dpal rdo rje 'jigs byed kyi rtog pa'i rgyud kyi rgyal po
Śrībajrabhairabākalpātantrarājā
Text
ff. 134a–142a · 17 folio sides
- 134a
bskyed pa'i rgya mi bye brag na// mtha' mar bstan te sdom gsum mo// mtshon par byed pa'i bdag nyid de/ mtshon tu sngon bstan ning yin no// gshin rje gshed nan pa las thams grub par byed pa'i 'khor lo'i rgyud/ / rgyud kyi rgyal po chen po rdzogs so// @rgya gar skad du/ shrI badz+ra b+hai ra bA kal+la tan+t+ra rA dzA/ bod skad du/ dpal rdo rje 'jigs byed kyi rtog pa'i rgyud kyi rgyal po/ ngag gi dbang phyug la phyag 'tshal lo// de nas 'di ni bshad bya ba// ji ltar 'gro rnams zad byed pa// sdug bsngal rnams mthar byed pa yi// bsgrub bya'i thabs chen mchog gyur pa/ / gsang sngags de las 'byung bar 'gyur// dang mo rnam par snang mdzad do// de dang nye bar ngag dbang phyug/ rdo rje 'khor lo sgyur ba'o// gdon gyi bdag dang 'byung po yi/ mgo dang mtha' ma gnyis ldan bya/ / mchod rten sreg byed mtha' dang bcas// gzhan du shes par mi 'gyur ro// rdo rje can gyi mtha' la gnas// yi ge 'bum phrag khri brjod na// nyams pa thams cad sel byed cing / zhi dang rgyas dang dbang mngon spyod/ / gsod dang skrod dgug dbye rengs dang // dman par byed dang rgyal srid sogs// thob pa nyid la the tshom med// dur khrod tshang tshing khrod ngogs rtsub// shing gcig khang stong mtshan gcig dben/ / gang 'dod gnas su bsam gtan brtsam// de nas bcom ldan 'das chos thams cad la khyab pa me long lta bu zhes bya ba'i ting nge 'dzin la snyoms par zhugs te/ sku dang ye shes thams cad
- 134b
la khyad par bya ba'i phyir/ sku mdog dkar po zhal dang ldan par byas nas/ 'jig rten pa thams cad la gzigs nas/ rang gi rigs kyi yi ge nyid brjod pas sku dang / gsung dang / thugs dang / yon tan dang / bsran las dang / ye shes kyang gcig gis ngo bo sprul pa'i skur gyur to// kye ma bcom ldan rdo rje che// don rnams bskyed pa yang nyid do// mkha' dkyil 'od kyis 'gengs 'gyur ba// slar zhing kha dog lnga ldan pa/ / sa bon sngags kyis bskul ba yi// 'od kyi rtse phran thub pa'i sku// kun kyang sangs rgyas gnas las skyes// rang la zhugs pas sku rdzogs gyur// zhal drug khro gnyer rab brjid ba/ / ma do'i zhal ldan steng gnas pa// 'jam dpal zhal ni 'dzum bcas bzhugs// lhag ma dkar dang ser dang dmar// dur po'i mdog mtshungs gyen skar ldan// thod pa skam rngon rgyu ma sprul rus pa rdo rje'i 'phreng bas brgyan/ / glang chen stag lpags gyon nas ni// hUM phaT glur len gad mo can// nam mkha'i lus can khro bo'i sprin// yang dang yang du spro byed pa'o// phyag drug rab tu brjid pa yin/ / dbyug pa tho ba gtun shing dag/ g.yas pa'i phyag gis rim bzhin 'dzin// dgra sta dang ni lcags kyu dang // zhags pa g.yon pa'i phyag gis 'dzin// pad+ma na ma ma he dang // gshin rje'i steng na 'gying bka can/ / zhabs drug g.yon brkyang gar gyis gnas// 'jig rten bdag po mthar mdzad pa'o// de ltar gang zhig dang ba dang // blo ldan g.yo sgyu rab spangs shing / legs par
- 135a
