F252MW1KG13607_0252mdo sdeAll versions of this work

'phags pa chos thams cad 'byung ba med par bstan pa zhes bya ba theg pa chen po'i mdo

Ār9yasarbadharmapapridtinirdeśanamamahāyanasūtra

Text

ff. 439b–480a · 82 folio sides

  1. 439b

    rang bzhin dang // bzung dang 'dzin pa nam yang ma mchis shing // sems can rnams kyang rtag par ma mchis shing // de la chos spyod ji ltar ma mchis 'gyur// de la tshul khrims/ bzod pa ma mchis shing // tshul khrims 'chal pa'ang de la ma mchis shing // bsam gtan shes rab de la ma mchis shing // rtog dang ma gtogs ma mchis ji ltar lags// chos rnams dri med dag pa ji ltar lags// nam mkha' 'dra zhing ci yang ma lags la// nam yang sems kyi rang bzhin mi dmigs shing // chos rnams sems med ji ltar legs par 'gyur// yongs su shes bgyi ji ltar ma mchis shing // sgom dang mngon bgyi mchis pa ma lags la// gang du'ang de la spang ba ma mchis pas// sems can ji ltar nam mkha'i dbyings 'dra lags// gang la chos nyid cig gi tshul gyur pa// de la rang bzhin nam yang ma mchis la// skye ba nam yang de la ma mchis pa'i// chos kyi/ tshul ni mgon pos bshad du gsol// de la slob dang dgra bcom ma mchis te// rang rgyal ji ltar mchis pa ma lags shing // byang chub tshol ba'i chos kyang ma mchis laka song dang 'ongs pa ma mchis ji ltar lags// gang la gnas dang brtan pa ma mchis shing // 'ong dang 'gro ba dag kyang ma mchis la// chos rnams 'gro dang 'ong dang bral bas na// rang bzhin mi g.yo brtan nas ji ltar lags// de la ji ltar 'du shes gzugs ma mchis// gzugs kyi rang bzhin ji ltar byang chub lags// gzugs dang byang chub ji ltar gnyis

  2. 440a

    ma mchis// dri med mchog mnga' rgyal bas de dag gsungs// sangs rgyas gang la ma mchis chos de dag/ dge 'dun gang la ma mchis de skad du// sangs rgyas chos dang dge 'dun mchog gi rnams// de dag cig gi tshul du ji ltar 'gyur// gang la stong dang mtshan nyid ma mchis shing // 'du dang bral ba de la ma mchis la// chos rnams ming dang ming med bral ba med// sgra brjod brag cha 'dra ba ji ltar lags// skye dang skye med gang la ma mchis shing // gang la skyon bral mya ngan 'das pa dang // 'khor ba dag kyang de la ma mchis pas// chos rnams thams cad tshul ni ji ltar 'gyur// lha dang klu dag de la ma mchis shing // gnod sbyin mi'am ci dang 'dre dag dang // sems can dmyal ba de la ma mchis shing // ji ltar de la sems can lam ma mchis// mgon pos chos rnams gang gsungs tshul dag dang // sdig pa'i blo can mu stegs gang smra ba// de dag gnyis su mchis ji ltar lags// yi ge kun la gcig tu 'jug par 'gyur// de nas bcom ldan 'das kyis byang chub sems dpa' sems dpa' chen po seng ge'i sbrul gyis 'gro ba la legs so zhes bya ba gnang ste/ rigs kyi bu legs so legs so// khyod kyis ji tsam du 'jig rten thams cad kyis yid ches par dka' ba'i dri ba dris pa ngo mtshar che'o// rigs kyi bu mchog mod/ khyod kyi 'di dris pas ci zhig bya/ 'di ni byang chub sems dpa' las dang po pa stong pa nyid kyi lta ba can/ mtshan ma med pa'i lta ba can/ smon pa med pa'i lta ba can/ skye ba med med pa'i lta ba can/

  3. 440b

    dngos po med pa'i lta ba can/ mtshan nyid med pa'i lta ba can/ sangs rgyas kyi lta ba can/ byang chub kyi lta ba can dag gis gnas pa ma yin no// rigs kyi bu chos bstan pa 'di/ ni byang chub sems dpa' las dang po pa'i mdun du mi brjod do// de ci'i phyir zhe na/ 'di ni de dge ba'i rtsa ba thams cad kyi thams cad du rgyun chad du 'ong ngo // sangs rgyas kyi byang chub las kyang nyams par 'gyur srid do// rtag pa 'am 'chad par lhung du 'ong ngo // de bzhin gshegs pas kyang ji las dgongs te chos bstan mi shes srid do// de skad ces bka' stsal pa dang / byang chub sems dpa' sems dpa' chen po seng ge'i stsal gyis 'gro bas/ bcom ldan 'das la 'di skad ces gsol to// bcom ldan 'a bshad pa 'di 'byung ba'i dus na/ byang chub sems dpa' stong pa nyid kyi lta ba can/ mtshan ma ma mchis pa'i lta ba can/ smon pa ma mchis pa'i lta ba can/ skye ba ma mchis pa'i lta ba can/ mtshan nyid ma mchis pa'i lta ba can/ sangs rgyas kyi lta ba can/ byang chub kyi lta ba can dag 'byung bar 'gyur ba dang / gang yang stong pa nyid dang / mtshan ma ma mchis pa la rtog pa dang / smra ba la dga' ba dang / smra ba'i tshig la chags pa dang / yi ges dag par 'dzin pa dang / tshig gi las la gzhol ba dang / legs pa brjod pa gces par 'dzin pa dang / ming gces par 'dzin pa gang 'byung bar 'gyur ba de dag gis de bzhin gshegs pas chos bstan pa yi ge ma mchis shing tshig dang bral ba 'di thos/

  4. 441a

    na lta ba de dag spong zhing ji ltar mos pa'i sems can rnams la de ltar mos pa'i chos ston par 'gyur ro// de dag thabs mkhas pa la bslabs pas 'dod pa chung ba'i tshig gi rgyud kyang brjod la/ des dag par yang mi sems tshig 'chal pa'i tshig gi rgyud brjod la des dag par yang mi sems sdom pa'i tshig gi rgyud kyang brjod la/ des dag par yang mi sems 'du 'dzi'i mi bsngags pa yang brjod la/ chos thams cad rab tu dben par yang mos par 'gyur ro// gcig pur dga' ba dang / 'du 'dzim mchis pa'i bsngags pa yang brjod la/ des dag par yang mi sems/ byang chub kyi sems kyi bsngags pa yang brjod la/ sems kyi rang bzhin yang byang chub tu 'tshang rgya bar 'gyur/ shin tu rgyas pa'i mdo rnams kyi bsngags pa yang brjod la/ chos thams cad shin tu rgyas par yang 'chad par 'gyur/ byang chub sems dpa'i tshig gi rgyud kyang brjod la/ nyan thos dang rang rgyal ba dang / sangs rgyas rnams tha dad par mi lta sbyin pa'i bsngags pa yang brjod la/ sbyin pa'i mnyam nyid kyang de dag gis rtogs par byed par 'gyur/ tshul khrims kyis bsngags pa yang brjod la/ rang bzhin gyi tshul khrims kyang de dag gis rdzogs par 'gyur/ bzod pa'i bsngags pa yang brjod la/ chos thams cad kyi zad pa'i chos dang / mi skye ba'i chos nyid kyang de dag gis shin tu mthong bar 'gyur/ brtson 'grus kyi bsngags pa yang brjod la/ chos thams cad brtsal ba ma mchis pa dang / brtsom pa ma mchis pa yang rab tu gtogs

  5. 441b

    bar 'gyur/ bsam gtan dang snyoms par 'jug pa rnams bsgo bye ba khrag khrig brgya stong gis mngon par bsgrub pa yang ston la/ chos thams cad rang bzhin gyis mnyam par gzhag pa yang 'tshal bar 'gyur/ shes rab kyi bsngags pa stong yang brjod la/ shes rab dang shes rab 'tshal pa'i rang bzhin de dag gis shin tu rig par 'gyur/ 'dod chags kyi skyon yang ston la/ chos gang yang 'dod chags par mi mthong / zhe sdang gi skyon yang ston la/ chos gang yang zhe sdang bar mi mthong / gti mug gi skyon yang ston la/ chos thams cad gti mug gi sgrib pa dang bral bar yang mos par 'gyur/ sems can rnams la sems can dmyal ba dang / dud 'gro'i skye gnas dang / gshin rje'i 'jig rten du mchi ba'i 'jigs pa yang ston la/ sems can dmyal ba dang / dud 'gro'i skye gnas dang / gshin rje'i 'jig rten kyang mi dmigs te de dag sems can ji ltar mos pa dag la de ltar mos pa'i chos ston cing / gang 'di stong pa nyid la mos par tshul cig pa la mos par 'gyur/ de bzhin du mtshan ma ma mchis pa la mos pa dang / smon pa ma mchis pa la mos pa dang / skye ba ma mchis pa la mos pa dang / dngos po ma mchis pa la mos pa dang / mtshan nyid ma mchis pa la mos par tshul cig par mos par 'gyur na/ bcom ldan 'das de'i srad du thabs mkhas pa'i tshig gang nyan thos dang / rang sangs rgyas rnams dang / theg pa la gsar du zhugs pa'i byang chub sems dpa' sems dpa' chen po

  6. 442a

    rnams kyi sa ma lags shing / gzhan du na zab mo la mos pa dang tshul cig pa la mos pa'i yul du 'gyur ba'i thabs mkhas pa'i tshig de dag bshad du gsol de skad ces gsol pa dang / bcom ldan 'das kyis byang chub sems dpa' sems dpa' chen po seng ge'i stsal gyis 'gro ba la 'di skad ces bka' stsal to// rigs kyi bu de bas na legs par shin tu nyon la yid la zung shig dang / don 'di ngas khyod la bshad do// bcom ldan 'das de ltar bgyi'o zhes byang chub sems dpa' sems dpa' chen po seng ge'i rtsal gyis 'gro bas bcom ldan 'das kyi ltar nyan pa dang / bcom ldan 'das kyis de'i tshe tshigs su bcad pa 'di dag bka' stsal to// 'dod chags zhe sdang 'khrug pa med tshul du// gang zhig byang chub mchog tu 'tshang rgya bar// 'dod pas chos kun 'dod chags rang bzhin zhes// / de ltar shes na de ni rgyal bar 'gyur// 'dod chags mi dmigs de bzhin zhe sdang dang // gti mug 'di la nam yang mi dmigs te// chos rnams kun kyang nam mkha' 'dra ba zhes// de ltar gang shes de ni rgyas par 'gyur// lha dang lha med gnyis ka tshul cig ste// mnyam dang mi mnyam de bzhin mnyam pa nyid// sangs rgyas med cing chos dang dge 'dun med// de ltar sus shes de ni mkhas pa yin// skyes bu la la ji ltar rmi lam na// byang chub sangs rgyas 'gro ba 'dul rmis na// de/

  7. 442b

    la byang chub yod min sems can med// de 'dra'i dngos nyid chos nyid thams cad do// byang chub phyir zhugs gang yang ma brnyes te// gang zhig ma rnyed na yang de mi rnyed// rig dang ma rig gnyis ka tshul cig ste// de ltar shes pa de ni rgyal bar 'gyur// sems can rang bzhin byang chub nyid du gsungs// byang chub rang bzhin sems can thams cad de// sems can rnams dang byang chub gnyis ma yin// de ltar shes na skyes bu'i mchog tu 'gyur// ji ltar skyes bu sgyu ma bslabs pa yis// sgyu ma rnam mang gzugs dag sprul byas na// snang ba yin yang de la gang yang med// rnam par rmongs pa'i sems can rnam par 'grang // 'dod chags zhe sdang rtag pa mnyam pa ste// gti mug sgyu ma gnyis kyang rtag par mnyam// byis pa bdag cag zhe sdang rmongs shes sems// gti mug de dag ngan 'gror 'dor bar 'gyur// gang la 'dod chags zhe sdang gnyis med cing // gti mug gang la nam yang med pas na// chos nyid sgyu 'dra rnam par rtag byas shing // byis pa rnams ni nyon mongs med kyang gdungs// gang la nyon mongs sems can med pa dang // sangs rgyas nam yang yod pa ma yin pa// ma skyes chos shes rnam par brtag byas shing // bdag cag sangs rgyas 'gyur zhes byis pa smra// sangs rgyas yod min sangs rgyas chos med de// nam pang sems can med par sus mthong zhing // nam mkha' 'dra bar chos nyid sus

  8. 443a

    shes pa// de ni myur du skyes bu gtso bor 'gyur// byang chub su 'dod de la byang chub med// sa dang gnam ltar byang chub mchog las ring / sgyu 'dra chos nyid gang gis shes gyur pa// de ni myur du sangs rgyas thob par 'gyur// su zhig tshul khrims rnam rtog de la ni// tshul khrims med de mthong na tshul khrims min// tshul khrims 'chal dang tshul khrims mtshan nyid gcig/ de ltar shes na de ni mgon por 'gyur// ji ltar skyes bu la la rmi lam na// 'dod la spyod pa dga' ba myong ba'i nyams// gti mug rmongs pas bud med rnam rtags de// bud med dngos po gang yang yod pa min// tshul khrims 'chal dang tshul khrims byis pa rnams// rmongs pas yang dag ma yin yongs su brtags// de la tshul khrims 'chal med tshul khrims med// de ltar shes na de ni mgon por 'gyur// sgra'i rang bzhin yongs su mi shes pas// byis pa'i blo can 'di dang mi la chags// gang gis ming de ming med shes gyur na// de ni bzod pa'i stobs mchog thob par 'gyur// byang chub dam bca' sems can mang ba ste// de dag gi tshig gzhan la de skad brjod// tshig gis dag 'dzin nan tan yod pa min// de dag byang chub kun nas khebs par gnas// spyod lam dag dang 'khrul la chags gyur cing // tshig dang smra la dga' zhing mi mkhas te// chos kyi rang bzhin yongs su ma shes na// tshig gi dag pas byang chub

  9. 443b

    'tshang mi rgya// stong nyid chos dgra yongs su brjod byed cing // brtsod la dga' zhing 'thab pas sdang ba'i sems// srog med ngan sems med byed de dag la// sangs rgyas chos dang byang chub gang la yod// ngan sems bzod gnyis tshul cig rang bzhin zhes// de ltar shes par byas shing khro ba spong // sems can rang bzhin yongs su mi shes pas// byis pa'i blo can khro ba skyed par byed// sems can thams cad bdag la dben pa ste// rgyal ba sems can 'grel 'gyur smon ces zer// de dag glengs pa tsam gyis 'khor 'gyur zhing // zhe sdang 'chang bas de dag tshig mi ster// 'thab la dga' zhing nyes pa tshol byed la// bzod pa'i bsngags pa'ang rtag par de dag brjod/ chos rnams thams cad stong pa nyid kyis smra// nga rgyal khengs pas 'khrul pa rjes su rtog/ zas la chags shing ma rig mdud pas bcings// nyin mtshan dag tu 'dod pa'i yon tan sems// de dag lhas dang grong khyer grong song zhing // sems can mang po yongs su dgrol zhes zer// 'gro ba kun la snying rje bdag la yod// 'jig rten kun la phan sems de bzhin te// de dag zhe sdang sems kyis de lta bu'i// chos nyid 'tshe ba'i chos tshul brjod par byed// 'tshe ba'i snying rje gcig tu 'dus pa ni// nam yang yod par ma mthong ma thos te// san tshun khro bar byed dang ldan gyur cing // tshad me tshe'i zhing du smon par byed// gang+gA'i klung gi bye ma ji snyed pa// brdeg cing skyo

  10. 444a

    bskul thob pa'i gnas yod kyi// bzod pa dam pa yongs su ma bsgom par// rgyal ba de dag zhing du de mi 'gro// zhing rnams zhing min gang gis shes gyur cing // zhing rnams thams cad nam mkha'i rang bzhin zhes// zhing gi yon tan rlom sems gang med pa// skyes bu khyu mchog zhing du de 'gro'o// thams cad nyes byas bdag gis bzod par bya// rgyal ba'i sras la ston par sems shes smra// ston pa'i 'du shes can la khro yod pa// ngas ni nam yang ma thos ma mthong ngo // bsrang ba'i grong dang mdza bo'i grong chags shing // cig la gcig ni spyod pa sun yang 'byin// 'di ni bdag gis sbyin bya'i skal gyi gyis// su yang der ma 'gro zhes de dag zer// bdag dang 'dra ba de 'dra gang yang med// de la spyod pa rnam dag med ces zer// mi mkhas de ni byang chub thob mi 'gyur// de la don du 'gyur ba gang yang med// nyin par lan gsum mtshan yang de bzhin te// byang chub sems dpa' dag la spyi bos thud// de dag 'khrug pa gang yang rtag mi bya// rtag par spyod cing ci bder spyod du chud// 'dod pa'i yon tan dga' bar spyod mthong na// de'i 'khrug pa gang yang brtag mi bya// byang chub spyod pa mtha' yas yon tan gyis// de yang ma 'ongs dus na byang chub thob// lan cig kho nar rgyal bar 'gyur ba min// rig pa'i rim dang bya ba'i rims kyis 'thob/

