S331MW22083_0331mdo sdeAll versions of this work

bkra shis mdzad pa bcu gnyis kyi bkra shis

Text

ff. 388a–390b · 6 folio sides

  1. 388a

    mtshar shin tu rmad byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog sdig pa rnying zad gsar du byas med na/ / rims nad med cing 'jig med mya ngan bral// sred pa 'gags pas rtsa ba mi skyed pa// brten pa mar me bzhin du 'bar bar 'gyur// ngo mtshar shin tu rmad byung dpag med de/ / dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ bde legs kyi tshigs su bcad pa rdzogs/ so// rgya gar skad du/ pany+tsa ta thA ga ta mang ga la gA tha/ bod skad du/ de bzhin gshegs pa lnga'i bkra shis kyi tshigs su bcad pa// dkon mchog gsum lal phyag 'tshal lo/ / rnam par snang mdzad ye shes dam pa mtsho chen ldan// zla ba nya 'dra'i sku mnga' srid pa'i mthar phyin pa// dgongs pa mtha' dag rdzogs pa'i bkra shis gang yin pa// bkra shis des ni skye dgu rnams la zhi byed shog/ mi 'khrugs rgyal po srid dang gti mug rnam sbyong ba// mgon po yon tan thams cad rdzogs pa'i bkra shis pa// dge mnyam bsam sems ldan pa'i bkra shis gang yin pa/ / bkra shis des ni skye dgu rnams la zhi byed shog/ yon tan sangs rgyas yon tan kun gyi rgyan gyis brgyan mdzad pa// yang dag bden pa'i 'byor pa sbyin mdzad mi bslu ba// rin chen 'byung gnas zhes

  2. 388b

    bya'i bkra shis gang yin pa/ / bkra shis des ni skye dgu rnams la zhi byed shog/ bsam gtan ting 'dzin dam pa pha rol phyin pa'i gnas// ye shes pad+ma'i steng bzhugs dpag med tshe ldan zhing // tshe grangs med par byin gyis brlabs pa'i bkra shis gang+gA/ / bkra shis des ni skye dgu rnams la zhi byed shog/ sems can don gyi las la thugs ni spor mdzad cing // 'gro ba kun gyi 'ching bas bcings las grol mdzad pa// thub mchog don yod grub kyi bkra shis gang yin pa// bkra shis des ni skye dgu rnams la zhi byed shog/ de bzhin gshegs pa lnga'i bkra shis tshigs su bcad pa rdzogs so// / dam pa tog dkar dga' ldan pho brang ngam pa ru// mi pha ma mgon la rgyal tshab dam par dbang bskur zhing // 'dzam gling nyid du glang chen thal kar ltar gshegs gang // bkra shis dam pa des kyang deng 'di ri bde legs/ shog/ rgyal po'i khab kyi grong khyer dam pa zas gtsang sras// bud med skyon bral g.yo sgyu spangs pa lha mdzes yum// ldum su zla bcur blo gros ldan pa shAkya'i rig/ bkra shis dam pa des kyang deng 'dir bde legs shog/ ldum pa'i tshal ni dben zhing nyams dga' blag sha'i// yal ga nas bzung bltams gyur tshangs dang brgya byin 'dud// mkha' la gshegs te phyogs bcur pad+ma 'byung 'gyur gang / bkra shos dam pa des kyang deng 'dire bde legs shog/ gzhal med khang mdzes drang srong dam pa'i mdun bzhag nas// mtshan lhas shis pa brjod de ston pa byang gyur pa// shAka rig bud med 'khor ldan kun 'dus

  3. 389a

    rgyan btags gang / / bkra shis dam pa des kyang deng 'dir bde legs shog// gzhon nu'i stobs ni sgyu rtsal yig rtsis 'phong las ni/ kun las mthar byung lha mi la sogs kun pas mchog shAkya'i rigs 'khrungs log rtog bsal phyir btsun mo'i 'khor/ / bkra shis dam pa des kyang deng 'dir bde legs shog/ pho brang nas byung rga nad 'chi ba las byung gzigs/ mi rnams rdzu 'phrul gyis lhags ngur smig gos rnams phul/ / srid gsum dag las rgal phyir mthon mthing dbu skra bregs// bkra shis dam pa des kyang deng 'di re bde legs shog/ lha rnams rdza 'phrul gyis lkugs ngur smrig gos rnams phul// / ni rany+dza ra'i chu bor dka' thub ma lus rdzogs// thub pa bsam gtan nas bzhengs bkra shis 'o thug gsol// bkra shis dam pa des kyang deng 'dir bde legs shog/ pad+mo las byung khyu mchog byang chub shing drung du/ skyil mo krung bcas mi g.yo mchog gis bdud btul nas// tho rangs bdud rtsi mi 'gyur phun tshogs sangs rgyas pa// bkra shis dam pa des kyang deng 'dir bde leg shog wA ra Na sir chos kyi 'khor lo mgon pos bskor/ / kun shes la sogs bden bzhi lnga sde bzang la bstan// lha klu lha min la sogs mi min bdud 'gyur gang // bkra shis dam pa des kyang deng 'dir bde legs shog/ nga rgyal bsnyems par ldan pa'i ston pa drug btul zhing / / glang chen rab myos mi bzad ltas byin gyis rbad btul// drang srong mchog la spre'u rgyal cang shes sdang rtsi mchod// bkra shis dam pa des kyang deng 'dir bde legs shog/

