sbyor ba'i stobs thob pa zhes bya/ dbang po la 'jug pa zhes bya/ lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lho phye chen po dang / mi dang mi ma yin pa la sogs pa'i dbang po thob pa zhes bya/ dbang po mchog thob pa zhes bya/ mi 'jigs pa mi g.yo' ba thob pa zhes bya/ pha rol tu phyin pa zhes bya/ tshad med pa'i yon tan lhun gyis grub pa zhes bya ba ste/ chos thams cad dang mthu dang dbang myur du thob par 'gyur ro// dbang po lnga zhes bya ba'i le'u ste bdun no// 'jig rten 'dzin ces bya ba'i mdo'o// / bam po bzhi pa/ 'jig rten 'dzin gnan yang ji ltar na byang chub sems dpa' sems dpa' chen po rnams 'phags pa'i lam la mkhas pa zhe na/ byang chub sems dpa' sems dpa' chen po rnams 'phags

  167. 399a

    'jigapa'i lam la bde bar gnas pa dag gi lam zhes bya ba gang zhe na/ 'di lta ste/ 'phags pa'i lam brgyad de/ de dag kyang yang dag pa'i// lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// 'jig rten 'dzin de la byang chub sems dpa' sems dpa' chen po rnams 'phags pa'i lam gyi yan lag brgyad po la spyod pa ni gang / 'phags pa'i lam gyi yan lag brgyad po la sbyor ba thob pa ni gang zhe na/ byang chub sems dpa' sems dpa' chen po rnams yang dag pa'i lta bar gyur pas/ yang dag pa'i lta ba la bde bar gnas te/ lta ba thams cad yongs su gcad pa'i phyir lam la nan tan du byed do// lta ba thams cad yongs su gcad pa'i phyir/ lam la bde bar gnas shing mya ngan las 'das par lta ba dang / sangs rgyas su lta ba'i bar du yongs su gcod do// de ci'i phyir zhe na/ 'jig rten 'dzin ji tsam du lta bar gyur pa thams cad ni mya ngan las 'das par lta ba dang / sangs rgyas su lta ba'i bar tu thams cad kyang ngan par lta ba ste/ lta ba la chags pa thams cad yongs su 'jig cing gzhom pa'i phyir/ yang dag par lta ba zhes bya'o// gzhan yang lta ba med cing lta bar mi len pa dang /

  168. 399b

    mi sems pa dang / mi chags pa dang / mi dmigs pa dang / mi spyod pa dang / lta ba thams cad du rnam par rtog pa ni yang dag par lta ba zhes bya'o// yang dag par lta ba des ci mthong zhe na/ 'jig rten 'di dag thams cad yang dag pa ma yin pa'i phyin ci log tu lta bas yongs su bcings par mthong ngo // de ltar mthong ba'i tshe na lta ba thams cad yongs su bcad pa la bde bar gnas pa zhes bya'o// yang dag par lta ba de nyid la yang mi sems mi lta ba'i mi chags rnam par mi rtog ste/ mya ngan las 'das par lta ba dang / sangs rgyas su lta ba'i bar da med pa ni/ lta ba thams cad mi skyed pa la nan tan byed pa'i phyir ro// de la ji ltar na yang dag par lta bas chos thams cad rab tu zhi ba dang / rang bzhin gyis mi skye mi 'gog cing mya ngan las 'das pa dang mthun pa zhe na/ 'di ltar mi rtog pa dang / rnam par mi rtog pa'i chos thams cad la/ mi rtog rnam par mi rtog/ mngon sum du byed pa yang ma yin/ mi mtho mi dma' mi len mi gtong ba ste/ de ni 'jig rten las 'das pa'i/ yang dag par lta ba zhes bya'o// de la ji ltar na/ 'jig rten las 'das pa'i yang dag par lta ba zhe na/ gang 'jig rten du yang mi dmigs/ 'jig rten las 'das par yang mi dmigs/ 'jig rten las rgal bar yang mi dmigs ste/ rnam par mi rtog pa na/ 'jig rten las 'das pa'i yang dag par lta ba zhes

  169. 400a

    bya'o// gzhan yang yang dag par lta ba zhes bya ba ni/ 'jig rten la ji ltar shes pa dang / mthong ba ltar 'jig rten las 'das pa yang de bzhin te/ gang 'jig rten dang / 'jig rten las 'das par rnam par mi rtog cing / rnam par mi rtog pa'i 'du shes thams cad yongs su bcad pa'i phyir// 'jig rten las 'das pa'i yang dag par lta ba zhes bya'o// gang zhig ngan par yang mi lta zhing sems kyis rtog pa thams cad/ yongs su bcad pa ni yang dag par lta ba zhes bya'o// gzhan yang yang dag par lta ba ni chos thams cad la/ khyad par med pa ni yang dag pa'i lta ba zhes bya'o// gzhan yang yang dag par lta ba ni yang dag par ji lta ba bzhin du ngan par lta ba'i don shes pa'o// gzhan yang yang dag par lta ba ni ngan par lta ba thams cad/ mnyam pa nyid du rtogs pa ste/ de dag ni byang chub sems dpa' rnams/ yang dag par lta ba bde bar gnas pa zhes bya'o// 'jig rten 'dzin byang chub sems dpa' sems dpa' chen po rnams/ yang dag par lta ba la bde bar gnas nas/ yang dag par ji lta ba bzhin du yang dag pa'i rtog pa shes te/ de 'di snyam du ci tsam du rtog par gyur pa/ thams cad log pa yin pas/ mya ngan las 'da' bar rtog pa 'am/ sangs rgyas su rtog pa'i bar da thams cad ngan par rtog

  170. 400b

    pa'o// snyam du sems so// de ci'i phyir zhe na/ rnam par rtog pa yongs su bcad pa ni/ yang dag pa'i rtog pa zhes bya'o// rnam par mi rtog pa ni yang / dag par rtog pa'o// rnam par rtog pa bcad pa ni rnam par rtog pa'o// de ci'i phyir zhe na/ de ltar rtog pa thams cad kyi mtshan nyid mthong zhing shes pas na/ ngan par rtog pa med de/ gang zag de ni 'di 'am gzhan zhes rnam par mi 'gyur ro// de ltar yang dag pa'i rtog pa la gnas pas na/ yang dag par rtog pa 'am/ ngan par yang rnam par mi rtog ste/ de ltar rnam par rtog pa thams cad dang / bral bas rnam par rtog pa las 'das te/ yang dag pa'i rtog pa zhes bya'o// yang dag pa'i rtog pa zhes bya ba ni rnam par rtog pa thams cad las/ yang dag pa ma yin pa mi bden pa/ phyin ci log las byung bar mthong zhing shes te/ rnam par rtog pa thams cad la rnam par mi rtog go// de ltar yang yang dag par rtog pa la/ gnas nas yang dag pa 'am/ ngan par rtog pa la mi dmigs te/ rnam par rtog pa dang bral ba/ rnam par rtog pa las 'das pa/ rnam par rtog pa yongs su bcad pas na/ yang dag par rtog pa zhes bya'o// de ltar de'i tshe na rnam par rtog pa/ thams cad kyis mi cings te/ rnam par rtog pa thams cad kyis rang bzhin/ mnyam par shes

  171. 401a

    shing mthong ba ni yang dag par rtog pa las gnas pa zhes bya'o// 'jig rten 'dzin byang chub sems dpa' sems dpa' chen po rnams// yang dag pa'i ngag la rtsom pa ni ji snyed kyi tshig tu smra ba thams cad yang dag pa ma yin pa/ mi bden pa/ phyin ci log las byung ba/ log par rnam par brtags pa/ rgyu dang / rkyen mang po las byung bar shes nas/ 'di snyam du ci tsam tshig tu/ smra ba ni tshig tu smra ba nyid la dmigs su med de/ tshig thams cad 'gags nas yang dag pa ji lta ba bzhin du ngag gi las thams cad shes pa ni yang dag pa'i ngag ces bya'o// tshig tu smra ba'i ngag de nyid kyang gang nas kyang ma 'ongs la/ gang da yang mi 'gro bar mthong na yang dag pa'i ngag ces bya'o// de ltar de'i tshe yang dag pa'i mtshan nyid la bde bar gnas pas ci tsam tshig tu smra ba thams cad yang dag pa'i ngag zhes bya'o// de bas na yang dag pa'i ngag la bde bar gnas na/ don dam pa'i rnam par dag pa'i ngag gi las la gnas pa zhes bya ste/ ngag gi las kyi mtshan nyid shes shing mthong ba dang / tshig tu smra ba'i ngag thams cad khong du chud cing tshig tu smra ba thams cad las 'khrul pa med pas/ de bas na yang dag pa'i ngag la gnas pa zhes bya'o// 'jig rten 'dzin byang chub sems dpa' sems dpa' chen po rnams las thams cad la ngan pa log pa'i las su shes so// las thams

  172. 401b

    cad la yang dag pa ma yin pa ci yang med pa/ mngon par 'dus ma byas pa'i ma byung bar shes so// de ci'i phyir zhe na/ las thams cad la nges pa'i mtshan nyid med de/ las thams cad 'gog pa'i phyir yang dag pa'i las shes bya'o// yang dag pa'i las shes bya ba ni las ngan pa 'am/ las yang dag par rnam par mi rtog go// las rnams kyi mnyam pa nyid la zhugs pas log pa 'am/ yang dag par rnam par mi rtog pas/ de'i phyir yang dag pa'i las shes bya'o// yang dag pa'i las shes bya ba ni khams gsum la ma chags pa'i/ don yang dag pa ji lta ba bzhin du shes shing mthong ba'i don no// yang dag pa de kho na nyid la mnyam pa nyid du gyur pas yang dag pa 'am/ log par rnam par mi rtog go// byang chub sems dpa' de ltar yang dag pa'i las la yang dag pa ji lta ba bzhin de las thams cad shes shing mthong ba'i phyir chos thams cad mi len mi mthong ste/ de bas na yang dag pa'i las kyi mtha' la nan tan byed pa zhes bya'o// yang dag pa'i las la las ngan pa med de/ yang dag pa ji lta ba bzhin du shes shing mthong bas/ yang dag pa'i las kyi mtha' la gnas pa zhes bya'o// 'jig rten 'dzin byang chub sems dpa' sems dpa' chen po// rnams 'tsho ba thams cad la log pa'i 'tsho ba'i bar shin tu shes so// de ci'i phyir zhe na/ ci tsam du 'tsho ba'i mtshan ma dang / chos kyis mtshan ma dang /