  11. 444b

    bskal pa bye ba khrag khrig grangs mang du// go cha bgos pas 'thob kyi gzhan du min// rtog dang rnam rtog 'dod chags med pa ste// ngas kyang byang chub 'dod chags 'dra ba 'thob// nyon mongs pa yod de dag yod min 'gyur// de ltar yid ches bzod pa dam pa 'thob// yi ge med pa'i chos la zhugs gyur cing // sgra rnams thams cad sgra med par lta bya// gang zhig de 'dra'i chos la yid ches pa// de la 'dod chags zhe sdang gti mug med// 'dod chags byang chub lhag chad med par mnyam// de gnyis yi ge med par rtogs par bgyis// de ni gnyis ka'i ming tsam byung ba ste// gang zhig yi ger brjod pa de la ci yang med// sgra rnams thams cad sgra cig rab shes na// sna tshogs su ni nam yang 'gyur ba med// nga yis gang bshad mu stegs de dag 'chad// de dag 'dra ba'i chos nyid shes pa yin// chos rnams 'di dag skad kyi sgras brjod de// chos dang sgra ni de la dmigs pa med// chos nyid tshul gcig de la rab zhugs na// bzod pa bla med mchog ni thob par 'gyur// 'khro dang bzod dang 'dod pa'i yon tan dang // mi bzod mi rtag rnam par mi rtag ste// skye med de ltar rab tu shes gyur na// skyon med sems can mchog tu de dag 'gyur// lho byang shar nub steng 'og phyogs rnams kyis// gang ga'i klung gi bye ma ji snyed pa/ skyes bu la las de blangs 'bru re nas// phyogs cig zhing rer rab tu bgod byas te// zhing rnams ji snyed byung ba de dag kun// rgyal ba rnams la rin chen bkang byas te// bskal

  12. 445a

    pa bye ba mang por phul ba bas// mdo sde de'i bsod nams ches kyang mang // de la bsod nams grangs med 'phel bar 'gyur// byang chub don gan 'di la rang 'byung ba// de dag la ni mdo sde 'di gtad do// de dag bzod pa dam pa myur du thob/ mtha' yas sgo'i mdo 'di su ston pa// de la gzugs rnams mi ring nye bar gnas// mdo sde bye ba khrag khrig des 'thob ste// stobs dang blo brno'i yon tan 'thob par 'gyur// tshigs la thogs pa'ang phye bas shes par 'gyur// so so yang dag rig dang myur du thob// sangs rgyas mtha' yas spobs pa'i sbyin pa mdzad// rnam pa mang por mdo sde mang po ston// tshul 'di gis shes 'gyur de dag ni// rang gis mdo sde mang po dran par 'gyur// zhing gi dam pa dag tu'ang de dag 'gro// song nas mgon po dag la mchod pa byed// de nas bcom ldan 'das la byang chub sems dpa' seng ge'i rtsal gyis 'gro bas 'di skad ces gsol to// bcom ldan 'das tshigs su bcad pa bstan pa 'di thos pas sems can ji snyed cig gi don bgyis par 'gyur/ bka' stsal pa/ rigs kyi bu khyod kyis 'khor gyi dkyil 'khor 'di mthong ngam/ gsol pa bcom ldan 'das mthong ngo // bcom ldan 'das chos bstan pa 'di'i tshe/ sems can grangs med ma mchis pa 'dul ba 'dus par gyur te/ bcom ldan 'das steng gi bar snang la lha dang klu dang gnod sbyin dang dri za dang lha ma yin dang / nam mkha' lding dang mi 'am ci dang / lto/

  13. 445b

    'phye chen pos ma bltams pa ma mchis so// bcom ldan 'das 'jig rten gyi khams gzhan nas kyang sems can mang pos 'di bstan pa thos so// de skad ces gsol pa/ dang / bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to// rigs kyi bu chos bstan pa 'di stan pa'i tshe/ lha'i bu stong phrag dgu bcu rtsa brgyad kyis mi skye ba'i chos la bzod pa rab tu thob po// gnod sbyin stong phrag dgu bcu rtsa gnyis kyis bla na med pa yang dag par rdzogs pa'i byang chub mngon par sems bskyed do// klu stong phrag sum cu rtsa drug byang chub tu sems bskyed par gyur to// dge slong mngon pa'i nga rgyal can ma thob pa la thob par 'du shes pa lnga brgyas mngon par nga rgyal med par chos bstan pa 'di thos nas/ chos thams cad ni tshul gcig go zhes bya bar yid ches par gyur te/ nye bar len pa med par zag pa las sems rnam par grol lo// byang chub sems dpa'i tshogs 'di'i nang nas/ byang chub sems dpa' stong phrag drug cu rtsa gnyis kyis chos thams cad sgrib pa med par khong du chud nas mi skye ba'i chos la bzod pa rab tu thob po// de ci'i phyir zhe na/ rigs kyi bu chos bstan pa 'di ni phul du byung ba ste/ rigs bu ngas kyang sngon de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du chos thams cad ni tshul cig pa'o zhes bya bar khong du chud par gyur nas/ de'i

  14. 446a

    'og tu ngas mi skye ba'i chos la bzod pa thob po// rigs kyi bu pha rol tu phyin pa drug po thams cad thob pa dang / chos bstan pa 'di thob par mtshungs/ te/ rigs kyi bu tshul 'di brtogs na byang chub sems dpa' sems dpa' chen po rnams kyi pha rol tu phyin pa drug yongs su rdzogs par 'gyur bar ngas bshad do// de ci'i phyir zhe na/ rigs kyi bu gal te byang chub sems dpas bskal pa gang+gA'i klung gi bye ma snyed du sbyin pa byin/ tshul khrims bsrungs/ bzod pa bsgrubs/ brtson 'grus brtsams/ bsam gtan la mnyam par gzhag shes rab yang dag par blangs te gnas kyang / chos kyi tshul 'di ma shes na dge ba'i rtsa ba de dag thams cad phyir zad par 'gyur ro// rigs kyi bu lhas byin dge ba'i rtsa ba de lta bu dang ldan par gyur pa la ltos/ rigs kyi bu lhas byin ni mi chen po'i mtshan sum cu dang ldan par gyur to// de lta bu'i dge ba'i rtsa ba dang ldan pa de yang chos kyi tshul 'di ma shes pas dge ba'i rtsa ba de dag thams cad yongs su bcad nas/ mnar med pa'i sems can dmyal ba chen por bskyes te/ rigs kyi bu rnam grangs des kyang ji ltar chos kyi tshul 'di khong du chud pa rnams kyi dge ba'i rtsa ba chad par mi 'gyur bar rig par bya'o// rigs kyi bu 'das pa'i dus bskal pa grangs med pa shin tu bgrang ba las 'das pa tshad med pa yang pa/ gzhal du med pa de'i pha rol de'i yang pha rol cig gi dus na/ de bzhin gshegs pa dgra bcom pa yang dag

  15. 446b

    par rdzogs pa'i sangs rgyas ri rab ltar mngon par 'phags pa'i rgyal po zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ bla na med pa skyes bu 'dul ba'i kha lo sgyur ba lha dang mi rnams kyi ston pa/ sangs rgyas bcom ldan 'das 'jig rten du 'byung ste/ de bzhin gshegs pa de'i sku tshe'i tshad ni lo bye ba khrag khrig brgya stong dgu bcu rtsa dgur gyur to// 'jig rten gyi khams de'i ming ni gser mdog 'od 'phro ba zhes bya bar gyur te/ sangs rgyas kyi zhing de ni gser gyi rgyu la grub par gyur to// sems can rnams gang 'di nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / theg pa gsum po nyid kyis mya ngan las 'da' bar gyur to// de bzhin gshegs pa de'i nyan thos kyi tshogs dang po ni/ dge slong bye ba khrag khrig brgya stong phrag brgyad cu thams cad kyang dgra bcom pa zag ba zad pa khur bor ba rang gi don rjes su thob pa srid pa kun tu sbyor ba yongs su zad pa/ bka' yang dag pas sems shin tu grol ba sha stag gi tshogs su gyur to// tshogs gnyis pa ni dge slong bye ba khrag khrig brgya stong bdun cu'i tshogs su gyur to// tshogs gsum ni dge slong bye ba khrag khrig drug cu'i tshogs su gyur to// tshogs bzhi pa ni dge slong bye ba khrag khrig brgya stong phrag lnga bcu thams cad kyang dgra bcom pa zag pa zad pa khur bor ba rang gi don rjes su thob pa srid pa kun tu sbyor ba yongs su zad pa/ bka' yang dag pas sems shin

  16. 447a

    tu rnam par grol ba sha stag gi tshogs su gyur to// dge slong ma'i tshogs ni de nyis 'gyur du gyur to// dge bsnyen gyi tshogs dang / dge bsnyen ma'i tshogs kyang de'i nyis 'gyur nyis 'gyur du gyur to// byang chub sems dpa'i tshogs kyang de'i nyis 'gyur du gyur to// thams cad kyang phyir mi ldog pa/ mi skye ba'i chos kyi bzod pa dang ldan pa ting nge 'dzin gyi tshul mngon par bsgrub pa la mkhas pa sgo mtha' yas pa'i gzungs rab tu thob pa phyir mi ldog pa'i chos kyi 'khor lo bskor ba sha stag gi tshogs su gyur na/ byang chub sems dpa'i theg pa la gsar du zhugs pa rnams kyi tshogs lta smos kyang ci dgos te/ der ni rang sangs rgyas kyi theg pa pa yang tshad med par gyur to// rigs kyi bu de ltar de'i tshe/ bcom ldan 'das de'i 'khor gyi tshogs ni tshad med pa 'dus par gyur to// 'jig rten gyi khams gser gyi mdog 'od 'phro ba de na shing ngam ldum bu gang ci yod pa thams cad kyang rin po che'i rgyu las grub par gyur to// shing de dag las kyang 'di lta bu'i sgra gang 'di stong pa nyid kyi sgra dang / mtshan ma med pa'i sgra dang / smon pa med pa'i sgra dang / skye ba med pa'i sgra dang / 'gag pa med pa'i sgra dang / dngos po med pa'i sgra dang / mtshan nyid med pa'i sgra dang / de lta bu'i sgra dag 'byung bar gyur te/ sna de dag byung bas sems can de dag grol bar gyur to// de bzhin gshegs pa de yongs su mya ngan las 'das nas lo stong du dam pa'i chos gnas par gyur te/ phyin chad sgra de dag dang shing de dag las 'byung ba med par gyur to// rigs kyi bu de bzhin gshegs pa dgra bcom pa yang

  17. 447b

    dag par rdzogs pa'i sangs rgyas ri rab ltar mngon par 'phags pa'i rgyal po de yang dge slong chos smra ba spyod pa rnam par dag pa zhes bya ba dam pa'i chos yongs su 'dzin par bskos nas/ yongs su mya ngan las 'das par gyur to// de'i tshe dge slong spyod pa'i blo gros zhes bya ba zhig kyang byung ste/ de ni tshul khrims kyi phung po shin tu dag pa dang ldan zhing / 'jig rten pa'i mngon par shes pa lnga thob par gyur te/ 'dul ba'i sde snod la'ang shin tu byang bar gyur to// dge slong de ni dka' thub kyi mchog dang ldan ngan ngon la mos pa 'khor gyi nang na spyod pa ste des gtsug lag khang cig brtsigs nas/ de na gnas shing de'i 'khor du gyur pa rnams kyang / tshul khrims kyi phung po shin tu dag pa la bkod par gyur to// sbyangs pa'i yon tan sdom pa la mos par gyur to// dge slong de ni brtson 'grus brtsams shing rtag par byang chub kyi sems la gnas par gyur to// byang chub sems dpa' gzhan dag kyang spyod lam de nyid la yang dag pa bskul te/ dmigs pa can gyi lta ba la yang dag par bskul to// des 'du byed thams cad mi rtag pa zhes bya bar 'dzin du btsud do// 'du byed thams cad sdug bsngal zhes bya bar 'dzin du btsud do// 'du byed thams cad bdag med pa zhes bya bar 'dzin du btsud do// dge slong de ni ting nge 'dzin la mkhas par gyur te/ byang chub sems dpa'i spyod pa la mkhas pa ma yin zhing dge ba'i rtsa ba dang ldan par gyur to// dge slong chos sme ba la spyod pa rnam par dag pa de ni sems can rnams kyi dbang po mchog dang tha ma shes pa la mkhas pa gyur te/

  18. 448a

    de'i 'khor du gyur pa ji snyed pa de dag kyang sbyangs pa'i yon tan gyi sdom pa lhur len par gyur te/ mi dmyigs pa'i bzod pa can thabs la mkhas pa dag tu gyur to// rigs kyi bu de nas chos smra ba spyod pa rnam par dag pa 'khor dang bcas te dge slong spyod pa'i blo gros gang na gnas pa'i gtsug lag khang der phyin nas de na gnas par gyur te/ de gtsug lag khang de nas yang dang yang sems can la snying brtse ba'i phyir grong du 'gro zhing de dag tu zas kyi bya ba byas nas phyir 'ong bar gyur to// des de dag tu rigs brgya stong du ma dad par byas par gyur to// de'i 'khor ji snyed pa de dag kyang tshul la mkhas par gyur te/ de dag kyang de dag tu dong zhing sems can rnams la chos ston te/ de dag gis kyang srog chags brgya stong mang po bla na med pa yang dag par rdzogs pa'i byang chub tu bkod par gyur to// dge slong spyod pa'i blo gros kyi 'khor de dag ni bsam gtan lhar len cing grong dag tu yang dag 'khor bar mi 'dong ngo // de nas dge slong spyod pa'i blo gros kyis byang chub sems dpa' gzhan dag la ma dag ba'i sems bskyed pa nas/ des 'gan de brdungs te dge slong gi dge 'dun bsdus nas dam tshig byas pa bdag gi nang nas su yang rung ste/ sus kyang grong du 'gro bar mi bya'o// khyod ni shes bzhin med par spyod pa yin te/ nyung ngu smra ba ma yin gyis khyod grong du dong bas kyang ci zhig bya ste/ dgon pa la gnas pa ni bcom ldan 'a

  19. 448b

    kyis kyang gnang zhing bsngags pa yin gyis/ khyed grong du ma dong bar bsam gtan gyi bde bas rnam par spyod cig ces bsgo'o// de dag gi de zer ba ltar ma mnyan de yang grong dag tu dong bar gyur to// rigs kyi bu de nas dge slong de dag nam grong nas phyir 'ongs par gyur pa de'i tshe/ dge slong spyod pa'i blo gros kyis yang 'gan de bsrungs nas dge slong gi dge 'dun bsdus nas/ 'di skad du gal te da phan chad khyod grong du 'dod pa rnams/ khyed gtsug lag khang 'di na ma gnas shig ces bsgo'o// rigs kyi bu de nas dge slong chos smra ba spyod pa rnam par dag pas dge slong de'i sems srung ba'i phyir/ rang gi phyi 'khor rnams bos te/ 'di skad du khyed grong du su'ang ma 'dong zhig ces smras so// de nas de'i tshe dge slong de dag gis sems can gang ji snyed cig smin par byas pa de dag dge slong de dag dang ma 'phrad pas shin tu mi dga' bar yang gyur/ dge ba'i rtsa ba yang yong su 'grib par gyur to// rigs kyi bu de nas dge slong chos smra ba'i spyod pa rnam par dag pa zla ba gsum po de dag 'das nas/ gtsug lag khang de nas gtsug lag khang gzhan du 'phos nas/ grong dang grong khyer dang ljongs dang yul dang / rgyal po'i pho brang 'khor dag tu 'gro zhing sems can dag la chos ston par gyur to// rigs kyi bu de nas dge slong spyod pa'i blo gros kyi/ chos snga b+hu rnam par dag pa yang dang yang klong du 'gro ba yang mthong / de'i 'khor kyang spyod lam tha mal can du mthong nas/ des yang de la ma dang gi

  20. 449a

    sems bskyed par gyur te/ dge slong 'di ni tshul khrims 'chal pa can/ tshul khrims log pa can te/ 'dis byang chub ga la thob/ dge slong 'di'i byang chub ni/ rgyang ring ngo // dge slong 'di ni 'du 'dzi gnas pa'o zhes 'gro ba mang po dag la de skad brjod do// rigs kyi bu de nas dus gzhan zhig na/ dge slong spyod pa'i blo gros de 'chi ba'i dus byas bar gyur nas/ de de ltar 'chi ba'i dus byas pa dang las de'i rnam par smin pas mnar med pa'i sems can dmyal ba chen por lhung ngo // de bskal pa bye ba stong phrag dgu bcu rtsa dgur sem can dmyal ba chen por sdug bsngal gyi tshor ba myong bar gyur nas/ tshe rabs drug cur mi sten par brjod pa thob par gyur to// tshe rabs stong phrag sum cu rtsa gnyis su rab tu byung ba las phyir/ babs par gyur to// las kyi sgrib pa de nyid kyi lhag mas de bzhin gshegs pa dgra bcom pa yang dag par rdzogs pa'i sangs rgyas 'od 'phro dri ma med pa'i gsung rab la rab tu byung bar gyur to// de rab tu byung nas lo bye ba brgya stong phrag drug tu mgo'i thod la me 'bar ba ltar rnam par spyad kyang 'thun pa'i bzod pa tsam yang ma thob ste// tshe rabs brgya stong mang por dbang po rtul por gyur to// rigs kyi bu de'i tshe de'i dus na dge slong chos smra ba spyod pa rnam par dag pa zhes bya ba de gzhan zhig yin par sems na/ de ltar mi blta ste/ de ci'i phyir zhe na/ de bzhin gshegs pa mi skul ba ni de'i tshe de'i dus na/ dge slong chos smra ba spyod pa rnam par dag pa zhes bya bar gyur to// rigs kyi bu de'i tshe de'i dus na/ dge slong chos/

