'phags pa de bzhin gshegs pa thams cad kyi byin gyis rlabs kyi snying po gsang ba ring bsrel gyi za ma tog ces bya ba'i gzungs theg pa chen po'i mdo
Text
ff. 120a–126a · 13 folio sides
- 120a
po de dag yid rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba theg pa chen po'i mdo rdzogs s+ho// / rgya gar gyi mkhan po 'dzin mi tra dang / dA na shI la dang / zhu chen gyi lo ts+tsha ba ban d+he ye shes sdes bsgyur cing zhus te skad gsar chad kyis kyang bcos nas gtan la phab pa// skar// rgya gar skad du/ Ar+ya sarba ta tha ga ta a d+hiSh+Ta na hri da ya gu h+ya d+hA du/ ra na Da mun dra nA ma d+hA ra NI ma hA yA na sU tra/ bod skad du/ 'phags pa de bzhin gshegs pa thams cad kyi byin gyis rlabs kyis snying po gsang ba'i ring bsel gyi za ma tog ces bya ba'i gzungs theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul ma ga d+ha na dri ma med pa'i kun dga' ra ba na rin po che sna bdun gyi rdzing na/ byang chub sems dpa'i dge 'dun chen po dang nyan thos kyi dge 'dun chen po dang / lha dang / klu dang / gnod sbyin dang / dri za dang / lha me yin dang / nam mkha' lding dang / mi 'am ci dang lto 'phye chen po dang / mi dang / mi ma yin pa bye ba mang po rnams dang / yul gyi mi 'bum phrag du ma rnams kyis yongs su bskor zhing mdun du byas nas thabs gcig tu bzhugs so// de nas 'khor gyi nang de na bram ze chen po shing sa la chen po lta bu mkhas pa/ 'dzangs pa/ gsal ba/ yid gzhungs pa/ mthong na dga' ba/ dge ba bcu'i las kyi lam yongs su bzung ba dri med legs sdang zhes bya ba zhig yod de/ de yang gcig tu dkon mchog gsum la dad cing gus la phyag byed pa dge ba'i bsam pa dang ldan pa/ zhib mo brtags pa/ sems can thams cad dang dge ba'i don la brtson pa/ nor che ba/ longs spyod che ba/ byug pa/ rdzas mang ba/ yo byad phun sum tshogs pa yin no// de nas
- 120b
bram ze chen po dri med legs snang bcom ldan 'das ga la ba der song ste phyin nas/ bcom ldan 'das la lan bdun bskor ba byas nas/ bcom ldan 'das la me tog dang / bdug pas mngon par mchod do// na bza' rid 'bum ri ba yang gsol/ bcom ldan 'das la mu tig gi do zhal 'bum ri ba yang gsol nas zhabs gnyis la mgo bos phyag 'tshal te/ bcom ldan 'das kyis spyan sngar 'dug nas bcom ldan 'das la 'di skad ces gsol to/ / bcom ldan 'das sras tshogs kyi 'khor dang bcas pa bdag gi sdum par gdugs chod la spyan 'dren na/ de'i skad du bcom ldan 'das kyis gnang bar mdzad par ca sdang / de nas bcom ldan 'das kyis bram ze chen po dri med legs snang gis spyan drangs par thugs su chud nas cang mi gsung bar gyur pas gnang ngo / / de nas bram ze chen po legs snang bcom ldan 'das kyi spyan sde nas cang mi gsung bas gnang bar rig nas de rings pa rings par rang gi khyim du song ste/ de nyid kyi mtshan mo 'das pa dang / zhal zas dang / yo byad dang / zhal zas ro brgya pa mang po bshams nas bkod pa chen pos bkra shis kyi gzhal med khang chen po dang / gzhal med khang chen po sna tshogs dang / me tog dang / bdug pa khyer te/ 'khor mang po dang / sel snyan dang / pe gardob pas bcom ldan 'das ga la ba der song ste phyir nas/ bcom ldan 'das ladus la bab par gsol to/ / de nas bcom ldan 'das la thas pa chen po rjem legs spang gis 'di ga ces gsol to// bcom ldan 'das 'di nigashegs pa'i dus lags te/ bcom ldan 'das gshegs pa dus kyi tshod la baban bdag la gnang bar mdzad par ciganang / de nas bcom ldanags kyi bram ze chen po rje med lags dang dbugs phyung nas nyid kyi 'khor la gzigs te bka' stsal pa/ 'khor de lta gas