  4. 389b

    gzhon nu lta bu'i mtshan ldan shAkya'i rigs// zas gtsang sras su rgyal rigs 'khor lo sgyur rgyal bltams// bltams pa nas bzung sA la'i tshal du ma lus rdzog/ bkra shis dam pa des kyang deng 'dir bde legs shog/ byams pa'i stobs kyis 'gro ba ma lus sgrol mdzad cing // sems can mtha' yas zhi bde'i lam la rab bkod nas// grong khyer rtswa mchog dam par dgongs pa yongs rdzogs kag/ bkra shis dam pa des kyang de ba 'dir bde legs shog/ bcom ldan rnam par gzigs ni rgyal rigs gzi brjid can// tshe lo brgyad khri'i dus na grong khyer nye ldan du/ pa to la yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ bde gshegs gtsug tor mnga' ba rgyal rigs rdzu 'phrul can/ tshe lo bdun khri'i dus na ka na'i grong khyer du// shing mchog sin 'di'i shing drung mngon par sangs rgyas pa/ / deng 'dir bde gshegs bkra shis phun sum tshogs gyur cig/ rgyal ba thams cad slob pa'i rgyal rigs blo gros can// tshe lo drug khri'i dus na grong khyer mnyam med du// shing mchog sA la'i shing / drung mngon par sangs rgyas pa// deng 'dir bde gshegs bkra shis phun sum tshogs gyur cig/ thub pa 'khor ba 'jig ni stobs ldan bram ze'i rigs// tshe lo bzhi khri'i dus na grong khyer bde ldan du/ shi ri shi yi shing drung mngon par sangs rgyas pa/ / deng 'dir bde gshegs bkra shis phun sum tshogs gyur cig/ 'dren pa gser thub bslab pa mchog ldan bram ze'i rig/ tshe lo sum khri'i dus na grong khyer mdzes ldan du/

  5. 390a

    u dum wa ra'i shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ skyob pa 'od srungs rgyal rigs bla med yon tan can// tshe lo khri'i dus na grong khyer wA ra Na si ru/ / n+ya gro d+ha yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ 'gro mgon shAkya thub pa rgyal rigs brtson 'grus can// tshe lo brgya pa'i dus na ser skya'i grong khyer du// a shwat+tha yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ phun sum tshogs pa mnga' dbang gser gyiri bo 'dra/ / 'jig rten gsum gyi mgon po dri ma gsum spangs pa// sangs rgyas pad+ma rgyas pa'i 'dab 'dra'i spyan mnga' ba// bkra shis des ni skye dgu'i zhi byed dang po'o// de yis nye bar bstan pa'i mchog rab mi g.yo ba/ / 'jig rten gsum na grags shing lha dang mis mchod pa// chos mchog dam pa skye dgu rnams la zhi byed pa// 'di ni 'jig rten dge ba'i bkra shis gnyis pa'o// dge 'dun dam pa'i chos ldan thos pa'i bkra shis phyug/ mi dang lha dang lha ma yin gyis mchod pa'i gnas// tshogs kyi mchog rab ngo tsha shes dang dpal gyi zhing // 'di ni 'jig rten dge ba'i bkra shis gsum pa'o// che ba'i tshe mchog ston mchog bla na med/ / chos rje nyi ma rgyal ba'i byin rlabs kyis// bgegs dang bdud ris gnod pa'i dgra zhi ste/ rtag tu dpal gnas nyin mtshan bkra shis shog/ chos nyid bden pa'i chos mchog than

  6. 390b

    med/ / dam chos bdud rtsi'i bden pa'i byin rlabs kyis// nyon mongs sdug bsngal gdung ba'i dgra zhi ste/ rtag tu dpal gnas nyin mtshan bkra shis shog/ dge 'dun yon tan rin chen dpal 'bar ba/ / rgyal sras phan mdzad bden pa'i byin rlabs kyis// nyes pa'i skyon zhi dge tshogs rnam par 'phel// rtag tu dpal gnas nyin mtshan bkra shis shog/ tshangs dang lha dbang srungs ma'i byin rlabs kyis/ / phan mdzad lha yi bkra shis gnas gyur te// bde legs bsam pa yid bzhin grub pa dang // tshe ring nang med bde skyid ldan par shog/ oM swa sti/ bkra shis par gyur cig/ sangs rgyas gtso la yon tan mchog mnga' zhing // che dgus mchod cing smon lam sprin tshogs 'dus// go 'phang ston pa chos kyi char 'bebs pa/ bkra shis des kyang skye dgu rnams la zhi byed shog/ skyob pa'i chos la legs pa'i tshogs mnga' zhing // shin tu phan dang bde dang nges gsung ba// 'khor ba rtag bde mya ngan med 'thob pa'i// bkra shis des kyang skye dgu rnams la zhi byed shog/ dge 'dun che la mthu rtsal rmad mnga' zhing // bslang gzhi legs bcas brtson pa'i rnal 'byor can// bdag gzhan don chen sgrub pa'i lam zhugs pa// bkra shis des kyang skye dgu rnams la zhi byed shog/ dge ba 'di yis skye bo kun// bsod nams ye shes tshogs bsags te// bsod nams ye shes las byung ba// dam pa gnyis ni thob par shog/ sems can thams cad ma lus