dbang rnams thob byas nas/ / rdo rje slob dpon mnyes byed pas// yang nas yang du dran byed na// bstan pa chen po thob par 'gyur// lha yi dge 'dun nga la nyon// dang po chang la rab dga' zhing / / sha chen rtag tu mur byed na// las rnams de yis myur du 'grub// sku na du ma 'phro byed cing // sku la sku rnams nges thim byed// thams cad sgyu ma nyid shes pas// 'jig rten rnams su yid sad byed/ / khong stong kha dog dkar ba ste// rgyun du rlung ni 'dzag par byed// chu skyes dmar po kha sbyar gnyis// yan lag gnyis kyis legs par btsun// shes par 'phel ba me dang rlung // nyi ma zla ba thabs ldan dang // shes rab ldan par shes par bya// gnyis po de nyid rnam spangs na/ khong du chud par mi 'gyur ro// chu skyes kha sbyor la brten te// gsum gnas pa yi ting 'dzin la// rdo rje chos kyis btab pa yi// thabs dang shes rab grol ba'i rgyu/ / blo ldan 'das pa shes par 'gyur// de phyir de la brtson par bya// chos rnams chos nyid dbyer med pas// stong pa nyid kyi ye shes che// mi shigs rtog bral mtshan ma med// bde chen ye shes rdorje sku/ / ye shes mi rtog rtog pa bral// rtog pa'i mtshan nyid thams cad sreg/ spros pa'i mtshan ma mtha' dag ni// ji snyed sgyu mi'i rnam par shes// de nyid shes nas grol ba'o// ma shes pas ni phyir zhing 'khor// 'jig rten skye bo blo ldan 'gas// nges par rtogs pa thabs kyi mchog/ sdug bsngal chen pos rab 'jigs nas// bde ba 'dod pas nan tan bya// dpal rdo rje 'jigs byed kyi rtog pa'i rgyud kyi rgyal po las/ thabs dang
- 135b
shes rab kyi bsam gtan bstan pa'i le'u ste dang po'o/ / // de nas yang dag bshad bya ba// sngags grub pa las byung ba yi// las rnams 'dir ni shes bya ste// der ni lha yi sku yang sbyar// zhi sogs bzlas pa'i rim pa la// rdo rje'i dbus su rdo rje ni// nyi zla la brten yi ge yi// 'phreng ba kha dog lngar shes pa// skyen bul spangs nas klag pa ni// mkhas pas bzlas pa'i rim pa'o// drag po'i las rnams sgrub pa la/ / nyon mongs gcod pa'i 'khor lo ni// sngon po rtse rtsibs bcu pa la// 'od zer sna tshogs 'phro bar bsam// zhi bar 'dod pa'i skyes bu des// sems ni yang dag mnyam bzhag nas// sngags kyi 'od kyang 'gro gzhan la/ / phan pa'i yid dang ldan par bya// gro ga ras dang shing shun la// gur kum gi'u waM dri rnams kyis// mchod rten rim pa lnga ldan zhing // gdugs dang 'khor lo ldan par bya// sgrub pa po yis ming dang rus// de yi bum pa'i nang du bri// rten 'brel snying po la sogs pa'i// sngags kyis g.yon nas bskor ba bri// cig shos g.yas ras g.yon du bri// de la spel tshig med pa 'am// yang na 'khor lo'i bar du gzhag/ 'khor lo kun la kha sbyor gnad/ / rab tu gnas par byas nas kyang // lus sam mgul lam gang bder gzhag/ des ni gdon dang byad snyems dang // rims dang yams rnams sel bar byed// gang zhig yul rnams gzhom 'dod na/ / hUM gi sa bon dang ldan par// ming yig tsam po bri bar bya// so phag phye ma ldong ros dang // ba bla ma he'i khrag gis brdzis// zla gam gnyis pa'i gzugs byas te// bar du gang 'dod sgrub pa yi// gzugs
- 136a