- 121a
pa thams cad deng don chen po mdzad par 'gyur gyis tshur sheg/ de nas bcom ldan 'das gdan de las bzhengs ma thag tu bcom ldan 'das kyi sku la 'od zer tha dad pa sna tshogs byung ste/ 'od zer gyi snang ba des phyogs bcu'i sangs rgyas kyi zhing thams cad snang bar byas nas de bzhin gshegs pa thams cad la yang dag par bskul te/ gzigs nas gshegs par shes so// de nas bram ze chen po dri med legs sngang gis mchod pa dang / bkur sti chen pas mchod cing / bcom ldan 'das kyi gshegs shul mdzes pa cher byas so// 'khor mang po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / dbang phyug chen po dang / sred med kyi bu dang / rgyal po chen po bzhis kyang gshegs shul mdzes par byas so// de nas bcom ldan 'das dang ha cang yang mi ring ba'i lam gyi bar gyi nang zhig na skyed mos tshal bde byed ces bya ba zhig yod do/ / skyed mos tshal de'i nang na mchod rte rting pa chen po zhig yod de/ zhig pa tsherams gang ba/ rtsa dang / shing dang / gyo mes kar tra gang ba phyag dar gyi bang po lta bzhig yod do/ / de nas bcom ldan 'das kyis de'i drung du gshegs pa dang / mchod rten rnying pa phyag dar gyi phung po lta bu de yang kun nas 'bar zhing 'od zer 'bar ba kha dog snga tshogs bdag byung / / phyag dar kyim 'phung po de las kyang legs so zhes bya ba'i sgra byung ngo // de bzhin gshegs pa shAkya thub pa lags so legs so// dang ni de bzhin gshegs pa'i sgras bzang po'o// zam po de bzhin gshegs pa spyan drangs pa ni yang khyod legs so/ / deng khyod la don chen po mdzad par 'gyur ro// de nas bcom ldan 'das de bzhin gshegs pas mchod rten rnying pa phya ga dar gyi phung po lta bu de la yan lag rdzas
- 121b
phyag mdzad nas lan gsub bskor ba mdzad nas nyid kyi klulas na bza' bsil nas mchod rten rnying pa phyag dar gyi phung po lta bu de la gsol te/ bcom ldan 'das kyis mchi ma byung ba chen po byung bas bshums pa mdzad/ nas/ bcom ldan 'das kyis 'dzum pa bstan te/ 'dzum bstan pa des phyogs bcu'i de bzhin gshegs pa thams cad lag mthil na bzhugs pa bzhin du mthong ngo // de bzhin gshegs pa thams cad kyang spyan mchi mas gang zhing bzhugs so/ / de bzhin gshegs pa de dag thams cad kyis kyang 'od zer bkye ste/ mchod rten rnying pa'i phung po der zhugs so// de nas 'khor mang po 'dus pa de dag ya mtshan chen por gyur cing yi chad de 'khod par gyur to/ / de nas gnod sbyin gyi de dpon chen po lag na rdo rje lus ni 'dar/ snying ni 'gul/ rdo rje ni gsor zhing / rings pa rings par bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to// bcom ldan 'das bshums pa'i snga ltas chen po gda' ba gang gis ni/ bcom ldan 'das kyi spyan mtshams gang ba bstan pa'i snga ltas gda' ba bcom ldan 'das ci lags/ ci'i slad du bcom ldan 'das kyis 'khor 'di'i nang du zhu ba 'di skabs dbye bar ci snang / de nas bcom ldan 'das kyis gnod sbyin gyi sde dpon chen po lag na rdo rje la 'di skad ces bka' stsal to/ / lag na rdo rje ring bsrel gyi phung po de bzhin gshegs pa'i mchod rten de bzhin gshegs pa bye ba til byig dbu snyed thams cad kyi snying po'i gzungs kyi phyag rgya'i mchod rten gyi chos kyi rnam grangs yod de/ lag na rdo rje chos kyi rnam grangs 'di gang na gnas pa der de bzhin gshegs pa 'bum brag bye ba til gyi gang bu snyed
