N976MW22704_0976rgyud 'grelAll versions of this work

dpal 'khor lo sdom pa'i dkyil 'khor cho ga mdor bsdus pa zhes bya ba

Śrīcakrasaṃbarasaṅgramaṇḍalabidhīnāma

Text

ff. 55b–70a · 30 folio sides

  1. 55b

    mkha' 'gro ma nas brtsams te gshin rje 'joms ma'i mthar thugs pa rnams la yang 'di rnams nyid kyi rang rang gi sngags ji lta ba dag gis tshim par bya'o/ /de nas yang dag par mchod nas ma tshang ba dang lhag par dag par bya ba'i don du yi ge brgya pa gton nas tshogs kyi 'khor lo byin gyis brlab pa'i don du gsol ba gdab pa'o/ /oM yo ga shudta sarba d+harmA yo ga shud+d+honyahaM/ zhes brjod bzhin par pad+ma'i skor ba'i phyag rgyas mnyes par bya ste/ phyag rgya de btul ba 'khyud pa'i stangs ka sngon du 'gro bas srin lag gis sa la reg cing oM badzra mu(rgyud 'grel): zhes brjod pas gshegs su gsol te/ 'khor lo de bdag nyid la gzhug par bya'o/ /de nas sa de la gnas pa'i chang lag la g.yon pa'i srin lag gis blangs nas des snying ga dang lce dang mgo rnams su yi ge hUM dang A(rgyud 'grel): dang oM brjod pa sngon du 'gro bas byug cing lag pa de la gnas pa'i lha'i' khor lo yang bdag nyid la ga gug par blta bar bya'o/ /gru gsum dkyil 'khor la gnas pa/ /mgon po 'khor lo bde mchog la/ / lag pas mchod pa bshad pa 'di/ /rnal 'byor pa la phan byed yin/ /lag pa'i mchod pa'i chog dpal pradz+nyA rak+Shi tas mdzad pa rdzogs so// //rgya gar gyi mkhan po dpal su ma ti kI rti dang/ sgra bsgyur lo tsa ba dge slong blo ldan shes rab kyis bsgyur ba'o/ /dpal 'khor lo sdom pa'i dkyil 'khor mdor bsdus pa bzhugs so// */ /rgya gar skad du/ sh+rI tsa kra saM ba ra saM gra maN+Dal bi d+hI nA ma/ bod skad du/ dpal 'khor lo sdom pa'i dkyil 'khor chog mdor bsdus pa zhes bya ba/ dpal rdo rje 'chang la phyag 'tshal lo/ /gang gi drin gyis bde chen gnas/ /skad cig gis ni thob 'gyur ba'i/ /bla ma rin chen lta bu yi/ /rdo rje can zhabs pad la 'dud/ /dpal ldan rdo rje mkha' 'gro ma/ /

  2. 56a

    mkha' 'gro ma yi 'khor lo sgyur/ /ye shes lnga dang sku gsum nyid/ /'gro ba skyob la phyag 'tshal lo/ /skyes bu dam pa gzhung 'chad pa'i/ /mchog 'dzin thabs mkhas bdag la med/ /rang nyid dran pa gsal pa'i phyir/ /dkyil 'khor chog bshad par bya/ /rtsa bshad gsal ba'i rgyud rnams dang/ /mkhas pa rnams kyi cho ga dang/ /bla ma'i gdams ngag la brten nas/ /dkyil 'khor chog bri bar bya/ /slob dpon mtshan nyid thams cad ldan/ /mtshan nyid min pa kun tu spangs/ /yang dag shes shing rgyud shes pa/ /dpal ldan khrag 'thung gsang sngags shes/ /khro med gtsang zhing mkhas ma dang/ /sbyor shes ye shes pha rol 'gro /thod pas spyi bor rgyan cha sogs/ /gzugs bzang yon tan ldan pa bkur/ / snying rje med cing khrol gdug /khengs dang brkam chags bdag nyid bstong/ /mnyam par ma gzhag khyim la spyod/ /gshol 'dzug pa dang tshong pa dang/ /rmongs pas dam chos 'tshod ba ni/ /tshogs sam dkyil 'khor slob dpon min/ / slob ma rigs bzang chos la spro/ /'jam zhing snyan par smra ba dang/ /snying rje la sogs phan sems ldan/ /thos dang klog pa mngon par brtson/ /gsang ba'i mchod dang bla ma gus/ /slob ma de nyid yongs su bzung/ /snying rje med cing khro la gdug khengs dang brkam chags rnam g.yeng can/ /drag dang rmongs dang snyoms las can/ /gzhan gyi srog la snying brtse med/ /gzhan gyi nor la sred pa ni/ /bla mas yongs su spang bar bya/ /yon tan ldan pa'i bla ma la/ /mtshan nyid ldan pa'i bslob ma yis/ sems can 'khor ba'i sdug bsngal las/ /bsgral phyir lan gsum 'di skad brjod/ /thams cad mkhyen pa'i ston pa po/ /'jig rten rnams kyi 'dren mdzad lha/ /'khor ba 'dam gyi tshogs nang du/ /phyir ba skyabs med bdag la skyobs/ /rdo rje

  3. 56b

    bla ma mdzad du gsol/ /bla mas dkyil 'khor mchod pa yi/ /yo byed? thams cad 'byor gyur ram/ /cung zad cig gam ma yin zhes/ /slob ma'i gtso la dri la bya/ /mi 'byor zer? na bzung mi nus/ /'dres ma las ni 'dres mar shes/ /thams cad 'byor zhes brjod pa ni/ /de tsha gzung ba'i cho ga brtsams/ /slob ma'i rkang pa'i mthil du ni/ /rlung gi dkyil 'khor gzhu 'dra bsam/ /lte bar ye shes me 'bar bas/ /de yi 'od zer snying gar 'bar/ /baM las byung pa'i sdig pa'i gzugs/ / mi sdug rid? pa mdog sngon po/ /sdig ni sna yi sgo nas 'byung/ /de nas khro bo'i gzugs bsgoms nas/ /sdig ni kun nas za bar bsam/ /oM badzra DA ki ni kha kha khA hi sarba pA paM da ha na b+hasmi ku ru hUM hUM phaT/ slob ma lha mo'i gzugs bskyed nas/ bsrung ba dag ni dgod par bya/ /slob ma gzung pa'i cho ga'o/ /ri sul tshang ching phug rnams dang/ /chu bo dag gi ngos rnams dang/ /gdod nas grub pa'i dur khrod du/ /der ni dkyil 'khor brtsams par bya/ /lha ni mnyes par ma byas na/ / bdag nyid rnam par sun 'byin yin/ /bdag gam yang na dkyil 'khor ni/ /sngon du bsnyen pa byas pas 'grub/ /gnas dang ldang ba nyid dag dang/ /'jug dang yongs su rdzogs pa dang/ /byin gyis brlabs dang dbang bskur dang/ /ting nge 'dzin dang mchod pa'i mthar/ /cho ga bzhin du 'bum du bzla/ /rang gi lnga yang 'bum du bzla/ /'khor los bkang gnang de bzhin te/ /gzhan ni khri ru bzlas par bya/ /bsnyen pa'o/ /de ltar bsnyen pas mthu bskyed nas/ /rang gi lus su dkyil 'khor bsdu/ dngos grub mtshan ma mchog thob na/ /sa ni yong su brtag par bya/ /grong dang dur khrod tshod dus dang/ /tshal dang lha khang grod khyer ni/ /shar dang byang gi sa gzhi shis/ /lho dang nub phyogs de lta min/ /gtsug lag khang dang gnas khang dang//

  4. 57a

    tshal dang ri rtse rdo leb dang/ /khang bzang gi ni steng phyogs dang/ /dur khrod dang ni lha yi khyim/ /sa yi cha ni ji snyed pa/ /rgyud rnams kun las bsngags pa yin/ /rus pa thal ba zug rdu rdo/ /bshad bas ma dag gzhan du bgrod/ /sman sogs dngos grub bye brag gis/ /bus mo chu so lte ba'i 'bar/ /brkos la sa yis slar la dgang/ /lhag na dngos grub mchog tu 'gyur/ /phyi nas mtho gang tsam du brgo/ /de ni chu yis rab bkang la/ /shar du bltas te gom brgyar 'gro/ /slar log nas ni brtag par bya/ /chu ni gang bar gnas na shis/ /bskams na sngags pas spang bar bya/ /ston zla tha chung la sogs nas/ /brtsams te zla ba gsum gsum du/ /lto 'phye lho dang nub dang byang/ /shar du de yi mgo bo ste/ /g.yon pa'i zur gyis nyal ba yin/ /'di yi lto shes byas nas brko/ /mgo dang rgyab phyogs nas brkos pa'i/ /skyon ni rgyas pa las shes bya/ /legs par bsnyen te bcag par bya/ /byang dang shar du bzhol bas ni/ /sngags pa rnams kyis dngos grub 'gyur/ /dbus su mtho bas rgyal srid dam/ /rig pa 'dzin pa'i gnas dag thob/ /byang du mthe bas 'chi 'gyur ram/ /nor rnams myur du 'jig par byed/ /ji skad bshad pa'i shar mtho na/ / myur du rigs rnams zad par byed/ /dbus su dma' ba' i sa gzhi gang/ /sgrub pa po ni 'joms dang ldan/ /sa brtag pa'o/ //khang bzangs rdo leb gzhi dang ni/ /gtsug lag khang dang zhabs kyis bcags/ /ba lang lhas dang rgya mtsho'i 'gram/ /der ni brko sogs bya mi dgos/ /lag pa sa la bzhag nas su/ /rang gi snying po brgya rtsa bzlas/ /de la lci ba ma lhung bas/ /dkyil 'khor sa ni nye bar byug /dur khrod thal bar ldan pa dang/ /mi 'chi

