dkyil 'khor gyi lha la bstod pa rin po che sgyu 'phrul sbyin pa zhes bya ba
Maṇḍaladebastotraratnamāyādānanāma
Text
ff. 260b–262b · 5 folio sides
- 260b
pa'i snying por bstan/ /bdag med dkyil 'khor dur khrod brgyad du gnas/ /byang chub rkyen du shing brgyad mngon du byung/ /'jig rten chos brgyad bsregs la phyag 'tshal lo/ /dpal 'khor lo sdom pa'i bstod pa/ rgyal po chen po in+t+ra b+hA tis mdzad pa rdzogs so// //*/ /rgya gar skad du/ maN+Da la de ba sto tra ratna mA yA dA na nA ma/ bod skad du/ dkyil 'khor gyi lha la bstod pa rin po che sgyu 'phrul sbyin pa zhes bya ba/ bcom ldan 'das dpal rdo rje mkha' 'gro ma la phyag 'tshal lo/ /thabs dang shes rab rang bzhin dkyil 'khor phyag 'tshal te/ /gus pas bstod la byin rlabs myur 'byung bdag gis brjod/ /hUM phyogs bcu'i sangs rgyas zhing kun bsdus pa'i dkyil 'khor na/ /bcom ldan dpal chen khro rgyal 'khor lo bde mchog ni/ /ye shes rnam par dag pa thams cad tshogs pa'i sku/ /'jigs byed 'jigs par byed pa mthing nag rin chen 'od/ /zhal bzhi sngo dang dmar dang ser dang ljang ba'i dbu/ /ral pa'i thor tshugs zla phyed sna tshogs rdo rjes mdzes/ /dmar 'jigs brtson gzigs rab bgrang sdang mig glog ltar 'gyu/ /gtum rngam mche ba gtsigs shing 'jigs pa'i nga ro sgrogs/ /rol pa chen po'i smin mtshams khro gnyer rlabs chen 'khrugs/ /ljags 'dril mchog las 'od 'phro hUM phaT 'brug sgra che/ /lang tsho gzhon pa gar dgu'i nyams ldan 'gying bag can/ /sum cu rtsa gnyis mtshan dang dpe byad brgyad cus brgyan/ /rten 'brel bcu gnyis 'gags pa'i phyag bsnams rab tu snang/ /dang po gnyis kyi rdo rje dril bu yum mchog 'dzin/ / thabs dang shes rab zhal sbyar bde chen mi rtog bzhugs/ /mdza' gnyis glang chen ko rlon mi lpags na bza' rgyangs/ /g.yon pa'i gnyis pa kha TwAM gsum pas thod khrag bkang/ /bzhi pa rdo rje zhags pa lnga pa tshangs mgo bsnams/ /g.yas
- 261a
pa'i gnyis pas cang te'u gsum pas mdung rtse gsum/ /bzhi pas rdo rje dgra sta lnga pa gri gug bsnams/ /rab tu brjid pa'i mgon po stag lpags sham thabs can/ /spyi btsug 'khor lo nor bu snyan cha gdub kor dang/ mgur chu phyas rgya sku regs thal pas rab tu brgyan /lha yi gdugs dkar mdzes pa steng na 'dzin pa'i dpal/ /brgya phyed khrag 'dzag mi mgo'i phreng ba'i do shal can/ /'jigs byed dus mtshan ma rungs skrag cing gtsigs pa'i zhal/ /nyin mo'i dbang phyug gdan la zhabs gnyis brkyang bskum bzhugs/ /sna tshogs thabs kyis 'gro ba ma lus bde la sgyur/ /khro bo'i rgyal po thams cad gus pas khyed la 'dud/ /tshangs pa khyab 'jug dbang po lha chen tshogs bdag sogs/ /'gro ba'i gtso bo thams cad 'jigs dang gus mchod pa'i/ /rgyal chen he ru ka dpal khyed la phyag 'tshal bstod// //hUM dbus phyogs rnam dag rdo rje'i zhing gi dkyil 'khor na/ /bcom ldan 'das ma mkha' 'gro tshogs kyi gtso bo ni/ /chos kyi dbyings kyi ye shes yem par dag pa'i sku/ /byi ru'i 'od 'bar rdo rje phag mo bde gshegs thams cad bskyed pa'i yum/ /'dod pa'i dbang phyug skal ldan mkha' 'gro kun gyi rje/ /rdo rje dbyings kyi khro rgyal phyag rgya chen po'i sku/ /he ru ka dpal yang dag sbyor ba btsun mo'i rgyal/ /zhal gcig phyag gnyis spyan gsum dmar ser me stag 'phro/ /khro 'dzum zhal gyi mche ba gcigs shing rol pa mo/ /dbu skra legs grol skra sor sab? pa'i lha mo che/ /thod pa skam pos dbu brgyan 'gro ba'i zhe sdang 'joms/ phyag g.yas rdo rje gri gug sdigs mdzub gdug pa 'dul/ /g.yon pa thod pa sdang ba'i khrag gis bkang ba bsnams/ /dbu yi nor bu snyan cha gdub kor mgur chu dang/ /phyag gdub sku rags phyag rgya lnga
- 261b