- 122a
gnas shing de bzhin gshegs pa kha ra yas kha ra yas zhes bya ba snyed kyi sku gdung ring bsrel rnams gnas so/ / chos kyi phung po brgyad khri bzhi stong gnas so// de bzhin gshegs pa 'bum phrag bye ba til gyi gang bu ji snyed pa dgu bcu rtsa dgu'i gtsug tor dang / spyi bo yang de bzhin du gnas so// lag na rdo rje gdan tshes kyi rnam grangs 'di gnas pa de ni de bzhin gshegs pa'i mchod rten du lung bstan to// lag na rdo rje chos kyi rnam grangs 'di ni pin yon che zhing mthu che ba yin no/ / log na rdo rje chos kyi rnam grangs 'di ni phan yon che ba yin no// lag na rdo rje chos kyi rnam grangs 'di ni bkra shis thams cad rdzogs par byed pa yin no// de nas bcom ldan 'das las 'khor mang po 'dus pa de dag gis chos kyi rnam grangs 'di thos nas chos rnams la chos kyi mig rdul med cing dri ma dang bral la nye ba'i nyon mongs pa dang bral lo// kha cig gis ni rgyun tu zhugs pa'i 'bras bu thob po/ / kha cig gis ni dgra bcom pa nyid do// kha cig gis ni rang byang chub kyi 'bras bu'o// kha cig gis ni phyir mi 'ong ba'i 'bras bu'o// kha cig gis ni lan cig phyir 'ong ba'i 'bras bu'o/ / kha cig gis ni byang chub sems dpa'i sa la gnas so// kha cig gis ni byang chub tu lung bstan pa thob po// kha cig gis ni sa dang po'o// kha cig gis ni sa gnyis pa'o// kha cig gis ni sa gsum pa'o// / kha cig gis ni sa bzhi pa'o// kha cig gis ni sa lnga pa'o// kha cig gis ni sa drug pa'o// kha cig gis ni sa bdun pa'o// kha cig gis ni sa brgyad pa'o// kha cig gis ni sa dgu pa'o// kha cig gis ni sa bcu pa la gnas par gyur to/ / kha cig gis ni sa pha rol du phyin pa drug yongs su rdzogs so// bram ze chen po de yang mngon par shes pa lnga thob cing dri ma dang bral ba dang / ser sna dang pra ga dog dang bral bar gyur to//
- 122b
gnod rkyen / so ga rdo rjes tshe 'dral chen po 'i skya ba mthong nas ngo mtshar dang rmad du byung ba chen por gyur te/ bcom ldan 'das la 'di skad ces gsol to// bcom ldan 'das chos kyi rnam grangs kyi mtshan thos bas kyang phan yon gyi yon tan gyis brgyan pa 'di lta bu thob na/ bcom ldan 'das gang gi slad du/ phu dung dang / bkur sti dang / shin tu mang po bgyid par 'gyur ba lta ci smos te/ bcom ldan 'das de bsod nams kyi phung po ji lta bu yang mthong bar 'gyur/ bcom ldan 'das kyis bka' stsal pa/ lag na rdo rje nyon cig/ rigs kyi bu'am rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma gang lal chos kyi rnam grangs 'di 'dri bar byed na/ lag na rdo rjes des de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu'i bsod nams kyi phung po dang / dge ba'i rtsa ba bskyed pa dang ldan par 'gyur zhing / de bzhin gshegs pa de rnams kyis rjes su bzung bar 'gyur ro// gang zhig klog par byed pa de dag kyang de bzhin gshegs pa rnams kyis gsungs pa'i mdo sde nams bcang bar 'gyur ro// gang zhig chos kyi rnam grangs 