  173. 402a

    @#/ len pa'i mtshan ma nas mya ngan las 'das pa'i mtshan ma dang / sangs rgyas kyi mtshan ma'i bar dang / rnam par dag pa dang / sangs rgyas su mtshan mar 'dzin te/ de la 'tsho ba rnam par dag par 'dzin na/ log par 'tsho ba zhes bya'o// yang dag par 'tsho ba ni 'tsho ba yo byad la chags pa thams cad btang ste/ tshong spogs kyang yongs su bcad nas rtog pa med cing spros pa med de/ spros pa thams cad las 'das pa ni/ yang dag pa'i 'tsho ba la ngan pa'i 'tsho ba 'am/ yang dag pa'i 'tsho bar rnam par mi rtog pa ni thams cad du rnam par dag pa'i 'tsho ba thob par 'gyur bas/ de bas na rnam par dag pa'i yang dag pa'i 'tsho ba thob par 'gyur bas/ de bas na rnam par dag pa'i yang dag 'tsho ba thob pa zhes bya'o// gzhan yang 'tsho ba thams cad ni kun kyang ma skyes pa'i log pa 'am/ yang dag pa med de/ gang zag de ni rnam par dag pa'i 'tshe ba thob cing / yang dag pa'i lam la bde bar gnas pa spros pa med pa'o// yang dag pa 'tshe ba de la gnas pas/ yang dag pa'i 'tsho ba mi len log par 'tshe ba mi spong ste/ de bas na yang dag pa'i 'tsho ba la gnas pa zhes bya'o// gang de'i tshe de ltar gyur pa ni yang dag pa la gnas pa zhes kyang mi bya/ ngan pa la gnas pa zhes kyang mi bya ste/ rnam par dag pa mnyam pa nyid kyi 'tsho ba thob te/

  174. 402b

    ba'i mtshan ma dang bral bas g.yo ba med/ mngon par 'du bya ba med 'tsho bar mi rtog/ 'tsho bar ma yin par mi rtog go/ de ni yang dag pa ji lta ba bzhin du shes pa dang / yang dag pa ji lta ba bzhin du mthong ba ste/ de bas na yang dag pa'i 'tsho ba la gnas pa zhes bya'o// 'jig rten 'dzin de la byang chub sems dpa' sems dpa' chen po rnams yang dag pa'i rtsol ba mkhas pa ni/ gang byang chub sems dpa' sems dpa' chen po rnams/ yang dag pa'i rtsol ba la gnas pa ni gang zhe na/ byang chub sems dpa' rnams brtson 'grus kyi lam thams cad gcod pa'i phyir/ yang dag pa'i rtsol ba la gnas pa zhes bya'o// de ci'i phyir zhe na/ rtsol ba thams cad ni kun kyang log pa ste/ ci tsam du bskyed pa dang byed pa dang / spyod pa thams cad kyang log pa'o// de ci'i phyir zhe na/ chos thams cad ni byed pa/ log par las byas par yod par 'gyur te/ thams cad yang dag pa ma yin no// yang dag pa ma yin pas na log pa'o// yang dag pa'i rtsol ba zhes bya ba ni bskyed pa med/ byas pa med/ spyod pa med/ smon pa med de/ chos thams cad la bya ba yongs su bcad pa'o// byang chub sems dpa' chos thams cad la byed pa yongs su bcad pas mya ngan las 'das pa'i mtshan ma 'am/ sangs rgyas kyi mtshan ma'i bar de yang byed

  175. 403a

    pa'i mtshan ma mi bskyed do// de ltar bya ba thams cad la yang dag pa ma yin par shes pas/ bya ba med pa'i phyir rnal 'byor de spyod do// gang yang dag pa'i rtsol ba la ni mngon par 'du byas pa med de/ chos thams cad mnyam pa khyab par med pa/ mngon par 'du bya ba med pa/ mngon par 'du byed pa'i mtshan ma las shin tu 'das so// byang chub sems dpas de ltar brtson 'grus la brtson 'grus ma yin par shes so// mi len mi gtong bas yang dag pa'i rtsol ba la gnas pa zhes bya'o// yang dag pa'i rtsol ba ni brtson 'grus la dmigs su med pa'i don to// chos rnams la yang dag pa ji lta ba bzhin du shes shing / mthong ba'i don to// gang de ltar yang dag pa'i rtsol ba la mthong ba ni/ yang dag pa'i rtsol ba la mthong ba ni/ yang dag pa'i rtsol ba 'am/ log pa'i rtsol ba rnam par mi rtog ste/ de bas na yang dag pa'i brtson 'grus shes bya'o// 'jig rten 'dzin de la ji ltar na/ byang chub sems dpa' sems dpa' chen po rnams yang dag pa'i/ dran pa la mkhas pa zhe na/ byang chub sems dpa' sems dpa' chen po rnams/ dran pa thams cad dran pa log par shes so// ji tsam du dran pa nye bar gzhag pa/ thams cad dran pa log pa'o// de ci'i phyir zhe na/ dran pa thams cad ni/ dran pa log pa ste/ gal te gnas la dmigs

  176. 403b

    nas/ dran pa bskyed na yang / dran pa log pa ste/ gang sems dpa' dang dran pa med pa ni/ yang dag pa'i dran pa zhes bya'o// de ci'i phyir zhe na/ dran pa thams cad ni yang dag pa ma yin pa log par dmigs pa'i rkyen las 'byung bas na/ de'i phyir ji tsam du dran pa skye bar gnas pa de thams cad log pa'o// dmigs pa'i gnas mi skye mi 'gog pa ni yang dag pa'i dran pa zhes bya'o// gang dran pa'i las 'byung ba'i gnas med pa ni rnam par dag pa'i dran pa la bde bar gnas pa zhes bya ste/ de la ni dran pa log par 'byung ba'i gnas med do// de ltar chos thams cad log par shes shing mthong bas yang dag pa'i chos la dran pa med de/ de'i phyir na yang dag pa'i dran pa la gnas pa zhes bya'o// yang dag pa'i dran pa zhes bya ba ni chos thams cad ni/ log pa'i dran pa dang / yang dag pa'i dran pa rnam par mi 'byed pa'o// / de ltar dran pa thams cad la dran pa'i/ mtshan ma med par 'ong du chud cing rtogs pas/ rtag tu btang snyoms kyi sems drug spyod de/ de'i phyir na yang dag pa'i dran pa dang / gnas pa zhes bya'o// de ltar de la chags shing zhen pa med pas/ dran pa med par yang rnam par rtog go// chos thams cad la dran pa thams cad mnyam pa nyid du rtogs so// de ltar yang dag pa ji lta ba bzhin du/ dran pa thams cad shes shing mthong bas dran pa 'am/ dran pa 'am yin pa la mi len mi

  177. 404a

    gtong ste/ de bas na yang dag pa'i dran pa la gnas pa zhes bya'o// de ltar dran pa des mnyam pa 'am/ mi mnyam pa nyid du yang rnam par mi 'byed la dran pa dang / dran pa ma yin pa'ang mi 'jug mi dmigs so// dran pa thams cad la dran pa ma yin par shes te/ dran pa dang / dran pa ma yin pa la sems mi 'byed do// de ltar des yang dag pa'i dran pa la gnas pas/ bstan du med brjod du med/ tshig tu smra ba'i lam thams cad pa/ tshig tu smra ba'i lam thams cad dang bral ba'o// yang dag pa ji lta ba bzhin du tshig tu smra ba thams cad shes pas/ bdag gam gzhan du rnam par mi 'byed de/ de bas na yang dag pa'i dran pa la gnas pa zhes bya'o// 'jig rten 'dzin de la ji ltar na byang chub sems dpa' sems dpa' chen po rnams/ yang dag pa'i ting nge 'dzin la gnas pa zhe na/ byang chub sems dpa' sems dpa' chen po rnams ting nge 'dzin thams cad la/ log pa'i ting nge 'dzin du rtogs so// de ci'i phyir zhe na/ ji tsam du chos thams cad la ting nge 'dzin da/ dmigs pa la zhugs pa las ti nge 'dzin la mtshan mar shes/ ting nge 'dzin gyi dga' ba la 'jug pa/ ting nge 'dzin gyi mtshan ma thams cad log pa'o// log pa ni chags pa'i don yin gyi ting nge 'dzin ni de lta ma yin no// ji ltar dmigs pa la zhugs pa'i mtshan nyid la log pa'i mtshan ma la med cing re ba med/ spros pa