brnyan sor brgyad pa yi tshad/ / byas la gan kyal du bzhag la// ma he gdong gi sbyor ba yis// khri phrag gcig tu sngags bzlas nas// dum bu dum bur gtubs byas te// chu bo'i gzhung du gtor byas na/ / skad cig de la de dbang 'gyur// bya rog 'ug pa'i gzugs byas te// ma nu ma li ro tsa nas// khyo shug bsgrub bya'i ming bris te// gshin rje'i phyogs bltas gsang sngags gdon// rkang pa g.yon pas mnan nas ni/ / mi yi rje ngar phur bus gdab// skad cig tsam la de dag dbye// de nas 'dir ni bsad pa yi// cho ga'i rim pa bshad par bya// zhal drug phyag drug zhabs drug pa'am// yang na zhal bzhi phyag bzhi pa 'am/ zhal gcig phyag gnyis pa yang rung // ma he'i gdong pa'i sbyor ba yis// khrag rnams sna tshogs tha dad dang // bsgrub bya'i rjes dang dug gi rigs// rta dang ma he bong bu'i chus// sbrus pa'i bsgrub byi'i ling ga bya// lus la tsher mas gzugs bya zhing // til mar gyis kyang bsku bar bya// yang na shing lo gro ga 'am// dur khrod ras sam shun pa la// rang nyid gcer bu skra bshig nas// lus ni thal bas byugs bya ste// mngon sum khros nas sha chen bza'/ / rab tu zhim pa'i chang btung zhing // nag po'i tshes kyi mtshan phyed dus// 'khor lo bri bar brtsam par byas// tshe bcu gnyis 'khor lo ni// hUM dang hrIHSh+T+rIHdbus su dgod// Na yo ni ra rtsibs mtshan la/ / yungs kar til dang skar chu dang // rta dang ma he khyi khag khrag/ bya rog 'ug pa'i sgro yis bri// yi ge ya yi lto bar yang // ming dang rus su ldan pa bris// phyogs bzhir yi ge bcu pa ni// ming dang bcas
- 136b
pa bri bar bya/ / brgyad po dag la rim pa bzhin// yi ge 'di dag bri bar bya// oM ya ma rA dza kA la ru pa a mu ka mA ra ya hUM hUM phaT phaT swA hA/ yi ge rnams la bskor nas ni// bsgrub bya gzugs dang ldan pa bri/ de yi mu khyud dag la ni// yi ge bcu pa ming bcas bris// phyogs bzhi rtse gsum rdo rjes mtshan// de bzhin rdzas rnams ma lus pas// 'khor lo lte bar ldan pa bri// gshin rje'i gzugs ni ral gri dang // dbyig pa 'dzin pa bris nas ni/ / de dang de nyid lto sbyar la// mtshan ngan thod pa'i nang du gzhug/ tshe gsum ske tshe dug mu zi// ro zhes bkang nas dkyil 'khor ni// gru gsum dbus su gzhag par bya// yungs dang bra bo sA lu nag dza b+ha bra bo sogs rnams la/ / gsang sngags rgyal po brjod byas te// dro'am du ba 'thul bar 'du// rims dang rims kyi khrag rnams ni// ma lus zad par 'thung ba yi// ma yengs par ni bsam gtan bya// yang na bsgrub bya za bar mthong // shing gcig rtsar ni rengs pa dang // mal 'og tu ni zha zhing lkugs// chu mdor 'byed cing ri rtse bskrad// gsad pa ma thabs 'og tu swa// dbug pa la ni sgo khang 'og/ lha 'am 'khor sbyar ba'o/ / bde gnas rnams kyis dbang du 'gyur// mar khu chen po thod pa yi// nang du blugs nas bskol byas te// bzhar pas mig la byug byed na// mngon shes de nyid myur du 'thob// rigs ldan rgyal po las rnyed cing / / mdog ldan lang tsho gsang bkug la// tsan dan lde gu mar byas te// las kyi sbyor bas de nyid bcing // yang na me la gdung bas 'grub// oM badz+ra kro d+ha ya ma rA dzaH/ badz+ra kI li kI la ha na ha na
- 137a
mA ra ya phaT/ ces bya'i gsang sngags brjod byas la// rus pa'i phur pa gdab par bya// gsal shing la btsugs skyes bu yi// rdzas la brten te bsgrub par bya// til mar byugs/ la thod pas bzhar// mar ma byas pa'i dud pa yis// mig rnon dag ni 'grub par 'gyur// gsang sngags rgyal po thogs med la// bsten pas thob bya mang yod kyang // 'di ni brjod pa ci zhig dgos// yang na 'di ltar shes bya ste// rang nyid sngags dang ting 'dzin ldan// brtson chen gzhan du ma yengs pas// gang du brtsams pa de 'grub 'gyur// smad 'tshong rang byung