'di lta bu 'dzin pa de dag phyogs bcu'i de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu dang phyogs re re'i de bzhin gshegs pa dgra bcom pa yang dag par rdzogs pa'i sangs rgyas rnams kyis bzung bar 'gyur zhing / nyin gcig bzhin gzigs par 'gyur ro// gang zhig chos kyi rnam grangs 'di la mchod pa byed pa dang / khong du chud par byed pa dang / me tog dang / bdug pa dang / dri dang / me tog phreng rgyu dang / byug pa dang / na bza' dang / rgyan gyis mchod pa byed pa'i rigs kyi bu 'am/ rigs kyi bu mo 'am/ dge bsnyen nam/ dge bsnyen ma des phyogs bcu dang /
- 123a
phyogs re re'i de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgul lha rdzas kyi me tog dang / bdug pa dang / dri dang / me tog phreng rgyu dang / byug pa dang / na bza' dang / lhab lbub dang / rgyan gyis mchod par 'gyur ro// phyog ser ro 'di bzhin gshegs pa la de bzhin gshegs pa'i mchod pa'i sprin rin po che sna bdun las byas pa'i ri rab chen po tsam gyis phung po'i yon tan byung ba 'byung bar 'gyur ro// de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'thu chen po dang / mi dang ma ma yin pa rnams dang / sems can gyi tshogs chen po de rnams kyang ya mtshan du gyu ra nas gcig la gcig 'di skad du mchod rten rnying pa phyag dar dang / gyo mo'i phung po de bzhin gshegs pa'i byin gyi rlabs kyis byin gyis rlabs nas/ 'di ni cho 'phrul gyi cho 'phrul chen po ston pas/ mthu che ba yin no zhes zer ro// de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ / bcom ldan 'das 'di sus phyag dar gyi phung por bgyis pa las rin po che'i mchod rten du gda' bar bgyis/ bcom ldan 'das kyis bka' stsal pa/ lag na rdo rje 'di phyag dar gyi phung po ma yin gyi/ 'di ni rin po che sna bdun las byas pa'i rin po che'i mchod rten chen po yin no// lag na rdo rje 'on kyang sems can rnams kyi las kyi 'bras bu rnam par smin pa ston pas nub par 'gyur gyi/ sangs rgyas rnams kyi de bzhin gshegs pa'i ring bsrel gyi snying po'i mchod rten rnams ni 'jug pa 'am/ 'gyes par mi 'gyur te/ de bzhin gshegs pa'i rdo rje'i snying po'i sku ji ltar 'gyes par 'gyur/ / 'on kyang sems can rnams kyi las kyi 'bras bu rnam par smin pa snang ba las kyang nub par gyur to// lag na rdo rje gzhan yang phyi ma'i dus phyi ma di sdig pa kun tu spyod pa
- 123b
dang / sdig pa can dang / dmyal ba la gzhol ba shin tu tshabs cher 'byung bar 'gyur/ sangs rgyas ma yin/ chos ma yin/ dge 'dun tshol ba ma yin zhing dge ba'i rtsa ba dag kyang skyed par ma byed de/ rgyu de dang rkyen des dam pa'i chos nub bo/ / lag na rdo rje de'i phyir nga'i mig gnyis mchims gang la de bzhin gshegs pa thams cad kyang mchim byung ngo // dam pa'i chos kyi rnam grangs 'di lta bu ni nub par 'gyur gyis de bzhin gshegs pa'i mchog rten ni ma gtogs te/ de de bzhin gshegs pa thams cad kyis byin gyis rlob par 'gyur ro// de nas bcom ldan 'das la gnod sbyin gyi sde dpon chen po la ga na rdo rjes 'di skad ces gsol to/ / bcom ldan 'das gang zhig chos kyi rnams grangs 'di bris te/ mchod rten gyi nang du 'jog na dge ba'i rtsa ba ci zhig skye bar 'gyur/ bcom ldan 'das kyis bka' stsal pa/ lag na rdo rje gang zhig chos kyi rnam grangs 'di bris te/ mchod rten