  178. 404b

    med rtog pa med pa ni ting nge 'dzin ces bya'o// gal te chags shing zhen pa med na bdag gam gzhan du/ rnam par mi rtog ste/ chags pa'i dga' ba bcad nas/ ting nge 'dzin gyi ro la mi len cing ting nge 'dzin du 'jug pa'i mtshan ma bcad de/ sems ci la yang mi gnas pa ni yang dag pa'i ting nge 'dzin ces bya'o// gzhan yang yang dag pa'i ting nge 'dzin ces bya ba ni ting nge 'dzin thams cad la mi gnas shing spros pa med pa la yang dag pa ji lta ba bzhin du chos kyi ngo bo nyid rtogs pas ting nge 'dzin gyi mtshan nyid la shin tu mkhas shing sems ci la yang mi chags so// bdag dang gzhan du rtogs pa'i lam gcod cing ji skad du smras pa la yang rnam par mi rtog la/ rnam par rtog pa thams cad bcad pa'i phyir/ yang dag pa'i ting nge 'dzin zhes bya'o// gzhan yang yang dag pa'i ting nge 'dzin zhes bya ba ni/ ting nge 'dzin log pa 'am/ yang dag pa'i 'du shes mi bskyed cing 'du shes thams cad bcom pa/ 'du shes thams cad bcad pa/ 'du shes thams cad 'gags pa'i phyir/ yang dag pa'i ting nge 'dzin zhes bya'o// yang dag pa'i ting nge 'dzin zhes bya ba ni log pa 'am/ yang dag pa'i mi bskyed la log pa 'am/ yang dag pa'i rnam par mi 'byed pa ni/ yang dag pa'i ting nge 'dzin ces bya'o// de ci'i phyir zhe na/ byang chub sems dpa' ting nge 'dzin du sbyor bas thams cad khong du chud cing yang dag pa'i ting nge 'dzin

  179. 405a

    'jigal gnas pas/ ting nge 'dzin nam/ ting nge 'dzin gyi mtshan mas 'ching bar mi 'gyur te/ ting nge 'dzin gyi mtshan ma la shin tu 'das pas// yang dag pa'i ting nge 'dzin la gnas pa zhes bya'o// gzhan yang chos thams cad la spros pa med cing mnyam pa'i chos la log pa 'am/ yang dag par spros pa med pa'o// yang dag pa'i ting nge 'dzin ni chos thams cad mnyam pa'i don no// yang dag pa'i ting nge 'dzin ni/ ting nge 'dzin thams cad dang / khams gsum gyi 'das byas kyi chos thams cad las shin tu 'das pa/ yang dag pa ji lta ba bzhin du lam rgyud lngar 'khor ba/ thams cad shes shing mthong ba'i don to// 'jig rten 'dzin de ltar na byang chub sems dpa' sems dpa' chen pa rnams 'phags pa'i lam la mkhas pa dang / lam gyi sbyor ba la mkhas pa ste/ de ltar yang dag pa ji lta ba bzhin da shes shing mthong bas/ mya ngan las 'das pa'i bar da phyin par 'gyur ro// 'phags pa'i lam brgyad ces bya ba'i le'u ste brgyad pa'o// 'jig rten 'dzin de la byang chub sems dpa' sems dpa' chen po rnams/ 'jig rten dang 'jig rten las 'das pa'i chos la mkhas pa ni gang / 'jig rten dang 'jig rten las 'das pa'i chos la/ sbyor ba thob pa ni gang zhe na/ 'jig rten 'dzin/ byang chub sems dpa' sems dpa' chen po rnams/ 'jig rten dang / 'jig rten

  180. 405b

    las 'das pa'i chos yang dag pa nyid du rtogs so// de la 'jig rten gyi chos gang zhe na/ byang chub sems dpa' 'di snyam du/ ji tsam du chos la rtog pa dang / rnam par rtog pa ni phyin ci log las skyes te/ rgyu dang rkyen gyis bskyed pas yang dag pa ma yin pa la rag lus so// mtshan ma gnyis las byung bas stong pa ci yang med pa ni nya phyis la snang ba'i kha dog sna tshogs dang me 'gal bskor ba lta bu ste/ byis pa so so'i skye bo dag slu ba'o// 'jig cing nyams pa'i chos can las bla dgas su 'jig rten ces btags ste de las 'jig rten ces bya'o// 'jig rten gyi chos 'di dag ni thams cad bden pa ma yin te yang dag pa ma yin pa'i skyen las skyes pas byas pa dang byung ba'i mtshan nyid med de/ phung po dang khams dang skye mched dang / gzugs dang / sgra dang / dri dang / ro dang / reg bya dang / chos la btags te/ ming dang gzugs kyi phyir bshad do// byis pa so so'i skye bo sems chags shing zhen pas rnam pa sna tshogs kyi rjes su chags shing zhen pa ni kha chur dar 'dzings pa 'am/ rtso 'khri shing klags pa gcig la gcig 'brel pa lta bu ste/ phyin ci log dang ldan pa'i rjes su 'jig rten gyi chos shes brjod do// de la 'jig rten las 'das pa'i chos gang zhe na/ ji ltar 'jig rten gyi chos thog ma nas yang dag pa ji lta ba bzhin du dben pa ni 'jig rten las 'das pa zhes bya'o// de ci'i phyir zhe na/

  181. 406a

    'a#mkhas pa dag ni 'jig rten gyi chos kyang dmigs su med 'jig rten las 'das pa'i chos kyang dmigs su med de/ 'jig rten dang 'jig rten las 'das pa'i gnas kyang dmigs su med de/ de la 'jig rten dang 'jig rten las 'das pa yang dag par brtag tu med de/ 'jig rten gyi phyir 'jig rten las 'das pa zhes brjod kyi 'jig rten gyi/ yang dag pa'i mtshan nyid ni 'jig rten las 'das pa'o// de ci'i phyir zhe na/ 'jig rten zhes bya ba la nges pa'i mtshan nyid du dmigs su med do// 'jig rten dang 'jig rten las 'das pa'i mtshan nyid ni thog ma nas stong pa nyid de/ 'jig rten gyi chos la nges pa'i mtshan nyid med pa'i phyir ro// 'jig rten ni thog ma nas rab tu zhi ba'i mtshan nyid do// byang chub sems dpa' de ltar 'jig rten dang 'jig rten las 'das pa'i chos la dmigs su med par rtog pas/ 'jig rten gyi chos la yang mi chags 'jig rten las 'das pa la yang mi chags so// de ltar 'jig rten las 'das pa'i chos la mi rtog cing mi chags pas 'jig rten dang rtsod par mi 'gyur ro// de ci'i phyir zhe na/ mkhas pa dag ni 'jig rten la yang dag pa ma yin pa'i mtshan nyid du khong du chud cing rtog so// / 'jig rten la yang dag pa ma yin par mthong bas 'jig rten nam 'jig rten las 'das par mi rtog go// de ci'i phyir zhe na/ 'jig rten 'jig rten zhes bya ba ni nye bar

  182. 406b

    len pa'i phung po lnga'i don to// 'jig rten gyi chos thams cad der ma 'das pa med de/ mkhas pa dag gis brtags na phung po med de/ phung pos phung por mi dmigs phung po'i rang bzhin du mi dmigs phung po 'ongs pa'i gnas dmigs su med 'dag pa'i gnas kyang dmigs su med/ song ba'i gnas kyang dmigs su med de/ phung po lnga dang skye mched bcu gnyis dang / khams bcwo brgyad kyang dmigs su med rnam par brtags tu med ming med/ rang bzhin med mtshan nyid med spyod du med pas 'jig rten las 'das pa zhes bya'o// 'jig rten 'dzin byang chub sems dpa' rnams 'jig rten las 'das pa'i chos yongs su rtog pa'i tshe// 'jig rten gyi chos rnams 'jig rten las 'das pa'i chos dang lhan cig pa ma yin 'jig rten las 'das pa'i chos kyang 'jig rten gyi chos dang bral ba ma yin// de ltar gang zag des de ltar 'jig rten dang ma bral bar 'jig rten las 'das pa'i chos mthong ngo // 'jig rten las 'das pa'i chos kyang ma bral bar 'jig rten gyi chos rnams kyang mthong ngo // de ltar gang zag des spyod pa rnam pa gnyis la mi dmigs pa ni 'di lta ste/ 'jig rten dang 'jig rten las 'das pa'o// de ci'i phyir zhe na/ 'jig rten 'dzin 'jig rten gyi yang dag pa'i mtshan nyid ni 'jig rten las 'das pa'o// 'jig rten la 'jig rten gyi

  183. 407a

    @#mtshan nyid dmigs su med/ 'jig rten gyi chos 'jig rten gyi chos dmigs su med/ de ltar ci yang med pas chos de rtogs shing 'od du chud na 'jig rten las 'das pa zhes bya'o// 'jig rten 'dzin ji ste 'jig rten zhes bya ba 'jig rten las 'das pa dang tha dad pa yin na/ sangs rgyas bcom ldan 'das 'jig rten du yang mi 'byung la/ de bzhin gshegs pas 'jig rten thams cad dmigs pa med par yang mi gsung ngo // 'jig rten thams cad ni ma skyes pas/ yang dag pa ji lta ba bzhin du 'jig rten thams cad shes shing mthong ngo // 'jig rten 'dzin gang 'jig rten du mi dmigs shing 'jig rten la mi 'jug pa de ni 'jig rten las 'das pa zhes bya'o// de bas na 'di ltar shes par bya ste/ yang dag pa ji lta ba bzhin du 'jig rten rtogs shing 'jig rten dmigs su med par khong du chud pas 'jig rten las 'das pa zhes bya'o// de bas na sangs rgyas bcom ldan 'das 'jig rten na byung ngo // ci tsam chos su gtogs pa 'jig rten nam 'jig rten las 'das pa thams cad mi gnyis pa dbyer med par yang dag pa ji lta ba bzhin du shes shing mthong bas 'jig rten las 'das pa'i chos shes gsungs so// 'jig rten 'dzin de ltar 'jig rten ni shin tu zab cing gting dpag dka' ba'o// 'jig rten gyi chos la gnas pa dang / 'jig rten gyi chos la

