bde ba chen po gsal ba
Mahāsukhaprakasa
Text
ff. 124b–126b · 5 folio sides
- 124b
rang bzhin bstan pa'o// chos rnams stong pa ya mtshan che// snying rje shin tu ngo mtshar che// 'khor lo sdom pa'i nus pa mtshar// kun rdzob dag pa shin tu mtshang // 'dis ni shin tu 'jungs pas lhan cig skyes pa'i mthu bshad pa'o// ha ci brjod pa ji ltar bshad// bshad na skye bo su yi go/ rtogs par gyur na mi 'gyur nyid// lhun gyis grub pa nyid du snang // 'dis ni snying rjes rab tu mi gnas pa'i chos zab mo'i tshul la mos pa'i skyes bu rnyed par dka' bar bstan pa nyid do// rang gi las kyi sa bon skud// gnod gcod pa yi 'bras bu gang // bdag gis gzhan la mi gtse ste// e ma'o de nyid kyis ni bzod// 'dis ni rang gi las kyi skud pa'i mdud pas bkris pa'i blo dang ldan pa'i sems can thams cad byang chub sems dpa' yongs su 'dzin par byed cing thugs/ la dgongs pa'o// mi byed pa lnga pa slob dpon mai tris pas mdzad pa rdzogs so// / rgya gar gyi mkhan po badz+ra pA Ni dang / lo tsa barma ban gyis bsgyur ba'o// / bkra shis/ ba pa [।]// rgya gar skad du/ mahAs kha prakas/ bod skad du/ bde ba chen po gsal ba/ sangs rgyas la phyag 'tshal lo// thabs shes ngo bo nyid can gyi// rdo rje sems dpa' la btud nas// dngos po de nyid mdor bsdus pa// bde ba chen po bdag gis bshad// bskyed rim bsgom pa gcig yin te// gnyis pa rdzogs rim bsgom pa'o// de phyir gnyi ga bsgom pa ni/ de ni bdag gis 'dir brjod bya// chos rnams rkyen med par ni// gsang sngags kyi theg pa zhes bya'o// de la pha rol tu phyin pa'i theg pa la gsum ste// mdo lta pa dang / rnal 'byor gyud pa dang
- 125a
/ dbu ma la gnas pas sprad par bya'o// gsang sngags kyi tshul la yang gnyis te/ rnal 'byor pa dang / dbu ma la gnas pa'o// rnal 'byor spyod pa la yang rnam pa gnyis te/ rnam pa dang bcas pa dang / rnam pa med pa'i dbye bas so// de bzhin du dbu ma la yang rnam pa gnyis te/ sgyu ma lta bur gnyis su med par smra ba dang / chos thams cad rab tu mi gnas par smra ba'i dbye bas so// de la nyan thos kyang rnam pa gsum ste/ tha ma dang / 'bring dang / mchog gi dbye bas so// de la tha ma dang 'bring ni bye brag tu smra ba'i phyi ma'o// mchog ni kha che bye brag tu smra ba'o// de la nyan thos tha ma'i// dpyad par bya ba ni sngon po dang / ser po la sogs pa'i phyi'i don khas len pa sngon du 'gro bas/ gang zag ni rtag pa dang / mi rtag pa nyid dang bral ba'o// zhes rnam par dpyad pa'o// de yang sngon po la sogs/ yod par ni/ dngos 'dzin gdon gyis zin pa rnams/ zab mo'i lugs kyi 'jigs pa yi// 'gro ba shin tu rmongs pa la'o zhes bya ba dang / khur khur bri'i gang zag kyang yod do// rtag pa zhes kyang mi brjod/ mi rtag pa zhes kyang mi brjod do// gang zag 'dod chags dang bcas pa ni 'khor bar 'gyur bas/ 'dod chags rab tu spang ba'i phyir/ mi sdug pa'i bsam gtan bsgom par bya'o// mi sdug pa bsgom pa yang lus kyi gshar ba dang / gtso ba dang / khu ba dang / khrag dang / ngar skabs dang / chu ma dang / bzhag dang / glo ba dang / snying dang / mkhal ma dang / mcher pa dang / pho ba la sogs tshogs pa la// / nges par spyod do// de yang gsungs pa/ re zhig pags pa'i kha sbyor 'di// rang gi blo yi tha dad dbye// sha dang rus pa dra ba las// shes rab mtshon gyis dbye bar bya// rus pa rnams kyang dbye byas//
- 125b
nas// rkang gi bar tu blta byas na// 'di la snying po ci yod ces// bdag nyid kyis ni brtag par bgyi zhes bstan pas/ gang zag gi rtag par blta ba sngon du song ba ni ting nge 'dzin gyi dri ma'o// ji srid 'tsho'i bar du sangs rgyas dang chos dang / dge 'dun la skyabs su mchi'o// bde bar gshegs pa dang / rgan po gnyis la phyag bgyi'o// dge ba'i rtsa bci bsags pa// bdag nyid gcig pu dul bar bgyi'o// bdag nyid gcig pu zhi bar bgyi'o zhes bya ba ni lta ba'o// 'bring po'i lta ba dang / dpyad pa ni snga ma bzhin no// 'di ni gzhan gyi don cung zad byed par 'dod pa dang / dbyugs dbyung ba dang / dbugs rngub pa'i ti nge 'dzin gyis rtag pa nyid dang bral ba'i gang zag la lta ba'i bsam gtan dang / rlung gi bum pas sems med pa'i rang bzhin ni ti nge 'dzin gyi dri ma'o// bems por gyur pa'i phyir ro// mchog ni phyi'i don