gnod sbyin ma ru tse ro langs gsang ba'i rgyud
Text
ff. 506b–511a · 10 folio sides
- 506b
nad pa gson me dpung 'bar bsgom// de yis gsang sngags bzlas te bsrung bar bya// lhas ngan cho 'phrul gtong bar bya ba yang // mon mo kha wa'i yang skying gdags shing gdag/ mi nod bcing na ba sha ma'i mo sngags// rengs par bya na bdud dpung nag po'i sngags// rdzas dang man ngag can gyis mtshams su sbyar// las rnam par che ba'i le'u ste drug pa'o// / gshin rje dmar po'i dpe byad/ las kyi tho rtsa ba dmar po/ ro langs bde ba sa yi ger bkod/ 'phags pa 'jam dpal gshin rje'i rgyal po ma ru tse'i thugs rgyud rdzogs so// / rgya gar skad du/ yak+Sha ma ru tse gu h+ya tan+t+ra/ bod skad du/ gnod sbyin ma ru tse ro langs gsang ba'i rgyud// bcom ldan 'das drag po 'dul ba la phyag 'tshal lo// 'di skad bdag gis thos pa'i dus gcig na// ri bdun gyi byang phyogs kyi ngos la gnod sbyin gyi rgyal po ma ru tse zhes bya ba gnas te// lha dang lha ma yin la sogs pa thams cad g.yul 'gyed pa/ mi dang dud 'gro la sogs pa thams cad gsod cing / mi sha dang / rta sha dang / mi lpags la sogs pa la longs spyod de lta bu'i las mkhan de las kyi dbang gis gnas der 'khod do// de nas 'phags pa kun dga' bos zhing bsnol ba'i stan la langs nas/ bcom ldan 'das drag po sgrol ba la
- 507a
zhus pa kye/ dpal ldan drag po sgrol ba lags// thams cad gsod pa'i sems can 'di// myur du sgrol lam 'dul ba dang // las pa zlog gam/ zhen pa dgags// zhes gsol pa dang / dpal ldan drag po slol bas bka' stsal pa/ e ma ho sems can chen po 'di// sgrol dang sbyor la brtson pa yi// 'dis ni bstan pa bsrung ba yis// dus la bab par bstan pa'o// zhes bka' stsal pa dang / de nas 'khor 'dus pa'i tshogs kyis bskor ba byas nas shin tu bde ba dang bcas pas yi rang ngo // ro langs gsang ba'i rgyud las/ gleng gzhi'i le'u ste dang po'o// // bcom ldan 'das drag po sgrol byed la phyag 'tshal lo// rnam bzhi las dang ldan pas mnyam pa dang // sgrol brtson las la mkhas pas bshad par bya// zhes dam bcas so// de nas 'phags pa kun dga' bos gsol pa/ sems can la sogs bde ba dang // bka' yi bstan bsrungs bshad du gsol// ces gsol pas/ rngam pas bshad pa nyon gcig/ 'phags pa kun dga' bo// 'di sgrub rnal 'byor dam can gyis// gcan gzan dar ma'i thod pa la// zag po rgyan gyis brgyan byas la// sgrol bdag gnas su ting nge 'dzin// bla rdo gsal ba'i rten gsal te// gal te de yi bka' bcag na//
- 507b
sgrol ging bdag po'i dam tshig bstan// de bas lus la bcang ba'o// de yis dam tshig nyams gyur na// sgrol ba'i thod pa drang ba'i sngags// 'di ni ched du gsungs pa'o// gu ru hri ka pra ma he he pra ma b+h+yo/ tri ka ru lu pra ma ha te dgra bo'i khyim du bgrims shig/ nad tshe ma tsho dgu thob cig/ ces pa ni 'grim pa'o// de nas byin rlabs bshad pa bya// sngags dang ldan pas bsnyen pa'o// oM badz+ra ma hA de ba tsa d+ha dza la b+h+yo b+h+yo/ bkris grangs ni nyi shu rtsa gcig go// bzlas te gzhal yas khang nang du bsam pa'o// de yi nang