  184. 407b

    dmigs pa dang / 'jig rten las 'das pa'i chos la re ba dang kun rdzob du smras pa'i tshigs la don dam pa'i mtshan nyid du dmigs pa dang / chos gnyis la gnas pa ni chos 'di la 'bab cing 'jug par mi 'gyur ro// de ci'i phyir zhe na/ de ltar gang zag de ni 'jig rten mi shes/ 'jig rten las 'das pa mi shes te/ chos rnam pa gnyis spyod pa'o// 'jig rten 'dzin chos rnam pa gnyis spyod pa ni 'jig rten dang 'jig rten las 'das par chud cing rtog par mi 'gyur ro// 'jig rten 'dzin byang chub sems dpa' sems dpa' chen po rnams de ltar 'jig rten las 'das pa'i chos la shin tu mkhas pa dang / 'jig rten dang 'jig rten las 'das pa'i chos kyi sbyor ba yang thob pa'o// 'jig rten dang 'jig rten las 'das pa'i chos zhes bya ba'i le'u ste dgu pa'o// // 'jig rten 'dzin de la/ byang chub sems dpa' sems dpa' chen po rnams 'das byas dang / 'dus ma byas pa'i chos la shin tu mkhas pa ni gang / 'das byas dang 'dus ma byas pa'i chos kyi spyod pa thob pa ni gang zhe na/ 'jig rten 'dzin byang chub sems dpa' sems dpa' chen po rnams 'dus byas dang 'dub ma byas pa'i chos rnam par 'byed cing rnam par rtog go// de la ji ltar na 'das byas kyi chos la rnam par 'byed cing yang dag par rtog pa zhe na/ 'dus byas kyis chos ni mngon par 'dus byas pa/

  185. 408a

    @ste/ tshor ba med 'das byas kyi chos ni rang skyes shing rang bgrang ba'i grangs su/ gtogs pas 'dus byas kyi chos zhes bya'o// 'dus byas kyi chos ni yang dag pa ma yin pa'i rgyu dang rkyen 'dus pa'i 'du byed kyi dbang gis so// 'du byed ces bya ba ni bgrang ba'i grangs su gtogs shing mtshan nyid gnyis kyi rkyen kyis shes pa'i phyir 'das byas kyi chos btags so// 'dus byas kyi chos de ni byas pa med byed pa med kyi/ rang skyes pas bskyed pa yang med do/ de bas na 'das byas kyi chos shes bya'o// 'dus byas kyi chos rnams ni nang na mi gnas phyi rol na mi gnas gnyis ga'i bar na mi gnas/ gcig pa ma yin tha dad pa ma yin te/ yang dag pa ma yin pa'i kun tu brtags pa la byung ngo // ma rig pa'i dbang gis byung ba yod pa ma yin te/ 'du byed kyi mthus spyod pa yod kyang byas pa med/ byung ba med pas 'dra byas zhes bya'o// 'du byas zhes bya ba ni mtshan mas bcings pa'i don te/ byis pa ma rab phyin ci log la chags pa'i phyir bshad do// mkhas pa dag shin du chud cing rtogs pa ni 'dus byas kyi chos su mi dmigs/ 'dus byas kyi chos su rtogs par mi dmigs so// mkhas pa dag ni grangs su mi bgrang ba'i phyir 'das byas kyi chos zhes bya'o// de ci'i phyir zhe na/ mkhas pa dag 'das byas kyi rnam par de la ji ltar na chud cing rtog pa zhe na/ mkhas

  186. 408b

    pa dag ni 'das byas kyi chos thams cad yang dag pa ma yin pa dngos po med cing rnam par bcings pa med do// bgrang ba'i grangs su mi gtogs par bya'o// de ltar yongs su rtog pa'i tshe/ 'dus byas kyi chos la yang mi chags/ 'das ma byas kyi chos su yang mi len to// de ci'i phyir zhe na/ 'jig rten 'dzin 'das byas kyi chos las gzhan pa 'das ma byas pa'i chos yod pa 'am/ 'das ma byas kyi chos las gzhan pa 'dus byas kyi chos yod pa yin te/ 'das byas kyi de kho na'i mtshan nyid de nyid ni 'dus ma byas zhes bya'o// de ci'i phyir zhe na/ 'dus byas kyi nang na 'das byas pa med 'das ma byas kyi nang na 'das ma byas pa med kyi/ skye bo phyin ci log tu 'gyur ba dag gis 'das byas kyi mtshan nyid shes shing mthong bar bya ba'i phyir 'dis ni 'dus byas pa'o// 'di ni 'das ma byas pa'o// 'di ni 'das byas kyi mtshan nyid do// 'di ni 'dus ma byas pa'i mtshan nyid do// zhes rnam par phye te bshad do// de la 'dus byas kyi mtshan nyid ces bya ba gang zhe na/ 'di lta ste skye ba dang / 'gog pa dang / gnas pa dang 'pho ba'o// de la 'dus ma byas pa'i mtshan nyid ces bya ba gang zhe na/ 'di lta ste mi skye ba dang / mi 'gog pa dang mi gnas pa dang / mi 'pho ba'o// de ltar 'dus byas kyi mtshan nyid dang / 'dus ma byas pa'i mtshan nyid kyang byis pa so so'i skye bo dag bkri ba'i

  187. 409a

    na#don du gsungs so// 'jig rten 'dzin 'dus byas kyi chos ni ma skyes pa'i mtshan nyid/ mi 'gog pa'i mtshan nyid/ mi gnas dang mi 'pho ba'i mtshan nyid do// gnas dang 'pho bar gsungs pa yang mtshan ma med cing skye ba med do// gal te 'dus byas kyi chos la mtshan nyid gsum yod pa de nges na ni bcom ldan 'das kyis 'di dag ni skye ba'i mtshan nyid 'di dag ni 'gog pa'i mtshan nyid/ 'di dag ni gnas pa dang 'pho ba'i mtshan nyid do// zhes gcig tu chad pa gsungs pa'i rigs na/ 'jig rten 'dzin de bzhin gshegs pas ni chos thams cad mtshan ma med par gsungs so// 'jig rten 'dzin ma skyes pa la gal te mtshan ma yod dam/ mi 'gog pa la gal te mtshan ma yod dam/ mi gnas pa dang mi 'pho ba la gal te mtshan ma yod na bcom ldan 'das kyis kyang 'das ma byas pa nges par mtshan ma yod ces gsungs par 'gyur ro// 'jig rten 'dzin ji ste 'das ma byas pa la mtshan ma yod pa de ni 'dus ma byas pa ma yin no// mtshan ma can du bshad pa dang byis pa so so'i skye bo dag la grangs su gcod pa dag la ni 'dus byas la mtshan nyid gsum du gsungs te/ skye ba dang 'gog pa dang / gnas shing 'pho ba'o// 'das ma byas pa'i mtshan nyid gsum ni ma skyes pa dang / mi 'gog pa dang / gnas pa dang / 'pho ba med pa'o// 'jig

  188. 409b

    rten 'dzin skyes bu la las 'dus byas dang 'dus ma byas pa'i chos chud cing rtogs na skyes bu de de la ni skye ba dang 'gog pa dang / gnas shing 'pho ba med do// de bas na 'das ma byas thob pa zhes bya'o// 'jig rten 'dzin skye ba dang 'gog pa ni kun 'byung ba'i don shes shing mthong ba yin no// chos la kun 'byung ba med do// kun 'byung ma skyes na/ phyir ldog pa med de gnas shing 'pho ba med do// 'jig rten 'dzin de dag ni 'dus byas kyi de kho na nyid yang dag pa ji lta ba bzhin du mthong zhing shes pa zhes bya'o// gang gis de ltar yang dag pa ji lta ba bzhin du shes shing mthong ba skye ba dang 'gog pa dang gnas shing 'pho ba'i grangs mi lhung ngo // byang chub sems dpa' de ltar 'das byas dang / 'dus ma byas pa'i chos la 'di snyam du 'dus byas kyi chos kyang / 'dus ma byas pa'i chos dang / lhan cig par mi lta 'dus ma byas pa'i chos kyang 'das byas kyi chos dang lhan cig par mi lta'o// snyam bsams nas yang 'di snyam du 'dus byas kyi chos kyi de kho na'i mtshan nyid ni 'dus ma byas pa nyid do// snyam bsams shing rnam par mi rtog go// 'dus byas dang 'dus ma byas pa'i chos su rnam par mi rtog pas de nyid 'dus ma byas pa'i chos so// gal te 'dus byas dang 'dus ma byas par rnam par rtog na des 'das ma byas pa chud cing rtogs par mi 'gyur ro// gang gis

  189. 410a

    rnam par rtog pa thams cad yongs su bcad na/ 'dus ma byas pa'i de kho na nyid du chud cing rtogs pa zhes bya'o// dmigs pa'i mtshan nyid rtog pa dmigs pa kun bcad pa grangs bsam grangs ma yin par mi rtogs so// 'jig rten 'dzin de dag ni byang chub sems dpa' sems dpa' chen po rnam 'das byas dang 'das ma byas pa'i chos la sbyor ba zhes bya ste/ de yang 'das byas kyi chos sam/ 'das ma byas pa'i chos su mi dmigs pa dang mi chags pa dang mi 'dzin to// 'das byas dang 'dus ma byas pa zhes bya ba'i le'u ste bcu pa'o// // 'jig rten 'dzin gal te byang chub sems dpa' sems dpa' chen po rnams de ltar phung po lnga la shin tu mkhas pa dang / khams bcwo brgyad la shin tu mkhas pa dang / skye mched bcu gnyis la shin tu mkhas pa dang / rten cing 'brel par byung ba bcu gnyis la shin tu mkhas pa dang / dran pa nye bar gzhag pa bzhi la shin tu mkhas pa dang / dbang po lnga la shin tu mkhas pa dang / 'phags pa'i lam yan lag brgyad pa la shin du mkhas pa dang / 'jig rten dang 'jig rten las 'das pa'i chos la shin du mkhas pa dang / 'das byas dang 'das ma byas pa'i chos la shin tu mkhas pas/ chos thams cad kyi de kho na'i mtshan nyid kyang shin du mkhas pa la chos rnams kyi mtshan

