rDzogs chen - Sems sdeAll versions of this work

Untitled work

Text

ff. 138a–141a · 7 folio sides

  1. 138a

    la 'gro ba'i lam// 'gro ba ris drug kun gyi lam yin pas// byis pa'i blo la nges pa ma mchis te// ma ris ma rtog slang bas 'khrul pa'i phyir// rang sems sman gyis slob dpon sman pa tshol// rang sems sangs rgyas ma gtogs gzhan du tshol ces bstan// ye shes ma nges par bstan pa ni// de ltar bde bdun gyi ye shes ma nges par bstan pa ni// de ltar bde ba bdun gyi ye shes lta// phyi mar bde ba rgyab nas ye shes 'dod snang bas mngon sum dag gi ye shes dang // rgyab nas byung ba'i ye shes grangs byung bas// de yang ye shes rnam pa'i skyon yin pas// rang byung ye shes de la bstan mi bya// zhes bya'o// nges pa ston pa'i mdo las// man ngag rnam pa brgyad bstan pa dang // nges pa don gyi 'grel pa rdzog s+ho// / de nas sems dpa' chen pos// 'dus pa'i 'khor tshogs de rnams la// chos thams cad rdzogs pa chen po'i byin brlabs las byung ba'i phyir// theg pa yas phub theg pa dgu'i mdo 'di gsungs so// kye 'das pa'i tshogs chen de nyon cig/ chos nyid rang bzhin sems nyid che// sems nyid rang bzhin rdzogs pa che// rdzogs pa chen po chos sku skye med pas nga skye ba'i cho 'phrul byung ba ni// longs spyod rdzogs sku sprul pa'i sku// sum rgyud dgu phyug rnam sprul pa// tshig dang yi ge dgur grags te// yang na rnam pa dgu ru bstan// de yang gang dang gang zhe na// nyan thos rang rgyal theg tshon gsum// sprul pa'i sku yi gsung du bstan// kr-i sau yo ga'i phyi nang gsum/ longs spyod rdzogs skur bstan par grags// bskyed dang rdzogs dang rdzogs chen gsum// chos kyi sku yi gsum du bstan// sku gsum yang

  2. 138b

    na rnam pa dgu// rdzogs pa chen po'i byin gyis rlog/ de yang ji lta bu zhe na/ sems nyid sku gsung thugs 'di yin// sku gcig sku gsung thugs ston te// de yang ji lta bu zhe na// sprul pa'i sku yi rang bzhin ni// bden pa bzhi yi chos nying la// dbu zlum zhabs rjen rtul zhugs kyis// 'dul ba dgra bcom shAk+Sha thub// sprul pa'i sku yi rang bzhin// sprul pa'i gsung gi rang bzhin ni// brgyad khri bzhi stong rang bzhin gsung ba dang // dbye bsdu rgyu 'bras gnyen po las rbaM dgongs te sde snod gsum gsung pa// sprul pa'i gsung gi rang bzhi no// sprul pa thugs kyi rang bzhin ni/ chos nyid stong pa bden gnyis kyis// rtogs pa kun tu 'od kyis// mi dmigs ye shes mngon pa'i thugs sprul pa thugs kyi rang bzhi no// longs spyod rdzogs sku'i rang bzhin ni// gza' skar dus tshigs bzang sgo na// dag pa gsum spyod rigs gsum sgrub// rgyan dang cha lugs rdo rje 'dzin// longs spyod rdzogs sku rang bzhi ni// kri ya yo ga phyi gsang gsum// dam tshig sgrub dang grub pa yi// tan tra sde gsum du gsungs pa ni// longs spyod gsung gi rang bzhin no// longs spyod thugs kyi rang bzhin ni// mtshan med sgo nas stug po bkod// phyag rgya bzhi ldan dpal be ni/ longs spyod thugs kyi rang bzhin no// chos nyid sku yi rang bzhin ni/ sku gsum sa yi lam sbyongs nas/ snang zhing srid pa'i chos rnams kun// bdag nyid chen po chos skar 'dod/ chos nyid sku yi rang bzhino// chos nyid gsung gi rang bzhin ni// bskyed dang rdzogs dang rdzogs chen gsum/ sku dang gsung dang thugs kyi rgyud// chos nyid gsung gi rang bzhi no// chos nyid thugs kyi rang bzhi ni// gzung 'dzin bral ba'i byang chub sems// chos