nyid kyis ni// sngon bstan tsakra legs bris te/ / ling ga'i snying khar bcug byas la// rang mdun khrag gi zla gam ste// khrag gis byugs pa'i steng du gzhag/ mi 'am rgyal po'i bu mo dag/ dgug dang dbang gi yi ge yis// de nyid du ni nges par 'gyur/ / nyal ba'i 'og tu mnan par bya// mi glang ra khyi bas phag khrag/ 'khor lo bris nas lang ga yi// mgrin par bcug nas bya rog gi/ khrag gis khrag skyugs sngags bris nas// yi ge de ldan thod pa rung // bcug nas gsang sngags mang bzlas te// dur khrod me thab 'og bzhag na// khrag skyug pa la the tshom med// bsros na tsha ba'i nad kyis 'chi// sbal khrag pha wang klad pa yis// 'khor lo de nyid legs bris nas// ling ga'i mchan khung g.yon bcug la// g.yas g.yon sbal khrag glang khrag byugs// ling ga'i phyogs su rang nyid kyi// rkang pa g.yon pa'i mthe bos mnan// de tshe
- 137b
bzlas pa mang byas nas/ / rgya gram lam du mnan la gzhag/ de nas bzlog pa bris nas ni// shing gcig khong par sbas na rengs/ rnga mo bya rog rgan po'i khrag/ 'khor lo bris nas ling ga yi// rkang gnyis bar bcu ga rang mdun du/ khrag gis rnga mi gzugs bris te// de yi steng gzhag rang nyid kyis// rlung gi bsam gtan nges ldan na// bskrad pa nyid du the tshom med// ri bo'i rtse la 'dzegs te sra// neru le sbrul rta ma he dang / / bya rog 'ug po'i khrag gis ni// khyo shug rkang pa'i rjes spras pa'i// ling gsor brgyad par byas te// khrag des bris pa'i 'khor lo dag/ snying khar bcug pa gnyis byas te// ne'u le gzugs byas steng du gzhag/ lag gnyis rta dang ma he yi// rus pas brdung zhing gsang sngags bzlas// rtse drung shing khar sbas na 'byed// tsan dan dkar pos legs bris nas// gser sogs rin chen rdzas su grol/ / mdun du zla ba'i gzugs stengs su// bzhag pa nyin re bskor ba ni// ji srid byas na bsrung bar nges// spyi bor btags na g.yul las rgyal// rkang par btags na chu stengs 'gro// ba yi'o/ mas khrus byas te// ku sha ba mar sogs mchod nas// gsol btab nad rnams thams cad bsrung // de nas bcom ldan 'das las phra ba thams cad las rgyal ba zhes bya ba'i ting nge 'dzin la snyoms par zhugs nas/ las thams cad kyi rjes su 'gro ba'i sngags 'di sku dang / gsung dang / thugs rdo rje las phyung ngo // mA ra ya phaT/ ces pa gsad pa'i'o// bi dwe Sha ya/ dbye ba'i'o// uts+tshu Ta ya/ bskrad pa'i'o/ oM
- 138a
hA ya/ rmongs pa'i'o// wa sha~M ku ru/ dbang du bya ba'i'o// s+thAm+b+ha ya/ mnan pa'i'o// A kad+ha ya dzaH/ dgug pa'i'o// oM hrI swAhA/ kha dang lag pa bshal ba'i sngags so// mar+tha hAHSh+TAHwa kr-i tA na na hUM sarba sha trun nA sha ya stam+b+ha ya phaT phaT swA hA/ / snying po'i sngags so// oM gr-iHkA la rU pa hUM khaM/ nye bo'i snying po'o// oM hrIHkruM bruM sU dz+dza hUM gaH/ snying po dam pa'o// oM hrIHhAd+ho ma hA kro d+ha bats+tsha gats+tsha smat+su dza pr-i ti grih+Na pra sA da~M dai bi mAM ku ru swA hA/ spyan drang ba'o// oM hrIHSh+T+rIHyon chab bo// oM hUM phaT phaT/ zhabs bsil/ oM sarba duSh+Ta satwa da ma ka ga ga/ zhes pa dri chab kyi sngags so// oM ku mA ra ru pi Ni dzaHdzaHhUM phaT/ me tog 'bul ba'i sngags so// oM hrIHhaHhe phaT/ bdug pa'i 'o// oM kA la ru pa sarba duSh+Ta sa twa da ma kaM ma hA b+hu ta pa ti i maM ba ling