  190. 410b

    nyid rnam par 'byed pa yang shin tu mkhas shing dran pa'i mthu snyed pa dang / chos thams cad kyi tshig rnam par 'byed pa'i blo dang ldan pa dang lus 'di brjes ma thag tu dran pa rgyun mi 'chad pa dang ldan zhing bla na med pa yang dag par rdzogs pa'i byang chub kyi rab tu thob par 'gyur ro// 'jig rten 'dzin sngon bskal pa tshad med pa grangs med pa 'das pa de'i dus na 'dzam bu chu klung gi gser ri rab ri'i rgyal po zhes bya ba/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang / zhabs su ldan pa bde bar gshegs pa 'jig rten rig pa bla na med pa skyes bu 'dul ba'i kha lo sgyur ba lha dang mi rnams kyi ston pa sangs rgyas bcom ldan 'das 'jig rten du mngon par byang ngo // 'jig rten 'dzin bcom ldan 'das 'dzam bu chu klung gi gser gyi ri rab ri'i rgyal po'i tshe'i tshad ni skal pa lnga snyed do// nyan thos kyi dge 'dun gyi 'khor yang tshad med de/ sangs rgyas kyi zhing de yongs su dag la rab tu bde ba dang ldan no// de na gnas pa'i sems can dag kyang rab tu bde zhing sgyid la 'dod chags dang zhe sdang dang gti mug gis shas srab pa sla ba bcos sla ba/ rnam par dag sla ba shas dag go/ 'jig rten 'dzin bcom ldan 'das 'dzam bu chu klung gi gser gyi ri'i rgyal po yang byang chub sems dpa'i 'khor rnams la sems can thams cad kyi the tsom gcod pa byang chub sems dpa'i sde snod

  191. 411a

    ces bya ba'i ma gon to// 'jig rten 'an de'i chen 'khor de byang chub sems dpa' na na 'od ces bya ba zhig phung po dang khams dang skye ma dang / rten cing 'brel bar 'byung ba dang / dran pa nye bar gzhag pa bzhi dang / dbang po lnga dang / 'phags pa'i lam gyi yan lag brgyad dang / 'jig rten dang 'dzin rten las 'das pa'i chos dang 'dus ma byas dang 'dus pa byas pa'i chos la sbyor ba bshad pa thos nas de'i tshe shin tu brtson 'grus brtsams te tshe lo khri phrag nyi shu'i bar rnam du yang ngan sems pa skyes de/ 'dod chags kyi sems dang / zhe sdang gi sobs dang / gti mug gi sems khe dang grags pa dang zas dang / skom dang gos dang / lhung zad la bsab pa'i sems ma skyes kyi chos 'di sbyor ba brtsor 'jug pa'i phyir brtson 'grus chen po bskyed do// 'jig rten 'dzin byang chub sems dpa' rin chen 'od de/ bcom ldan 'das 'dzam bu chu klung gi gser gyi ri rab ri'i rgyal po'i bstan pa la nam mtsho'i bar du tshangs par spyad pa spyod de/ der che 'phos nas phyir yang sangs rgyas kyi zhing du skyes nas gzhon nu las tshe 'phos nas phyir yang sangs rgyas kyi zhing de nyid du skyes te/ tshangs par spyad pa spyod do// bskal pa de re re na ya skye ba lnga brgya len te/ tha mar bcom ldan 'das 'dzam bu chu klung gi gser gyi ri rab ri'i rgyal po yongs su mya ngan las 'das su nye ba na bskal pa lnga po'i tha mar shin tu

  192. 411b

    mar da pa dang / 'di lta bu'i yang dag pa'i mtshan nyid kyi chos la sbyor ba la yang thob cing sangs rgyas de las chos thos pa dag thams cad yongs su dran par 'gyur te/ de ltar dran pa'i mthu dang ldan pas bcom ldan 'das de la 'di skad ces gsol to// bcom ldan 'das chos kyi rnam grangs 'di dag bdag gis rgyas par bstan par 'tshal na/ gnang ba mdzad du gsol/ de'i tshe de nyid du sems can chad med dpag tu med pa rnams bla na med pa yang dag par rdzogs pa'i byang chub tu btsud par gyur to// bcom ldan 'das 'dzam bu chu klung gi gser gyi ri rab ri'i rgyal po yongs su mya ngan las 'das pa'i tshe byang chub sems dpa' rin chen 'od kyis chos bsrung bar bya ba'i phyir rjes su bzung nas/ bcom ldan 'das yongs su mya ngan las 'das pa'i 'og du dam pa'i chos bskal pa gcig gi bar du gnas par gyur to// bskal pa gcig la skye ba lnga brgya'i bar du rtag tu mi'i nang du skye zhing rab tu byung nas chos thams cad kyi yang dag pa nyid bskyed cing 'phel bar byed do// gzhan yang sems can tshad dpag tu med pa sems can la phan pa dang / bde ba'i don byas so// 'jig rten 'dzin byang chub sems dpa' rin chen 'od de bzhin du mthar kyis sangs rgyas khri phrag da ma dang phrad nas sangs rgyas tshad med 'od kyis lung bstan pa bskal pa grangs med pa 'das nas gdong bla na med pa yang dag par rdzogs pa'i byang chub tu lung bstan

  193. 412a

    @#/ par 'gyur ro// bskal pa grangs med pa de nyid tshen yang sangs rgyas khri phrag khrag khrig brgya stong dang phrad te/ de nas bla na med pa yang dag par rdzogs pa'i byang chub tu mngon par 'tshang rgya ste/ don thams cad gdon mi za'i rgyan zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang / zhabs su ldan pa/ bde bar gshegs pa 'jig rten rig pa/ bla na med pa skyes bu 'dul ba'i kha lo sgyur ba lha dang mi'i ston pa sangs rgyas bcom ldan 'das zhes bya ba ste/ byang chub sems dpa'i 'khor tshad med dpag tu med do// nyan thos kyi dge 'dun gyi 'khor yang grangs med de/ sangs rgyas de'i tshe'i tshad kyang bskal pa gnyis te sangs rgyas de'i zhing rab tu bde ba dang ldan zhing rkyen dam pas shin tu brgyan to// 'jig rten 'dzin de bas na byang chub sems dpa' rnams chos de dag de dag gi sbyor ba la shin tu mkhas par 'dod pa dag shin tu brtson 'grus su chos 'di dag la bslab pa dang / 'don pa dang nan tan bya'o// gzhan yang byang chub sems dpa' sems dpa' chen po rnams chos de dag la sbyor ba thob par 'dod pa dag chos rnam pa bzhi la shin tu brtson par bya'o// bzhi gang zhe na/ 'di lta ste/ khyim nas khyim ma yin par rab tu 'byung ba dang / gcig pu gnas pa dang / tshul khrims rnam par dag pa dang / le lo'i sems yongs su gsal ba dang / byang chub

  194. 412b

    sems dpa'i chos rnam pa bzhi dang ldan pas mang du thos pa la brtson zhing bzod pa la bde bar gnas pas myur du chos rnam pa bzhi dang phrad par 'gyur ro// bzhi dang zhe na/ 'di lta ste/ 'dzam bu gling gi dbus su skye ba dang / sangs rgyas dang phrad pa dang chos kyi rjes su spyod dang sdig pa'i las kyi sgrib pa sel bar 'gyur ro// gzhan yang 'jig rten 'dzin byang chub sems dpa' sems dpa' chen po rnams chos 'di la shin tu brtson pa dag ni sbyin pa'i stobs rnam par dag par 'gyur ba dang // tshul khrims rnam par dag pa dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes rab kyi stobs rnam par dag par 'gyur te/ byang chub sems dpa' sems dpa' chen po rnams chos 'di la gnas na de la sbyor ba'i stobs myur da thob par 'gyur ro// gzhan yang 'jig rten 'dzin byang chub sems dpa' sems dpa' chen po rnams spangs pa'i yon tan gyi chos phra mo spyod kyang / sems can dag la snying rje chen po'i sems dang ldan no// de ltar snying rje chen po'i sems la zhags pas chos dag gi sbyor ba la shin tu brtson par 'gyur ro// 'dzin rten 'dzin gzhan yang byang chub sem dpa' sems dpa' chen po rnams chos 'di lta bu dag thos par 'dod pa dag gzungs kyi sgor 'jug pa la shin tu brtson par bya'o// de la gzungs kyi sgor 'jug pa

  195. 413a

    la brtson pa gang zhe na/ 'di lta ste chos thams cad kyi rkyen tshad med pa la rtog pa dang / tshad med pa thams cad rtog pa la sbyor ba dang ldan pa'i sbyor ba tshad med pa la rtog pa'o// da ltar byung ba'i tshe ting nge 'dzin gyi sgor sbyor bas chos thams cad kyi sgor tshad med pa'i rkyen la 'jug pa dang / tshad med pa'i sbyor bas ldang ba'i ldan pa dang / 'jug pa de lta bu'i mthu dang ldan pas chos thams cad kyi yang dag pa nyid shin du mkhas pa dang / chos thams cad kyi mtshan nyid rnam par 'byed pa la shin tu mkhas pa dang / dran pa'i mthu dang ldan pa dang / chos thams cad rnam par 'byed pa la shin tu mkhas pa'i shes pa dang ldan pa dang / lus 'phos nas kyang rgyun mi 'chad pa'i dran pa dang ldan pa dang / chos la phyir mi ldog pa nas/ nam bla na med pa yang dag par rdzogs pa'i byang chub kyi bar du thob par 'gyur ro// 'jig rten 'dzin gzhan yang byang chub sems dpa' sems dpa' chen po rnams gzungs kyi sgor zhugs pas na/ ci dang cir ldan pa de'i rgyu rkyen gyi chos thams cad rtogs te/ rgyu dang rkyen gcig gis rgyu dang rkyen stong la 'jug cing shes rab kyi rjes su chos thams cad la spyod pa yang thob po// 'jig rten 'dzin/ gzhan yang byang chub sems dpa' sems dpa' chen po rnams de ltar chos la brtson 'grus bskyed pas mtshan nyid gcig pa'i sgo'i tingange 'dzin la 'jug par 'gyuraro//

