F370MW1KG13607_0370mdo sdeAll versions of this work

gaN+De'i mdo

Gaṇḍesūtra

Text

ff. 150a–153b · 8 folio sides

  1. 150a

    // mchog ste// bzang po dga' ba zhes kyang bya// de nas rdzogs pa'i sangs rgyas na// bzang po dga' ba zhes kyang bya// de na rdzogs pa'i sangs rgyas na// bzang tog rgyal mtshan drang srong ste// rgyal mchog chos kyi rgyal po yin// mtshan mchog sum cu rtsa gnyis ldan// de'i mtshan kyang thos nas ni// sangs rgyas chos rnams mi 'bri zhing // bskal pa dag ni lngar bcur yang // 'khor ba dag ni rnam par spang // 'jig rten du yang myur bar ni// grangs chen lha'i lhar 'gyur ro// steng gi phyogs na 'jig rten gyi khams rin chen rigs shes bya ba na/ de bzhin gshegs pa rin po che thams cad kyis brgyan pa'i gzugs 'dzin pa zhes bya ba bzhugs so// ci'i phyir 'jig rten gyis khams de rin po che'i rigs shes bya ba zhe na/ 'od srung sangs rgyas kyi zhing de'i sems can rnams/ bla na med pa yang dag par rdzogs pa'i byang chub tu yang dag par rab tu bzhugs te/ sangs rgyas kyi zhing de nas se go la gtogs pa tsam gyis/ byang chub sems dpa' bye ba khrag khrig brgya stong mang po// phyogs bcu'i 'jig rten gyi khams gang ga'i klung gi bye ma snyed kyi sems can rnams byang chub tu yongs su smin par byed/ sangs rgyas bcom ldan 'das la mchod pa byed cing / phyir yang

  2. 150b

    'jig rten gyi khams der 'ong ngo // de skad ces bka' stsal pa dang / bcom ldan 'das la 'od srung chen thos 'di skad ces gsol to// bcom ldan 'das byang chub sems dpa' sems dpa' chen po de'i ming ji skad bgyi bdag mchis/ bcom ldan 'das kyis bka' stsal pa/ 'di sta ste/ seng ge'i rnam par rol pa dang // seng ge rnam par bsgyings pa dang // seng ge'i rtog dang // seng ge rnam par sprul pa dang / shin tu rten pa'i mthu rtul dang / rdo rje'i blo gros mtshon cha dang // 'od srung de lta bu la sogs pa// rtag tu brtson 'grus pa'i byang chub sems dpa' dag gi mi// gang su dag gis thos par gyur pa de dag thams cad de bzhin gshegs pa rin po che thams cad kyis brgyan pa'i gzugs 'dzin pa de'i sangs rgyas kyi chos ma 'dres pa bco brgyad rnams thob par 'gyur ro// rin po che'i rigs kyang rjes su thob par 'gyur ro// phyir mi ldog pa'i chos kyi 'khor lo yang rnyed par 'gyur ro// skal pa brgya 'chang bar 'khor ba la rgyab kyis phyogs pa byas par 'gyur ro// de nas bcom ldan 'das kyis de'i tshe tshigs su bcad pa 'di dag gsungs so// 'jig rten khams ni rin chen rigs// rin chen kun bgyis brgyan pa ste// de na sangs rgyas bzhugs pa ni// dpa' bo dag gis yongs su bskor// 'jig rten

  3. 151a

    sgron ma de mtshan ni// rin chen kun gyis 'phags pa ste// rab tu brgyan pa'i gzugs 'dzin pa// chos tog rgyal mtshan drang srong ste// byang chub sems dpas yongs su bskor cing // 'dren pa chos rnams ston pa mdzad// 'jig rten du ni ma bskor ba// phyir mi ldog pa'i 'khor lo bskor// de'i mtshan kyang thos nas ni// bskal pa bas rgyar yang mi 'khor zhing // phyir mi ldog pa'i 'khor lo yang // bla na med pa thob par 'gyur ro// gang dag gis na ni mtshan brjod pa// chos kyi rgyal po de dag dang // rang byung dag ni bzhugs pa dang // 'jig rten ngag gi khams kyang rung // ming dang rigs ni rnam par dag/ spyod pa dag kyang rnams dag pa// chos kyi spyan rnam par bdag/ chos rnams kun kyang rnam sbyangs pa// shes rab ldan pa'i spyod yul gyi// bla na med pa'i ye shes la// skye bo mang po gang dag ni// shin tu 'dod pa sha ri'i bu// gang dag phyi mi'i dus 'byung ba// shin tu 'jig par gyur pa'i tshe// chos 'di rab tu nyan 'gyur zhing // thos nas dad par byed pa la// the tsom med par de dag gis/ sha ri'i sa ngal bsnyen bkur byas// ji ltar rin chen rin thang mengad // dbul pos mthong na zhum gyur te// gang gis chen sbed 'gyur ba// da lta'i nor na