gyi nang du bzhag pa de de bzhin gshegs pa thams cad kyi rdo rje'i snying po'i ring bsrel gyi mchod rten du 'gyur ro// de bzhin gshegs pa thams cad kyi gzungs kyi snying po'i gsang bas byin gyis brlabs pa'i mchod rten du 'gyur ro/ / de bzhin gshegs pa til gyi gang bu snyed dgu bcu rtsa dgu'i mchod rten du 'gyur ro// de bzhin gshegs pa thams cad kyi gtsug tor dang / spyan gyi mchod rten du byin gyis brlabs par 'gyur ro// gang zhig sangs rgyas kyi gzugs brnyan nam/ mchod rten thams cad kyi nang du 'jog par byed na/ de bzhin gshegs pa'i gzugs brnyan rin po che sna bdun gyi rang bzhin du byin gyis brlabs par 'gyur ro/ / 'khor lo'i phreng ba dang / dril bu ga yer ka dra bar spel ba dang bcas pa dang / bkra shis dang / char
- 124a
khab kyi gzugs dang dril bur bcas pa rin po che sna bdun gyi rang bzhin du byin gyis rlabs par 'gyur ro/ / de bzhin gshegs pa thams cad dang // chos kyi rnam grangs 'di'i mthu dang / byin gyi rlabs dang / bden pa dang / dam tshig byang chub kyi snying po thug gi bar du byin gyis brlabs par 'gyuraro// sems can gang dag mchod rten de la bdung dang // sti stang byed pa de dag nges par phyir mi ldog par 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// phyag 'tshal ba gcig dang / bskor ba gcig gis mnar med pa la thug pa la sogs pa rnams las yongs su thar par 'gyur zhing / bla na med pa yang dag par rdzogs pa'i byang chub las phyir mi ldog par 'gyur ro// gnas gang na mchod rten nam/ gzugs brnyan 'di lta bu gnas pa'i sa phyogs de yang de bzhin gshegs pa thams cad kyis byin gyis brlabs par 'gyur ro/ / phyogs der klu mi srun pas kyang mi tshugs par 'gyur// sad dang ser bas kyang mi tshugs par 'gyur// gnas der srog chags mi sran pa'am// gdag pas kyang mi tshugs par 'gyur/ gtsan zan gyis mi tshugs par 'gyur/ bya mi srun pa dang / ne tse dang / ri skegs dang / byi ba dang / sre mo dang / sha sbrang dang / sbrang bu dang / bye ba dang / sbrang ma mchu gsum pa dang / mchu rings dang / rta bla ba'i 'jigs pa yang mi 'byung bar 'gyur/ sbrul gdug pas tshugs par mi 'gyur ro// phyogs der yams kyi nad dang / nad mgo ba dang / 'khrug pa yang mi 'gyur bar 'gyur/ gnod sbyin dang / srin po dang / 'byung po dang / yi dgas dang / 'dre dang / brjed byed kyi 'jigs pa yang mi 'byung bar 'gyur// gdon thams cad kyis kyang mi tshugs par 'gyur/ rims thams cad kyis kyang mi
- 124b
tshugs par 'gyur/ nad thams cad dang / 'bras dang / pol mig dang / ldog pa dang / mtshan par rdol ba dang / rkang shu dang / g.yan pa dang / mdzes kyang mi tshugs par 'gyur zhing mchod rten mthong ba tsam gyis thams cad 'byung bar 'gyur ro/ / phyogs der ba lang gi nad dang / blugs na dang / dud 'gro'i skye gnas rnam pa mang po gzhan dag gan dang / skyes pa dang / bud med dang / khye'u dang / bu mo'i nad kyis nam yang mi tshugs par 'gyur/ sa sa yin par mchi bas kyang dus ma yin par 'chi bar mi 'gyur/ drug gis ma yin/ mtshon gyis ma yin zhing / me dang chus kyang nam yang mi tshugs par 'gyur/ pha rol gyi dmag tshogs kyis 'jigs pas ma yin/ lo nyes kyi 'jigs pas kyang nam yang mi tshugs par 'gyur/ rgyal po chen po'i dmag gis 'jigs pa yang mi 'byung bar 'gyuraro// rgyal