'phags pa sgo mtha' yas pa sgrub pa zhes bya ba'i gzungs
Text
ff. 84b–96b · 25 folio sides
- 84b
pa de nyid lags na/ bcom ldan 'das byis pa lta bu so so'i skye bo dag ni de ltar chos rang bzhin gyis zhi ba la bdag dang bdag gi rnam par rtags nas lta ba 'byung bar bgyid cing / ji ltar rgyal po ma skyes dgras rtogs pa bzhin du mtsham med par bgyid pa thams cad kyi rang bzhin de 'dra ba lags par ni ma mtshal te/ phyin ci log gi phyin ci log tu gyur cing ma mchis pa la yongs rtog pas zin pa rnams ni mchis bzhin du/ sems can dmyal ba dang / byol song gi skye gnas dang / gshin rje'i 'jig rten du sdug bsngal bar 'gyur te/ bcom ldan 'das bdag ni gang chos kyi rnam grangs 'di la mos pa de dag ltung ba ma mchis/ ltung ba'i chos can ma lags so snyam bgyid do// bcom ldan 'das kyis bka' stsal pa/ legs so leg so// 'od srung de bzhin no// ji skad smras pa de bzhin te/ sangs rgyas bcom ldan 'das rnams kyis byang chub ni kun nas nyon mongs pa med do// de nas bcom ldan 'das la tshe dang ldan pa dga' bos 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ci nas kyang phyi ma'i dus phyi ma'i tshe na/ chos kyi rnam grangs 'di spyod par 'gyur bar byin gyis/ brlab du gsol/ de nas de'i tshe bcom ldan 'das kyis 'od gang gis 'jig rten gyi khams thams cad snang ba'i 'od de lta bu g.yas phyogs dang / g.yon phyogs nas
- 85a
btang nas sangs rgyas kyi zhing thams cad nas/ de bzhin gshegs pa dgra bcom pa yang dag par rdzogs pa'i sangs rgyas 'di byin gyis rlabs so// zhes de skad kyi sgra 'byung ngo // gang gi chos kyi rnam grangs nyan par 'gyur ba de dag ni/ gal te rgya mtsho 'ching rnams pa chen po'i nang du mchis par gyur kyang rung / srid pa'i bskal pa'i nang du mchis kyang rung ste/ sems can de dag gi ni chos kyi rnam grangs 'di ma thos par 'gum pa'i dus bgyid par mi 'gyur ro// bcom ldan 'das kyis bka' stsal pa/ dga' bo de bzhin no// ji ltar sgra byung ba de bzhin te/ skyes bu dam pa de dag gi dge ba'i rtsa ba bskyed pa de dag gi phyir chos kyi rnam grangs 'di phyi ma'i dus phyi ma'i pang tshe la spyod par 'gyur ro// chos kyi rnam grangs 'di bshad pa'i tshe/ lha dang mi'i skye dgu'i srog chags 'bum phrag drug bcu rtsa drug chos la chos kyi mig rdul dang med cing dri ma dang bral ba rnam par dag go/ srog chags 'bum phrag bdun bcu rtsa bdun ni bla na med pa yang dag par rdzogs pa'i byang chub tu sems skyes so// byang chub sems dpa' 'bum phrag sum bcu rtsa gsum ni mi skye ba'i chos la bzod pa thob po/ srog chags rgya stong gis ni 'dod chags dang bral ba thob par 'gyur to// stong gsum gyi stong chen po'i 'jig rten gyi khams 'di yang rnam pa drug du g.yos so// lha dang bcas pa'i 'jig rten
- 85b
yang chos kyi rnam grangs 'di mchod pa'i las la brtson par gyur to// sil snyan rgya stong krol ba byed cing / gang de bzhin gshegs pas 'dir chos kyi rnam grangs stan ba de'i chos kyi 'khor lo skor ba'i mchog yin no// chos kyi rnam grangs 'di'i las ni mu stegs glan ka la spyod pa/ bdud kyi yul la gnas par tshar spyod pa/ yang dag pa'i chos la mos pa'i rigs kyi bu dang / rigs kyi bu mo de dag gcig tu 'khod do// de nas tshe dang ldan pa sha ri'i bu sangs rgyas kyi 'thus skad gcig de nyid la 'di snyam du sems te/ bdag gis rdzu 'phrul mngon par 'du bya ba gang mngon par 'dus byas pas/ stong gsum gyi stong chen po'i 'jig rten gyi khams na/ nyan thos kyi theg pa can nam/ rang sangs rgyas kyi theg pa can nam/ theg pa chen po can yang rung ste/ dge slong ji snyed gnas pa de dag thams cad tshal chen po'i khang pa brtsegs pa'i khang bzang su 'du bar 'gyur ba de 'dra ba'i rdzu 'phrul mngon par 'du bya gor ma chags snyam mo// de nas tshe dang ldan pa sha ri'i bus/ rdzu 'phrul mngon par 'du bya ba de mngon par 'du byas pas/ stong gsum gyi stong chen po'i 'jig rten gyi khams na/ nyan thos kyi theg pa can nam/ rang sangs rgyas kyi theg pa can nam/ theg pa chen po can yang rung te/ dge slong ji snyed gnas pa de dag tshal chen po'i khang bzang su 'dug par gyur te/ de dag lpags nas bcom ldan 'das mthong ba dang / bcom/ bu mngon par 'du byas te/ rdzu 'phrul mngon par 'du bya ba de