  196. 413b

    mtshan nyid gcig pa'i sgo'i ting nge 'dzin thob nas mtshan nyid tshad med pa'i ting nge 'dzin la 'jug go// de ltar zhugs nas rnam pa sna tshogs kyi rgyu dang rkyen dang thabs/ kyis chos thams cad kyi sgor 'jug go// de ltar byang chub sems dpa' rnams chos thams cad kyi sgor zhags pas chos thams cad la sbyor ba thob par gyur to// / 'jig rten 'dzin gzhan yang byang chub sems dpa' sems dpa' chen po rnams shes rab mang du bsgom pas bsam gtan gyi mtshan la shin tu mkhas pa dang / dmigs pa med pa'i ting nge 'dzin la shin tu mkhas par 'gyur ro// de ltar ting nge 'dzin de'i shugs kyi dmigs pa tshad med pa dang / ting nge 'dzin las ldang ba tshad med pa la mkhas par 'gyur ro// de ltar byang chub sems dpa' 'di la gnas na chos thams cad kyi yang dag pa'i mtshan nyid la sbyor ba thob par 'gyur ro// / 'jig rten 'dzin gzhan yang byang chub sems dpa' sems dpa' chen po rnams rtag tu 'jig rten las dmigs pa thams cad la rtogs pa dang / gzhan yang chos thams cad la dmigs pa'i thabs rnam par 'jig pa la brtson pa'i nan tan byed de/ de la chags pa'i gnas kyang med do// byang chub sems dpas de ltar chos de la sgoms pas chos thams cad kyi yang dag par sbyor ba myur du thob par 'gyur ro// 'jig rten 'dzin gzhan yang byang chub sems dpa' sems dpa' chen po rnams/

  197. 414a

    shin du brtson 'grus bskyed de/ sbyor bar stobs bskyed kyang chos thams cad kyi yang dag pa'i mtshan nyid rtogs 'jig rten gyis bde ba la mi gnas/ 'jig rten gyi chos dang / 'dres par mi spyod do// de lta bu'i chos dang ldan pas na myur de chos rnams kyi yang dag pa'i mtshan nyid la mkhas par 'gyur zhing chos rnams mtshan nyid rnam par 'byed pa la shin tu mkhas pa dang / dran pa'i mthu thob pa dang / chos thams cad kyi rnam grangs 'byed pa la mkhas pa'i shes rab thob pa dang / lus 'di 'phos nas kyang rgyun mi 'chad pa'i dran pa dang ldan zhing bla na med pa yang dag par rdzogs pa'i byang chub kyi bar du thob par 'gyur ro// 'jig rten 'dzin de bas na byang chub sems dpa' sems dpa' chen po rnams chos 'di dag gi pha rol tu phyin pa 'dod pa dag chos 'di ji ltar ston pa bzhin du yongs su bsgo/ par bya'o// 'jig rten 'dzin khyed kyis chos 'di la shin tu brtson par bsgoms na ring po mi thogs par chos 'di la thogs pa med pa'i ye shes thob par 'gyuraro// 'jig rten 'dzin sngon 'das pa'i bskal pa tshad med dpag tu med bsam gyis mi khyab grangs med pa 'das pa de'i tshe de'i dus na tshad med yon tan 'od kyi rgyal po zhes bya/ ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa bde bar gshegs pa 'jig rten rig pa/ bla na med pa

  198. 414b

    skyes bu 'dul zhing kha lo sgyur ba lha dang mi'i ston pa sangs rgyas bcom ldan 'das 'jig rten du mngon par byung ngo // bcom ldan 'das tshad med 'od kyi yon tan gyi rgyal po de'i tshe'i tshad ni bskal pa gcig gi/ sangs rgyas de'i zhing yang rin po che sna bdun gyi dra ba'i bla res bres so// rin po che sna bdun gyi shing ta la rnams kyis 'jig rten gyi khams de yongs su brgyan to// shing rta la de dag la yang rin po che sna bdun gyi bla res bres te/ shing de dag re re'i 'og na yang seng ge'i khri re re ste/ shing ta la de dag kun las lha'i na bza' rang skye'o// seng ge'i khri de dag kyang rin po che bai DUr+ya dang 'dzam bu chu klung gi gser dang / mu tig dmar po las byas pa'o// shing ta la de dag gi phyogs bzhin/ gsung gi shing dang me tog gi shing gis bskor cing brgyan to// shing de dag re re'i 'og na yang rdzing bu re re ste yon tan brgyad dang ldan pa'i chus yongs su gang ngo // rdzing bu de dag gi shel dang a spu gar pa dang / mu tig dmar po las byas pa chu de dag gi steng na bad ma sngon po dang / dmar po dang dkar po dang leb rgan gyis steng yongs su khengs te/ rdzing bu de rnams kyi 'gram yang rin po che sna bdun las byas pa'o// 'jig rten 'dzin sangs rgyas kyi zhing de ni de ltar rin po che mang pos yongasu gang te/ 'jig rten gyi khams de'i phyogs bzhin/ gzhan yang sum bcu rtsa gsum gyi gnas kyi

  199. 415a

    lha rdzas kyi shing ba ri tsid dra dang / go byi dar stong phrag du ma 'jig rten gyi khams de'i mtha' yongs su bskor ro// rin po che'i shing de dag gi 'od zer gyis nyi ma dang zla ba dang / skar ma'i 'od thams cad mi snang bar zil gyis mnan to// 'jig rten 'dzin 'jig rten gyi khams de'i shing ta la dang rin po che'i dra ba kun nas rnam pa sna tshogs kyi sgra dbyangs dam pa ji ltar lha rnams kyis/ gru dang bstod pa dbyangs lta bu rang 'byung ste/ rtag tu 'di dag dbyangs shin tu bstan pa grag go/ ngan song gsum med dam/ ngan song gsum gyis ming tsam yang mi grag go// 'jig rten 'dzin bcom ldan 'das tshad med 'od kyi yon tan rgyal pos sems can rnams la chos 'di dag rgyas par gsungs so// 'di lta ste shes rab kyi pha rol tu phyin pa dang byang chub sems dpa'i bde snod sems can thams cad kyi the tsom gcod cing sems can thams cad shin tu dga' bar byed pa zhes bya bar ston to// 'jig rten 'dzin bcom ldan 'das tshad med 'od kyi rgyal po chos ston pa'i che nyin zhag la yang sems can chad med pa khri phrag brgya stong snyed bla na med pa yang dag par rdzogs pa'i byang chub tu sems bskyed de/ sems bskyed pa de dag thams/ cad kyang byang chub kyi tshogs yongs su rdzogs par 'gyur ro// 'jig rten 'dzin bcom ldan 'das tshad med 'od kyi yon tan rgyal pos de ltar sems can tshad med

  200. 415b

    dpag tu med pa rnams bla na med pa yang dag par rdzogs pa'i byang chub tu yongs su smin par byas so// sangs rgyas kyi zhing de na byang chub sems dpa' sems dpa' chen po yang shin tu mang ngo // 'jig rten 'dzin bcom ldan 'das de yongs su mya ngan las 'das nas dam pa'i chos bskal pa phyed kyi bar du gnas par gyur to// bcom ldan 'das tshad med 'od kyi yon tan rgyal po yongs su mya ngan las 'das nas dam pa'i chos rnam par 'jig du nye ba na/ 'og gis phyogs sangs rgyas kyi zhing bcu 'das pa'i pha rol na byang chub sems dpa' tshad med blo gros zhes bya ba zhig de nas tshe 'phos te zhing 'dir skyes nas lo bcu drug lon pa dang rab tu byung te/ bcom ldan 'das tshad med 'od kyi yon tan rgyal po'i chos rnam par 'jig tu nye ba dang / byang chub sems dpa' sems dpa' chen po rnams rnam par grol bar 'gyur ba'i phung po dang khams dang skye mched la spor ba'i mdo thos par gyur to// byang chub sems dpa' tshad med blo gros kyi mdo sde 'di thos nas brtson 'grus chen po bskyed de chos 'di dag gi mthar yang phyin cing sbyor ba'i mthu shin tu zab mo dang ldan par gyur to// byang chub sems dpa' de dge ba'i rtsa ba de nyid kyi rgyu dang rkyen gyis de nas tshe 'phos nas sangs rgyas khri phrag nyi shu dang phrad de chos 'di dag dang ldan par gyur to// mngon gyi gnas kyang rtag tu dran pas gzhon nu nas rab tu byung ste tshangs par spyad pa spyod cing