po chen po bzhi yang rtag tu rgyun mi 'chad par srung bar 'gyur ro// sa phyogs der srung bar byed/ yongs su skyong bar byed do// gnod sbyin gyi sde dpon chen po nyi shu rtsa brgyad po de dag kyang rtag tu rgyun mi 'chad par srung ba dang / skyob pa dang / sred par byed par 'gyur ro// rgyu skar nyi shu rtsa brgyad dang / zla ba dang / nyi ma dang / mjug rings chen po yang nyin mtshan mthun par byed par 'gyur ro// klu'i rgyal po thams cad kyang rtag tu rgyun mi 'chad par mdangs mi 'brog cing / legs pa kho nar tshar gyi rgyun 'bebs par 'gyur ro// lha thams cad kyang mchod rten chen po de la phyag 'tshal ba dang / bkur bsti bya ba dang / mchod pa bya ba'i phyir gnas sum cu rtsa gnyis nas dus gsum du 'ong ngo // yul na gnas pa thams cad kyang mchod rten dang gzugs brnyan de'i drung du dus dus gsum du 'ong ngo / / bstod par byed/ skor ba byed par 'gyur ro// lha rnams kyis dbang po brgya byin kyang lha'i bu mo dang / lha'i tshogs rnams dang / lhan cig du rgyun mi 'chad par mchod rten gzugs
- 125a
brnyan gyi drung du nyin mtshan dus gsum du 'ong ste/ phyag 'tshal ba dang / mchod pal 'od do// de bzhin gshegs pa thams cad kyang rtag par dgongs pa dang / byin gyis rlob cing bzhugs so// mchod rten dang gzugs brnyan ji lta ji lta bu las byed pa'i sa 'am/ rdo'i 'am/ shing gi 'am/ dngul gyi 'am/ gser gyi 'am/ zangs kyi byed pa dang / chos kyi rnam grangs 'di yang bris te/ de'i nang du bzhag na bzhag ma thag tsam gyis rin pa che sna bdun gyi rang bzhin du byin gyis brlabs par 'gyur ro/ / 'phang dang / tham skas dang / kha ran dang / 'khor lo'i phreng ba dang / bkra shis dang / gdugs dang / dril bu 'chang ba dang / ba dan dang / dril bu g.yer ba'i drab thams cad kyang rin po che sna bdun gyi rang bzhin du 'gyur ro/ / phyogs bzhi kun na yang de bzhin gshegs pa'i gzugs brnyan gnas par 'gyur ro// de bzhin gshegs pa thams cad kyi byin gyi brlabs kyis byin gyis// brlabs pa'i mchod rten rin po che dang sku gdung gi snying po'i mchod rten dang / mchod gnas su 'gyur ro// sku gzugs dang mchod rten de 'og min gyi gnas kyi lhas kyang yongs su bskyang ba dang / mchod pas yongs su gzung bar 'gyur ro/ / de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to// bcom ldan 'das chos kyi rnam grangs 'di yon tan gyi khyad par 'di ji lta bur 'gyur bcom ldan 'das kyis bka' stsal pa/ de bzhin gshegs pa thams cad kyi byin gyis brlabs kyi snying po gsang ba ring srel gyi zam tog gi phyag rgya'i gzungs yin te/ lag na rdo rje des na mthu'i dan yon tan gyi khyad par 'di lta bur byin gyis rlabs kyis byin gyis brlabs pa yin no/ / rdo rje 'dzin gyis gsol pa/ bcom ldan 'das rin po che za ma tog gi phyag rgya'i gzungs kyi chos kyi rnam grangs bshad par ci gnang / bcom ldan 'das kyis
- 125b