grih+Na grih+Na pa ya swA hA/ gtor ma'i sngags so// / oM hIp+ta lo tsa na bau kri tA na na ma hA twAt+tA hA sa nA dI ni dIp+ta ya swA hA/ mar mo'i sngags so// oM dzaM ya dza ya su dza ya bi shwa ru pa d+hA ri gats+tsha gats+tsha swa s+tha na kr-i taM te na ta thA ga tash+tsa bi sardza ya ma ma kAr+ya ku ru swA hA/ zhes pa gshegs su gsol ba'i sngags so/ / de nas rdo rje 'dzin pa nyid chos thams cad kyi rjes su 'gro ba dang log pa zhes bya ba'i ting nge 'dzin la snyoms par zhugs nas/ gsang sngags yongs su rdzogs pa'i 'phrin las 'di nyid bka' stsal to/ / nam mkha'i dbyings kyi dbus gnas par// hUM las yongs su rdzogs pa yi// rdo rje 'jigs byed bsam par bya// dmar po zhal gcig phyag gnyis pa// srin po rab tu khros pa 'dra// dbyug
- 138b
pa thod khrag phyag na 'dzin/ / ma he pad+ma nyi ma la// g.yon brkyang ba yi tshul gyis sgom// oM ya mAn+ta krita hUM phaT/ gsang sngags rgyal po 'di bzlas na// 'dod pa'i dngos grub thams cad 'byung // nam mkha'i dbyings su dbus gnas par/ / ya yig sngon po las skyes pa'i/ khro bo rdo rje 'jigs byed ni// pad+ma zhi mi gdan stengs na// sems dpa'i skyil krung gis gnas pa'i// gri gug bin+di pa la dang // dgra sta dang ni khrag dang / / phyag bzhi po na rim pas 'dzin// ma he nag po'i zhal steng na// 'jam dpal zhal ni ser zhing 'dzum// dpa' bo chen por nga nyid sgom// rab tu zhim pa'i chang btung zhing // sha chen dag kyang mu ra bar bya/ / mtshan mo dur khrod rgyu byed cing // rtag par gsang sngags bzlas par bya// thig le 'dren pa'i rnal 'byor ni// bsgrub byir phyogs su bsam par bya// las rnams myur du 'dis 'grub bo// yang na 'di ltar shes bya ste/ / ma ge gdong gi sbyor ba yis// sku yi kha dog so sor shes// khyad par du ni bsad pa la// nag po ma he'i zhal can ni// rtse gsum lcags kyu 'dzin pa ste// ma se sha steng bsam byas na/ / khrag 'dren pa yi mchog tu gsungs// res 'ga' sku la khro bo ni// lcags kyu 'dzin pa grangs med spro// zla ba spyang kis zin dus su// byi la'i sder mo ra snying dang // byi ba'i khrag dang maM rus bsre/ / gang la phog pa spro bar 'gyur// dpal rdo rje 'jigs byed kyi rtog pa'i rgyud kyi rgyal po las/ sbyor ba'i le'u ste gnyis pa'o// // de nas yang dag bshad bya ba//
- 139a
sgrub par byed pa'i rnal 'byor pas// dur khrod ras sam dpa' bo'i gos// yang na mtshan gyi khab ma la// rnam snang mdzad dang rdo rje chu// dpa' bo'i khrag dang chang dang dug go ro tsa nas ras chos bya/ / log par dam por drud byas te// lus ngab yid kyi gnas su ni// bdud rtsi lnga dang ldan pa'i chus// yi ge oM dang AHhUM bri// skra phyed dur khrod sol ba dang // khrag chen ldong ros pa bla yis/ / dbang thob dam tshig srung byed cing // shin tu gsang la dam pa yis// ri mo mkhan ni brtson ldan des// rgyud kyi don la mkhas byas nas// nag po'i dus kyi mtshan phyed dus// gsang ba'i gnas su rab zhugs nas// bcom ldan rdo rje 'jigs mdzad bri// rtsa ba ma he khros pa'i zhal// de stengs 'jam dpal 'dzum pa'i zhal// lhag ma dkar dang ser dang dmar// dur ba'i mdog mtshungs gyen skra can/ / rab tu brjid cing khro ba'i zhal// drug dang ldan par sku lus che// thod pa skam rlon rgyu ma sprul// rus pa rdo rje'i 'phreng bas brgyan// glang chen stag lpags gyon nas ni/ pad+ma nyi ma ma he la// gshin rje mnan nas zhabs drug gis// g.yon brkyang g.yas bskum gar gyis 'gyings// phyag drug g.yas kyi dang po na// rtse gcig gnyis pa tho ba ste// gsum pa gtun shing mkhar la 'phyar/ / dgra sta lcags kyu zhags pa ni// g.yon pa'i phyag gis 'dzin pa bri// nam mkha'i mdog can thal bas byugs// sku la khro bo du ma 'phro// sna tshogs mchod pa'i lha mos bskor// legs par