- 86a
ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do// de nas bcom ldan 'das kyis skad gcig de nyid la/ byang chub sems dpa' sems dpa' chen po rnams la bka' stsal pra la 'di lta ste/ byang chub sems dpa' sems dpa' chen po mthong ba don yod ces bya ba dang / 'jam dpal gzhon nur gyur pa dang / byang chub sems dpa' sems dpa' chen po ngan song thams cad spong pa dang / byang chub sems dpa' seMs dpa' chen po mya ngan dang mun pa nges par 'joms pa dang / byang chub sems dpa' sems dpa' chen po sgrib pa thams cad rnam par sel ba dang / byang chub sems dpa' sems dpa' chen po dra ba can gyi 'od dang / byang chub sems dpa' sems dpa' chen po yul thams cad kyi mun pa nges par 'joms pa'i blo gros dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob dang / byang chub sems dpa' sems dpa' chen po yid yongs su mi skyo dang / byang chub sems dpa' sems dpa' chen po spos kyi glang po che dang / byang chub sems dpa' sems dpa' chen po dpa' bo dang / byang chub sems dpa' sems dpa' chen po na mkha' mdzod dang / byang chub sems dpa' sems dpa' chen
- 86b
po 'od dpag med dang / byang chub sems dpa' sems dpa' chen po zla 'od dang / byang chub sems dpa' sems dpa' chen po ye shes rtog dang / byang chub sems dpa' sems dpa' chen po bzang skyong dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po/ blo gros mi bzad pa dang / byang chub sems dpa' sems dpa' chen po rdo rje snying po dang / byang chub sems dpa' sems dpa' chen po na mkha'i snying po dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po spobs pa brtsegs pa dang / byang chub sems dpa' sems dpa' chen po byams pa la bka' stsal pa/ rigs kyi bu dag khyed deng la phyogs thams cad kyi sangs rgyas kyi zhing gang ga'i klung gi bye ma snyed dag na/ byang chub sems dpa' srid pa tha pa 'am/ skye ba cig gi thogs pa'am/ phyir mi ldog pa 'am/ mi skye ba'i chos la bzod pa thob pa 'am/ dad pas mos pa ji snyed gnas pa de dag thams cad tshal chen po'i khang pa rtsegs pa'i khang bzang 'dir sdus shig/ de nas byang chub sems dpa' sems dpa' chen po dag gis bcom ldan 'das kyi ltar gnyan te/ bcom ldan 'das la leg so zhes gsol nas/ skad cig de nyid la ltas de lta bu byas te/ ltas de
- 87a
byas pas tshal chen po'i khang pa brtsegs pa'i khang bzangasu/ byang chub sems dpa' srid pa tha ma pa bye ba khrag khrig brgya stong brjod du med pa/ brjod du med pa dag lhags par gyur to// byang chub sems dpa' skye ba gcig gis thogs pa bye ba khrag khrig brgya stong phrag sum bcu dang / byang chub sems dpa' sems dpa' chen pos dad pas mos pa bye ba khrag khrig brgya stong phrag brgyad lhag par gyur to// de dag thams cad lhags te/ bcom ldan 'das mthong nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod do// de nas tshe dang ldan pa sha ri'i bus/ byang chub sems dpa' sems dpa' chen po de mthong nas/ skad cig de nyid la 'di snyam du sems te/ lus pa lung bstan pa ji lta bus byang chub sems dpa' sems dpa' chen pos 'di dag gi som nyi thams cad spangs par 'gyur ba dang / sgrib pa med pa'i ye shes dang / spobs pa myur du thob par 'gyur ba dang / sangs rgyas kyi zhing gang ga'i klung gi bye ma snyed dang de bzhin gshegs pa dgra bcom pa yang dag par rdzogs pa'i sangs rgyas thams cad las chos stan po thob par gyur pa dang / thos nas kyang 'dzin par 'gyur zhing / bla na med yang dag par rdzogs pa'i byang chub mngon par rdzogs par sangs rgyas kyi bar du mi 'gyur
- 87b