bka' stsal pa/ lag na rdo rje nyon cig/ de bzhin gshegs pa 'das pa dang / ma byon pa dang / da ltar byung ba dang / gang dag yongs su mya ngan las 'das pa'i sangs rgyas bcom ldan 'das thams cad kyi de bzhin gshegs pa'i sku ni gsum dag ste/ chos kyi sku dang / longs spyod rdzogs pa'i sku dang / de bzhin du sprul pa'i sku ste/ dus gsum pa thams cad kyi ring bsrel gyi za ma tog gi phyag rgya'i gzungs kyi chos kyi rnam grangs yin no/ / na ma s+t+rai yad d+hi ka nAM/ sarba ta thA ga tA nAM/ oM b+hu bi bAM ban pa rab thaM/ tsu lu tsu lA/ d+ha re d+hA ra/ sarba ta thA ga tAd+hA tud+b+hare/ bad mA ma b+hi ti/ dza ya bA re/ u tsu la sA ra ta thA gat+ta/ d+har+m+ma tsakra pA par te na badz+ra bo d+ha mi Na Da a laM ka ra/ a laM kri te/ sarba te thA ga tA a d+hiSh+Thi te/ bo d+ha ya bo d+ha ya/ bo d+hi ne bo d+ha ni/ bud d+hA ya bud d+ha yaM/ sabo d+ha ni saM bo d+ha ya/ tsa la tsa la tsa le tu/ sarba a pa ra Na naM/ sarba pA baM bi ga te/ bu ru du ru/ sarba sho ka bi ka te/ sarba ta thA ga tA hri da ya badz+ri ni/ saM b+ha ba sa b+ha ba/ ta thA ga tA gu he d+ha ra Ni mu dre/ bud d+he su bud d+he/ sarba ta thA ga ta a d+hISh+Thi te d+hA tu gan+d+he swAhA/ sa ma ya a d+hiSh+Thi te sAp+na/ sarba/ trag/ dzid ya d+hA ma Sh+Ta swAH/ swa pra ti te sa ba tak+Sha ga Sh+Na a d+hi t+yai hU~M hU~M swAH/ oMsi ta thAg rba Sh+Te Shad+ha su dA naM/ sa ba ta thAg N+De nas rbAHba~M b+hu sha~M ta.a ts+tsha / bu ru b+ha ru/ tA tra~M sad+ha/ bitsam 'das kyis ring ba srel gyi za ma tog gi phyag rgya'i gzungs 'di bshad ma thag tu phyogs bcu dang / phyogase re re kun nas de bzhin gshegs pa 'bum phrag bye ba khrag khrig til gyi gdabu snyed dgu bcu rtsa dag gshegs nas/ bcom ldan 'das shAkya thub pa la shAkya thub pa sems can thams cad kyi don du 'dzam bu'i gling du chos kyi namagrangs 'di lta bu'i chos kyi gter bzhag pa dang / rang bsrel gyi snying po'i mchod
- 126a
tan byen rjem parnabs pa legs so lags pa zhes bya brgyan/ / 'don de bzhin gshegs pa thams cad kyi dmachog dang byin gyis rlabs pa yin no// gdan ring bsrel gyi b+hUH N+Da'i gzus 'di na/ par byed dam/ mchod rten gyi nang du 'jog gam/ gzugs brnyan gyi nang du 'jog par byed pa der de bzhin gshegs pa thams cad kyang gcig tu rtag tu rgyun mi 'chad par rjes su 'brang zhing bzhugs par 'gyur ro/ / thams cad du de bzhin gshegs pa'i byin gyis rlabs kyis byin gyis brlabs par 'gyur ro// de nas gzungs bshad pa dang / ci tsam na mchod rten snying po phyag dar gyi phung po lta bu de rin po che sna bdun gyi rang bzhin gyi mchod rten du mngon par 'phags shing / 'phang dang / legs par 'byes pa dang / 'khor lo'i phreng ba dang / bkra shis dang bcas par gyur to// bcom ldan 'das dgyes nas de skad ces bka' stsal nas/ byang chub sems dpa' sems dpa' chen po lag na rdo rje dang / lha dang / klu dang / gnod sbyin dang / dri za dang / nam mkha' lding dang mi 'am ci dang / lte 'phye chen po de dag dang / lha dang mir bcas pa'i 'jig rten bcom ldan 'das kyis gsungs pa la yid rangs te/ mngon par bstod do// 'phags pa de bzhin gshegs pa thams cad kyi snying po gsang ba ring bsrel gyi za ma tog ces bya ba'i gzungs theg pa chen po'i mido rjes rgya gar gyi mkhan po bi bye kar pra b+hA dang / zhu chen gyi lo ts+tsha ba ban sde rtsangs de ben dra rak+Shi tes bsgyur cing zhus// skad zhas// bod skad du shes pas thams cad mthar phyin par grub pa'i mchod rten zhes bya ba'i gzungs// dkon mchog gsum la phyag 'tshal lo/ / bcom ldan 'das rdo rje 'dzin pa la phyag 'tshal lo// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul dang /