  5. 57b

    bcu phyed ldan pa yis/ /dkyil 'khor sa ni nyid byugs te/ /der ni dkyil 'khor yang dag brtsams/ /o laM hUM/ zhes pas sbyang ngo/ /de ltar sbyangs pa'i sa gzhi la/ /dkyil 'khor dang ni rjes 'thun pa'i/ /rin chen la sogs sa gzhi ru/ /ting nge 'dzin gyis bsam par bya/ /sa sbyar ba'o// //maM gyi sa bon las byung pa'i/ /gos dang rgyan gyis rnam par klubs/ /zhal gcig phyag ni gnyis pa ste/ /'od zer ser po kun tu 'bar/ /sa yi ha mo'i lag pa na// gser gyi bum pa thogs pa ni/ /lus byed sa la gnas ba ru/ /bltas te mchod la gsol ba gang ba/ /skyob pa sangs rgyas thams cad kyi/ /spyod pa'i tshul dang khyad par dang/ /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi sde bcom ltar/ /de bzhin bdag gis bdud kyi sde/ /pham par bya phyir dkyil 'khor bri/ /gnang ba byin nas thim par bsam/ /sa bslang pa'o/ /de nas sngar bstan pa'i dbus su/ /rdo rje 'dzin chen sbyor ba yis/ / bdag nyid nye bar gnas pa la/ /rdo rje dril 'dzin grogs kyi mchog /mkha' 'gro la sogs gzugs can gyis/ /gsol ba lan gsum gdab par bya/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs pa/ /kun tu bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung/ /ye shes spyod pa rnam spyod ba/ /kun tu bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun bzang thugs mchog kha lo sgyur/ /dkyil 'khor dam pa bshad du gsol

  6. 58a

    de nas 'khor ba'i sdug bsngal la/ /dpal ldan khrag 'thung khros nas ni/ /hUM badzro ta tiSh+Tha brjod pa yis/ /sprul pa'i 'khor lo nam mkhar gdeg /mgul rgyan gdub bu rna rgyan dang/ /spyi gtsug nor bus rnam par brgyan/ /mchod phyir thogs dang thal bas brgyan/ /rkang pa hUM las rdo rje bsams/ /ma dang Ta las nyi zla'i mig /lag pa rdo rje gser byed cing/ /rdo rje'i lta bas kun tu blta/ /mche ba gcigs nas hUM sgrogs shing/ /rol pa rdo rje 'gros kyis gang/ /g.yas brkyang dad ni g.yon brkyang dang/ /zlum po sa ga rdo rje'i 'gros/ /mnyam pa'i stobs dang mi mnyam stobs/ /rus spal bum pa'i 'phun tshogs brgyad/ /rdo rje 'gros kyis kun tu bskor/ /gdug pa'i bgegs rnams bskrad par bya/ /blo ldan rdo rje gsor byed cing/ /dril bu 'khrol bar btson pa yis/ /lha dang lha min gsang ba dang/ /rab tu gdug pa'i bgegs tshogs bskrad/ /nga ni dpal ldan snying rje'i stobs/ /srung ba'i 'khor lo rab sbyor bas/ /lus srul la sogs gang yang rung/ /bgegs kyi tshogs rnams gzhan du gdengs/ /ji sde bsgo ba su zhig 'da' / /rdo rje bdag po sku yis ni/ /lus gsum las byung dags byas te/ /'dir ni brlag 'gyur gzhan du min/ /bdag slob dpon 'di zhes bya bas/ /slob ma 'di zhes bya ba rdzogs pa'i byang chub kyi don du/ /sa phyogs 'di ru dpal te ru ka 'byung pa'i dkyil 'khor bri yis/ 'di na gnas pa'i lha dang/ klu dang gnod sbyin dang/ dri za dang/ /'byung po dang/ sha za dang/ srin po la sogs pa gang dag gzhan du dngos shig /gang dag mi 'gro ba de/ da'i ye shes kyi rdo rje 'di dang/ kha TwI ga 'dis sbyi bo tshal pa bkas? par 'gyur/ zhes lan gsum brjod pas kyang bskrad do/ /zhal bzhi pa'i sngags rnams dang/ rdo rje phur pa'i sngags kyis kyang/ /gdug pa'i bgegs rnams bskrad par bya/ /sa ni yongs su bzung byas

  7. 58b

    nas/ /dra bas phyogs mtshams bcing bar bya/ /ra ba rnams ni phyogs su dgod/ /'og tu mtshon cha dgod par bya/ /steng du mda' yi dra ba dang/ /bdag nyid steng du gur bya ste/ /de ltar go bgos sum cu ni/ /rtsa gsum pas kyang gzhig mi nus/ / sa bsrung ba'o/ /de nas rir brtse mo yang/ /shI ri gan d+har rab bsam la/ /dri zhim chu yi byug pa dang/ /me tog sil ma rab bkram la/ /ye shes 'khor lo spyan drangs la/ /mchod yon phul la gsol ba gdab/ /bcom ldan khro mchog rdo rje can/ /rdzogs sangs rgyas rnams dgongs su gsol/ /slob ma rnams la brtse ba dang/ /khyed rnams la yang mchod pa'i phyir/ /mgon po lhan cig 'byung ba yi/ /dkyil 'khor bri bar 'tshal lags na/ /de bas bcom ldan gus bdag la/ / bka' drin gnang bar mdzad du gsol/ /gang gzhan gsang sngags lha rnams dang/ /'jig rten skyong ba'i lha rnams dang/ /rdzogs pa'i byang chub la rten pa'i/ /'byung po bstan la mngon dga' ba/ /gang su rdo rje spyan ldan kun/ /dkyil 'khor bde mchog 'byung ba ni/ /dkyil 'khor 'bri bar bgyid lags na/ /bdag dang de bzhin slob ma la/ /rjes su brtse ba bskyed du gsol/ /phyogs bzhir mar me bltams nas ni/ /urgyan? phyogs su ci bder nyal/ /sa bzung ba'o// // de nas rin chen gser dang dngul/ /zangs ma 'am 'jim pa dag kyang rung/ /ji ltar 'byor pa'i rjes mthun par/ /bum pa dag ni bya ba ste/ /rtsa ba nag po la sogs spangs/ /lto yang bum pa bzang po'i dbyibs/ /legs bkru dkar por bya ba dang/ / spos kyis bdug cing yungs kar brdeg /bdud rtsi 'khyil pa'i sngags kyis bsrung/ /mtshan ma rnams ni dgod pa dang/ /bza' ba kun gyis legs bkang ba'i/ /snod ni steng du bzhag par bya/ /mgrin pa srang bus dkri ba dang/ /kha ni 'dab

  8. 59a

    mas brgyan par bya/ /gos zung gis ni legs dkris par/ /chu bzang 'o ma ldan pas dgang/ /bya gri seng kri? dbyug pa dang/ /utpal gzhan gyis mi thub pa/ /ha sa de ba sman lngar bcas/ /oM pany+tsa b+hai kha dzyai A(rgyud 'grel): hUM/ gser dang dngul dang mu tig dang/ /mu men byu ru rin chen lnga/ /om pany+tsa ratna A(rgyud 'grel): hUM/ til dang nas gro dang ni/ /mon sran gre dang yungs kar bcas/ /oM pany+tsa ba ga a/a(rgyud 'grel): hUM/ mar dang til dang mar lan che?/ /gser dang sbrang rtsi snying po lnga/ /oM pany+tsa garb+ha A hUM/ ga bur? tsan dan dri chen chu/ /sman kyi chu yis dga' bar bya/ /aM pany+tsa a mri te A(rgyud 'grel): hUM// //de ltar byas pa'i bum pa yang/ /brgyad ni sgoM du dgod pa ste/ /gos zung sogs kyis dkres? pa'o/ /bum pa dgu pa dngus su dgod/ /bdag nyid ltar gsal snying ga yi/ /'od zer sbyor bas bum ba sbyar/ /de nas yi ge b+h+raM las ni/ /lha yis gzhal yas khang du bsam/ /rnam par rgyal ba'i bum pa ru/ /lha yi 'khor lo rdzogs par yang/ /skad cig gis ni bsam par bya/ /gzhan du 'khor lo'i rjes 'brangs pa/ /rigs dang bcas pa gsal bar blta/ /mchod dang bskor bas mnyes pa dang/ /snying po rtsa ba'i sngags sogs kyang/ /stong ngam brgya rtsa brgyad du bzlas/ /bum nang lha rnams zhu bar bsam/ /de nas rol mor bcas pa dang/ /bkra shis blu dbyangs sna tshogs kyis/ /ras bzangs me tog ldan pa'am/ /ku sha'i steng du bzhag par bya/ /bum pa sta gon no/ /de nas skyes bu dam pa yis/ /mngon par rtogs pa gzhung bzhin bsgom/ /bdud rtsi lngas ni kun tu byug /de bzhin gshegs pa'i gnas rnams su/ /can dan sogs pas gru bzhir bya/ /phal pa yi ni gnas rnams su/ /so sor zlum por byas nas ni/ /lha ya 'khor lo cho ga bzhin/ /me tog sogs pas mchod par bya/ /lta bar dgod bya'i dpa' i? po ni/ /'jigs byed chen po'i gzugs can ni/ /rab tu 'bar zhir mdangs