  4. 151b

    ga las 'ong // de bzhin bla med sangs rgyas kyang // bsod nams chu ngus thos nas ni// mig la gnod byed blo can rnams// de dag dad par ga la 'gyur// nor dang mdzod rnams mang po dag/ nor bu rin chen thos nas ni// shin tu brgyan par bya'o zhes// de dag yang dag yang dang yang // de bzhin shes rab chen po yang // sangs rgyas kyi ni mtshan thos nas// ji ltar byang chub reg 'gyur zhes// de dag yongs su tshol bar byed// dman pa'i las dang ldan pa dang sdig pa 'dod dang g.yo 'chan dang // shes rab bsod nams med pa la// 'di ltar bu'i thos pa med// 'dod chags kyis ni chags gyur dang // gti mug gis ni rmongs pa'am// chags pas gzil gyis non pa la// 'di lta bu'i thos pa med// nga rgyal can dang khengs pa dang // le lo can dang blo cung dang // mu stegs gzhan la brtson pa la// 'di lta bu'i thos pa med// khye bye ba stong gi lha rnams ni// kye ma sangs rgyas kye ma chos// kye ma dge 'dun bla na med// de zhes de che sgra yang sgrogs// me tog gi yang char 'bebs shing // stong gsum 'dir ni rab tu gtong // sil snyen bye ba dkrol bar byed// spos kyis sa la tshig chag btab// zhing 'di snang bar byas nas ni// rnam pa drug tu g.yo bar byas// me tog bsugs pa dag pa

  5. 152a

    yi// mdo sde 'di ni rab bshad pa// de na 'khor su gang dag ni// sangs rgyas mtshams gnas ma gtogs bar// gang gzhan thos pa thams cad ni// sangs rgyas bla na med par 'gyur// phyogs bcu dag ni thams cad du// gang ga'i bye rnyed zhing nas ni// byang chub sems dpas lhags nas su// mnyan nas phyir yang so sor dong // mdo sde 'di na bshad pa'i tshe// dge slong bye ba mang chad pa// de dag thams cad dgra bcom gyur// de dag gis ni 'dren pa mthong // dge slong dag ni brgya stong dang // dge slong ma yang de bzhin te// stong phrag drug bcur tshang ba yis// de tshe chos la bzod pa thob// mi skye ba'i chos rnams la// bzod pa bla na med thob nas// de dag sangs rgyas rnams lta zhing // srog chags rnams la chos kyang 'chang // dge slong ma ni lnga brgya dang // dge bsnyen ma ni bzhi bcu dag/ rang rang gis ni gos rnams kyis// de bzhin gshegs kyi sku la gsol// bcom ldan 'das kyis de skad bka' stsal nas// tshe dang ldan pa sha ri'i bu yid rangs so// byang chub sems dpa' sems dpa' chen bo// dge dang / dge slong de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis

  6. 152b

    kyis bshad pa la mngon par bstod do// / 'phags pa me tog gi tshogs shes bya ba theg pa chen po'i mdo rdzogs s+ho// rgya gar gyi mkhan po gnyan si di dang / zhu chen gyi lo tsha ba ban de dar ma ta shi la la sogs pas zhus pa ste tan la phab pa'o// 'khar sil bcang ba'i kun tu spyod pa'i cho ga/ 'khar sil yang dag par len par 'dod pas/ btsun pa gcig gi mdun du bus mo sa la btsugs te/ 'di skad du btsun pa dgongs su gsol// bdag ming 'di zhes bgyi ba deng btsun pa las 'khar sil bcang ba'i slob dpon du gsol lo// zhes lan gsum du brlas par bya'o// // dgongs shig tshe dang ldan pa khyod bla na med pa'i byang chub tu sems bskyed nas/ 'khar sil yang dag par blangs te/ chos bzhin du spod par byed dam/ lag pa yongs su mi btsangs pas/ de yongs su bzung bar mi bya/ dge 'dun gyi gnas su 'jug pa'i tshe mgo dang ma rtse dbyung por bya'o// sa la bzhag par mi bya'o// gal te khyim pa'i khyim du 'jug na/ ma rtsa rmyab logs su bstan par bya/ gal te snga gro khyim du bsod na snyoms la 'gro dgos pa'i rkyen tshogs byung ba na/ 'khar sil len gsum gyi bar