yi sa rab tu brgyan/ /yi dags phra mo me shel nor bu'i gdan steng na/ /gcer mo rig pa'i rgyal mo zhabs gnyis brkyang bskum bzhugs/ /rdo rje lha mo khro mo'i gzugs can drag snyems ma/ /'byung po'i 'jigs pa ma lus rdo rje chen pos 'joms/ /'jig rten gsum phyogs gzhan gyis bsngo bas mi tshugs shing/ /bdud kyi 'jigs pa ma lus skem zhing pham mdzad ma/ /rdo rje gdan bzhugs tshangs sogs dbang byed las rgyal zhing/ /dngos grub kun 'byung rje btsun ma khyod phyag 'tshal bstod/ /shar phyogs rnam dag sangs rgyas zhing gi dkyil 'khor na/ /bcom ldan 'das ma sangs rgyas rigs kyi gtso mo ni/ /me long lta bu'i ye shes rnam par dag pa'i sku/ /rin chen baiDUrya yi 'od 'bar mkha' 'gro ma/ zhal gcig phyag bzhi spyan gsum sgra grol mche bzhi gtsigs/ /thod pa kha TwAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho rol pa sgeg pa'i sku/ /gced mo g.yon brkyang sreg song zla ba'i shar na la bzhugs/ /chos dbyings las bzhengs 'khor ba grol ba'i khra mo'i rgyal/ /ma mo nam mkha' khyab 'gro 'gro ba'i gti mug 'joms/ /sgyu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul dru rlog /lam log 'gro ba bde la thabs kyis sbyor mdzad cing/ /dngos grub kun ster lha mo khyod la phyag 'tshal bstod/ /byang phyogs rnam dag las mchog zhing gi dkyil 'khor nas/ /bcom ldan 'das ma las kyi rigs kyi gtse mo ni/ /bya ba grub pa'i ye shes rnam par dag pa'i sku/ /rin chen mar ka ta'i 'od 'bar lA ma ni/ /zhal gcig phyag bzhi spyan gsum skra grol mche bzhi gtsigs/ /thod pa
- 262a
kha TwAM gri gug cang te'u phyag na bsnams/ /'khor lo snyan cha mgu chu phyag gdub mchod phyir thogs/ /phyag rgya lngas brgyan lang tsho bzhon pa sgeg pa'i sku/ /gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal/ /ma mo nam mkha' khyab 'gro 'gro ba'i phrag dog 'joms/ /sgyu 'phrul sna tshogs sems can don la khyab par 'jug /ye shes chen po rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing/ /dngos grub kun ster lha mo khyod la phyag 'tshal lo// //nub phyogs rnam dag pad+ma zhing gi dkyil 'khor na/ /bcom ldan 'das ma pad+ma rigs kyi gtso mo ni/ /so sor rtog pa'i ye shes rnam par dag pa'i sku/ /rin chen pad+ma rA ga 'od 'bar dum skyes ma/ /zhal gcig phyag bzhi spyan gsum skra grol mche bzhi gtsigs/ /thod pa kha TwAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku/ /gcer mo g.yon brgyad srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal/ /ma mo nam mkha' khyab 'gro 'gro ba'i 'dod chags 'joms/ /rdzu 'phrul sna tshogs sems can don la khyab par 'jug /ye shes chen mo rnal 'byor skal ldan 'bar ba mo/ /bdud dang mu stegs mi mthun phyogs rnams rdul du rlog /lam log 'gro ba de la thabs kyis sbyor mdzad cing/ /dngos grub kun ster lha mo khyod la phyag 'tshal bstod/ /lho phyogs rnam dag rin chen zhing gi dkyil 'khor na/ /bcom ldan 'das ma rin chen rigs kyi gtso mo ni/ /mnyam pa nyid kyi ye shes rnam par dag pa'i sku//
- 262b
rin chen gtso mo gser 'od 'bar ba gzugs can ma/ /zhal gcig phyag bzhi spyan gsum skra grol mche bzhi gtsigs/ /thod pa kha TwAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku/ /gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal/ /ma me nam mkha' khyab 'gro 'gro ba'i nga rgyal 'joms/ /rdzu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing/ /dngos grub kun ster lha mo khyod la phyag 'tshal bstod/ /de ltar bdag gis rab dad pas/ /dngos grub chen po 'byung ba'i rgyu/ /dkyil 'khor lha la gus bstod pas/ /dung dang kun da ltar dkar ba'i/ /dge des 'gro kun rdo rje 'dzin thob shog/ //dkyil 'khor gyi lha la bstod pa rin po che sgyu 'phrul sbyin pa zhes bya ba/ slob dpon rdo rje dril bu pas mdzad pa rdzogs so// //mahA paN+Di ta su ma ti kIrti dang/ bod kyi lots+tsha ba mar pa chos kyi dbang phyug gis bsgyur cing zhus te gtan la phab pa'o// (//dpal rdo rje mkha' 'gro'i bstod pa bzhugs so// //) rgya gar skad du/ sh+rI badzra DA ka sya sta pa daN+Da ka nA ma/ bod skad du/ dpal rdo rje mkha' 'gro'i bstod pa rgyun chags zhes bya ba/ dpal 'khor lo sdom pa la phyag 'tshal lo/ /utpal mdog sngon char sprin phreng ba dri med nam mkha' sngon po'i sku mdog rlung chen me chu sa yi dkyil 'khor steng du gnas pa'i gser gyi ri bo'i steng na pad+ma rgyas pa'i gdan gnas dbang phyug mnan cing dkar mo'i nu ma gnyis po mnyam brdzis zil gyis dbang po nye dbang nyi ma zla ba la sogs lha rnams gdangs? mdzad lha min du ma skrag
Colophon
dkyil 'khor gyi lha la bstod pa rin po che'i sgyu 'phrul sbyin pa zhes bya ba/_/slob dpon rdo rje dril bu pas mdzad pa rdzogs so/_/ma hA paN+De ta su ma ti kIrti dang /_bod kyi lo tsA ba mar pa chos kyi dbang phyug gis bsgyur cing zhus te gtan la phab pa'o