  9. 59b

    dang bcas/ /nam mkha' i mkha' 'gro ma rnams ni/ /yid kyis thams cad mkha' la dgod/ sa stengs mkha' 'gro ma gang yin/ /dkyil 'khor kun tu dgod par bya/ /gang yang ? 'og mkha' 'gro ma/ /de ni sa 'og rnams su dgod/ /ma mo thams cad phyogs dang ni/ /phyogs mtshams rnams su dgod par bya/ /gal te dngos grub mchog 'dod? na/ /dri dang me tog bdug spos dang/ /mar me brgya yang dbul bya zhing/ /rgyal mtshan dmar dang de bzhin ser/ /dkar dang gnag dang ser skya dang/ /de bzhin gos ni sna tshogs dang/ /me tog phreng ba du ma dang gla re dag dang bcas pa yi/ /mda' ni shin tu mdzes pa dang/ /de bzhin bza' bca' btung ba yis/ /rab mnyam gzhag ste mchod par bya/ /de nas gsol ba gdab pa ni/ /gnyis med ye shes las byung ba'i/ /khyab bdag dngos kun bdag nyid dpal/ /ston pa gtso bo khrag 'thung dpal/ /rdo rje phag mor yang dag ldan/ /gang zhig phyogs bcu'i dpa' bo dang/ /rig pa'i lha mo rdzul phrul can/ /byang chub sems dpa' la sogs kun/ /ma lus bdag la dgongs su gsol/ /slob ma rnams la phan pa dang/ /khyed rnams la yang mchod pa'i phyir/ /rdo rje can bdag 'di zhes pa/ /nang par dkyil 'khor bri bar bgyid/ /rjes su brtse bar nye dgongs te/ /kun gyis byin gyis brlab tu gsol/ /lha la gsol ba gdab pa'o/ /sdang bshad mtshan ldan slob ma ni/ /khrus byas gtsang ma'i gos gyon te/ / me tog phreng thogs phyag btsal nas/ /bla ma mchog la gsol pa gdab/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa'i/ /mgon po chen po bdag 'tshal lo/ /dam tshig de nyid bdag la gsol// byang chub sems ni bdag la gsol/ /sangs rgyas chos dang dge 'dun te/ /skyabs gsum dag ni bdag la gsol/ /thar pa chen po'i grong mchog tu/ /mgon po bdag ni 'jug par 'tshal/ /slob mas de skad lan gsum brjod/ /slob ma'i gtso bo gcig

  10. 60a

    nyid la/ /dmigs nas bla mas 'di skad brjod/ /bu chung theg pa chen po la/ /khyod ni tshul chen snod yin te/ /gsang sngags spyod tshul cho ga ni/ /khyod la yang dag bshad par bya/ /rdzogs pa'i sang rgyas gang 'das dang/ /de bzhin gang dag ma byon dang/ /da ltar byung ba'i rdzogs sangs rgyas/ 'gro la phan phyir bzhugs pa rnams/ /de dag kun gyis gsang sngags kyi/ /cho ga bzang po 'di mkhyen nas/ /dpa' bo byang chub shing drung du/ /thams cad mkhyen ba tshar med gnas/ /gsang sngags sbyor ba mnyam med de/ /skyobs pa dpal ldan he ru kas/ /bdud sde shin tu mi bzang ba/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /dpa' bo yan lag las byung ba'i/ /sdom pa la sogs slob ma la/ / byang chub thob pa'i don gyi phyir/ /cho ga thams cad sbyin par bya/ /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sngags mkha' 'gro ma/ /'khor lo gsum gyi bdag nyid can/ /kun la rtag tu skyabs su mchi/ / dpa' bo dpa' mo dbang lha mo/ /byang chub sems dpa' bdag nyid che/ /khyad par du yang slob dpon la/ /rtag par bdag ni skyabs su mchi/ /bla ma mchod pas de bzhin byams/ /sangs rgyas la gus 'gro la brtse/ /rtsa ba'i ltung ba yongs shes shing/ /sbom po'i ltung? ba rnam par spangs/ /kha na ma tho bcas gyur pa'i/ /khyod kyis srog chags bsang mi bya/ /ma byin par yang mi blang ngo/ /'dod pa log par mi spyod cing/ /brdzun du smra ba mi bya'o/ /phung khrol kun gyi rtsa ba yi/ /chang ni rnam par spang bar bya/ / sems can gdul phyir ma gtogs pa/ /bya ba ma yin thams cad spang/ /bdag ni dus 'di nas bzung nas/ /byang chub snying bor mchis kyi bar/ /de bzhin bla med byang chub sems/ /dam pa dag gis bskyed par bgyi//

  11. 60b

    ji ltar dus gsum mgon po rnams/ /byang chub tu ni des mdzad pa/ /sangs rgyas rnal 'byor sdom ba la/ /bslab pa yi ni tshul khrims dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por bzung bar bya/ sangs rgyas chos dang dge 'dun te/ /bla na med pa'i dkon mchog gsum/ /de ring mchog tu bzung bar bgyi/ /rdo rje rigs mchog chen po la/ /rdo rje dril bu phyag rgya yang /de kho na nyid bzung bar bya/ /slob dpon dag kyang bzung bar bya/ /rin chen rigs mchog sbyor ba yis/ /dam tshig yid du 'ong ba la/ /nyi re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos ni rab tu bzung/ /las kyis rigs mchog chen po la/ /sdom pa thams cad ldan par ni/ /thams cad du ni rab tu bzung/ /mchod pa'i las kyang ci nus bgyi/ /byang chub sems ni bla na med/ /dam pa de ni bskyed nas su/ /sems can kun gyi don gyi phyir/ /bdag gis sdom pa ma lus bzung/ /ma bsgral ba rnams bdag gis bsgral/ /ma grol ba rnams dgrol bar bgyi/ /dbugs ma phyung ba dbug phyung zhing/ /sems can mya ngan 'das la dgod/ /de nas slob ma mdun bdar? la/ /gnas gsum dri yi thig le yang// yig gsum bzlas te sku bar bya/ /sku gsung thugs kyi lha gsal la/ /spyi bor me tog spos mar me/ /dri yang snying gar zhal zas rnams/ /kun byed bzlas te mchod byas nas/ /dus 'di nyid nas bzung nas ni/ /'khor ba'i nyes pas ma phog par/ /mchod pa kun dang ldan par ni/ /dus kun tu ni bde bar mnos/ /a shwad? u dum ba ra yis/ /so shid sor ni bcu gnyis pa/ /ma yo ma gas srog chags med/ /rtse mo me tog bcas pa sbyin/ /shar rab byang du kha bltas te/ /bcas nas bltos pa med par ni/ /ba