ba dang / byang chub sems dpa' sems dpa' sems dpa' chen po rnams kyi spyod pa yong su dag pa gang yin pa bzhi po de dag rjes su thob par 'gyur ba ste/ bzhi gag zhe na 'di lta ste/ sems can yongasu dag pa dang / chos yongs su dag pa dang / smon lam yongs su dag pa dang / sangs rgyas kyi zhing yong su dag pa ste/ de dag rjes su 'thob par 'gyur ba dang / gya nom pa yid du 'ongs par byed pa'i ba'i chos bzhi rjes su 'thob par 'gyur ba ste/ bzhi gang zhe na/ 'di lta ste/ lus yid du 'ong / ba dang / sems yid du 'ong ba dang / skye ba yid du 'ong ba dang / rjes su 'thob par 'gyur ba dang / bzung sgor 'jug pa bzhi rjes su thob par 'gyur ba ste/ bzhi gang zhe na/ 'di lta ste/ sgo mi bzang pas bsgrub pa'i gzungs kyi sgor 'jug pa dang / sems can rnams kyi dbang po la mkhas pa'i gzung gyi sgor 'jug pa dang las dang rnam par smin pa la mkhas pa 'dus ma byas kyi gzungs kyi sgor 'jug pa dang / chos zab mo la bzod pa'i gzungs kyi sgor 'jug pa dang / rjes su thob par 'gyur ba de lta bu'i zhu ba de bzhin gshegs pa dgra bcom pa yang dag par rdzogs pa'i sangs rgyas la bdag gi zhu ba gor ma chags snyam mo// de nas tshe dang ldan pa sha ri'i bus zhu ba dzi skad spos pa/ ji ltar yid la bzung ba/ ji ltar yid la byas pa/ ji ltar kun chub par byas pa de dag/ bcom ldan 'das la rgya cher/
- 88a
'a skad ces bka' stsal ko/ sha ri'i bu leg so log so// sha ri'i bu khyod de bzhin gshegs pa ma don 'di zhu bar sems dpa' khyod yang leg so// sha ri'i bu gsol to// 'di skad ces kyang gsol to// bcom ldan 'das zhu ba ji skad smos pa ji ltar bzung ba/ ji ltar yid la byas pa/ ji ltar kun/ chub par bgyis pa 'di dag gis/ byang chub sems dpa' sems dpa' chen po 'di dag gis spyod pa ji ltar yongasu dag par 'gyur ba de ltar bcom ldan 'das kyis bshad du gsol/ de skad ces gsol ba dang / bcom ldan 'das kyis tshe dang ldan pa sha ri'i bu le de'i phyir khyod legs par rab tu nyon la yid la zung shig dang / ngas khyod la bshad do// tshe dang ldan pa sha ri'i bus bcom ldan 'das de bzhin no zhes gsol te/ bcom ldan 'das kyi ltar gnyan pa dang / bcom ldan 'das kyis de la 'di skad ces bka' stsal to// sha ri'i bu 'di la byang chub sems dpa' sems dpa' chen po gang chos chos thams cad mkhas mi len cing / len par mi byed pa des/ gzud kyis gsang sngags kyi tshig 'di dag gzung bar bya'o// / tad+ya thA/ a ne/ ma ne/ a khe ma khe mu khe/ sa man ta mu kha/ dze ti so me/ sad t+ye rA be/ sto'u ti yug te/ ni rug te/ ni rug te pra b+he/ hi li hi le ka la pe/ gal pa si sA re/ sa ra ba ti/ bud b+ha pa ti/ hi le hi le/ hi le hi le/ hi li hi le/ hi le hi le le/ ma hA hi le le/ hi le dun Te/ tsan Te/ tsa ba Ne/ tsa ra tsa ra Ne/ a tsa la/ ma tsa le/ an te/ a nan ta/ ga te/ a ra ne/ nirba te/ ni rba ta ne/ ni d+han te/ d+harma d+ha re/ ni hA rI/ ni ha re/ bi ma le/ bi sho d+ha na/
- 88b
shi la bi sho d+ha ni/ pra kri te/ di pa ni/ b+ha ba ne/ b+ha ba bI/ b+ha ba ne/ a seng ge/ a sang gi bi ha re/ ha me/ sha me/ bi ma le/ bi ma la pra b+he/ sang kar sha ne/ d+hi re/ d+hi d+hi re/ mahA d+hi d+hi re/ ya she/ ya sho ba ti/ tsa le/ a tsa le/ ma tsa le/ sa ma tsa le/ dri b+ha san d+hi/ su thi re/ a sang ge/ a sang ga ni ha re/ ma le/ ni ha ra sho d+ha ni/ dri b+ha so me/ s+thi re/ s+thA me/ swa ma ba ti/ ma hA pra b+he/ sa man+ta mu pra b+he/ bi pu la pra b+he/ bi pu la ra smi sam b+ha be/ sa man+ta mu khe/ sarba da tra nu ge te/ anAd tse d+ya pra ti b+ha ne/ d+ha ra ni/ ning+ga ne/ d+harma ni d+ha na go tre/ sa man+ta b+ha dre/ sarba ta thA ga ta a tiSh+Tha na/ a ti ShA te swA hA// sha ri'i bu byang chub sems dpa' chen po bzung 'di dag 'dzin pa ni/ 'dus byas dang / 'dus ma byas kyi chos rnams la rloms sems su mi byed/ dmigs par mi byed/ smod par mi byed/ btang snyoms su mi byed/ len par mi byed/ rtsom par mi byed do// de dag thob par bya ba dang / spang bar bya ba dang / sgom par bya ba/ rnam par 'phel bar bya ba dang / mi byed/ 'gyur bar mi byed/ mngon par 'du mi byed/ mtshungs par ldan pa'i chos rnams kyang mi mthong / ldan pa ma yin pa rnams kyang mi mthong / chos rnams kyi skye ba yang mi mthong / 'gag pa yang mi mthong / 'das pa'i chos rnams kyang ma mthong / ma 'ongs pa'i chos rnams kyang mi mthong / da ltar byung ba rnams kyang mi mthong / chos rnams kyi 'phel ba dang 'grib pa yang mi mthong / chos/
- 89a