- 139b
de ltar bris pa yi/ / rgyab dang phyogs rnams thams cad du// dur khrod chen pos bskor ba bri// mgo dum rgyu ma mkha' la khyer// rkang dum lag dum ro langs dang // wa dang spyang ki gtum po dang / mkha' 'gro pho mo sha za'i tshogs// byA dang gcan gzan sna tshogs bri// skyi bung rab tu 'jigs bris nas// der ni sgrub pa po yang bri// gri thod bzung nas sha chen mur// gos nag gyon nas khrag chen 'thung / / rta dang ma he'i rus pa yi// 'phreng ba bzung nas gsang sngags 'don// bcom ldan 'das la lta ba bris// de ltar bris nas chang dang khrag/ sha chen go ro tsa nas mchod// mnyam gzhag lha yi dge 'dun des/ / dus gsum rgyun du mchod byed na// rdo rje 'dzin pa myur du thob// sbyin rab tu sba zhing gsang // pan yon dam pa 'di la 'byung // dpal rdo rje 'jigs byed kyi rtog pa'i rgyal po las/ bris sku'i le'u ste gsum pa'o// // de nas yang dag bshad par bya// rtog pa ma lus zad byed cing // las rnams thams cad 'grub 'dod pas// blo ldan sar sna rnam spangs te/ / brtul pod g.yeng ba rnams spangs nas// sbyin sreg las la rab brtson bya// mtshal dang ba zla ldong ros dang // shan po'i go thal dur khrod sa// mi dang ma he'i khrag gis rdzi// khru ro pa la khru phyed rtsig/ gru bzhi'i steng du zlum po ni// rdo rje rgya gram ldan byas la// de steng 'khor lo rtsibs drug la// mtshan ma drug ni dgod par bya// lte bar ma yi dkyil 'khor ni// mtho gang tshad du byas
- 140a
pa la/ / ma dor khrag gis legs par byag/ bdag nyid lho yi phyogs bltas te// ma he zhal gyi sbyor ba yis// thab kyi nang gi lte ba la// me yi sa bon mngon bltas la// bskal pa'i ma chen lta bur sgom/ / der ni me lha bsgom bya ste// zhal gsum phyag drug nag la rtsub// phyag gnyis rang 'dra'i yum la 'khyud// g.yas pa'i phyag gis 'gro rnams la// skyabs sbyin mdzad cing bgrang 'phreng 'dzin// g.yon pas ril ba mchog stsol brtson// zhabs drug rigs drug mtshan ma brdzis// zhal nas me rnams rab 'phro zhing // 'od rnams sna tshogs rnams kyis brgyan// de ltar shes nas rab bsregs na// 'dod pa'i don rnams rab tu 'byung / / dgra bo'i gzugs rnams sha chen dang // chang dang ma he'i khra ba bcas pa// stong phrag gsum du bsregs byas na// bsgrub bya khrag tu skyugs nas 'chi// glang po rta bong khyi sha la// stong phrag gsum gyis dbang ba byed/ / bya rog 'ug pa khyi sha chu// bsregs na me lha 'byed par 'gyur// til dang nas gro sA lu// yung ba ge'u waM so phag rnams// stong phrag drug tu gang bsregs pa// longs spyod bsam can rnyed par 'gyur/ / rta dang rnga mo bya rog sha// mi sha rdo rje chur bcas pa// gsang sngags rnal 'byor ldan byas te// brgya rtsa brgyad kyis nges par skrod// ra sha daN+Da ut+pa la// chang dang ma he'i chur bcas pa/ gang 'dod brgya rtsa brgyad kyis lkugs// dug dang khrag dang sgog pa dang // sha chen til mar rab sbags te// brgya rtsa brgyad du bsregs byas na// pha rol gzhan gyi gsang sngags gcod// tsan dan dkar po 'bras