du bsam bya ba// slob ging srog bdag ma ru rtse// sha med sgeg cing keng rus 'chang // zhal gcig phyag gnyis sku mdog dmar// thod 'phreng do shal sbrul gyis brgyan// be con g.yas la zhags pa g.yon/ yi dgas pho mo'i steng na bzhugs// g.yon na gnyer 'u byung ro langs ma// kham nag ral pa gyen du 'bar// ral gri g.yas la thod khrag g.yon// ha la ha la'i sgra 'byin ma// ti ra'i tsho gas dang bcas pa'o// dpa' bo ro langs gsang ba'i rgyud las/ sgrub pa dang bca' gzhi'i le'u ste gnyis pa'o// / de na yang dag bshad bya ba// ro langs gnas nas dgug pa ste// ting nge 'dzin dang ma bral bar// the tshom med par sgrub pa ste// ro langs gsang ba'i ma ru tse// snying la srog gi 'khor lo no//
- 508a
'di ltar gnas pa shes par bya// dbus su o las bskor ba ste// sgrol ging rtsa ni bco brgyad de// g.yas pa'i rtse dgu bskor ba'i sngags// ru ru trag/ sha shal gyi sbyang // 'bru dgu g.yas pa'i rtsa la bskor// rtsa dgu g.yon du gsang ste bskor// ro langs mug ti snying kha rag b+h+yo b+h+yo/ bco brgyad rtsa dang yi ge dag/ gnad dbang dkrugs pa sa bcu dang srog/ rang dbang med par mtshan ma ston// de ltar du ni sgrub par bshad// ro langs gsang ba'i rgyud las/ rtsa ba'i 'khor lo dbye ba'i le'u ste gsum pa'o// / / yang ni dpa' bos bka' stsa la pa// srog bdag gtor ma bshad bya ba// ri lung la gnas 'bru mchog la// gar mkhan dpa' bo'i gtor ma bya// tsar dkar po gzhab nag dang // g.yul du bsad pa'i skyes pa'i sha// gar mkhan dpa' bo'i dam rdzas bya// sgra las phog pa'i bdud rtsi yang // bsres te sngags kyis dbul bar bya// zhes bshad de dpa' bo rang rgyud par gyur to// ro langs gsang ba'i rgyud las/ sgrub pa dang srog sngags bstan pa'i le'u ste bzhi pa'o// // sgrol zhing de la phyag 'tshal nas// gang la bya ba gnas nas dgug/ gro ga shing shun shog shog la// gang la bya ba'i ming rus bri// gsad pa'i drag sngags bzlas par bya//
- 508b
detshe dgra bgegs gang yin pa// myur du gnas nas dgug par bya// sha tru srog gi rlung yin te// srog rtsa nag po drang bar bya// rol ma nag po 'dzub pa dang // 'od zer nag bo ston pa dang // ka ka kyug byug 'dren pa ni// glog ga sprin dmar chad pa 'dra// gang yin gnas nas 'dren pa'o// de ldan pas ni sngags 'di bzlas// oM ba hri dgra bo sta par sru hri ha hU badz+ra ha na dgra bo a bi tsa ra hUM phaT/ gsad pa'i gnas nas dgug pa ni// yang gsang dag tu bstan pa yin// hri ni rak+Sharba da bla khug srog khyer la b+h+yo/ de yis 'gug par the tshom med// srog bdag srog ni 'gugs 'gyur bas// dbugs rgyud gsad par bstan pa ni// ro langs gsang ba'i rgyud las/ bla 'gugs pa'i le'u ste lnga pa'o// / / de nas dpa' bo gar mkhan mchog la phyag 'tshal nas/ nri dr-i gsad pa bstan pa ni// ro tsha sa ras dang ta la'i shun pa la// de la dmigs pa'i ming rus bri/ bar ma nyi shu rtsa gcig pas// de la 'khor zhing gsod pa yi// dpa' chen las la rngam pa ste// de nas rngam pa'i sngags 'di gsungs so// oM ta ki rA dza badz+ra hi ta hUM hUM/ snying la za bats+tshin+dats+tshaN+Da mA ra ya phaT/ badz+ra ha na ha na ti ta tsakra hUM phaT/ sa tri ba la ma trod mA ra ya swA hA/ 'di dag gsungs pa gsod la rngam// 'dis ni gsod par gdon mi za// 'khor ni rtag spyad mang po gsod la rngam/