  21. 449b

    smra ba spyod pa'i blo gros zhes bya ba de gzhan zhig yin pa tsam du sems na/ de lta mi blta ste/ de ci'i phyir zhe na/ nga ni dge slong chos smra ba spyod pa'i blo gros shes bya bar gyur te/ nga yA/ de lta bu'i thabs phra mos de la ma dad pa'i sems bskyed de/ las kyi sgrib pa mngon par 'du bya bas sems can dmyal ba dag tu ltung bar gyur te/ rigs kyi bu de ltar phra ba ni las kyi sgrib pas yin gyis/ rigs kyi bu las kyi sgrib pa de lta bu mi 'dod pa de dag gis gzhan gyi spyod pa la khong khro bar mi bya'o// de'i spyod pa thams cad la yid ches par bya'o// 'di snyam du/ pha rol gyi sems ni bdag gis mi shes te// sems can gyi spyod pa ni shes par dka'o de snyam du sems bskyed par bya'o// don gyi dbang de gzigs nas/ de bzhin gshegs pas/ 'di skad du chos ston te/ gang zag gis gang zag gi tshod gzung bar mi bya'o// gang zag gis gang zag la tshod bzung na rma 'byung bar gyur te/ nga'ang gzhan la rung ba dang 'dra bar gang gi gang zag la tshod mi bzung ngo // rigs kyi bu su bdag srung bar 'dod pa des gzhan su'i spyod pa la'ang brtag par mi bya ste/ de dag la 'di ni 'di 'dra'o zhes dpya bar mi bya'o// nyin mtshan du sang+yas kyi chos la brtson par bya'o// rigs kyi bu chos la bsgoms pa'i yid kyis bsam pa thag pa nas yang dag par zhugs pa'i byang chub sems dpa' ni gzhan la dpya bar brtson par mi gnas so// rigs kyi bu gal te stong gsum gyi stong chen po'i 'jig rten gyi khams na sems can gang ji snyed cig yod pa de dag thams cad byang chub sems dpa' la la zhig

  22. 450a

    gis dge ba bcu'i las kyi lam la bkod pa bas/ byang chub sems dpar gang cig pu dben par 'dug ste/ chung ngu na se gol gtogs pa tsam du'ang chos/ thams cad tshul cig par yid ches shing / tha na chung ngu na dri ba 'am/ dpyad pa 'am/ lung 'bogs pa 'am/ kha ton bya ba'i phyir gnas na/ 'di ni de bas ches bsod nams mang du 'phel/ lo// de ci'i phyir zhe na/ rigs kyi bu tshul 'di khong du chud pas/ byang chub sems dpa' rnams las kyi sgrib pa thams cad rnam par dag pa 'thob po// sems can thams cad la chags pa dang khong khro ba dang bral bar gyur to// rnam pa thams cad mkhyen pa nyid 'ang myur du 'thob par 'gyur ro// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das las kyi sgrib pa thams cad rnam par dag pa zhes bgyi ba ji tsam gyis na las kyi sgrib pa rnam par dag par 'gyur/ bcom ldan 'das kyis bka' stsal pa/ 'jam dpal byang chub sems dpa' gang chos thams cad las med cing rnam par smin pa med par shes pa des/ las kyi sgrib pa rnam par dag pa 'thob bo// 'jam dpal gzhan yang byang chub sems dpa' gang gis 'dod chags kyi mtha' yang dag pa'i mtha' mthong ba dang / zhe sdang gi mtha' yang dag pa'i mtha' mthong ba dang / gti mug gi mtha' yang dag pa'i mtha' mthong ba des las kyi sgrib pa rnam par dag pa 'thob po// 'jam dpal gzhan yang byang chub sems dpa' gang gis sems can thams cad dang chos

  23. 450b

    thams cad mya ngan las 'das pa'i dbyings su mthong ba des las kyi sgrib pa rnam par dag pa 'thob po// 'jam dpal de ci'i phyir zhe na/ lta ba yod na las mngon par 'du byed par 'gyur te/ 'jam dpal byis pa thos pa med pa so so'i skye bo ni/ chos thams cad shin tu yongs su mya ngan las 'das pa mi shes pas bdag dang gzhan du dmigs so// dmigs nas lus dang ngag dang yid kyi las rnam pa gsum mngon par 'du byed de/ de yang dag pa ma yin par sgro 'dogs pas bdag ni 'dod chags so// bdag ni zhe sdang ngo // bdag ni gti mug go zhes rnam par rtog go gal te de bzhin gshegs pa'i bstan pa la rab tu byung na/ de 'di snyam du bdag ni tshul khrims dang ldan pa'o// bdag ni tshangs par spyod pa'o// bdag gis 'khor ba las yang dag par 'da' bar bya'o// bdag gis mya ngan las 'das pa thob par bya'o// bdag gis ni sdug bsngal las rnam par grol ba thob par bya'o snyam du sems shing / de yang dag pa ma yin par sgro 'dogs pas/ chos 'di dag ni dge ba'o// chos 'di dag ni mi dge ba'o// chos 'di dag ni yongs su shes par bya'o// / chos 'di dag ni spang bar bya'o// chos 'di dag ni mngon du bya'o// chos 'di dag ni bsgom par bya'o// sdug bsngal ni shes par bya'o// kun 'byung ba ni spang bar bya'o// 'gog pa ni mngon du bya'o// lam ni bsgom par bya'o zhes rnam par rtog go// de 'du byed thams cad ni mi rtag pa'o// 'du byed thams cad ni sdug bsngal ba'o// 'du byed thams cad ni kun nas

  24. 451a

    'bar ba'o// ci nas kyang bdag ni 'du byed rnams las 'bros par bya'o snyam du rnam par rtog ste/ de de ltar rtog pa'i tshe/ skyo ba dang ldan pa'i 'du shes yid la byed pa'i mtshan ma sngon du btang ba dag byung ste/ de 'di snyam du gang 'di chos rnams yongs su shes pa 'di ni sdug bsngal yongs su shes pa'o// 'di snyam du ji nas kyang bdag gis kun 'byung ba spang bar bya'o zhes chos thams cad la ngo bo mi mthong zhing khrel bar sems/ 'jigs pa dang rab tu 'jigs pa dang yongs su 'jigs pa skyed cing de 'di snyam du gang 'di chos de dag las ngo tsha bar gyur pa de ni kun 'byung ba spang ba'o snyam du sems so// de 'di snyam du ci nas kyang bdag gis 'gog pa mngon du bya'o snyam nas de chos de dag rnam par brtags nas/ de'i 'og tu de 'gog par 'du shes shing de 'di snyam du gang chos rnams mngon du bya ba de ni 'gog pa yin no snyam mo// de 'di snyam du ci nas kyang bdag gis lam bsgom par bya'o snyam ste/ de cig pu dben par song nas chos de dag yid la byas pas zhi gnas thob ste/ de'i skye ba dang ldan pa'i yid la bya ba de dang / zhi gnas thob pa des chos thams cad las sems rab tu zhum par 'gyur/ sems rab tu 'god par 'gyur/ sems phyir log par 'gyur zhing ngo bo mi mthong ste/ ngo tsha la rnam par smod de/ mngon par dga' ba med pa bskyed do// de 'di snyam du bdag ni sdug bsngal thams cad las grol ba ste/ bdag gis de la gong du bya ba gzhan med do// bdag ni dgra bcom pa yin no zhes dam bca'o// de 'chi ba'i dus la bab pa'i tshe// bdag

  25. 451b

    skye bar 'gyur ba mthong nas/ sangs rgyas kyi byang chub la nem nur dang the tsom du gyur te/ the tsom du lhung ba'i sems kyis 'chi ba'i dus byas nas/ sems can dmyal ba chen po dag tu skye te/ de yang ma skyes pa'i chos rnams la rnam par brtags pa'i phyir ro// // de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das 'phags pa'i bden pa bzhi po rnams ji ltar blta bar bgyi/ bcom ldan 'das kyis bka' stsal pa/ 'jam dpal ci 'du byed thams cad ma skyes par mthong ba des sdug bsngal yongs su shes so// gang gis chos thams cad 'byung ba med par mthong ba des kun 'byung ba rab tu spangs so// gang gis chos thams cad shin tu mya ngan las 'das par mthong ba des 'gog pa mngon du byas so// gang gis chos thams cad bdag med par mthong ba des lam bsgoms so// 'jam dpal gang gis 'phags pa'i bden pa bzhi de ltar mthong ba de ni chos 'di dag ni dge ba'o// chos drug ni mi dge ba'o// chos 'di dag ni yongs su shes par bya'o// chos 'di dag ni spang bar bya'o// chos 'di dag ni mngon du bya'o// chos 'di dag ni bsgom par bya'o// sdug bsngal ni yongs su shes par bya'o// kun 'byung ba ni spang bar bya'o// 'gog pa ni mngon du bya'o// lam ni bsgom par bya'o zhes mi rtog rnam par mi rtog go/ de ci'i phyir zhe na/ chos gang dag la byis pa so so'i skye bo dag 'dod chags dang / zhe sdang dang / gti mug par 'gyur ba'i chos de dag des

  26. 452a

    ma skyes pa dang / med pa dang / nor ba dang / yongs su brtags pa dang / yongs su bskyed par mthong ba'i phyir te/ de chos gang yang mi len mi 'dor ro// de'i sems ni khams gsum pa la chags pa med de/ khams gsum pa thams cad ma skyes pa dang / sgyu ma lta bu dang / rmi lam lta bu dang / brag cha lta bu dang / mig yor lta bur yang dag par mthong ngo // des dge ba dang mi dge ba'i chos thams cad smig rgyu lta bur mthong ste/ des 'dod chags kyi khams mya ngan las 'das pa'i dbyings su mthong ngo // de bzhin du zhe sdang gi khams dang / gti mug gi khams mya ngan las 'das pa'i dbyings su mthong ngo // des chos rnams de lta bu'i rang bzhin du mthong bas sems can thams cad la chags pa dang khong khro ba med par 'gyur ro// de ci'i phyir zhe na/ des gang la chags par bya ba dang / khong khro bar bya ba de lta bu'i chos mi dmigs so// de nam mkha' dang mnyam pa'i sems kyis sangs rgyas kyang yang dag par rjes su mi mthong ngo // des chos dang dge 'dun yang yang dag par rjes su mi mthong ngo // des chos thams cad yang dag par rjes su ma mthong bas/ chos gang la yang the tsom mi skyed do// the tshom med pas nye bar len pa med do// nye bar len pa med pas/ nye bar len pa med par yongs su mya ngan las 'das te/ 'jam dpal de lta bu'i chos shes pas/ gnas brtan rab 'byor de bzhin gshegs pa'i zhabs la phyag 'tshal du mi 'ong ngo // de ci'i phyir zhe na/ bdag nyid kyang mi dmigs na/ de bzhin gshegs

  27. 452b

    pa dmigs pa lta ci smos su ga la yod/ de ni gnas med do// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das dran pa nye/ bar gzhag pa bzhi rnams la ji ltar blta bar bgyi/ bcom ldan 'das kyis bka' stsal pa/ 'jam dpal ma 'ongs pa'i dus na dge slong dag 'byung ste/ de dag mi sdug pa'i rnam par lus la lus kyi rjes su lta ba'i dran pa nye bar gzhag pa ston to// sems skye ba dang 'gag pa'i chos tsan+da du blta'o zhes sems la sems kyi rjes su lta ba'i dran pa nye bar gzhag pa ston to// gang la ril po'i 'du shes pa de la chos kyi 'du shes med do// chos la chos kyi rjes su dran pa nye bar gzhag pa ston to// de skad ces bka' stsal pa dang / bcom ldan 'das la 'jam dal gzhon nur gyur pas 'di skad ces gsol to// bcom ldan 'das 'o na dran pa nye bar gzhag pa bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal chog mod/ de bzhin gshegs pa rnams kyi ldem po dag ni shes par dka'o// 'jam dpal gyis gsol pa/ bcom ldan 'das 'on kyang dran pa nye bar gzhag pa bsgom pa bstan du gsol/ bcom ldan 'das kyis bka' stsal pa/ 'jam dpal gang gis lus nam mkha' dang mnyam pa mthong na/ de ni lus la lus kyi rjes su lta ba'i dran pa nye bar gzhag pa'o// 'jam dpal gang gis tshor ba nang dang phyi dang gnyis ka med par yang mi dmigs na/ de ni tshor ba la tshor ba'i rjes su lta ba'i dran pa nye bar gzhag pa'o// 'jam dpal gang gis sems ming tsam du

  28. 453a

    shes na de ni sems la sems kyis rjes su lta ba'i dran pa nye bar gzhag pa'o// 'jam dpal gang gis dge ba dang mi dge ba'i chos la ma dmigs na/ de ni chos la chos kyi rjes su lta ba'i dran pa nye bar gzhag pa'o// 'jam dpal dran pa nye bar gzhag pa bzhi ni de ltar blta'o// 'jam dpal gyis gsol pa/ bcom ldan 'das dbang po lnga rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin gyis ma byung ba'i phyir ma skyes par mthong na/ de ni dad pa'i dbang po'o// 'jam dpal gang gis nye ba dang ring ba'i 'du shes dang bral ba'i phyir/ chos thams cad la sems mi gtong na de ni brtson 'grus kyi dbang po'o// 'jam dpal gang dmigs pa dang bral ba'i phyir/ chos thams cad yid la mi byed cing dran pa la mi 'dogs na de ni dran pa'i dbang po'o// 'jam dpal gang chos thams cad la mi sems pa 'di ni ting nge 'dzin gyi dbang po'o// 'jam dpal gang gis chos thams cad skye ba dang 'jig pa dang bral zhing shes pa dang mi shes pa dang bral ba ste/ rang bzhin gyis stong par mthong na de ni shes rab kyi dbang po'o// 'jam dpal dbang po lnga dag ni de ltar blta'o// 'jam dpal gyis gsol pa/ bcom ldan 'das byang chub kyi yan lag bdun rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin med cing yid la byar med par mthong ba 'di ni dran pa yang dag byang chub

  29. 453b

    kyi yan lag go// 'jam dpal gang gis dge ba dang / lung du ma bstan pas rab tu phye ste brtags na yongs su ma grub pas chos thams cad mi dmigs pa 'di ni chos rab tu/ 'byed pa yang dag byang chub kyi yan lag go// 'jam dpal gang gis khams kyi 'du shes shin tu rig pa'i phyir khams gsum pa mi 'dor ba 'di ni brtson 'grus yang dag byang chub kyi yan lag go/ 'jam dpal gang gis dga' ba dang mi dga' ba shin tu rtogs pa'i phyir 'du byed thams cad la dga' ba mi bskyed pa 'di ni dga' ba yang dag byang chub kyi yan lag go// 'jam dpal gang gis dmigs pa'i dngos po dmigs te/ chos thams cad la sems bag yangs su gyur pa 'di ni bag yangs yang dag byang chub kyi yan lag go// 'jam dpal gang chos thams cad rnam par bsgom pa rjes su rtogs pas mi dmigs pa 'di ni ting nge 'dzin yang dag byang chub kyi yan lag go// 'jam dpal gang chos thams cad mi gnas mi brten la chags par mi 'gyur shes par mi 'gyur zhing chos thams cad yang dag par rjes su ma mthong bas/ btang snyoms su gnas pa 'di ni btang snyoms yang dag byang chub kyi yan lag go// 'jam dpal byang chub kyi yan lag bdun ni de ltar blta'o// 'jam dpal gyis gsol pa/ bcom ldan 'das 'phags pa'i lam yan lag brgyad pa ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad mi mnyam pa med cing / gnyis su med de gnyis

  30. 454a

    su byar med par mthong ba 'di ni yang dag pa'i blta ba'o// 'jam dpal gang gis chos thams cad mthong ba med pa'i tshul gyis rtag tu med cing rnam par rtag tu med la/ yongs su rtag tu med par mthong ba 'di ni yang dag pa'i rtog pa'o// 'jam dpal gang gis brjod du med pa mnyam pa nyid shin tu bsgoms pa'i phyir chos thams cad brjod du med par mthong ba 'di ni yang dag pa'i ngag glo/ 'jam dpal gang gis byed pa mi dmigs pa'i phyir/ chos thams cad bya ba med cing byed pa med par mthong ba 'di ni yang dag pa'i las kyi mtha'o// 'jam dpal gang 'tshe ba mnyam pa nyid la gnas pa'i phyir/ chos thams cad mi stsogs mi 'bri ba 'di ni yang dag pa'i 'tsho ba'o// 'jam dpal gang rtsol ba med cing sgrub pa med pa'i tshul gyis/ chos thams cad yongs su bsgrub pa med pa 'di ni yang dag pa'i rtsol ba'o// 'jam dpal gang dran bI/ las kyis dben pa'i phyir/ chos thams cad yid la mi byed cing dran pa med pa 'di ni yang dag pa'i dran pa'o// 'jam dpal gang chos thams cad mi dmigs pa'i phyir/ rang bzhin gyis mnyam par gzhag cing 'khrug pa med la dmigs pa med par mthong ba 'di ni yang dag pa'i ting nge 'dzin to// 'jam dpal 'phags pa'i lam yan lag brgyad pa ni de ltar blta ste/ 'jam dpal gang la las 'phags bden pa bzhi de ltar shes shing / dran pa nye bar gzhag pa bzhi dang / dbang po lnga dang / byang chub kyi yan lag bdun dang / 'phags pa'i laM