- 140b
dkar dang / / til can 'bras can yungs kar dang // ut+pal ka ra ga pur dang // shar du bltas te brgya rtsa brgyad// bsregs na dus rnams kun tu srung // gang zhig bya ba'i rigs sogs dang // sngags rnams bsam gtan nges ldan pas/ / snying rje'i yid ni ma bral na// 'dod pa thams cad 'dir bsgrub bya// gzhan du rmongs pa'i byas pa bslu// blo gros med gang shes rab 'chal// sngags dang dam tshig dman gyur cing // ting nge 'dzin la mngon g.yel ba// brtson pa chung zhing lhod pa 'gas// bskal pa stong du bsgrub byas kyang // 'bras bu yod pa ma yin te// sha thang chad pa nyid du zad// dper na blo zhan byis pa rnams// 'ga' zhig 'bras 'dod 'khrul gyur nas/ / phub ma rlung khar byed pa la// 'bras yod nam yang mi 'gyur zhing // ji ltar sprin dang chu zla dang // dbang po'i gnu rnams rtag min te// thar pa 'dod pa'i bya ba yang // sgyu ma nyid la sgyu ma rol// ye shes gcig su rnam grol rgyu// stong pa dpag par zlos mi nus// de la spyad cing gzhal bzod na// brtags pa'i snying po de la med// de la dngos rnams ma grub na// sgrub pa'i rwa mo gzhan smos ci dgos/ / bya ba dang ni byed pa dag/ nges par de la brtag mi bzod// ngam grog g.yang sar lhung yang bla'i// chad par rtog pa 'di mi bzod// rtag pa nyid kyang rigs min te// dngos po yod par gal 'gyur/ / dper na byis pa rnams la mas// sa 'dir sdong dang ma nyid kyis// 'bras bu shing thog mar blangs la// khyod la med pas sbyin zhes brjod// de bzhin rnam pa du ma yang // 'jig rten rtog pa tha dad pas//
- 141a
de dag drang bar bya phyir bshad// bcom ldan lha yi lha mdun du// sha chen po yi zhal zas dang // chang dang til mar ma hi'i khrag/ rab tu zhim pa'i zas mchog rnams// dus rnams rtag tu dbul bar bya/ / gsang sngags rgyal po yi ge bcu// bdag gis rgyun du 'don bya zhing // bsam gtan rtag tu brtson par byas// de ltar shes shing sgrub byed pa'i// skyes bu blo ldan de yis ni// sangs rgyas nyid kyang myur 'grub 'gyur/ / zhi sogs las la smos ci dgos// grong khyer dkrug na sngags pa des// khyi sha sbal sha rus sbal sha// rnga mo byis pa'i sha rnams la// stong rtsa brgyad du bsreg par bya// rta sha tri chen rab sbyar nas// ral bu byas nas bdag mdun du// gsang sngags rgyal po bzlas byas nas// brgya rtsa brgyad du bsregs pas ni// rgyal po dbang du byed par 'gyur// bud med dbang du byed 'dod nan/ / nya sha chang dang sha chen rnams// rdo rje chu yis sbags byas te// brgya rtsa brgyad du bsreg par bya// tha mal dbang du byed 'dod na// sha chen glang po sha dang bcas// byang chub sems dang rab bsres te// stong phrag brgyad du bsreg par bya// dgug pa dus rnams thams du// khyi sha nya sha bdud rtsi lnga// cha mnyam ril bu byas nas ni// brgya rtsa brgyad du bsregs na 'gugs// sbyin sreg rnams thams cad kyang / ma ge zhal gyi sbyar bas ni// gsang sngags rgyal pos 'dod pa sbyar// ma yengs rtse gcig sems kyis bya// gsungs dang ma gsungs mtha' dag kyang // ji lta ba yi rim pa yis// rgyud kyi rgyal po nyid nyer
- 141b