gang yang stsogs par yang mi byed/ 'bri bar yang mi byed/ 'dogs par yang mi byed/ rnam par rig par yang mi byed par/ sangs rgyas rjes su dran pa 'ba' zhig sgom te/ de sgom pa na gzugs su ma yin/ gzugs med par yang ma yin/ mtshan tu ma yin mtshan med par yang ma yin/ dpe byed bzang por ma yin/ rnam par shes par ma yin/ rnam par shes pa med par ma yin/ nyon mongs par ma yin/ nyon mongs pa med par ma yin/ tshul khrims su ma yin/ tshul khrims med par ma yin/ ting nge 'dzin du ma yin/ ting nge 'dzin med par ma yin/ shes rab tu ma yin/ shes rab med par ma yin/ rnam par grol bar ma yin// rnam par grol ba med par ma yin/ rnam par grol ba'i ye shes mthong ba ma yin/ rnam par grol ba'i ye shes mthong ba med pa ma yin/ skye bar ma yin/ skye ba med par ma yin/ rigs su ma yin/ rigs med par ma yin/ rus su ma yin/ rus med par ma yin/ 'khor du ma yin/ 'khor med par ma yin/ gnas par ma yin/ gnas med par ma yin/ thob par ma yin/ thob pa med par ma yin/ mngon par rtogs par ma yin/ mngon par rtogs pa med par ma yin/ nyon mongs pa zad par ma yin/ nyon mongs pa ma zad par yin/ phung po dang khams dang skye mched du ma yin/ phung po dang khams dang skye mched med par ma yin/ shes par ma yin/ shes par med par
- 89b
ma yin/ chos ston par ma yin/ chos mi ston par ma yin/ bdag rnam par dag par bya ba ma yin/ gzhan rnam par dag par bya ba ma yin/ sems can rnam par dag par bya ba ma yin/ sems can med par bya ba rnam par dag par bya ba ma yin/ bdag gi don du ma yin/ gzhan gyi don du ma yin/ chos su ma yin/ 'dul bar ma yin/ lus rnam par dag par ma yin/ ngag rnam par dag par ma yin/ yid rnam par dag par ma yin/ spyod pa rnam par dag par ma yin/ sngon gyi mtha'i spyod pa rnam par dag par ma yin/ phyi ma'i mtha'i spyod pa rnam par dag par ma yin/ da ltar byung ba'i spyod pa rnam par dag par ma yin/ bdag gi rnam par ma yin/ gzhan gyi rnam par ma yin/ 'di ni sha ri'i bu byang chub sems dpa' sems dpa' chen po'i chos thams cad mi 'dzin pa la 'jug pa zhes bya ba'i sangs rgyas rjes su dran pa zhes bya'o// don dam pa sgrub pas chos thams cad yang dag par 'du ba la mi 'jigs pa tho ba zhes bya'o// gzungs so// cig tu nges pa thob pas bsam pa thams cad yongasasu rdzogs par byed pa zhes bya ba'i ting nge 'dzin to// dge ba'i rtsa ba thams cad la/ gzhan la rag ma las pa'i ye shes sgrub pas chos kyi gter mtshan dang / dpe byad bzang po'i rigs zil gyis mi non par gnas pa zhes bya ba'i gzungs so// dam pa yongasasu tshol ba la mkhas pas bdud kyi las thams cad las yang dag par 'da' ba zhes bya ba'i gzungs so//
- 90a
sha ri'i bu gang dag byang chub sems dpa' sgo mtha' yas pas bsgrub pa'i bzungs 'di don thob par 'gyur ba de dag ni phyir mi ldog cing myur bla na med pa yang dag par rdzogs pa'i byang chub mngon par rdzogs 'tshang brgya'o// de ci'i phyir zhe na/ sha ri'i bu 'dir sangs rgyas thams cad kyi chos dang / yon tan gyi ter nges pa'i phyir ro// dmigs pa med pa'i spyod pa dang ldan pa'i gzugs 'di nyid las/ byang chub sems dpa'i spyod pa thams cad rab tu dpe bar 'gyur ba'i phyir ro// de nas bcom ldan 'das kyi de'i tshe tshig su bcad pa 'di dag bka' stsal to// chos rnams stod pa dogs med cing // byang chub ched du spros mi byed// chos dbyings 'khrugs par mi byed na// de phyir bzungs ni thob par 'gyur// mdo sde 'di ni mnyan par bya// 'di la bzungs ni zad pa me// ye shes 'byor 'di lta ste/ de ni byang chub thob par 'gyur/ byang chub sems dpa' 'jigs med pa// bzung 'di rab tu bzung byas na// phyogs bcu dag gi sangs rgyas kyi// chos bstan pa ni thos par 'gyur// don dang tshig 'bru skyod kun gyi// mchog gi chos ni rnam par shes/ nyi ma'i 'od zer ci snyed pa// de snyed tshig rnams shes par 'gyur// gang dag chos kyi mchog 'gyur ba// brlabs chen gzungs kyi sgo rnams te// gang zhig 'do 'di 'dzin de la/ thams cad rtag tu mngon du 'gyur// gal te sems can thams cad kyis// de la skal par dogs
- 90b