khas len cing / lus la bdag med pa nyid du rnam par gzhig cing dpyad pa'o// 'phags pa'i bden pa bzhi yongs su shes pas stong pa nyid du blta ba ni bsam gtan no// 'dir ni sdug bsngal ni phung po lnga'i rang bzhin te shes par bya'o// kun 'byung ni rnam par rtog pa ste spang bar bya'o// 'gog pa ni lhag mthong ste mngon du'o// lam ni stong pa nyid de bsgom par bya'o// stong pa nyid kyang rtag tu zhi ba'i rnam pa nyid du sgro btags pa ni bsam gtan gyi dri ma'o// yang 'di'i lta ba ni gzhan don byed pa'i khyad par ro// yang 'dir nyan thos tha ma ni rigs nges pa nyid kyi phyir dang / snying rje dang bral ba'i phyir nyan thos kyi byang chub nyid du 'gyur ro zhes kha cig 'dod do// gzhan dag ni thams cad sangs rgyas nyid du 'gyur/ 'di na skal med 'ga' yang med ces bya bas
- 126a
bdag gis yang dag par rdzogs pa'i byang chub bslab pa la sgyid lugs pa mi bya'o snyam sems shing / nyan thos tha ma yang dag par rdzogs pa'i sangs rgyas su 'gyur ro zhes zer ro// rigs nges pa yang sangs rgyas 'ga' zhig la brten nas 'gyur ro snyam sems so// 'bring po ni sangs rgyas nyid du 'gyur ba'o// skye ba min par nges pa ste// rten cing 'brel 'byung rang bzhin gyir// hU~M skyes maM// / skyes des ci mir// stong nyid byang chub las sa bor// sa bon las ni gzugs skyes 'gyur// gzugs la'ang dgod dang de dgod bya// de phyir thams cad rkyen las skyes// phyi rol gnyis ni snyoms 'jug pa/ thub pa yis ni nyer bstan gang // de ni nang gi rtogs don du// snang du gsal bar shes par bya// bde ba ngo bo nyid 'dod gang // bde ba med na byang chub min// yod na'ang chags pa chen po ste// 'khor// bar skye ba'i rlung nyid do// rten cing 'brel 'byung bde ba gang // bzod nas zhing ba'i bde bar rtogs// re m+b+hir dngos po med par brjod// bde ba yod pa ni med pa'ang min// re zhig de ni skyes pa// chos rnam/ kyis ni don dam nyid// bde ba brdzun par gsal ba ni// dag pa'i kun rdzob tu shes pas// bden pa nyid 'di rnam par dag/ kun rdzob stong nyid rnal 'byor pa// gnyis po gnyis med pasgrub bya ste// don dam par spangs byas so// sdigs dang dbyibs kyi sbyor bdag nyid// blo ldan bde ba der song nas// de nas sna tshogs snga ma bzhin// gnyis su med par de ltar mthong // de nas yang dag mthar 'jug cing // zung 'jug go 'phang rtogs par 'gyur// zung 'jug la gnas rnal 'byor pa// sems can don la gcig tu brtson// bde sems lha yi rnal 'byor pa// sna tshogs 'khor lo
- 126b
thabs yin te// shes rab stong pa nyid du brjod// de ni bdag nyid bslab byar 'dod// phyi nang dag pa de nyid ni// shes rab thabs kyi bdag nyid de// bde ba gnas med rnal 'byor pas// mdor bsdus 'di ltar shes par bya// rten cing 'brel 'brud tsam nyid phyir// yod pa ma yin stong nyid min// rang bzhin med pa'i rang bzhin can// snang ba lha yi rnal 'byor yin// ji lta ji ltar// snang gyur pa// de lta de ni stong nyid bdag/ gnyis dang gnyis med shes pa gang // de ni de yi bag chags 'bras// he ru kA yi rnam byed pas// dngos 'di bla mar byas nas su// seng ge lta bur sa// stengs rgyu// gang zhig rgyal ba rnams kyi dag pa rnam pas tshogs 'di dag kun nas rtag tu snang // gzod nas ma skyes mi 'jigs bskal pa bye bar rang dang gzhan du rtog pa spangs pa yi// bde ba brdzun par snang ba srid dang zhi ba mnyam pa nyid du gnyis med rang bzhin phyir// 'di ni 'khor lo'i bdag po rgyal ba'i yon tan du gyur thub dbang rdo rje mkha' 'gro nges par 'gyur// bde ba chen po gsol ba slob dpon a bad+hU ti pa dpal gnyis su med pa'i rdo rjes mdzad pa rdzogs so// / bla ma badz+ra pA Ni dang / slo ban gyis bsgyur ba'o// // @#/ nga # rgya gar skad du/ tat+ta rat+na a ba li nA me/ bod skad du/ de kho na nyid rin po che'i phreng ba zhes bya ba/ 'jam dpal gzhon nur gyur pa la phyag 'tshal lo// ston kA'i zla ba dri med 'od/ rdo rje sems dpa'i zhabs gnyis kyis// chu skyes la ni phyag 'tshal nas// de nyid rin chen brjod par bya// brgyud pa'i gzhung lugs las nyams shing // rab rib kyis ni mig bkab pa'i//
Colophon
bde ba chen po gsal ba slob dpon a bad+hU ti pa dpal gnyis su med pa'i rdo rjes mdzad pa rdzogs so/_/bla ma badzra pA Ni dang /_rma ban gyis bsgyur ba'o