  201. 416a

    'artag tu dran pa'i mthu dang ldan par gyur to// gang nas gang du skyes pa'i gnas kun tu chos 'di lta bu dang ma bral te/ skye ba'i gnas thams cad du dran pa rgyun mi 'chad pa dang ldan te/ de nas bla na med pa yang dag par rdzogs pa'i byang chub tu mngon par rdzogs par sangs rgyas nas mtshan yang tshad med 'od kyi bkod pa'i rgyal po zhes bya'o// 'jig rten 'dzin de bas na byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs pari 'tshang rgya bar 'dod pa dang / thams cad mkhyen pa'i ye shes yongs su rdzogs par 'dod pa dag nga yongs su mya ngan las 'das nas lnga brgya'i tha ma la shin tu brtson 'grus rtsom zhing yid dam chen po bskyed nas mos pa chen po dang / brtson 'grus chen po dang / bag byed pa chen po bskyed te/ phyi ma'i dus ngan par gyur pa de'i tshe mdo sde 'di dag la sogs pa shin tu bsrung zhing skyab par bya'o// de'i tshe byang chub sems dpa' bzang skyong la sogs pa 'dug pa stan las lang nas/ bcom ldan 'das gang na bar logs su thal mo sbyar te/ 'di skad ces gsol to// bcom ldan 'das bdag cag kyang ma ma 'ongs pa'i des lnga brgya'i tha ma la dam pa'i chos rnam par 'jig tu nye ba na bdag cag gis mdo sde 'di dag la sogs pa bsrung zhing bskyab pa'i phyir brtson 'grus

  202. 416b

    shin du bskyed de klog pa dang 'don pa dang / nyan pa dang 'dzin pa dang / gzhan dag la yang rgya cher yang dag par bstan par 'tshal lo// gzhan yang byang chub sems dpa' stong phrag du ma snyed 'dag pa las langs nas bcom ldan 'das ga la ba de logs su thal mo sbyar nas migs 'dzum par lta zhing 'di skad du yid dam bcas so// bcom ldan 'das bdag cag gi phyi ma ma 'ongs pa'i dus lnga brgya'i tha ma 'di lta bu shin tu zab mo chags pa med pa'i mdo sde sangs rgyas thams cad kyis gnang ba byang chub sems dpa' thams cad kyi dge ba'i yon tan skye bar 'gyur ro// byang chub sems dpa' thams cad kyi byang chub kyi tshogs yongs su rdzogs par 'gyur ba/ bdag cag gis shin tu bsrung zhing 'dzin par 'tshal lo// chos 'di thos nas rnam par dag cing sems rab tu dag par gyur te/ tshol ba dang / 'chang ba dang / 'dzin pa dang / 'don pa dang / klog pa la shin du brtson par bgyi'o// de nas bcom ldan 'das zhal 'dzum pa mdzad pa dang / de'i tshe stong gsum gyi stong chen po'i 'jig rten gyi khams 'od zer gyis kun tu snang bar gyur te/ stong gsum gyi stong chen po'i 'jig rten gyi khams kyang rnam pa drug tu g.yos so// de'i tshe na dga' bo 'dug pa las langs nas bla gos phyogs gcig tu byas te/ pus mo g.yas pa'i lha nga sa la btsugs nas/

  203. 417a

    'am#bcom ldan 'das gad na gnas pa'i logs su thal mo sbyar nas 'di skad ces gsol to// bcom ldan 'das ci'i rgyu ci'i rkyen gyis na deng 'dir bzhad mo 'dzum pa mdzad de/ sa chen po yang rab tu g.yos par gyur/ bcom ldan 'das kyis bka' bstsal pa khyod kyis byang chub sems dpa' 'di rnams yid dam chen po bcas nas/ phyi ma ma 'ongs pa'i dus su shin tu zab mo'i mdo sde chags pa med pa'i chos 'di lta bu shin tu bsrung zhing 'dzin par yid dam bcas pa mthong ngam/ dga' bo byang chub sems dpa' 'di dag ni skye ba 'di gcig pur yid dam 'di lta bur bcas pa ma yin gyi/ dga' bo ngas mngon par dran te/ byang chub sems dpa' 'di dag gi sangs rgyas tshad med dpag tu med pa rnams las yang yid dam 'di lta bu bcas te/ des gsum de sangs rgyas de dag gi chos kyang shin tu bsrung ste/ sems can tshad med dpag tu med po rnams la phan pa dang bde ba'i don byas so// de yang dus gsum du nga'i chos bskyab cing bsrung bar 'gyur te/ da ltar gyi dus dang / mya ngan las 'das pa'i 'og du/ chos rnam par 'jig tu nye ba na sems can tshad med dpag tu med pa rnams la phan pa dang bde ba'i don byed par 'gyur ro// 'jig rten 'dzin bzang skyong la sogs pa des gsum du nga'i chos bsrung bar ma zad kyi bskal pa bzang po'i

  204. 417b

    sangs rgyas thams cad kyi chos kyang dus gsum du bsrung zhing 'dzin par 'gyur ro// de bzhin du ma 'ongs pa'i dus kyi sangs rgyas kyi chos 'di lta bu dag kyang / bsrung zhing 'dzin par 'gyur ro// dga' bo nga'i skyes bu de dag gi yon tan tshad med pa lhun gyis grub pa dang / sems can tshad med pa rnams la phan pa dang bde ba byas pa bshad na brjod kyis mi rdzogs so// dga' bo ngas skyes bu de dag gi yon tan kun bshad na skye bo de dag yid ches par mi 'gyur ro// gal te rgalta skye bo dag sangs rgyas kyi gsungs pa la yid ches par ma gyur na/ yun ring por bde ba stong nas sdug bsngal mang po nyong zhing ngan song du lhung bar 'gyur ro// dga' bo byang chub sems dpa' khyed la sogs pa ngas skyes bu de dag myur du thams cad mkhyen pa'i ye shes rdzogs par 'gyur bar lung bstan to// 'jig rten 'dzin byang chub sems dpa' sems dpa' chen rnams gang zhig mdo sde chos kyi phyag rgya 'di 'chang ngam 'dzin tam klog gam 'don tam yid la byed dam/ gzhan dag la yang rgya cher ston cing 'chang na skyes bu de ring por mi thogs par myur du phung po lnga la sbyor ba dang / skye mched bcu gnyis dang / khams bcwo brgyad dang / rten cing 'brel par byung ba bcu gnyis dang dran pa nye bar gzhag pa bzhi dang / 'phags pa'i lam yan lag brgyad pa dang / 'jig rten dang 'jig rten

  205. 418a

    las 'das pa'i chos dang 'dus byas dang / 'das ma byas pa'i chos la sbyor ba thob par 'gyur ro// gzhan yang chos rnams kyi yang dag pa'i mtshan nyid myur du thob par 'gyur chos thams cad kyi mtshan nyid rnam par 'byed pa la mkhas pa myur du thob pa dang / dran pa'i stobs myur du thob pa dang / chos thams cad rnam par 'byed pa la mkhas pa'i shes rab myur da thob par/ gzhan yang lus 'di rjes kyang dran pa rgyun mi 'chad pa dang ldan pa nas bla na med pa yang dag par rdzogs pa'i byang chub kyi bar du myur de thob par 'gyur ro// 'jig rten 'dzin mdo sde 'di ni phyi ma ma 'ongs pa'i dus su skye bo mang po la chos chen po'i snang ba byed cing ye shes 'od kyi bsod nams kyi rgyu dang rkyen du 'gyur ro// gzhan yang byang chub sems dpa' rnams kyi bla na med pa yang dag par rdzogs pa'i byang chub tu tshogs yongs su rdzogs par 'gyuraro// 'jig rten 'dzin byang chub sems dpa' gang zhig phyi ma ma 'ongs pa'i dus su mdo sde zab mo gzhan yang byang chub sems dpa'i sde snod du gtogs pa pha rol tu phyin pa rnams dang ldan pa dang phrad na/ skyes bu de la bdud kyis bar du mi gcod cing las kyi sgrib pas kyang bar du gcod par mi 'gyur ro// 'jig rten 'dzin skyes bu de ma skyes pa'i chos kyi bzod pa ma thob pa zhig na yang sangs rgyas gnyis sam sangs rgyas gsum po las ma skyes pa'i chos kyi bzod pa thob par 'gyur bar ngas lung bstan to// gal te

  206. 418b

    ma skyes pa'i chos kyi bzod pa thob po zhig na yang dag par chos thams cad la myur du dbang thob par 'gyur ba dang / myur de sangs rgyas kyi zhing rnam par dag pa thob pa dang / myur da nyan thos kyi dge 'dun gyi 'khor tshad med pa thob pa dang / myur du byang chub sems dpa'i 'khor thob par 'gyur ro// 'jig rten 'dzin ngas mdo sde chos kyi phyag rgyu 'di gsungs pa ni sems can thams cad phyi ma ma 'ongs pa'i skye bo'i the tsom gcod pa'i phyir ro// bzhi gang zhe na/ 'jig rten 'dzin byang chub sems dpa' sems dpa' chen po rnams phan pa'i dngos po bzhi mthong bas ma 'ongs pa'i dus su mdo sde 'di la sogs pa bsrung ba dang / 'dzin par yid dam len to// bzhi gang zhe na/ 'di lta ste/ byang chub sems dpa' rnams 'di snyam du bdag gis myur du yon tan tshad med dpag tu med pa thob par 'gyur snyam pa dang sems can rnams dge ba'i rtsa ba chen po skye zhing sangs rgyas kyi yang dag pa'i chos 'dzin cing bsrung ba yin no snyam pa dang / sangs rgyas thams cad kyi chos kyi sde snod 'dzin pa yin no snyam pa dang / sangs rgyas tshad med pa rnams kyi bstod cing bsngags par 'gyur ro snyam du sems pa dang bzhi'o// 'jig rten 'dzin byang chub sems dpa' sems dpa' chen po dga' bo la gsol/ skyes bu des phan par bgyis pa ni tshig gis brjod par sla ba ma legs so// dga' bo ngas bden par gsungs te/ byang chub sems dpa' bzang skyong /