dris te// the tshom thams cad chang gyur kyang // de'i ye shes mi zad do// mdo sde 'di la gang dga' ba// de ni chos kyi rgyal po'i sras/ byang chub mchog la nye ba ste/ yid rten gyur dang chos 'dzin pa'o// gzung 'di 'dzin par su byed pa// de la sems can thams cad dga'// grags pa 'jig rten 'byung bar 'gyur// su zhig mdo sde 'di 'dzin pa// de ni mchi ba'i dus byed tshe// sangs rgyas bye ba brgya bcu mthong // lag pa de la nye bar 'jog/ gzungs 'di 'dzin par byed pa ni/ bskal pa bye ba stong rnams su// sngon chad sdig pa gang byas pa// zla ba cig gis byang bar 'gyur// byang chub sems dpa'i bsod nams dang // skal pa bye bar sgrub pa kun// gzungs 'di 'dzin par byed pa yis// zla ba cig gi zil non 'gyur// khams gsum sems can ji snyed pa/ gal te thams cad bdud gyur kyang // mdo sde 'di ni gang 'dzin pa// de la bar chad byed mi nus/ byang chub 'tshang brgya bar du de// dran dang blo gros rtog ldan 'gyur// gzungs kyi dam pa gang yin pa// de'i lce'i rtse mor gnas// ji ltar mdo sde bstan 'di la// gzungs ni so sor nges pa bzhin// 'di las thams cad mkhyen pa sten// 'di las byang chub thob par 'gyur// gzungs 'di bshad ma thag du yang // mar me zhes bya lung stan te// skad cig de la sangs rgyas ni// gang ga'i klung gi bye snyed mthong // gang zhig
- 91a
sangs rgyas thams cad kyi// snyan pa 'dir ni rtogs 'dod cing // mdo sde 'di la snyan pa des// thams cad myur du thob par 'gyur// sangs rgyas zhing ni rnam dag dang // nyan thos phun sum tshogs pa dang // 'od dang mtshan yang rnam dag pa// mdo sde 'dis ni byed par 'gyur// de bas bag ni yod par 'gyur// zhag bdun bar du 'di sems pa// sangs rgyas byed pa brgya bcu yis// de'i 'og tu gzungs sprin 'gyur// bsam bya sems par mi bsam ste// bsam bya min par mi bsam mo// soms shig 'gal bar ma sems shig/ de'i 'og tu gzungs thob 'gyur// dper na rgya mtshor phyin pa'i mi// nor la som nyi med par lta// de bzhin bzungs 'di thob gyur nas// bde ba la yang som nyi med// 'di las rdzogs pa'i byang chub nye// de bas 'di la sbyin ba gyis// zhi ba'i gnas ni thob 'gyur nas// rdzogs pa'i byang chub thob par 'gyur// de nas bcom ldan 'das kyis yang tshe dang ldan pa sha ri'i bu la bka' stsal/ pa/ sha ri'i bu byang chub sems dpa' sems dpa' chen po chos bzhi dang ldan la// gzungs 'di 'thob par 'gyur ro// bzhi gang zhe na 'di lta ste/ 'dod pa rnams la lhag par chags pa med pa yin// sems can thams cad la phra dog med pa yin/ bdog pa thams cad yongasu gtong zhing 'gyod pa med pa yin// nyin mtshan
- 91b
du chos la dga' zhing chos 'dod pa yin/ sha ri'i bu byang chub sems dpa' sems dpa' chen po chos bzhi po de dag dang ldan na/ gzungs 'di thob par 'gyur ro// de nas bcom ldan 'das kyi de'i tshe tshig su bcad pa 'di dag gi bka' stsal to// ngan cing bdud kyi spyod yul ba// 'dod pa dri nga spang bar byos// de dag sems can dmyal ba'i rkyen// ngan song rnams kyi rgyu gang yin// shes kyi khe ba dang rnyed dang grags pa'i phyir// pha rol dag la phra dog mi bya ste// dga' ba'i mig gis sems can ltas byas na// mthu che ba dang gzugs kyang mdzes par 'gyur// sems can gang dag kha cig rtsod 'gyur ba// de'i bzhi rtsa yongasu 'dzin pa ste/ de ltar gang la sred par 'gyur pa spobs// sred pa spang ba byas na gzungs su 'gyur// gal te byang chub 'dod na gzhan ma sems// nyin dang mtshan du chos ni btsal ba byos/ chos tshig 'di dag 'dra dag sten byed na/ de la gzungs ni mngon du 'gyur bar 'ong // sha ri'i bu gzhan yang byang chub sems dpa' sems dpa' chen po chos bzhi dang ldan na// gzungs 'di thob par 'gyur ro// bzhi gang zhe na/ 'di lta ste/ dgon pa dang / dben pa la gnas pa dang / chos zab mo la bzod pa'i stobs skyed pa dang / rnyed pa dang / bkur sti dang / tshig su bcad pa la lhag par chags pa med pa dang // sdug pa'i dngos po thams
- 92a
cad la mi lta zhing / tha na lus dang / srog kyang yongs su tong ba te/ sha ri'i bu byang chub sems dpa' sems dpa' chen po chos bzhi po de dag dang ldan na/ gzungs 'di thob par 'gyur ro// de nas bcom ldan 'das kyis tshe tshig su bcad pa 'di dag bstsal to// rgyal bas bsngags pa'i dgon par gnas par gyis// de la gnas pa gzhan la rnyas med// zab mo'i bzod la 'dun pa skyes nas su// bag yod mgo la 'bar bzhi gnas par gyis// 'di ltar tshul chos byed kyis gzhir 'gyur ba// shes khe rnyed pa rnams la gnas ma byed// bya dang 'dra bar ngan ngon dag gi cho ga byas te// mir gyur pa yi 'bras bu yod par byos// kye ma sangs rgyas ston