  3. 139a

    nyid gsung gi rang bzhin ni// bskyed dang rdzogs dang rdzogs chen gsum// sku dang gsung dang thugs kyi rgyud// chos nyid gsung gi rang bzhi no// chos nyid thugs kyi rang bzhi ni// gzung 'dzin bral ba'i byang chub sems// chos skur bral ba'i ye shes thugs// ye nas rang byung ye she so// chos sku thugs kyi rang po zhi no// chos sku rang bzhin byang chub sems// byang chub sems kyi 'byung gnas 'di// theg pa dgu yi snying po ste// dA las ma byung gcig kyang medo// ye nas rang byung ye she so// chos sku thugs kyi rang bzhi no// chos sku rang bzhin byang chub sems// byang chub sems kyi 'byung gnas 'di// theg pa dgu yi snying po ste// nga las maM byung gcig kyang ming du da ni kun gyi rang bzhin ston// thams cad nga yis shes par bya// sems nyid rdzogs pa chen po ni// thaMd 'byung ba'i snying po ste// rang las byung ba'i chos nyid ni// rgyur yang dag la 'bras bur dag/ rgyu 'bras dag pa'i chos nyid/ dbyings dang ye shes yin pa'i phyir/ a nu yo ga bkod pa yin// sems las byung ba'i chos nyid ni/ phung po khams dang skye mched// ye nas rang rgyud dag pas na// bdag nyid chen po yin pa'i phyir// ma hA yo gar bkod pa yin// sems las byung ba'i chos nyid ni// nang rdzas lnga spong phyi lnga spyod // mtshan med ma gos ma chags kyang // ye shrIs grogasu lta ba'i phyir// yo ga zhes su bshad pa yin// sems las byung ba'i chos nyid ni yul dang dbang po phyi spangs te/ yang dri srong dag gsum gyis// ye shos sems dpa' rje ltar phyir// kri ya zhesu bshad pa yin// sems las byung ba'i chos nyid ni// mi rtag sdug bsngal stong bdag med// don ngam kun

  4. 139b

    rdzob bden pa yin// sbyang bgrong rnam pa bcu sbyong phyir// byang chub sems dpa'i mdo sder bkod// sems las byung ba'i chos nyid las// sdug bsngal kun las 'gog lam ste/ spong zhing 'geg pa'i shes pa yin// bzod pas gzung 'dzin spong 'joms phyir// nyan thos rang rgyal zhesu bkod// sems las byung ba'i chos nyid las// che ba'i ye shes byung ba'i phyir// sems nyid a nu yo gar bshad// sems las byung ba'i chos nyid las/ sangs rgyas lnga ru 'byung ba'i phyir// sems nyid ma hA yo gar bshad// sems las byung ba'i chos nyid las// phyag rgya chen po bzhis 'byung phyir// sems nyid thig le chen por bshad// sems las byung ba'i chos nyid las dza/ sku gsung rig su 'o byung ba'i phyir// sems nyid bya ba'i rgyud ces bshad// sems las byung ba'i chos nyid las// chos kyi sku ru 'byung ba'i phyir/ sems nyid rdzogs pa chen por bshad// sems las byung ba'i chos nyid las// sgra lnga 'joms par 'byung ba'i phyir// sems nyid nyan thos rang rgyal bshad// des na sems nyid rdzogs chen 'dis/ theg pa dgu nI yas phub ste// rdzogs pas rdzogs pa chen por bshad da ces byang chub sems kyi mdo 'grel chen po bcu las// theg pa yas 'bubs pa'i mdo sde dgu pa'o// // de nas 'dus pa'i tshogs de rnams la// sems dpa' chen po rdo rje nges// theg pa yas 'bubs pa'i mdo ngon gyi 'grel pa 'di gsungs// kye 'dus pa'i tshogs chen nga nyon cig/ theg pa dgu yi snying po ni// sems nyid rdzogs pa chen po ste// sems kyis ma byas chos med// thams cad sems

  5. 140a

    kyis byas par bstan// gnyen po med pa'i rang byung ye shes ni// dmigs pa med pas shin tu snyed par dka'// shes rab chos nyid rig pa thabs kyis rtogs// chos nyid rig pa gnyisu med pas bsgrubs// don dam ma yin brtags pa'i ming tsam du// thabs dang shes rab gnyis la rten 'dri yang // che ba'i ye shes mngon sum bde ba ste// rgyu rkyen med pa'i byang chub sems las byung // rdzogs chen dag gi yongasu rnal 'byor bstan// / thams cad bskyed pa'i sangs rgyas lnga po 'dis// rgyu drugu gnas pa'i se ni kun la khyab// de la gzung 'dzin log par ma rtags kyang // sangs rgyas lnga ru 'gro ba gzhan las med// rang rgyud dag pa yin par rdzogs chen gyis// rnal 'byor chen po dag tu bstan pa yin// ma skyes skye ba'i cho 'phrul 'byung ba yang // skye med rtogs na cho 'phrul dga' ba med// sku dang ye shes stobs dang mi 'jigs pa/ dus gsum sangs rgyas che ba'i yon tani// chos nyid ma bcos ji bzhin rtogs pa las// thogs med dka' ba med par thaMd 'byung // sems dpa'i rnal 'byor de la rdzogs par bshad// / snang srid rig bas mi 'dzin yongasu gtong // gzung 'dzin med par d+ho ma yin par bshad // rdzogs chen rtsol sgrub 'das pa'i las 'di yis/ mtshams kyi rgyal po mi rtog ye shes kyis// bgags kyi rgyal po rang gi rtag gas nas dang bya ba med pa las kyi rgyal mo 'di// mi brjed cing 'dzin mnyam bzhag sngags che'o/ bya ba med pa'i 'dzin pa rdo rje kI la ya/ rtsol sgrub 'das pa'i sems nyid rdzogs par bshad// gcig tu