  12. 61a

    ko tsham gyis byugs par dor/ /dngos grub 'phrin las dang? chang gsum/ /dngos grub mchog ni shar phyogs dang/ /rang la bltas par shes par bya/ /'bring ni gzhan la tha ma yang/ /'og tu bltas par shes par bya// oM h+rI(rgyud 'grel): bi shud+d+ha ya sarba d+harmA ya/ /sarba pA pa ni shtsA? sya sho d+ha ya/ /sarba bi kalbAM? a pa na ya hUM zhes bas skyor chu lan gsum blung par bya/ /srad bu dmar? pos khyad par du/ /mdud la gnod mdzes sngags bzlas te/ /dpung par bcings la bsrung bar bya/ /de nas phyir mi ldog bya'i phyir/ /slong ma rnams la spro ba skyed/ /'jig rten du ni kun mkhyen rnams/ /u dum ba ra'i ma tog bzhin/ /brgya lam na ni re 'ga' zhig /'byung 'gyur yang ni mi 'byung ngo/ /gsang sngags spyod tshul tsho ga ni/ /de bas kyang ni dkon pa ste/ /gang gi mnyam med sems can don/ /grags pa mdza' yas spyod pa yi/ /mya ngan mi 'da' byed par nus/ /bskal pa bye ba du ma ru/ /sdig pa bgyis par gyur pa gang/ /de kun dkyil 'khor ba'i 'dra ba/ /mthong bas byang bar 'gyur lags na/ /grags ba mdza' yas spyod pa yi/ /tshul la gnas pa smos ci dgos/ /de ltar spro bar bskyed nas kyang/ /yi ge bdun pa'i sngags bzlas pa'o/ /ku sha de la rab tu spyod/ /rmi lam dge ? dge brtag /tshogs 'khor byas la bkra shis brjod/ /gtor ma gtang nas ye shes gshegs/ /dam tshig bsdus la ci bder gnas/ /slob ma sta gon no/ /sgrad? bu ye shes lngar ldan zhing/ /nyi shu rtsa lngar rnam phye bas// chos kun ngo bo nyid kyis ni/ /srad bu phan tshun bsgril bar bya/ /oM a n+yo n+ya a nu ga ta sarba d+harma(rgyud 'grel): pa raspa ra a nu pra piSh+Ta sarba d+harmA(rgyud 'grel): a tyan a nu pra piSh+Ta sarba d+ha mA:/ dkyus su dkyil 'khor nyis 'gyur la/ /sngoms? mu sgo'i?

  13. 61b

    nyi shu cha/ /bdud rtsi brgyas ni byug par bya/ /yi ge thig ni bskyed nas su/ /dza gsum brjod nas ste bar ni/ /g.yon pa'i khu tshur gyis bzung nas/ /blo ldan nam mkhar thig gdab bya/ /de bzhin sa la gdang bar bya/ /khru? phyed la sogs brtsams nas ni/ /ji srid khru ni brgya yi bar/ /dang po tshangs pa'i thig yin te/ /gnyis pa la ni zur thig gdab/ /gsum pa phyogs kyi thig btab la/ /bzhi pa cha chen bcu drug gdab/ /cha phran bzhi bzhir bgos byas pa/ /spyir na cha chung drug cu bzhi/ /ngos gcig la ni sum cu gnyis/ /dkyil 'khor nang la bcu drug las/ /gnyis la gtso bo'i pho brang ste/ /gsum bzhi lnga drug bde chen gyi/ /'khor lo pad+ma 'dab brgyad bya/ /bdun pa gri gug phreng ba la/ /brgyad dang dgu pa thugs 'khor lo/ /bcu pa rdo rje phred ba ste/ /bcu gcig bcu gnyis gsung yin te/ /bcu gsum pad+ma'i phreng ba'o/ /bcu bzhi bco lnga sku yis/ /bcu drug 'khor lo'i phreng bas bskor/ /de ni nang gi dkyil 'khor la/ /phyi yi dkyil 'khor mtshan nyid kyang/ /gru bzhi pa la sgo bzhi ba// rta babs bzhis ni rnam par brgyan/ /dra ba dra phyed 'phyang ba mdzes/ /g.yer ka'i phreng ba'i dra ba can/ /mtshams kyi cha ni thams cad dang/ /sgo 'khyud kyi ni nang rnams su/ /rdo rje rin chen gyis spras dang/ /rdo rje ra ba me 'od bcas/ /dkyil 'khor de yi phyi rol tu/ /shing la sogs pa'i dur khrod bya/ /gzhan yang 'khor lo'i rjes mthun par/ /ji ltar mdzes pa rab tu brtag /thig skud chad na slob dpon 'chi/ /dman dang lhag pas nad 'byung ste/ /phyogs la 'khrul na slob ma myos/ /de bas skyon med shes par bya/ /thig gdab ba'o// //rin chen lnga yi phye ma 'am/ /yang na 'bras la sogs pa ste/ /ro bsregs sol ba'i phye ma 'am/ /dur khrod so bag ldan pa la/ /brum kha slogs yig 'bru lnga/ /yongs

  14. 62a

    'gyur tshon rtsi lnga ru bsam/ /slob dpon dbang ldan phyogs su ni/ /song ste mnyam par gzhag nas su/ /lag pa g.yon pa'i khu tshur gyis/ /ri mo lnga ni dgye bar bya/ /'di ni chos dbyings dag pa ste/ /sems can khams ni sgrol mdzad pa/ /rdo rje sems dpa' rgyal po che/ /de bzhin gshegs pa kun gyi gnas/ /me long la sogs rim brjod nas/ /dkar dang ser dang dmar dang ljang/ /kun gyi nang rol nag po ru/ /tshon gyi cha ni rim bzhin dgye/ /tshon rtsi re re'i zheng du ni/ /sgo yi nyi shu cha yi tshang/ /phan tshun bar du nas re tsam/ /mtho la drang bar bri bar bya/ /gal te tshon rtsi mi mnyam zhing/ /yo dang dma' bar gyur na ni/ /ri mo dma' bas dngos mi 'grub/ /yon pos gdung ba skyed byed pa/ /de nyid mtho bas nad du 'gyur/ /chad na slob dpon slob ma dag /gnyis ka 'chi bar shes par bya/ /g.yas skor ma yin bris na ni/ /rdul tshon phur bus gdab par 'gyur/ /dbus su sna tshogs pad+ma ni/ /ge sar yang dag ldan pa la/ /mtshams su bum pa thod pas brgyan/ /gser gyi mdog du bri bar bya/ /mthing shun phye ma la sogs pas/ /thugs kyi 'khor lo rtsibs brgyad pa/ /rdo rje 'khor los bskor bar bya/ /byu ru la sogs mdog 'dra bas/ /gsung gi 'khor lo rtsibs brgyad pa/ /pad+ma'i phreng bas bskor ba bri/ /mu tig la sogs phye mas ni/ /sku ni 'khor lo bri byas te/ /'khor lo'i phreng bas bskor bar bya/ /ji ltar pad+ma'i kha dog bzhin/ /sgo bzhi'i cha yang de bzhin te/ /shar phyogs su ni dkar po ste/ /lhor ni ser po yang dag ldan/ /nub kyi cha ni dmar po ste/ /byang du mar kata yang dag ldan/ /dbus kyi sa yi cha nyid ni/ /in+d+ra nI la 'od 'bar ba'i/ /grwa yi cha ni thams cad dang/ /sgo 'khyud kyi ni mtshams rnams su/ /rdo rje rin chen gyis spras pa/ /mnyam

  15. 62b

    par gzhag pas yang dag bri/ /rdo rje ra ba'i nang du ni/ /dur khrod brgyad kyis brgyan pa ste/ /gtum drag de bzhin tshang tshing dang/ /rdo rje 'bar ba keng rus can/ /dbang ldan du ni mi bzad gzhan/ /byin za ru ni bkra shis mchog /mun pa drag po bden bral du/ /rlung du kI li kI li sgra/ /shar du shirSha a shwad shing/ /kang ke khyad par tsu ta'i shing/ /ba da de bzhin ka rany+dza/ /la da bar ka par thi ka /dbang po de bzhin gnod sbyin dang/ /klu'i dbang dang gshin rje'i bdag /dbang ldan de bzhin byin za dang// srin po'i dbang po rlung gi bdag /ba su ki dang 'jog po nyid/ /pad chen hu lu hu lu dang/ /dbang ldan dang ni dung skyong ngo/ /sgrogs pa dang ni cher sgrogs dang/ /drag dang yon tan bstan de bzhin/ /gang ba dang ni de bzhin 'bebs/ /gtum po 'di dag srid dbang phyug /rnal 'byor ma yi tshogs rnams dang/ /dngos grub rdzu 'phrul yang dag par/ /thob pa slob dpon gyi ni tshogs/ /ngur khrod dbus su blta bar bya/ /de nyid bsdus dang bde mchog dang/ /gsang ba rdo rje 'jigs byed las/ /dkyil 'khor rnams kyi rgyal po 'di/ /ma byung 'byung bar mi 'gyur ro/ /tshon dgye ba'o/ /de nas slob dpon mnyam gzhag pas/ /dkyil 'khor dbus nas dur khrod sar/ /lhag chad nyes pa'i skyon bsal la/ /skor ba lan gsum brtsam par bya/ /bum pa mchod rdzas la sogs pa/ /gdugs dang rgyal mtshan rol mo dang/ /sil snyan glu yis spyan drangs la/ /dkyil 'khor gnas su dgod par bya/ /dkyil 'khor kun tu rin chen nam/ /gser rnams gyis ni mdzes par bya/ /de nas slob dpon khrus byas te/ /dri zhim rus pa'i rgyan gyis spras/ /rtse bran rdo rje dril 'dzin pa/ /dkyil 'khor gyi ni lho phyogs su/ /bde ba'i gdan la 'dug nas ni/ /bla ma dam pa lU yi pas/ /mngon par rtogs pa'i rim pa rnams/ /bsgoms