pa legs pa brnyed// sdug bsngal mang po'i rtsa ba khyim yang spongs// lus dang ngag dang yid kyang yongs dag pas// sangs rgyas dang ni chos la gus par gyis// rnyed 'dod dran pa ma yin shes rab min// dad dang tshul khrims ma yin chos sems min// de ni byang chub ring ste gnam sa bzhin// de ltas rnyed pa yongs su spangs par bya// sha ri'i bu gzhan yang byang chub sems dpa' sems dpa' chen po chos bzhi dang ldan na/ gzungs 'di thob par 'gyur/ bzhi gang zhe na/ 'di lta ste/ yi ge 'bru brgyad kyi don khong du chud par bya'o// brgyad po de dag gang zhe na/ 'di lta ste/ pa zhes bya ba don dam par chos thams cad bdag
- 92b
med pa la 'jug pa khong du chud pa dang / la zhes bya ba mtshan dang dpe byad bzang ba dang / mtshan dang dpe byad bzang po med par de bzhin gshegs pa'i chos kyi sku la/ 'jug pa khong du chud pa dang / ba zhes bya ba byis pa'i chos rnams dang / mkhas pa'i chos rnams ji lta ba bzhin du gnyis su med pa la 'jug pa khong du chud pa dang // dza zhes bya ba skyes pa dang / rga ba dang / 'chi ba dang / skye ba dang / rga ba dang / 'chi ba med pa'i 'gro ba mi skye ba'i mi 'gag pa la 'jug pa khong du chud pa dang / ka zhes bya ba las kyi rnam par smin pa dang / las kyi rnam par smin pa la 'jug pa khong du chud pa dang / d+ha zhes bya ba gzungs kyi chos kyi rnam grangs stong pa nyid dang / mtshan ma med pa dang / smon pa med pa dang / chos kyi dbyings la 'jug pa khong du chud pa dang / sha zhes bya ba ni gnas dang / lhag mthong dang zhi gnas dang / lhag mthong med par chos thams cad kyi rang bzhin khong du chud pa dang / k+ka zhes bya ba chos thams cad skad cig pa ste/ bzod ma nas zhi ba'i phyir zad pa med pa dang / 'jigs pa med pa dang / rgyu ba med pa dang / chos thams cad mya ngan las 'das par 'jug pa khong du chud pa ste/ de ltar ye shes 'bru rgyad po de dag gi don khong du chud par rtogs bya ba 'di ni don khong du chud pa dang po'o// gzungs kyi rnam grangs 'di legs bris te/ gzung bar bya ba don khong du chud pa gnyis pa'o// zla ba phyed phyed cing
- 93a
gzungs kyi chos kyi rnam grangs 'di rtag tu klog pa dang / rjes su dran par bya ba'i phyir brtson par bya ba 'di ni don khong du chud pa gsum pa'o// gzungs kyi chos kyi rnam grangs 'di la mngon par brtson pa'i byang chub sems dpa' sems dpa' chen pos sems can thams cad yang dag par dga' bar bya ba dang / yang dag par 'dzin du gzhug pa dang / yang dag par bzed bstod pa la gzung ba'i phyir brtson par bya ba 'di ni don khong du chud pa bzhi pa ste/ shA ri'i bu byang chub sems dpa' sems dpa' chen po chos bzhi po de dag dang ldan na gzungs 'di thob par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// yi ge 'bru brgyad 'di dag bsams par bya// mdo sde 'di ni bris nas bcang bar bya/ zla ba phyed cing rtag tu klag par bya// sems can rnams kyang 'di 'dzin gzhug par bya/ shes rab rgya chen byang chub nye ba ste/ phyogs bcu rnams nas sangs rgyas gang su dag/ bzhags pa thams cad des ni mdun du mthong / de'i phyir 'dun pa bskyed 'di la bslab/ sha ri'i bu bzhi po 'di dag ni gzungs 'di la mngon par brtson pa'i byang chub sems dpa' sems dpa' chen po'i phan yon yin te/ bzhi gang zhe na/ 'di lta ste/ phyogs bcu'i sangs rgyas bcom ldan 'das thams cad de la dgongs pa dang / de la bdud gyi las mi 'byung ba dang / de'i las kyi sgrib
- 93b
pa myur du byang ba dang / spobs pa rgyun mi 'chad pa myur 'thob pa ste/ sha ri'i bu bzhi po de dag gzungs 'di la mngon par brtson pa'i byang chub sems dpa' sems dpa' chen po'i phan yon yin no// de nas bcom ldan 'das kyis de'i tshigs su bcad pa 'di dag bka' stsal to// sangs rgyas kun gyis de ni yid la mdzad/ de la bdud kyi glags na rnyed mi 'gyur/ de yi las kyi sgrib pa myur du 'bung / spobs pa mtha' yas rnams kyang thob par 'gyur/ shA ri'i bu sngon byung ba 'das pa'i dus na bskal pa grangs med pa'i ches grangs med pa yangs pa rgya cher gyur pa/ dpag tu med pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ sha ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu de yongs su mya ngan las 'das pa'i dus kyi tshe/ 'khor los sgyur ba'i rgyal po snang ba 'dzin ces bya ba mi'i dbang po rin po che sna bdun dang / ldan pa zhig byung ngo / de'i bu yon tan rin po che bsam gyis mi khyab pa'i dpal zhes bya ba zhig