  31. 454b

    yan lag brgyad pa de ltar mthong ba de ni zad pa rgal ba/ pha rol tu phyin pa dang / thang la gnas pa/ bde bar gyur pa mi 'jigs pa rnyed pa/ khur bor ba/ rdul sprugs pa/ ci dang yang bral ba/ nyon mongs pa med pa/ dgra bcom pa dge slong bram ze khrus byas pa/ mthar phyin pa/ gtsang ba shAkya'i bu/ sangs rgyas kyi sras/ tsher ma phyung ba/ 'obs bor ba/ 'obs las rgal ba/ gsal shing phyung ba/ rims dang bral ba/ dge slong 'phags pa/ rgyal mtshan rdzogs pa zhes brjod do// 'jam dpal de lta bu'i bzod pa dang ldan pa'i dge slong ni 'jig rten lha dang bcas pa'i sbyin pa'i gnas yin te/ de la thob pa dang / bkur sti thams cad kyang 'ongs so// 'jam dpal de bas na dge slong yul gyi zas don yod par bza' bar 'dod pa dang / bdud 'dul bar 'dod pa dang / 'khor ba las 'da' ba thob par 'dod pa dang / mya ngan las 'da' ba thob par 'dod pa dang / sdug bsngal las bral ba 'dod pa dang / 'jig rten lha dang bcas pa'i sbyin pa'i gnas su 'gyur bar 'dod pas chos de dag la de ltar brtson par bya'o// chos kyi rnam grangs 'di bstan pa'i tshe/ lha'i bu stong / phrag sum cu rtsa gnyis kyis chos mngon par brtogs pa thob par gyur nas/ de dag gis bcom ldan 'das dang 'jam dpal gzhon nur gyur pa la me tog man da ra ba mang pos mngon par gtor nas 'di skad ces smras so// bcom ldan 'das gang gis chung ngu na/ bstan pa 'di rna lam du grag pa tsam thos kyang / de dag ni de bzhin gshegs pa'i bstan pa/

  32. 455a

    la legs par rab tu byung ba lags na/ gang gis thos te mos shing yid ches par 'gyur ba dang / de bzhin nyid du nan tan du bgyid pa lta smos kyang ci 'tshal te/ bcom ldan 'das gang gis bstan pa 'di tha na chung ngu rna lam du grag pa tsam thos kyang / de dag ni mngon pa'i nga rgyal ma mchis par 'gyur ro// de nas bcom bcom ldan 'das la 'jam dpal gzhon nur gyur pas bas 'di skad ces gsol to// bcom ldan 'das de bzhin gshegs pas gzungs kyi tshig gang gis/ byang chub sems dpa' rnams thogs pa ma mchis pas spobs pa thob par 'gyur zhing / sgra gang gis kyang 'jigs par mi 'gyur ba dang / chos thams cad sangs rgyas kyi chos dang sbyor bar 'gyur ba dang / chos thams cad tshul cig par gtogs par 'gyur ba de lta bu'i gzungs kyi tshig bka' phyur gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal de bas na chos kyi sgo gang gis byang chub sems dpa' chos thams cad la snang ba thob par 'gyur zhing myur du mi skye ba'i chos la bzod pa thob par 'gyur ba'i phur pa'i tshig dang / sa bon gyi tshig bstan pa zhes bya ba'i chos kyi sgo de yang gang zhe na/ 'jam dpal sems can thams cad sems cig pa zhes bya ba 'di ni sa bon gyi tshig go// gsol pa bcom ldan 'das ci'i slad du/ de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dmin

  33. 455b

    pa dmigs pa'i phyir sems med pa ste/ de'i phyir de ni sa bon gyi tshig go// 'jam dpal sems can thams ni 'gyur ba cig go zhes bya ba 'di ni sa bon gyi tshig go// gsol ba bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chags pa med par gzhog pa ste/ nam mkhar 'gyur ba yin pas/ de'i phyir sa bon gyi tshig go// 'jam dpal sems can thams cad ni sems cig pa'o zhes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal sems can thams cad ni ma skyes te/ shin tu ma skyes shing ming med la las cig pa dmigs su med pas gcig tu bstan pa ste/ de'i phyir de ni sa bon gyi tshig go// 'jam dpal 'dod chags shes bya ba 'di ni phur ba'i tshig go// gsol pa bcom ldan 'das ci'i slad du de phur pa'i skyes bgyi/ bcom ldan 'das kyis bka' stsal pa/ 'jam dpal 'dod chags ni mi gnas pa'i tshul gyis chos kyi dbyings la gnas pa ste/ mi g.yo mi 'gul zhing rang bzhin gyis dben pa ste/ g.yo ba med pas de'i phyir de ni phur pa'i tshig go/ 'jam dpal zhe sdang zhes bya ba 'di ni rdo rje'i tshig go/ gsol pa bcom ldan 'das ci'i slad du rdo rje'i tshig ces bgyi/ bcom ldan 'das kyis bka' stsal pa/ 'jam dpal dper med pa ste/ 'di ltar dper na 'jam dpal de bzhin du chos

  34. 456a

    thams cad ni dngos po ma grub pa'i gzhig tu med cing dbyer med pa ste/ de'i phyir 'di ni rdo rje'i tshig go// 'jam dpal gti mug ces bya ba 'di ni ye shes kyi tshig go// gsol pa bcom ldan 'das ci'i slad du ye shes kyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni ye shes kyis grub cing mi shes pa dang bral ba ste/ 'di ltar dper na 'jam dpal nam mkha' ni shes pa dang ldan pa yang ma yin/ mi shes pa dang ldan pa yang ma yin no// 'jam dpal de bzhin du chos thams cad ni shes pa dang ldan pa yang ma yin/ mi shes pa dang ldan pa yang ma yin/ shes par bya ba'i rang bzhin shin tu zhi ba'i phyir/ shes pa yang ma yin mi shes pa yang ma yin te/ de'i phyir ye shes kyi tshig ces bya'o// 'jam dpal gzugs shes bya ba ni phur pa'i tshig go/ gsol pa bcom ldan 'das ci'i slad du phur pa'i tshig ces bgyi/ bcom ldan 'das kyis bka' stsal pa/ 'jam dpal 'di lta ste dper na dbang po'i phung po ni rab tu gnas pa'i phyir mi g.yo mi 'gul lo// 'jam dpal de bzhin du chos thams cad ni mi gnas pa'i tshul gyis chos kyi dbyings la gnas pa ni 'gro ba dang 'ong ba med de/ blang du med cing rtsol ba med la/ shin tu brtan pa'i phyir mi gnas pa ste/ de'i phyir de ni phur pa'i tshig go// 'jam dpal tshor ba zhes bya ba 'di ni zhi ba'i tshig go// gsol pa bcom ldan 'das ci'i slad du de zhi ba'i tshig ces bgyi/ bcom ldan 'das kyis

  35. 456b

    bka' stsal pa/ 'jam dpal chos thams cad ni rang bzhin gyis shin tu zhi ba ste/ tshor ba ni nang na yang med/ phyi rol na yang med/ shar phyogs na yang med/ lho phyogs na yang med/ nub phyogs na yang med/ byang phyogs na yang med/ steng na yang med/ 'og na yang med phyogs mtshams na yang med do// 'jam dpal gal te bde ba'i tshor ba nang na yod na/ ni/ sems can thams cad kyang bde bas shin tu bde bar 'gyur ro// 'jam dpal 'on tam gal te sdug bsngal gyi tshor ba nang na yod na ni sems can thams cad kyang sdug bsngal gyis shin tu sdug bsngal bar 'gyur ro// 'jam dpal gal te bde ba yang ma yin sdug bsngal ba yang ma yin pa'i tshor ba nang na yod na ni sems can thams cad kyang shin tu rmongs par 'gyur ro// 'jam dpal gang gis phyir tshor ba thams cad ni nang na yang med/ phyi rol na yang med/ shar phyogs na yang med/ lho phyogs na yang med/ nub phyogs na yang med/ byang phyogs na yang med/ steng na yang med 'og na yang med/ phyogs mtshams na yang med pas de'i phyir sems can thams cad ni rtsa shing dang rtsig pa lta bu ste/ rang bzhin gyis ma skyes shing 'gag pa med par mtshan nyid mnyam ma ste/ de'i phyir de ni zhi ba'i tshig go/ 'jam dpal 'du shes zhes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal 'du shes de yang yongs su btags pa las byung ba ste/ log pa las byung ba/ chad ma stong pa lta bu/ smig rgyu'i ngo bo nyid rang bzhin

  36. 457a

    gyis dben pa ste/ de'i phyir de ni sa bon gyi tshig go/ 'jam dpal 'du byed ces bya ba 'di ni sa bon gyi tshig go/ gsol ba bcom ldan 'das ci slad du sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams ni bgrang du med cing / bgrang ba mnyam pa nyid dang ldan pa chu shing gi snying po lnga bu ste/ 'jam dpal 'di lta ste dper na/ chu shing gi snying po ni rang bzhin gyis ma skyes pa'i phyir/ shin tu med cing mi dmigs so// 'jam dpal de bzhin du chos thams cad ni rang bzhin gyis dben zhing ming med pa ste/ de'i phyir de ni sa bon gyi tshig go/ 'jam dpal rnam par shes pa zhes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal rnam par shes pa ni sgyu ma lta bu ste/ ma skyes pa ma byung ba stong pa/ mtshan ma med pa/ ngo bo nyid med pa/ mtshan nyid med pa/ nam mkha' dang sor mo lnga lta bu ming med pa ste/ de'i phyir de ni sa bon gyi tshig go/ 'jam dpal gzugs shes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'di lta ste dper na mig yor ni snang la yod pa ma yin no// 'jam dpal de bzhin du chos thams cad ni snang la yod pa ma yin te/ mig srub sems srub gsog gsob brdzun pa sgyu ma'i chos can te/ de'i phyir de ni sa bon gyi tshig go// 'jam dpal

  37. 457b

    sgra zhes bya ba 'di ni sa bon gyi tshig go// gsol pa bcom ldan 'das ci'i slad du sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni tha dad du dbyer med cing gnyis su med pa ste/ dri'i sgra'i tshig gi las brag cha dang 'dra ba ste/ de'i phyir de ni sa bon gyi tshig go/ 'jam dpal dri zhes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni sna dang dri dang rnam par shes pa/ mi dmigs pa'i phyir/ bsnam du med cing rang bzhin gyis sman la/ nam mkha' dang 'dra ba ste/ de'i phyir de ni sa bon gyi tshig go// 'jam dpal ro zhes bya ba 'di ni sa bon gyi tshig go// / gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni rang bzhin dang ngo bo nyid kyis dbe pa'i phyir/ bsam gyis mi khyab cing ro'i khams mi dmigs pa/ ro dmigs su med pa ste/ de'i phyir de ni sa bon gyi tshig go/ 'jam dpal reg bya 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha' ltar dben pa dang / lus shin tu bsgom pa dang / reg bya byung ba med pa dang / reg pa dben pa'i phyir reg pa med pa ste/ de'i phyir de ni sa bon gyi tshig go// 'jam dpal sa zhes bya ba 'di sa bon gyi

  38. 458a

    cig go// gsol pa bcom ldan 'das ci'i slad du des bon gyi tshig ces bgyi/ bcom ldan 'das kyis bka' stsal pa/ lajam dpa' chos thams cad ni sems dang bral ba sems med pa/ ngo bo nyid med pa yongs su ma grub pa ming dang bral ba'i mtshan nyid kyis dben pa/ chos kyi dbyings kyi rang bzhin te/ de'i phyir de ni sa bon gyi tshig go/ 'jam dpal chu zhes bgyi ba 'di ni sa bon gyi tshig go// gsol pa bcom ldan 'das ci'i phyir de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chu med pa ste/ ma 'dres shing bla na med pa smig rgyu lta bu ste/ de'i phyir de ni sa bon gyi tshig go// 'jam dpal me zhes bya ba 'di ni sa bon gyi tshig go/ gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni tsha ba med pa ste/ yongs su btung ba dang bral ba rang bzhin gyis med pa ngo bo nyid kyis zhi ba/ phyin ci log gis yongs su brtags pa shin tu ma skyes pa ste/ de'i phyir de ni sa bon gyi tshig go/ 'jam dpal rlung zhes bya ba 'di ni sa bon gyi tshig go/ gsol pa bcom ldan 'das ci'i slad du de ni sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni g.yo ba dang yang dag par bral ba'i chags pa med cing sgrib pa med pa ste/ rlung gi lam las yang dag par 'das shing mtshan nyid

  39. 458b

    med cing ngo bo nyid med pa ste/ de'i phyir de ni sa bon gyi tshig go// 'jam dpal sangs rgyas zhes bya ba 'di ni sa bon gyi tshig go/ gsol pa bcom ldan 'das ci'i slad du des bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni 'tshang rgya bar byed pa med pa ste/ sangs rgyas pa med/ rjes su sangs rgyas pa med/ rdzogs par sangs rgyas pa med/ 'tshang bar nye ba dang bral ba/ 'tshang bar byed pa dben pa ste/ de'i phyir de ni sa bon gyi tshig go/ 'jam dpal chos shes bya ba sa bon gyi tshig go// gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dbyer med cing bcad du med pa ste/ bcad ba dang bral ba/ 'chad pas dben pa/ ming med pa/ mtshan ma med pa/ mtshan nyid med pa/ ngo bo nyid med pa/ tshig gi lam las yang dag par 'das pa ste/ de'i phyir de ni sa bon gyi tshig goH'jam dpal dge 'dun zhes bya ba 'di ni phur pa'i tshig go/ gsol pa bcom ldan 'das ci'i slad du phur pa'i tshig ces bgyi/ bcom ldan 'das kyis bka' stsal pa/ 'jam dpal 'phags pa'i dge 'dun ni chos nyid la shin tu gnas pa chos kyi dbyings dang / yang dag pa'i mtha' dang / tshul rnams dang / tshul khrims 'chal ba mnyam pa nyid dang / ting nge 'dzin dang / 'khrug pa mnyam pa nyid dang / shes rab dang shes rab 'chal pa mnyam pa nyid dang / rnam par grol ba dang / kun nas nyon mongs pa mnyam pa nyid la shin tu gnas shing gnas dang gnas ma yin pa

  40. 459a

    mi dmigs pa'i phyir ro// chos thams cad la rab tu gnas pas/ de'i phyir de ni phur ba'i tshig go// 'jam dpal chos thams cad yul ma yin no zhes bya ba 'di ni bur pa'i tshig go/ gsol pa bcom ldan 'das ci'i slad du phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha'i yul bsam gyis mi khyab pa'i yul yul med pa/ yul yang dag par chad pa dngos po med pa/ chad pa dang bral ba'i phyir dbang po dang bral ba ste/ de'i phyir de ni phur pa'i tshig go/ 'jam dpal chos thams cad dmigs pa med do zhes bya ba 'di ni phur pa'i tshig go/ gsol pa bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni gnas med cing rten pa yang med pa ste/ de dag ni dmigs pas dben pa'i phyir mi dmigs rnam par mi dmigs/ mi sbyor rnam par mi sbyor/ yongs su mi sbyor ba ste/ de'i phyir de ni phur pa'i tshig go/ 'jam dpal chos thams cad ni len pa med do zhes bya ba 'di ni phur pa'i tshig go/ gsol pa bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni chos kyi dbyings la yang dag par zhen pa ste/ de dag ni mi len mi 'dor mi tshol mi smon cing / smon pa yang dag par chad pa rang bzhin gyis rnam par zhi ba/ nam mkha' dang mnyam zhing 'dra ste/ de'i phyir phur ba'i tshig go// 'jam dpal chos thams cad nyon mongs pa med ces bya ba 'di ni phur ba'i tshig go

  41. 459b

    gsol pa bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dri ma med pa ste/ ci yang ma yin yang dag pa 'od gsal ba ste/ nam mkha' yongs su dag pa'i phyir shin tu dag pa nyon mongs pa mi dmigs pa'i phyir nyon mongs pa med pa ste/ de'i phyir de ni phur pa'i tshig go// 'jam dpal chos thams cad gzhi med pa zhes bya ba 'di ni phur pa'i tshig go/ gsol pa bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dngos po med cing dbang dang bral bas de dag la kun gzhi med pa ste/ de'i phyir de ni phur pa'i tshig go/ 'jam dpal chos thams cad bslab pa med pa ces bya ba 'di ni pa'i tshig go/ gsol pa bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni bslab pa dang bral ba ste/ de dge ni bslab par bya ba ma yin/ bsgom par bya ba ma yin/ bsam par bya ba ma yin/ yid la bya ba ma yin/ gnas par bya ba ma yin/ 'gro bar bya ba ma yin/ nan tan du bya ba ma yin/ log bI nan tan du bya ba ma yin/ spang bar bya ba ma yin/ mngon du bya ba ma yin/ bshags par bya ba ma yin/ dgod par bya ba ma yin/ dgrol bar bya ba ma yin/ brjod par bya ba ma yin/ bzung bar bya ba ma yin/ btang bar bya ba ma yin/ rab tu btang bar bya ba ma yin/ yongs su btang bar bya ba ma yin te/ de ci'i phyir zhe na/ 'jam dpal chos thams na ni shin tu btang bar rang bzhin/