  16. 63a

    te bzlas pa byas pa'i mthar/ /bcu drug lha mo rnams kyis mchod/ /me tog bdug pa mar me dri/ /dkar po dung mdog dmar ba ljang/ /zhal gcig phyag gnyis rtsa bar brtags/ /'dam bu thod pa kha TwAM ga /gzhan gyi phyag gsum dag na 'dzin/ /pi wang gling bu rda zlum ma/ /rdza rnga zhal gcig phyag bzhi ma/ /gnyis kyis rang dang brdung bar brtson/ /tha ma rdo rje'i dril bu 'dzin/ /sngo ser dmar po ljang gu'o/ /phreng ba sgeg mo glu gar ma/ /dmar dkar ser mo ljang gu ste/ /phreng ma phyag gnyis phreng ba 'dren/ /rdo rje dril 'dzin sgeg pa mo/ /glu ma 'khar ba'i sil khrol te/ /gar ma pad+ma'i gar skyong byed/ /gzhan gnyis thod pa kha TwAM ga /gzugs dang ro dang reg dang chos/ /dkar dmar ljang gu dkar mo ste/ /zhal gcig phyag bzhi dang po ni/ /me long dung dri gos chos 'byung/ /'dam bu thod pa kha TwAM ga /lhag ma'i phyag na gnas pas mchod/ /rkang pa brgyad kyis bstod byas la/ /bshags dang gsol ba la sogs bya/ /ga na tshogs kyis mchod pa yis/ /dkyil 'khor lha kun mnyes byas la/ /dpal ldan mkha' 'gro ma rnams la/ /ba li chen po'i gtor ma byin/ /dkyil 'khor sgrub pa'i don du ni/ /slob dpon rnal 'byor ldan pa yis/ /zhi dang rgyas pa'i sbyin sreg ni// slob ma sdig sogs sbyong ba'i phyir/ /ji ltar 'grub pa'i grangs rnams byas/ /me tog phreng 'dzin slob dpon gyis/ /lho yi sgo nas zhugs nas kyang/ /he ru ka dpal rgyal po la/ /chu dang dbu rgyan la sogs pa/ /rjes gnang mdza' ru rim bzhin no// rigs la rjes gnang thob pa dang/ /slob ma shis par bya ba'i phyir/ /bden pa 'di ni bsgrag par bya/ /don dam smra ba'i seng ge rnal 'byor zhes bya ba/ /nyon mongs gcod pa'i don la shin tu mkhas gyur pa/ /srid pa'i nyes pa bskyed pa nyon mongs

  17. 63b

    bcom mdzad pa/ /rnal 'byor don dam de nyid rgyal po grub par mdzod/ /dkyil 'khor sgrub pa'o// //kun byed chu yis khrus byas la/ /de yi bu sdug gdong la ni/ /dar gyis legs par dkris nas ni/ /yol ba'i mthar ni drangs pa la/ /bla mas 'di skad dri bar bya/ /sdug pa khyod su ci la dga' / /des kyang bdag ni bskal pa bzang/ /bde ba che la rtag tu dga' / /de nas las kun byed pa'i chus/ /yol ba'i phyi ru bsang gtor bya/ /de nas slob mas 'di skad du/ /sangs rgyas kun gyis rang bzhin sku/ /slob dpon la ni skyabs su mchi/ /dpa' bo rnal 'byor ma 'khor lo/ /rnal 'byor rnams la bdag phyag 'tshal/ /thar pa chen po'i grong mchog tu/ /mgon pos bdag ni 'jug par mdzod/ /bla mas kyang ni 'di skad du/ /de bzhin gshegs pa kun gyi gnas/ /he ru ka dpal grong khyer mchog /snying po bsdus pa'i dkyil 'khor du/ /bdag gis slob ma gzhug par bgyi/ /de nas lho sgor mngon phyogs la/ /oM na ma ste hUM/ na mA mi hUM/ na mo na ma hUM/ lus ngag yid kyis phyag gsum bya/ /snying gar rdo rje rab bzhag la/ /rnal 'byor sems ni bskyed par bgyi/ /oM yo ga tsit+tatpA dA ya mi/ su rasta sa ma ya stwaM ho(rgyud 'grel): sid d+ha badzra ya thA su khaM/ de yi spro ba skyed pa ni/ deng khyod de bzhin gshegs pa thams cad kyi rigs su zhugs kyis/ ngas khyod la he ru ka'i ye shes bskyed par bya/ ye shes gang gis de bzhin gshegs pa thams cad dang/ dpa' bo dang rnal 'byor ma rnams kyi dngos grub kyang thob par 'gyur na/ dngos grub gzhan lta ci zhig smos kyis/ khyod kyis dkyil 'khor ma mthong ba rnams kyi mdun du brjod par mi bya ste/ /dam tshig nyams par gyur ta re/ he ru ka dpal deng khyod kyi/ /snying la yang dag zhugs par mdzad//

  18. 64a

    gal te tshul 'di smras na ni/ /de ma thag tu bral te gshegs/ /bdud rtsi lnga yi chu dag ni/ /thong phar legs par byugs nas ni/ /mna' chu blud phyir 'di skad brjod/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrung na dngos grub ni/ /rdo rje bdud rtsi'i chu 'dis 'thob/ /oM pany+tsa a mri tod ka ThA ThA ThA hUM deng nas brtsams te khyod kyi dpal he ru ka nga yin gyis/ ngas gyis cig ces bsgo ba de khyod kyis bya dgos so/ /khyod nga la brnyas par ma byed cig /khyod mi bde ba ma spangs par tshe'i dus byas nas dmyal bar ltung bar 'gyur ta re/ /de nas dpa' bo dang rnal 'byor ma thams cad kyis byin gyis rlobs la/ dpal he ru ka bdag la 'bab par mdzod cig ces smrar gzhug go /bdud rtsi lnga dang byi la'i brun/ /gu gul bud med gos kyi mdza' / /pad+ma'i snod du bzhag nas su/ /dur khrod me la bdug par bya/ /g.yas brkyang ba la legs bsdams te/ gnyis med gsang sngags bzlas byas nas/ skad cig nying la yang dag 'jug /oM tiSh+Tha ma hA kro d+ha A be sha ya hUM/ oM sh+rI he ru ka ya padme? he/ bidyA rA dza ya d+ha me he swAhA/ /zhes ni dpa' bo bskul par bya/ /de nas yon thogs grong khyer du/ /skor ba lan gsum byas nas ni/ /bsnyen nas snyims pa'i me tog dor/ pra tAts+tshi badzra ho/ dkyil 'khor gang du me tog babs/ /de yi rigs ni bstan par bya/ /slar yang de nyid blangs nas su/ /slob ma'i mgo la bcing bar bya/ /he ru ka dpal deng khyod kyi/ /mig ni 'byed par brtson par mdzad/ /rdo rje'i mig ni bla na med/ /thams cad mig ni phye bar 'gyur/ /oM badzra Ne tra a pa ha ra pa Ta laM h+ri/ /brjod nas gdong g.yogs phud nas ni/ dkyil 'khor bzang po 'di la ltos/ /da ni dang pa rab

  19. 64b

    tu bskyed/ /khyod ni rnal 'byor ma rigs skyes/ /sngags dang phyag rgyas byin gyis brlabs/ /'gro ba phun sum tshogs kun dang/ /dngos grub bu khyod skal ldan 'gyur/ /dam tshig thams cad bskyang ba dang/ /gsang sngags la yang brtson par gyis// de nas dkyil 'khor gyi de nyid ni/ /dbus gyi pad+ma rin chen 'dzin/ /thugs kyi 'khor lo mi bskyod pa/ /gsung gi 'khor lo snang mdza' yas/ /sku yi 'khor lo rnam snang mdzad/ /sbubs rnams kun ni don yod la/ /sgo bzhi dran pa nyer gzhag bzhi/ /kha dog lnga ni rigs lnga la/ /gru bzhi tshangs pa'i sgo bzhi gsungs/ /logs bzhi bsdu ba'i dngos po ste/ /ka ba brgyad ni rnam thar brgyad/ /gdong bzhi ye shes bzhi yi don/ /two ra Na la sogs pa kun/ /stobs la sogs pa yin par gsungs/ /rnam shes dag pa dur khrod la/ /phyogs skyong mi dge bcu po spong/ /sangs rgyas brgyad kyi mtshan ma shing/ /gdug pa 'joms phyir shing brgyad do/ /thugs rje'i rtags su sprin brgyad do/ /de nas lha'i rnams dag ni// dpa' bo che la bu khyod ltos/ /dbyibs dang ye shes gnyis med pas/ /yum dang gnyis su med pa yin/ /mthing ga skyon gyis ma gos pa/ /zhal bzhi rnam par thar pa bzhi/ /spyan ni dus gsum mkhyen pa ste/ /rten 'brel dag pas phyag bcu gnyis/ /pha rol phyin pas rgyan drug la/ /'khor lo lnga yi lha rnams ni/ /sum cu rtsa bdun byang chub phyogs/ /yin par mngon rtogs gzhung ltar sbyar/ /slob ma gzhug pa'o/ /de nas slob mas bla ma yi/ /zhabs la dad pas phyag bya ste/ /thal sbyar yon ni phul ba yis/ /dbang bskur don du gsol ba gdab/ /byang chub rdo rje sangs rgyas la/ /ji ltar chos chen gsol ba ltar/ /bdag kyang drang ba'i don gyi phyir/ /nam mkha' i rdo rje deng bdag gsol/ /de nas lhor