  207. 419a

    la sogs pas sems can la phan pa dang bde ba'i don byas pa'i gnas skyes bu des phan pa dang bde ba'i don byas pa ni cis sam bgrang ba 'am dpe'i bar du yang nye bar mi 'gro'o// de ci'i phyir zhe na/ dga' bo skyes bu des bde ba'i yo byad kyis phan pa byas pa ni thams cad kyang 'das byas kyi chos dang 'brel pa yin pas skyo zhing chog shes pa'i phyir ma yin/ 'dod pa spang ba'i phyir ma yin/ shes rab kyi phyir ma yin/ dge sbyong gi 'bras bu'i phyir ma yin/ mya ngan las 'das pa'i phyir ma yin no// dga' bo byang chub sems dpa' de dag gis sems can dag la phan pa dang bde ba'i don byas pa ni bla na med pa'i bde ba dang mkhas pa dag sangs rgyas kyi byang chub tshol ba la mos pa byin pa sangs rgyas kyi mdzad pa byed pa yang dag pa'i gnas su ma chub pa dag nyan thos dang rang sangs rgyas kyis thob par 'gyur ba dang / sangs rgyas kyi chos kyis byang chub sems dpa' rnams la bstan cing / gsungs pas phan pa dang dga' bar 'gyur ro// dga' bo byang chub sems dpa' rnams bstan cing brjod de phan pa dang dga' bar byas pas byang chub sems dpa' rnams sangs rgyas kyis gdung rgyun mi 'chad par byas pa'i phyir thams cad mkhyen pa'i ye shes kyi gdung bskyab cing bsrung ba'i phyir 'jig rten na gnas so// dga' bo skyes bu de dag sngon 'das pa'i dus na byang chub sems dpa'i spyad pa spyod pa na bskal pa bye ba

  208. 419b

    khrag khrig brgya stong gi bar du sangs rgyas rgyun mi 'chad par byed pa dang ma 'ongs pa'i dus su yang bskal pa tshad med pa khrag khrig brgya stong gi bar du sangs rgyas rgyun mi 'chad par byed do// de ci'i phyir zhe na/ dga' bo byang chub sems dpa' de dag sngon byang chub sems dpa'i spyad pa spyod pa na sangs rgyas tshad med pa rnams sangs rgyas kyi zhing byang chub la btsud de/ byang chub sems dpa' de rnams skye ba thams cad du chos yongs su bskyangs nas/ sangs rgyas khri phrag brgya stong rnams bla na med pa yang dag par rdzogs pa'i byang chub lhun gyi grub par byas so// de nas kyang sems can grangs med pa brgya stong rnams sangs rgyas kyi byang chub la btsud de bstan bcing bslabs pa'i mthus sangs rgyas kyi chos phun sum tshogs na/ thams cad bla na med pa yang dag par rdzogs pa'i byang chub tu mngon par 'tshang rgya'o// dga' bo bzang skyong la sogs pa mang po la sangs rgyas kyi bde ba dang / thams cad mkhyen pa'i bde ba stobs pa'i phyin shin tu brtson 'grus rtsom mo// dga' bo de la gang zhig byang chub sems dpa'i pha dang ma lta bu dang gnas dang / skyabs dang byang chub sems dpa' rnams kyi 'byung gnas gang yin pa bshad par 'dod na/ bzang skyong la sogs pa byang chub sems dpa' brgya po yin par rig par bya'o// dga' bo de gang zhig byang chub sems dpa' rnams kyi rigs skye bar 'gyur

  209. 420a

    @#zhes 'drin de la 'di skad du bzang skyong la sogs pa byang chub sems dpa' brgya po yin no zhes bshad par bya'o// de ltar rigs kyi bu/ de dag ni sangs rgyas kyi gdang rgyun mi 'chad pa dang / thams cad mkhyen pa'i ye shes kyi gdang rgyun mi 'chad par byed pa'i phyir 'jig rten na gnas so// rigs kyi bu de dag la sogs pa phyi ma ma 'ongs pa'i ngas lnga brgya'i tha mar yang brgyan cing bslab pa la sbyor ba'i mthu dang / bde ba'i rgyu dang / rkyen gyis skye bo mang po ngan song gsum du mi lhung zhing de ma yin pa sems can tshad med brgya stong rnams byang chub sems dpa'i theg pa la bkod do// dga' bo sangs rgyas stong da ma rnams kyis rigs kyi bu de dag gis yon tan brjod kyang rdzogs par mi 'gyur ro// de ci'i phyir zhe na/ rigs kyi bu de dag la sogs pa de lta bu'i yon tan bsam gyis mi khyab pa dang ldan pa'i phyir ro// dga' bo ngas bskal pa grangs med tshad med pa brgya stong gi bar chos yongs su bsgrubs pa rnams rigs kyi bu de dag gis bsrung zhing 'dzin par 'gyur ro// dga' bo ngas bskal pa khri phrag tshad med pa'i bar du chos dkon mchog sgrub pa rnams 'di dag la gtad cing gdams so// rigs kyi bu 'di dag ni sangs rgyas kyi zhing tshad med grangs med pa na da ltar bzhugs pa'i sangs rgyas thams cad kyis dgod pa'i phyir ro// dga' bo rigs kyi bu de

  210. 420b

    dag la rtag tu lha dang mi dang 'jig rten du bcas pa thams cad kyi phyag byas pa'i gnas yin no// dga' bo skyes bu dag la ni phyogs bcu'i sangs rgyas stong snyed kyang chos gsungs pa'i tshe rtag par bsngags shing gsungs so// dga' bo ngas nges par lung bstan te/ sems can thams cad kyi the tsom gcod pa'i phyir gang zhig gis phyi ma ma 'ongs pa'i dus su mdo sde 'di 'chang ba dang / 'dzin pa dang / klog pa dang / 'don pa dang / khong du chud par byed pa dang / gzhan la rgya cher ston cing 'chad na rigs kyi bu 'am rigs kyi bu mo de ni/ thams cad mkhyen pa'i ye shes la shin tu nye bar bstan pa yin par rigs par bya'o// skyes bu gang zhig phyi ma ma 'ongs pa'i dus su mdo sde 'di thos nas shin tu zab mo'i chos 'di la dad cing mos te yid dam bcas nas ngas de yang bla na med pa yang dag par rdzogs pa'i byang chub tu lung bstan par bya'o// phyi ma ma 'ongs pa'i dus lnga rgya tha mar dad cing mos pa'i sems skyes te/ brtson 'grus shin tu brtsams nas mdo sde 'di bsrung zhing 'dzin pa'i rigs kyi bu 'am/ rigs kyi bu mo de yang ngas bla na med pa yang dag par rdzogs pa'i byang chub kyi chos kyi gtad cing gdams so// gal te nyan thos pa zhig gis chos zab mo 'di dag la dad cing log pa'i sems med na de yang phyi mo ma 'ongs pa'i dus su sangs rgyas byams pa dang phrad

  211. 421a

    par 'gyur ro// zhes ngas lung bstan to// sangs rgyas kyi byang chub tshol ba gang zhig chos 'di 'dzin cing dad na sangs rgyas byams pas lung bstan par 'gyur te/ sngon gyi smon lam gyis rab tu 'byung zhing byang chub kyi rgyud slob par 'gyur ro// dga' bo rigs kyi bu 'am/ rigs kyi bu mo phyi ma ma 'ongs pa'i dus lnga brgya'i tha ma la chos 'di'i phyir shin tu brtson 'grus skyed na skyes bu de dag gi dge ba'i rtsa ba shin tu rno zhing rtag par rig par bya'o// sngon byung ba bstan pa zhes bya ba'i le'u ste bcu gcig pa'o// // / de nas de'i tshe byang chub sems dpa' sems dpa' chen po 'jig rten 'dzin gyis bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po rnams la phan pa dang bde ba'i don du mdo sde 'di bskyab pa'i slad du byin gyis brlab du gsol/ byang chub sems dpa' sems dpa' chen po rnams phyi ma ma mchis pa'i dus su mdo sde 'di thos na sems yongs su dag pa dang / dga' ba dang bde bar ldan zhing chos 'di dag sgrub pa'i slad du brtson 'grus rtsom par 'gyur ro// de'i tshe bcom ldan 'das kyis mdo 'di byin gyi brlabs pa'i phyir rdzu 'phrul gyis mthus stong gsum gyi stong chen po'i 'jig rten gyi khams 'di dri gsung ngo mtshar rmad dang ldan pas yongs su khyab

  212. 421b

    par gyur te/ sems can rnams gcig la gcig byams pa'i sems kyis lta bar gyur to// bcom ldan 'das kyis de ltar byin gyis brlabs nas 'jig rten 'dzin la 'di skad ces bka' stsal to// 'jig rten 'dzin ngas chos kyi phyag rgya'i mdo sde 'di byin gyis brlabs pa ni thams cad kyi the tsom gcod pa'i phyir/ 'jig rten 'dzin gang zhig gis mdo sde 'di 'chang ngam 'dzin tam klog gam/ 'don na ring po mi thogs par thams cad mkhyen pa'i ye shes su 'gyur ro// sngon gyi smon lam la gnas pa ni mi gartogs te sems can la phan pa dang bde ba'i don byas pa phyogs gcig bshad par bya'o// gal te stong gsum gyi stong chen po'i 'jig rten gyi khams 'di'i sems can yongs su gang ba thams cad dmyal ba chen por lhung la/ de la skyes bu gcig gis 'di skad du de khyed rnams kyi sems can dmyal ba chen po'i sdug bsngal kun so so nas ngas blang ngo // zhes smras te sems can de dag ni dmyal ba chen po las thar la/ de dag gi dmyal ba'i sdug bsngal kun so sor re re nas lo brgya stong gi bar du lus kyi blangs na/ dga' bo de dag gis yid la ji snyam skyes bu des shin tu bde ba chen po dang phan pa chen po byas pa yin nam/ dga' bos gsol pa bcom ldan 'das de ni shin tu phan pa chen po bgyid pa lags/ dga' bo skyes bu des sems can

Colophon

'phags pa 'jig rten 'dzin gyis dris pa zhes bya ba'i mdo rdzogs s+ho/