  42. 460a

    gyis ma bzung ba/ rtag par btang ba ste/ de dag ni shes pas khong du chud par bya ba ma yin/ mi shes pas khongs su chud par bya ba ma yin te/ de'i phyir de ni phur pa'i tshig go/ de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das phur pa'i tshig brtsams te bdag kyang spobs pa skye'o// bcom ldan 'das kyis bka' stsal pa/ 'jam dpal khyod kyis spobs pa bskyed cig 'jam dpal gyis gsol pa/ bcom ldan 'das sems can thams cad byang chub thob pa'o zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur ba'i tshig ces bya/ 'jam dpal gyis gsol pa/ bcom ldan 'das chos thams cad ni thob pa ma mchis pa/ yang dag par thob pa ma mchis pa/ rjes su thob pa ma mchis pa/ thob par bgyid pa dang bral ba brtogs par bgyi ba ma mchis pa/ mngon par brtogs par bgyi ba ma mchis pa ste/ bcom ldan 'das sems can thams cad/ thams cad mkhyen pa nyid thob pa'o zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyi gsol pa/ bcom ldan 'das sems can rnams ni thams cad kyi thams cad du/ ma mchis la thams cad mkhyen pa nyid kyang dngos po ma mchis pa'i rjes su 'dral ba ste/ de'i slad du thams cad mkhyen pa nyid thob pa'o zhes bgyi ste/ bcom ldan 'das thams cad mkhyen pa nyid ni su la yang thob par bgyi ba'i tshul gyis nye bar gnas pa ma lags so// de ci'i bcom ldan 'das de'i slad du de ni phur pa'i

  43. 460b

    slad du zhe na/ bcom ldan 'das thams cad mkhyen pa nyid ni sems kyi rang bzhin te/ de'i slad du de ni phur pa'i tshig go// bcom ldan 'das sems can rnams ni thams cad mkhyen pa nyid ye shes dang ldan no zhes bgyi ba 'di ni phur pa'i tshig go/ bka' stsal pa/ 'jam dpal ci'i phyir phur pa'i tshig ces bya/ 'jam dpal gyis gsol pa/ bcom ldan 'das sem can thams cad ni ngo bo nyid ma mchis shing ngo bo nyid bral ba ste/ ngo bo nyid cig pa'i mtshan nyid pas de bzhin gshegs pa dang mnyam pa nyid kyi rjes su mchis pa/ thams cad mkhyen ba nyid ye shes kyi rang bzhin can te/ de'i slad du de ni phur ba'i tshig go/ bcom ldan 'das sems can thams cad byang chub kyi snying po zhes bya ba 'di ni phur pa'i tshig go// bka' stsal pa 'jam dpal ci'i phyir phur pa'i tshig ces bya/ 'jam dpal gyis gsol pa/ bcom ldan 'das byang chub kyi snying po zhes bgyi ba'i tshig gi don ci lags/ bcom ldan 'das kyis bka' stsal pa/ 'jam dpal byang chub kyi snying po zhes bya ba ni chos thams cad zhi ba'i snying po'o// chos thams cad skye ba med pa'i snying po'o// chos thams cad dngos po med pa'i snying po'o// chos thams cad bzung du med pa'i snying po'o// chos thams cad ngo bo nyid med pa'i snying po ste/ 'jam dpal de ni byang chub kyi snying po'i tshig gi don to// gsol pa bcom ldan 'das 'o na sems can thams cad snying po de dang rtag par ldan pa ma lags sam/ bcom ldan 'das kyis bka' stsal pa/ 'jam dpal de de bzhin no// gsol

  44. 461a

    pa bcom ldan 'das de ltar rnam grangs des kyang sems can thams cad ni byang chub kyi snying po ste/ de'i slad du de ni phur ba'i tshig go/ bcom ldan 'das sem can thams cad bzod pa thob po zhes bgyi ba 'di ni phur pa'i tshig go/ bka' stsal ba 'jam dpal ci'i phyir d+ma'i tshig ces bya/ 'jam dpal gyis gsol pa/ bcom ldan 'das sems can ni mi zad pa'i chos dang / mi 'grib pa'i chos dang / mi skye ba'i chos can te ming gi mtshan nyid kyis dben pa'i bzod pa mnyam pa nyid kyi rjes su ma mchis pas/ de'i slad du ni phur pa'i tshig go/ bcom ldan 'das sems can thams cad thogs pa med pa'i spobs pa can no// zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad kyis gang ci yang rung ste/ gang dang gang spobs par gyur pa de dang de ni phyogs bcu kun nas 'ang ma mchis te/ bcom ldan 'dag sems can thams cad sgrib pa ma mchis pa mnyam pa nyid kyi rjes su ma mchis shing dben pa la rang gi mtshan nyid la gnas pas/ de ltar de dag ma mchis pa lags te/ bcom ldan 'das rnam grangs de'i slad du de ni phur pa'i tshig go// bcom ldan 'das sems can thams cad gzungs thob bo zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni sems can gyi 'du shes can te/ yang dag par ma lags par yongs su brtags pa'i phyin ci log gi rtog pan

  45. 461b

    mtshan mar 'dzin pa'i slad du gzugs dang / sgra dang dri dang ro dang / reg bya rnams 'dzin pa'i slad du de ni phur pa'i tshig go// bcom ldan 'das sems can thams cad byams pa'i sems dang ldan no zhes bgyi ba de ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni sem can ma mchis pa ste/ rang bzhin gyis gnod sems ma mchis shing gnod sems dang / byams pa rtag tu ma mchis pa mnyam pa nyid thob pas/ de'i slad du de ni phur pa'i tshig go/ bcom ldan 'das sems can thams cad snying rje chen po dang ldan no zhes bgyi ba de ni phur pa'i tshig go// bka' stsal pa 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad bcos pa ma bgyis pa'i snying rje can te/ de bzhin gshegs pa'i mnyam pa nyid las ma 'das pa snying rje chen po'i ngo bo nyid dang ldan pas/ de'i slad du de ni phur pa'i tshig go/ bcom ldan 'das sems can thams cad ni ting nge 'dzin dang ldan no zhes bgyi ba 'di ni phur ba'i tshig go/ bka' stsal pa/ 'jab dpal ci'i phyir de phur pa'i tshig ces bya/ 'jam dpal gyis gsol pa bcom ldan 'das sems can thams cad ni dmigs pas dben pa'i slad du rang bzhin dang ldan pa ste/ bcom ldan 'das dmigs pa gang gis rnam par shes pa 'byung ba de ni dmigs pa de lam 'khrugs pa ste/ de'i slad du bcom ldan 'das dmigs pa'i rnam par shes pa rnams skad cig ma'i slad du ste/ de'i slad

  46. 462a

    du de ni phur pa'i tshig go// bcom ldan 'das sangs rgyas thams cad 'dod chags dang ldan no phur pa'i tshig go// bka' stsal pa 'jam dpal ci'i phyir de phur ba'i tshig gces bya/ 'jam dpal gyis gsol ba/ bcom ldan 'das sangs rgyas thams cad ni 'dod chags dang ldan pa ste/ 'dod chags kyi ngo bo nyid dang ldan zhing / rjes su brtog pa rtogs mnyam pa nyid las ma 'das pa ste/ dges shing rab tu dgyes la/ rnam par dgyes te/ nyon mongs pa mi mnga' bas na/ bcom ldan 'das 'dod chags nyid ni byang chub ste/ de ci'i slad du zhe na/ bcom ldan 'das 'dod chags kyi ngo bo nyid rjes su rtogs pas byang chub ces bgyi ste/ de'i slad du de ni phur pa'i tshig go/ bcom ldan 'das sangs rgyas bcom ldan 'das rnams ni zhe sdang dang ldan pa'o zhes bgyi ba 'di ni phur pa'i tshig go// bka' stsal ba 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni zhe sdang mnyam pa nyid la zhugs shing / 'du byed thams cad ni skyon yang dag par bston pa ste/ zhe sdang gi ngo bo nyid rjes su gtogs pas/ zhe sdang dang ldan pa zhes bgyi ste/ de'i slad du ni phur pa'i tshig go/ bcom ldan 'das sangs rgyas bcom ldan 'das rnams ni gti mug dang ldan no zhes bgyi ba 'di ni phur pa'i tshig go// bka' stsal pa/ 'jam dpal ci'i phyir da phur pa'i tshig ces bya/ 'jam dpal gyis gsol pa bcom ldan 'das rnams ni gti mug gi ngo bo nyid rjes su brtogs pas/ gti mug mnyam pa sas bcom ldan 'das

  47. 462b

    nyid la bzhugs shing / ming thams cad las grol ba ste/ de'i slad du de ni phur pa'i tshig go/ bcom ldan 'das sangs rgyas bcom ldan 'das rnams 'jig tshogs dang ldan ba zhes bgyi ba 'di ni phur pa'i tshig go/ bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'jig tshogs la bzhugs pa ste/ 'jig 'tshogs kyi mi skye 'byung bar thugs su chud pas/ chos thams cad kyis rgyas par mi 'gyur/ rnam par rgyas par mi 'gyur// yongs su rgyas par mi 'gyur te/ mi bzhugs pa'i tshul gyis bzhugs pa de'i slad du de ni phur pa'i tshig go// bcom ldan 'das sangs rgyas bcom ldan 'das rnams ni log par lta ba dang ldan no// zhes bgyi ba de ni phur pa'i tshig go/ bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'du byas log par yang dag par ston cing / 'dus byas yang dag par ston/ 'dus byas nor par yang dag par ston pa ste/ log par lta ba'i ngo bo nyid mtshan nyid kyis mnyam pa nyid thug su chud pas/ 'dus byas thams cad gsog ste/ brdzun pa smra ba'i chos can du ston pa mdzad pas/ de'i slad du de ni phur pa'i tshig go// bcom ldan 'das sangs rgyas bcom ldan 'das rnams kyis phyin ci log la gnas te/ byang chub sems brnyes so zhes dgyi ba dang / sangs rgyas bcom ldan 'das kyis sgrib pa la

  48. 463a

    gnas/ 'dod pa'i yon tan lnga la gnas 'dod chags la gnas/ zhe sdang la gnas gti mug la gnas te/ byang chub brnyes so zhes bgyi ba 'di ni phur pa'i tshig go/ bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das gnas zhes bgyi ba 'di ni leg par gnas pa'i tshig go/ bcom ldan 'das kyis bka' stsal pa/ 'jam dpal log par gnas pa zhes bya ba'i tshig gi don ci/ 'jam dpal gyis gsol pa bcom ldan 'das log par gnas pa/ smad par gnas pa/ g.yo ba rab tu g.yo zhes bgyi ba 'di ni so so'i skye bo rnams kyi tshig bla dgas te/ sangs rgyas bcom ldan 'das rnams ni 'dod chags mnyam pa nyid dang zhe sdang mnyam pa nyid dang gti mug mnyam pa nyid dang 'dod pa'i yon tan lnga mnyam pa nyid dang / sgrib pa mnyam pa nyid dang phyin ci log mnyam pa nyid la yang dag par zhugs shing / legs par bzhugs shing / de dag ni 'dod chags kyi ngo bo nyid kyi gnas na bzhags bzhin du/ bla na med pa yang dag par rdzogs pa'i byang chub mngon par rdzogs par 'tshang rgya'o// zhe sdang gi ngo bo nyid kyi gnas na bzhugs/ gti mug gi ngo bo nyid kyi gnas na bzhugs/ 'dod pa'i yon tan lnga'i ngo bo nyid kyi gnas na bzhugs/ sgrib pa'i ngo bo nyid kyi gnas na bzhugs/ phyin ci log gi ngo bo nyid kyi gnas na bzhugs bzhin du bla na myed pa yang dag par rdzogs pa'i byang chub tu mngon par rdzogs par 'tshang rgya'o// de skad ces gsol pa dang / bcom

  49. 463b

    ldan 'das kyis 'jam dpal gzhon nur gyur pa la 'di skad ces bka' stsal pa/ 'jam dpal khyod la gal te la la zhig gis 'di skad du/ de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa zhes zer zhing / de skad ces 'dri na lan ji skad bdab/ gsol ba bcom ldan 'das gal te la la zhig de skad du de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes mchi na/ bcom ldan 'das de skad ces 'dri na de la bdag gis 'di skad ces bgyi ste/ re shig dge ba'i bshes gnyen dag la rim 'gro gyis shig/ rnal 'byor la brtson par gyis shig/ chos gang la yang sbyar ba dang dbye ba'abyed cing / bzung ba dang gtang bar ma byed cig/ dmigs pa dang rnam par dmigs par ma byed cig/ btang snyoms dang spang bar ma byed cig/ tshol ba dang smon par ma byed cig chos gang la yang rab ces 'am/ pha ma zhe 'am/ mchog ces bya bar yang dag par rjes su ma lta zhig dang de'i 'og tu de bzhin gshegs pa'i yul shes par 'gyur ro// de bzhin gshegs pa'i yul ni bsam gyis mi khyad pa ste/ yul dang bral zhing yul med pa yul thams cad dang yang dag par bral ba/ chos yang dag par chad pa'o zhes bgyi'o// bka' stsal pa/ 'jam dpal khyod kyis de skad ces lung bstan na/ ci zhig lung bstan par 'gyur/ gsol pa bcom ldan 'das

  50. 464a

    bdag gis de skad ces lung bstan pas/ chos gang yang lung bstan par gyur pa ma mchis so// bcom ldan 'das de bzhin gshegs pa bcom ldan 'das kyis byang chub kyi snying po la bzhugs pa'i tshe/ chos la la zhig skye ba'am/ 'gag pa gang yang gzigs sam/ bka' stsal pa 'jam dpal de ni ma yin no// 'jam dpal gyis gsol pa/ bcom ldan 'das chos gang ma skyes shing ma byung la/ dge ba'i chos dang ldan pa'ang ma lags mi dge ba'i chos rnams dang ldan pa'ang ma lags pa de la yongs su shes par bgyi ba ni gang zhig mchis/ spang ba ni gang zhib mchis/ bsgom pa ni gang zhig mchis/ mngon du bgyi ba ni gang zhig mchis/ mngon par gtogs par bgyi ba yang gang zhig mchis// de nas steng gi bar snang las lha'i bu stong phrag bcus de bzhin gshegs pa dang / 'jam dpal gzhon nur gyur pa la lha rdzas kyi me tog ud pa la dang / ku mu ta dang / pun da ri ka dang / man da ra ba dang man de ra ba chen po dang man dzu sha dang / man dzu sha chen po mang pos mngon par gtor to// rab tu gtor nas bcom ldan 'das dang 'jam dpal gyi zhabs la phyag 'tshal zhing / 'di skad kyi tshig brjod par gyur te/ bcom ldan 'das 'di ni chags pa ma mchis pa'i dpal te/ de ni 'jam dpal lo// bcom ldan 'das 'di ni mi gnyis pa'i dpal te/ de/ ni 'jam dpal lo// bcom ldan 'das 'di ni dngos po ma mchis pa'i dpal te/ de ni 'jab dpal lo// bcom ldan 'das 'di ni nyon mongs pa ma mchis pa'i dpal te/ de ni 'jam

  51. 464b

    dpal lo// bcom ldan 'das 'di ni de bzhin nyid kyi dpal te/ de ni 'jam dpal lo// bcom ldan 'das 'di ni ma nor ba de bzhin gyi dpal te/ de ni 'jam dpal lo// bcom ldan 'das de ni chos kyi dbyings kyi dpal te/ de ni 'jam dpal lo// bcom ldan 'das 'di ni yang dag pa'i mtha'i dpal te/ 'di ni 'jam dpal lo bcom ldan 'das de ni dam pa'i dpa' te/ de ni 'jam dpal lo// bcom ldan 'das 'di ni mchog gi dpal te/ de ni 'jam dpal lo// bcom ldan 'das 'di ni phul ba'i dpal te/ de ni 'jam dpal lo// bcom ldan 'das 'di ni bla na ma mchis pa'i dpal te/ de ni 'jam dpal lo// de skad ces smras pa dang / 'jam dpal gzhon nur gyur pas lha'i bu de dag la 'di skad ces smras so// lha'i bu dag chos gyis bdag lam gtog/ rnam par rtog shig/ kho bos ni chos gang yang dam pa zhes bya ba 'am/ mchog ces bya ba'am/ phul zhes bya ba de lta bu yang dag par rjes su ma mthong ngo // lha'i bu dag kho bo ni 'dod chags kyi dpal te/ di phyir kho bo 'jam dpal lo// kho bo ni zhe sdang gi dpal te/ de'i phyir kho bo 'jam dpal lo// kho bo ni gti mug gi da te/ de'i phyir kho bo na 'jam dpal lo// lha'i bung ga kho bo ni 'dod chags las yongasu 'das pa ma yin zhes sdang las yongasu 'das pa ma yin/ gti mug las yongs 'das pa na/ yin te/ rtswab dra dag byis pam ma skye ba dag ni 'ad ba zhing yongs su 'da' ba dang / rnam par 'da' ba dag byed kyi/ byang chu sems dpa' nams ni chas gang ma nga 'bo ba dag 'as/