  20. 65a

    sgor pad+ma ni/ /'dab brgyad dbus su khri bshams te/ /slob ma rtag pa'i rnal 'byor pa/ /rgyan gyis klubs te bzhag bar bya/ /chu rnams rnam rgyal bum par bsdu/ /mi bskyod pa ru bskyed nas ni/ /dkyil 'khor lus la btsud nas su/ /slob ma'i spyi bor bkru bar bya/ /dbang bskur rdo rje chen po ni/ /khams gsum kun gyis phyag byas pas/ /gsang gsum gnas las byung ba yi/ /sangs rgyas kun gyi chu dbang sbyin/ /oM u da ka a b+hi Shiny+tsa mi/ shing ngam rin chen dbu rgyan la/ /rin chen 'byung bar bskyed nas su/ /ye shes 'khor lo lus la gzhug /gsang gsum gnas las byung ba yi/ /sangs rgyas kun gyi dbu rgyan dbang/ /de ring khyod la bskur bar bya/ /dbu rgyan dam pa khyod kyis long/ /mtshan nyid ldan pa'i rdo rje ni/ /'od dpag med du bskyed nas su/ /gsung gi 'khor lo lus la gzhug /sangs rgyas kun gyi rdo rje'i dbang/ /de ring khyod la bskur bar bya/ /sangs rgyas kun don rab bsgrub phyir/ /rdo rje 'di ni khyod kyis bzung/ /oM badzra a d+hi pa tistwaM a b+hi Shinyu? mi/ tiSh+Tha badzra sa ma ya stwaM/ thog mdza' med pa'i sems dpa' ni/ /rdo rje sems dpa' de bzhin gshegs/ /kun tu bzang po kun bdag nyid/ /rdo rje snyems tshul bdag pa'i bdag aM las bskyed pa'i dril bu yang/ /lag pa g.yon par byin nas ni/ /dam tshig 'khor lo lus la gzhug /'di ni sangs rgyas thams cad kyi/ /shes rab dbyangs kyis rjes 'gror bshad/ /khyod kyis kyang ni rtag tu bcangs/ /byang chub mchog tu rgyal ba bzhed/ /srid pa ngo bo nyid kyis ngag /ngo bo nyid kyis srid bral byas/ /rang bzhin dag pa'i sems dpa' ni/ /srid pa'i dam pa byed par 'gyur/ /rdo rje dril bu spyi bor ni/ /rnam par snang mdzad sku'i tsakra

  21. 65b

    bsgom/ /oM sh+rI he ru ka a b+hi pa ti stwaM/ a b+hi Shiny+tsa maM/ oM sh+rI he ru ka nA ma a b+hi She? ka ta/ sh+rI yi sgra dang bcas pa 'dis/ /rigs las drangs te ming dbang bskur/ /chu dang cod pan rdo rje dang/ /dril bu dang ni ming dbang bskur/ /bde gshegs lnga yi bdag nyid de/ /phung po lnga dang nyon mongs dag /rig pa'i dbang lnga'o/ /srid pa'i bde ba shin tu chung/ /sdug bsngal tshan po zhi byed pa/ /shin tu bde ba dam pa'i thabs/ /dam tshig rtag tu bskyang bar bya/ /yid kyi lus ni brtan pa'i phyir/ /phyag rgya'i dam tshig ces byar brjod/ /dam tshig gsum ni byin nas su/ /de nas sngags kyi dbang bskur byin/ /nyi shu rtsa gnyis yi ge mchog /bdag gis bcom ldan 'dir byin lags/ /'di la 'go bar mdzad du gsol/ /bdag gi bcom ldan 'dir bzung lags/ /bdag la 'go bar mdzad du gsol/ /zhes pas sngags kyi dbang bskur byin/ /gzhan don nus pa'i gtso chen gyis/ /dbang bskur don du gsol ba gdab/ /he ru ka dpal dbang bskur ba/ /'gro ba skyob phyir gzi brjid can/ /ji ltar yon tan 'byung gnas sogs/ /de bzhin bdag la do gsol cig /dpa' bo chen po mi ldog pa'i/ /dbang bskur ba ni bdag la gsol/ /sems can kun gyi don gyi phyir/ /bdag ni rtag tu slob dpon 'gyur/ /de nas brtul zhugs sbyin pa ni/ /'di de sangs rgyas thams cad de/ /he ru ka dpal phyag na bsnams/ /khyod kyis kyang bni rtag tu bcang/ /he ru ka dpal brtsul zhugs bstan/ /oM sarba ta thA ga ta sid d+hi badzra sa ma ya a d+hi pa tistwaM badzras ma ya a d+hi pa ti stI e Sha stwaM/ d+ha ra yA mi hUM ha ha ha ha hI:rdo rje'i brtul zhugs so/ /kha TwAM cang te pad snod sogs/ /dpa' bo chen pos blang bar bgyi/ /he ru ka yi phyag rgya 'di/ /phyi rol nang na yang dag gnas/ /spyod

  22. 66a

    pa'i brtul zhugs so/ /g.yon pa'i phyag gis chos gos mdza' / /brtul zhugs can gyis bzung ba dang/ /g.yas pas mi 'jigs sbyin par bya/ /slob ma lung ni bstan par bya/ /oM 'di ltar nga yis lung bstan te/ /rdo rje sems dpa' de bzhin gshegs/ /srid pa'i mdza' ni grub pa'i phyir/ /srid pa'i ngan 'gro kun nas bton/ /oM sh+rI he ru ka ke ti na ma(rgyud 'grel): sarba ta thA ga ta sid d+hi sa ma ya stwaM b+hur b+hu ba sba/ khyod ni 'khor lo gsum dbang phyug /sangs rgyas kun gyi rang bzhin nyid/ /he ru ka dpal zhes bya ba/ /de bzhin gshegs pas lung bstan to/ /deng nas brtsams te rdzogs sangs rgyas/ /rnal 'byor ma dang dpa' tshogs dang/ /shes rab thabs kyis snyems chen gyis/ /gar chen bde bas dga' ston gyis/ /gar ro/ /sgeg dang bcas pa'i phreng bar bya/ /sangs rgyas kun sogs rnal 'byor ma/ /des ni bral bar mi 'gyur te/ /phreng ba 'di ni rgyan yin no/ /phreng ba'o/ /lus can kun la dam chos kyi/ /khyod kyis glu ni blang bar bya/ /de nas rnal 'byor ma de dang/ /mchog tu bde ba myong bar 'gyur/ /glu'o/ khyod kyis rgyal la dri phul la/ /tshul khrims ting 'dzin shes rab dang/ /rnal 'byor ye shes mthong ba yi/ / byang chub lus can rnams la bsgos/ /dri'o/ rdzogs sangs rgyas la spos phul nas/ /brtul zhugs bzang pos legs tshim gyis/ /lus can bde gshegs cha lugs su/ /ye shes kyis ni tshim par 'gyur/ /spos soD chos kyi mar me legs spar na/ /pad+ma gar dbang rang nyid 'gyur/ /sems can ma rig ldongs rnams la/ /ye shes sgron mas snang bar gyis/ /mar me'o/ ji ltar mig mkhan rgyal po yis/ /'jig rten rab rib bsal ba ltar/ /bu khyod kyis