  7. 153a

    / du dkrol bar bya'o// lan gsum dkrol te ma 'ongs na/ lan lnga'i bar du dkrol bar bya'o// lan lnga dkrol te ma 'ongs na/ lan bdun gyi bar du dkrol bar bya'o// lan bdun du dkrol te ma 'ongs na/ khyim gzhan bdun gyi bar du 'gro bar bya'o// khyim bdun gyi bar du phyin te ma mchog par gyur na yang der zas kyis bya ba bya'o// zhes lan gnyis lan gsum gyi bar du zla bar bya'o// 'khar sil bcang ba'i cho ga ni nyi shu rtsa lnga yod de/ sa la sbrul yod pa'i phyir brtsang bar bya ba dang / rgas pa'i phyir bcang bar bya ba dang / bsod snyoms spyod pa'i phyir bcang bar bya ba dang / 'byung zhing 'jug pa sku gzugs mthong ba tshe/ sgra dbyungs par mi bya ba dang / 'khar sil thos nas dge 'dun gyi nang du 'jug par mi bya ba dang / dro yol phan chad khar sil thogs nas 'gro bar mi bya ba dang / phrag pa gnyis la bskal te mgo gnyis 'phyang bar mi bya ba dang / phrag bas bkur bar mi bya ba dang / lag pa bkyog bor mi bya ba dang / 'khar sil thogs nas bshang lci sar 'gro bar mi bya ba dang / mkhan po dang slob dpon dang / 'khar sil thogs te 'gro ba'i phyi bzhin du 'gro bar mi bya ba dang / gang zag bzhi yan chad 'khar sil thogs te 'gro bar mi bya ba dang / yon

  8. 153b

    tan bdag gi khyim du phyin na 'khar sil lus dang / bral bar mi bya ba dang / yon bdag gi sgor phyin na lan gsum gyi bar du dkrol bar bya'o// gal te ma 'ongs na lan lnga'i bar du dkrol bar bya'o// lan lnga dkrol te ma 'ongs na/ lan bdun gyi bar du dkrol bar bya'o// lan bdun dkrol te ma 'ongs na/ khyim gzhan du 'gro bar bya ba bdag phyir byung na/ 'khar sil lag pa g.yas pa la bsnyes te gzhag par bya ba dang / gnas khang ni gzhag pa'i ches la reg par mi dang / rtag par nyal khri'i drung du nye bar gzhag par bya ba dang / skabs skabs su phyi bdar bya ba dang / 'khar sil gyi mgo g.ya' med par bya ba dang / bsod snyoms la 'gro ba'i tshe dge tshul khyim pa la bral bar mi bya ba dang / nad pa'i sar mtshan mo gnas na/ 'khar sil bkur bar bya ba dang / lam ring por 'gro ba sgyel du 'gro na/ 'khar sil bkur bar bya ba dang / lam ring po nas 'gron du gnyer ba yod de/ der 'gro zhing 'dug dgos par gyur na/ 'khar sil bkur bar bya ba dang / ga shad du dgos par gyur na/ 'khar sil bkur bar bya ba dang / bdag gi drung du bskye par bya ba yin/ gzhal la reg cings la ri mo bri bar mi bya'o// 'khar sol gyi mdo dang / cho ga 'di zhu chen gyi lo tsha ba ban de chos grub kyis

Colophon

gaN+De yi mdo rdzogs s+ho// //rgya gar gyi mkhan po dar ma shri bad kra dang/ lo tsha ba dge slong tshul khrims yon tan gyis bsgyur/ zhu chen gyi lo tsa ba dge slong rin chen bzang pos bcos ta gtan la phab pa'o