  52. 465a

    pa 'am 'da' ba med do// lha'i du rnams kyis smras pa/ 'jam dpal 'on byang chub sems dpa' rnams sangs rgyas kyi chos rnams rnam par mi gnon tam/ sa bcu rjes su mi gnon tam/ 'jam dpal gyis smras pa/ lha'i bu dag ji snyam du sems/ sgyu mas sprul pa'i sems dang sems las byung ba dag sangs rgyas kyi chos rnam par gnon cing sa bcu rjes su gnon pa yod dam/ lha'i bu rnams kyis smras pa/ 'jam dpal sgyu ma'i skyes bu la gnas kyang med na/ sangs rgyas kyi chos rnam par gnon pa 'am/ sa rjes su gnon pa lta ba la yod/ 'jam dpal gyis smras pa/ lha'i bu dag de bzhin du chos thams cad sgyu ma lta bu ste/ de dag ni gnon pa med pa/ rgya bar mi 'gyur ram/ rnam par gnon med/ yongs su gnon pa med de/ 'da' ba med do// lha'i bu dag gis smras pa/ 'o na 'jam dpal khyod byang chub mngon par rdzogs pa 'tshang rgya bar mi 'gyur ram/ 'jam dpal gyis smras pa/ lha'i bu dag de ji snyam du sems/ byis pa so so'i skye bo 'dod chags kyis kun nas klags pa zhig byang chub kyi snying por 'dug na/ thams cad mkhyen pa'i ye shes dang ldan par gyur ram/ lha'i bu dag gis smras pa/ ci 'jam dpal 'o na khyod 'dod chags kyis kun nas klags pa'i byis pa so so'i skye bo yin nam/ 'jam dpal gyis smras pa/ lha'i bu de de bzhin te/ bdag gi 'dod chags kyis kun gyis kun nas klags pa'o// zhe sdang gis klags pa'o// gti mug gis kun nas klag pa'o// bdag ni mu stegs can gzhan no log pa la zhen pa'o//

  53. 465b

    'jam dpal gyis smras pa lha'i du dge gis smras pa/ 'jam dpal ci las bsams te de skad du bdag ni 'dod chags kyis kun nas grags pa'o// zhe sdang gis kun nas klags pa'o// gti mug gis kun nas klag pa'o zhes smra lha'i bu dag de ji ltar mi gnas pa'i tshul gyis 'dod chags dang / zhe sdang dang / gti mug gi ngo bo nyid la gnas pa'i phyir/ ji ltar phyogs bcu kun tu gnas med pa de ltar gan+da so// lha'i bu dag gis smras pa/ 'jam dpal khyod ji ltar mu stegs can gzhan zhes bya ba yin/ smras pa lci'i bu dag kho bo ni mu stegs can gzhan na mi 'gro ste/ de'i phyir mu stegs can gzhan zhes bya'o// lha'i bu dag gis smras pa/ 'jam dpal khyod ji ltar lta ba log pa la zhen ces bya/ 'jam dpal gyis smras pa/ lha'i bu dag kho bo ni chos thams cad log par shes te/ yang dag pa ma yin zhing nor la/ yongs su brtags par khongs su chud pas de'i phyir kho bo ni log pa la zhen pa'o// de nas de'i tshe lha'i bu stong phrag bcu po de dag gis 'jam dpal gyis snyan pa de thos nas mi skye ba'i chos la bzod pa thob par gyur to// 'di skad ces kyang smras te/ rdo rje'i tshig dang / sa bon gyi tshig dang / phur pa'i tshig rnam pa 'di lta bu dag gang gi rna laM/ du grag par gyur pa de dag kyang / thob par bya ba leg par thob pa yin na/ gang gis thos nas mos par gyur pa dang / yid ches pa dang / lung 'bog pa dang / kha ton byed pa dang / 'dzin pa dang / klog pa dang / ston pa dang / de bzhin nyid du nan tan byed pa lta smos kyang ci dgos te/ de dag ni thogs pa med pa'i smon pa rjes su thob par 'gyur ro// tshul cig bstan pa la mkhas par 'gyuraro// mas cad la snang ba thor bar bgyuro//

  54. 466a

    chos thams cad sangs rgyas kyi chos dang sbyor bar bya'o// // bam po gsum pa ste tha ma'o// // de nas bcom ldan 'das la lha'i bu pad+mo rnam par rol pa'i mngon par shes pas 'di skad ces gsol to// bcom ldan 'das slad ma la byang chub sems dpa' rnams kyi rnam pa 'di lta bus chos thos nas mi 'jigs mi dang skrag par mi 'gyur ba dang / sgra thams cad rtogs par 'tshal bar 'gyur ba dang / thogs pa ma mchis shing the tsom ma mchis par bgyi ba'i slad du/ sgra dang skad tshig la 'jug pa'i rig pa bstan du gsol/ de skad ces gsol pa dang / bcom ldan 'das kyis lnga'i bu pad+mo rnam par rol pa'i mngon par shes pa la 'di skad ces bka' stsal to// lha'i bu khyod la gnas de dris pas ci zhig bya chog mod/ sgra dang skad la 'jug pa'i rig pa de ni las dang po pa'i byang chub sems dpas pas shes pa 'am/ khong du chud pa 'am/ bsam pa 'am/ gzhal ba 'am/ dpyad par sla ba ma yin no// de ni byang chub sems dpa' las dang po pa'i mdun du brjod par bya ba ma yin te/ lha'i bu sgra dang skad la 'jug pa khong du chud pa'i byang chub sems dpa' sems dpa' chen po ni gal te bskal pa gang+gA'i klung gi bye ma snyed du log pa'i tshig yang dag pa ma yin pa'i ngag dag gis mi snyen par brjod de spyad kyang de la long khro ba'i sems mi bskyed do// gal te 'asal pa gna'i klung gi bye ma snyed du bde ba 'i lo byad gos dang / las dang / mal cha dang / nad kyi rkyen rtsi dang yo byang

  55. 466b

    thams cad kyis rim gror byas/ bkur bstir byas/ sti stang du byas/ mchod par byas kyang de la chag pa'i sems mi 'byung ste/ lha'i bu 'di lta ste dper na/ dgra bcom pa zad bzang pa ni/ chags pa bya ba'i gnas kyi chos thams cad la yang chags par mi 'gyur khong khro bar bya ba'i gnas kyi chos thams cad la yang khong khro bar mi 'gyur ro// lha'i bu de bzhin du/ sgra dang skad la 'jug pa khong du chud pa'i byang chub sems dpa' yang bskal pa gang+gA'i klung gi bye ma snyed du bde ba'i yo byad thams cad kyis rim 'gro byas kyang / de la chags pa'i sems mi bskyed do// bskal pa gang+gA'i klung gi bye ma snyed du log pa yang dag pa ma yin pa'i tshig gis mi snyen par brjod de spyos kyang khong khro ba'i sems mi bskyed do// lha'i bu de ltar sgra dang skad la 'jug pa'i khong khro khong du chud pa'i byang chub sems dpa' ni/ thob pa dang / ma thob pa dang / grags pa dang / ma grags pa dang / bstod pa dang smad pa/ bde ba dang sdug bsngal ba thams cad kyis mi bskyod mi 'phrogs te/ 'jig rten gyi chos thams cad zil gyis mnan cing ri'i rgyal po ltar mi bskul bar gnas so// de skad ces bka stsal pa dang / bcom ldan 'das la lha'i bu pad+mo rnam par rol pa'i mngon pas shes pas 'di skad ces gsol to// bcom ldan 'das 'on kyang ma byung ba'i dus na byang chub sems dpa' 'du shes sbyangs pa/ 'du shes byang ba ji snyed cig 'byung bar gyur pa de dag gis/ sgra dang skad la 'jug pa'i rig pa 'di thos na rang gi skyon yang gtogs par 'gyur/ gzhan

  56. 467a

    la yang ston par 'gyur na/ bcom ldan 'das sgra dang skad la 'jug pa'i rig pa bshad du gsol/ de skad gsol ba dang / bcom ldan 'das kyis lha'i bu pad+mo rnam par rol pa'i mngon par shes pa la 'di skad ces bka' stsal to// lha'i bu de bas na shin tu legs par nyon la yid la zung shig dang don 'di ngas khyod la bsha// bcom ldan 'das de de ltar bgyi'o zhes nas/ lha'i bu pad+mo rnam par rol pa'i mngon par shes pa/ bcom ldan 'das kyis bka' stsal pa ltar mnyan no// bcom ldan 'das kyis de la 'di skad ces bka' stsal to// lha'i bu gal te byang chub sems dpa' 'dod chags kyi sgra la nyes pa'i 'du shes su 'gyur zhing / 'dod chags dang bral ba'i sgra la chags pa'i 'du shes su 'gyur na/ sangs rgyas kyi chos rnams la mi slob bo// zhe sdang gi sgra la kha na ma tho ba'i 'du shes su 'gyur zhing / zhe sdang dang bral ba'i sgra legs pa'i 'du shes su 'gyur na/ sangs rgyas kyi chos rnams la mi slob bo// gti mug gi sgra la kha na ma tho ba'i 'du shes su 'gyur zhing / gti mug dang bral ba'i sgra la legs pa'i 'du shes su 'gyur na/ sangs rgyas kyi chos rnams la mi slob bo// 'dod pa chung ba'i sgra la chags shing / 'dod pa che ba'i sgra la khong khro na/ sgra skad la 'jug pa'i rig pa la mi slob bo// chog shes pa'i sgra la chags shing chog mi shes pa'i sgra la khong khro na/ sgra dang skad la 'jug pa'i rig pa la mi slob bo// sdom pa'i sgra la chags shing / mi sdom pa'i sgra la khong khro na/ sgra skad la 'jug pa'i

  57. 467b

    rig pa la mi slob bo// cig pur dga' ba'i sgra la chags shing / skye bo phal po chel khong khro na/ sgra dang skad la 'jug pa'i rig pa la mi slob bo// sangs rgyas kyi sgra la chags shing mu stegs can gyi sgra la long khro na/ sgra dang skad la 'jug pa'i rig pa la mi slob bo// tshangs par spyod pa'i sgral zhen cing / tshangs par mi spyod pa'i sgra la zhe sdang na/ sgra dang skad la 'jug pa'i rig pa la mi slob bo// kun nas nyon mongs pa'i sgra la khong khro zhing / rnam par byang ba'i sgra la chags na/ sgra dang skad la 'jug pa'i rig pa la mi slob bo// 'bras bu la gnas pa'i sgra la chags shing / byis pa so so'i sgra la khong khro na/ sgra dang skad la 'jug pa'i rig pa la mi slob bo// bde ba'i sgra la chags shing / sdug bsngal gyi sgra la khong khro na/ sgra dang skad la 'jug pa'i rig pa la mi slob bo// rab tu 'byung ba'i sgra la chags shing / khyim pa'i sgra la khong khro na/ sgra dang skad la 'jug pa'i rig pa la mi slob bo// 'jig rten las 'das pa'i sgra la chags shing / 'jig rten pa'i sgra la khong khro na/ sgra dang skad la 'jug pa'i rig pa la mi slob bo// sbyin pa'i sgra la legs pa'i 'du shes su 'gyur zhing / ser sna'i sgra la/ khong khro ba'i 'du shes su 'gyur na/ sangs rgyas kyi chos rnams la mi slob bo// tshul khrims kyi sgra la chags pa'i 'du shes su 'gyur zhing / tshul khrims 'chal pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// bzod pa'i sgra la legs pa'i 'du shes su 'gyur zhing / gnod sems kyi sgra la khong khro ba'i 'du shes su 'gyur na/

  58. 468a

    sangs rgyas kyi chos rnams la mi slob bo// brtson 'grus brtsams pa'i sgra la legs pa'i 'du shes su 'gyur zhing / le lo'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// bsam gtan gyi sgra la legs pa'i 'du shes su 'gyur zhing / 'khrug pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// shes rab kyi sgra la legs pa'i 'du shes su 'gyur zhing / shes rab 'chal pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// nye ba'i sgra la chags shing / ring ba'i sgra la khong khro na/ sgra dang skad la 'jug pa'i rig pa la mi slob bo// 'khor ba'i sgra la kha na ma tho ba'i 'du shes su 'gyur zhing / mya ngan las 'das pa'i sgra la legs pa'i 'du shes su 'gyur na/ sgra dang skad la 'jug pa'i rig pa la mi slob bo// tshu rol gyi sgra la khong khro zhing pha rol gyi sgra la chags na/ sgra dang skad la 'jug pa'i rig pa la mi slob bo// grong gi sgra la kha na ma tho bar 'du shes par 'gyur zhing / dgon pa'i sgra'i 'du shes la chags par gyur na/ skra dang skad la 'jug pa'i rig pa la mi slob bo// gcig pur spyod pa'i sgra la chags shing / 'du 'dzi spyod pa'i sgra la khong khro na/ sgra dang skad la 'jug pa'i rig pa la mi slob bo// dge srong gi spyod pa la chags shing / khyim pa'i spyod pa la khong tho na/ sgra dang skad la 'jug pa'i rig pa la mi slob bo// spyod lam gyi bya ba la chags shing / spyod lam ma yin

  59. 468b

    pa'i bya ba la khong khro na/ sangs rgyas kyi chos rnams la mi slob bo// tshul du shes pa la gachags shing / tshul du mi shes pa la khong khro na/ sangs rgyas kyi chos rnams/ la mi slob bo// tshul khrims kyi spyod pa la chags shing / tshul khrims 'chal pa'i spyod pa la khong khro na/ sangs rgyas kyi chos rnams la mi slob bo// ma 'dres pa'i spyod pa la/ chags shing / 'dres pa'i spyod pa la khong khro na/ sangs rgyas kyi chos rnams la mi slob bo// 'dod chags dang bral ba'i spyod pa la chags shing / 'dod chags kyi spyod pa la khong khro na/ sangs rgyas kyi chos rnams la mi slob bo// zhe sdang med pa'i sems la chags shing / zhe sdang gi 'du shes la khong khro na/ sangs rgyas kyi chos rnams la mi slob bo// gti mug dang bral ba'i 'du shes la chags shing / gti mug gi 'du shes la khong khro na/ sangs rgyas kyi chos rnams la mi slob bo// stong pa nyid la chags shing dmigs pa la khong khro na/ sangs rgyas kyi chos rnams la mi slob bo// mtshan ma med pa la chags shing / mtshan ma la khong khro na/ sangs rgyas kyi chos rnams la mi slob bo// smon pa med pa la chags shing / smon pa la khong khro na/ sangs rgyas kyi chos rnams la mi slob bo// byang chub sems dpa'i spyod pa la chags shing / nyan thos dang rang sangs rgyas kyi spyod pa la khong thon/ sangs rgyas kyi chos rnams la mi slob bo// byang chub sems dpa' la ltung bas rgol na/ byang chub las ring du 'gyur te/ las kyi sgrib pa yongs su 'dzin to// spyod pa la

  60. 469a

    'phya na byang chub las ring du 'gyur ro// spyod lam gyis rgol na/ byang chub las ring du 'gyur ro// gal te byang chub sems dpas byang chub sems dpa' la dma' ba'i 'du shes bskyed de/ bdag la che ba'i 'du shes bskyed na/ bdag ni rma 'byung ste/ las kyi sgrib pa yang yongs su 'dzin to// 'di la byang chub sems dpas byang chub sems dpa' la gdams shing rjes su bstan na/ ston pa'i 'du shes nye bar gzhag ste/ gdams shing rjes su bstan par bya'o// gal te des byang chub yongs su ma btang zhe na/ byang chub sems dpas byang chub sems dpa' la brnyas pa'i sems bskyed par mi bya'o// lha'i bu byang chub sems dpa'i dge ba'i rtsa ba rnams ni/ ji ltar byang chub sems dpa' gnyis la brten de/ 'chad na 'gyur ba de ltar gang gis kyang yongs su 'chad par mi 'gyur ro// lha'i de lta bas na/ byang chub sems dpa'i dge ba'i rtsa ba thams cad yongs su bsrung bar 'dod cing / las kyi sgrib pa thams cad yongs su spang bar 'dod pa dang / chos thams cad la sgrib pa med par myur du thob par 'dod pas/ nyin lan gsum mtshan lan gsum du byang chub sems dpa'i theg pa pa thams cad la phyag bya'o// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das kyis ji skad gsungs pa'i don bdag gis 'tshal te/ 'dod chags kyi sgra dang sangs rgyas kyi sgra de ni mtshungs pa'o// zhe sdang gi