- 509a
de yis lus srog 'brel bar gdon mi za// skyugs pa glu dang 'khor tshogs las la 'gyed// mche ba gtsigs pas rang la 'jigs pa ni// srid pa gsum po g.yo ba dag tu bstan// de bas drag po srid gsum bdag po bshad// thams cad ro dang sha la rngam pas na// des na gsang ba'i shu rgyud yin par bshad// dpa' bo gar mkhan gyi rgyud rngam zhing / gsad pa dang sha la rol pa'i le'u ste drug pa'o// // grub pa'i dus dang rtags bstan pa// dpa' bo tshu ra la log pa'i rtags// rab 'bring tha ma la sogs pa// dpa' bo rgyud du bshad par bya// las dang ldan pa rtags 'di 'byung // rgya gar mon dang char sprin dag byung na// 'di dag rab tu grub par bshad// thod pa 'gul dang 'od 'byung zhing // sku dngos bstan pa ni grub pa'o// rdo rje slob dpon byung na dam tshig bskongs// mdze can la sogs dman pa'i rigs byung na// dam rdzas gtar zhing lo la btab pa bya// sprin dang ser ba tshub ma dag byung na// nges par drag po grub pa'i rtags// sgrub khang 'tsheg cing che ma sgra chen po ni// drag po'i las la myur du shis// rgyal sras btsun chen zhib can dang // de ltar byung na drag po'i las la shes/ ha la ba tra ki la ya// de yang drag po'i las la shis// ra mda' khu log byung na gnod sbyin 'khrugs pa'i rtags// de ltar byung na 'jab dang bsnyen pa brkyang // dus su rtags rnams mthong na mi
- 509b
'khrul bstan pa thob// ro langs gsang ba'i rgyud las/ grub byed rtags kyi le'u ste bdun pa'o// de nas dpa' bo rngam pa so// dur khrod mkha' 'gro ma mo'i tshogs// gnod sbyin drag shul stobs ldan re ma ti// kha nas drag po sngags kyi 'od 'phro ma// 'chi bdag gsang ba re ma ti// ka ka tsig cig bskal pa'i me ltar 'bar// me 'bar drag mo gnod sbyin re ma ti/ khrag la rngub cing srog rtsa gcod pas na// gsod byed drag mo me 'bar re ma ti// de dag bsad pa'i 'khor le bshad par bya// 'jig rten drag shul sa la byas pa yi// rko can dug can sa nag la// yang na kham nag mdog can la// dka' thub can gyi khru gang ba// gting du bru dang gyen du brtsig pa ni// de yang dka' thub can gyi khru la shis// kha dog nag po 'jigs pa'i tshon gyis bri// khang rimi gas ba'i ro ldan gsum pa la// 'og ma dmar po srin mo'i mkhar chen la// gnam lcags ur mo'i gzer chen btab pa la// steng na nyon mongs re ma ti// khram srang dang ni g.yo zhing 'chad pa ni// skyes pa shi ba'i khrag gis chag chag btab// dug dang sbyar ba'i gtor ma gtang bar bya// rkang chen la sogs gling bu bud par bya// rgya skyegs khar ma gu gul dud pas bdug/ drag po dbye ba'i sngags ni bstan par bya// ma ma tra rak+Sha ru tra ma ya phye phye/ srid pa'i lha rnya na ma lha zhang lha dang // le gu'i lha dang pho lha dgra lha dang // bya spu rlung gis khyer ba lta bur bsam// de nas gsang ba'i 'khor lo bskor
- 510a