  23. 66b

    ni mi shes pa'i/ /rab rib rgyal ba rnams kyis bsal/ /oM badzra Nai tra a pa ha ra pa Ta laM h+rI(rgyud 'grel): thur ma'o/ /chos rnams gzugs brnyan lta bu ste/ /gsal zhing? dag la rnyog pa med/ /bzung du med cing brjod med pa/ /rgyu dang las las kun tu byung/ /ngo bo nyid med gnas med par/ /de ltar chos 'di shes gyis la/ /sems can don ni mnyam med gyis/ /'on kyang rnal 'byor ma sras skye/ /me long ngo/ /khyod ni the tshom dog med par/ /yid gnyis med pa'i sems kyis ni/ /chos kyi dung ni bla med pa/ /dri med kun tu dag par gyis/ /dung ngo/ /zhi dang rgyas dang dbang dang dgug /sngad bar bya dang gnas pa dang/ /bsad dang bskrad pa la sogs te/ /las de rnams ni grub par gyis/ /ral gri mig sman sa 'og dang/ /shing lham de bzhin ri lu ste/ /rnal 'byor ma yi dngos grub rnams/ /ci dga' bar ni sgrub par gyis/ /shes rab thabs dag rang bzhin gyis/ /yid bzhin nor bu ji bzhin du/ /skyo dug dogs pa ma byed par/ /da ni sems can don rnams kyis/ /byang chub snying po mthar thug bar/ /ji lta ji ltar 'dul 'gyur ba/ /chos kyi 'khor lo bla na med/ /kun nas rab tu bskor bar gyis/ /dgun zla 'bring po nas brtsams nas/ /yar ngo mar ngo'i? tshes bcu la/ /'bad pas dpa' bo chang sogs kyis/ /rdo rje lha mo rab tu mchod/ / gsang ba mchog gi dkyil 'khor du/ /mchog tu rab zhugs mthong bas na/ /de khyod sdig pa thams cad las/ /rnam grol bzang por 'gyur bar gnas/ /sangs rgyas kun gyis mnyam gsungs pa'i/ /rjes gnang mchog tu dbugs dbyung ba/ / dngos grub mtshan nyid sdom pa ni/ /'di dag rtag tu bsrung bar gyis/ /slob ma dang pa'i stobs kyis ni/ /bla ma'i zhabs la phyag 'tsal nas/ /gtso bos ji ltar bka' stsal pa/ /de ltar bgyi zhes smra bar bya/ /dbang bskur rjes gnang thob pa yis/ /

  24. 67a

    bya ba byas pas rab dgod cing/ /kun tu dga' bar byed pa yi/ /'jam pa'i tshig ni brjod par bya/ /deng dus bdag tshe 'bras bu yod/ /bdag gi gson pa 'bras bur bcas/ /di ring sangs rgyas rigs su skyes/ / sangs rgyas sras su nga gyur to/ /rtog pa'i mtshon chen rab 'jigs pa/ /nyon mongs 'dam ni brgal dka' zhing/ /mnar med la sogs skye ba 'khrungs/ /mgon po khyod kyis bdag bsgrol lo/ /bag chags thams cad spangs pa yi/ /byang chub dam pa bdag 'tshal ba/ /khyod zhabs lam gyi bka' drin gyis/ /rdzogs pa nyid du bdag gyur to/ /slob dpon dbang bskur yang ngag rdzogs/ /bum pa las ni byung ba'o/ /gnyis pa gsang ba mchog yin te/ / gsum ba shes rab ye shes yin/ /bzhi pa de ltar yang de bzhin/ /dbang bskur 'di dag yang dag ldan/ /de ni dam tshig can zhes bya/ /bla ma'i ngag la rtogs pa'i phyir/ /mchog dbang gsum po gsal ma byas/ /rdzogs so// //de nas gzhan yang rab gnas kyi/ /cho ga pha rol son pa bshad/ /sngar bshad mtshan nyid ldan pa yi/ /slob dpon du ni rab tu brtag /lugs ma mngon par 'dus byas pa'i/ /sku gzugs la sogs pa rnams ni/ /rab gnas don dus sbyang zhing/ /bla bre rgyal mtshan ba dan rnams/ /brgyan cing sa ni yongs su bzung/ /sku gzugs sam ni glegs bam mam/ /bris sku yongs su rdzogs pa rnams/ /mdun rol du ni gnas par bya/ /dkyil 'khor 'khor lo nam mkha' gnas/ /nyer spyod lnga yis yang dag mchod/ /sa ma yastwaM/ sa ma ya ho/ /lan gsum du ni brjod par bya/ /ji ltar rdzogs pa'i sangs rgyas kun/ /dga' ldan yang dag gzigs

  25. 67b

    nas ni/ /lha mo sgyu 'phrul lhums zhugs ltar/ /de bzhin 'dir ni gzhugs su gsol/ /che ge zhes bya'i don du ni/ /byang chub sems ni yongs spel phyir/ /me tog la sogs 'di bzhes te/ /mgon po 'dir ni brtag bzhugs mdzod/ /tshig 'dis de bzhin gshegs pa rnams/ /lhag par gnas pa byas nas ni/ /mkhas pa yis ni bstod byas na/ /yungs kar gyis ni bskor nas kyang/ /lan gsum du ni sbyang bar bya/ /'dag chal gyis ni khrus kyang bya/ /dri zhim ldan pa'i mar gyi byug /slar yang bum pa so so yi/ /sku gzugs rnams ni khrus kyang bya/ /phyi nas nam mkhar gnas pa yi/ /dkyil 'khor 'khor lo bcom ldan 'das/ /lugs ma la sogs rab zhugs bya/ /yul chos la sogs ji bzhin du// las bcu yis ni bya ba bya/ /spyan ni dbye ba byas nas su/ /rdo rje'i spyan du byin gyis brlab/ /ji ltar mig mkhan rgyal po yis/ /'jig rten ling thog bsal ba ltar/ /de bzhin rgyal ba rnams kyi spyan/ /sems can don du dbye bar bgyi/ /oM tsak+Shu tsak+Shu sa man+ta tsak+Shu pi sho d+ha ye swAhA/ /dngul gyi rna brus snyan phye la/ /rdo rje'i snyan du byin gyis brlab/ /'gro rnams chos kyis 'phongs pa la/ /rgyal bas chos kyi dung bus ltar/ /de bzhin sems can don gyi phyir/ /rgyal ba'i snyan ni dbye bar bya/ /oM di bya kar Na ye swAhA/ /gser gyi rmangs tshes shangs bye la/ /rdo rje'i shangs su byin gyis brlab/ /zag bcas phung po dri spangs pa'i/ /'gro ba sems can don gyi phyir/ /rnam par dag pa'i dri bskyed ltar/ /rgyal ba'i shangs ni dbye bar bya/ /oM pyi bya b+h+ra Na ye swAhA/ zhal thur gyis zhal phye la/ /rdo rje'i zhal du byin gyis brlab/ /chos kyi ro yi dga' ba yis/ /'gro ba thams cad tshim mdzad pa/ /ro mchog brgya ldan zhal zas rnams/ /dbul phyir rgyal

  26. 68a

    ba'i zhal dbye'o/ /oM di bya mu kha ye swAhA/ tshems shing gis tshems phyis la/ /rgyal ba'i tshems dkar bzhi bcu la/ /mi gtsang rdul gyi ma gos te/ /bskur sti rin chen ljon shing gis/ /rgyal ba'i tshems ni dbye bar bya/ /ngas? kyi sku byis la/ /rgyal bas nyes pa'i skyon spangs kyang/ /sems can nyes pa sbyang slad du/ /ras dkar gtsang ma'i pho lngi? yis/ /rgyal ba rnams ni sku phyi'o/ /oM kA ya bi sho d+ha ne swAhA/ /rab byung yin na gser gyi sbu gris dbu skra bzhar la/ /ji ltar rang byung mchod rten du/ /rgyal bas khyim pa'i rtags spangs ltar/ /'gro ba sems can don gyi phyir/ /khyim pa'i rtags rnams spang bar bya/ /'khor los bsgyur ba'i cha byad yin na/ /rgyal ba'i dbu skra lcang lo? la/ /dug gsum dri mas ma gos te/ /bkur sti dung gi so mangs kyis/ /rgyal ba'i dbu skra bshad par bya/ /byang chub sems dpa' 'khor ba na gnas pa rnams la/ /'khor ba'i yo byang rnams phul la/ /'gro ba sems can kun la phan pa'i phyir/ /rigs pa'i gnas lnga dag la brlab bya zhes/ /ji ltar thugs dam rgya cher bzhes ba ltar/ /mkho ba'i yo byad rnams ni dbul bar bya/ /oM bo d+hi satwa/ oM yu ka sa pa ri wA ra ye swAhA/ de nas rdzas kyi mchod pa 'am/ /'dod yon lnga yi mchod pa las/ /spyan la sogs pa'i skye mched la/ /ci rigs par ni mchod par bya/ /de nas mnga' che ba'i rdzas dbul te/ /rin chen bdun dang bkra shis brgyad/ /sman lnga la sogs mkho ba'i rdzas// rdo rings glegS thag la sogs dbul/ /rin chen mnga' dbul 'dir mi brjod/ /bkra shis brgyad kyis mnga' dbul pa/ /ji ltar sngon gyi sangs rgyas la/ /bkra shis dpal be'u g.yu drung 'khyil/ /dge ba'i don du mnga' ba ltar/ /