  61. 469b

    sgra dang sangs rgyas kyi sgra de ni mtshungs pa'o// gti mug gi sgra dang sangs rgyas kyi sgra de ni mtshungs pa'o// mu stegs can gyi sgra dang sangs rgyas kyi sgra de ni mtshungs pa'o// 'dod pa chung ba'i sgra dang / 'dod pa che ba'i sgra de ni mtshungs pa'o// chog shes pa'i sgra dang chog mi shes pa'i sgra de ni mtshungs pa'o// sdom pa'i sgra dang mi sdom pa sgra de ni mtshungs pa'o// gcig pu dga' ba'i sgra dang / 'du 'dzi'i sgra de ni mtshungs pa'o// tshu rol gyi sgra dang pha rol gyi sgra de ni mtshungs pa'o// ring ba'i sgra dang nye ba'i sgra de ni mtshungs pa'o// 'khor ba'i sgra dang mya ngan las 'das pa'i sgra de ni mtshungs pa'o// grong gi sgra dang dgon pa'i sgra de ni mtshungs pa'o// sbyin pa'i sgra dang ser sna'i sgra de ni mtshungs pa'o// tshul khrims kyi sgra dang tshul khrims 'chal ba'i sgra de ni mtshungs pa'o// bzod pa'i sgra dang gnod sems kyi sgra de ni mtshungs pa'o// brtson 'grus kyi sgra dang le lo'i sgra de ni mtshungs pa'o// bsam gtan gyi sgra dang 'khrug pa'i sgra de ni mtshungs pa'o// shes rab kyi sgra dang shes rab 'chal pa'i sgra de ni mtshung pa'o// de nas lha'i bu pade mo rnam par rol pa'i mngon par shes pas/ 'jam dpal gzhon nur gyur pa la 'di skad ces smras so// 'jam dpal ci'i phyir na de de dag mtshungs shes bya/ 'jam dpal gyis smras pa/ lha'i bu 'dod chags kyi sgra la khyod ji ltar sems/ lha'i bus smras pa/ brag cha dang 'dra bar shes so//

  62. 470a

    'jam dpal gyis smras pa/ lha'i bu 'o na sangs rgyas kyi sgra khyod kyi ji ltar shes/ lha'i bus smras pa/ 'jam dpal de yang sgra brnyan gyi mnyam pa nyid las 'das pa'o// 'jam dpal gyis smras pa/ lha'i bu rnam grangs des kyang khyod kyis 'di ltar de dag ni mtshungs pa yin par rig par bya'o// de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal khyod sngon las dang po pa'i sa la gnas shing 'di lta bu'i tshul khong du ma chud pa'i tshe/ las kyi sgrib pa ji lta bu dag mngon par 'du byed pa lung bston cig dang / 'jam dpal des ma 'ongs pa'i dus na/ byang chub sems dpa' dam bca' bar ji snyed cig 'byung bar 'gyur ba de dag kyang de lta bu las kyi sgrib pa thos pa dang rang rang bsrung bar 'gyur ro// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// ci sman bcom ldan 'das gal te de ltar de lta bu'i sug las kyi sgrib pa'i nongs pa thos pa na yid mi bde ba yang 'gyur la/ sug las kyi sgrib pa rnam par dag pa thob zin du lags kyang / chos thams cad la sgrib pa 'thob par 'gyur lags pa snga ma/ bcom ldan 'das sngon 'das pa'i dus/ bskal pa grangs ma mchis pa/ shin tu bgrang ba las 'das pa/ yangs pa tshad ma mchis pa/ bsam gyis mi khyab pa de'i phyi rol/ de'i yang phyi rol

  63. 470b

    de'i dus de'i tshe na/ de bzhin gshegs pa dgra bcom pa yang dag par rdzogs pa'i sangs rgyas seng ge ring ro rnga sgra'i rgyal po zhes bgyi ba rig pa dang zhabs su ldan pa/ bde bar gshegs pa 'jig rten mkhyen pa bla na med pa skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du 'byung ste/ de bzhin gshegs pa de'i sku tshe'i tshad ni dgung lo bye ba khrag khrig brgya phrag stong du gyur to// theg pa ni gsum gyis sems can rnams yongs su mya ngan las bzlo bar gyur to// 'jig rten gyi khams de'i ming ni snang ba chen po can zhes bgyi ste/ 'jig rten gyi khams de na bzhugs shing l+h+wam bu gang ji snyed pa de dag thams cad kyang / rin po che sna bdun gyi rgyu las grub par gyur te/ zhugs shing de dag las kyang de lta bu'i sgra 'byung ste/ gang 'di stong pa nyid kyi sgra dang / mtshan ma ma mchis pa'i sgra dang / smon pa ma mchis pa'i sgra dang / skye ba ma mchis pa'i sgra dang / dngos po ma mchis pa'i sgra dang / mtshan nyid ma mchis pa'i sgra dang / rnam pa de lta bu'i sgra dag 'byung ste/ sgra 'byung ba de dag gis sems de dag mngon par rtogs pa 'thob par gyur to// de bzhin gshegs pa de'i nyan thos kyi tshogs dang po ni/ dge slong bye ba dgu bcu rtsa dgu ni tshogs su gyur te// thams cad kyang dgra bcom pa zag pa zad pa/ khur bor rab rang gi don rjes su thob pa/ srid pa sbyor ba yongs su zad pa/ bka' yang dag pas sems shin tu

  64. 471a

    rnam par grol ba sha stag gi tshogs su gyur to// tshogs gnyis pa ni dge slong bye ba phrag dgu bcu rtsa drug gi tshogs su gyur to// tshogs gsuM pa ni dge slong bye ba phrag dgu bcu rtsa gsum gyi tshogs su gyur to// tshogs bzhi pa ni dge slong bye ba phrag dgu bcu'i tshogs su gyur to// thams cad kyang dgra bcom pa zag pazang baHkhur bor ba rang gi don rjes su thob pa/ srid par sbyor ba yongs su zad pa/ bka' yang dag pas sems shin tu rnam par grol ba sha stag gi tshogs su gyur to// byang chub sems dpa'i tshogs kyang grangs de dag snyed du gyur to// thams cad kyang mi skye ba'i chos la bzod pa dang ldan pa/ tshul sna tshogs bsgrub pa la mkhas pa/ sangs rgyas bye ba khrag khrig brgya stong mang po bsnyen bkur ba/ sangs rgyas kyi zhing bye ba khrag khrig brgya stong mang por rnam par grags pa/ sems can bye ba khrag khrig brgya stong mang po yang dag par grol ba/ sgo mtha' yas pa'i bzungs rab tu thob pa/ ting nge 'dzin bye ba khrag khrig brgya stong mngon par bsgrub pa la mkhas pa sha stag gi tshogs su gyur to// de ma lags pa'i byang chub sems dpa' sems dpa' chen po las dang po dang / theg pa la gser du zhugs pa rnams lta smos kyang ci 'tshal te/ de bzhin gshegs pa de'i sangs rgyas kyi zhing gi rgyan du gyur pa de dag ni tshig gis brjod par sla ba ma lags so// de bzhin gshegs pa de yongs su mya ngan las 'das nas/ dam pa'i chos ni dgung lo stong

  65. 471b

    zag drug bcu'i bar du gnas par gyur te/ zhugs shing de dag las kyang sgra de dag deng slan chad mi 'byung bar ma gyur to// bcom ldan 'das de'i tshe dge slong byang chub sems dpa' chos smra ba rab tu dga' ba'i dbang po zhes bgyi ba byung ste/ bcom ldan 'das byang chub sems dpa' rab tu dga' ba'i dbang po de ni sngon spyad pa spyod pa ste/ spyod lam bcos mi 'tshal ba 'jig rten pa'i chos thams cad las slar log pa ma mchis pa ste/ sems can de dag kyang dbang po rno zhing phye ba tsam gyis 'tshal lo// zab mo la mos pa sha stag ste/ de ni sems can de dag la 'dod pa chung ba'i bsngags pa yang mi brjod/ chog shes pa dang bsdom pa dang cig pur dga' ba'i bsngags pa yang mi brjod/ 'du 'dzim mchis pa'i bsngags pa myi brjod cing / des sems can de dag chos thams cad ni 'dod chags kyi ngo bo nyid do zhes bgyi bar bstan/ chos thams cad ni zhe sdang gi ngo bo nyid do zhes bgyi bar bstan/ chos thams cad ni gti mug gi ngo bo nyid do zhes bgyi bar bstan/ chos thams cad ni sgrib pa med pa zhes bgyi bar bstan to// des thabs des spyod pa thams cad kyang mtshan nyid cig pu zhes bgyi bar bstan nas/ sems can thabs de lta bus bstan pa de dag kyang byang chub sems dpa' de'i spyod pa la mi dga' bar ma gyur to// khong khro ba'i sems ma mchis pa de dag bzod pa'i sa thob par gyur to// de bzhin gshegs pa'i bstan pa yang mi byed cing nges par gyur to//

  66. 472a

    de'i tshe dge slong byang chub sems dpa' chos smra ba rgyal ba'i blo gros zhes bgyi ba byung ste/ bcom ldan 'das chos smra ba rgyal ba'i blo gros zhes bgyi ba de ni bsam gtan bzhi pa thob pa/ gzugs ma mchis pa'i snyoms par 'jug pa bzhi thob pa ste/ spangs pa'i yon tan bcu gnyis kyang yang dag par blangs te gnas par gyur to// bcom ldan 'das byang chub sems dpa' rgyal ba'i blo gros kyis 'dul bar gyur pa de dag ni skyon 'dzin cing skyon brjod pa blo mi brtan pa sha stag tu gyur te/ bcom ldan 'das de nas byang chub sems dpa' rgyal ba'i blo gros bsod snyoms la spyod pa zhig gi tshe/ ma rig nas byang chub sems dpa' rab tu dga' ba'i dbang po bsrung ba'i grong der mchis te/ des de na khyim bdag gi bu'i gnas shig mchis par mthong nas/ khyim bdag gi bu gang na ba der mchis nas phyin pa dang / stan bting ba la mchis te/ khyim bdag gi bu de la 'dod pa chung ba'i bka' mchid brjod/ chog shes pa'i bka' mchid brjod/ bsdom pa'i bka' mchid brjod/ 'du 'dzi'i nongs pa brjod/ cig pur dga' ba'i bsngags pa brjod 'du 'dzi ma mchis pa'i bsngags pa brjod nas/ khyim bdag gi bu de'i mdun du byang chub sems dpa' rab tu dga' ba'i dbang po la mi bstan pa brjod pa dge slong des ni skye bo mang po log par bstan no// dge slong de ni skye bo log par lta bar byas so// dge slong de ni 'du 'dzi'i nang na rnam par spyod pa ste/ 'dod chags ni sgrib pa med

  67. 472b

    do zhes ston to// zhe sdang ni sgrib pa med do zhes ston no// gti mug gi sgrib pa med do zhes ston te/ chos thams cad ni sgrib pa med do zhes brjod pa dang / khyim bdag gi bu de yang dbang po rno ba bzod pa thob pa zhig ste des dge slong de la smras pa/ btsun pa khyod kyis 'dod chags ji ltar mkhyen/ des smras pa/ khyim bdag gi bu 'dod chags ni kun nas nyon mongs par shes so// smras pa 'o na btsun pa 'dod chags de nang na mchis sam/ phyi rol na mchis/ smras pa/ 'dod chags ni nang na yang med phyi rol na yang med do// smras pa btsun pa de ltar 'dod chags nang na yang ma mchis phyi rol na yang ma mchis na/ shar phyogs na yang ma mchis/ lho phyogs na yang ma mchis/ nub phyogs na yang ma mchis/ byang phyogs na yang ma mchis/ steng na mya mchis/ 'og na yang ma mchis/ phyogs mtshams rnams na yang ma mchis pa de lta lags na de ni ma skyes pa lags te/ gang ma skyes pa de la kun nas nyon mongs pa 'am/ rnam par byang ba ci zhig mchis/ de nas dge slong rgyal ba'i blo gros kyis bstan pa de thos nas 'khrugs te/ shin tu ma dga' nas bsod snyoms kyang ma blangs par bstan las langs te ma mchis so// 'di skad kyi tshig kyang brjod de/ kye ma dge slong des ni skye bo mang po log par bstan to zhes nas/ khyim de nas byung / sde dgon pa logs su mchis so// de skad kyis gtsug lag 'ang du mchis nas/ dge song lhag ma rnams la yang bso// dge 'dun gyi nang na yang dge slong de mthong nas/

  68. 473a

    'di skad du dge slong 'di ni skye bo log par ston cing / dge slong 'di ni skye bo mang po log par lta bar byed de/ 'di ni 'dod chags kyi sgrib pa/ med do zhes ston to// zhe sdang gi sgrib pa med do zhes ston to// gti mug gi sgrib pa med do zhes ston to// chos thams cad sgrib pa med do zhes bgyis so// de nas bya chub sems dpa' rab tu dga' ba'i dbang po de 'di snyam du gyur te/ dge slong 'dis ni gdon mi za bar las kyi sgrib pa bsags par gor ma chag na/ de la bdag gis zab mo'i gtam bya'o// des ni ma nas na'ang 'di ni byang chub kyi phyogs kyi chos rnams bsgom pa'i rgyu tsam du yang 'gyur ro snyam ste/ de nas byang chub sems dpa' rab tu dga' ba'i dbang pos dge slong gi dge 'dun thams cad cig tu 'dun par bgyis nas/ de'i tshe tshigs su bcad pa 'di dag smras so// 'dod chags mya ngan 'das pa gsung// zhe sdang gti mug de bzhin te// byang chub de dag gnas nyid ni// sangs rgyas byang chub bsam mi khyab// 'dod chags gang gis rnam brtags pa// zhe sdang gti mug de bzhin te// sangs rgyas byang chub de la ring // gnam dang sa gnyis ji bzhin no// byang chub 'dod chags gnyis ni gnyis su med// 'jug pa cig pa mnyam nyid ldan/ ba ste// 'di dag chos la byis pa gang 'jigs pa// de dag sangs rgyas byang chub ring ba yin// 'dod chags skye min 'jig pa ma yin te// sems kyang kun nas nyon//

  69. 473b

    mongs 'gyur ba med// gang zhig dmigs pa'i bdag la blo chags pa// 'dod chags ngan song de dag ltung bar byed// gang zhig 'dod chags dang ni sangs rgyas chos// de dag khyad par gang yang med pa ste// yi ge cig cing tshul cig mtshan nyid med// de ltar shes pa bde gshegs nyid du 'gyur// tshul khrims 'tshal dang tshul khrims rnam brtags shing // gang zhig tshul khrims rlom pas myos gyur pa// dmigs pa'i lha la rab gnas de la ni// byang chub med cing sangs rgyas chos kyang med// gang zhig dgon pa'i gnas la rtog med cing // bdag la bstod byed gzhan la smod byed pa// dgon par lta la rab gnas de la ni// mtho ris med na byang chub ga la yod// byang chub blta ba gnyis su med gsum ste// ming dang yi ge grangs dang sgrar 'jug pa// de dag gang gis yang dag brtogs gyur pa// de la sangs rgyas byang chub ring ba min// kun nas nyon mongs de la rnam rtog cing // rnam byang lta la byis pa gang chags pa// dmigs pa'i lha la rab gnas de la ni// byang chub med cing sangs rgyas chos kyang med// gang zhig sangs rgyas chos la 'dod skyes pa// de la sangs rgyas byang chub ring ba ste// yod min chos la 'dod pa bskyed pa na// de ni sdug bsngal yongs su myong bar 'gyur// gang zhig 'dod chags zhe sdang mi rtog cing // gti mug chung bas byang chub yin lta ba// de la sangs rgyas byang chub ring ba min// bzod pa

  70. 474a

    mchog kyang myur du des thob 'gyur// 'dus ma byas dang 'dus byas sus mthong ba// de ni 'khor ba'i chos las gzhan mi 'grol// gang gis khams de mnyam pa nyid rtogs pa// de myur skyes bu sangs rgyas mchog tu 'gyur// gang gis sangs rgyas chos dang sangs rgyas dag/ thams cad kun tu nam yang ma mthong na/ chos rnams kun tu gos pa med pa de// bdud bcom byang chub mngon par 'tshang rgya yang // su zhig sems can rnam par grol 'dod pa// des ni sems can khams su blta mi bya/ ma lus sems can mya ngan 'das dang bral// de ltar sus shes de ni rang byung 'gyur// grong du phyin na spyod lam 'chos byed pa// de ni 'jig rten lhar bcas rkun po ste// de la byang chub sangs rgyas chos rnams med// bdag ni sangs rgyas 'gyur zhes gang rlom pa// byis pa de ni gti mug dbang gis non// sangs rgyas chos 'di nam mkha' mtshungs pa ste/ blang dang dor ba'i sgra ni de la med// rgyal bas nam yang byang chub sangs ma rgyas// des ni nam yang sems can bkrol ba med// med pa'i chos rnams brtags shing byis pa rnams// sangs rgyas byang chub las ni ring ba yin// sems can 'di dag nyon mongs sus mthong ba// de la nyon mongs mtha' yas 'byung bar 'gyur// sems can de dag sems can med ces gsungs// sems can 'du shes gnas la byang chub med// gang gis sems can shin tu grol mthong zhing // 'dod chags zhe sdang gti mug rtag med na//