  6. 140b

    ma nges kha dog rigs lnga ni// sems kyi bye brag phung po rnam lnga las// rigs lnga rnam shes khyad par snang ba yang // de bzhin sems nyid rdul yang g.yo ba med// rang byung ye shes chen po snang bas na// 'di ni 'byung chen lnga las gtso chen yin// ma nges gnyis ka sde la rdzogs par bshad// rig pa dgu dang brgyad khri bzhi stong ni// se na sangs rgyas 'gro ba'i lam/ gang nas spyad kyang rang rang 'bras bu skyes// chos nyid rdzogs chen mtshan ma med dbang gis// 'jig rten bde ba 'dod pa'i sti gnas ni// chos nyid mtshan ma med pas 'byung mi 'gyur// sems nyid rdzogs pa ngag gis phub ste bshad// sangs rgyas bde ba chen po'i ye shes dang // sems can nyon mongs sdug bsngal rnam pa lnga// snying po byang chub semasu mtshungs pa la// las kyi dbang gis khyad par byung zhes// nges pa med par rang byung ye shes yod pa min// ces rdzogs pa las kyi dbang du mi 'gyur bstan// byang chub sems ni kun gyi rgyu yin te// thams cad 'joms pa'i rdo rje dang 'dra// rgyu dang sa bon med pas ma skyes la// rkyen dang snying po med pas 'jig pa med// gdod ma skyes snying po byang chub la// de de rtsal snyam pas byang chub sems mi bskyod// rdzogs pa snyen pa'i dbang du mi 'gyur bstan// nyon mongs rkam chags lnga yi dbang gis ni// nyan thos rang rgyal theg chen mdo sde gsum// 'dul khrims sdom pa ma thub nyams pa yis// ta lo'i mgo bcad ljon shing mi skye dang // rdo rje theg pa dam tshig nyams pa yis// sa bon mes sregs 'bras bu gtan tshigs kyang // rdzogs chen bsrung du med pa'i dam tshig gis// gzhan dbang mi stong rgyu 'bras yod

  7. 141a

    par ston rdzogs pas nyams pa'i dbang du mi 'gyur bstan// byang chub sems kyi mdo 'grel chen po bcu las// theg pa yas 'bubs kyi mdo dang // don gyi 'grel pa dgu pa rdzog s+ho// de nas yang sems dpa' chen po des// 'dus pa'i tshogs thaMd la chos tha daM ni// byang chub kyi sems rdzogs pa chen po kho nar rdzogs pa'i phyir// yongasu rdzogs pa'i mdo 'di gsungaso// kye 'das pa'i tshogs tshan da nyon cig/ ji ltar snang ba'i chos rnams ni// byang chub sems la rdzogs pa'i phyir// byang chub sems 'di shes par gyis// byang chub sems 'di shes pa dang // chos kun rang la rdzogs shes pas// rang las byung ba'i chos rnams kun// rang byung byang chub semasu shes// rang byung byang chub sems 'di la// ma yin pa yi chos med pas// sems ma yin gyi chos yong min// ces gsungs pas// 'dus pa'i tshogs rnams rab tu yid rang ste// kun 'dus pa'i tshe kyis zhus pa/ e ma ho// sems dpa' rdo rje kun tu bzang // ji ltar snang ba'i chos rnams kun// sems yin sems men chos men nam// bdag cag 'dus tshogs semasu yang // chos kun rab tu 'dus lags sam ces zhuso// de nas sems dpa' chen pos don 'di gsung so// kye 'dus pa'i tshogs chen 'di dag la// 'di yis don kun rig par gyis// snang chos rgyu ni 'byung chen lnga// 'byung lnga rgyu ni byang chub sems// sems kyi chos kun snang bar bskyed// sems mi snang la chos mi snang // des na sems snang cho su 'dus// sems la cig las yong ma yin// sems la gcig tu khyab pa'i phyir// sangs rgyas ye shes thugs kyang sems// son bag chags yid