gnas/ / sangs rgyas 'bras bu myur du thob/ zhi la zhi ba'i sems kyis te// rgyal po lta bur rgyas pa la// sdang bral chags pas dbang la'o// drag po'i las la khro zhing rtsub// rab tu gtum par yid kyis ni/ / gsod pa'i sems dang ldan par bya// gang zhig ltos pa med pa'i mi// grub pa myur du tshol byed na// sems kyi rang bzhin rnam dag pas// rdo rje 'dzin par de 'grub 'gyur// dngos po gang dang gang spyod yul/ / de dang de yi rang bzhin 'gro// mnyam gzhag nyams par mi bya la// dus rnams rtag tu rnal 'byor pas// shin tu mnyam par gzhag par bya// de ni thar pa nyid kyi rgyu// rgyud kyi rgyal po 'di la ni// 'dod pa'i dngos grub myur byed de// dka' ba med pa'i thabs 'di ni// dka' spyod brtul zhugs rnam spangs te// shin tu bde bar sgrub pa'i thabs// duHkha 'jigs med bdud rtsi'i ro// blo ldan legs par blang bya ste/ / shin tu 'dad pas bsgrub pa bya// mi shes blo gros rmongs pa 'ga'// rtog pa'i dra bas bsgribs pa'i tshe// bsod nams dang ni sdig pa yi// phung po rnam pa gnyis su brtags// 'on kyang 'dod pa thams cad ni/ / rgyud mchog 'di las 'byung 'gyur phyir// dmar zhing brtson pa chung ba 'ga'// 'di la zhugs na myur du 'grub// de bas ngo mtshar rgyud 'di ni// rnyed dka' khyad par mchog gyur pa// yi ge'i dbyibs kyang mi bstan na// bshad cing 'grol ba smos ci dgos// dbang rnams nges par ma blangs shing // bla ma mnyes par ma byas tshe// bstan kyang thos par mi 'gyur te// tsha ba la sogs 'khor bar
- 142a
'khor/ / de skad ston pas bshad pa'i tshe// de rnams myos shing brgyal rmongs te// kun kyang 'dud cing mgo bo smad// 'jig rten 'di ni shin tu g.yos// gang zhig rgyud 'di nyan pa dang / / shes nas 'chang bar byed pa dang // dus rnams kun tu 'don byed na// tshe 'dir 'jigs pa kun bsal te// shi nas mtho ras myur du 'thob// gal te gzhan du rgyud mchog 'di// bstan nam bshad dam gsal phye na/ / de ni sdug bsngal mang myong nas// shi nas myur du dmyal bar 'gro// rang gis shin tu bcang bya zhing // dngos grub nyid bzhin mngon byas na// sdug bsngal mtha' dag nges zad nas// myur du bla med thob par 'gyur// dpal rdo rje 'jigs byed kyi rtog pa'i rgyud kyi rgyal po las/ sbyin sreg gi rim par phye ba'i le'u ste bzhi pa'o// // dpal ldan rdo rje 'jigs byed kyi rtog 'i rgyud kyi rgyal po las kyi dngos grub brtag pa zhes bya ba rdzogs so/ / / paN+Di ta chen po a mo g+ha'i zhabs nus pa can dang / bod kyi lo tsa ba mar sa ban rje chos kyi dbang phyug grags pas bsgyur cing zhus pa'o/ / slad kyis grub thob chen po kaR+Sha shri'i zhal snga nas mnyan te// thar pa lo ts+tsha ba nyi ma rgyal mtshan gyis bsgyur cing zhus te gtan la phab pa'o// rgya gar skad du/ shrI rak+ta ya mA raM tan+t+ra rA dza nA ma/ bod skad du/ dpal gshin rje gshed dmar po zhes bya ba'i rgyud kyi rgyal po/ dpal gshin rje gshed dmar po
Colophon
dpal ldan rdo rje 'jigs byed kyi rtog pa'i rgyud kyi rgyal po las kyi dngos grub brtag pa zhes bya ba rdzogs so/ /paN+Di ta chen po a mo g+ha'i zhabs nus pa can dang / bod kyi lo tsa ba mar pa ban d+he chos kyi dbang phyug grags pas bsgyur cing zhus pa'o/ /slad kyis grub thob chen po kar+Na shrI'i zhal snga nas mnyan te/ thar pa lo ts+tsha ba nyi ma rgyal mtshan gyis bsgyur cing zhus te gtan la phab pa'o