  27. 68b

    bdag gis dpal pe'u dbul bar bgyi/ /ji ltar sngon gyi sangs rgyas la/ /gser gyi 'khor lo mu khyud can/ /tshangs pa chen pos phul ba ltar/ /de bzhin bdag gis dbul bar bgyi/ /ji ltar sngon gyi ? sangs rgyas la/ /gdugs dkar gser gyi yu bcan/ /phul ba de bzhin bdag dbul gyis/ /ci bde bar ni bzhes su gsol/ /ji ltar sngon gyi sangs rgyas la/ /nyon mongs bdud las rgyal ba yi/ /chos kyis rgyal mtshan phul ba ltar/ /de bzhin bdag gis dbul bar bgyi/ /ci bde bar ni bzhes su gsol/ /re ba thams cad rdzogs mdzad pa'i/ /bum pa bzang po phul ba ltar/ /bdag gis de bzhin dbul bar bgyi/ /ci bde bar ni bzhes su gsol/ /ji ltar sngon gyi sangs rgyas la/ /'dam gyi skyon gyis ma gos ba'i/ /pad+ma dkar po phul bltar/ /de bzhin bdag gis dbul bar bgyi/ /ci bde bar ni bzhes su gsol/ /ji ltar sngon gyi sangs rgyas la/ /snyan pa phyogs bcur bsgrogs pa yi/ /bud dung g.yas 'khyil phul ba ltar/ /de bzhin bdag gis dbul bar bgyi/ /ci bde bar ni bzhes su gsol/ /ji ltar sngon gyi sangs rgyas la/ na bza' gser gyi ngang ris can/ /phul ba de bzhin bdag 'bul gyiS/ /ci bde bar ni bzhes su gsol// de las gzhan pa'i mnga' dbul ba ni/ /bde gshegs rnams la 'bru phul bas/ /zas kyi 'byor pas ldan pa dang/ /dge ba'i lo tog rgyas gyur cig /rin chen sna lnga phul ba yis/ /bdag dang 'gro ba thams cad kyi/ /dbul pa'i sdug bsngal zhi ba dang/ /longs spyod phun sum tshogs gyur cig /bde gshegs rnams la sman phul bas/ /nyon mongs brgyad khri bzhi stong gi /nad kyi sdug bsngal byung gyur nas/ /thugs rje'i sman gyis gdul gyur cig/

  28. 69a

    snying po rnam pa lnga phul bas/ /bdag dang 'gro ba thams cad kyis/ /ye shes rnam pa lnga rtogs te/ /yang dag snying po ldan gyur cig /de nas gur gum la sogs chus/ /dri sgo'i phyir na bkru bar bya/ / mchod rten glegs bam la sogs la/ /dbang po skye mched med pa'i phyir/ /spyan dbye la sogs bya mi dgos/ /sku phyi ba dang khrus bya ste/ /rdo rings them skas srog shing dang/ /'khor lo char kheb rgyal mtshan dang/ /gdugs la sogs pa'i yo byad rnams/ /mchod rten rnams la dbul bar bya/ /gsung gi rten du gnas gyur nas/ /glegs shing phul la/ chos dbyings nam mkha' lta bur dag pa la/ /sdom dang mi sdom mtshan ma nyid med kyang/ /nyi zla lta bu'i glegs shing 'di phul bas/ /dbyings dang ye shes gnyis med 'brel bar shog /glegs thag phul la/ chos dbyings 'gyur med rdo rje'i rang bzhin la/ /bcings dang ma bcings mtshan ma nyid med kyang/ /rin chen sna lnga'i glegs thag 'di phul bas/ /'gro ba'i don la rgya lag phyed par shog /na bza' phul la/ rin chen 'byung gnas dam chos bdud rtsi la/ /rin chen sna tshogs rin chen rgyan spras pa'i/ /rin chen rgyan pa'i na bza' 'di gsol bas/ /chu? la sogs pa'i bar chad med par shog /de ltar mda' dbul byas nas kyang/ /sbyin sregs las kyis rdzogs par bya/ /lha kun zhal ni me yin pas/ /mkhas pas rab tu gnas par bya/ /rab gnas yang dag rdzogs dus su/ /bstod dang bkra shis brjod bya zhing/ /bro dang gar sogs sil snyan sgra/ /ji ltar snyed pa rab tu brjod/ /lha mo rnams kyi dam tshig tshad ma dang/ /des bshad gsung gi tshad mar gyur pa ste/ /bden pa des na lha mo rnams kyis 'dir/ /rjes su bzung ba'i rgyur ni 'gyur

  29. 69b

    bar shog /tsA ru bza' bar ldan pa dang/ /cho gar yang dag ldan pa yis/ /rnal 'byor ma rnams legs 'dus so/ /tshogs kyi 'khor lo chen po bskor/ /'byung po rnams la gtor ma sbyin/ /ston mo dang ni yon dbul bas/ / skye bo tshim zhing rgyas par bya/ /lha yi 'jig rten skyong la sogs/ /gang tshe rtag tu gnas gyur pa/ /mchod dang mchod bya mnyam ldan par/ /de tshe da lta yang dag gzhug /nga yis rab tu gnas pa yis/ /gtsug lag khang la sogs pa yi/ /ji srid gnas pa de srid du/ /bsrungs shing khyed kyis legs par skyongs/ /brjod nas bzod pa gsol bya ste/ /gang yang dag blo gti mug pas/ /legs spyad 'di la nyes gyur gang/ /'di kun bya ba gang nyes pa/ /'di ni khyed la bzod par gsol/ /khyed kyis sems can don kun mdzad/ /rjes su 'thun pa'i dngos grub gsol/ /sangs rgyas yul du gshegs 'tshal te/ /slar yang byon par mdzad du gsol/ /brjod nas ye shes lha rnams gshegs/ /dam tshig bsdus nas shes rab thabs/ /chog gnyis kyis rab bsrungs te/ /slob dpon slob ma legs par gnas/ /dbang bskur rab gnas rdzogs nas su/ /ston mo dang ni yon yang dbul/ /skye bo chim zhing rgyas par bya/ /dmang rigs stong phrag gnyis dag kyang/ /bram ze gtsang ma gcig dang 'dra/ /bram ze stong phrag gnyis dang ni/ /dge slong gcig la rab tu sbyar/ /dge slong stong phrag gnyis dang ni/ /rdul med pa ni gcig dang sbyar/ /rdul med stong phrag gnyis dang ni/ /ye shes ldan pa gcig dang sbyar/ /ye shes ldan pa stong phrag gnyis/ /slob dpon gcig dang mnyam par bshad/ /de nas bla ma dag la yon/ /de bzhin gshegs pas gsungs pa dbul/ /gser ni brgya stong dbul ba dang/ /rin chen rnam pa sna tshogs dang/

  30. 70a

    ras ni bzung 'gyur brgya nyid dang/ /glang po rta dang yul 'khor dang/ /rna rgyan dang ni gdu bu dang/ /mgul rgyan sor gdub dam pa dang/ /gser las byas pa'i mchod phyir thogs/ /chung ma bzang dang bu mo nyid/ /bran pho bran mo srin mo rnams/ /ding? nas brtsams te bran du ni/ /de la bdag ni dbul lags zhes/ /blo ldan kun nas dang ba yi/ /bdag nyid kyang ni dbul bar bya/ /de nas de la mkha' 'gro ma/ /rnal 'byor ma rnams mnyes par 'gyur/ /tshon la sogs pa'i dngos po kun/ /nang bar tho rangs bsdu bar bya/ /bsdus nas gser gyi bum par ni/ /bcug nas chu bo chen por dor/ /bum pa thams cad bsdus nas ni/ /sngon bzhin du ni dga' ston bya/ /de nas bdud rtsi lnga sogs ni/ /sbyar bas sa ni byug par bya// //slob dpon chen po lU yi pa'i/ /mngon rtogs tshad mar rab gzung ba'i/ /lam de'i dkyil 'khor cho ga ni/ /lung pa dad pas rab tu blangs/ /dpal ldan 'khor lo sdom pa yi/ /dkyil 'khor cho ga mdor bsdus pa/ /byas pI dge ba gang thob pa/ /'gro kun rdo rje 'dzin gyur cig /dpal 'khor lo sdom pa'i dkyil 'khor gyi cho ga lag tu blang pa'i rim pa pra dz+nyA rak+Shi tas mdzad pa gsal ba rdzogs so// //rgya gar skad du/ sh+rI tsakra saMm+ba? ra She ka kri yA kra ma/ /bod skad du/ dpal 'khor lo sdom pa'i dbang gi bya ba'i rim pa/ dpal 'khor lo sdom pa la phyag 'tshal lo/ /dngos po thams cad gcig sdom pa/ /dpa' bo sdom pa la btud de/ /rgya che mchog tu gsal pa yi/ /dbang gi bya rim bshad par bya/ /de la ji lta ba bzhin du dbang bskur ba rjes su gnang zhing/ /rnal 'byor bzhi la mkhas pa/ rnal 'byor pa rig pa bzlas pa'i rang

Colophon

dpal 'khor lo sdom pa'i dkyil 'khor gyi cho ga lag tu blang ba'i rim pa pradz+nyA rak+Shi tas mdzad pa gsal pa rdzogs so/