ba ni// khro chuganam lcags zhun ma'i gzhi ma la// glang nag man 'dzi'i drag po thod pa bcag/ rnal 'byor pa yi rigs kyi bya ba bshad// dka' thub can gyi dog dmar po 'dzin// yang nAn+ya ga rde ba byung la rma bshegs// ma mchags pa'i bdag nyid de// rak+Sha'i thig le la na bar bya// ma ni 'dzin las bdag mod+ha// rnas rkyen las gyi mtshan mas mtshon// thod pa che srog mdzad pa// zhag chen gsang ba'i zo sa bstan pa'o// gcer bu dpa' bo'i ting 'dzin bstan par bya// zhing rmugs sti ri'i tshogs kyi gdan stengs nas// gdan mchog yin te de tshe gding bar bya// sha chen gang dang tshol bu la sogs pa// 'phreng ba mchog kyang de tshe bslang bar bya// pho sngags bstan pa'i bla dgug g.yas nas bskor ba ni// za byed pho ye ting 'dzin ldan par bshad// ro langs sngags dang ldan pa'i drag shul can// de tshe sngags bzlas g.yon du bskor bar bshad// skyes bu drag sngags bzlas pa ste// gzhan gyis thos na snying khrag 'thung bar bshad// gsang ba'i sngags de grangs dang bcas pa bzlas// oM ma mdug b+h+yo/ dgra bo drib dri rol rol/ gzer mu tri ma hed/ nag mo thum ril-i l-i/ snying 'byin thig nyon byung / rbi sha ku ru kha so ba ta ya/ sen men ya/ dgra bo pra ba sha ya
- 510b
ru tri ya snying rtswa chod/ srog brig brig sha sha khyer b+h+yo/ khu le za khu le za snying la sbud/ lce dur ma sod/ dus tshad log na rang gi srog rtsa gcod// des na gsang ba drag sngags yin par bshad// drag po sngags kyi mtshon cha'i char 'bebs pa 'di skad do// oM ma tsit+tA rak+kha nir mA ra ya rbad/ rak+Sha rak+Sha ni mA ra ya rbad pri nr-imA ra ya rbad ga tag ta ni mA ra ya rbad/ de dag bzlas pa bya ba yin// ro langs gsang ba'i 'khor lo bskor bar ba shad// dpa' bo gar mkhan mchog gi rgyud las 'khor lo dkrug pa'i le'u ste brgyad pa'o// // de nas dpa' bo gar mkhan mchog dag/ gshin rje gshed po dam tshig lung du bstod pa'o// nam mkha' yangs pa'i dkyil 'khor nas// gshin rje dmar po ral pa can// ru tra myur du bsgral ba'i phyir// sgrub pa'i gnas 'dir dam la shog/ ces dam bsgrags te bstod do// de nas dpa' bo gar mkhan la// 'khor sems dpa' dang sems ma la sogs pas/ bstod pa gar dang bcas pa/ hU/ sngon gyi rgyal bas lung phog ltar// tshe srog bdag po ma ru tse// sgrol ging bya bar dam bcas pa ri// dam rdzas bdud nyid 'di la khar khA hi// zhes gus
- 511a
#pas mchod cing bstod do// de nas bcom ldan 'das kyis bshad pa/ rnal 'byor can gyi rtog pa gzhom pa'i phyir// ma ru tsa ni gar mkhan mchog nyid de// gar mkhan mchog nyid rgyal po rnam thos sras// rnam thos sras nyid kar ma he ru ka/ don la the tshom med na rigs lnga'i sangs rgyas grub// dpa' bo gar mkhan mchog gi rgyud las/ gnod sbyin dmar po'i tan tra/ gso byed spu gri'i so// las kyi mchog/ man ngag gi nying khu bdud kyi mnga' las kyi gshin rje zhes bya'o// gshin rje wa thod dmar po'i rgyud tsha rgod dmyal ba'i las rdzogs so// / / gnubs kyi man ngag/ drag po'i sngags rgod/ bstan bsrungs spu gri lte bu'i rgyud/ pad+ma dbang rgyal gyi bka'//