  71. 474b

    sems can zhi zhing rab zhi rnam zhi bar// gang gis shes pa de ni mgon por 'gyur// gang gis sems can thams cad med ma mthong // yang dag nyid du sangs rgyas chos ma dmigs// ji ltar sems can de bzhin sangs rgyas shes// de ltar sus shes de ni mgon por 'gyur// nyon mongs rtog na nyon mongs yod par 'gyur// tshul bzhin lam sems de bzhin nyon mongs yod// nyon mongs lam du nam yang ma brtags na// des ni byang chub mi rtogs sa thob bo// stong pa'i chos kyis mkhas pa gang 'jigs pa// de dag sangs rgyas chos la ring ba yin// stong nyid chos la the tsom su med pa// de dag sangs rgyas byang chub 'thob par 'gyur// byang chub mchog par ni su 'dod pa// des ni 'dod chags chos la brtags mi bya// 'dod chags chos kyi mtshan nyid gang yin pa// de dag sangs rgyas yon tan bsam mi khyab// gang zhig sangs rgyas chos la mi 'jug cing // sems can byang chub skye ba med pa dang // sems dang sangs rgyas byang chub gnyis med par// shes par 'gyur na de ni mgon por 'gyur// sdig sems mu stegs can gyis gang brjod dang // sangs rgyas rnams kyis gsung gang bka' stsal pa// de dag la yang tshul gyur med pa ste// de ltar shes na de ni mgon por 'gyur// gang gis byang chub mthong zhing spon byed pa// de dang byang chub ring ste byang chub med// sangs rgyas sangs rgyas min pa mi mnyam ste// sangs rgyas 'di zhes mi rtog mgon por

  72. 475a

    'gyur// gang zhig bdag ni sems can 'grel pa zhes// rlom na 'du shes 'dod chags rnam rmongs pas// dmigs pa'i lha la rab gnas/ de la ni// byang chub med cing sangs rgyas chos kyang med// 'dod chags nang dang phyi na mi gnas te// phyogs dang phyogs mtshams gang na'ang yod pa min// chos rnams yod min rnam par brtags byas shing // byis pa 'dod chags 'du shes de ltar rmongs// sgyu ma smig rgyu brag cha lta bu ste// mo sham bu dang rmi lam 'dra ba yin// nyon mongs 'di dag thams cad dmigs su med// byis pa de ltar mi shes rnam par rmongs// 'dus byas chos dang 'dus ma byas kyi chos// de dag tha dad gnyis su nam yang med// gang la grangs dang bgrang du med pa dag/ de'i tshul gyis gnyis su med par 'jug/ byis pa gang zhig byang chub sems rlom zhing // sangs rgyas 'gyur zhes rlom sems byed 'gyur na// chos kyi dngos nyid phyag rgya 'di bor bas// de la sangs rgyas chos dang byang chub med// smras pa gang dag yongs rtog spyod yul can// smra ba'i don la rnam par mi sems shing // ming dang legs pa de bzhin chags 'gyur ba// de dag byang chub 'gyur bar the tsom yod// lta ba'i rnam pa byang chub gnyis med gsungs/ ming dang yi ge grangs dang skad 'jug pas// mi mkhas gang gis chos 'di ma brtogs pa// de dag sangs rgyas byang chub ring bar gnas// ming la chags shing sgra la/

  73. 475b

    dga' ba dang // bdag tu lta la gang zhig gnas gyur cing // 'dod pa chung dang chog shes rnam brtags pas// 'dod pa'i dbang gis da dung der 'jug go// 'dod chags chos las shed skyes gang 'bros pa// de ni 'dod chags chos las gzhar mi 'grol// gang gis yang dag 'dod chags chos shes na// 'dod chags bral ba'i 'dod chags chos shes 'gyur// yun ring dus su tshul khrims bsrung byas shing // bskal pa bye bar bsam gtan bskyed byas kyang // yang dag nyid mtha' 'di ni ma gto naH/ bstan pa 'di la de dag blo yod min// ci'ang ma yin chos 'di sus shes pa// nam yang de ni chos kun chags mi 'gyur// tshul khrims 'tshal dang tshul khrims rnam brtags pas// byis pa dmigs pa'i spyod yul thar mi 'gyur// tshul khrims tshul khrims med par sus shes shing // tshul khrims 'tshal dang tshul khrims tshul cig ces// tshul khrims ngang tshul de ltar sus shes pa// tshul khrims 'chal pa de la nam yang med// chos rgyal chos la rtog par ma gyur na// thabs kyi sa la sems can rnams 'dul zhing // byang chub zag med zhi ba 'di la yang // tshul cig chos kyis sems can 'dzud pa yin// chos rgyal dam pa'i chos 'di mi g.yo zhing / dngos med mtshan nyid med par tshul cig par// ngo bo nyid kyis stong chos ma thos pas// g.yang sa chen por byis pa de dag ltung // chos 'di thos shing mi dngang gang gyur pa'i/

  74. 476a

    'dod pa'i yon tan lnga chags khyim pa'ang bla'i// bstan pa 'di la rab tu byung gyur zhing // dmigs lta sbyangs pa'i yon tan rlom pa mi na// phyogs bcu kun nas sangs rgyas rang byung ba// 'jig rten don mdzod gang dag bzhugs pa rnams// de dag kun gyis nam mkha' mtshungs pa'i chos// g.yo ba med shes byang chub 'gyur zhes gsungs// mi mkhas gang rnams mi sdug bsgom sems shing // chos rab 'di thos 'jigs par 'gyur ba dag/ rtag par sdug bsngal che dang ldan 'gyur zhing // bskal pa bye ba mang por sdug bsngal 'gyur// / tshigs su bcad pa bstan pa 'di bshad pa'i tshe/ lha'i bu stong phrag sum cu rtsa gnyis kyis mi skye ba'i chos la bzod pa thob bo// dge slong stong phrag brgyad cu nye bar len pa med par zag pa las sems rnam par grol lo// byang chub sems dpa' rgyal ba'i blo gros kyang 'chi ba'i dus bgyis nas dogs sa'i sgo byed pa/ sems can dmyal ba chen por ltung ngo // de sug las kyi sgrib pa des/ bskal pa bye ba khrag khrig brgya phrag stong du/ sems can dmyal ba chen po dag tu sdug bsngal tsha zhing rtsub pa/ yid du mi 'ong ba'i tshor ba mi bzod pa myong bar gyur to// tshe rab brgya stong phrag bdun cu rtsa bzhir mi bstan par brjod pa thob par gyur to// bskal pa brgya stong mang por de bzhin gshegs pa'i mtshan tsam yang thos par ma gyur to// de nas slad kyis de bzhin gshegs pa gzhan dag dang mjal te/ de dag gi bstan pa la ra

  75. 476b

    tu byung nas/ mngon par mos par ma gyur te/ tshe rabs stong phrag bdun cu rtsa bdun du rab tu byung ba las slar babs par gyur to// sug las kyi sgrib pa de nyid kyi lhag mas tshe rabs/ stong phrag mang por dbang po rtul por gyur to// bcom ldan 'das de'i tshe byang chub sems dpa' dge slong chos smra ba rab tu dga' ba'i dbang po zhes bgyi ba byung bas ni/ bla na med pa yang dag par rdzogs pa'i byang chub tu mngon par rdzogs par sangs rgyas te/ de ltar bzhugs shing 'tsho ba zhes pa'i chos kyang ston to// shar phyogs kyi 'jig rten gyi khams bye ba brgya 'das pa na/ sangs rgyas kyi zhing rin chen sna tshogs kyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gzi brjid sdug cing dri ma med pa la nyi zla zil gyis gnon pa bzhugs shing bzhes chos kyang ston to// // bcom ldan 'das dge slong rgyal ba'i blo gros zhes bgyi bar gyur pa gang yin pa de ni/ bdag nyid de'i tshe de'i dus na dge slong rgyal ba'i blo gros zhes bgyi bar gyur te/ bcom ldan 'das bdag gis de'i tshe tshul 'di ma 'tshal bas/ de lta bus sdug bsngal myong bar gyur to// bcom ldan 'das bdag ni 'di 'dra ba'i gnas su gyur te/ de lta bu'i sdug bsngal ma mchis pa'i sdug bsngal yongs su brtags pa'i sdug bsngal phyin ci log gi sdug bsngal rnam pa de lta bu myong bar gyur to// bcom ldan 'das de lta lags pas/ byang chub sems dpa'i theg pa la zhugs pa 'am/ nyan thos kyi theg pa la

  76. 477a

    zhugs pa gang yang rung ste/ de lta bu'i sug las kyi sgrib pa mi 'tshal zhing / de lta bu'i sdug bsngal mi 'tshal na/ des dam nga'i chos spang bar mi bya'o// dam pa'i chos la dpya bar mi bya'o// chos gang la yang khong khro bar mi bgyi'o// de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal tshigs su bcad pa de thos nas khyod la khyad par ci zhig tu gyur/ gsol pa/ bcom ldan 'das tshigs su bcad pa de thos pas sug las kyi sgrib pa de las langs nas/ gang dang gang du skyes pa de dang de dag kun tu yang zab mo'i bzod pa can/ nges pa'i bzod pa can du gyur to// chos zab mo ston pa la mkhas par gyur to// bcom ldan 'das kyis bka' stsal pa/ 'jam dpal su'i mthus khyod kyis da ltar yun ring po na/ mngon par 'du byed pa'i las kyi sgrib pa rjes su dran/ 'jam dpal gyis gsol ba// bcom ldan 'das byang chub sems dpa' rnams ni ci sems/ ci smra rjes su ci dran yang / de dag thams cad de bzhin gshegs pa'i mthu ste/ de ci'i sladu zhe na/ bcom ldan 'das de bzhin gshegs pa las byung ba ni chos thams cad do// bcom ldan 'das kyis bka' stsal pa/ 'jam dpal de bzhin gshegs pa'i stobs bcu thob pa dang / 'di thos pa de ni mtshungs so// mi skye ba'i chos la bzod

  77. 477b

    ba thob pa dang / 'di thos pa de ni mtshungs so// 'jam dpal gyis gsol pa/ bdag gis bcom ldan 'das kyis gsungs pa'i don 'tshal te/ chos kyi rnam grangs 'di thos pa ni bsam gyis mi khyab bo// bcom ldan 'das kyis bka' stsal pa/ 'jam dpal de de bzhin te/ chos kyi rnam grangs 'di thos pa ni bsam gyis mi khyab bo// 'on kyis sbyor ba med pa la la 'di thos nas mos par mi 'gyur du 'ong ba'i phyir/ de bzhin gshegs pas lung mi bston to// de nas bcom ldan 'das la 'jam dpal gzhon nur gyur pa dang / byang chub sems dpa' sems dpa' chen po byams pas 'di skad ces gsol to// bcom ldan 'das slad ma'i dus lnga brgya tha ma la/ ci nas kyang chos kyi rnam grangs 'di rgyas par 'gyur zhing skye bo mang po'i sug par phyin par 'gyur ba dang / de la bdud kyi ris kyi lha dag gis glags rnyed par 'gyur ba de ltar byin gyis brlab du gsol/ de nas bcom lda 'das kyis chos kyi rnam grangs 'di byin gyis brlabs pa'i phyir g.yas g.yon du gzigs so// bcom ldan 'das kyis de ltar gzigs ma thag tu de'i tshe phyogs bcur sangs rgyas kyi zhing gang+gA'i klung gi bye ma snyed rnam pa drug tu g.yos par gyur/ rab tu g.yos par gyur/ kun tu g.yos par gyur to// de'i tshe bcom ldan 'das kyis rnam grangs 'a byen gyis brlab pa mdzad de/ sangs rgyas bcom ldan 'das gsan dag gis kyang 'jig can gyi 'ams gna'i klung gi bye ma snyed dag rna chos kyi rnam

  78. 478a

    grangs 'di byin gyis brlabs so// chos kyi rnam grangs 'di bstan pa'i tshe/ phyogs bcu'i gang+gA'i klung gi bye ma ji snyed yod pa de bas kyang shin tu mang ba'i sems can rnams kyis mi skye ba'i chos la bzod pa thob par gyur te/ gang dag nyan thos nyid la gnas par gyur pa dang / slob pa'i sa 'am mi slob pa'i sa la gnas par gyur pa dag ni smos kyang mi smos so// de nas bcom ldan 'das la/ tshe dang ldan pa dga' bos 'di skad ces gsol to// bcom ldan 'das chos kyi rnam grangs 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ dga' bo de bas na chos kyi rnam grangs 'di thams cad 'byung ba med pa zhes bya bar zung shig/ bcom ldan 'das kyis de skad ces bka' stsal pa dang / 'jam dpal gzhon nur gyur pa dang / byang chub sems dpa' sems dpa' chen po byams pa dang / lha'i bu pad mo rnam par rol pa'i mngon par shes pa dang / byang chub sems dpa'i tshogs chen po de dag dang / dge slong lnga brgya tsam po de dag dang / tshe dang ldan pa dga' bo dang / lA dang / mi dang / lha ma yin dang / dri zar bcas pa'i 'jig rten/ bcom ldan 'das kyis gsungs pa la rjes su yi rangs te mngon par dga'o// /

  79. 478b

    'phags pa chos thams cad 'byung ba med pa zhes bya ba theg pa chen po'i mdo rdzogs s+ho/ rgya gar skad du/ Ar+ya badz+ra d+ha pa d+ha pa tsa ri nA ma/ bod skad du/ 'phags pa rdo rje rgyal mtshan gyi yongs su bsngo ba/ sangs rgyas dang / byang chub sems dpa' thams cad la phyag 'tshal lo// rgyu dang mi rgyu 'jig rten phan pa'i phyir// byung dang 'byung bar 'gyur dang da ltar gyi// rang byung thub dang thugs rje ldan rnams la// bdag gis lus kun btud de phyag bgyi'o// chags pa dang ni zhe sdang gti mug gi/ bdag gis lus dang ngag dang yid rnams kyis// srid pa nyam ngar sdig pa ci bgyis pa// sdig pa de kun bdag gis so sor bshags// de bzhin gshegs kyi bsod nams mdzod gang dang / byang chub sems dpa' las byung bsod nams dang // gang yang nyan thos rkyen gyi theg chen dang // 'jig rten bsod nams de la'ang yi rang ngo // byang chub snying por thog mar de sangs rgyas// sangs rgyas pad ma rgyas 'dra'i spyan mnga' ba/ sangs

  80. 479a

    rgyas zla med mtha' yas de dag la// chos kyi 'khor lo dam pa bskor bar bskul// phung po ma lus mya ngan 'das dbyings su// gshegs par gang bzhed mi dang lha'i lnga// mgon de dag la 'jig rten phan pa'i phyir// bzhugs dang sangs rgyas kun don mdzad par gsol// phyag 'tshal ba dang bshags pa'i bsod nams dang // bskul ba dang ni gsol ba btab pa dang // de bzhin yi rangs bsod nams ci mchis te// byang chub dam pa mchog tu bsngo bar bgyi// bdag ni bsod nams bsregs pa 'dis rtag tu// byang chub sems ni brjed par ma gyur cig/ rtag tu sangs rgyas byang chub sems dpa' dang // dge ba'i bshes rnams mnyes par byed gyur cig/ mi khom gnod pa brgyad ni spong bar shog/ bzod dang ldan zhing mtshan gyis lus brgyan dang // rtag tu skye dran sems mi rmongs pa dang // rab des pha rol phyin la brtson gyur cig/ dbang phyug mi rjes chos kyi dbang phyug dang // yon tan 'byung gnas nyid ni 'gyur med shog/ g.yog 'khor mang po mthun par ldan pa dang // bsam pa mthun zhing rgya cher dag gyur cig/ bsod

  81. 479b

    rnams mi zad rnam pas cwo ldan zhing // cho ga yon tan dag la dga' bar shog/ bsod nams mngon shes so so yang dag rig/ dgu la bdag ni dbang byed 'gyur// byang chub sems dpa' gang dag lam rdzogs pa// de dag sangs rgyas go 'phang myur thob shos de la gang dag lam kun ma rdzogs pa// de dag tshogs kyi dam pa rnyed gyur cig/ sems can thams cad bla na med pa yi/ byang chub tu ni smon lam myur bde bas shog/ de la dam bcas pa ni brtan 'gyur zhing // byang chub thob min don gzhan byed ma gyur// lus kun dbang po dag pas rab brgyan te// nad med rims nad med cing mya ngan bral/ tshe ring zhing dang sgra ni yid 'od ldan// sdig las ldog cing dge la 'jug gyur shog/ ser sna bral zhing zang zing med chos kyis/ rtag tu phan tshun pan 'dogs byed par shog/ gzhan du snying rje che dang ldan gyur na// 'dod pa mi mnga' bde bar gshegs gyur cig/ 'gro ba sdug bsngal bying la phan pa'i phyir// sangs rgyas byang chub bla na med mchog tu// rdo rje rgyal mtshan yongs bsngo rgyal po gang // de dag gi ni bsod nams

  82. 480a

    yongs su bsngo// bde gshegs kun tu bzang dag mkhyen pa dang // kun tu bzang po'i bsngo dge ji lta bar// de bzhin bdag kyang kun tu bzang spyod dang // rgyal ba dam pa kun tu bzang por shog/ 'phags pa rdo rje rgyal gyis yongs su bsngo ba rdzogs s+ho// byin brlabs 'jug pa bla ma'i bkra shis shog/ dngos grub ster ba yi dam bkra shis shog/ bar chad sel ba chos skyong bkra shis shog/ mthun rkyen 'dzom pa grog gi bkra shis shog/ yi ge pa ni kun dga' chos skyabs bdag gis gnas chos sdings dben pa'i nags khrod du bsam pa byang chub mchog tu sems bskyed nas bris pa'o// kye 'gro kun la dge bar gyur cig/ oM su pra tiSh+Tha badz+ra ye swA hA/ sarba mang+ga laM// dge'o//

Colophon

'phags pa chos thams cad 'byung ba med pa zhes bya ba theg pa chen po'i mdo rdzogs s+ho/