- 94a
yod de/ de skyes nas lo bcu drug lon pa dang / des sgo mtha' yas pas bsgrub pa'i gzungs kyi chos kyi rnam grangs 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po chen dpal gyi gzi brjid rgyal po lta bu de las thos te/ des gzungs 'di thos ma thag tu thob par bya ba'i phyir brtson par gyur to// des lo bdun khrir rmugs pa dang / gnyid kyis non par ma gyur to// lan 'ga' yang rgyal srid la dga' ba 'am/ nor la dga' 'am/ bdag la dga' bar ma gyur to// de lo bdun khrir lan 'gra' yang sa la glos ma phab te/ gcig tu nges par nang du yang dag par 'jog la gnas so// sangs rgyas bye ba phrag dgu bcu las chos bstan pa thos to// thos nas kyang thams cad bzung ngo // bzung nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid kyi rgyal po lta bu de nyid las rab tu byung ngo // de rab tu byung nas lo dgu khri 'das pa dang / des sgo mtha' yas pa'i sgrub pa'i gzungs 'di sgrubs ste/ sgrubs nas kyang sems can rnams la rgya cher yang dag par bshad do// des tshe cig po de nyid la sems can bye ba phrag khrig rgya stong phrag brgya bcu// bla na med pa yang dag par rdzogs pa'i byang chub yang dag par 'dzin du cud cing / phyir mi ldogs la bkod do// sha ri'i bu 'khor de na tshong dpon gyi bu zla ba'i rtog ces bya
- 94b
bya zhig yod te/ des sgo mtha' yas pa'i sgrubs pa'i bzungs kyi rnam grangs 'di/ chos smra ba'i dge slong de las thos so// thos nas kyang rjes su yid rang bar gyur te/ de rjes su yid rangs pa'i mdo las skyes pa'i dge ba'i rtsa ba de dag gis sangs rgyas bye ba phrag dgu bcu las chos ston pa thos so// thos nas kyang thams cad bzung ngo // thams cad du yang bzungs thob pa rnams kyi mchog dang / tshig btsun pa rnams kyi mchog dang / byang chub sems dpa' sems dpa' chen po spob pa rgyun mi chad pa rnams kyi nang nas mchog tu gyur to// des bskal pa gsum du de bzhin gshegs pa dgra bcom pa yang dag par rdzogs pa'i sangs rgyas mnyes par byas so// gnyis par byas nas skal pa gsum 'das pa dang / bla na med pa yang dag par rdzogs pa'i byang chub tu mngon par rdzogs par sangs rgyas so// sha ri'i bu de'i tshe de'i dus na tshong dpon gyi bu zla ba'i rtog ces bya bar gyur te/ gzhan zhig yin snyam du som nyi za 'am/ yid gnyis sam/ the tshom za bar gyur na/ sha ri'i bu khyod kyis de ltar mi lta'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad de'i tshe de'i dus na/ tshong dpon gyi bu zla ba'i tog ces bya bar gyur to// sha ri'i bu de'i tshe de'i dus na/ yon tan rin po che bsam gyi mi khyab pa'i dpal zhes bya ba chos smra bar gyur pa de gzhan zhig yin
- 95a
snyam du khyod som nyi za 'am/ yid gnyis sam/ the tshom za bar gyur na/ sha ri'i bu khyod de ltar mi lta'o// de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med de/ de'i tshe de'i dus na/ dge slong chos smra ba yon tan rin po che bsam gyi mi khyab pa'i dpal zhes bya bar gyur to// sha ri'i bu skal pa bzang po'i byang chub sems dpa' sems dpa' chen po rnams kyis kyang bzungs kyi chos kyi rnam grangs 'di thos so// thos nas kyang rjes su yid rangs ste/ rjes su yid rangs pa'i mdo las skyes pa'i dge ba'i rtsa ba des/ ngas skad pa bzhi khrir 'khor ba phyir snyil to// sangs rgyas bye ba phrag dgu lhas chos ston pa yang thos te/ thams cad du yang bzungs thob pa rnams kyi mchog dang / tshig btsun pa rnams kyi mchog dang / byang chub sems dpa' sems dpa' chen po spobs pa rgyun mi chad pa rnams kyis mchog tu gyur to// sha ri'i bu de lta bas na/ byang chub sems dpa' sems dpa' chen po myur du bla na med pa yang dag par rdzogs pa'i byang chub tu mtshang rgya bar 'dod pas tha na bzungs kyi chos kyi rnam grangs 'di la rjes su yid rangs par brtson par bya'o// de ci'i phyir zhe na/ de nyid byang chub sems dpa' sems dpa' chen po de'i bla na med pa yang dag par rdzogs pa'i byang chub kyi ched du phyir mi ldog pa'i sa dang / chos smra ba 'gu bar byed pa'i/
- 95b
rgyur 'gyur na/ gang yi ger 'bri ba dang / lung 'bogs pa dang / 'dzin pa dang / klog pa dang / kun chub par byed pa dang / tshul bzhin yid la byed pa dang / gzhan dag la rgya cher yang dag par ston pa lta ci smos te/ bsod nams kyi phung po de'i tshad ni de bzhin gshegs pa ma togs par sems can thams cad kyis kyang shes pa 'am/ bsam par mi nus so// de nas bcom ldan 'das kyis de'i tshe tshigs su bcad pa 'di dag bka' stsal to// mdo sde thos nas rjes su yid rangs pa dang // yi ge bris dang gzung dang klags pa yis// bsod nams chu bo ji tsam skyed pa ni// sems can kun gyi shes par yong mi nus// de na tshe rabs kun tu rgyal ba mthong // de dag las kyang dad pa bsam yas brnyed// mdo sde zab mo'i tshul yang shes par 'gyur/ de ni myur du byang chub mngon mtshang rgya// bla med byang chub ma reg par du yang de ni ting nge 'dzin dang mngon shes dang / gzungs rnams dang longs spyod dang / sangs rgyas mthong las nyams par yongs mi 'gyur// rjes su dran pa sngon gyi tshe rabs na/ tshong dpon bus ni gzungs 'di thos gyur nas// sangs rgyas gang ga'i bye snyed mthong 'gyur te/ des ni 'dod bzhin byang chub rnams sangs rgyas/ mar me mdzad pa de tshe tshong dpon bu// sngon che tshe rabs 'od zer mtha' yas 'gyur// de tshe chos smra sangs rgyas tshe dpag med// nga ni bskal pa bzang dang bcas
- 96a
yi rangs// byang chub myur du reg par 'dod pa dang / bdud rnams myur du bzhom par su 'dod dang // bsod nams rgya'i mtshan bzang su 'dod pa// 'di la btson na rnyed par bka' mi 'gyur// gang ga'i klung gi bye snyed 'jig rten khams// gang gis rin chen bkang te sprin byin yang // bris dang gzungs ba'i bsod nams gang yin pa// de la sbyin pa'i dper yang mi 'gyur ro// de ltas thos nas rtse gcig bag yod pas// byang chub sems dpa' mkhas pas 'di bzung ngam// gzungs 'di bris zhing sems dpa' de dag ni// byang chub rnyed pa bka' ba med par bshad// de nas bcom ldan 'das kyis tshe dang ldan pa sha ri'i bu la bka' stsal pa sha ri'i bu sgo mtha' yas pa sgrub pa'i bzungs 'di la mngon par brtson pa'i byang chub sems dpa' sems dpa' chen po'i lus la/ gang la gnas pa'i gnod sbyin brgyad gzi 'dangs 'jug cing / nyin mtshan du srung ba dang / skyabs pa dang / sbed par byed do// brgyad gang zhe na/ 'di lta ste/ gnod sbyin dpa'o// zhes bya ba dang / brtan po dang / bdag po dang / sred med kyi bu'i stobs dang / spyod pa'i blo gros dang / thub ka' dang / 'jigs su rung ba dang / gnod sbyin lag bzangs zhes bya ba dag ste/ gnod sbyin brgyad po de dag 'ongs par bya ba'i phyir/ shin tu khrus bya ba dang / gos shin tu tsang mgon pa dang / 'chags par 'gro ba
- 96b
dang / sems can thams cad la zhe 'dras pa med pa'i sems su bya/ gzungs kyi chos kyi rnam grangs 'di yang yid la byas te/ gnod sbyin brgyad po de dag myur du bzhin ston par 'gyur ro// byang chub sems dpa' sems dpa' chen po 'do pa na spyod pa'i lha rnams kyi nang du skyes pa brgyad po 'di dag kyang / de la sems par 'gyur te/ brgyad gang zhe na 'di lta ste/ byang chub sems dpa' sems dpa' chen po rnam par snang byed ces bya ba dang / snang byed dang / shes rab 'od dang / nyi ma'i 'od dang / yang dag skul byed dang / bsam pa thams cad yongs su rdzogs dang / skar ma'i rgyal po dang / skar ma'i rgyal po dang / byang chub sems dpa' sems dpa' chen po spyod pa'i blo gros shes bya ba ste/ byang chub sems dpa' sems dpa' chen po brgyad de dag de gzugs thob par bya ba'i phyir mngon par brtson 'gyur ro// gzungs la brtson pa'i byang chub sems dpa' sems dpa' chen pos kyang bden pa'i dam bca' bar bya'o// byas pa gzo ba dang / byas pa tshor ba dang / chos 'dod pa dang / chos la dga' ba dang / zab mo'i chos la bzod pa la mngon par brtson par bya'o// byang chub sems dpa' chen po gzungs la brtson pas/ kun 'gyed pa'i ngang tshul can du bya ste/ des ji ltar chung ba dang / ji ltar nyung ba las kyang sbyin pa byin par bya na/ mang pa las lta smos dang ci dgos//
Colophon
'pahgs pa sgo mtha' yas pa sgrub pa zhes bya ba'i gzungs// rdzogs s+ho/